Fautgi Ya'ni Jab Kisi Ka Inteqaal Ho Jaata Hai To Uss Mauqe Par Kuchh Aise Jumle Bake Jaate Hai'n Jo Kufriya Hote Hai'n,
(1) Kisi Ki Maut Hogayi Uspar Doosre Shakhs Ne Kaha Allaah A'zzowajal Ko Aisa Nahee'n Karna Chaahiye Tha, Aisa Kehne Waala Bhi Kaafir Ho Jaata Hai.
(2) Kisi Ka Beta Faut Hogaya Aur Usne Kaha Ke Allaah A'zzowajal Ko Iski Haajat Hogi, Aisa Kehna Kufr Hai, Kyu'nke Kehne Waale Ne Allaah A'zzowajal Ko Mohtaaj Qaraar Diya.
(3) Kisi Ki Maut Par Aa'm Taur Par Hamaari Zabaan Se Iss Tarah Ke Jumle Nikal Jaate Hai'n Ke Allaah A'zzowajal Ko Na Jaane Iski Kya Zaroorat Pad Gayi Jo Jaldi Bula Liya, Ya Kehte Hai'n Ke Allaah A'zzowajal Ko Bhi Nek Logo'n Ki Zaroorat Padti Hai Isliye Jald Utha Leta Hai, Yeh Sunkar Ma'ni Samajhne Ke Baawajood Umooman Log Haa'n Me'n Haa'n Milaate Ya Taa'eed Me'n Sar Hilaate Hai'n Un Sab Par Bhi Hukm e Kufr Hai.
(4) Kisi Ki Maut Par Kaha, Ya Allaah A'zzowajal ! Iske Chhote Chhote Bachcho'n Par Bhi Tujhe Taras Na Aaya, Aisa Kehne Waala Bhi Kaafir Ho Jaata Hai, Jawaan Ki Maut Par Kaha Ya Allaah A'zzowajal ! Iski Bhari Jawaani Par Hi Rahem Kiya Hota, Agar Lena Hi Tha To Fulaa'n Boodhe Ya Budhiya Ko Le Leta, Aisa Kehne Waala Bhi Kaafir Hai.
(5) Ya Allaah A'zzowajal Aakhir Iski Aisi Kya Zaroorat Pad Gayi Ke Abhi Se Waapas Bula Liya, Aisa Kehne Waala Bhi Kaafir Hai.
Astagfirullaah, La Elaaha Ellallaah Muhammadur Rasoolullaah ﷺ
Guzaarish :- Mere Pyaare Bhaa'iyo'n ! Jo Aapne Padha Usko 2 Ya 4 Baar Padhe'n Aur Zahen Me'n Bithaaye'n Aur Logo'n Tak Isko Zaroor Paho'nchaaye'n Kyu'nke Hamaari Awaam Me'n Aksar Wa Beshtar Aise Jumle Bole Jaate Hai'n, Aap Log Aise Jumle Bolne Waalo'n Ko Roke'n, Hamaari Awaam Ki Iss Jahaalat Ko Door Kare'n, Aur Jahaalat Door Karne Ka Tareeqa Yeh Hai Ke Pehle Ham Khud Aqeede Ka Ilm Aur Zarooriyaat e Deen Wa Zarooriyaat e Ahle Sunnat Ka Ilm Haasil Kare'n Aur Jo Hamne Seekha Hai Woh Doosro'n Ko Bhi Sikhaaye'n.
By Alahazrat Foundation Research Team - 7710809266/9892708816
