(1) Zakaat Ki Farziyat Ka Inkaar Karne Waale Keliye Kya Hukm Hai ?
Jawaab - Zakaat Ki Farziyat Ka Inkaar Karne Waala Kaafir Wa Murtad Hai.
(2) Agar Allaah Paak Dhaayi Feesad (2.5%) Se Zaa'id Zakaat Ada Karne Ka Hukm Farmaata To Mai'n Na Deta, Aisa Kehne Waale Par Kya Hukm Hai ?
Jawaab - Aise Shakhs Par Hukm e Kufr Hai, Fuqaha e Kiraam Farmaate Hai'n, Agar Kisi Ne Kaha Ke Allaah Paak Ne Mujhe 5 Se Zyaadah Namaazo'n Ka Ya Ramzaanul Mubaarak Ke Alaawah Rozo'n Ka Ya Maal Ke Chaaleeswe'n (40ve) Hisse Se Zyaadah Zakaat Ka Agar Hukm Deta To Mai'n Uspar Amal Na Karta, Aise Shakhs Par Hukm e Kufr Hai. (Minhur Rauz, Safha 468)
(3) Zakaat Ko Zulm Kehna Kaisa ?
Jawaab - Zakaat Ko Zulm Kehne Waala Kaafir Hai.
(4) Zakaat Ko Hiqaaratan Tax Kehna Kaisa ?
Jawaab - Zakaat Ko Hiqaaratan Tax Kehna Kufr Hai, Hazrat Sayyaduna Mulla Ali Qaari A'laihir Rehma Farmaate Hai'n, Jispar Zakaat Farz Hai, Use Kaha Gaya Tu Zakaat Kyu'n Nahee'n Deta ? Usne Kaha, Yeh Tax Mai'n Nahee'n Deta, Ya Bataur e Inkaar Kaha, Mai'n Nahee'n Jaanta, Aisa Kehne Par Hukm e Kufr Hai. (Minhur Rauz, Safha 509)
By Alahazrat Foundation Research Team - 7710809266/9892708816
