(1) Kisi Se Kaha Gaya Ke Daadhi Rakh Lo, Usne Kaha, Kaam Ki Baat Karo, Ya'ni Daadhi Ko Fuzool Wa Lagvo Samjha, Yeh Kalma e Kufr Hai, Haa'n Agar Daadhi Ko Fuzool Kehna Maqsood Na Tha Balke Saamne Waale Ke Khalte Mab'has (Ya'ni Guftagu Me'n Jo Mauzu Chal Raha Tha Kisi Ka Usse Hat Kar Doosri Baat Shuru Kardena) Karne Ke Sabab Kaha To Kufr Nahee'n, Maslan Poochha Kuchh Aur Tha Magar Agle Ne Be Mauqa Keh Diya Ke Daadhi Rakh Lo, Ispar Jawaab Diya, Kaam Ki Baat Karo, Ya'ni Pehle Mere Sawaal Ka Jawaab To Dedo.
(2) Mutlaqan Daadhi Ke Sunnat Hone Ka Inkaar Karna Kufr Hai.
(3) Sunnat Ko Haqeer Samajhte Huwe Uske Tark Par Hameshgi Kufr Hai. (Minhur Rauz, Safha No.423)
(4) Kisi Se Kaha Gaya Ke Yeh Kya Tu Ne Imaama Wagairah Paagalo'n Waala Libaas Pehna Huwa Hai, Yeh Kalma e Kufr Hai.
(5) Sunnat Ki Tehqeer Karna Kufr Hai.
(6) Daadhi Badhaane Ki Tehqeer Karna Kufr Hai.
(7) Moo'nchhe'n Kam Karne Ki Tehqeer Karna Kufr Hai.
(8) Imaama Baa'ndhne Ki Tehqeer Karna Kufr Hai.
(9) Shimla Latkaana (Imaame Ka Sira Jo Peechhe Ki Taraf Latka Rehta Hai) Inki Ehaanat (Ya'ni Tauheen) Kufr Hai Jabke Sunnat Ki Tauheen Maqsood Ho. (Bahaare Sharee'at, Hissa 9, Safha 181)
(10) Sunnat Ki Tauheen Karte Huwe Kisi Se Kaha Ke Tujhe Daadhi Achchi Nahee'n Lag Rahi Hai, Yeh Kalma e Kufr Hai.
(11) Sunnat Ki Tauheen Karte Huwe Kisi Se Kaha Ke Tera Chehra Daadhi Ke Sabab Bigad Gaya Hai, Yeh Kalma e Kufr Hai.
(12) Sunnat Ki Tauheen Karte Huwe Daadhi Ko Brush (Paint Karne Waala Saamaan) Kehna Kufr Hai.
(13) Daadhi Ka Mazaaq Udaate Huwe Saamne Waale Ko Daadhi Waala Bakra Kehna Kufr Hai.
(14) Sunnat Ki Tauheen Ki Niyat Se Imaama Shareef Ko Zameen Par Phe'nkna Kufr Hai.
(15) Sunnat Ki Tauheen Ki Niyat Se Imaama Shareef Ko Phaadna Kufr Hai.
(16) Sunnat Ki Tauheen Ki Niyat Se Imaama Shareef Ko Jalaana Kufr Hai.
(17) Shaving Karne Se To Chehra Nooraani Ho Jaata Hai Aur Daadhi Se Be Raunaq, Yeh Kalma e Kufr Hai.
(18) Kisi Se Kaha Gaya Ke Sar Mundwaao Aur (19) Naakhun Kaato Ke Yeh Sunnat Hai, Usne Bataur e Inkaar Aur Bataur e Radd Ke Sunnat Ko Thukraate Huwe Kaha, Mai'n Nahee'n Karta Agarche Sunnat Hi Ho, Aise Par Hukm e Kufr Hai Aur Yehi Hukm Har Sunnat Ke Baare Me'n Hai. (Majma'ul Anhar, Jild 2, Safha 507)
(20) Daadhi Mundaane Ko Sunnat Kehna Kalma e Kufr Hai. (Fataawa Razviya, Jild 15, Safha 266)
(21) Zaid Ne Khaane Ke Ba'ad U'ngliyaa'n Chaatee'n, Bakar Ne Tokte Huwe Kaha, Yeh Tehzeeb Ke Khilaaf Hai, Zaid Ne Kaha Yeh Sunnat e Rasool Hai, Bakar Ne Baka, Yeh Sunnat e Rasool Ho Tab Bhi Meri Aqal Me'n Nahee'n Aata, U'ngliyaa'n Chaatna Khilaaf e Tehzeeb Hi Hai, Aisa Kehne Waale Bakar Par Hukm e Kufr Hai.
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
