(1) Yeh Kehna Ke Farishte Allaah A'zzowajal Ki Betiyaa'n Hai'n, Sareeh Kufr Hai.
(2) Yeh Kehna Ke Allaah A'zzowajal Ko Khabar Nahee'n Aur Farishte Rooh Nikaalne Aagaye, Sareeh Kufr Hai. (Fataawa Razviya, Jild 14, Safha 602)
(3) Allaah A'zzowajal Ne Kisi Ki Rooh Qabz Karne (Ya'ni Nikaalne) Ka Hukm Diya Tha Aur Malakul Maut Galti Se Doosre Ki Rooh Qabz Karne Paho'nch Gaye, Aisa Kehna Kufr Hai. (Ayzan)
(4) Kisi Bhi Farishte Ko Ayb Lagaana Kufr Hai.
(5) Kisi Bhi Farishte Ki Tauheen Karna Kufr Hai. (Bahaare Sharee'at, Hissa 9, Safha 182)
(6) Agar Kisi Ne Hazrat Jibra'eel, Hazrat Meekaa'eel, Hazrat Israafeel Aur Hazrat Israa'eel A'laihimus Salaatu Wassalaam Ke Naamo'n Ko Kisi Kaagaz Me'n Likha Phir Unki Tauheen Aur Hiqaarat Ki Wajah Se Gandagi Me'n Phe'nka To Woh Kaafir Hai.
(7) Farishto'n Ko Qadeem Maanna (Ya'ni Hamesha Se Maanna) Kufr Hai.
(8) Farishto'n Ko Khaaliq Jaanna Kufr Hai. (Bahaare Sharee'at, Hissa 1, Safha 48)
(9) Farishto'n Ke Wajood Ka Inkaar Karna Kufr Hai.
(10) Yeh Kehna Ke Farishte Neki Ki Quwwat Ka Naam Hai Aur Kuchh Nahee'n, Kufr Hai. (Bahaare Sharee'at, Hissa 1, Safha 49)
(11) Kisi Ne Kaha, Fulaa'n Ki Gawaahi Qabool Nahee'n Karu'nga Agarche Woh Hazrat Jibra'eel Wa Hazrat Meekaa'eel A'laihimus Salaatu Wassalaam Hi Kyu'n Na Ho'n, Aisa Kehna Kufr Hai. (Al-Behrur Raa'iq, Jild 5, Safha 205)
(12) Jo Kahe Ke Hazrat Jibra'eel A'laihissalaam Ne Wahi Laane Me'n Galti Ki Woh Kaafir Wa Murtad Hai. (Raddul Muhtaar, Jild 6, Safha 364)
(13) Jisne Kaha Ke Hazrat Israa'eel A'laihissalaam Ne Rooh Qabz Karne Me'n Galti Ki, Woh Kaafir Hai. (Majma'ul Anhar, Jild 2, Safha 507)
Sawaal - Malakul Maut (Rooh Nikaalne Waale Farishte) Ko Bura Bhala Kehna Kaisa Hai ?
Jawaab - Bahaare Sharee'at Me'n Hai, Dushman Wa Mabgoos (Ya'ni Jisse Bugz Ho Uss) Ko Dekh Kar Yeh Kehna, Malakul Maut Aagaye, Ya Kehna Ke Ise Waisa Hi Dushman Jaanta Hoo'n Jaisa Malakul Maut Ko, Isme'n Agar Malakul Maut Ko Bura Kehna (Maqsood) Hai To Kufr Hai Aur Maut Ki Na Pasandeedgi Ki Bina Par Hai To Kufr Nahee'n, Yoo'n Hazrat Jibra'eel Ya Hazrat Meekaa'eel A'laihissalaam Ya Kisi Farishte Ko Jo Ayb Lagaaye Ya Tauheen Kare Woh Kaafir Hai. (Bahaare Sharee'at, Hissa 9, Safha 182)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
