(1) Rozah Woh Rakhe Jiske Paas Khaana Na Ho, Aisa Kehna Kaisa ?
Jawaab - Aisa Kehna Kufr Hai, Iss Qaul e Bad Me'n Ramzaan Ke Roze Ki Tehqeer Ke Saath Saath Iski Farziyat Ka Bhi Inkaar Paaya Jaaraha Hai, Sadrush Sharee'ah Badrut Tareeqa Allaama Maulaana Mufti Muhammad Amjad Ali Aa'zami A'laihir Rehma Farmaate Hai'n, Roza e Ramzaan Nahee'n Rakhta Aur Kehta Yeh Hai Ke Rozah Woh Rakhe Jise Khaana Na Mile Ya Kehta Hai, Jab Khuda Ne Khaane Ko Diya Hai To Bhooke Kyu'n Mare'n Ya Isi Qism Ki Aur Baate'n Jinse Roze Ki Hatak (Be Izzati) Wa Tehqeer Ho Kehna Kufr Hai. (Bahaare Sharee'at, Hissa 9, Safha 183)
(2) Ramzaanul Mubaarak Ki Aamad Par Iss Tarah Kehna Kaisa Ke Bahot Bhaari Maheena Aagaya ?
Jawaab - Fuqaha e Kiraam Farmaate Hai'n, Jo Ramzaanul Mubaarak Ki Tauheen Ki Niyat Se Kahe Ke Bada Bhaari Maheena Aagaya To Woh Kaafir Hai. (Al-Behrur Raa'iq, Jild 5, Safha 206) Haa'n Agar Rozah Rakhna Uspar Mushkil Hai Aur Iss Wajah Se Yeh Kehta Hai Aur Roze Ki Tauheen Uska Maqsad Nahee'n To Kufr Nahee'n, Allaah Paak Ki Ibaadat Se Dil Ta'ng Hona Bura Hai.
(3) Ramzaanul Mubaarak Ke Rozo'n Ki Te'daad Ke Baare Me'n Yeh Kehna Kaisa Ke Ab To Roze Rakh Rakh Kar Mai'n Bor Hogaya Hoo'n ?
Jawaab - Iss Jumle Me'n Kufriya Pehlu Maujood Hai, Chunaanche Fataawa Aa'lamgeeri Me'n Hai Ke Jo Roza e Ramzaan Ke Baare Me'n Kahe, Kitne Zyaadah Hai'n Mera To Dil Ukta Gaya Hai, Yeh Qaul Kufr Hai. (Fataawa Aa'lamgeeri, Jild 2, Safha 270)
(4) Zaid Be Qaid (Bagair Kisi Qaid Ke) Ne Ramzaanul Mubaarak Ki Aamad Par Kaha, Kaafir Hote To Behtar Tha Yeh 30 Roze To Na Rakhne Padte ! Yeh Sunkar Bakar Ne Kaha, Haa'n Bhayi ! Allaah Paak Ne Yeh Jo 30 Roze Banaaye Hai'n Poori Qaid Hai, Bhook Pyaas Lekar Aate Hai'n, Bada Zulm Hai, Ramzaan Ke Roze Bade Zaalim Hai'n, Lekin Jo Zulm Karta Hai Thode Din Rehta Hai, In Kalimaat Bakne Waalo'n Par Kya Sharayi Ahkaamaat Hai'n ?
Jawaab - Mere Aaqa Alahazrat Imaam e Ahle Sunnat Maulaana Shaah Imaam Ahmad Raza Khaan A'laihir Rehma Isi Tarah Ke Sawaal Ke Jawaab Me'n Irshaad Farmaate Hai'n, Yeh Dono'n Yaqeenan Kaafir Murtad Hai'n (Aur Tamaam Murtadeen) Keliye Yeh Ahkaam Hai'n Ke Agar Aurat Rakhte Ho'n To Unki Aurate'n Unke Nikaah Se Nikal Gayee'n, Aurato'n Ko Ikhtiyaar Hai Ke Ba'ad e Iddat Jisse Chaahe'n Nikaah Karle'n, Yeh Kaafir Agar Tauba Na Kare'n (Aur) Az Sare Naw Islaam Na Laaye'n To Musalmaano'n Ko In (Murtadeen) Se Mail Jol Haraam, Salaam Kalaam Haraam, Beemaar Pade'n To Unhe'n Poochhne Jaana Haraam, Mar Jaaye'n To Unke Janaaze Me'n Shirkat Haraam, Unhe'n Gusl Dena Haraam, Unpar Namaaz Padhna Haraam, Unka Janaazah Kandhe Par Rakhna Haraam, Janaaze Ke Saath Jaana Haraam, Maqaabir e Muslimeen (Ya'ni Musalmaano'n Ke Qabrastaan) Me'n Dafan Karna Haraam, Unke Aqaarib (Ya'ni Rishtedaar) Agar Hukm e Sharee'at Maane'n To Un (Murtadeen) Ki Maut (Waaqe Ho Jaane) Par Unki Laashe'n Daf e Ufoonat (Ya'ni Gandagi Door Karne) Bha'ngi Chamaaro'n Se Thele Par Dalwa Kar Musalmaano'n Aur Kaafiro'n Sabki Maqaabir (Qabro'n) Se Juda Ki Ta'ng Gadhe Me'n Kutte Ki Tarah Phikwa Kar Upar Se Paat De'n, Sureh Maa'idah Aayat No.29 Tarjuma - Aur Be Insaafo'n Ki Yehi Saza Hai. (Fataawa Razviya, Jild 14, Safha 635-636)
By Alahazrat Foundation Research Team - 7710809266/9892708816
