(1) Jisne Allaah Paak Ko Aise Wasf Se Mausoof Kiya Jo Uski Shaan Ke Laayeq Nahee'n Ya
(2) Allaah Paak Ke Naamo'n Me'n Se Kisi Naam Ka Mazaaq Udaaya Ya
(3) Uske Ahkaam Me'n Se Kisi Hukm Ka Mazaaq Udaaya Ya
(4) Allaah Paak Ke Wa'de Ya
(5) Wa'eed Ka Inkaar Kiya To Aise Aadmi Par Hukm e Kufr Lagaaya Jaayega. (Minhur Rauz, Safha 425)
(6) Allaah Paak Ko Gaali Dena Kufr Hai Khwaah
(7) Sanjeedgi Me'n De Ya
(8) Mazaaq Me'n Ya
(9) Khushi Se De Ya
(10) Gusse Me'n De Kufr Hai.
(11) Yeh Kehna Ke Subah Subah Du'aa Maa'ng Liya Karo Uss Waqt Allaah Paak Faarig (Khaali) Hota Hai, Yeh Qaul Kufr Hai.
(12) Yeh Kehna Ke Itni Nekiyaa'n Na Karo Ke Khuda Ki Jaza Kam Pad Jaaye, Yeh Qaul Kufr Hai.
(13) Khuda Ne Tumhaare Baal Badi Fursat Se Banaaye Hai, Aisa Kehna Kufr Hai.
(14) Zaid Ne Kaha, Yaar ! Ho Sakta Hai Aaj Baarish Ho Jaaye, Bakar Ne Kaha, Nahee'n Yaar Allaah Paak To Hame'n Bhool Gaya Hai, Bakar Par Hukm e Kufr Hai.
(15) Agar Kisi Ne Nabi e Kareem ﷺ Ka Mazaaq Udaaya To Woh Kaafir Hai.
(16) Kisi Ko Mazaaq Ya Ha'nsi Khel Ke Taur Par Kufriya Kalma Kehne Ka Bola To Iss Mashwarah Dene Waale Par Hukm e Kufr Hai. (Fataawa Hindiya, Jild 6, Safha 337)
(17) Jo Kufriya Baat Par Razaamandi Se Ha'nsa Uspar Bhi Hukm e Kufr Hai. (Fataawa Taataarkhaaniya, Jild 5, Safha 459) Be Ikhtiyaar Ha'nsi Aayi To Mu'aaf Hai, Jaise Koi Aisi Baat Ho Jo Kufriya Hai Magar Chutkule Ya Muzah (Ha'nsi) Ka Ma'na Rakhti Ho Aur Use Sunkar Be Ikhtiyaar Ha'nsi Aayi Ispar Hukm e Kufr Nahee'n Albatta Agar Uske Saath Dil Se Raazi Bhi Ho To Kufr Hai.
(18) Agar Kisi Ne Kaha Ke Jahannam Me'n Jaaye'nge To Sardi Me'n Agar Jannati Aag Lene Aaye'nge To Ham Unko Nahee'n De'nge, Yeh Kalma e Kufr Hai.
(19) Jisne Mazaaq Ke Taur Par Kaafiro'n Jaisi Shakal Wa Soorat Banaayi (Maslan Hunood Ki Tarah Teeka Lagaaya Ya Zunnaar Baa'ndha) Uspar Hukm e Kufr Hai. (Minhur Rauz, Safha 426)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
