Sunni Islaami Bhaa'iyo'n ! Imaan Se Zyaadah Azeez Musalmaan Ke Nazdeek Koi Cheez Nahee'n Aur Honi Bhi Nahee'n Chaahiye Aur Imaan, Allaah Wa Rasool ﷺ Ki Har Baat Par Kaamil Yaqeen Aur Mohabbat Wa Ta'zeem Ka Naam Hai, Imaan Ke Saath Jisme'n Jitne Fazaa'il Paaye Jaaye'n Woh Usi Qadar Zyaadah Fazeelat Rakhta Hai, Aur Imaan Nahee'n To Allaah Wa Rasool ﷺ Wa Musalmaano'n Ke Nazdeek Woh Bekaar Hai.
Bad Maz'habo'n Se Ta'alluqaat Qaayem Rakhne Ke Muta'alliq Hamaare Imaam, Imaam Ahmad Raza Khaan Qaadri Barelvi Rehmatullaah Alaih Farmaate Hai'n Ke Wahaabi Deobandi Se Mail Jol Qatayi Haraam, Unse Salaam Wa Kalaam Haraam, Unhe'n Paas Baithaana Haraam, Unke Paas Baithna Haraam, Unhe'n Maqaabir e Muslimeen Me'n Dafan Karna Haraam, Unki Qabar Par Jaana Haraam, Unhe'n Isaale Sawaab Karna Haraam, Misl Namaaz e Janaazah Kufr. (Fataawa Razviya Shareef, Jild No.Shashum, Safha No.90)
Bad Maz'habo'n Se Ta'alluqaat Ke Muta'alliq Sadrush Sharee'ah Badrut Tareeqa Allaama Mufti Muhammad Amjad Ali Aa'zami Alaihir Rehma Tehreer Farmaate Hai'n Ke Ab Samajhna Chaahiye Ke Bad Aqeedah Logo'n Ka Zarar Faasiq Ke Zarar Se Bahot Zaa'id Hai Faasiq Se Jo Zarar Paho'nchega Woh Usse Bahot Kam Hai Jo Bad Aqeedah Logo'n Se Paho'nchta Hai. Faasiq Se Aksar Duniya Ka Zarar Hota Hai Aur Bad Maz'hab Se To Deen Wa Imaan Ki Barbaadi Ka Zarar Hai Aur Bad Maz'hab Apni Bad Maz'habi Phailaane Keliye Namaaz Wa Rozah Ki Bazaahir Khoob Paabandi Karte Hai'n Taake Unka Waqaar Logo'n Me'n Qaayem Ho, Phir Jo Gumraahi Ki Baat Kare'nge Unka Poora Asar Hoga, Lehaaza Aiso'n Ki Bad Maz'habi Ka Iz'haar Faasiq Ke Fisq Ke Iz'haar Se Zyaadah Ahem Hai, Iske Bayaan Karne Me'n Dareeg Na Kare, Aajkal Ba'az Soofi Apna Taqaddus Yoo'n Zaahir Karte Hai'n Ke Hame'n Kisi Ki Buraayi Nahee'n Karni Chaahiye, Yeh Shaitaani Dhoka Hai, Makhlooq e Khuda Ko Gumraaho'n Se Bachaana Yeh Koi Ma'mooli Baat Nahee'n Hai Balke Ambiya e Kiraam Ki Sunnat Hai. (Bahaare Sharee'at, Jild 3, Safha No.149-150)
Ab Dalaa'il Mulaaheza Farmaaye'n,
Allaah Paak Qur'aan e Majeed Me'n Irshaad Farmaata Hai,
Tarjuma:- Jispar Likh Diya Gaya Hai Ke Jo Uski Dosti Karega To Yeh Zaroor Use Gumraah Kardega Aur Use Azaab e Dozakh Ki Raah Bataayega.
Jispar Yeh Likh Diya Gaya :- Iss Aayat Ki Ek Tafseer Yeh Hai Ke Lauhe Mehfooz Me'n Jinnaat Aur Insaano'n Ke Har Sarkash Shaitaan Ke Muta'alliq Likh Diya Gaya Ke Jo Uski Itaa'at Aur Usse Dosti Karega To Shaitaan Zaroor Use Gumraah Kardega Aur Use Jahannam Ke Azaab Ka Raasta Bataayega, Doosri Tafseer Yeh Hai Ke Lauhe Mehfooz Me'n Uss Shakhs Ke Baare Me'n Likh Diya Gaya Hai Jo Shaitaan Ki Pairwi Aur Usse Dosti Karega To Shaitaan Zaroor Use Jannat Se Gumraah Kardega Aur Use Jahannam Ke Azaab Ki Raah Bataayega. (Tafseer Roohul Bayaan, Sureh Hajj, Tehtul Aayah 4, 6/4-5, & Tafseer e Kabeer, Sureh Hajj, Tehtul Aayah 4, 8/202)
Bad Maz'habo'n Se Dosti Aur Ta'alluqaat Rakhne Ki Mumaane'at :- Iss Aayat Se Ma'loom Huwa Ke Bad Maz'habo'n Se Dosti Aur Ta'alluq Nahee'n Rakhna Chaahiye Aur Na Hi Unke Saath Rishtedaari Qaayem Karni Chaahiye Kyu'nke Yeh Khud Bhi Gumraah Hote Hai'n Aur Apni Chikni Chipdi Baato'n, Zaahiri Ibaadat Wa Riyaazat Aur Dikhlaawe Ki Parhezgaari Ke Zariye Doosro'n Ko Bhi Gumraah Kar Dete Hai'n, Saheeh Muslim Shareef Me'n Hazrat Abu Hurairah Radiallaahu Anhu Se Riwaayat Hai Ke Huzoor e Aqdas ﷺ Ne Irshaad Farmaaya Ke Anqareeb Meri Ummat Ke Aakhir Me'n Kuchh Aise Log Zaahir Ho'nge Jo Tumse Aisi Baate'n Kare'nge Jinhe'n Na Tumne Suna Hoga Aur Na Tumhaare Baap Daada Ne, To Tum Unse Door Rehna Aur Unhe'n (Khud Se) Door Rakhna. (Muslim Shareef, Safha No.9, Hadees No.6 (6))
Isi Kitaab Ki Doosri Riwaayat Me'n Hai Ke Huzoor e Purnoor ﷺ Ne Irshaad Farmaaya Ke Aakhri Zamaane Me'n Dajjaal Aur Kazzaab Zaahir Ho'nge, Woh Tumhaare Paas Aisi Baate'n Lekar Aaye'nge Jinhe'n Tum Aur Tumhaare Baap Daada Ne Na Suna Hoga To Tum Unse Door Rehna Aur Unhe'n Door Rakhna, Kahee'n Woh Tumhe'n Gumraah Na Karde'n Aur Tumhe'n Fitne Me'n Na Daal De'n. (Muslim Shareef, Safha No.9, Hadees No.7(7))
Bad Maz'habo'n Se Door Rehne Aur Unhe'n Khud Se Door Rakhne Ke Bare Me'n Muta'addid Ahaadees Me'n Unse Zindagi Aur Maut Ke Tamaam Ta'alluqaat Khatam Karne Ka Hukm Diya Gaya Hai, Chunaanche Irshaad Farmaaya Ke Unke Saath Khaana Na Khaao, Unke Saath Paani Na Piyo, Unke Paas Na Baitho, Unse Rishta Na Karo, Woh Beemaar Pade'n To Poochhne Na Jaao, Mar Jaaye'n To Unki Mayyat Ke Paas Na Jaao, Unki Namaaz e Janaazah Na Padho Aur Na Hi Unke Saath Namaaz Padho. (Kanzul Ummaal, Kitaabul Fazaa'il, 6/246, Hadees No.32525, 32526)
Bad Maz'hab Se Mohabbat Ka Wabaal :- Jisne Kisi Badmaz'hab Se Mohabbat Ki Allaah Paak Uska Amal Zaaye Farma Dega Aur Uske Dil Se Imaan Ka Noor Nikaal Dega, (Irshaad e Hazrat Sayyaduna Fuzail Bin Iyaaz Rehmatullaah Alaih). (Assawaa'iqul Moharreqa, Safha No.250)
Sunni Islaami Bhaa'iyo'n !
Mazkoorah Hawaala Jaat Se Yeh Baat Waazeh Ho Gayi Ke Bad Maz'habo'n Se Mail Jol Rakhna, Unke Yahaa'n Jaana, Unhe'n Bulaana, Ahle Sunnat Wa Jamaa'at Ki Masjid Me'n Dars Wa Tableeg Ki Ijaazat Dena, Shaadi Karna Wagairah Wagairah Jaa'iz Nahee'n Hai, Neez Aisa Shakhs Jo Khud To Kufriya Aqaa'id Nahee'n Rakhta Magar Jin Logo'n Ne Nabi e Kareem ﷺ Ki Shaan Me'n Gustaakhiyaa'n Ki Hai'n Unhe'n Musalmaan Jaanta Hai Woh Bhi Yaqeenan Kaafir Hai.
By Alahazrat Foundation Research Team - 7710809266/9892708816
