(1) Jisne Kaha Ke Mai'n Halaal Wa Haraam Ko Nahee'n Pehchaanta, Uspar Hukm e Kufr Hai, Jabke Kehne Waala Haraam Wa Halaal Ko Baraabar Ya'ni Ek Tarah Ka Samjhe. (Minhur Rauz, Safha 473)
(2) Jisne Kisi Haraam Ko Halaal Ya Halaal Ko Haraam Maanliya To Woh Kaafir Ho Jaayega, Yeh Uss Soorat Me'n Hai Ke Woh Haraam Lizzaatihi Ho Aur Uski Hurmat Daleel e Qatayi Se Saabit Ho. (Fataawa Razviya, Jild 14, Safha 147) Aur Woh Zarooriyaat e Deen Ki Had Tak Ho.
(3) Rizq e Haraam Khaane Ke Ba'ad Uspar Alhamdulillaah Kehna Kufr Hai Ke Yeh Rizq e Haraam Khaane Ko Pasand Karna Hai, Albatta Agar Mutlaq Rizq (Sirf Khaane) Par Alhamdulillaah Kaha Ke Qatey Nazar Iske Ke Yeh Haraam Hai Ya Halaal To Hukm e Kufr Nahee'n. (Minhur Rauz, Safha 462)
(4) Mard Keliye Resham Ke Haraam Hone Ka Inkaar Kufr Hai. (Ayzan, Safha 453-454)
(5) Jo Ijaazat e Sharayi Ke Bagair Kahe Fulaa'n Ka Qatal Halaal Hai Uspar Hukm e Kufr Hai. (Minhur Rauz, Safha 485)
(6) Jisne Haraam e Ijmaayi Ki Hurmat Ka Inkaar Kiya Ya Uski Hurmat Me'n Shak Kiya To Woh Kaafir Hai, Jaise Sharaab, Zina, Lawaatat, Sood Wagairah. (Ayzan, Safha 503)
(7) Jo Haraam Kaam Karne Waale Ko Bataur e Tehseen Kahe Tu Ne Bahot Achcha Kiya, Maslan Kisi Ke Qatle Na Haq Ya Chori Karne Par Kahe Tu Ne Achcha Kiya, Yeh Kehna Kufr Hai. (Minhur Rauz, Safha 485)
(8) Jisne Kaha Ke Maal Hona Chaahiye Halaal Ho Ya Haraam Aise Shakhs Par Kufr Ka Khauf Hai. (Ayzan, Safha 501)
(9) Bagair Kisi Taaweel Ke Jisne Kaha Haraam Mere Liye Halaal Hai, Yeh Qaul Kufr Hai. (Ayzan Safha 501)
(10) Kisi Se Kaha Gaya Ke Tu Halaal Kha Usne Kaha Haraam Mujhe Zyaadah Pasand Hai, Yeh Qaul Kufr Hai. (Ayzan, Safha 501)
(11) Kisi Se Kaha Gaya Ke Halaal Kha, Usne Kaha Mujhe Haraam Hi Chaahiye, Aise Par Hukm e Kufr Hai. (Fataawa Aa'lamgeeri, Jild 2, Safha 272)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
