(1) Allaah A'zzowajal To Hamaare Liye Goli Kha Kar Sogaya, Aisa Kehna Sareeh Kufr Hai.
(2) Pyaar Aisa Hai Ke Khuda Ko Bhi Hairat Hai, Aisa Kehna Bhi Kufr Hai.
(3) Fulaa'n Ki Harkato'n Se To Allaah A'zzowajal Bhi Pareshaan Hai, Aisa Kehna Bhi Kufr Hai.
(4) Fulaa'n Ko Paida Karke To Allaah A'zzowajal Bhi Pachhta Raha Hai, Aisa Kehna Bhi Kufr Hai.
(5) Woh To Allaah A'zzowajal Ke Pichhwaade Rehta Hai, Aisa Kehna Bhi Kufr Hai.
(6) Khuda Ko Makhlooq Kehna Bhi Kufr Hai.
(7) Khuda Ka Bandah Banne Se Inkaar Karna Bhi Kufr Hai.
(8) Khuda Ki Nafi (Ya'ni Inkaar) Karna Bhi Kufr Hai.
(9) Kisi Shakhs Se Kehna Ke "Tu Khuda Ko Bhool Ja" Kufr Hai.
(10) Rab Roothta Hai To Roothe Mera Mehboob Mujhse Na Roothe, Aisa Kehna Bhi Kufr Hai, Aise Jumle Aksar Filmi Gaano'n Me'n Iste'maal Hote Hai'n, Ma'ni Jaanne Ke Baawajood Log Aise Gaane Khushi Se Bajaate Aur Sunte Hai'n Un Sab Par Bhi Hukm e Kufr Hai.
(11) Allaah A'zzowajal Khata (Galti) Karta Hai, Aisa Kehna Bhi Kufr Hai.
(12) Allaah A'zzowajal Me'n Koi Naqs (Khaami) Hai, Aisa Kehna Bhi Kufr Hai.
(13) Allaah A'zzowajal Ke Kisi Shay Me'n Hulool Karne Ka Aqeedah Bhi Kufriya Hai.
(14) Allaah A'zzowajal Ki Taraf Zulm Ki Nisbat Karna Ya Use Zaalim Kehna Kufr Hai.
(15) Kisi Ne Kaha Ke Allaah A'zzowajal Jaanta Hai Ke Mai'n Ne Yeh Kaam Nahee'n Kiya, Haalaa'nke (Usko Ma'loom Hai) Ke Woh Kaam Usne Kiya Hai, Aisa Kehna Bhi Kufr Hai.
(16) Allaah A'zzowajal Ke Naam Ki Tasgeer Karna Kufr Hai, Jaise Kisi Ka Naam Abdullaah Ya Abdul Khaaliq Ya Abdur Rehmaan Ho, Use Pukaarne Me'n Aakhir Me'n Alif Wagairah Aise Huroof Milaade'n Jisse Tasgeer Samjhi Jaati Hai, Tasgeer Ka Matlab Hai Kisi Shay Ko Chhota Karke Bayaan Karna, Jaise Kitaab Se Kitaabcha, Mukh Se Mukhda, Kamar Se Kamariya, Rupiya Se Rupalli, Aa'nkh Se A'nkhadi, Nagar Se Nagri Ya Nagariya Wagairah Wagairah.
(17) Allaah A'zzowajal Keliye Maanna Ke Woh Sota Hai, Yeh Bhi Kufr Hai.
(18) Allaah A'zzowajal Keliye Maanna Ke Woh Oo'ngta Hai, Yeh Bhi Kufr Hai.
(19) Allaah A'zzowajal Keliye Maanna Ke Woh Bahekta Hai, Yeh Bhi Kufr Hai.
(20) Jo Shakhs Duniya Me'n Allaah A'zzowajal Se Kalaam e Haqeeqi Ka Muddayi (Da'wedaar) Ho Woh Kaafir Hai.
(21) Yeh Kehna Ke Allaah A'zzowajal Ka Ilm Qadeem Nahee'n Hai, Aisa Kehna Kufr Hai.
(22) Allaah A'zzowajal Keliye Baap Maanna Kufr Hai.
(23) Allaah A'zzowajal Keliye Beewi Maanna Kufr Hai.
(24) Allaah A'zzowajal Keliye Beta Maanna Kufr Hai.
(25) Agar Koi Allaah A'zzowajal Keliye Baap, Beta Ya Beewi Hona Mumkin Maane Woh Gumraah Wa Bad Deen Hai.
(26) Agar Zarooriyaat e Deen Me'n Se Kisi Cheez Ka Munkir Ho To Kaafir Hai, Jaise Yeh Kehna Ke Allaah A'zzowajal Ajsaam Ke Maanind Jism Hai Ya Kahe Jaise Hamaare Haath Ya Paao'n Hai'n Aise Hi Jism Ke Tukde Allaah A'zzowajal Keliye Bhi Hai'n.
(27) Allaah A'zzowajal Ki Taraf Jahaalat Ki Nisbat Karna Kufr Hai.
(28) Allaah A'zzowajal Ko Majboor Samajhna Ya Kehna Kufr Hai.
(29) Allaah A'zzowajal Keliye Naqs (Ya'ni Khaami) Ki Nisbat Karna Kufr Hai.
(30) Khuda Se Chheen Laau'nga Kehna Kufr Hai.
(31) Yeh Kehna, Chhodo Yaar ! Khuda Se Ham Khud Hi Nimat Le'nge, Aisa Kehna Kufr Hai.
(32) Jo Kahe Ke Ma'doom (Ya'ni Jo Abhi Wajood Me'n Nahee'n Aayi Aisi) Shay Allaah A'zzowajal Ko Ma'loom Nahee'n Woh Kaafir Hai, Muraad Ma'loom Nahee'n To Takfeer Na Karne Me'n Hifaazat Hai Agarche Zyaadah Zaahir Isse Istekhfaaf (Ya'ni Halka Jaanna, Tauheen) Hi Hai.
(33) Kisi Shakhs Ne Kaha Mere Zulmo'n Se Tujhe Khuda Bhi Nahee'n Bachaayega, Aisa Kehna Kufr Hai.
(34) Kisi Shakhs Se Kaha Gaya Allaah A'zzowajal Ki Riza Talab Karo, Usne Jawaab Diya, Mujhe Nahee'n Chaahiye, Jawaab Dene Waale Par Hukm e Kufr Hai.
(35) Kisi Ne Apne Mohsin Ka Shukriya Ada Karte Huwe Kaha, Allaah A'zzowajal Aapko Jaza e Khair De, Mohsin Bola, Mujhe Jaza e Khair Nahee'n Chaahiye, Aisa Kehne Waala Kaafir Hai.
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
