(1) 2 Aadmiyo'n Ka Jhagda Huwa, Unme'n Se Ek Ne Kaha "La Hawla Wala Quwwata Ella Billaah" Ispar Doosre Ne Kaha "La Hawl" Kuchh Bhi Nahee'n Hai, Ya
(2) Kaha Mai'n "La Hawla Wala Quwwata Ella Billaah" Ka Kya Karu'n, Ya
(3) Kaha "La Hawl" Bhook Ki Jagah Faa'idah Nahee'n Deti, Ya
(4) Kaha "La Hawl" Roti Ka Kaam Nahee'n Deti, Ya
(5) Kaha "La Hawl" Roti Ki Jagah Kifaayat Nahee'n Karti, Ya
(6) Kaha "La Hawl" Kuchh Faa'idah Nahee'n Deti, Ya
(7) Kaha "La Hawl" Pyaale Me'n Sureed Nahee'n, Yeh Tamaam Aqwaal Kufriya Hai'n.
(Bahaare Sharee'at, Hissa 9, Safha 183, Fataawa Aa'lamgeeri, Jild 2, Safha 273, Minhur Rauz, Safha 461)
(8) Tasbeehaat (Maslan Sub'haan Allaah, Alhamdulillaah, Allaahu Akbar, La Elaaha Ellallaah) Ke Muta'alliq Upar Guzre Huwe Alfaaz Kehne Ka Hukm Bhi Yehi Hai Ya'ni Kufr Hai. (Minhur Rauz, Safha 461)
(9) Kisi Ne Kaha, Sub'haan Allaah ! Ispar Doosre Ne Kaha Ke Tu Ne Allaah Ke Naam Ki Khaal Utaar Di, Yeh Kalma e Kufr Hai. (Ayzan)
(10) Kisi Ne Apne Mohsin Ka Shukriya Ada Karte Huwe Kaha Ke Allaah Paak Aapko Jaza e Khair De, To Mohsin Bola, Mujhe Jaza e Khair Nahee'n Chaahiye, Aisa Kehne Waala Kaafir Ho Jaayega.
(11) Sawaal - Jab Aadmi Kisi Kaam Me'n Na Kaam Ho Jaata Hai To Ba'az Auqaat Apne Baare Me'n Bol Jaata Hai Ke Na Khuda Hi Mila Na Wisaale Sanam Na Idhar Ke Rahe Na Udhar Ke Rahe,
Jawaab - Yeh Jumla Bolne Se Bachna Chaahiye, Iske Ibtedaayi Alfaaz Ke Ma'na Yeh Bane'nge Ke Na Khuda Ka Qurb Haasil Huwa Aur Na Hi Sanam Ke Qareeb Ho Sake, Kutub e Lugat Ke Ae'tebaar Se Sanam Ke Ma'na But Bhi Hai Aur Mehboob Bhi.
(12) Sawaal - Aa'm Bol Chaal Me'n Yeh 4 Muhaaware Iste'maal Kiye Jaate Hai'n, Kahee'n Yeh Kufriya To Nahee'n ?
1- Mai'n To Deen Ka Raha Na Duniya Ka
2- Apne Paas To Na Duniya Hai Na Deen
3- Mai'n To Na Deen Ka Hoo'n Na Duniya Ka
Jawaab - Mazkoorah Jumle Umooman Logo'n Me'n Muhaawaratan Iste'maal Kiye Jaate Hai'n Jo Ke Kufriya Nahee'n Kyu'nke Inse Muraad Yeh Hoti Hai Ke Mai'n Kisi Kaam Ka Nahee'n Hoo'n Ya'ni Nikamma Hoo'n Jaisa Ke Ferozul Lugaat Ke Safha 711 Par Iss Muhaaware "Deen Ka Na Duniya Ka" Ke Ma'na Yeh Likhe Hai'n Ke "Kisi Kaam Ka Nahee'n, Nikamma. (Fataawa Daarul Ifta Ahle Sunnat Gair Matboo'ah).
Astagfirullaah, La Elaaha Ellallaah Muhammadur Rasoolullaah ﷺ
By Alahazrat Foundation Research Team - 7710809266/9892708816
