(1) Jisne Kaha Fulaa'n Mujhse Bada Kaafir Hai, Yeh Qaul Kufr Hai. (Minhur Rauz, Safha 495)
(2) Musalmaan Ko Kaafir Ae'teqaad Karte Huwe Kaafir Kaha To Kufr Hai Aur Agar Gaali Ke Taur Par Kaha To Kufr Nahee'n. (Al-Behrur Raa'iq, Jild 5, Safha 207)
(3) Koi Kaafir Musalmaan Huwa To Usse Kisi Ne Kaha, Kaash ! Abhi Tum Musalmaan Na Hote Taake Meeraas Pa Lete, Yeh Kalma e Kufr Hai. (Minhur Rauz, Safha 486)
(4) Jo Shakhs Kahe, Kaash ! Mai'n Kaafir Hota, Yeh Kehne Waala Kaafir Hai. (Ayzan, Safha 486)
(5) Jo Kahe, Mai'n Musalmaano'n Ke Saath Musalmaan Aur Kaafiro'n Ke Saath Kaafir Hoo'n, Yeh Kehna Kufr Hai. (Ayzan, Safha 487)
(6) Jis Shakhs Se Poochha Gaya Ke Kya Tum Musalmaan Ho ? Usne Jawaab Diya Nahee'n, Yeh Jawaab Kufriya Hai. (Fataawa Aa'lamgeeri, Jild 2, Safha 277)
(7) Agar Kisi Ne Islaam Qabool Karne Waale Se Kaha, Jis Deen Par Tu Tha Usne Tera Kya Nuqsaan Kiya Ke Tu Ne Islaam Qabool Kiya, Yeh Kehna Kufr Hai. (Minhur Rauz, Safha 487)
(8) Kisi Ne Doosre Ko, Aye Kaafir ! Aye Yahoodi, Aye Isaayi ! Keh Kar Pukaara, Doosre Ne "Haazir Janaab" Ya Isi Tarah Ka Koi Lafz Bola To Doosre Par Hukm e Kufr Hai. (Majma'ul Anhar, Jild 2, Safha 511)
(9) Kisi Ne Kaha, Mujhe Kaafir Hone Do, Yeh Kalma e Kufr Hai. (Minhur Rauz, Safha 491)
(10) Kaafir Keliye Magferat Ki Du'aa Karna, Yoo'n Hi
(11) Murtad Keliye Bakhshish Ki Du'aa Maa'ngna Kufr Hai. (Fataawa Razviya, Jild 21, Safha 228, Bahaare Sharee'at, Hissa Awwal, Safha 97)
(12) Kaafir Ko Kaafir Na Jaanna Kufr Hai. (Fataawa Amjadiya, Jild 4, Safha 399)
(13) Jo Kahe Ke Agar Mai'n Kaafir Ho Jaau'n To Mujhe Kya Nuqsaan Hoga ? Yeh Qaul Kufr Hai. (Fataawa Aa'lamgeeri, Jild 2, Safha 279)
(14) Jo Kahe Ke Mai'n Nahee'n Jaanta, Kaafir Jannat Me'n Jaayega Ya Jahannam Me'n, Ya Kahe
(15) Mai'n Nahee'n Jaanta Ke Kaafir Ka Thikaana Kya Hai, Yeh Dono'n Baate'n Kufriya Hai'n. (Majma'ul Anhar, Jild 2, Safha 511) Albatta Agar Kaafir Ke Jahannam Me'n Jaane Par Imaan Hai Aur Thikaana Na Jaanne Se Yeh Muraad Hai Ke Jahannam Ke Tabqaat Me'n Se Kis Tabqe Me'n Hoga Iska Ilm Nahee'n To Uspar Hukm e Kufr Nahee'n.
(16) Yeh Kehna Ke Yeh Bhi Khuda Woh Bhi Khuda Aur Sab Khuda (Hai'n), Kalma e Kufr Hai. (Fataawa Razviya, Jild 14, Safha 641)
(17) Jo Kahe Ke Agar Qayaamat Ke Din Allaah Paak Insaaf Karega To Mai'n Insaaf Karu'nga, Aise Par Hukm e Kufr Hai. (Al-Behrur Raa'iq, Jild 5, Safha 203)
(18) Jo Aa'lam Me'n Kisi Shay Ko Qadeem (Ya'ni Hamesha Se) Maane Ya Uske Hudoos (Ya'ni Pehle Na Thi Phir Maujood Huwi) Isme'n Shak Kare Woh Kaafir Hai. (Bahaare Sharee'at, Hissa Awwal, Safha 18) Matlab Yeh Hai Ke Sirf Allaah Paak Hi Qadeem Ya'ni Hamesha Se Hai, Uske Alaawa Har Har Cheez Ba'ad Me'n Haadis Huwi ! Ya'ni Koi Bhi Cheez Hamesha Se Nahee'n Har Cheez Ba'ad Me'n Paida Ki Gayi Hai.
(19) Allaah Paak Se Kisi Shay Ke Ek Zarre Ke Ilm Ki Nafi (Inkaar) Karna Kufr Hai, Aur
(20) Yoo'n Hi Ma'doom (Jiska Wajood Na Ho Uss) Ke Ilm Ki Nafi (Inkaar) Karna Bhi Kufr Hai. (Imaan Ki Hifaazat, Safha 51) Ya'ni Allaah Paak Ko Hamesha Se Hamesha Keliye Zarre Zarre Ka Ilm Hai Koi Bhi Zarrah Usse Posheedah Nahee'n, Neez Har Woh Shay Jo Abhi Tak Wajood Me'n Nahee'n Aayi Uska Bhi Ilm Hai.
(21) Jo Kahe Ke Jab Tak Khuda Wa Rasool Ko Aa'nkh Se Na Dekh Le'nge Imaan Na Laaye'nge, Aisa Kehne Waala Kaafir Hai. (Fataawa Razviya, Jild 14, Safha 610)
(22) Kufr Ko Allaah Paak Tak Paho'nchne Ka Zariya Kehna Kufr Hai. (Ayzan, Jild 15, Safha 287)
(23) Jo Kahe Ke Mai'n Tauheed (Ya'ni Allaah Paak Ki Wehdaaniyat) Ko Nahee'n Jaanta Woh Kaafir Hai. (Fataawa Aa'lamgeeri, Jild 2, Safha 257)
(24) Allaah Paak Se Istigna (Ya'ni Be Niyaazi) Zaahir Karna Sareeh Kufr Hai, Ya'ni Yeh Kehna Ke
(25) Mujhe Allaah Paak Ki Parwaah Nahee'n Ya
(26) Mujhe Allaah Ki Riza Ki Zaroorat Nahee'n Ya
(27) Allaah Paak Naaraaz Ho Jaaye Mujhe Iski Parwaah Nahee'n, Mujhe To Apne Mehboob Ki Riza Chaahiye, Iss Tarah Ke Kufriya Jumle Aksar Gaano'n Aur Ishq e Majaazi Karne Waalo'n Me'n Iste'maal Hote Hai'n, Inse Bachna Farz Hai.
(28) Jo Kisi Se Kahe Ke Agar Tu "Ilaahul Aa'lameen" Bhi Hota Tab Bhi Tujhse Apna Haq Le Leta, Yeh Kalma e Kufr Hai. (Fataawa Aa'lamgeeri, Jild 2, Safha 260)
(29) Kisi Se Kaha Gaya Ke Khuda Se Haya Kar, Usne Kaha, Mai'n Nahee'n Karta, Yeh Qaul Kufr Hai. (Fataawa Taataarkhaaniya, Jild 5, Safha 470)
(30) Zarooriyaat e Deen Ke Munkir Ko Kaafir Na Jaanna Bhi Kufr Hai. (Fataawa Razviya, Jild 11, Safha 378)
(31) Jo Kahe Ke Mai'n Tauba Nahee'n Karu'nga Jab Tak Allaah Paak Na Chaahe, Yeh Kehne Waala Iss Baat Ko Apni Tauba Keliye Agar Uzar Banaata Hai To Uspar Hukm e Kufr Hai. (Minhur Rauz, Safha 505)
(32) Jo Kufr Ki Fateh (Jeet) Aur Islaam Ki Shikasht (Haar) Chaahta Hai Uske Kufr Me'n Shak Nahee'n. (Fataawa Razviya, Jild 14, Safha 412)
(33) Jo Islaami Tareeqa e Wiraasat Ka Munkir Ho Woh Kaafir Hai. (Fataawa Razviya, Jild 26, Safha 354)
(34) Jisne Doosre Se Kaha Ke Tujh Par Aur Tere Islaam Par La'nat Hai, To Uska Aisa Kehna Kufr Hai. (Fataawa Aa'lamgeeri, Jild 2, Safha 257)
(35) Fir'aon Ko Momin Kehna Aur Uska Imaan Momino'n Ke Imaan Se Zyaadah Bataana, Dono'n Baate'n Kufr Hai'n. (Fataawa Razviya, Jild 15, Safha 272)
(36) Kisi Ne Kaha Ke Allaah Paak Iblees Par La'nat Karta Hai, Doosre Ne Kaha, Mai'n To La'nat Nahee'n Karta, Yeh Kehne Waale Par Hukm e Kufr Hai. (Minhur Rauz, Safha 490)
(37) Jo Yeh Ae'teqaad Rakhe Ke Allaah Paak Kufr Par Raazi Hai, Woh Kaafir Hai. (Al-Behrur Raa'iq, Jild 5, Safha 203)
(38) Jisne Kaha Ke Agar Mai'n Ne Fulaa'n Kaam Kiya Ho To Majoosi Hoo'n. Ya
(39) Allaah Paak Se Bezaar Hoo'n, Aur Kehne Waala Jaanta Hai Ke Usne Yeh Kaam Kiya Hai To Uspar Hukm e Kufr Hai. (Minhur Rauz, Safha 510)
(40) Kisi Ne Kaha Ke Agar Mai'n Fulaa'n Kaam Karu'n To Kaafir Ho Jaau'n, Phir Uss Kaam Ke Karne Ko Kufr Jaante Huwe Kiya To Kaafir Ho Jaayega. (Minhur Rauz, Safha 511) Aur Agar Yeh Ae'teqaad Na Ho Aur Woh Kaam Kiya To Qasam Todne Ka Kaffaarah Dena Hoga.
(41) Kaafiro'n Ke Kisi (Mazhabi) Fe'l Ko Achcha Kehna Kufr Hai, Maslan Yeh Kehna Ke Khaate Waqt Khaamosh Rehna Majoosiyo'n Ka Achcha Kaam Hai. (Fataawa Aa'lamgeeri, Jild 2, Safha 277)
(42) Dhoka Dene Keliye Alfaaz e Kufr Bakna Bhi Kufr Hai. (Fataawa Razviya, Jild 4, Safha 599)
(43) Agar Kisi Mareez Ne Beemaari Se Ghabra Kar Kaha, Ya Allaah Tujhe Ikhtiyaar Hai Chaahe Musalmaan Maar Chaahe Kaafir Maar, Yeh Qaul Kufr Hai. (Bahaare Sharee'at, Hissa 9, Safha 599)
(44) Agar Koi Haj Ki Farziyat Ka Inkaar Kare To Woh Kaafir Hai.
(45) Jannat Wa Dozakh Haq Hai, Inka Inkaar Karne Waala Kaafir Hai. (Bahaare Sharee'at, Hissa 9, Safha 183)
(46) Jannat Me'n Daakhile Ke Ba'ad Deedar e Ilaahi Nahee'n Hoga, Aisa Kehna Kufr Hai. (Bahaare Sharee'at, Hissa Awwal, Safha 42)
(47) Jo Shakhs Imaan Wa Kufr Ko Ek Samjhe Ya'ni Kehta Hai Ke Sab Theek Hai, Khuda Ko Sab Pasand Hai, Aisa Kehne Waala Kaafir Hai. (Bahaare Sharee'at, Hissa 9, Safha 179)
(48) Aa'm Ummat Ko Mushrik Kehna Kufr Hai. (Fataawa Razviya, Jild 14, Safha 291)
(49) Jo Shakhs Bagair Taaweel Ke Kahe Ke Yeh Ibaadate'n Allaah Paak Ne Hamaare Liye Azaab Bana Di Hai'n, Aisa Kehne Waala Kaafir Hai.
(50) Jo Shakhs Bagair Taaweel Ke Kahe Ke Agar Allaah Paak Fulaa'n Cheez Hamaare Upar Farz Na Karta To Achcha Hota, Yeh Qaul Kufr Hai. (Minhur Rauz, Safha 505)
(51) Jisne Kaha Ke Mai'n Insha Allaah (Ya'ni Allaah Ne Chaaha To) Momin Hoo'n, Agar Imaan Me'n Shak Ki Wajah Se Kaha To Kufr Hai, Aur Agar Iss Wajah Se Kaha Ke Ma'loom Nahee'n Khaatema Imaan Par Hoga Ya Kufr Par, To Kufr Nahee'n. (Fataawa Aa'lamgeeri, Jild 2, Safha 257, Minhur Rauz, Safha 476)
(52) Jo Islaam Wa Imaan Par Raazi Na Ho Woh Kaafir Hai. (Fataawa Aa'lamgeeri, Jild 2, Safha 257)
(53) Jo Gair Khuda Ko "Aye Ma'bood" Ya "Aye Mere Ma'bood" Kahe Woh Kaafir Hai. (Minhur Rauz, Safha 515)
(54) Apne Peero'n Ko Khuda Aur Rasool Kehne Waala Kaafir Hai. (Fataawa Razviya, Jild 14, Safha 610)
(55) Kufr Ko Ma'mooli Baat Samajhte Huwe Bak Dena Bhi Kufr Hai Agarche Jo Kuchh Baka Uspar Ae'teqaad Na Rakhta Ho. (Fataawa Aa'lamgeeri, Jild 2, Safha 276) Ya'ni Aisa Bebaak Ho Ke Kufr Bakne Ko Badi Baat Na Samajhta Ho, Muh Phat Ho Kar Kufr Bak De.
(56) Buto'n Ya Shaitaan Ke Naam Par (Gulaam) Aazaad Kiya Ke Gulaam Ab Bhi Aazaad Ho Jaayega Magar Uska Yeh Fe'l Kufr Huwa Ke Unke Naam Par Aazaad Karna Daleel e Ta'zeem Hai Aur Unki Ta'zeem Kufr. (Bahaare Sharee'at, Hissa 9, Safha 3)
(57) Jisse Kaha Gaya Ke Kya Tu Allaah Se Nahee'n Darta ? Usne Kaha Nahee'n, Yahaa'n Jawaaban Nahee'n Kehna Kufr Hai. (Majma'ul Anhar, Jild 2, Safha 505) Fataawa Aa'lamgeeri Me'n Hai, Jab Miyaa'n Beewi Ke Darmiyaan Aapas Me'n Jhagda Taweel Huwa To Shauhar Ne Beewi Se Kaha, Khuda Se Darr Aur Apne Aapko Uski Na Farmaani Se Bacha, Pas Beewi Ne Jawaab Diya, Mai'n Usse Nahee'n Darti, (To Iske Baare Me'n) Hazrat Sayyaduna Shaykh Abu Bakar Muhammad Bin Fazl Rehmatullaah A'laih Ne Farmaaya, Agar Shauhar Ne Usko Zaahiri Gunaah Par Malaamat Ki Aur Use Allaah Paak Se Khauf Dilaaya Aur Usne Yeh Jawaab Diya To Murtadah Ho Jaayegi Aur Apne Shauhar Se "Baayena" Ho Jaayegi, Aur Shauhar Ne Usko Aise Amr Par Malaamat Ki Jisme'n Khuda Ki Taraf Se Khauf Ka Maqaam Nahee'n To Kaafirah Na Hogi, Lekin Agar Usne Apne Uss Kalaam Se Istekhfaaf (Halka) Ka Iraadah Kiya Hai To Apne Shauhar Se Baayena Ho Jaayegi. (Fataawa Aa'lamgeeri, Jild 2, Safha 261) Alahazrat Imaam e Ahle Sunnat Imaam Ahmad Raza Khaan A'laihir Rehma Iss Masle Ke Tahet Farmaate Hai'n, Mai'n Kehta Hoo'n (Beewi Ke Iss Qaul) "Mai'n Usse Nahee'n Darti" Ke 2 Ma'ni Hai'n, Pehla Ma'ni Ke Guroor Wa Takabbur Ki Wajah Se (Khuda Ke) Khauf Se Inkaar Karna Kufr Hai, Doosra Ma'na Jis Tarah Allaah Paak Se Darne Ka Haq Hai Uss Tarah Darne Ki Apne Aap Se Nafi (Inkaar) Karna Aur Yeh Haq Wa Saabit Hai, Aur Agar Koi Shakhs Gunaah Karta Huwa Dekha Gaya, Pas Kisi Doosre Ne Usse Kaha, Kya Tu Allaah Paak Se Nahee'n Darta ? To Usne Kaha Nahee'n, To Kaafir Ho Jaayega, Isliye Ke Iski Taaweel Mumkin Nahee'n Hai. (Fataawa Aa'lamgeeri, Jild 2, Safha 261) Alahazrat Imaam e Ahle Sunnat Imaam Ahmad Raza Khaan A'laihir Rehma Farmaate Hai'n, Aur Iss Cheez Ko Yaad Rakho Jo Hamne Abhi Zikr Ki Hai. (Mutarjum Haashiya Aa'lamgeeri, Baab Ahkaamul Murtadeen, Safha 31-32)
(58) Nashe Ki Haalat Me'n Agar Koi Kalma e Kufr Bake To Use Murtad Ka Hukm Na De'nge Ya'ni Uski Aurat Baa'in Na Hogi Raha Yeh Ke Woh Kaafir Hoga Ya Nahee'n ? Agar Qasdan Baka To Indallaah Kaafir Hai Warna Nahee'n. (Bahaare Sharee'at, Hissa 9, Safha 110)
(59) Nashe Waala Jiski Aqal Jaati Rahi Aur Zabaan Se Kalma e Kufr Nikla To Aurat Nikaah Se Baahar Na Huwi. (Fataawa Aa'lamgeeri, Jild 1, Safha 340) Magar Tajdeed e Nikaah Kiya Jaaye. (Bahaare Sharee'at, Hissa 7, Safha 93)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
