(1) Jisne Kaha, Mai'n Talaaq Malaaq Kuchh Nahee'n Jaanta Beewi Ko Ghar Me'n Hona Chaahiye Chaahe Talaaq Ho Jaaye Ya Na Ho, Aisa Shakhs Kaafir Hai Kyu'nke Usne Halaal Haraam Ko Baraabar Samjha. (Minhur Rauz, Safha 472)
(2) Iddat Me'n Nikaah Ko Halaal Jaan Kar Nikaah Padhaane Waala Aur
(3) Halaal Samajh Kar Shirkat Karne Waale Sab Logo'n Par Hukm e Kufr Hai. (Fataawa Razviya, Jild 11, Safha 266)
(4) Jisne Kaha Ke Aa'lim Shauhar Par La'nat Ho, Yeh Qaul Kufr Hai, Kyu'nke Usne Ilm Ke Wasf Par (Ya'ni Aa'lim e Deen Hone Ki Wajah Se) La'nat Ki Aur Sharee'at Ki Tauheen Ki. (Fataawa Aa'lamgeeri, Jild 2, Safha 271)
(5) Haa'iza Aurat Se Hambistary Ko Halaal Samajhna Fuqaha e Kiraam Ki Ek Jamaa'at Ke Nazdeek Kufr Hai. (Minhur Rauz, Safha 508, Bahaare Sharee'at, Jild 1, Hissa 2, Safha 382)
(6) Lawaatat (Bad Fe'li) Karne Ko Halaal Samajhna Kufr Hai. (Minhur Rauz, Safha 503)
(7) Jisne Kisi Christian Aurat Ko Dekha To Kaha Ke Kaash ! Mai'n Bhi Christian Hota Taake Isse Nikaah Kar Sakta, Aisa Kehna Kufr Hai. (Ayzan, Safha 486)
(8) Beewi Ne Shauhar Se Kaha, Tujhe Na Gairat Hai Aur Na Hi Tera Koi Deen Islaam Hai Ke Gairo'n Ke Saath Meri Tanhaayi Par Raazi Hai, Shauhar Ne Kaha, Haa'n Mujhe Na Gairat Hai Aur Na Hi Mera Koi Deen Islaam Hai, Yeh Qaul Kufr Hai. (Majma'ul Anhar, Jild 2, Safha 513)
(9) Beewi Ne Shauhar Se Kaha, Agar Tu Ne Aa'indah Mujh Par Zyaadati Ki Ya Mere Liye Fulaa'n Cheez Na Khareedi To Mai'n Kaafirah Ho Jaau'ngi, Aisa Kehne Waali Fauran Kaafirah Hogayi. (Fataawa Aa'lamgeeri, Jild 2, Safha 279)
(10) Jo Apni Beewi Se Kahe, Tu Mujhe Khuda Se Zyaadah Pasand Hai, Yeh Qaul Kufriya Pehlu Rakhta Hai. (Al-Behrur Raa'iq, Jild 5, Safha 203)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
