(1) Kisi Ne Kaha Ke Allaah Paak Jahannam Me'n Bhejne Ke Alaawah Kya Kar Sakta Hai, Yeh Qaul Kufr Hai. (Fataawa Aa'lamgeeri, Jild 2, Safha 262)
(2) Kisi Se Kaha Gaya Ke Gunaah Na Kar Allaah Paak Azaab Dega, Usne Kaha, Mai'n Ek Haath Se Saara Azaab Utha Lu'nga, Yeh Kehne Waala Kaafir Hai. (Fataawa Aa'lamgeeri, Jild 2, Safha 260)
(3) Agar Kisi Faasiq Ke Bachche Ne Pehli Martaba Sharaab Pee Aur Uske Rishtedaar Use Mubaarakbaad De Rahe Hai'n, Uspar Paise Luta Rahe Hai'n, Un Sab Par Hukm e Kufr Hai. (Minhur Rauz, Safha 507)
(4) Kisi Aadmi Ne Sageerah Gunaah Kiya, Doosre Ne Kaha Tauba Kar, Usne Kaha, Mai'n Ne Kya Kiya Hai Jo Tauba Karu'n, Aisa Kehne Waala Kaafir Hai. (Majma'ul Anhar, Jild 2, Safha 512)
(5) Zaalim Se Kaha Gaya Ke Tu Allaah Paak Aur Musalmaano'n Ko Iza (Takleef) Deta Hai, Usne Kaha Haa'n Mai'n Deta Hoo'n, Aise Par Hukm e Kufr Hai. (Ayzan)
(6) Zaalim Se Kaha Gaya Ke Tu Allaah Paak Aur Musalmaano'n Ko Iza (Takleef) Deta Hai, Usne Kaha Achcha Karta Hoo'n, Aise Par Hukm e Kufr Hai. (Ayzan)
(7) Jo Shaitaan Se Kahe, Aye Iblees ! Mera Kaam Sa'nwaar De, Phir Tu Jo Mujhe Kahega Mai'n Karu'nga Aur Jisse Mana Karega Usse Baaz Rahu'nga, Yeh Qaul Kufr Hai. (Fataawa Aa'lamgeeri, Jild 2, Safha 260)
(8) Ek Aadmi Ne Jhoot Bola, Doosre Ne Kaha, Allaah Paak Tere Jhoot Me'n Barkat De, Yeh Kehna Kufr Hai. (Ayzan)
(9) Jo Kahe Ke Mai'n Sawaab Wa Azaab Se Bezaar Hoo'n Uspar Hukm e Kufr Hai. (Al-Behrur Raa'iq, Jild 5, Safha 209)
(10) Sawaab Wa Azaab Ka Inkaar Karne Waala Kaafir Hai. (Fataawa Razviya, Jild 15, Safha 278)
(11) Jo Kahe Ke Khayaanat Karne Se Kaafir Hona Behtar Hai, Uspar Hukm e Kufr Hai. (Fataawa Razviya, Jild 15, Safha 278)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
