(1) Jisne Kaha Ke Allaah A'zzowajal Ne Mera Maal Kam Kiya, Ab Mai'n Bhi Uske Haq Me'n Kami Karu'nga Aur Namaaz Na Padhu'nga, Aisa Kehna Kufr Hai. (Minhur Rauz, Safha 464)
(2) Kisi Se Kaha Gaya Ke Namaaz Padhle, Usne Jawaab Me'n Kaha Ke Mai'n Paagal Hoo'n Jo Namaaz Padhu'n Aur Apne Upar Kaam Badhaau'n, Aisa Kehna Kufr Hai.
(3) Kisi Ne Kaha Ke Namaaz Padho, Usne Jawaab Diya, Aqalmand Ko Aise Kaam Me'n Na Padna Chaahiye Jisko Aakhir Tak Nibaah Na Sake, Aisa Kehna Kufr Hai. (Fataawa Aa'lamgeeri, Jild 2, Safha 278)
(4) Mere Liye Doosre Log Namaaz Padh Lete Hai'n Mujhe Padhne Ki Zaroorat Nahee'n Hai, Aisa Kehna Kufr Hai.
(5) Kisi Ne Kaha Ke Namaaz Padhne Se Mujhe Koi Sarfaraazi (Bulandi) Nahee'n Mil Jaati, Aisa Kehne Waale Par Hukm e Kufr Hai.
(6) Jo Sirf Ramzanul Mubaarak Me'n Namaaz Padhta Hai Aur Iske Alaawah Nahee'n Padhta Hai Aur Kehta Hai, Yehi Bahot Hai Kyu'nke Har Farz Namaaz 70 Guna Hai, Aisa Kehna Kufr Hai. (Minhur Rauz, Safha 465)
(7) Peer Se Kaha Gaya Ke Namaaz Padho, Usne Kaha, Mere Mureed Padh Rahe Hai'n Yehi Kaafi Hai, Aisa Kehna Kalma e Kufr Hai.
(8) Kisi Se Kaha Gaya Ke Namaaz Padho, Usne Kaha, Namaaz To Gareebo'n Keliye Hai Hamaare Liye Nahee'n, Yeh Kalma e Kufr Hai.
(9) Kisi Se Kaha Gaya Ke Namaaz Padho, Usne Jawaaban Kaha, Agar Jannat Me'n Jaana Hoga To Jannat Me'n Chale Jaaye'nge Aur Agar Jahannam Me'n Jaana Hoga To Jahannam Me'n Chale Jaaye'nge, Namaaz Se Kya Hota Hai, Aisa Kehna Kufr Hai.
(10) Kisi Se Kaha Gaya Ke Namaaz Padho, Usne Kaha, Allaah Paak Ne Hame'n Kya Diya Hai Jo Namaaz Padhe'n, Yeh Kalma e Kufr Hai.
(11) Namaaz Ki Farziyat Aur Unki Rak'ato'n Ki Te'daad Par Ae'teraaz Karna Kufr Hai.
(12) Kisi Ne Kaha Ke Namaaz Padhne Ka Hukm Kahee'n Nahee'n, Qaayem Karne Ka Hukm Hai Woh Hamne Dil Me'n Qaayem Ki Huwi Hai, Aisa Kehna Kufr Hai.
(13) Agar Kisi Ne Yeh Kaha Ke Ham Se To Christian Achche Hai'n Ke Hafte Me'n Ek Martaba Padhte Hai'n, Hame'n To Rozaana 5 Baar Namaaz Padhni Padti Hai, Yeh Kalma e Kufr Hai.
(14) Kisi Ne Kaha, 1 Ya 2 Namaaz Hoti To Bandah Padh Bhi Leta, Yeh 5 Kaun Padhega, Yeh Kalma e Kufr Hai.
(15) Mai'n Namaaz Nahee'n Padhta Mere Peer Ne Namaaz Bakhshwa Di Hai, Aisa Kehna Kufr Hai.
(16) Namaaz Me'n Qible Ki Simt Ka Zaroori Hone Ka Mutlaqan Inkaar Karna Kufr Hai.
(17) Namaaz Dil Ki Hoti Hai Zaahiri Namaaz Me'n Kya Rakha Hai, Yeh Kehna Kufr Hai.
(18) Ham Faqeer Log Hai'n Ham Par Namaaz Mu'aaf Hai, Aisa Kehna Kufr Hai.
(19) Zaahiri Namaaz Rozah Kuchh Nahee'n Dil Paak Hona Chaahiye, Aisa Kehna Kufr Hai.
(20) Log Hamaare Liye Hi Namaaz Padhte Hai'n, Aisa Kehna Kufr Hai Kyu'nke Kehne Waale Ne Namaaz Ko Farz e Kifaaya Ae'teqaad Kiya Ya Uska Mazaaq Udaane Ka Iraadah Kiya.
(21) Mai'n Sayyad Hoo'n Namaaz Wagairah To Tumhaare Liye Hai, Yeh Kalma e Kufr Hai.
(22) Baap Se Namaaz Padhne Ka Kaha Gaya, Usne Kaha, Mere Ladke Padhte Hai'n Yeh Hamaare Liye Kaafi Hai, Yeh Kalma e Kufr Hai.
(23) Jisne Kaha, Namaaz Wohi Padhe Jiski Beewi Bachche Ho'n, Usne Kufr Kiya.
(24) Jisne Kaha Ke Kitni Zyaadah Namaaze'n Hai'n ! Mera To Dil Ukta Gaya Hai Ya Mai'n Ta'ng Aachuka Hoo'n, Aisa Kehna Kufr Hai Kyu'nke Kehne Waale Ne Namaaz Par Ae'teraaz Kiya. (Minhur Rauz, Safha 466)
(25) Koi Shakhs Thaka Huwa Tha Aur Namaaz Ka Waqt Aagaya To Usne Namaaz Ke Baare Me'n Kaha, Ek To Yeh Museebat Jaan Nahee'n Chhodti, Uska Aisa Kehna Kufr Hai.
(26) Itni Namaaze'n Padhne Par Kaun Qaadir Hai, Aisa Kehna Kufr Hai Kyu'nke Usne Yeh Ae'teqaad Kiya Ke Allaah Paak Ne Uski Taaqat Se Zyaadah Uspar Bojh Daala. (Ayzan)
(27) Kisi Ne Doosre Se Namaaz Padhne Ko Kaha, Usne Jawaab Me'n Kaha, Namaaz Se Tijaarat Me'n Koi Nafa Nahee'n Hota, Yeh Kalma e Kufr Hai. (Ayzan, Safha 467)
(28) Yeh Kehna, Namaaz Koi Kaarobaar Thodi Hai Jo Karu'n ! Mai'n To Kaarobaari Aadmi Hoo'n, Yeh Kalma e Kufr Hai.
(29) Agar Kisi Ne Kaha, Ek Martaba Namaaz Padhi Thi To Bakri Margayi, Ab Kuchh Aur Na Ho Jaaye, Usne Kufr Kiya.
(30) Namaaz Padhna Aur Na Padhna Dono'n Baraabar Hai, Aisa Kehna Kufr Hai.
(31) Jo Kahe Ke Kitna Achcha Hai Woh Aadmi Jo Namaaz Nahee'n Padhta, Aisa Kehne Waale Par Hukm e Kufr Hai. (Ayzan)
(32) Namaaz Na Padhna Bahot Achcha Hai, Aisa Kehna Kufr Hai. (Ayzan)
(33) Jo Kahe Ke Namaaz Mujhe Muwaafiq (Suitable) Nahee'n Baithti, Yeh Kalma e Kufr Hai. (Ayzan, Safha 270)
(34) Jo Kahe Ke Halaal Mujhe Muwaafiq Nahee'n Baithta, Yeh Kalma e Kufr Hai. (Ayzan, Safha 270)
(35) Jo Kahe Ke Namaaz Ko Ek Taraf Rakho, Yeh Kalma e Kufr Hai. (Ayzan, Safha 270)
(36) Hamko Kalma Wa Namaaz Ki Zaroorat Nahee'n, Yeh Kalma e Kufr Hai.
(37) Namaaz Ke Ma'roof Ma'na Ka Inkaar Karna Kufr Hai, Maslan Yeh Kehna Ke Namaaz Se Muraad Mahez Allaah Paak Ko Yaad Karna Hai. (Imaan Ki Hifaazat, Safha 88)
(38) Bahot Namaaz Padhli Kya Faa'idah Huwa, Aisa Kehna Kufr Hai. (Fataawa Aa'lamgeeri, Jild 2, Safha 268)
(39) Agar Kisi Se Kaha Gaya Ke Namaaz Padh Teri Haajate'n Poori Ho'ngi, Usne Kaha, Bahot Namaaze'n Padhi Hai'n Koi Haajat Poori Nahee'n Hoti, Agar Yeh Qaul Namaaz Ki Tehqeer Aur Uspar Ta'nz Ki Wajah Se Hai To Kufr Hai. (Ayzan)
(40) Jo Shakhs Yeh Kahe Ke Mai'n Sirf Jannat Haasil Karne Aur Dozakh Se Bachne Keliye Ibaadat Karta Hoo'n, Agar Yeh Na Hota To Mai'n Allaah Paak Ki Ibaadat Nahee'n Karta, Aise Shakhs Par Hukm e Kufr Hai. (Minhur Rauz, Safha 465)
(41) Gair e Khuda Ko Ibaadat Ki Niyat Se Sajdah Karna Kufr Hai. (Fataawa Aa'lamgeeri, Jild 2, Safha 281)
(42) But Ko Sajdah Karne Waala Kaafir Hai.
(43) Jo Shifa Ki Niyat Se Gair e Khuda Ki Ibaadat Kare Woh Kaafir Hai.
(44) Shifa Ki Niyat Se Gair e Khuda Ki Ibaadat Ko Jaa'iz Samajhne Waala Kaafir Hai.
(45) Jo Shakhs Kahe Ke Agar Allaah Paak Mujhe 10 Namaazo'n Ka Hukm Deta To Mai'n Namaaz Na Padhta. (Minhur Rauz, Safha 165)
(46) Agar Fulaa'n Taraf Qibla Hota To Mai'n Namaaz Na Padhta, Aisa Kehne Waale Par Hukm e Kufr Hai. (Al-Behrur Raa'iq, Safha 204)
(47) Jisne Kisi Ibaadat Guzaar Se Kaha Ke Bas Kar Kahee'n Jannat Se Aage Na Guzar Jaana Hai, Yeh Qaul Kufr Hai Kyu'nke Usne Ibaadat Ka Mazaaq Udaaya. (Minhur Rauz, Safha 474)
(48) Jaan Boojh Kar Gair Qibla Ki Taraf Muh Karke Namaaz Padhna Kufr Hai. (Minhur Rauz, Safha 468)
(49) Bagair Tahaarat Ke Namaaz Padhna Kufr Hai, Jabke Ise Jaa'iz Samjhe Ya Mazaaq Udaate Huwe Aisa Kare. (Minhur Rauz, Safha 468)
(50) Tehqeer Ki Wajah Se Ya Iss Zahen Se Ke Allaah Paak Ne Uspar Namaaz Farz Nahee'n Ki Ya Iss Nazariye Se Ke Namaaz Farz Hi Nahee'n, Jo Shakhs Kahe Ke Mai'n Namaaz Nahee'n Padhta, Uspar Hukm e Kufr Hai. (Ayzan, Safha 464
By Alahazrat Foundation Research Team - 7710809266/9892708816
