Abu Dawood Shareef

سہیل بن عبد المالک کے والد ماجد نے حضرت طلحہ بن عبید اللہ رضی اللّٰہ تعالیٰ عنہ کو فرماتے ہوئے سنا کہ ایک نجدی رسول اللہ صلی اللّٰہ علیہ وسلم کی بارگاہ میں حاضر ہوا،جس کے بال بکھرے ہوئے تھے،گنگناہٹ سنائی دیتی تھی۔لیکن یہ پتہ نہیں لگتا تھا کہ وہ کہتا کیا ہے۔یاں تک کہ نزدیک ہوکر اس نے اسلام کے متعلق دریافت کیا۔فرمایا کہ دن اور رات میں روزانہ پانچ نمازیں ہیں۔عرض گزار ہوا کہ کیا اس کے سوا بھی مجھ پر کچھ اور ہے ؟فرمایا کہ۔نہیں مگر جوتم اپنی خوشی سے رکھو,فرمایا،کہ رسول اللہ صلی اللہ علیہ وسلم نے رمضان کے روزہ کا ذکر فرمایا عرض کی کہ کیا ان کے سوا بھی مجھ پر روزے ہیں؟فرمایا کہ نہیں مگر جوتم اپنی خوشی سے رکھو ۔رسول اللہ صلی اللّٰہ علیہ وسلم نے زکاۃ ذکر فرمایا عرض گزار ہوا کہ کیا اس کے سوا بھی مجھ پر کچھ اور ہے؟فرمایا کہ نہیں مگر جو تم اپنی خوشی سے دو ۔جب وہ آدمی پیٹھ پھیر کر جانے لگا تو کہتا تھا کہ خدا کی قسم نہ میں ان میں کچھ اضافہ کروں گا اور نہ کمی۔رسول اللہ صلی اللّٰہ علیہ وسلم نے فرمایا کہ اگر اس نے سچ کہا ہے تو نجات پاگیا۔ ابوداؤد شریف کتاب الصلاۃ،بَابُ فَرْضِ الصَّلَاةِ،حدیث نمبر ٣٩١؛ج ١ ص ٢٩١؛حکم حدیث اسنادہ صحیح تحقیق الارنووط

ابو سہیل نافع بن مالک بن ابو عامر نے اپنی سند کے ساتھ مذکورہ حدیث کو روایت کرتے ہوئے کہا۔نجات پاگیا۔اور اسی میں ہے کہ اگر سچ کہا تو جنت میں داخل ہو گیا میرے والد ماجد کی قسم اگر سچ کہا۔ ابوداؤد شریف کتاب الصلاۃ،بَابُ فَرْضِ الصَّلَاةِ،حدیث نمبر ٣٩٢؛ج ١ ص ٢٩٢؛حکم حدیث اسنادہ صحیح تحقیق الارنووط

حضرت ابن عباس رضی اللّٰہ تعالیٰ عنہما سے روایت ہے کہ رسول اللہ صلی اللّٰہ علیہ وسلم نے فرمایا کہ حضرت جبرائیل نے بیت اللہ کے پاس دومرتبہ میری امامت کی۔پس میرے ساتھ نماز ظہر پڑھی جبکہ سورج ڈھل گیا اور سایہ تسمہ کے برابر ہوگیا اور میرے ساتھ نماز عصر پڑھی جب کہ چیزوں کا سایہ ان کے برابر ہوگیا اور ساتھ نماز مغرب پڑھی جب کہ روزہ افطار کیا جاتا ہے اور میرے ساتھ نماز عشاء پڑھی جب کہ شفق غائب ہو جاتی ہے اور میرے ساتھ نماز فجر پڑھی جب کہ روزہ دار پر کھانا پینا حرام ہوجاتا ہے۔جب اگلا روز ہوا تو میرے ساتھ نماز ظہر پڑھی جب کہ سایہ ایک مثل ہو گیا اور میرے ساتھ نماز عصر پڑھی جب کہ سایہ دو مثل ہو گیا اور میرے ساتھ نماز مغرب پڑھی جب کہ روزہ دار افطارکرتا ہے اور نماز عشاء میرے ساتھ پڑھی تہائی رات گزرنے پر اور میرے ساتھ نماز فجر پڑھی جب کہ خوب اجالا ہوگیا۔ پھر میری جانب متوجہ ہوکر کہا کہ اے محمد مصطفی صلی اللّٰہ علیہ وسلم!یہ آپ سے پہلے انبیاء کرام کے اوقات نماز ہیں اور ہر نماز کا وقت ان دونوں حدوں کے درمیان ہے۔ ابوداؤد شریف کتاب الصلاۃ،بَابٌ فِي الْمَوَاقِيتِ،حدیث نمبر٣٩٣؛ج ١ ص ٢٩٣؛حکم حدیث اسنادہ حسن تحقیق الارنووط

اسامہ بن زید لیثی کو ابن شہاب نے بتایا کہ حضرت عمر بن عبد العزیز منبر پر بیٹھے ہوئے تھے کہ انہوں نے نماز عصر میں تاخیر کردی تو حضرت عروہ بن زبیر نے ان سے کہا کہ حضرت جبرائیل علیہ السلام نے محمد مصطفی صلی اللّٰہ علیہ وسلم کو نماز کے اوقات بتادیے تھے حضرت عمر نے ان سے کہا کہ غور تو کیجیے آپ کہہ کیا رہے ہیں؟ عروہ نے کہا کہ میں نے بشیر بن ابو مسعود کو فرماتے ہوئے سنا کہ انہوں نے حضرت ابو مسعود انصاری کو فرماتے ہوئے سنا اور انہوں نے رسول اللہ صلی اللّٰہ علیہ وسلم کو فرماتے ہوئے سنا کہ حضرت جبرائیل نازل ہوئے تو انہوں نے مجھے نماز کے اوقات بتائے پس میں نے ان کے ساتھ نماز پڑھی ،پھر ان کے ساتھ نماز پڑھی،پھر ان کے ساتھ نماز پڑھی،پھر ان کے ساتھ نماز پڑھی ،پھر ان کے ساتھ نماز پڑھی۔اپنی انگلیوں پر پانچ نمازیں شامل کیں۔پس میں نے رسول اللہ صلی اللّٰہ علیہ وسلم کو دیکھا کہ آ پ نے نماز ظہر زوال آفتاب کے بعد پڑھی اور کبھی اتنی مؤخر کی کہ گرمی میں شدت آگئی اور میں نے آپ کو نماز عصر پڑھتے ہوئے دیکھا جب کہ سورج خوب بلند اور سفید تھا۔اس میں زردی آنے سے پہلے آدمی نماز سے فارغ ہوکر ذوالحلیفہ پہنچ جاتا اس سے پہلے کہ سورج غروب ہو اور سورج غائب ہوتے ہی نماز مغرب پڑھی اور نماز عشاء اس وقت پڑھی جب کہ افق میں سیاہی آگئی اور کبھی اس میں اتنی تاخیر فرمالیتے کہ لوگ جمع ہوجاتے اور نماز فجر ایک دفعہ اندھیری میں پڑھی اور دوسری دفعہ اجالا ہونے پر پڑھی ۔پھر آپ کی نماز اس کے بعد اندھیرے میں رہی یعنی وصال دوبارہ اجالا میں نہیں پڑھی۔امام ابوداؤد نے فرمایا کہ اس حدیث کو زہری،معمر،مالک،ابن عیینہ،شعیب بن ابوحمزہ ،لیث بن سعد وغیرہ نے روایت کیا ہے۔لیکن انہوں نے یہ ذکر نہیں کیا ہے کہ کن اوقات میں نماز پڑھی اور نہ تفصیل بتائی اور اسی طرح روایت کیا ہے اسے ہشام بن عروہ اور حبیب بن مرزوق نے عروہ سے معمر اور ان کے ساتھیوں نے اسی طرح روایت کی ہے مگر حبیب نے بشیر کا ذکر نہیں کیا۔ روایت کیا وہب بن کیسان حضرت جابر نے نبی کریم صلی اللّٰہ علیہ وسلم سے نماز مغرب کا وقت فرمایا پھر حضرت جبرائیل مغرب کے وقت آئے جب کہ سورج غروب ہو گیا یعنی اگلے روز بھی اسی وقت ۔امام ابوداؤد نے فرمایا کہ اسی طرح حضرت ابو ہریرہ نے نبی کریم صلی اللّٰہ علیہ وسلم سے روایت کی فرمایا کہ ابوداؤد شریف کتاب الصلاۃ،بَابٌ فِي الْمَوَاقِيتِ،حدیث نمبر٣٩٤؛ج ١ ص ٢٩٥؛حکم حدیث اسنادہ حسن تحقیق الارنووط

ابو بکر بن ابو موسی نے حضرت ابو موسی اشعری رضی اللہ عنہ سے روایت کی ہے کہ ایک شخص نے نبی کریم صلی اللہ علیہ وسلم سے سوال کیا لیکن آپ نے اسے کوئی جواب نہ دیا یہاں تک کہ حضرت بلال کو نماز فجر کی اقامت کا حکم فرمایا کیا جبکہ فجر طلوع ہوا تھا اور ایسے وقت نماز پڑھی کہ آدمی اپنے ساتھ کا منہ پہچانتا نہ تھایا آدمی اسے نہ پہچان سکا جو اس کے پہلو میں ہوں پھر حضرت بلال کو حکم فرمایا تو انہوں نے نماز ظہر کے لئے اقامت کہی جب کہ سورج ڈھلا تھا اور پوچھنے والا پوچھتا کہ کیا دوپہر ہو گئی ہے پھر آپ نے حضرت بلال کو حکم فرمایا تو انہوں نے نماز عصر کے لئے اقامت کہی جب کہ آفتاب سفید اور بلند تھا آپ نے حضرت بلال کو فرمایا تو انہوں نے نماز مغرب کی اقامت کہی جب کہ سورج غروب ہوگیا تھا اور شفق غائب ہونے پر نماز عشاء کی اقامت کہی گئی اگلے روز آپ نماز فجر کر لوٹے تو ہم نے کہا کہ کیا سورج طلوع ہو گیا ہے پھر ظہر کی نماز اس وقت پڑھی جس وقت پچھلے روز عصر کی پڑھی تھی اور عصر کی نماز اس وقت پڑھی جب سورج میں زردی آگئی یا یہ فرمایا کہ شام ہونے لگا اور شفق کے غائب ہونے سے پہلے مغرب پڑھی اور تہائی رات گزرنے پر نماز عشاء پڑھی پھر فرمایا کہ نماز کی اوقات پوچھنے والا سائل کہاں ہے؟ امام ابوداؤد نے فرمایا کہ روایت کیا سلیمان بن موسیٰ،عطاءاور حضرت جابر رضی اللہ تعالی عنہ نے نبی کریم صلی اللہ علیہ وسلم سے اسی کے مطابق فرمایا پھر نماز عشاء پڑھی بعض حضرات نے کہا کہ تہائی رات گزرنے پر اور بعض نے کہا وقت نصف اسی طرح روایت کیا ابن بریدہ کے والد ماجد نبی کریم صلی اللہ علیہ وسلم سے سے۔ ابوداؤد شریف کتاب الصلاۃ،بَابٌ فِي الْمَوَاقِيتِ،حدیث نمبر٣٩٥؛ج ١ ص ٢٩٧؛حکم حدیث اسنادہ صحیح تحقیق الارنووط

حضرت عبداللہ بن عمروبن العاص رضی اللہ تعالی عنہ سے روایت ہے کہ نبی کریم صلی اللہ علیہ وسلم نے فرمایا۔ظہر کا وقت ہے جب تک عصر نہ آئےاور مغرب کا وقت ہے جب تک شفق کا اجالا ساقط نہ ہو اور عشاء کا وقت آدھی رات تک ہے اور فجر کا وقت ہے جب تک سورج طلوع نہ ہو۔ ابوداؤد شریف کتاب الصلاۃ،بَابٌ فِي الْمَوَاقِيتِ،حدیث نمبر٣٩٦؛ج ١ ص ٢٩٨؛حکم حدیث اسنادہ صحیح تحقیق الارنووط

محمد بن عمرو بن الحسن سے روایت ہے کہ ہم نے حضرت جابر رضی اللہ تعالی عنہ سے رسول اللہ صلی اللہ علیہ وسلم کی نمازوں کے اوقات پوچھے تو فرمایا حضور ظہر کی نماز دن ڈھلنے پر پڑھتے اور عصر اس وقت جب کہ سورج میں جان ہوتی ہے اور مغرب سورج غروب ہونے پر اور عشاء کے وقت جب کافی حضرات آجاتے تو جلدی پڑھتے اور تھوڑے ہوتے تو دیر کرتے اور صبح کی نماز اندھیرے میں پڑھتے۔ ابوداؤد شریف کتاب الصلاۃ،بَابٌ فِي وَقْتِ صَلَاةِ النَّبِيِّ صَلَّى اللهُ عَلَيْهِ وَسَلَّمَ وَكَيْفَ كَانَ يُصَلِّيهَا،حدیث نمبر٣٩٧؛ج ١ ص ٢٩٩؛حکم حدیث اسنادہ صحیح تحقیق الارنووط

ابوالمنہال سے روایت ہے کہ حضرت ابو برزہ رضی اللہ تعالی عنہ نے فرمایا کہ رسول اللہ صلی اللّٰہ علیہ وسلم ظہر اس وقت پڑھتے جب سورج ڈھل جاتا اور عصر پڑھتے کہ اگر کوئی ہم میں مدینہ منورہ کے آخری کنارے تک جاکر لوٹ آتا تو سورج میں ابھی جان ہوتی اور مغرب کے متعلق میں بھول گیا اور آ پ عشاء کو تہائی رات تک مؤخر کرنے میں کوئی مضائقہ نہ سمجھتے پھر فرمایا کہ آدھی رات تک فرمایا اور آپ اس سے پہلے سونے اور اس کے بعد باتیں کرنے کو ناپسند فرماتے اور صبح کی نماز پڑھتے کہ ہم اپنے جانے پہچانے ساتھی کو پہچان نہیں سکتے تھے اور اس میں آپ ساٹھ سے سوآیتوں تک پڑھتے۔ ابوداؤد شریف کتاب الصلاۃ،بَابٌ فِي وَقْتِ صَلَاةِ النَّبِيِّ صَلَّى اللهُ عَلَيْهِ وَسَلَّمَ وَكَيْفَ كَانَ يُصَلِّيهَا،حدیث نمبر٣٩٨؛ج ١ ص ٣٠٠؛حکم حدیث اسنادہ صحیح تحقیق الارنووط

سعید بن حارث انصاری سے روایت ہے کہ حضرت جابر بن عبداللہ رضی اللّٰہ تعالیٰ عنہما نے فرمایا کہ میں نماز ظہر رسول اللہ صلی اللّٰہ علیہ وسلم کے ساتھ پڑھا کرتا تو ایک میٹھی کنکریاں لیتا کہ وہ میرے ہاتھ میں ٹھنڈی ہو جائیں تاکہ گرمی کی شدت کے باعث ان پر اپنی پیشانی رکھ کر سجدہ کر سکوں۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الظُّهْرِ،حدیث نمبر٣٩٩؛ج ١ ص ٣٠٠؛حکم حدیث اسنادہ حسن تحقیق الارنووط

اسود سے روایت ہے کہ حضرت عبداللہ بن مسعود رضی اللّٰہ تعالیٰ عنہ نے فرمایا کہ رسول اللہ صلی اللّٰہ علیہ وسلم کی نماز ظہر کا گرمیوں میں اندازہ تین سے پانچ قدم تک اور سردیوں میں پانچ سے سات قدم تھا۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الظُّهْرِ،حدیث نمبر٤٠٠؛ج ١ ص ٣٠١؛حکم حدیث اسنادہ صحیح تحقیق الارنووط

زید بن وہب حضرت ابوذر غفاری رضی اللّٰہ تعالیٰ عنہ کو فرماتے ہوئے سنا کہ ہم نبی کریم صلی اللّٰہ علیہ وسلم کے ہمراہ تھے کہ مؤذن نے اذان کہنے کا ارادہ کیا تو فرمایا کہ ٹھنڈا ہونے دو۔پھر اذان کہنے کا ارادہ کیا تو فرمایا کہ ٹھنڈک ہونے دو۔یاتین مرتبہ ایسا فرمایا۔ یہاں تک کہ ہم نے ٹیلوں کا سایہ دیکھ لیا۔پھر فرمایا کہ گرمی کی شدت جہنم کے جوش سے ہے جب سخت گرمی ہوتو نماز ٹھنڈی کرکے پڑھو۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الظُّهْرِ،حدیث نمبر٤٠١؛ج ١ ص ٣٠٢؛حکم حدیث اسنادہ صحیح تحقیق الارنووط

سعید بن مسیب اور ابوسلمہ نے حضرت ابوہریرہ رضی اللہ تعالی عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔جب گرمی کی شدت ہو تو وقت ٹھنڈا کرکے نماز(ظہر)پڑھا کرو۔ابن موہب نے کہا کہ نماز کے ساتھ کیونکہ گرمی کی شدت جہنم کے جوش سے ہے۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الظُّهْرِ،حدیث نمبر٤٠٢؛ج ١ ص ٣٠٣؛حکم حدیث اسنادہ صحیح تحقیق الارنووط

جابر بن سمرہ سے روایت ہے کہ حضرت بلال رضی اللّٰہ تعالیٰ عنہ ظہر کی اذان اس وقت کہا کرتے جب سورج ڈھل جاتا۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الظُّهْرِ،حدیث نمبر٤٠٣؛ج ١ ص ٣٠٣؛حکم حدیث صحيح لغیرہ"الارنووط

ابن شہاب نے حضرت انس بن مالک رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نماز عصر ایسے وقت پڑھتے کہ سورج سفید،بلند اور جاندار ہوتا۔اگر کوئی جانے والا عوالی تک جاتا تو سورج اس وقت بھی بلند رہتا۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الْعَصْرِ،حدیث نمبر٤٠٤؛ج ١ ص ٣٠٢؛حکم حدیث اسنادہ صحیح تحقیق الارنووط

حسن بن علی،عبدالرزاق،معمر،زہری نے فرمایا کہ عوالی دویاتین میل پر ہیں۔معمر نے کہا کہ میرے خیال میں فرمایا تھا یا چار میل۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الْعَصْرِ،حدیث نمبر٤٠٥؛ج ١ ص ٣٠٤؛حکم حدیث رجالہ ثقات تحقیق الارنووط

یوسف بن موسیٰ،جریر،منصور،خیثمہ نے کہا کہ سورج کی زندگی یہ ہے کہ اس میں حرارت پائی جائے۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الْعَصْرِ،حدیث نمبر٤٠٦؛ج ١ ص ٣٠٥؛حکم حدیث رجالہ ثقات تحقیق الارنووط

عروہ بن زبیر نے حضرت عائشہ صدیقہ رضی اللّٰہ تعالیٰ عنہا سے روایت کی ہے کہ رسول اللہ صلی اللّٰہ علیہ وسلم عصر کی نماز پڑھا کرتے کہ دھوپ دیواروں پر چڑھنے سے پہلے ان کے حجرے میں ہوا کرتی۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الْعَصْرِ،حدیث نمبر٤٠٧؛ج ١ ص ٣٠٥؛حکم حدیث اسنادہ صحیح تحقیق الارنووط

حضرت علی بن شیبانی رضی اللّٰہ تعالیٰ عنہ نے فرمایا کہ ہم مدینہ منورہ کے اندر رسول اللہ صلی اللّٰہ علیہ وسلم کی خدمت میں حاضر ہوئے تو آپ نماز عصر میں اتنی تاخیر کردیتے کہ سورج میں سفیدی اور صفائی ہوتی۔ ابوداؤد شریف کتاب الصلاۃ،بَابٌ فِي وَقْتِ صَلَاةِ الْعَصْرِ،حدیث نمبر٤٠٨؛ج ١ ص ٣٠٦؛حکم حدیث اسنادہ ضعيف تحقیق الارنووط

حضرت علی رضی اللّٰہ تعالیٰ عنہ سے روایت ہے کہ خندق کے روز رسول اللہ صلی اللّٰہ علیہ وسلم نے فرمایا انہوں(کافروں)نے ہمیں درمیانی نماز یعنی نماز عصر سے روکا ،اللہ تعالیٰ ان کے گھروں اور ان کی قبروں کو آگ سے بھرے۔ ابوداؤد شریف کتاب الصلاۃ،باب فی صلوٰۃ الوسطی،حدیث نمبر٤٠٩؛ج ١ ص ٣٠٦؛حکم حدیث اسنادہ صحیح تحقیق الارنووط

ابویونس مولی عائشہ سے روایت ہے کہ حضرت عائشہ صدیقہ رضی اللّٰہ تعالیٰ عنہا نے مجھے حکم فرمایا کہ میں ان کے لیے قرآن مجید لکھ دوں اور انہوں نے مجھ سے فرمایا کہ جب آیت''حفاظت کرو نماز کی اور خاص طور پر درمیانی نماز کی''۔تو مجھے بتادینا تو جب میں وہاں پہونچا تو انہیں بتادیا۔تو انہوں نے مجھے لکھوایا۔حفاظت کرو نماز کی اور خاص طور پر درمیانی نماز اور نماز عصر کی اور اللہ کے لیے ادب سے کھڑا ہوا کرو،،۔پھر حضرت عائشہ نے فرمایا کہ میں نے اسے رسول اللہ صلی اللّٰہ علیہ وسلم سے سنا۔ ابوداؤد شریف کتاب الصلاۃ،باب فی صلوٰۃ الوسطی،حدیث نمبر٤١٠؛ج ١ ص ٣٠٧؛حکم حدیث اسنادہ صحیح تحقیق الارنووط

عروہ بن زبیر نے حضرت زید بن ثابت رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم ظہر کی نماز دوپہر کے وقت پڑھا کرتے اور رسول اللہ صلی اللّٰہ علیہ وسلم کے اصحاب پر اس سے سخت کوئی نماز نہ ہوتی۔اسی متعلق یہ حکم نازل ہوا۔،حفاظت کرونمازوں کی اور درمیانی نماز کی۔اور فرمایا کہ دونمازیں اس سے پہلے اور دو نمازیں اس کے بعدہیں۔ ابوداؤد شریف کتاب الصلاۃ،باب فی صلوٰۃ الوسطی،حدیث نمبر٤١١؛ج ١ ص ٣٠٨؛حکم حدیث اسنادہ صحیح تحقیق الارنووط

حضرت ابنِ عباس رضی اللّٰہ تعالیٰ عنہ نے حضرت ابو ہریرہ رضی اللہ تعالی عنہ سے روایت کی ہے کہ رسول اللہ صلی اللّٰہ علیہ وسلم نے فرمایا جس نے نماز عصر کی ایک رکعت سورج غروب ہونے سے پہلے پالی اس نے نماز عصر پالی اور جو نماز فجر کی ایک رکعت سورج طلوع ہونے سے پہلے پالی تو اس نے نماز فجر پالی۔ ابوداؤد شریف کتاب الصلاۃ،باب من ادرک رکعۃ من الصلاۃ فقد ادرکھا،حدیث نمبر٤١٢؛ج ١ ص ٣٠٨؛حکم حدیث اسنادہ صحیح تحقیق الارنووط

علاء بن عبدالرحمن نے فرمایا کہ ہم نماز ظہر کے بعد حضرت انس بن مالک رضی اللّٰہ تعالیٰ عنہ کی خدمت میں حاضر ہوئے تو وہ نماز عصر کے لیے کھڑے ہو گئے۔جب وہ اپنی نماز سے فارغ ہوئے تو ہم جلدی نماز پڑھنے کا ذکر کیا یا اس بات کا ذکر کیافرمایا کہ میں نے رسول اللہ صلی اللّٰہ علیہ وسلم کو فرماتے ہوئے سنا کہ یہ منافقوں کی نماز ہے کہ تم میں سے کوئی بیٹھا رہے،یہاں تک کہ سورج زرد ہو جائے کیوں کہ وہ شیطان کے دونوں سینگوں کے درمیان ہوتا ہے یا دونوں سینگوں پر ہوتا ہے اس وقت کھڑا ہوکر چارٹکڑے مارے اور نہیں وہ خدا کو یاد کرتا مگر تھوڑا بہت۔ ابوداؤد شریف کتاب الصلاۃ،باب التشديد في تأخير العصر الي الاصفرار،حدیث نمبر٤١٣؛ج ١ ص ٣٠٩؛حکم حدیث اسنادہ صحیح تحقیق الارنووط

نافع نے حضرت ابن عمر رضی اللہ تعالی عنہما سے روایت کی ہے کہ رسول اللہ صلی اللّٰہ علیہ وسلم نے فرمایا کہ جس کی نماز عصر فوت ہو گئی تو گویا اس کے اہل وعیال اور مال سب کچھ لٹ گیا۔امام ابوداؤد نے فرمایا کہ حضرت عبداللہ بن عمر نے اسی طرح فرمایا ہے اور اس میں ایوب پر اختلاف کیا گیا۔اور زہری ،سالم ان کے والد ماجد نے نبی کریم صلی اللّٰہ علیہ وسلم سے وتر روایت کیا ہے۔ ابوداؤد شریف کتاب الصلاۃ،باب التشديد في الذي تفوته صلوة العصر الاصفرار،حدیث نمبر٤١٤؛ج ١ ص ٣١٠؛حکم حدیث اسنادہ صحیح تحقیق الارنووط

محمود بن خالد،ولید،ابوعمرواوزاعی نے فرمایا کہ نماز عصر کی تاخیر سے یہ مراد ہے کہ دھوپ زمین پر زرد نظر آنے لگے۔ ابوداؤد شریف کتاب الصلاۃ،باب التشديد في الذي تفوته صلوة العصر الاصفرار،حدیث نمبر٤١٥؛ج ١ ص ٣١١؛حکم حدیث رجالہ ثقات تحقیق الارنووط

ثابت بنانی سے روایت ہے کہ حضرت انس بن مالک رضی اللّٰہ تعالیٰ عنہ نے فرمایا کہ ہم نبی کریم صلی اللّٰہ علیہ وسلم کے ساتھ نماز مغرب پڑھا کرتے ،پھر ہم تیر چلاتے تو ہمیں اس کے گرنے کی جگہ نظر آتی تھی۔ ابوداؤد شریف کتاب الصلاۃ،بَابٌ فِي وَقْتِ الْمَغْرِبِ،حدیث نمبر٤١٦؛ج ١ ص ٣١١؛حکم حدیث اسنادہ صحیح تحقیق الارنووط

یزید بن ابو عبید سے روایت ہے کہ حضرت سلمہ بن اکوع رضی اللّٰہ تعالیٰ عنہ نے فرمایا کہ نبی کریم صلی اللّٰہ علیہ وسلم نماز مغرب اسی وقت پڑھ لیتے جب سورج کا اوپر والا کنارہ غائب (غروب)ہوجاتا۔ ابوداؤد شریف کتاب الصلاۃ،بَابٌ فِي وَقْتِ الْمَغْرِبِ،حدیث نمبر٤١٧؛ج ١ ص ٣١١؛حکم حدیث اسنادہ صحیح تحقیق الارنووط

یزید بن ابوحبیب سے روایت ہے کہ مرثد بن عبداللہ نے فرمایا کہ حضرت ابو ایوب انصاری رضی اللّٰہ تعالیٰ عنہ جہاد کے ارادے سے ہمارے پاس تشریف لائے اور ان دنوں حضرت عقبہ بن عامر حاکم مصر تھے تو انہوں نے نماز مغرب میں تاخیر کردی پس حضرت ابو ایوب ان کے پاس گئے اور کہا۔اے عقبہ!یہ کیسی نماز ہے کہا ہم مشغول تھے ۔کہا کیا آپ نے رسول اللہ صلی اللّٰہ علیہ وسلم کویہ فرماتے ہوئے نہیں سنا کہ میری امت ہمیشہ بھلائی کے ساتھ رہےگی یا فرمایا کہ فطرت پر رہے گی جب تک نماز مغرب میں اتنی دیر نہیں کرےگی کہ تارے چمکنے لگیں۔ ابوداؤد شریف کتاب الصلاۃ،بَابٌ فِي وَقْتِ الْمَغْرِبِ،حدیث نمبر٤١٨؛ج ١ ص ٣١٢؛حکم حدیث اسنادہ حسن تحقیق الارنووط

حبیب بن سالم سے روایت ہے کہ حضرت نعمان بن بشیر رضی اللّٰہ تعالیٰ عنہ نے فرمایا کہ مجھے اس آخری نماز یعنی نماز عشاء کا سب سے زیادہ علم ہے کہ رسول اللہ صلی اللّٰہ علیہ وسلم اسے اس وقت پڑھتے تھے جب تیسری تاریخ کا چاند ڈوب جاتا تھا۔ ابوداؤد شریف کتاب الصلاۃ،بَابٌ فِي وَقْتِ الْعِشَاءِ الْآخِرَةِ،حدیث نمبر٤١٩؛ج ١ ص ٣١٣؛حکم حدیث اسنادہ صحیح تحقیق الارنووط

نافع سے روایت ہے کہ حضرت عبداللہ بن عمر رضی اللّٰہ تعالیٰ عنہما نے فرمایا کہ ایک رات ہم نماز عشاء کے لیے رسول اللہ صلی اللّٰہ علیہ وسلم کا انتظار کرتے رہے پس آپ ہمارےپاس اس وقت تشریف لائے جب کہ تہائی رات گزر گئی تھی یا اس کے بعد بھی ۔یہ ہمیں معلوم نہیں آپ کسی کام میں مشغول رہے یا کوئی اور بات تھی ۔جب آپ تشریف لائے تو آ پ نے فرمایا کہ کیا تم اس کا انتظار کررہے ہو ؟اگر مجھے امت کی مشقت کا خیال نہ ہوتا تو تمہیں اسی وقت نماز پڑھایا کرتا۔پھر آپ نے مؤذن کو حکم فرمایا تو نماز کی اقامت ہوئی۔ ابوداؤد شریف کتاب الصلاۃ،بَابٌ فِي وَقْتِ الْعِشَاءِ الْآخِرَةِ،حدیث نمبر٤٢٠؛ج ١ ص ٣١٣؛حکم حدیث اسنادہ صحیح تحقیق الارنووط

عاصم بن حمید سلونی نے حضرت معاذ بن جبل رضی اللّٰہ تعالیٰ عنہ کو فرماتے ہوئے سنا کہ ہم نماز عشاء کے لیے رسول اللہ صلی اللّٰہ علیہ وسلم کے انتظار میں تھے تو آپ نے کافی دیر کردی یہاں تک کہ گمان ہوا ہوگا کہ آپ تشریف ہی نہیں لائیں گے اور بعض ہم میں سے کہہ رہے تھے کہ آپ پڑھ چکے ہوں گے۔ہم یہی قیاس آرائیاں کررہے تھے کہ نبی کریم صلی اللّٰہ علیہ وسلم تشریف لے آئے تو لوگ جو کچھ کہہ رہے تھے وہ عرض کردیا گیا۔فرمایا کہ تم اس نماز کو دیر کرکے پڑھا کرو کیوں کہ تمام امتوں پر تمہیں اس نماز کے ذریعے فضیلت دی گئی ہے اور تم سے پہلے کسی نے یہ نماز نہیں پڑھی۔ ابوداؤد شریف کتاب الصلاۃ،بَابٌ فِي وَقْتِ الْعِشَاءِ الْآخِرَةِ،حدیث نمبر٤٢١؛ج ١ ص ٣١٤؛حکم حدیث اسنادہ صحیح تحقیق الارنووط

ابونضرہ سے روایت ہے کہ حضرت ابوسعید رضی اللّٰہ تعالیٰ عنہ نے فرمایا کہ ہم رسول اللہ صلی اللّٰہ علیہ وسلم کے ساتھ نماز عشاء پڑھنا چاہتے تھے لیکن آپ تشریف نہیں لائے یہاں تک کہ آدھی رات کے قریب گزر گئی۔ فرمایا اپنی جگہ بیٹھے رہو توہم بیٹھے رہے ۔فرمایا کہ دوسرے لوگ نماز پڑھ کر اپنے بستروں میں ہیں اور تم نماز میں اس وقت تک ہو جب تک نماز کا انتظار کروگے اگرکمزوروں کی کمزوری اور بیماروں کی بیماری کا خیال نہ ہوتا تو میں اس نماز کو آدھی رات تک مؤخر کردیتا۔ ابوداؤد شریف کتاب الصلاۃ،بَابٌ فِي وَقْتِ الْعِشَاءِ الْآخِرَةِ،حدیث نمبر٤٢٢؛ج ١ ص ٣١٥؛حکم حدیث اسنادہ صحیح تحقیق الارنووط

عمرہ بنت عبدالرحمن سے روایت ہے کہ حضرت عائشہ صدیقہ رضی اللّٰہ تعالیٰ عنہا نے فرمایا کہ صبح کی نماز رسول اللہ صلی اللّٰہ علیہ وسلم ایسے وقت پڑھتے کہ عورتیں جب اپنی چادریں لپیٹ کر واپس جاتیں تو اندھیرے کی باعث پہچانی نہیں جاتی تھیں۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمبر٤٢٣؛ج ١ ص ٣١٥؛حکم حدیث اسنادہ صحیح تحقیق الارنووط

محمود بن لبید سے روایت ہے کہ حضرت رافع بن خدیج رضی اللہ تعالی عنہ نے فرمایا کہ رسول اللہ صلی اللّٰہ علیہ وسلم کا ارشاد ہے۔صبح کو خوب روشن کیا کرو۔کیوں کہ اس میں تمہارے لیے ثواب زیادہ ہے یا اس کا ثواب زیادہ ہے۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمبر٤٢٤؛ج ١ ص ٣١٦؛حکم حدیث صحيح تحقیق الارنووط

زید بن اسلم نے عطاء بن یسار سے روایت کی ہے حضرت عبداللہ صنابحی نے کہا کہ حضرت ابو محمد وتر کو واجب کہتے ہیں حضرت عبادہ بن صامت رضی اللّٰہ تعالیٰ عنہ نے کہا کہ غلط کہتے ہیں کیونکہ میں نے رسول اللہ صلی اللّٰہ علیہ وسلم کو فرماتے ہوئے سنا کہ پانچ نمازوں کو اللہ تعالیٰ نے فرض قرار دیا ہے۔جو ان کے لیے اچھی طرح وضو کرے،انہیں وقت پر پڑھے اور ان کے اندر رکوع وخشوع اچھی طرح کرے تو اللہ تعالی کا اس سے وعدہ ہے کہ اس کی مغفرت فرمائے گا اور جو ایسا نہ کرے تو اللہ تعالی کا اس سے کوئی وعدہ نہیں ہے لہذا چاہے تو اسے بخش دے اور چاہے عذاب دے۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمبر٤٢٥؛ج ١ ص ٣١٧؛حکم حدیث اسنادہ صحیح تحقیق الارنووط

قاسم بن غنام کی والدہ ماجدہ نے حضرت نے حضرت ام فروہ رضی اللّٰہ تعالیٰ عنہا سے روایت کی ہے کہ رسول اللہ صلی اللّٰہ علیہ وسلم سے دریافت کیا گیا کہ افضل عمل کونسا ہے فرمایا کہ نماز کو اس کے اول وقت میں پڑھنا ،خزاعی نے اپنی حدیث میں اپنی پھوپھی صاحبہ سے روایت کی ہے جن کو حضرت ام فروع کیاجاتا ہے اور جنہوں نے نبی کریم صلی اللّٰہ علیہ وسلم سے بیعت کی تھی کہ نبی کریم صلی اللّٰہ علیہ وسلم سے دریافت کیا گیا۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمبر٤٢٦؛ج ١ ص ٣١٨؛حکم حدیث صحيح تحقیق البانی

ابوبکر بن عمارہ بن روبیہ سے روایت ہے کہ بصرہ کے ایک باشندے نے ان کے والد ماجد حضرت عمارہ روبیہ رضی اللّٰہ تعالیٰ عنہ سے التجا کی مجھے وہ بات بتائے جو آ پ نے رسول اللہ صلی اللّٰہ علیہ وسلم سے سنا ہو؟جواب دیا کہ میں نے رسول اللہ صلی اللہ علیہ وسلم کو فرماتے ہوئے سنا کہ وہ آدمی کبھی جہنم میں نہیں جائے گا جو سورج طلوع ہونے سے پہلے نماز پڑھ لے اور سورج غروب ہونے سے پہلے۔کہا کیا آپ نے حضور سے تین مرتبہ سنا ہے ؟فرمایا ہاں ۔ہردفعہ میرے دونوں کانوں نے سنا اور میرے دل نے اسے محفوظ رکھا۔ اس شخص نے کہا کہ میں نے بھی یہی فرماتے ہوئے سنا ہے۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمر٤٢٧،ج ١ ص ٣١٩،حکم حدیث صحيح لغیرہ"الارنووط

ابوالاسود سے روایت ہے کہ عبد اللہ بن فضالہ کے والد ماجد نے فرمایا کہ رسول اللہ صلی اللّٰہ علیہ وسلم نے مجھے جن باتوں کی تعلیم دی ان میں یہ بھی سکھایا کہ پانچوں نمازوں کی محافظت کرنا ۔میں عرض گزار ہوا کہ ان اوقات مجھے مشغولیت بہت ہوتی ہے لہذا مجھے ایسا جامع فارمولہ بتائے کہ اس پر عمل کروں تو کفائت کرے۔فرمایا کہ نچوڑ کی دونوں نماز کی محافظت کرنا۔چونکہ عصرین کا لفظ ہماری بول چال میں نہ تھا اس لیے عرض گزار ہوا کہ دوعصرین کیا ہیں؟فرمایا کہ صبح کی نماز جو سورج طلوع ہونے سے پہلے ہے اور وہ نماز جو سورج غروب ہونے سے پہلے ہے۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمبر٤٢٨؛ج ١ ص ٣١٩؛حکم حدیث صحيح تحقیق البانی

حضرت ابو درداء رضی اللہ تعالیٰ عنہ روایت کرتے ہیں کہ نبی کریم صلی اللہ علیہ وسلم نے ارشاد فرمایا:پانچ چیزیں ہیں جو شخص ایمان کے ہمراہ انہیں ادا کرے گا وہ جنت میں داخل ہوگا۔جو شخص پانچ نمازیں ان کے وضوء، رکوع،سجود،اوقات کے ہمراہ ادا کرے، وہ رمضان کے روزے رکھے، وہ بیت اللہ کا حج کرے اگر وہ وہاں تک جانے کی استطاعت رکھتا ہے، اور وہ اپنی خوشی کے ساتھ زکوٰۃ ادا کرے اور وہ امانت ادا کرے،لوگوں نے دریافت کیا اے ابو درداء! امانت کی ادائیگی سے مراد کیا ہے؟ تو انہوں نے جواب دیا غسل جنابت کرنا۔ (ابو داود شریف کتاب الصلٰوۃ،بَابٌ فِي الْمُحَافَظَةِ عَلَى وَقْتِ الصَّلَوَاتِ،حدیث نمبر ٤٢٩،ج ١ ص ٣٢١،حکم حدیث حسن تحقیق البانی،

حضرت ابو قتادہ بن ربعی رضی اللہ تعالیٰ عنہ روایت کرتے ہیں کہ نبی کریم صلی اللہ علیہ وسلم نے ارشاد فرمایا:اللہ تعالیٰ ارشاد فرماتا ہے کہ میں نے تمہاری امت پر پانچ نمازیں فرض قرار دی ہیں، اور میں نے اپنی بارگاہ میں یہ عہد کیا ہے کہ،جو شخص ان نمازوں کو انکے مخصوص وقت میں باقاعدگی سے ادا کرے گا اسے جنت میں داخل کروں گا اور جو شخص اسے باقاعدگی سے ادا نہیں کرے گا تو اس کے لیے میری بارگاہ میں کوئی عہد نہیں۔ (ابوداؤد شریف کتاب الصلٰوۃ،بَابٌ فِي الْمُحَافَظَةِ عَلَى وَقْتِ الصَّلَوَاتِ،ج ١ ص ٣٢١؛حدیث نمبر ٤٣٠؛حکم حدیث حسن تحقیق البانی

عبداللہ بن صامت نے حضرت ابوذر رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے مجھ سے فرمایا۔اے ابوذر!اس وقت تمہارا کیا حال ہوگا جب کہ تمہارے حاکم ایسے ہوں گے کہ نمازی کو مارڈالیں گے یا فرمایا کہ نماز میں تاخیر کیا کریں گے اس کے وقت سے میں عرض گزار ہوا کہ یارسول!آپ مجھے کیا حکم فرماتے ہیں؟فرمایا کہ نماز کو اس کے اصل وقت پر پڑھنا۔اگر ان کے ساتھ نماز ملے تو پڑھ لینا کیوں کہ یہ تمہاری نفل ہو جائے گی۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمر٤٣١،ج ١ ص ٣٢٢،حکم حدیث صحيح تحقیق البانی

عمرو بن میمون اودی سے روایت ہے کہ یمن میں ہمارے پاس حضرت معاذ بن جبل رضی اللّٰہ تعالیٰ عنہ تشریف لائے رسول اللہ صلی اللّٰہ علیہ وسلم کے بھیجے ہوئے ۔راوی کا بیان ہے کہ میں نے نماز فجر میں ان کی تکبیر سنی کہ بھاری آواز والے تھے۔ مجھے ان سے محبت ہوگئی اور کبھی ان سے جدا نہ ہوا یہاں تک کہ شام میں ان کی میت کو میں نے دفن کیا ۔پھر میں نے دیکھا کہ لوگوں میں سب سے زیادہ فقہ ان کے بعد کون جانتا ہے۔پس میں حضرت ابن مسعود رضی اللّٰہ تعالیٰ عنہ کی بارگاہ میں حاضر ہوگیا اور یہ حاضری اپنے اوپر لازم کرلی یہاں تک کہ انہوں نے وفات پائی۔راوی کا بیان ہے کہ رسول اللہ صلی اللّٰہ علیہ وسلم نے مجھ سے فرمایا کہ اس وقت تمہارا حال کیا ہوگا جب کہ تمہارے حکام بے وقت نماز پڑھا کریں گے؟میں عرض گزار ہوا کہ یا رسول اللّٰہ صلی اللّٰہ علیہ وسلم آپ مجھے کیا حکم فرماتے ہیں جب کہ میں ایسا پاؤں؟ فرمایا کہ وقت پر نماز پڑھتے رہنا اور نفلی طور پر ان کے ساتھ پڑھ لینا۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمر٤٣٢،ج ١ ص ٣٢٣،حکم حدیث اسنادہ صحیح تحقیق الارنووط

حضرت عبادہ بن صامت رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا عنقریب میرے بعد تم پر ایسے حاکم مقرر ہوں گے کہ ان کی مشغولیت انہیں وقت پر نماز پڑھنے سے روکے گی۔یہاں تک کہ وہ ایک وقت کی نماز اس وقت پڑھیں گے جب اس کا وقت جا چکا ہوگا ۔ایک شخص عرض گزار ہوا کہ یا رسول اللّٰہ!کیا ہم ان کے ساتھ نماز پڑھیں؟فرمایا کہ ہاں اگر تم چاہو۔سفیان نے کہا کہ اگر میں انہیں پاؤں تو کیا ان کے ساتھ نماز پڑھوں؟فرمایا کہ ہاں اگر تم چاہو۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمر٤٣٣،ج ١ ص ٣٢٤،حکم حدیث صحيح لغیرہ"الارنووط

حضرت قبیصہ بن وقاص رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا میرے بعد تم میں ایسے حاکم بنیں گے جو نمازوں میں تاخیر کریں گے تو تمہارے لیے تمہارا کیا ہوا اور ان کے لیے ان کا کیا ہوا لیکن ان کے ساتھ نماز پڑھ لیا کرنا جب تک قبلے کی جانب منہ کرتے رہیں۔ ابوداؤد شریف کتاب الصلاۃ،بَابٌ فِي وَقْتِ الصُّبْحِ،حدیث نمر٤٣٤،ج ١ ص ٣٢٤،حکم حدیث صحيح تحقیق البانی

سعید بن مسیب نے حضرت ابوہریرہ رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم جب غزوہ خیبر سے لوٹے تو رات کو سفر کر رہے تھے کہ پچھلی رات نیند نے تنگ کیا لہذا اتر پڑے اور حضرت بلال سے فرمایا کہ رات کا خیال رکھنا حضرت بلال کی آنکھوں پر بھی نیند کا غلبہ کیا کیوں کہ انہوں نے سواری کے ساتھ ٹیک لگائی ہوئی تھی۔نبی کریم صلی اللّٰہ علیہ وسلم بیدار نہ ہوئے اور نہ حضرت بلال اور نہ آپ کا ایک بھی صحابی یہاں تک کہ ان پر دھوپ آگئی۔رسول اللّٰہ صلی اللّٰہ علیہ وسلم سب سے پہلے بیدار ہوئے اور رسول اللہ صلی اللّٰہ علیہ وسلم نے گھبرا کر فرمایا اے بلال! حضرت بلال عرض گزار ہوا کہ یا رسول اللّٰہ!جس نے آ پ کو پکڑا اسی نے مجھے پکڑ ے رکھا۔آپ پر میرے ماں باپ قربان ہوں پھر تھوڑی دور سواریوں کو لے کر چلے کہ نبی کریم صلی اللّٰہ علیہ وسلم نے وضو کیا اور حضرت بلال کو حکم دیا تو نماز کی اقامت کہی گئی اور انہیں صبح کی نماز پڑھائی جب آپ نماز سے فارغ ہوئے تو فرمایا کہ جو اپنی نماز بھول جائے تو یاد آنے پر پڑھ لے کیوں کہ اللہ تعالیٰ نے فرمایا کہ نماز قائم کرو میری یاد کے لیے یونس نے کہا کہ ابن شہاب اسے اسی طرح پڑھا کرتے تھے۔احمد،عنبسہ،یونس سے اس حدیث میں لذکری روایت کی ہے۔امام احمد نے فرمایا کہ الکری نیند کو کہتے ہیں۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٣٥،ج ١ ص ٣٢٥،حکم حدیث اسنادہ صحیح تحقیق الارنووط

سعید بن مسیب نے حضرت ابوہریرہ رضی اللّٰہ تعالیٰ عنہ سے اس حدیث کو روایت کرتے ہوئے کہا کہ رسول اللہ صلی اللّٰہ علیہ وسلم نے فرمایا کہ جس جگہ میں تم پر غفلت طاری ہوئی اسے چھوڑ دو۔پھر آپ نے حضرت بلال کواذان واقامت کا حکم فرمایا اور نماز پڑھی۔امام ابوداؤد نے فرمایا کہ مالک اور سفیان بن عینیہ اور اوزاعی اور عبدالرزاق نے معمر اور ابن اسحاق سے اسے روایت کیا لیکن ان میں سے کسی نے بھی اذان کا ذکر نہیں کیا سوائے اس روایت کے جو اوزاعی اور آبان عطار نے معمر سے کی ہے۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٣٦،ج ١ ص ٣٢٧،حکم حدیث اسنادہ صحیح تحقیق الارنووط

حضرت ابو قتادہ رضی اللہ عنہ بیان کرتے ہیں کہ نبی کریم صلی اللہ علیہ وسلم سفر کر رہے تھے، آپ صلی اللہ علیہ وسلم(قافلہ سے)ایک طرف ہٹ گئے،آپ علیہ السلام کے ساتھ میں بھی ہٹ گیا، نبی کریم صلی اللہ علیہ وسلم نے ارشاد فرمایا اس بات کا جائزہ لو میں نے کہا یہ ایک سوار ہے یہ دو سوار ہیں اور یہ تین ہو گئے یہاں تک کہ ہم سات لوگ ہو گئے، نبی کریم صلی اللہ علیہ وسلم نے ارشاد فرمایا:تم لوگ ہماری نماز کا خیال رکھنا۔(راوی کہتے ہیں)یعنی فجر کی نماز کا خیال رکھنا، پھر ان کے کان بند ہو گئے۔(یعنی وہ لوگ بھی سو گئے)دھوپ کی تپش نے ان لوگوں کو اٹھایا وہ لوگ اٹھے اور تھوڑا آگے گئے۔پھر انہوں نے پڑاؤ کیا اور وضوء کیا۔پھر حضرت بلال رضی اللہ عنہ نے اذان دی۔اور ان لوگوں نے فجر کی دو رکعت ادا کیں پھر انہوں نے فجر کی نماز ادا کی۔اور سوار ہو گئے،ان میں سے کسی ایک نے دوسرے سے کہا۔ہم نے اپنی نماز کے بارے میں کوتاہی کی ہے ۔تو نبی کریم صلی اللہ علیہ وسلم نے ارشاد فرمایا:نیند میں کوتاہی نہیں ہوتی۔کوتاہی بیداری کے عالم میں ہوتی ہے۔جب کوئی شخص نماز بھول جائے ۔تو وہ اسے اس وقت ادا کر لے۔جب وہ اسے یاد آئے۔یا پھر اگلے دن اسی وقت میں اسے ادا کرے۔ (ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،ج ١ ص ٣٢٨،حدیث نمبر ٤٣٧،حکم حدیث اسنادہ صحیح تحقیق الارنووط

خالد بن سمیر سے روایت ہے کہ حضرت عبداللہ بن رباح انصاری ہمارے پاس مدینہ منورہ سے تشریف لائے اور انصار انہیں فقیہ شمار کرتے تھے۔انہوں نے فرمایا کہ حضرت ابو قتادہ انصاری رضی اللّٰہ تعالیٰ عنہ نے فرمایا جو رسول کریم صلی اللّٰہ علیہ وسلم کے سوار تھے کہ رسول اللہ صلی اللّٰہ علیہ وسلم نےایک لشکر روانہ فرمایا پھر مذکورہ واقعہ کو روایت کرتے ہوئے فرمایا کہ ہمیں بیدار نہیں کیا۔مگرسورج نے طلوع ہوکر ۔پس ہم گھبرا کر نماز کے لیے کھڑے ہوئے تو نبی کریم صلی اللّٰہ علیہ وسلم نے فرمایا کہ تھوڑی دیر ٹھہر جاؤ ،یہاں تک کہ سورج کچھ بلند ہوجائے۔رسول اللہ صلی اللّٰہ علیہ وسلم نے فرمایا کہ جو تم میں سے فجر کی دو سنتیں پڑھاکرتا تھا،اسے چاہیے کہ پڑھ لے پس جو پڑھا کرتا تھا اور جو نہیں پڑھا کرتا تھا ،سب نے دو رکعتیں پڑھیں،پھر رسول اللہ صلی اللّٰہ علیہ وسلم نے نماز کے لیے اذان کہنے کا حکم فرمایا تو اذان کہی گئی۔پس رسول اللہ صلی اللّٰہ علیہ وسلم کھڑے ہوئے اور ہمارے ساتھ آپ نے نماز پڑھی۔جب آپ نماز سے فارغ ہوئے تو فرمایا کہ خدا کا شکر ہے،کسی دنیاوی کام نے ہمیں نماز سےنہیں روکا بلکہ ہماری روحیں اللہ کے قبضے میں تھیں۔جب انہیں چاہا واپس بھیجا۔جو تم میں سے کل کی نماز صحیح وقت پر پائے تو اس کے ساتھ اسی جیسی نماز اور پڑھ لے۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٣٨،ج ١ ص ٣٢٩،حکم حدیث رجالہ ثقات تحقیق الارنووط

حصین نے حضرت ابو قتادہ رضی اللّٰہ تعالیٰ عنہ سے اس حدیث کو روایت کرتے ہوئے کہا کہ آپ نے فرمایا اللہ تعالیٰ نے تمہاری روحوں کو قبض فرمالیا جب چاہا اور واپس کیا جب چاہا۔پس نماز کے لیے اذان کہو سب اٹھ کھڑے ہوئے اور طہارت کی یہاں تک کہ سورج بلند ہو گیا تو نبی کریم صلی اللّٰہ علیہ وسلم اٹھ کھڑے ہوئے اور لوگوں کے ساتھ نماز پڑھی۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٣٩،ج ١ ص ٣٣٠،حکم حدیث اسنادہ صحیح تحقیق الارنووط

حضرت ابوقتادہ رضی اللّٰہ تعالیٰ عنہ نے نبی کریم صلی اللہ علیہ وسلم سے اسے معنا روایت کیا۔اس میں فرمایا کہ سورج بلند ہونے پر آپ نے وضو کیا اور لوگوں کے ساتھ نماز ادا کی۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٠،ج ١ ص ٣٣٠،حکم حدیث صحيح تحقیق البانی

عبداللہ بن رباح نے حضرت ابوقتادہ رضی اللّٰہ تعالیٰ عنہ سے روایت کی کہ رسول اللہ صلی اللّٰہ علیہ وسلم نے فرمایا۔سوئےرہنے کی صورت میں کوتاہی نہیں ہے،کوتاہی تو بیداری کی حالت میں ہے کہ ایک نماز کو اتنا مؤخر کردیا جائے کہ دوسری نماز کا وقت آجائے۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤١،ج ١ ص ٣٣١،حکم حدیث صحيح تحقیق البانی

حضرت انس بن مالک رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا۔جو کسی نماز کو پڑھنا بھول جائے تو یاد آنے پر اسے پڑھ لے۔اس کے سوا اس کا کوئی اور کفارہ نہیں ہے۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٢،ج ١ ص ٣٣١،حکم حدیث اسنادہ صحیح تحقیق الارنووط

حسن نے حضرت عمران بن حصین رضی اللّٰہ تعالیٰ عنہ سے روایت کی کہ رسول اللہ صلی اللّٰہ علیہ وسلم اپنے سفر میں تھے تو نماز فجر کے وقت سورہے اور سورج کی گرمی نے آپ کو بیدار کیا۔آ پ تھوڑی دور چلے یہاں تک کہ سورج بلند ہوگیا پھر آ پ نے مؤذن کو حکم فرمایا تو اس نے اذان کہی ۔پس نماز فجر سے پہلے آپ نے دو رکعتیں پڑھیں ۔پھر اٹھ کھڑے ہوئے اور فجر کی نمازپڑھی۔ (یعنی پڑھائی) ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٣،ج ١ ص ٣٣٢،حکم حدیث صحیح تحقیق الارنووط

کلیب بن صبح نے زبرقان سے روایت کی ہے کہ ان کے چچا جان حضرت عمروبن امیہ ضمری رضی اللّٰہ تعالیٰ عنہ نے فرمایا کہ کسی سفر میں ہم رسول اللہ صلی اللّٰہ علیہ وسلم کے ساتھ تھے کہ ہم نماز فجر کے وقت سوئےرہے یہاں تک کہ سورج طلوع ہوگیا۔پس رسول اللہ صلی اللّٰہ علیہ وسلم بیدار ہوگئے اور فرمایا کہ اس جگہ کو چھوڑ دو۔پھر آ پ نے حضرت بلال رضی اللہ عنہ کو اذان کا حکم فرمایا اور وضو کرکے فجر کی دورکعتیں (سنتیں)پڑھیں۔پھر حضرت بلال رضی اللہ عنہ کو نماز کی اقامت کا حکم فرمایا اور لوگوں کو صبح کی نماز پڑھائی۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٤،ج ١ ص ٣٣٢،حکم حدیث صحيح تحقیق البانی

حضرت ذی مخبر حبشی رضی اللّٰہ عنہ نے جو نبی کریم صلی اللّٰہ علیہ وسلم کی خدمت کیا کرتے تھے اس وقعہ کو بیان کرتے ہوئے فرمایا نبی کریم صلی اللّٰہ علیہ وسلم نے اتنے پانی سے وضو فرمایا کہ زمین بھی نہ بھیگی ۔پھر حضرت بلال رضی اللہ عنہ کو اذان کہنےکا حکم فرمایا پھر نبی کریم صلی اللّٰہ علیہ وسلم اٹھ کھڑے ہوئے اور جلدی کیے بغیر دورکعتیں پڑھیں۔حجاج نے یزید بن صلیح سے روایت کرتے ہوئے کہا کہ۔حبشہ کا رہنے والے ذومخبر اور عبید نے یزید بن صبح کہا۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٥،ج ١ ص ٣٣٤،حکم حدیث صحيح لغیرہ"الارنووط

یزید بن صلیح سے روایت ہے کہ حضرت نجاشی کے بھتیجے حضرت ذی مخبر رضی اللّٰہ تعالیٰ عنہ نے اس واقعہ روایت کرتے ہوئے فرمایا۔جلدی کیے بغیر اذان کہی گئی۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٦،ج ١ ص ٣٣٤،حکم حدیث صحيح لغیرہ"الارنووط

عبدالرحمن بن ابو علقمہ سے روایت ہے کہ حضرت عبد اللّٰہ بن مسعودرضی اللہ تعالی عنہ نے فرمایا کہ صلح حدیبیہ کے زمانے میں ہم رسول اللہ صلی اللّٰہ علیہ وسلم کے ساتھ آرہے تھے تو رسول اللّٰہ صلی اللّٰہ علیہ وسلم نے فرمایا کہ ہمیں کون جگائے گا؟حضرت بلال عرض گزار ہوئے کہ میں،سب سوتے رہے یہاں تک کہ سورج طلوع ہوگیا۔چانچہ نبی کریم صلی اللّٰہ علیہ وسلم بیدار ہوئے تو فرمایا اسی طرح نماز پڑھو جیسے پڑھا کرتے تھے۔راوی کا بیان ہے کہ ہم نے اسی طرح کیا۔فرمایا کہ جو سوجائے یا بھول جائے تو اسی طرح پڑھے۔ ابوداؤد شریف کتاب الصلاۃ،بَابٌ فِي مَنْ نَامَ عَنِ الصَّلَاةِ، أَوْ نَسِيَهَا،حدیث نمبر٤٤٧،ج ١ ص ٣٣٥،حکم حدیث صحيح تحقیق البانی

حضرت ابن عباس رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے فرمایا مجھے مسجدوں کو بلند کرنے کا حکم نہیں فرمایا گیا۔حضرت ابن عباس نے فرمایا کہ ضرورتم مسجدوں کو اسی طرح آراستہ کروگے جیسے یہودو نصاری نے کی تھیں۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٤٨،ج ١ ص ٣٣٦،حکم حدیث اسنادہ صحیح تحقیق الارنووط

حضرت انس بن مالک رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا کہ قیامت اس وقت تک قائم نہیں ہوگی۔یہاں تک کہ لوگ فخر کریں گے مسجدوں کی ظاہری شان وشوکت کے باعث۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٤٩،ج ١ ص ٣٣٦،حکم حدیث صحيح تحقیق البانی

حضرت عثمان بن ابوالعاص رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے طائف میں انہیں اس جگہ مسجد بنانے کا حکم فرمایا کہ جہاں ان لوگوں کے بت ہوا کرتے تھے۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر ٤٥٠،ج ١ ص ٣٣٧،حکم حدیث ضعیف تحقیق الارنووط و البانی

حضرت عبداللہ بن عمر رضی اللّٰہ تعالیٰ عنہما سے روایت ہے کہ رسول اللہ صلی اللّٰہ علیہ وسلم کے زمانہ مبارک میں مسجد نبوی کچی اینٹوں کی بنی ہوئی تھی اور اس کی چھت لکڑیوں کی تھی اور ستون بھی۔مجاہد نے کہا کہ اس کے ستون کھجور کی لکڑی کے تھے۔حضرت ابوبکر نے اس میں کوئی اضافہ نہ کیا اور حضرت عمر نے اس میں اضافہ کیا اور اسے رسول اللہ صلی اللّٰہ علیہ وسلم کے عہد مبارک کی بنیادوں پر تعمیر کیا یعنی کچی اینٹوں اور لکڑیوں سے اور اس کے ستون دوبارہ لگائے۔مجاہد نے کہا کہ اس کے ستون لکڑی کے تھے۔ حضرت عثمان نے اس میں تبدیلی کی اور کافی اضافہ کیا اور اس کی دیواریں تراشے ہوئے پتھروں اور چونے سے بنائیں اور اس کے ستون تراشے ہوئے پتھروں کے بنائے اور ساگوان کی لکڑی سے اس کی چھت تیار کی ۔مجاہد نے کہا کہ اس کی چھت ساگوان کی تھی۔امام ابوداؤد نے فرمایا کہ القصة چونے کو کہتے ہیں۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٥١،ج ١ ص ٣٣٨،حکم حدیث اسنادہ صحیح تحقیق الارنووط

عطیہ سے روایت ہے کہ حضرت ابن عمر رضی اللہ تعالی عنہما نے فرمایا کہ نبی کریم صلی اللّٰہ علیہ وسلم کی مسجد کے ستون رسول اللہ صلی اللّٰہ علیہ وسلم کے عہد مبارک میں کھجور کی لکڑیوں کے تھے۔اوپر والے حصے پر سائے کے لیے کھجور کی ٹہنیاں تھیں۔پھر وہ حضرت ابوبکر کے دورخلافت میں گل گئی تو دوبارہ کھجور کی لکڑیوں اور شاخوں سے بنائی گئی۔پھر حضرت عثمان کے دور خلافت میں گل گئیں تو اسے پکی اینٹوں سے بنایا گیا جو آج تک اسی حالت میں ہے۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٥٢،ج ١ ص ٣٤٠،حکم حدیث ضعیف تحقیق الارنووط و البانی

حضرت انس بن مالک رضی اللّٰہ تعالیٰ عنہ نے فرمایا کہ رسول اللہ صلی اللّٰہ علیہ وسلم جب مدینہ منورہ میں تشریف لائے تو مدینہ کے اوپر والے قبیلے میں اترے جس کو بنی عمروبن عوف کہا جاتا تھا۔ان میں آپ چودہ روز ٹھہرے پھر آپ نے بنی نجار کے پاس پیغام بھیجا۔وہ اپنی تلواریں لٹکائے ہوئے حاضر ہوئے۔حضرت انس نے فرمایا گویا میں اب بھی دیکھ رہا ہوں کہ رسول اللہ صلی اللّٰہ علیہ وسلم اپنی سواری پر ہیں۔اور حضرت ابوبکر آپ کے پیچھے بیٹھے ہوئے ہیں اور بنی نجار کے لوگوں نے آپ کو جھرمٹ میں لیا ہوا ہے یہاں تک کہ آپ حضرت ابو ایوب انصاری کے صحن میں پہنچ گئے۔اور رسول اللہ صلی اللّٰہ علیہ وسلم اسی جگہ نماز پڑھ لیتے جہاں وقت ہوجاتا اور آپ بکریوں کے ریوڑ میں بھی نماز پڑھ لیتے اور آپ نے مسجد بنانے کا حکم فرمایا تو بنی نجار کے لیے پیغام بھیجا اور فرمایا کہ اے بنی نجار!تم اپنی اس قطعہ زمین کی قیمت لے لو وہ عرض گزار ہوئے کہ خدا کی قسم ہم اس کی قیمت نہیں لینگے مگر اللہ تعالیٰ سے۔حضرت انس نے فرمایا کہ اس کے اندر مشرکین کی قبریں تھیں اور اس میں کچھ کھنڈرات تھے اور کھجور کے چند درخت تھے ۔پس رسول اللہ صلی اللّٰہ علیہ وسلم نے حکم فرمایا تو مشرکوں کی قبریں کھودی گئی،کھنڈرات کو برابر کیا گیا اور کھجور کے درخت کاٹ دیے گئے اور ان کی لکڑیاں مسجد کے قبلہ جانب رکھ دی گئیں،دروازے کی چوکھٹ پتھروں سے بنائی گئی،صحابہ کرام پتھروں کو اٹھا کر لاتے اور اشعار پڑھتے۔نبی کریم صلی اللّٰہ علیہ وسلم بھی ان کے ساتھ یوں گویا ہوتے۔اے اللّٰہ! حقیقی بھلائی تو آخرت کی بھلائی ہے لہذا تو انصار و مہاجرین کی مدد فرما۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٥٣،ج ١ ص ٣٤٠،حکم حدیث اسنادہ صحیح تحقیق الارنووط

ابوالتیاح سے روایت ہے کہ حضرت انس بن مالک رضی اللّٰہ تعالیٰ عنہ نے فرمایا۔مسجد نبوی کی جگہ بنی نجار کا ایک باغ تھا جس میں کاشتکاری ہوتی،کھجوروں کے درخت تھے اور مشرکین کی قبریں۔تو رسول اللہ صلی اللّٰہ علیہ وسلم نے فرمایا کہ مجھ سے اس کی قیمت لے لو ۔وہ عرض گزار ہوئے کہ ہم ایسا نہیں چاہتے۔چناں چہ درخت کاٹ دیے گئے،کھیتی باغ برابر کردی اور مشرکوں کی قبریں کھود دی گئیں۔باقی مذکورہ حدیث کی طرح ہے لیکن فانصر کی جگہ فاغفر کہا ہے ۔موسی بن اسماعیل نے کہا کہ عبدلوارث نے اسے روایت کی ہے اور عبدلوارث خرب کہتے اور عبدالوارث نے کہا کہ انھوں نے یہ حدیث حماد سے سیکھی ہے۔ ابوداؤد شریف کتاب الصلاۃ،بَابٌ فِي بِنَاءِ الْمَسَاجِدِ،حدیث نمبر٤٥٤،ج ١ ص ٣٤١۔حکم حدیث اسنادہ صحیح تحقیق الارنووط

عروہ بن زبیر سے روایت ہے کہ حضرت عائشہ صدیقہ رضی اللّٰہ تعالیٰ عنہا نے فرمایا کہ رسول اللہ صلی اللّٰہ علیہ وسلم نے گھروں میں مسجد بنانے کا حکم فرمایا اور یہ کہ انہیں پاک صاف اور معطر رکھا جائے۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٥٥٥،ج ١ ص ٣٤٢،حکم حدیث اسنادہ صحیح تحقیق الارنووط

حضرت سمرہ بن جندب رضی اللّٰہ تعالیٰ عنہ نے فرمایا کہ انہوں نے اپنے صاحبزادوں کے لیے خط لکھا۔اما بعد بیشک رسول اللہ صلی اللہ علیہ وسلم گھروں میں مسجد بنانے کا حکم فرمایا کرتے تھے اور انہیں اچھی طرح بنانے اور پاک صاف رکھنے کے لیے فرمایا کرتے تھے۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٥٥٦،ج ١ ص ٣٤٣،حکم حدیث صحيح تحقیق البانی

،زیاد بن ابوسودہ سے روایت ہے کہ نبی کریم صلی اللّٰہ علیہ وسلم کی مولاۃ حضرت میمونہ رضی اللّٰہ تعالیٰ عنہا عرض گزار ہوئیں کہ یارسول!ہمیں بیت المقدس کے بارے میں بتائے ۔رسول اللّٰہ صلی اللّٰہ تعالیٰ علیہ وسلم نے فرمایا کہ وہاں جاؤ اور اس میں نماز پڑھو اور ان دنوں اس علاقے میں لڑائی جھگڑا تھا۔اگر وہاں جاکر اس میں نماز نہ پڑھے سکو تو اس کے لیے بھیج دیا کرو جو اس کی قندیلوں میں جلائے جائیں۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٥٥٧،ج ١ ص ٣٤٣،حکم حدیث ضعیف تحقیق الارنووط و البانی

ابوالولید نے کہا کہ میں نے حضرت عمر رضی اللّٰہ تعالیٰ عنہ سے مسجد کی کنکریوں کے بارے میں دریافت کیا تو فرمایا کہ ایک رات بارش ہوئی تو زمین گیلی ہوگئی۔پس لوگ کنکریاں لائے اپنے اپنے کپڑوں میں اور انہیں نیچے اپنے نیچے بچھا لیا ۔جب رسول اللہ صلی اللّٰہ علیہ وسلم نماز سے فارغ ہوئے تو فرمایا کہ یہ کیا ہی خوب ہے۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٥٥٨،ج ١ ص ٣٤٤،حکم حدیث ضعیف تحقیق الارنووط و البانی

ابوصالح نے فرمایا کہ یہ کہا جاتا تھا کہ جب کوئی مسجد سے کنکریوں کو نکالتا تو کنکریاں اسے قسم دیا کرتی تھیں۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٤٥٩،ج ١ ص ٣٤٤،حکم حدیث رجالہ ثقات تحقیق الارنووط

ابوصالح سے روایت کی ہے کہ حضرت ابوہریرہ رضی اللّٰہ تعالیٰ عنہ نے فرمایا۔ابوبدر کے خیال میں انہوں نے اسے نبی کریم صلی اللّٰہ علیہ وسلم سے مرفوعاً روایت کیا ہے ۔فرمایا کہ کنکریاں اس شخص کو قسم دیتی ہیں جو انہیں کسی بھی مسجد سے نکالتا ہے۔ ابوداؤد شریف کتاب الصلاۃ،بَابُ اتِّخَاذِ الْمَسَاجِدِ فِي الدُّورِ،حدیث نمبر٤٦٠،ج ١ ص ٣٤٥،حکم حدیث ضعیف تحقیق الارنووط و البانی

حضرت انس بن مالک رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔مجھ پر میری امت کے کارثواب پیش کیے گئے یہاں تک کہ وہ کوڑا کرکٹ جسے آدمی مسجد سے نکالتا ہے اور مجھ پر میری امت کے گناہ پیش کیے گئے تو میں نے اس سے بڑا کوئی گناہ نہ پایا کہ کسی کو قرآن کریم کی کوئی سورت یا آیت دی گئی مگر اس آدمی نے اسے بھلا دیا ہو۔ ابوداؤد شریف کتاب الصلاۃ،بَابٌ فِي كَنْسِ الْمَسْجِدِ،حدیث نمبر٤٦١،ج ١ ص ٣٤٦،حکم حدیث ضعیف تحقیق الارنووط و البانی

حضرت ابن عمر رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے فرمایا۔کاش ہم اس دروازے کو عورتوں کے لیے چھوڑ دیں نافع نے فرمایا کہ حضرت ابن عمر آخری دم تک اس دروازے سے داخل نہیں ہوئے۔عبدالوارث کے سوا دوسرے حضرات سے روایت ہے۔حضرت عمر نے فرمایا کہ یہی زیادہ صحیح ہے۔ ابوداؤد شریف کتاب الصلاۃ،بَابٌ فِي اعْتِزَالِ النِّسَاءِ فِي الْمَسَاجِدِ عَنِ الرِّجَالِ،حدیث نمبر٤٦٢،ج ١ ص ٣٤٧،حکم حدیث صحيح تحقیق البانی

نافع سے روایت ہے کہ حضرت ابن عمر رضی اللّٰہ تعالیٰ عنہ نے فرمایا۔پھر مذکورہ حدیث بیان کرتے ہوئے کہا کہ یہی زیادہ صحیح ہے۔ ابوداؤد شریف کتاب الصلاۃ،بَابٌ فِي اعْتِزَالِ النِّسَاءِ فِي الْمَسَاجِدِ عَنِ الرِّجَالِ،حدیث نمبر٤٦٣،ج ١ ص ٣٤٨،حکم حدیث رجالہ ثقات تحقیق الارنووط

نافع سے روایت ہے کہ حضرت عمر رضی اللّٰہ تعالیٰ عنہ منع فرمایا کرتے تھے کہ کوئی عورتوں والے دروازے سے داخل ہو۔ ابوداؤد شریف کتاب الصلاۃ،بَابٌ فِي اعْتِزَالِ النِّسَاءِ فِي الْمَسَاجِدِ عَنِ الرِّجَالِ،حدیث نمبر٤٦٤،ج ١ ص ٣٤٨،حکم حدیث رجالہ ثقات تحقیق الارنووط

سعید بن ابوسوید سے روایت ہے کہ انہوں نے حضرت ابوحمید یا حضرت ابواسید انصاری رضی اللّٰہ تعالیٰ عنہ کو فرماتے ہوئے سنا کہ رسول اللہ صلی اللّٰہ علیہ وسلم نے فرمایا۔جب تم میں سے کوئی مسجد میں داخل ہو تو اسے نبی کریم صلی اللّٰہ علیہ وسلم پر سلام عرض کرنا چاہیے۔پھر کہے اے اللہ!میرے لیے اپنی رحمت کے دروازے کھول دے ۔جب نکلے تو کہے ۔اے اللّٰہ!میں تجھ سے تیرا فضل مانگتا ہوں۔ ابوداؤد شریف کتاب الصلاۃ،بَابٌ فِيمَا يَقُولُهُ الرَّجُلُ عِنْدَ دُخُولِهِ الْمَسْجِدَ،حدیث نمبر٤٦٥،ج ١ ص ٣٤٩، حکم حدیث صحيح تحقیق الارنووط و البانی

حیاۃ بن شریح کا بیان ہے کہ میں عقبہ بن مسلم سے ملا تو میں نے ان سے کہا مجھے یہ خبر پہنچی ہے کہ آپ وہ حدیث بیان کرتے ہیں جو حضرت عبداللہ بن عمروبن العاص رضی اللّٰہ تعالیٰ عنہ نے نبی کریم صلی اللّٰہ علیہ وسلم سے روایت کی ہے کہ وہ جب مسجد میں داخل ہوتے تو کہتے۔میں عظمت والے رب کی پناہ پکڑتا ہوں اور ساتھ اس کے وجہ الکریم کے اور اس کی ہمیشگی والی بادشاہی کے شیطانی مردود سے۔فرمایا بس یہی۔میں نے کہا ہاں۔فرمایا کہ اس کے بعد شیطان کہتا ہے کہ تو پورے دن کے لیے مجھ سے محفوظ ہوگیا۔ ابوداؤد شریف کتاب الصلاۃ،بَابٌ فِيمَا يَقُولُهُ الرَّجُلُ عِنْدَ دُخُولِهِ الْمَسْجِدَ،حدیث نمبر٤٦٦،ج ١ ص ٣٤٩،حکم حدیث صحيح تحقیق البانی

حضرت ابوقتادہ رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے فرمایا۔جب تم میں سے کوئی مسجد میں آئے تو اسے چاہیے کہ بیٹھنے سے پہلے دورکعت نماز پڑھ لے۔ ابوداؤد شریف کتاب الصلاۃ،بَابُ مَا جَاءَ فِي الصَّلَاةِ عِنْدَ دُخُولِ الْمَسْجِدِ،حدیث نمبر٤٦٧،ج ١ ص ٣٥٠،حکم حدیث صحيح تحقیق البانی

حضرت ابوقتادہ رضی اللّٰہ تعالیٰ عنہ نے نبی کریم صلی اللّٰہ علیہ وسلم سے مذکورہ حدیث کی طرح روایت کرتے ہوئے کہا کہ پھر چاہے تو بیٹھ جائے اور چاہے اپنی کسی حاجت کے لیے چلا جائے۔ ابوداؤد شریف کتاب الصلاۃ،بَابُ مَا جَاءَ فِي الصَّلَاةِ عِنْدَ دُخُولِ الْمَسْجِدِ،حدیث نمبر٤٦٨،ج ١ ص ٣٥١،حکم حدیث صحیح تحقیق البانی

حضرت ابوہریرہ رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا۔فرشتے تمہارے اس شخص کے لیے دعا کرتے رہتے ہیں جب تک اسی جگہ بیٹھا رہے جہاں نماز پڑھی ہے۔اور اسےحدث نہ ہواور وہاں سے نہ اٹھے کہ اے الله!اسے بخشدے ۔اے اللّٰہ!اس ہر رحم فرما۔ ابوداؤد شریف کتاب الصلاۃ،بَابٌ فِي فَضْلِ الْقُعُودِ فِي الْمَسْجِدِ ،حدیث نمبر٤٦٩،ج ١ ص ٣٥١،حکم حدیث اسنادہ صحیح تحقیق الارنووط

حضرت ابوہریرہ رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا۔بندہ اس وقت تک نماز میں شمار ہوتا ہے جب تک نماز اسے روکے رکھے ہوئے اسے اپنے گھر والوں میں جانے سے نہ روکتی ہومگر نماز۔ ابوداؤد شریف کتاب الصلاۃ،بَابٌ فِي فَضْلِ الْقُعُودِ فِي الْمَسْجِدِ ،حدیث نمبر٤٧٠،ج ١ ص ٣٥٢،حکم حدیث صحيح تحقیق البانی

حضرت ابوہریرہ رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا۔بندہ اس وقت تک نماز میں شمار ہوتا ہے جب تک اپنے مصلے پر نماز کے انتظار میں رہے ۔فرشتے کہتے ہیں :اے اللہ!اسے بخشدے اے اللہ!اس پر رحم فرما۔یہاں تک کہ لوٹ جائے ۔یا حدث ہو جائے، کہا گیا کہ حدث ہوجاتا کیا ہے؟فرمایا کہ آہستہ یا آواز سے ہوا کا خارج ہونا۔ ابوداؤد شریف کتاب الصلاۃ،بَابٌ فِي فَضْلِ الْقُعُودِ فِي الْمَسْجِدِ ،حدیث نمبر٤٧١،ج ١ ص ٣٥٢،حکم حدیث اسنادہ صحیح تحقیق الارنووط

حضرت ابوہریرہ رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا۔جو مسجد میں جس کام کے لیے آیا اسی کے مطابق اجر ملےگا۔ ابوداؤد شریف کتاب الصلاۃ،بَابٌ فِي فَضْلِ الْقُعُودِ فِي الْمَسْجِدِ ،حدیث نمبر٤٧٢،ج ١ ص ٣٥٣،حکم حدیث حسن تحقیق البانی

حضرت ابوہریرہ رضی اللّٰہ تعالیٰ عنہ نے رسول اللہ صلی اللّٰہ علیہ وسلم کو فرماتے ہوئے سنا کہ جو شخص کسی آدمی سے سنے کہ اپنی گمشدہ چیز مسجد میں تلاش کررہاہے تو کہا چاہیے کہ اللہ تعالیٰ تیری چیز نہ لوٹائے کیونکہ مسجدیں اس لیے نہیں بنائی گئیں۔ ابوداؤد شریف کتاب الصلاۃ،بَابٌ فِي كَرَاهِيَةِ إِنْشَادِ الضَّالَّةِ فِي الْمَسْجِدِ,حدیث نمبر ٤٧٣،ج ١ ص ٣٥٣،حکم حدیث اسنادہ صحیح تحقیق الارنووط

حضرت انس بن مالک رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا۔مسجد میں تھوکنا غلطی ہے اور اس کا کفارہ یہ ہے کہ اسے چھپادے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٤،ج ١ ص ٣٥٤،حکم حدیث اسنادہ صحیح تحقیق الارنووط

حضرت انس بن مالک رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا۔مسجد میں تھوکنا گناہ ہے اور اس کا کفارہ اسے دفن کردینا ہے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٥،ج ١ ص ٣٥٤،حکم حدیث اسنادہ صحیح تحقیق الارنووط

حضرت انس بن مالک رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا۔مسجد میں بلغم ڈالنا۔پھر مذکورہ حدیث کی طرح بیان کیا۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٦،ج ١ ص ٣٥٤،حکم حدیث اسنادہ صحیح تحقیق الارنووط

عبدالرحمن بن ابوحدراسلمی نےحضرت ابوہریرہ رضی اللّٰہ تعالیٰ عنہ کو فرماتے ہوئے سنا کہ رسول اللہ صلی اللّٰہ علیہ وسلم نے فرمایا جو اس مسجد میں داخل ہو اور اس میں تھوکے یا بلغم ڈالے تو چاہیے کہ مٹی کرید کر اسے دفن کردے ۔اگر ایسا نہ کرے تو اپنے کپڑے میں تھوکے،پھر باہر ساتھ لے جائے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٧،ج ١ ص ٣٥٥،حکم حدیث حسن تحقیق الارنووط

حضرت طارق بن عبداللہ محاربی رضی اللّٰہ تعالیٰ عنہ سے روایت ہے کہ رسول اللہ صلی اللّٰہ علیہ وسلم نے فرمایا جب کوئی شخص نماز پڑھ رہا ہو یا جب تم میں سے کوئی نماز پڑھے تو اپنے سامنے اور دائیں جانب نہ تھوکے۔ہاں اگر گنجائش ہو تو اپنے بائیں جانب تھوک لے ورنہ اپنے بائیں قدم پر تھوکےپھر اسے مل دینا چاہیے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٨،ج ١ ص ٣٥٦،حکم حدیث اسنادہ صحیح تحقیق الارنووط

نافع نے حضرت ابن عمر رضی اللّٰہ تعالیٰ عنہ سے روایت کی ہے کہ ایک روز رسول اللہ صلی اللّٰہ علیہ وسلم خطبہ دے رہے تھے کہ آپ نے مسجد کے قبلے کی جانب بلغم دیکھا تو لوگوں پر ناراضگی اظہار فرمایا پھر اسے خرچ دیا۔راوی کا بیان ہے کہ میرے خیال میں آپ نے زعفران منگاکر اس پر مل دیا تھا اور فرمایا کہ جب تم میں سے کوئی نماز پڑھے تو اللہ تعالی اس کے سامنے ہوتا ہے ۔پس وہ اپنے سامنے نہ تھوکا کرے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٧٩،ج ١ ص ٣٥٦،حکم حدیث اسنادہ صحیح تحقیق الارنووط

عیاض بن عبداللہ نے حضرت ابوسعید خدری رضی اللّٰہ تعالیٰ عنہ سے روایت کی ہے کہ نبی کریم صلی اللّٰہ علیہ وسلم کھجور کی شاخوں کو پسند فرماتے تھے اسی لیے وہ ہمیشہ آپ کے دست مبارک میں ہوتی ایک دفعہ آپ مسجد میں داخل ہوئے تو مسجد کے جانب قبلہ آپ نے بلغم دیکھا تو اسے خرچ دیا ۔پھر ناراضگی کی حالت میں لوگوں کے پاس تشریف لائے اور فرمایا کہ کیا تم میں سے کوئی اس بات پر خوش ہوگا کہ اپنے منہ پر تھوکے ؟تم میں سے جب کوئی قبلہ کی جانب منہ کرتا ہے تو گویا وہ اپنے رب عزوجل کی جانب منہ کرتا ہے اور فرشتے دائیں جانب ہوتے ہیں ۔لہذا دائیں جانب نہ تھوکنا اور نہ اپنے سامنے بلکہ چاہیے کی اپنے بائیں جانب تھوکے یا اپنے زیر قدم اور اگر جلدی ہو تو یوں کرے،اور اس کی شرح کرتے ہوئے ہمیں ابن عجلان نے بتایا کہ اپنے کپڑے میں تھوکے اور پھر اسے الٹ پلٹ کرے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٨٠،ج ١ ص ٣٥٧،حکم اسنادہ قوی تحقیق الارنووط

حضرت ابو سہلہ سائب بن خلاد رضی اللہ عنہ جو نبی کریم صلی اللہ علیہ وسلم کے اصحاب میں سے ہیں۔وہ بیان کرتے ہیں:ایک شخص جو لوگوں کی امامت کرتا تھا، اس نے قبلہ کی سمت میں تھوک دیا، نبی کریم صلی اللہ علیہ وسلم ملاحظہ فرما رہے تھے، جب وہ فارغ ہوا تو رسول اللہ صلی اللہ علیہ وسلم نے فرمایا،یہ شخص تم لوگوں کو نماز نہ پڑھائے، اس کے بعد اس شخص نے لوگوں کو نماز پڑھانے کا ارادہ کیا، تو لوگوں نے اسے روک دیا، اور نبی کریم صلی اللہ علیہ وسلم کے فرمان کے بارے میں اسے بتایا، اس نے اس بات کا تذکرہ نبی کریم صلی اللہ علیہ وسلم کی بارگاہ میں کیا، تو نبی کریم صلی اللہ علیہ وسلم نے ارشاد فرمایا جی ہاں(میں نے اس بات کا حکم دیا ہے،)راوی کہتے ہیں:میرا خیال ہے روایت میں یہ الفاظ بھی ہیں:(کہ رسول اللہ صلی اللہ علیہ وسلم نے ارشاد فرمایا)تم نے اللہ اور اس کے رسول کو ایذاء پہنچائی ہے (ابوداؤد شریف کتاب الصلاۃ بَابٌ فِي كَرَاهِيَةِ الْبُزَاقِ فِي الْمَسْجِدِ،ج ١ ص ٣٥٨،حدیث نمبر ٤٨١،حسن لغیرہ"الارنووط

مطرف نے آپ نے اپنے والد ماجد (عبداللہ بن شخیر) سے روایت کی ہے کہ میں رسول اللہ صلی اللہ علیہ وسلم کی خدمت میں حاضر ہوا تو آپ نماز پڑھ رہے تھے۔ چنانچہ آپ نے اپنے بائیں قدم مبارک کے نیچے تھوکا۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٨٢،ج ١ ص ٣٥٩،حکم حدیث صحيح تحقیق البانی

ابوالعلاء نے اپنے والد ماجد سے معناروایت کرتے ہوئے یہ بھی کہا پھر اسے اپنے نعل مبارک سے رگڑ دیا۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٨٣،ج ١ ص ٣٥٩،حکم حدیث اسنادہ صحیح تحقیق الارنووط

حضرت ابو سعید نے فرمایا کہ میں نے حضرت واثلہ بن اسقع رضی اللہ تعالی عنہ کو دمشق کی مسجد میں دیکھا کہ انہوں نے بوریئے پر تھوکا پھر اسے اپنے پاؤں سے مل دیا ان سے کہا گیا کہ آپ نے ایسا کیوں کیا؟ فرمایا اس لئے کہ میں نے رسول اللہ صلی اللہ علیہ وسلم کو ایسا کرتے ہوئے دیکھا ہے۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٨٤،ج ١ ص ٣٥٩،حکم حدیث ضعیف تحقیق الارنووط و البانی

عبادہ بن ولید بن عبادہ بن صامت سے روایت ہے کہ ہم حضرت جابر بن عبداللہ رضی اللہ تعالی عنہ کی خدمت میں حاضر ہوئے جب کہ وہ اپنی مسجد میں تھے انہوں نے فرمایا کہ ایک دفعہ رسول اللہ صلی اللہ علیہ وسلم ہماری اس مسجد میں تشریف لائے اور آپ کے دستِ مبارک میں ابن طاب کی شاخ تھی جب آپ نے غور سے دیکھا تو مسجد کے جانب قبلہ بلغم نظر آیا آپ اس کی جانب بڑھے اور اس سے چھڑی سے چھڑا دیا۔پھر فرمایا کہ تم میں سے کون پسند کرتا ہے کہ اللہ تعالی اس کی جانب سے اعراض فرمالے؟ پھر فرمایا کہ جب تم میں سے کوئی نماز پڑھنے کھڑا ہوتا تو اللہ تعالی اس کے سامنے ہوتا ہے پس کوئی اپنے سامنے نہ تھوکے اور نہ دائیں جانب اور اپنے بائیں جانب تھوکے یا بائیں قدم کے نیچے اگر کسی کو بہت ہی جلدی ہو تو اپنے کپڑے میں یوں تھوکے چنانچہ اسے اپنے دہن مبارک پر رکھا پھر مل دیا۔ پھر فرمایا کہ عبیر تو لاؤ۔ قبیلے کا ایک نوجوان اٹھ کھڑا ہوا اور اپنے گھر کی جانب دوڑا وہ اپنی مٹھی میں خوشبو لے کر آیا پس رسول اللہ صلی اللہ علیہ وسلم نے اسے لے کر لکڑی کے سرے پر لگایا اور پھر اسے بلغم کی جگہ پر مل دیا۔ حضرت جابر نے فرمایا اسی لیے تم اپنی مسجدوں میں خوشبو کا اہتمام کرتے ہو۔ ابوداؤد شریف کتاب الصلاۃ،بَابٌ فِي كَرَاهِيَةِ الْبُزَاقِ فِي الْمَسْجِدِ،حدیث نمبر٤٨٥،ج ١ ص ٣٦٠،حکم حدیث اسنادہ صحیح تحقیق الارنووط

عبداللہ بن ابو نمرنے حضرت انس بن مالک رضی اللہ تعالی عنہ کو فرماتے ہوئے سنا کہ ایک آدمی اونٹ پر سوار ہو کر آیا مسجد میں اونٹ لا بٹھایا اور پھر اسے باندھ دیا پھر کہا تم میں محمد کون ہیں ؟جب کہ رسول اللہ صلی اللہ علیہ وسلم ٹیک لگائے ہوئے لوگوں کے درمیان جلوہ افروز تھے۔ ہم نے کہا کہ سفید رنگ والے جوٹیک لگائے ہوئے ہیں اس آدمی نے آپ سے کہا ۔اے عبدالمطلب کے بیٹے! نبی کریم صلی اللہ علیہ وسلم نے اس سے فرمایا میں تمہیں جواب دینے کے لئے متوجہ ہوں اس آدمی نے کہا اے محمد میں کچھ پوچھنا چاہتا ہوں اور باقی حدیث بیان کی۔ ابوداؤد شریف کتاب الصلاۃ،بَابُ مَا جَاءَ فِي الْمُشْرِكِ يَدْخُلُ الْمَسْجِدَ،حدیث نمبر ٤٨٦،ج ١ ص ٣٦١،حکم حدیث اسنادہ صحیح تحقیق الارنووط

کریب سے روایت ہے کہ حضرت ابن عباس رضی اللہ تعالی عنہما نے فرمایا کہ بنی سعد بن بکر نے ضمام بن ثعلبہ کو رسول اللہ صلی اللہ علیہ وسلم کی خدمت میں بھیجا تو وہ آپ کی بارگاہ میں حاضر ہوا مسجد کے دروازے کے پاس اپنے اونٹ کو بٹھا کر باندھ دیا پھر مسجد میں داخل ہوا پھر مذکورہ حدیث کی طرح بیان کرتے ہوئے کہا۔ آپ حضرات میں ابن عبدالمطلب کون ہے؟ رسول اللہ صلی اللہ تعالی علیہ وسلم نے فرمایا کہ ابن عبدالمطلب میں ہوں۔ وہ عرض گزار ہوا کہ اےابن عبدالمطلب! اور پھر باقی حدیث بیان کی۔ ابوداؤد شریف کتاب الصلاۃ،بَابُ مَا جَاءَ فِي الْمُشْرِكِ يَدْخُلُ الْمَسْجِدَ, حدیث نمبر ٤٨٧،ج ١ ص ٣٦٢،حکم حدیث اسنادہ حسن تحقیق الارنووط

سعید بن مسیب سے روایت ہے کہ حضرت ابوہریرہ رضی اللہ تعالی عنہ نے فرمایا کہ یہودی نبی کریم صلی اللہ علیہ وسلم کی بارگاہ میں حاضر ہوئے جبکہ مسجد کے اندر شمع رسالت کے پروانوں کے درمیان جلوہ افروز تھے۔انہوں نے کہا اے ابوالقاسم مسئلہ درپیش تھا ایک مرد اور ایک عورت کا جنہوں نے ان میں سے زنا کیا تھا۔ ابوداؤد شریف کتاب الصلاۃ،بَابُ مَا جَاءَ فِي الْمُشْرِكِ يَدْخُلُ الْمَسْجِدَ, حدیث نمبر ٤٨٨،ج ١ ص ٣٦٢،حکم حدیث صحيح لغیرہ"الارنووط

حضرت ابوذر غفاری رضی اللہ تعالی عنہ سے مروی ہے کہ رسول اللہ صلی اللہ علیہ وسلم نے فرمایا میرے لیے ساری زمین کو پاک کرنے والی اور مسجد بنا دیا گیا ہے۔ ابوداؤد شریف کتاب الصلاۃ،بَابٌ فِي الْمَوَاضِعِ الَّتِي لَا تَجُوزُ فِيهَا الصَّلَاةُ،حدیث نمبر٤٨٩،ج ١ ص ٣٦٣،حکم حدیث اسنادہ صحیح تحقیق الارنووط

ابو صالح غفاری سے روایت ہے کہ حضرت علی رضی اللہ تعالی عنہ بابل شہر کی کے پاس سے گزرے جب کہ وہ سفر میں تھے چنانچہ مؤذن آیا کہ نماز عصر کے لیے اذان کہے جب آپ اس کی حد سے باہر نکل گئے تو موذن کو حکم فرمایا چنانچہ اس نے نماز کے لئے اقامت کہی جب فارغ ہوگئے تو فرمایا کہ میرے محبوب علیہ الصلوۃ والسلام نے مجھے مقبرے میں نماز پڑھنے سے منع فرمایا ہے اور بابل کی سرزمین میں نماز پڑھنے سے منع فرمایا ہے کیوں کہ وہ ملعونہ ہے۔ ابوداؤد شریف کتاب الصلاۃ،بَابٌ فِي الْمَوَاضِعِ الَّتِي لَا تَجُوزُ فِيهَا الصَّلَاةُ،حدیث نمبر٤٩٠،ج ١ ص ٣٦٣،حکم حدیث ضعیف تحقیق الارنووط و البانی

ابوصالح غفاری نے حضرت علی سے اسے معنا روایت کیا ہے۔سلیمان بن داؤد نے فرمایا کہ فلما برز کی جگہ فلما خرج ہے۔ ابوداؤد شریف کتاب الصلاۃ،بَابٌ فِي الْمَوَاضِعِ الَّتِي لَا تَجُوزُ فِيهَا الصَّلَاةُ،حدیث نمبر٤٩١،ج ١ ص ٣٦٤،حکم حدیث ضعیف تحقیق الارنووط و البانی

حضرت ابوسعید خدری رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے فرمایا موسی بن اسماعیل کی حدیث عمروبن یحییٰ کے مطابق ہے کہ نبی کریم صلی اللّٰہ علیہ وسلم نے فرمایا ساری زمین مسجد ہے سوائے حمام اور مقبرے کی زمین کے۔ ابوداؤد شریف کتاب الصلاۃ،بَابٌ فِي الْمَوَاضِعِ الَّتِي لَا تَجُوزُ فِيهَا الصَّلَاةُ،حدیث نمبر٤٩٢،ج ١ ص ٣٦٥،حکم حدیث اسنادہ صحیح تحقیق الارنووط

عبد الرحمن بن ابو لیلی سے روایت ہے کہ حضرت براء بن عازب رضی اللہ تعالی عنہ نے فرمایا کہ رسول اللہ صلی اللہ تعالی علیہ وسلم سے اونٹوں کے رہنے کی جگہ میں نماز پڑھنے کے متعلق پوچھا گیا تو آپ نے فرمایا کہ اونٹوں کی بیٹھنے کی جگہ نماز نہ پڑھا کرو کیونکہ وہ شیطانوں کی جگہ ہے اور آپ سے بکریوں کے ریوڑ میں نماز پڑھنے کی بابت پوچھا گیا تو فرمایا کہ ان میں پڑھ لیا کرو کیونکہ وہ باعث برکت ہیں۔ ابوداؤد شریف کتاب الصلاۃ،بَابُ النَّهْيِ عَنِ الصَّلَاةِ فِي مَبَارِكِ الْإِبِلِ،حدیث نمبر ٤٩٣،ج ١ ص ٣٦٦،حکم حدیث اسنادہ صحیح تحقیق الارنووط

حضرت سبرہ بن معبد جہنی رضی اللّٰہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا۔لڑکے کے جب سات سال ہو جائیں تو انہیں نماز کا حکم دو اور جب دس سال کے ہو جائیں تو نماز کے متعلق اسے مارو پیٹو۔ ابوداؤد شریف کتاب الصلاۃ،بَابُ مَتَى يُؤْمَرُ الْغُلَامُ بِالصَّلَاةِ, حدیث نمبر ٤٩٤،ج ١ ص ٣٦٦،حکم حدیث صحيح تحقیق الارنووط

حضرت عمرو بن شعیب ان کے والد ماجد ان کے جد امجد سے روایت ہے کہ رسول اللہ صلی اللّٰہ علیہ وسلم نے فرمایا اپنی اولاد کو نماز کا حکم دو جب کہ وہ سات سال کے ہو جائیں اور اس پر انہیں مارو جب کہ وہ دس سال کے ہو جائیں اور انہیں الگ الگ سلایا کرو۔ ابوداؤد شریف کتاب الصلاۃ،بَابُ مَتَى يُؤْمَرُ الْغُلَامُ بِالصَّلَاةِ, حدیث نمبر ٤٩٥،ج ١ ص ٣٦٧،حکم حدیث حسن صحیح تحقیق البانی

داؤد بن سوار مزنی نے اپنی سند کے ساتھ اسے معنا روایت کرتے ہوئے یہ بھی کہا کہ جب تم میں سے کوئی اپنے خادم،غلام یا نوکر کا نکاح کردے تو اسے ناف سے نیچے اور گھٹنے سے اوپر نہ دیکھے۔امام ابوداؤد نے فرمایا کہ وکیع کو ان کے نام میں وہم واقع ہوا اور روایت کی ہے ان سے ابوداؤد طیالسی نے یہ حدیث تو کہا ابوحمزہ سوارالصیر فی۔ ابوداؤد شریف کتاب الصلاۃ،بَابُ مَتَى يُؤْمَرُ الْغُلَامُ بِالصَّلَاةِ, حدیث نمبر ٤٩٦،ج ١ ص ٣٦٧،حکم حدیث اسنادہ حسن تحقیق الارنووط

ہشام بن سعد سے روایت ہے کہ ہم معاذ بن عبداللّٰہ بن خبیب جہنی کے پاس گئے تو انہوں نے اپنی بیوی سے فرمایا کہ بچہ کب سے نماز پڑھے؟ اس نے کہا کہ ہم میں سے ایک آدمی ذکر کرتا ہے کہ رسول اللہ صلی اللّٰہ علیہ وسلم سے اس کے متعلق پوچھا گیا تو آپ نے فرمایا کہ جب وہ دائیں اور بائیں میں تمیز کرنے لگے تو اسے نماز کا حکم دو۔ ابوداؤد شریف کتاب الصلاۃ،بَابُ مَتَى يُؤْمَرُ الْغُلَامُ بِالصَّلَاةِ ،حدیث نمبر٤٩٧،ج ١ ص ٣٦٧،حکم حدیث ضعیف تحقیق الارنووط و البانی

ابو عمیر بن انس نے اپنے چچا سے روایت کی جو انصار سے تھے کہ نبی کریم صلی اللہ علیہ وسلم نے اہتمام کیا کہ نماز کے لئے لوگوں کو کس طرح جمع کیا جائے آپ سے کہا گیا کہ نماز کا وقت ہونے پر ایک جھنڈا بلند کر دیا جائے جب لوگ اسے دیکھیں تو ایک دوسرے کو بتا دیں۔ یہ بات آپ کو پسند نہ آئی۔ تو پھر آپ نے نر سنگے کا ذکر کیا گیا زیاد کی روایت میں ہے کہ یہود کا نرسنگایہ بھی یہودیوں کا فعل ہونے کی وجہ سے پسند نہ آیا۔راوی کا بیان ہے کہ پھر ناکوس کا ذکر ہوا تو نصاریٰ کا فعل ہونے کے باعث پسند نہ آئے۔ پس حضرت عبداللہ بن زید لوٹ آئے اور انہیں رسول اللہ صلی اللہ علیہ وسلم کی اس جستجو کا بڑا احساس تھا تو انہیں خواب میں اذان دکھائی گئی۔ اگلے روز جب وہ وہ رسول اللہ صلی اللہ تعالی علیہ وسلم کی بارگاہ میں حاضر ہوئے تو بتاتے ہوئے عرض گزار ہوئے یے یا رسول اللہ اللہ میں سونے اور جاگنے کے درمیان تھا، پھر کسی آنے والے نے مجھے اذان دکھائی۔ راوی کا بیان ہے کہ حضرت عمر بن خطاب ان سے بھی بیس روز پہلے دیکھ چکے تھے۔ لیکن چھپائے رکھا نبی کریم صلی اللہ علیہ وسلم کو اس کی خبر دی گئی تو آپ نے ان سے فرمایاکہ تمہیں بتانے سے کس چیز نے روکا؟ عرض گزار ہوئے کہ عبد اللہ بن زید سبقت لے گئے تو مجھےحیا محسوس ہونے لگی۔ رسول اللہ صلی اللہ تعالی علیہ وسلم نے فرمایا کہ اےبلال!کھڑے ہو جاؤ اور جس طرح تمہیں عبداللہ بن زید بتاتےجائیں وہ کہتے جاؤ۔ بس حضرت بلال نے اذان کہی۔ ابوبشر نے ابو عمیر سے روایت کی ہے کہ انصار کا یہ خیال ہے کہ حضرت عبداللہ بن زید اگر روز بیمار نہ ہوتے تو رسول اللہ صلی اللہ تعالی علیہ وسلم انہیں مؤذن مقرر فرماتے۔ ابوداؤد شریف کتاب الصلاۃ،بَابُ بَدْءِ الْأَذَانِ،حدیث نمبر٤٩٨،ج ١ ص ٣٧٠،حکم حدیث اسنادہ صحیح تحقیق الارنووط

محمد بن عبداللہ بن زید بن عبدربہ سے روایت ہے کہ ان کے والد ماجد حضرت عبداللہ بن زید نے فرمایا کہ جب رسول اللہ صلی اللہ علیہ وسلم نے ناقوس کا حکم فرمایا تاکہ اسے بجا کر لوگوں کو نماز کے لیے جمع کیا جائے تو میرے پاس سے ایک آدمی گزرا جب کہ میں سویا ہوا تھا اور اس نے اپنے ہاتھ میں ناقوس اٹھایا ہوا تھا۔ میں نے کہا اے اللہ کے بندے کیا آپ یہ خود بیچتے ہیں اس نے کہا آپ اس کا کیا کریں گے؟ میں نے کہا ہم اس کے ذریعے نماز کیلئے بلائیں گے۔ کہاں کیا میں وہ چیز نہ بتا دوں جو اس سے بہتر ہے میں نے اس سے کہا کیوں نہیں۔ کہا کہ یوں کہا کرو۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ محمد اللہ کے رسول ہیں۔ آؤنماز کی طرف آؤ نماز کی طرف۔آو نجات کی طرف۔آؤنجات کی طرف اللہ بہت بڑا ہے اللہ بہت بڑا ہے۔ نہیں کوئی معبود مگر اللہ پھر وہ مجھ سے ذرا پیچھے ہٹ گیا اور کہا کہ جب نماز کھڑی ہونےلگے تو یو کہا کرو۔اللہ بہت بڑا ہے اللہ بہت بڑا ہے۔میں گواہی دیتا ہوں کہ نہیں کوئی معبود مگر اللہ۔میں گواہی دیتا ہوں کہ محمد اللہ کے رسول ہیں۔آؤ نماز کی طرف۔آؤ نجات کی طرف۔بیشک نماز کھڑی ہو گئی ۔اللہ بہت بڑا ہے اللہ بہت بڑا ہے۔نہیں کوئی معبود مگر اللہ۔صبح کے وقت میں نے رسول اللہ صلی اللّٰہ علیہ وسلم کی بارگاہ میں حاضر ہو کر آپ کو یہ چیز بتائی جو میں نے دیکھی تھی۔فرمایا کہ اللہ نے چاہا تو یہ خواب حق ہے۔پس بلال کے ساتھ کھڑے ہو جاؤ انہیں بتاتے جانا جو تم نے دیکھا تاکہ وہ آواز سے کہیں کیونکہ ان کی آواز تمہاری نسبت بلند ہے۔پس میں حضرت بلال کے ساتھ کھڑا ہو گیا انہیں بتاتا رہا اور وہ اذان کہتے رہے۔حضرت عمر نے اپنے گھر میں جب سے اسے سنا تو اپنی چادر گھسیٹتے ہو ئے آئے اور عرض گزار ہوئے۔یارسول اللّٰہ قسم اس ذات کی جس نے آپ کو حق کے ساتھ مبعوث فرمایا،میں نے بھی ایسا ہی دیکھا تھا،چناچہ رسول اللہ صلی اللّٰہ علیہ وسلم نے فرمایا کہ سب تعریفیں اللہ کے لیے ہیں۔امام ابوداؤد نے فرمایا کہ زہری۔سعید بن مسیب نے حضرت عبداللہ بن زید سے اسی طرح روایت کی اور اس میں ابن اسحاق نے زہری سے چار مرتبہ تکبیر روایت کی جبکہ معمر یونس نے زہری سے دو مرتبہ تکبیر روایت کی ہے۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٤٩٩،ج ١ ص ٣٧٢،حکم حدیث اسنادہ حسن تحقیق الارنووط

ابومحزورہ کے والد ماجد سے ان کے والد محترم نے فرمایا کہ میں عرض گزار ہوا۔یارسول اللہ مجھے اذان کا طریقہ سکھائیے۔فرمایا کہ آپ نے میری پیشانی پر دست مبارک پھیرا اور فرمایا کہ یوں کہا کرو اللہ بہت بڑا ہے اللہ بہت بڑا ہے۔اللہ بہت بڑا ہے اللہ بہت بڑا ہے۔یہ بلند آواز سے کہنا پھر کہنا۔میں گواہی دیتا ہوں کہ نہیں کوئی معبود مگر اللہ میں گواہی دیتا ہوں کہ نہیں کوئی معبود مگر اللہ۔میں گواہی دیتا ہوں کہ محمد اللہ کے رسول ہیں۔میں گواہی دیتا ہوں کہ محمد اللہ کے رسول ہیں۔یہ کہتے وقت آواز پست رکھنا ،پھر بلند آواز سے شہادت دینا میں گواہی دیتا ہوں کہ نہیں کوئی معبود مگر اللہ میں گواہی دیتا ہوں کہ نہیں کوئی معبود مگر اللہ۔میں گواہی دیتا ہوں کہ محمد اللہ کے رسول ہیں میں گواہی دیتا ہوں کہ محمد اللہ کے رسول ہیں۔آؤنماز کی طرف آؤ نماز کی طرف۔آو نجات کی طرف آؤ نجات کی طرف۔اگر وہ صبح کی نماز ہو تو کہے۔نماز نیند سے بہتر ہے،اللہ بہت بڑا ہے اللہ بہت بڑا ہے۔نہیں کوئی معبود مگر اللہ۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٠،ج ١ ص ٣٧٣،حکم حدیث صحيح تحقیق الارنووط

حضرت ابو محذورہ رضی اللہ تعالی عنہ سے مروی ہے کہ نبی کریم صلی اللہ علیہ وسلم نے انہیں مذکورہ طریقہ بتایا اس روایت میں ہے کہ نماز نیند سے بہتر ہے۔ نماز نیند سے بہتر ہے۔ یہ فجر کی پہلی اذان میں ہے۔امام ابوداؤد نے فرمایا کہ مسدد کی حدیث زیادہ واضح ہے اس میں فرمایا کہ مجھے اقامت دو مرتبہ سکھائی۔ اللہ بہت بڑا ہے۔ اللہ بہت بڑا ہے۔ میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ محمد اللہ کے رسول ہیں۔ میں گواہی دیتا ہوں کہ محمد اللہ کے رسول ہیں۔ آؤ نماز کی طرف۔ آؤ نماز کی طرف۔ آؤ نجات کی طرف۔ آؤ نجات کی طرف۔ اللہ بہت بڑا ہے۔ اللہ بہت بڑا ہے۔ نہیں ہے کوئی معبود مگر اللہ۔ امام ابوداؤد نے فرمایا کہ عبدالرزاق نے کہا جب تم نماز کی اقامت کہو تو دو مرتبہ کہا کرو۔ یقینا نماز کھڑی ہو گئی۔ یقینا نماز کھڑی ہو گئی۔ کیا تم نے سنا؟ نیز فرمایا کہ حضرت ابو محذورہ نہ کبھی اپنی پیشانی کے بال کتراتے اور نہ منڈاتے کیوں کہ نبی کریم صلی اللہ علیہ وسلم نے ان پر اپنا دست مبارک پھیرا تھا۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠١،ج ١ ص ٣٧٤،حکم حدیث صحيح تحقیق الارنووط

حضرت ابو محذورہ رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے انہیں اذان کے انیس اور اقامت کے سترہ کلمے سکھائے اذان یہ ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ میں گواہی دیتا ہوں کہ نہیں کوئی معبود مگر اللہ۔میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ محمد اللہ کے رسول ہیں۔ میں گواہی دیتا ہوں کہ محمد اللہ کے رسول ہیں۔ میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ نہیں کوئی معبود مگر اللہ۔ میں گواہی دیتا ہوں کہ محمد اللہ کے رسول ہیں۔ آؤ نماز کی طرف۔ آؤ نماز کی طرف۔ آؤ نماز کی طرف۔ آؤ نجات کی طرف۔ اللہ بہت بڑا ہے۔ اللہ بہت بڑا ہے۔ نہیں کوئی معبود مگر اللہ۔ اقامت یہ ہے اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گوا ہی دیتا ہوں کہ محمد اللہ کے رسول ہیں۔ گواہی دیتا ہوں کہ محمد اللہ کے رسول ہیں۔ آؤ نماز کی طرف۔ آؤ نماز کی طرف۔ آؤ نماز کی طرف۔ آؤ نماز کی طرف۔ یقینا نماز کھڑی ہو گئی۔ یقیناً نماز کھڑی ہوگئی۔ اللہ بہت بڑا ہے۔ اللہ بہت بڑا ہے۔ نہیں کوئی معبود مگر اللہ۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٢،ج ١ ص ٣٧٦،حکم حدیث صحيح تحقیق الارنووط

حضرت ابو محذورہ رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے اذان کی مجھے بنفس نفیس تعلیم دیتے ہوئے فرمایا کہ کہا کرو۔اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ محمد اللہ کے رسول ہیں۔ گواہی دیتا ہوں کہ محمد اللہ کے رسول ہیں۔ پھر دوبارہ بلند آواز سے کہا کرو ۔گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ محمد اللہ کے رسول ہیں۔ گواہی دیتا ہوں کہ محمد اللہ کے رسول ہیں۔آؤ نماز کی طرف۔ آؤ نماز کی طرف۔ آؤ نجات کی طرف۔ اللہ بہت بڑا ہے۔ اللہ بہت بڑا ہے۔ نہیں کوئی معبود مگر اللہ۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٣،ج ١ ص ٣٧٦،حکم حدیث صحيح تحقیق الارنووط

حضرت ابو محذورہ رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نےمجھے اذان کی حرف بحرف یوں تلقین فرمائی۔اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ اللہ بہت بڑا ہے۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ محمد اللہ کے رسول ہیں۔ گواہی دیتا ہوں کہ محمد اللہ کے رسول ہیں۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ محمد اللہ کے رسول ہیں۔ گواہی دیتا ہوں کہ محمد اللہ کے رسول ہیں۔ آؤ نماز کی طرف۔ آؤ نماز کی طرف۔ آؤ نجات کی طرف۔ آؤ نجات کی طرف۔ ان کا بیان ہے کہ فجر کے وقت یوں کہا کرتے ۔نماز نیند سے بہتر ہے۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٤،ج ١ ص ٣٧٧،حکم حدیث صحيح تحقیق الارنووط

حضرت ابو محذورہ رضی اللہ تعالی عنہ سے مروی ہے کہ انہیں رسول اللہ صلی اللہ تعالی علیہ وسلم نے اذان کی تعلیم فرمائی کہ یوں کہا کرو۔اللہ بہت بڑا ہے۔ اللہ بہت بڑا ہے۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ پھر اذان کے متعلق اسی طرح ذکر کیا جو ابن جریج نے عبد الملک بن عبد العزیز سے روایت کی ہے اور جو معنا مالک بن دینار کی حدیث میں ہے۔ان کا بیان ہے کہ میں ابن ابو محذورہ سے پوچھتے ہوئے عرض کیا کہ مجھے اپنے والد محترم کی اذان بتائیے جو انہوں نے رسول اللہ صلی اللّٰہ علیہ وسلم سے سیکھی تو کہا۔اللہ بہت بڑا ہے۔ اللہ بہت بڑا ہے۔صرف دومرتبہ اسی طرح جعفر بن سلیمان کی حدیث میں ہے جو انہوں نے ابن ابی محذورہ سے انہوں نے اپنے چچا جان سے،انہوں نے ان کے جد امجد سے روایت کی ہے۔مگر اس میں فرمایا کہ پھر ترجیح کرتے ہوئے بلند آواز سے کہا کرو۔اللہ بہت بڑا ہے۔اللہ بہت بڑا ہے۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٥،ج ١ ص ٣٧٨،حکم حدیث اسنادہ حسن تحقیق الارنووط

عمروبن مرہ نے ابن ابی لیلہ سے روایت کی کہ نماز کی تین حالتیں بدلیں۔ہمارے ساتھیوں نے ہم سے حدیث بیان کی کہ رسول اللہ صلی اللہ تعالی علیہ وسلم نے فرمایا مجھے یہ بات پسند ہے کہ مسلمانوں یا ایمان والوں کی نماز ایک ہونی چاہیے لہذا میں نے ارادہ کیا کہ کچھ آدمیوں کو بھیجا کرو کہ لوگوں کو گھروں سے نماز کے لیے بلا کر لایا کریں یہاں تک کہ میں نے ارادہ کر لیا کہ کچھ لوگوں کو حکم دو کہ وہ اونچی جگہوں پر چڑھ کر مسلمانوں کو نماز کے وقت بلایا کریں مجھے یہاں تک کہ وہ ناقوس بجانے لگے یا ناقوس بجانے والے تھےکہ انصار سے ایک شخص آکر عرض گزار ہوا کہ یا رسول اللہ جب میں واپس لوٹا تو میں نے آپ کے اہتمام کو دیکھا اور ایک آدمی کو جس کے اوپر دو سبز کپڑے ہیں۔ مسجد میں کھڑا ہو کر اذان کہہ رہا تھا پھر وہ کچھ دیر بیٹھنے کے بعد کھڑا ہو گیا اور اسی طرح کہا۔ اس کے سوا کہ وہ کہہ رہا تھا۔ یقینا نماز کھڑی ہو گئی لہذا اگر لوگوں کے باتیں بنانے کا خیال نہ ہوتا۔ ابن مثنیٰ نے کہا کئی لوگ باتیں سنائیں گے ورنہ میں کہتا کہ میں جاگ رہا تھا سویا ہوا نہ تھا۔ پس رسول اللہ صلی اللہ علیہ وسلم نے فرمایا ابن مثنی نے کہا کہ اللہ تعالی نے تمہیں بھلائی دکھائی ہے اور حضرت عمر نے ذکر نہ کیا پس بلال سےکہو کہ اذان کہے۔ راوی کا بیان ہے کہ حضرت عمر عرض گزار ہوئے کہ میں نے بھی اسی طرح دیکھا لیکن جب یہ مجھ پر سبقت لے گئے تو مجھے حیا محسوس ہوئی۔ راوی کا بیان ہے کہ ہمارے ساتھیوں نے بتایا کہ آدمی آ کر پوچھتا تو اسے بتایا جاتا کہ کتنی نماز ہو چکی ہے اور وہ رسول اللہ صلی اللہ تعالی علیہ وسلم کے ساتھ کھڑے ہوتے قیام، رکوع اور قعدہ کرنے والے نمازیوں میں رسول اللہ صلی اللہ تعالی علیہ وسلم کے ساتھ ساتھ ابن مثنیٰ ،عمرو، حصین نے ابن ابی لیلی سے روایت کی کہ حضرت معاذ آگئے۔ شعبہ نے کہا کہ میں نے حصین سے سنا کہ انہوں نے فرمایا میں تو اسی حالت میں شامل ہوں گا اس حد تک کہ اسی طرح کرو پھر میں عمر بن مرزوق کی حدیث کی طرف لوٹا تو کہا کہ حضرت معاذ آگئے تو لوگوں نے ان کی طرف اشارہ کیا صحابہ نے کہا کہ یہ میں نے حصین سے سنا ہے ان کا بیان ہے کہ حضرت معاذ نے فرمایا میں تو ایسی حالت میں شامل ہوگا جس کے اندر حضور ہونگے۔راوی کا بیان ہے کہ حضور نے فرمایا بے بیشک معاذ نے تمہارے لیے طریقہ نکال دیا ہے لہذا اسی طرح کیا کرو۔ راوی کا بیان ہے کہ ہمارے ساتھیوں نے بیان کیا کیا کہ رسول اللہ صلی اللہ تعالی علیہ وسلم جب مدینہ منورہ میں تشریف لائے تو لوگوں کو تین روزے رکھنے کا حکم فرمائیے کہ رمضان کے متعلق حکم نازل ہو گیا اور لوگ روزوں کے عادی نہ تھے لہذا روزہ ان کے لیے سخت تھے چنانچہ یہ آیات نازل ہوئیں تو تم میں جو کوئی یہ مہینہ پائے وہ ضرور اس کے روزے رکھے(2:185)پس رخصت بیمار اور مسافر کے لیے ہے اور سب کو روزے کا حکم دیا گیا۔راوی کا بیان ہے کہ ہمارے ساتھیوں نے کہا ہے کہ آدمی روزہ کھول کر جب کھانا کھانے سے پہلے سوجاتا تو صبح تک نہ کھاتا۔راوی کا بیان ہے کہ حضرت عمر آئے اور اپنی بیوی کا ارادہ کیا۔انہوں نے کہا کہ میں سو گئی تھی۔حضرت عمر نے سمجھا کہ بہانہ کرتی ہے ۔لہذا ان سے جماع کیا۔اسی طرح ایک انصاری نے کھانے کا ارادہ کیا۔لوگوں نے کہا ٹھہریئے یہاں تک کہ کچھ گرم کرلیں۔پس وہ سوگیا صبح کے وقت یہ آیت نازل ہوئی"روزوں کی راتوں میں اپنی عورتوں کے پاس جانا تمہارے لیے حلال ہوا"۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٦،ج ١ ص ٣٨٠،حکم حدیث صحيح تحقیق الارنووط

ابن ابی لیلہ نے حضرت معاذ بن جبل رضی اللّٰہ تعالیٰ عنہ سے روایت کی کہ نماز کی تین حالت رہیں اور اسی طرح روزے کی تین اور نصر نے باقی حدیث کو طوالت سے بیان کی۔ ابن مثنیٰ نے بیت المقدس کی طرف پڑھنے کا قصہ بیان کیا۔ فرمایا تیسرا حال یہ ہے کہ رسول اللہ صلی اللہ تعالی علیہ وسلم مدینہ منورہ میں جلوہ افروز ہوئے تو بیت المقدس کی طرف تیرہ مہینےنماز پڑھی۔ اللہ تعالی نے یہ آیت نازل فرمائے" ہم دیکھ رہے ہیں بار بار تمہارا آسمان کی طرف منہ کرنا تو ضرور ہم تمہیں پھیردیں گے اس قبلہ کی طرف جس میں تمہاری خوشی ہے "ابھی اپنا منہ پھیر دو مسجد حرام کی طرف اور اے مسلمانو! تم جہاں کہیں ہو اپنا منہ اسی کی طرف کرو تو آپ کو اللہ نے کعبہ کی طرف پھیر دیا۔ پوری ہوئی یہ حدیث نصر سے خواب دیکھنے والے کا نام لیتے ہوئے کہا کہ حضرت عبداللہ بن زید آئے جو انصار سے ایک آدمی تھے اور اس نے کہا کہ اس نے کعبہ کی طرف منہ کرکے کہا اللہ بہت بڑا ہے۔ اللہ بہت بڑا ہے۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ نہیں کوئی معبود مگر اللہ۔ گواہی دیتا ہوں کہ محمد اللہ کے رسول ہے۔ گواہی دیتا ہوں کہ محمد اللہ کے رسول ہیں۔ آؤ نماز کی طرف۔ دو دفعہ آؤ نجات کی طرف۔ اللہ بہت بڑا ہے۔ اللہ بہت بڑا ہے۔ بڑا نہیں کوئی معبود مگر اللہ۔ پھر تھوڑی دیر ٹھہر کر کھڑا ہوا اور اسی طرح مگر اس دفع حی علی الفلاح کے بعد یہ بھی کہا۔یقینا نماز کھڑی ہوگئی ۔روای کا بیان ہے رسول اللہ صلی اللّٰہ علیہ وسلم نے فرمایا یہ بلال کو سکھادو ۔پس حضرت بلال نے ان کلمات کے ساتھ اذان کہی روزے کے بارے میں فرمایا کہ رسول اللہ صلی اللّٰہ علیہ وسلم ہر مہینے میں تین روزے اور عاشورے کا روزہ رکھا کرتے تو اللہ تعالی نے یہ حکم نازل فرمایا۔تم پر روزے فرض کیے گئے جیسے کہ تم سے اگلے لوگوں پر فرض ہوئے تھے کہ کہیں تمہیں پرہیزگاری ملے گنتی کے دن ہیں تو تم میں سے جو کوئی بیمار یا سفر میں ہوتواتنے روزے اور دنوں میں اور جنہیں اس کی طاقت نہ ہو وہ بدلہ دیں۔ ایک مسکین کا کھانا۔پس جو روزہ رکھنا چاہتا رکھ لیتا اور جو چھوڑنا چاہتا وہ اس کے بدلے ایک مسکین کو کھانا کھلا دیتا۔ ایک سال یہ حالت رہی تو اللہ تعالی نے حکم نازل فرمایا۔ رمضان کا مہینہ جس میں قرآن اترا لوگوں کے لیے ہدایت اور رہنمائی اور فیصلہ کی روشن باتیں۔ تو تم میں جو کوئی یہ مہینہ پائے ضرور اس کے روزے رکھے اور جو کوئی بیمار یا سفر میں ہو تو اتنے روزے اور دنوں میں۔ پس رمضان کے روزے ہر اس شخص پرلازم ہوگئے جو یہ مہینہ پائے اور مسافر پر قضا لازم ہوئی اور زیادہ بوڑھی بڑھیا جو روزانہ کی مشقت کے بدلے دیں۔ پھر باقی حدیث بیان کی۔ ابوداؤد شریف کتاب الصلاۃ،بَابُ كَيْفَ الْأَذَانُ،حدیث نمبر ٥٠٧،ج ١ ص ٣٨٣،حکم حدیث صحيح تحقیق الارنووط

حضرت انس رضی اللہ تعالی عنہ نے فرمایا کہ حضرت بلال کو حکم دیا گیا کہ اذان کو جفت اور اقامت کو طاق کہا کریں ۔ہمام نے اپنی حدیث میں کہا کہ سوائے اقامت کے۔ ابوداؤد شریف کتاب الصلاۃ،بَابُ في الاقامة ،حدیث نمبر ٥٠٨،ج ١ ص ٣٨٣،حکم حدیث اسنادہ صحیح تحقیق الارنووط

ابوقلابہ نے حضرت انس رضی اللّٰہ تعالیٰ عنہ سے مذکورہ حدیث وہب کی طرح روایت کی۔اسماعیل نے کہا کہ میں نے یہ حدیث ایوب سے بیان کی تو کہا کہ اقامت کے سوا۔ ابوداؤد شریف کتاب الصلاۃ،بَابُ في الاقامة ،حدیث نمبر ٥٠٩،ج ١ ص ٣٨٤،حکم حدیث اسنادہ صحیح تحقیق الارنووط

مسلم ابوالمثنی سے روایت ہے کہ حضرت ابن عمر رضی اللہ تعالی عنہما نے فرمایا کہ رسول اللہ صلی اللّٰہ علیہ وسلم کے عہد مبارک میں اذان دو دو دفعہ اور اقامت ایک ایک دفعہ ہوتی تھی۔سوائے اس کے کہ کہتے کہ ۔یقینا نماز کھڑی ہوگئی ۔جب ہم اقامت سنتے تو وضو کرکے نماز کے لیے نکل آتے ۔شعبہ نے کہا کہ میں نے ابوجعفر سے اس حدیث کے سوا اور کچھ نہیں سنا۔ ابوداؤد شریف کتاب الصلاۃ،بَابُ في الاقامة ،حدیث نمبر ٥١٠،ج ١ ص ٣٨٤،حکم حدیث اسنادہ صحیح تحقیق الارنووط

عبدالملک بن عمرو نے شعبہ سے روایت کی ہے کہ مسجد عربان کے مؤذن ابوجعفر اور مسجد اکبر کے مؤذن ابوالمثنی کہا کرتے کہ ہم نے حضرت ابن عمر رضی اللّٰہ تعالیٰ عنہما سے سنا ہے اور مذکورہ حدیث بیان کی۔ ابوداؤد شریف کتاب الصلاۃ،بَابُ في الاقامة ،حدیث نمبر ٥١١،ج ١ ص ٣٨٥،حکم حدیث اسنادہ صحیح تحقیق الارنووط

عبداللہ سے روایت ہے کہ ان کے چچا جان حضرت عبداللہ بن زید رضی اللہ تعالی عنہ نے فرمایا کہ نبی کریم صلی اللّٰہ علیہ وسلم نے اذان کی جگہ کئی کاموں کے کرنے کا ارادہ فرمایا لیکن ان میں سے ایک بھی نہیں کیا۔ان کا بیان ہے کہ حضرت عبداللہ بن زید کو خواب میں اذان دکھائی گئی تو نبی کریم صلی اللّٰہ علیہ وسلم کی بارگاہ میں حاضر ہوکر عرض کردی۔فرمایا کہ بلال کو سکھادو ۔پس انہیں سکھادی گئی تو حضرت بلال نے اذان کہی ۔حضرت عبداللّٰہ بن زید کا بیان ہے کہ میں نے دیکھی لہذا میں اذان کہنا چاہتا تھا لیکن حضور نے فرمایا کہ تم اقامت کہو۔ ابوداؤد شریف کتاب الصلاۃ،بَابٌ فِي الرَّجُلِ يُؤَذِّنُ وَيُقِيمُ آخَرُ ،حدیث نمبر ٥١٢،ج ١ ص ٣٨٥،حکم حدیث ضعیف تحقیق الارنووط و البانی

محمد بن عمرو نے عبداللّٰہ بن محمد سے سنا کہ میرے جد امجد حضرت عبداللہ بن زید رضی اللّٰہ تعالیٰ عنہ یہ واقعہ بیان فرماتے ان کا بیان ہے کہ میرے جد امجد نے اقامت کہی۔ ابوداؤد شریف کتاب الصلاۃ،بَابٌ فِي الرَّجُلِ يُؤَذِّنُ وَيُقِيمُ آخَرُ،حدیث نمبر ٥١٣،ج ١ ص ٣٨٦،حکم حدیث اسنادہ ضعيف تحقیق الارنووط و البانی

زیاد بن نعیم حضرمی سے روایت ہے کہ حضرت زیاد بن حارث رضی اللّٰہ تعالیٰ عنہ نے فرمایا کہ جب پہلی صبح ہوئی تو نبی کریم صلی اللّٰہ علیہ وسلم نے مجھے حکم فرمایا تو میں نے اذان کہی پس میں کہتا رہا کہ یارسول اللہ!اقامت کہوں؟لیکن آپ اجالا ہونے تک برابر مشرق کی جانب دیکھتے رہے اور انکار فرماتے رہے ۔فجر طلوع ہونے پر آپ نے نزول اجلال فرمایا پھر میری جانب متوجہ ہوئے اور آپ کے اصحاب آگئے تھے تو آ پ نے وضو فرمایا حضرت بلال نے اذان کہی تھی اور جو اذان کہے وہی اقامت کہتا ہے ان کا بیان ہے کہ میں بیٹھ گیا۔ ابوداؤد شریف کتاب الصلاۃ،باب من اذن فھویقیم ،حدیث نمبر ٥١٤،ج ١ ص ٥٨٧،حکم حدیث اسنادہ ضعيف تحقیق الارنووط و البانی

ابو یحییٰ نے حضرت ابوہریرہ رضی اللہ تعالی عنہ سے روایت کی ہے کہ نبی کریم صلی اللہ علیہ وسلم نے فرمایا بلند آواز سے اذان کہنے والی کی مغفرت فرما دی جاتی ہے اور جہاں تک اس کی آواز جاتی ہے ہرتر اور خشک چیز اس کی گواہی دیتی ہے اور جماعت میں حاضر ہونے والے کا پچیس گنا ثواب لکھا جاتا ہے اور اس کے دو نمازوں کے درمیانی گناہ مٹا دیئے جاتے ہیں۔ ابوداؤد شریف کتاب الصلاۃ،بَابُ رَفْعِ الصَّوْتِ بِالْأَذَانِ ،حدیث نمبر ٥١٥،ج ١ ص ٣٨٧،حکم حدیث اسنادہ صحیح تحقیق الارنووط

حضرت ابوہریرہ رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے فرمایا جب نماز کے لیے اذان کہی جائے تو شیطان پیٹھ پھیر کر بھاگتا ہے کہ اس کی ہوا خارج ہوتی ہے یہاں تک کہ اسے اذان کی آواز نہیں آتی جب اذان ختم ہوتی ہے تو پھر آجاتا ہے جب نماز کے لئے اقامت کہی جائے تو پھردوڑتا ہے،یہاں تک کہ جب تکبیر ختم ہوجائے توواپس آ پہنچتا ہے یہاں تک کہ آدمی کے دل میں خیالات پیدا کرتا ہے اور کہتا ہے کہ فلاں بات کو یاد کر جو اسے یاد کرنا نہیں ہوتی یہاں تک کہ آدمی یہ بھی بھول جاتا ہے کہ اس نے کتنی نماز پڑھی ہے۔ ابوداؤد شریف کتاب الصلاۃ،بَابُ رَفْعِ الصَّوْتِ بِالْأَذَانِ ،حدیث نمبر ٥١٦،ج ١ ص ٣٨٨،حکم حدیث اسنادہ صحیح تحقیق الارنووط

ابوصالح نے حضرت ابوہریرہ رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا امام ضامن اور مؤذن امانت دار ہوتے ہیں ۔اے اللہ!اماموں کو ہدایت دے اور مؤذنوں کی مغفرت فرما۔ ابوداؤد شریف کتاب الصلاۃ،بَابُ مَا يَجِبُ عَلَى الْمُؤَذِّنِ مِنْ تَعَاهُدِ الْوَقْتِ،حدیث نمبر٥١٧،ج ١ ص ٣٨٩،حکم حدیث صحيح تحقیق الارنووط

ابوصالح نے حضرت ابوہریرہ رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔پھر مذکورہ حدیث کے مطابق روایت کی۔ ابوداؤد شریف کتاب الصلاۃ،بَابُ مَا يَجِبُ عَلَى الْمُؤَذِّنِ مِنْ تَعَاهُدِ الْوَقْتِ،حدیث نمبر٥١٨،ج ١ ص ٣٩٠،حکم حدیث صحيح تحقیق الارنووط

محمد بن جعفر بن زبیر نے عروہ بن زبیر سے روایت کی ہے کہ بنی نجار کی ایک صحابیہ نے فرمایا کہ مسجد نبوی کے گرد جتنے گھر تھے میرا گھر ان میں سب سے بلند تھا۔حضرت بلال فجر کی اذان اسی پر کہتے تھے وہ پچھلی رات آکر مکان کی چھت پر بیٹھ جاتے اور فجر طلوع ہونے کا انتظار کرتے رہتے جب اسے دیکھتے تو انگڑائی لیتے اور کہتے۔ اے اللہ میں تیری حمد و ثنا بیان کرتا ہوں اور قریش کے مقابلے میں تیری مدد چاہتا ہوں کہ وہ تیرے دین کو قائم کرے وہ فرماتی ہیں کہ پھر اذان کہتے ان کا بیان ہے کہ خدا کی قسم میرے علم میں ایسی ایک رات بھی نہیں جب کہ انہوں نے یہ الفاظ نہ کہے ہوں۔ ابوداؤد شریف کتاب الصلاۃ،بَابُ الْأَذَانِ فَوْقَ الْمَنَارَةِ،حدیث نمبر٥١٩،ج ١ ص ٣٩١،حکم حدیث حسن تحقیق الارنووط

حضرت ابوجحیفہ رضی اللہ تعالی عنہ نے فرمایا کہ میں نبی کریم صلی اللہ تعالی علیہ وسلم کی خدمت میں حاضر ہوا جب کہ آپ مکہ مکرمہ کے اندر ایک چمڑے کے خیمے میں جلوہ افروز تھے پس حضرت بلال نکلےاور اذان کہی میں دیکھ رہا تھا کہ انہوں نے اپنا منہ ادھر ادھر کیا کہ رسول اللہ صلی اللہ تعالی علیہ وسلم تشریف لائے اور آپ کے اوپر سرخ حلہ تھا کہ یمنی چادر کا گویا قطر کی بنی ہوئی ہے موسیٰ کا بیان ہے کہ راوی نے کہا میں نے حضرت بلال کو دیکھا کہ ابطح کی جانب نکل گئے پس اذان کہی اور جب حي على الصلاه حي على الفلاح پر پہنچے تو اپنی گردن کو دائیں بائیں جانب پھرایا اور خود نہیں گھومے پھر اندر داخل ہوئے اور نیزہ لے کر آئے پھر باقی حدیث بیان کی۔ ابوداؤد شریف کتاب الصلاۃ،بَابٌ فِي الْمُؤَذِّنِ يَسْتَدِيرُ فِي أَذَانِهِ،حدیث نمبر٥٢٠،ج ١ ص ٣٩١،حکم حدیث اسنادہ صحیح تحقیق الارنووط

حضرت انس بن مالک رضی اللّٰہ تعالیٰ عنہ سے مروی ہے کہ حضرت رسول اللہ صلی اللّٰہ علیہ وسلم نے فرمایا وہ دعا رد نہیں ہوتی جواذان واقامت کے درمیان کی جائے۔ ابوداؤد شریف کتاب الصلاۃ،بَابُ مَا جَاءَ فِي الدُّعَاءِ بَيْنَ الْأَذَانِ وَالْإِقَامَةِ،حدیث نمبر٥٢١،ج ١ ص ٣٩٢،حکم حدیث اسنادہ صحیح تحقیق الارنووط

حضرت ابوسعید خدری رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے فرمایا جب اذان کی آواز سنو تو وہی کہتے جاؤجو مؤذن کہہ رہا ہے۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٢،ج ١ ص ٣٩٣،حکم حدیث اسنادہ صحیح تحقیق الارنووط

عبد الرحمن بن جبیر سے روایت ہے کہ حضرت عبداللہ بن عمرو بن العاص رضی اللہ تعالی عنہ نے نبی کریم صلی اللہ تعالی علیہ وسلم کو فرماتے ہوئے سنا کہ جب تم مؤذن کی آواز سنو تو وہی کہو جو وہ کہتا ہے۔ پھر مجھ پر درود بھیجو۔ کیونکہ جو مجھ پر ایک مرتبہ درود بھیجتا ہے اللہ تعالی اس پر دس رحمتیں نازل فرماتا ہے۔ پھر اللہ تعالی سے میرے لیے وسیلہ کا سوال کرو کیونکہ وہ جنت میں ایک اعلی مقام ہے جو اللہ کے بندوں سے ایک ہی بندے کے لائق ہیں اور مجھے امید ہے کہ وہ میں ہوں۔ پس جو میرے لیے وسیلہ مانگے گا اس کے لئے میری شفاعت حلال ہوگئی۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٣،ج ١ ص ٣٩٤،حکم حدیث اسنادہ صحیح تحقیق الارنووط

ابوعبدالرحمن حبلی نے حضرت عبداللہ بن عمرو بن العاص رضی اللہ تعالی عنہ سے روایت کی ہیں کہ ایک آدمی عرض گزار ہوا یا رسول اللہ! مؤذن ہم پر فضیلت لے گئے ۔رسول اللہ صلی اللہ تعالی علیہ وسلم نے فرمایا تم وہی کہو جو وہ کہتے ہیں جب اذان ختم ہوجائے تو مانگو تمہیں عطا فرمایا جائے گا۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٤،ج ١ ص ٣٩٤،حکم حدیث حسن صحیح تحقیق البانی

حضرت سعد بن ابی وقاص رضی اللّٰہ تعالی عنہ سے مروی ہے کہ رسول اللہ صلی اللہ علیہ وسلم نے فرمایا جس نے اذان سنتے وقت کہا۔ گواہی دیتا ہوں کہ نہیں کوئی معبود مگر اللہ۔ وہ اکیلا ہے۔ اس کا کوئی شریک نہیں۔ اور محمد مصطفی اس کے بندے اور رسول ہیں۔ میں اللہ کے رب ہونے، محمد مصطفی کے رسول ہونے اور اسلام کے دین ہونے پر راضی ہوا تو اسے بخش دیا جاتا ہے۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٥،ج ١ ص ٣٩٥،حکم حدیث اسنادہ صحیح تحقیق الارنووط

حضرت عائشہ صدیقہ رضی اللّٰہ تعالیٰ عنہا سے مروی ہے کہ رسول اللہ صلی اللّٰہ علیہ وسلم جب مؤذن سے شہادتیں سنتے تو فرماتے۔میں بھی گواہ ہوں ،میں بھی گواہ ہوں۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٦،ج ١ ص ٣٩٥،حکم حدیث اسنادہ صحیح تحقیق الارنووط

حفص بن عاصم بن عمر کے والد ماجد نے حضرت عمر رضی اللہ تعالی عنہ سے روایت کی ہے کہ رسول اللہ صلی اللہ تعالی علیہ وسلم نے فرمایا جب مؤذن اللہ اکبر اللہ اکبر کہے تو تم بھی اللہ اکبر اللہ اکبر کہو جب وہ اشھد ان لا الہ الا اللہ کہے تو تم بھی اشھد ان لا الہٰ اللہ کہو جب وہ اشہد ان محمد الرسول اللہ کہے تو تم بھی اشھد ان محمد الرسول اللہ کہو پھر وہ حي على الصلاه کہے تو تم لاحول ولا قوة الا بالله کہو پھر وہ حي على الفلاح کہے تو تم ولا حول ولا قوۃ الا باللہ کہو پھر وہ اللہ اکبر اللہ اکبر کہے تو تم اللہ اکبر اللہ اکبر کہو پھر وہ لا الہ الا اللہ کہے تو تم بھی دل میں لا الہ الا اللہ کہو تو جنت میں داخل ہوگئے۔(جو زبان و دل سے یہ کلمات کہتا ہے اسے جنتی شمار فرما لیا جاتا ہے)۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْمُؤَذِّنَ،حدیث نمبر٥٢٧،ج ١ ص ٣٩٦،حکم حدیث اسنادہ صحیح تحقیق الارنووط

شہر بن حوشب نے حضرت ابو امامہ رضی اللّٰہ تعالیٰ عنہ یا نبی کریم صلی اللّٰہ علیہ وسلم کے کسی اور صحابی سے روایت کی ہے کہ حضرت بلال اقامت کہنے لگے۔جب انہوں نے یہ کہا قد قامت الصلواة تو نبی کریم صلی اللّٰہ علیہ وسلم نے اس کے جواب میں کہا ۔اقامھا اللّٰہ وادامھا اور باقی ساری اقامت کے جواب میں اسی طرح کہا جیسا کہ اذان کے متعلق حدیث عمر میں ہے۔ ابوداؤد شریف کتاب الصلاۃ،بَابُ مَا يَقُولُ إِذَا سَمِعَ الْإِقَامَةَ،حدیث نمبر٢٢٨, ج ١ ص ٣٩٦،حکم حدیث اسنادہ ضعيف تحقیق الارنووط و البانی

محمد بن منکدر نے حضرت جابر بن عبداللہ رضی اللہ تعالی عنہما سے روایت کی ہے کہ رسول اللہ صلی اللہ تعالی علیہ وسلم نے فرمایا کہ جس نے اذان سن کر کہا اے اللہ اس کامل دعوت اور قائم ہونے والی نماز کے رب محمد مصطفی کو وسیلہ اور فضیلت عطا فرما اور انہیں مقام محمود پر جلوہ افروز فرما جس کا تو نے وعدہ فرمایا ہے قیامت کے روز وہ میری شفاعت کا مستحق ہو گیا۔ ابوداؤد شریف کتاب الصلاۃ،بَابُ مَا جَاءَ فِي الدُّعَاءِ عِنْدَ الْأَذَانِ،حدیث نمبر٥٢٩،ج ١ ص ٣٩٧،حکم حدیث اسنادہ صحیح تحقیق البانی

ابو کثیر مولی ام سلمہ سے روایت ہے کہ حضرت ام سلمہ رضی اللہ تعالی عنہا نے فرمایا کہ رسول اللہ صلی اللہ علیہ وسلم نے مجھے سکھایاکہ مغرب کی اذان کے وقت کہا کرو اے اللہ یہ تیری رات کا آنا۔ تیرے دن کا جانا اور تیرے پکارنے والوں کی آوازیں ہیں۔ پس میری مغفرت فرما۔ (دعاؤں کی اس لئے تعلیم دی گئی کہ بندوں کی توجہ ہر موڑپراپنے خالق و مالک کی طرف مبذول رہے.) ابوداؤد شریف کتاب الصلاۃ،بَابُ مَا يَقُولُ عِنْدَ أَذَانِ الْمَغْرِبِ،حدیث نمبر٥٣٠،ج ١ ص ٣٩٨،حکم حدیث اسنادہ ضعيف تحقیق الارنووط و البانی

مطرف بن عبداللہ سے روایت ہے کہ حضرت عثمان بن ابوالعاص نے فرمایا کہ میں عرض گزار ہوا۔موسی بن اسماعیل نے دوسرے مقام پر کہا کہ حضرت عثمان بن ابوالعاص رضی اللّٰہ تعالیٰ عنہ،عرض گزار ہوئے کہ یا رسول اللّٰہ مجھے قوم کا امام بنا دیجیے ۔فرمایا کہ تم قوم کی امامت کرو اور سب سے ضعیف کی رعایت کرنا نیز مؤذن اسے مقرر کرنا جو اجرت نہ لے۔ ابوداؤد شریف کتاب الصلاۃ،بَابُ أَخْذِ الْأَجْرِ عَلَى التَّأْذِينِ،حدیث نمبر٥٣١, ج ١ ص ٣٩٩،حکم حدیث اسنادہ صحیح تحقیق الارنووط

نافع نے حضرت ابن عمر رضی اللہ تعالیٰ عنہما سے روایت کی ہے کہ حضرت بلال نے طلوع فجر سے پہلے اذان کہہ دی تو نبی کریم کریم صلی اللہ علیہ وسلم نے انہیں دوبارہ کہنے کا حکم فرمایا انہوں نے دوبارہ کہی کیوں کہ بندہ سو گیا تھا۔ موسی بن اسماعیل نے یہ بھی کہا کہ پس واپس لوٹے اور دوبارہ اذان کہی کیوں کہ بندہ سو گیا تھا۔ امام ابو داؤد نے فرمایا کہ نہیں روایت کیا اس حدیث کو ایوب سے مگر حماد بن سلمہ نے۔ ابوداؤد شریف کتاب الصلاۃ،بَابٌ فِي الْأَذَانِ قَبْلَ دُخُولِ الْوَقْتِ،حدیث نمبر٥٣٢،ج ١ ص ٤٠٠،حکم حدیث صحيح تحقیق البانی

نافع نے حضرت عمر کے مؤذن سے روایت کی ہے کہ جس کو مسروح کہا جاتا تھا۔کہ اس نے صبح صادق سے پہلے اذان کہہ دی تو حضرت عمر نے اسے حکم فرمایا۔پھر پہلی حدیث کی طرح۔امام ابوداؤد نے فرمایا کہ روایت کیا ہے اسے حماد بن زید،عبید اللّٰہ بن عمر نے نافع یا کسی دوسرے سے کہ حضرت عمر کا مؤذن جسے مسروح کہا جاتا تھا۔امام ابوداؤد نے فرمایا کہ روایت کیا ہے اسے دراوردی،عبید اللّٰہ،نافع،حضرت ابن عمر رضی اللّٰہ تعالیٰ عنہما نے فرمایا کہ حضرت عمر کا ایک مؤذن تھا جس کو مسعود کہا جاتا تھا کہ پھر اسی طرح بیان کی اور یہ سب سے صحیح ہے۔ ابوداؤد شریف کتاب الصلاۃ،بَابٌ فِي الْأَذَانِ قَبْلَ دُخُولِ الْوَقْتِ،حدیث نمبر٥٣٣،ج ١ ص ٤٠٠،حکم حدیث صحيح تحقیق البانی

حضرت بلال رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم نے ان سے فرمایا اس وقت تک اذان نہ کہا کرو جب تک فجر تم پر اس طرح واضح نہ ہو جائے اور عرضا اپنے دست مبارک پھیلا دیے ۔امام ابوداؤد نے فرمایا کہ شداد نے حضرت بلال کو نہیں پایا۔ ابوداؤد شریف کتاب الصلاۃ،بَابٌ فِي الْأَذَانِ قَبْلَ دُخُولِ الْوَقْتِ،حدیث نمبر٥٣٤،ج ١ ص ٤٠١،حکم حدیث حسن تحقیق البانی

عروہ بن زبیر نے حضرت عائشہ صدیقہ رضی اللّٰہ تعالیٰ عنہا سے روایت ہے کہ حضرت ابن ام مکتوم مؤذن تھے رسول اللہ صلی اللّٰہ علیہ وسلم کے اور وہ نابینا تھے۔ ابوداؤد شریف کتاب الصلاۃ،بَابٌ فِي الْأَذَانِ قَبْلَ دُخُولِ الْوَقْتِ،حدیث نمبر٥٣٥،ج ١ ص ٤٠٢،حکم حدیث صحيح تحقیق الارنووط و البانی

ابراہیم بن مہاجر سے روایت ہے کہ ابوشعثا نے فرمایا کہ میں مسجد کے اندر حضرت ابوہریرہ رضی اللّٰہ تعالیٰ عنہ کے ساتھ تھا تو ایک آدمی باہر نکلا جب کہ مؤذن نے عصر کی اذان کہہ دی تھی۔حضرت ابوہریرہ نے فرمایا کہ جس نے ایسا کیا اس نے ابوالقاسم صلی اللّٰہ علیہ وسلم کی نافرمانی کی۔ ابوداؤد شریف کتاب الصلاۃ،بَابُ الْخُرُوجِ مِنَ الْمَسْجِدِ بَعْدَالْأَذَانِ،حدیث نمبر٥٣٦

سماک سے روایت ہے کہ حضرت جابر بن سمرہ رضی اللّٰہ تعالیٰ عنہ نے فرمایا کہ حضرت بلال اذان کہنے کے بعد کچھ دیر ٹھہر جاتے۔جب نبی کریم صلی اللّٰہ علیہ وسلم تشریف لے آتے تو نماز کی اقامت کہی جاتی۔ ابوداؤد شریف کتاب الصلاۃ،بَابٌ فِي الْمُؤَذِّنِ يَنْتَظِرُ الْإِمَامَ،حدیث نمبر٥٣٧

مجاہد کا بیان کہ میں حضرت ابن عمر رضی اللّٰہ تعالیٰ عنہما کے ساتھ تھا کہ کسی آدمی نے ظہر یا عصر کے وقت تثویب کہی ۔فرمایا کہ ہمارے ساتھ نکل چلو کیونکہ یہ تو بدعت ہے۔ ابوداؤد شریف کتاب الصلاۃ،بَابٌ فِي التَّثْوِيبِ،حدیث نمبر٥٣٨

عبداللہ بن ابو قتادہ نے اپنے والد ماجد حضرت ابو قتادہ رضی اللہ تعالی عنہ سے روایت کی ہے کہ نبی کریم صلی اللہ علیہ وسلم نے فرمایا جب اقامت کہی جائے تو کھڑے نہ ہوا کرو جب تک کہ نہ دیکھ لو امام کو۔ ابوداؤد نے فرمایا کہ اسی طرح روایت کیا ہے اسے ایوب، حجاج صواف،یحی اور ہشام دستوائی نے کہا میں نے یحییٰ کے لیے لکھا اور روایت کیا اسے معاویہ بن سلام اور علی بن مبارک نے یحیی سے اور اس میں کہا۔یہاں تک کہ مجھے دیکھ لو اور سکون سے رہنا ضروری ہے۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٣٩

معمر نے یحیٰی سے اپنی سند کے ساتھ اسے روایت کرتے ہوئے کہا۔جب تک مجھے دیکھ نہ لو کہ باہر نکل آیا ہوں ۔امام ابوداؤد نے فرمایا کہ میں نکل آیا ہوں والی بات کا معمر کے سوا کسی نے ذکر نہیں کیا اور ابن عیینہ نے اسے معمر سے روایت کرتے ہوئے قدخرجت نہیں کہا۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٠

حضرت ابو ہریرہ رضی اللّٰہ تعالیٰ عنہ سے مروی ہے کہ رسول اللہ صلی اللّٰہ علیہ وسلم کے لیے نماز کی اقامت کہی جاتی تو نبی کریم صلی اللّٰہ علیہ وسلم کے مصلے پر آنے سے پہلے لوگ اپنی اپنی جگہ سنبھال لیا کرتے تھے۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤١

حمید کا بیان ہے کہ میں نے ثابت بنانی سے نماز کی اقامت ہو جانے کے بعد باتیں کرنے کے متعلق پوچھا تو مجھ سے حدیث بیان کرتے ہوئے حضرت انس رضی اللّٰہ تعالیٰ عنہ نے فرمایا کہ نماز کی اقامت ہو چکی تھی کہ ایک آدمی نے رسول اللہ صلی اللّٰہ علیہ وسلم کی بارگاہ میں حاضر ہوکر آپ کو بوٹوں کے ذریعے روکا تھا ۔تکبیر ہوجانے کے بعد ۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٢

عون بن کہمس سے روایت ہے کہ ان کے والد ماجد کہمس نے فرمایا کہ ہم منیٰ میں نماز کے لئے کھڑے ہوئے اور امام آرہا تھا تو ہم میں سے بعض حضرات بیٹھ گئے۔ مجھ سے ایک بزرگ نے فرمایا کیا آپ کو کس نے بٹھایا میں نے کہا ابن بریدہ نے کہا یہ تو سمود ہے۔پھر اس بزرگ نے مجھ سے فرمایا کہ مجھ سے حدیث بیان کی عبدالرحمن بن عوسجہ نےان سے حضرت حضرت براء بن عازب رضی اللہ تعالی عنہ نے فرمایا کہ ہم رسول اللہ صلی اللہ تعالی علیہ وسلم کے زمانہ مبارک میں تکبیر سے پہلے کافی دیر صفوں میں بیٹھے رہتے ان کا بیان ہے کہ اللہ تعالی کے فرشتے رحمت نازل کرتے ہیں ان لوگوں پر جو پہلی صفوں میں ملتے ہیں اور کوئی قدم اللہ تعالی کو اس قدم سے پیارا نہیں جو صف میں ملنے کے لیے چلے۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٣

عبد العزیز بن صہیب سے روایت ہے۔کہ حضرت انس رضی اللّٰہ تعالیٰ عنہ نے فرمایا کہ نماز کی اقامت ہو گئی تھی اور رسول صلی اللّٰہ علیہ وسلم مسجد کی ایک جانب سرگوشی فرما تے رہے۔آپ نماز کے لیے تشریف نہ لا ئے یہاں تک کہ لوگ سو گئے۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٤

موسی بن عقبہ سے روایت ہے کہ حضرت سالم ابوالنضر رضی اللّٰہ تعالیٰ عنہ نے فرمایا کہ رسول اللہ صلی اللّٰہ علیہ وسلم کی مسجد میں نماز قائم کرنے کے متعلق عادت مبارکہ تھی کہ جب دیکھتے تھوڑے آدمی ہیں تو بیٹھ جاتے اور جب پوری جماعت نظر آتی تو نماز پڑھاتے ۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٥

عبداللہ بن اسحاق ،ابوعاصم،ابن جریج،موسی بن عقبہ،نافر بن جبیر ابومسعود زرقی نے حضرت علی کرم اللہ وجہہ الکریم سے اسی طرح روایت کی ہے۔ ابوداؤد شریف کتاب الصلاۃ،بَابٌ فِي الصَّلَاةِ تُقَامُ وَلَمْ يَأْتِ الْإِمَامُ يَنْتَظِرُونَهُ قُعُودًا،حدیث نمبر٥٤٦

معدان بن ابو طلحہ یعمری سے روایت ہے کہ حضرت ابودرداء رضی اللّٰہ تعالیٰ عنہ نے فرمایا کہ میں نے رسول اللہ صلی اللّٰہ علیہ وسلم کو فرماتے ہوئے سنا۔جو کسی گاؤں یا بستی میں تین آدمی ہوتے ہوئے جماعت قائم نہ کریں تو شیطان ان پر مسلط ہو جاتا ہے لہذا جماعت کو ضروری سمجھو کیونکہ بھیڑیا بچھڑی ہوئی بکری کو کھاتا ہے۔زائد نے سائب سے روایت کی ہے کہ جماعت سے بجماعت نماز مراد ہے۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٤٧

ابوصالح نے حضرت ابوہریرہ رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔بیشک میں نے ارادہ کیا کہ نماز کی اقامت کا حکم دوں پھر ایک آدمی کو حکم دوں کہ لوگوں کو نماز پڑھائے پھر میں ایسے آدمیوں کو اپنے ساتھ لے کر جاؤں جن کے ساتھ لکڑیوں کے گٹھے ہوں اور ان لوگوں کے پاس جو نماز میں حاضر نہیں ہوتے تو ان کے گھر بار کو آگ لگادوں۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٤٨

یزید بن اصم نے حضرت ابوہریرہ رضی اللّٰہ تعالیٰ عنہ کو فرماتے ہوئے سنا کہ رسول اللہ صلی اللّٰہ علیہ وسلم نے فرمایا میں نے ارادہ کیا کہ اپنے جوانوں کو لکڑیوں کے گھٹے جمع کرنے کا حکم دوں۔پھر ایسے لوگوں کے پاس جاؤں جو بغیر شرعی عذرکے اپنے گھروں میں نماز پڑھتے ہیں۔پس انہیں آگ لگا دوں ۔میں نے یزید بن اصم سے پوچھا،اے ابوعوف !اس سے جمعہ مراد ہے یا دوسری نمازیں ؟فرمایا کہ میرے دونوں کان بہرے ہو جائیں اگر میں نے حضرت ابوہریرہ سے یہی نہ سنا ہو جو وہ رسول اللّٰہ صلی اللّٰہ علیہ وسلم سے روایت کرتے تھے اور جمعہ یا دوسری نمازوں کا ذکر نہیں فرمایا۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٤٩

ابوالاحوص سے روایت ہے کہ حضرت عبداللہ بن مسعود رضی اللّٰہ تعالیٰ عنہ نے فرمایا کہ۔ان پانچ نمازوں کی حفاظت کرو جن کے لیے اذان کہی جاتی ہے کیونکہ یہ ہدایت کے راستے ہیں اور اللہ تعالیٰ نے نبی کریم صلی اللّٰہ علیہ وسلم کے لیے ہدایت کے راستے واضح فرمادیے تھے ۔ہم نے دیکھا کہ نماز سے وہی منافق پیچھے رہتا ہے جس کا نفاق واضح تھا ۔ہم نے دیکھا کہ ایک آدمی دوآدمیوں کا سہارا لے کر صف میں آکر کھڑا ہوتا ہے۔تم میں سے ایسا کوئی نہیں جس کے گھر میں مسجد نہ ہو۔اگر تم اپنے گھروں میں نماز پڑھو گے اور اپنی مسجدوں کو چھوڑوگے تو تم نے اپنے نبی کا طریقہ چھوڑا اور اپنے نبی کے طریقے کو چھوڑوگے تو تم نے کفرکیا۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٥٠

سعید بن جبیر نے حضرت ابن عباس رضی اللّٰہ تعالیٰ عنہما سے روایت کی ہے کہ رسول اللہ صلی اللّٰہ علیہ وسلم نے فرمایا جو اذان کی آواز سنے اور اس کی تعمیل کرنے سے کوئی عذر مانع نہ ہو ۔عرض کی گئی کہ عذر کیا ہے؟فرمایاکہ خوف یا مرض ۔تو اس کی پڑھی ہوئی نماز قبول نہیں ہوگی۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٥١

ابورزین نے حضرت ابن ام مکتوم رضی اللّٰہ تعالیٰ عنہ سے روایت کی ہے کہ وہ سوال کرتے ہوئے نبی کریم صلی اللّٰہ علیہ وسلم کی خدمت میں عرض گزار ہوئے۔یارسول اللہ میں نابینا ہوں گھر دور ہے اور جو مجھے لے کر آتا ہے میرا اس پر کوئی زور بھی نہیں، پس کیا آپ مجھے اجازت مرحمت فرماتے ہیں کہ اپنے گھر میں نماز پڑھ لیا کروں؟ فرمایا کیا تم اذان کی آواز سنتے ہو؟عرض گزار ہوئے، ہاں۔ فرمایا تمہیں اجازت نہیں ہے۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٥٢

عبدالرحمن ابولیلی سے روایت ہے کہ حضرت ابن ام مکتوم رضی اللہ تعالی عنہ عرض گزار ہوئے کہ یا رسول اللہ مدینہ منورہ میں کیڑے مکوڑے اور درندے بہت ہیں۔ نبی کریم صلی اللہ علیہ وسلم نے فرمایا اگر تم حى على الصلاه اور حی علی الفلاح کی آواز سنتے ہو تو ضرور آیا کرو۔ امام ابوداؤد نے فرمایا کہ اسے قاسم جرمی نے بھی سفیان سے اسی طرح روایت کیا ہے۔ ابوداؤد شریف کتاب الصلاۃ،بَابٌ فِي التَّشْدِيدِ فِي تَرْكِ الْجَمَاعَةِ،حدیث نمبر٥٥٣

عبداللہ بن ابو بصیر سے روایت ہے کہ حضرت ابی ابن کعب رضی اللّٰہ تعالیٰ عنہ نے فرمایا کہ ہم نے رسول اللہ صلی اللّٰہ علیہ وسلم کے ساتھ صبح کی نماز پڑھی تو آپ نے فرمایا۔کیا فلاں حاضر ہے؟لوگ عرض گزار ہوئے کہ نہیں۔ فرمایا کیا فلاں حاضر ہے؟ لوگ عرض گزار ہوئے کہ نہیں۔فرمایا یہ دونوں نماز منافقوں پر بہت بھاری ہے اگر تم جانتے کہ ان میں کیا ہے تو گھٹنوں کے بل گھسٹتےہوئے بھی حاضر ہوجاتے اور پہلی صف فرشتوں کی صف کے مانند ہیں۔ اور اگر تم جانتے کہ اس میں کیا فضیلت ہے تو ضرور جلدی کرتے۔آدمی کا ایک اور آدمی کے ساتھ نماز پڑھنا اکیلے پڑھنے سے بہتر ہیں اور جتنے زیادہ ہوں گے اللہ عزوجل کو اتنے ہی زیادہ پسند ہیں۔ ابوداؤد شریف کتاب الصلواۃ،بَابٌ فِي فَضْلِ صَلَاةِ الْجَمَاعَةِ،حدیث نمبر٥٥٤

عبدالرحمن بن ابو عمرہ نے حضرت عثمان ذی النورین رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔جس نے عشا کی نماز جماعت سے پڑھی تو ایسا ہے گویا اس نے نصف رات قیام کیا اور جس نے عشاء اور فجر کی نمازیں جماعت سے پڑھیں تو ایسا ہے گویا اس نے ساری رات قیام کیا۔ ابوداؤد شریف کتاب الصلواۃ،بَابٌ فِي فَضْلِ صَلَاةِ الْجَمَاعَةِ،حدیث نمبر٥٥٥

عبد الرحمن بن سعد نے حضرت ابوہریرہ رضی اللّٰہ تعالیٰ عنہ سے روایت کی ہے کہ نبی کریم صلی اللّٰہ علیہ وسلم نے فرمایا جو شخص مسجد سے جتنا زیادہ دور ہے اسے (جماعت میں شامل ہونے کے باعث)اتناہی زیادہ ثواب ملتا ہے۔ ابوداؤد شریف کتاب الصلواۃ،بَابُ مَا جَاءَ فِي فَضْلِ الْمَشْيِ إِلَى الصَّلَاةِ،حدیث نمبر٥٥٦

ابو عثمان سے روایت ہےحضرت ابی بن کعب رضی اللّٰہ تعالیٰ عنہ نے فرمایا کہ ایک شخص تھا کہ مدینہ منورہ کے اندر قبلہ رونماز پڑھنے والے لوگوں میں سے میرے علم میں کوئی ایک شخص بھی ایسا نہیں جس کا گھر مسجد نبوی سے اس کی نسبت دور ہو اور وہ مسجد میں ایک بھی نماز پڑھنے سے پیچھے نہ رہا میں نے اس سے کہا۔آ پ ایک گدھا خرید لیں تاکہ گرمی اور اندھیرے میں اس پر سوار ہوکر آجایا کریں۔فرمایا مجھے یہ پسند نہیں کہ میرا گھر مسجد کے ساتھ ہو۔یہ بات رسول اللہ صلی اللّٰہ علیہ وسلم تک پہونچی تو آ پ نے ان سے اس کے متعلق پوچھا۔عرض گزار ہوئے کہ یا رسول اللہ صلی اللہ علیہ وسلم!میرا مسجد کے طرف آنا لکھا جاتا ہے اور واپس لوٹنا جب کہ گھر والوں کی طرف واپس لوٹتا ہوں ۔ارشاد ہوا کہ اللہ تعالی نے تمھیں یہ سب کچھ عطا فرمایا جو بھی تم نے اس کے لیے کیا۔ ابوداؤد شریف کتاب الصلواۃ،بَابُ مَا جَاءَ فِي فَضْلِ الْمَشْيِ إِلَى الصَّلَاةِ،حدیث نمبر٥٥٧

ابوعبدالرحمن نے حضرت ابو امامہ رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا کہ جو اپنے گھر سے طہارت کرکے فرض نماز کے لیے نکلا تو اسے حج کے لیے احرام باندھ کر نکلنے والے کی طرح اجر ملے گا اور جو چاشت کی نماز کے لیے نکلے اور صرف اسی کے لیے تکلیف اٹھا رہا ہو تو اسے عمرہ کرنے والے کی طرح ثواب ملے گا اور جن دونمازوں کے درمیان کوئی لغوبات نہ کی ہو تو وہ علیین میں لکھی جاتی ہیں ابوداؤد شریف کتاب الصلواۃ،بَابُ مَا جَاءَ فِي فَضْلِ الْمَشْيِ إِلَى الصَّلَاةِ،حدیث نمبر٥٥٨

حضرت ابو ہریرہ رضی اللّٰہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا۔آدمی کا جماعت سے نماز پڑھنا اس کے گھر یا بازار میں نماز پڑھنے سے پچیس گنا زیادہ درجہ رکھتا ہے اور یہ اس لیے ہے کہ جب تم میں سے کوئی وضو کرے تو اچھی طرح وضو کرے اور مسجد کو آئے جب کہ اس کا مقصد صرف نماز ہو اور اسے نہ لائے مگر نماز تو ہر قدم پر اس کا ایک درجہ بلند کردیا جاتا ہے۔اور اس کا ایک گناہ معاف کردیا جاتا ہے۔ یہاں تک کہ مسجد میں داخل ہو جائے جب مسجد میں داخل ہو گیا تو وہ نماز میں جب تک نماز اسے روکے رکھے گی اور فرشتے تمہارے اس آدمی کے لیے دعائیں کرتے رہتے ہیں جو اپنی اسی جگہ پر بیٹھا رہے جہاں نماز پڑھی جاتی تھی اور کہتے ہیں اے اللہ!اس کی توبہ قبول فرما جب تک کہ ایذا نہ پہنچائے یا وضو نہ ٹوٹے۔ ابوداؤد شریف کتاب الصلواۃ،بَابُ مَا جَاءَ فِي فَضْلِ الْمَشْيِ إِلَى الصَّلَاةِ،حدیث نمبر٥٥٩

عطاء بن یزید نے حضرت ابوسعید خدری رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم نے فرمایا۔جماعت سے نماز پڑھنا پچیس نمازوں کے برابر ہے جب جنگل میں نماز پڑھی اور رکوع سجدے پوری طرح کیے تو وہ پچاس نمازوں تک پہنچتی ہے۔ امام ابوداؤد نے فرمایا کہ عبدالواحد بن زیاد نے اس روایت میں کہا کہ آدمی کی جنگل میں پڑھی ہوئی نماز کا ثواب جماعت کی نماز سے کئی گنا ہے اور پھر باقی حدیث بیان کی۔ ابوداؤد شریف کتاب الصلواۃ،بَابُ مَا جَاءَ فِي فَضْلِ الْمَشْيِ إِلَى الصَّلَاةِ،حدیث نمبر٥٦٠

حضرت بریدہ رضی اللّٰہ تعالیٰ عنہ سے روایت کی ہے کہ نبی کریم صلی اللّٰہ علیہ وسلم نے فرمایا۔خوشخبری سنادوکہ اندھیرے میں مسجدوں کو جانے والوں کے لیے مکمل روشنی ہوگی۔ ابوداؤد شریف کتاب الصلواۃ،بَابُ مَا جَاءَ فِي الْمَشْيِ إِلَى الصَّلَاةِ فِي الظَّلَامِ،حدیث نمبر٥٦١

ابوثمامہ حناط کا بیان ہے کہ حضرت کعب بن عجرہ رضی اللّٰہ تعالیٰ عنہ نے انہیں پایا جبکہ وہ مسجد کے ارادے سے آئے تو آپس میں ملاقات ہوئی۔راوی کا بیان کہ انہوں نے مجھے ایسی حالت میں پایا کہ میں نے اپنے دونوں ہاتھوں کی انگلیاں آپس میں پیوست کی ہوئی تھیں۔انہوں نے فرمایا کہ رسول اللہ صلی اللّٰہ علیہ وسلم کا ارشاد ہے۔جب تم میں سے کوئی وضو کرے تواچھی طرح وضو کرنا چاہیے۔پھر مسجد کے ارادے سے نکلا تو انگلیاں آپس میں پیوست نہ کرے کیونکہ وہ نماز میں ہے۔ ابوداؤد شریف کتاب الصلاۃ،بَابُ مَا جَاءَ فِي الْهَدْيِ فِي الْمَشْيِ إِلَى الصَّلَاةِ،حدیث نمبر٥٦٢

سعید بن مسیب سے روایت ہے کہ ایک انصاری کی وفات کا وقت قریب آیا تو انہوں نے لوگوں سے کہا کہ میں آپ حضرات سے ایک حدیث بیان کرتا ہوں اور بیان کرنے سے میرا مقصد محض رضائے الہٰی ہے میں نے رسول اللہ صلی اللّٰہ علیہ وسلم کو فرماتے ہوئے سنا کہ جب تم میں سے کوئی وضو کرے اور اچھی طرح وضو کرے پھر نماز کے لیے نکلے تو وہ دایاں قدم نہیں اٹھاتا مگر اللہ تعالیٰ اس کے لیے ایک نیکی لکھ دیتا ہے اور کوئی بایاں قدم نہیں اٹھاتا مگر اللہ عزوجل اس کا ایک گناہ مٹا دیتا ہے پس جو چاہے مسجد سے نزدیک ر ہے یا دور رہے جب مسجد میں آ کر جماعت سے نماز پڑھ لیتا ہے تو اس کی مغفرت فرما دی جاتی ہے۔ اگر وہ مسجد میں ایسے وقت آئے گا کہ کچھ نماز ہو چکی اور کچھ باقی ہیں تو جو ملے اسے پڑھ لے اور جو رہ گئی اسے پوری کرے تو اس کے لیے بھی وہی اجر ہے اگر مسجد میں ایسے وقت آیا کہ لوگ نماز پڑھ چکے تو خود پوری نماز پڑھے اس کے لئے بھی وہی ہے۔ ابوداؤد شریف کتاب الصلاۃ،بَابُ مَا جَاءَ فِي الْهَدْيِ فِي الْمَشْيِ إِلَى الصَّلَاةِ،حدیث نمبر٥٦٣

حضرت ابوہریرہ رضی اللہ تعالی عنہ سے مروی ہے کہ نبی کریم صلی اللہ تعالی علیہ وسلم نے فرمایا جس نے وضو کیا اور اچھی طرح وضو کیا پھر مسجد کی جانب روانہ ہوا تو دیکھا کہ لوگ نماز پڑھ چکے۔ اللہ عزوجل اسے ان لوگوں کے برابر ثواب عطا فرمائے گا جنہوں نے حاضر ہو کر جماعت سے نماز پڑھی اور اس کے باعث اس کے اجر میں کمی واقع نہیں ہوگی۔ ابوداؤد شریف کتاب الصلاۃ،بَابٌ فِيمَنْ خَرَجَ يُرِيدُ الصَّلَاةَ فَسُبِقَ بِهَا،حدیث نمبر٥٦٤

ابوسلمہ نے حضرت ابوہریرہ رضی اللہ تعالی عنہ سے روایت کی ہے کہ رسول اللہ صلی اللہ تعالی علیہ وسلم نے فرمایا۔ اللہ کی لونڈیوں (بندیوں)کو مسجد میں آنے سے نہ روکا کرو اور انہیں چاہیے کہ خوشبو لگا کر نہ نکلا کریں۔ ابوداؤد شریف کتاب الصلاۃ،بَابُ مَا جَاءَ فِي خُرُوجِ النِّسَاءِ إِلَى الْمَسْجِدِ،حدیث نمبر٥٦٥

نافع نے حضرت ابن عمر رضی اللہ سے روایت کی ہے کہ رسول اللہ صلی اللہ تعالی علیہ وسلم نے فرمایا اللہ کی لونڈیوں (بندیوں)کو اللہ کی مسجدوں سے نہ روکا کرو۔ ابوداؤد شریف کتاب الصلاۃ،بَابُ مَا جَاءَ فِي خُرُوجِ النِّسَاءِ إِلَى الْمَسْجِدِ،حدیث نمبر٥٦٦

حضرت ابن عمر رضی اللہ تعالی عنہ سے روایت ہے کہ نبی کریم صلی اللّٰہ علیہ وسلم نے فرمایا اپنی عورتوں کو مسجدوں سے نہ روکا کرو اور ان کے گھر ان کے لیے بہتر ہیں۔ ابوداؤد شریف کتاب الصلاۃ،بَابُ مَا جَاءَ فِي خُرُوجِ النِّسَاءِ إِلَى الْمَسْجِدِ،حدیث نمبر٥٦٧

مجاہد نے حضرت عبداللہ بن عمر رضی اللہ تعالی عنہما سے روایت کی ہے کہ نبی کریم صلی اللہ علیہ وسلم نے فرمایا رات کے وقت عورتوں کو مسجدوں کی اجازت دے دیا کرو۔ اس پر ان کے ایک فرزند نے کہا خدا کی قسم ہم انہیں اجازت نہیں دیں گے اس کے ذریعے وہ دھوکا دے گی ۔خدا کی قسم ہم انہیں اجازت نہیں دیں گے۔ راوی کا بیان ہے کہ انہوں نے برا بھلا کہا اور ناراض ہوئے فرمایا کہ میں تو کہتا ہوں کہ رسول اللہ صلی اللہ تعالی علیہ وسلم نے فرمایا کہ انہیں اجازت دے دیا کرو اور تم کہتے ہو کہ ہم انہیں اجازت نہیں دیں گے۔ ابوداؤد شریف کتاب الصلاۃ،بَابُ مَا جَاءَ فِي خُرُوجِ النِّسَاءِ إِلَى الْمَسْجِدِ،حدیث نمبر٥٦٨

عمرہ بنت عبدالرحمن سے روایت ہے کہ نبی کریم صلی اللہ علیہ وسلم کی زوجہ مطہرہ حضرت عائشہ صدیقہ رضی اللہ تعالی عنہا نے فرمایا کہ اگر رسول اللہ صلی اللہ تعالی علیہ وسلم ملاحظہ فرماتے جو اب عورتوں نے حال بنایا ہے تو آپ ضرور انہیں مسجدوں سے منع فرما دیتے جیسے بنی اسرائیل کی عورتوں کو منع کردیا گیا تھا یحییٰ کا بیان ہے کہ میں نے عمرہ سے کہا کیا بنی اسرائیل کی عورتوں کو منع کیا گیا تھا؟فرمایا۔ ہاں۔ ابوداؤد شریف کتاب الصلاۃ،بَابُ التَّشْدِيدِ فِي ذَلِكَ،حدیث نمبر٥٦٩

ابو الاحوص نے حضرت عبداللہ بن مسعود رضی اللہ تعالی عنہ سے روایت کی ہے کہ نبی کریم صلی اللہ تعالی علیہ وسلم نے فرمایا عورت کی گھر میں پڑھی ہوئی نماز افضل ہے اس نماز سے جو اس نے اپنے صحن میں پڑھی اور اس کی کوٹھری میں پڑھی ہوئی نماز افضل ہے اس نماز سے جو اس نے اپنے گھر میں پڑھی۔ ابوداؤد شریف کتاب الصلاۃ،بَابُ التَّشْدِيدِ فِي ذَلِكَ،حدیث نمبر٥٧٠

حضرت ابن عمر رضی اللہ تعالی عنہ سے روایت ہے کہ رسول اللہ صلی اللہ تعالی علیہ وسلم نے فرمایا کیوں نہ ہم اس دروازے کو عورتوں کے لئے چھوڑ دیں۔ نافع کا بیان ہے کہ حضرت ابن عمر آخری دم تک اس دروازے سے کبھی داخل نہیں ہوئے۔امام ابوداؤد نے فرمایا کہ اسے اسماعیل بن ابراہیم، ایوب، نافع نے روایت کی حضرت عمر سے اور یہی زیادہ صحیح ہے۔ ابوداؤد شریف کتاب الصلاۃ،بَابُ التَّشْدِيدِ فِي ذَلِكَ،حدیث نمبر٥٧١

سعید بن مسیب اور ابوسلمہ بن عبدالرحمن سے روایت ہے کہ حضرت ابو ہریرہ رضی اللہ تعالی عنہ نے رسول اللہ صلی اللہ تعالی علیہ وسلم کو فرماتے ہوئے سنا کہ جب نماز کھڑی ہو جائے تو اس کے لئے لیے دوڑتے ہوئے نہ آیا کروبلکہ معمول کے مطابق چلتے ہوئے آؤ کیونکہ آرام سے چلنا ضروری ہے لہٰذا جتنی نماز مل جائے پڑھ لو اور جتنی رہ جائے اسے پوری کر لو ۔ امام ابوداؤد نے فرمایا کہ اسی طرح کہا زبیدی اور ابن ابی ذئب اور ابراہیم بن سعد اور معمر اور شعیب بن ابو حمزہ نے زہری سے کہ جتنی نماز رہ جائے اسے پوری کر لو اکیلے ابن عیینہ نے زہری سے روایت کی کہ اسے پوری کر لو محمد بن عمرو، ابوسلمہ نے حضرت ابوہریرہ رضی اللہ تعالی عنہ سے روایت کی ہے۔ جعفر بن ربیعہ اعرج نے حضرت ابوہریرہ سے روایت کہ پوری کرلو۔ حضرت ابن مسعود نے نبی کریم صلی اللہ تعالی علیہ وسلم سے روایت کی حضرت ابو قتادہ حضرت انس نے نبی کریم صلی اللہ تعالی علیہ وسلم سے روایت کی کہ پوری کر لیا کرو۔ ابوداؤد شریف کتاب الصلاۃ،بَابُ السَّعْيِ إِلَى الصَّلَاةِ،حدیث نمبر٥٧٢

ابوسلمہ نے حضرت ابوہریرہ رضی اللہ تعالی عنہ سے روایت کی کہ نبی کریم صلی اللہ علیہ وسلم نے فرمایا نماز کے لیے سکون و اطمینان سے آیا کرو جتنی نماز ملے وہ پڑھ لیا کرو اور جو نکل گئی وہ پوری کر لیا کرو۔ امام ابوداؤد نے فرمایا کہ اسی طرح ابن سیرین نے حضرت ابوہریرہ سے روایت کی ہے کہ پوری کر لیا کرو۔ اسی طرح ابو رافع نے حضرت ابوذر سے روایت کی ہے کہ اسے پوری کر لو اور پڑھ لیا کرو اور اس میں اختلاف کیا گیا ہے۔ ابوداؤد شریف کتاب الصلاۃ،بَابُ السَّعْيِ إِلَى الصَّلَاةِ،حدیث نمبر٥٧٣

حضرت ابو سعید خدری رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے ایک آدمی کو تنہا نماز پڑھتے ہوئے دیکھا تو فرمایا۔ کہ کیا اس پر کوئی صدقہ نہیں کر سکتا کہ یہ اس کے ساتھ نماز پڑھ لے۔ ابوداؤد شریف کتاب الصلاۃ،بَابٌ فِي الْجَمْعِ فِي الْمَسْجِدِ مَرَّتَيْنِ،حدیث نمبر٥٧٤

جابربن یزید بن اسود نے اپنے والد ماجد سے روایت کی ہے کہ انہوں نے رسول اللہ صلی اللہ تعالی علیہ وسلم کے ساتھ نماز پڑھی جب کہ وہ نوجوان لڑکے تھے جب آپ نماز پڑھ رہے تھے تو دو آدمیوں نے نہ پڑھیں اور مسجد کے ایک کونے میں بیٹھے رہے آپ نے ان دونوں کو بلایا اور وہ حاضر ہوئے تو ان کی پسلیوں کا گوشت بھی پھڑک رہا تھا فرمایا کہ تمہیں ہمارے ساتھ نماز پڑھنے سے کس چیز نے روکا دونوں عرض گزار ہوئے کہ ہم نے اپنے گھروں میں نماز پڑھ لی تھی۔ فرمایا کہ ایسا نہ کیا کرو جب تم میں سے کوئی اپنے گھر میں نماز پڑھ لے پھر دیکھیں کہ امام نے نماز نہ پڑھی تو اس کے ساتھ نماز پڑھ لے کیونکہ وہ نفل ہو جائے گی۔ ابوداؤد شریف کتاب الصلاۃ،بَابٌ فِيمَنْ صَلَّى فِي مَنْزِلِهِ ثُمَّ أَدْرَكَ الْجَمَاعَةَ يُصَلِّي مَعَهُمْ،حدیث نمبر٥٧٥

جابر بن یزید کے والد ماجد نے فرمایا کہ میں نے منیٰ میں نبی کریم صلی اللہ تعالی علیہ وسلم کے ساتھ صبح کی نماز پڑھی۔ پھر پہلی حدیث کی طرح بیان کیا۔ ابوداؤد شریف کتاب الصلاۃ،بَابٌ فِيمَنْ صَلَّى فِي مَنْزِلِهِ ثُمَّ أَدْرَكَ الْجَمَاعَةَ يُصَلِّي مَعَهُمْ،حدیث نمبر٥٧٦

نوح بن صعصعہ سے روایت ہے کہ حضرت یزید بن عامر رضی اللہ تعالی عنہ نے فرمایا کہ میں حاضر ہوا تو نبی کریم صلی اللہ تعالی علیہ وسلم نماز میں تھے پس میں بیٹھ گیا اور لوگوں کے ساتھ نماز میں شامل نہ ہوا جب فارغ ہو کر رسول اللہ صلی اللہ تعالیٰ علیہ وسلم ہمارے پاس تشریف لائے تو حضرت یزید کو بیٹھے ہوئے دیکھ کرفرمایا زید کیا تم مسلمان نہیں ہو؟عرض گزار ہوئے کہ یا رسول اللہ کیوں نہیں میں تو حلقہ بگوش اسلام ہوں فرمایا تو پھر تمہیں لوگوں کے ساتھ نماز پڑھنے سے کس چیز نے روکاعرض گزار ہوئے کہ میں اپنے گھر میں نماز پڑھ چکا تھا کیونکہ میں سمجھا تھا کہ لوگ نماز پڑھ چکے ہیں۔فرمایا کہ جب نماز کے لیے آؤ اور لوگوں کو نماز میں دیکھو تو ان کے ساتھ پڑھ لیا کرواگرچہ تم وہ نماز پڑھ چکے ہو کیوں کہ یہ تمہارے لیے نفل ہو جائے گی اور وہ فرض رہے گی۔ ابوداؤد شریف کتاب الصلاۃ،بَابٌ فِيمَنْ صَلَّى فِي مَنْزِلِهِ ثُمَّ أَدْرَكَ الْجَمَاعَةَ يُصَلِّي مَعَهُمْ،حدیث نمبر٥٧٧

بنی اسد بن خزیمہ کے ایک آدمی نے حدیث بیان کی کہ اس نے حضرت ابو ایوب انصاری رضی اللّٰہ تعالیٰ عنہ سے دریافت کیا تو انہوں نے فرمایا کہ ہم سے کوئی اپنے گھر میں نماز پڑھ لیتا،پھر مسجد میں آتا اور نماز کھڑی ہوتی تو وہ لوگوں کے ساتھ نماز پڑھ لیتا۔ میرے دل میں اس کے متعلق شک گزرتا تھا حضرت ابو ایوب نے فرمایا کہ ہم نے نبی کریم صلی اللہ تعالی علیہ وسلم سے اس کے متعلق دریافت کیا تو آپ نے فرمایا کہ اس کا بھی اسے ثواب ملے گا۔ ابوداؤد شریف کتاب الصلاۃ،بَابٌ فِيمَنْ صَلَّى فِي مَنْزِلِهِ ثُمَّ أَدْرَكَ الْجَمَاعَةَ يُصَلِّي مَعَهُمْ،حدیث نمبر٥٧٨

عمروبن شعیب سے روایت ہے کہ سلیمان مولیٰ میمونہ نے فرمایا کہ میں بلاط میں حضرت ابن عمر رضی اللّٰہ تعالیٰ عنہ کے پاس گیا تو لوگ نماز پڑھ رہے تھے میں نے ان(حضرت ابن عمر)سے کہا کہ آپ کیوں ان کے ساتھ نماز پڑھتے؟فرمایا کہ میں نماز پڑھ چکا ہوں اور میں نے رسول اللہ صلی اللّٰہ علیہ وسلم کو فرماتے ہوئے سنا کہ ایک نماز کو ایک دن میں دودفعہ نہ پڑھا کرو۔ ابوداؤد شریف کتاب الصلاۃ،بَابٌ إِذَا صَلَّى فِي جَمَاعَةٍ ثُمَّ أَدْرَكَ جَمَاعَةً أَيُعِيدُ،حدیث نمبر٥٧٩

حضرت عقبہ بن عامر رضی اللّٰہ تعالیٰ عنہ سے روایت ہے کہ میں نے نبی کریم صلی اللّٰہ علیہ وسلم کو فرماتے ہوئے سنا جو لوگوں کو وقت پر نماز پڑھائے تو اسے اور لوگوں کو ثواب ملے گا اور جو اس میں کوتاہی کرےگا اس پر گناہ ہے لوگوں پر نہیں ہوگا۔ ابوداؤد شریف کتاب الصلاۃ،بَابٌ فِي جُمَّاعِ الْإِمَامَةِ وَفَضْلِهَا،حدیث نمبر٥٨٠

سلامہ بنت حر سے روایت ہے کہ میں نے رسول اللہ صلی اللّٰہ علیہ وسلم کو فرماتے ہوئے سنا کہ قیامت کی نشانیوں میں سے ایک یہ ہے کہ لوگ مسجد میں ایک دوسرے سے کہیں گے لیکن انہیں نماز پڑھانے کے لیے امام نہیں ملے گا۔ ابوداؤد شریف کتاب الصلاۃ،بَابٌ فِي كَرَاهِيَةِ التَّدَافُعِ عَلَى الْإِمَامَةِ،حدیث نمبر٥٨١

حضرت ابو مسعود البدری رضی اللہ تعالی عنہ سے روایت ہے کہ رسول اللہ صلی اللہ تعالی علیہ وسلم نے فرمایا۔ لوگوں کی امامت وہ کرے جو اللہ کی کتاب کا زیادہ پڑھنے والا اور پرانا قاری ہو۔ اگر دو آدمی جماعت میں برابر ہوں تو امامت وہ کرے جس نے پہلے ہجرت کی اگر ہجرت میں بھی برابر ہو تو وہ امامت کرے جس کی عمر زیادہ ہو۔ نہ امامت کرے آدمی دوسرے کے گھر میں اور نہ اس کی بادشاہی میں اور نہ بیٹھے اس کی مسند خاص پر مگر اس کی اجازت سے۔ شعبہ نے اسماعیل سے کہا کہ خاص مسند کیا ہے؟ فرمایا کہ اس کے بیٹھنے کی جگہ۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٢

ابن معاذ،ابی شعبہ سے روایت کی اس میں فرمایا کہ ایک آدمی دوسرے کی جگہ امامت نہ کرے ۔امام ابوداؤد نے فرمایا کہ یحیٰی قطان نے شعبہ سے روایت کی کہ پرانا قاری۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٣

اوس بن ضمعج حضرمی سے روایت ہے کہ میں نے حضرت ابومسعود رضی اللہ تعالی عنہ کو یہ حدیث نبی کریم صلی اللہ تعالی علیہ وسلم سے روایت کرتے ہوئےسنا: فرمایا کہ اگر قراءت میں برابر ہوں تو جو سنت رسول کا زیادہ جاننے والا ہوں اگر سنت رسول میں برابر ہوں تو جس نے ہجرت پہلے کی ہو اس روایت میں پرانا قاری نہیں فرمایا۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٤

حضرت عمر بن سلمہ رضی اللہ تعالی عنہ نے فرمایا کہ ہم ایسی جگہ پر آباد تھے کہ نبی کریم صلی اللہ علیہ وسلم کی خدمت میں جانے والے ہمارے پاس سے گزرا کرتے ۔جب وہ واپس لوٹتے ہوئے ہمارے پاس سے گزرتے تو ہمیں بتاتے کہ رسول اللہ صلی اللہ تعالی علیہ وسلم نے ہمیں یہ آیتیں بتائی ہیں۔ میں ذہین لڑکا تھا اس لئے میں نے کافی قرآن مجید زبانی یاد کرلیا تھا۔ میرے والد ماجد اپنی قوم کا ایک وفد لے کر رسول اللہ صلی اللہ علیہ وسلم کی خدمت میں حاضر ہوئے تو آپ نے نماز سکھائی اور فرمایا کہ تمہاری امامت وہ کرے جو زیادہ قاری ہوں۔پس حفظ کرنے کے باعث میں قرآن کریم زیادہ جانتا تھا۔ لہذا مجھے آگے کیا تو میں امامت کراتا تھا۔ میرے اوپر ایک چھوٹی سی زرد چادر ہوتی چنانچہ جب میں سجدہ کرتا تو میرا ستر کھل جاتا۔ قبیلے کی عورتوں میں سے ایک نے کہا۔اپنے قاری کا سترتو ہم سے چھپا لیجئے پس لوگوں نے میرے لئے عمانی قمیض خریدی۔ اسلام لانے کے بعد اتنا میں کسی اور بات پر خوش نہیں ہوا تھا میں امامت کراتا اور میری عمر سات یا آٹھ سال تھی۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٥

حضرت عمرو بن سلمہ رضی اللّٰہ تعالیٰ عنہ سے اسی طرح روایت کرتے ہوئے فرمایا کہ میں جوڑلگی ہوئی پھٹی سی چادر سے امامت کرتا تھا اور جب میں سجدہ کرتا تو میری پیٹھ ننگی ہو جاتی۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٦

حضرت عمر بن سلمہ نے اپنے والد ماجد سے روایت کی ہے کہ وہ وفد لے کر نبی کریم صلی اللہ تعالی علیہ وسلم کی خدمت میں حاضر ہوئے جب واپس لوٹنے کا ارادہ کیا تو عرض گزار ہوئے کہ یا رسول اللہ!ہماری امامت کون کرے؟ فرمایا کہ جس نے قرآن مجید زیادہ یاد کیا ہو یا قرآن مجید زیادہ حاصل کر لیا ہو۔تو قوم میں سے میرے برابر کسی نے بھی یاد نہیں کیا تھا پس مجھے آگے کردیا حالاں کہ میں لڑکا تھا اور میرے جسم پر تہبند ہوتا لوگوں کے جسم مجمع کے اندر میں ہوتا تو میں ان کا امام ہوتا اور میں نے ہی آج تک ان کے جنازوں کی نماز پڑھائی ہے۔ امام ابوداؤد نے فرمایا روایت کیااسے یزید بن ہارون بن مسعر بن حبیب سے حضرت عمرو بن سلمہ نے فرمایا کہ جب میری قوم کا وفد نبی کریم صلی اللہ علیہ وسلم کی خدمت میں حاضر ہوا اور انہوں نے اپنے والد ماجد سے روایت کرنے کے متعلق نہیں فرمایا۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٧

نافع نے حضرت ابن عمر رضی اللّٰہ تعالیٰ عنہ سے روایت کی ہے کہ جب سب سے پہلے ہجرت کرنے والے مہاجرین آئے تو عصبہ میں ٹھہرے رسول اللہ صلی اللّٰہ علیہ وسلم کی تشریف آوری سے پہلے ان کی امامت حضرت سالم مولیٰ حذیفہ کرتے تھے اور انہیں سب سے زیادہ قرآن کریم یادتھا ۔ہیثم نے یہ بھی فرمایا کہ ان میں حضرت عمر اور حضرت ابوسلمہ ابن عبد الاسد بھی تھے۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٨

حضرت مالک بن حویرث رضی اللّٰہ تعالیٰ عنہ سے روایت ہے کہ نبی کریم صلی اللّٰہ علیہ وسلم نے فرمایا ان سے یا ان کے ساتھی سے کہ جب نماز کا وقت ہو جائے تو اذان کہا کرو ،پھر اقامت کہو پھر جو عمر میں بڑاہو وہ امامت کرے مسلمہ کی حدیث میں ہے کہ ان دوعلموں میں ہم دونوں برابر تھے۔اسماعیل کی حدیث میں ہے کہ خالد نے فرمایا کہ میں نے ابوقلابہ سے گزارش کی کہ قرآن کریم کا کو زیادہ آتاتھا؟فرمایا کہ وہ دونوں برابر تھے۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٨٩

حضرت ابن عباس رضی اللّٰہ تعالیٰ عنہما سے روایت ہے کہ رسول اللہ صلی اللّٰہ علیہ وسلم نے فرمایا۔تم میں سے بہتر لوگ اذان کہیں اور تمہاری امامت وہ کرے جو تم میں قرآن مجید زیادہ جانتا ہو۔ ابوداؤد شریف کتاب الصلاۃ،بَابُ مَنْ أَحَقُّ بِالْإِمَامَةِ،حدیث نمبر٥٩٠

ولید بن عبد اللہ بن جمیع کی دادی کی دادی جان اور عبدالرحمن بن خلاد انصاری سے روایت ہے کہ حضرت ام عرقہ بنت نوفل رضی اللہ تعالی عنہا عرض گزار ہوئیں جب کہ نبی کریم صلی اللہ تعالی علیہ وسلم غزوہ بدر فرمانے لگے تھےکہ یا رسول اللہ! مجھے بھی اپنے ساتھ جہاد کی اجازت دیجئے کہ بیماروں کی تیمارداری کروں شاید اللہ تعالیٰ مجھے شہادت کا درجہ عطا فرما دے۔فرمایا کہ تم اپنے گھر میں رہواللہ عزوجل تمہیں بھی شہادت مرحمت فرما دے گا۔ راوی کا بیان ہے کہ ان کا نام شہیدہ پڑ گیا وہ اپنے گھر میں قرآن کریم پڑھا کرتی تھی لہذا انہوں نے نبی کریم صلی اللہ علیہ وسلم سے اپنے گھر میں مؤذن رکھنے کی اجازت طلب کی گئی تو انہیں اجازت مل گئی اور انہوں نے ایک غلام اور ایک لونڈی کو مدبر کیا ہوا تھاایک رات ان دونوں نے چادر سے گلا گھونٹ کرکے انہیں مار دیا اور دونوں بھاگ گئے صبح ہوئی تو حضرت عمر نے لوگوں میں میں اعلان فرمایا کہ جس کو ان دونوں کا علم ہو یا جس نے انہوں نے دیکھا ہو تو انہیں پیش کرے ان کے متعلق حکم فرمایا گیا تو انہیں سولی دی گئی اور مدینہ منورہ میں سب سے پہلے سولی انہیں دی گئی۔ ابوداؤد شریف کتاب الصلاۃ،بَابُ إِمَامَةِ النِّسَاءِ،حدیث نمبر٥٩١

حضرت ام ورقہ بچ نے عبد اللہ بن حارث رضی اللّٰہ تعالیٰ عنہا سے اس حدیث کو روایت کیا ہے اور پہلی حدیث زیادہ مکمل ہے۔فرمایا کہ رسول اللہ صلی اللّٰہ علیہ وسلم ان کے گھر تشریف لے جایا کرتے اور ان کے لیے مؤذن مقرر کیا جواذان کہا کرتا اور حضرت ام ورقہ کو حکم فرمایا کہ اپنے گھر والوں کی امامت کیا کرو ۔عبدالرحمن کا بیان ہے کہ میں نے ان کے مؤذن کو دیکھا ہے وہ بالکل بوڑھے تھے۔ ابوداؤد شریف کتاب الصلاۃ،بَابُ إِمَامَةِ النِّسَاءِ،حدیث نمبر٥٩٢

حضرت عبداللہ بن عمرو رضی اللّٰہ تعالیٰ عنہ سے روایت کی ہے کہ رسول اللہ صلی اللّٰہ علیہ وسلم فرمایا کرتے۔تین آدمیوں کی اللہ تعالیٰ نماز قبول نہیں فرماتا ایک جو ایسے لوگوں کا امام بن بیٹھے کہ وہ اسے ناپسند کرتے ہوں دوسرا وہ شخص جو نماز کا وقت گزرنے کے بعد نماز پڑھنے آئے تیسرا وہ جو کسی آزاد مرد یا عورت کو غلام بنالے۔ ابوداؤد شریف کتاب الصلاۃ،بَابُ الرَّجُلِ يَؤُمُّ الْقَوْمَ وَهُمْ لَهُ كَارِهُونَ،حدیث نمبر٥٩٣

ابوہریرہ رضی اللہ عنہ سے روایت ہے کہ رسول اللہ ﷺ نے فرمایا: فرض نماز ہر مسلمان کے پیچھے واجب ہے چاہے وہ نیک ہو یا بد اگرچہ وہ کبائر کا مرتکب ہو ۔ (ابو داؤد شریف،کتاب الصلاۃ، بَابٌ : إِمَامَةُ الْبَرِّ وَالْفَاجِرِ،حدیث نمبر ٥٩٤)

حضرت انس رضی اللّٰہ تعالیٰ عنہ سے روایت ہے کہ نبی کریم صلی اللّٰہ علیہ وسلم نے اپنی جگہ پر حضرت ابن ام مکتوم کو امامت پر مقرر فرمایا حالانکہ وہ نابینا تھے۔ ابوداؤد شریف کتاب الصلاۃ،بَابُ إِمَامَةِ الْأَعْمَى،حدیث نمبر٥٩٥

ابوعطیہ سے روایت ہے کہ حضرت مالک بن حویرث رضی اللّٰہ تعالیٰ عنہ ہماری اس نماز پڑھنے کی جگہ میں تشریف لائے اور نماز کھڑی ہونے لگی تو ہم نے ان سے کہا کہ آگے کھڑے ہوکر نماز پڑھائیے۔انہوں نے ہم سے فرمایا کہ نماز پڑھانے کے لیے اپنے میں سے کسی آدمی کو آگے کرو اور میں تم سے ابھی تک ایک حدیث بیان کروں گا کہ میں کیوں تمہیں نماز نہیں پڑھاتا۔میں نے رسول اللہ صلی اللّٰہ علیہ وسلم کو فرماتے ہوئے سنا کہ جو کسی قوم سے ملنے جائے تو وہ ان کی امامت نہ کرے بلکہ ان میں سے کوئی آدمی ان کی امامت کرے۔ ابوداؤد شریف کتاب الصلاۃ،بَابُ إِمَامَةِ الزَّائِرِ،حدیث نمبر٥٩٦

ابراہیم نے ہمام سے روایت کی ہے کہ حضرت حذیفہ نے مدائن میں ایک دکان میں کھڑے ہو کر امامت کرنے لگے تو حضرت ابومسعود رضی اللّٰہ تعالیٰ عنہ نے انہیں قمیص سے پکڑ کر کھینچا۔جب وہ نماز سے فارغ ہوئے تو انہوں نے کہا۔کیا آپ کو معلوم نہیں کہ لوگ اس بات سے منع کیے جاتے تھے؟کہا کیوں نہیں جب آپ نے کھینچا تو مجھے یہ بات یاد آئی۔ ابوداؤد شریف کتاب الصلاۃ،بَابُ الْإِمَامِ يَقُومُ مَكَانًا أَرْفَعَ مِنْ مَكَانِ الْقَوْمِ،حدیث نمبر٥٩٧

عدی بن ثابت انصاری سے ایک آدمی نے بیان کیا جو مدائن میں حضرت عمار بن یاسر کے ساتھ تھا تو نماز کھڑی ہونے لگی پس حضرت عمار آگے آگئے اور ایک دکان پر کھڑے ہوکر نماز پڑھنے لگے ۔حضرت حذیفہ آگے بڑھے اور ان کے ہاتھ پکڑ کر حضرت عمار کو نیچے اتار لیا ۔جب حضرت عمار اپنی نماز سے فارغ ہوئے تو حضرت حذیفہ نے ان سے کہا ۔کیا آپ نے نہیں سنا کہ رسول اللہ صلی اللّٰہ علیہ وسلم فرمایا کرتے تھے کہ جب کوئی لوگوں کی امامت کرے تو لوگوں سے اونچی جگہ پر نہ کھڑا ہو یا ایسے ہی الفاظ فرمائے ۔حضرت عمار نے کہا کہ جب آ پ نے میرے ہاتھ پکڑے تو اسی لیے میں نے آ پ کی بات مان لی تھی۔ ابوداؤد شریف کتاب الصلاۃ،بَابُ الْإِمَامِ يَقُومُ مَكَانًا أَرْفَعَ مِنْ مَكَانِ الْقَوْمِ،حدیث نمبر٥٩٨

عبید اللہ بن مقسم نے حضرت جابر بن عبداللہ رضی اللّٰہ تعالیٰ عنہما سے روایت کی کہ حضرت معاذ بن جبل عشاء کی نماز رسول اللہ صلی اللّٰہ علیہ وسلم کے ساتھ پڑھتے اور اپنی قوم کے پاس جاکر پھر وہی نماز انہیں پڑھایا کرتے۔ ابوداؤد شریف،کتاب الصلاۃ،بَابُ إِمَامَةِ مَنْ يُصَلِّي بِقَوْمٍ وَقَدْ صَلَّى تِلْكَ الصَّلَاةَ،حدیث نمبر٥٩٩

عمروبن دینار نے حضرت جابر بن عبداللہ رضی اللّٰہ تعالیٰ عنہما کو فرماتے ہوئے سنا کہ حضرت معاذ بن جبل پہلے نبی کریم صلی اللّٰہ علیہ وسلم کے ساتھ نماز پڑھ لیتے واپس جاکر اپنی قوم کی امامت کیا کرتے۔ ابوداؤد شریف،کتاب الصلاۃ،بَابُ إِمَامَةِ مَنْ يُصَلِّي بِقَوْمٍ وَقَدْ صَلَّى تِلْكَ الصَّلَاةَ،حدیث نمبر٦٠٠

ابن شہاب نے حضرت انس بن مالک رضی اللہ تعالی عنہ سے روایت کی ہے کہ رسول اللہ صلی اللہ تعالیٰ علیہ وسلم گھوڑے پر سوار ہوئے تو گر پڑے اور آپ کی داہنی کروٹ زخمی ہو گئی پس آپ نے ایک نماز بیٹھ کر پڑھائی اور ہم نے آپ کے پیچھے کھڑے ہوکر پڑھی جب آپ فارغ ہوئے تو فرمایا کہ امام اس لئے بنایا جاتا ہے کہ اس کی پیروی کی جائے جب وہ کھڑا ہو کر نماز پڑھائے تو تم بھی کھڑے ہو کر پڑھو۔ جب وہ رکوع کرے تو تم بھی رکھو کرو۔ جب وہ اٹھے تو تم بھی اٹھو۔جب وہ سمیع اللہ لمن حمدہ کہے تو تم ربناولک الحمد کہو اور جب وہ بیٹھ کر پڑھے تو تم سب بھی بیٹھ کر پڑھو۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠١

اعمش سے روایت ہے کہ حضرت جابر رضی اللہ تعالی عنہ نے فرمایا مدینہ منورہ میں رسول اللہ صلی اللہ علیہ وسلم گھوڑے پر سوار ہوئے تو اس نے آپ کو ایک کھجور کی جڑ پر گرا دیا جس سے آپ کے پیر مبارک میں چوٹ لگ گئی۔ ہم آپ کی زیارت کے لئے حاضر ہوئے تو آپ کو حضرت عائشہ کے حجرے میں بیٹھے ہوئے تسبیح پڑھتے پایا۔ ہم آپ کے پیچھے کھڑے رہے اور آپ نے ہم سے کلام نہ فرمایا ہم دوبارہ عیادت کے لیے حاضر ہوئے تو آپ بیٹھے ہوئے فرض نماز ادا فرما رہے تھے ہم آپ کے پیچھے کھڑے ہو گئے تو آپ نے بیٹھنے کا اشارہ فرمایا جب آپ نماز پڑھ چکے تو فرمایا کہ جب امام بیٹھ کر نماز پڑھے تو تم بھی بیٹھ کر پڑھو اور جب امام کھڑا ہو کر نماز پڑھے تو تم بھی کھڑے ہو کر پڑھو اور ایسے نہ کرو جو ایرانی سرداروں کے لئے کرتے ہیں۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٢

ابو صالح نے حضرت ابوہریرہ رضی اللہ تعالی عنہ سے روایت کی ہے کہ رسول اللہ صلی اللہ تعالی علیہ وسلم نے فرمایا امام اسی لئے بنایا جاتا ہے کہ اس کی پیروی کی جائے۔پس جب وہ تکبیر کہے تو تم بھی تکبیر کہو اور اس سے پہلے تکبیر نہ کہا کرو اور جب وہ رکوع کرے تو تم بھی رکوع کرو اور اس سے پہلے رکوع نہ کیا کرو اور جب وہ سمیع اللہ لمن حمدہ کہے تو تم اللہم ربنا لک الحمد کہا کرو۔ مسلم نے کہا ولک الحمد اور جب وہ سجدہ کرے تو تم بھی سجدہ کرو اور اس سے پہلے سجدہ نہ کیا کرو اور جب وہ کھڑا ہو کر نماز پڑھے تو تم بھی کھڑے ہو کر پڑھو اور جب وہ بیٹھ کر پڑھے تو تم سب بھی بیٹھ کر پڑھاکرو۔ امام ابوداؤد نے فرمایا کہ اللھم ربنا لک الحمد میرے بعض ساتھیوں نے مجھے سلیمان سے روایت کرتے ہوئے سمجھایا۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٣

صالح نے حضرت ابوہریرہ رضی اللہ تعالی عنہ سے روایت کی ہے کہ نبی کریم صلی اللہ علیہ وسلم نے فرمایا امام اسی لئے بنایا جاتا ہے کہ اس کی پیروی کی جائے۔اس جز کے ساتھ یہ بھی ہے کہ جب وہ قراءت کرے تو تم خاموش رہو۔ امام ابوداؤد نے فرمایا کہ یہ اضافہ ہے اور جب وہ قرآن مجید پڑھے تو تم خاموش رہو یہ محفوظ نہیں ہے اور ہمارے نزدیک یہ ابو خالد کا وہم ہے۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٤

عروہ بن زبیر سے روایت ہے کہ حضرت عائشہ صدیقہ رضی اللہ تعالی عنہا نے فرمایا کہ رسول اللہ صلی اللہ تعالی علیہ وسلم نے میرے گھر میں بیٹھ کر نماز پڑھی تو لوگ آپ کے پیچھے کھڑے ہو کر نماز پڑھنے لگے تو آپ نے انہیں بیٹھنے کا اشارہ کیا جب فارغ ہوئے تو فرمایا کہ امام اس لئے بنایا جاتا ہے کہ اس کی پیروی کی جائے جب وہ رکوع کرے تو تم بھی رکوع کیا کرو اور جب وہ سر اٹھائے تو تم بھی سر اٹھا لیا کرو اور جب وہ بیٹھ کر نماز پڑھے تو تم بھی بیٹھ کر پڑھا کرو۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٥

ابو زبیر سے روایت ہے کہ حضرت جابر رضی اللہ تعالی عنہ نے فرمایا کہ نبی کریم صلی اللہ علیہ وسلم بیمار تھے، پس ہم نے آپ کے پیچھے نماز پڑھی اور آپ بیٹھے ہوئے تھے اور حضرت ابوبکر رضی اللہ تعالی عنہ تکبیر کہتے تاکہ لوگوں کو آپ کی تکبیر سنا دی جائےپھر باقی حدیث بیان کی۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٦

محمد بن صالح نے حضرت سعد بن معاذ کے صاحبزادے حصین سے روایت کی ہیں کہ حضرت اسید بن حضیر رضی اللہ تعالی عنہ امامت کیا کرتے تھے رسول اللہ صلی اللہ علیہ وسلم ان کی قیادت کے لیے تشریف لائے تو لوگ عرض گزار ہوئے کہ یارسول اللہ !ہمارے امام صاحب بیمار ہیں فرمایا کہ جب وہ بیٹھ کر پڑھیں تو تم بھی بیٹھ کر پڑھا کرو۔ امام ابوداؤد نے فرمایاکہ یہ حدیث متصل نہیں ہے۔ ابوداؤد شریف،کتاب الصلاۃ،بَابُ الْإِمَامِ يُصَلِّي مِنْ قُعُودٍ،حدیث نمبر٦٠٧

حضرت انس رضی اللہ تعالی عنہ سے روایت ہے کہ رسول اللہ صلی اللہ علیہ وسلم حضرت ام حرام کے پاس تشریف لے گئے تو انہوں نے گھی اور کھجوریں پیش کی فرمایا کہ اسے اس کے برتن میں ڈال دو اور اسے اس کے مشکیزے میں کیوں کہ میں روزہ دار ہوں۔ پھر آپ کھڑے ہوئے اور ہمارے ساتھ نفل نماز دو رکعت پڑھیں تو حضرت ام سلیم اور حضرت ام حرام ہمارے پیچھے کھڑی ہوئیں ثابت نے کہا کہ میرے علم کے مطابق حضرت انس نے فرمایا کہ مجھے آپ نے اپنے دائیں جانب پر کھڑا کیا۔ ابوداؤد شریف،کتاب الصلاۃ،بَابُ الرَّجُلَيْنِ يَؤُمُّ أَحَدُهُمَا صَاحِبَهُ كَيْفَ يَقُومَانِ،حدیث نمبر٦٠٨

موسی بن انس سے روایت ہے کہ حضرت انس رضی اللہ تعالی عنہ نے فرمایا کہ رسول اللہ صلی اللہ تعالی علیہ وسلم نے امامت کی تو ایک عورت کو ان کے دائیں جانب اور ایک کو ان کے پیچھے کھڑا کر لیا۔ ابوداؤد شریف،کتاب الصلاۃ،بَابُ الرَّجُلَيْنِ يَؤُمُّ أَحَدُهُمَا صَاحِبَهُ كَيْفَ يَقُومَانِ،حدیث نمبر٦٠٩

عطا سے روایت ہے کہ حضرت ابن عباس رضی اللہ تعالی عنہما نے فرمایا کہ میں نے اپنی خالہ حضرت میمونہ کے گھر میں رات گزاری تو رات میں رسول اللہ صلی اللہ تعالی علیہ وسلم کھڑے ہوئے اور مشکیزے کا منہ کھول کر وضو کیا پھر اس کا منہ بند کر دیا پھر آپ نماز کے لئے کھڑے ہوگئے چنانچہ میں بھی کھڑا ہوا آپ کی طرح وضو کیا پھر آکر آپ کے بائیں جانب کھڑا ہو گیا آپ نے مجھے بائیں جانب سے پکڑا اور اپنے پیچھے سے نکال کر اپنی دائیں طرف کھڑا کر لیا پس میں نے آپ کے ساتھ نماز پڑھی۔ ابوداؤد شریف،کتاب الصلاۃ،بَابُ الرَّجُلَيْنِ يَؤُمُّ أَحَدُهُمَا صَاحِبَهُ كَيْفَ يَقُومَانِ،حدیث نمبر٦١٠

سعید بن جبیر نے حضرت ابن عباس رضی اللہ تعالی عنہما سے اس واقعے کو روایت کرتے ہوئے کہا کہ مجھے میرے سر یا میری زلفوں سے پکڑا اور اپنی دائیں جانب کھڑاکرلیا۔ ابوداؤد شریف،کتاب الصلاۃ،بَابُ الرَّجُلَيْنِ يَؤُمُّ أَحَدُهُمَا صَاحِبَهُ كَيْفَ يَقُومَانِ،حدیث نمبر٦١١

عبداللہ بن ابو طلحہ سے روایت ہے کہ حضرت انس بن مالک رضی اللہ تعالی عنہ نے فرمایا کہ ان کی دادی جان حضرت مُلیکہ نے رسول اللہ صلی اللہ تعالی علیہ وسلم کو کھانے کے لیے بلایا جو انہوں نے تیار کیا تھا پس آپ نے اس میں سے کھایا پھر نماز پڑھی اور فرمایا کہ کھڑے ہو جاؤ تاکہ میں تمہیں نماز پڑھاؤں۔ حضرت انس کا بیان ہے کہ میں اپنے ایک بوریے کی طرف اٹھا جو کثرت استعمال سے سیاہ ہو گیا تھا میں نے اسے پانی سے دھو دیا تو رسول اللہ صلی اللہ تعالی علیہ وسلم اس پر کھڑے ہو گئے تو میں نے اور ایک یتیم نے آپ کے پیچھے صف بنا لیں اور بوڑھی اماں ہمارے پیچھے تھی آپ ہمیں دو رکعتیں پڑھ کر فارغ ہوگئے۔ ابوداؤد شریف،کتاب الصلاۃ،بَابُ إِذَا كَانُوا ثَلَاثَةً كَيْفَ يَقُومُونَ،حدیث نمبر٦١٢

عبدالرحمن بن اسود نے اپنے والد ماجد سے روایت کی ہے کہ علقمہ اور اسود نے حضرت عبداللہ بن مسعود رضی اللہ تعالی عنہ سے اندر آنے کی اجازت مانگی۔ ہم ان کے دروازے پر کافی دیر بیٹھے رہے تو ایک لونڈی نکلی اس نے دونوں کے لیے اجازت طلب کی تو انہیں اجازت مل گئی پھر وہ کھڑے ہوئے اور میرے اور ان کے درمیان نماز پڑھی پھر فرمایا کہ میں نے رسول اللہ صلی اللہ تعالی علیہ وسلم کو ایسا ہی کرتے ہوئے دیکھا ہے۔ ابوداؤد شریف،کتاب الصلاۃ،بَابُ إِذَا كَانُوا ثَلَاثَةً كَيْفَ يَقُومُونَ،حدیث نمبر٦١٣

جابربن یزید بن اسود سے حضرت یزید بن اسود رضی اللہ تعالی عنہ نے فرمایا کہ میں نے رسول اللہ صلی اللہ تعالی علیہ وسلم کے پیچھے نماز پڑھی جب آپ فارغ ہوئے تو قبلہ کی جانب سے پھر گئے۔ ابوداؤد شریف،کتاب الصلاۃ،بَابُ الْإِمَامِ يَنْحَرِفُ بَعْدَ التَّسْلِيمِ،حدیث نمبر٦١٤

عبید بن براء سے حضرات براء بن عازب رضی اللہ تعالی عنہ نے فرمایا کہ ہم جب رسول اللہ صلی اللہ تعالی علیہ وسلم کے پیچھے نماز پڑھتے تو ہم آپ کے دائیں جانب ہونا پسند کرتے تا کہ نبی کریم صلی اللہ تعالی علیہ وسلم کا پرنور چہرہ ہماری جانب ہوں۔( قربان جاؤں صحابہ کرام کے اس جزبہ پرکہ حبیب پروردگار کے شربت دیدار کی کے ہمہ وقت شائق رہتے تھے۔) ابوداؤد شریف،کتاب الصلاۃ،بَابُ الْإِمَامِ يَنْحَرِفُ بَعْدَ التَّسْلِيمِ،حدیث نمبر٦١٥

عطاء خراسانی نےحضرت مغیرہ بن شعبہ رضی اللہ تعالی عنہ سے روایت کی کہ رسول اللہ صلی اللہ تعالی علیہ وسلم نے فرمایا امام نے جس جگہ نماز پڑھائی ہے وہاں اور نماز نہ پڑھے بلکہ ہٹ جائے۔ امام ابوداؤد نے فرمایا کہ عطاء خراسانی سے حضرت مغیرہ بن شعبہ رضی اللہ تعالی عنہ کو نہیں پایا۔ (یعنی ان سے ملاقات ثابت نہیں) ابوداؤد شریف،کتاب الصلاۃ،بَابُ الْإِمَامِ يَتَطَوَّعُ فِي مَكَانِهِ،حدیث نمبر٦١٦

حضرت عبداللہ بن عمرو بن العاص رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے فرمایا:جب امام نماز پوری کر کے قعدہ میں بیٹھا ہو اور کلام کرنے سے پہلے اس کا وضو ٹوٹ جائے تو اس کی نماز پوری ہوگئی اور جن مقتدیوں نے اس کی پیچھے ساری نماز پڑھی ہے ان کی نماز بھی پوری ہوگئی۔ ابوداؤد شریف،کتاب الصلاۃ،بَابُ الْإِمَامِ يُحْدِثُ بَعْدَ مَا يَرْفَعُ رَأْسَهُ مِنْ آخِرِ الرَّكْعَةِ،حدیث نمبر٦١٧

محمد بن حنفیہ نے حضرت علی رضی اللہ تعالی عنہ سے روایت کی ہے کہ رسول اللہ صلی اللہ تعالی علیہ وسلم نے فرمایا نماز کی کنجی طہارت ہے تکبیر (ابتدائی تکبیر)اس کی تحریم اور سلام کرنا (آخر میں دونوں جانب) اس کی تحلیل ہے۔ ابوداؤد شریف،کتاب الصلاۃ،بَابُ الْإِمَامِ يُحْدِثُ بَعْدَ مَا يَرْفَعُ رَأْسَهُ مِنْ آخِرِ الرَّكْعَةِ،حدیث نمبر٦١٨

حضرت معاویہ بن ابوسفیان تعالی عنہما سے روایت کی کہ رسول اللہ صلی اللّٰہ علیہ وسلم نے فرمایا کہ رکوع اور سجدہ کرنے میں مجھ سے آگے نہ نکل جایا کرو کیوں کہ اگر میں رکوع میں پہلے چلا جاؤں تو تم مجھے پالوگے اور اسی طرح جب سر اٹھاؤں کیوں کہ میرا جسم اب بھاری ہو گیا ہے۔ ابوداؤد شریف،کتاب الصلاۃ،بَابُ مَا يُؤْمَرُ بِهِ الْمَأْمُومُ مِنَ اتِّبَاعِ الْإِمَامِ،حدیث نمبر٦١٩

عبداللہ بن یزید حطمی نے خطبہ دیتے ہوئے حضرت براءرضی اللہ تعالی عنہ سے روایت کی جو جھوٹے نہ تھے کہ رسول اللہ صلی اللہ تعالی علیہ وسلم کے ساتھ لوگ جب رکوع سے سر اٹھاتے تو سیدھے کھڑے رہتے جب دیکھتے کہ حضور سجدے میں چلے گئے ہیں تب سجدے میں جاتے۔ ابوداؤد شریف،کتاب الصلاۃ،بَابُ مَا يُؤْمَرُ بِهِ الْمَأْمُومُ مِنَ اتِّبَاعِ الْإِمَامِ،حدیث نمبر٦٢٠

عبد الرحمن بن ابو لیلی سے حضرت براء بن عازب رضی اللہ تعالی عنہ نے فرمایا کہ جب ہم نبی کریم صلی اللہ تعالی علیہ وسلم کے ساتھ نماز پڑھتے تو ہم میں سے اس وقت تک کوئی اپنی پیٹھ کو نہ جھکا تا جب تک نبی کریم صلی اللہ تعالی علیہ وسلم کو رکوع میں نہ دیکھ لیا کرتا۔ ابوداؤد شریف،کتاب الصلاۃ،بَابُ مَا يُؤْمَرُ بِهِ الْمَأْمُومُ مِنَ اتِّبَاعِ الْإِمَامِ،حدیث نمبر٦٢١

محارب بن دثار سے روایت ہے کہ میں نے حضرت عبداللہ بن یزید کو منبر پر فرماتے ہوئے سنا کہ مجھ سے حضرت براء بن عازب رضی اللہ تعالی عنہ نے حدیث بیان کی کہ جب وہ رسول اللہ صلی اللہ علیہ وسلم کے ساتھ نماز پڑھتے تو حضور رکوع میں چلے جاتے تو وہ جاتے اور جب سمیع اللہ لمن حمدہ کہہ لیا جاتا تو برابر کھڑے رہتے یہاں تک کہ آپ کی مبارک پیشانی کو زمین پر دیکھ لیتے پھر نبی کریم صلی اللہ تعالی علیہ وسلم کی پیروی میں سجدہ کرتے۔ ابوداؤد شریف،کتاب الصلاۃ،بَابُ مَا يُؤْمَرُ بِهِ الْمَأْمُومُ مِنَ اتِّبَاعِ الْإِمَامِ،حدیث نمبر٦٢٢

محمد بن زیاد نے حضرت ابوہریرہ رضی اللہ تعالی عنہ سے روایت کی کہ رسول اللہ صلی اللہ تعالی علیہ وسلم نے فرمایا کیا تم میں سے کوئی اس بات سے نہیں ڈرتا جب کہ وہ سجدےسےاپنا سر اٹھا لیتا ہے حالانکہ امام سجدے میں ہوتا ہے کہ اس کا سر گدھے جیسا ہو جائے یا وہ گدھے کی صورت میں تبدیل ہو جائے۔ ابوداؤد شریف،کتاب الصلاۃ،بَابُ التَّشْدِيدِ فِيمَنْ يَرْفَعُ قَبْلَ الْإِمَامِ أَوْ يَضَعُ قَبْلَهُ،حدیث نمبر٦٢٣

مختار بن فلفل نے حضرت انس رضی اللہ تعالی عنہ سے روایت کی کہ نبی کریم صلی اللہ علیہ وسلم نے انہیں نماز کی ترغیب دی اور لوگوں کے نماز سے فارغ ہونے سے پہلے واپس لوٹنے سے منع فرمایا۔ ابوداؤد شریف،کتاب الصلاۃ،بَابٌ فِيمَنْ يَنْصَرِفُ قَبْلَ الْإِمَامِ،حدیث نمبر٦٢٤

سعید بن مسیب نے حضرت ابوہریرہ رضی اللہ تعالی عنہ سے روایت کی ہے کہ رسول اللہ اللہ صلی اللہ تعالی علیہ وسلم سے ایک کپڑے کے ساتھ نماز پڑھنے کے متعلق پوچھا گیا تو نبی کریم صلی اللہ تعالی علیہ وسلم نے فرمایا کیا تم میں ہر ایک کے پاس دو کپڑے ہیں۔ ابوداؤد شریف،کتاب الصلاۃ،بَابُ جُمَّاعِ أَثْوَابِ مَا يُصَلَّى فِيهِ،حدیث نمبر٦٢٥

اعرج نے حضرت ابوہریرہ رضی اللہ تعالی عنہ سے روایت کی ہے کہ رسول اللہ صلی اللہ تعالی علیہ وسلم نے فرمایا تم میں سے کوئی ایک کپڑے کے ساتھ اس طرح نماز نہ پڑھے کہ اس میں سے اس کے کندھوں پر کچھ نہ ہو۔ ابوداؤد شریف،کتاب الصلاۃ،بَابُ جُمَّاعِ أَثْوَابِ مَا يُصَلَّى فِيهِ،حدیث نمبر٦٢٦

حضرت ابوہریرہ رضی اللہ تعالی عنہ سے مروی ہے کہ رسول اللہ صلی اللہ تعالی علیہ وسلم نے فرمایا جب تم میں سے کوئی ایک کپڑے کے ساتھ نماز پڑھے تو اس کے دونوں کنارے ان کی مخالفت کندھوں پر ڈال لیا کرے۔ ابوداؤد شریف،کتاب الصلاۃ،بَابُ جُمَّاعِ أَثْوَابِ مَا يُصَلَّى فِيهِ،حدیث نمبر٦٢٧

ابو امامہ بن سہل سے روایت ہے کہ حضرت عمر بن ابو سلمہ رضی اللہ تعالی عنہ نے فرمایا کہ میں نے رسول اللہ صلی اللہ تعالی علیہ وسلم کو ایک کپڑا لپیٹ کر نماز پڑھتے ہوئے دیکھا کہ اس کے دونوں کنارے ان کے مخالف کندھوں پر ڈالے۔ (یعنی کپڑا لپیٹ کر جسم چھپا لینا چاہیے) ابوداؤد شریف،کتاب الصلاۃ،بَابُ جُمَّاعِ أَثْوَابِ مَا يُصَلَّى فِيهِ،حدیث نمبر٦٢٨

قیس بن طلق سے روایت ہے کہ ان کے والد ماجد حضرت طلق بن علی رضی اللہ تعالی عنہ نے فرمایا کہ ہم نبی کریم صلی اللہ علیہ وسلم کی خدمت میں حاضر ہوئے تو ایک آدمی آکر عرض گزار ہوا کہ یا نبی اللہ! ایک کپڑے میں نماز پڑھنے کے متعلق کیا ارشاد ہے?پس رسول اللہ صلی اللہ تعالی علیہ وسلم نے اپنے تہبند اور چادر کو ایک دوسرے پر منطبق کر کے دونوں کو اپنے اوپر لپیٹ لیا پھر نبی کریم صلی اللہ علیہ وسلم ہمیں نماز پڑھانے کے لیے کھڑے ہوگئے۔ جب آپ نماز سے فارغ ہوئے تو فرمایاکہ کیا تم میں سے ہر ایک کو دو کپڑے میسر ہیں۔ ابوداؤد شریف،کتاب الصلاۃ،بَابُ جُمَّاعِ أَثْوَابِ مَا يُصَلَّى فِيهِ،حدیث نمبر٦٢٩