(1) Qur'aan e Kareem Ya Masjid Ya Isi Tarah Ki Woh Cheeze'n Jo Shar'an Mo'azzam (Ya'ni Deeni She'aar) Hai'n Unki Jisne Tauheen Ki Usne Kufr Kiya. (Minhur Rauz, Safha No.257)
(2) Qur'aan e Majeed Ki Kisi Aayat Ka Mazaaq Udaana Kufr Hai. (Ayzan, Safha No.458)
(3) Jaan Boojh Kar Qur'aan e Paak Ko Phe'nkna Kufr Hai.
(4) Jisne Kisi Daff Ya Baaje Ke Saath Qur'aan Shareef Padha Usne Kufr Kiya. (Minhur Rauz, Safha No.456)
(5) Jo Allaah A'zzowajal Ke Kisi Wa'de Ko Jhutlaaye Woh Kaafir Hai. (Ayzan, Safha No.456)
(6) Jo Allaah A'zzowajal Ki Wa'eed Ko Jhutlaaye Woh Kaafir Hai.
(7) Jisne Bataur e Tauheen Qur'aan e Mubeen Par Paao'n Rakha Woh Kaafir Hai. (Minhur Rauz, Safha No.457)
(8) Jis Shakhs Se Kaha Gaya Tu Qur'aan e Majeed Kyu'n Nahee'n Padhta ? Ya Zyaadah Qir'at Kyu'n Nahee'n Karta, Isne Jawaab Me'n Tehqeeran Kaha, Mera Dil Bhar Gaya Ya Kaha Mujhe Na Pasand Hai, Aisa Kehna Kufr Hai.
(9) Jisne Doosre Se Kaha "Qul Huwallaahu Ahad" Se Handiya Pakaao, Usne Kufr Kiya, Kyu'nke Usne Isse Mazaaq Ka Iraadah Kiya, Tabarruk (Barkat Haasil Karne) Ka Nahee'n. (Ayzan, Safha No.459) Yeh Hukm Uss Soorat Me'n Hai Jab Isse Mazaaq Udaane Ka Iraadah Ho Tabarruk Ka Nahee'n.
(10) Jisne Qur'aan e Kareem Padhne Ka Mazaaq Udaaya Usne Kufr Kiya, Albatta Qaari Ya Uski Aawaaz Wa Lehje Ka Mazaaq Udaaya To Kufr Nahee'n. (Ayzan, Safha No.458)
(11) Jisne Bahot Zyaadah Tilaawat e Qur'aan Karne Waale Se Kaha, Tune Qur'aan Shareef Ya Fulaa'n Soorat Ka Girebaan Pakad Liya Hai, Usne Kufr Kiya. (Ayzan, Safha No.459)
(12) Kisi Shakhs Ko Namaaz e Ba Jamaa'at Ki Taraf Bulaaya Gaya, Usne Kaha, Mai'n To Tanha Padhu'nga, Kyu'nke Qur'aan e Paak Me'n Hai "Innas Salaata Tanha" Ya'ni Usne Tanha Se Urdu Waala "Tanha" Muraad Liya, Aisa Kehna Kufr Hai. (Bahaar e Sharee'at, Hissa 9, Safha No.182)
(13) Agar Kisi Ne Qur'aan Shareef Ko Najaasat Ke Qareeb Phe'nk Diya To Woh Kaafir Hai.
(14) Jo Shakhs Qur'aan e Majeed Ko Naaqis (Adhoora) Kahe Woh Kaafir Hai. (Fataawa Amjadiya, Jild No.2, Safha No.442)
(15) Agar Koi Qur'aan e Majeed Me'n Maujood Ambiya Ke Waaqe'aat Ya Rasoolo'n Ke Mo'jezaat Ka Inkaar Kare Ya Qur'aan e Kareem Me'n Jo Chiyo'ntiyo'n Aur Hud Hud Ke Kalaam Karne Ka Tazkerah Hai Usme'n Shak Kare Ya Hazrat Moosa A'laihissalaam Aur Jaadoogaro'n Ke Qisse Ya Waaqe'ah e Asra (Masjid e Haraam Se Masjid e Aqsa Tak) Ya As'haab e Feel Aur Unpar Hamla Karne Waale Abaabeel Parido'n Ke Waaqe'aat Ya As'haab e Kahaf Ka Qissa Ya Hazrat Ibraaheem A'laihissalaam Ke Aag Me'n Daale Jaane Ka Waaqe'ah Wagairah Wagairah Qisso'n Ke Sachcha Hone Me'n Shak Kare Woh Kaafir Hai, Jabke Asal Waaqe'ah Ke Wajood Hi Ka Inkaar Kare, Albatta Uski Koi Aisi Tafseel Jo Qur'aan e Paak Me'n Saraahat Se (Ya'ni Saaf Saaf) Mazkoor Nahee'n Hai Uske Inkaar Par Hukm e Kufr Nahee'n Hai.
(16) Aayaat Wa Ahaadees Kuchh Nahee'n Aisa Kehne Waala Kaafir Wa Murtad Hai. (Fataawa Razviya, Jild No.13, Safha No.654)
(17) Qur'aan e Kareem Me'n Jo Malaa'ika, Jinnaat Aur Shayaateen Ke Waaqe'aat Hai'n Unko "Khayaali Kahaaniyaa'n" Kehne Waala Kaafir Hai.
(18) Qur'aan e Majeed Me'n Jo Kisi Ek Lafz, Ek Harf Ya Ek Nukte Ki Kami Beshi Ka Bhi Qaayel Hai Yaqeenan Kaafir Wa Murtad Hai. (Fataawa Razviya)
(19) Agar Koi Yeh Da'wa Kare Ke Qur'aan e Majeed Me'n Jo Kuchh Hai Unme'n Ba'az Se Ba'az Yaqeenan Takraata Hai To Woh Kaafir Hai, Agar Naasikh Wa Mansookh Ke Sabab Kehta Hai To Taaweel Hai Aur Agar Khaami Nikaalne Keliye Kehta Hai To Kaafir Hai.
(20) Agar Koi Qur'aan e Paak Ke Mo'jezah Hone Me'n Shak Kare Ya Allaah A'zzowajal Ki Taraf Se Naazil Kiye Jaane Me'n Shak Kare To Woh Kaafir Hai.
(21) Agar Koi Yeh Kahe Ke Iss Zamaane Me'n Padhe Likhe Log Mil Jhul Kar Koshish Kare'n To Qur'aan e Kareem Ki Misl (Tarah) Ya Qur'aan e Azeem Se Behtar Kitaab La Sakte Hai'n To Woh Kaafir Hai.
Astagfirullaah, La Elaaha Ellallaah Muhammadur Rasoolullaah ﷺ
Agar Aapko Koi Aise Jumle Kehta Huwa Mile To Usko Samjhaaye'n Aur Usko Bataaye'n Ke Aise Jumle Kehne Se Kaafir Ho Jaate Hai'n, Tauba Karke Phirse Kalma Padhna Zaroori Hai, Agar Shaadi Shudah Hai To Phirse Usi Beewi Se Nikaah Karna Hoga, Agar Kisi Peer Se Mureed Tha To Phirse Bay'at Karni Padegi.
By Alahazrat Foundation Research Team - 7710809266/9892708816
