(1) Agar Koi Qayaamat Ka Inkaar Kare To Woh Kaafir Hai. (Fataawa Aa'lamgeeri, Jild 2, Safha 272, Bahaare Sharee'at, Hissa 1, Safha 67)
(2) Kisi Se Kaha Gaya, Duniya Chhod Taake Tujhe Aakherat Mile, Usne Kaha, Mai'n Udhaar Ke Badle Naqad Nahee'n Chhodta, Yeh Qaul Kufr Hai. (Al-Behrur Raa'iq, Jild 5, Safha 204)
(3) Jo Kahe, Mujhe Gandum Dede Mai'n Qayaamat Me'n Tujhe Jaw Dedu'nga, Yeh Qaul Kufr Hai Kyu'nke Isme'n Qayaamat Ka Mazaaq Udaaya Gaya Hai. (Minhur Rauz, Safha 521)
(4) Mutlaqan Iss Tarah Kehna, Mera Mehshar Se Kya Ta'alluq, Aisa Kehna Kufr Hai.
(5) Mai'n Mehshar (Ya'ni Marne Ke Ba'ad Zindah Ho Kar Jama Hone Ki Jagah) Se Nahee'n Darta, Aisa Kehna Kufr Hai.
(6) Mai'n Qayaamat Se Nahee'n Darta, Aisa Kehna Kufr Hai.
(7) Jisne Kaha, Duniya Me'n Roti Honi Chaahiye, Aakherat Me'n Jo Chaahe Ho, Yeh Kalma e Kufr Hai. (Minhur Rauz, Safha 522)
(8) Qayaamat Ke Din Hisaab Hone Ka Inkaar Karne Waala Kaafir Hai.
Sawaal - Mar Kar Aadmi Mitti Me'n Mil Kar Hamesha Keliye Khatam Ho Jaata Hai Ab Qayaamat Me'n Kya Uthna Tha ! Yeh Jumla Kaisa Hai ?
Jawaab - Yeh Khaalis Kuffaar Ka Aqeedah Hai, Fuqaha e Kiraam Farmaate Hai'n, Marne Ke Ba'ad Uthaaye Jaane Ka Inkaar Kufr Hai. (Fataawa Aa'lamgeeri, Jild 2, Safha 274)
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
