Sawaal - Masjid Ki Tauheen Karne Waale Keliye Kya Hukm Hai ?
Jawaab - Aise Shakhs Par Hukm e Kufr Hai, Fuqaha e Kiraam Farmaate Hai'n, Jis Shakhs Ne Qur'aan Ya Masjid Ya Iss Tarah Ki Woh Cheeze'n Jo Mo'azzam (Ya'ni Deeni She'aar) Hai'n Unki Tauheen Ki To Uspar Hukm e Kufr Hai. (Minhur Rauz, Safha 457)
Sawaal - Ek Shakhs Haj Keliye Aaya Aur Ka'ba Shareef Ko Dekh Kar Kehne Laga, Are ! Yeh To Usi Tarah Ee'nto'n Aur Gaaro'n Ka Bana Huwa Hai Jis Tarah Hamaare Makaanaat Bante Hai'n, Iss Shakhs Ke Baare Me'n Kya Hukm Hai ?
Jawaab - Agar Tauheen Ki Niyat Na Ho To Kufr Nahee'n, Maslan Koi Haj Ko Pehli Baar Chala Aur Usne Ka'ba Shareef Ke Baare Me'n Apne Taur Par Koi Naqsha Zahen Me'n Bitha Liya Ke Uski Deewaare'n Sone Chaa'ndi Ki Ho'ngi Wagairah, Phir Jab Usne Ziyaarat Ki Apne Khayaali Khaake Ke Mutaabiq Na Pa Kar Ta'ajjub Se Sawaal Me'n Mazkoorah Jumla Kaha To Kaafir Na Hoga, Haa'n Agar Usne Ka'ba Shareef Ko Haqeer Jaante Huwe Aisa Kaha To Beshak Kaafir Wa Murtad Hogaya.
Sawaal - Jisne Ka'ba Shareef Ko Gaali Di Ya Usko Ayb Lagaaya Ya Uske Zawaal (Ya'ni Nuqsaan Wa Ghaate) Ki Tamanna Ki To Uske Baare Me'n Kya Hukm Hai ?
Jawaab - Aisa Shakhs Kaafir Wa Murtad Hai.
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
