Muslim Shareef

امام مسلم رحمۃ اللہ علیہ فرماتے ہیں (اے میرے شاگرد ابو إسحاق)ہم تمہاری خواہش کے مطابق رسول اللہ صلی اللہ علیہ وسلم کی احادیث جمع کریں گے؛ رہے وہ لوگ جو تمام علماء حدیث یا اکثر کے نزدیک مطعون ہیں جیسے عبد اللہ بن مسور :ابو جعفر مدائنی؛ عمروبن خالد؛ عبد القدوس شامی؛ محمد بن سعید مصلوب؛ غیاث بن ابراہیم؛ سلیمان بن عمر و ابی داؤد نخعی اور ان جیسے دوسرے لوگ جن پر موضوع (من گھڑت) حدیث بیان کرنے کی تہمت ہے اور وہ از خود احادیث وضع کرنے اور بنانے میں بدنام ہیں؛ اسی طرح وہ لوگ بھی جن کی غالب روایات منکر ہوتی ہیں یا جن کی روایات میں بہ کثرت اغلاط ہیں تو ایسے لوگوں کی روایات کو ہم اپنی کتاب میں نہیں کریں گے؛ محدثین کی اصطلاح میں منکر اس شخص کی حدیث کو کہتے ہیں جو ثقہ اور معتبر راویوں کی حدیث کے مخالف ہو اور ان مختلف حدیثوں میں کسی طرح موافقت اور مطابقت نہ ہو سکے پس جس شخص کی اکثر روایات اس قسم کی ہوں تو اس کی روایات کردہ احادیث کو ترک کر دیا جاتا ہے اور محدثین کے نزدیک وہ قابل قبول نہیں ہوتیں اور نہ وہ قابل عمل ہوتی ہیں؛ محدثین کے نزدیک ان لوگوں میں عبد اللہ بن محرر؛ یحییٰ بن ابی انیسہ؛ جراح بن منہال؛ ابوالعطوف؛ عباد بن کثیر؛ حسین بن عبد اللہ بن ضمیرۃ؛ عمر بن صہبان؛ کا شمار ہوتا ہے؛ اسی طرح وہ راوی جو ان کے(یعنی منکرین کے) اسلوب کے مطابق روایت کرتے ہیں ان کی روایات کو بھی اپنی کتاب میں جمع نہیں کریں گے؛ احادیث جمع کرنے میں ہم نے اس مسلک کو اس لئے اختیار کیا ہے کہ جو راوی اپنی روایت میں متفرد ہو اس کے بارے میں علماء حدیث کا موقف یہ ہیکہ اس شخص کی بعض احادیث کو دوسرے ثقہ اور حفاظ راویوں نے بھی روایت کیا ہو انہوں نے کسی حدیث میں اس کی موافقت کی ہو اس شرط کے پائے جانے کے بعد اگر وہ متفرد روای اپنی حدیث میں بعض الفاظ کو زیادہ روایت کرتا ہے جن کو اس کے دوسرے معاصرین روایت نہیں کرتے تو اس کی اس زیادتی کو قبول کیا جائے گا؛ اس کی مثال یہ ہے کہ مثلاً امام زہری سے روایت کرنے والے کثیر التعداد حفاظ ہیں اسی طرح ہشام بن عروہ سے روایت کرنے والوں کی بھی ایک بہت بڑی تعداد ہے؛ ان دونوں اماموں کی احادیث بہت مشہور ہیں اور ان کے شاگردوں نے ان کی اکثر روایات کو بالاتفاق روایت کیا ہے؛ اب اگر کوئی شخص ابن شہاب زہری اور ہشام بن عروہ دونوں یا ان میں سے کسی ایک سے کوئی ایسی حدیث روایت کرے جس کو ان کے شاگردوں میں سے کوئی اور شخص بیان نہیں کرتا اور یہ شخص ان راویوں میں سے بھی نہیں ہے جو صحیح روایات میں ان کے شاگردوں کا شریک رہا ہو تو ایسی صورت میں اس شخص کی روایات کو قبول کرنا جائز نہیں (واللہ اعلم)

ربعی بن حراش کہتے ہیں کہ حضرت علی رضی اللہ عنہ نے دوران خطبہ فرمایا کہ حضور نبی اکرم صلی اللہ علیہ وسلم نے ارشاد فرمایا میری طرف جھوٹ منسوب نہ کرو کیونکہ جو شخص میری طرف جھوٹ منسوب کرے گا وہ جہنم میں داخل ہوگا (مسلم شریف کتاب المقدمہ :بَابُ فِي التَّحْذِيرِ مِنَ الْكَذِبِ عَلَى رَسُولِ اللہ صلی اللہ علیہ وسلم :یعنی حدیث گھڑنے کی ممانعت :حدیث نمبر ١:جلد ١:ص٩:

حضرت انس بن مالک رضی اللہ عنہ بیان کرتے ہیں کہ مجھے تم سے بہ کثرت احادیث بیان کرنے سے صرف یہ چیز روکتی ہے کہ حضور نبی کریم صلی اللہ علیہ وسلم نے ارشاد فرمایا ہے کہ (جو شخص قصداً"جان بوجھ کر" میری طرف جھوٹی بات کی نسبت کرے گا اس کو اپنا ٹھکانہ جہنم میں بنا لینا چاہیے (مسلم شریف کتاب المقدمہ :بَابُ فِي التَّحْذِيرِ مِنَ الْكَذِبِ عَلَى رَسُولِ اللہ صلی اللہ علیہ وسلم :یعنی حدیث گھڑنے کی ممانعت کا بیان :حدیث نمبر ٢:جلد ١:ص ١٠:

حضرت ابوہریرہ رضی اللہ تعالیٰ عنہ بیان کرتے ہیں کہ نبی کریم صلی اللہ علیہ وسلم نے ارشاد فرمایا جو شخص عمدہ "جان بوجھ کر" میری طرف جھوٹی بات کی نسبت کرے گا اسے اپنا ٹھکانہ دوزخ میں بنا لینا چاہیے (مسلم شریف کتاب المقدمہ :بَابُ فِي التَّحْذِيرِ مِنَ الْكَذِبِ عَلَى رَسُولِ اللہ صلی اللہ علیہ وَسَلَّمَ:یعنی حدیث گھڑنے کی ممانعت کا بیان :حدیث نمبر ٣:جلد ١ :ص ١٠

حضرت مغیرہ بن شعبہ رضی اللہ عنہ بیان کرتے ہیں کہ نبی کریم صلی اللہ علیہ وسلم نے ارشاد فرمایا کہ میری طرف جھوٹی بات کی نسبت کرنا کوئی معمولی بات نہیں ہے جو شخص مجھ پر قصداً :جان بوجھ کر :افترا کرتا ہے اسے اپنا ٹھکانہ جہنم میں بنا لینا چاہیے اور مغیرہ بن شعبہ رضی اللہ عنہ سے اسی کی مثل روایت ہے اس میں یہ مذکور نہیں ہے کہ مجھ پر جھوٹ باندھنا کسی اور پر جھوٹ باندھنے کی مثل نہیں ہے سو جس نے مجھ پر عمداً جھوٹ باندھا وہ اپنا ٹھکانہ دوزخ میں بنا لے ) مسلم شریف کتاب المقدمہ :باب بَابُ فِي التَّحْذِيرِ مِنَ الْكَذِبِ عَلَى رَسُولِ اللہ صلی اللہ علیہ وَسَلَّمَ:جلد ١:ص ١٠:حدیث نمبر ٤:

حضرت ابوہریرہ رضی اللہ تعالیٰ عنہ بیان کرتے ہیں کہ نبی کریم صلی اللہ علیہ وسلم نے ارشاد فرمایا :کسی شخص کے جھوٹے ہونے کے لیے یہ بات کافی ہے کہ وہ ہر سنی ہوئی بات کو بیان کردے ) مسلم شریف کتاب المقدمہ بَابُ النَّهْيِ عَنِ الْحَدِيثِ بِكُلِّ مَا سَمِعَ:جلد ١:ص ١٠:حدیث نمبر ٥:

امام مسلم رحمۃ اللہ علیہ نے ایک دوسری سند کے ساتھ حضرت ابوہریرہ رضی اللہ تعالیٰ عنہ سے اسی روایت(جو ماقبل میں حدیث نمبر ٥ کے تحت گزری)کے ہم معنی حدیث بیان کی ہے ) مسلم شریف کتاب المقدمہ بَابُ النَّهْيِ عَنِ الْحَدِيثِ بِكُلِّ مَا سَمِعَ:جلد ١ :ص ١٠ :حدیث نمبر ٦:

حضرت عمر بن خطاب رضی اللہ عنہ بیان کرتے ہیں کہ کسی شخص کے جھوٹے ہونے کے لیے اتنی بات کافی ہے کہ وہ ہر سنی ہوئی بات بیان کر دے ) مسلم شریف کتاب المقدمہ : بَابُ النَّهْيِ عَنِ الْحَدِيثِ بِكُلِّ مَا سَمِعَ:حدیث نمبر ٧:جلد ١ :ص ١١:

حضرت عبد اللہ بن مسعود رضی اللہ عنہ بیان کرتے ہیں کہ کسی شخص کے جھوٹے ہونے کے لیے یہ کافی ہے کہ وہ ہر سنی ہوئی بات بیان کر دے ) مسلم شریف کتاب المقدمہ :بَابُ النَّهْيِ عَنِ الْحَدِيثِ بِكُلِّ مَا سَمِعَ:حدیث نمبر ٩:جلد ١ :ص ١١:

حضرت عبد الرحمن بن مہدی نے بیان فرمایا کہ جب تک انسان سنی سنائی باتوں سے اپنی زبان کو نہیں روکے گا وہ لائق اقتداء امام نہیں ہوگا ) مسلم شریف کتاب المقدمہ :بَابُ النَّهْيِ عَنِ الْحَدِيثِ بِكُلِّ مَا سَمِعَ:حدیث نمبر ١٠:جلد ١ :ص ١١:

سفیان بن حسین بیان کرتے ہیں کہ مجھ سے ایاس بن معاویہ نے کہا کہ میرا خیال ہے کہ تم علم قرآن کے ماہر ہو میرے سامنے قرآن کریم کی کسی سورت کی تفسیر بیان کرو تاکہ مجھے تمہارے علم کا اندازہ ہو؛ سفیان نے کہا میں نے ان کے حکم کی تعمیل کی؛ ایاس بن معاویہ نے کہا کہ میری اس نصیحت کو یاد رکھو ناکہ قابل اعتبار احادیث بیان نہ کرنا کیونکہ ایسا کرنے والا شخص خود بھی اپنی نظروں میں حقیر ہوتا اور دوسرے لوگ بھی اس کو جھوٹا سمجھتے ہیں ) مسلم شریف کتاب المقدمہ :بَابُ النَّهْيِ عَنِ الْحَدِيثِ بِكُلِّ مَا سَمِعَ:حدیث نمبر ١١:جلد ١:ص ١١:

حضرت عبد اللہ بن مسعود رضی اللہ عنہ نے فرمایا اگر تم لوگوں کے سامنے ایسی احادیث بیان کروگے جس کا مطلب وہ نہ سمجھ سکیں تو یہ چیز ان میں سے بعض لوگوں کے لیے فتنہ کا سبب بن جائے گی ) مسلم شریف کتاب المقدمہ :بَابُ النَّهْيِ عَنِ الْحَدِيثِ بِكُلِّ مَا سَمِعَ:حدیث نمبر ١٢:جلد ١ :ص ١١:

حضرت ابوہریرہ رضی اللہ تعالیٰ عنہ بیان کرتے ہیں کہ نبی کریم صلی اللہ علیہ وسلم نے ارشاد فرمایا میری امت کے آخری زمانہ میں لوگ ایسی احادیث بیان کریں گے جن کو پہلے نہ تم نے سنا ہوگا اور نہ تمہارے باپ دادا نے لہذا ان سے جس قدر ممکن ہو دور رہنا (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان :حدیث نمبر ١٣:جلد ١ :ص ١٣:(

حضرت ابوہریرہ رضی اللہ تعالیٰ عنہ بیان کرتے ہیں کہ نبی کریم صلی اللہ علیہ وسلم نے ارشاد فرمایا آخری زمانہ میں جھوٹے دجال لوگوں کا ظہور ہوگا اور وہ تم کو ایسی احادیث سنائیں گے جن کو نہ تم نے سنا ہوگا نہ تمہارے باپ دادا نے :جس قدر ممکن ہو تم ان سے دور رہنا کہیں وہ تمہیں گمراہی اور فتنہ میں نہ مبتلا کر دیں (مسلم شریف کتاب المقدمہ :بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان :حدیث نمبر ١٤:جلد ١ :ص ١٣

حضرت عبد اللہ بن مسعود رضی اللہ عنہ بیان کرتے ہیں کہ شیطان انسانی شکل میں آکر لوگوں کے سامنے کوئی جھوٹی بات کہہ دیتا ہے پھر لوگ منتشر ہو جاتے ہیں اور کوئی شخص کہتا ہے میں ایک شخص کی شکل پہچانتا ہوں لیکن اس کا نام نہیں جانتا وہ یہ بیان کر رہا تھا (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ١٥:جلد ١ :ص ١٢:

حضرت عبد اللہ بن عمرو بن عاص رضی اللہ تعالیٰ عنہما بیان کرتے ہیں کہ سمندر میں بہت سے شیطان قید ہیں جن کو حضرت سلیمان علیہ السلام نے قید کیا ہے قریب ہے کہ ان میں سے کوئی شیطان نکل کر لوگوں کے سامنے قرآن پڑھنا شروع کردے (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ١٦:جلد ١ :ص ١٢؛

طاؤس بیان کرتے ہیں کہ بشیر بن کعب؛ حضرت عبد اللہ بن عباس رضی اللہ عنہما کے پاس گئے اور جاکر کچھ حدیثیں بیان کیں حضرت ابن عباس رضی اللہ تعالیٰ عنہما نے فرمایا :فلاں فلاں حدیث کو پھر سے دہراؤ:بشیر نے وہ حدیثیں دہرا کر پھر کچھ اور حدیثیں بیان کیں :حضرت ابن عباس رضی اللہ تعالیٰ عنہما نے فرمایا فلاں فلاں حدیث کو پھر بیان کرو؛ بشیر نے وہ حدیثیں پھر دوبارہ بیان کیں اس کے بعد بشیر نے عرض کیا میں نہیں سمجھ سکا کہ آپ نے میری بیان کردہ تمام احادیث کی تصدیق کی ہے یا سب کی تکذیب کی ہے یا ان میں سے صرف ان کی تکذیب کی ہے جن کو آپ نے دہرانے کو کہا ہے؟:حضرت ابن عباس رضی اللہ تعالیٰ عنہما نے ارشاد فرمایا ہم اس زمانے میں حضور اکرم صلی اللہ علیہ وسلم کی احادیث بیان کیا کرتے تھے جب نبی کریم صلی اللہ علیہ وسلم کی طرف جھوٹی بات کی نسبت نہیں کی جاتی تھی لیکن جب سے لوگوں نے سچی اور جھوٹی ہر قسم کی احادیث روایت کرنا شروع کیں تو ہم نے حضور صلی اللہ علیہ وسلم کی احادیث کو بیان کرنا چھوڑ دیا (مسلم شریف کتاب المقدمہ :بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ١٧:جلد ١ :ص ١٢:

حضرت عبد اللہ بن عباس رضی اللہ تعالیٰ عنہما بیان کرتے ہیں کہ ہم خود احادیث یاد رکھتے تھے اور نبی کریم صلی اللہ علیہ وسلم کی احادیث یاد کی جاتی تھیں لیکن جب سے لوگ نے ہر قسم کی روایات بیان کرنا شروع کر دیں تو ہم نے اس فن کو چھوڑ دیا (مسلم شریف کتاب المقدمہ: بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ١٨:جلد ١ :ص ١٣:

حضرت مجاہد بیان کرتے ہیں کہ بشیر بن کعب عدوی حضرت ابن عباس رضی اللہ تعالیٰ عنہما کے پاس آکر حدیث بیان کرنے لگے اور کہا کہ رسول اللہ صلی اللہ علیہ وسلم نے ارشاد فرمایا ہے.... :لیکن حضرت عبد اللہ بن عباس رضی اللہ تعالیٰ عنہما نے نہ تو ان کی بیان کردہ احادیث غور سے سنی اور نہ ان کی طرف نظر اٹھا کر دیکھا :بشیر کہنے لگے اے ابن عباس رضی اللہ تعالیٰ عنہما میں آپ کے سامنے حضرت نبی کریم صلی اللہ علیہ وسلم کی احادیث بیان کر رہا ہوں اور آپ توجہ بھی نہیں کرتے؛ حضرت ابن عباس رضی اللہ تعالیٰ عنہما نے فرمایا :ایک وقت وہ تھا کہ جب کوئی شخص یہ کہتا کہ حضور نبی اکرم صلی اللہ علیہ وسلم نے ارشاد فرمایا؛.... تو بے ساختہ ہماری نگاہیں اس کی طرف اٹھتیں اور ہم غور سے اس کی حدیث سنتے لیکن جب سے لوگوں نے ضعیف اور مجروح ہر قسم کی روایات بیان کرنی شروع کردیں تو ہم صرف ان احادیث کو سنتے ہیں جن کا ہمیں پہلے سے علم ہے (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ١٩:جلد ١ :ص ١٣:

ابن ابی ملیکہ بیان کرتے ہیں کہ میں نے حضرت ابن عباس رضی اللہ تعالیٰ عنہما کی طرف لکھا کہ میرے پاس کچھ احادیث لکھوا کر پوشیدہ طریقے سے بھجوا دیجئے؛ حضرت ابن عباس رضی اللہ تعالیٰ عنہما نے سوچا کہ یہ شخص نیک فطرت ہے میں احادیث کے لکھے ہوئے ذخیرہ میں سے صحیح احادیث منتخب کر کے اس کو روانہ کر دونگا اس کے بعد حضرت ابن عباس رضی اللہ عنہما نے حضرت مولا علی رضی اللہ عنہ کے لکھے ہوئے فیصلے منگوائے اور ان میں سے بعض آثار لکھنے شروع کئے اور ان آثار کا مطالعہ کرتے ہوئے حضرت ابن عباس رضی اللہ تعالیٰ عنہما فرماتے ہیں قسم اللہ کی اگر حضرت علی رضی اللہ عنہ نے یہ فیصلہ کیا ہوتا تو وہ گمراہ ہو جاتے (یعنی لوگوں نے حضرت مولا علی رضی اللہ عنہ کے آثار میں بھی اپنی طرف سے باتیں ملا دی تھیں____یہ وضاحت علامہ غلام رسول سعیدی صاحب علیہ الرحمہ نے کی ہے) (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ٢٠:جلد ١ :ص ١٣:

طاؤس بیان کرتے ہیں کہ حضرت ابن عباس رضی اللہ تعالیٰ عنہما کے پاس ایک کتاب لائی گئی جس میں حضرت مولا علی رضی اللہ عنہ کے فتاویٰ تھے :حضرت ابن عباس رضی اللہ تعالیٰ عنہما نے چند سطروں سوا سب کو مٹا دیا :راوی نے اپنے ہاتھ کی انگلیوں سے اشارہ کرکے بتایا (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ٢١:جلد ١ :ص ١٣:

حضرت ابو اسحاق بیان کرتے ہیں کہ حضرت علی رضی اللہ عنہ کے وصال کے بعد جب بعض لوگوں نے آپ رضی اللہ عنہ کے اقوال میں اپنی طرف سے نئی نئی باتیں ملادیں تو حضرت علی رضی اللہ عنہ کے ایک ساتھی نے کہا اللہ تعالیٰ ان لوگوں کو غارت کرے؛ انہوں نے کس قدر عظیم علم کو ضائع کردیا (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ٢٢:جلد ١ :ص ١٣:

حضرت مغیرہ بیان کرتے ہیں کہ حضرت مولا علی رضی اللہ عنہ کے اقوال کو حضرت عبد اللہ بن مسعود رضی اللہ عنہ کے ساتھیوں کے علاوہ اور کسی شخص نے صحیح طور پر بیان نہیں کیا (مسلم شریف کتاب المقدمہ:بَابٌ فِي الضُّعَفَاءِ وَالْكَذَّابِينَ وَمَنْ يُرْغَبُ عَنْ حَدِيثِهِمْ:یعنی ضعیف راویوں سے روایت کرنے کی ممانعت کا بیان:حدیث نمبر ٢٣:جلد ١ :ص ١٣:

حضرت محمد بن سیرین نے کہا کہ علم علم حدیث دین کا حصہ ہے لہذا تم کو دیکھنا چاہیے کہ تم کس شخص سے اپنا دین حاصل کر رہے ہو (مسلم شریف کتاب المقدمہ حدیث نمبر ٢٤:جلد ١ :ص ١٤:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ عیب نہیں جیسے حرام قرار دیا جائے)

حضرت محمد بن سیرین بیان کرتے ہیں کہ پہلے لوگ سند حدیث کی تحقیق نہیں کرتے تھے لیکن جب فتنہ پیدا ہوئے تو لوگ سند حدیث کی تحقیق کرنے لگے اور پوچھنے لگے ہمیں اپنی روایت کی سندوں کے بارے میں بتاؤ تو جس روایت میں اہل سنت راوی ہوتے اس کو قبول کرلیا جاتا اور اگر راوی بدعتی ہوتا تو اس قبول نہیں کیا جاتا (مسلم شریف کتاب المقدمہ جلد ١ ص ١٤:حدیث نمبر ٢٥:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ عیب نہیں جیسے حرام قرار دیا جائے)

سلیمان بن موسی بیان کرتے ہیں کہ میں نے طاؤس سے ایک ملاقات میں کہا کہ فلاں شخص نے مجھ سے اس طرح حدیث بیان کی انہوں نے کہا اگر وہ شخص ثقہ اور دین دار ہے تو اس کی حدیث قبول کر لو ( مسلم شریف کتاب المقدمہ جلد ١ :ص ١٥:حدیث نمبر ٢٦:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ عیب نہیں جیسے حرام قرار دیا جائے)

سلیمان بن موسی بیان کرتے ہیں کہ میں نے طاؤس سے کہا کہ فلاں شخص نے مجھ سے اس طرح حدیث بیان کی ہے انہوں نے کہا آگر وہ شخص ثقہ ہے تو اس کی حدیث قبول کر لو (مسلم شریف کتاب المقدمہ جلد ١ :ص ١٥:حدیث نمبر ٢٧:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ عیب نہیں جیسے حرام قرار دیا جائے)

ابن ابی الزناد اپنے والد سے روایت کرتے ہیں کہ میں نے مدینہ میں سو آدمی ایسے دیکھے جو نیک سیرت تھے مگر انہیں روایت حدیث کا اہل نہیں سمجھا جاتا تھا (مسلم شریف کتاب المقدمہ جلد ١ :ص ١٥:حدیث نمبر ٢٨:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ عیب نہیں جیسے حرام قرار دیا جائے)

مسعر بیان کرتے ہیں کہ میں نے سعد بن إبراهيم سے سنا وہ فرما رہے تھے کہ رسول اللہ صلی اللہ علیہ وسلم کی احادیث ثقہ حضرات کے علاوہ اور کسی سے روایت نہ کرو!!!!! ((مسلم شریف کتاب المقدمہ جلد ١ :ص ١٥:حدیث نمبر ٢٩:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ غیب نہیں جیسے حرام قرار دیا جائے)

عبدان بن عثمان کہتے ہیں کہ حضرت عبداللہ بن مبارک" رحمۃ اللہ علیہ" فرماتے تھے کہ حدیث کی سند امور دین میں سے ہے! اگر حدیث کے ثبوت کے لئے سند ضروری نہ ہوتی تو ہر شخص اپنی مرضی سے دین میں اپنی من مانی باتیں کہنے لگتا!! اور حضرت عباس بن رزمہ"رحمہ اللہ" نے بیان کیا کہ حضرت عبداللہ بن مبارک"رحمہ اللہ" نے کہا ہمارے اور لوگوں کے درمیان سند حدیث کے ستون حائل ہیں! اور ابو اسحاق ابراہیم بن عیسٰی الطالقانی کہتے ہیں کہ میں نے عبد اللہ بن مبارک سے کہا اے ابو عبد اللہ اس حدیث کے بارے میں آپ کا کیا خیال ہے؟ اپنی نماز کے ساتھ اپنے ماں باپ کے لئے نماز پڑھنا اور اپنے روزوں کے ساتھ اپنے ماں باپ کے لئے روزے رکھنا نیکی ہے؟ یہ سن کر ابن مبارک نے مجھ سے پوچھا اے ابو اسحاق اس حدیث کو کس نے روایت کیا ہے؟ میں نے کہا شہاب بن خراش نے؛ ابن مبارک نے کہا کہ وہ ثقہ راوی ہے اچھا! اس نے کس شخص سے روایت کیا ہے؟ میں نے کہا حجاج بن دینار سے؛ فرمایا حجاج بھی ثقہ ہے؛ لیکن اس نے کس سے روایت کیا ہے؟ میں نے کہا رسول اللہ صلی اللہ علیہ وسلم سے؛حضرت عبد اللہ بن مبارک رحمۃ اللہ علیہ نے فرمایا اے ابو اسحاق!حجاج بن دینار اور حضور صلی اللہ علیہ وسلم کے درمیان تو بہت طویل زمانہ ہے(یعنی یہ حدیث منقطع ہے کیونکہ حجاج بن دینار تبع تابعین میں سے ہی____سعیدی) تاہم یہ مسئلہ درست ہے کہ(نفلی) نماز اور روزوں کا ثواب والدین کو پہنچایا جاسکتا ہے؛؛؛؛ اور علی بن شقیق کہتے ہیں کہ میں نے عبد اللہ بن مبارک سے بسر عام سنا وہ فرمارہے تھے کہ عمرو بن ثابت کی روایات کو ترک کردو؛ کیونکہ یہ شخص سلف صالحین کو گالیاں دیتا ہے؛؛؛؛(یعنی جو شخص سلف صالحین کے خلاف بکواس کرتا ہے اسکی بات بھی قابل اعتماد نہیں) (مسلم شریف کتاب المقدمہ جلد ١ :ص ١٥ تا ١٦:حدیث نمبر ٣٠:باب بيان ان الإسناد من الدين و ان الرواية لاتكون الا عن الثقات وان جرح الرواية بما هوا فيهم جائز بل واجب و انه ليس من الغيبة المحرمة(یعنی اسناد دین کا حصہ ہے؛اور صرف ثقہ روایوں سے روایت نقل کی جائے گی؛ اگر راویوں میں کوئی کمزوری ہو تو اس کی نشاندہی کرنا جائز بلکہ واجب ہے؛ اور یہ وہ غیب نہیں جیسے حرام قرار دیا جائے)

ابو عقيل بیان کرتے ہیں کہ میں قاسم بن عبد اللہ اور یحییٰ بن سعید کے پاس بیٹھا تھا تو یحییٰ نے قاسم سے کہا اے ابو محمد آپ جیسے عظیم الشان عالم دین کے لئے یہ بات باعث شرمندگی ہے کہ آپ سے دین کے متعلق کوئی سوال کیا جائے اور آپ کے پاس اس مسئلے کا حل اور اس کے بارے میں کوئی دینی معلومات نہ ہو؛ قاسم نے پوچھا کیوں باعث شرمندگی ہے؟ یحییٰ نے کہا اس لئے کہ آپ حضرت ابو بکر صدیق رضی اللہ عنہ اور حضرت عمر فاروق رضی اللہ عنہ جیسے جلیل القدر اماموں کی اولاد میں سے ہیں؛ اس کے جواب میں قاسم نے کہا جس شخص کو اللہ تعالیٰ نے عقل دی ہو اس کے نزدیک سب سے زیادہ غلط اور باعث ننگ و عار بات یہ ہے کہ =یعنی سب سے زیادہ شرمندگی کی بات یہ ہے کہ=وہ بغیر علم کے کوئی بات کہے یا کسی سوال کے جواب میں کسی غیر معتبر شخص کی روایت بیان کردے؛ پھر یحییٰ خاموش ہو گیا اور کوئی جواب نہ دیا"""" (مسلم شریف کتاب المقدمہ جلد ١ :ص ١٦:حدیث نمبر ٣١:(بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

حضرت ابو عقيل بیان کرتے ہیں کہ حضرت عبد اللہ بن عمر کے صاحبزادے سے لوگوں نے کسی چیز کے متعلق دریافت کیا جس کا انہیں علم نہیں تھا یہ دیکھ کر یحییٰ بن سعید ان سے کہنے لگے قسم اللہ کی یہ بات مجھے باعث شرمندگی محسوس ہوتی ہے کہ آپ جیسے شخص جو جلیل القدر اماموں حضرت عمر اور حضرت عبد اللہ بن عمر رضی اللہ تعالیٰ عنہما کا صاحبزادہ ہو"اور آپ سے" کوئی بات پوچھی جائے اور وہ نہ بتا سکے وہ فرمانے لگے"یعنی حضرت عبد اللہ بن عمر کے صاحبزادے فرمانے لگے" اللہ کی قسم جس شخص کو اللہ تعالیٰ نے عقل دی ہو اس کے نزدیک اس سے زیادہ باعث ننگ و عار یہ ہیکہ وہ بغیر علم کے کوئی بات بتلائے یا کسی سوال کے جواب میں میں غیر معتبر شخص کی روایت بیان کردے؛؛؛؛؛ (مسلم شریف کتاب المقدمہ جلد ١ :ص ١٦:حدیث نمبر ٣٢:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

یحییٰ بن سعید بیان کرتے ہیں کہ میں نے سفیان بن ثوری؛ شعبہ؛ مالک؛ اور ابن عیینہ سے پوچھا کہ بعض لوگ مجھ سے ایسے راوی کے بارے میں پوچھتے ہیں جو ناقابل اعتبار ہوتا ہے میں ان سے کیا کہوں؟ ان نے جواب دیتے ہوئے کہا ان سوال کرنے والوں سے کہہ دو کہ وہ راوی ناقابل اعتبار ہے؛؛؛ (مسلم شریف کتاب المقدمہ جلد ١ :ص ١٧:حدیث نمبر ٣٣:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

نضر کہتے ہیں کہ ابن عون اپنے دروازے کی چوکھٹ پر کھڑے ہوئے تھے؛ ان سے کسی شخص نے شہر بن حوشب کی احادیث کے بارے میں پوچھا انہوں نے جواب دیا اس کو نیزوں سے زخمی کیا گیا ہے اس کو نیزے سے زخمی کیا گیا ہے؛ امام مسلم فرماتے ہیں یعنی لوگوں نے اس کی تصنیف کرکے اس کو جرح اور طعن و تشنیع کے نیزوں سے گھائل کیا ہے؛؛؛؛ (مسلم شریف کتاب المقدمہ جلد ١ ص ١٧:حدیث نمبر ٣٤:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

شعبہ بیان کرتے ہیں کہ میری شہر سے ملاقات ہوئی لیکن میں نے ان کی احادیث کو قابل روایت نہیں سمجھا؛؛؛؛ (مسلم شریف کتاب المقدمہ جلد ١ ص ١٧ :حدیث نمبر ٤٥:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

علی بن حسین بن واقد بیان کرتے ہیں کہ عبد اللہ بن مبارک نے سفیان ثوری سے کہا کہ عباد بن کثیر کی عادات اور خصائل سے آپ واقف ہیں وہ باوجود عابد و زاہد ہونے کے بڑی عجیب و غریب احادیث بیان کرتے ہیں آپ کی کیا رائے ہے میں لوگوں کو ان کی احادیث بیان کرنے سے روک دوں گا؛ سفیان ثوری نے کہا کیوں نہیں! حضرت عبد اللہ بن مبارک فرماتے ہیں جب کسی محفل میں عباد کا ذکر ہوتا تو میں اس کی عبادت اور ریاضت کا ذکر کرتا لیکن اس کی احادیث قبول کرنے سے لوگوں کو روک دیتا؛؛؛؛ (مسلم شریف کتاب المقدمہ جلد ١ ص ١٧ :حدیث ٣٦:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

عثمان بیان کرتے ہیں کہ میں شعبہ کے پاس گیا تو انہوں نے کہا یہ شخص عباد بن کثیر ہے ان کی بیان کردہ احادیث سے احتراز کیا کرو؛؛؛؛ (مسلم شریف کتاب المقدمہ جلد ١ ص ١٧ :حدیث نمبر ٣٧:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

فضل بن سہل بیان کرتے ہیں کہ میں نے معلی رازی سے محمد بن سعید کے متعلق سوال کیا جس سے عباد بن کثیر نے روایت کی ہے؛ تو انہوں نے کہا کہ مجھے عیسٰی بن یونس نے بتایا کہ میں ایک دن اس کے دروازے پر کھڑا تھا اور اس کے پاس سفیان تھے جب سفیان باہر نکلے تو میں نے ان سے اس کے متعلق پوچھا تو انہوں نے مجھے بتلایا کہ یہ بہت جھوٹا شخص ہے؛؛؛؛ ؛ (مسلم شریف کتاب المقدمہ جلد ١ ص ١٧ :حدیث نمبر ٣٨:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

سعید قطان بیان کرتے ہیں کہ ہم نے بہت سے نیک لوگوں کو حدیث میں جھوٹ بولتے ہوئے دیکھا؛ ابن ابی عتاب کہتے ہیں کہ میری ملاقات سعید قطان کے صاحبزادے سے ہوئی انہوں نے بیان کیا کہ میرے والد کہتے ہیں کہ انہوں نے صالحین کو حدیث کے سوا اور کسی بات میں جھوٹ بولتے ہوئے نہیں دیکھا؛؛؛ امام مسلم اس کی وضاحت میں فرماتے ہیں کہ یہ لوگ حدیث شریف میں جھوٹی باتوں کا اضافہ نہیں کرتے تھے البتہ اتفاقاً حدیث کے معاملے میں ان کی زبان سے جھوٹ نکل جاتا تھا؛؛؛؛ ؛ (مسلم شریف کتاب المقدمہ جلد ١ ص ١٧:حدیث نمبر ٣٩:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

خلیفہ بن موسیٰ بیان کرتے ہیں کہ میں غالب بن عبد اللہ کے پاس گیا تو وہ مجھے مکحول کی روایت کردہ حدیث سنانے لگا اسی دوران ان کو پیشاب آگیا؛ میں نے اس وقفہ میں ان کی اصل کتاب کو دیکھا تو اس میں وہ روایت اس طرح تھی کہ ابان نے انس سے روایت کیا اور ابان نے فلاں شخص سے" میں اسی وقت وہاں سے چلا گیا؛ اور میں نے حسن بن علی الحلوانی سے یہ سنا کہ میں نے عفان کی" اصل کتاب؛ میں عمرو بن عبد العزیز کی حدیث ہشام بن ابی مقدام کی سند سے دیکھی؛ ہشام نے کہا مجھ سے یہ حدیث ایک شخص نے بیان کی جس کو یحییٰ بن فلاں کہا جاتا ہے اور وہ محمد بن کعب سے روایت کرتا ہے؛ حلوانی کہتے ہیں کہ میں نے عفان سے پوچھا کہ لوگ کہتے ہیں کہ ہشام نے اس حدیث کو محمد بن کعب سے سنا ہے؛ عفان نے کہا اسی وجہ سے تو ہشام کو ضعیف کہا جاتا ہے؛ پہلے ہشام کہتا تھا کہ میں یحییٰ سے روایت کرتا ہوں اور اب وہ محمد بن کعب سے روایت کرتے ہیں بعد میں وہ اس واسطہ کو حذف کرکے کہنے لگا میں براہ راست محمد بن کعب سے روایت کرتا ہوں؛؛؛؛ ؛ (مسلم شریف کتاب المقدمہ جلد ١ ص ١٨:حدیث نمبر ٤٠:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

عبد اللہ بن عثمان بن جبلہ بیان کرتے ہیں کہ میں نے عبداللہ بن مبارک سے پوچھا وہ کون شخص ہے جس سے آپ حضرت عبد اللہ بن عمرو رضی اللہ تعالیٰ عنہما کی یہ حدیث روایت کرتے ہیں کہ؛ عید الفطر تحفہ و تحائف کا دن ہے؛ ابن مبارک نے جواب دیا سلیمان بن حجاج سے اور فرمایا میں نے جو تم کو سلیمان بن حجاج کی احادیث بیان کی ہیں تم ان میں غور و فکر کر لینا اور عبد اللہ بن مبارک نے کہا میں نے حدیث؛ درہم سے خون کی نجاست معاف ہے؛ کے راوی روح بن عطیف کو لوگوں میں بیٹھے دیکھا لیکن چونکہ اسکی حدیث ناقابل قبول سمجھی جاتی تھی لہذا اس کی روایت کے مکروہ ہونے کی وجہ سے مجھے شرم آتی تھی کہ کہیں میرے اصحاب مجھے اس کے ساتھ دیکھ نہ لیں (مسلم شریف کتاب المقدمہ جلد ١ ص ١٨:حدیث نمبر ٤١؛بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

حضرت عبد اللہ بن مبارک رحمۃ اللہ علیہ بیان فرماتے ہیں کہ بقیہ سچا آدمی ہے لیکن وہ ہر آنے جانے والے شخص سے حدیث روایت کر لیتا ہے (مسلم شریف کتاب المقدمہ جلد ١ ص ١٩:حدیث نمبر ٤٢؛بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

شعبی بیان کرتے ہیں کہ حارث اعور ہمدانی نے مجھے ایک حدیث بیان کی مگر وہ جھوٹا شخص تھا؛؛؛ (مسلم شریف کتاب المقدمہ جلد ١ ص ١٩ :حدیث نمبر ٤٣:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

شعبی بیان کرتے ہیں کہ حارث اعور ہمدانی نے مجھے ایک حدیث بیان کی اور شعبی اس بات کی گواہی دیتے تھے کہ وہ جھوٹا شخص ہے؛ ؛؛؛ (مسلم شریف کتاب المقدمہ جلد ١ ص ١٩ :حدیث نمبر ٤٤:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

علقمہ نے کہا کہ میں نے قرآن مجید دو سال میں یاد کر لیا؛ حارث نے جواب میں کہا کہ قرآن مجید کو حاصل کرنا آسان ہے اور احادیث کو حاصل کرنا بہت مشکل ہے؛؛ (مسلم شریف کتاب المقدمہ جلد ١ ص ١٩ :حدیث نمبر ٤٥:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

حارث نے کہا کہ میں نے قرآن مجید کو تین سال میں اور حدیث شریف کو دو سال یا تین سال میں حاصل کیا ہے؛؛؛ (مسلم شریف کتاب المقدمہ جلد ١ ص ١٩ :حدیث نمبر ٤٦:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

ابراہیم بیان کرتے ہیں کہ حارث(کذاب یا رفض کے ساتھ) متہم تھا؛؛؛ (مسلم شریف کتاب المقدمہ جلد ١ ص ١٩ :حدیث نمبر ٤٧:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

ہمزہ زیات بیان کرتے ہیں کہ مرہ ہمدانی نے حارث سے کوئی(جھوٹی) حدیث سنی؛ انہوں نے حارث سے کہا؛ دروازہ پر بیٹھ جاؤ اور وہ اپنی تلوار اٹھا لائے اور حارث کو خطرہ کا احساس ہو گیا اور وہ فوراً بھاگ گئے؛؛؛ (مسلم شریف کتاب المقدمہ جلد ١ ص ١٩:حدیث نمبر ٤٨:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

ابن عون بیان کرتے ہیں کہ ہم سے ابراهيم نے کہا مغیرہ بن سعید اور ابو عبد الرحیم سے روایت کرنے میں احتراز کرنا کیونکہ یہ دونوں جھوٹے شخص ہیں؛؛؛؛ (مسلم شریف کتاب المقدمہ جلد ١ ص ١٩ :حدیث نمبر ٤٩:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

عاصم بیان کرتے ہیں کہ ہم نوجوانی میں ابو عبد الرحمن سلمی کے پاس جایا کرتے تھے انہوں نے ہمیں نصیحت کی کہ ابو الاحوص کے سوا اور کسی شخص سے حدیث نہ سننا اور خاص طور پر شقیق سے احتراز کرنا؛ یہ شخص خارجی تھا(یعنی خارجی لوگوں سے حدیث نہیں سننا چاہیے)بر خلاف شقیق ابو وائل کے کیونکہ وہ ثقہ راوی ہیں___علامہ سعیدی رحمۃ اللہ علیہ) یعنی ابو وائل ثقہ راوی ہیں؛؛؛؛ ؛؛ (مسلم شریف کتاب المقدمہ جلد ١ ص ٢٠:حدیث نمبر ٥٠:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

جریر بیان کرتے ہیں کہ میری جابر بن یزید جعفی سے ملاقات ہوئی لیکن میں نے اس کی کسی روایت کو نہیں لکھا کیوں کہ وہ رجعت کا عقیدہ باطلہ رکھتا تھا؛؛؛؛(یعنی بدمذہب بد عقیدہ باطل عقیدہ والے لوگوں کی کسی بات پر بھروسہ نہیں کرنا چاہیے) (مسلم شریف کتاب المقدمہ جلد ١ ص ٢٠:حدیث نمبر ٥١:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

مسعر بیان کرتے ہیں کہ ہم جابر بن یزید سے اس کی بدعقیدگیوں کے ظہور سے پہلے اس کی بیان کردہ احادیث روایت کرتے تھے؛؛؛ (یعنی جب بدعقیدگی ظاہر ہوئی تو حدیث روایت کرنا چھوڑ دی مطلب واضح ہو گیا کہ بد عقیدہ انسان سے حدیث تک نہیں نقل کرنا چاہیے ) (مسلم شریف کتاب المقدمہ جلد ١ ص ٢٠ :حدیث نمبر ٥٢:بابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

سفیان بیان کرتے ہیں کہ جب تک جابر نے اپنے باطل عقائد کا اظہار نہیں کیا تھا لوگ اس سے روایت کرتے تھے لیکن جب اس کی بدعقیدگی ظاہر ہو گئی تو وہ متہم(بدنام)فی الحدیث ہو گیا اور بعض حضرات نے اس سے روایت ترک کردی؛ سفیان سے پوچھا گیا کہ جابر نے کس بدعقیدگی کا اظہار کیا تھا؟ سفیان نے جواب دیا رجعت کا؛؛؛؛ (نوٹ رجعت کا مطلب یہ ہیکہ روافض کا عقیدہ ہیکہ حضرت علی رضی اللہ عنہ ابر(بادل) میں ہیں اور انکی اولاد میں سے ایک امام برحق پیدا ہوگا اور جب حضرت علی امام وقت کے خلاف خروج میں اس کی مدد کے لیے اولاد علی کو پکاریں گے تو سب لوگ اس کی مدد کو پہنچیں گے____علامہ سعیدی صاحب قبلہ علیہ الرحمہ____(یعنی معلوم ہوا کہ رافضی شیعہ سے بھی حدیث روایت نہیں کرتے تھے محدثین تو ہم اہل سنت وجماعت کیسے رافضی شیعوں کی باتوں پر یقین کریں؟) (مسلم شریف کتاب المقدمہ جلد ١ ص ٢٠ :حدیث نمبر ٥٣:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

جراح بن ملیح کہتے ہیں کہ میں نے جابر بن یزید سے یہ سنا کہ؛ میرے پاس حضور نبی کریم صلی اللہ علیہ وسلم کی ستر ہزار احادیث ہیں جو ابو جعفر سے مروی ہیں؛؛؛ (چونکہ یہ آدمی جابر بن یزید بدعقیدہ ہو گیا تھا جیسا کے ماقبل میں گزرا اس سبب اس پر سے لوگوں کا بھروسہ آٹھ گیا تھا) (مسلم شریف کتاب المقدمہ جلد ١ ص ٢٠ :حدیث نمبر ٥٤:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ)

زہیر بیان کرتے ہیں کہ میں نے جابر سے سنا(جابر کہتا ہے کہ) میرے پاس پچاس ہزار ایسی حدیثیں ہیں جن میں سے میں نے ابھی تک کوئی بیان نہیں کی؛ پھر ایک دن اس نے ایک حدیث بیان کی اور کہا کہ یہ ان پچاس ہزار احادیث میں سے ہے؛؛؛؛ (نوٹ جابر بن یزید کیسا آدمی تھا ماقبل میں اسکا ذکر ہو چکا ہے کہ) (مسلم شریف کتاب المقدمہ جلد ١ ص ٢٠ :حدیث نمبر ٥٥؛بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

سلام بن ابی مطیع کہتے ہیں کہ میں نے جابر جعفی سے سنا کہ(وہ کہتا ہے) میرے پاس پچاس ہزار احادیث ہیں جو سب رسول اللہ صلی اللہ علیہ وسلم سے مروی ہیں؛؛؛؛ (مسلم شریف کتاب المقدمہ جلد ١ ص ٢٠ :حدیث نمبر ٥٦:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

سفیان بیان کرتے ہیں کہ ایک شخص نے جابر سے قرآن پاک کی اس آیت کریمہ کی تفسیر پوچھی:{فَلَنْ أَبْرَحَ الْأَرْضَ حَتَّى يَأْذَنَ لِي أَبِي أَوْ يَحْكُمَ اللهُ لِي وَهُوَ خَيْرُ الْحَاكِمِينَ}=ترجمہ=یوسف علیہ السلام کے بھائیوں میں سے سب سے بڑے بھائی نے(مصر میں بنیامین پر چوری کا الزام لگانے کے بعد کہا)میں یہاں سے اس وقت تک نہیں جاؤں گا یہاں تک کہ میرے والد اجازت دیں یا اللہ تعالیٰ حکم فرمائے اور وہ سب سے بہتر حاکم ہے؛=سورۃ الیوسف آیت نمبر ٨٠=تو جابر نے کہا اس آیت کی تفسیر ابھی ظاہر نہیں ہوئی؛ سفیان نے کہا اس نے جھوٹ بولا لوگوں نے سفیان سے پوچھا جابر کی کیا مراد تھی؟سفیان نے کہا کہا شیعہ یہ کہتے ہیں کہ حضرت علی بادلوں میں ہیں اور ان کی اولاد میں سے امام برحق اس وقت کسی امام وقت کے خلاف جنگ کے لئے نہیں نکلے گا جب تک حضرت علی بادلوں سے نہیں پکاریں گے کہ جاؤ اس کی حمایت میں جنگ کرو؛ سفیان نے کہا جابر جھوٹ ہے یہ آیت حضرت یوسف علیہ السلام کے بھائیوں سے متعلق ہے؛؛؛ (یعنی شیعہ مذہب کے پیروکار جھوٹے ہوتے ہیں یہاں سے ثابت ہو گیا اور شیعوں کا ایک عقیدہ بھی یہاں سے ثابت ہو گیا کہ وہ حضرت علی رضی اللہ عنہ کو بادلوں میں مانتے ہیں) (مسلم شریف کتاب المقدمہ جلد ١ ص ٢٠ :حدیث نمبر ٥٧:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

سفیان بیان کرتے ہیں کہ میں نے جابر سے تیس ہزار ایسی حدیثیں سنی ہیں جن میں سے کسی کا ذکر جائز نہیں سمجھتا خواہ اس کے بدلے میں کتنا ہی مال دیا جائے؛ ابو غسان محمد بن عمرو رازی بیان کرتے ہیں کہ میں نے جریر بن عبد الحميد سے پوچھا کیا آپ حارث بن حصیرہ سے ملے ہیں؟ انہوں نے کہا کہ ہاں وہ ایک بوڑھا شخص ہے زیادہ تر خاموش رہتا ہے لیکن بڑی سے بڑی فاحش(بری)بات پر ڈٹ جاتا ہے؛؛؛ (مسلم شریف کتاب المقدمہ جلد ١ ص ٢١:حدیث نمبر ٥٨:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

ایوب نے ذکر کیا کہ میرا ایک ہمسایہ ہے(یعنی پڑوسی ہے) اور وہ بڑی خوبیوں والا ہے پھر بھی اگر وہ دو کھجوروں کے بارے میں بھی شہادت دے تو میں اس کی شہادت کو جائز نہیں سمجھوں گا؛؛؛؛؛ (مسلم شریف کتاب المقدمہ جلد ١ ص ٢١:حدیث نمبر ٦٠:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

معمر کہتے ہیں کہ میں نے عبد الکریم کے علاوہ ایوب کو اور کسی شخص کا عیب بیان کرتے ہوئے نہیں دیکھا اس کے بارے میں انہوں نے کہا کہ وہ غیر ثقہ ہیں اس نے مجھ سے حضرت عکرمہ کی ایک حدیث سنی اور یہ کہتا پھرتا ہے کہ میں نے براہ راست یہ حدیث عکرمہ سے سنی ہے؛؛؛؛ (مسلم شریف کتاب المقدمہ جلد ١ ص ٢١:حدیث نمبر ٦١:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

ہمام بیان کرتے ہیں کہ ابو داؤد نام کا ایک نابینا شخص ہم سے کہنے لگا کہ اس نے براء بن عازب اور زید بن ارقم رض اللہ عنہما سے احادیث سنی ہیں؛ ہم نے حضرت قتادہ سے اس کی تحقیق کی تو حضرت قتادہ نے کہا کہ یہ جھوٹا ہے یہ شخص طاعون جارف کے زمانہ میں لوگوں سے بھیک مانگتا پھرتا تھا اور اس نے ان سے سماع حدیث نہیں کیا؛؛؛؛ (نوٹ امام شارح مسلم امام نووی فرماتے ہیں کہ طاعون جارف سنہ ٦٧ھ یا سنہ ٨٦ھ میں واقع ہوا تھا) (مسلم شریف کتاب المقدمہ جلد ١ ص ٢١ :حدیث نمبر ٦٢(

ہمام بیان کرتے ہیں کہ نابینا ابو داؤد حضرت قتادہ کے پاس گیا جب وہ(ملاقات کر کے) چلا گیا تو لوگوں نے حضرت قتادہ سے کہا کہ اس شخص کا دعویٰ ہے کہ وہ اٹھارہ بدری صحابہ کرام رضی اللہ تعالیٰ عنہم اجمعین سے ملا ہے؛ حضرت قتادہ نے فرمایا یہ شخص طاعون جارف سے پہلے بھیک مانگتا تھا نہ اس کو فن حدیث سے کوئی لگاؤ تھا اور نہ یہ اس میں گفتگو کرتا تھا؛ اللہ عزوجل کی قسم سعد بن مالک کے علاوہ حسن بصری اور سعید بن مسیب جیسے لوگوں نے بھی کسی بدری صحابی سے براہ راست روایت نہیں کی؛؛؛؛ ؛ (نوٹ یہاں سے یہ بات سمجھ آئی کہ جو آدمی جس فیلڈ کا ہوتا ہے اسی فن میں اسکو مہارت ہوتی ہے لیکن آج کل بالکل اس فقیر کی طرح معاملہ چلا ہوا ہیکہ کوئی انجینئر ہے پھر حدیث و قرآن کا درس دینے لگ جاتا ہے کوئی ڈاکٹر ہے پھر قرآن و حدیث کا درس دینے لگتا ہے کوئی ایڈوکیٹ ہے پھر قرآن و حدیث کا درس دینے لگتا ہے جبکہ قرآن و حدیث کا درس دینے کے لئے قرآن و حدیث کا فن پہلے کسی استاذ سے سیکھنا ہوتا ہے لیکن نہیں بالکل اس فقیر کی طرح اچانک سے ڈاکٹر. ایڈوکیٹ. انجینئر. جیسے لوگ اپنی فیلڈ چھوڑ کر علماء کرام کی فیلڈ اختیار کر لیتے ہیں اور پھر ایسے لوگ علماء کرام ہی کی لکھی کتابیں پڑھ کر چند باتیں بول لیتے ہیں اور پھر علماء کرام پر ہی بھونکتے ہیں تعجب کی بات ہے؛ اللہ عزوجل اس امت پر رحم کرے) (مسلم شریف کتاب المقدمہ جلد ١ ص ٢٢:حدیث نمبر ٦٣:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

رقبہ بیان کرتے ہیں کہ ابو جعفر ہاشمی؛ حق اور حکمت آمیز کلام کو حدیث بنا ڈالتے تھے اور کہہ دیتے تھے کہ یہ حضور صلی اللہ علیہ وسلم کی احادیث ہیں حالانکہ فی الواقع وہ باتیں حضور اکرم صلی اللہ علیہ وسلم کی احادیث نہ ہوتی تھیں؛؛؛؛؛؛؛ (نوٹ یہاں سے سمجھ آیا کہ حدیث گھڑنے کا سلسلہ بہت پرانہ ہے) (مسلم شریف کتاب المقدمہ جلد ١ ص ٢٢:حدیث نمبر ٦٤:بَابُ الْكَشْفِ عَنْ مَعَايِبِ رُوَاةِ الْحَدِيثِ وَنَقَلَةِ الْأَخْبَارِ وَقَوْلُ الْأَئِمَّةِ فِي ذَلِكَ(

یونس بن عبید بیان کرتے ہیں کہ عمرو بن عبید حدیث میں جھوٹ بولتا ہے؛؛ (مسلم شریف کتاب المقدمہ جلد ١ ص ٢٢؛حدیث نمبر ٦٥؛؛

معاذ بن معاذ کہتے ہیں کہ میں نے عوف بن ابی جمیلہ سے پوچھا کہ عمرو بن عبید حسن سے یہ حدیث روایت کرتا ہے؛جس شخص نے ہمارے خلاف ہتھیار اٹھایا وہ ہم میں سے نہیں ہے؛عوف نے کہا قسم بہ خدا عمرو جھوٹا ہے وہ اس حدیث سے اپنے باطل عقائد کی ترویج چاہتا ہے؛؛؛ (مسلم شریف کتاب المقدمہ جلد ١ ص ٢٢؛حدیث نمبر ٦٦؛

حماد بن زید بیان کرتے ہیں کہ ایک شخص ایوب کی مجلس میں رہتا تھا اور ان سے احادیث کا سماع کرتا تھا ایک دن وہ ایوب کی مجلس میں حاضر نہ ہوا تو لوگوں نے ایوب کو بتلایا؛اے ابو بکر؛(یہ ایوب کی کنیت تھی)اب اس نے عمرو بن عبید کی مجلس میں جانا شروع کردیا ہے؛راوی کہتے ہیں کہ ایک دن صبح کے وقت ہم ایوب کے ساتھ بازار جا رہے تھے؛ راستہ میں ایوب سے وہ شخص ملا؛سلام کرنے کے بعد ایوب نے اس سے پوچھا مجھے معلوم ہوا ہے کہ تم نے اب عمرو بن عبید کی مجلس میں جانا شروع کردیا ہے اس شخص نے جواب دیا ہاں اے ابو بکر وہ ہم سے عجیب و غریب احادیث بیان کرتا ہے ایوب نے جواب دیا ہم تو ایسے عجائبات سے دور بھاگتے ہیں؛؛ (مسلم شریف کتاب المقدمہ جلد ١ ص ٢٣؛حدیث نمبر ٦٧؛

حماد بیان کرتے ہیں کہ ایوب سے کسی نے کہا کہ عمرو بن عبید حسن بصری سے یہ حدیث روایت کرتا ہے کہ؛جو شخص نبیذ پی کر مدہوش ہو جائے اسے کوڑے نہیں لگائے جائیں گے؛ایوب نے کہا جھوٹ کہتا ہے میں نے خود حسن بصری سے سنا ہے کہ جو شخص نبیذ پی کر مدہوش ہو جائے اسے کوڑے لگائیں جائیں گے؛؛؛ (مسلم شریف کتاب المقدمہ جلد ١ ص ٢٣؛حدیث نمبر ٦٨؛

سلام بن ابی مطیع کہتے ہیں کہ ایوب کو یہ خبر پہنچی کہ میں عمرو کے پاس روایت حدیث کے لیے جاتا ہوں ایک دن وہ مجھ سے ملے اور کہنے لگے کہ یہ بتلاؤ تمہیں جس شخص کے دین کا اعتبار نہیں ہے اس کی روایت پر اعتماد کیسے کر سکتے ہو؟ (مسلم شریف کتاب المقدمہ جلد ١ ص ٢٣؛حدیث نمبر ٦٩؛

ابو موسیٰ بیان کرتے ہیں کہ ہم نے عمرو بن عبید سے اس وقت احادیث کا سماع کیا تھا جب اس نے حدیثیں وضع(گھڑنی)کرنی شروع نہیں کہیں تھی؛ (مسلم شریف کتاب المقدمہ جلد ١ ص ٢٣؛حدیث نمبر ٧٠؛؛

معاذ عنبری بیان کرتے ہیں کہ میں نے شعبہ کو لکھا کہ ابو شیبہ! قاضی واسط کے بارے میں آپ کی کیا رائے ہے شعبہ نے مجھے جواب میں لکھا کہ ابو شیبہ کی کوئی روایت نہ لکھنا اور میرے اس خط کو پھاڑ دینا؛؛؛ (مسلم شریف کتاب المقدمہ جلد ١ ص ٢٣؛حدیث نمبر ٧١؛

عفان بیان کرتے ہیں کہ میں نے حماد بن سلمہ کے سامنے وہ حدیث سنائی جس کو صالح مُریّ نے ثابت سے روایت کیا ہے؛حماد نے کہا؛صالح مُریّ جھوٹا ہے اور میں نے ہمام کے سامنے صالح مُریّ کی حدیث بیان کی تو ہمام نے بھی کہا کہ صالح مُریّ جھوٹا ہے؛؛ (مسلم شریف کتاب المقدمہ جلد ١ ص ٢٣؛حدیث نمبر ٧٢؛

ابو داؤد کہتے ہیں کہ مجھ سے شعبہ نے کہا کہ جریر بن حازم سے جاکر کہو کہ حسن بن عمارہ کی کوئی روایت بیان کرنا جائز نہیں ہے اس لیے کہ وہ جھوٹ بولتا ہے ابو داؤد کہتے ہیں کہ میں نے شعبہ سے کہا یہ کیسے ہو سکتا ہے شعبہ نے کہا حسن نے حکم کی روایت سے ہمیں ایسی احادیث بیان کی ہیں جن کی کوئی اصل نہیں ہے؛میں نے شعبہ سے پوچھا ایسی کونسی روایت ہے انہوں نے کہا میں نے حکم سے پوچھا تھا کہ کیا شہداء احد پر حضور صلی اللہ علیہ وسلم نے نماز پڑھی تھی اس نے جواب دیا نہیں پڑھی تھی لیکن حسن بن عمارہ نے حکم سے روایت کیا اور مقسم از ابن عباس کی سند سے بیان کیا کہ نبی کریم صلی اللہ علیہ وسلم نے شہداء احد کی نماز جنازہ پڑھی اور پھر ان کو دفن کردیا؛اس کے علاوہ میں نے حکم سے ولد الزنا کی نماز جنازہ پڑھنے کے بارے میں پوچھا حکم نے کہا ہاں ایسے لوگوں کی نماز جنازہ پڑھی جائے گی میں نے پوچھا آپ یہ حدیث کس سے روایت کرتے ہیں انہوں نے کہا حسن بصری سے لیکن حسن بن عمارہ نے یہ حدیث حکم سے یحییٰ بن جزار از حضرت علی رضی اللہ عنہ روایت کی؛(یعنی پہلی حدیث کی اصل عبارت میں اور دوسری کی سند میں غلطی کی ہے) (مسلم شریف کتاب المقدمہ جلد ١ ص ٢٣؛حدیث نمبر ٧٣؛؛

یزید بن ہارون نے زیاد بن میمون کے بارے میں کہا کہ میں قسم کھا چکا ہوں کہ نہ اس سے کوئی حدیث روایت کروں گا اور نہ خالد بن محدوج سے کیوں کہ ایک بار میں نے زیاد بن میمون سے ایک حدیث پوچھی تو زیاد نے بکر مزنی کی روایت سے وہ حدیث بیان کی؛دوبارہ ملاقات پر اس سے وہی بات پوچھی تو اس نے مورّق کی روایت سے بیان کی؛تیسری بار ملاقات پر اس سے وہی حدیث پوچھی تو وہی حدیث حسن کی روایت سے بیان کی؛ابن ہارون؛زیاد اور خالد دونوں کو جھوٹا کہتے تھے؛حلوانی کہتے ہیں کہ عبد الصمد کے سامنے زیاد بن میمون کا ذکر ہوا تو انہوں نے بھی اسے جھوٹا قرار دیا؛؛؛ (مسلم شریف کتاب المقدمہ جلد ١ ص ٢٤؛حدیث نمبر ٧٤؛

محمود بن غیلان روایت کرتے ہیں کہ میں نے ابو داؤد طیالسی سے پوچھا کہ آپ عباد بن منصور کی روایات بکثرت بیان کیا کرتے تھے کیا آپ نے ان سے عطر فروش عورت کی وہ حدیث نہیں سنی جو نضر بن شمیل نے ہم سے بیان کی تھی؛ابو داؤد نے جواب دیا خاموش رہو!ایک دفعہ میں اور عبد الرحمن بن مہدی؛زیاد بن میمون سے ملے تھے اور ان سے پوچھا حضرت انس رضی اللہ عنہ سے جو تم احادیث روایت کرتے ہو وہ کہاں تک صحیح ہیں؛زیاد نے جواب دیا اگر کوئی شخص گناہ کرے اور پھر اس پر توبہ کرے تو کیا تم دونوں کے خیال میں اللہ تعالیٰ اس کی توبہ قبول نہیں کریگا ہم نے کہا کیوں نہیں!زیاد نے کہا میں نے حضرت انس رضی اللہ عنہ سے کسی قسم کی کوئی حدیث روایت نہیں کی؛ہر چند کہ عام لوگوں کو اس بات کا پتا نہیں تاہم تم دونوں جانتے ہو کہ میں نے نہ تو حضرت انس رضی اللہ عنہ سے ملاقات کی ہے اور نہ انکا زمانہ پایا ہے؛ابو داؤد نے کہا کچھ عرصہ کے بعد ہمیں پھر معلوم ہوا کہ زیاد نے پھر حضرت انس رضی اللہ عنہ کی روایات بیان کرنا شروع کردی ہے؛میں اور عبد الرحمن دوبارہ اس کے پاس گئے اس نے پھر توبہ کرلی لیکن پھر توبہ توڑ دی اور حضرت انس رضی اللہ عنہ کی روایات بیان کرنے لگا؛بالآخر ہم نے اسے چھوڑ دیا؛؛ (مسلم شریف کتاب المقدمہ جلد ١ ص ٢٤؛حدیث نمبر ٧٥؛

عبد القدوس بیان کرتے ہیں کہ رسول اللہ صلی اللہ علیہ وسلم نے۔ روح ۔کو عرض بنانے سے منع فرمایا؛ان سے اس حدیث کا مطلب پوچھا گیا تو انہوں نے کہا داخل ہونے کے لیے دیوار میں کوئی روشن دان نہ بنایا جائے(راوی نے یہ حدیث صحیح بیان نہیں کی اصل لفظ؛غرض؛ہے جسکا معنی ہے نشانہ اور حدیث کا مطلب یہ ہے کہ نشانہ کی مشق کرنے کے لیے کسی جاندار کو تختہ مشق نہ بنایا جائے-شرح مسلم از علامہ غلام رسول سعدی)امام مسلم فرماتے ہیں کہ عبید اللہ بن عمر قواریری کہتے تھے کہ حماد بن زید نے مہدی بن ہلال کے پاس بیٹھے ہوئے ایک شخص کی طرف اشارہ کرکے کہا یہ نمکین چشمہ تمہاری طرف نکلا ہے انہوں نے اثبات میں کہاں ہاں اے ابو اسماعيل! (مسلم شریف کتاب المقدمہ جلد ١ ص ٢٥؛حدیث نمبر ٧٦؛

علی بن مسہر بیان کرتے ہیں کہ میں نے اور حمزہ زیّات نے ابان بن ابی عیاش نے تقریباً ایک ہزار احادیث کا سماع کیا پھر جب میری حمزہ سے ملاقات ہوئی تو انہوں نے کہا کہ میں نے خواب میں رسول اللہ صلی اللہ علیہ وسلم کی زیارت کی میں نے حضور صلی اللہ علیہ وسلم کو ابان سے سنی ہوئی احادیث سنائیں جن میں سے حضور اکرم صلی اللہ علیہ وسلم نے صرف پانچ چھ حدیثوں کی تصدیق کی؛؛ (مسلم شریف کتاب المقدمہ جلد ١ ص ٢٥؛حدیث نمبر ٧٨؛ (اس روایت سے معلوم ہوا کہ رسول اللہ صلی اللہ علیہ وسلم کو خواب میں دیکھا جانا محدثین کی جماعت سے ثابت ہے اور یہ بھی ثابت ہوا کہ رسول اللہ صلی اللہ علیہ وسلم کو معلوم ہے کیا درست کیا غلط ہے؛؛؛

زکریا بن عدی بیان کرتے ہیں کہ ابو اسحاق فزاری نے مجھ سے کہا؛بقیہ؛اگر غیر معروف حضرات کی روایات بی بیان کریں تو وہ بھی لکھ لینا اور اسماعیل بن عیاش کی بیان کردہ کسی روایت کو نہ لکھنا خواہ معروف حضرات سے بیان کرے یا غیر معروف حضرات سے؛؛ (مسلم شریف کتاب المقدمہ جلد ١ ص ٢٥؛حدیث نمبر ٧٩؛؛ (معلوم ہوا کہ اگر معتبر انسان غیر معروف آدمی کی طرف منسوب کرکے بھی کوئی بات کہے تو اعتماد کرنا چاہیے لیکن اگر غیر معتبر آدمی معتبر آدمی کی طرف منسوب کرکے بھی بات کرے تو اعتماد نہیں کرنا چاہیے؛؛؛

ابن مبارک نے کہا؛بقیہ؛معتبر شخص ہے کاش وہ راویوں کے ناموں کو ان کی کنیتوں کے ساتھ اور ان کی کنیتوں کو ان کے ناموں سے نہ تبدیل کردیتا؛ایک عرصہ تک وہ ہم کو ابوسعید وحاظی کی روایات بیان کرتا رہا؛بعد میں چھان بین سے معلوم ہوا کہ وہ عبد القدوس ہے؛؛؛ (مسلم شریف کتاب المقدمہ جلد ١ ص ٢٦؛حدیث نمبر ٨٠؛

عبد الرزاق کہتے ہیں کہ میں نے ابن مبارک کو عبد القدوس کے سوا کسی شخص کو جھوٹا کہتے ہوئے نہیں سنا؛؛ (مسلم شریف کتاب المقدمہ جلد ١ ص ٢٦؛حدیث نمبر ٨١؛

عبد اللہ بن عبد الرحمن دارمی بیان کرتے ہیں کہ ابو نعیم نے کہا کہ ان کے سامنے معلی بن عرفان نے کہا کہ ابو وائل نے بیان کیا کہ ہمارے سامنے عبد اللہ بن مسعود جنگ صفین کے میدان سے آئے تھے؛ابو نعیم نے اس پر تبصرہ کرتے ہوئے کہا؛تمہارے خیال میں وہ مرنے کے بعد پھر زندہ ہو گئے تھے؛؛ (مسلم شریف کتاب المقدمہ جلد ١ ص ٢٦؛حدیث نمبر ٨٢؛؛

عفان بن مسلم بیان کرتے ہیں کہ ہم اسماعیل بن عُلیہ کی مجلس میں تھے کہ ایک شخص نے دوسرے شخص سے روایت بیان کی میں نے کہا وہ غیر معتبر شخص ہے وہ شخص کہنے لگا تم نے اس کی غیبت کی ہے یہ سن کر اسماعیل نے میری تائید میں کہا انہوں نے غیبت نہیں بلکہ فن روایت میں اس کا مقام متعین کیا ہے؛؛ (مسلم شریف کتاب المقدمہ جلد ١ ص ٢٦؛حدیث نمبر ٨٣؛

بشر بن عمر بیان کرتے ہیں کہ میں نے امام مالک بن انس سے محمد بن عبد الرحمن کے بارے میں پوچھا جوکہ سعید بن مسیب سے روایت کرتے ہیں؛فرمایا وہ غیر ثقہ ہے؛پھر میں نے ان سے ابو الحویرث کے بارے میں پوچھا؛فرمایا کہ وہ بھی غیر ثقہ ہے؛پھر شعبہ کے بارے میں پوچھا جس سے ابن ابی ذئب روایت کرتا؛فرمایا وہ بھی غیر ثقہ ہے پھر میں نے توامہ کے آزاد کردہ غلام صالح کے متعلق پوچھا فرمایا کہ وہ بھی غیر ثقہ ہے؛؛؛پھر میں نے حرام بن عثمان کے بارے میں پوچھا فرمایا کہ غیر ثقہ ہے؛ان پانچوں کے بارے میں امام مالک نے عدم ثقاہت کی تصریح کردی پھر میں نے ایک اور شخص کے بارے میں پوچھا جس کا نام میں بھول گیا آپ نے فرمایا کیا تم نے اس کا نام میری کتابوں میں دیکھا ہے میں نے کہا نہیں فرمایا اگر وہ ثقہ راوی ہوتا تو تم اس کا نام میری کتابوں میں ضرور دیکھتے؛؛ (مسلم شریف کتاب المقدمہ جلد ١ ص ٢٦؛حدیث نمبر ٨٤؛؛

حجاج بیان کرتے ہیں کہ ابن ابی ذئب نے ہم سے شرحبيل بن سعد کی روایت بیان کی مگر شرحبيل متہم فی الحدیث تھے؛؛؛ (مسلم شریف کتاب المقدمہ جلد ١ ص ٢٧؛حدیث نمبر ٨٥؛؛

ابو اسحاق طالقانی نے کہا کہ عبد اللہ بن مبارک فرما رہے تھے اگر مجھے اختیار دیا جاتا کہ پہلے میں جنت میں داخل ہوں یا پہلے عبد اللہ بن مُحرّر سے ملاقات کرلوں تو میں اس سے ملاقات کرنے کو پسند کرتا اور جنت میں اس کے بعد جاتا لیکن جب میں نے اس کی تحقیق کی تو وہ مجھے اونٹ کی مینگنی سے بھی بدتر معلوم ہوا؛؛؛ (مسلم شریف کتاب المقدمہ جلد ١ ص ٢٧؛حدیث نمبر ٨٦؛

زید بن ابی انیسہ کہا کرتے تھے کہ میرے بھائی سے احادیث روایت نہ کیا کرو(یعنی یحییٰ بن انیسہ سے) (مسلم شریف کتاب المقدمہ جلد ١ ص ٢٧؛حدیث نمبر ٨٧؛

عبید اللہ بن عمرو بیان کرتے ہیں کہ یحییٰ بن انیسہ کذاب تھا؛؛ (مسلم شریف کتاب المقدمہ جلد ١ ص ٢٧؛حدیث نمبر ٨٨؛

حماد بن زید کہتے ہیں کہ ایوب کے سامنے فرقد کا ذکر کیا گیا تو انہوں نے بتایا کہ فرقد روایت حدیث کا اہل نہیں ہے؛؛؛ (مسلم شریف کتاب المقدمہ جلد ١ ص ٢٧؛حدیث نمبر ٨٩؛

یحییٰ بن سعید القطان کے سامنے محمد بن عبد اللہ بن عمر لیثی کا ذکر کیا گیا تو انہوں نے محمد بن عبد اللہ کو ضعیف قرار دیا؛یحییٰ سے کسی نے پوچھا کیا محمد بن عبد اللہ؛یعقوب بن عطاء سے بھی ضعیف ہے؛انہوں نے کہا ہاں!پھر کہا میرے خیال میں تو کوئی شخص بھی محمد بن عبد اللہ کی روایات بیان نہیں کریگا؛؛؛ (مسلم شریف کتاب المقدمہ جلد ١ ص ٢٧؛حدیث نمبر ٩٠؛

بشر بن حکم کہتے ہیں کہ یحییٰ بن سعید قطان نے حکیم بن جبیر اور عبد الاعلی کو ضعیف قرار دیا اور یحییٰ بن موسیٰ کو بھی ضعیف قرار دیا بلکہ اس کے بارے میں تو یہ بھی فرمایا کہ اس کی روایات ہوا کی مثل ہے اور موسیٰ بن دہقان اور عیسٰی بن عیسٰی مدنی کو بھی ضعیف کہا حسن بن عیسٰی کہتے ہیں کہ مجھ سے ابن مبارک نے فرمایا تھا کہ جس وقت تم جریر کے پاس جاؤ تو ان کا تمام علم لکھ لینا؛مگر تین شخصوں کی بیان کردہ روایات نہ لکھنا؛عبیدہ بن معتب؛سری بن اسماعیل؛اور محمد بن سالم؛؛؛؛اور امام مسلم فرماتے ہیں کہ ہم نے گزشتہ صفحات میں ضعیف راویوں کی جو تفصیل ذکر کی ہے اور ان کی بیان کردہ احادیث کے جو عیوب اور نقائص ذکر کیے ہیں وہ صاحب فراست شخص کے لئے کافی ہیں اگر ہم اس سلسلہ میں تمام تفصیل ذکر کرتے اور ماہرین اسماء الرجال اور ناقدین فن حدیث نے جو ضعیف؛مجروح؛مطعون اور غیر ثقہ راویوں کے احوال بیان کیے ہیں ان تمام کا ذکر کردیتے تو گفتگو بہت طویل ہو جاتی؛؛باقی رہا یہ امر کہ راویوں کے عیوب بیان کرنا کیا غیبت اور مسلمانوں کی پردہ داری(کے خلاف)ہے جب اس سلسلے میں علماء حدیث سے فتویٰ طلب کیا گیا تو انہوں نے کہا کہ راویوں کے احوال بیان کرنا ضروری ہیں کیونکہ دین کے اکثر مسائل جو حلال و حرام؛امر و نہی اور رغبت اور خوف سے متعلق ہیں وہ سب احادیث پر موقوف ہیں؛اب اگر کسی حدیث کا کوئی روای خود صادق اور امانت دار نہ ہو اور وہ حدیث کو روایت کرے اور بعد والے اس راوی کو عدم ثقاہت کے باوجود اس کی روایت کو بیان کر دیں اور اصل راوی کے احوال پر کوئی تنقید اور تبصرہ نہ کریں تو یہ عوام مسلمین کے ساتھ خیانت ہے کیونکہ ان احادیث میں سے بہت سی احادیث موضوع اور من گھڑت ہوں گی اور عوام کی اکثریت راویوں کے احوال سے ناواقف کی بنا پر ان احادیث کے مطابق عمل کرے گی اور اس کا گناہ اس شخص پر ہوگا جس نے حدیث بیان کردی اور اس کے راویوں کے احوال پر کوئی تبصرہ نہیں کیا؛جب کہ احادیث صحیحہ جن کو معتبر اور ثقہ راویوں نے بیان کیا ہے اس قدر کثرت سے موجود ہیں کہ ان باطل روایات کی مطلقاً ضرورت نہیں ہے اس تحقیق کے بعد ہمارا خیال یہ ہے کہ کوئی شخص اپنی کتاب میں مجہول؛ غیر ثقہ؛غیر معتبر؛ راویوں کی حدیث بیان نہیں کریگا خصوصاً جب کہ وہ سند حدیث کی کیفیت پر مطلع ہو؛سوا اس شخص کے جو لوگوں کے دماغوں میں یہ بات بٹھانا چاہتا ہو کہ وہ احادیث کا ایک بہت بڑا ذخیرہ پیش کر سکتا ہے اور اس مقصد کو حاصل کرنے کے لیے وہ باطل اور موضوع؛؛؛اسانید کے ساتھ بھی احادیث پیش کردے گا تاکہ جب لوگوں کے سامنے احادیث کا ایک ضخیم مجموعہ پیش ہو تو لوگ اس کی وسعت علمی اور ژرف بینی پر داد دیں لیکن جو شخص ایسے طرقہ کو اختیار کرے گا اہل علم کے نزدیک اس کی کوئی وقعت نہیں ہوگی اور وہ شخص عالم کہلانے کے بجائے جاہل کہلانے کا زیادہ مستحق ہوگا؛؛ (مسلم شریف کتاب المقدمہ جلد ١ ص ٢٧؛حدیث نمبر ٩١؛؛

امام مسلم فرماتے ہیں کہ:ہمارے بعض معاصر محدثین نے سند حدیث کی صحت اور فساد کے بارے میں ایک ایسی غلط شرط عائد کی ہے جس کا اگر ہم ذکر نہ کرتے تو یہی زیادہ مناسب تھا کیونکہ جو قول مردود ہو اس کا ذکر نہ کرنا ہی زیادہ بہتر ہے؛تاہم ہم نے خیال کیا کہ اگر اس فاسد قول کو ذکر کرکے اس کا رد نہ کیا جائے تو ممکن ہے کہ کوئی ناواقف شخص اس باطل قول کو صحیح سمجھ لے کیوں کہ ناواقف لوگ نئی نئی باتوں کے زیادہ دلدادہ اور عجیب و غریب شرائط کے زیادہ شیدا ہوتے ہیں لہذا اب ہم ان معاصرین کی اس باطل شرط کو ذکر کرکے اس کا فساد؛بطلان؛اور خرابیاں ذکر کریں گے تاکہ عام لوگ غلط فہمی سے محفوظ رہیں؛؛ان بعض معاصرین کا خیال ہے کہ جس حدیث کی سند فلاں عن فلاں(یعنی فلاں؛فلاں سے روایت کرتا ہے)ہو اور ہم کو یہ بھی معلوم ہو کہ چونکہ یہ دونوں ہمعصر ہیں اس لیے ممکن ہے کہ راوی نے مروی عنہ سے ملاقات کی ہو اور اس سے اس حدیث کا سماع کیا ہو البتہ ہمارے پاس کوئی دلیل یا روایت نہ ہو جس سے قطعی طور پر یہ ثابت ہو کہ ان دونوں نے ایک دوسرے سے ملاقات کی ہے اور ایک نے----دوسرے سے بالمشافہ حدیث سنی ہے تو ایسی حدیث ان لوگوں کے نزدیک قابل قبول نہیں ہے ان کے نزدیک اس قسم کی جو بھی حدیث ہوگی وہ اس وقت تک قابل اعتبار نہیں ہوگی جب تک انہیں اس بات کا یقین نہ ہو جائے کہ وہ زندگی میں کم از کم ایک بار آپس میں ملے ہیں یا ان میں سے ایک شخص نے دوسرے سے بالمشافہ حدیث سنی ہے یا کوئی ایسی روایت ہو جس سے ثابب ہو کہ یہ دونوں زندگی میں کم از کم ایک بار ملے ہیں اور اگر ان کو؛نہ تو کسی دلیل سے ان کی ملاقات کا یقین ہو نہ کسی روایت سے ان کی ملاقات اور سماع ثابت ہو تو ان کے نزدیک اس روایت کا قبول کرنا اس وقت تک موقوف رہے گا جب تک کہ کسی روایت سے ان کی ملاقات اور سماع ثابت نہ ہو جائے خواہ ایسی روایات قلیل ہو یا کثیر؛؛امام مسلم فرماتے ہیں؛؛کہ؛ ان معاصرین کی یہ شرط بالکل نئی اور اختراعی ہے پیشرو علماء حدیث میں سے کسی شخص نے یہ شرط عائد نہیں کی اور نہ موجودہ اہل علم میں سے کسی شخص نے اس شرط کی موافقت کی ہے؛؛کیونکہ موجودہ اور سابقین تمام علماء حدیث ارباب فن اور اہل علم کا اس بات پر اتفاق ہے کہ جب ایک ثقہ اور عادل شخص اپنے ایسے معاصر ثقہ اور عادل شخص سے کوئی حدیث روایت کرے جس سے اس کی ملاقات اور سماع ممکن ہو تو اس کی یہ روایت قابل قبول اور حجت ہے خواہ ہمارے پاس ان کی باہمی ملاقات اور بالمشافہ حدیث سننے پر نہ کوئی ہو اور نہ کسی اور روایت سے یہ چیز ثابت ہو البتہ اگر کسی دلیل یا روایت سے یہ بات یقینی طور پر ثابت ہو جائے کہ ان دونوں کی آپس میں ملاقات نہیں ہوئی ہے یا ملاقات تو ہوئی ہے لیکن انہوں نے ایک دوسرے سے گفتگو نہیں کی تھی ایسی شکل میں یقیناً یہ روایت غیر معتبر ہوگی اور جب تک یہ ثابت نہ ہو اور صرف ابہام ہو تو یہ روایت یقیناً مقبول ہوگی؛(امام مسلم فرماتے ہیں)ہم ان لوگوں سے پوچھتے ہیں کہ؛یہ تو تم بھی تسلیم کرتے ہو کہ ایک ثقہ راوی کی دوسرے ثقہ راوی سے روایت حجت ہوتی ہے اور اس کے مقتضی پر عمل لازم ہوتا ہے؛اب تم نے اس میں ایک مزید شرط کا اضافہ کردیا کہ ان دونوں کی ملاقات بھی ضروری ہے اب یہ بتاؤ کہ یہ نئی شرط فن حدیث کے علماء سابقین اور اسلاف نے بھی عائد کی تھی یا صرف تم نے کسی دلیل کی بنا پر یہ نئی اختراعی اور من گھڑت شرط عائد کی ہے؟پہلی صورت تو یقیناً باطل ہے کیونکہ اسلاف سے ایسی کوئی شرط منقول نہیں ہے اور دوسری صورت بھی باطل ہے کیونکہ اس شرط کے اضافہ پر کوئی دلیل نہیں ہے؛؛ اگر یہ لوگ اپنی اختراعی شرط کے ثبوت میں یہ کہیں کہ ہم نے زمانہ حال اور ماضی میں بہت سے ایسے راویان حدیث دیکھیں ہیں جو ایک دوسرے سے روایت کرتے ہیں حالانکہ ان راویوں نے نہ ایک دوسرے کو دیکھا ہوتا ہے اور نہ کوئی حدیث سنی ہوتی ہے اس قسم کی حدیث مرسل کہلاتی ہے اور جمہور اہل علم کے نزدیک حدیث مرسل مقبول نہیں ہوتی اس لیے ہم نے سند حدیث میں راوی کے سماع کی شرط عائد کردی ہے اب اگر ہمیں کسی قرینہ یا دلیل یا کسی خبر اور روایت سے یہ معلوم ہو جائے کہ روای نے مروی عنہ سے حدیث سنی ہے تو اس کی کل روایات مقبول ہوں گی اور اگر ہم کو کسی قرینہ یا روایت سے سماع کا ثبوت نہ مل سکا تو ہمارے نزدیک یہ حدیث موقوف ہوگی کیونکہ اس حدیث کے مرسل ہونے کا احتمال موجود ہے؛؛ان لوگوں کی یہ دلیل اس لیے غلط ہیکہ ان کے بنائے ہوئے قائدہ کی بنا پر یہ لازم آتا ہے کہ حدیث معنعن(یعنی جس حدیث کی سند یوں ہوکہ فلاں شخص نے فلاں سے روایت کیا)اس وقت تک مقبول نہ ہو جب تک کہ یہ ثابت نہ ہو جائے کہ سند میں مذکور ہر راوی نے اپنے مروی عنہ سے سماع بھی کیا ہے؛فرض کرو ایک حدیث اس سند سے مروی ہوتی ہے از ہشام بن عروہ از والد خود(یعنی عروہ)از عائشہ رضی اللہ تعالیٰ عنہا اور ہم کو یقیناً معلوم ہیکہ ہشام نے اپنے والد سے اور ان کے والد یعنی عروہ نے حضرت عائشہ رضی اللہ تعالیٰ عنہا سے سماع کیا ہے جیسا کہ ہم کو یہ بھی قطعی طور پر معلوم ہے کہ حضرت عائشہ رضی اللہ تعالیٰ عنہا نے حضور اکرم صلی اللہ علیہ وسلم سے سماع کیا ہے اور یہ سند بالاتفاق مقبول ہے لیکن تمہارے قائدہ کی بنا پر لازم آئے گا کہ غیر مقبول ہو کیونکہ یہ ممکن ہے کہ ہشام جس شخص کو یہ حدیث بیان کریں اس شخص سے یہ نہ کہیں کہ یہ حدیث میں نے اپنے والد عروہ سے سنی ہے(یعنی سمعت یا اخبرنی کا صیغہ استعمال نہ کریں)اور یہ بھی ممکن ہے کہ وہ حدیث ہشام نے براہ راست اپنے والد سے نہ سنی ہو بلکہ ان دونوں کے درمیان کوئی تیسرا شخص واسطہ ہو جس کا ذکر ہشام نے نہ کیا ہو اور براہ راست اپنے والد سے حدیث روایت کردی ہو اسی طرح یہ بھی ممکن ہے کہ ہشام کے والد عروہ نے براہ راست حضرت عائشہ رضی اللہ تعالیٰ عنہا سے حدیث نہ سنی ہو اور ان دونوں کے درمیان کوئی تیسرا شخص ہو جس کا ذکر عروہ نے نہ کیا ہو اور براہ راست حضرت عائشہ رضی اللہ تعالیٰ عنہا سے روایت کردی ہو خلاصہ یہ ہیکہ ہر وہ حدیث جس کا راوی مروی عنہ سے حدیث سننے کی تصریح نہ کرے اس میں یہ ممکن ہے کہ راوی نے مروی عنہ سے براہ راست حدیث نہ سنی ہو اور درمیانی شخص کا ذکر نہ کرکے براہ راست مروی عنہ سے روایت کردی ہو؛؛ہر چند کہ ہمیں یہ معلوم ہو کہ فلاں روای کا فلاں مروی عنہ سے حدیث میں سماع ثابت ہے لیکن جب تک اس خاص حدیث میں جو کے وہ بیان کر رہا ہے اپنے مروی عنہ سے سماع کی تصريح نہ کرے اس حدیث میں مرسل ہونے کا احتمال موجود ہے؛لہذا تمہارے قائدہ کے مطابق یہ تمام احادیث غیر مقبول ہونی چاہیئے؛؛بسا اوقات ایسا ہوتا ہے کہ ایک شخص نے اپنے شیخ سے متعدد احادیث سنی ہوتی ہے لیکن کبھی تو وہ سند میں اپنے شیخ سے روایت کا ذکر کرتا ہے اور کبھی شیخ الشیخ سے روایت کا ذکر کرتا ہے اور شیخ کا درمیان میں ذکر نہیں کرتا؛ہم نے جو سند بیان کرنے کا یہ طریقہ ذکر کیا ہے یہ ثقہ اہل علم اور ائمہ محدثین کے نزدیک مشہور و معروف ہے مثلا ایوب سختیانی؛ابن مبارک؛وکیع؛ابن نمیر؛اور ان کے علاوہ محدثین کی ایک کثیر جماعت نے سند مذکور؛ذیل کے ساتھ ایک حدیث روایت کی ہے؛؛از ہشام بن عروہ از والد خود(یعنی عروہ)از عائشہ رضی اللہ تعالیٰ عنہا فرماتی ہیں کہ میں رسول اللہ صلی اللہ علیہ وسلم کے احرام باندھنے اور کھولنے دونوں مواقع پر حضور صلی اللہ علیہ وسلم کو وہ خوشبو لگایا کرتی تھیں جو میرے پاس بہتر سے بہتر موجود ہوتی؛لیکن اسی حدیث کو لیث بن سعد؛داؤد؛عطاء؛حمید بن اسود؛وہیب بن خالد اور ابو اسامہ نے ہشام سے اس سند کے ساتھ روایت کیا ہیکہ ہشام بیان کرتے ہیں کہ مجھے عثمان بن عروہ نے حدیث بیان کی ہے از عروہ از عائشہ رضی اللہ تعالیٰ عنہا از نبی کریم صلی اللہ علیہ وسلم؛؛؛(یعنی امام مسلم یہ بتلانا چاہتے ہیں کہ دراصل ہشام نے یہ حدیث اپنے بھائی عثمان سے سنی تھی لیکن پہلی بیان کردہ سند میں اس کا ذکر نہیں اور دوسری میں اس کا ذکر کردیا ہے) (مسلم شریف کتاب المقدمہ جلد ١ ص ٢٨ تا ٣١؛