(1) Jitne Molvi Hai'n Sab Badmaash Hai'n Aisa Kehna Kufr Hai, Jabke Deeni Ilm Rakhne Ki Wajah Se Ulama Ki Tehqeer Ki Niyat Ho.
(Fataawa Amjadiya, Jild 4, Safha 454)
(2) Aa'lim Logo'n Ne Desh Kharaab Kardiya, Yeh Kalma e Kufr Hai. (Fataawa Razviya, Jild 14, Safha 605)
(3) Molviyo'n Ne Deen Ke Tukde Tukde Kardiye, Yeh Kalma e Kufr Hai.
(4) Jo Kahe Ke Ilm e Deen Ko Kya Karu'nga ! Jaib (Pocket) Me'n Rupye Hone Chaahiye, Aisa Kehne Waale Par Hukm e Kufr Hai.
(5) Kisi Ne Aa'lim Se Kaha, Ja Aur Ilm e Deen Ko Kisi Bartan Me'n Sambhaal Kar Rakh, Yeh Kalma e Kufr Hai. (Fataawa Aa'lamgeeri, Jild 2, Safha 270-271)
(6) Jisne Kaha, Ulama Jo Bataate Hai'n Use Kaun Kar Sakta Hai ! Yeh Qaul Kufr Hai, Kyu'nke Iss Kalaam Se Laazim Aata Hai Ke Sharee'at Me'n Aise Ahkaam Hai'n Jo Taaqat Se Baahar Hai'n Ya Ulama Ne Ambiya e Kiraam Par Jhoot Baa'ndhna Hai. (Minhur Rauz, Safha 470-471)
(7) Yeh Kehna" Sareed" (Ek Tarah Ka Khaana Hai) Ka Pyaala Ilm e Deen Se Behtar Hai, Kalma e Kufr Hai. (Minhur Rauz, Safha 472)
(8) Aa'lim e Deen Se Uske Ilm e Deen Ki Wajah Se Bugz Rakhna Kufr Hai, Ya'ni Iss Wajah Se Ke Woh Aa'lim e Deen Hai. (Imaan Ki Hifaazat, Safha 103)
(9) Jo Kahe Ke Fasaad Karna Aa'lim Banne Se Behtar Hai, Aise Shakhs Par Hukm e Kufr Hai. (Fataawa Aa'lamgeeri, Jild 2, Safha 271)
(10) Yaad Rahe ! Sirf Ulama e Ahle Sunnat Ki Ta'zeem Ki Jaayegi, Rahe Badmazhab Ulama To Unke Saaye Se Bhi Bhaage'n Ke Unki Ta'zeem Haraam, Unka Bayaan Sunna, Unki Kitaabo'n Ka Mutaale'ah Karna Aur Unki Sohbat Ikhtiyaar Karna Haraam Aur Imaan Keliye Zaher Hai.
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
