کتاب:نبی کریم صلی اللّٰہ علیہ وسلم کے غزوات کا بیان. باب:غزوہ العشیرۃ یا السیرۃ کا بیان۔ امام ابن اسحاق نے کہا کہ نبی کریم صلی اللّٰہ علیہ وسلم نے سب سے پہلے الابواء(مکہ اور مدینہ کے درمیان ایک مشہور جگہ)میں قتال کیا پھر بواط (پہاڑوں میں سے ایک پہاڑ کا نام اور بواط اور مدینہ منورہ کے درمیان بارہ میل کا فاصلہ ہے) میں پھر العشیرۃ میں۔ ابواسحاق نے بیان کیا کہ میں ایک وقت حضرت زید بن ارقم رضی اللہ عنہ کے پہلو میں بیٹھا ہوا تھا۔ ان سے پوچھا گیا تھا کہ نبی کریم صلی اللّٰہ علیہ وسلم نے کتنے غزوے کئے؟ انہوں نے کہا انیس۔ میں نے پوچھا آپ نبی کریم صلی اللّٰہ علیہ وسلم کے ساتھ کتنے غزوات میں شریک رہے؟ تو انہوں نے کہا کہ سترہ میں۔ میں نے پوچھا نبی کریم صلی اللّٰہ علیہ وسلم کا سب سے پہلا غزوہ کون سا تھا؟ کہا کہ عسیرہ یا عشیرہ۔ پھر میں نے اس کا ذکر قتادہ سے کیا تو انہوں نے کہا کہ (صحیح لفظ)عشیرہ ہے۔ (بخاری شریف ، كِتَابٌ : الْمَغَازِي. | بَابُ غَزْوَةِ الْعُشَيْرَةِ،حدیث نمبر ٣٩٤٩)
باب: بدر کی لڑائی میں فلاں فلاں مارے جائیں گے،اس کے متعلق نبی کریم صلی اللّٰہ علیہ وسلم کی پیشین گوئی کا بیان۔ حضرت عبداللہ بن مسعود رضی اللہ عنہ سے مروی ہے کہ وہ حضرت سعد بن معاذ رضی اللہ عنہ سے بیان کرتے تھے، انہوں نے کہا کہ وہ امیہ بن خلف کے(جاہلیت کے زمانے سے)دوست تھے اور جب بھی امیہ مدینہ سے گزرتا تو ان کے یہاں قیام کرتا تھا۔اسی طرح حضرت سعد رضی اللہ عنہ جب مکہ مکرمہ سے گزرتے تو امیہ کے یہاں قیام کرتے۔ جب نبی کریم صلی اللّٰہ علیہ وسلم مدینہ منورہ ہجرت کر کے تشریف لائے تو ایک مرتبہ حضرت سعد رضی اللہ عنہ مکہ مکرمہ عمرہ کے ارادے سے گئے اور امیہ کے پاس قیام کیا۔ انہوں نے امیہ سے کہا کہ میرے لیے کوئی تنہائی کا وقت بتاؤ تاکہ میں بیت اللہ کا طواف کروں۔ چناں چہ امیہ انہیں دوپہر کے وقت ساتھ لے کر نکلا۔ ان سے ابوجہل کی ملاقات ہوگئی۔ اس نے پوچھا، ابوصفوان! یہ تمہارے ساتھ کون ہیں؟ امیہ نے بتایا کہ یہ حضرت سعد بن معاذ رضی اللہ عنہ ہیں۔ ابوجہل نے کہا، میں تمہیں مکہ مکرمہ میں امن کے ساتھ طواف کرتا ہوا نہ دیکھوں۔ تم نے بے دینوں کو پناہ دے رکھی ہے اور اس خیال میں ہو کہ تم لوگ ان کی مدد کرو گے۔ خدا کی قسم! اگر اس وقت تم، ابوصفوان! امیہ کے ساتھ نہ ہوتے تو اپنے گھر سلامتی سے نہیں جاسکتے تھے۔ اس پر حضرت سعد رضی اللہ عنہ نے کہا، اس وقت ان کی آواز بلند ہوگئی تھی کہ اللہ کی قسم! اگر آج تم نے مجھے طواف سے روکا تو میں بھی مدینہ منورہ کی طرف سے تمہارا راستہ بند کر دوں گا اور یہ تمہارے لیے بہت سی مشکلات کا باعث بن جائے گا۔ امیہ کہنے لگا، سعد! ابوالحکم (ابوجہل)کے سامنے بلند آواز سے نہ بولو۔ یہ وادی کا سردار ہے۔ حضرت سعد رضی اللہ عنہ نے کہا، امیہ! اس طرح کی گفتگو نہ کرو۔ اللہ کی قسم! میں رسول اللہ صلی اللّٰہ علیہ وسلم سے سن چکا ہوں کہ تو ان کے ہاتھوں سے مارا جائے گا۔ امیہ نے پوچھا۔ کیا مکہ مکرمہ میں مجھے قتل کریں گے؟ انہوں نے کہا کہ اس کا مجھے علم نہیں۔ امیہ یہ سن کر بہت گھبرا گیا اور جب اپنے گھر لوٹا تو(اپنی بیوی سے) کہا، ام صفوان! دیکھا نہیں سعد میرے متعلق کیا کہہ رہے ہیں۔ اس نے پوچھا، کیا کہہ رہے ہیں؟ امیہ نے کہا کہ وہ یہ بتا رہے تھے کہ محمد (صلی اللہ علیہ وسلم )نے انہیں خبر دی ہے کہ کسی نہ کسی دن وہ مجھے قتل کردیں گے۔ میں نے پوچھا کیا مکہ مکرمہ میں مجھے قتل کریں گے؟ تو انہوں نے کہا کہ اس کی مجھے خبر نہیں۔ امیہ کہنے لگا: خدا کی قسم! اب مکہ مکرمہ سے باہر میں کبھی نہیں جاؤں گا۔ پھر بدر کی لڑائی کے موقع پر جب ابوجہل نے قریش سے لڑائی کی تیاری کے لیے کہا اور کہا کہ اپنے قافلہ کی مدد کو چلو تو امیہ نے لڑائی میں شرکت پسند نہیں کی، لیکن ابوجہل اس کے پاس آیا اور کہنے لگا، اے صفوان! تم وادی کے سردار ہو۔ جب لوگ دیکھیں گے کہ تم ہی لڑائی میں نہیں نکلتے ہو تو دوسرے لوگ بھی نہیں نکلیں گے۔ ابوجہل یوں ہی برابر اس کو سمجھاتا رہا۔ آخر مجبور ہو کر امیہ نے کہا جب نہیں مانتا تو خدا کی قسم (اس لڑائی کے لیے) میں ایسا تیز رفتار اونٹ خریدوں گا جس کا ثانی مکہ میں نہ ہو۔ پھر امیہ نے(اپنی بیوی سے)کہا، ام صفوان! میرا سامان تیار کر دے۔ اس نے کہا، ابوصفوان! اپنے یثربی بھائی کی بات بھول گئے؟ امیہ بولا، میں بھولا نہیں ہوں۔ ان کے ساتھ صرف تھوڑی دور تک جاؤں گا۔ جب امیہ نکلا تو راستہ میں جس منزل پر بھی ٹھہرنا ہوتا، یہ اپنا اونٹ(اپنے پاس ہی)باندھے رکھتا۔ وہ برابر ایسا ہی احتیاط کرتا رہا یہاں تک کہ اللہ تعالیٰ نے اسے قتل کرا دیا۔ (بخاری شریف ، كِتَابٌ : الْمَغَازِي. | بَابٌ : ذِكْرُ النَّبِيِّ صَلَّى اللَّهُ عَلَيْهِ وَسَلَّمَ مَنْ يُقْتَلُ بِبَدْرٍ،حدیث نمبر ٣٩٥٠)
باب:غزوہ بدر کا قصہ۔ اور اللہ تعالیٰ کا ارشاد:اور بیشک اللہ نے بدر میں تمہاری مدد کی جب تم بالکل بےسر و سامان تھے تو اللہ سے ڈرو کہیں تم شکر گزار ہو،جب اے محبوب تم مسلمانوں سے فرماتے تھے کیا تمہیں یہ کافی نہیں کہ تمہارا رب تمہاری مدد کرے تین ہزار فرشتہ اتار کر،ہاں کیوں نہیں اگر تم صبرو تقویٰ کرو اور کافر اسی دم تم پر آپڑیں تو تمہارا رب تمہاری مدد کو پانچ ہزار فرشتے نشان والے بھیجے گا اور یہ فتح اللہ نے نہ کی مگر تمہاری خوشی کے لئے اور اسی لئے کہ اس سے تمہارے دلوں کو چین ملے، اس لئے کہ کافروں کا ایک حصہ کاٹ دے یا انہیں ذلیل کرے کہ نامراد پھر جائیں(سورہ آل عمران آیت نمبر ١٢٣ تا ١٢٧) اور وحشی نے کہا:حضرت حمزہ (بن عبد المطلب) رضی اللہ عنہ نے بدر کے طعیمہ بن عدی بن خیار کو قتل کیا تھا۔ اور اللہ تعالیٰ کا ارشاد:اور یاد کرو جب اللہ نے تمہیں وعدہ دیا تھا کہ ان دونوں گروہوں میں ایک تمہارے لیے ہے اور تم یہ چاہتے تھے کہ تمہیں وہ ملے جس میں کانٹے کا کھٹکا نہیں (کوئی نقصان نہ ہو) اور اللہ یہ چاہتا تھا کہ اپنے کلام سے سچ کو سچ کر دکھائے اور کافروں کی جڑ کاٹ دے(سورۃ الانفال آیت نمبر ٧) حضرت کعب بن مالک رضی اللہ عنہ نے بیان کیا کہ رسول اللہ صلی اللّٰہ علیہ وسلم نے جتنے غزوے کئے، میں غزوہ تبوک کے سوا سب میں حاضر رہا۔ البتہ غزوہ بدر میں شریک نہ ہوسکا تھا لیکن جو لوگ اس غزوے میں شریک نہ ہو سکے تھے، ان میں سے کسی پر اللہ نے عتاب نہیں کیا۔ کیوں کہ رسول اللہ صلی اللّٰہ علیہ وسلم قریش کے قافلے کو تلاش کرنے کے لیے نکلے تھے۔(لڑنے کی نیت سے نہیں گئے تھے)مگر اللہ تعالیٰ نے ناگہانی مسلمانوں کو ان کے دشمنوں سے بھڑا دیا۔ (بخاری شریف ، كِتَابٌ : الْمَغَازِي. | بَابٌ : قِصَّةُ غَزْوَةِ بَدْرٍ،حدیث نمبر ٣٩٥١)
باب:اللہ تعالیٰ کا ارشاد:جب تم اپنے رب سے فریاد کرتے تھے تو اس نے تمہاری سن لی کہ میں تمہیں مدد دینے والا ہوں ہزاروں فرشتوں کی قطار سے۔اور یہ تو اللہ نے کیا مگر تمہاری خوشی کو اور اس لیے کہ تمہارے دل چین پائیں، اور مدد نہیں مگر اللہ کی طرف سے بیشک اللہ غالب حکمت والا ہے،جب اس نے تمہیں اونگھ سے گھیر دیا تو اس کی طرف سے چین (تسکین) تھی اور آسمان سے تم پر پانی اتارا کہ تمہیں اس سے ستھرا کردے اور شیطان کی ناپاکی تم سے دور فرمادے اور تمہارے دلوں کی ڈھارس بندھائے اور اس سے تمہارے قدم جمادے، جب اے محبوب! تمہارا رب فرشتوں کو وحی بھیجتا تھا کہ میں تمہارے ساتھ ہوں تم مسلمانوں کو ثابت رکھو عنقریب میں کافروں کے دلوں میں ہیبت ڈالوں گا تو کافروں کی گردنوں سے اوپر مارو اور ان کی ایک ایک پور (جوڑ) پر ضرب لگاؤ، یہ اس لیے کہ انہوں نے اللہ اور اس کے رسول سے مخا لفت کی اور جو اللہ اور اس کے رسول سے مخالفت کرے تو بیشک اللہ کا عذاب سخت ہے(سورہ آل عمران آیت ٩ تا ١٣) حضرت ابن مسعود رضی اللہ عنہ نے کہا کہ میں نے حضرت مقداد بن اسود رضی اللہ عنہ سے ایک ایسی بات سنی کہ اگر وہ بات میری زبان سے ادا ہوجاتی تو میرے لیے کسی بھی چیز کے مقابلے میں زیادہ عزیز ہوتی۔ وہ نبی کریم صلی اللّٰہ علیہ وسلم کی خدمت میں حاضر ہوئے۔ نبی کریم صلی اللّٰہ علیہ وسلم اس وقت مشرکین کے خلاف دعا کر رہے تھے۔ انہوں نے عرض کیا: یا رسول اللہ صلی اللّٰہ علیہ وسلم ! ہم وہ نہیں کہیں گے جو موسیٰ (علیہ السلام) کی قوم نے کہا تھا کہ جاؤ، تم اور تمہارا رب ان سے جنگ کرو، بلکہ ہم آپ کے دائیں بائیں، آگے اور پیچھے جمع ہو کر لڑیں گے۔ میں نے دیکھا کہ نبی کریم صلی اللّٰہ علیہ وسلم کا چہرہ مبارک چمکنے لگا اور نبی کریم صلی اللّٰہ علیہ وسلم خوش ہوگئے۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : إِذْ تَسْتَغِيثُونَ رَبَّكُمْ،حدیث نمبر ٣٩٥٢)
حضرت ابن عباس رضی اللہ تعالٰی عنہما نے بیان کیا کہ نبی کریم صلی اللّٰہ علیہ وسلم نے بدر کی لڑائی کے موقع پر فرمایا تھا کہ اے اللہ! میں تیرے عہد اور وعدہ کا واسطہ دیتا ہوں، اگر تو چاہے(کہ یہ کافر غالب ہوں تو مسلمانوں کے ختم ہوجانے کے بعد)تیری عبادت نہ ہوگی۔ اس پر حضرت ابوبکر رضی اللہ عنہ نے نبی اکرم صلی اللہ علیہ وسلم کا ہاتھ تھام لیا اور عرض کیا بس کیجئے، یا رسول اللہ صلی اللّٰہ علیہ وسلم ! اس کے بعد نبی کریم صلی اللّٰہ علیہ وسلم اپنے خیمے سے باہر تشریف لائے تو نبی کریم صلی اللّٰہ علیہ وسلم کی زبان پر یہ آیت تھی: عنقریب کفار کا لشکر شکست کھائے گا اور یہ سب پیٹھ پھیر کر بھاگیں گے۔(سورۃ القمر ٤٥) (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : إِذْ تَسْتَغِيثُونَ رَبَّكُمْ،حدیث نمبر ٣٩٥٣)
حضرت ابن عباس رضی اللہ تعالٰی عنہما بیان کرتے تھے، انہوں نے بیان کیا کہ جو مسلمان غزوہ بدر میں حاضر نہیں ہوئے اور اپنے گھروں میں بیٹھے رہے وہ ان مسلمانوں کے برابر نہیں ہیں جو اپنے گھروں سے نکل کر بدر کی طرف گئے ہیں۔ (بخاری شریف ،كِتَابٌ : الْمَغَازِي. | بَابٌ :حدیث نمبر ٣٩٥٤)
باب: جنگ بدر میں شریک ہونے والوں کا شمار۔ حضرت براء بن عازب رضی اللہ عنہ نے بیان کیا کہ (بدر کی لڑائی کے موقع پر)مجھے اور حضرت ابن عمر رضی اللہ تعالٰی عنہما کو نابالغ قرار دے دیا گیا تھا۔ حضرت براء رضی اللہ عنہ نے بیان کیا کہ بدر کی لڑائی میں مجھے اور حضرت عبداللہ بن عمر رضی اللہ تعالٰی عنہما کو نابالغ قرار دے دیا گیا تھا اور اس لڑائی میں مہاجرین کی تعداد ساٹھ سے کچھ زیادہ تھی اور انصار دو سو چالیس سے کچھ زیادہ تھے۔ (بخاری شریف ، كِتَابٌ : الْمَغَازِي. | بَابُ عِدَّةِ أَصْحَابِ بَدْرٍ،حدیث نمبر ٣٩٥٥،و حدیث نمبر ٣٩٥٦)
حضرت براء رضی اللہ عنہ نے بیان کیا کہ محمد صلی اللّٰہ علیہ وسلم کے صحابہ کرام نے جو بدر میں شریک تھے مجھ سے بیان کیا کہ بدر کی لڑائی میں ان کی تعداد اتنی ہی تھی جتنی طالوت (علیہ السلام) کے ان اصحاب کی تھی جنہوں نے ان کے ساتھ نہر فلسطین کو پار کیا تھا۔ تقریباً تین سو دس۔ حضرت براء رضی اللہ عنہ نے کہا نہیں، اللہ کی قسم! طالوت کے ساتھ نہر فلسطین کو صرف وہی لوگ پار کرسکے تھے جو مومن تھے۔ (بخاری شریف ، كِتَابٌ : الْمَغَازِي. | بَابُ عِدَّةِ أَصْحَابِ بَدْرٍ،حدیث نمبر ٣٩٥٧)
حضرت براء رضی اللہ عنہ نے بیان کیا کہ ہم اصحاب محمد صلی اللّٰہ علیہ وسلم آپس میں یہ گفتگو کرتے تھے کہ اصحاب بدر کی تعداد بھی اتنی ہی تھی جتنی اصحاب طالوت علیہ السلام کی۔ جنہوں نے آپ علیہ السلام کے ساتھ نہر فلسطین پار کی تھی اور ان کے ساتھ نہر کو پار کرنے والے صرف مومن ہی تھے یعنی تین سو دس سے کچھ زیادہ آدمی۔ (بخاری شریف ، كِتَابٌ : الْمَغَازِي. | بَابُ عِدَّةِ أَصْحَابِ بَدْرٍ،حدیث نمبر ٣٩٥٨)
حضرت براء رضی اللہ عنہ نے بیان کیا کہ ہم آپس میں یہ گفتگو کیا کرتے تھے کہ جنگ بدر میں اصحاب بدر کی تعداد بھی تین سو دس سے اوپر، کچھ اوپر تھی، جتنی ان اصحاب طالوت علیہ السلام کی تعداد تھی جنہوں نے ان کے ساتھ نہر فلسطین پار کی تھی اور اسے پار کرنے والے صرف ایمان دار ہی تھے۔ (بخاری شریف ، كِتَابٌ : الْمَغَازِي. | بَابُ عِدَّةِ أَصْحَابِ بَدْرٍ،حدیث نمبر ٣٩٥٩)
باب: کفار قریش، شیبہ، عتبہ، ولید اور ابوجہل بن ہشام کے خلاف نبی کریم صلی اللّٰہ علیہ وسلم کا دعا کرنا اور ان کی ہلاکت کا بیان۔ حضرت عبداللہ بن مسعود رضی اللہ عنہ نے بیان کیا کہ نبی کریم صلی اللّٰہ علیہ وسلم نے کعبہ شریف کی طرف منہ کر کے کفار قریش کے چند لوگوں شیبہ بن ربیعہ، عتبہ بن ربیعہ، ولید بن عتبہ اور ابوجہل بن ہشام کے خلاف دعا کی تھی۔ میں اس کے لیے اللہ کو گواہ بناتا ہوں کہ میں نے (بدر کے میدان میں)ان کی لاشیں پڑی ہوئی پائیں۔ سورج نے ان کی لاشوں کو بدبودار کردیا تھا۔ اس دن بڑی گرمی تھی۔ (بخاری شریف ، كِتَابٌ : الْمَغَازِي. | بَابٌ : دُعَاءُ النَّبِيِّ عَلَى كُفَّارِ قُرَيْشٍ،حدیث نمبر ٣٩٦٠)
باب: (بدر کی جنگ میں )ابوجہل کا قتل ہونا۔ حضرت عبداللہ بن مسعود رضی اللہ عنہ نے بیان کیا کہ بدر کی لڑائی میں وہ ابوجہل کے قریب سے گزرے ابھی اس میں تھوڑی سی جان باقی تھی اس نے ان سے کہا اس سے بڑا کوئی اور شخص ہے جس کو تم نے مارا ہے؟ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦١)
حضرت انس بن مالک رضی اللہ عنہ نے بیان کیا کہ نبی کریم صلی اللّٰہ علیہ وسلم نے فرمایا "کوئی ہے جو معلوم کرے کہ ابوجہل کا کیا حشر ہوا؟" حضرت ابن مسعود رضی اللہ عنہ حقیقت حال معلوم کرنے آئے تو دیکھا کے عفراء کے بیٹو ( حضرت معاذ اور معوذ رضی اللہ تعالٰی عنہما)نے اسے قتل کر دیا ہے اور اس کا جسم ٹھنڈا پڑا ہے۔ انہوں نے دریافت کیا، کیا تو ہی ابوجہل ہے؟ حضرت انس رضی اللہ عنہ نے بیان کیا کہ پھر حضرت ابن مسعود رضی اللہ عنہ نے اس کی ڈاڑھی پکڑ لی۔ابوجہل نے کہا، کیا اس سے بھی بڑا کوئی آدمی ہے جسے تم نے آج قتل کر ڈالا ہے؟ یا ( اس نے یہ کہا کہ کیا اس سے بھی بڑا ) کوئی آدمی ہے جسے اس کی قوم نے قتل کر ڈالا ہے؟ احمد بن یونس نے( اپنی روایت میں )«أنت» ابوجھل کے الفاظ بیان کئے ہیں۔ یعنی انہوں نے یہ پوچھا، کیا تو ہی ابوجہل ہے۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ)حدیث نمبر ٣٩٦٢)
حضرت انس رضی اللہ عنہ نے بیان کیا کہ نبی کریم صلی اللّٰہ علیہ وسلم نے غزوہ بدر کے دن فرمایا:یہ کون دیکھ کر آئے گا کہ ابو جہل نے کیا کیا ہے؟ پس حضرت ابن مسعود رضی اللہ عنہ گئے تو انہوں نے ابو جہل کو اس حال میں پایا کہ حضرت عفراء رضی اللہ عنہ کے دو بیٹے اس سے مار چکے تھے حتیٰ کہ وہ ٹھنڈا ہو چکا تھا پس انہوں نے اس کی ڈاڑھی پکڑ کر کہا:تو مرا پڑا ہے اے ابو جہل تو اس نے کہا کیا اس سے بھی بڑے کسی آدمی کو اس کی قوم نے قتل کیا ہے! یا کہا کیا اسے بھی بڑے آدمی کو تم نے قتل کیا ہے! حضرت انس بن مالک رضی اللہ عنہ نے خبر دی، اسی طرح آگے حدیث بیان کی۔ صالح بن ابراہیم نے اپنے والد سے انہوں نے صالح کے دادا (عبدالرحمٰن بن عوفص) سے روایت کرتے ہیں کہ وہ بیان کرتے ہیں کہ جنگ بدر میں یعنی حضرت عفراء رضی اللہ عنہ کے دونوں بیٹوں کی حدیث۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٣،و حدیث نمبر ٣٩٦٤)
حضرت علی بن ابی طالب رضی اللہ عنہ نے بیان کیا کہ قیامت کے دن میں سب سے پہلا شخص ہوں گا جو اللہ تعالیٰ کے دربار میں اپنے جھگڑا کے لیے دو زانو ہو کر بیٹھے گا۔ قیس بن عباد نے بیان کیا کہ انہیں حضرات (حضرت حمزہ،حضرت علی اور حضرت عبیدہ رضی اللہ تعالٰی عنہم اجمعین)کے بارے میں سورة الحج کی یہ آیت نازل ہوئی تھی:- یہ دو فریق ہیں جنہوں نے اپنے رب کے متعلق نزاع کیا(الحج ١٩) انہوں نے بیان کیا کہ یہ وہی دو مقابل ہیں جو بدر کی لڑائی میں لڑنے نکلے تھے، مسلمانوں کی طرف سے حضرت حمزہ، حضرت علی اور حضرت عبیدہ یا حضرت ابوعبیدہ بن حارث رضوان اللہ تعالیٰ علیہم اجمعین(اور کافروں کی طرف سے)شیبہ بن ربیعہ، عتبہ بن ربیعہ اور ولید بن عتبہ تھے۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٥)
حضرت ابوذر رضی اللہ عنہ نے بیان کیا آیت کریمہ هذان خصمان اختصموا في ربهم:-یہ وہ دو مقابل ہیں جنہوں نے اپنے رب کے متعلق نزاع کیا(الحج ١٩) قریش کے چھ شخصوں کے بارے میں نازل ہوئی تھی اور وہ یہ ہیں کہ (تین مسلمانوں کی طرف کے یعنی حضرت علی، حضرت حمزہ اور حضرت عبیدہ بن حارث رضی اللہ تعالٰی عنہم اجمعین اور (تین کفار کی طرف کے یعنی) شیبہ بن ربیعہ، عتبہ بن ربیعہ اور ولید بن عتبہ۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٦)
قیس بن عباد نے بیان کیا کہ حضرت علی رضی اللہ عنہ نے کہا یہ آیت هذان خصمان اختصموا في ربهم:ترجمہ :یہ وہ دو مقابل ہیں جنہوں نے اپنے رب کے متعلق نزاع کیا۔(الحج ١٩)ہمارے معاملے میں نازل ہوئی تھی۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٧)
حضرت ابوذر رضی اللہ عنہ قسمیہ بیان کرتے تھے کہ یہ آیت ( هذان خصمان اختصموا في ربهم )انہیں چھ آدمیوں کے بارے میں، بدر کی لڑائی کے موقع پر نازل ہوئی تھی۔ پہلی حدیث کی طرح راوی نے اسے بھی بیان کیا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٨)
حضرت ابوذر رضی اللہ عنہ قسمیہ کہتے تھے کہ یہ آیت :-هذان خصمان اختصموا في ربهم :ان کے بارے میں اتری جو بدر کی لڑائی میں مقابلے کے لیے نکلے تھے یعنی حضرت حمزہ،حضرت علی اور حضرت عبیدہ بن حارث رضی اللہ تعالٰی عنہم اجمعین (مسلمانوں کی طرف سے)اور عتبہ، شیبہ، ربیعہ کے بیٹے اور ولید بن عتبہ(کافروں کی طرف سے) ۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٦٩)
ابراہیم بن یوسف نے بیان کیا کہ ان سے ان کے والد یوسف بن اسحاق نے بیان کیا اور ان سے ان کے دادا ابواسحاق سبیعی نے بیان کیا کہ کہ ایک شخص نے حضرت براء رضی اللہ عنہ سے پوچھا اور میں سن رہا تھا کہ کیا حضرت علی رضی اللہ عنہ بدر کی جنگ میں شریک تھے؟ انہوں نے کہا کہ ہاں انہوں نے تو مبارزت کی تھی اور غالب رہے تھے۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٠)
حضرت عبدالرحمٰن بن عوف رضی اللہ عنہ نے بیان کیا کہ میں نے امیہ بن خلف سے(ہجرت کے بعد)معاہدہ کیا۔پھر بدر کی لڑائی کے موقع پر انہوں نے اس کے اور اس کے بیٹے (علی)کے قتل کا ذکر کیا۔حضرت بلال رضی اللہ تعالٰی عنہ نے(جب اسے دیکھ لیا تو) کہا کہ اگر آج امیہ بچ نکلا تو میں آخرت میں عذاب سے بچ نہیں سکوں گا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧١)
حضرت عبداللہ بن مسعود رضی اللہ عنہ نے بیان کیا کہ نبی کریم صلی اللّٰہ علیہ وسلم نے (ایک مرتبہ مکہ مکرمہ میں)سورة النجم کی تلاوت کی اور سجدہ تلاوت کیا تو جتنے لوگ وہاں موجود تھے سب سجدہ میں گرگئے۔سوائے ایک بوڑھے کے کہ اس نے ہتھیلی میں مٹی لے کر اپنی پیشانی پر اسے لگا لیا اور کہنے لگا کہ میرے لیے بس اتنا ہی کافی ہے۔ حضرت عبداللہ رضی اللہ عنہ نے کہا کہ پھر میں نے اسے دیکھا کہ کفر کی حالت میں وہ قتل ہوا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٢)
عروہ نے بیان کیا کہ حضرت زبیر رضی اللہ عنہ کے جسم پر تلوار کے تین (گہرے)زخموں کے نشانات تھے۔ ایک ان کے مونڈھے پر تھا(اور اتنا گہرا تھا)کہ میں بچپن میں اپنی انگلیاں ان میں داخل کردیا کرتا تھا۔ عروہ نے بیان کیا کہ ان میں سے دو زخم بدر کی لڑائی میں آئے تھے اور ایک جنگ یرموک میں۔ عروہ نے بیان کیا کہ جب حضرت عبداللہ بن زبیر رضی اللہ عنہ کو(حجاج بن یوسف ظالم کے ہاتھوں سے)شہید کردیا گیا تو مجھ سے عبدالملک بن مروان نے کہا: اے عروہ! کیا حضرت زبیر رضی اللہ عنہ کی تلوار تم پہچانتے ہو؟ میں نے کہا کہ ہاں پہچانتا ہوں۔ اس نے پوچھا اس کی نشانی بتاؤ؟ میں نے کہا کہ بدر کی لڑائی کے موقع پر اس کی دھار کا ایک حصہ ٹوٹ گیا تھا، جو ابھی تک اس میں باقی ہے۔ عبدالملک نے کہا کہ تم نے سچ کہا(پھر اس نے نابغہ شاعر کا یہ مصرع پڑھا) فوجوں کے ساتھ لڑتے لڑتے ان کی تلواروں کی دھاریں کی جگہ سے ٹوٹ گی ہیں، پھر عبدالملک نے وہ تلوار عروہ کو واپس کردی ‘ ہشام نے بیان کیا کہ ہمارا اندازہ تھا کہ اس تلوار کی قیمت تین ہزار درہم تھی۔ وہ تلوار ہمارے ایک عزیز (عثمان بن عروہ)نے قیمت دے کرلے لی تھی میری بڑی آرزو تھی کہ کاش! وہ تلوار میرے حصے میں آتی۔ عروہ نے بیان کیا کہ حضرت زبیر رضی اللہ عنہ کی تلوار پر چاندی کا کام تھا۔ ہشام نے کہا کہ (میرے والد)عروہ کی تلوار پر چاندی کا کام تھا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٣،و حدیث نمبر ٣٩٧٤)
ہشام بن عروہ نے خبر دی کہ انہیں ان کے والد نے بیان کیا کہ رسول اللہ صلی اللّٰہ علیہ وسلم کے صحابہ کرام نے حضرت زبیر رضی اللہ عنہ سے یرموک کی جنگ میں کہا آپ حملہ کرتے تو ہم بھی آپ کے ساتھ حملہ کرتے انہوں نے کہا کہ اگر میں نے ان پر زور کا حملہ کردیا تو پھر تم لوگ پیچھے رہ جاؤ گے سب بولے کہ ہم ایسا نہیں کریں گے۔ چناں چہ حضرت زبیر رضی اللہ عنہ نے دشمن(رومی فوج)پر حملہ کیا اور ان کی صفوں کو چیرتے ہوئے آگے نکل گئے۔ اس وقت ان کے ساتھ کوئی ایک بھی(مسلمان) نہیں رہا پھر(مسلمان فوج کی طرف)آنے لگے تو رومیوں نے ان کے گھوڑے کی لگام پکڑ لی اور مونڈھے پر دو کاری زخم لگائے، جو زخم بدر کی لڑائی کے موقع پر ان کو لگا تھا وہ ان دونوں زخموں کے درمیان میں پڑگیا تھا۔ عروہ بن زبیر نے بیان کیا کہ جب میں چھوٹا تھا تو ان زخموں میں اپنی انگلیاں ڈال کر کھیلا کرتا تھا۔ عروہ نے بیان کیا کہ یرموک کی لڑائی کے موقع پر حضرت عبداللہ بن زبیر رضی اللہ عنہ بھی ان کے ساتھ گئے تھے، اس وقت ان کی عمر کل دس سال کی تھی اس لیے ان کو ایک گھوڑے پر سوار کر کے ایک صاحب کی حفاظت میں دے دیا تھا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٥)
حضرت قتادہ نے بیان کیا کہ حضرت انس بن مالک رضی اللہ عنہ نے کہا کہ ہم سے حضرت ابوطلحہ رضی اللہ عنہ نے بیان کیا کہ بدر کی لڑائی میں رسول اللہ صلی اللّٰہ علیہ وسلم کے حکم سے قریش کے چوبیس مقتول سردار بدر کے ایک بہت ہی اندھیرے اور گندے کنویں میں پھینک دئیے گئے۔(نبی کریم صلی اللّٰہ علیہ وسلم کی) عادت مبارکہ تھی کہ جب دشمن پر غالب ہوتے تو میدان جنگ میں تین دن تک قیام فرماتے جنگ بدر کے خاتمہ کے تیسرے دن آپ علیہ السلام کے حکم سے آپ علیہ السلام کی سواری پر کجاوہ باندھا گیا اور آپ علیہ السلام روانہ ہوئے آپ علیہ السلام کے اصحاب بھی آپ علیہ السلام کے ساتھ تھے صحابہ کرام نے کہا، غالباً آپ علیہ السلام کسی ضرورت کے لیے تشریف لے جا رہے ہیں آخر آپ علیہ السلام اس کنویں کے کنارے آ کر کھڑے ہوگئے اور کفار قریش کے مقتولین سرداروں کے نام ان کے باپ کے نام کے ساتھ لے کر آپ علیہ السلام انہیں آواز دینے لگے کہ اے فلاں بن فلاں! اے فلاں بن فلاں! کیا آج تمہارے لیے یہ بات بہتر نہیں تھی کہ تم نے دنیا میں اللہ اور اس کے رسول کی اطاعت کی ہوتی؟ بیشک ہم سے ہمارے رب نے جو وعدہ کیا تھا وہ ہمیں پوری طرح حاصل ہوگیا تو کیا تمہارے رب کا تمہارے متعلق جو وعدہ (عذاب کا)تھا وہ بھی تمہیں پوری طرح مل گیا؟حضرت ابوطلحہ رضی اللہ عنہ نے بیان کیا کہ اس پر حضرت عمر رضی اللہ عنہ بول پڑے: یا رسول اللہ صلی اللّٰہ علیہ وسلم ! آپ علیہ السلام ان لاشوں سے کیوں خطاب فرما رہے ہیں؟ جن میں کوئی جان نہیں ہے۔ نبی کریم صلی اللّٰہ علیہ وسلم نے فرمایا:-اس ذات کی قسم جس کے دست قدرت میں میری جان ہے، جو کچھ میں کہہ رہا ہوں تم لوگ ان سے زیادہ اسے نہیں سن رہے ہو۔ قتادہ نے بیان کیا کہ اللہ تعالیٰ نے انہیں زندہ کردیا تھا (اس وقت)تاکہ نبی کریم صلی اللّٰہ علیہ وسلم انہیں اپنی بات سنا دیں ان کی توبیخ ‘ ذلت ‘ نامرادی اور حسرت و ندامت کے لیے۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٦)
حضرت ابن عباس رضی اللہ تعالٰی عنہما نے بیان کیا کہ ‘ قرآن مجید کی آیت الذين بدلوا نعمة الله کفرا(سورۃ ابراہیم 28) کے بارے میں نبی کریم صلی اللّٰہ علیہ وسلم نے فرمایا اللہ کی قسم! یہ کفار قریش تھے۔ عمرو نے کہا کہ اس سے مراد قریش تھے اور رسول اللہ صلی اللّٰہ علیہ وسلم اللہ کی نعمت تھے۔ کفار قریش نے اپنی قوم کو جنگ بدر کے دن دار البوار یعنی دوزخ میں جھونک دیا۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٧)
ہشام نے بیان کیا کہ ان سے ان کے والد نے بیان کیا کہ حضرت عائشہ رضی اللہ تعالٰی عنہا کے سامنے کسی نے اس کا ذکر کیا کہ حضرت ابن عمر رضی اللہ تعالٰی عنہما نبی کریم صلی اللّٰہ علیہ وسلم کے حوالہ سے بیان کرتے ہیں کہ میت کو قبر میں اس کے گھر والوں کے، اس پر رونے سے بھی عذاب ہوتا ہے۔ اس پر حضرت عائشہ رضی اللہ تعالٰی عنہا نے کہا کہ نبی کریم صلی اللّٰہ علیہ وسلم نے تو یہ فرمایا تھا کہ عذاب میت پر اس کی بدعملیوں اور گناہوں کی وجہ سے ہوتا ہے۔ اور اس کے گھر والے ہیں کہ اب بھی اس کی جدائی پر روتے رہتے ہیں۔ انہوں نے کہا کہ اس کی مثال بالکل ایسی ہی ہے جیسے رسول اللہ صلی اللّٰہ علیہ وسلم نے بدر کے اس کنویں پر کھڑے ہو کر جس میں مشرکین کی لاشیں ڈال دی گئیں تھیں ان کے بارے میں فرمایا تھا کہ جو کچھ میں کہہ رہا ہوں یہ اسے سن رہے ہیں۔ تو آپ کے فرمانے کا مقصد یہ تھا کہ اب انہیں معلوم ہوگیا ہوگا کہ ان سے میں جو کچھ کہہ رہا تھا وہ حق تھا۔ پھر انہوں نے اس آیت کی تلاوت کی إنک لا تسمع الموتى:بے شک آپ مردوں کو نہیں سنا سکتے(سورۃ النحل آیت نمبر ٨١)اور یہ آیت تلاوت کی:-وما أنت بمسمع من في القبور: اور آپ ان کو سنانے والے نہیں جو قبروں میں ہیں(الفاطر آیت نمبر ٢٢)حضرت عائشہ رضی اللہ تعالٰی عنہا نے کہا کہ (نبی کریم صلی اللّٰہ علیہ وسلم ان مردوں کو نہیں سنا سکتے)جو اپنا ٹھکانا اب جہنم میں بنا چکے ہیں۔ (بخاری شریف، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٧٨،و حدیث نمبر ٣٩٧٩)
حضرت ابن عمر رضی اللہ تعالٰی عنہما نے بیان کیا کہ نبی کریم صلی اللّٰہ علیہ وسلم نے بدر کے کنویں پر کھڑے ہو کر فرمایا کیا جو کچھ تمہارے رب نے تمہارے لیے وعدہ کر رکھا تھا اسے تم نے سچا پا لیا؟پھر نبی اکرم صلی اللہ علیہ وسلم نے فرمایا جو کچھ میں کہہ رہا ہوں یہ اب بھی اسے سن رہے ہیں۔اس حدیث پاک کا ذکر جب حضرت عائشہ رضی اللہ تعالٰی عنہا سے کیا گیا تو انہوں نے کہا کہ نبی کریم صلی اللّٰہ علیہ وسلم نے یہ فرمایا تھا کہ انہوں نے اب جان لیا ہوگا کہ جو کچھ میں نے ان سے کہا تھا وہ حق تھا۔ اس کے بعد انہوں نے آیت:-إنک لا تسمع الوتى۔بے شک آپ مردوں کو نہیں سناتے۔پوری پڑھی۔ (بخاری شریف ، كِتَابٌ : الْمَغَازِي. | بَابُ قَتْلِ أَبِي جَهْلٍ،حدیث نمبر ٣٩٨٠،و حدیث نمبر ٣٩٨١)
غزوہ بدر میں حاضر ہونے والوں کی فضیلت اس باب میں یہ بیان کیا گیا ہے کہ جو صحابہ معرکہ بدر میں مشرکین سے قتال کے لیے حاضر ہوۓ تھے وہ دوسرے صحابہ سے افضل ہیں امام بخاری کو چاہیے تھا کہ وہ لکھتے : غزوہ بدر میں حاضر ہونے والوں کی افضلیت نہ کہ فضیلت, حضرت انس رضی اللہ عنہ بیان کرتے ہیں کہ معرکہ بدر کے دن حضرت حارثہ رضی اللہ عنہ شہید ہو گئے اور وہ نوعمر لڑکے تھے پس ان کی ماں نبی کریم صلی اللّٰہ علیہ وسلم کے پاس آ ئیں تو انہوں نے کہا: یا رسول اللہ صلی اللّٰہ علیہ وسلم ! آپ کو معلوم ہے کہ مجھے حارثہ سے کتنی محبت تھی۔ پس اگر وہ جنت میں ہے تو میں اس پر صبر کرتی ہوں اور ثواب کی نیت کرتی ہوں اور اگر اس کے علاوہ کوئی اور بات ہے تو آپ دیکھیں گے کہ میں کیا کرتی ہوں آپ نے فرمایا: تم پر افسوس ہے! کیا تم کو معلوم نہیں، کیا وہاں صرف ایک جنت ہے وہاں تو بہت جنتیں ہیں اور وہ لڑکا جنت الفردوس میں ہے۔ (بخاری شریف ،كِتَابٌ : الْمَغَازِي. | بَابٌ : فَضْلُ مَنْ شَهِدَ بَدْرًا،حدیث نمبر ٣٩٨٢) اس میں جنت الفردوس کا لفظ ہے یہ سب سے بلند جنت ہے۔
حضرت علی رضی اللہ عنہ بیان کرتے ہیں کہ رسول اللہ ﷺ نے مجھے اور حضرت ابومرثد اور حضرت زبیر رضی اللہ تعالٰی عنہما کو بھیجا اور ہم سب گھڑ سوار تھے آپ نے فرمایا: تم لوگ جاؤ حتی کہ روضہ خارج پر پہنچ جاؤ کیونکہ وہاں مشرکین ایک عورت ہوگی اس کے پاس ایک مکتوب ہوگا جو حاطب بن ابی بلتعہ نے مشرکین کی طرف لکھا ہے (حضرت علی رضی اللہ عنہ فرماتے ہیں کہ)ہم نے اس عورت کو جالیا جو اپنے اونٹ پر اس جگہ سفر کر رہی تھی جہاں رسول اللہ ﷺ نے فرمایا تھا ہم نے اس سے کہا: وہ مکتوب لاؤ اس نے کہا: ہمارے پاس مکتوب نہیں ہے ہم نے اس کے اونٹ کو بٹھایا اور اس کی تلاش کی تو ہم نے کوئی مکتوب نہیں دیکھا ہم نے کہا: رسول اللہ ﷺ نے غلط نہیں فرمایا تم ضرور مکتوب نکالو ورنہ ہم تمہیں برہنہ کر دیں گئے جب اس نے (ہماری) سنجیدگی دیکھی تو اس نے ازار باندھنے کی جگہ ہاتھ بڑھایا وہ ایک چادر باندھے ہوۓ تھی، پھر اس نے وہ مکتوب نکالا ہم اس مکتوب کو رسول اللہ ﷺ کے پاس لے گئے۔ پس حضرت عمر رضی اللہ عنہ نے کہا: یارسول اللہ صلی اللّٰہ علیہ وسلم ! اس نے اللہ تعالی اور اس کے رسول صلی اللہ علیہ وسلم اور مؤمنین سے خیانت کی ہے پس آپ مجھے اجازت دیں میں اس کی گردن اڑا دوں! تب نبی اکرم صلی اللہ علیہ وسلم (حضرت حاطب سے فرمایا:تم کو اس کام پر کس نے ابھارا؟ تو حضرت حاطب نے کہا: میں صرف اللہ اور اس کے رسول صلی اللہ علیہ وسلم پر ایمان رکھنے والا ہوں میرا ارادہ صرف یہ تھا کہ میرا اس قوم پر کوئی احسان ہو جاۓ جس کی وجہ سے اللہ تعالی میرے اہل اور مال سے ضرر اور شر کو دور کرۓ آپ کے جتنے اصحاب یہاں ہیں ان سب کا قبیلہ وہاں موجود ہے اور اللہ تعالیٰ ان کے ذریعہ ان کے اہل اور مال کی حفاظت فرماتا ہے پس نبی ﷺ نے فرمایا: اس نے سچ کہا ہے اور تم بھی اس کو بھلائی کے سوا اور کچھ نہ کہو حضرت عمر نے پھر کہا: اس شخص نے اللہ تعالی اس کے رسول (صلی اللہ علیہ وسلم ) اور مؤمنین سے خیانت کی ہے سو آپ مجھے اجازت دیں کہ میں اس کی گردن اڑا دوں! تب نبی کریم صلی اللّٰہ علیہ وسلم نے فرمایا: کیا یہ شخص اہل بدر سے نہیں ہے! پس فرمایا: بے شک اللہ تعالی نے اہل بدر کی طرف متوجہ ہو کر فرمایا:تم جو چاہے عمل کرو بے شک تمہارے لیے جنت واجب ہو چکی ہے یا فرمایا: میں نے تمہاری مغفرت کر دی ہے۔ پھر حضرت عمر رضی اللہ عنہ کی آنکھوں میں آنسو آ گئے اور کہا: اللہ تعالی اور اس کا رسول صلی اللہ علیہ وسلم زیادہ جانتے ہیں۔ (بخاری شریف ،كِتَابٌ : الْمَغَازِي. | بَابٌ : فَضْلُ مَنْ شَهِدَ بَدْرًا،حدیث نمبر ٣٩٨٣)
حضرت ابوأسيد رضی اللہ عنہ بیان کرتے ہیں کہ رسول اللہ ﷺ نے بدر کے دن فرمایا:جب وہ( کفار )تمہارے قریب پہنچ جائیں تو پھر تم ان پر تیر مارنا ( اور جب وہ دور ہوں تو اپنے تیروں کو محفوظ رکھنا ۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٨٤)
حضرت ابو اسید رضی اللہ تعالٰی عنہ بیان کرتے ہیں کہ رسول اللہ ﷺ نے ہم سے بدر کے دن فرمایا: جب وہ ( کفار ) تمہارے قریب پہنچ جائیں یعنی جب وہ تم سے زیادہ تعداد میں ہوں تو پھر تم ان پر تیر مارنا (اور جب وہ دور ہوں تو اپنے تیروں کو محفوظ رکھنا۔ (بخاری شریف ، كِتَابٌ : الْمَغَازِي. | بَابٌ ،حدیث نمبر ٣٩٨٥)
حضرت البراء بن عازب رضی اللہ عنہ بیان کرتے ہیں کہ نبی ﷺ نے غزوۂ احد کے دن تیر مارنے والوں پر حضرت عبداللہ بن جبیر رضی اللہ عنہ کو امیر بنایا پس ہم میں ستر (۷۰) صحابہ شہید ہو گئے اور نبی کریم صلی اللّٰہ علیہ وسلم اور آپ کے اصحاب نے غزوہ بدر کے دن مشرکین کے ایک سو چالیس (١٤٠) مردوں کو نقصان پہنچا تھا' ستر (۷۰) مارے گئے تھے اور ستر (۷۰) گرفتار ہوۓ تھے ۔ابوسفیان نے کہا: آج کا دن بدر کا بدلہ ہے اور جنگ کنویں کا ڈول ہے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٨٦)
حضرت ابوموسیٰ رضی اللہ عنہ نے کہا: میں گمان کرتا ہوں کہ انہوں نے نبی کریم صلی اللّٰہ علیہ وسلم سے روایت کی آپ نے فرمایا: اور اب کامل خیر وہ خیر ہوگی جو خیراللہ بعد میں عطاء فرماۓ گا اور بہترین بدلہ وہ ثواب ہے جو اللہ نے ہمیں بدر کے بعد عطاء فرمایا۔ (بخاری شریف ، كِتَابٌ : الْمَغَازِي. | بَابٌ ،حدیث نمبر ٣٩٨٧)
ابراہیم بن سعد نے حدیث بیان کی از والد خود از جد خود وہ بیان کرتے ہیں کہ حضرت عبدالرحمن بن عوف نے کہا: میں غزوہ بدر کے دن ایک صف میں تھا اچانک میں نے مڑ کر دیکھا تو میری دائیں طرف اور بائیں طرف دونوخیز جوان تھے جو کم عمر تھے پس میں گویا کہ ان کے اس مقام پر کھڑے ہونے سے بے خوف نہیں تھا کہ ان میں سے ایک نے مجھ سے اس طرح چپکے سے پوچھا کہ دوسرے کو پتا نہ چلے( اس نے کہا: اے میرے بچا مجھے ابوجہل دکھائیں میں نے پوچھا: اے میرے بھتیجے! تم اس کے ساتھ کیا کرو گے؟ اس نے کہا: میں نے اللہ سے یہ عہد کیا ہے کہ اگر میں نے ابوجہل کو دیکھا تو میں اس کوقتل کر دوں گا یا پھر میں اس کے سامنے اپنی جان دے دوں گا ۔ دوسرے نوجوان نے بھی اپنے ساتھی سے چھپاتے ہوۓ یہی بات کہی حضرت عبدالرحمٰن رضی اللہ عنہ نے کہا: مجھے اس سے خوشی نہیں ہوئی کہ میں ان دو نوجوانوں کی جگہ ہوتا پھر میں نے ان دونوں کو اشارے سے ابوجہل دکھایا سو ان دونوں نے دو عقابوں کی طرح اس پر حملہ کیا حتی کہ ان دونوں نے اسے مارکر گرا دیا وہ دونوں حضرت عفراء کے بیٹے تھے۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٣٩٨٨)
عمرو بن اسید بن جاریہ الثقفی نے خبر دی جو بنوزھرہ کے حلیف تھے اور حضرت ابو ہریرہ رضی اللہ عنہ کے تلامذہ میں سے تھے از حضرت ابو ہریرہ رضی اللہ عنہ وہ بیان کرتے ہیں کہ رسول اللہ صلی اللّٰہ علیہ وسلم نے دس (۱۰) جاسوس بھیجے اور حضرت عاصم بن ثابت انصاری رضی اللہ عنہ کو ان کا امیر بنایا جو عاصم بن عمر بن الخطاب کے نانا تھے جب وہ عسفان اور مکہ کے درمیان مقام الهداة میں پہنچے تو ھذیل کے ایک قبیلہ کوان کی اطلاع ہوگئی جس کو بنولحیان کہا جا تا تھا تو وہ تقریبا سو تیراندازوں کو لے کر ان کے تعاقب میں روانہ ہوۓ وہ ان کے قدموں کے نشانات پر چلنے لگے حتی کہ انہوں نے اس جگہ کو تلاش کر لیا جہاں بیٹھ کر انہوں نے کھجوریں کھائی تھیں انہوں نے کہا: یہ تو یثرب کی کھجوریں ہیں پھر وہ ان کے نشانات پر چل پڑے جب حضرت عاصم اور ان کے اصحاب کو ان کے تعاقب کا علم ہو گیا تو انہوں نے ایک جگہ پناہ حاصل کر لى بنولحیان نے ان کا محاصرہ کر لیا اور کہا: تم لوگ نیچے اتر آؤ اور اپنے آپ کو ہمارے حوالے کر دو اور ہم تم سے پکا عہد کرتے ہیں کہ ہم تم میں سے کسی کو بھی قتل نہیں کریں گئے حضرت عاصم بن ثابت نے کہا: اے لوگو! رہا میں تو میں ایک کافر کے وعدہ پر نہیں اتروں گا پھر انہوں نے دعا کی: اے اللہ! اپنے نبی کو ہمارے حال کی خبر کر دے پھر ان لوگوں نے ان پر تیر برساۓ اور حضرت عاصم کوشہید کر دیا اور تین اصحاب ان کے عہد و پیمان پر( اعتماد کر کے )نیچے اتر آۓ ان میں سے ایک حضرت خبیب رضی اللہ عنہ تھے اور دوسرے حضرت زید بن دثنہ رضی اللہ عنہ تھے اور تیسرے ایک اور تھے جب بنولحیان نے ان پر قابو پالیا تو ان کی کمانوں کی تانت سے ان کو باندھ دیا اس تیسرے صحابی نے کہا: یہ تمہاری پہلی عہد شکنی ہے اور اللہ کی قسم! میں تمہارے ساتھ نہیں جاؤں گا میرے لیے ان لوگوں میں نمونہ ہے ان کی مراد شہداء سے تھی سو کافروں نے ان کو گھسیٹا اور زبردستی ان کو لے جانے لگے پس انہوں نے ان کے ساتھ جانے سے انکار کر دیا (سو انہوں نے ان کو بھی شہید کر دیا پھر وہ حضرت حبیب رضی اللہ عنہ اور حضرت زید بن دثنہ رضی اللہ عنہ کو لے گئے اور غزوہ بدر کے بعد ان کو فروخت کر دیا پس بنوالحارث بن عامر بن نوفل نے حضرت خبیب رضی اللہ عنہ کو خرید لیا اور حضرت خبیب نے ہی غزوہ بدر میں الحارث بن عامر کوقتل کیا تھا۔پس حضرت خبیب رضی اللہ عنہ ان کے ہاں قیدی رہے حتی کہ انہوں نے حضرت خبیب رضی اللہ عنہ کو قتل کرنے کا ارادہ کر لیا۔ پس انہوں نے حارث کی کسی بیٹی سے زیر ناف بالوں کو کاٹنے کے لیے عاریتاً استرا مانگا اس نے ان کو استرا دے دیا پس اس کا چھوٹا بیٹا ان کی طرف آ گیا اور وہ اس سے غافل تھی حتی کہ وہ بچہ ان کے پاس آیا پس اس نے دیکھا کہ وہ بچہ ان کے زانو پر بیٹھا ہوا ہے اور استرا ان کے ہاتھ میں ہے سو وہ بہت گھبرائی اور ڈری' حضرت خبیب رضی اللہ عنہ نے اس کے خوف اور گھبراہٹ کو جان لیا پس کہا: کیا تم کو یہ ڈر ہے کہ میں اس کو قتل کر دوں گا میں ایسا کرنے والا نہیں ہوں' اس عورت نے کہا: اللہ کی قسم! میں نے (حضرت) خبیب سے بہتر کوئی قیدی نہیں دیکھا اور اللہ کی قسم! میں نے ایک دن دیکھا ان کے ہاتھ میں انگوروں کا گچھا تھا جیسے وہ کھا رہے تھے اور وہ زنجیروں میں جکڑے ہوۓ تھے اور اس وقت مکہ میں کوئی(انگور کا پھل نہیں تھا اور وہ کہتی تھیں کہ یہ وہ رزق ہے جو اللہ تعالی نے خبیب کو دیا ہے اور جب وہ لوگ حضرت خبیب کوقتل کرنے کے لیے حرم سے باہر حِل میں لے گئے تو حضرت خبیب رضی اللہ عنہ نے ان سے کہا: مجھے دو رکعت نماز پڑھنے دو سو انہوں نے ان کو چھوڑ دیا پر حضرت خبیب رضی اللہ عنہ نے ان سے کہا: اللہ کی قسم! اگر تم یہ گمان نہ کرتے کہ یہ موت کے ڈر سے (نماز کولمبی کر رہا ہے ) تو میں نماز میں زیادہ دیر لگاتا پھر انہوں نے دعا کی: اے اللہ! ان کو الگ الگ قتل کر دے اور ان میں کسی ایک کو بھی نہ چھوڑا پھر انہوں نے یہ اشعار کہے: پس جب میں حالت اسلام میں قتل کیا جا رہا ہوں تو مجھے کوئی پرواہ نہیں ہے کہ اللہ کی راہ میں مجھے کس پہلو پر گرایا جاۓ گا اور(موت) تو صرف اللہ کی رضا میں ہے اور گر وہ چاہے تو کاٹے گئے اعضاء کے جوڑوں میں زیادہ برکت ڈال دے گا۔ پھر ان کی طرف ابوسروعہ عقبہ بن الحارث کھڑا ہوا اور اس نے ان کو شہید کر دیا اور ہر وہ مسلمان جس کو زبردستی قتل کیا جاۓ اس کے لیے حضرت خبیب رضی اللہ عنہ نے قتل کیے جانے سے پہلے نماز پڑھنے کی سنت قائم کی ہے اور نبی ﷺ نے اپنے اصحاب کو اس حادثہ کی اسی دن خبر دے دی تھی جس دن وہ پیش آیا تھا اور قریش کے لوگوں کو جب یہ معلوم ہوا کہ حضرت عاصم بن ثابت شہید کر دیئے گئے ہیں تو انہوں نے ان کی طرف آدمی روانہ کیے کہ وہ ان کے جسم کا کوئی ایسا حصہ لے آئیں جس سے انہیں پہچانا جا سکے کیونکہ حضرت عاصم نے قریش کے سرداروں میں سے ایک بڑے سردار (عقبہ بن ابی معیط کوقتل کر دیا تھا سو اللہ تعالی نے حضرت عاصم رضی اللہ تعالٰی عنہ کی حفاظت کے لیے شہد کی مکھیوں کی فوج کو بھیج دیا جو ان کے جسم پر بادل کی طرح چھائی ہوئی تھی سو ان قریش کے بھیجے ہوۓ آدمیوں سے ان کے جسم کی حفاظت کی اور وہ ان کے جسم کا کوئی حصہ نہیں کاٹ سکے اور حضرت کعب بن مالک نے کہا کہ انہوں نے ذکر کیا ہے کہ مرارہ بن الربیع العمری اور ہلال بن امیہ الواقفی دو نیک مرد تھے جو غزوہ بدر میں حاضر تھے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٨٩)
نافع بیان کرتے ہیں کہ حضرت ابن عمر رضی اللہ تعالٰی عنہما سے ذکر کیا گیا کہ سَعِيدَ بْنَ زَيْدِ بْنِ عَمْرِو بْنِ نُفَيْلٍ بدری صحابی تھے وہ جمعہ کے دن بیمار ہو گئے تو حضرت ابن عمر رضی اللہ تعالٰی عنہما دن چڑھنے کے بعد ان کی طرف گئے اور نماز جمعہ قریب تھی سو انہوں نے نماز جمعہ کو ترک کر دیا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٩٠)
اور لیٹ نے کہا:مجھے یونس نے حدیث بیان کی از ابن شہاب انہوں نے کہا: مجھے عبیداللہ بن عبداللہ بن عقبہ نے حدیث بیان کی کہ ان کے والد نے عمر بن عبداللہ بن ارقم الزہری کی طرف لکھا اس میں ان کو حکم دیا کہ وہ حضرت سبیعہ بنت الحارث الاسلمیہ کے پاس جائیں،پس ان سے ان کی حدیث کے متعلق سوال کریں کہ جب انہوں نے رسول اللہ ﷺ سے سوال کیا تھا تو آپ نے ان سے کیا فرمایا تھا سو عمر بن عبداللہ بن ارقم نے عبداللہ بن عقبہ کی طرف لکھا اور ان کو خبر دی کہ حضرت سبیعہ بنت الحارث نے ان کو خبر دی کہ وہ حضرت سعد بن خولہ کے نکاح میں تھیں اور وہ بنو عامر بن لوی کے قبیلہ سے تھے اور وہ ان اصحاب میں سے تھے جو بدر میں حاضر تھے سو وہ حجۃ الوداع میں فوت ہو گئے اور اس وقت حضرت سبیعہ حاملہ تھیں اور حضرت سعد رضی اللہ عنہ کی وفات کے چند دنوں بعد ان کا بچہ پیدا ہوگیا، پھر جب وہ نفاس سے پاک ہو گئیں تو انہوں نے نکاح کا پیغام دینے والوں کے لیے بناؤ سنگھار کیا، پس ان کے پاس ابوالسنابل ابن بعکک آۓ جو بنو عبدالدار کے مرد تھے تو انہوں نے ان سے کہا کہ کیا وجہ ہے کہ میں دیکھ رہا ہوں کہ آپ نے نکاح کا پیغام دینے والوں کے لیے بناؤ سنگھار کیا ہے آپ نکاح کی امید رکھتی ہیں، پس بے شک اللہ کی قسم! آپ اس وقت تک نکاح نہیں کر سکتیں حتی کہ آپ کے اوپر ( آپ کی عدت کے چار ماہ دس دن نہ گزر جائیں، حضرت سبیعہ نے بتایا کہ جب انہوں نے مجھ سے یہ کہا تو میں نے شام کے وقت اپنے کپڑوں کو سمیٹا اور میں رسول اللہ ﷺ کی خدمت میں حاضر ہوئی اور آپ سے اس کے متعلق سوال کیا تو آپ نے مجھے یہ جواب دیا کہ جب میرا وضع حمل ہو گیا (یعنی میرا بچہ پیدا ہو گیا تو میری عدت پوری ہوگئی اور مجھے حکم دیا کہ میں جس سے چاہوں نکاح کرسکتی ہوں۔لیٹ کی متابعت اصبغ نے کی ہے از ابن وہب از یونس اور لیث نے کہا: مجھے یونس نے حدیث بیان کی از ابن شہاب اور ہم نے ان سے سوال کیا تو انہوں نے کہا: مجھے محمد بن عبدالرحمان بن ثوبان نے خبر دی جو بنو عامر بن لوی کے آزاد شدہ غلام ہیں کہ محمد بن ایاس بن بکیر نے اس کی مثل خبر دی ان کے والد بدر میں حاضر تھے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٩١)
باب:غزوہ بدر میں فرشتوں کا حاضر ہونا معاذ بن رفاعہ بن رافع الزرقی از والد خود اور ان کے والد اہل بدر میں سے تھے وہ بیان کرتے ہیں کہ حضرت جبریل نبی کریم صلی اللّٰہ علیہ وسلم کے پاس آۓ اور کہا: آپ اہل بدر کو اپنے درمیان کیسا شمار کرتے ہیں؟آپ نے فرمایا:وہ(عام) مسلمانوں سے افضل ہیں یا کوئی اور بات اس کی مثل فرمائی حضرت جبریل نے کہا: اسی طرح فرشتوں میں سے جو بدر میں حاضر تھے (وہ عام فرشتوں سے افضل ہیں)۔ (بخاری شریف ،كِتَابٌ : الْمَغَازِي. | بَابُ شُهُودِ الْمَلَائِكَةِ بَدْرًا.،حدیث نمبر ٣٩٩٢)
معاذ بن رفاعہ بن رافع اور حضرت رفاعہ اہل بدر میں سے تھے اور حضرت رافع ابل العقبہ میں سے تھے وہ اپنے بیٹے سے کہتے تھے کہ مجھے اس سے خوشی نہیں ہے کہ میں العقبہ کے بجاۓ بدر میں حاضر ہوتا' انہوں نے بیان کیا کہ حضرت جبریل علیہ السلام نے نبی کریم صلی اللّٰہ علیہ وسلم سے اس کے متعلق سوال کیا تھا۔ (بخاری شریف،كِتَابٌ : الْمَغَازِي. | بَابُ شُهُودِ الْمَلَائِكَةِ بَدْرًا،حدیث نمبر ٣٩٩٣)
معاذ بن رفاعہ سے مروی ہے کہ ایک فرشتہ نے نبی کریم ﷺ سے سوال کیا اس کی مثل حدیث ہے اور از ابو یحییٰ روایت ہے کہ یزید بن الھاد نے ان کو خبر دی کہ جس دن معاذ رضی اللہ عنہ نے ان کو یہ حدیث بیان کی وہ ان کے ساتھ تھے پس یزید نے کہا:اور حضرت معاذ رضی اللہ عنہ نے بیان کیا کہ جس فرشتہ نے سوال کیا تھا وہ حضرت جبریل علیہ السلام تھے۔ (بخاری شریف ،كِتَابٌ : الْمَغَازِي. | بَابُ شُهُودِ الْمَلَائِكَةِ بَدْرًا،حدیث نمبر ٣٩٩٤)
حضرت ابن عباس رضی اللہ تعالیٰ عنہما روایت ہے کہ نبی کریم ﷺ نے غزوہ بدر کے دن فرمایا: یہ حضرت جبریل علیہ السلام ہیں جو اپنے گھوڑے کا سر پکڑے ہوۓ ہیں اور جنگ کے ہتھیار لگاۓ (بخاری شریف ، كِتَابٌ : الْمَغَازِي. | بَابُ شُهُودِ الْمَلَائِكَةِ بَدْرًا،حدیث نمبر ٣٩٩٥)
حضرت انس رضی اللہ عنہ نے کہا: حضرت ابوزید رضی اللہ عنہ فوت ہو گئے اور انہوں نے کوئی اولا نہیں چھوڑی اور وہ بدری صحابی تھے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٣٩٩٦)
این خباب بیان کرتے ہیں کہ حضرت ابوسعید بن مالک الخدری رضی اللہ عنہ ایک سفر سے آۓ تو ان کے گھر والے ان کے لیے قربانی کے جمع شدہ گوشت میں ایک سے گوشت لاۓ انہوں نے کہا: جب تک میں اس کے متعلق تحقیق نہ کرلوں میں اس کونہیں کھاؤں گا پس وہ اپنے ماں شریک بھائی کے پاس گئے وہ بدری صحابی حضرت قتادہ بن النعمان رضی اللہ عنہ تھے سو انہوں نے ان سے اس کے متعلق سوال کیا تو انہوں نے کہا: تمہارے جانے کے بعد ایک نیا حکم آیا جس نے اس سے پہلی ممانعت کو منسوخ کر دیا کہ تین دن کے بعد قربانی کا جمع شد و گوشت نہ کھایا جائے ۔ (بخاری شریف،كِتَابٌ : الْمَغَازِي. | بَابٌ،حدیث نمبر ٣٩٩٧)
هشام بن عروة از والد خود بیان کرتے ہیں کہ حضرت زبیر ﷺ نے بتایا کہ غزوہ بدر کے دن میرا مقابلہ عبیدہ بن سعید بن العاص سے ہوا وہ سرتا پا لو ہے میں غرق تھا اس کی صرف دو آنکھیں دکھائی دے رہی تھیں، اس کی کنیت ابوذات الکرش تھی اس نے مجھ سے کہا: میں ابوذات الکرش ہوں' میں نے نیزہ سے اس پر حملہ کیا اور وہ نیزہ اس کی آنکھ میں گھونپ دیا سو وہ مر گیا ہشام نے کہا: پس مجھے خبر دی گئی کہ حضرت زبیر رضی اللہ عنہ نے کہا: میں نے اپنا پاؤں اس کے اوپر رکھ کر بہت زور لگایا تب جا کر میں وہ نیزہ اس کی آنکھ سے نکال سکا۔ اس کے دونوں کنارے مڑ چکے تھے عروہ کہتے ہیں کہ اللہ ﷺ نے اس نیزے کو طلب فرمایا تو میں نے آپ کو دہ پیش کر دیا پھر جب رسول اللہ صلی اللّٰہ علیہ وسلم کی وفات ہوگئی تو میں نے اس پر قبضہ کر لیا پھر حضرت ابوبکر رضی اللہ عنہ نے اس نیزہ کوطلب کیا تو میں نے انہیں پیش کر دیا، پھر جب حضرت ابوبکر رضی اللہ عنہ کی وفات ہوئی تو حضرت عمر رضی اللہ عنہ نے اس کو طلب فرمایا تو میں نے وہ نیزہ ان کو دے دیا پھر جب حضرت عمر رضی اللہ تعالٰی عنہ کی وفات ہوگئی تو میں نے اس کو پھر لے لیا پھر اس نیزہ کو حضرت عثمان غنی طلب کیا تو میں نے وہ نیزہ ان کو دے دیا پھر جب حضرت عثمان غنی رضی اللہ عنہ شہید ہو گئے تو وہ نیز حضرت علی رضی اللہ عنہ کی اولاد کے پاس تھا پس حضرت ابن زبیر رضی اللہ عنہ نے اس کا مطالبہ کیا تو وہ ان کے پاس رہا حتی ان کوشہید کر دیا گیا۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٣٩٩٨)
ابوادریس عائذ اللہ بن عبداللہ نے خبر دی وہ بیان کرتے ہیں کہ حضرت عبادہ بن الصامت رضی اللہ عنہ غزوہ بدر میں حاضر تھے انہوں نے کہا کہ رسول اللہ صلی اللّٰہ علیہ وسلم نے فرمایا: مجھ سے بیعت کرو۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٣٩٩٩)
حضرت عائشہ رضی اللہ تعالیٰ عنہا جو نبی کریم صلی اللّٰہ علیہ وسلم کی زوجہ محترمہ ہیں وہ بیان کرتی ہیں کہ حضرت ابوحذیفہ رضی اللہ عنہ ان صحابہ میں سے ہیں جو رسول اللہ صلی اللّٰہ علیہ وسلم کے ساتھ غزوہ بدر میں حاضر تھے انہوں نے حضرت سالم کو بیٹا بنایا تھا اور ان کا نکاح اپنی بھتیجی حضرت ہند بنت الولید بن عتبہ رضی اللہ تعالٰی عنہا سے کر دیا تھا اور وہ انصار کی ایک عورت کے آزاد کردہ غلام تھے جیسے رسول اللہ ﷺ نے حضرت زید رضی اللہ عنہ کو بیٹا بنایا تھا اور زمانہ جاہلیت میں جو شخص کسی کو بیٹا بنالیتا تو لوگ اس کو اس کا بیٹا کہتے تھے اور وہ بیٹا اس کا وارث ہوتا تھا حتی کہ یہ آیت نازل ہوگئی:ان منہ بولے بیٹوں کو ان کے باپ ہی کا بیٹا کہہ کر بلایا کرو۔(الاحزاب: ۵ ) پھر حضرت سہلہ نبی کریم صلی اللّٰہ علیہ وسلم کے پاس آ ئیں ۔سوامام بخاری نے اس حدیث کا ذکر کیا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٠٠)
الربیع بنت معوز وہ بیان کرتی ہیں کہ شب زفاف کی صبح کو نبی نبی کریم صلی اللّٰہ علیہ و آلہ وسلم میرے پاس تشریف لاۓ اور میرے بستر پر بیٹھ گئے جس طرح تم میرے پاس بیٹھے ہو اور بچیاں دف بجارہی تھیں اور اپنے مرثیہ پڑھ رہی تھیں جو غزوہ بدر میں شہید ہو گئے تھے حتی کہ ایک لڑکی نے یہ شعر پڑھا:اور ہم میں ایسے نبی موجود ہیں جن کو علم ہے کل کیا ہو گا تب نبی ﷺ نے فرمایا: اس طرح نہ کہو اور وہی کہتی رہو جو تم پہلے کہہ رہی تھیں۔ (بخاری شریف ، كِتَابٌ : الْمَغَازِي. | بَابٌ ،حدیث نمبر ٤٠٠١)
حضرت ابن عباس اللہ رضی اللہ تعالٰی عنہما نے فرمایا: مجھے حضرت ابوطلحہ رضی اللہ عنہ نے خبر دی جو رسول اللہ ﷺ کے صحابی ہیں اور وہ رسول اللہ ﷺ کے ساتھ غزوہ بدر میں حاضر تھے وہ بیان کرتے ہیں کہ آپ نے فرمایا: فرشتے اس گھر میں داخل نہیں ہوتے جس میں کتا ہو نہ اس گھر میں جس میں تصویر ہو اس سے ان کی مراد وہ مجسمے تھے جن کی روحیں ہوں۔ (بخاری شریف ، كِتَابٌ : الْمَغَازِي. | بَابٌ ،حدیث نمبر ٤٠٠٢) ضروری نوٹ! اس حدیث میں تصویر بنانے کی ممانعت سے مراد جان دار کی تصویریں ہیں خواہ وہ کاغذ پر ہوں یا کپڑے پر ہوں یا مجسمے بنانے کی ممانعت مراد ہے اور بے جان چیزوں کی تصویریں بنانا جائز ہے خواہ ان تصویروں کو ہاتھ سے بنایا جائے یا کیمرے سے کھینچا جائے۔اور کتوں کی ممانعت سے مراد وہ کتے ہیں جوگھر کی حفاظت کے لیے یا شکار کے لیے یا کھیت کی حفاظت کے لیے نہ ہو۔(از شبیر احمد راج محلی)
حضرت حسین بن علی ﷺ نے خبر دی کہ حضرت علی رضی اللہ عنہ نے بیان کیا کہ ان کے پاس غزوہ بدر کے مال غنیمت میں سے دو سال کی ایک اونٹنی تھی اور نبی ﷺ نے ایک اونٹنی مجھ کو مال خمس میں سے عطا کی تھی جو آپ کو اللہ نے اس دن عطاء کیا تھا۔پس جب میں نے حضرت فاطمہ علیہا السلام کے ساتھ گھر بسانے کا ارادہ کیا جو نبی کریم صلی اللّٰہ علیہ وسلم کی صاحب زادی تھیں تو میں نے بنو قینقاع کے ایک سنار سے وعدہ لیا کہ وہ میرے ساتھ چلے گا اور ہم اذخر( ایک قسم کی گھاس ) لے کر آئیں گے میرا ارادہ تھا کہ میں وہ گھاس سناروں کو فروخت کروں گا اور اس کی آمدنی سے اپنی شادی کا ولیمہ کروں گا' پس جس وقت میں اپنی ان اونٹنیوں پر پالان بوریاں اور رسیاں وغیرہ رکھ رہا تھا اور وہ اونٹنیاں انصار کے ایک شخص کے گھر کے برابر میں بٹھائی ہوئی تھیں حتی کہ میں نے جمع کیا جو جمع کیا اچانک میں نے دیکھا کہ ان اونٹنیوں کے کوہان کاٹے ہوۓ تھے اور ان کی کوکھوں کو کاٹ کر ان كی كـلـيـجـیـاں کاٹ کر نکالی ہوئی تھیں، میں اس منظر کو دیکھ کر۔ آنکھوں پر قابو نہ رکھ سکا' میں نے پوچھا: یہ کام کس نے کیا ہے؟ لوگوں نے بتایا کہ یہ کام حضرت سید نا حمزہ بن عبدالمطلب رضی اللہ عنہ نے کیا ہے اور وہ اس گھر میں انصار کے شراب پینے والوں کے ساتھ ہیں اور ان کے پاس ایک گانے والی ہے اور ان کے (دیگر ) اصحاب ہیں اس گانے والی نے اپنے گانے کے دوران کہا :سنو اے حمزه! یہ عمدہ اور فربہ اونٹنیاں ہیں، پس حضرت حمزہ رضی اللہ عنہ نے اچھل کر اپنی تلوار لی اور ان اونٹنیوں کی کوئیں کاٹ ڈالیں اور ان کی کلیجیاں نکال لیں حضرت علی رضی اللہ عنہ کہتے ہیں: پس میں وہاں سے نکلا اور نبی کریم صلی اللّٰہ علیہ وسلم کے پاس گیا اس وقت آپ کے پاس حضرت زید بن حارثہ رضی اللہ عنہ بھی تھے اور نبی ﷺ نے جان لیا تھا کہ میرے ساتھ کیا حادثہ ہوا ہے آپ نے پوچھا: تمہارے ساتھ کیا ہوا ہے؟ میں نے عرض کیا: یا رسول اللہ! مجھ پر آج ایسی مصیبت کبھی نہیں آئی حضرت حمزہ رضی اللہ عنہ نے میری دونوں اونٹنیوں پر تجاوز کر کے ان کے کوہان چیر ڈالے اور ان کی کوئیں کاٹ ڈالیں اور وہ یہیں ایک گھر میں شراب کی محفل جماۓ بیٹھے ہیں نبی ﷺ نے اپنی چادر منگوا کر اوڑھی اور آپ چل پڑے میں اور حضرت زید بن حارثہ رضی اللہ عنہ آپ کے پیچھے پیچھے چلے حتی کہ آپ اس گھر میں آۓ جس میں حضرت حمزہ رضی اللہ عنہ تھے آپ نے ان سے اجازت طلب کی انہوں نے آپ کو اجازت دی، پھر نبی کریم صلی اللّٰہ علیہ وسلم ان کو ان کے کیے ہوۓ کام پر ملامت کرنے لگے اس وقت حضرت حمزہ رضی اللہ عنہ شراب کے نشہ میں تھے ان کی آنکھیں سرخ تھیں حضرت حمزہ رضی اللہ عنہ نے نبی اکرم صلی اللہ علیہ وسلم کی طرف دیکھا پھر نظر اوپر اٹھائی پھر آپ کے گھٹنوں کی طرف دیکھا پھر نظر اوپر اٹھا کر آپ کے چہرہ انور کی طرف دیکھا پھر حضرت حمزہ رضی اللہ عنہ نے کہا: تم سب میرے باپ کے غلام ہو پس نبی ﷺ نے جان لیا کہ یہ اس وقت نشہ میں ہیں اس لیے رسول اللہ صلی اللّٰہ علیہ وسلم اسی وقت الٹے پیر اس گھر سے لوٹ آۓ اور ہم بھی آپ کے ساتھ نکل آۓ ۔ (بخاری شریف ، كِتَابٌ : الْمَغَازِي. | بَابٌ ،حدیث نمبر ٤٠٠٣)
ابن عیینہ نے خبر دی انہوں نے کہا ابن الاصبہانی نے یہ حدیث لکھ کر ہمیں بھیج دی تھی انہوں نے اس کو ابن معقل سے سنا کہ حضرت علی رضی اللہ عنہ نے حضرت سہل بن حنیف رضی اللہ عنہ کی نماز جنازہ پر تکبیرات پڑھیں اور فر مایا: یہ بدر میں حاضر تھے۔ (بخاری شریف کتاب ،كِتَابٌ : الْمَغَازِي. | بَابٌ ،حدیث نمبر ٤٠٠٤) حضرت سہل بن حنیف کا مختصر تذکرہ:- علامہ بدرالدین محمود بن احمد عینی متوفی ۸۵۵ھ لکھتے ہیں: حضرت سہل بن حنیف رضی اللہ عنہ کی کنیت ابوعبداللہ ہے ایک قول یہ بھی ہے کہ:ان کی کنیت ابوالولید ہے دوسرا قول یہ بھی ہے:ان کی کنیت ابوثابت ہے یہ اڑتیس (۳۸) ہجری میں کوفہ میں فوت ہوئے تھے حضرت علی رضی اللہ عنہ نے ان کی نماز جنازہ پڑھائی۔ (عمدۃ القاری ج ۷ ص ۱۳۸ دار الكتب العلمیة بیروت ۱۳۲۱
حضرت عبداللہ بن عمر رضی اللہ تعالٰی عنہما بیان کرتے ہیں کہ حضرت عمر بن خطاب رضی اللہ عنہ یہ حدیث بیان کرتے ہیں کہ جب حضرت حفصہ بنت عمر رضی اللہ تعالٰی عنہما حضرت خنیس بن حذافہ سہمی رضی اللہ عنہ ( کے فوت ہونے )سے بیوہ ہو گئیں اور وہ رسول اللہ صلی اللّٰہ علیہ وسلم کے اصحاب میں سے تھے اور بدر میں حاضر تھے مدینہ میں فوت ہو گئے تھے حضرت عمر رضی اللہ عنہ نے کہا: پھر میری حضرت عثمان بن عفان رضی اللہ عنہ سے ملاقات ہوئی تو میں نے ان کے سامنے حضرت حفصہ رضی اللہ تعالٰی عنہا کو پیش کیا۔ پس میں نے ان سے کہا: اگر آپ چاہیں تو میں آپ سے حضرت حفصہ بنت عمر رضی اللہ تعالٰی عنہما کا نکاح کردوں حضرت عثمان رضی اللہ تعالٰی عنہ نے کہا: میں عنقریب اپنے معاملہ میں غور کروں گا پھر میں کئی راتیں انتظار کرتا رہا پھر حضرت عثمان رضی اللہ عنہ نے۔کہا: میری رائے یہ ہوئی ہے کہ میں آج کل نکاح نہ کروں حضرت عمر رضی اللہ عنہ نے بیان کیا: پھر میں حضرت ابوبکر رضی اللہ عنہ سے ملا سو میں نے کہا: اگر آپ چاہیں تو میں حفصہ بنت عمر رضی اللہ تعالٰی عنہما کا آپ سے نکاح کر دوں پس حضرت ابوبکر رضی اللہ عنہ خاموش رہے اور انہوں نے مجھے کوئی جواب نہیں دیا اور مجھے حضرت عثمان رضی اللہ عنہ کی بہ نسبت ان کے جواب سے زیادہ رنج پہنچے میں کئی راتیں ٹھہرا رہا پھر رسول اللہ ﷺ نے حضرت حفصہ رضی اللہ تعالٰی عنہا سے نکاح کا پیغام دیا سو میں نے حضرت حفصہ رضی اللہ تعالٰی عنہا کا آپ علیہ السلام سے نکاح کر دیا پھر حضرت ابوبکر رضی اللہ عنہ مجھ سے ملے اور کہا: شاید آپ کو اس سے رنج ہوا ہو کہ جب آپ نے حضرت حفصہ رضی اللہ تعالٰی عنہا کو مجھ پر پیش کیا تھا اور میں نے اس کا کوئی جواب نہیں دیا تھا، میں نے کہا: جی ہاں! حضرت ابوبکر رضی اللہ عنہ نے بتایا کہ مجھے آپ کی پیش کش کا جواب دینے سے اور کوئی امر مانع نہیں تھا کہ مجھے معلوم تھا کہ رسول اللہ ﷺ حضرت حفصہ رضی اللہ تعالٰی عنہا کا ذکر فرما چکے ہیں تو میں رسول اللہ صلی اللّٰہ علیہ وسلم کا راز فاش کرنے والانہیں تھا اور اگر آپ ان کو ترک فرمادیتے تو میں ان کا رشتہ قبول کر لیتا۔ (بخاری شریف،كِتَابٌ : الْمَغَازِي. | بَابٌ،حدیث نمبر ٤٠٠٥)
امام بخاری روایت کرتے ہیں:ہمیں مسلم نے حدیث بیان کی انہوں نے کہا: ہمیں شعبہ نے حدیث بیان کی از عدی از حضرت عبداللہ بن یزید انہوں نے حضرت ابومسعود بدری رضی اللہ عنہ سے سنا از نبی کریم ﷺ آپ نے فرمایا: مرد کا اپنی بیوی پر خرچ کرنا بھی صدقہ ہے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٠٦)
الزہری نے کہا: میں نے عروہ بن الزبیر سے سنا وہ عمر بن عبدالعزیز سے ان کی امارت کے دور میں حدیث بیان کرتے ہیں کہ ایک دن حضرت مغیرہ بن شعبہ رضی اللہ عنہ نے عصر کی نماز مؤخر کر دی اس وقت وہ کوفہ کے امیر تھے پس حضرت ابومسعود عقبہ بن عمروانصاری آۓ جو زید بن حسن کے دادا ہیں وہ بدر میں حاضر تھے پس انہوں نے کہا کہ آپ کو معلوم ہے کہ حضرت جبریل علیہ السلام نازل ہوۓ پس انہوں نے نماز پڑھی پھر رسول اللہ صلی اللّٰہ علیہ وسلم نے نماز پڑھی ۔پانچ نمازیں پھر کہا: مجھے اسی طرح حکم دیا گیا ہے اسی طرح حضرت بشیر بن ابی مسعود اپنے والد سے روایت کرتے تھے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٠٧)
حضرت ابومسعود البدری رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا: سورۃ البقرہ کی آخری دو آیتوں کو جس نے ایک رات میں پڑھ لیا تو وہ اسے کافی ہوں گی عبدالرحمان نے کہا: میں حضرت ابومسعود سے اس وقت ملا جب وہ بیت اللہ کا طواف کر رہے تھے میں نے ان سے اس کا سوال کیا تو انہوں نے مجھے یہ حدیث بیان کی (بخاری شریف، ۔كِتَابٌ : الْمَغَازِي. | بَابٌ،حدیث نمبر ٤٠٠٨)
امام بخاری روایت کرتے ہیں: ہمیں یحییٰ بن بکیر نے حدیث بیان کی انہوں نے کہا: ہمیں لیث نے حدیث بیان کی از عقیل از ابن شہاب انہوں نے کہا: مجھے حضرت محمود بن الربیع نے خبر دی کہ حضرت عتبان بن مالک رضی اللہ عنہ جو اصحاب نبی اکرم صلی اللہ علیہ وسلم میں سے ہیں ان انصار میں سے ہیں جو بدر میں حاضر تھے وہ رسول اللہ صلی اللّٰہ علیہ وسلم کے پاس آۓ ۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٠٩)
ابن شہاب نے کہا: پھر میں نے الحصین بن محمد سے سوال کیا اور وہ سالم کے بیٹوں میں سے ایک ہیں اور وہ ان کے سرات میں سے ہیں ۔ (ان سے) محمود بن الربیع کی حدیث کے متعلق سوال کیا از حضرت عتبان بن مالک رضی اللہ عنہ سو انہوں نے اس حدیث کی تصدیق کی ۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠١٠)
عبداللہ بن عامر ابن ربیعہ نے خبر دی اور وہ عدی کے سب سے بڑے بیٹے تھے اور ان کے والد نبی کریم صلی اللّٰہ علیہ وسلم کے ساتھ بدر میں حاضر تھے وہ بیان کرتے ہیں کہ حضرت عمر رضی اللہ عنہ نے حضرت قدامہ بن مظعون کو بحرین کا عامل بنایا اور وہ بدر میں حاضر تھے اور وہ حضرت عبداللہ بن عمر رضی اللہ تعالٰی عنہما اور حضرت حفصہ رضی اللہ تعالٰی عنہا کے ماموں تھے ۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠١١)
حضرت رافع بن خدیج نے حضرت عبداللہ بن عمر رضی اللہ تعالٰی عنہما کو خبر دی کہ ان کے دونوں چچاؤں نے خبردی اور وہ دونوں بدر میں حاضر تھے وہ بیان کرتے ہیں کہ رسول اللہ ﷺ نے زراعت کی زمینوں کو کرائے پر دینے سے منع فرمایا تھا میں نے سالم سے کہا:آپ تو زمینوں کو کراۓ پر دیتے ہیں انہوں نے کہا: ہاں! حضرت رافع نے اس معاملہ میں اپنے اوپر بہت سختی کی تھی۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠١٢،و حدیث نمبر ٤٠١٣)
عبداللہ بن شداد بن الھاد اللیثی بیان کرتے ہیں:میں نے حضرت رفاعہ بن رافع انصاری کو دیکھا اور وہ بدر میں حاضر تھے۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٤٠١٤)
حضرت مسور بن مخرمہ نے خبر دی وہ بیان کرتے ہیں کہ ان کو حضرت عمرو بن عوف نے خبر دی اور وہ بنو عامر بن لؤی کے حلیف تھے اور وہ نبی کریم صلی اللّٰہ علیہ وسلم کے ساتھ بدر میں حاضر تھے وہ بیان کرتے ہیں کہ رسول اللہ صلی اللّٰہ علیہ وسلم نے حضرت ابوعبیدہ بن الجراح کو بحرین کی طرف بھیجا کہ وہاں سے جزیہ لے کر آئیں اور رسول اللہ صلی اللّٰہ علیہ وسلم نے اہل بحرین سے صلح کی تھی اور ان پر حضرت العلاء بن الحضری کو عامل بنایا تھا۔ پس حضرت ابوعبیدہ رضی اللہ عنہ بحرین سے مال لے کر آۓ سو انصار نے حضرت ابوعبیدہ رضی اللہ عنہ کے آنے کی خبر سن لی تو وہ نبی کریم صلی اللّٰہ علیہ وسلم کے ساتھ صبح کی نماز میں پہنچ گئے، پس نبی کریم صلی اللّٰہ علیہ وسلم جب نماز پڑھ کر مڑے تو وہ آپ کے درپے ہوۓ تو رسول اللہ صلی اللّٰہ علیہ وسلم نے جب ان کو دیکھا تو آپ مسکراۓ پھر آپ نے فرمایا: میرا گمان ہے کہ تم نے سن لیا ہے کہ ابوعبیدہ کچھ مال لے کر آۓ ہیں انہوں ۔ نے کہا: جی ہاں! یا رسول اللہ صلی اللّٰہ علیہ وسلم ! آپ نے فرمایا: پس تم بشارت قبول کرو اور اس چیز کی توقع کرو جو تم کو خوش کرے گی، پس اللہ کی قسم ! مجھے تم پر فقر کا خوف نہیں ہے لیکن مجھے تم پر یہ خوف ہے کہ تم پر دنیا کشادہ کر دی جاۓ گی جیسے تم سے پہلے لوگوں پر دنیا کشادہ کی گئی تھی پس تم دنیا میں اس طرح رغبت کرو گے جس طرح انہوں نے رغبت کی تھی اور دنیا تم کو اس طرح ہلاک کر دے گی جس طرح اس (دنیا) نے ان کو ہلاک کر دیا تھا۔ (بخاری شریف کتاب ،كِتَابٌ : الْمَغَازِي. | بَابٌ ،حدیث نمبر ٤٠١٥)
نافع بیان کرتے ہیں کہ حضرت ابن عمر رضی اللہ تعالٰی عنہما تمام سانپوں کو مار ڈالتے تھے۔ حتی کہ ان کو حضرت ابولبابہ الہدری نے یہ حدیث بیان کی کہ نبی ﷺ نے گھروں کے سانپوں کو مارنے سے منع فرمایا ہے تب حضرت ابن عمر رضی اللہ تعالٰی عنہما ان کو مارنے سے رک گئے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠١٦،و حدیث نمبر ٤٠١٧)
حضرت انس بن مالک رضی اللہ عنہ نے حدیث بیان کی کہ انصار کے کچھ مردوں نے رسول اللہ ﷺ سے اجازت طلب کی پس کہا: آپ ہمیں اجازت دیں ہم اپنے بھانجے عباس کا فدیہ چھوڑ دیں آپ نے فرمایا: اللہ کی قسم! تم ان سے ایک درہم بھی نہیں چھوڑو گے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠١٨)
مقداد بن عمرو الکندی نے خبر دی اور وہ بنی زھرہ کے حلیف تھے وہ ان صحابہ میں سے تھے جو بدر میں رسول اللہ صلی اللّٰہ علیہ وسلم کے ساتھ حاضر تھے ان کو یہ خبر دی کہ انہوں نے کہا: یا رسول اللہ صلی اللّٰہ علیہ وسلم ! یہ بتائیں کہ اگر میرا کفار کے کسی مرد سے مقابلہ ہو سو ہم ایک دوسرے سے قتال کریں، پس وہ میرے دو ہاتھوں میں سے ایک ہاتھ پر ضرب لگا کر اس کو کاٹ ڈالے پھر وہ ایک درخت کی اوٹ میں مجھ سے پناہ لے لے پھر کہے: میں نے اللہ کے لیے اسلام قبول کیا یارسول اللہ صلی اللّٰہ علیہ وسلم ! کیا اس کے اسلام قبول کرنے کے بعد میں اس کوقتل کر سکتا ہوں؟ تب رسول اللہ صلی اللّٰہ علیہ وسلم نے فرمایا: تم اس کوقتل نہ کرنا پھر انہوں نے کہا: یا رسول اللہ صلی اللّٰہ علیہ وسلم ! اس نے میرا ایک ہاتھ کاٹ ڈالا تھا پھر وہ ہاتھ کاٹنے کے بعد اس نے اسلام قبول کیا ہے تب رسول اللہ صلی اللّٰہ علیہ وسلم نے فرمایا: تم اس کو قتل نہ کرنا اگر تم نے اب اس کوقتل کر دیا تو اس کو قتل کرنے سے پہلے جو تمہارا مقام تھا اب اس کا وہ مقام ہوگا اور تمہارا مقام وہ ہوگا جو اس کا مقام اس وقت تھا جب اس نے اسلام قبول نہیں کیا تھا۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٤٠١٩)
حضرت انس رضی اللہ عنہ نے حدیث بیان کی وہ بیان کرتے ہیں کہ رسول اللہ صلی اللّٰہ علیہ وسلم نے بدر کے دن فر مایا:یہ کون جا کر دیکھے گا کہ ابوجہل کا کیا ہوا؟ تو حضرت ابن مسعود رضی اللہ عنہ گئے تو انہوں نے اس کو اس حال میں پایا کہ حضرت عفراء رضی اللہ عنہ کے دو بیٹے اس کو مار چکے تھے حتی کہ وہ ٹھنڈا ہو گیا۔ پس انہوں نے کہا: تو ابوجہل ہے۔ ابن علیہ نے کہا کہ سلیمان نے اس طرح بیان کیا ہے کہ حضرت انس رضی اللہ عنہ نے بتایا کہ حضرت ابن مسعود رضی اللہ عنہ نے کہا کہ تو ابوجہل ہے اس نے کہا: کیا تم نے مجھ سے بھی کوئی بڑا آدمی قتل کیا ہے؟ سلیمان نے بتایا: اس نے کہا تھا کہ کسی ایسے شخص کو بھی اس کی قوم نے قتل کیا ہے؟ ابومجلز نے بتایا کہ ابوجہل نے کہا تھا: کاش! مجھے کسی کسان کے علاوہ دوسرے نے قتل کیا ہوتا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٠)
حضرت ابن عباس رضی اللہ تعالٰی عنہما نے حدیث بیان کی از حضرت عمر رضی اللہ تعالٰی عنہ وہ بیان کرتے ہیں کہ جب نبی اکرم صلی اللہ علیہ وسلم کی وفات ہوگئی تو میں نے حضرت ابوبکر رضی اللہ عنہ سے کہا: چلئے! ہم اپنے انصاری بھائیوں کی طرف چلیں، پس ہم نے انصار کے ان دو نیک مردوں سے ملاقات کی جو بدر میں حاضر تھے پس میں نے عروہ بن الزبیر سے یہ حدیث بیان کی تو انہوں نے بتایا کہ وہ( دو بدری صحابہ )حضرت عویم بن ساعدہ اور حضرت معن بن عدی رضی اللہ تعالٰی عنہما تھے ۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٤٠٢١)
قیس بیان کرتے ہیں کہ بدریین کا وظیفہ پانچ ہزار درہم فی کس )تھا اور حضرت عمر رضی اللہ عنہ نے کہا: میں ان کو ضرور بعد والوں پر فضیلت دوں گا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٢)
محمد بن جبیر بن مطعم از والد خود وہ بیان کرتے ہیں کہ میں نے سنا کہ نبی کریم ﷺ مغرب کی نماز میں سورۃ الطور پڑھ رہے تھے اور یہ وہ پہلی چیز ہے جس نے میرے دل میں ایمان کو مضبوط کیا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٣)
محمد بن جبیر بن مطعم از والد خود وہ بیان کرتے ہیں کہ نبی کریم صلی اللّٰہ علیہ وسلم نے بدر کے قیدیوں کے متعلق فرمایا: اگر مطعم بن عدی زندہ ہوتا پھر وہ مجھ سے ان بد بودار قیدیوں کے متعلق سفارش کرتا تو میں اس کی خاطر ان کو چھوڑ دیتا۔ اور اللیث نے کہا از یحیی بن سعید از سعید بن المسیب : پہلا فتند واقع ہوا یعنی حضرت عثمان رضی اللہ عنہ کا قتل تب اصحاب بدر میں سے کوئی بھی باقی نہیں رہا، پھر دوسرا فتنہ واقع ہوا یعنی الحرہ،تب اصحاب حدیبیہ میں سے کوئی بھی باقی نہیں رہا پھر تیسرا فتہ واقع ہوا تو وہ اس وقت تک نہیں اٹھا' جب تک لوگوں میں کچھ بھی عقل وشعور تھا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٤)
یونس بن یزید نے حدیث بیان کی انہوں نے کہا: میں نے الزہری سے سنا انہوں نے کہا: میں نے عروة بن الزبیر اور سعید بن المسیب اور علقمہ بن وقاص اور عبیداللہ بن عبداللہ سے حضرت عائشہ رضی اللہ تعالیٰ عنہا زوجہ نبی کریم صلی اللّٰہ علیہ وسلم کی حدیث سنی ان میں سے ہر ایک نے مجھے حدیث کا ایک ٹکڑا بیان کیا۔ انہوں نے فرمایا: میں اور ام مسطح آ رہی تھیں تو حضرت ام مسطح اپنی چادر میں الجھ کر گریں، پس انہوں نے کہا مسطح ہلاک ہو جاۓ ! پس میں نے کہا: آپ نے مری بات کہی ہے آپ ایسے شخص کو بد دعا دے رہی ہیں جو بدر میں حاضر تھا پھر ان راویوں نے حضرت عائشہ رضی اللہ تعالیٰ عنہا پر تہمت لگانے کی حدیث بیان کی ۔ (بخاری شریف ،كِتَابٌ : الْمَغَازِي. | بَابٌ،حدیث نمبر ٤٠٢٥)
محمد بن فلیح بن سلیمان نے حدیث بیان کی از موسی بن عقبہ از ابن شہاب انہوں نے کہا: یہ رسول اللہ صلی اللّٰہ علیہ وسلم کے مغازی ہیں پس انہوں نے حدیث ذکر کی پس جس وقت رسول اللہ صلی اللّٰہ علیہ وسلم (مردہ کافروں کو بدر کے کنویں میں ڈال رہے تھے تو آپ فرما رہے تھے تم سے جو تمہارے رب نے وعدہ کیا تھا کیا تم نے اس کو برحق پالیا؟ روای نے بیان کیا کہ نافع نے کہا کہ حضرت عبداللہ نے کہا: اور آپ کے اصحاب میں سے چند لوگوں نے کہا: یا رسول اللہ صلی اللّٰہ علیہ وسلم ! آپ مردوں کو پکار رہے ہیں؟ تو آپ نے فرمایا: میں نے جو بات کہی ہے تم اس کو ان سے زیادہ سننے والے نہیں ہو۔ امام ابوعبدالله ( بخاری ) نے کہا: پس تمام وہ قریش جو بدر میں حاضر ہوئے تھے جن کو مال غنیمت سے حصہ دیا گیا ان کی تعداد اکیاسی مردتھی اور عروہ بن زبیر بیان کرتے ہیں کہ حضرت زبیر رضی اللہ عنہ نے کہا: جن کو ( مال غنیمت سے حصے دیئے گئے ان کی تعداد سوتھی اور اللہ تعالی ہی زیادہ جاننے والا ہے۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٦)
امام بخاری روایت کرتے ہیں: مجھے ابراہیم بن موسی نے حدیث بیان کی انہوں نے کہا: ہمیں ہشام نے خبر دی از معمر از ہشام بن عروه از والد خود از حضرت زبیر رضی اللہ عنہ وہ بیان کرتے ہیں کہ بدر کے دن مہاجرین کے لیے سو حصے مقرر کیے گئے ۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٢٧)
صحیح بخاری میں جن اہل بدر کے نام مذکور ہیں ان کو امام بخاری نے حروف تہجی کی ترتیب سے ذکر کیا ہے (۱) حضرت سیدنا نبی محمد بن عبداللہ الہاشمی صلی اللہ علیہ وسلم (۲) حضرت ابوبکر صدیق رضی اللہ عنہ (۳) پھر حضرت عمر بن الخطاب العدوى رضی اللہ عنہ (۴) پھر حضرت عثمان بن عفان رضی اللہ عنہ جن کو نبی کریم صلی اللّٰہ علیہ وسلم نے اپنی صاحب زادی کی تیمارداری کے لیے چھوڑ دیا تھا اور مال غنیمت میں سے ان کا حصہ مقرر کیا تھا(۵) پھر حضرت علی بن ابی طالب الہاشمی رضی اللہ عنہ ہے۔(۲) پھر ایاس بن البکیر رضی اللہ عنہ (۷) بلال بن رباح رضی اللہ عنہ جو حضرت ابوبکر صدیق قرشی رضی اللہ عنہ کے آزاد کردہ غلام ہیں (۸) حضرت حمزہ بن عبدالمطلب الہاشمی رضی اللہ عنہ (۹) حاطب بن ابی بقعہ رضی اللہ عنہ قریش کے حلیف (۱۰) ابوحذیفہ بن عتبہ بن ربیعہ القرشی رضی اللہ عنہ (11) حارث بن الربيع رضی اللہ عنہ الانصاری یہ غزوہ بدر میں شہید ہو گئے تھے یہی حارثہ بن سراقہ ہیں جو جاسوسوں میں تھے (۱۲) خبیب بن عدی الانصاری رضی اللہ عنہ (۱۳) خنیس بن حذافہ السہمی رضی اللہ عنہ (۱۴) رفاعہ بن رافع الانصار رضی اللہ عنہ (۱۵) رفاعه بن عبدالمنذر ابولبابہ الانصاری رضی اللہ عنہ (۱۲) الزبير بن العوام القرشی رضی اللہ عنہ (۱۷) زید بن سہل رضی اللہ عنہ (۱۸) ابوطلحہ الانصار رضی اللہ عنہ (۱۹) ابوزید الانصار رضی اللہ عنہ (۲۰) سعد بن مالک الزہری رضی اللہ عنہ (۲۱) سعد بن خوله القرشی رضی اللہ عنہ (۲۲) سعید بن زید بن عمرو . بن نفيل القرشی رضی اللہ عنہ (۲۳) سہل بن حنیف الانصاری رضی اللہ عنہ (۲۴) ظہیر بن رافع الانصاری رضی اللہ عنہ (۲۵) اور ان کے بھائی رضی اللہ عنہ (٢٦)عَبْدُ اللَّهِ بْنُ عُثْمَانَ أَبُو بَكْرٍ الصِّدِّيقُ الْقُرَشِيُّ رضی اللہ عنہ (۲٧) عبداللہ بن مسعود الهذلي رضی اللہ عنہ (۲٩) عتبہ بن مسعود المہدی رضی اللہ عنہ (۲٩) عبدالرحمن بن عوف الازہری رضی اللہ عنہ (٣٠) عبيدة بن الحارث القرشی رضی اللہ عنہ(۳١) عبادہ بن الصامت الانصاري رضی اللہ عنہ (۳٢) عمرو بن خطاب العدوی رضی اللہ عنہ"جو بنو عامر بن لؤی کے حلیف ہیں" (۳٣) عقبہ بن عمرو الانصاری رضی اللہ عنہ (۳٤) عامر بن ربیعہ العنزی رضی اللہ عنہ (۳٥) عاصم بن بن ثابت الانصاری رضی اللہ عنہ (۳٦) عویم بن ساعده الانصاری رضی اللہ عنہ (۳٧) عتبان بن مالك الانصاری رضی اللہ عنہ (۳٨) قدام بن مظعون رضی اللہ عنہ (۳٩) قتادہ بن نعمان الانصاری رضی اللہ عنہ (٤٠) معاذ بن عمرو بن الجموح رضی اللہ عنہ (٤١) معوذ بن عفراء رضی اللہ عنہ (٤٢) اور ان کے بھائی"معاذ" رضی اللہ عنہ (٤٣) مالک بن ربیعہ ابواسید الانصاری رضی اللہ عنہ (٤٤) مراره بن الربیع الانصاری رضی اللہ عنہ (٤٥) معن بن عدی الانصاری رضی اللہ عنہ (٤٦) مسطح بن اثاثہ بن عباد بن عبدالمطلب بن عبد مناف رضی اللہ عنہ (٤٧) مقداد بن عمرو الکندی رضی اللہ عنہ جو بنوزہرہ کے حلیف ہیں (٤٨) ہلال بن امیہ الانصاری رضی اللہ عنہ ۔ بنوالنضیر کی حدیث اور رسول اللہ صلی اللّٰہ علیہ وسلم کا دومردوں کی دیت کے معاملہ میں ان کی طرف نکلنا اور انہوں نے رسول اللہ ﷺ کے ساتھ عہد شکنی کا جوارادہ کیا تھا۔ الزہری نے کہا از عروہ بن الزبیر یہ غزوہ بدر کے چھ ماہ بعد احد سے پہلے ہوا۔ اور اللہ تعالی کا یہ ارشاد: وہی ہے جس نے (ان) کفار اہل کتاب کو ان کے گھروں سے نکالا پہلی بار جلاوطن کرنے کے وقت ان کے نکل جانے کا تمہیں گمان نہ تھا۔(الحشر:۲) اور امام ابن اسحاق نے اس غزوہ کو بئر معونہ اور احد کے بعد قرار دیا ہے۔ حضرت ابن عمر رضی اللہ تعالٰی عنہما بیان کرتے ہیں کہ النضیر اور قریظہ نے جنگ کی تو آپ علیہ السلام نے بنوالنضیر کو جلا وطن کر دیا اور قریظہ پر احسان فرمایا اور ان کو برقرار رکھا حتی کہ قریظہ نے جنگ کی، پس ان کے مردوں کوقتل کر دیا اور ان کی عورتوں کو اور ان کے بچوں کو اور ان کے اموال کو مسلمانوں کے درمیان تقسیم کر دیا سوا ان میں سے بعض کے جو نبی کریم صلی اللّٰہ علیہ وسلم کے ساتھ مل گئے تھے پس آپ علیہ السلام نے ان کو امن دیا اور انہوں نے اسلام قبول کر لیا اور آپ علیہ السلام نے مدینہ شریف کے تمام یہود یعنی بنو قینقاع کو جلا وطن کر دیا اور وہ حضرت عبداللہ بن سلام رضی اللہ عنہ کا قبیلہ ہے اور یہود بنو حارثہ کو اور ہر یہودی کو مدینہ سے نکال دیا۔ (بخاری شریف, كِتَابٌ : الْمَغَازِي. | بَابٌ : حَدِيثُ بَنِي النَّضِيرِ. ،حدیث نمبر ٤٠٢٨)
سعید بن جبیر وہ بیان کرتے ہیں کہ میں نے حضرت ابن عباس رضی اللہ تعالیٰ عنہما کے سامنے سورۃ الحشر کہا تو انہوں نے کہا: سورۃ النضیر کہو۔ ابوعوانہ کی متابعت ہشیم نے کی از ابی بشر ۔ (بخاری شریف ،كِتَابٌ : الْمَغَازِي. | بَابٌ : حَدِيثُ بَنِي النَّضِيرِ. ،حدیث نمبر ٤٠٢٩)
معتمر نے حدیث بیان کی از والد خود وہ بیان کرتے ہیں کہ میں نے حضرت انس بن مالک رضی اللہ عنہ سے سنا کہ (انصاری) مرد نبی کریم صلی اللّٰہ علیہ وسلم کے لیے کھجور کے درخت مخصوص رکھتے تھے ( تا کہ آپ علیہ السلام کی خدمت میں کھجوریں بھیج دی جائیں حتی کہ اللہ تعالیٰ نے آپ علیہ السلام کو قریظہ اور نضیر پر فتح عطاء فرمائی اس کے بعد آپ علیہ السلام ان کو وہ کھجوریں واپس کر دیا کرتے تھے۔ (بخاری شریف ،كِتَابٌ : الْمَغَازِي. | بَابٌ : حَدِيثُ بَنِي النَّضِيرِ. ،حدیث نمبر ٤٠٣٠)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے بنوالنضیر کے کھجور کے درخت جلوا دیئے تھے اور کٹوادیے تھے یہ درخت مقام ۔ بویرہ میں تھے اس موقع پر یہ آیت نازل ہوئی: تم نے کھجور کے جودرخت کاٹے یا جن کو ان کی جڑوں پر کھڑا چھوڑ دیا تو یہ (سب ) اللہ کے اذن سے ہوا ۔ (الحشر:۵) (بخاری شریف ،كِتَابٌ : الْمَغَازِي. | بَابٌ : حَدِيثُ بَنِي النَّضِيرِ. ،حدیث نمبر ٤٠٣١)
حضرت ابن عمر رضی اللہ تعالٰی عنہما بیان کرتے ہیں کہ نبی اکرم صلی اللہ علیہ وسلم نے بنوالنضیر کے کھجور کے درخت جلا دیے اور ان ہی کے متعلق حضرت حسان بن ثابت رضی اللہ عنہ کا یہ شعر ہے: بنو لوئی کے سرداروں نے (اس کو ) آسانی کے ساتھ برداشت کر لیا جو آگ مقام بویرہ میں پھیل رہی تھی۔ پھر ابوسفیان بن الحارث نے اس کے جواب میں کہا: اللہ کرے (مدینہ میں ہمیشہ یہ کام ہوتا رہے یعنی آگ لگتی رہے اور اس کے اردگرد شعلے بھڑکتے رہیں تم عنقریب جان لو گے کہ کون بویرہ سے دور ہے اور جان لو گے کہ ہم میں سے کس کی زمین کوزیادہ نقصان ہوتا ہے ۔ (بخاری شریف ، كِتَابٌ : الْمَغَازِي. | بَابٌ : حَدِيثُ بَنِي النَّضِيرِ،حدیث نمبر ٤٠٣٢)
مالک بن اوس بن الحدثان النصری نے خبر دی کہ حضرت عمر بن الخطاب رضی اللہ عنہ نے ان کو بلایا تھا (دریں اثناء) حضرت عمر رضی اللہ عنہ کے دربان یرفاء آۓ اور ان سے کہا کہ حضرت عثمان حضرت عبدالرحمان حضرت الزبیر اور حضرت سعد رضی اللہ تعالٰی عنہم اجمعین بھی حاضر ہونے کی اجازت طلب کر رہے ہیں آپ کا کیا حکم ہے؟ پس حضرت عمر رضی اللہ عنہ نے فرمایا: ہاں! تو یرفاء نے ان کو داخل کر لیا تھوڑی دیر بعد وہ پھر آ یا اور کہا: حضرت علی اور حضرت عباس رضی اللہ تعالیٰ عنہما آنے کی اجازت طلب کر رہے ہیں، آپ کا کیا حکم ہے؟ حضرت عمر رضی اللہ عنہ نے فرمایا: ہاں! جب وہ دونوں داخل ہو گئے تو حضرت عباس رضی اللہ تعالٰی عنہ نے کہا: اے امیر المؤمنین! میرے اور اس کے درمیان فیصلہ کیجئے اور وہ دونوں اس مال فئے میں جھگڑ رہے تھے جو اللہ تعالی نے اپنے رسول اکرم صلی اللہ علیہ وسلم کو بنونضیر کے مال سے عطاء فرمایا تھا۔ پس حضرت علی اور حضرت عباس رضی اللہ تعالیٰ عنہما دونوں نے ایک دوسرے کو برا کہا پس( پہلے آنے والے صحابہ کی جماعت نے کہا: اے امیر المؤمنین! ان دونوں کے درمیان فیصلہ کیجئے اور ان دونوں کو ایک دوسرے سے راحت دلائے حضرت عمر رضی اللہ عنہ نے کہا: ٹھہرو! میں تم کو اللہ کی قسم دیتا ہوں جس کے اذن سے آسمان اور زمین قائم ہیں کیا تم کو معلوم ہے کہ رسول اللہ صلی اللّٰہ علیہ وسلم نے فرمایا تھا: ہمارا کوئی وارث نہیں بنایا جاتا ہمارا جو کچھ ترکہ ہے وہ صدقہ ہے اس سے آپ کی مراد خود اپنی ذات تھی سب نے کہا:"ہاں" آپ علیہ السلام نے اس طرح فرمایا تھا، پھر حضرت عمر حضرت علی اور حضرت عباس رضی اللہ تعالیٰ عنہما کی طرف متوجہ ہوۓ اور کہا: میں آپ دونوں کو اللہ کی قسم دیتا ہوں! کیا آپ کو معلوم ہے کہ رسول اللہ ﷺ نے اس طرح فرمایا تھا ؟ ان دونوں نے کہا: جی ہاں ! حضرت عمر رضی اللہ عنہ نے کہا: میں آپ کو اس معاملہ کی خبر دیتا ہوں: بے شک اللہ سبحانہ نے اپنے رسول اکرم صلی اللہ علیہ وسلم کو اس مال فئے سے ایک چیز کے ساتھ خاص کر لیا تھا اور آپ علیہ السلام نے یہ مال فئے اپنے علاوہ اور کسی کو نہیں دیا۔ پس اللہ جل ذکرہ نے فرمایا: اور جو(مال)اللہ نے ان سے(نکال کر اپنے رسول پر لوٹا دیئے سو تم نے ان پر نہ گھوڑے دوڑاۓ تھے اور نہ اونٹ ۔ ( الحشر ۱ ) یہ آیت یہاں تک ہے، اور لیکن اللہ اپنے رسولوں کو مسلط فرما دیتا ہے جس پر چاہے اور اللہ جو چاہے اس پر قادر ہے۔ (الحشر (۲) پس یہ اموال ( بنی نضیر ) خالص رسول اللہ صلی اللّٰہ علیہ وسلم کی ملکیت تھی پھر اللہ کی قسم ! آپ نے تمہیں نظر انداز کر کے اس مال کو اپنے ساتھ خاص نہیں کیا تھا اور نہ تم پر اپنی ذات کو ترجیح دی تھی تحقیق یہ ہے کہ آپ نے یہ مال تم کو دیا ہے اور آپ نے تم میں اس مال کو تقسیم کیا حتی کہ اس میں سے یہ مال بچ گیا سو رسول اللہ صلی اللّٰہ علیہ وسلم اس مال کو اپنے گھر والوں پر خرچ کرتے تھے اس مال میں سے ان کو ایک سال کا خرچ دیتے تھے پھر اس میں سے جو مال بچ جاتا اس کو اللہ کا مال قرار دیتے پس رسول اللہ صلی اللّٰہ علیہ وسلم اپنی حیات میں اس مال میں اس طرح تصرف کرتے رہے پھر نبی کریم صلی اللّٰہ علیہ وسلم کی وفات ہوگئی تو حضرت ابوبکر صدیق رضی اللہ عنہ نے کہا:میں رسول اللہ صلی اللّٰہ علیہ وسلم کا ولی ہوں تو اس مال کو حضرت ابوبکر رضی اللہ عنہ نے اپنے اختیار میں لے لیا اور مال میں وہی تصرف کیا جو رسول اللہ صلی اللّٰہ علیہ وسلم اس مال میں تصرف کرتے تھے اور آپ لوگ یہیں موجود تھے پھر حضرت عمر رضی اللہ عنہ حضرت علی اور حضرت عباس رضی اللہ تعالیٰ عنہما کی طرف متوجہ ہوۓ اور فر مایا: آپ دونوں کو یاد ہے کہ حضرت ابوبکر رضی اللہ عنہ اس مال میں وہی تصرف کرتے تھے جیسا کہ آپ دونوں بھی اقرار کرتے ہیں اور اللہ کو خوب علم ہے کہ حضرت ابوبکر رضی اللہ عنہ اس تصرف میں سچے تھے نیکو کار تھے ہدایت یافتہ تھے اور حق کے پیروکار تھے پھر اللہ عز وجل نے حضرت ابو بکر رضی اللہ عنہ کو وفات دی تو میں نے کہا کہ میں رسول اللہ صلی اللّٰہ علیہ وسلم کا ولی ہوں اور حضرت ابوبکر رضی اللہ عنہ کا ولی ہوں سو میں نے اپنی خلافت کے دوران دو سال اس مال پر قبضہ رکھا اور اس مال میں وہی تصرف کیا جو اس مال میں رسول اللہ صلی اللّٰہ علیہ وسلم اور حضرت ابوبکر رضی اللہ عنہ تصرف کرتے تھے اور اللہ کو خوب علم ہے کہ میں اس تصرف میں سچا ہوں' نیکو کار ہوں ہدایت یافتہ ہوں اور حق کا پیروکار ہوں پھر آپ دونوں میرے پاس آئے اور آپ دونوں ایک ہی ہیں اور آپ دونوں کا نظریہ بھی ایک ہے اور آپ دونوں کا مقصد بھی ایک ہے پھر آپ میرے پاس آۓ یعنی حضرت عباس تو میں نے آپ دونوں سے کہا کہ بے شک رسول اللہ صلی اللّٰہ علیہ وسلم نے فرمایا ہے: ہمارا کوئی وارث نہیں بنایا جاتا ہم نے جو کچھ چھوڑا ہے وہ صدقہ ہے پھر میری رائے یہ ہوئی کہ میں اس مال کا انتظام آپ ۔ دونوں کے حوالے کر دوں، میں نے کہا: اگر آپ دونوں چاہیں تو میں اس مال کا انتظام آپ کے حوالے کر دیتا ہوں اس شرط پر کہ آپ اللہ سے پکا عہد کریں کہ آپ اس مال کو ان ہی مصارف میں خرچ کریں گے جن مصارف میں اس مال کو رسول اللہ ماتم صرف کرتے تھے اور حضرت ابوبکر رضی اللہ عنہ صرف کرتے تھے اور جب سے میں اس مال کا والی ہوا تو میں اس مال کو ان ہی مصارف میں صرف کرتا تھا اور اگر آپ یہ عہد و میثاق نہ کریں تو پھر آپ مجھ سے اس سلسلہ میں بات نہ کریں تو آپ دونوں نے کہا کہ آپ اس مال کو اس شرط پر ہمارے حوالے کر دیں سو میں نے یہ مال آپ کے حوالے کر دیا اب کیا آپ دونوں مجھ سے اس کے سوا کوئی اور فیصلہ کرانا چاہتے ہیں؟ پس اللہ کی قسم! جس کے حکم سے آسمان اور زمین قائم ہیں میں۔ اس مال میں قیامت تک اس کے سوا اور کوئی فیصلہ نہیں کروں گا اگر آپ دونوں اس کا انتظام کرنے سے عاجز ہیں تو یہ مال میرے حوالے کر دیں میں آپ دونوں کی جگہ اس کا انتظام کروں گا ۔ زہری نے کہا: پھر میں نے عروہ بن الزبیر سے یہ حدیث بیان کی تو انہوں نے کہا: مالک بن اوس نے تم سے یہ حدیث بیان کی ہے میں نے نبی کریم صلی اللّٰہ علیہ وسلم کی زوجہ محترمہ حضرت عائشہ رضی اللہ تعالیٰ عنہا سے سنا وہ بیان کرتی ہیں کہ نبی ﷺ کی ازواج مطہرات نے حضرت عثمان رضی اللہ تعالٰی عنہ کو حضرت ابوبکر رضی اللہ عنہ کی طرف بھیجا کہ اللہ تعالی نے اپنے رسول اللہ صلی اللّٰہ علیہ وسلم کو مال فئے سے جو عطا فرمایا ہے ان کی وراثت کا آٹھواں حصہ ان کو دیا جاۓ تو میں ان ازواج مطہرات کو منع کرتی تھی میں نے ان سے کہا: کیا آپ اللہ سے ڈرتی نہیں ہیں کیا آپ کو معلوم نہیں ہیں! کیا آپ کو یہ معلوم نہیں ہے کہ نبی کریم صلی اللّٰہ علیہ وسلم یہ فرماتے تھے کہ ہمارا کوئی وارث نہیں بنایا جاتا ہم نے جو بھی چھوڑا ہے وہ صدقہ ہے اس سے آپ کی مراد اپنی ذات تھی، محمد صلی اللّٰہ علیہ وسلم کی آل صرف اس مال میں سے کھاۓ گی پھر حضرت عثمان رضی اللہ عنہ ازواج مطہرات کے پاس گئے اور ان کو بتایا جو میں نے ان کو حدیث سنائی تھی، پھر یہ صدقات حضرت علی رضی اللہ عنہ کے تصرف میں آ گئے حضرت علی رضی اللہ عنہ نے ان صدقات میں سے حضرت عباس رضی اللہ تعالٰی عنہ کو کچھ دینے سے منع کر دیا اور ان پر غالب رہے پھر یہ اموال حضرت حسن بن علی رضی اللہ تعالٰی عنہما کے تصرف میں آۓ پھر یہ اموال حضرت حسین بن علی رضی اللہ تعالٰی عنہما کے ہاتھ میں پھر علی بن حسین رضی اللہ تعالٰی عنہما کے ہاتھ میں اور حضرت حسن بن حسن رضی اللہ تعالٰی عنہما کے ہاتھ میں آۓ اور یہ مال باری باری ان کے تصرف میں آتا رہا پھر یہ مال حضرت زید بن حسن رضی اللہ تعالٰی عنہما کے ہاتھ میں آیا اور یہ دراصل رسول اللہ صلی اللّٰہ علیہ وسلم کا برحق صدقہ تھا۔ (بخاری شریف ،كِتَابٌ : الْمَغَازِي. | بَابٌ : حَدِيثُ بَنِي النَّضِيرِ. ،حدیث نمبر ٤٠٣٣،و حدیث نمبر ٤٠٣٤)
عروہ سے روایت ہے کہ حضرت عائشه رضی اللہ تعالٰی عنہا بیان کرتی ہیں کہ سیدتنا فاطمہ رضی اللہ تعالٰی عنہا اور حضرت عباس رضی اللہ تعالٰی عنہ دونوں حضرت ابوبکر رضی اللہ عنہ کے پاس آۓ اور ان سے آپ علیہ السلام کی زمین جو فدک میں تھی اور آپ علیہ السلام کا جو حصہ خیبر میں تھا اس کی میراث سے اپنا حصہ طلب کیا۔ پس حضرت ابوبکر رضی اللہ عنہ نے فرمایا: میں نے نبی کریم صلی اللّٰہ علیہ وسلم کو یہ فرماتے ہوۓ سنا ہے: ہمارا وارث نہیں بنایا جاتا ہم نے جو کچھ چھوڑا ہے وہ صدقہ ہے آل محمد اس مال میں سے کھاۓ گی اور اللہ کی قسم ! رسول اللہ ﷺ کے قرابت داروں سے حسن سلوک کرنا مجھے اپنے قرابت داروں کے ساتھ حسن سلوک کرنے سے زیادہ محبوب ہے۔ (بخاری شریف ،كِتَابٌ : الْمَغَازِي. | بَابٌ : حَدِيثُ بَنِي النَّضِيرِ،حدیث نمبر ٤٠٣٥،و حدیث نمبر ٤٠٣٦)
باب:کعب بن اشرف کے قتل کا بیان۔ حضرت جابر بن عبداللہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا: کعب بن الاشرف کوکون قتل کرے گا کیونکہ اس نے اللہ تعالی اور اس کے رسول کو ( بہت زیادہ )ایزاء دی ہے پس حضرت محمد بن مسلمہ رضی اللہ عنہ کھڑے ہوۓ سو انہوں نے کہا: یا رسول اللہ صلی اللّٰہ علیہ وسلم ! کیا آپ یہ پسند کرتے ہیں کہ میں اس کوقتل کر دوں؟ آپ نے فرمایا: ہاں! انہوں نے کہا: پھر آپ مجھے اجازت دیں کہ میں (اس کو خوش کرنے کے لیے ) کچھ باتیں کہوں؟ آپ نے فرمایا: تم کہہ دینا سو حضرت محمد بن مسلمہ رضی اللہ عنہ اس کے پاس پہنچے پس اس سے کہا: یہ شخص ہم سے صدقہ کا سوال کرتا ہے اور اس نے ہم کو تھکا دیا ہے اور میں تمہارے پاس اس لیے آیا ہوں کہ تم ہمیں کچھ قرض دو اس نے کہا: ابھی دیکھنا یہ شخص تم کو ملال اور اکتاہٹ میں مبتلا کر دے گا حضرت محمد بن مسلمہ رضی اللہ عنہ نے کہا: بے شک ہم نے اس کی پیروی کی ہے اور ہم اس کو اس سے پہلے چھوڑنا نہیں چاہتے حتی کہ ہم دیکھ لیں کہ اس کا انجام کیا ہوتا ہے اور ہم یہ چاہتے ہیں کہ تم ہمیں ایک وسق یا دو وسق اناج قرض دو ( چھ من یا دس من) عمرو نے دوسری بار یہ حدیث بیان کی تو ایک وسق یا دو وسق کا ذکر نہیں کیا میں نے ان سے کہا کہ حدیث میں ایک وسق یا دو وسق کا بھی ذکر ہے؟ انہوں نے کہا: میرا بھی یہ خیال ہے کہ حدیث میں ایک وسق یا دو وسق کا ذکر ہے کعب بن اشرف نے کہا: ہاں۔(مگر )تم میرے پاس کچھ گروی رکھو میں نے پوچھا: تم کیا گروی رکھنا چاہتے ہو؟ اس نے کہا: تم اپنی عورتیں گروی رکھو حضرت محمد بن مسلمہ رضی اللہ عنہ نے کہا: ہم اپنی عورتیں تمہارے پاس کیسے گروی رکھ سکتے ہیں حالانکہ تم حسین ترین مرد ہو اس نے کہا: پھر تم اپنے بیٹے گروی رکھ دو انہوں نے کہا: ہم تمہارے پاس اپنے بیٹے کیسے گروی رکھ سکتے ہیں۔ پھر کوئی شخص ان میں سے کسی کو طعنہ دے گا کہ میپ ایک وسق یا دو وسق اناج کے عوض گروی رکھا گیا تھا اور یہ بات ہم پر باعث عار ہوگی لیکن ہم تمہارے پاس "لامہ" گروی رکھ سکتے ہیں، سفیان نے کہا کہ اس سے مراد ہتھیار ہیں پھر اس نے ان سے ملاقات کا وعدہ کر لیا پس وہ اس کے پاس رات کو آۓ اور ان کے ساتھ کعب کا رضاعی بھائی ابونائلہ بھی تھا اس نے ان کو قلعہ کی طرف بلا لیا پس وہ ان کی طرف اترنے لگا اس کی بیوی نے اس سے کہا: تم اس وقت کہاں جا رہے ہو؟ اس نے کہا: یہ صرف محمد بن مسلمہ ہے اور اس کے ساتھ میرا بھائی ابونائلہ ہے ۔ عمرو کے علاوہ دوسرے راوی نے بیان کیا: اس کی بیوی نے کہا: میں ایسی آواز سن رہی ہوں جیسے اس سے خون ٹپک رہا ہو کعب بن اشرف نے کہا: یہ صرف میرا بھائی محمد بن مسلمہ ہے اور میرا دودھ شریک بھائی ابونائلہ ہے شریف آدمی کو اگر رات میں بھی نیزہ بازی کے لیے بلایا جاۓ تو وہ چلا جاتا ہے راوی نے کہا: اس نے محمد بن مسلمہ کو اور ان کے ساتھ دو اور مردوں کو داخل کر لیا سفیان سے پوچھا گیا: کیا عمرو نے ان دومردوں کا نام لیا تھا؟ انہوں نے کہا: بعض کا نام لیا تھا عمرو نے کہا تھا: ان کے ساتھ دومرد آۓ اور عمرو کے علاوہ ابو عبس بن جبر اور الحارث بن اوس اور عباد بن بشر نے بیان کیا کہ عمرو نے کہا کہ ان کے ساتھ دومرد آۓ پس انہوں نے ان کو سمجھایا کہ جب وہ آۓ گا تو میں اس کے بال پکڑ کر سونگھوں گا، پس جب تم یہ دیکھو کہ میں نے اس کے سر پر قابو پالیا ہے تو تم اس کو پکڑ کر مارڈالنا اور ایک مرتبہ یہ کہا کہ پھر میں اس کا سر سونگھوں گا پھر کعب بن اشرف ان کی طرف چادر لپیٹے ہوۓ آیا اور اس سے بہت عمدہ خوشبو آ رہی تھی محمد بن مسلمہ نے کہا: میں نے آج تک اتنی نفیس خوشبو نہیں پائی عمرہ کے علاوہ دوسرے راوی نے بتایا کہ کعب بن اشرف نے کہا: میرے پاس عرب کی سب سے حسین اور کامل عورت ہے جو ہر وقت خوشبو میں بسی رہتی ہے عمرو نے بتایا کہ محمد بن مسلمہ نے کہا: کیا تم اجازت دیتے ہو کہ میں تمہارے سرکو سونگھ لوں اس نے کہا:ہاں! پھر انہوں نے سونگھا پھر انہوں نے اپنے اصحاب کو سونگھا یا پھر کہا: کیا تم مجھے اس کی اجازت دیتے ہو؟ اس نے کہا: ہاں! پس جب انہوں نے اس کے سر پر قابو پالیا تو کہا: اب اس کو پکڑ کر مارڈالو سو انہوں نے اس کوقتل کر دیا پھر انہوں نے نبی کریم صلی اللّٰہ علیہ وسلم کے پاس آکر اس کے قتل کی خبر دی۔ (بخاری شریف ،كِتَابٌ : الْمَغَازِي. | بَابٌ : قَتْلُ كَعْبِ بْنِ الْأَشْرَفِ،حدیث نمبر ٤٠٣٧)
باب:ابو رافع کا قتل۔ عبداللہ بن ابی تحقیق ،اس کو سلا م بن ابی الحقیق بھی کہا جا تا ہے۔ یہ خیبر میں تھا۔اور کہا جا تا ہے کہ وہ سرزمین حجاز میں ایک قلعہ میں تھا، اور الزہری نے کہا کہ وہ کعب بن الاشرف کے بعد قتل کیا گیا۔ حضرت البراء بن عازب رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے ایک جماعت کو ابورافع کی طرف بھیجا پس حضرت عبداللہ بن عتیک رضی اللہ عنہ رات کے وقت اس کے گھر میں داخل ہوۓ اس وقت وہ سویا ہوا تھا۔ پس اس کو انہوں نے قتل کر دیا۔ (بخاری شریف ،كِتَابٌ : الْمَغَازِي. | بَابٌ : قَتْلُ أَبِي رَافِعٍ عَبْدِ اللَّهِ بْنِ أَبِي الْحُقَيْقِ،حدیث نمبر ٤٠٣٨)
حضرت البراء بن عازب رضی اللہ عنہ بیان کرتے ہیں کہ رسول اللہ ﷺ نے ابورافع یہودی کی طرف انصار کے چند مردوں کو بھیجا اور حضرت عبداللہ بن عتیک رضی اللہ عنہ کو ان کا امیر بنایا اور ابورافع رسول اللہ کو ایذاء دیا کرتا تھا اور آپ کے خلاف ( آپ کے دشمنوں کی مدد کرتا تھا وہ سرزمین حجاز کے ایک قلعہ میں رہتا تھا جب انصاری اس کے قریب پہنچے تو سورج غروب ہو چکا تھا اور لوگ اپنے مویشیوں کو لے کر جا چکے تھے سو حضرت عبداللہ نے اپنے اصحاب سے کہا: تم لوگ اپنی جگہوں پر بیٹھو میں (اس کے قلعہ میں ) جا رہا ہوں اور دربانوں سے کوئی حیلہ کرتا ہوں شاید میں( قلعہ میں داخل ہو جاؤں پھر وہ آگے بڑھے حتی کہ دروازہ تک پہنچ گئے انہوں نے اپنے آپ کو اپنے کپڑے سے اس طرح ڈھانپ لیا گویا وہ قضاء حاجت کر رہے ہیں قلعہ کے تمام لوگ اندر داخل ہو چکے تھے سو دربان نے پکار کر کہا: اے اللہ کے بندے! اگر تو اندر آنا چاہتا ہے تو آجا کیونکہ میں دروازہ بند کرنا چاہتا ہوں (انہوں نے بتایا: ) سو میں اندر داخل ہو گیا۔ پس میں چھپ کر دیکھنے لگا۔ پس جب سب لوگ اندر چلے گئے تو اس نے دروازہ بند کر دیا اور چابیوں کا گچھا ایک کھونٹی پر لٹکا دیا انہوں نے بتایا کہ میں چابیوں کی طرف بڑھا اور ان کو اٹھالیا سو میں نے دروازہ کھولا ابورافع کے پاس رات کو کہانیاں سنائی جارہی تھیں اور وہ اپنے بالا خانے میں تھا جب کہانیاں سنانے والے اس کے پاس سے چلے گئے تو میں ( اس کے بالا خانے کی طرف) پڑھا اس اثناء میں میں جتنے دروازے اس تک جانے کے لیے کھولتا تھا ان کو اندر سے بند کرتا جا تا تھا میں نے سوچا کہ اگر ان لوگوں کو میری خبر ہو بھی گئی تو یہ اس وقت تک میرے قریب نہ آ سکیں حتی کہ میں اس کو قتل کر لوں، سو میں جب اس کے پاس پہنچا تو وہ اپنے گھر والوں کے درمیان اندھیرے کمرے میں تھا مجھے نہیں پتا چل رہا تھا کہ وہ گھر میں کس جگہ پر ہے پس میں نے کہا: اے ابورافع ! اس نے پوچھا: یہ کون ہے؟ تو میں اس آواز کی طرف بڑھا اور میں نے اس پر تلوار ماری اس وقت اپنی کارروائی کی وجہ سے میرا دل دھڑک رہا تھا اس نے چیخ ماری تو میں کمرے سے باہر نکل گیا' میں تھوڑی دیر ٹھہر کر پھر اس کے پاس آ گیا۔ میں نے کہا: اے ابورافع !یہ کیسی چیخ تھی؟ اس نے کہا: تیری ماں مر جاۓ ! کوئی مرد گھر میں ہے اور اس نے ابھی مجھ پر تلوار سے وار کیا ہے انہوں نے بتایا کہ میں نے پھر اس پر تلوار مار کر اس کا خون بہا دیا اور ابھی میں نے اس کو قتل نہیں کیا تھا، پھر میں نے تلوار کی نوک اس کے پیٹ میں گھونپی حتی کہ وہ اس کی پیٹھ تک پہنچ گئی پھر میں نے سمجھ لیا کہ اب میں اس کوقتل کر چکا ہوں، پھر میں ہر درواز کو کھولتا گیا حتی کہ سیڑھی تک پہنچ گیا سو میں نے اپنا پیر رکھا اور میرا گمان تھا کہ میں زمین تک پہنچ چکا ہوں پس میں چاندنی رات میں گر گیا اور میری ٹانگ ٹوٹ گئی سو میں نے اپنے عمامہ کو اس پر باندھ لیا پھر میں چل پڑا حتیٰ کہ دروازہ پر بیٹھ گیا۔ پس میں نے (دل میں کہا: میں پوری رات باہر نہیں نکلوں گا حتی کہ میں جان لوں کہ میں نے اس کو قتل کر دیا ہے پھر جب مرغ نے اذان دی تو اس وقت قلعہ کی فصیل پر ایک پکارنے والے نے پکار کر کہا کہ میں اہل حجاز کے تاجر ابورافع کی موت کی خبر دے رہا ہوں سو میں اپنے اصحاب کی طرف گیا اور ان سے کہا: جلدی چلو! اللہ تعالی نے ابورافع کوقتل کر دیا پس میں نبی کریم صلی اللّٰہ علیہ وسلم تک پہنچا اور آپ سے یہ واقعہ بیان کیا آپ نے مجھ سے فرمایا: اپنی ٹانگ پھیلاؤ! میں نے اپنی ٹانگ پھیلائی آپ نے اس پر اپنا مبارک ہاتھ پھیرا پس گویا اس میں کوئی تکلیف ہی بھی ۔ (بخاری شریف ،كِتَابٌ : الْمَغَازِي. | بَابٌ : قَتْلُ أَبِي رَافِعٍ عَبْدِ اللَّهِ بْنِ أَبِي الْحُقَيْقِ،حدیث نمبر ٤٠٣٩)
حضرت البراء رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے حضرت عبداللہ بن عتیک رضی اللہ عنہ اور حضرت عبداللہ بن عتبہ رضی اللہ عنہ ان کو چند لوگوں کے ساتھ ابورافع کی طرف بھیجا سو وہ روانہ ہوئے حتی کہ قلعہ کے قریب پہنچ گئے پس ان سے حضرت عبداللہ بن عتیک رضی اللہ عنہ نے کہا: آپ یہاں ٹھہریں حتی کہ میں جا کر دیکھتا ہوں انہوں نے بتایا کہ پھر میں نے قلعہ میں داخل ہونے کا حیلہ کیا وہ لوگ اپنے گدھے کو ڈھونڈ رہے تھے پس وہ لوگ اس کی طلب میں روشنی لے کر نکلے پس مجھے خوف ہوا کہ کہیں میں پہچان نہ لیا جاؤں سو میں نے اپنے سرکو اور ٹانگوں کو اس طرح ڈھانپ لیا جیسے میں قضاء حاجت کر رہا ہوں پھر دربان نے آواز دی کہ اس سے پہلے کہ میں قلعہ کا دروازہ بند کر دوں جس نے اندر داخل ہونا ہے وہ داخل ہو جاۓ پس میں بھی ( قلعہ میں داخل ہو گیا پھر میں گدھے کے اصطبل میں چھپ گیا جو قلعہ کے دروازہ کے پاس تھا پھر ان لوگوں نے ابورافع کے ساتھ رات کا کھانا کھایا اور باتیں کرنے لگے حتی کہ رات کا ایک حصہ گزر گیا۔ پھر وہ اپنے کمروں کی طرف لوٹ گئے، پھر جب آوازیں آئی بند ہو گئیں اور میں کوئی حرکت نہیں سن رہا تھا تب میں نکلا اور میں نے دیکھ لیا تھا کہ دربان نے قلعہ کی کنجیاں ایک طاق میں رکھی ہیں سو میں نے وہ کنجیاں لیں اور قلعہ کا دروازہ کھول لیا انہوں نے کہا کہ میں نے یہ سوچا تھا کہ اگر ان لوگوں کو میرا پتا چل گیا تو میں آسانی سے نکل جاؤں گا پھر میں نے ان کمروں کے دروازوں کا قصد کیا میں ان کمروں کے دروازوں کو اندر سے بند کرتا جا تا تھا پھر میں سیڑھی کے ذریعہ ابورافع کی طرف چڑھا سواس کے کمرے میں اندھیرا تھا اور چراغ بجھا ہوا تھا پس مجھے اندازہ نہیں ہو سکا کہ وہ شخص کہاں ہے! تو میں نے کہا: اے ابورافع ! اس نے کہا: یہ کون ہے؟ پس میں نے اس کی آواز کا قصد کیا اور اس پر تلوار ماری وہ چلایا لیکن یہ وار ٹھیک سے نہیں لگا تھا پھر میں اس طرح اس کے پاس پہنچا گویا میں اس کی مددکر رہا ہوں میں نے اپنی آواز بدل کر پوچھا: اے ابورافع ! تم کو کیا ہوا ہے؟ اس نے کہا: بڑے تعجب کی بات ہے تیری ماں مر جاۓ! ابھی کوئی شخص مجھ پر داخل ہوا ہے اور اس نے مجھ پر تلوار سے وار کیا ہے انہوں نے بتایا کہ پھر میں نے دوبارہ اس پر حملہ کیا۔ اس وار سے بھی وہ بچ گیا پھر وہ چلایا اور اس کی اہلیہ بھی اٹھ گئی میں پھر اس کے پاس پہنچا گویا میں اس کی مدد کرنے والا ہوں اور میں نے اپنی آواز بدل لی تھی اس وقت وہ پیٹھ کے بل چت لیٹا ہوا تھا میں نے تلوار اس کے پیٹ میں گھونپ دی پھر میں نے اس کو زور سے دبایا حتی کہ میں نے اس کی ہڈی ٹوٹنے کی آواز سنی پھر میں گھبرایا ہوا وہاں سے نکالا حتی کہ میں سیڑھی پر آیا میں نیچے اترنا چاہتا تھا، پس میں سیٹرھی سے گر گیا اس سے میری ٹانگ ٹوٹ گئی میں نے اس پر پٹی باندھ لی' پھر میں لنگڑاتا ہوا اپنے اصحاب کے پاس آیا' میں نے ان سے کہا: آپ جائیں اور نبی کریم صلی اللّٰہ علیہ وسلم کو خوش خبری دیں اور میں اس وقت تک نہیں جاؤں گا حتی کہ میں اس کی موت کی خبر سن لوں پھر جب صبح ہوئی تو موت کی خبر دینے والا چڑھا اور اس نے کہا: میں ابورافع کی موت کی خبر دے رہا ہوں سو میں اٹھا اور میں اس حال میں چل رہا تھا کہ مجھے کوئی تکلیف نہیں تھی اور اس سے پہلے کہ میرے اصحاب نبی کریم صلی اللّٰہ علیہ وسلم تک پہنچے میں نے اپنے اصحاب کو پالیا پھر میں نے آپ کو خوش خبری دی۔ (بخاری شریف ،كِتَابٌ : الْمَغَازِي. | بَابٌ : قَتْلُ أَبِي رَافِعٍ عَبْدِ اللَّهِ بْنِ أَبِي الْحُقَيْقِ،حدیث نمبر ٤٠٤٠)
غزوہ احد کا بیان۔ اور اللہ عز وجل کا یہ ارشاد: اور جب صبح کے وقت آپ اپنے اہل کے پاس سے باہر آۓ مسلمانوں کو لڑائی کے لیے مورچوں پر ٹھہراتے ہوۓ اور اللہ بہت سننے والا خوب جاننے والا ہے۔ (آل عمران:۱۲۱) اور اللہ عز وجل کا ارشاد: اورستی نہ کرو اور غمگین نہ ہو تم ہی غالب رہو گے اگر کامل مؤمن ہوں اگر تمہیں زخم آۓ ہیں تو تمہارے دشمنوں کو بھی اسی طرح زخم پہنچے ہیں اور ان ( گرم و سرد ) دنوں کو ہم لوگوں کے درمیان پھیرتے رہتے ہیں تا کہ اللہ ایمان والوں کو جدا کر دے اور تم میں سے کچھ لوگوں کو شہید بناۓ اور اللہ ظلم کرنے والوں کو پسند نہیں کرتاں اور اس لیے کہ اللہ مسلمانوں کو خالص کر دے اور کافروں کو مٹا دے کیا تم نے گمان کر لیا کہ تم جنت میں داخل ہو جاؤ گے حالانکہ ابھی اللہ نے تمہارے مجاہدین اور صبر کرنے والوں کو ( دوسروں سے ممتاز نہیں کیا اور بے شک تم موت آنے سے پہلے موت کی تمنا کرتے تھے سواب تم نے اس کو دیکھ لیا اور وہ تمہاری آنکھوں کے سامنے ہے ( آل عمران:۱۴۳۔۱۳۹) اور اللہ عز وجل کا ارشاد ہے: اور بے شک اللہ نے تم سے اپنا وعدہ سچا کر دکھایا جب تم اس کے حکم سے ان کوقتل کرتے تھے یہاں تک کہ تم نے بزدلی دکھائی اور (اپنے کام میں اختلاف کیا اور تم نے اس کے بعد نافرمانی کی جب کہ اللہ تمہیں تمہاری پسندیدہ چیز ( مال غنیمت دکھا چکا تھا تم میں سے کوئی دنیا کا ارادہ کرتا تھا اور کوئی آخرت کو چاہتا تھا پھر اللہ نے تمہارا منھ ان سے پھیر دیا تا کہ وہ تمہاری آزمائش کرے اور بے شک اس نے تمہیں معاف کر دیا۔ اور اللہ ایمان والوں پر بہت فضل والا ہے (آل عمران : ۱۵۲) اور اللہ عز وجل کا ارشاد ہے: جو لوگ اللہ کی راہ میں شہید کیے۔ گئے ہیں ان کو ہرگز ہرگز مردہ گمان نہ کرو۔(آل عمران:۱۲۹) حضرت ابن عباس رضی اللہ تعالیٰ عنہما بیان کرتی ہیں کہ نبی اکرم صلی اللہ علیہ وسلم نے جنگ احد کے دن فرمایا: یہ جبریل علیہ السلام ہیں جو اپنے گھوڑے کے سر کو پکڑے ہوۓ ہیں اور ان پر جنگ کے ہتھیار ہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤١)
ابن المبارک نے خبر دی از حیوۃ از یزید بن ابی حبیب از ابي الخير از عقبہ بن عامر وہ بیان کرتے ہیں کہ نبی کریم صلی اللّٰہ علیہ وسلم نے آٹھ سال بعد شہداء احد پر نماز جنازہ پڑھی جیسے آپ زندوں اور مردوں (سب)سے رخصت ہورہے ہوں پھر آپ منبر پر رونق افروز ہوۓ سوآپ نے فرمایا: میں تمہارا پیش رو ہوں اور میں تم پر گواہ ہوں اور میرا تم سے حوض پر ( ملاقات کا وعدہ ہے اور بے شک میں اب بھی اپنی اس جگہ سے ضرور حوض کی طرف دیکھ رہا ہوں اور بے شک مجھے تمہارے متعلق یہ خوف نہیں ہے کہ تم (سب) مشرک ہو جاؤ گے لیکن مجھے تم پر یہ خوف ہے کہ تم (سب) دنیا میں رغبت کرو گے حضرت عقبہ رضی اللہ عنہ نے کہا: پس میں آخری بار رسول اللہ صلی اللّٰہ علیہ وسلم کی طرف دیکھ رہا تھا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٢)
حضرت البراء رضی اللہ عنہ بیان کرتے ہیں کہ اس دن ہمارا مشرکین سے مقابلہ ہوا اور نبی کریم صلی اللّٰہ علیہ وسلم نے تیراندازوں کا لشکر بٹھا دیا تھا اور ان پر حضرت عبداللہ رضی اللہ عنہ کو امیر بنادیا تھا اور آپ نے فرمایا: تم یہاں سے نہ جانا خواہ تم یہ دیکھو کہ ہم ان پر غالب آ چکے ہیں جب (بھی) تم یہاں سے نہ جانا اور اگر تم یہ دیکھو کہ وہ ہم پر غلبہ پاچکے ہیں تب بھی تم ہماری مدد کے لیے نہ آنا، پس جب ہمارا مقابلہ ہوا تو مشرکین بھاگ گئے حتی کہ ہم نے ان کی عورتوں کو اس طرح پہاڑ پر بھاگتے ہوۓ دیکھا کہ انہوں نے اپنی پنڈلیوں سے کپڑا اٹھایا ہوا تھا اور ان کی پازیبیں ظاہر ہو رہی تھیں تو وہ کہنے لگے غنیمت (لوٹو)، غنیمت (لوٹو) پس حضرت عبداللہ بن جبیر رضی اللہ عنہ نے کہا کہ نبی کریم صلی اللّٰہ علیہ وسلم نے مجھ سے یہ عہد لیا تھا کہ یہاں سے نہ جانا تو انہوں نے انکار کر دیا پس جب انہوں نے انکار کیا تو ان کے چہرے پھیر دیے گئے سوستر (۷۰) مسلمان شہید ہو گئے اور ابوسفیان نے سر اٹھا کر کہا: کیا ان لوگوں میں (سیدنا) محمد (ﷺ) ہیں؟ آپ نے فرمایا: اس کو جواب نہ دینا، پھر اس نے پوچھا: کیا ان لوگوں میں ابوقحافہ کا بیٹا ہے؟ آپ نے فرمایا: اس کو جواب نہ دینا' پس اس نے کہا: کیا ان لوگوں میں خطاب کا بیٹا ہے؟ پھر اس نے کہا: یہ سب لوگ قتل ہو چکے ہیں اگر یہ زندہ ہوتے تو ضرور جواب دیتے تب حضرت عمر رضی اللہ تعالٰی عنہ اپنے اوپر ضبط نہ کر سکے انہوں نے کہا: اے اللہ کے دشمن! تو نے جھوٹ کہا اللہ تعالی نے ان لوگوں کو تیرے خلاف باقی رکھا ہے تجھے غمگین کریں گے ابوسفیان نے کہا: ھبل بلند ہو! نبی کریم صلی اللّٰہ علیہ وسلم نے فرمایا: اس کو جواب دو! صحابہ نے پوچھا: ہم کیا کہیں؟ آپ نے فرمایا: تم کہو: اللہ بلند اور برتر ہے ابوسفیان نے کہا: ہمارا عزٰی ہے اور تمہارا کوئی عزٰی نہیں ہے نبی کریم صلی اللّٰہ علیہ وسلم نے فرمایا: اس کو جواب دو صحابہ نے پوچھا: ہم کیا کہیں؟ آپ نے فرمایا: تم کہو کہ ہمارا مددگار اللہ ہے اور تمہارا کوئی مددگارنہیں ہے ابوسفیان نے کہا: آج کا دن بدر کے دن کا بدلہ ہے اور جنگ ( کنویں کا ڈول ہے ( کبھی ایک کے پاس کبھی دوسرے کے پاس ) اور تم ایک مثلہ (اعضاء کے ہوۓ ) کو دیکھو گئے میں نے اس کا حکم نہیں دیا تھا اور نہ مجھے اس پر افسوس ہوا ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٣)
حضرت جابر رضی اللہ عنہ بیان کرتے ہیں کہ احد کے دن صبح کو لوگوں نے شراب پی پھر وہ لڑائی میں شہید ہوگئے ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٤)
سعد بن ابراہیم از والد خود ابراہیم وہ بیان کرتے ہیں کہ حضرت عبدالرحمان بن عوف رضی اللہ عنہ کے پاس طعام لایا گیا وہ روزہ دار تھے پس انہوں نے کہا: حضرت مصعب بن عمیر رضی اللہ عنہ مجھ سے بہتر تھے انہیں ایسی چادر میں کفن دیا گیا کہ اگر ان کا سر ڈھانپا جاتا تو پیر کھل جاتے اور اگر ان کے پیر ڈھانپے جاتے تو سرکھل جاتا اور میرا گمان ہے کہ انہوں نے کہا: اور حضرت حمزہ رضی اللہ عنہ کو شہید کیا گیا اور وہ مجھ سے بہتر تھے پھر ہم پر اتنی دنیا کشادہ کی گئی جو کشادہ کی گئی یا کہا: ہمیں دنیا سے اتنا دیا گیا جو دیا گیا اور ہمیں یہ خوف ہے کہ ہماری نیکیوں کی جزاء ہمیں جلدی ( دنیا میں ہی دے دی گئی ہے پھر وہ رونے لئے حتی کہ کھانا چھوڑ دیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٥)
حضرت جابر بن عبد اللہ رضی اللہ عنہ بیان کرتے ہیں کہ ایک شخص نے احد کے دن نبی کریم صلی اللّٰہ علیہ وسلم سے عرض کیا: یہ بتایئے کہ اگر میں قتل کر دیا جاؤں تو میں کہاں ہوں گا؟ آپ نے فرمایا: جنت میں اس کے ہاتھ میں جو کھجوریں تھیں اس نے ان کو پھینک دیا پھر قتال کیا حتی کہ وہ شہید ہو گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٦)
حضرت خباب بن الارت رضی اللہ عنہ بیان کرتے ہیں کہ ہم نے رسول اللہ صلی اللّٰہ علیہ وسلم کے ساتھ ہجرت کی ہم اللہ کی رضا طلب کرتے تھے پس ہمارا اجر (اللہ کے کرم سے اللہ پر واجب ہو گیا ہم میں سے بعض گزر گئے یا چلے گئے انہوں نے اپنے اجر سے کچھ بھی نہیں کھایا ان میں سے حضرت مصعب بن عمیر رضی اللہ عنہ تھے وہ احد کے دن شہید ہو۔انہوں نے صرف ایک چادر چھوڑی تھی جب ہم اس چادر سے ان کا سر ڈھانپتے تو ان کے پیر کھل جاتے اور جب اس چادر سے ان کے پیر ڈھانپتے تو ان کا سر کھل جاتا پس ہم سے نبی ﷺ نے فرمایا: ان کا سر ڈھانپ دو اور ان کے پیروں پر اذخر گھاس رکھ دو یا فرمایا: ان کے پیر پر اذخر ڈال دو اور ہم میں سے بعض وہ ہیں جن کے عمل کے پھل پک گئے اور وہ ان کو چن رہے ہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٧)
حضرت انس رضی اللہ عنہ سے مروی ہے کہ ان کے چچا غزوہ بدر میں حاضر نہیں ہوۓ تھے پس انہوں نے کہا: میں نبی کریم صلی اللّٰہ علیہ وسلم کی پہلی لڑائی میں غائب تھا اب اگر اللہ تعالی نے مجھے نبی کریم صلی اللّٰہ علیہ وسلم کے ساتھ حاضر رکھا تو اللہ تعالی دکھا دے گا کہ میں کتنی کوشش کرتا ہوں، پس احد میں ان کا مقابلہ ہوا تو لوگوں کو شکست ہو گئی،پس انہوں نے کہا: اے اللہ! ان لوگوں نے یعنی مسلمانوں نے جو کچھ کیا ہے میں تیری طرف اس کا عذر پیش کرتا ہوں اور مشرکین نے جو کچھ کیا ہے میں تیرے سامنے اس سے بیزاری کا اظہار کرتا ہوں پھر وہ اپنی تلوار لے کر آگے بڑھے تو ان سے حضرت سعد بن معاذ رضی اللہ عنہ ملے پس انہوں نے کہا: اے سعد! آپ کہاں جا رہے۔ ہیں؟ میں تو احد کے پاس جنت کی خوشبو پا رہا ہوں سو وہ آگے بڑھے اور شہید کر دیے گئے وہ پہچانے نہیں جارہے تھے حتی کہ ان کو ان کی بہن نے ایک تیل یا انگلیوں کی پوروں سے پہچانا اور ان پر استی (۸۰) سے زیادہ تلواروں نیزوں اور تیروں کے زخم تھے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٨)
حضرت زید بن ثابت رضی اللہ عنہ بیان کرتے ہیں کہ جب ہم نے مصحف کو لکھا تو سورہ احزاب کی ایک آیت کو کم پایا جس کو میں نے رسول اللہ صلی اللّٰہ علیہ وسلم سے سنا تھا آپ اس آیت کو پڑھتے تھے پس ہم نے اس آیت کو تلاش کیا تو ہم نے اس کو حضرت خزیمہ بن ثابت انصاری رضی اللہ عنہ کے پاس پایا (وہ آیت یہ ہے: ایمان والوں میں سے کچھ ایسے قوی) مرد ہیں جنہوں نے اللہ سے کیے ہوۓ عہد کو سچا کر دکھایا پس ان میں سے کوئی (جہاد میں شریک ہوکر اپنی نذر پوری کر چکا اور ان میں سے کوئی انتظار کر رہا ہے ۔ ( الاحزاب:۲۳)) تو ہم نے اس آیت کو اس سورت کے ساتھ مصحف میں ملا دیا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٤٩)
عبداللہ بن یزید مروی ہے کہ وہ حضرت زید بن ثابت رضی اللہ عنہ سے یہ حدیث روایت کرتے ہیں کہ جب نبی کریم صلی اللّٰہ علیہ وسلم احد کی طرف نکلے تو بعض اصحاب جو آپ کے ساتھ تھے وہ لوٹ آۓ اور نبی کریم صلی اللّٰہ علیہ وسلم کے اصحاب میں دو گروہ ہو گئے تھے ایک گروہ یہ کہتا تھا کہ ہم ان منافقین سے مقابلہ کریں گے اور دوسرا گروہ یہ کہتا تھا کہ ہم ان سے مقابلہ نہیں کریں گے تب یہ آیت نازل ہوئی: پس تمہیں کیا ہوا کہ منافقین کے متعلق تم میں دوگر وہ ہو گئے اور اللہ نے ان کے کرتوتوں کی وجہ سے انہیں اوندھا کر دیا۔ (النساء:۸۸) اور نبی کریم ﷺ نے فرمایا: یہ (مدینہ طیبہ ہے یہ گناہوں کو اس طرح دور کر دیتا ہے جس طرح بھٹی چاندی کے میل کو دور کردیتی ہے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ أُحُدٍ،حدیث نمبر ٤٠٥٠)
باب:جب تم میں سے دوگروہوں نے بزدلی ظاہر کرنے کا ارادہ کیا اس حال میں کہ اللہ تعالیٰ ان کا مددگار تھا اور ایمان والوں کو اللہ پر ہی توکل کرنا چاہیے( آل عمران :۱۲۲) حضرت جابر رضی اللہ عنہ وہ بیان کرتے ہیں کہ یہ آیت ہمارے بارے میں نازل ہوئی ہے: جب تم میں سے دو گروہوں نے بزدلی ظاہر کرنے کا ارادہ کیا۔ (آل عمران : ۱۳۳) یہ دو گروہ بنوسلمہ اور بنو حارثہ ہیں اور مجھے یہ پسند نہیں ہے کہ یہ آیت نازل نہ ہوتی ( کیونکہ اللہ تعالی فرماتا ہے: اللہ ان دونوں کا مددگار ہے۔(آل عمران:۱۲۲) (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥١)
حضرت جابر رضی اللہ عنہ بیان کرتے ہیں کہ مجھ سے رسول اللہ صلی اللّٰہ علیہ وسلم نے پوچھا: اے جابر کیا تم نے نکاح کر لیا میں نے کہا: جی ہاں! آپ نے پوچھا: کس سے نکاح کیا۔ کنواری سے یا بیوہ سے؟ میں نے عرض کیا: نہیں! بلک بیوہ سے آپ نے پوچھا: تم نے کسی لڑکی سے نکاح کیوں نہ کیا جوتم سے کھیلتی؟ میں نے عرض کیا: یارسول اللہ ! میرے والد کو احد کے دن شہید کر دیا گیا تھا اور انہوں نے نو بیٹیاں چھوڑی تھیں جو میری نو بہنیں ہیں، پس میں نے اس کو ناپسند کیا کہ میں ان کے ساتھ ایسی نا تجربہ کار لڑکی جمع کر دوں جو ان ہی کی مثل ہو بلکہ ایسی عورت سے نکاح کروں جو ان کی کنگھی چوٹی کرے اور ان کی تربیت کرے آپ نے فرمایا:تم نے درست کیا۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٢)
حضرت جابر بن عبداللہ رضی اللہ عنہ نے حدیث بیان کی کہ ان کے والد احد کے دن شہید ہو گئے اور انہوں نے اپنے اوپر قرض چھوڑا اور چھ بیٹیاں چھوڑیں پھر جب کھجور کے درختوں سے کھجوریں اتارنے کا وقت آیا تو میں رسول اللہ ﷺ کے پاس حاضر ہوا پس میں نے عرض کیا کہ آپ کو معلوم ہے کہ میرے والد غزوہ احد میں شہید ہو گئے تھے اور انہوں نے بہت زیادہ قرض چھوڑا ہے اور میں چاہتا ہوں کہ آپ کو قرض خواہ دیکھ لیں ( تاکہ وہ نرمی برتیں ، آپ نے فرمایا: تم جاؤ اور ہرقسم کی کھجوروں کا ایک جانب ڈھیر لگا دو میں نے اس حکم پر عمل کر کے آپ کو بلایا جب قرض خواہوں نے آپ کو دیکھا تو وہ اس وقت اور بھڑک گئے ( کیونکہ وہ یہودی تھے جب آپ نے دیکھ لیا کہ قرض خواہ کیا کر رہے ہیں تو آپ نے سب سے بڑے ڈھیر کے گرد تین چکر لگائے ۔ پھر آپ اس پر بیٹھ گئے پھر آپ نے فرمایا: اپنے قرض خواہوں کو بلاؤ پھر آپ ان کو ناپ ناپ کر کھجوریں دیتے رہے حتی کہ اللہ تعالی نے میرے والد کی امانت کو ادا کر دیا اور میں اس پر بھی راضی تھا کہ میرے والد کی امانت ادا ہو جاۓ اور میں اپنی بہنوں کے پاس ایک کھجور بھی نہ لے کر جاؤں سو اللہ تعالی نے کھجوروں کے تمام ڈھیر سالم اور سلامت رکھے حتی کہ میں نے اس ڈھیر کی طرف دیکھا جس پر رسول اللہ صلی اللّٰہ علیہ وسلم بیٹھے تھے۔ لگتا تھا اس میں سے ایک کھجور بھی کم نہیں ہوئی ہے۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٣)
حضرت سعد بن ابی وقاص رضی اللہ عنہ بیان کرتے ہیں کہ میں نے رسول اللہ صلی اللّٰہ علیہ وسلم کو احد کے دن دیکھا اور آپ کے ساتھ آپ کی طرف سے دومرد لڑ رہے تھے۔ ان پر سفید لباس تھا وہ بہت شدت سے لڑ رہے تھے میں نے ان کو اس سے پہلے دیکھا تھا نہ اس کے بعد دیکھا۔ (بخاری شریف،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٤)
سعید بن المسیب بیان کرتے ہیں کہ میں نے حضرت سعد بن ابی وقاص رضی اللہ عنہ کو یہ کہتے ہوۓ سنا ہے کہ احد کے دن نبی کریم صلی اللّٰہ علیہ وسلم نے اپنے ترکش سے تیر نکال کر مجھے دیئے اور فرمایا: تم پر میرے باپ اور ماں فدا ہوں! تم تیر چلاؤ۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٥)
سعید بن المسیب نے کہا: میں نے حضرت سعد رضی اللہ سے سنا وہ بیان کرتے ہیں کہ احد کے دن میرے لیے نبی کریم صلی اللّٰہ علیہ وسلم نے اپنے ماں اور باپ کو جمع کیا ۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٦)
ابن المسیب بیان کرتے ہیں کہ حضرت سعد بن ابی وقاص رضی اللہ عنہ نے بتایا کہ رسول اللہ ﷺ نے احد کے دن میرے لیے اپنے باپ اور ماں دونوں کو جمع فرمایا ان کی مراد یہ تھی کہ جب آپ نے فرمایا: تم پر میرے باپ اور ماں فدا ہوں! اور اس وقت حضرت سعد رضی اللہ عنہ لڑ رہے تھے۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٧)
ابن شداد بیان کرتے ہیں کہ میں نے حضرت علی رضی اللہ عنہ سے یہ سنا کہ میں نے حضرت سعد رضی اللہ عنہ کے علاوہ نبی کریم صلی اللّٰہ علیہ وسلم سے اور کسی کے متعلق نہیں سنا کہ آپ نے اس کے لیے اپنے باپ اور ماں کو جمع فرمایا ہو۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٨)
حضرت علی رضی اللہ عنہ بیان کرتے ہیں کہ میں نے حضرت سعد بن مالک رضی اللہ عنہ کے علاوہ نبی کریم صلی اللّٰہ علیہ وسلم سے اور کسی کے متعلق نہیں سنا کہ آپ نے اس کے لیے اپنے باپ اور ماں کو جمع فرمایا ہو کیونکہ میں نے احد کے دن آپ علیہ السلام کو یہ فرماتے ہوۓ سنا ہے: اے سعد! تیر ماروتم پر میرے باپ اور ماں فدا ہوں ۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٥٩)
معتمر از والد خود انہوں نے کہا: ابوعثمان کا یہ گمان ) ہے کہ جن غزوات میں نبی ﷺ نے قتال کیا ہے ان میں سے بعض ایام ( أحد ) میں آپ علیہ السلام کے ساتھ حضرت طلحہ رضی اللہ عنہ اور حضرت سعد رضی اللہ عنہ کے سوا کوئی باقی نہیں رہاتھا ( جیسا کہ ان کی حدیث میں ہے۔) (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٦٠،و حدیث نمبر ٤٠٦١)
محمد بن یوسف سے مروی ہے انہوں نے بتایا کہ میں نے حضرت السائب بن یزید سے سنا کہ میں حضرت عبدالرحمان بن عوف اور حضرت طلحہ بن عبید اللہ اور حضرت مقداد اور حضرت سعد رضی اللہ عنہ تعالیٰ عنہم اجمعین کے ساتھ رہا ہوں میں نے ان میں سے کسی سے نہیں سنا جو نبی اکرم صلی اللہ علیہ وسلم سے روایت کرتا ہو سوا اس کے کہ میں نے حضرت طلحہ رضی اللہ عنہ سے سنا جو احد کے دن کی حدیث بیان کرتے تھے۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٦٢)
قیس بیان کرتے ہیں کہ میں نے دیکھا کہ حضرت طلحہ رضی اللہ عنہ کا ہاتھ احد کے دن نبی کریم صلی اللّٰہ علیہ وسلم کا دفاع کرتے ہوۓ شل (مفلوج) ہو گیا تھا۔ (بخاری شریف ، كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٦٣)
حضرت انس رضی اللہ عنہ بیان کرتے ہیں کہ احد کے دن جب مسلمان نبی کریم صلی اللّٰہ علیہ وسلم کو چھوڑ کر پسپا ہو گئے اور حضرت ابوطلحہ اپنی ڈھال کے ساتھ نبی کریم صلی اللّٰہ علیہ وسلم کے سامنے تھے حضرت ابوطلحہ رضی اللہ تعالٰی عنہ زبردست تیرانداز تھے وہ بہت طاقت کے ساتھ کمان کو کھینچتے تھے اس دن انہوں نے دو یا تین کمانیں توڑ دی تھیں اور جوشخص بھی ان کے پاس سے تیر کے ترکش لے کر گزرتا تو آپ ( صلی اللہ علیہ وسلم ) اس سے فرماتے : یہ تیر ابوطلحہ کو دے دو! اور نبی کریم صلی اللّٰہ علیہ وسلم جب گردن اٹھا کر مشرکین کی طرف دیکھتے تو حضرت ابوطلحہ کہتے : آپ پر میرے باپ اور میری ماں قربان ہوں! آپ گردن نہ اٹھائیں، آپ کو مشرکین کے تیروں میں سے کوئی تیر نہ لگ جاۓ میرا سینہ آپ کے سینہ کے سامنے ہے اور میں نے دیکھا کہ حضرت عائشہ بنت ابی بکر رضی اللہ تعالٰی عنہا اور حضرت ام سلیم رضی اللہ تعالٰی عنہا اپنے پائنچے اوپر اٹھاۓ ہوۓ جا رہی تھیں اور ان کی پنڈلیوں کا زیور دکھائی دے رہا تھا۔ انہوں نے اپنی پیٹھوں کے اوپر مشکیں اٹھائی ہوئی تھیں وہ ( زخمی ) صحابہ کے مونہوں میں پانی ڈال رہی تھیں، پھر وہ واپس جاتیں، پس مشکوں کو بھرتیں، پھر آ کر ( زخمی ) صحابہ کے مونہوں میں پانی ڈالتیں اور تحقیق یہ ہے کہ حضرت ابوطلحہ رضی اللہ عنہ کے ہاتھ سے دو یا تین مرتبہ تلوارگری تھی ۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٦٤)
حضرت عائشہ رضی اللہ تعالیٰ عنہا بیان کرتی ہیں کہ جب احد کے دن مشرکین شکست کھا گئے تو ابلیس لعنت اللہ علیہ(فریب دہی کے لیے چلایا: اے اللہ کے بندو! اپنے پیچھے والوں سے ہوشیار رہو! تو اگلے مسلمان پیچھے کی طرف پلٹے پس وہ اور پچھلے لوگ ایک دوسرے پر حملہ کرنے لگے پس حضرت حذیفہ رضی اللہ عنہ نے دیکھا کہ مسلمان ان کے والد حضرت یمان رضی اللہ عنہ پر حملہ کر رہے ہیں انہوں نے چلا کر کہا: اے اللہ کے بندو! یہ میرے والد ہیں میرے والد ہیں حضرت حذیفہ رضی اللہ عنہ نے کہا: اللہ کی قسم ! انہوں نے میرے والد کو نہیں چھوڑا حتیٰ کہ ان کوقتل کر دیا تو حضرت حذیفہ رضی اللہ عنہ نے کہا: اللہ تعالی تمہاری مغفرت کرے! عروہ نے کہا: پس اللہ کی قسم! میں ہمیشہ دیکھتا رہا کہ حضرت حذیفہ بقیہ زندگی میں ان کے لیے دعا ء خیر کرتے رہے ۔امام بخاری نے کہا:’بصرت “ کا معنی ہے: میں نے جان لیا یہ معاملات میں بصیرت سے ماخوذ ہے اور ابصرت “ کا معنی ہے: آنکھ سے دیکھا اور یہ بھی کہا جا تا ہے کہ بصرت‘اور’ابصرت‘ واحد ہیں ۔ (بخاری شریف ،كِتَابٌ : الْمَغَازِي. | بَابٌ : إِذْ هَمَّتْ طَائِفَتَانِ مِنْكُمْ أَنْ تَفْشَلَا،حدیث نمبر ٤٠٦٥)
باب:اللہ تعالیٰ کا ارشاد ہے:بے شک جو لوگ تم میں سے پیٹھ موڑ کر بھاگے تھے جس دن دو فوجیں ایک دوسرے کے مقابل ہوئی تھیں شیطان نے ہی ان کے قدم پھسلا دیئے تھے ان کے بعض کاموں کی وجہ سے اور بے شک اللہ نے ان کو معاف فرما دیا یقینا اللہ بہت بخشنے والا نہایت حلم والا ہے (آل عمران:۱۵۵) ابوحمزہ نے خبر دی از عثمان بن موهب وہ بیان کرتے ہیں کہ ایک مرد آیا اس نے بیت اللہ کا حج کیا پھر اس نے دیکھا کہ کچھ لوگ بیٹھے ہوۓ ہیں اس نے پوچھا: یہ کون لوگ بیٹھے ہوۓ ہیں؟ لوگوں نے بتایا: یہ قریش ہیں اس نے پوچھا: یہ بزرگ کون ہیں؟ لوگوں نے بتایا: یہ حضرت عبداللہ بن عمر رضی اللہ ہیں وہ آپ کے پاس آیا اور کہا: میں تم سے چند باتوں کے متعلق سوال کروں گا کیا تم مجھے بتاؤ گے؟ اس نے کہا: میں تم کو اس بیت کی حرمت کا واسطہ دے کر سوال کرتا ہوں کیا تم کو معلوم ہے کہ ( حضرت ) عثمان بن عفان (رضی اللہ عنہ) احد کے دن بھاگ گئے تھے؟ حضرت ابن عمر نے کہا: ہاں! اس نے پوچھا: کیا تم کو معلوم ہے کہ وہ غزوہ بدر سے غائب رہے تھے اور اس میں حاضر نہیں تھے؟ حضرت ابن عمر نے فرمایا: ہاں! پھر کہا: کیا تم کو معلوم ہے کہ وہ بیعت رضوان سے غائب تھے اور اس میں حاضر نہیں تھے؟ حضرت ابن عمر نے فرمایا: ہاں! تو اس نے کہا: اللہ اکبر! حضرت ابن عمر نے فرمایا: آؤ تاکہ تم نے مجھ سے جو سوالات کیے ہیں ان کے مفصل جواب دوں رہا ان کا اُحد کے دن بھاگنا تو میں گواہی دیتا ہوں کہ بے شک اللہ تعالی نے اس کو معاف فرما دیا رہا ان کا غزوہ بدر سے غائب ہونا تو اس کی وجہ یہ ہے کہ ان کے نکاح میں رسول اللہ ﷺ کی صاحب زادی تھیں اور وہ بیمار تھیں پس ان سے نبی ﷺ نے فرمایا: بے شک تم کو اس مرد کا اجر ملے گا جو بدر میں حاضر ہوا رہا ان کا بیت رضوان سے غائب ہونا تو اس کی وجہ یہ ہے کہ اگر کوئی اور اہل مکہ کے نزدیک حضرت عثمان بن عفان سے زیادہ معزز ہوتا تو حضور اس کوان کی جگہ بھیج دیتے سو آپ نے حضرت عثمان کو بھیجا اور بیعت رضوان حضرت عثمان کے مکہ جانے کے بعد ہوئی تھی، تو نبی ﷺ نے اپنے دائیں ہاتھ کے متعلق فرمایا: یہ عثمان کا ہاتھ ہے پس آپ نے اس ہاتھ کو اپنے ہاتھ پر مارا پس یہ فرمایا: یہ عثمان کی بیعت ہے۔ اب تو ان جوابات کو اپنے ساتھ لے کر چلا جا! (بخاری شریف ،كِتَابٌ : الْمَغَازِي. | بَابُ قَوْلِ اللَّهِ تَعَالَى : إِنَّ الَّذِينَ تَوَلَّوْا مِنْكُمْ،حدیث نمبر ٤٠٦٦)
باب:جب تم پڑھتے چلے جاتے تھے اور پیٹھ موڑ کر کسی کو نہ دیکھتے تھے اور رسول تمہاری پچھلی جماعت میں ( کھڑے ہوۓ ) تمہیں بلا رہے تھے تو ( اللہ نے تمہیں غم پرغم دیا اور ( معافی کی خوش خبری اس لیے سنائی ) کہ جو ( مال غنیمت) تمہارے ہاتھ سے گیا اور جو ( تکلیف تمہیں پہنچی اس پر تم غمگین نہ ہو اور اللہ تمہارے کاموں سے خبر دار ہے(آل عمران:۱۵۳) تصــدون‘ کا معنی ہے: تذهبون (یعنی تم جاتے ہو اور اصعد اور صعد کا معنی ہے: گھر کے اوپر چڑھا۔ حضرت البراء بن عازب رضی اللہ عنہ بیان کرتے ہیں کہ نبی اکرم صلی اللہ علیہ وسلم نے احد کے دن پیادہ مسلمانوں پر حضرت عبداللہ بن جبیر رضی اللہ عنہ کو سپہ سالار بنادیا اور وہ مسلمان پسپا ہو کر بھاگے اس لیے اللہ تعالی نے فرمایا: اور رسول تمہاری پچھلی جماعت میں (کھڑے ہوۓ تمہیں بلا ر ہے تھے۔) (بخاری شریف ،كِتَابٌ : الْمَغَازِي. | بَابٌ : إِذْ تُصْعِدُونَ وَلَا تَلْوُونَ عَلَى أَحَدٍ،حدیث نمبر ٤٠٦٧)
اللہ تعالی کا ارشاد ہے:پھر تم پر غم کے بعد امن کو اتارا' یہ وہ اونگھ تھی جس نے تم میں سے ایک جماعت کو ڈھانپ لیا اور دوسرا ( منافقوں کا گروہ تھا ) جو اپنی جانوں کے غم میں پڑے ہوۓ تھے وہ اللہ تعالی کے متعلق ناحق بدگمانی کرتے تھے جاہلیت کی سی بدگمانی وہ کہتے تھے کہ کیا اس کام میں ہمارے لیے بھی کچھ ہے؟ آپ کہیے کہ بے شک تمام کام اللہ ہی کے لیے ہیں وہ اپنے دلوں میں اس چیز کو چھپاتے ہیں جو تم پر ظاہر نہیں کرتے وہ کہتے ہیں: کاش! ہمارا کوئی اختیار ہوتا تو ہم یہاں قتل نہ کیے جاتے ! آپ کہیے کہ اگر تم اپنے گھروں میں ہوتے تو جن لوگوں کا قتل کیا جانا لکھا جا چکا تھا وہ اپنی قتل گاہوں کی طرف ضرور نکل آتے اور ( یہ ) اس لیے ( ہوا ) کہ اللہ تمہارے دلوں کی بات کو آزماۓ اور (شیطانی وسوسوں سے تمہارے دلوں کو صاف کر دے اور اللہ تمہارے دلوں کی باتوں کو خوب جانتا ہے (آل عمران:۱۵٤) یزید بن زریع نے حدیث بیان کی انہوں نے کہا :ہمیں سعید نے حدیث بیان کی از قتادہ از حضرت انس رضی اللہ عنہ از حضرت ابو طلحہ رضی اللہ عنہ وہ بیان کرتے ہیں کہ میں ان مسلمانوں میں سے تھا جن کو احد کے دن نیند نے ڈھانپ لیا تھا، حتیٰ کہ میری تلوار میرے ہاتھ سے کئی بار گر گئی میں اس کو پکڑتا پھر گر جاتی میں اس پھر پکڑتا۔ (بخاری شریف ،كِتَابٌ : الْمَغَازِي. | بَابٌ : ثُمَّ أَنْزَلَ عَلَيْكُمْ مِنْ بَعْدِ الْغَمِّ أَمَنَةً نُعَاسًا،حدیث نمبر ٤٠٦٨)
باب:اس معاملہ میں سے آپ کے لیے کچھ نہیں، اللہ ان پر رحمت سے رجوع فرماۓ یا ان کو عذاب دے کیونکہ وہ یقینا ظالم ہیں (آل عمران: ۱۲۸) حمید اور ثابت نے کہا: حضرت انس رضی اللہ عنہ بیان کرتے ہیں کہ احد کے دن نبی کریم صلی اللّٰہ علیہ وسلم کی پیشانی زخمی ہوگئی تو آپ نے فرمایا: وہ لوگ کیسے فلاح پائیں گے جنہوں نے اپنے نبی کو زخمی کر دیا تو یہ آیت نازل ہوئی: اس معاملہ میں آپ کے لیے کچھ نہیں۔ (آل عمران: ۱۳۸ ) سالم نے حدیث بیان کی از والد خود وہ بیان کرتے ہیں کہ انہوں نے رسول اللہ ﷺ سے سنا کہ جب آپ نے فجر کی آخری رکعت میں رکوع سے سر اٹھایا تو آپ سمع الله لمن حمده ربنا لك والـحـمـد “ پڑھنے کے بعد یہ دعا کر رہے تھے: اے اللہ ! تو فلان || فلاں اور فلاں پرلعنت کر! تب اللہ عزوجل نے یہ آیت نازل فرمائی: اس معاملہ میں آپ کے لیے کچھ نہیں (یہاں تک ) کیونکہ وہ یقینا ظالم ہیں (آل عمران: ۱۲۸) اور حنظلہ بن ابی سفیان سے روایت ہے: میں نے سالم بن عبداللہ سے سنا وہ کہتے تھے کہ رسول اللہ صلی اللّٰہ علیہ وسلم صفوان بن امیہ اور سہیل بن عمرو اور الحارث بن ہشام کے خلاف دعا ء ضر ر کر تے تھے تو یہ آیت نازل ہوئی: اس معاملہ میں آپ کے لیے کچھ نہیں ( یہاں تک وہ یقینا ظالم میں ( آل عمران : ۱۲۸) (بخاری شریف ،كِتَابٌ : الْمَغَازِي. | بَابٌ : لَيْسَ لَكَ مِنَ الْأَمْرِ شَيْءٌ،حدیث نمبر ٤٠٦٩،و حدیث نمبر ٤٠٧٠،
حضرت ام سلیط کا ذکر ابن شہاب اور ثعلبہ بن ابی مالک نے کہا کہ حضرت عمر بن الخطاب رضی اللہ عنہ نے اہل مدینہ کی خواتین کے درمیان چادریں تقسیم کیں، پس ایک عمده چادر بچ گئی تو جو لوگ آپ کے پاس حاضر تھے ان میں سے کسی نے کہا: اے امیرالمؤمنین! یہ چادر رسول اللہ صلی اللّٰہ علیہ وسلم کی صاحب زادی کو عطا فرمائیں جو آپ کے نکاح میں میں ان کی مراد حضرت أم كلثوم بنت علی رضی اللہ عنہ تھیں، پس حضرت عمر رضی اللہ عنہ نے کہا کہ حضرت ام سلیط رضی اللہ عنہا اس چادر کی ان سے زیادہ مستحق ہیں اور حضرت ام سلیط رضی اللہ تعالٰی عنہا انصار کی ان خواتین میں سے تھیں جنہوں نے رسول اللہ صلی اللّٰہ علیہ وسلم سے بیعت کی تھی حضرت عمر رضی اللہ عنہ نے کہا: وہ احد کے دن ہمارے لیے پانی کی مشک اپنی پیٹھ پر اٹھا کر لا رہی تھیں ۔ (بخاری شریف ، كِتَابٌ : الْمَغَازِي. | بَابُ ذِكْرِ أُمِّ سَلِيطٍ. ،حدیث نمبر ٤٠٧١)
حضرت سیدنا حمزہ رضی اللہ عنہ کی شہادت۔ جعفر بن عمرو بن امیہ الضمری بیان کرتے ہیں کہ میں عبیداللہ بن عدی بن الخیار کے ساتھ نکلا جب ہم حمص میں پہنچے تو عبیداللہ بن عدی نے مجھ سے کہا: آپ کا کیا خیال ہے کہ ہم حضرت وحشی رضی اللہ عنہ سے حضرت سیدنا حمزہ رضی اللہ عنہ کہ کے قتل کے متعلق معلوم کریں میں نے کہا: ہاں! اور حضرت وحشی رضی اللہ عنہ حمص میں رہتے تھے پس ہم نے ان کے متعلق پوچھا تو ہمیں بتایا گیا کہ وہ یہاں اس محل کے سائے میں ہیں، گویا وہ ایک بڑی مشک تھے پس ہم آۓ اور ان کے پاس تھوڑی دیر ٹھہرے پھر ہم نے سلام کیا تو انہوں نے سلام کا جواب دیا اور عبیداللہ نے اپنے عمامہ کو اپنے سر کے گرد اس طرح لپیٹا ہوا تھا کہ حضرت وحشی رضی اللہ عنہ صرف ان کی آنکھیں اور ان کی ٹانگیں دیکھ سکتے تھے عبیداللہ نے کہا: اے وحشی! کیا آپ مجھے پہچانتے ہیں؟ انہوں نے بتایا کہ حضرت وحشی رضی اللہ عنہ نے ان کی طرف دیکھا پھر کہا: اللہ کی قسم نہیں! ہاں میں اتنا جانتا ہوں کہ عدی بن الخیار نے ایک عورت سے نکاح کیا تھا جس کو ام قال بنت ابی العیص کہا جاتا تھا اس سے مکہ میں ایک لڑکا پیدا ہوا اور میں اس کے لیے کسی دودھ پلانے والی کو تلاش کر رہا تھا پھر میں اس لڑکے کو اس کی رضاعی ماں کے پاس لے گیا اور اس کی والدہ بھی ساتھ تھی، پس میں نے گویا تمہارے پیروں کی طرف دیکھا ۔ راوی نے کہا: پھر عبیداللہ نے اپنے چہرہ سے کپڑا ہٹایا پھر انہوں نے کہا: کیا آپ ہمیں حضرت حمزہ رضی اللہ عنہ کو شہید کرنے کے متعلق کچھ بتائیں گے حضرت وحشی رضی اللہ عنہ نے کہا: ہاں! حضرت حمزہ رضی اللہ عنہ نے طعیمہ بن عدی بن الخیار کو بدر میں قتل کر دیا تھا تو مجھ سے میرے مولی (آقا) جبیر بن مطعم نے مجھ سے کہا: اگر تم نے میرے چچا کے بدلہ میں حضرت حمزہ کوقتل کر دیا تو تم آزاد ہو پھر انہوں نے بتایا: جب لوگ عینین کی جنگ کے سال نکلے اور عینین احد کے پہاڑوں میں سے ایک پہاڑ ہے اس کے اور احد کے درمیان ایک وادی حائل ہے تو میں بھی لوگوں کے ساتھ جنگ کے لیے نکالا پس جب دونوں فوجیں جنگ کے لیے صف آراء ہوئیں تو ( قریش کی صف میں سے ) سباع ( بن عبدالعزی ) نکلا اور اس نے کہا: ہے کوئی لڑنے والا ! تو حضرت حمزہ بن عبدالمطلب اس سے مقابلہ کے لیے نکلے اور فرمایا: اے سباع! اے ام انمار کے بیٹے! جو عورتوں کے ختنے کیا ۔ کرتی تھی، کیا تو اللہ اور اس کے رسول صلی اللہ علیہ وسلم سے لڑنے کے لیے آیا ہے! پھر حضرت حمزہ رضی اللہ عنہ نے اس پر حملہ کیا اور اس کوقتل کر دیا اب وہ واقعہ گزرے ہوۓ کل کی طرح ہو گیا ادھر میں حضرت حمزہ رضی اللہ عنہ کی گھات میں ایک چٹان کے پیچھے تھا وہ جیسے ہی میرے قریب ہوۓ میں نے تاک کر ان پر نیزہ مارا وہ نیزہ ان کی ناف کے نیچے لگا اور ان کے کولھوں کے پار سے نکل گیا۔ یہی حملہ ان کے قتل کا سبب بنا پھر جب لوگ واپس آۓ تو میں بھی ان کے ساتھ واپس آ گیا اور مکہ میں ٹھہرا رہا حتی کہ مکہ میں اسلام پھیل گیا پھر میں طائف کی طرف نکل گیا۔ انہوں نے رسول اللہ صلی اللّٰہ علیہ وسلم کی طرف ایک قاصد بھیجا، پس مجھے بتایا گیا کہ آپ قاصدوں کے ساتھ زیادتی نہیں کرتے سو میں بھی ان کے ساتھ روانہ ہو گیا پھر میں رسول اللہ صلی اللّٰہ علیہ وسلم کی خدمت میں روانہ ہوا جب آپ نے مجھے دیکھا تو فرمایا: تم وحشی ہو؟ میں نے کہا: جی ہاں! آپ نے پوچھا: تم نے حمزہ رضی اللہ عنہ کوقتل کیا تھا؟ میں نے کہا: واقعہ وہی ہے جس کی خبر آپ کو پہنچ چکی ہے آپ نے فرمایا: کیا تم ایسا کر سکتے ہو کہ اپنا چہرہ میرے سامنے نہ لاؤ پھر میں چلا گیا پھر جب رسول اللہ صلی اللّٰہ علیہ وسلم کا وصال ہو گیا تو مسیلمہ کذاب نکلا تو میں نے (دل میں کہا: میں مسیلمہ کی طرف نکلوں گا شاید میں اس کوقتل کر کے حضرت حمزہ رضی اللہ عنہ کے قتل کرنے کا کفارہ ادا کر دوں پس میں لوگوں کے ساتھ نکلا پھر اس کا معاملہ جس طرح ہونا تھا ہو گیا اس وقت ایک شخص دیوار کے ساتھ کھڑا تھا جیسے وہ گندی رنگ کا اونٹ ہو اس کے سر کے بال بکھرے ہوۓ تھے میں نے اس کے پستانوں کے درمیان تاک کر نیزہ مارا جو اس کے کندھوں کے درمیان سے نکل گیا پھر ایک انصاری مرد اس کی طرف چھپٹا اور تلوار، سے اس کی کھوپڑی اڑا دی۔ راوی نے کہا کہ عبداللہ بن فضل نے بتایا کہ مجھے سلیمان بن یسار نے خبر دی کہ انہوں نے حضرت عبداللہ بن عمر رضی اللہ تعالٰی عنہما کو یہ کہتے ہوۓ سنا ہے کہ ایک لڑکی نے چھت پر کھڑی ہو کر یہ کہا: افسوس! امیرالمؤمنین کو ایک سیاہ فام غلام نے قتل کر دیا ۔ (بخاری شریف ،كِتَابٌ : الْمَغَازِي. | بَابٌ : قَتْلُ حَمْزَةَ بْنِ عَبْدِ الْمُطَّلِبِ رَضِيَ اللَّهُ عَنْهُ،حدیث نمبر ٤٠٧٢)
احد کے دن نبی کریم صلی اللّٰہ علیہ وسلم پر جو زخم آۓ حضرت ابو ہریرہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا: ان لوگوں پر اللہ کا بہت شدید غضب ہو گا جنہوں نے اپنے نبی کریم صلی اللّٰہ علیہ وسلم کے ساتھ یہ سلوک کیا ہے آپ اپنے رباعیۃ ( نچلے دانت)کی طرف اشارہ فرما رہے ہیں اور اس پر اللہ کا بہت شدید غضب ہوگا جس کو رسول اللہ صلی اللّٰہ علیہ وسلم اللہ کے راستہ میں قتل کریں۔ (بخاری شریف ،كِتَابٌ : الْمَغَازِي. | بَابُ مَا أَصَابَ النَّبِيَّ صَلَّى اللَّهُ عَلَيْهِ وَسَلَّمَ مِنَ الْجِرَاحِ يَوْمَ أُحُدٍ،حدیث نمبر ٤٠٧٣)
حضرت ابن عباس رضی اللہ تعالیٰ عنہما بیان کرتے ہیں کہ رسول اللہ صلی اللّٰہ علیہ وسلم نے فرمایا:اس شخص پر اللہ کا بہت شدید غضب ہے جس کو نبی کریم صلی اللّٰہ علیہ وسلم نے اللہ کی راہ میں قتل کیا اور ان لوگوں پر اللہ کا بہت شدید غضب ہے جنہوں نے نبی کریم صلی اللّٰہ علیہ وسلم کا چہرہ خون آلود کیا۔ (بخاری شریف ،كِتَابٌ : الْمَغَازِي. | بَابُ مَا أَصَابَ النَّبِيَّ صَلَّى اللَّهُ عَلَيْهِ وَسَلَّمَ مِنَ الْجِرَاحِ يَوْمَ أُحُدٍ،حدیث نمبر ٤٠٧٤)
یعقوب نے حدیث بیان کی از ابی حازم انہوں نے حضرت سہل بن سعید رضی اللہ عنہ سے سنا اور اس وقت وہ رسول اللہ صلی اللّٰہ علیہ وسلم کے زخمی ہونے کے متعلق سوال کر رہے تھے انہوں نے کہا:سنو! اللہ کی قسم! میں ضرور سب سے زیادہ جانتا ہوں کہ کون رسول اللہ صلی اللّٰہ علیہ وسلم کے زخم کو دھو رہا تھا اور کون پانی ڈال رہا تھا اور کس چیز سے آپ کا علاج کیا گیا حضرت سیدہ فاطمہ علیہا السلام بنت رسول اللہ ﷺ آپ کے زخم کو دھوتی تھیں اور حضرت علی ابن ابی طالب رضی اللہ عنہ ڈھال میں پانی بھر کر لاتے تھے جب سیدہ فاطمہ رضی اللہ تعالٰی عنہا نے یہ دیکھا کہ پانی ڈالنے سے تو خون اور زیادہ بہہ رہا ہے تو انہوں نے چٹائی کے ایک ٹکڑے کو جلایا اور اس کی راکھ کو آپ علیہ السلام کے زخم پر لیپ کر دیا تو خون رک گیا اور اس دن آپ کا نچلا دانت ( اس کا ایک کنارہ) ٹوٹ گیا تھا اس دن آپ کا چہرہ زخمی ہو گیا تھا اور آپ علیہ السلام کا خود آپ کے سر پر ٹوٹ گیا تھا۔ (بخاری شریف ،۔كِتَابٌ : الْمَغَازِي. | بَابٌ ،حدیث نمبر ٤٠٧٥)
حضرت ابن عباس رضی اللہ تعالیٰ عنہما بیان کرتے ہیں کہ آپ نے فرمایا: اس شخص پر اللہ کا شدید غضب ہوگا جس کو نبی کریم صلی اللّٰہ علیہ وسلم نے قتل کیا اور اس پر اللہ کا شدید غضب ہو گا جس نے رسول اللہ صلی اللّٰہ علیہ وسلم کے چہرے کوخون آلود کیا۔ (بخاری شریف ،كِتَابٌ : الْمَغَازِي. | بَابٌ ،حدیث نمبر ٤٠٧٦)
باب:وہ لوگ جنہوں نے اللہ اور اس کے رسول کا حکم مانا(آل عمران:۱۷۲) حضرت عائشہ رضی اللہ تعالیٰ عنہا نے عروۃ سے اس آیت کے متعلق کہا: وہ لوگ جنہوں نے اللہ اور اس کے رسول کا حکم اس کے بعد مانا جب انہیں زخم پہنچ چکے تھے ان میں نیکی کرنے والوں اور متقین کے لیے بڑا اجر ہے ( آل عمران : ۱۷۳) اے میرے بھانجے! تمہارے والدین میں سے تھے حضرت الزبیر اور حضرت ابوبکر جب احد کے دن رسول اللہ صلی اللّٰہ علیہ وسلم پر مصائب آۓ اور مشرکین آپ کے پاس سے چلے گئے تو آپ کو یہ خدشہ ہوا کہ وہ لوٹ آئیں گے تو آپ نے فرمایا: ان کا پیچھا کون کرے گا ؟ توستر (۷۰) صحابہ نے اس پر لبیک کہا اور حضرت ابو بکر اور حضرت الزبیر رضی اللہ تعالٰی عنہما ان میں سے تھے۔ (بخاری شریف ، كِتَابٌ : الْمَغَازِي. | بَابٌ : الَّذِينَ اسْتَجَابُوا لِلَّهِ وَالرَّسُولِ،حدیث نمبر ٤٠٧٧)
با:احد کے دن جن مسلمانوں کو قتل کیا گیا ان میں سے حضرت حمزہ بن عبدالمطلب رضی اللہ عنہ ہیں اور حضرت الایمان رضی اللہ عنہ ہیں اور حضرت انس بن النضر رضی اللہ عنہ ہیں اور حضرت مصعب بن عمیر رضی اللہ عنہ ہیں۔ قتادہ بیان کرتے ہیں: ہمیں عرب کے قبائل میں سے کسی ایسے قبیلہ کا علم نہیں جس کے انصار کے مقابلہ میں زیادہ شہداء ہوں اور جو قیامت کے دن انصار سے زیادہ عزت والا ہو۔ قتادہ نے کہا: اور ہمیں حضرت انس بن مالک رضی اللہ عنہ نے حدیث بیان کی:احد کے دن انصار میں سے ستر (۷۰) شہید کیے گئے اور پیرمعونہ کے دن ستر (۷۰) شہید کیے گئے اور جنگ یمامہ میں ستر (۷۰) شہید کیے گئے اور بیرمعونہ کا واقعہ ) رسول اللہ صلی اللّٰہ علیہ وسلم کے عہد میں ہوا اور یمامہ کا دن حضرت ابوبکر رضی اللہ عنہ کے عہد میں تھا جو مسیلمہ الکذاب سے لڑائی کا دن تھا ۔ (بخاری شریف ،كِتَابٌ : الْمَغَازِي. | بَابُ مَنْ قُتِلَ مِنَ الْمُسْلِمِينَ يَوْمَ أُحُدٍ،حدیث نمبر ٤٠٧٨)
عبدالرحمان بن کعب بن مالک بیان کرتے ہیں کہ ان کو حضرت جابر بن عبداللہ رضی اللہ عنہ نے خبر دی کہ رسول اللہ صلی اللّٰہ علیہ وسلم شہداء احد میں سے دو دو مردوں کو ایک کفن میں جمع کرتے تھے پھر آپ پوچھتے کہ ان میں سے کس کو زیادہ قرآن یاد ہے پھر جس کی طرف اشارہ کیا جاتا اس کو لحد میں پہلے رکھتے، پھر فرماتے: میں قیامت کے دن ان کے حق میں گواہ ہوں گا اور آپ نے ان کو ان کے خون میں دفن کرنے کا حکم دیا اور آپ نے ان کی نماز جنازہ (اس وقت) نہیں پڑھی اور نہ ان کو غسل دیا گیا۔ حضرت جابر رضی اللہ عنہ بیان کرتے ہیں کہ جب میرے والد شہید کیے گئے تو میں رو رہا تھا اور ان کے چہرے سے کپڑا ہٹا رہا تھا تو نبی کریم صلی اللّٰہ علیہ وسلم کے اصحاب مجھے منع کر رہے تھے اور نبی کریم صلی اللّٰہ علیہ وسلم نے منع نہیں فرمایا اور نبی کریم صلی اللّٰہ علیہ وسلم نے فرمایا: مت روؤ یا تم ان پر مت رؤو! فرشتے ان پر سایا کیے ہوئے ہیں حتی کہ ان ( کے جنازہ ) کو اٹھالیا جاۓ۔ (بخاری شریف ، كِتَابٌ : الْمَغَازِي. | بَابُ مَنْ قُتِلَ مِنَ الْمُسْلِمِينَ يَوْمَ أُحُدٍ،حدیث نمبر ٤٠٧٩،و حدیث نمبر ٤٠٨٠،)
حضرت ابوموسیٰ رضی اللہ عنہ بیان کرتے ہیں کہ نبی اکرم صلی اللہ علیہ وسلم کو خواب دکھایا گیا آپ نے فرمایا: میں نے اپنے خواب میں دیکھا کہ میں نے تلوار ہلائی تو اس کا اگلا ۔ حصہ ٹوٹ گیا اس کی تعبیر وہ ہے جو مسلمانوں کو احد کے دن شکست ہوئی میں نے پھر دوبارہ تلوار کو ہلایا تو وہ پہلے سے اچھی حالت میں ہو گئی اس کی تعبیر یہ ہے کہ مسلمانوں کو اللہ تعالی نے اس کے بعد فتح عطاء فرمائی اور مسلمانوں کو جمع کر دیا اور میں نے خواب میں گاۓ کو دیکھا اور اللہ ( کا اجر ) بہتر ہے اس سے مراد احد کے دن مسلمانوں کی بزدلی کا ارادہ ہے۔ (بخاری شریف ، كِتَابٌ : الْمَغَازِي. | بَابُ مَنْ قُتِلَ مِنَ الْمُسْلِمِينَ يَوْمَ أُحُدٍ،حدیث نمبر ٤٠٨١) نبی کریم صلی اللّٰہ علیہ وسلم کے خواب کی تعبیر میں روایات۔ حافظ شہاب الدین احمد بن علی بن حجر عسقلانی لکھتے ہیں: عروہ نے بیان کیا: اس خواب کی تعبیر یہ ہے کہ احد کے دن آپ علیہ السلام کا چہرہ زخمی ہوا۔ امام ابن ہشام کی روایت ہے کہ بعض اہل علم نے کہا ہے کہ نبی کریم صلی اللّٰہ علیہ وسلم نے جو خواب دیکھا تھا کہ آپ کی تلوار کا اگلا حصہ ٹوٹ گیا ہے اس کی تعبیر یہ ہے کہ آپ کے اہل بیت میں سے کسی کو شہید کیا جاۓ گا ۔ اور میں نے خواب میں گائے دیکھی: عروہ نے کہا: اس کا معنی ہے کہ میں نے گائے کو ذبح ہوتے ہوئے دیکھا۔ اور اللہ خیر ہے: یعنی اللہ کا اجر خیر ہے۔ گاۓ کو ذبح ہوتے ہوۓ دیکھنے کی تعبیر یہ ہے کہ مسلمان اس معرکہ میں زخمی ہوں گے۔ ( فتح الباری ج ۵ص۲۴۴-۲۲۳ دارالمعرفۃ بیروت ۱۳۲۲ھ )
حضرت خباب رضی اللہ عنہ بیان کرتے ہیں کہ ہم نے نبی کریم صلی اللّٰہ علیہ وسلم کے ساتھ ہجرت کی اس حال میں کہ ہم اللہ تعالی کی رضا طلب کرتے تھے سو ہمارا اجر (اللہ کے کرم سے) اللہ پر واجب ہوگیا سو ہم میں سے بعض( دنیا سے) گزر گئے یا انہوں نے اپنے اجر سے کچھ بھی نہیں کھایا ان میں سے حضرت مصعب بن عمیر رضی اللہ عنہ تھے وہ احد کے دن شہید ہو گئے اور ان کا ترکہ صرف ایک دھاری دار چادر تھی جب ہم اس چادر سے ان کا سر ڈھانپتے تو ان کے پیر چادر سے باہر نکل آتے اور جب ان کے پیروں کو ڈھانپتے تو ان کا سر چادر سے باہر نکل آتا تب نبی کریم صلی اللّٰہ علیہ وسلم نے ہم سے فرمایا: ان کا سر ڈھانپ دو اوران کے پیروں پر اذخر ( گھاس ) رکھ دو یا فرمایا: ان کے پیروں پر اذخر ڈال دو اور ہم میں سے بعض وہ ہیں کہ ان کے پھل پک گئے اور وہ ان کو چن رہے ہیں ۔ (بخاری شریف ،كِتَابٌ : الْمَغَازِي. | بَابُ مَنْ قُتِلَ مِنَ الْمُسْلِمِينَ يَوْمَ أُحُدٍ،حدیث نمبر ٤٠٨٢)
باب:احد ہم سے محبت کرتا ہے ہم اس سے محبت کرتے ہیں۔ اس کو عباس بن سہل نے کہا ہے: از ابوحمید از نبی ﷺ ۔ قتادہ نے کہا کہ میں نے حضرت انس رضی اللہ عنہ سے سنا کہ نبی کریم صلی اللّٰہ علیہ وسلم نے فرمایا: یہ(أحد) پہاڑ ہم سے محبت کرتا ہے ہم اس سے محبت کرتے ہیں۔ (بخاری شریف ،كِتَابٌ : الْمَغَازِي. | بَابٌ : " أُحُدٌ يُحِبُّنَا ". حدیث نمبر ٤٠٨٣)
حضرت انس بن مالک رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم کو احد(پہاڑ) دکھائی دیا تو آپ نے فرمایا: یہ پہاڑ ہم محبت کرتا ہے اور ہم اس سے محبت کرتے ہیں اے اللہ! بے شک حضرت ابراہیم السلام نے مکہ کو حرم بنایا اور میں ان دو پتھریلی زمینوں کے درمیان (شہر) کو حرم قرار دیتا ہوں۔ (بخاری شریف، كِتَابٌ : الْمَغَازِي. | بَابٌ : " أُحُدٌ يُحِبُّنَا "حدیث نمبر ٤٠٨٤)
حضرت عقبہ رضی اللہ عنہ بیان کرتے ہیں کہ ایک دن رسول اللہ صلی اللّٰہ علیہ وسلم ( گھر سے) باہر نکلے پس آپ نے اہل احد پر ایسی نماز پڑھی جیسے میت پر نماز پڑھی جاتی ہے پھر آپ منبر کی طرف واپس آۓ پس آپ نے فرمایا: میں تمہارا پیش رو ہوں اور میں تمہارا گواہ ہوں اور میں ضرور اپنے حوض کو اب بھی دیکھ رہا ہوں اور بے شک مجھے روۓ زمین کے خزانوں کی چابیاں دی گئی ہیں یا فرمایا: مجھے روۓ زمین کی چابیاں دی گئی ہیں اور بے شک اللہ کی قسم! مجھے یہ خوف نہیں ہے کہ تم (سب) میرے بعد شرک کرو گے، لیکن مجھے تم پر یہ خوف ہے کہ تم دنیا میں رغبت کرو گے۔ (بخاری شریف ، كِتَابٌ : الْمَغَازِي. | بَابٌ : " أُحُدٌ يُحِبُّنَا ". حدیث نمبر ٤٠٨٥)
باب:غزوۃ الرجیع اور رعل اور ذکوان اور بیرمعونہ اور عضل اور القارۃ اور عاصم بن ثابت اور حضرت خبیب اور ان کے اصحاب کی حدیث۔ حضرت ابو ہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے جاسوسوں کا ایک لشکر بھیجا اور ان پر حضرت عاصم بن ثابت رضی اللہ عنہ کو امیر بنایا اور وہ حضرت عاصم بن عمر بن الخطاب رضی اللہ عنہ کے نانا تھے سو وہ روانہ ہو گئے حتی کہ جب وہ عسفان اور مکہ کے درمیان پہنچے تو ہذیل کے اس قبیلہ میں ان کا ذکر کیا گیا جس کو بنولحیان کہا جاتا تھا تو انہوں نے ایک سو تیراندازوں کے ساتھ ان کا تعاقب کیا وہ ان کے قدموں کے نشانات پر چلتے رہے حتی کہ وہ اس جگہ پہنچ گئے جہاں صحابہ ٹھہرے تھے پس وہاں انہوں نے ان کھجوروں کی گٹھلیاں پائیں جن کو وہ مدینہ سے سفر میں کھانے کے لیے لے کر چلے تھے کفار نے کہا: یہ تو یثرب کی کھجوریں ہیں پھر وہ ان کے نشانات پر چلتے رہے حتی کہ ان تک جا پہنچے حضرت عاصم اور ان کے اصحاب نے جب یہ صورت حال دیکھی تو ایک ٹیلہ کی طرف پناہ لے لی اور بنولحیان نے ان کو گھیر لیا۔ پس ان سے کہا: ہم تم سے پکا پکا وعدہ کرتے ہیں کہ اگر تم ہماری طرف اتر کر آجاؤ تو ہم تم میں سے کسی مرد کوقتل نہیں کریں گئے، پس حضرت عاصم نے کہا: رہا میں تو میں کسی کافر کی پناہ میں نہیں اتروں گا اے اللہ! ہماری خبر اپنے نبی کو پہنچادے! سو ان صحابہ نے بنو لحیان سے قتال کیا حتی کہ کافروں نے حضرت عاصم سمیت ان کے سات اصحاب کو تیروں سے قتل کر دیا اور حضرت خبیب حضرت زید رضی اللہ تعالٰی عنہما اور ایک اور مرد بچ گئے بنو لحیان نے پھر پکا پکا وعدہ کیا۔ پس جب ان صحابہ نے ان سے پکا وعدہ لے لیا تو وہ ان کی طرف اتر کر آ گئے جب بنو لحیان نے ان پر قابو پالیا تو ان کی کمانوں کی تانت سے ان کو باندھنے لگے، تب اس تیسرے مرد نے کہا جو ان کے ساتھ تھا: یہ تمہاری پہلی عہد شکنی ہے سو اس نے ان کے ساتھ جانے سے انکار کر دیا تو بنولحیان نے ان کو گھسیٹا اور زبردستی اپنے ساتھ لے جانے لگے وہ نہیں مانے تو بنو لحیان نے ان کو بھی قتل کر دیا اور حضرت خبیب رضی اللہ عنہ اور حضرت زید رضی اللہ عنہ کو لے گئے، حتی کہ ان دونوں کو مکہ میں بیچ دیا۔ پس حضرت خبیب رضی اللہ عنہ کو الحارث بن عامر بن نوفل کے بیٹوں نے خرید لیا۔ حضرت خبیب رضی اللہ عنہ نے الحارث کو غزوہ بدر میں قتل کر دیا تھا وہ ان کے پاس قید میں رہے حتی کہ جب انہوں نے حضرت خبیب رضی اللہ عنہ کوقتل کرنے کا تہیہ کر لیا تو انہوں نے الحارث کی کسی بیٹی سے استرا مانگا تاکہ زیر ناف بالوں کو صاف کریں اس لڑکی نے وہ استرا انہیں دے دیا وہ لڑکی بیان کرتی ہے کہ میں اپنے بچہ سے غافل ہوگئی تھی میرا بیٹا حضرت خبیب رضی اللہ عنہ کے پاس چلا گیا انہوں نے اس کو اپنی ران پر بٹھالیا جب میں نے یہ منظر دیکھا تو میں سخت گھبرائی' حضرت خبیب رضی اللہ عنہ نے میری گھبراہٹ ( کے سبب) کو جان لیا اور اس وقت ان کے ہاتھ میں استرا تھا انہوں نے کہا: کیا تم کو یہ خوف ہے کہ میں اس کوقتل کر دوں گا میں ان شاءاللہ ایسانہیں کروں گا۔ وہ بیان کرتی ہیں کہ میں نے حضرت خبیب رضی اللہ عنہ سے زیادہ نیک کوئی قیدی نہیں دیکھا میں نے ان کو انگوروں کے خوشے سے کھاتے ہوۓ دیکھا حالانکہ ان دنوں مکہ میں کوئی پھل نہیں تھا اور وہ زنجیروں سے بندھے ہوۓ تھے اور یہ صرف وہ رزق تھا جو اللہ تعالی نے ان کو عطاء کیا تھا حارث کے بیٹے ان کو قتل کرنے کے لیے حرم سے باہر لے گئے تو انہوں نے کہا: مجھے چھوڑ دو تا کہ میں دو رکعت نماز پڑھ لوں پھر نماز سے فارغ ہو کر ان کے پاس جا کر کہا: اگر تم یہ گمان نہ کرتے کہ میں موت سے ڈر رہا ہوں تو میں زیادہ لمبی نماز پڑھتا، پس حضرت خبیب وہ پہلے شخص تھے جنہوں نے قتل کیے جانے سے پہلے دو رکعت نماز پڑھنے کی رسم، ڈالی پھر انہوں نے یہ دعا کی کہ اے اللہ! ان سب کو ایک ایک کر کے ہلاک کر دے پھر یہ اشعار پڑھے: ” جب میں حالت اسلام میں قتل کیا جا رہا ہوں تو مجھے اس کی کوئی پروا نہیں ہے میں جس پہلو پر بھی کروں گا میرا گرنا اللہ ہی کے لیے ہوگا یہ قتل کیا جانا اللہ کی رضا کے لیے ہے اور اگر وہ چاہے تو وہ میرے جسم کے ہر کئے ہوۓ ٹکڑے میں برکت ڈال دے۔ پھر عقبہ بن الحارث ان کی طرف کھڑا ہوا اور ان کوقتل کر دیا اور کفار قریش نے حضرت عاصم ( کی لاش) کے لیے لوگ بھیجے کہ وہ ان کے جسم کا کوئی ٹکڑا کاٹ کر لے آئیں، جس سے وہ انہیں پہچانیں حضرت عاصم نے غزوہ بدر میں ان کے ایک بڑے سردار کو قتل کر دیا تھا، پس اللہ تعالی نے بھڑوں کی ایک فوج کو سائبان کی طرح ان کی لاش کے اوپر بھیجا جس نے ان کافروں سے ان کی حفاظت کی، پس وہ ان کے جسم سے کچھ کاٹنے پر قادر نہ ہو سکے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٨٦)
سفیان بن عمرو نے حدیث بیان کی انہوں نے حضرت جابر رضی اللہ عنہ کو یہ کہتے ہوئے سنا: جس نے حضرت خبیب رضی اللہ عنہ کوقتل کیا وہ ابوسروعہ تھا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٨٧)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ستر مردوں کوکسی کام سے بھیجا ان کو قراء ( قرآن پڑھنے والے ) کہا جاتا تھا، پس بنو سلیم کے دو قبیلوں رعل اور ذکوان نے ایک کنویں کے پاس ان کے خلاف مزاحمت کی جس کو بیرمعونہ (معونہ کا کنواں ) کہا جاتا تھا ان قراء نے کہا: اللہ کی قسم! ہم تم سے جنگ کے ارادہ سے نہیں آۓ تھے ہم تو صرف نبی کریم صلی اللّٰہ علیہ وسلم کے کسی کام سے آئے تھے سو انہوں نے ان قراء کوقتل کر دیا تب نبی کریم صلی اللّٰہ علیہ وسلم نے ایک مہینہ تک صبح کی نماز میں ان کے خلاف دعا کی اور یہیں سے قنوت نازلہ کی ابتداء ہوئی، پہلے ہم قنوت نہیں پڑھتے تھے ۔عبدالعزیز نے بیان کیا کہ ایک شخص نے حضرت انس رضی اللہ عنہ سے سوال کیا: آیا قنوت رکوع کے بعد ہے یا قراءت سے فارغ ہونے کے بعد ہے؟ انہوں نے کہا نہیں! بلکہ قراءت سے فارغ ہونے کے بعد ہے ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٨٨)
حضرت انس رضی اللہ عنہ نے حدیث بیان کی انہوں نے کہا کہ رسول اللہ صلی اللّٰہ علیہ وسلم نے ایک ماہ تک رکوع کے بعد دعائے قنوت پڑھی آپ عرب کے قبیلوں کے خلاف دعا کرتے تھے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٨٩)
حضرت انس بن مالک رضی اللہ عنہ بیان کرتے ہیں کہ رعل اور ذکوان اور عصیہ اور بنو لحیان نے اپنے دشمن کے خلاف رسول اللہ صلی اللّٰہ علیہ وسلم سے مدد طلب کی تو آپ نے ستر (۷۰) انصار سے ان کی مددکی جن کو ہم ان کے زمانہ میں القراء(قرآن پڑھنے والے) کہتے تھے وہ دن میں (جنگل سے)لکڑیاں چن کر لاتے تھے اور رات کو نماز پڑھتے تھے حتی کہ جب وہ بیرمعونہ کے پاس پہنچے تو انہوں نے ان کے ساتھ غداری کی اور ان کوقتل کر دیا پس نبی کریم صلی اللّٰہ علیہ وسلم کو یہ خبر پہنچ گئی تو آپ علیہ السلام ایک ماہ تک عرب کے(ان)قبیلوں میں سے (چند قبیلوں کے خلاف صبح کی نماز میں دعا کرتے رہے رعل اور ذکوان اور عصیہ اور بنولحیان کے خلاف حضرت انس رضی اللہ عنہ نے کہا: پس ہم نے قرآن میں یہ آیت پڑھی پھر یہ آیت اٹھالی گئی: ہماری قوم تک ہماری طرف سے یہ خبر پہنچا دو کہ ہم نے اپنے رب سے ملاقات کر لی سو وہ ہم سے راضی ہو گیا اور اس نے ہم کو راضی کر دیا۔ اور قتادہ حضرت انس بن مالک رضی اللہ عنہ سے روایت کرتے ہیں انہوں نے یہ حدیث بیان کی کہ نبی کریم صلی اللّٰہ علیہ وسلم نے ایک ماہ تک نماز میں دعاء قنوت پڑھی، آپ عرب کے قبائل میں سے (چند) قبائل کے خلاف دعا کرتے تھے رعل اور ذکوان اور عصیہ اور بنو لحیان کے خلاف۔ خلیفہ نے یہ اضافہ کیا کہ ہمیں ابن زریع نے حدیث بیان کی انہوں نے کہا: ہمیں سعید نے حدیث بیان کی از قتادہ انہوں کہا: ہمیں حضرت انس رضی اللہ عنہ نے حدیث بیان کی: وہ ستر (اصحاب) انصار میں سے تھے جو بیرمعونہ میں شہید کر دیئے گئے, قراناً (یعنی) کتاب جیسے عبدالاعلی کی روایت ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٠)
حضرت انس رضی اللہ عنہ نے حدیث بیان کی کہ نبی کریم صلی اللّٰہ علیہ وسلم نے ان کے ماموں کو ستر سواروں میں بھیجا جو حضرت ام سلیم کے بھائی تھے اور مشرکین کا سردار عامر بن الطفيل تھا جس نے (نبی کریم صلی اللّٰہ علیہ وسلم کو) تین باتوں میں سے کسی ایک کا اختیار دیا: (۱) دیہاتیوں پر آپ کی حکومت ہو اور شہریوں پر میری حکومت ہو(۲) یا میں ( آپ کے بعد ) آپ کا خلیفہ ہوں (۳) ورنہ میں ہزار دو ہزار اہل غطفان کے ساتھ مل کر آپ پر حملہ کروں گا پھر وہ ام فلاں کے گھر میں طاعون کے مرض میں مبتلا ہو گیا اس نے کہا: آل بنی فلاں کے گھر کے اونٹ کی گلٹی کی طرح میری گلٹی نکل آئی ہے میرا گھوڑا لاؤ پھر وہ اس گھوڑے کی پشت پر ہی مر گیا۔ بہر حال! حضرت ام سلیم رضی اللہ تعالٰی عنہا کے بھائی حرام روانہ ہوۓ اور وہ لنگڑے آدمی تھے اور بنوفلاں کے ایک اور مرد ( روانہ ہوۓ ) حضرت حرام رضی اللہ عنہ نے (ان سے کہا: تم دونوں میرے قریب رہنا حتی کہ میں ان کے پاس پہنچ جاؤں اگر انہوں نے مجھے امن دے دیا تو تم میر سے قریب ہوگے اور اگر انہوں نے مجھے قتل کر دیا تو تم اپنے اصحاب کے پاس پہنچ جانا۔ پس انہوں نے (ان کے پاس جا کر کہا: کیا تم مجھے امان دیتے ہو کہ میں رسول اللہ صلی اللّٰہ علیہ وسلم کا پیغام تمہیں پہنچا دوں؟ سو وہ پیغام پہنچانے لگے اور ان لوگوں نے ایک شخص کو اشارہ کیا وہ حضرت حرام کے پیچھے سے آیا اور ان کو نیز گھونپ دیا۔ ھمام نے کہا: میرا گمان ہے کہ اس نے ان کو نیزہ ماراحتی کہ وہ ان کے آر پار ہو گیا۔ انہوں نے کہا: اللہ اکبر! رب کعبہ کی قسم! میں کامیاب ہو گیا! پھر وہ شخص ان سے آملا اور انہوں نے لنگڑے کے سوا سب کو قتل کر دیا جو پہاڑ کی چوٹی پر چڑھ گئے تھے پھر اللہ تعالی نے ہمارے متعلق یہ آیت نازل فرمائی جو بعد میں ) منسوخ ہوگئی تھی' (وہ آیت یہ ہے: بے شک ہم نے اپنے رب سے ملاقات کر لی سو وہ ہم سے راضی ہو گیا اور اس نے ہم کو راضی کر دیا پس نبی کریم صلی اللّٰہ علیہ وسلم نے تین روز تک ان کے خلاف دعاء ضرر کی رعل ذکوان بنولحیان اور عصیہ کے خلاف جنہوں نے اللہ تعالی کی اور اس کے رسول صلی اللہ علیہ وسلم کی نافرمانی کی کی تھی۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩١)
حضرت انس بن مالک رضی اللہ عنہ بیان کرتے ہیں کہ جب حضرت حرام بن ملحان رضی اللہ عنہ کو نیزہ مارا گیا اور وہ حضرت انس رضی اللہ عنہ کے ماموں تھے اور وہ بیرمعونہ کا دن تھا تو انہوں نے اپنے خون کو اس طرح ملا یعنی اپنے چہرے اور سر پر پھیر کر کہا: رب کعبہ کی قسم! میں کامیاب ہو گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٢)
حضرت عائشہ رضی اللہ تعالیٰ عنہا بیان کرتی ہیں کہ جب حضرت ابوبکر رضی اللہ عنہ کو مشرکین نے بہت سخت ایذاء پہنچائی کی انہوں نے نبی کریم صلی اللّٰہ علیہ وسلم سے مکہ سے نکلنے کی اجازت طلب کی تو آپ نے ان سے فرمایا: ابھی تم ٹہرو تو انہوں نے پوچھا: یا رسول اللہ صلی اللّٰہ علیہ وسلم! آپ کو بھی توقع ہے کہ آپ کو بھی نکلنے کی اجازت دی جاۓ گی تو رسول اللہ صلی اللّٰہ علیہ وسلم فرما رہے تھے: بے شک مجھے اس کی امید ہے حضرت عائشہ رضی اللہ تعالیٰ عنہا نے بتایا: پس حضرت ابوبکر رضی اللہ عنہ نے آپ کا انتظار کیا پھر ایک دن ان کے پاس رسول اللہ صلی اللّٰہ علیہ وسلم ظہر کے وقت آۓ سو ان کو آواز دی پس فرمایا: تمہارے پاس جو لوگ ہیں ان کو نکال دو تو حضرت ابوبکر رضی اللہ عنہ نے کہا: یہ صرف میری دو بیٹیاں ہیں، آپ نے فرمایا: کیا تم کومعلوم ہے کہ مجھے مکہ سے نکلنے کی اجازت دے دی گئی ہے پس انہوں نے پوچھا: یارسول اللہ! کیا میری) مصاحبت ہوگی؟ تو نبی ﷺ نے فرمایا: ( تمہاری ) مصاحبت ہوگی! انہوں نے کہا: یارسول اللہ! میرے پاس دو اونٹنیاں ہیں جن کو میں نے ( مکہ سے) نکلنے کے لیے تیار کر رکھا ہے سو انہوں نے ایک اونٹنی نبی کریم صلی اللّٰہ علیہ وسلم کو دے دی اور اس کا نام الجدعاء ( کان کٹی)تھا سو وہ دونوں سوار ہوکر چل پڑے حتی کہ وہ دونوں غار ثور میں پہنچ گئے سو وہ دونوں اس میں چھپ گئے، پس عامر بن فہیرہ جو عبداللہ بن الطفيل بن کثیرہ کا غلام تھا ( اور عبداللہ بن طفیل ) حضرت عائشہ رضی اللہ تعالیٰ عنہا کا ماں شریک بھائی تھا حضرت ابوبکر رضی اللہ عنہ کی ایک دودھ دینے والی اونٹنی تھی تو عامر بن فہیرہ صبح و شام اس اونٹنی کو چرانے لے جاتے تھے اور رات کے آخری حصہ میں (وہ اسے ) آپ دونوں کے پاس لے آتے تھے پھر صبح کو اسے چرانے کے لیے لے جاتے تھے اس طرح کوئی چرواہا اس پر مطلع نہ ہو سکا پھر جب آپ دونوں ( غارثور سے) نکلے تو وہ (غلام) بھی ان کے پیچھے نکلاحتی کہ وہ دونوں مدینہ پہنچ گئے پس عامر بن فہیرہ بھی بیرمعونہ کے حادثہ میں قتل کر دیئے گئے، ابواسامہ بیان کرتے ہیں کہ مجھ سے ہشام بن عروہ نے کہا: پس میرے والد نے خبر دی، انہوں نے بتایا کہ جب بیر معونہ کے حادثہ میں (ستر) قاری قتل کر دیئے گئے اور حضرت عمرو بن امیہ الضمری قید کر لیے گئے تو ان سے عامر بن الطفیل نے پوچھا: یہ کون ہے؟ اور ایک لاش کی طرف اشارہ کیا تو حضرت عمرو بن امیہ نے انہیں بتایا: یہ حضرت عامر بن فہیرہ ہیں پس اس نے کہا کہ ان کے قتل کیے جانے کے بعد میں نے دیکھا کہ ان کی لاش آسمان کی طرف اٹھالی گئی حتی کہ میں دیکھ رہا تھا کہ وہ لاش زمین اور آسمان کے درمیان معلق تھی پھر اس لاش کو زمین پر رکھ دیا گیا پھر نبی کریم ﷺ کے پاس ان(شہداء) کی خبر آ گئی تو آپ نے ان صحابہ کی شہادت کی خبر دی پس فرمایا: بے شک تمہارے اصحاب شہید کر دیئے گئے، اور انہوں نے اپنے رب سے یہ سوال کیا۔ پس کہا: اے ہمارے رب! ہمارے بھائیوں کو ہماری طرف سے یہ خبر دے دے کہ ہم تجھ سے راضی ہیں اور تو ہم سے راضی ہے سو اللہ تعالی نے ان کی طرف سے یہ خبر دے دی اور اس دن اس حادثہ میں حضرت عروہ بن اسماء بن الصلت شہید ہو گئے پھر ان ہی کے نام پر عروہ (بن زبیر ) کا نام رکھا گیا اور حضرت منذر بن عمرو بھی شہید ہو گئے اور ان ہی کے نام پر حضرت منذر بن( زبیر ) کا نام رکھا گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٣)
حضرت انس رضی اللہ عنہ بیان کرتے ہیں کہ نبی اکرم صلی ﷺ نے ایک مہینہ رکوع کے بعد دعاء قنوت پڑھی آپ رعل اور ذکوان کے خلاف دعا کرتے تھے اور فرماتے تھے: عصیّہ نے اللہ تعالی اور اس کے رسول کی نافرمانی کی ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٤)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ان لوگوں کے خلاف تیس (۳۰) روز دعا کی۔جنہوں نے آپ کے بیر معونہ کے اصحاب کو شہید کیا۔ آپ رعل اور لحیان اور عصبیہ کے خلاف دعا کرتے تھے جنہوں نے اللہ اور اس کے رسول صلی اللہ علیہ وسلم کی نافرمانی کی تھی۔ حضرت انس رضی اللہ عنہ نے بیان کیا کہ آپ کے جو اصحاب پیرمعونہ میں شہید کر دیئے گئے تھے ان کے متعلق اللہ تعالی نے اپنے نبی کریم صلی اللّٰہ علیہ وسلم کے لیے قرآن میں آیات نازل کی جن کو ہم نے پڑھا حتیٰ کہ ان کو بعد میں منسوخ کر دیا گے (وہ آیات یہ تھیں: ہماری قوم کو یہ پیغام پہنچا دو کہ ہم نے اپنے رب سے ملاقات کر لی پس وہ ہم سے راضی ہو گیا اور ہم اس سے راضی ہو گئے۔۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٥)
عاصم الاحول نے حدیث بیان کی انہوں کہا: میں نے حضرت انس بن مالک رضی اللہ عنہ سے نماز میں دعاء قنوت پڑھنے کے متعلق سوال کیا تو انہوں نے کہا: ہاں! ( قنوت پڑھی جاتی ہے ) میں نے پوچھا: رکوع سے پہلے یارکوع کے بعد؟ انہوں بتایا: رکوع سے پہلے میں نے کہا: فلاں شخص نے مجھے آپ سے حدیث روایت کی ہے کہ آپ نے بتایا ہے کہ ( دعاء قنوت)رکوع کے بعد پڑھی جاتی ہے حضرت انس نے کہا: اس نے جھوٹ بولا رسول اللہ صلی اللّٰہ علیہ وسلم نے صرف ایک ماہ رکوع کے بعد دعا قنوت پڑھی تھی کیونکہ آپ نے کچھ لوگوں کو بھیجا تھا جن کو قراء کہا جاتا تھا وہ ستر مرد تھے جن کو مشرکین کے لوگوں کی طرف بھیجا تھا، پہلے ان لوگوں نے رسول اللہ صلی اللّٰہ علیہ وسلم سے ان کو پناہ دینے کا عہد کیا تھا پھر جن لوگوں نے عہد کیا تھا وہ بعد میں ان قراء پر غالب آ گئے (اور ان کو شہید کر دیا ) تو رسول اللہ صلی اللّٰہ علیہ وسلم ایک ماہ تک رکوع کے بعد ان کے خلاف دعا کرتے رہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الرَّجِيعِ، وَرِعْلٍ وَذَكْوَانَ، وَبِئْرِ مَعُونَةَ،حدیث نمبر ٤٠٩٦)
غزوة الخندق اور یہی الاحزاب ہے موسی بن عقبہ نے کہا: یہ غزوہ شوال چار ہجری میں ہوا تھا۔ حضرت ابن عمر رضی اللہ تعالٰی عنہما بیان کرتے ہیں کہ انہوں نے غزوہ احد میں اپنے آپ کو نبی کریم صلی اللّٰہ علیہ وسلم پر پیش کیا۔ اس وقت ان کی عمر چودہ سال تھی تو ۔ آپ علیہ السلام نے ان کو اجازت نہیں دی، پھر انہوں نے اپنے آپ کو خندق کے دن آپ علیہ السلام پر پیش کیا اور اس وقت ان کی عمر پندرہ سال تھی تو آپ نے ان کو اجازت دے دی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤٠٩٧)
حضرت سہل بن سعد رضی اللہ عنہ بیان کرتے ہیں کہ ہم رسول اللہ صلی اللّٰہ علیہ وسلم کے ساتھ غزوہ خندق میں تھے اور صحابہ خندق کھود رہے تھے اور ہم اپنی پیٹھوں پر مٹی لاد کر پھینک رہے تھے تو رسول اللہ صلی اللّٰہ علیہ وسلم نے کہا: اے اللہ ! آخرت کی زندگی کے سوا کوئی ( کامل) زندگی نہیں سوتو مہاجرین اور انصار کی مغفرت فرما! (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤٠٩٨)
حضرت انس رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم خندق کی طرف نکلے تو مہاجرین اور انصار سرد صبح میں خندق کھودر ہے تھے ان کے پاس غلام نہیں تھے جو یہ کام کرتے جب رسول اللہ صلی اللّٰہ علیہ وسلم نے ہم میں تھکاوٹ اور بھوک کو دیکھا تو یہ دعائیہ اشعار کہے: ”اے اللہ! بے شک زندگی تو آخرت کی زندگی ہے سوتو انصار اور مہاجرین کی مغفرت فرما! پس صحابہ نے جواب دیتے ہوۓ کہا: ہم وہ ہیں جنہوں نے محمد ( صلی اللہ علیہ وسلم) سے جہاد پر بیعت کی ہے جب تک ہم باقی رہیں گے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤٠٩٩)
حضرت انس رضی اللہ عنہ بیان کرتے ہیں کہ مہاجرین اور انصار مدینہ کے گرد خندق کھودرہے تھے اور اپنی پیٹھوں پر مٹی لا کر پھینک رہے تھے اور یہ کہہ رہے تھے: ”ہم وہ ہیں جنہوں نے محمد ( صلی اللہ علیہ وسلم ) سے اسلام پر بیعت کی ہے جب تک ہم باقی رہیں گے۔ اور نبی کریم صلی اللّٰہ علیہ وسلم ان کے جواب میں کہہ رہے تھے: ”اے اللہ! بے شک خیر تو صرف آخرت کی خیر ہے سوتو انصار اور مہاجرین میں برکت فرما! حضرت انس رضی اللہ عنہ نے بیان کیا کہ ایک مٹھی جو ان کے پاس آ تا اور ان کو بدبودار چربی میں پکایا جاتا ان کو صحابہ کے سامنے رکھ دیا جاتا اور صحابہ بھوکے ہوتے تھے وہ بدمزہ کھانا ان کے حلق میں چپکتا تھا اور اس سے بد بو آتی تھی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٠)
عبدالواحد بن ایمن نے حدیث بیان کی از والد خود انہوں نے بیان کیا کہ میں حضرت جابر کے پاس آیا انہوں نے کہا کہ ہم خندق کے دن زمین کھودرہے تھے تو بہت سخت چٹان آگئی تب صحابہ نبی اکرم صلی اللہ علیہ وسلم کے پاس گئے اور کہا: یہ بہت سخت چٹان خندق میں پیش آ گئی ہے آپ نے فرمایا: میں آرہا ہوں آپ اس حال میں کھڑے ہوۓ کہ آپ کے پیٹ سے پھر بندھا ہوا تھا اور ہم تین دن سے کوئی چیز نہیں چکھ رہے تھے پس نبی کریم صلی اللّٰہ علیہ وسلم نے کدال پکڑی اور اس زور سے ضرب لگائی کہ وہ چٹان ریت کے ڈھیر کی طرح بہ گئی پھر میں نے عرض کیا: یا رسول اللہ ! مجھے گھر جانے کی اجازت دیجئے ! پھر میں نے اپنی بیوی سے کہا: میں نے نبی کریم صلی اللّٰہ علیہ وسلم میں کچھ بھوک کا اثر دیکھا ہے جس سے مجھے صبر نہیں ہو سکا کیا تمہارے پاس کچھ کھانے کی چیز ہے؟ اس نے کہا: میرے پاس جو ہیں اور بکری کا بچہ ہے سو میں نے بکری کے بچے کو ذبح کیا اور میری بیوی نے جو پیسے حتی کہ ہم نے ہانڈی میں گوشت بنالیا پھر میں نبی کریم صلی اللّٰہ علیہ وسلم کے پاس اس حال میں آیا کہ آٹا گوندھا جا چکا تھا اور ہانڈی چولہے پر پکنے کے قریب تھی میں نے عرض کیا: میرے پاس تھوڑاسا کھانا ہے یا رسول اللہ صلی اللّٰہ علیہ وسلم ! آپ اٹھیے اور ایک یا دو افراد اور ہوں آپ نے پوچھا: کتنا کھانا ہے تو میں نے آپ کو بتا دیا آپ نے فرمایا: بہت ہے عمدہ ہے آپ نے فرمایا: اپنی بیوی سے کہو کہ ہانڈی کو چولہے سے نہ اتارے اور نہ روٹی کوتنور سے نکالے حتی کہ میں آجاؤں پھر آپ نے فرمایا: (لوگو!) چلو پس تمام مہاجرین اور انصار چل پڑے پس جب ( حضرت جابر ) اپنی بیوی کے پاس داخل ہوۓ تو کہا: تم پر افسوس ہے! نبی کریم صلی اللّٰہ علیہ وسلم تو تمام مہاجرین اور انصار اور ان کے اصحاب کو لے کر آرہے ہیں ان کی بیوی نے کہا: کیا آپ نے پوچھا تھا کہ تمہارے پاس کتنا کھانا ہے؟ میں نے کہا: ہاں! پس آپ نے صحابہ سے فرمایا: اندر داخل ہواور بھیٹر نہ لگانا پھر آپ روٹی کے ٹکڑے کرتے گئے اور اس پر گوشت ڈالتے گئے اور ہانڈی اور تنور کواس میں سے لینے کے بعد ڈھانپتے گئے اور وہ طعام اپنے اصحاب کے قریب رکھتے گئے پھر آپ اسی طرح روٹی کو توڑتے رہے اور اس پر گوشت ڈالتے رہے حتی کہ تمام صحابہ سیر ہو گئے اور کھانا بچ گیا آپ نے (میری بیوی سے فرمایا: اب یہ کھانا تم خود کھاؤ اور لوگوں کو ہدیہ دو کیونکہ لوگوں کو بھوک لگی ہوئی ہے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠١)
حضرت جابر بن عبداللہ رضی اللہ عنہ بیان کرتے ہیں کہ جب خندق کھودی گئی میں نے نبی کریم صلی اللّٰہ علیہ وسلم میں شدید بھوک دیکھی تو میں اپنی بیوی کی طرف مڑا پس میں نے کہا: کیا تمہارے پاس کھانے کی کوئی چیز ہے؟ کیونکہ میں نے رسول اللہ صلی اللّٰہ علیہ وسلم میں شدید بھوک کا اثر دیکھا ہے پس اس نے میری طرف اپنا تھیلا نکالا جس میں ایک صاع ( چار کلوگرام جو تھے اور ہمارے پاس ایک بکری کا بچہ تھا سو میں نے اس کو ذبح کیا اور میری بیوی نے جو کو پیسا پس میری بیوی میرے بکری کے بچے کو ذبح کرتے ہوۓ جو کو پیس کر فارغ ہوگئی اور میں نے گوشت کے ٹکڑے کر کے اس کو دیگچی میں ڈالا پھر میں مڑ کر رسول الله صلی اللہ علیہ وسلم تک گیا میری بیوی نے کہا: مجھے رسول اللہ صلی اللّٰہ علیہ وسلم اور آپ کے اصحاب کے سامنے شرمندہ نہ کرنا سو میں آپ کی خدمت میں حاضر ہوا اور میں نے چپکے سے کہا: یارسول اللہ ! میں نے اپنے بکری کے بچہ کو ذبح کیا ہے اور ہم نے ایک صاع جو پیس لیے ہیں جو ہمارے پاس تھے سو آپ تشریف لائیں اور چند اصحاب آپ کے ساتھ ہوں تب نبی کریم صلی اللّٰہ علیہ وسلم نے بلند آواز سے فرمایا: اے اہل خندق! جابر نے تمہارے لیے کچھ تیار کیا ہے سوتم آؤ! پھر رسول اللہ صلی اللّٰہ علیہ وسلم نے فرمایا: تم دیگچی کو چولہے سے نہ اتارتا اور نہ روٹی پکانا شروع کرنا حتی کہ میں پہنچ جاؤں پھر میں آیا اور رسول اللہ صلی اللّٰہ علیہ وسلم بھی لوگوں کے ساتھ آ گئے، حتی کہ میں اپنی بیوی کے پاس آیا اس نے کہا: اللہ تمہارے ساتھ برا کرے! ( تم اتنے لوگوں کو لے کر آ گئے اور کھانا تھوڑا ہے!) میں نے بتایا کہ میں نے وہی کیا تھا جوتم نے کہا تھا میری بیوی آپ کے سامنے گوندھا ہوا آٹالائی آپ نے اس میں اپنا لعاب مبارک ڈالا اور برکت کی دعا کی پھر آپ نے ہماری دینی کا قصد کیا اور اس میں اپنا لعاب مبارک ڈالا اور برکت کی دعا کی پھر فرمایا: روٹی پکانے والی کو بلاؤ جو تمہارے ساتھ روٹیاں پکاۓ اور اپنی دیگچی سے پیالہ میں سالن ڈالو اور دیگچی کو چولہے سے نہ اتارا اور وہ (اہل خندق) ایک ہزار تھے پس میں اللہ کی قسم کھا کر بتاتا ہوں کہ ان سب نے کھانا کھا لیا حتی کہ کھانا بچا رہااور وہ واپس چلے گئے اور ہماری دیگچی میں سالن پہلے کی طرح ابل رہا تھا اور ہمارے گوندھے ہوۓ آٹے سے اسی طرح روٹیاں پک رہی تھیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٢)
حضرت عائشہ رضی اللہ تعالیٰ عنہا وہ(اس آیت کی تفسیر میں ) بیان کرتی ہیں: جب کافرتم پر تمہارے اوپر اور تمہارے نیچے سے چڑھ آۓ اور جب آنکھیں پھری کی پھری رہ گئیں اور دل منہ کو آنے لگے ۔ (الاحزاب:۱۰) حضرت عائشہ نے فرمایا: یہ یوم خندق کا موقع ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٣)
حضرت البراء رضی اللہ عنہ بیان کرتے ہیں کہ نبی اکرم صلی اللہ علیہ وسلم خندق کے دن مٹی منتقل کر رہے تھے حتی کہ گردوغبار نے آپ کے پیٹ کو ڈھانپ لیا اور آپ فرمارہے تھے: اور اللہ کی قسم ! اگر اللہ ہمیں ہدایت نہ دیتا تو ہم ہدایت نہ پاتے اور نہ ہم صدقہ دیتے نہ نماز پڑھتے سوتو ہم پر ضرور سکون نازل فرما اور اگر ہمارا مقابلہ ہوتو ہمیں ثابت قدم رکھنا بے شک اس جماعت نے ہمارے خلاف بغاوت کی ہے جب وہ ہمیں فتنہ میں ڈالنے کا ارادہ کریں گے تو ہم انکار کریں گے۔ اور آپ نے آواز بلند کر کے کہا: ”آبینا آبینا ،‘یعنی ہم انکار کریں گے ہم انکار کر یں گے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٤)
حضرت ابن عباس رضی اللہ تعالیٰ عنہما سے روایت ہے وہ نبی کریم صلی اللّٰہ علیہ وسلم سے روایت کرتےہیں کہ نبی کریم صلی اللّٰہ علیہ وسلم نے فرمایا صباء (مشرق سے چلنے والی ہوا) سے میری مدد کی گئی ہے اور قوم عاد کو دبور ( مغرب سے چلنے والی ہوا) سے ہلاک کر دیا گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٥)
حضرت البراء رضی اللہ عنہ حدیث بیان کرتے ہیں کہ جب الاحزاب اور خندق کا دن تھا میں نے دیکھا کہ رسول اللہ صلی اللّٰہ علیہ وسلم خندق کی مٹی کومنتقل کر رہے تھے حتی کہ گردوغبار نے مجھ سے آپ کے پیٹ کی کھال کو چھپالیا اور آپ کے گھنے بال تھے میں نے سنا آپ حضرت رواحہ کے رجزیہ کلمات کومٹی منتقل کرتے ہوۓ پڑھ رہے تھے: اے اللہ! اگر تو ہمیں ہدایت نہ دیتا تو ہم ہدایت نہ پاتے اور نہ ہم صدقہ دیتے اور نہ نماز پڑھتے سوتو ہم پر ضرور سکون نازل فرما! اور اگر ہمارا مقابلہ ہو تو ہم کو ثابت قدم رکھ بے شک انہوں نے ہمارے خلاف بغاوت کی ہے اور اگر وہ ہمیں فتنہ میں ڈالنے کا ارادہ کریں گے تو ہم انکار کر یں گے۔ پھر آپ آخر میں آواز کو کھینچ کر پڑھتے(’ابینا‘ کے آخری الف کو لمبا کر کے مد کے ساتھ پڑھتے )۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٦)
عبدالصمد نے حدیث بیان کی از عبدالرحمان وہ عبداللہ بن دینار کے بیٹے ہیں از والد خود وہ بیان کرتے ہیں کہ حضرت عبداللہ بن عمر رضی اللہ تعالٰی عنہما نے بتایا: میں جس پہلے دن غزوہ میں حاضر ہوا وہ یوم خندق تھا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٧)
حضرت ابن عمر بن ابراہیم نے بتایا: مجھے طاؤس کے بیٹے نے خبر دی از عکرمہ بن خالد از حضرت ابن عمر رضی اللہ تعالٰی عنہما کہ وہ بیان کرتے ہیں کہ میں حضرت حفصہ رضی اللہ تعالٰی عنہا کے پاس گیا اس وقت ان کی مینڈھیوں سے پانی کے قطرے ٹپک رہے تھے میں نے کہا: آپ دیکھ رہی ہیں کہ لوگوں نے کس طرح حکومت ہتھیا لی ہے اور اس حکومت سے مجھے کوئی حصہ نہیں ملا حضرت حفصہ رضی اللہ تعالٰی عنہا نے کہا: تم ان کے ساتھ جا ملو وہ تمہارا انتظار کر رہے ہیں اور مجھے یہ خطرہ ہے کہ تمہارا ان سے نہ ملنا اختلاف کا سبب ہوگا پھر حضرت حفصہ رضی اللہ تعالٰی عنہا نے ان کو اس وقت تک نہ چھوڑا حتیٰ کہ وہ چلے گئے پھر جب لوگ منتشر ہو گئے تو حضرت معاویہ رضی اللہ عنہ نے خطبہ دیا اور کہا: جو اس حکومت کے متعلق بات کرنا چاہتا ہو وہ اپنی دلیل سے ہم کو مطلع کرے سو ہم ضرور اس سے اور اس کے باپ سے زیادہ اس حکومت کے حق دار ہیں، حبیب بن مسلمہ نے (حضرت ابن عمر سے) کہا: آپ اس کا جواب دیں! حضرت ابن عمر رضی اللہ تعالٰی عنہما نے کہا: میں نے اس وقت جواب دینے کے لیے اپنے گھٹنوں کو اپنے ہاتھوں کے حلقہ سے نکالا تھا (یعنی سنبھل کر بیٹھ گیا تھا اور یہ کہنے کا ارادہ کیا تھا کہ تم سے زیادہ اس حکومت کے حق دار وہ تھے جنہوں نے تم سے اور تمہارے باپ سے اسلام کی خاطر جنگ کی تھی پھر میں اس بات سے ڈرا کہ میں کوئی ایسی بات کہوں جس سے مسلمانوں کی جمعیت میں افتراق ہو اور خون ریزی ہو اور میری مراد کے خلاف میرے کلام کو معمول کیا جاۓ پھر میں نے ان نعمتوں کو یاد کیا جو اللہ تعالی نے جنتوں میں تیار کی ہیں، حبیب نے کہا: آپ محفوظ رہے اور (فتنہ سے بچالیے گئے ۔ محمود نے عبدالرزاق سے روایت میں (نسواتها‘ کی جگہ)’نوساتها‘ کہا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٨) حضرت معاویہ رضی اللہ عنہ نے جو کہا تھا کہ ہم اس خلافت کے زیادہ حق دار ہیں شاید ان کی مراد یہ تھی کہ جب حضرت حسن رضی اللہ عنہ نے صلح کرکے ان سے بیعت کرلی اور ان کی طرف خلافت سونپ دی اور اکثر لوگوں نے اس پر اتفاق کر لیا تو پھر وہ اس خلافت کے سب سے زیادہ حق دار تھے ۔ اور حضرت ابن عمر رضی اللہ تعالٰی عنہما کی رائے یہ تھی کہ خلافت کے سب سے زیادہ مستحق وہ مہاجرین ہیں جو سابقین اولین میں جنہوں نے فتح مکہ سے پہلے اسلام کی راہ میں خرچ کیا اور اسلام کی راہ میں قتال کیا پھر ان کو یہ خطرہ ہوا کہ اگر انہوں نے یہ بات کہی تو لوگ اس سے ان کی مراد کے خلاف معنی لیں گے اس لیے انہوں نے یہ بات نہیں کہی ۔ (یعنی لوگ سمجھیں گے کہ حضرت ابن عمر خود خلافت کے طالب ہیں ۔سعیدی غفرلہ ) (التوضیح لشرح الجامع صحیح ج ۲۱ ۲۳۵ وزارة الاوقاف ۱۳۲۹ھ، بحوالہ نعمۃ الباری فی شرح بخاری حدیث نمبر ٤١٠٨ کی تشریح کے تحت)
سلیمان بن صرد بیان کرتے ہیں کہ نبی کریم صلی اللّٰہ علیہ وسلم نے احزاب کے دن فرمایا: ہم ان سے جنگ کریں گے اور وہ ہم سے جنگ نہیں کرسکیں گے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١٠٩) نبی کریم صلی اللّٰہ علیہ وسلم کی اس پیش گوئی کا پورا ہونا کہ آئندہ قریش مدینہ پر حملہ نہیں کرسکیں گے۔ علامہ عمر بن علی ابن ملقن شافعی متوفی ۸۰٤ ھ لکھتے ہیں: نبی کریم صلی اللّٰہ علیہ وسلم نے یہ خبر دی کہ اس سال کے بعد قریش مدینہ پر حملہ نہیں کرسکیں گئے پھر حدیبیہ کے سال قریش کی طرف نکلے کہ اگر قریش نے مسلمانوں کو بیت اللہ کی طرف جانے سے روک دیا تو مسلمان ان سے قتال کریں گئے سوقریش نے مسلمانوں کو بیت اللہ کی طرف جانے سے روک دیا اور آپ کی اوٹنی بیٹھ گئی اس سے آپ نے جان لیا کہ اب اللہ تعالی کا منشاء یہ ہے کہ مسلمان اگلے سال عمرہ کریں پھر آٹھ ہجری میں اللہ تعالی نے مسلمانوں کے لیے مکہ ھوازن اور طائف کو فتح کر دیا اور لوگ اللہ کے دین میں فوج در فوج داخل ہوگئے اور جس طرح نبی ﷺ نے فرمایا تھا اسی طرح ہو گیا۔ (التوضیح لشرح الجامع صحیح ج ۲۱ص۲۳۶۔۴۳۵ وزارة الاوقاف قطر ۱۳۲۹ھ ) علامہ بدرالدین محمود بن احمد عینی حنفی متوفی ۸۵۵ھ لکھتے ہیں: امام ابن اسحاق نے کہا ہے کہ جب اہل خندق واپس چلے گئے تو نبی ﷺ نے فرمایا: آئندہ قریش تم سے لڑنے نہیں آئیں گے لیکن تم ان سے لڑتے جاؤ گے پھر اس کے بعد قریش مدینہ پر حملہ کرنے کے لیے نہیں آۓ اور مسلمان اس کے بعد ان سے لڑنے کے لیے گئے حتی کہ اللہ تعالی نے ان کے لیے مکہ فتح کر دیا۔ اس حدیث میں نبی کریم صلی اللّٰہ علیہ وسلم کے عظیم معجزہ کا ذکر ہے کیونکہ آپ نے مستقبل کے متعلق غیب کی خبر دی اور اسی طرح ہوا جس طرح آپ نے فرمایا تھا۔ (عمدۃ القاری ج ۷ ص ۲۳۹ دارالکتب العلمیہ بیروت بحوالہ نعمۃ الباری فی شرح صحيح بخاری،حدیث نمبر ٤١٠٩ کی تشریح کے تحت)
سلیمان بن صرد رضی اللہ عنہ بیان کرتے ہیں کہ میں نے نبی کریم صلی اللّٰہ علیہ وسلم کو یہ فرماتے ہوۓ سنا ہے: جب اللہ تعالی نے کفار کی فوجوں کو مدینہ سے نکال دیا تو آپ نے فرمایا: اب ہم ان سے لڑیں گے اور وہ ہم سے نہیں لڑ سکیں گے ہم ان کی طرف جا کر ان پر حملہ کر یں گے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٠)
حضرت علی رضی اللہ عنہ سے مروی ہے وہ نبی کریم صلی اللّٰہ علیہ وسلم سے روایت کرتےہیں کہ آپ علیہ السلام نے خندق کے دن فرمایا: اللہ تعالی ان کے گھروں اور ان کی قبروں کو آگ سے بھر دے جس طرح انہوں نے ہمیں نماز وسطی ( نماز عصر پڑھنے سے ( خندق میں مشغول رکھا حتی کہ سورج غروب ہو گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ)
حضرت جابر بن عبداللہ رضی اللہ عنہ بیان کرتے ہیں کہ حضرت عمر بن الخطاب رضی اللہ عنہ خندق کے دن سورج غروب ہونے کے بعد آئے وہ کفار قریش کو برا کہہ رہے تھے اور انہوں نے کہا: یارسول اللہ! میں ( عصر کی نمازنہیں پڑھ سکا حتیٰ کہ اب سورج غروب ہو رہا ہے نبی کریم صلی اللّٰہ علیہ وسلم نے فرمایا: اللہ کی قسم! میں نے بھی نماز (عصر) نہیں پڑھی پھر ہم نبی اکرم صلی اللہ علیہ وسلم کے ساتھ مدینہ کی ایک وادی میں آۓ سو آپ نے نماز کے لیے وضو کیا اور ہم نے بھی نماز کے لیے وضو کیا، پس آپ نے عصر کا وقت گزرنے اور غروب آفتاب کے بعد عصر کی نماز پڑھی، پھر اس کے بعد مغرب کی نماز پڑھی۔ (بخاری شریف ،۔كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٢)
حضرت جابر رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے احزاب کے دن فرمایا: ہمارے پاس قوم کی خبر کون لے کر آۓ گا ؟ تو حضرت الزبیر رضی اللہ عنہ نے کہا: میں ! آپ نے پھر فرمایا: ہمارے پاس قوم کی خبر لے کر کون آۓ گا ؟ تو حضرت الزبیر رضی اللہ عنہ نے کہا: میں! آپ نے پھر فرمایا: ہمارے پاس قوم کی خبر لے کر کون آۓ گا ؟ تو حضرت الزبیر رضی اللہ عنہ نے کہا: میں! پھر آپ نے فرمایا: بے شک ہر نبی کے حواری ہوتے ہیں اور میرے حواری الزبیر ہیں۔ (بخاری شریف کتاب ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٣)
حضرت ابو ہریرہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم فرما رہے تھے: اللہ کے سوا کوئی عبادت کا مستحق نہیں ہے وہ اکیلا ہے جس کا لشکر غالب ہے اور جس نے اپنے بندہ کی مدد کی جوا کیلا ( کفار کی ) تمام فوجوں پر غالب رہا اور اس کے بعد کوئی چیز نہیں ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٤)
حضرت عبداللہ بن ابی اوفی رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے کفار کے فوجوں کے خلاف دعا کی: اے اللہ! کتاب کو نازل کرنے والے جلد حساب لینے والے کفار کی فوجوں کو شکست دے دے! اے اللہ! ان کو شکست دے اور ان پر زلزلہ طاری کر دے! (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٥)
حضرت عبداللہ رضی اللہ عنہ بیان کرتے ہیں کہ جب رسول اللہ صلی اللّٰہ علیہ وسلم کسی غزوہ سے لوٹ کر آتے یا حج سے یا عمرہ سے تو تین باراللہ اکبر پڑھتے پھر پڑھتے:اللہ کے سوا کوئی عبادت کا مستحق نہیں ہے وہ واحد ہے اس کا کوئی شریک نہیں اسی کا ملک ہے اور اس کے لیے حمد ہے اور وہ ہر چیز پر قادر ہے ہم لوٹ کر آنے والے ہیں توبہ کرنے والے ہیں عبادت کرنے والے ہیں اپنے رب کو سجدہ کرنے والے ہیں حمد کرنے والے ہیں اللہ نے اپنا وعدہ سچا کر دیا اپنے بندہ کی مدد فرمائی اور تنہا کفار کی فوجوں کو شکست دی۔ (بخاری شریف ،كِتَابٌ : الْمَغَازِي. | بَابٌ : غَزْوَةُ الْخَنْدَقِ،حدیث نمبر ٤١١٦)
نبی کریم صلی اللّٰہ علیہ وسلم کا غزوہ احزاب سے لوٹنا اور بنوقریظہ کی طرف نکلنا اور ان کا محاصرہ کرنا حضرت عائشہ رضی اللہ تعالیٰ عنہا بیان کرتی ہیں کہ جب نبی کریم صلی اللّٰہ علیہ وسلم خندق سے واپس آۓ اور آپ نے ہتھیار اتار کر غسل کیا تو آپ کے پاس حضرت جبریل علیہ السلام آۓ پس کہا: آپ نے ہتھیار اتار دیئے اور اللہ کی قسم! ہم نے ہتھیار نہیں اتارے سو آپ ان کی طرف نکلیں، آپ نے پوچھا: کس طرف نکلیں؟ تو حضرت جبریل علیہ السلام نے بنوقریظہ کی طرف اشارہ کیا پس نبی اکرم صلی اللہ علیہ وسلم ان کی طرف نکلے۔ (بخاری شریف ،بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ، وَمَخْرَجِهِ إِلَى بَنِي قُرَيْظَةَ، وَمُحَاصَرَتِهِ إِيَّاهُمْ،حدیث نمبر ٤١١٧)
حضرت انس رضی اللہ عنہ بیان کرتے ہیں کہ میں اس غبار کی طرف دیکھ رہا تھا جو بنو غنم کی گلیوں میں حضرت جبریل علیہ السلام کی سواری سے اٹھ رہا تھا جب رسول اللہ صلی اللّٰہ علیہ وسلم بنوقریظہ کی طرف جا رہے تھے۔. (بخاری شریف ، كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١١٨)
حضرت ابن عمر رضی اللہ تعالٰی عنہما بیان کرتے ہیں کہ نبی اکرم صلی اللہ علیہ وسلم نے احزاب کے دن فرمایا: تم میں سے کوئی شخص عصر کی نماز بنوقریظہ کے سوا نہ پڑھے۔ پس بعض صحابہ نے عصر کو راستے میں پالیا تب بعض صحابہ نے کہا: ہم عصر کی نماز نہیں پڑھیں گے حتیٰ کہ ہم بنوقریظہ میں پہنچ جائیں اور بعض نے کہا: بلکہ ہم نماز پڑھیں گئے آپ نے ہم سے اس کا ارادہ نہیں کیا تھا پھر نبی کریم صلی اللّٰہ علیہ وسلم سے اس کا ذکر کیا گیا تو آپ نے ان میں سے کسی کو ملامت نہیں کی ۔ (بخاری شریف ، كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١١٩)
حضرت انس رضی اللہ عنہ بیان کرتے ہیں کہ ایک شخص نے نبی کریم صلی اللّٰہ علیہ وسلم کے لیے کھجور کے چند درخت ہدیہ کر دیئے تھے حتی کہ بنوقریظہ اور بنونضیر فتح ہو گئے (تب آپ علیہ السلام ان کے درخت واپس کر رہے تھے اور میرے گھر والوں نے مجھے حکم دیا کہ میں نبی کریم صلی اللّٰہ علیہ وسلم کے پاس جاؤں اور ان سے ان تمام درختوں کا سوال کروں جو انصار نے آپ کو دیے تھے یا ان میں سے بعض درختوں کا سوال کروں اور نبی کریم صلی اللّٰہ علیہ وسلم وہ درخت حضرت ام ایمن رضی اللہ تعالٰی عنہا کو دے چکے تھے پس (اس وقت) حضرت ام ایمن رضی اللہ تعالٰی عنہا آگئیں انہوں نے میری گردن میں کپڑا ڈال کر کہا: ہرگز نہیں! اس ذات کی قسم! جس کے سوا کوئی عبادت کا مستحق نہیں ہے! اب تم کو وہ درخت نہیں دیں گے جب کہ آپ وہ درخت مجھے دے چکے ہیں یا جو بھی انہوں نے کہا اور نبی کریم صلی اللّٰہ علیہ وسلم (ان سے) فرما رہے تھے: آپ کو میں (ان کے بدلہ اتنے درخت دے دوں گا اور وہ کہہ رہی تھیں: نہیں! ہرگز نہیں! اللہ کی قسم ! حتی کہ آپ نے انہیں وہ عطا فرما دیئے میرا گمان ہے آپ نے فرمایا: میں تم کو ان کے بدلے میں دس گنا درخت دے دوں گا یا آپ نے جس طرح فرمایا۔ (بخاری شریف ،كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١٢٠)
حضرت ابوامامہ نے کہا: میں نے حضرت ابوسعید خدری رضی اللہ عنہ سے سنا وہ بیان کرتے ہیں کہ اہل قریظہ حضرت سعد بن معاذ رضی اللہ تعالٰی عنہ کے حکم پر قلعہ سے اترنے کے لیے تیار ہو گئے تو نبی کریم صلی اللّٰہ علیہ وسلم نے حضرت سعد رضی اللہ عنہ کو بلایا سو وہ دراز گوش ( گدھے) پر سوار ہو کر آۓ جب وہ مسجد کے قریب پہنچے تو آپ نے انصار سے فرمایا: اپنے سردار کی طرف کھڑے ہو یا فرمایا: اپنے بہتر کی طرف کھڑے ہو پھر آپ نے فرمایا: یہ لوگ تمہارے حکم پر ( قلعہ سے نیچے اتر آۓ ہیں، پس حضرت سعد رضی اللہ عنہ نے کہا: ان میں سے لڑنے والوں کوقتل کر دیا جاۓ اور ان کے بچوں کو قید کر لیا جاۓ آپ نے فرمایا: تم نے اللہ تعالی کے حکم کے مطابق فیصلہ کیا ہے اور بعض روایت میں ہے: آپ نے فرمایا کہ تم نے فرشتہ کے حکم کے مطابق فیصلہ کیا ہے۔ (بخاری شریف ، كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١٢١)
حضرت عائشہ رضی اللہ تعالیٰ عنہا بیان کرتی ہیں کہ جب حضرت سعد رضی اللہ عنہ اس تیر سے زخمی ہو گئے جو ان کو ایک قریشی شخص نے غزوہ خندق کے دن مارا تھا جس کو حبان بن العرقہ کہا جاتا تھا اس نے ان کے ہاتھ کے وسط میں تیر مارا تھا تب نبی کریم صلی اللّٰہ علیہ وسلم نے مسجد میں خیمہ لگوایا تا کہ حضرت سعد رضی اللہ عنہ کی قریب سے عیادت کر سکیں، پس جب رسول اللہ صلی اللّٰہ علیہ وسلم خندق سے واپس آۓ آپ نے ہتھیار اتارے اور غسل کیا تو آپ کے پاس حضرت جبریل علیہ السلام آۓ وہ اپنے سر سے گردوغبار جھاڑ رہے تھے پس انہوں نے کہا: آپ نے ہتھیار اتار دیئے اللہ کی قسم! میں نے ہتھیار نہیں اتارے آپ ان کی طرف روانہ ہوں نبی کریم صلی اللّٰہ علیہ وسلم نے پوچھا: کہاں؟ تو انہوں نے بنوقریظہ کی طرف اشارہ کیا سو رسول اللہ صلی اللّٰہ علیہ وسلم ان کے پاس آۓ تو وہ آپ کے حکم سے ( قلعہ سے اتر آۓ آپ نے ان کا فیصلہ حضرت سعد رضی اللہ عنہ کی طرف لوٹا دیا حضرت سعد رضی اللہ عنہ نے کہا: میں ان کے متعلق یہ فیصلہ کرتا ہوں کہ ان میں سے لڑنے والوں کو قتل کر دیا جاۓ اور ان کی عورتوں اور بچوں کو قید کر لیا جاۓ اور ان کے اموال کو تقسیم کر دیا جاۓ ۔ ہشام نے کہا: پس میرے والد نے خبر دی از حضرت عائشہ رضی اللہ تعالیٰ عنہا کہ حضرت سعد رضی اللہ عنہ نے دعا کی: اے اللہ! بے شک تو خوب جانتا ہے کہ مجھے سب سے زیادہ یہ پسند ہے کہ میں اس قوم کے خلاف جہاد کروں جس نے تیرے رسول اکرم صلی اللہ علیہ وسلم کی تکذیب کی ہے اور ان کو ان کے وطن سے نکالا ہے اے اللہ! بے شک میں یہ گمان کرتا ہوں کہ تو نے ہمارے اور ان مخالفین کے درمیان جنگ ختم کر دی ہے اگر قریش کے لڑنے والوں میں سے کچھ لوگ باقی ہوں تو تو مجھے زندہ رکھ تاکہ میں ان سے تیری راہ میں جہاد کروں اور اگر تو نے جنگ ختم کر دی ہے تو تو اس زخم سے خون جاری کر دے اور اسی زخم کے سبب میری موت کر دے سو ان کی ہنسلی سے خون بہنے لگا اور مسجد میں بنو غفار کا خیمہ تھا وہ صرف اس چیز سے گھبراۓ کہ ان کی طرف خون بہہ کر آرہا تھا سو انہوں نے کہا کہ اے خیمہ والو! یہ ہمارے پاس تمہاری طرف سے کیسا خون بہتا ہوا آ رہا ہے پس اس وقت حضرت سعد رضی اللہ عنہ کے زخم سے خون بہہ رہا تھا حضرت سعد رضی اللہ عنہ کا اسی سے انتقال ہو گیا۔ (بخاری شریف ، كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١٢٢)
حضرت البراء رضی اللہ عنہ بیان کرتے ہیں کہ نبی اکرم صلی اللہ علیہ وسلم نے قریظہ کے دن حضرت حسان رضی اللہ عنہ سے فرمایا: ان کی ہجو کرو یا فرمایا: ان کی زیادہ ہجو کرو اور جبریل علیہ السلام بھی تمہارے ساتھ ہیں۔ حضرت البراء بن عازب رضی اللہ عنہ بیان کرتے ہیں کہ قریظہ کے دن رسول اللہ صلی اللّٰہ علیہ وسلم نے حضرت حسان بن ثابت رضی اللہ عنہ سے فرمایا: مشرکین کی ہجو کرو پس بے شک جبریل علیہ السلام بھی تمہارے ساتھ ہیں۔ (بخاری شریف ، كِتَابٌ : الْمَغَازِي. | بَابُ مَرْجِعِ النَّبِيِّ صَلَّى اللَّهُ عَلَيْهِ وَسَلَّمَ مِنَ الْأَحْزَابِ،حدیث نمبر ٤١٢٣،و حدیث نمبر ٤١٢٤)
باب:غزوۃ ذات الرقاع۔ اور یہ غزوہ محارب خصفہ ہے جو ثعلبہ کے بیٹوں سے ہے قبیلہ غطفان سے سو آپ مقام نخلہ میں ٹہرے۔اور یہ غزوہ خیبر کے بعد ہوا کیونکہ حضرت ابو موسیٰ اشعری رضی اللہ تعالٰی عنہ غزوہ خیبر کے بعد آئے تھے۔ حضرت جابر بن عبداللہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے اپنے اصحاب کو ساتویں غزوہ، غزوہ ذات الرقاع میں صلوۃ الخوف پڑھائی۔ اور حضرت ابن عباس رضی اللہ تعالیٰ عنہما نے بیان کیا کہ نبی ﷺ نے ذی قرد میں نماز خوف پڑھائی۔ حضرت جابر رضی اللہ عنہ نے حدیث بیان کی کہ نبی کریم صلی اللّٰہ علیہ وسلم نے انہیں یوم محارب اور ثعلیہ میں نماز پڑھائی۔ حضرت جابر رضی اللہ عنہ بیان کرتے ہیں کہ نبی اکرم صلی اللہ علیہ وسلم ذات الرقاع کے کھجور کے درختوں کی طرف نکلے تو آپ کا مقابلہ غطفان کی جماعت سے ہوا سو ان میں لڑائی نہیں ہوئی اور لوگوں نے ایک دوسرے کو ڈرایا پس نبی کریم صلی اللّٰہ علیہ وسلم نے دو رکعت صلوۃ الخوف پڑھائی۔ اور یزید نے کہا از سلمہ کہ میں قرد کے دن نبی کریم صلی اللّٰہ علیہ وسلم کے ساتھ غزوہ میں تھا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ۔حدیث نمبر ٤١٢٥،و ٤١٢٦،و ٤١٢٧)
حضرت ابوموسیٰ رضی اللہ تعالٰی عنہ بیان کرتے ہیں کہ ہم نبی کریم صلی اللّٰہ علیہ وسلم کے ساتھ ایک غزوہ میں نکلے ہم کچھ افراد تھے اور ہمارے پاس ایک اونٹ تھا ہم باری باری اس پر سوار ہوتے تھے چلتے چلتے ہمارے پیروں میں سوراخ ہو گئے اور میرے دونوں پیروں میں سوراخ ہو گئے اور میرے ناخن گر گئے اور ہم اپنے پیروں پر کپڑے کی دھجیاں لپیٹ رہے تھے اس وجہ سے اس غزوہ کا نام غزوة ذات الرقاع رکھا گیا کیونکہ ہم اپنے پیروں کی پھٹن پر کپڑے کی پٹیاں لپیٹ رہے تھے ۔ حضرت ابوموسی رضی اللہ عنہ نے اس حدیث کو بیان کیا،پھر اس کے ذکر کو ناپسند کیا اور کہا: میں نے یہ اس لیے نہیں کیا تھا کہ اس کا ذکر کیا جاۓ گویا کہ انہوں نے اس کو ناپسند کیا کہ ان کے کسی عمل کو ظاہر کیا جاۓ ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ،حدیث نمبر ٤١٢٨)
یزید بن رومان از صالح بن خوات وہ ان اصحاب سے روایت کرتے ہیں جو ذات الرقاع کے دن رسول اللہ صلی اللّٰہ علیہ وسلم کے ساتھ حاضر تھے وہ بیان کرتے ہیں کہ آپ نے صلوۃ الخوف پڑھائی ایک جماعت نے آپ کے ساتھ صف بنائی اور دوسری جماعت دشمن کے سامنے کھڑی رہی سو آپ نے ان کو ایک رکعت پڑھائی جو آپ کے ساتھ تھے پھر آپ سیدھے کھڑے رہے اور ان صحابہ نے اپنی نماز پوری کر لی پھر وہ مڑ کر چلے گئے اور دشمن کے سامنے جا کر کھڑے ہو گئے اور صحابہ کی دوسری جماعت آ گئی آپ نے ان کو نماز کی وہ دوسری رکعت پڑھائی جو آپ کی اس نماز سے باقی رہ گئی تھی پھر آپ سیدھے بیٹھے رہے اور ان صحابہ نے اپنی نماز پوری کر لی پھر آپ نے ان کی نماز سے سلام پھیرا۔ حضرت جابر رضی اللہ عنہ بیان کرتے ہیں: ہم نبی کریم صلی اللّٰہ علیہ وسلم کے ساتھ کھجور کے درختوں کے پاس تھے پس انہوں نے نماز خوف کا ذکر کیا۔امام مالک نے کہا: یہ وہ بہترین بات ہے جو کہ میں نے صلوۃ خوف کے متعلق سنی ۔ معاذ کی متابعت لیث نے کی ہے از ہشام از زید بن اسلم وہ بیان کرتے ہیں کہ قاسم بن محمد نے ان کو حدیث بیان کی کہ نبی کریم صلی اللّٰہ علیہ وسلم نے غزوۂ بنو انمار میں نماز ( خوف ) پڑھائی ۔ (بخاری شریف ،كِتَابٌ : الْمَغَازِي. | بَابٌ : غَزْوَةُ بَنِي الْمُصْطَلِقِ،حدیث نمبر ٤١٢٩،و حدیث نمبر ٤١٣٠)
سهل بن ابی حثمہ نے کہا کہ امام قبلہ کی طرف منہ کرکے کھڑا ہو اور نمازیوں کی ایک جماعت بھی اس کے ساتھ ہو اور ایک جماعت دشمن کی طرف ہو ان کے منہ دشمن کی طرف ہوں پس امام ان کو ایک رکعت پڑھاۓ جو اس کے ساتھ ہوں پھر وہ نمازی کھڑے ہوکر اپنے لیے ایک رکوع کریں اور دو سجدے کریں اس جگہ پر پھر یہ نمازی دوسری نماز کے مقام کی طرف چلے جائیں اور امام اس دوسری جماعت کو ایک رکعت پڑھاۓ پس امام کی دو رکعات ہو جائیں گی پھر یہ دوسری جماعت ایک رکوع کرے اور دو سجدے کرے۔ صالح بن خوات از سہل بن ابی حشمه از نبی کریم صلی اللّٰہ علیہ وسلم اس کی مثل روایت ہے۔ صالح بن خوات نے خبر دی از سہل انہوں نے ان کو اپنا قول بیان کیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ،حدیث نمبر ٤١٣١)
سالم نے خبر دی کہ حضرت ابن عمر رضی اللہ تعالٰی عنہما نے بیان کیا کہ میں رسول اللہ صلی اللّٰہ علیہ وسلم کے ساتھ نجد کی طرف ایک غزوہ میں گیا تو ہمارا دشمن سے سامنا ہوا سو ہم نے ان کے لیے صفیں بنائیں۔ (بخاری شریف ،كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ.،حدیث نمبر ٤١٣٢)
سالم بن عبداللہ بن عمر از والد خود وہ بیان کرتے ہیں کہ رسول اللہ صلی اللّٰہ علیہ وسلم نے دو جماعتوں میں سے ایک جماعت کو نماز پڑھائی اور دوسری جماعت دشمن کے سامنے کھڑی ہوئی تھی پھر پہلی جماعت لوٹ کر گئی اور اپنے اصحاب کی جگہ کھڑی ہوگئی، پس وہ جماعت آئی اور آپ نے ان کو ایک رکعت پڑھائی پھر آپ نے ان پر سلام پھیر دیا۔ پھر یہ دوسری جماعت کھڑی ہوئی اور انہوں نے اپنی رکعت ادا کی اور پہلی جماعت کھڑی ہوئی اور انہوں نے ایک رکعت ادا کی ۔ (بخاری شریف ،كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ،حدیث نمبر ٤١٣٣)
ابوسلمہ نے حدیث بیان کی کہ حضرت جابر رضی اللہ عنہ نے ان کو خبر دی کہ وہ رسول اللہ ﷺ کے ساتھ نجد کی طرف ایک غزوہ میں گئے ۔ (بخاری شریف ،كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ،حدیث نمبر ٤١٣٤)
حضرت جابر بن عبداللہ رضی اللہ عنہ نے خبر دی کہ وہ رسول اللہ صلی اللّٰہ علیہ وسلم کے ساتھ نجد کی طرف ایک غزوہ میں گئے پس رسول اللہ صلی اللّٰہ علیہ وسلم واپس آۓ اور وہ ( بھی ) آپ کے ساتھ واپس آۓ اس وادی میں جہاں بہت زیادہ کانٹوں والے درخت تھے وہ سب دوپہر کے وقت وہاں پہنچے پس رسول اللہ صلی اللّٰہ علیہ وسلم اترے اور لوگ ان کانٹوں والے درختوں میں مختلف جگہوں پر اترے وہ درختوں کا سایہ چاہتے تھے اور رسول اللہ صلی اللّٰہ علیہ وسلم ایک کیکر کے درخت کے نیچے اترے آپ نے اس درخت پر اپنی تلوار لٹکا دی حضرت جابر رضی اللہ عنہ نے بتایا کہ ہم لوگ سوچکے تھے پھر اچانک رسول اللہ صلی اللّٰہ علیہ وسلم ہمیں بلا رہے تھے سو ہم آپ کے پاس آۓ اس وقت آپ کے پاس ایک اعرابی بیٹھا ہوا تھا۔ پس رسول اللہ صلی اللّٰہ علیہ وسلم نے بتایا اس شخص نے مجھ پر تلوار سونت لی تھی اور میں سویا ہوا تھا۔ پس جب میں بیدار ہوا تو وہ تلوار اس کے ہاتھ میں سوتی ہوئی تھی سو اس نے مجھ سے کہا: اب آپ کو مجھ سے کون بچاۓ گا میں نے اس سے کہا: اللہ !پس وہ یہ بیٹھا ہوا ہے پھر رسول اللہ ﷺ نے اس کو کوئی سزا نہیں دی ۔ حضرت جابر رضی اللہ عنہ بیان کرتے ہیں کہ ہم نبی کریم صلی اللّٰہ علیہ وسلم کے ساتھ ذات الرقاع میں تھے پس جب ہم ایک سایا دار درخت کے پاس آۓ تو ہم نے اس درخت کو نبی کریم صلی اللّٰہ علیہ وسلم کے لیے چھوڑ دیا پس مشرکین میں سے ایک شخص آیا اور نبی کریم صلی اللّٰہ علیہ وسلم کی تلوار درخت پر لٹکی ہوئی تھی اس نے وہ تلوار پکڑ لی اور آپ سے پوچھا: کیا آپ مجھ سے ڈرتے ہیں؟ آپ نے فرمایا: نہیں ! اس نے پوچھا: اب آپ کو مجھ سے کون بچاۓ گا ؟ آپ نے فرمایا: اللہ ! پس نبی کریم صلی اللّٰہ علیہ وسلم کے اصحاب نے آکر اس کو دھمکایا اور نماز قائم کی گئی، پھر آپ نے ایک جماعت کو دو رکعت پڑھائیں، پھر وہ پیچھے چلے گئے پھر آپ نے دوسری جماعت کو دو رکعت پڑھائیں اور نبی کریم صلی اللّٰہ علیہ وسلم کے لیے چار رکعات ہوئیں اور لوگوں کے لیے دو دو رکعت ہوئیں۔ اور مسدد نے کہا از ابی عوانہ از ابی بشر : اس شخص کا نام غورث بن الحارث ہے اور اس نے اس غزوہ میں محارب خصفۃ کی طرف سے قتال کیا تھا۔ اور ابوالزبیر نے کہا از حضرت جابر رضی اللہ عنہ : ہم نبی کریم صلی اللّٰہ علیہ وسلم کے ساتھ کھجور کے درختوں میں تھے سو آپ نے نماز خوف پڑھائی اور حضرت ابو ہریرہ رضی اللہ عنہ نے کہا: میں نے نبی کریم صلی اللّٰہ علیہ وسلم کے ساتھ نجد کے غزوہ میں نماز خوف پڑھی۔اور تحقیق یہ ہے کہ حضرت ابو ہریرہ رضی اللہ عنہ نبی اکرم صلی اللہ علیہ وسلم کے پاس ایام خیبر میں آۓ تھے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ ذَاتِ الرِّقَاعِ,حدیث نمبر ٤١٣٥،٤١٣٦،٤١٣٧)
خزاعہ کے بنو مصطلق کے خلاف غزوہ اور یہی غزوۃ المریسیع ہے, امام ابن اسحاق نے کہا: یہ غزوہ چھ ہجری میں ہوا۔ اور موسی بن عقبہ نے کہا: یہ غزوہ چار ہجری میں ہوا ہے۔ اور النعمان بن راشد نے کہا ازالزہری:افك ( حضرت عائشہ پر تہمت ) کی حدیث کا واقعہ غزوۃ المریسیع میں تھا۔ محمد بن یحیی بن حبان از این محیریز وہ بیان کرتے ہیں کہ میں مسجد میں داخل ہوا تو میں نے حضرت ابوسعید الخدری رضی اللہ عنہ کو دیکھا، میں ان کے پاس بیٹھ گیا پس میں نے ان سے عزل کے متعلق سوال کیا تو حضرت ابوسعید رضی اللہ عنہ نے بتایا: ہم رسول اللہ صلی اللّٰہ علیہ وسلم کے ساتھ غزوۂ بنوالمصطلق کے لیے نکلے تو ہم نے عرب کے قیدیوں میں سے چند قیدیوں کو پالیا۔ پس ہم کو عورتوں کی خواہش ہو رہی تھی اور عورتوں سے علیحدگی ہمیں بہت شدت سے محسوس ہورہی تھی اور ہم نے عزل کرنے کو پسند کیا سو ہم نے عزل کرنے کا ارادہ کیا اور ہم نے کہا: رسول اللہ صلی اللّٰہ علیہ وسلم ہمارے درمیان موجود ہیں اور ہم آپ سے پوچھے بغیر عزل کریں ( تو یہ درست نہیں ہے) سو ہم نے اس کے متعلق آپ سے سوال کیا تو آپ نے فرمایا: تم پر کوئی حرج نہیں ہے اگر تم ایسا نہ کرو جو روح بھی قیامت تک آنے والی ہے وہ ضرور آکر رہے گی ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ بَنِي الْمُصْطَلِقِ،حدیث نمبر ٤١٣٨)
حضرت جابر بن عبداللہ رضی اللہ عنہ بیان کرتے ہیں کہ ہم رسول اللہ صلی اللّٰہ علیہ وسلم کے ساتھ غزوہ نجد میں گئے، پس جب ہم پر سخت دوپہر کا وقت آیا اور اس وادی میں کانٹوں والے درخت بہ کثرت تھے تو آپ ایک درخت کے نیچے اترے اور اس کے ساۓ میں ٹھہرے اور آپ نے اپنی تلوار( درخت پر) لٹکا دی اور صحابہ مختلف درختوں کے ساۓ میں آرام کرنے گئے جب ہم اس حال میں تھے تو ناگاہ ہم کو رسول اللہ صلی اللّٰہ علیہ وسلم نے بلایا سو ہم آۓ اس وقت ایک اعرابی آپ کے سامنے بیٹھا ہوا تھا، پس آپ نے بتایا: یہ شخص اس وقت میرے پاس آیا جب میں سویا ہوا تھا سواس نے میری تلوار اٹھا کر سونت لی پس میں بیدار ہو گیا اور یہ شخص میرے سر کے پاس کھڑا ہوا تھا اور میری تلوار سونتے ہوۓ تھا اس نے کہا: اب آپ کو مجھ سے کون بچاۓ گا ؟ میں نے کہا: اللہ ! تو اس نے وہ تلوار میان میں رکھ لی پھر بیٹھ گیا اور وہ یہ ہے حضرت جابر رضی اللہ عنہ نے کہا: اور رسول اللہ صلی اللّٰہ علیہ وسلم نے اس کو سز انہیں دی۔ (بخاری شریف ،كِتَابٌ : الْمَغَازِي. | بَابٌ : غَزْوَةُ بَنِي الْمُصْطَلِقِ،حدیث نمبر ٤١٣٩)
غزوة انمار حضرت جابر بن عبد اللہ الانصاری رضی اللہ عنہ بیان کرتے ہیں: میں نے نبی کریم صلی اللّٰہ علیہ وسلم کو غزوۃ انمار میں دیکھا آپ سواری پر نفل نماز پڑھ رہے تھے اور آپ کا منہ مشرق کی طرف تھا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ أَنْمَارٍ,حدیث نمبر ٤١٤٠)
حدیث الافک (حضرت عائشہ رضی اللہ تعالٰی عنہا پر تہمت کا واقعہ)الإفك “اور ”الإفك النجس اور النجس کی طرح ہے۔کہا جاتا ہے:اِفكهم‘اور’آفکھم‘اور’افّکھم‘۔اور جس نے کہا: "افکھم“۔ عبیداللہ بن عبداللہ بن عقبہ بن مسعود نے حدیث بیان کی از حضرت عائشہ رضی اللہ تعالیٰ عنہا زوجہ نبی کریم صلی اللّٰہ علیہ وسلم کہ جب ان پر تہمت باندھنے والوں نے جو کہا سو کہا اور ان میں ہر ایک نے مجھے حضرت عائشہ رضی اللہ تعالیٰ عنہا کی حدیث کا ایک حصہ بیان کیا اور ان میں سے بعض حضرت عائشہ رضی اللہ تعالیٰ عنہا کی حدیث کو دوسروں سے زیاد یاد رکھنے والے تھے اور اس قصہ کو زیادہ محفوظ رکھنے والے تھے، اور میں نے ان میں سے ہر مرد کی اس حدیث کو یادرکھا جو اس نے مجھے حضرت عائشہ رضی اللہ تعالیٰ عنہا سے بیان کی اور ان کی حدیث ایک دوسرے کی تصدیق کرتی ہے ہر چند کہ ان میں سے بعض دوسروں سے زیادہ یاد رکھنے والے تھے انہوں نے بیان کیا کہ حضرت عائشہ رضی اللہ تعالیٰ عنہا نے بتایا کہ رسول اللہ صلی اللّٰہ علیہ وسلم جب کسی سفر کا ارادہ فرماتے تو ( ساتھ لے جانے کے لیے ) اپنی ازواج کے درمیان قرعہ اندازی کرتے تو جس کے نام کا قرعہ نکلتا اس کو رسول اللہ صلی اللّٰہ علیہ وسلم اپنے ساتھ لے جاتے حضرت عائشہ رضی اللہ تعالیٰ عنہا نے بتایا کہ آپ ایک غزوہ میں جا رہے تھے پس آپ نے ہمارے درمیان قرعہ اندازی کی تو اس غزوہ میں ساتھ جانے کے لیے میرا قرعہ نکل آیا سو حجاب کا حکم نازل ہونے کے بعد میں رسول اللہ صلی اللّٰہ علیہ وسلم کے ساتھ نکلی، پس مجھے کجاوے( پالان) میں بٹھایا جاتا تھا اور اس سے اتارا جاتا تھا سو ہم چلتے رہے حتی کہ جب رسول اللہ ﷺ اس غزوہ سے فارغ ہو گئے اور واپس چلے ہم واپس آتے ہوۓ مدینہ کے قریب آپہنچے تو ایک رات آپ نے روانہ ہونے کا اعلان کیا تو جب انہوں نے روانگی کا اعلان کیا تو میں اٹھی اور چلتی رہی حتی کہ میں لشکر کے پار آگئی جب میں قضاء حاجت سے فارغ ہو گئی تو میں اپنے کجاوے کی طرف آئی میں نے اپنے سینہ کو چھوا تو میرا سیپیوں کا ہارٹوٹا ہوا تھا سو میں واپس گئی اور اپنا ہار تلاش کرنے لگی سو اس ہار کی تلاش نے مجھے ٹھہراۓ رکھا حضرت عائشہ رضی اللہ تعالیٰ عنہا نے بتایا: (ادھر وہ صحابہ جو میرا پالان اٹھاتے تھے انہوں نے میرا پالان اٹھا لیا اور اس پالان کو میرے اونٹ پر رکھ دیا جس پر مجھ کو سوار کرایا جاتا تھا اور ان کو یہ گمان تھا کہ میں اس پالان میں موجود ہوں اور اس زمانہ میں عورتیں ہلکی پھلکی ہوتی تھیں وہ فربہ نہیں ہوتی تھیں اور ان پر گوشت چڑھا ہوا نہیں ہوتا تھا وہ طعام سے معمولی خوراک کھاتی تھیں لہٰذا جن صحابہ نے پالان کو اٹھایا اور اس کو اونٹ پر رکھا ان کو اس کے ہلکے ہونے سے تعجب نہیں ہوا اور میں کم عمر لڑ کی تھی، پس ان صحابہ نے اونٹ کو اٹھایا اور روانہ ہو گئے اور مجھے اس لشکر کے جانے کے بعد اپنا ہار مل گیا۔ پس میں ان کے پڑاؤ کی جگہ آئی اور وہاں کوئی بلانے والا تھا نہ جواب دینے والا تھا، پس میں نے اس جگہ ٹہر نے کا قصد کیا جہاں پر میں پہلے تھی اور میں نے یہ گمان کیا کہ عنقریب وہ مجھے گم پائیں گے تو پھر وہ میری طرف واپس آئیں گئے سوجس وقت میں اپنی جگہ پر بیٹھی ہوئی تھی تو مجھ پر نیند غالب آگئی، پس میں سوگئی اور حضرت صفوان بن معطل السلمی پھر ذکوانی رضی اللہ عنہ لشکر کے پیچھے رہتے تھے سو وہ صبح کے وقت میری جگہ پر پہنچے انہوں نے دیکھا کہ کوئی انسان سویا ہوا ہے انہوں نے دیکھتے ہی مجھے پہچان لیا اور وہ حجاب کا حکم نازل ہونے سے پہلے مجھے دیکھ چکے تھے جب انہوں نے مجھے پہچانا تو بلند آواز سے کہا: اناللہ وانا الیہ راجعون! پس یہ سن کر میں بیدار ہوگئی،پس میں نے اپنی چادر سے اپنا منہ چھپالیا اور اللہ کی قسم! ہم نے کوئی بات نہیں کی اور میں نے ان سے سواۓ اناللہ وانا الیہ راجعون پڑھنے کے کوئی اور بات نہیں سنی،وہ جھکے اور انہوں نے اپنی سواری کو بٹھایا۔ پس وہ سواری اپنے اگلے پیروں پر بیٹھ گئی میں اس کی طرف کھڑی ہوئی، پھر اس پر سوار ہوگئی وہ روانہ ہوۓ اور اس سواری کو چلاتے رہے حتی کہ ہم لشکر کے پاس پہنچ گئے ہم سخت دوپہر کے وقت داخل ہوۓ تھے اور اہل لشکر قیام کر چکے تھے پس میرے متعلق(تہمت پھیلا کر)وہ شخص ہلاک ہو گیا جو ہلاک ہوا تھا جو شخص اس تہمت کو سب سے زیادہ پھیلا رہا تھا وہ عبداللہ بن ابی ابن سلول تھا عروہ نے بتایا کہ مجھے یہ خبر دی گئی ہے کہ وہ شخص اس تہمت کو پھیلا رہا تھا اور جولوگ اس کے پاس یہ باتیں کرتے وہ ان کی توثیق کرتا اور کان لگا کر ان کی باتیں سنتا اور ان باتوں کو مزید پھیلاتا اور عروہ نے یہ بھی بتایا کہ تہمت لگانے والوں کے نام نہیں بتاۓ گئے سواۓ حضرت حسان بن ثابت رضی اللہ عنہ اور حضرت مسطح بن اثاثہ رضی اللہ عنہ اور حضرت حمنہ بنت جحش رضی اللہ تعالٰی عنہا کے ان کے علاوہ اور لوگ بھی تھے جن کا مجھے علم نہیں ہے سواۓ اس کے کہ تہمت لگانے والے لوگوں کی ایک جماعت تھی جیسا کہ اللہ تعالی نے فرمایا ہے اور بے شک تہمت لگانے والوں میں سب سے پیش پیش عبداللہ بن ابی ابن سلول تھا“ عروہ نے بتایا کہ حضرت عائشہ رضی اللہ تعالیٰ عنہا اس بات کو ناپسند کرتی تھیں کہ ان کے سامنے حضرت حسان رضی اللہ عنہ کو برا کہا جاۓ اور وہ فرماتی تھیں کہ حضرت حسان نے یہ شعر کہا ہے: بے شک میرا باپ اور میرے والد کے والد اور میری عزت (سیدنا) محمد صلی اللّٰہ علیہ وسلم کی عزت کے لیے تمہارے سامنے ڈھال بنی رہے گی۔ حضرت عائشہ رضی اللہ تعالیٰ عنہا نے بتایا کہ سو ہم مدینہ پہنچ گئے اور میں آتے ہی ایک ماہ پیار پڑی رہی اور لوگ تہمت لگانے والوں کے متعلق باتیں کر رہے تھے اور مجھے ان باتوں میں سے کسی بات کا کوئی پتا نہیں تھا اور مجھے اپنی بیماری میں یہ بات بہت تکلیف دیتی تھی کہ میں اب اپنے اوپر رسول اللہ صلی اللّٰہ علیہ وسلم کا وہ لطف و کرم نہیں دیکھتی تھی جو میں اس سے پہلے دیکھتی تھی صرف یہ بات تھی کہ رسول اللہ صلی اللّٰہ علیہ وسلم میرے پاس تشریف لاتے تھے مجھے سلام کرتے پھر فرماتے : تم کیسی ہو؟ پھر آپ واپس چلے جاتے اس سے مجھے بہت تکلیف ہوتی تھی اور مجھے اس شر کا علم نہیں تھا حتی کہ میں نہایت کمزوری سے گھر سے نکلی سو میں نے حضرت ام مسطح رضی اللہ تعالٰی عنہا کے ساتھ گھر سے میدانوں کی طرف نکلی ہم وہاں قضاء حاجت کے لیے جاتے تھے اور ہم ایک رات سے دوسری رات تک کے لیے نکلتے تھے اور یہ اس سے پہلے کا واقعہ ہے کہ ہم اپنے گھروں کے قریب بیت الخلاء بناتے حضرت عائشہ رضی اللہ تعالیٰ عنہا نے بتایا: ہمارا رہن سہن عرب کے پہلے لوگوں کی طرح قضاء حاجت کے لیے جنگل میں جانا تھا اور ہمیں اپنے گھروں کے پاس بیت الخلاء بنانے سے کراہت آتی تھی حضرت عائشہ رضی اللہ تعالیٰ عنہا نے بتایا: پس میں اور حضرت ام مسطح ( گھر سے) چلیں اور وہ ابورھم بن المطلب بن عبد مناف کی بیٹی تھیں اور ان کی ماں صخر بن عامر کی بیٹی تھیں اور وہ حضرت ابو بکر صدیق رضی اللہ عنہ کی خالہ تھیں اور ان کا بیٹا حضرت مسطح بن أثاثہ بن عباد بن المطلب تھا رضی اللہ عنہ پس میں اور حضرت ام مسطح جب قضاء حاجت سے فارغ ہوئیں تو ہم اپنے گھر کی طرف چلیں پس حضرت ام مسطح اپنی چادر میں الجھ کر گریں تو انہوں نے کہا مسطح ہلاک ہو جاۓ پس میں نے کہا: آپ نے بری بات کہی ہے، کیا آپ ایسے شخص کو برا کہہ رہی ہیں جو غزوہ بدر میں حاضر ہوا ہے تو انہوں نے کہا: اے لڑکی! کیا آپ نے نہیں سنا کہ مسطح نے کیا کہا ہے! عروہ نے بتایا کہ حضرت عائشہ رضی اللہ تعالیٰ عنہا نے کہا: اور میں نے پوچھا: اور اس نے کیا کہا ہے؟ عروہ نے کہا: پس حضرت ام مسطح نے مجھ کو تہمت لگانے والوں کی بات بتائی حضرت عائشہ رضی اللہ تعالیٰ عنہا نے بتایا: پھر میری بیماری میں مزید اضافہ ہو گیا جب میں اپنے گھر واپس آئی تو رسول اللہ صلی اللّٰہ علیہ وسلم میرے پاس آۓ پس آپ نے سلام کیا، پھر فرمایا: تمہاری طبیعت کیسی ہے؟ میں نے عرض کیا: کیا آپ مجھے اجازت دیں گے کہ میں اپنے والدین کے پاس جاؤں؟ حضرت عائشہ رضی اللہ تعالیٰ عنہا نے بتایا کہ میرا ارادہ یہ تھا کہ میں اپنے والدین سے اس خبر کی تصدیق اور تحقیق کروں حضرت عائشہ رضی اللہ تعالیٰ عنہا نے بتایا: پس رسول اللہ ﷺ نے مجھے اجازت دے دی میں نے اپنی والدہ سے پوچھا: اے اماں جان ! لوگ یہ کیسی باتیں بنا رہے ہیں؟ میری والدہ نے کہا: اے میری بیٹی! آسانی سے رہو اور اپنے اوپر بوجھ نہ ڈالو پس اللہ کی قسم! بہت کم ایسا ہوتا ہے کہ کوئی خوب صورت عورت ہو اور اس کا شوہر اس سے محبت کرتا ہو اور اس کی سوکنیں بھی ہوں مگر اس کی سوکنیں اس پر غالب آجاتی ہیں، حضرت عائشہ رضی اللہ تعالیٰ عنہا نے بتایا: پس میں نے کہا: سبحان اللہ! کیا واقعی لوگوں نے ایسی باتیں کی ہیں، حضرت عائشہ رضی اللہ تعالیٰ عنہا نے بتایا: میں اس رات تمام رات روتی رہی حتی کہ میرے آنسو رکتے نہیں تھے اور میں نیند کواپنی آنکھوں کا سرمہ نہ بناسکی پھر میں نے روتے روتے صبح کی حضرت عائشہ رضی اللہ تعالیٰ عنہا نے بتایا: اور رسول اللہ صلی اللّٰہ علیہ وسلم نے حضرت علی بن ابی طالب اور حضرت اسامہ بن زید رضی اللہ تعالٰی عنہما کو بلایا جب نزول وحی میں تاخیر ہو چکی تھی، آپ نے ان دونوں سے سوال کیا اور ان سے اپنی اہلیہ کو چھوڑ نے کے متعلق مشورہ کیا حضرت عائشہ رضی اللہ تعالیٰ عنہا نے بتایا کہ رہے حضرت اسامہ رضی اللہ عنہ تو انہوں نے اس کا مشورہ دیا جس کا رسول اللہ ﷺ کوعلم تھا کہ آپ کی اہلیہ اس تہمت سے بری ہیں اور جس کے متعلق انہیں آپ کی محبت کا علم تھا پس حضرت اسامہ رضی اللہ عنہ نے کہا: یہ آپ کی اہلیہ ہیں اور ہمیں ان کے متعلق نیکی اور پاکیزگی کے سوا اور کسی چیز کا علم نہیں اور رہے حضرت علی رضی اللہ عنہ تو انہوں نے کہا: یا رسول اللہ صلی اللّٰہ علیہ وسلم !اللہ تعالی نے آپ پر تنگی نہیں کی ہے اور ان کے سوا اور بہت عورتیں ہیں اور آپ ان کی خادمہ سے پوچھیں وہ آپ کو سچ سچ بتاۓ گی پس رسول اللہ ﷺ نے حضرت بریرہ کو بلایا اور پوچھا: کیا تم نے ایسی کوئی بات دیکھی جو تم کو (ان کے متعلق شک میں ڈالے؟ تب حضرت بریرہ نے کہا: اس ذات کی قسم جس نے آپ کو دین حق دے کر بھیجا ہے! میں نے ان پر کبھی کوئی ایسی چیز نہیں دیکھی جو ان کو عیب لگاۓ ماسوا اس کے کہ وہ کم سن لڑکی ہیں، اپنے گھر کا آٹا گوندھتے ہوۓ سو جاتی ہیں اور بکری آکر آٹا کھا جاتی ہے پس رسول اللہ صلی اللّٰہ علیہ وسلم اسی دن( منبر پر) کھڑے ہوۓ اور عبداللہ بن اُبی کے معاملہ میں صحابہ سے مدد طلب کی، پس آپ نے منبر پر فرمایا: اے مسلمانو کی جماعت! اس شخص کے معاملہ میں میری کون مدد کرے گا جس کی میری اہلیہ کے متعلق ایذاء رسانی کی خبر مجھے پہنچی ہے؟ اور اللہ کی قسم! میں نے اپنی اہلیہ کے متعلق نیکی اور پارسائی کے سوا کچھ نہیں جانا اور انہوں نے اس مرد کا ذکر کیا ہے جس کے متعلق مجھے نیکی کے سوا اور کسی بات کا علم نہیں وہ جب بھی میری اہلیہ کے پاس گیا تو میں اس کے ساتھ تھا حضرت عائشہ رضی اللہ تعالیٰ عنہا نے بتایا: پس حضرت سعد بن معاذ رضی اللہ عنہ کھڑے ہوۓ جو بنو عبد الاشہل کے بھائی ہیں سو انہوں نے کہا: یارسول اللہ صلی اللّٰہ علیہ وسلم ! میں آپ کی مدد کروں گا۔ پس اگر وہ شخص اوس سے ہے تو میں اس کی گردن ماردوں گا اور اگر وہ ہمارے خزرج بھائیوں میں سے ہے تو آپ اس کے متعلق ہمیں حکم دیں ہم آپ کے حکم پرعمل کریں گئے حضرت عائشہ رضی اللہ تعالیٰ عنہا نے بتایا: پھر خزرج میں سے ایک مرد کھڑا ہوا حضرت حسان رضی اللہ عنہ کی ماں اس کی بیٹی تھی اور وہ حضرت سعد بن عبادہ رضی اللہ عنہ تھے اور وہ خزرج کے سردار تھے حضرت عائشہ رضی اللہ تعالیٰ عنہا نے بتایا: وہ اس سے پہلے نیک مرد تھے لیکن ان کو ان کے قبیلہ کے تعصب نے ابھارا انہوں نے حضرت سعد بن معاذ رضی اللہ عنہ سے کہا: اللہ کی ذات کی قسم ! تم نے جھوٹ بولا تم اس کو قتل نہیں کرو گے اور نہ تم اس کوقتل کرنے پر قادر ہو گے اور اگر وہ تمہارے قبیلہ سے ہوا تو تم یہ پسند نہیں کرو گے کہ اس کو قتل کیا جاۓ پھر حضرت اسید بن حضیر کھڑے ہوۓ اور وہ حضرت سعد بن معاذ کے چچازاد بھائی تھے انہوں نے حضرت سعد بن عبادہ سے کہا: تم نے جھوٹ بولا مجھے اللہ کی ذات کی قسم ! ہم اس کو ضرور قتل کر دیں گے سوتم ضرور منافق ہو اور منافقوں کی حمایت کر رہے ہو حضرت عائشہ رضی اللہ تعالیٰ عنہا نے بتایا: پس اوس اور خزرج دونوں قبیلے جوش میں آ گئے حتی کہ انہوں نے لڑنے کا ارادہ کیا اور رسول اللہ صلی اللّٰہ علیہ وسلم منبر پر کھڑے ہوئے تھے حضرت عائشہ رضی اللہ تعالیٰ عنہا نے بتایا کہ پس رسول اللہ صلی اللّٰہ علیہ وسلم ان کو مسلسل ٹھنڈا کرتے رہے حتی کہ وہ خاموش ہو گئے حضرت عائشہ رضی اللہ تعالیٰ عنہا نے بتایا کہ میں اس پورے دن میں روتی رہی میرے آنسو رکتے نہیں تھے اور میں نیند کو سرمہ نہ بناسکی حتی کہ میں نے گمان کیا کہ روتے روتے میرا جگر شق ہو جاۓ گا پس جس وقت میرے والدین میرے پاس بیٹھے ہوۓ تھے اور میں رو رہی تھی تو انصار کی ایک عورت نے اجازت طلب کئی سو میں نے اس کو اجازت دی وہ بھی بیٹھ کر میرے ساتھ رونے لگی حضرت عائشہ رضی اللہ تعالیٰ عنہا نے بتایا: جس وقت ہم اس حال میں تھے رسول اللہ صلی اللّٰہ علیہ وسلم ہمارے پاس تشریف لے آۓ آپ نے سلام کیا پھر بیٹھ گئے حضرت عائشہ رضی اللہ تعالیٰ عنہا نے بتایا: جب سے یہ تہمت لگائی گئی تھی آپ میرے پاس نہیں بیٹھے تھے اور ایک مہینہ گزر چکا تھا اور آپ پر کوئی وحی نازل نہیں ہوئی تھی حضرت عائشہ رضی اللہ تعالیٰ عنہا نے بتایا: جب رسول اللہ صلی اللّٰہ علیہ وسلم بیٹھے تو آپ نے کلمہ شہادت پڑھا پھر آپ نے فرمایا: اللہ تعالی کی حمد وثناء کے بعد واضح ہو کہ اے عائشہ! مجھے تمہارے متعلق ایسی اور ایسی خبر پہنچی ہے اگر تم بے قصور ہوتو اللہ تعالی عنقریب تمہاری پاک دامنی ظاہر فرما دے گا اور اگر (بالفرض) تم سے کوئی گناہ سرزد ہو گیا ہے تو تم اللہ تعالی سے استغفار کرو اور اس سے توبہ کرو کیونکہ جب بندہ گناہ کا اعتراف کر لیتا ہے پھر تو بہ کرتا ہے تو اللہ تعالی اس کی توبہ قبول فرمالیتا ہے حضرت عائشہ رضی اللہ تعالیٰ عنہا نے بتایا کہ جب رسول اللہ صلی اللّٰہ علیہ وسلم نے اپنی بات مکمل کر لی تو میرے آنسو رک گئے حتی کہ میں نے آنسو کا ایک قطرہ بھی محسوس نہیں کیا پس میں نے اپنے والد سے کہا: آپ رسول اللہ صلی اللّٰہ علیہ وسلم کو میری طرف سے ان باتوں کا جواب دیں جو آپ نے فرمائی ہیں، پس میرے والد نے کہا: اللہ کی قسم! میں نہیں جانتا کہ میں رسول اللہ صلی اللّٰہ علیہ وسلم سے کیا کہوں پھر میں نے اپنی والدہ سے کہا: آپ رسول اللہ صلی اللّٰہ علیہ وسلم کو ان باتوں کا جواب دیں سومیری والدہ نے کہا: میں نہیں جانتی کہ میں رسول اللہ صلی اللّٰہ علیہ وسلم سے کیا کہوں پس میں نے جواب دیا حالانکہ میں کم عمر لڑ کی تھی اور بہت زیادہ قرآن نہیں پڑھتی تھی( میں نے کہا:) اللہ کی قسم! بے شک میں نے جان لیا ہے کہ آپ لوگوں نے جو بات سنی ہے حتی کہ وہ بات آپ لوگوں کے دلوں میں جم گئی ہے اور آپ لوگوں نے اس کی تصدیق کر دی ہے پس اگر میں آپ لوگوں سے یہ کہوں کہ میں بے قصور ہوں تو آپ لوگ میری تصدیق نہیں کریں گے اور اگر میں آپ لوگوں سے اس تہمت کا اعتراف کرلوں اور اللہ تعالی خوب جانتا ہے کہ میں اس تہمت سے بری ہوں تو آپ لوگ ضرور میری تصدیق کریں گئے، پس اللہ کی قسم! میں اپنے اور آپ لوگوں کے درمیان صرف حضرت یعقوب علیہ السلام کی مثال پاتی ہوں جب انہوں نے فرمایا تھا: تو اب صبر ہی اچھا ہے اور جو کچھ تم ظاہر کرتے ہو اس پر میں اللہ سے ہی مدد طلب کرتا ہوں (یوسف: ۱۸) پھر میں اس جگہ سے اٹھی اور اپنے بستر پر لیٹ گئی اور اللہ خوب جانتا ہے کہ میں اس تہمت سے بری تھی اور بے شک اللہ میرے اس تہمت سے بری ہونے کو ظاہر فرمانے والا ہے اور لیکن اللہ کی قسم! میرا یہ گمان نہیں تھا کہ اللہ تعالی میرے متعلق ایسی وحی نازل فرماۓ گا جس کی تلاوت کی جاۓ گی اور میں اپنے دل میں اپنے آپ کو اس سے کم تر خیال کرتی تھی کہ اللہ تعالی میرے متعلق کلام فرماۓ لیکن میں یہ امید رکھتی تھی کہ اللہ تعالیٰ رسول اللہ صلی اللّٰہ علیہ وسلم کو نیند میں کوئی ایسا خواب دکھا دے گا جس سے اللہ تعالی اس تہمت سے میری براءت کو ظاہر فرما دے گا۔ پس اللہ کی قسم ! ابھی رسول اللہ صلی اللّٰہ علیہ وسلم نے اپنی مجلس کا ارادہ نہیں کیا تھا اور نہ گھر والوں میں سے کوئی باہر نکلا تھا حتی کہ نبی کریم صلی اللّٰہ علیہ وسلم پر وحی نازل ہوئی اور آپ پر وہ کیفیت طاری ہوئی جو وحی کی شدت میں طاری ہوتی تھی اور آپ کے چہرے سے پسینہ کے قطرے موتیوں کی طرح گرنے لگے حالانکہ وہ سخت سردی کا دن تھا اور یہ شدت اس قول کے ثقل کی وجہ سے تھی جو آپ پر نازل ہوا تھا حضرت عائشہ رضی اللہ تعالیٰ عنہا نے بتایا کہ پھر رسول اللہ صلی اللّٰہ علیہ وسلم سے وہ شدت کی کیفیت دور ہوگئی اور آپ ( خوشی سے ) ہنس رہے تھے سو پہلی بات جو آپ نے اس وقت فرمائی وہ یہ تھی کہ آپ نے فرمایا: اے عائشہ! سنو! اللہ تعالیٰ نے تم کو بری کر دیا ہے حضرت عائشہ رضی اللہ تعالیٰ عنہا نے بتایا: پس میری والدہ نے مجھ سے کہا: تم رسول اللہ صلی اللّٰہ علیہ وسلم کی طرف کھڑی ہو میں نے کہا: نہیں! اللہ کی قسم! میں آپ کی طرف کھڑی نہیں ہوں گی پس بے شک میں صرف اللہ عز وجل کی حمد وثناء کروں گی اور اللہ تعالی نے سورہ نور کی دس آیتیں نازل فرمائیں: بے شک جو لوگ ( عائشہ صدیقہ پر کھلا بہتان لاۓ (وہ) تم میں سے ایک گروہ ہے ( یہ آیات النور : ۲۰۔۱۱) تک ہیں پھر اللہ تعالی نے یہ آیات میری براءت میں نازل فرمائی ہیں،حضرت ابوبکر صدیق رضی اللہ عنہ نے مسطح بن اثاثہ پر اس کے ساتھ قرابت اور اس کے فقر کی وجہ سے خرچ کرتے تھے انہوں نے کہا: اللہ کی قسم ! اس واقعہ کے بعد میں اب کبھی بھی مسطح پر کوئی چیز خرچ نہیں کروں گا حضرت عائشہ رضی اللہ تعالیٰ عنہا نے بتایا کہ پھر اللہ تعالی نے یہ آیت نازل فرمائی: اور تم میں سے جو لوگ صاحب فضل اور وسعت والے ہیں وہ اس بات کی قسم نہ کھائیں کہ وہ اپنے رشتہ داروں پر خرچ نہیں کر یں گے......اے ایمان والو! کیا تم یہ پسند نہیں کرتے کہ اللہ تم کو بخش دے۔ ( التور:۲۲) تب حضرت ابوبکر صدیق رضی اللہ عنہ نے کہا: کیوں نہیں! اللہ کی قسم ! میں یہ پسند کرتا ہوں کہ اللہ مجھے بخش دے! پھر انہوں نے حضرت مسطح پر حسب سابق خرچ دینے کی طرف رجوع کر لیا اور کہا: اللہ کی قسم! میں کبھی بھی ان سے خرچ نہیں روکوں گا حضرت عائشہ رضی اللہ تعالیٰ عنہا نے بتایا کہ رسول اللہ ﷺ نے حضرت زینب بنت بخش رضی اللہ تعالٰی عنہا سے میرے متعلق سوال کیا، پس حضرت زینب سے پوچھا: تم کو کیا علم ہے؟ یا فرمایا: تم نے کیا دیکھا ہے؟ انہوں نے کہا: یارسول اللہ ! میں اپنے کان اور اپنی آنکھ کی حفاظت کرتی ہوں اور اللہ کی قسم! مجھے ان کے متعلق سواۓ نیکی کے اور کسی بات کا علم نہیں حضرت عائشہ رضی اللہ تعالیٰ عنہا نے بتایا: اور یہی وہ سوکن تھیں جو نبی کریم صلی اللّٰہ علیہ وسلم کی تمام ازواج میں سے میری ٹکر کی تھیں سو اللہ تعالی نے ان کے تقوی کی وجہ سے ان کو محفوظ رکھا اور ان کی بہن حضرت حمنہ رضی اللہ تعالٰی عنہا ان کی خاطر لڑیں سو وہ بھی ہلاک ہونے والوں کے ساتھ ہلاک ہو گئیں۔ابن شہاب نے کہا: سو یہ وہ حدیث ہے جو ان راویوں سے مجھ تک پہنچی ہے پھر عروہ نے کہا: حضرت عائشہ رضی اللہ تعالیٰ عنہا نے بتایا کہ اللہ کی قسم! جس مرد کے ساتھ مجھے تہمت لگائی گئی تھی ( حضرت صفوان بن معطل رضی اللہ عنہ) وہ یہ کہتے : سبحان اللہ! اس ذات کی قسم جس کے قبضہ و قدرت میں میری جان ہے! میں نے آج تک کسی عورت کا پردہ نہیں کھولا (یعنی ابھی تک ان کی شادی نہیں ہوئی تھی ) حضرت عائشہ رضی اللہ تعالیٰ عنہا نے بتایا کہ پھر وہ اللہ کی راہ میں شہید ہو گئے ۔ (بخاری شریف ،كِتَابٌ : الْمَغَازِي. | بَابٌ : حَدِيثُ الْإِفْكِ,حدیث نمبر ٤١٤١)
الزہری بیان کرتے ہیں کہ مجھ سے الولید بن عبدالملک نے کہا: کیا تمہیں یہ خبر پہنچی ہے کہ حضرت علی رضی اللہ عنہ ان لوگوں میں سے تھے جنہوں نے حضرت عائشہ رضی اللہ تعالیٰ عنہا پر بدکاری کی تہمت لگائی تھی میں نے کہا: نہیں! لیکن مجھے تمہاری قوم کے دو آدمیوں نے خبر دی ہے ابوسلمہ بن عبدالرحمان نے اور ابوبکر بن عبدالرحمان بن الحارث نے کہ حضرت عائشہ رضی اللہ تعالیٰ عنہا نے بتایا کہ حضرت علی رضی اللہ عنہ اس معاملہ میں بالکل خاموش رہنے والے تھے۔ پس لوگوں نے اس مسئلہ میں زہری سے رجوع کیا تو انہوں نے اس کے سوا کوئی اور جواب نہیں دیا اور بتایا کہ حضرت عائشہ رضی اللہ تعالیٰ عنہا نے بلا شک حضرت علی رضی اللہ عنہ کو مسلماً(یعنی تسلیم کرنے والے اور خاموش رہنے والے )کہا تھا اور وہ اس پر قائم رہے اور ان کی پرانی اصل میں بھی اسی طرح لکھا ہوا ہے(یعنی’مسلما‘ لکھا ہوا تھا)۔ (بخاری شریف ،كِتَابٌ : الْمَغَازِي. | بَابٌ : حَدِيثُ الْإِفْكِ،حدیث نمبر ٤١٤٢) علامہ بدرالدین محمود بن احمد عینی متوفی ۸۵۵ھ لکھتے ہیں:ولید بن عبدالملک مروان کا پوتا تھا' یہ لوگ بنوامیہ میں سے تھے اور ناصبی تھے اور حضرت علی رضی اللہ عنہ سے بغض رکھتے تھے اس لیے ہشام بن یوسف نے ولید کی خوشامد کرتے ہوۓ اس کا قرب حاصل کرنے کے لیے کہا کہ حضرت عائشہ رضی اللہ تعالیٰ عنہا نے کہا تھا کہ حضرت علی رضی اللہ عنہ ان لوگوں میں سے تھے جنہوں نے مجھ پر بدکاری کی تہمت لگائی تھی اور وہ میرے ساتھ مسینا (برائی کرنے والے تھے)۔ صاحب التوضیح نے کہا: یہ روایت بعید ہے۔ اس کی بنیاد یہ تھی کہ جب رسول اللہ صلی اللّٰہ علیہ وسلم نے صحابہ سے اس تہمت کے متعلق تفتیش کی تو حضرت علی رضی اللہ عنہ نے حضرت اسامہ رضی اللہ عنہ کی طرح یہ نہیں کہا کہ وہ آپ کی اہلیہ ہیں اور ہم ان کے متعلق سواۓ خیر کے اور کچھ نہیں جانتے بلکہ یہ کہا کہ آپ پر اللہ تعالی نے تنگی تو نہیں کی اور حضرت عائشہ رضی اللہ تعالیٰ عنہا کے علاوہ اور بہت عورتیں ہیں(یعنی جس عورت پر تہمت لگ چکی ہے اس کو اپنے نکاح میں رکھنے کی آپ کو کیا ضرورت ہے)اس وجہ سے ناصبیہ کوموقع ملا اور انہوں نے یہ حدیث گھٹر لی کہ حضرت علی رضی اللہ عنہ ان لوگوں میں سے تھے جنہوں نے حضرت عائشہ رضی اللہ تعالیٰ عنہا پر بدکاری کی تہمت لگائی تھی اور حضرت عائشہ رضی اللہ تعالیٰ عنہا نے کہا تھا کہ حضرت علی رضی اللہ عنہ میرے ساتھ مسینا (برائی کرنے والے تھے)۔ اللہ تعالی امام زہری کو جزا دے! انہوں نے بتایا کہ حضرت عائشہ رضی اللہ تعالیٰ عنہا نے کہا تھا کہ حضرت علی رضی اللہ عنہ اس معاملہ میں مسلما( خاموش رہنے والے تھے ) اور حضرت عائشہ رضی اللہ تعالیٰ عنہا نے کہا تھا کہ اس تہمت کا بانی عبداللہ بن اُبی تھا اور وہ میرے ساتھ مسینا (برائی کرنے والے تھا) اور یوں زہری نے حضرت علی رضی اللہ عنہ سے یہ اعتراض دور کر دیا اور بتا دیا کہ حضرت عائشہ رضی اللہ تعالیٰ عنہا نے حضرت علی رضی اللہ عنہ کے لیے مسینا “ کا لفظ نہیں کہا تھا بلکہ عبداللہ بن ابیُ کے لیے کہا تھا۔ (عمدۃ القاری ج ۱۷ص۲۸۰ موضحاً دارالکتب العلمیہ بیروت ۱۴۳۹ھ )
مسروق بن الاجدع نے حدیث بیان کی انہوں نے کہا: مجھے ام رومان نے حدیث بیان کی اور وہ حضرت عائشہ رضی اللہ تعالیٰ عنہا کی والدہ ہیں، انہوں نے بتایا کہ میں اور حضرت عائشہ رضی اللہ تعالیٰ عنہا بیٹھی ہوئی تھیں اس وقت انصار کی ایک عورت داخل ہوئی اس نے کہا: اللہ تعالی فلاں کے ساتھ ایسا کرے اور فلاں کے ساتھ ایسا کرے تو حضرت ام رومان نے کہا: اس کی کیا وجہ ہے؟ تو اس نے بتایا کہ میرا بیٹا ان لوگوں میں سے ہے جس نے یہ (تہمت کی بات کی ہے حضرت ام رومان نے پوچھا: وہ (تہمت ) کیا ہے؟ تو اس نے بتایا: وہ اس طرح اس طرح ہے حضرت عائشہ رضی اللہ تعالیٰ عنہا نے پوچھا: کیا رسول اللہ صلی اللّٰہ علیہ وسلم نے یہ بات سن لی ہے؟ اس نے کہا: ہاں! حضرت عائشہ رضی اللہ تعالیٰ عنہا نے پوچھا اور حضرت ابوبکر رضی اللہ عنہ نے ؟ اس نے کہا: ہاں! تب حضرت عائشہ رضی اللہ تعالیٰ عنہا بے ہوش ہو گئیں پھر ان کو جب ہوش آیا تو ان کو کپکپی والا بخار چڑھا ہوا تھا، پس میں نے ان کے اوپر ان کے کپڑے ڈال دیئے اور میں نے ان کو ڈھانپ دیا۔ پس اس وقت نبی کریم صلی اللّٰہ علیہ وسلم آ گئے آپ نے پوچھا: اس کو کیا ہوا ہے؟ میں نے کہا: یارسول اللہ! اس کو کپکپی والا بخار چڑھ گیا ہے آپ نے فرمایا: شاید اس نے وہ بات سن لی ہے جو کہی جارہی ہے انہوں نے کہا: جی ہاں! پھر حضرت عائشہ رضی اللہ تعالیٰ عنہا اٹھ کر بیٹھ گئیں اور انہوں نے کہا: اللہ کی قسم ! اگر میں (اپنی پاک دامنی پر قسم کھاؤں تو آپ لوگ میری تصدیق نہیں کریں گے اور اگر میں کہوں میں نے ایسا نہیں کیا تو آپ لوگ میرا عذر نہیں سنیں گے میری اور آپ لوگوں کی مثال تو حضرت یعقوب علیہ السلام اور ان کے بیٹوں کی طرح ہے انہوں نے کہا تھا: تم جو کچھ کہہ ر ہے ہو اس پر اللہ سے ہی مدد طلب کی گئی ہے (یوسف:۱۸) حضرت ام رومان نے بتایا پھر آپ واپس گئے اور آپ نے کوئی بات نہیں فرمائی تب اللہ تعالی نے حضرت عائشہ رضی اللہ تعالیٰ عنہا کا عذر نازل فرمایا تو حضرت عائشہ رضی اللہ تعالیٰ عنہا نے کہا: ( سب سے پہلے) اللہ تعالی کی حمد ہے کسی اور کی حمد نہیں ہے اور نہ آپ کی (سب سے پہلے) حمد ہے۔ (بخاری شریف ،كِتَابٌ : الْمَغَازِي. | بَابٌ : حَدِيثُ الْإِفْكِ،حدیث نمبر ٤١٤٣)
ابن ابی ملیکہ سے مروی ہے کہ انہوں نے حضرت عائشہ رضی اللہ تعالیٰ عنہا سے روایت کی کہ حضرت عائشہ رضی اللہ تعالیٰ عنہا پڑھتی تھیں:اذ تلقونه بالسنتكم(النور:۱۵) اور کہتی تھیں: ”الولق‘ کا معنی جھوٹ ہے۔ ابن ابی ملیکہ نے کہا: وہ دوسروں سے زیادہ اس آیت کی قراءت کو جانے والی تھیں کیونکہ یہ آیت ان کے متعلق نازل ہوئی تھی۔ (بخاری شریف ، كِتَابٌ : الْمَغَازِي. | بَابٌ : حَدِيثُ الْإِفْكِ،حدیث نمبر ٤١٤٤)
ہشام از والد خود وہ بیان کرتے ہیں کہ میں حضرت عائشہ رضی اللہ تعالیٰ عنہا کے پاس حضرت حسان رضی اللہ عنہ کو برا کہہ رہا تھا تو حضرت عائشہ رضی اللہ تعالیٰ عنہا نے فرمایا: اس کو برا نہ کہو کیونکہ وہ رسول اللہ صلی اللّٰہ علیہ وسلم کی طرف سے مدافعت کرتے تھے اور حضرت عائشہ رضی اللہ تعالیٰ عنہا نے بتایا کہ انہوں نے نبی کریم صلی اللّٰہ علیہ وسلم سے مشرکین کی ہجو کرنے کی اجازت طلب کی تو آپ نے پوچھا: پھر میرے نسب کا کیا ہوگا؟ حضرت حسان رضی اللہ عنہ نے کہا: میں آپ کو ان کے درمیان سے اس طرح نکال لوں گا جس طرح گوندھے ہوۓ آٹے سے بال نکال لیا جا تا ہے۔ اور محمد بن عقبہ نے کہا: اور ہمیں عثمان بن فرقد نے حدیث بیان کی انہوں نے کہا: میں نے ہشام سے سنا از والد خود وہ بیان کرتے ہیں کہ میں نے حضرت حسان رضی اللہ عنہ کو برا کہا اور وہ ان لوگوں میں سے تھے جنہوں نے حضرت عائشہ رضی اللہ تعالیٰ عنہا پر بہت زیادہ تہمت لگائی تھی۔ (بخاری شریف ، كِتَابٌ : الْمَغَازِي. | بَابٌ : حَدِيثُ الْإِفْكِ،حدیث نمبر ٤١٤٥)
مسروق بیان کرتے ہیں کہ ہم حضرت عائشہ رضی اللہ تعالیٰ عنہا کی خدمت میں حاضر ہوۓ اور ان کے پاس حضرت حسان بن ثابت رضی اللہ عنہ بھی بیٹھے تھے اور وہ ایسے اشعار پڑھ رہے تھے جن میں انہوں نے تشبیب کی تھی انہوں نے کہا: پاک دامن باوقار خواتین جو کسی کی عیب جوئی سے متہم نہیں ہیں وہ صبح کو غافل عورتوں کا گوشت کھانے سے بھوکی اٹھتی ہیں۔ تب حضرت عائشہ رضی اللہ تعالیٰ عنہا نے حضرت حسان رضی اللہ تعالٰی عنہا سے کہا لیکن تم تو اس طرح نہیں تھے ۔ مسروق نے بتایا : میں نے حضرت عائشہ رضی اللہ تعالیٰ عنہا سے کہا: آپ ان کو اپنے پاس آنے کی اجازت کیوں دیتی ہیں ! حالانکہ اللہ تعالی نے ارشادفرمایا ہے : اور ان میں سے جس نے اس ( بہتان ) میں سب سے بڑا حصہ لیا اس کے لیے بہت بڑا عذاب ہے ( النور ۱۱) حضرت عائشہ رضی اللہ تعالیٰ عنہا نے فرمایا: اندھے ہوجانے سے بڑا اور کون سا عذاب ہوگا ! حضرت عائشہ رضی اللہ تعالیٰ عنہا نے فرمایا: وہ رسول اللہ ﷺ کی طرف سے مدافعت کرتے تھے یا رسول اللہ صلی اللّٰہ علیہ وسلم کی طرف سے(مشرکین کی) ہجوکر تے تھے ۔ (بخاری شریف ،كِتَابٌ : الْمَغَازِي. | بَابٌ : حَدِيثُ الْإِفْكِ،حدیث نمبر ٤١٤٦)
باب:غزوۃ الحدیبیہ کا بیان۔ اور اللہ تعالی کا ارشاد ہے: اللہ مؤمنین سے راضی ہوگیا جب وہ درخت کے نیچے آپ سے بیعت کر رہے تھے۔ (الفتح: ۱۸) حضرت زید بن خالد رضی اللہ عنہ بیان کرتے ہیں کہ ہم رسول اللہ صلی اللّٰہ علیہ وسلم کے ساتھ الحدیبیہ کے سال نکلے پس ایک رات ہم پر بارش ہوئی سو رسول اللہ صلی اللّٰہ علیہ وسلم نے ہم کو صبح کی نماز پڑھائی پھر آپ نے ہماری طرف منہ کیا اور فرمایا: کیا تم جانتے ہو کہ تمہارے رب نے کیا فرمایا ہے؟ ہم نے عرض کیا: اللہ اور اس کے رسول کو ہی زیادہ علم ہے تب آپ نے بتایا کہ اللہ تعالی نے فرمایا: میرے بندوں نے اس حال میں صبح کی کہ بعض مجھ پر ایمان لانے والے ہیں اور بعض میرا کفر کرنے والے ہیں پس رہے وہ لوگ جنہوں نے کہا: اللہ کی رحمت اور اللہ کی عطاء سے اور اللہ کے فضل سے ہم پر بارش ہوئی ہے تو وہ مجھ پر ایمان لانے والے ہیں اور ستارے کا کفر کرنے والے ہیں اور ر ہے وہ لوگ جنہوں نے کہا کہ فلاں ستارے کی وجہ سے ہم پر بارش ہوئی ہے وہ ستارے پر ایمان رکھنے والے ہیں اور میرا کفر کر نے والے ہیں ۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٤٧)
قتادہ سے روایت ہے کہ حضرت انس رضی اللہ عنہ نے ان کو خبر دی کہ رسول اللہ صلی اللّٰہ علیہ وسلم نے چار عمرے کیے اور وہ سب ذوالقعدہ میں کیے تھے سوا اس عمرہ کے جو آپ کے حج کے ساتھ تھا' (وہ چار عمرے یہ ہیں:) ذوالقعدہ میں حدیبیہ سے عمرہ کیا ذوالقعدہ میں آئندہ سال عمرہ کیا ذوالقعدہ میں الجعرانہ سے عمرہ کیا جہاں آپ نے غزوہ حنین کے مال غنیمت کو تقسیم کیا تھا اور وہ عمرہ جو آپ کے حج کے ساتھ تھا۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٤٨)
عبداللہ بن ابی قتادہ وہ بیان کرتے ہیں کہ ان کے والد نے ان کو حدیث بیان کی انہوں نے بتایا کہ ہم حدیبیہ کا سال نبی کریم ﷺ کے ساتھ روانہ ہوۓ سو آپ کے اصحاب نے احرام باندھا اور میں نے احرام نہیں باندھا تھا۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٤٩)
حضرت البراء رضی اللہ عنہ نے کہا: تم لوگ فتح مکہ کو فتح شمار کرتے ہو اور بے شک مکہ کی فتح بھی فتح تھی اور ہم حدیبیہ کے دن بیعت الرضوان کو فتح شمار کرتے ہیں ہم نبی کریم صلی اللّٰہ علیہ وسلم کے ساتھ چودہ سو اصحاب تھے اور حدیبیہ ایک کنواں تھا ہم نے اس کا تمام پانی نکال لیا سو ہم نے اس میں ایک قطرہ بھی نہیں چھوڑا پس نبی کریم صلی اللّٰہ علیہ وسلم تک یہ خبر پہنچی آپ اس کنویں پر آۓ اور اس کی منڈیر پر بیٹھ گئے پھر آپ نے ایک برتن میں پانی منگایا پھر آپ نے کلی کی اور دعا کی پھر آپ نے اس کنویں میں وہ پانی ڈال دیا تھوڑی دیر ہم نے اس کنویں کو یونہی رہنے دیا پھر اس کے بعد ہم نے جتنا چاہا اس کنویں سے پانی پیا اور اپنی سواریوں کو پلایا۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٠)
حضرت البراء بن عازب رضی اللہ عنہ نے خبر دی کہ بے شک حدیبیہ کے دن رسول اللہ صلی اللّٰہ علیہ وسلم کے ساتھ چودہ سو یا اس سے زیادہ اصحاب تھے پس وہ ایک کنویں کے پاس اترے اور اس کا (سارا) پانی نکال لیا پھر وہ رسول اللہ صلی اللّٰہ علیہ وسلم کے پاس آۓ ( اور آپ کو بتایا) پس آپ کنویں پر آۓ اور اس کے منڈیر پر بیٹھ گئے پھر آپ نے فرمایا: میرے پاس ایک ڈول میں اس کا پانی لاؤ آپ کے پاس پانی لایا گیا آپ نے اس میں اپنا لعاب دہن ڈالا پھر دعا کی پھر فرمایا: اس کو تھوڑی دیر چھوڑ دو پھر صحابہ خود بھی پانی سے سیراب ہوۓ اور اپنی سواریوں کو بھی سیراب کیا حتی کہ وہ روانہ ہوۓ۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥١)
حضرت جابر رضی اللہ عنہ بیان کرتے ہیں کہ حدیبیہ کے دن لوگ پیاسے تھے۔ اور رسول اللہ صلی اللّٰہ علیہ وسلم کے سامنے پانی کا ڈول تھا آپ نے اس سے وضو کیا، پھر لوگوں نے آپ کی طرف منہ کیا۔ پس رسول اللہ ﷺ نے پوچھا: تمہیں کیا ہوا ہے؟ انہوں نے کہا: یارسول اللہ! ہمارے پاس وضوء کرنے کے لیے پانی نہیں ہے اور نہ پینے کے لیے پانی ہے سوا اس پانی کے جو آپ کے ڈول میں ہے تب نبی ﷺ نے اپنا ہاتھ ڈول میں رکھا تو آپ کی انگلیوں کے درمیان پانی اس طرح جوش سے نکلنے لگا جیسے چشموں سے نکلتا ہے حضرت جابر رضی اللہ عنہ نے کہا: پھر ہم نے پانی پیا اور وضوء کیا، میں نے حضرت جابر رضی اللہ عنہ سے پوچھا: آپ لوگ اس دن کتنے تھے؟ انہوں نے بتایا کہ اگر ہم ایک لاکھ بھی ہوتے تو وہ پانی ہمیں کافی تھالیکن ہم پندرہ سو تھے ۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٢)
سعید نے قتادہ سے روایت کی وہ کہتے ہیں کہ میں نے سعید بن المسیب سے کہا: مجھے یہ حدیث پہنچی ہے کہ حضرت جابر بن عبداللہ رضی اللہ عنہ یہ کہتے تھے کہ (صحابہ) چودہ سو تھے تو مجھ سے سعید نے کہا: مجھے حضرت جابر نے یہ حدیث بیان کی کہ ہم پندرہ سو وہ صحابہ تھے جنہوں نے حدیبیہ کے دن نبی کریم صلی اللّٰہ علیہ وسلم سے بیعت کی ۔الصلت کی متابعت ابوداؤد نے کی ہے انہوں نے کہا: ہمیں قرۃ نے حدیث بیان کی از قتادہ کی متابعت محمد بن بشار نے کی انہوں نے کہا: ہمیں ابوداؤد نے حدیث بیان کی انہوں نے کہا: ہمیں شعبہ نے حدیث بیان کی ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٣)
حضرت جابر بن عبداللہ رضی اللہ عنہ نے بتایا کہ رسول اللہ صلی اللّٰہ علیہ وسلم نے حدیبیہ کے دن ہم سے فرمایا: تم روۓ زمین میں سب سے بہتر ہو اور ہم ایک ہزار اور چارسو تھے اور اگر آج میری بینائی ہوتی تو میں تم کو ( اس ) درخت کی جگہ دکھا تا ۔ اس کی متابعت الاعمش نے کی ہے انہوں نے سالم سے سنا، انہوں نے حضرت جابر رضی اللہ عنہ سے ایک ہزار چارسو ( ١٤٠٠) سنا۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٤)
عمرو بن مرۃ نے کہا: مجھے حضرت عبداللہ بن ابی اوفی رضی اللہ عنہ نے حدیث بیان کی انہوں نے بتایا کہ اصحاب الشجرۃ ایک ہزار اور تین سو تھے اور (قبیلہ) اسلم مہاجرین کا آٹھواں حصہ تھے ۔ عبیداللہ بن معاذ کی متابعت محمد بن بشار نے کی ہے انہوں نے کہا: ہمیں ابوداؤد نے حدیث بیان کی انہوں نے کہا: ہمیں شعبہ نے حدیث بیان کی ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٥)
مرداس اسلمی بیان کرتے ہیں اور وہ اصحاب الشجرۃ میں سے تھے: نیک لوگوں کی روح قبض کی جاتی رہے گی اول پس اول اور تلچھٹ ( بھوسی برادہ ) باقی رہ جاۓ گا جیسے کھجور اور جو کا کچرا ہوتا ہے اللہ ان کی بالکل پرواہ نہیں کرے گا (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٦) اس حدیث میں حفالہ کا لفظ ہے اس کا معنی ہے: ہر چیز میں سے بچا ہوا ردی حصہ یعنی کسی چیز کے اصل جو پر نکلنے کے بعد ردی حصہ جیسے آٹا چھاننے کے بعد بھوسی بچ جاتی ہے اسی طرح دنیا سے نیک لوگوں کے چلے جانے کے بعد جو بدکار اور بے کار لوگ باقی رہ جاتے ہیں ان کی اللہ عز وجل بالکل پرواہ نہیں فرماۓ گا ۔
مردان اور المسور بن مخرمہ ان دونوں نے بیان کیا کہ نبی کریم صلی اللّٰہ علیہ وسلم حدیبیہ کے سال ایک ہزار اور چند ( سو ) اصحاب کے ساتھ نکلے سو جب آپ ذوالحلیفہ میں پہنچے تو آپ نے اپنی قربانی کے جانور میں ہار ڈالا اور اشعار کیا( یعنی اس کے کوہان میں شکاف کیا)اور آپ اس سے محرم ہوگئے، میں شمار نہیں کر سکتا، میں نے یہ کتنی بارسفیان سے سنا ہے حتی کہ میں نے ان سے سنا وہ کہہ رہے تھے: مجھے زہری سے اشعار کرنا اور ہار ڈالنا یاد نہیں ہے سو میں اشعار اور قلادہ ڈالنے کی جگہ نہیں جانتا یا پوری حدیث نہیں جانتا۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٧،و حدیث نمبر ٤١٥٨)
حضرت کعب بن عجرہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے انہیں اس حال میں دیکھا کہ ان کے چہرہ پر جویں گر رہی تھیں آپ نے پوچھا: کیا تمہاری جویں تم کو تکلیف دے رہی ہیں؟ انہوں نے کہا: جی ہاں! تو رسول اللہ ﷺ نے ان کو حکم دیا کہ وہ اپنا سرمونڈ لیں اور وہ اس وقت الحدیبیہ میں تھے اور آپ نے ان سے یہ بیان نہیں کیا کہ وہ اس سے احرام سے باہر آجائیں گے اور ان کی یہ خواہش تھی کہ وہ مکہ میں داخل ہوں تب اللہ تعالی نے فدیہ دینے کا حکم نازل فرمایا تو ان کو رسول اللہ ﷺ نے یہ حکم دیا کہ وہ ایک فرق (آٹھ کلوگرام )طعام چھ مسکینوں کو کھلا دیں یا ایک بکری ذبح کر دیں یا تین دن کے روزے رکھیں ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٥٩)
زید بن اسلم از والد خود وہ بیان کرتے ہیں کہ میں حضرت عمر بن الخطاب رضی اللہ عنہ کے ساتھ بازار کی طرف نکلا پس حضرت عمر رضی اللہ عنہ سے ایک جوان عورت ملی پس اس نے کہا: اے امیرالمؤمنین! میرا خاوند فوت ہو گیا اور اس نے چند چھوٹی چھوٹی بچیاں چھوڑی ہیں اللہ کی قسم ! اب ان کے پاس بکری کے پاۓ ہیں کہ ان کو پکالیں نہ کھیت ہے نہ دودھ دینے والے جانور ہیں اور مجھے یہ ڈر ہے کہ وہ فقر اور فاقے سے مرجائیں گے اور میں حضرت خفاف بن ایماء الغفاری کی بیٹی ہوں اور میرے باپ حدیبیہ میں نبی کریم صلی اللّٰہ علیہ وسلم کے ساتھ حاضر تھے پس حضرت عمر رضی اللہ تعالٰی عنہ اس کے ساتھ کھڑے رہے اور آگے نہیں بڑھے پھر فرمایا: نسب قریب کے لیے مرحبا ہو! پھر وہ ایک قوی اونٹ کی طرف مڑے جو گھر میں بندھا ہوا تھا اور اس پر غلہ سے بھری ہوئی دو بوریاں لاد دیں اور ان بوریوں کے درمیان ضرورت کی چیزیں اور کپڑے رکھ دیئے اور اس اونٹ کی نکیل اس عورت کے ہاتھ میں دے دی پھر کہا: اس کو لے جاؤ اس کے ختم ہونے سے پہلے اللہ تعالی تمہیں اس سے بہتر مال دے دے گا ایک شخص نے کہا: اے امیرالمؤمنین! آپ نے تو اس کو بہت زیادہ دے دیا حضرت عمر رضی اللہ عنہ نے کہا: تجھ پر تیری ماں روۓ ! اللہ کی قسم! میں اس کے باپ اور بھائی کو دیکھ رہا ہوں انہوں نے ایک مدت تک ایک قلعہ کا محاصرہ کیا تھا پھر اس کو فتح کر لیا تھا، پھر ہم صبح کو اس کے مال فئے سے حصے نکال رہے تھے ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٠،و حدیث نمبر ٤١٦١)
قتادہ از سعید بن المسیب از والدخود وہ بیان کرتے ہیں کہ میں نے اس درخت کو دیکھا تھا، پھر بعد میں میں اس کے پاس آیا تو اس کو نہیں پہچان سکا ۔ امام ابوعبداللہ بخاری نے کہا: محمود نے بتایا کہ پھر بعد میں مجھے وہ درخت بھلا دیا گیا۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٢) اس درخت سے مراد وہ درخت ہے جس کے نیچے بیعت رضوان ہوئی تھی
طارق بن عبدالرحمان بیان کرتے ہیں کہ میں حج کرنے کے لیے گیا تو میں کچھ لوگوں کے پاس سے گزرا جو نماز پڑھ رہے تھے میں نے پوچھا: یہ کیسی مسجد ہے؟ انہوں نے بتایا: یہ وہ درخت ہے جہاں رسول اللہ صلی اللّٰہ علیہ وسلم نے بیعت رضوان کی تھی، پس میں سعید بن المسیب کے پاس گیا پس میں نے ان کو اس کی خبر دی تو سعید نے کہا: مجھے میرے والد نے حدیث بیان کی تو انہوں نے بتایا: وہ ان صحابہ میں سے تھے جنہوں نے اس درخت کے نیچے رسول اللہ صلی اللّٰہ علیہ وسلم سے بیعت کی تھی انہوں نے بتایا: پھر جب ہم اگلے سال گئے تو ہم اس درخت کو بھول گئے اور ہم (اس کو معین کرنے پر) قادر نہ ہوۓ تب سعید نے (طنز) کہا: سیدنا محمد صلی اللّٰہ علیہ وسلم کے اصحاب تو اس درخت کونہیں جانتے تھے اور تم نے اس درخت کو جان لیا، پس تم صحابہ سے زیادہ جاننے والے ہو! (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٣)
سعید بن المسیب از والد خود وہ بیان کرتے ہیں کہ بے شک وہ ان صحابہ میں سے تھے جنہوں نے درخت کے نیچے بیعت کی تھی پھر ہم اگلے سال لوٹے تو وہ درخت ہم سے مخفی ہو گیا۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٤)
طارق بیان کرتے ہیں کہ سعید بن المسیب کے سامنے اس درخت کا ذکر کیا گیا تو وہ ہنسے پس انہوں نے کہا کہ مجھے میرے والد نے خبر دی اور وہ ان صحابہ میں سے تھے جو حدیبیہ میں حاضر تھے۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٥) حضرت عمر رضی اللہ عنہ کے اس درخت کو کٹوانے کی توجیہ: حافظ شہاب الدین احمد بن علی بن حجر عسقلانی شافعی متوفی ۸۵۲ھ لکھتے ہیں: سعید بن المسیب نے ان لوگوں پر انکار کیا ہے جنہوں نے یہ کہا تھا کہ ہم نے اس درخت کو دیکھا ہے کیونکہ ان کے والد مسیب نے کہا تھا کہ اگلے سال ہم اس جگہ گئے تو ہم اس درخت کو نہیں پہچان سکے تاہم ان کا قول اس پر دلیل نہیں ہے کہ اس درخت کی معرفت بالکل اٹھالی گئی تھی کیونکہ اس سے پہلے امام بخاری نے حضرت جابر رضی اللہ عنہ کی یہ حدیث روایت کی: اگر آج میں بینا ہوتا تو میں تمہیں اس درخت کی جگہ دکھا دیتا۔ (صحیح البخاری:٤١٥٤) پس یہ حدیث اس پر دلیل ہے کہ حضرت جابر رضی اللہ عنہ کو اس درخت کی بعینہ جگہ منضبط اور محفوظ تھی اور جب اتناطویل عرصہ گزرجانے کے بعد حضرت جابر رضی اللہ عنہ کو ان کی آخری عمر میں یاد تھا کہ وہ درخت کس جگہ ہے تو اس میں یہ دلیل ہے کہ وہ اس درخت کو بعینہ پہچانتے تھے کیونکہ ظاہر یہ ہے کہ جس وقت انہوں نے یہ بات کہی تھی اس وقت وہ درخت نہیں رہا تھا یا تو وہ سوکھ کرختم ہو چکا تھا یا کوئی اور وجہ تھی اور حضرت جابر رضی اللہ عنہ کو ہمیشہ اس درخت کی جگہ یاد تھی پھر مجھے امام محمد بن سعد کی سند صحیح کے ساتھ از نافع از ابن عمر یہ روایت ملی کہ حضرت عمر رضی اللہ تعالٰی عنہ کو یہ خبر پہنچی کہ لوگ اس درخت کے پاس جاتے ہیں اور وہاں نماز پڑھتے ہیں تو حضرت عمر رضی اللہ تعالٰی عنہما نے ان لوگوں کو دھمکایا پھر اس درخت کو کاٹنے کا حکم دیا سو اس درخت کو کاٹ دیا گیا۔ (فتح الباری ج ۲۸۲۳۵ دارالمعرفۃ بیروت ۱۴۳) علامہ بدرالدین عینی متوفی ۸۵۵ھ نے بھی درخت کاٹنے کی اس روایت کا ذکر کیا ہے۔ (عمدۃ القاری ج ۱۷ص۱۲۹۴ دار الکتب العلمیہ بیروت ۱۳۲۱ ) تاہم میں یہ کہتا ہوں کہ یہ روایت مخدوش ہے کیونکہ حضرت عمر رضی اللہ تعالٰی عنہ کا مزاج اس طرح نہیں تھا انہوں نے تو مقام ابراہیم علیہ السلام کونماز کی جگہ بنانے کا مشورہ دیا تھا سواس کو نماز کی جگہ بنادیا گیا۔ (صحیح البخاری:۵۰۲) اور ان کے صاحب زادے حضرت ابن عمر رضی اللہ تعالٰی عنہما مدینہ سے مکہ کے سفر میں لوگوں سے معلوم کرتے تھے کہ رسول اللہ صلی اللّٰہ علیہ وسلم نے اس سفر میں کسی جگہ نماز پڑھی تھی سو جہاں رسول اللہ صلی اللّٰہ علیہ وسلم نے نماز پڑھی تھی وہیں نماز پڑھتے تھے۔ (صحیح بخاری:٤٨٣) سو امام ابن سعد کی یہ روایت صحیح بخاری کی دو حدیثوں کے خلاف ہے اس لیے امام ابن سعد کی سی روایت معلول ہے اس پر عمل کرنا بھی جائز نہیں، چہ جائیکہ اس کو کسی عقیدہ کی بنیاد بنایا جاۓ اور اس درخت سے بڑی نشانیاں موجود ہیں جن کی مسلمانوں نے عبادت نہیں کی جیسے کعبہ اور روضہ رسول اکرم صلی اللہ علیہ وسلم ۔ (بحوالہ نعمۃ الباری فی شرح صحيح بخاری حدیث نمبر ٤١٦٥ کی تشریح کے تحت)
روایت ہے حضرت عبداللہ بن اوفی رضی اللہ عنہما وہ( بھی )اصحاب الشجرہ میں سے تھے کہ جب نبی کریم صلی اللّٰہ علیہ وسلم کے پاس کچھ لوگ صدقہ لے کر آتے تو آپ دعا کرتے: اے اللہ! ان پر رحمت نازل فرما! پھر میرے والد صدقہ لے کر آپ کے پاس آۓ تو آپ نے دعا کی: اے اللہ! آل ابی اوفی پر رحمت نازل فرما! (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٦)
عباد بن تمیم بیان کرتے ہیں کہ جب حرہ کا دن تھا اور لوگ حضرت عبداللہ بن حنظلہ رضی اللہ عنہ کی بیعت کر رہے تھے تو ابن زید نے پوچھا: لوگ ابن حنظلہ سے کس چیز پر بیعت کر رہے ہیں؟ تو ان کو بتایا گیا کہ موت پر تو انہوں نے کہا: میں رسول اللہ صلی اللّٰہ علیہ وسلم کے بعد کسی سے موت پر بیعت نہیں کروں گا اور وہ حدیبیہ میں آپ کے ساتھ حاضر تھے۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٧)
ایاس بن سلمہ بن الاکوع نے حدیث بیان کی انہوں نے کہا: مجھے میرے والد نے حدیث بیان کی اور وہ اصحاب شجرۃ میں سے تھے انہوں نے بیان کیا کہ ہم نبی کریم صلی اللّٰہ علیہ وسلم کے ساتھ نماز جمعہ پڑھ رہے تھے پھر ہم واپس گئے اور اس وقت دیواروں کا سایا نہیں تھا جس میں ہم آرام کرتے ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٨)
یزید بن ابی عبید وہ بیان کرتے ہیں کہ میں نے حضرت سلمہ بن اکوع سے پوچھا: آپ نے حدیبیہ کے دن رسول اللہ صلی اللّٰہ علیہ وسلم سے کس چیز پر بیعت کی تھی؟ انہوں نے کہا: موت پر ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٦٩)
العلاء بن المسیب از والد خود وہ بیان کرتے ہیں کہ میں ۔ حضرت البراء بن عازب رضی اللہ عنہ سے ملا میں نے کہا: آپ کو مبارک ہو! آپ کو نبی کریم صلی اللّٰہ علیہ وسلم کی صحابیت ملی اور آپ نے درخت کے نیچے ان سے بیعت کی، پس انہوں نے کہا: اے میرے بھتیجے! بے شک تم نہیں جانتے کہ ہم نے آپ کے بعد کیانئے کام کیے ہیں۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٠) حضرت البراء بن عازب رضی اللہ عنہ کا انکسار۔ علامہ بدرالدین محمود بن عینی حنفی متوفی ۸۵۵ ھ لکھتے ہیں: حضرت البراء بن عازب رضی اللہ عنہ نے کہا: اے بھتیجے! تم نہیں جانتے کہ ہم نے نبی کریم صلی اللّٰہ علیہ وسلم کی وفات کے بعد کیا نئے نئے کام کیے ہیں حضرت البراء بن عازب نے یہ تواضع اور انکسار سے کہا یا صحابہ کے درمیان آپس میں جو فتنے اور لڑائیاں ہوئیں اس کے اعتبار سے کہا جیسے جنگ جمل اور جنگ صفین ۔ (عمدۃ القاری ج ۷ اس ۲۹۹ دار الکتب العلمیہ بیروت ۱۳۲۱ھ میں کہتا ہوں کہ حضرت البراء کے اس قول میں ہمارے لیے یہ ہدایت ہے کہ جب کوئی شخص ہماری بہ ظاہر نیکیوں کا ذکر کرے تو ہم اپنی کوتاہوں اور گناہوں کو یادکریں اور اس شخص سے کہیں کہ تم ہمارے اعمال سے واقف نہیں ہو اور اس سے اپنی تعریف سن کر خوش نہ ہوں بلکہ اپنے گناہوں پر اللہ کے عذاب سے ڈریں ۔
Bukhari Sharif Kitabul Magazi Hadees No# 4171
شعبہ نے خبر دی از قتادہ از حضرت انس بن مالک رضی اللہ عنہ (اللہ تعالی کا ارشاد ہے:) بے شک ہم نے آپ کے لیے ظاہر فتح مقدر کر دی ہے (الفتح 1) حضرت انس رضی اللہ عنہ نے کہا: یہ فتح حدیبیہ ہے ان کے اصحاب نے کہا: یہ فتح خوشی خوشی مبارک ہو! اس فتح سے ہمیں کیا ملے گا! تو اللہ تعالی نے یہ آیت نازل فرمائی:تاکہ مؤمنین اور مؤمنات کو ان جنتوں میں داخل کر دے جن کے نیچے دریا بہتے ہیں ۔ (الفتح ۵ ) شعبہ نے بتایا کہ میں کوفہ آیا تو میں نے یہ پوری حدیث از قتادہ بیان کی پھر میں واپس آیا اور میں نے قتادہ سے اس حدیث کا ذکر کیا تو انہوں نے بتایا: بے شک ہم نے آپ کے لیے فتح کر دی ہے۔ (الفتح:1) یہ تو حضرت انس رضی اللہ عنہ سے مروی ہے اور رہا یہ قول کرنا:یہ فتح خوشی خوشی مبارک ہو! یہ عکرمہ سے مروی ہے ۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٢)
اسرائیل نے حدیث بیان کی از مجزاءة بن زاہر الاسلمی از والد خود اور وہ ان صحابہ میں سے تھے جو درخت (کے نیچے)حاضر تھے وہ بیان کرتے ہیں کہ میں گدھے کے گوشت کی پتیلی کے نیچے آگ جلا رہا تھا اچانک رسول اللہ صلی اللّٰہ علیہ وسلم کے منادی نے اعلان کیا کہ بے شک رسول اللہ صلی اللّٰہ علیہ وسلم تم کو گدھوں کے گوشت سے منع فرمارہے ہیں۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٣)
اور از مجزاءۃ ازان میں سے ایک مرد جو اصحاب شجرۃ سے ہیں ان کا نام احبان بن اوس ہے ان کے گھٹنے میں تکلیف تھی اور وہ جب سجدہ کرتے تو وہ اپنے گھٹنے کے نیچے گدا رکھ لیتے تھے۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٤)
سوید بن النعمان سے روایت ہے اور وہ اس درخت(شجرہ بیعت رضوان) کے اصحاب میں سے تھے وہ بیان کرتے ہیں کہ رسول اللہ صلی اللّٰہ علیہ وسلم اور آپ کے اصحاب کے پاس ستو لاۓ گئے، پس انہوں نے اس کو گھول کر پیا۔ ابن ابی عدی کی متابعت معاذ نے کی ہے از شعبہ۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٥)
ابی جمرۃ بیان کرتے ہیں: میں نے حضرت عائذ بن عم و رضی اللہ تعالٰی عنہ سے سوال کیا اور وہ نبی کریم صلی اللّٰہ علیہ وسلم کے ان اصحاب میں سے تھے جو اصحاب شجرۃ تھے( میں نے پوچھا:)کیا وتر کی نماز توڑی جاسکتی ہے؟ انہوں نے جواب دیا: جب تم رات کے اول حصہ میں وتر پڑھ چکے ہوتو پھر تم رات کے آخر حصہ میں وتر نہ پڑھو۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٦)
زید بن اسلم اپنے والد روایت کرتے ہیں کہ کہ رسول اللہ صلی اللّٰہ علیہ وسلم کسی سفر میں جارہے تھے اور حضرت عمر بن الخطاب رضی اللہ عنہ بھی رات میں آپ کے ساتھ جار ہے تھے پس حضرت عمر بن الخطاب رضی اللہ عنہ نے آپ سے کسی چیز کے متعلق سوال کیا تو رسول اللہ صلی اللّٰہ علیہ وسلم نے اس کا جواب نہیں دیا انہوں نے پھر سوال کیا۔ پس آپ نے اس کا جواب نہیں دیا انہوں نے پھر سوال کیا آپ نے پھر اس کا جواب نہیں دیا حضرت عمر بن الخطاب رضی اللہ عنہ نے کہا: اے عمر! تجھے تیری ماں روۓ! تو نے رسول اللہ ﷺ سے اصرار کے ساتھ سوال کر کے آپ کو تنگ کیا ہے تو نے رسون اللہ صلی اللّٰہ علیہ وسلم سے تین بار سوال کیا اور آپ نے کسی بار تجھ کو جواب نہیں دیا حضرت عمر رضی اللہ عنہ نے کہا: پھر میں نے اپنے اونٹ کو بھگایا پھر میں مسلمانوں سے آگے نکل گیا اور مجھے یہ خطرہ تھا کہ میرے متعلق قرآن مجید میں کچھ نازل ہوگا ابھی میں کچھ دیر ہی ٹھہرا تھا کہ میں نے سنا ایک چلانے والا میرا نام لے کر چلا رہا تھا میں نے دل میں کہا: مجھے پہلے ہی ڈر تھا کہ میرے متعلق قرآن میں کچھ نازل ہوگا اور میں رسول اللہ صلی اللّٰہ علیہ وسلم کے پاس آیا اور آپ کو سلام کیا تو آپ نے فرمایا: آج رات مجھ پر ایسی سورت نازل ہوئی ہے جو مجھے ان تمام چیزوں سے زیادہ محبوب ہے جن پر سورج طلوع ہوتا ہے پھر آپ نے تلاوت کی: (اے رسول مکرم!) بے شک ہم نے آپ کو روشن فتح عطاءفرمائی ہے (الفتح:1) (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٧)
سفیان نے حدیث بیان کی انہوں نے کہا: میں نے زہری سے سنا جب انہوں نے یہ حدیث بیان کی تو اس میں سے کچھ میں نے یاد رکھی اور معمر نے اس کو اچھی طرح یاد دلایا از عروه بن الزبیر از المسور بن مخرمہ ومروان بن الحكم ان میں سے ایک اپنے صاحب سے اضافہ کرتا تھا ان دونوں نے بیان کیا کہ نبی اکرم صلی اللہ علیہ وسلم حدیبیہ کے سال ایک ہزار اور چند سو اصحاب کے ساتھ نکلے پس جب آپ ذوالحلیفہ پر پہنچے تو آپ نے ھدی کو قلادہ ڈالا اور اس میں اشعار کیا اور عمرہ کا احرام باندھ لیا اور قبیلہ خزاعہ سے اپنا ایک جاسوس بھیجا اور نبی کریم صلی اللّٰہ علیہ وسلم سفر کرتے رہے جب آپ قبیلہ الاشظاظ پر پہنچے تو آپ کے پاس آپ کا جاسوس آیا اور اس نے بتایا کہ قریش نے آپ سے مقابلہ کے لیے مختلف قبیلوں کی جماعت تیار کر لی ہے اور وہ آپ سے جنگ کریں گے اور آپ کو بیت اللہ جانے سے روکیں گے اور آپ کو منع کر یں گے آپ نے فرمایا: اے لوگو! مجھے مشورہ دو کہ کیا یہ مناسب ہوگا کہ میں ان کفار کی عورتوں اور بچوں پر حملہ کر دوں جو ہمارے بیت اللہ تک پہنچنے میں رکاوٹ بننا چاہتے ہیں؟ اگر انہوں نے ہمارا مقابلہ کیا تو اللہ عزوجل نے ہمارے جاسوس کو مشرکین سے محفوظ رکھا ہے اور اگر وہ ہمارے مقابلہ پر نہیں آتے تو ہم انہیں ایک شکست خوردہ جماعت سمجھ کر چھوڑ دیں گے حضرت ابوبکر رضی اللہ عنہ نے کہا: یارسول اللہ! آپ تو صرف اس بیت اللہ کا قصد کر کے نکلے ہیں آپ کا ارادہ کسی کوقتل کرنے کا ہے نہ کسی کے ساتھ جنگ کرنے کا ہے تو آپ اس کا قصد کریں پس جس نے ہم کو بیت اللہ سے روکا ہم اس سے لڑیں گے آپ نے فرمایا: پھر تم اللہ کا نام لے کر سفر جاری رکھو۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٧٨،و حدیث نمبر ٤١٧٩)
عروہ بن الزبیر نے خبر دی انہوں نے مروان بن الحکم اور حضرت المسور بن مخرمہ رضی اللہ عنہ سے سنا ان دونوں نے رسول اللہ صلی اللّٰہ علیہ وسلم کے عمرہ حدیبیہ کی خبر دی عروہ نے ان دونوں سے جو خبر دی ہے اس میں یہ ذکر ہے کہ جب رسول اللہ ﷺ نے حدیبیہ کے دن سہیل بن عمرو کے لیے ایک مدت تک صلح کا معاہدہ لکھا اور اس میں سہیل بن عمرو نے یہ شرط لگائی کہ ہمارے پاس سے جو شخص بھی آۓ خواہ وہ آپ کے دین پر ہو آپ کو اسے ہماری طرف واپس کرنا ہوگا اور ہمارے اور اس کے درمیان تخلیہ کرنا ہو گا اور سہیل بن عمرو نے اس شرط کے بغیر رسول اللہ صلی اللّٰہ علیہ وسلم کے ساتھ صلح کرنے سے انکار کر دیا مسلمانوں نے اس شرط کو ناپسند کیا اور ان پر یہ شرط سخت دشوار تھی انہوں نے اس کے خلاف گفتگو کی جب سہیل نے انکار کر دیا کہ وہ اس شرط کے بغیر صلح نہیں کرے گا تو رسول اللہ ﷺ نے معاہد لکھ دیا پس اس دن رسول اللہ صلی اللّٰہ علیہ وسلم نے حضرت ابوجندل بن سہیل کو اس کے باپ سہیل بن عمرو کی طرف واپس کر دیا اور اس مدت کے دوران جوشخص بھی رسول اللہ صلی اللّٰہ علیہ وسلم کے پاس آتا آپ اس کو واپس کر دیتے خواہ وہ مسلمان ہو اور ہجرت کرنے والی مسلمان عورتیں آ ئیں، پس حضرت ام کلثوم بنت عقبہ بن ابی معیط ان خواتین میں سے تھیں جو رسول اللہ صلی اللّٰہ علیہ وسلم کی طرف نکلیں اور وہ اس وقت نوجوان تھیں تو ان کے گھر والے رسول اللہ ﷺ کے پاس آۓ کہ آپ ان کو واپس کریں حتی کہ اللہ تعالی نے مومن عورتوں کے متعلق وہ آیت نازل کی جو نازل کی ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٠،و حدیث نمبر ٤١٨١)
حضرت عائشہ رضی اللہ تعالیٰ عنہا نبی کریم صلی اللّٰہ علیہ وسلم کی زوجہ بیان کرتی ہیں کہ جو مؤمن عورتیں ہجرت کرکے آتی تھیں رسول اللہ صلی اللّٰہ علیہ وسلم اس آیت کی وجہ سے ان کا امتحان لیتے تھے: اے نبی! جب آپ کے پاس ایمان والی عورتیں حاضر ہوں کہ وہ آپ سے بیعت کریں (الممتحنہ:۱۲) اور ان کے چچا بیان کرتے ہیں: ہمیں یہ حدیث پہنچی ہے کہ جب اللہ تعالی نے اپنے رسول نبی کریم صلی اللّٰہ علیہ وسلم کو یہ حکم دیا کہ جو مسلمان عورتیں ہجرت کر کے آئیں تو ان کے مشرکین (شوہروں) کو وہ سب کچھ واپس کر دیا جاۓ جو وہ اپنی بیویوں کو دے چکے ہیں اور ہمیں یہ حدیث پہنچی ہے کہ حضرت ابوبصیر...... پھر ان کی طویل حدیث ذکر کی ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٢)
ہمیں قتبیہ نے حدیث بیان کی از مالک از نافع کہ حضرت عبداللہ بن عمر رضی اللہ تعالٰی عنہما ایام فتنہ میں عمرہ کرنے کے لیے نکلے انہوں نے کہا: اگر مجھے بیت اللہ جانے سے روک دیا گیا تو ہم اس طرح کریں گے جس طرح ہم نے رسول اللہ صلی اللّٰہ علیہ وسلم کے ساتھ کیا تھا۔ پس انہوں نے عمرہ کا احرام باندھا اس وجہ سے کہ رسول اللہ ﷺ نے حدیبیہ کے سال عمرہ کا احرام باندھا تھا۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٣)
حضرت ابن عمر رضی اللہ تعالٰی عنہما سے روایت ہے کہ انہوں نے کہا: انہوں نے احرام باندھا اور کہا: اگر میرے اور بیت اللہ کے درمیان کوئی چیز حائل ہوئی تو میں اس طرح کروں گا جس طرح نبی اکرم صلی اللہ علیہ وسلم نے کیا تھا جب کفار قریش بیت اللہ کے درمیان حائل ہو گئے تھے اور یہ آیت تلاوت کی: بے شک تمہارے لیے رسول اللہ میں عمدہ نمونہ ہے ۔ (الاحزاب ٢١ ) (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٤)
نافع بیان کرتے ہیں کہ حضرت عبداللہ( بن عمر) رضی اللہ تعالٰی عنہما کے کسی بیٹے نے ان کو مشورہ دیا کہ اگر آپ اس سال ٹھہر جائیں کیونکہ مجھے یہ خطرہ ہے کہ آپ بیت اللہ تک نہیں پہنچ سکیں گئے حضرت عبداللہ بن عمر رضی اللہ تعالٰی عنہما نے کہا: ہم نبی کریم صلی اللّٰہ علیہ وسلم کے ساتھ نکلے تھے پس کفار قریش بیت اللہ کے سامنے حائل ہو گئے تو نبی کریم صلی اللّٰہ علیہ وسلم نے اپنی قربانی کے جانوروں کو نحر کیا اور سرمنڈایا اور آپ کے اصحاب نے قصر کیا بال کاٹے اور حضرت عبداللہ نے کہا: میں تمہیں گواہ کرتا ہوں کہ میں نے عمرہ کو واجب کر لیا ہے اگر میرے اور بیت اللہ کے درمیان تخلیہ ہوا تو میں طواف کروں گا اور اگر میرے اور بیت اللہ کے درمیان کوئی چیز حائل ہوئی تو میں اس طرح کروں گا جس طرح رسول اللہ صلی اللّٰہ علیہ وسلم نے کیا تھا پھر وہ تھوڑی دیر چلے پھر کہا: میری رائے یہ ہے کہ حج اور عمرہ کے افعال ایک جیسے ہیں، میں تمہیں گواہ کرتا ہوں کہ میں نے اپنے عمرہ کے ساتھ حج کو واجب کر لیا ہے سو انہوں نے ایک قسم کا طواف کیا اور (ایک قسم کی سعی کی حتی کہ دونوں سے احرام کھول دیا۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٥)
نافع بیان کرتے ہیں کہ لوگ یہ باتیں کرتے ہیں کہ حضرت ابن عمر رضی اللہ تعالٰی عنہما حضرت عمر رضی اللہ عنہ سے پہلے اسلام لائے تھے حالانکہ اس طرح نہیں ہے لیکن حضرت عمر رضی اللہ عنہ نے حدیبیہ کے دن حضرت ابن عمر رضی اللہ تعالٰی عنہما کو اپنا ایک گھوڑا لانے کے لیے بھیجا تھا جو کہ انصار کے ایک مرد کے پاس تھا تاکہ حضرت عمر رضی اللہ عنہ اس پر سوار ہوکر لڑائی میں شریک ہوں اور رسول اللہ صلی اللّٰہ علیہ وسلم یہ درخت کے پاس بیعت کر رہے تھے اور حضرت عمر رضی اللہ عنہ کو اس کا پتا نہیں تھا۔ پس حضرت عبداللہ بن عمر رضی اللہ تعالٰی عنہما نے آپ سے بیعت کرلی پھر وہ گھوڑے کی طرف گئے اور اس کو حضرت عمر رضی اللہ عنہ کے پاس لے کر آۓ اور حضرت عمر رضی اللہ عنہ لڑنے کے لیے ہتھیار اور زرہ سنبھال رہے تھے تو حضرت عبداللہ رضی اللہ عنہ نے ان کو خبر دی کہ رسول اللہ صلی اللّٰہ علیہ وسلم درخت کے نیچے بیعت کر رہے ہیں انہوں نے بتایا کہ پھر حضرت عمر رضی اللہ عنہ ان کے ساتھ گئے حتی کہ رسول اللہ صلی اللّٰہ علیہ وسلم سے بیعت کر لی پس یہ ہے وہ سبب جس کی وجہ سے لوگ کہتے ہیں کہ حضرت ابن عمر رضی اللہ تعالٰی عنہما حضرت عمر رضی اللہ عنہ سے پہلے اسلام لائے تھے۔ حضرت ابن عمر رضی اللہ تعالٰی عنہما بیان کرتے ہیں کہ حدیبیہ کے دن لوگ نبی کریم صلی اللّٰہ علیہ وسلم کے ساتھ تھے وہ درخت کے سایوں میں منتشر ہو گئے پس اچا نک لوگ نبی کریم صلی اللّٰہ علیہ وسلم کو گھیر کر آپ کو دیکھ رہے تھے پس حضرت عمر بن الخطاب رضی اللہ عنہ نے کہا: اے عبداللہ ! دیکھو کہ لوگوں کو کیا ہوا ہے کہ وہ رسول اللہ صلی اللّٰہ علیہ وسلم کو گھیر کر دیکھ رہے ہیں، پس حضرت عبداللہ رضی اللہ عنہ نے دیکھا کہ لوگ آپ سے بیعت کر رہے ہیں، پس حضرت عبداللہ رضی اللہ عنہ نے بھی بیعت کرلی پھر حضرت عمر رضی اللہ تعالٰی عنہما کی طرف گئے پھر حضرت عمر رضی اللہ عنہ نکلے اور انہوں نے بیعت کی۔ (بخاری شریف، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٦،و حدیث نمبر ٤١٨٧)
حضرت عبداللہ بن ابی اوفی رضی اللہ عنہ نے بیان کیا کہ جب نبی کریم صلی اللّٰہ علیہ وسلم نے عمرہ (قضاء) کیا تو ہم آپ کے ساتھ تھے پس آپ نے طواف کیا تو ہم نے آپ کے ساتھ طواف کیا اور جب آپ نے نماز پڑھی تو ہم نے آپ کے ساتھ نماز پڑھی اور آپ نے صفا اور مردہ کے درمیان سعی کی تو ہم نے بھی سعی کی ہم آپ کی اہل مکہ سے حفاظت کر رہے تھے مبادا آپ کو کوئی تکلیف پہنچے ۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٨)
ابوحصین نے کہا کہ ابووائل نے بتایا کہ جب حضرت سہل بن حنیف (جنگ) صفین سے واپس آۓ تو ہم ان کے حالات معلوم کرنے کے لیے آۓ انہوں نے کہا: تم(میرے متعلق) اپنی راۓ پر تہمت لگاؤ کیونکہ میں نے (حدیبیہ میں) حضرت ابوجندل کے دن اپنے آپ کو دیکھا اور اگر میں بھی رسول اللہ صلی اللّٰہ علیہ وسلم کے حکم کو رد کر سکتا تو اس دن رد کر دیتا اور اللہ اور اس کے رسول خوب جانتے ہیں کہ ہم نے جب بھی کسی مشکل کام کے لیے اپنی تلواروں کو اپنے کندھوں پر رکھا تو وہ کام ہمارے لیے آسان ہو گیا لیکن اس ( جنگ صفین ) کا حال یہ ہے کہ ہم اس کی ایک جانب فتنہ کو بند کرتے ہیں تو وہ فتنہ کسی دوسری جانب سے پھٹ جاتا ہے ہمیں سمجھ نہیں آتا کہ ہم اس معاملہ کو کس طرح حل کریں۔ (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٨٩)
کعب بن عجرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم حدیبیہ کے زمانے میں میرے پاس آۓ اور جوئیں میرے چہرے پر گر رہی تھیں، آپ نے پوچھا: کیا تمہارے سر کی جوئیں تمہیں تکلیف پہنچا رہی ہیں میں نے کہا: جی ہاں! آپ نے فرمایا: تم اپنا سرمنڈالو اور تین دن کے روزے رکھو یا چھ مسکینوں کو کھانا کھلا دو یا ایک قربانی کردو ۔ راوی ایوب نے کہا: مجھے پتا نہیں انہوں نے کس چیز سے ابتداء کی۔ (بخاری شریف ،كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٩٠)
حضرت کعب بن عجرہ رضی اللہ عنہ نے بیان کیا کہ ہم رسول اللہ صلی اللّٰہ علیہ وسلم کے ساتھ حدیبیہ میں تھے اور ہم محرم ( حالت احرام میں ) تھے اور مشرکین نے ہم کو روک لیا تھا اور میرے ( کانوں تک بڑے بال تھے پس جوئیں میرے چہرے پر گرنے لگیں سو ( اس وقت میرے پاس سے نبی کریم صلی اللّٰہ گزرے آپ نے پوچھا: کیا تمہارے سر کی جوئیں تمہیں تکلیف پہنچارہی ہیں میں نے عرض کیا: جی ہاں! اور یہ آیت نازل ہوئی: پھر جو تم میں سے بیمار ہو یا اس کے سر میں کچھ تکلیف ہو تو اس پر (سرمونڈنے) کا فدیہ ہے روزے یا صدقہ خیرات یا قربانی۔(البقرہ:۱۹۷) (بخاری شریف ، كِتَابٌ : الْمَغَازِي. | بَابُ غَزْوَةِ الْحُدَيْبِيَةِ،حدیث نمبر ٤١٩١)
عکل اور عرینہ کا قصہ۔ حضرت انس رضی اللہ عنہ بیان کرتے ہیں کہ عکل اور عرینہ مدینہ میں نبی کریم صلی اللّٰہ علیہ وسلم کے پاس آۓ اور انہوں نے اسلام لانے کے متعلق باتیں کیں، پس انہوں نے کہا:اے اللہ کے نبی! ہم دودھ دوہنے والے ہیں اور کاشتکاری کرنے والے نہیں ہیں اور مدینہ کی آب ہوا ان کو موافق نہیں آئی سو رسول اللہ صلی اللّٰہ علیہ وسلم نے انہیں یہ حکم دیا کہ وہ اونٹنیوں اور ان کے محافظوں کے ساتھ رہیں اور ان کی طرف نکلیں، پس اونٹنیوں کا دودھ اور ان کا پیشاب پئیں سو وہ چلے گئے حتی کہ جب وہ سیاہ پتھریلی زمین پر پہنچے تو انہوں نے اسلام لانے کے بعد کفر کیا اور نبی کریم صلی اللّٰہ علیہ وسلم کے اونٹوں کے چرواہے کوقتل کر دی اور اونٹنیوں کو ہنکا کر لے گئے، پس یہ خبر نبی کریم صلی اللّٰہ علیہ وسلم تک پہنچی لہٰذا آپ نے ان کو تلاش کرنے کے لیے صحابہ کو بھیجا (ان کو پکڑ کر لایا گیا آپ نے ان کے بارے میں حکم دیا تو صحابہ نے ان کی آنکھوں میں گرم سلائیاں پھیریں ان کے ہاتھ کاٹ ڈالے اور انہیں سیاہ پتھریلی زمین کی طرف چھوڑ دیاحتی کہ وہ اسی حال میں مر گئے قتادہ نے کہا: ہمیں یہ خبر پہنچی ہے کہ اس کے بعد نبی کریم صلی اللّٰہ علیہ وسلم صدقہ و خیرات کرنے کا حکم دیتے تھے اور مثلہ کرنے سے منع فرماتے تھے۔ امام ابوعبداللہ بخاری نے کہا: اور شعبہ اور ابان اور حماد نے از قتادہ بیان کیا: عرینہ ہے ۔ اور یحیی بن ابی کثیر اور ایوب نے کہا از ابی قلابہ از حضرت انس رضی اللہ عنہ وہ بیان کرتے ہیں کہ عکل سے ایک جماعت آئی۔ (بخاری شریف ، كِتَابٌ : الْمَغَازِي. | بَابٌ : قِصَّةُ عُكْلٍ وَعُرَيْنَةَ،حدیث نمبر ٤١٩٢)
ایوب اور الحجاج الصواف نے حدیث بیان کی انہوں نے کہا: مجھے ابو رجاء جو ابوقلابہ کے آزاد کردہ غلام ہیں انہوں نے حدیث بیان کی اور وہ ان کے ساتھ شام میں تھے کہ عمر بن عبدالعزیز نے ایک دن لوگوں سے مشورہ کیا کہ تم اس قسامت کے متعلق کیا کہتے ہو؟ لوگوں نے کہا: یہ حق ہے رسول اللہ صلی اللّٰہ علیہ وسلم نے اس کے ساتھ فیصلہ کیا ہے اور آپ سے پہلے خلفاء نے اس کے ساتھ فیصلہ کیا ہے۔ راوی نے کہا: اور ابوقلابہ ان کے تخت کے پیچھے تھے پس عنبہ بن سعید نے کہا: پھر حضرت انس رضی اللہ عنہ کی عرینیین کے متعلق جو حدیث ہے اس کا کیا ہوگا؟ تو ابوقلابہ نے کہا: حضرت انس رضی اللہ عنہ نے خود مجھ سے یہ بیان کیا ہے عبدالعزیز بن حبیب نے حضرت انس رضی اللہ عنہ کی روایت میں صرف عرینہ کا ذکر کیا اور ابوقلابہ نے حضرت انس رضی اللہ عنہ کی روایت میں عکل کا ذکر کیا اور قصہ بیان کیا ۔ (بخاری شریف ، كِتَابٌ : الْمَغَازِي. | بَابٌ : قِصَّةُ عُكْلٍ وَعُرَيْنَةَ،حدیث نمبر ٤١٩٣)
غزوة ذی قرد یہ غزوہ ان کے خلاف ہے جو غزوہ خیبر سے تین سال پہلے نبی کریم صلی اللّٰہ علیہ وسلم کی اونٹنیاں لوٹ کر لے گئے تھے۔ یزید بن ابی عبید وہ بیان کرتے ہیں کہ میں نے حضرت سلمہ بن الاکوع رضی اللہ عنہ کو یہ کہتے ہوۓ سنا ہے کہ میں پہلی اذان دی جانے سے پہلے نکلا اور رسول اللہ ﷺ کی اونٹنیاں مقام ذی قرد میں چر رہی تھیں پھر مجھے حضرت عبدالرحمن بن عوف رضی اللہ عنہ کا غلام ملا سو اس نے بتایا کہ رسول اللہ ﷺ کی اونٹنیوں کو لوٹ لیا گیا میں نے پوچھا: کس نے لوٹا ہے؟ تو اس نے کہا: غطفان نے انہوں نے کہا: حضرت سلمہ رضی اللہ عنہ نے کہا:پھر میں نے تین مرتبہ زور سے پکارا: یا صباحاہ! پس میں نے مدینہ کی دو سیاہ پتھریلی زمینوں کے درمیان والوں تک اپنی آواز پہنچادی پھر میں اپنے منہ کی سیدھ میں دوڑا حتیٰ کہ کہ ان کو جالیا اس وقت وہ اونٹنیوں کو پانی پلا رہے تھے پھر میں نے ان پر تیر مارنے شروع کر دیئے اور میں مشہور تیر مارنے والا تھا اور میں یہ رجزیہ شعر پڑھ رہا تھا: ” میں ابن الاکوع ہوں آج کا دن کمینوں کی بربادی کا دن ہے۔ میں اسی طرح رجز پڑھتارہا حتیٰ کہ ان سے اونٹنیاں چھڑالیں اور ان کی تیس چادروں پر بھی قبضہ کر لیا حضرت سلمہ نے بتایا کہ اس کے بعد نبی کریم صلی اللّٰہ علیہ وسلم بھی صحابہ کے ساتھ پہنچ گئے میں نے عرض کیا: اے اللہ کے نبی! میں نے ان لوگوں کو پانی سے دور رکھا ہے اور یہ پیاسے ہیں ابھی ان کو گرفتار کرنے کے لیے فوج بھیج دیجئے آپ نے فرمایا: اے ابن الاکوع ! جب تم نے ان پر قابو پالیا ہے تو پھر نرمی اختیار کرو حضرت سلمہ نے بتایا کہ پھر ہم واپس آ گئے اور رسول اللہ صلی اللّٰہ علیہ وسلم نے مجھے اپنی اونٹنی پر پیچھے بٹھالیا حتیٰ کہ ہم مدینہ میں داخل ہو گئے (بخاری شریف، كِتَابٌ : الْمَغَازِي. | بَابٌ : غَزْوَةُ ذَاتِ الْقَرَدِ،حدیث نمبر ٤١٩٤)
غزوہ خیبر یحییٰ بن سعید از بشیر بن بیسار وہ بیان کرتے ہیں کہ حضرت سوید بن النعمان رضی اللہ عنہ نے ان کو خبر دی کہ وہ خیبر کے سال نبی کریم صلی اللّٰہ علیہ وسلم کے ساتھ نکلے حتی کہ جب ہم مقام الصباء پر پہنچے اور یہ جگہ خیبر کے زیادہ قریب ہے تو نبی کریم صلی اللّٰہ علیہ وسلم نے عصر کی نماز پڑھی، پھر آپ نے سفر کا طعام منگایا تو صرف ستو لاۓ گئے پھر ان کو آپ کے حکم سے پانی یا گھی میں تر کیا گیا۔ پھر آپ نے وہ ستو کھاۓ اور ہم نے بھی کھاۓ پھر آپ نماز مغرب کے لیے کھڑے ہوۓ پس آپ نے کلی کی اور ہم نے بھی کلی کی، پھر آپ نے نماز پڑھی اور وضو نہیں فرمایا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤١٩٥)
حضرت سلمہ بن الاکوع رضی اللہ عنہ بیان کرتے ہیں کہ ہم نبی ﷺ کے ساتھ خیبر کی طرف نکلے سو ہم رات کو سفر کرتے رہے پس لوگوں میں سے ایک مرد نے حضرت عامر سے کہا: اے عامر! کیا آپ ہمیں اپنے رجزیہ کلام سے کچھ اشعار نہیں سناتے! اور حضرت عامر شاعر مرد تھے وہ اونٹوں کے لیے پڑھنے والے اشعار (ترنم سے) سنانے لگے: اے اللہ! اگر تو ہدایت نہ دیتا تو ہم ہدایت نہ پاتے نہ ہم صدقہ و خیرات کرتے اور نہ نماز پڑھتے سوتو ہماری مغفرت فرما جب تک ہم زندہ ہیں تیری راہ میں فدا ہیں اگر ہمارا دشمنوں سے مقابلہ ہوتو تو ہم کو ثابت قدم رکھنا اور ہم پر سکون نازل فرما بے شک جب ہمیں جہاد کے لیے بلایا جاتا ہے تو ہم حاضر ہو جاتے ہیں اور وہ بلند آواز سے ہمیں پکار کر مددطلب کر رہے ہیں۔ تب رسول رسول اللہ صلی اللّٰہ علیہ وسلم نے پوچھا: یہ اونٹوں کو چلانے والا کون ہے؟ صحابہ نے بتایا: یہ حضرت عامر بن الاکوع ہیں آپ نے دعا کی: اللہ اس پر رحم فرماۓ لوگوں میں سے ایک مرد نے کہا: اے اللہ کے نبی! آپ کی دعا قبول ہوگئی آپ نے ہمیں اس سے فائدہ اٹھانے کیوں نہیں دیا! پس ہم خیبر پر آئے اور ہم نے ان کا محاصرہ کر لیا حتی کہ ہمیں سخت بھوک لگ گئی پھر اللہ تعالی نے ہمارے لیے خیبر فتح کر دیا، جس دن خیبر فتح ہوا تھا اس دن شام کو صحابہ نے جگہ جگہ آگ جلائی نبی کریم صلی اللّٰہ علیہ وسلم نے پوچھا: یہ کیسی آگ ہے اور تم کس چیز پر آگ جلا رہے ہو؟ صحابہ نے بتایا: گوشت پر آپ نے پوچھا: کون سے گوشت پر؟ صحابہ نے بتایا: پالتو گدھوں کے گوشت پر نبی کریم صلی اللّٰہ علیہ وسلم نے فرمایا: یہ پتیلیاں الٹا دو اور ان کو توڑ دو ایک مرد نے کہا: یارسول اللہ ! یا ہم ایسا کریں کہ ہم ان پتیلیوں کو الٹ دیں اور ان کو دھولیں؟ آپ نے فرمایا: یا اس طرح کر لو صحابہ نے جب جنگ کی صف بندی کی تھی تو حضرت عامر کی تلوار چھوٹی تھی وہ ایک یہودی کی پنڈلی پر تلوار سے وار کرنے کے لیے جھکے تو تلوار کی نوک پلٹ کر حضرت عامر کے عین گھنٹے پر لگی اس وار سے وہ شہید ہو گئے پس جب لشکر واپس جا رہا تھا۔ سلمہ نے کہا: مجھے رسول اللہ صلی اللّٰہ علیہ وسلم نے دیکھا اور اس وقت آپ میرا ہاتھ پکڑے ہوۓ تھے آپ نے پوچھا تمہیں کیا ہوا؟ میں نے کہا: آپ پر میرے باپ اور ماں قربان ہوں! لوگ یہ گمان کر رہے ہیں کہ حضرت عامر کے اعمال ضائع ہو گئے کیونکہ ان کی موت ان کی اپنی تلوار کے وار سے ہوئی نبی کریم صلی اللّٰہ علیہ وسلم نے فرمایا: جس شخص نے یہ بات کہی ہے وہ جھوٹا ہے بے شک اس کے لیے دو اجر ہیں آپ نے اپنی انگلیوں کو جمع کر کے فرمایا: بے شک وہ ضرور مشقت اٹھانے والے مجاہد ہیں عربوں میں بہت کم ان کی طرح چلنے والے ہیں۔ ہمیں قتیبہ نے حدیث بیان کی انہوں نے کہا: ہمیں حاتم نے حدیث بیان کی انہوں نے کہا: اس کا معنی یہ ہے کہ عربوں میں کوئی عامر کی مثل پیدانہیں ہوا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤١٩٦)
حضرت انس رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم رات کے وقت خیبر میں پہنچے اور جب آپ کسی قوم کے پاس رات کو پہنچتے تو اس پر اس وقت تک حملہ نہیں کرتے تھے جب تک کہ صبح نہ ہو جاۓ پس جب صبح ہوئی تو یہودی اپنی کلہاڑیاں اور ٹوکریاں لے کر نکلے جب یہودیوں نے آپ کو دیکھا تو انہوں نے کہا: محمد ! اللہ کی قسم! محد لشکر کے ساتھ آۓ ہیں تب نبی کریم صلی اللّٰہ علیہ وسلم نے فرمایا: خیبر برباد ہو گیا! ہم جب کسی قوم کے صحن میں ٹہرتے ہیں تو جن لوگوں کو اللہ کے عذاب سے ڈرایا گیا ہے ان کی صبح خراب ہو جاتی ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤١٩٧)
حضرت انس بن مالک رضی اللہ عنہ بیان کرتے ہیں کہ ہم صبح کے وقت خیبر پہنچے اس وقت وہاں کے لوگ کھالیں اٹھاۓ ہوۓ آرہے تھے پس جب انہوں نے نبی کریم صلی اللّٰہ علیہ وسلم کو دیکھا تو انہوں نے کہا: محمد ! اللہ کی قسم ! محمد لشکر کے ساتھ آ رہے ہیں تب نبی کریم صلی اللّٰہ علیہ وسلم نے کہا: اللہ اکبر! خیبر برباد ہو گیا! بے شک جب ہم کسی قوم کے صحن میں ٹھہرتے ہیں تو جن کو اللہ تعالی کے عذاب سے ڈرایا گیا ہے ان کی صبح خراب ہو جاتی ہے پس ہم نے گدھوں کا گوشت پالیا تو نبی کریم صلی اللّٰہ علیہ وسلم کے منادی نے اعلان کیا کہ بے شک اللہ اور اس کا رسول تم کو گدھوں کے گوشت سے منع فرماتے ہیں کیونکہ وہ نجس ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤١٩٨)
حضرت انس بن مالک رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم کے پاس ایک آنے والا آیا پس اس نے کہا: گدھوں کا گوشت کھایا گیا ہے آپ خاموش رہے پھر وہ دوبارہ آپ کے پاس آیا پس اس نے کہا: گدھوں کا گوشت کھایا گیا ہے پس آپ خاموش رہے پھر وہ تیسری بار آیا اور اس نے کہا: گدھے ختم ہو گئے تو آپ نے منادی کو حکم دیا اس نے لوگوں میں نداء کی کہ بے شک اللہ اور اس کے رسول تم کو پالتو گدھوں کا گوشت کھانے سے منع فرماتے ہیں: پس پتیلیاں الٹ دی گئیں حالانکہ اس وقت ان میں گوشت ابل رہا تھا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤١٩٩)
حضرت انس رضی اللہ عنہ بیان کرتے ہیں کہ نبی اکرم صلی اللہ علیہ وسلم نے خیبر کے قریب منہ اندھیرے صبح کی نماز پڑھی پھر آپ نے کہا: اللہ اکبر! خیبر برباد ہو گیا! بے شک جب ہم کسی قوم کے صحن میں ٹہرتے ہیں تو جن لوگوں کو اللہ کے عذاب سے ڈرایا گیا ہے ان کی صبح خراب ہو جاتی ہے پھر خیبر کے لوگ گلیوں میں دوڑتے ہوۓ نکلے پس نبی ﷺ نے لڑنے والوں کو قتل کر دیا اور بچوں اور عورتوں کو قید کر لیا اور قیدیوں میں حضرت صفیہ بھی تھیں پس وہ حضرت دحیہ الکلبی رضی اللہ عنہ کے حصہ میں آ گئیں، پھر وہ نبی کریم صلی اللّٰہ علیہ وسلم کی طرف آ گئیں تو آپ علیہ السلام نے ان کے آزاد کرنے کو ان کا مہر قرار دیا پس عبدالعزیز بن صہیب نے ثابت سے کہا: اے ابومحمد ! کیا تم نے انس رضی اللہ عنہ سے پوچھا تھا کہ آپ نے ان کو مہر میں کیا دیا تھا؟ تو ثابت نے اثبات میں سر ہلا کر ان کی تصدیق کی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٠)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے حضرت صفیہ رضی اللہ تعالٰی عنہا کو قید کیا پھر ان کو آزادکر کے ان سے نکاح کر لیا پھر ثابت نے حضرت انس رضی اللہ عنہ سے پوچھا: ان کا مہر کیا تھا؟ انہوں نے بتایا: ان کا مہر ان کا نفس تھا پس آپ نے ان کو آزاد کر دیا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠١)
حضرت سہل بن سعد الساعدی رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم کا مشرکین سے مقابلہ ہوا، پس دونوں نے جنگ کی پس جب رسول اللہ ﷺ اپنے لشکر کی طرف آۓ اور دوسرے لوگ اپنے لشکر کی طرف گئے اور رسول اللہ صلی اللّٰہ علیہ وسلم کے اصحاب میں ایک ایسا مرد تھا جو کسی کوقتل کیے بغیر نہیں چھوڑتا تھا خواہ تنہا ہو یا اکیلا ہو وہ اس کا پیچھا کرتا اور اس کو اپنی تلوار سے قتل کر دیتا پس کہا گیا: آج اس سے زیادہ جزاء کسی کونہیں ملے گی جیسی جزاء فلاں کو ملے گی تب رسول اللہ ﷺ نے فرمایا: رہا وہ سو وہ تو اہل دوزخ میں سے ہے پس صحابہ میں سے ایک مرد نے (دل میں ) کہا: میں اس کے ساتھ رہوں گا۔ پس وہ اس کے ساتھ نکلے جب وہ شخص ٹہرتا تو یہ بھی ٹھہر جاتے اور جب وہ بھاگتا یہ بھی اس کے ساتھ بھاگتے انہوں نے بتایا کہ وہ شخص بہت شدید زخمی ہو گیا سو اس نے موت کو جلدی طلب کیا اس نے اپنی تلوار کو زمین پر رکھا اور تلوار کی نوک اپنے دو پستانوں کے درمیان رکھی پھر اس نے اپنے آپ کو تلوار پر گرا دیا اور اپنے آپ کو قتل کر دیا پھر وہ صحابی رسول اللہ ﷺ کے پاس آۓ پس کہا: میں گواہی دیتا ہوں کہ آپ اللہ کے رسول ہیں، آپ نے پوچھا: اس کا کیا سبب ہے؟ تو اس صحابی نے بتایا کہ جس شخص کے متعلق ابھی آپ نے فرمایا تھا کہ وہ اہل دوزخ میں سے ہے تو لوگوں پر آپ کا یہ ارشاد بہت شاق گزرا تھا تو میں نے ان سے کہا کہ میں آپ لوگوں کو اس کی خبر دوں گا' سو میں اس کی طلب میں نکلا پھر وہ شخص بہت شدید زخمی ہو گیا۔ اس نے موت کو جلدی طلب کیا اس نے اپنی تلوار کا دستہ زمین پر رکھا اور اس کی نوک اپنے دو پستانوں کے درمیان رکھی پھر اپنے آپ کو اس پر گرا دیا۔ پس اس نے اپنے آپ کو قتل کر دیا پھر اس وقت رسول اللہ ﷺ نے فرمایا: ایک مردلوگوں کے سامنے اہل جنت کے عمل کرتا رہتا ہے حالانکہ وہ اہل دوزخ میں سے ہوتا ہے اور ایک مرد لوگوں کے سامنے اہل دوزخ کے عمل کرتا رہتا ہے حالانکہ وہ اہل جنت میں سے ہوتا ہے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٢) خودکشی کرنے والے مرد کا نام جس صحابی نے اس کا پیچھا کیا اس کا نام اور خودکشی کرنے والے کے دوزخی ہونے کی توجیہ، مسلمان خودکشی کرنے والے کا حکم! علامہ بدرالدین محمود بن احمد عینی متوفی ۸۵۵ھ لکھتے ہیں: جب رسول اللہ ﷺ اپنے لشکر کی طرف آۓ : یعنی اس دن آپ جب جنگ سے فارغ ہو گئے تو اپنے لشکر کی طرف آئے۔ اور رسول اللہ صلی اللّٰہ علیہ وسلم کے اصحاب میں ایک مرد تھے: ان کا نام قزمان الظفری انصاری تھا ان کی کنیت ابوالغیداق تھی وہ کسی شاذۃ اور فاذۃ کو نہیں چھوڑتا تھا: اس میں تاء مبالغہ کی ہے جیسے علامہ میں ہے اس سے مراد ہے: خواہ وہ بڑا آدمی ہو یا چھوٹا' دوسرا قول یہ ہے کہ شاذہ سے مراد ہے جو لشکر سے خارج ہو اور غازہ سے مراد ہے: منفرد ۔ صحابہ میں سے ایک مرد نے کہا: میں اس کے ساتھ رہوں گا۔ ان کا نام اکثم بن ابی الجون تھا۔ (عمدۃ القاری ج ۷ ص ۳۲۰ دارالکتب العلمیہ بیروت ۱۳۲۱) علامہ ابن ملقن نے لکھا ہے: اس شخص نے اپنے آپ کوقتل کرنا جائز سمجھا تھا سو وہ کافر ہو گیا دوسرا قول یہ ہے کہ امام بیہقی نے لکھا ہے: شارع علیہ السلام کو علم تھا کہ وہ منافق ہے ۔ (دلائل النبوت ج ٤،ص ٢٥٤)(التوضيح لشرح الجامع صحیح ج ٢١،ص ٣٦٠،وزارة الاوقاف قطر ۱۳۲۹ھ) میں کہتا ہوں کہ اگر کوئی مسلمان خودکشی کرے جب کہ وہ اس کو ناجائز اور گناہ سمجھتا ہوتو یہ گناہ کبیرہ ہے کفر نہیں ہے اور اللہ تعالی کے فضل سے امید رکھنی چاہیے کہ اللہ تعالی اس کو بخش دے گا اور اس کی مغفرت کی دعا کرنی چاہیے البتہ اس کی نماز جنازہ کوئی عام مسلمان پڑھادے اور کوئی بڑا عالم دین اس کی نماز جنازہ نہ پڑھاۓ (نعمۃ الباری فی شرح بخاری حدیث نمبر ٤٢٠٢ کی تشریح کے تحت،)
حضرت ابوہریرہ رضی اللہ عنہ نے بیان کیا کہ ہم غزوہ خیبر میں حاضر ہوۓ تو رسول اللہ صلی اللّٰہ علیہ وسلم نے ایک ایسے شخص کے متعلق فرمایا جو اسلام کا مدعی تھا کہ یہ اہل دوزخ میں سے ہے جب جنگ شروع ہوئی تو اس مرد نے زبردست قتال کیا حتی کہ اس کے زخم بہت زیادہ ہو گئے پس قریب تھا کہ بعض لوگ شک میں پڑ جاتے، پس اس مرد کو زخم سے بہت تکلیف ہوئی اس نے اپنے ترکش کی طرف ہاتھ بڑھایا اس میں سے ایک تیر نکالا اور اس سے اپنا گلا کاٹ لیا پس مسلمان مرد دوڑتے ہوۓ آۓ سو انہوں نے کہا: یارسول اللہ! اللہ نے آپ کی بات پکی کر دی فلاں مرد نے تیر سے اپنا گلا کاٹ کر خود کوقتل کر دیا آپ نے فرمایا: اے فلاں! کھڑے ہو کر یہ اعلان کرو کہ جنت میں صرف مؤمن داخل ہو گا اور اللہ تعالی فاجر مرد سے بھی دین کی تائید کر دیتا ہے۔شعیب کی متابعت معمر نے کی ہے از الزہری ۔ اور شعیب نے کہا از یونس از ابن شهاب: مجھے ابن المسیب اور عبدالرحمان بن عبداللہ بن کعب نے خبر دی کہ حضرت ابو ہریرہ رضی اللہ عنہ نے بیان کیا کہ ہم نبی کریم صلی اللّٰہ علیہ وسلم کے ساتھ خیبر میں حاضر ہوۓ۔ اور ابن المبارک نے کہا از یونس از الزہری از سعید از نبی کریم صلی اللّٰہ علیہ وسلم۔ ابن المبارک کی متابعت صالح نے کی ہے از الزہری۔ اور الزبیدی نے کہا: مجھے زہری نے خبر دی کہ ان کو عبدالرحمن بن کعب نے خبر دی کہ عبید اللہ بن کعب نے کہا: مجھے انہوں نے خبر دی جو نبی کریم صلی اللّٰہ علیہ وسلم کے ساتھ خیبر میں حاضر تھے ۔ الزہری نے کہا: اور مجھے عبیداللہ بن عبداللہ اور سعید نے خبر دی از نبی کریم صلی اللّٰہ علیہ وسلم۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ,حدیث نمبر ٤١٠٣،و حدیث نمبر ٤٢٠٤)
ابوموسی اشعری رضی اللہ عنہ بیان کرتے ہیں کہ جب رسول اللہ صلی اللّٰہ علیہ وسلم غزوہ خیبر میں گئے یا کہا: جب رسول اللہ صلی اللّٰہ علیہ وسلم غزوہ خیبر کی طرف متوجہ ہوۓ تو صحابہ ایک وادی کے قریب ہوۓ پس انہوں نے بلند آواز سے کہا: اللہ اکبر اللہ اکبر لا الہ الا اللہ تو رسول اللہ ﷺ نے فرمایا: تم اپنے نفسوں کے ساتھ نرمی کرو تم کسی بہرے کو نہیں پکار رہے اور نہ غائب کو تم سنے والے قریب کو پکار رہے ہو اور وہ تمہارے ساتھ ہے اور میں اس وقت رسول اللہ صلی اللّٰہ علیہ وسلم کی سواری کے پیچھے تھا آپ نے میری آواز سنی اور میں اس وقت کہہ رہا تھا: گناہوں سے پھرنے اور نیک کام کرنے کی طاقت اللہ تعالی کی مدد کے بغیر نہیں ہے آپ نے مجھے فرمایا: اے عبداللہ بن قیس! میں نے کہا: میں حاضر ہوں یا رسول اللہ!تو نبی کریم صلی اللّٰہ علیہ وسلم نے فرمایا:کیا میں تم کو وہ کلمہ نہ بتاؤں جو جنت کے خزانوں میں سے ایک خزانہ ہے میں نے عرض کیا: کیوں نہیں! یا رسول اللہ! آپ پر میرے باپ اور ماں قربان ہوں آپ نے فرمایا: (وہ کلمہ:) "لاحول ولا قوة الا باللہ“ ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٥)
یزید بن ابی عبید نے حدیث بیان کی وہ بیان کرتے ہیں کہ میں نے حضرت سلمہ کی پنڈلی میں ضرب کا نشان دیکھا میں نے پوچھا: اے ابومسلم ! یہ کیسی ضرب ہے؟ انہوں نے کہا: خیبر کے دن مجھے بھی ضرب لگی تھی، لوگوں نے کہا کہ سلمہ زخمی ہو گیا سو میں نبی اکرم صلی اللہ علیہ وسلم کی خدمت میں حاضر ہوا آپ نے اس پر تین مرتبہ لعاب دہن ڈالا پس اس وقت سے اب تک )اس میں کوئی تکلیف نہیں ہوئی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٦)
حضرت سہل رضی اللہ عنہ بیان کرتے ہیں کہ کسی غزوہ میں نبی کریم صلی اللّٰہ علیہ وسلم کا مشرکین سے مقابلہ ہوا پس دونوں نے قتال کیا، پھر ہر فریق اپنے لشکر کی طرف آ گیا اور مسلمانوں میں ایک مرد تھا جو کسی مشرک کو نہیں چھوڑتا تھا خواہ وہ لشکر سے خارج ہو یا منفرد ہو وہ اس کا پیچھا کر کے اس پر تلوار سے وار کرتا پس کہا گیا: یا رسول اللہ ! کسی شخص کو اتنی جزا نہیں ملے گی جتنی جزاء فلاں کو ملے گی تب آپ نے فرمایا: وہ اہل دوزخ میں سے ہے تب صحابہ نے کہا: اگر وہ اہل دوزخ میں سے ہے تو پھر ہم میں سے کون اہل جنت میں سے ہوگا! مسلمانوں میں سے ایک مرد نے کہا: میں ضرور اس کا تعاقب کروں گا پس جب وہ دوڑتا اور آہستہ چلتا تو میں اس کے ساتھ ساتھ ہوتا حتی کہ وہ زخمی ہو گیا پھر اس نے اپنی موت کو جلدی طلب کر لیا' اس نے اپنی تلوار کا دستہ زمین پر رکھا اور اس کی نوک اپنے دو پستانوں کے درمیان رکھی پھر اس نے اپنے آپ کو اس تلوار پر ڈال دیا سواپنے نفس کو قتل کر دیا پھر وہ مرد نبی کریم صلی اللّٰہ علیہ وسلم کے پاس آیا پس کہا: میں گواہی دیتا ہوں کہ آپ اللہ کے رسول ہیں آپ نے پوچھا: اس کی کیا وجہ ہے؟ تو اس مرد نے آپ کو اس کا ماجرا سنایا آپ نے فرمایا: ایک مرد لوگوں کے سامنے اہل جنت کے عمل کرتا ہے اور وہ اہل دوزخ میں سے ہوتا ہے اور ایک مردلوگوں کے سامنے اہل دوزخ کے عمل کرتا ہے اور وہ اہل جنت میں سے ہوتا ہے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٧)
ابی عمران بیان کرتے ہیں کہ حضرت انس رضی اللہ عنہ نے جمعہ کے دن لوگوں کی طرف دیکھا کہ (ان کے سروں پر ) چادریں ہیں انہوں نے کہا کہ یہ لوگ اس وقت خیبر کے یہودیوں کی طرح ہیں ۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٨) حافظ ابن حجر عسقلانی نے لکھا ہے کہ طیالسۃ کا معنی ہے: زردرنگ کی چادر اور اسی رنگ کی وجہ سے حضرت انس رضی اللہ عنہ نے ان چادروں پر انکار فرمایا۔( فتح الباری ج ۵ ۱۳۰۵ دار المعرفۃ بیروت ۱۴۲۲ھ ) زردرنگ کی چادر کے مسئلہ میں علامہ عینی اور علامہ ابن حجر کا مناقشہ علامہ بدرالدین محمود بن احمد عینی حنفی متوفی ۸۵۵ ھ لکھتے ہیں: حضرت انس رضی اللہ عنہ نے زرد چادروں پر اس لیے انکار فرمایا کہ یہ یہودیوں کا طریقہ ہے اور یہودیوں کے ساتھ تشبہ ممنوع ہے اور اس کا ادنی درجہ کراہت ہے۔ امام ابن خزیمہ اور امام ابونعیم کی روایت ہے کہ حضرت انس رضی اللہ عنہ نے کہا: میں نے مسجد میں بہ کثرت زرد چادریں صرف خیبر کے یہودیوں کے اوپر دیکھی ہیں، حافظ ابن حجر عسقلانی نے کہا ہے کہ اس سے زرد چادروں کے پہنے کی کراہت لازم نہیں آتی ۔(فتح الباری ج ٥،ص ٣٠٥) علامہ عینی فرماتے ہیں : ہم اس کو نہیں مانتے کیونکہ اگر اس سے کراہت لازم نہ آتی تو پھر اس کو یہودیوں کے ساتھ تشبیہ دینے کا کیا فائدہ ہے؟ حافظ ابن حجر نے یہ بھی کہا ہے کہ حضرت انس نے صرف چادروں کے رنگ پر انکار فرمایا۔ (فتح الباری ج۵ ص۳۰۵ ) علامہ عینی فرماتے ہیں کہ اس کا معتمد علماء میں سے کون قائل ہے؟ اور کس نے یہ کہا ہے کہ اس زمانہ میں یہود زرد رنگ کی چادر استعمال کرتے تھے؟ اور اگر ہم یہ مان بھی لیں کہ وہ زرد چادریں تھیں تو حضرت انس رضی اللہ عنہ نے زرد رنگ کی چادروں کی وجہ سے ان کو خیبر کے یہودیوں کے ساتھ تشبیہ نہیں دی کیونکہ امام طبرانی نے حضرت انس رضی اللہ عنہ سے روایت کی ہے کہ نبی کریم صلی اللّٰہ علیہ وسلم کی ورس اور زعفران میں رنگی ہوئی چادر تھی جس کو پہن کر آپ اپنی ازواج کے پاس جاتے تھے اور امام طبرانی نے حضرت ام سلمہ رضی اللہ تعالٰی عنہا سے یہ بھی روایت کی ہے کہ بعض اوقات نبی کریم صلی اللّٰہ علیہ وسلم اپنی چادر کو یا اپنے تہبند کو زعفران یا ورس کے ساتھ رنگ لیتے اور وہ پہن کر باہر جاتے۔ (عمدۃ القاری ج ۱۷ص٣٢٣ تا ٣٢٤،دار الکتب العلمیہ بیروت ۱۳۲۱ ) میں کہتا ہوں کہ علامہ عینی نے یہ تو لکھا ہے کہ وہ چادریں زرو نہیں تھیں اور زرد چادروں کا پہنا ممنوع نہیں ہے لیکن یہ بیان نہیں کیا کہ پھر حضرت انس رضی اللہ عنہ نے ان کو خیبر کے یہودیوں کے ساتھ کیوں تشبیہ دی اور ان کے انکار کی کیا وجہ تھی! علامہ احمد بن اسماعیل کورانی حنفی متوفی ۸۹۳ ھ لکھتے ہیں: لوگوں نے ان چادروں سے اپنے عماموں کو چھپایا ہوا تھا' اس وجہ سے حضرت انس نے ان پر انکار فرمایا۔ ( الکوثر الجاری ج ٧،ص ٢٦٤، داراحیاء التراث العربی بیروت ۱۳۷۰) گویا یہاں چادروں کے رنگ کا مسئلہ نہیں تھا جیسا کہ حافظ ابن حجر نے سمجھا ہے اور علامہ عینی نے دلائل سے ثابت کر دیا کہ زردارنگ کی چادر اور تہبند نبی کریم صلی اللّٰہ علیہ وسلم سے ثابت ہے کراہت کی وجہ صرف یہ تھی کہ ان لوگوں نے خیبر کے یہودیوں کی طرح اپنے عماموں کو چادروں سے چھپایا ہوا تھا جیسا کہ علامہ کورانی نے بیان فرمایا ہے۔ شیخ سلیم اللہ خان کی غلط شرح شیخ سلیم اللہ خان نے اس حدیث کی شرح میں لکھا ہے: یہ ایک خاص قسم کی سیاہ چادرتھی جو یہود استعمال کرتے تھے اس لیے حضرت انس کو یہ بات اچھی نہیں معلوم ہوئی کہ ان کے ساتھ مسلمان مشابہت کریں۔ ( کشف الباری ( کتاب المغازی ) ص ٤٢٧ تا ٤٢٨،مکتبہ فاروقیہ کراچی ) میں کہتا ہوں کہ شیخ سلیم اللہ خان کا یہ کہنا غلط ہے کہ سیاہ رنگ کی چادر کی وجہ سے حضرت انس رضی اللہ عنہ نے ان پر انکار فرمایا۔ امام ترمذی نے کتاب الادب میں یہ عنوان قائم کیا ہے: باب ما جاء في الثوب الاسود یعنی سیاہ کپٹروں کے متعلق احادیث اور اس باب میں یہ حدیث روایت کی ہے: حضرت عائشہ رضی اللہ تعالیٰ عنہا بیان کرتی ہیں: ایک صبح نبی کریم صلی اللّٰہ علیہ وسلم باہر نکلے اور آپ کے اوپر بالوں سے بنی ہوئی چادر تھی ۔ (جامع ترمذی شریف ۲۸۱۳ دارالمعرفة، مسند احمد ج ٦،ص ١٦٢) در اصل شیخ سلیم اللہ نے اس حدیث کی شرح کرتے ہوۓ تتبع نہیں کیاحتی کہ ان پر منکشف ہوتا کہ حضرت انس رضی اللہ عنہ کے انکار کی وجہ کیا تھی! (نعمۃ الباری فی شرح بخاری حدیث نمبر ٤٢٠٨،کے تحت از علامہ غلام رسول سعیدی علیہ وسلم)
حضرت سلمہ رضی اللہ عنہ بیان کرتے ہیں کہ حضرت علی رضی اللہ عنہ غزوہ خیبر میں نبی کریم صلی اللّٰہ علیہ وسلم سے پیچھے رہ گئے تھے اور ان کی آنکھوں میں تکلیف تھی۔ پس انہوں نے کہا: ( کیا) میں نبی کریم صلی اللّٰہ علیہ وسلم سے پیچھے رہ جاؤں گا! پھر وہ جا کر آپ علیہ السلام سے مل گئے پس ہم جب اس رات سوۓ جس رات ( کے بعد ) خیبر فتح ہوا تھا۔ تو آپ نے فرمایا: کل میں جھنڈا اس کو عطا ء کروں گا یا فرمایا: کل جھنڈا وہ مرد لے گا جس سے اللہ اور اس کا رسول محبت کرتا ہے اس پر فتح ہو گئی، پس ہم جھنڈے کی امید رکھتے تھے پس کہا گیا۔ یہ ہیں علی رضی اللہ عنہ تو آپ نے ان کو جھنڈا عطاء کیا سو ان پر خیبر فتح کیا گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٠٩)
ابی حازم بیان کرتے ہیں کہ مجھے حضرت سہل بن سعد رضی اللہ عنہ نے خبر دی کہ رسول اللہ صلی اللّٰہ علیہ وسلم نے خیبر کے دن فرمایا: کل میں جھنڈا اس مرد کو عطاء کروں گا جس کے ہاتھ پر اللہ خیبر فتح فرماۓ گا وہ اللہ اور اس کے رسول سے محبت کرتا ہے اور اللہ اور اس کا رسول اس سے محبت کرتے ہیں انہوں نے بتایا: پس صحابہ نے رات گزاری وہ اس رات میں مختلط اور مختلف تھے کہ آپ کس کو جھنڈا عطاء فرمائیں گئے پس جب صحابہ صبح کو اٹھے تو وہ رسول اللہ صلی اللّٰہ علیہ وسلم کے پاس گئے ان میں سے ہر ایک کو یہ امید تھی کہ آپ اس کو جھنڈا عطاء فرمائیں گے تب آپ نے پوچھا: علی بن ابی طالب کہاں ہیں؟ پس بتایا گیا: یا رسول اللہ! ان کی آنکھوں میں تکلیف ہے آپ نے فرمایا: ان کو بلاؤ ، پس حضرت علی رضی اللہ عنہ کو لایا گیا۔ تب رسول اللہ ﷺ نے ان کی آنکھوں میں لعاب دہن ڈالا اور ان کے حق میں دعا کی تو ان کی آنکھیں اس طرح ٹھیک ہو گئیں گویا ان میں درد ہی نہ تھا، پس آپ نے ان کو جھنڈا عطاء کیا، پھر حضرت علی رضی اللہ عنہ نے کہا: یارسول اللہ! میں ان سے اس وقت تک لڑتا رہوں گا حتی کہ وہ ہماری مثل ہو جائیں، پس آپ علیہ السلام نے فرمایا: یوں ہی چلے جاؤ ان کے میدان میں اتر کر پہلے انہیں اسلام کی دعوت دو اور ان کو بتاؤ کہ ان کے اوپر اللہ کے کیا حقوق واجب ہیں پس اللہ کی قسم ! اگر اللہ تمہارے سبب سے ایک مرد کو بھی ہدایت دے دے تو وہ تمہارے لیے سرخ اونٹوں سے بہت بہتر ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٠)
حضرت انس بن مالک رضی اللہ عنہ بیان کرتے ہیں کہ ہم خیبر میں آۓ پس جب اللہ تعالی نے قلعہ کو فتح کر دیا تو صفیہ بنت حیی بن اخطب کے حسن و جمال کا آپ سے ذکر کیا گیا اور ان کے شوہر قتل کیے جا چکے تھے اور وہ اس وقت دلہن تھیں، پس نبی کریم صلی اللّٰہ علیہ وسلم نے ان کو اپنے نفس کے لیے پسند کرلیا۔ پس آپ ان کے ساتھ نکلے حتی کہ سد الصہباء کے مقام پر پہنچ گئے اس وقت حضرت صفیہ رضی اللہ تعالٰی عنہا حیض سے پاک ہو گئیں، پس رسول اللہ ﷺ نے ان کے ساتھ شب زفاف گزاری، پھر آپ نے حیس( کھجور گھی اور پنیر کا آمیزہ ) بنا کر چمڑے کے ایک چھوٹے ٹکڑے میں رکھا پھر مجھے حکم دیا کہ تمہارے گرد جو لوگ ہیں انہیں بلالو سو یہ آپ کا حضرت صفیہ رضی اللہ تعالٰی عنہا پر ولیمہ تھا پھر ہم مدینہ کی طرف نکلے پس میں نے دیکھا کہ نبی کریم صلی اللّٰہ علیہ وسلم نے حضرت صفیہ رضی اللہ تعالٰی عنہا کے لیے اپنے پیچھے ایک چادر بچھا دی پھر آپ اپنے اونٹ کے پاس بیٹھ گئے اور اپنا گھٹنا رکھا اور حضرت صفیہ رضی اللہ تعالٰی عنہا نے اپنا پیر آپ کے گھٹنے پر رکھا حتی کہ وہ سوار ہوئیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١١)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم حضرت صفیہ بنت حیی رضی اللہ تعالٰی عنہا کے پاس خیبر کے راستہ میں تین دن ٹہر ے حتی کہ ان کے ساتھ خلوت فرمائی اور وہ ان مستورات میں سے ہوگئیں جن پر حجاب کے احکام جاری کیے گئے ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٢)
حضرت انس رضی اللہ عنہ بیان کرتے ہیں کہ نبی اکرم صلی اللہ علیہ وسلم خیبر اور مدینہ کے درمیان تین راتیں ٹہر ے وہیں حضرت صفیہ رضی اللہ تعالٰی عنہا سے خلوت کی پس میں نے صحابہ کو آپ کے ولیمہ کے لیے بلایا آپ کے ولیمہ میں روٹی تھی نہ گوشت تھا اس میں صرف یہ تھا کہ حضرت بلال رضی اللہ عنہ کو چمڑے کا دستر خوان لانے کا حکم دیا گیا پھر اس کو بچھایا گیا اور اس پر کھجوریں پنیر اور گھی کا آمیزہ رکھ دیا گیا صحابہ نے (آپس میں) کہا: یہ امہات المؤمنین میں سے ایک ہیں یا آپ کی باندی ہیں!انہوں نے کہا: اگر آپ نے ان کو پردہ میں رکھا تو یہ امہات المؤمنین میں سے ایک ہیں اور اگر آپ نے ان کو پردہ میں نہیں رکھا تو پھر وہ آپ کی باندی ہیں پھر جب آپ روانہ ہوۓ تو آپ نے اونٹ پر اپنے پیچھے ان کے بیٹھنے کی جگہ بنائی اور پردہ ڈال دیا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٣)
حضرت عبداللہ بن مغفل رضی اللہ عنہ بیان کرتے ہیں کہ ہم خیبر کا محاصرہ کر رہے تھے اسی اثناء میں کسی انسان نے چمڑے کی ایک تھیلی پھینکی جس میں چربی تھی میں اس کو لینے کے لیے اچھلا پس میں نے مڑ کر دیکھا تو نبی کریم صلی اللّٰہ علیہ وسلم کھڑے ہوۓ تھے پس مجھے حیاء آئی ۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٤)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے خیبر کے دن لہسن اور پالتو گدھوں کے گوشت کو کھانے سے منع فرما دیا لہسن کھانے کی ممانعت صرف نافع سے مروی ہے اور پالتو گدھوں کے گوشت کی ممانعت سالم سے مروی ہے۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ,حدیث نمبر ٤٢١٥)
حضرت علی بن ابی طالب رضی اللہ عنہ بیان کرتے ہیں کہ رسول اللہ ﷺ نے خیبر کے دن عورتوں سے متعہ کرنے سے منع فرمایا اور پالتو گدھوں کا گوشت کھانے سے فرمایا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٦)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے خیبر کے دن پالتو گدھوں کے گوشت ( کھانے ) سے منع فرما دیا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٧)
حضرت ابن عمر رضی اللہ تعالٰی عنہما بیان کرتے ہیں کہ نبی ﷺ نے پالتو گدھوں کے گوشت کو کھانے سے منع فرمادیا۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٨)
حضرت جابر بن عبداللہ رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے خیبر کے دن پالتو گدھوں کے گوشت سے منع فرمادیا اور گھوڑوں میں اجازت دی ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢١٩)
الشیبانی بیان کرتے ہیں کہ ہم نے حضرت ابن ابی اوفی رضی اللہ تعالٰی عنہما سے سنا کہ خیبر کے دن ہم کو بھوک لگی، پس بے شک پتیلی( میں سالن )جوش کھا رہا تھا اور اس کا کچھ حصہ پک چکا تھا تو نبی کریم صلی اللّٰہ علیہ وسلم کے ایک منادی نے آ کر کہا: گدھوں کے گوشت میں سے کچھ بھی نہ کھاؤ اور پتیلی کو الٹ دو حضرت ابن ابی اوفی نے کہا: ہم یہ باتیں کر رہے تھے کہ آپ نے گدھوں کے گوشت سے اس لیے منع فرمایا ہے کہ اس میں سے خمس نہیں نکالا گیا اور بعض نے کہا: آپ نے اس سے یقینی طور پر منع فرمایا ہے کیونکہ گدھے نجاست کھاتے ہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٠)
حضرت البراء و حضرت عبداللہ بن ابی اوفی رضی اللہ تعالٰی عنہما بیان کرتے ہیں کہ ہم نبی کریم صلی اللّٰہ علیہ وسلم کے ساتھ تھے پس صحابہ کو گدھے مل گئے انہوں نے ان کو پکا لیا تو نبی کریم صلی اللّٰہ علیہ وسلم کے منادی نے اعلان کیا کہ پتیلیوں کو الٹ دو ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر, ٤٢٢١،٤٢٢٢)
حضرت البراء اور حضرت ابن ابی اوفی رضی اللہ تعالٰی عنہما سے روایت ہے وہ دونوں نبی اکرم صلی اللہ علیہ وسلم سے روایت کرتے ہیں کہ خیبر کے دن صحابہ نے پتیلیاں( چولہوں پر)رکھ دی تھیں، اس وقت آپ نے فرمایا: پتیلیوں کو الٹ دو ۔ حضرت البراء رضی اللہ عنہ بیان کرتے ہیں: ہم نبی کریم صلی اللّٰہ علیہ وسلم کے ساتھ ایک غزوہ میں گئے اس کی مثل حدیث ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٣،٤٢٢٤،٤٢٢٥)
حضرت البراء بن عازب رضی اللہ عنہ بیان کرتے ہیں کہ ہمیں نبی اکرم صلی اللہ علیہ وسلم نے غزوہ خیبر میں حکم دیا کہ ہم پالتو گدھوں کے گوشت گرادیں خواہ وہ کچا ہو یا پکا ہوا ہو پھر اس کے بعد آپ نے ہمیں اس کے کھانے کا حکم نہیں دیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٦)
حضرت ابن عباس رضی اللہ تعالیٰ عنہما بیان کرتے ہیں کہ میں نہیں جانتا کہ آیا رسول اللہ ﷺ نے (گدھوں کے گوشت ) سے اس لیے منع فرمایا کہ وہ لوگوں کا بوجھ اٹھانے والے جانور ہیں تو آپ نے اس کو ناپسند کیا کہ ان کا بوجھ اٹھانے والے جانور ختم ہو جائیں یا آپ نے خیبر کے دن پالتو گدھوں کے گوشت کو حرام فرمادیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٧)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے خیبر کے دن گھڑ سوار کو ( مال غنیمت سے) دو حصے دیے اور پیدل کو ایک حصہ دیا انہوں نے بتایا کہ نافع نے اس کی تفسیر کی پس انہوں نے کہا: جب مرد کے ساتھ گھوڑا ہوتو اس کے تین حصے ہوں گے اور اگر اس کے ساتھ گھوڑا نہ ہو تو اس کا ایک حصہ ہوگا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٨)
حضرت جبیر مطعم رضی اللہ عنہ نے خبر دی کہ میں اور حضرت عثمان بن عفان رضی اللہ عنہ نبی اکرم صلی اللہ علیہ وسلم کے پاس چل کر گئے، پس ہم نے عرض کیا کہ آپ نے بنوالمطلب کو خیبر کے خمس سے عطاء کیا ہے اور ہم کو چھوڑ دیا ہے۔ حالانکہ ہماری آپ کے ساتھ ایک درجہ کی قرابت ہے! آپ نے فرمایا: اس کے سوا اور کچھ نہیں کہ بنو ہاشم اور بنوالمطلب ایک چیز ہیں اور حضرت جبیر نے بتایا کہ نبی کریم صلی اللّٰہ علیہ وسلم نے بنوعبد شمس اور بنونوفل کے لیے کچھ تقسیم نہیں کیا تھا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٢٩)
حضرت ابی موسیٰ رضی اللہ عنہ بیان کرتے ہیں کہ جس وقت ہمیں نبی کریم صلی اللّٰہ علیہ وسلم کی ہجرت کی خبر پہنچی اس وقت ہم یمن میں تھے پس ہم نبی کریم ﷺ کی طرف ہجرت کرتے ہوۓ نکلے میں تھا اور میرے دو بھائی تھے اور میں سب سے چھوٹا تھا ان دونوں میں سے ایک حضرت ابو بردہ تھے اور دوسرے حضرت ابورھم تھے یہ یا انہوں نے کہا: ہم چند اصحاب کے ساتھ یا کہا: ترپن یا باون میری قوم کے مرد تھے ہم کشتی میں سوار ہوۓ پس کشتی نے ہمیں نجاشی کے ملک حبشہ (ایتھوپیا) میں پہنچا دیا وہاں حضرت جعفر بن ابی طالب رضی اللہ تعالٰی عنہ سے موافقت ہوئی ہم ان کے ساتھ ٹہرے حتی کہ ہم ایک ساتھ (مدینہ)آۓ ہماری نبی کریم صلی اللّٰہ علیہ وسلم سے اس وقت ملاقات ہوئی جب آپ خیبر فتح کر چکے تھے اور اس وقت بعض صحابہ ہم کشتی والوں سے یہ کہتے تھے ہم تم سے ہجرت کرنے میں سابق ہیں اور حضرت اسماء بنت عمیس بھی آئی تھیں، اور میدان میں سے تھیں جو ہمارے ساتھ نبی کریم صلی اللّٰہ علیہ وسلم کی زوجہ حضرت حفصہ رضی اللہ تعالٰی عنہا کے پاس ان کی زیارت کے لیے گئی تھیں اور انہوں نے بھی حضرت نجاشی کی طرف ہجرت کرنے والوں کے ساتھ ہجرت کی تھی، پس حضرت عمر رضی اللہ عنہ حضرت حفصہ رضی اللہ تعالٰی عنہا کے پاس آۓ اور حضرت اسماء رضی اللہ عنہا بھی ان کے پاس تھیں حضرت عمر رضی اللہ عنہ نے جب حضرت اسماء رضی اللہ تعالٰی عنہا کو دیکھا تو پوچھا: یہ کون ہیں؟ انہوں نے بتایا: میں حضرت اسماء بنت حمیس ہیں حضرت عمر رضی اللہ عنہ نے کہا: یہ سمندر کے راستے سے حبشہ سے آئی ہیں؟ حضرت اسماء نے کہا: جی ہاں! حضرت عمر نے کہا: ہم تم سے ہجرت کرنے میں سابق ہیں، پس ہم تم سے زیادہ رسول اللہ صلی اللّٰہ علیہ وسلم کے حق دار ہیں تو حضرت اسماء غضب ناک ہوئیں، انہوں نے کہا: ہرگز نہیں! اللہ کی قسم ! تم رسول اللہ صلی اللّٰہ علیہ وسلم کے ساتھ تھے وہ تمہارے بھوکوں کو کھلاتے تھے اور تم میں سے بے علم لوگوں کو نصیحت کرتے تھے اور ہم ایسے گھر میں تھے یا ائی دور کی زمین میں تھے جہاں کے لوگ ہم سے بغض رکھنے والے تھے ہم حبشہ میں تھے اور ہمارا وہاں جانا اللہ تعالی اور اس کے رسول صلی اللہ علیہ وسلم کی رضا کے لیے تھا اور اللہ کی قسم! میں اس وقت تک کچھ کھاؤں گی نہ پیوں گی حتی کہ میں آپ کی بات کا رسول اللہ صلی اللّٰہ علیہ وسلم سے ذکر نہ کر دوں اور ہم کو وہاں ایذاء دی جاتی تھی اور ہم کو خوف زدہ کیا جا تا تھا اور میں عنقریب نبی کریم صلی اللّٰہ علیہ وسلم سے اس بات کا ذکر کروں گی اور آپ سے سوال کروں گی اور اللہ کی قسم! میں جھوٹ نہیں بولوں گی اور یہ تحریف کروں گی اور نہ آپ کی بات پر کوئی اضافہ کروں گی ۔ پس جب نبی ﷺ تشریف لاۓ تو حضرت اسماء نے کلا۔ اے اللہ کے نبی! بے شک حضرت عمر نے اس طرح اور اس طرح کہا ہے آپ نے پوچھا: پھر تم نے ان سے کیا کہا ؟ حضرت اسماء نے بتایا: میں نے ان سے اس طرح اور اس طرح کہا آپ نے۔ فرمایا: وہ تم سے زیادہ میرے حق دار نہیں ہیں ان کے اور ان کے اصحاب کے لیے ایک ہجرت ہے او تمہارے لیے اے کشتی والو! دو ہجرتیں ہیں حضرت اسماء نے کہا: پس تحقیق یہ ہے کہ میں نے دیکھا کہ حضرت ابوموسیٰ اور کشتی والے باری باری میرے پاس آتے اور مجھ سے اس حدیث کے متعلق سوال کرتے اور وہ دنیا کی کسی چیز سے اتنے خوش نہیں ہوۓ تھے اور نہ ان کے نزدیک دنیا کی کوئی چیز اتنی عظیم تھی جتنی نبی کریم صلی اللّٰہ علیہ وسلم کی یہ حدیث تھی حضرت ابو بردہ نے بتایا کہ حضرت اسماء نے بتایا کہ میں نے دیکھا کہ حضرت ابوموسیٰ بار بار مجھ سے یہ حدیث ڈہرواتے تھے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٠،و حدیث نمبر ٤٢٣١)
حضرت ابوبردہ نے کہا از حضرت ابوموسیٰ رضی اللہ عنہ وہ بیان کرتے ہیں کہ نبی اکرم صلی اللہ علیہ وسلم نے فرمایا: میں اشعریین کے رفقاء کی قرآن پڑھنے کی آواز کو پہچانتا ہوں جب وہ رات میں داخل ہوتے ہیں اور جب وہ رات میں بلند آواز سے قرآن پڑھتے ہیں تو میں ان کی قیام گاہوں کو پہچانتا ہوں اگر چہ وہ دن میں کسی جگہ ٹھہرتے ہیں تو میں نے ان کی قیام گاہوں کو نہیں دیکھا ہوتا اور ان میں سے ایک عقل مند مرد ہے جب اس کی گھڑ سواروں سے ملاقات ہوتی ہے یا فرمایا: کسی دشمن سے ملاقات ہوتی ہے تو وہ ان سے کہتا ہے: میرے اصحاب تم کو یہ حکم دیتے ہیں کہ تم ان کا انتظار کر لو۔ (بخاری شریف ،كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٢)
حضرت ابوموسیٰ رضی اللہ عنہ بیان کرتے ہیں کہ ہم فتح خیبر کے بعد نبی اکرم صلی اللہ علیہ وسلم کے پاس آۓ آپ نے ہمارے لیے مال غنیمت تقسیم کیا اور ہمارے سوا اور کسی ایسے شخص کے لیے تقسیم نہیں کیا جو فتح خیبر پر حاضر نہ ہو۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٣)
ابواسحاق نے حدیث بیان کی وہ بیان کرتے ہیں کہ مالک بن انس نے کہا: مجھے ثور نے حدیث بیان کی انہوں نے کہا۔ مجھے سالم مولی ابن مطیع نے حدیث بیان کی انہوں نے کہا کہ انہوں نے حضرت ابو ہریرہ رضی اللہ عنہ سے سنا وہ بیان کرتے ہیں کہ ہم نے خیبر فتح کیا اور ہم نے مال غنیمت میں سے سونا اور چاندی نہیں لی ہم نے صرف بیل اور اونٹ اور سامان اور باغات لیے،پھر ہم رسول اللہ صلی اللّٰہ علیہ وسلم کے ساتھ وادی القری پر گئے اور ہمارے ساتھ آپ کا ایک غلام تھا جس کو مدعم کہا جاتا تھا وہ آپ کو بنوالضباب میں سے کسی نے ہبہ کیا تھا سوجس وقت وہ رسول اللہ صلی اللّٰہ علیہ وسلم کا کجاوہ اتار رہا تھا اچانک نامعلوم سمت سے ایک تیر آکر اس غلام کو لگا تو لوگوں نے کہا: اس کو شہادت مبارک ہو! تب رسول اللہ صلی اللّٰہ علیہ وسلم نے فرمایا: بلکہ اس ذات کی قسم جس کے قبضہ قدرت میں میری جان ہے! جو چادر اس نے خیبر کے مال غنیمت کے تقسیم ہونے سے پہلے چرائی تھی وہ اس پر آگ کا شعلہ بن کر بھڑک رہی ہے پس جب ایک مرد نے نبی کریم صلی اللّٰہ علیہ وسلم سے یہ ارشاد سنا تو وہ ایک تسمہ یا دو تسمے لے کر حاضر ہوا اور عرض کیا: یہ وہ ہیں جن کو میں نے لیا تھا تب رسول اللہ صلی اللّٰہ علیہ وسلم نے فرمایا: یہ آگ کا ایک تسمہ یا دو تسمے ہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٤)
حضرت عمر بن الخطاب رضی اللہ عنہ بیان کرتے ہیں کہ سنو!جس ذات کے قبضہ و قدرت میں میری جان ہے! اگر مجھے یہ خطرہ نہ ہوتا کہ میں آخر کے لوگوں کو محتاج اور فقیر چھوڑوں گا تو جو شہر بھی فتح ہوتا میں اس کو وہاں کے مجاہد میں اس کو تقسیم کر دیا، جس طرح نبی اکرم صلی اللہ علیہ وسلم نے خیبر کوتقسیم کیا تھا۔ لیکن میں ان مفتوحہ اراضی کو مسلمانوں کا خزانہ بنا کر چھوڑ رہا ہوں تا کہ وہ اس کی آمدنی کواپنے درمیان تقسیم کرتے رہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٥)
حضرت عمر رضی اللہ عنہ نے کہا: اگر مجھے آخری مسلمانوں ( کے اخلاص ) کا خطرہ نہ ہوتا تو میں ہر مفتوحہ شہر کی زمینوں کو مجاہدین میں اس طرح تقسیم کر دیتا جس طرح نبی ﷺ نے خیبر کی زمینوں کو تقسیم کیا تھا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٦)
عنبسہ بن سعید نے خبر دی کہ حضرت ابوہریرہ رضی اللہ عنہ نبی اکرم صلی اللہ علیہ وسلم کے پاس آۓ اور (آپ علیہ السلام سے خیبر کی غنیمت کا)حصہ مانگا سعید بن العاص کے ایک بیٹے (حضرت ابان بن سعید)نے کہا:یارسول اللہ صلی اللّٰہ علیہ وسلم!اس کو نہ دیں تو حضرت ابو ہریرہ رضی اللہ عنہ نے کہا:یہ حضرت ابن قوقل کا قاتل ہے (اس پر حضرت ابان نے )کہا: اس وبر(بلی سے چھوٹا جانور پر)تعجب ہے جو قدوم الضان (پہاڑی)سے اتر کر آیا ہے۔ عنبسہ بن سعید نے خبر دی انہوں نے حضرت ابو ہریرہ رضی اللہ عنہ سے سنا کہ وہ سعید بن العاص کو خبر دیتے ہیں کہ رسول اللہ صلی اللّٰہ علیہ وسلم نے حضرت ابان رضی اللہ عنہ کو ایک لشکر کا امیر بنا کر مدینہ سے نجد کی طرف بھیجا حضرت ابوہریرہ رضی اللہ عنہ نے کہا کہ پس حضرت ابان اور ان کے اصحاب خیبر کے فتح ہونے کے بعد خیبر میں پہنچے اور ان لوگوں کے گھوڑے درخت کی چھال کا گٹھا تھے حضرت ابو ہریرہ رضی اللہ عنہ بیان کرتے ہیں کہ میں نے عرض کیا: یارسول اللہ صلی اللّٰہ علیہ وسلم!ان لوگوں کے لیے مال غنیمت تقسیم نہ کریں حضرت ابان نے کہا: اے وبر! تم یہ بات کہہ رہے ہو! تم ضان پہاڑ کی چوٹی سے اتر کر آۓ ہو تب نبی اکرم صلی اللہ علیہ وسلم نے فرمایا: اے ابان! بیٹھ جاؤ! پس آپ نے ان کے لیے مال غنیمت تقسیم نہیں کیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٧،و حدیث نمبر ٤٢٣٨)
عمرو بن یحیی بن سعید نے حدیث بیان کی انہوں نے کہا: مجھے میرے دادا نے خبر دی کہ حضرت ابان بن سعید رضی اللہ عنہ نبی اکرم صلی اللہ علیہ وسلم کے پاس آۓ پس آپ کو سلام کیا تو حضرت ابو ہریرہ رضی اللہ عنہ نے کہا: یا رسول اللہ! یہ حضرت ابن قوقل رضی اللہ عنہ کا قاتل ہے اور حضرت آبان رضی اللہ عنہ نے حضرت ابو ہریرہ رضی اللہ عنہ سے کہا: اے بلی جیسے! تم پر تعجب ہے تم ضان پہاڑ سے لڑھکتے ہوۓ آۓ ہو اور مجھ پرایسے مرد( کی شہادت ) کی وجہ سے عیب لگارہے ہو جس کو اللہ تعالی نے میرے ہاتھ سے قتل ہونے کے سبب سے عزت اور کرامت دی اور اس مرد کو مجھے رسوا کرنے سے روکا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٣٩) حضرت ابو ہریرہ رضی اللہ عنہ اور حضرت آبان رضی اللہ عنہ کے مناظرہ پر علامہ غلام رسول سعیدی علیہ الرحمہ تبصرہ کرتے ہوئے لکھتے ہیں کہ:حضرت ابو ہریرہ رضی اللہ عنہ اور حضرت آبان رضی اللہ عنہ دونوں نے ایک دوسرے کو برا کہا لیکن حضرت ابان رضی اللہ عنہ نے جوابی کارروائی کی ہے اور یہ واضح کیا کہ آپ جو مجھ پر حضرت ابن قوقل رضی اللہ عنہ کوقتل کرنے کی وجہ سے عیب لگارہے ہیں تو اس کا کوئی جواز نہیں ہے کیونکہ میرا فعل زمانہ کفر کا تھا اور اسلام لانے کے بعد زمانہ کفر کے تمام گناہ معاف ہو جاتے ہیں اور حضرت ابن قوقل رضی اللہ عنہ نے میرے ہاتھوں قتل ہو کر شہادت کا مرتبہ پایا سو ان کو میری وجہ سے عزت اور کرامت ملی اور میں ان کے ہاتھوں سے قتل نہیں ہوا تو اللہ تعالی نے مجھے زمانہ کفر میں مرنے کی رسوائی سے بچایا اور ر ہے آپ تو آپ بلی جیسی جسامت رکھتے ہیں پہاڑ سے لڑھکتے ہوۓ آۓ ہیں اور آپ میں جہاد کرنے اور کافروں سے لڑنے کی طاقت نہیں ہے یوں حضرت آبان رضی اللہ عنہ نے حضرت ابو ہریرہ رضی اللہ عنہ کی ملامت سے اپنی براءت ظاہر کی اور حضرت ابو ہریرہ رضی اللہ عنہ ان کو کوئی جواب نہیں دے سکے تاہم حضرت آبان رضی اللہ عنہ کا حضرت ابو ہریرہ رضی اللہ عنہ پر یہ عیب لگانا بھی نامناسب تھا کہ تم بلی کی جسامت رکھتے ہو اور کافروں سے لڑنے کی طاقت نہیں رکھتے کیونکہ کسی شخص کا کم زور ہونا اور جسمانی طور پر بلی کے مشابہ ہونا اس کے اختیار کی بات نہیں ہے یہ تو اللہ کی خلقت ہے وہ جس کو چاہے کم زور بنادے اور جس کو چاہے توانا بنا دے سو کسی کی جسمانی کمزوری پر طعن کرنا دراصل اللہ تعالی کی خلقت پر طعن کرنا ہے تاہم حضرت ابان رضی اللہ عنہ کی طرف سے یہ کہا جا سکتا ہے کہ وہ مغلوب الغضب ہو گئے تھے اور شدت جذبات سے بے قابو ہو کر ایسی بات کہہ گئے اللہ تعالی انہیں معاف فرماۓ اور ان کے درجات بلند فرماۓ اور میرے گناہ معاف فرماۓ حقیقت میں صحابہ کرام رضوان اللہ علیہم اجمعین کی خطایں بھی ہماری نیکیوں سے بڑھ کر ہیں۔ علامہ ابن ملقن حافظ ابن حجر اور علامہ عینی سب نے یہ لکھا ہے کہ حضرت آبان رضی اللہ عنہ نے حضرت ابو ہریرہ رضی اللہ عنہ کی جسمانی کم زوری کی بناء پر ان کی تحقیر کی لیکن کسی نے بھی حضرت آبان رضی اللہ عنہ کی طرف سے توجیہ نہیں کی میں کہتا ہوں کہ حضرت ابو ہریرہ رضی اللہ عنہ نے حضرت ابان رضی اللہ عنہ کے اس طعن پر صبر کیا اور اللہ تعالی ان کو اس کا ان شاء اللہ اجر عظیم عطاء فرماۓ گا۔ (نعمۃ الباری فی شرح بخاری جلد ہفتم کتاب المغازی حدیث نمبر ٤٢٣٩ کی تشریح کے تحت)
حضرت عائشہ رضی اللہ تعالیٰ عنہا بیان کرتی ہیں کہ نبی اکرم صلی اللہ علیہ وسلم کی صاحب زادی سیدتنا فاطمہ علیہا السلام نے حضرت ابوبکر رضی اللہ عنہ کی طرف پیغام بھیجا وہ ان سے اپنی میراث کے اس حصہ کا سوال کر رہی تھیں جو اللہ تعالی نے رسول اللہ صلی اللّٰہ علیہ وسلم کو مدینہ میں مال فئے عطا فرمایا تھا اور فدک میں عطاء فرمایا اور جو خیبر کے خمس میں سے باقی مال تھا حضرت ابوبکر رضی اللہ عنہ نے بتایا کہ رسول اللہ صلی اللّٰہ علیہ وسلم نے فرمایا ہے: ہم مورث نہیں بناۓ جاتے (یعنی ہم کسی کو وارث نہیں بنائیں گے ) ہم نے جو کچھ بھی چھوڑا ہے وہ صدقہ ہے سیدنا محمد صلی اللّٰہ علیہ وسلم کی آل صرف اس مال سے کھاۓ گی اور میں اللہ کی قسم! رسول اللہ صلی اللّٰہ علیہ وسلم کے صدقہ کو اس حال پر رکھوں گا جس حال پر وہ رسول اللہ صلی اللّٰہ علیہ وسلم کے عہد میں تھا اور میں اس میں کچھ بھی تغیر نہیں کروں گا اور میں ان اموال میں وہی عمل کروں گا جو ان اموال میں رسول اللہ صلی اللّٰہ علیہ وسلم عمل کرتے تھے پس حضرت ابوبکر رضی اللہ عنہ نے ان اموال میں سے حضرت فاطمہ رضی اللہ تعالٰی عنہا کو کچھ بھی دینے سے انکار کیا۔ سو حضرت فاطمہ رضی اللہ تعالٰی عنہا حضرت ابوبکر رضی اللہ عنہ پر غضب ناک ہوئیں، پس انہوں نے ان کو چھوڑ دیا اور اس سے کلام نہیں کیا حتی کہ ان کی وفات ہوگئی اور وہ نبی کریم صلی اللّٰہ علیہ وسلم کے بعد چھ ماہ زندہ رہی تھیں،پس جب وہ فوت ہوئیں تو ان کے شوہر حضرت علی نے ان کو راتوں رات دفن کر دیا اور حضرت ابوبکر کو خبر نہیں دی اور ان کی خود نماز جنازہ پڑھی جب تک حضرت فاطمہ رضی اللہ عنہا حیات تھیں لوگوں کی حضرت علی رضی اللہ عنہ کی طرف توجہ تھی جب وہ فوت ہو گئیں تو حضرت علی رضی اللہ عنہ نے لوگوں کی توجہ بدلی ہوئی پائی، پھر انہوں نے حضرت ابوبکر رضی اللہ عنہ سے مصالحت طلب کی اور ان سے بیعت کرنا چاہی اور انہوں نے ان مہینوں میں بیعت نہیں کی تھی، پس انہوں نے حضرت ابوبکر رضی اللہ عنہ کو پیغام بھیجا کہ آپ ہمارے پاس آئیں اور آپ کے ساتھ کوئی اور ہمارے پاس نہ آۓ حضرت عمر رضی اللہ عنہ کی آمد کو ناپسند کرنے کے سبب سے تب حضرت عمر رضی اللہ عنہ نے کہا نہیں! اللہ کی قسم! آپ ان کے پاس اکیلے نہیں جائیں گے پھر حضرت ابوبکر رضی اللہ عنہ نے کہا: کیا تم کو توقع ہے کہ وہ میرے ساتھ کوئی ( ناگوار ) سلوک کریں گے! اللہ کی قسم! میں ضرور ان کے پاس جاؤں گا پھر حضرت ابوبکر رضی اللہ عنہ ان کے پاس گئے تو حضرت علی رضی اللہ عنہ نے کلمہ شہادت پڑھا، پس کہا: ہم آپ کی فضیلت کو پہچانتے ہیں اور جو آپ کو اللہ تعالی نے مرتبہ دیا ہے اور اللہ تعالی نے آپ کو جو خیر عطاء کی ہے ہم اس پر کوئی حسد نہیں کرتے لیکن آپ نے خلافت کے معاملہ کو از خود طے کر لیا اور رسول اللہ صلی اللّٰہ علیہ وسلم سے جو ہماری قرابت ہے اس کی وجہ سے ( مشورہ میں ہم اپنا حق سمجھتے تھے حضرت ابوبکر رضی اللہ عنہ کی آنکھوں سے آنسو جاری ہو گئے پھر حضرت ابوبکر نے کہا: اس ذات کی قسم جس کے قبضہ و قدرت میں میری جان ہے البتہ!رسول اللہ ﷺ کی قرابت سے حسن سلوک کرنا میرے نزدیک اپنی قرابت کے ساتھ حسن سلوک کرنے کی بہ نسبت زیادہ پسندیدہ ہے رہے اموال جن کی وجہ سے میرے اور آپ کے درمیان اختلاف ہوا ہے تو میں نے ان اموال میں خیر اور نیکی کو ترک نہیں کیا اور رسول اللہ صلی اللّٰہ علیہ وسلم ان اموال میں جو کچھ بھی تصرف فرماتے تھے میں ان اموال میں وہی تصرف کر رہا ہوں اس کے بعد حضرت علی رضی اللہ عنہ نے حضرت ابوبکر رضی اللہ عنہ سے کہا: کل دن ڈھلے میرا آپ سے بیعت کرنے کا وعدہ ہے پھر جب حضرت ابوبکر رضی اللہ عنہ نے ظہر کی نماز پڑھائی تو وہ منبر پر چڑھے پس کلمہ شہادت پڑھا پھر حضرت علی رضی اللہ عنہ کا مرتبہ ذکر کیا اور بیعت کرنے میں ان کی تاخیر کا عذر بیان کیا اور ان کا عذر قبول کیا اور استغفار کیا اور حضرت علی رضی اللہ عنہ نے کلمہ شہادت پڑھا اور حضرت ابو بکر رضی اللہ عنہ کی تعظیم کی اور ان کا حق بیان کیا اور بتایا کہ انہوں نے جو کچھ کیا ہے اس کی وجہ حضرت ابوبکر رضی اللہ عنہ سے حسد نہیں تھی اور نہ اس فضیلت کا انکار تھا جو اللہ تعالی نے ان کو عطاء کی ہے لیکن ہم یہ سمجھتے تھے کہ اس خلافت کے معاملہ میں ہم سے بھی مشورہ لینا چاہیے تھا اور چونکہ حضرت ابوبکر رضی اللہ عنہ نے اس کو ازخود طے کر لیا اس سے ہمیں رنج ہوا پس مسلمان اس وضاحت سے بہت خوش ہوۓ اور کہا: آپ نے درست کیا پھر جب حضرت علی رضی اللہ عنہ نے معروف طریقہ اختیار کر لیا تو مسلمان حضرت علی رضی اللہ عنہ کے قریب ہو گئے ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٤٠،و حدیث نمبر ٤٢٤١)
حضرت عائشہ رضی اللہ تعالیٰ عنہا بیان کرتی ہیں کہ جب خیبر فتح ہو گیا تو ہم نے کہا: اب ہم سیر ہو کر کھجوریں کھائیں گے۔ (بخاری شریف، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٤٢)
حضرت ابن عمر رضی اللہ تعالٰی عنہما بیان کرتے ہیں کہ ہم سیر نہیں ہوۓ حتی کہ خیبر فتح ہو گیا۔ (بخاری شریف، كِتَابٌ : الْمَغَازِي. | بَابٌ : غَزْوَةُ خَيْبَرَ،حدیث نمبر ٤٢٤٣)
نبی کریم صلی اللّٰہ علیہ وسلم کا خیبر والوں پر عامل مقرر کرنا۔ حضرت ابوسعید الخدری رضی اللہ عنہ اور حضرت ابو ہریرہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے ایک مرد کو خیبر کا عامل مقرر فرمایا وہ وہاں سے جنیب نامی کھجوریں لاۓ تو رسول اللہ صلی اللّٰہ علیہ وسلم نے پوچھا: کیا خیبر کی تمام کھجوریں ایسی ہیں؟ انہوں نے کہا: نہیں! اللہ کی قسم ! یا رسول اللہ ! ہم دو صاع اور تین صاع ( دوسری) کھجوریں دے کر یہ ایک صاع کھجوریں لیتے ہیں آپ نے فرمایا: اس طرح نہ کرو تم الجمع کھجوروں کو دراہم کے بدلہ میں فروخت کر کے پھر دراہم کے بدلہ میں جنیب کھجوریں لے لو۔ حضرت ابوسعید رضی اللہ عنہ اور حضرت ابو ہریرہ رضی اللہ عنہ یہ دونوں بیان کرتے ہیں کہ نبی اکرم صلی اللہ علیہ وسلم نے انصار میں سے بنو عدی کے بھائی کو خیبر کی طرف بھیجا۔ سو ان کو خیبر والوں پر امیر بنایا ۔ اور از عبدالمجید از ابی صالح السمان از حضرت ابو ہریرہ رضی اللہ عنہ اور حضرت ابوسعید رضی اللہ عنہ اسی کی مثل مروی ہے ۔ (بخاری شریف ، كِتَابٌ : الْمَغَازِي. | بَابٌ : اسْتِعْمَالُ النَّبِيِّ صَلَّى اللَّهُ عَلَيْهِ وَسَلَّمَ عَلَى أَهْلِ خَيْبَرَ.،حدیث نمبر ٤٢٤٤،٤٢٤٥،٤٢٤٦،٤٢٤٧)
نبی کریم صلی اللّٰہ علیہ وسلم کا اہل خیبر کے ساتھ معاملہ حضرت عبداللہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے خیبر کے یہودیوں کو یہ پیش کش فرمائی کہ وہ کام کریں اور کھیتی باڑی کریں اور ان کو پیداوار کا نصف ملے گا۔ (بخاری شریف ، كِتَابٌ : الْمَغَازِي. | بَابٌ : مُعَامَلَةُ النَّبِيِّ صَلَّى اللَّهُ عَلَيْهِ وَسَلَّمَ أَهْلَ خَيْبَرَ،حدیث نمبر ٤٢٤٨)
خیبر میں جس بکری کو نبی کریم صلی اللّٰہ علیہ وسلم کے لیے زہرآلود کیا گیا۔ اس حدیث کی عروہ نے از حضرت عائشہ رضی اللہ تعالیٰ عنہا از نبی کریم صلی اللّٰہ علیہ وسلم روایت کیا۔ حضرت ابوہریرہ رضی اللہ عنہ بیان کرتے ہیں کہ جب خیبر فتح کیا گیا تو رسول اللہ صلی اللّٰہ علیہ وسلم کو ایک زہر آلود بکری ہدیہ کی گئی ۔ (بخاری شریف ، كِتَابٌ : الْمَغَازِي. | بَابُ الشَّاةِ الَّتِي سُمَّتْ لِلنَّبِيِّ صَلَّى اللَّهُ عَلَيْهِ،حدیث نمبر ٤٢٤٩)
حضرت زید بن حارثہ کا غزوہ حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے حضرت اسامہ رضی اللہ عنہ کو لوگوں پر امیر بنایا تو لوگوں نے ان کی امارت پر طعن کیا تو آپ نے فرمایا: اگر تم اس کی امارت پر اعتراض کر رہے ہوتو اس سے پہلے تم اس کے والد کی امارت پر اعتراض کر چکے ہو اور اللہ کی قسم! وہ ضرور امارت کے لائق تھے اور بے شک یہ (اسامہ )مجھے ان کے بعد لوگوں میں سب سے زیادہ محبوب ہیں ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ زَيْدِ بْنِ حَارِثَةَ،حدیث نمبر ٤٢٥٠)
عمرۃ القضاء۔ حضرت انس رضی اللہ عنہ نے اس کا ذکر کیا از نبی کریم صلی اللّٰہ علیہ وسلم۔ حضرت البراء رضی اللہ عنہ سے مروی ہے کہ جب نبی کریم صلی اللّٰہ علیہ وسلم نے ذوالقعدہ میں عمرہ کیا تو اہل مکہ نے آپ کو مکہ میں داخل ہونے سے منع کر دیا حتی کہ آپ نے ان سے اس پر صلح کر لی کہ آپ (آئندہ سال ) مکہ میں تین دن قیام کریں گے جب مسلمانوں نے صلح نامہ لکھا تو انہوں نے اس میں یہ لکھا کہ یہ وہ تحریر ہے جس پر محمد رسول اللہ ( صلی اللّٰہ علیہ وسلم ) نے صلح کی ہے کفار قریش نے کہا: ہم اس کا اقرار نہیں کرتے اگر ہم کو اس کا یقین ہوتا کہ آپ اللہ کے رسول ہیں تو ہم آپ کو کسی چیز سے منع نہ کرتے لیکن آپ محمد بن عبداللہ ہیں آپ نے فرمایا: میں رسول اللہ ہوں اور میں محمد بن عبداللہ ( بھی ) ہوں پھر آپ نے حضرت علی رضی اللہ عنہ سے فرمایا: رسول اللہ ( کے الفاظ)کو مٹا دو حضرت علی نے کہا: نہیں! اللہ کی قسم! میں آپ (کے نام) کو ہرگز نہیں مٹاؤں گا! تب رسول اللہ صلی اللّٰہ علیہ وسلم نے اس مکتوب کو پکڑا اور آپ اچھی طرح نہیں لکھتے تھے پس آپ نے لکھا:یہ وہ تحریر ہے جس پر محمد بن عبداللہ نے صلح کی ہے وہ مکہ میں (آئندہ) سال ہتھیاروں کے ساتھ داخل نہیں ہوں گے مگر یہ کہ تلوار میان میں ہو اور یہ کہ اہل مکہ میں سے اگر کوئی ان کے ساتھ جانا چاہے گا تو وہ اس کو نہیں لے جائیں گے اور اگر ان کے اصحاب میں سے کوئی مکہ میں رہنا چاہے گا تو وہ اس کو نہیں روکیں گئے پھر جب (آئندہ سال ) آپ مکہ میں داخل ہوۓ اور ( تین دن کی) مدت پوری ہوگئی تو کفار قریش حضرت علی رضی اللہ عنہ کے پاس آۓ اور ان سے کہا: اپنے صاحب ( نبی کریم صلی اللّٰہ علیہ وسلم) سے کہو کہ ہمارے شہر سے نکل جائیں کیونکہ مدت پوری ہو چکی ہے پس نبی کریم صلی اللّٰہ علیہ وسلم نکل گئے پھر حضرت حمزہ رضی اللہ کی صاحب زادی آپ کے پیچھے آئیں وہ پکار رہی تھی: اے چچا! اے چچا! پس حضرت علی رضی اللہ عنہ نے اس کو اٹھا لیا اور اس کا ہاتھ پکڑ لیا اور سیدہ فاطمہ علیھا السلام سے کہا:آپ اپنے چاچا کی بیٹی کو لے لیں تو حضرت سیدہ فاطمہ رضی اللہ تعالٰی عنہا نے اس کو لے لیا پس اس( کی پرورش) میں حضرت علی رضی اللہ عنہ حضرت زید رضی اللہ عنہ اور حضرت جعفر رضی اللہ عنہ میں نزاع ہوا حضرت علی رضی اللہ عنہ نے کہا: اس کو میں رکھوں گا یہ میرے چچا کی بیٹی ہے حضرت جعفر رضی اللہ عنہ نے کہا: یہ میرے چچا کی بیٹی ہے اور اس کی خالہ میرے عقد میں ہے اور حضرت زید رضی اللہ عنہ نے کہا: یہ میرے بھائی کی بیٹی ہے تو نبی کریم صلی اللّٰہ علیہ وسلم نے اس کا فیصلہ اس کی خالہ کے حق میں کر دیا اور فرمایا: خالہ ماں کے درجہ میں ہوتی ہے اور حضرت علی رضی اللہ عنہ سے فرمایا: تم مجھ سے ہو اور میں تم سے ہوں اور حضرت جعفر رضی اللہ عنہ سے فرمایا: تم صورت اور سیرت میں میرے مشابہ ہیں اور حضرت زید رضی اللہ عنہ سے فرمایا: تم ہمارے بھائی ہو اور ہمارے آزاد شدہ غلام ہو حضرت علی رضی اللہ عنہ نے آپ سے عرض کیا: کیا آپ حضرت حمزہ رضی اللہ عنہ کی بیٹی سے نکاح نہیں کریں گئے آپ نے فرمایا:یہ میرے رضاعی بھائی کی بیٹی ہے۔ (بخاری شریف ،بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ، حدیث نمبر ٤٢٥١)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم عمرہ کرنے کے لیے نکلے تو آپ کے اور بیت اللہ کے درمیان قریش حائل ہو گئے سوآپ نے اپنی قربانی کے جانور کونحر کیا اور حدیبیہ میں اپنا سرمنڈایا اور کفار قریش سے اس پر صلح کی کہ آپ اگلے سال عمرہ کرنے آئیں گے اور (میان میں )تلواروں کے سوا ان کے خلاف کوئی ہتھیار نہیں اٹھائیں گے اور مکہ میں اتنا عرصہ قیام کر یں گے جتنا وہ چاہیں گئے سو آپ نے اگلے سال عمرہ کیا۔ پس آپ مکہ میں داخل ہوۓ جس طرح ان سے صلح کی تھی تو جب آپ نے وہاں تین دن قیام کر لیا تو کفار قریش نے کہا: اب آپ ( مکہ سے نکل جائیں سو آپ نکل گئے ۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٢)
مجاہد نے بیان کیا کہ میں اور عروة بن الزبیر مسجد میں داخل ہوۓ پس وہاں حضرت عبداللہ بن عمر رضی اللہ تعالٰی عنہما حضرت عائشہ رضی اللہ تعالیٰ عنہا کے حجرہ کی طرف بیٹھے ہوۓ تھے پھر عروہ نے پوچھا نبی اکرم صلی اللہ علیہ وسلم نے کتنے عمرے کیے تھے؟ تو حضرت ابن عمر رضی اللہ تعالٰی عنہما نے بتایا: چار ان میں سے ایک عمرہ رجب میں تھا۔ پھر ہم نے حضرت عائشہ رضی اللہ تعالیٰ عنہا کے مسواک کرنے کی آواز سنی عروہ نے کہا: اے ام المؤمنین! کیا آپ نہیں سن رہیں کہ ابوعبدالرحمان کیا کہہ رہے ہیں کہ نبی اکرم صلی اللہ علیہ وسلم نے چار عمرے کیے تھے اور ان میں سے ایک رجب میں کیا تھا حضرت عائشہ رضی اللہ تعالیٰ عنہا نے فرمایا: نبی کریم صلی اللّٰہ علیہ وسلم نے جو عمرہ بھی کیا اس کا ابن عمر رضی اللہ تعالٰی عنہما مشاہدہ کرنے والے تھے اور آپ نے رجب میں ہرگز عمرہ نہیں کیا۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٣،و حدیث نمبر ٤٢٥٤)
حضرت ابن ابی اوفی رضی اللہ تعالٰی عنہ بیان کرتے ہیں کہ جب رسول اللہ صلی اللّٰہ علیہ وسلم نے عمرہ کیا تو ہم مشرکین کے لڑکوں اور مشرکین کے سامنے آپ کی ڈھال بن گئے تا کہ وہ رسول اللہ صلی اللّٰہ علیہ وسلم کو کوئی ایذاء نہ پہنچا سکیں۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٥)
حضرت ابن عباس رضی اللہ تعالیٰ عنہما بیان کرتے ہیں کہ رسول اللہ صلی اللّٰہ علیہ وسلم اور آپ کے اصحاب ( مکہ) آۓ تو مشرکین نے کہا: تمہارے پاس ایسا وفد آرہا ہے جس کو یثرب کے بخار نے کم زور کر دیا ہے اور نبی ﷺ نے ان کو حکم دیا کہ وہ طواف کے ( پہلے تین چکروں میں رمل کر میں اور دو رکنوں کے درمیان ( معمول کے مطابق چلیں اور ان کو طواف کے تمام چکروں میں رمل کرنے کا حکم اس لیے نہیں دیا تا کہ طواف اپنی اصل پر باقی رہے۔ حضرت ابن عباس رضی اللہ تعالیٰ عنہما نے بتایا کہ جب نبی کریم صلی اللّٰہ علیہ وسلم اس سال آۓ جس سال کے لیے آپ نے امن کا معاہدہ کیا تھا تو آپ نے فرمایا: رمل کرو تا کہ مشرکین مسلمانوں کی قوت دیکھیں اور مشرکین قعیقان پہاڑ کی جانب تھے۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٦)
حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم نے بیت اللہ میں صفا اور مروہ کے بیان رمل کیا تا کہ مشرکین کواپنی قوت دکھائیں۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٧)
حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم نے حضرت میمونہ رضی اللہ تعالٰی عنہا سے نکاح کیا اور اس وقت آپ محرم تھے اور آپ نے ان کے ساتھ جب شب زفاف گزاری اس وقت آپ احرام کھول چکے تھے حضرت میمونہ رضی اللہ تعالٰی عنہا کی وفات بھی مقام سرف میں ہوئی تھی ۔ حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم نے حضرت میمونہ رضی اللہ تعالٰی عنہا سے عمرۃ القضاء میں نکاح کیا۔ (بخاری شریف ، كِتَابٌ : الْمَغَازِي. | بَابٌ : عُمْرَةُ الْقَضَاءِ، ذَكَرَهُ أَنَسٌ عَنِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٥٨،و حدیث نمبر ٤٢٥٩)
عزوہ موتہ کا بیان جو سرزمین شام میں ہوا تھا۔ حضرت ابن عمر رضی اللہ تعالٰی عنہما نے خبر دی کہ جس دن حضرت جعفر رضی اللہ عنہ شہید ہوۓ تھے وہ ان کے پاس ہی کھڑے ہوۓ تھے پس میں نے گنا ان پر نیزوں کے اور دوسری ضربات کے پچاس نشانات تھے اور ان میں سے کوئی نشان ان کی پیٹھ پر نہیں تھا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٠)
حضرت عبداللہ بن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے غزوہ موتہ میں حضرت زید بن حارثہ رضی اللہ عنہما کو امیر بنایا پس رسول اللہ ﷺ نے فرمایا: اگر زید شہید ہوجائیں تو پھر جعفر رضی اللہ تعالٰی عنہ امیر ہوں گے اور اگر جعفر رضی اللہ تعالٰی عنہ شہید ہو جائیں تو پھر عبداللہ بن رواحہ رضی اللہ عنہ امیر ہوں گے حضرت عبداللہ رضی اللہ عنہ نے کہا: میں بھی ان صحابہ میں اس غزوہ میں تھا سو ہم نے حضرت جعفر بن ابی طالب رضی اللہ عنہ کو ڈھونڈا تو ہم نے ان کو شہداء میں پایا ہم نے ان کے جسم میں نوے(۹۰) سے زیادہ نیزوں اور تیروں کے زخم پاۓ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦١)
حضرت انس رضی اللہ عنہ بیان کرتے ہیں کہ نبی اکرم صلی اللہ علیہ وسلم نے حضرت زید رضی اللہ عنہ ،حضرت جعفر رضی اللہ عنہ اور حضرت ابن رواحہ رضی اللہ عنہ کی شہادت کی لوگوں کو اس سے پہلے خبر دی کہ آپ کے پاس وہاں سے خبر آتی آپ نے فرمایا: زید نے جھنڈا پکڑا پس وہ شہید ہو گئے پھر جعفر نے جھنڈا پکڑا پس وہ شہید ہو گئے پھر ابن رواحہ نے جھنڈا کپڑا پس وہ شہید ہو گئے اور آپ کی دونوں آنکھوں سے آنسو بہہ رہے تھے حتیٰ کہ اللہ کی تلواروں میں سے ایک تلوار(خالد بن ولید رضی اللہ عنہ) نے جھنڈا پکڑا حتیٰ کہ اللہ تعالی نے رومیوں پر فتح عطا فرمائی ۔ (بخاری شریف ، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٢)
حضرت عائشہ رضی اللہ تعالیٰ عنہا بیان کرتی ہیں کہ جب حضرت زید بن حارث رضی اللہ عنہ حضرت جعفر بن ابی طالب رضی اللہ عنہ اور حضرت عبداللہ بن رواحہ رضی اللہ عنہ کی شہادت کی خبر آئی تو رسول اللہ صلی اللّٰہ علیہ وسلم بیٹھ گئے اور آپ سے غم کا اظہار ہو رہا تھا حضرت عائشہ رضی اللہ تعالیٰ عنہا نے بتایا کہ میں دروازہ کی تھری سے دیکھ رہی تھی آپ کے پاس ایک مرد آیا اور اس نے بتایا کہ حضرت جعفر رضی اللہ عنہ کی خواتین رو رہی ہیں، آپ نے اس کو حکم دیا کہ ان کو منع کرے وہ شخص گیا اور پھر آکر کہا کہ میں نے ان کو منع کیا تھا اور اس نے بتایا کہ ان عورتوں نے اس کی بات نہیں مانی، آپ نے اس کو پھر حکم دیا وہ گیا اور اس نے پھر آ کر کہا: اللہ کی قسم! وہ عورتیں ہم پر غالب آ گئیں، پس حضرت عائشہ رضی اللہ تعالیٰ عنہا نے بتایا کہ رسول اللہ ﷺ نے فرمایا: تم ان کے مونہوں میں مٹی ڈال دو حضرت عائشہ رضی اللہ تعالیٰ عنہا فرماتی ہیں: پس میں نے دل میں کہا: اللہ تیری ناک کو خاک آلود کرے! پس اللہ کی قسم ! تو وہ کیوں نہیں کرتا جو آپ ﷺ نے فرمایا ہے اور تو نے رسول اللہ صلی اللّٰہ علیہ وسلم کو تکلیف اور مشقت میں کیوں چھوڑا ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٣)
عامر وہ بیان کرتے ہیں کہ جب حضرت ابن عمر رضی اللہ تعالٰی عنہما حضرت جعفر رضی اللہ عنہ کے بیٹے کو سلام کرتے تو کہتے: السلام علیک !اے دو پروں والے کے بیٹے! (بخاری شریف ، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٤)
قیس بن ابی حازم وہ بیان کرتے ہیں کہ میں نے حضرت خالد بن الولید رضی اللہ عنہ سے سنا وہ کہتے کہ غزوہ موتہ کے دن میرے ہاتھ میں نوتلواریں ٹوٹ گئیں اور میرے ہاتھ میں صرف یمن کی ایک چوڑی تلوار رہ گئی ۔ (بخاری شریف، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٥)
قیس نے حدیث بیان کی وہ بیان کرتے ہیں کہ میں نے حضرت خالد بن الولید رضی اللہ عنہ کو یہ کہتے ہوۓ سنا کہ موتہ کے دن میرے ہاتھ میں نو تلواریں ٹوٹ گئیں اور میرے ہاتھ میں میری ایک یمن کی چوڑی تلوار رہ گئی ۔ (بخاری شریف، كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٦)
النعمان بن بشیر رضی اللہ عنہ وہ بیان کرتے ہیں کہ حضرت عبداللہ بن رواحہ رضی اللہ عنہ پر غشی طاری ہوگئی تو ان کی بہن عمرہ رو رہی تھیں اور کہہ رہی تھیں: ہاۓ اے پہاڑ اور ہاۓ اے فلاں اور اے فلاں ! ان کی صفات گن رہی تھیں جب وہ ہوش میں آۓ تو انہوں نے کہا: تم نے میرا جو وصف بھی بیان کیا تو مجھ سے کہا گیا: کیا تم اس طرح ہو۔ النعمان بن بشیر وہ بیان کرتے ہیں کہ حضرت عبداللہ بن رواحہ رضی اللہ عنہ پر غشی طاری ہوگئی، پس جب وہ فوت ہو گئے تو ان کی بہن ان پر نہیں روئیں۔ (بخاری شریف ،كِتَابٌ : الْمَغَازِي. | بَابٌ : غَزْوَةُ مُؤْتَةَ مِنْ أَرْضِ الشَّأْمِ،حدیث نمبر ٤٢٦٧،و حدیث نمبر ٤٢٦٨)
نبی کریم صلی اللّٰہ علیہ وسلم کا حضرت اسامہ بن زید رضی اللہ عنہ کو قبیلہ جہینہ کے خرقات کی طرف بھیجنا حضرت اسامہ بن زید رضی اللہ عنہ وہ بیان کرتے ہیں کہ ہمیں رسول اللہ صلی اللّٰہ علیہ وسلم نےالحرقہ کی طرف بھیجا ہم ان لوگوں کی طرف صبح کے وقت پہنچے سو ہم نے ان کو شکست دیں اور میں اور انصار کے ایک مرد نے ان کے ایک مرد کا پیچھا کیا جب ہم نے اس پر غلبہ پالیا تو اس نے کہا : لا الہ الا اللہ پس وہ انصاری تو (اس پر حملہ کرنے سے رک گیا اور میں نے اس پر اپنے نیزے سے حملہ کیا حتیٰ کہ میں نے اس کوقتل کر دیا جب ہم ( واپس آۓ تو نبی کریم صلی اللّٰہ علیہ وسلم تک یہ خبر پہنچ چکی تھی آپ نے فرمایا: اے اسامہ! تم نے اس کو اس کے لا الہ الا اللہ پڑھنے کے بعد قتل کر دیا! میں نے عرض کیا: وہ اس کلمہ کی پناہ لے رہاتھا' آپ بار بار یہی ( گزشتہ جملہ فرماتے رہے حتی کہ میں نے تمنا کی کہ میں آج سے پہلے اسلام نہ لا یا ہوتا ! (بخاری شریف ،كِتَابٌ : الْمَغَازِي. | بَابٌ : بَعْثُ النَّبِيِّ صَلَّى اللَّهُ عَلَيْهِ وَسَلَّمَ أُسَامَةَ،حدیث نمبر ٤٢٦٩)
حضرت سلمہ بن اکوع رضی اللہ عنہ کہتے ہیں کہ میں نے نبی کریم صلی اللّٰہ علیہ وسلم کے ساتھ سات غزوات کیے ہیں اور نو ایسے لشکروں میں شریک رہا ہوں جو آپ نے بھیجے تھے ان میں ایک ایسا لشکر تھا جس میں حضرت ابوبکر رضی اللہ عنہ امیر تھے اور ایک ایسا لشکر تھا جس میں حضرت اسامہ رضی اللہ عنہ امیر تھے ۔ حضرت سلمہ رضی اللہ عنہ بیان کرتے تھے کہ میں نے نبی کریم صلی اللّٰہ علیہ وسلم کے ساتھ سات غزوات کیے ہیں میں تو ان لشکروں میں شامل رہا ہوں جو نبی کریم صلی اللّٰہ علیہ وسلم نے بھیجے تھے ان میں ایک مرتبہ حضرت ابو بکر رضی اللہ عنہ نے کہ امیر تھے اور ایک مرتبہ حضرت اسامہ رضی اللہ عنہ امیر تھے۔ (بخاری شریف ، كِتَابٌ : الْمَغَازِي. | بَابٌ : بَعْثُ النَّبِيِّ صَلَّى اللَّهُ عَلَيْهِ وَسَلَّمَ أُسَامَةَ،حدیث نمبر ٤٢٧٠،و حدیث نمبر ٤٢٧١)
حضرت سلمہ بن الاکوع رضی اللہ عنہ بیان کرتے ہیں:میں نے نبی کریم صلی اللّٰہ علیہ وسلم کے ساتھ سات غزوات کیے ہیں اور حضرت ابن حارثہ رضی اللہ عنہ کے ساتھ جن کو آپ نے ہم پر امیر بنایا تھا۔ ( بخاری شریف ، كِتَابٌ : الْمَغَازِي. | بَابٌ : بَعْثُ النَّبِيِّ صَلَّى اللَّهُ عَلَيْهِ وَسَلَّمَ أُسَامَةَ،حدیث نمبر ٤٢٧٢)
حضرت سلمہ بن الاکوع رضی اللہ عنہ بیان کرتے ہیں کہ میں نے نبی کریم صلی اللّٰہ علیہ وسلم کے ساتھ سات غزوات کیے ہیں پھر انہوں نے خیبر کا اور الحدیبیہ کا اور یوم حنین کا اور یوم القرد کا ذکر کیا یزید نے کہا: اور باقی غزوات کا ذکر میں بھول گیا۔ (بخاری شریف ، كِتَابٌ : الْمَغَازِي. | بَابٌ : بَعْثُ النَّبِيِّ صَلَّى اللَّهُ عَلَيْهِ وَسَلَّمَ أُسَامَةَ،حدیث نمبر ٤٢٧٣)
فتح مکہ کے غزوہ کا بیان اور حضرت حاطب بن ابی بلتعہ نے جو اہل مکہ کی طرف مکتوب روانہ کیا تھا جس میں ان کو نبی کریم صلی اللّٰہ علیہ وسلم کے غزوہ کی خبر دی تھی۔ عبیداللہ بن ابی رافع بیان کرتے ہیں کہ میں نے حضرت علی رضی اللہ عنہ کو یہ کہتے ہوۓ سنا ہے: رسول اللہ صلی اللّٰہ علیہ وسلم نے مجھے حضرت زبیر رضی اللہ عنہ کو اور حضرت مقداد رضی اللہ عنہ کو بھیجا اور فرمایا تم جاؤ حتیٰ کہ روضہ خاخ میں پہنچ جاؤ وہاں ایک مسافرہ ہوگی اس کے پاس ایک مکتوب ہوگا تم اس سے وہ مکتوب لے لینا۔ حضرت علی رضی اللہ عنہ نے بتایا: پس ہم روانہ ہوۓ ہم اپنے گھوڑوں کو دوڑا رہے تھے حتیٰ کہ ہم الروضتہ پر پہنچ گئے سو اچانک ہم نے ایک مسافرہ کو دیکھا ہم نے اس سے کہا: وہ مکتوب نکالو اس نے کہا: میرے پاس کوئی مکتوب نہیں ہے ہم نے اس سے کہا: تم ضرور مکتوب نکالوگی ورنہ ہم تمہارے کپڑے اتار دیں گے حضرت علی رضی اللہ عنہ نے بتایا: تب اس نے اپنے بالوں کے گچھے سے مکتوب نکالا ہم اس کو لے کر رسول اللہ صلی اللّٰہ علیہ وسلم کے پاس آۓ پس اس میں یہ تھا کہ یہ مکتوب حاطب بن ابی بلتعہ کی طرف سے مشرکین مکہ کی جانب ہے وہ ان کو رسول اللہ صلی اللّٰہ علیہ وسلم کے ایک منصوبہ کی خبر دے رہا ہے تب رسول اللہ ﷺ نے پوچھا: اے حاطب! یہ کیا ہے؟ انہوں نے کہا: یا رسول اللہ ! میرے متعلق جلدی فیصلہ نہ کریں میں ایسا مرد ہوں جو قریش کے ساتھ جڑا ہوا ہوں میں ان کا حلیف ہوں اور میں ان میں سے نہیں ہوں اور آپ کے ساتھ جو مہاجرین ہیں ان کی ان کے ساتھ رشتہ داریاں ہیں جن کے سبب سے وہ اپنے گھر والوں اور مال و اسباب کی حفاظت کریں گے تو میں نے چاہا کہ جب میری ان کے ساتھ رشتہ داریاں نہیں ہیں تو میں ان کے اوپر ایک احسان کر دوں جس کی وجہ سے یہ میرے قرابت داروں کی حفاظت کریں گے اور میں نے یہ کام اس وجہ سے نہیں کیا کہ میں دین (اسلام) سے مرتد ہو گیا ہوں اور نہ اس وجہ سے کیا ہے کہ میں نے اسلام کے بعد کفر کو پسند کر لیا ہے تب رسول اللہ ﷺ نے فرمایا: اس نے تم سے سچ کہا ہے حضرت عمر رضی اللہ عنہ نے کہا: یا رسول اللہ! مجھے اجازت دیں میں اس منافق کی گردن اڑا دوں، پس آپ نے فرمایا: یہ بدر میں حاضر ہو چکا ہے اور تمہیں کیا پتا کہ تحقیق یہ ہے کہ اللہ تعالی نے حاضرین بدر کی طرف متوجہ ہو کر فرمایا: تم جو چاہو عمل کرو پس بے شک میں نے تم کو بخش دیا ہے پھر اللہ تعالی نے یہ سورت نازل فرمائی: اے ایمان والو! میرے اور اپنے دشمنوں کو دوست نہ بناؤ،تم انہیں دوستی کے پیغام بھیجتے ہو حالانکہ انہوں نے اس حق کے ساتھ کفر کیا ہے جو تمہارے پاس آیا ہے۔ یہ آیت یہاں تک ہے:اور تم میں سے جس نے ایسا کیا وہ سیدھی راہ سے بھٹک گیاں (الممتحنہ ١) (بخاری شریف ،بَابٌ : غَزْوَةُ الْفَتْحِ، وَمَا بَعَثَ حَاطِبُ بْنُ أَبِي بَلْتَعَةَ إِلَى أَهْلِ مَكَّةَ يُخْبِرُهُمْ بِغَزْوِ النَّبِيِّ صَلَّى اللَّهُ عَلَيْهِ وَسَلَّمَ،حدیث نمبر ٤٢٧٤)
فتح مکہ کا غزوہ رمضان میں تھا، عبیداللہ بن عبداللہ بن عتبہ نے خبر دی کہ ان کو حضرت عباس رضی اللہ عنہ نے خبر دی کہ رسول اللہ ﷺ نے فتح مکہ کا غزوہ رمضان میں کیا انہوں نے کہا: اور میں نے ابن المسیب سے بھی اسی طرح سنا ہے, اور عبیداللہ بن عبداللہ سے روایت ہے کہ ان کو حضرت ابن عباس رضی اللہ تعالیٰ عنہما نے خبر دی کہ رسول اللہ صلی اللّٰہ علیہ وسلم نے روزہ رکھا حتیٰ کہ جب الکدید کے پانی پر پہنچے جو قدید اور عسفان کے درمیان ہے تو آپ نے روزہ کھول دیا پھر آپ نے مسلسل روزے نہیں رکھے حتیٰ کہ مہینہ ختم ہو گیا۔ (بخاری شریف ،بَابٌ : غَزْوَةُ الْفَتْحِ فِي رَمَضَانَ،حدیث نمبر ٤٢٧٥)
حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم رمضان میں مدینہ منورہ سے نکلے اور آپ علیہ السلام کے ساتھ دس ہزار صحابہ کرام تھے اور یہ آپ علیہ السلام کے مدینہ منورہ آنے کے ساڑھے آٹھ سال بعد کا واقعہ ہے پس آپ علیہ السلام اور آپ علیہ السلام کے ساتھ جو صحابہ کرام تھے مکہ کے لیے روانہ ہوۓ آپ علیہ السلام بھی روزے سے تھے اور صحابہ کرام بھی روزے سے تھے لیکن جب آپ علیہ السلام مقام الکدید پر پہنچے جو عسفان اور قدید کے درمیان پانی کا چشمہ ہے تو آپ علیہ السلام نے روزہ کھول لیا اور صحابہ کرام نے بھی روزہ کھول لیا الزہری نے کہا کہ رسول اللہ صلی اللّٰہ علیہ وسلم کے آخری عمل پر ہی عمل کیا جاۓ گا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْفَتْحِ فِي رَمَضَانَ،حدیث نمبر ٤٢٧٦)
حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم رمضان میں حنین کی طرف نکلے اور لوگ مختلف تھے بعض روزے سے تھے اور بعض روزے سے نہیں تھے پس جب آپ علیہ السلام سواری پر سیدھے ہو کر بیٹھ گئے تو آپ علیہ السلام نے ایک برتن میں دودھ یا پانی منگایا پھر اس برتن کو اپنی ہتھیلی پر رکھا، پھر آپ علیہ السلام نے لوگوں کی طرف دیکھا، پس روزہ نہ رکھنے والوں نے روزہ رکھنے والوں سے کہا تم روزہ کھول لو ۔ حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم فتح مکہ کے سال نکلے۔ اور حماد بن زید نے کہا از ایوب از عکرمہ از حضرت ابن عباس رضی اللہ تعالیٰ عنہما از نبی کریم صلی اللّٰہ علیہ وسلم۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْفَتْحِ فِي رَمَضَانَ،حدیث نمبر ٤٢٧٧،و حدیث نمبر ٤٢٧٨)
حضرت ابن عباس رضی اللہ تعالیٰ عنہما بیان کرتے ہیں کہ رسول اللہ ﷺ نے رمضان میں سفر کیا۔ پس آپ علیہ السلام نے روزہ رکھا حتیٰ کہ آپ علیہ السلام عسفان پر پہنچے پھر آپ علیہ السلام نے پانی منگایا پس دن میں پانی پیا تاکہ آپ علیہ السلام لوگوں کو دکھائیں سو آپ علیہ السلام نے روزہ کھول لیا حتیٰ کہ آپ علیہ السلام مکہ آۓ اور حضرت ابن عباس رضی اللہ تعالیٰ عنہما کہتے تھے کہ رسول اللہ صلی اللّٰہ علیہ وسلم نے سفر میں روزہ رکھا بھی ہے اور روزہ کھولا بھی ہے سو جو چاہے سفر میں روزہ رکھے اور جو چاہے روزہ کھول لے (یا وزہ نہ رکھے)۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الْفَتْحِ فِي رَمَضَانَ،حدیث نمبر ٤٢٧٩)
نبی کریم صلی اللّٰہ علیہ وسلم نے فتح مکہ کے دن جھنڈا کہاں نصب کیا تھا؟ ہشام از والد خود بیان کرتے ہیں کہ جب فتح مکہ کے سال رسول اللہ صلی اللّٰہ علیہ وسلم روانہ ہوۓ سو یہ خبر قریش کو پہنچ گئی تو ابوسفیان بن حرب اور حکیم بن حزام اور بدیل بن ورقاء نکلے وہ رسول اللہ صلی اللّٰہ علیہ وسلم کے متعلق اس خبر کی تفتیش کر رہے تھے یہ لوگ جب مرالظہران پر پہنچے تو انہیں ایک جگہ آگ جلتی ہوئی دکھائی دی، گویا یہ مقام عرفات کی آگ ہے ابوسفیان نے کہا: یہ کیسی آگ ہے؟یہ تو مقام عرفات جیسی آگ ہے پس بدیل بن ورقاء نے کہا: یہ قبیلہ بن عمرو کی آگ ہے پھر ابوسفیان نے کہا: بنو عمرو اس سے کم تعداد میں ہیں رسول اللہ صلی اللّٰہ علیہ وسلم کے محافظوں میں سے کسی نے ان کو دیکھ لیا سو وہ ان کو پکڑ کر رسول اللہ ﷺ کے پاس لاۓ پس ابوسفیان اسلام لے آۓ جب وہ روانہ ہوۓ تو آپ علیہ السلام نے حضرت عباس رضی اللہ تعالیٰ عنہ سے فرمایا: ابوسفیان کو اس جگہ ٹھہراؤ جہاں سے زیادہ گھڑ سوار گزریں حتی کہ ابوسفیان مسلمانوں کی شوکت دیکھ لیں حضرت عباس رضی اللہ عنہ نے ان کو ایسی جگہ روک لیا وہاں نبی کریم صلی اللّٰہ علیہ وسلم کے ساتھ ایک ایک کر کے حضرت ابوسفیان کے سامنے متعدد قبیلے گزر رہے تھے ایک دستہ گزرا تو حضرت ابوسفیان نے حضرت عباس رضی اللہ عنہ سے پوچھا: اے عباس! یہ کون ہیں؟ انہوں نے بتایا:یہ غفار ہیں حضرت ابوسفیان رضی اللہ عنہ نے کہا: مجھے غفار سے کیا سروکار! پھر قبیلہ جہینہ گزرا تو حضرت ابوسفیان نے اس طرح سوال کیا پھر سعد بن ہزیم گزرے تو حضرت ابوسفیان نے اسی طرح سوال کیا پھر قبیلہ سلیم گزرا تو پھر انہوں نے اس طرح سوال کیا، پھر ایک ایسا دستہ گزرا کہ اس جیسا دستہ نہیں دیکھا گیا تھا حضرت ابوسفیان نے پوچھا: یہ کون ہیں؟ حضرت عباس رضی اللہ عنہ نے بتایا:یہ انصار ہیں ان پر حضرت سعد بن عبادہ رضی اللہ عنہ امیر ہیں ان کے ساتھ جھنڈا ہے حضرت سعد بن عبادہ رضی اللہ عنہ نے کہا:اے ابوسفیان! آج کا دن قتل عام کا دن ہے آج کے دن کعبہ میں بھی قتل کرنا حلال ہے پس حضرت ابوسفیان رضی اللہ عنہ نے کہا: اے عباس! آج کیسا اچھا ہلاکت کا دن ہے! پھر سب سے چھوٹا دستہ گزرا جس میں رسول اللہ صلی اللّٰہ علیہ وسلم اور آپ کے اصحاب تھے اور نبی کریم صلی اللّٰہ علیہ وسلم کا جھنڈا حضرت الزبیر بن العوام رضی اللہ عنہ کے پاس تھا جب رسول اللہ صلی اللّٰہ علیہ وسلم حضرت ابوسفیان رضی اللہ عنہ کے پاس سے گزرے تو انہوں نے آپ سے کہا: کیا آپ کو نہیں معلوم کہ حضرت سعد بن عبادہ رضی اللہ عنہ نے کیا کہا ہے؟ آپ نے پوچھا: انہوں نے کیا کہا ہے انہوں نے بتایا: انہوں نے ایسے ایسے کہا ہے آپ نے فرمایا: سعد نے غلط کہا ہے لیکن آج وہ دن ہے جس میں اللہ تعالی کعبہ کی عظمت کو ظاہر فرماۓ گا اور یہ وہ دن ہے جس میں کعبہ کو غلاف پہنایا جاۓ گا اور رسول اللہ صلی اللّٰہ علیہ وسلم نے حکم دیا کہ آپ کا جھنڈ ا مقام حجون میں نصب کر دیا جاۓ عروہ بیان کرتے ہیں کہ مجھے نافع بن جبیر بن مطعم نے خبر دی ہے کہ میں نے حضرت عباس رضی اللہ تعالٰی عنہ سے سنا وہ حضرت الزبیر بن عوام رضی اللہ عنہ سے کہہ رہے تھے: اے ابوعبداللہ! کیا یہاں آپ کو رسول اللہ صلی اللّٰہ علیہ وسلم نے جھنڈا نصب کرنے کا حکم دیا تھا؟ انہوں نے بتایا کہ رسول اللہ ﷺ نے حضرت خالد بن الولید رضی اللہ عنہ کو حکم دیا تھا کہ وہ مکہ کے بالائی علاقہ میں مقام کداء کی جانب سے داخل ہوں اور خود نبی کریم صلی اللّٰہ علیہ وسلم کداء کی نشیبی جانب سے داخل ہوۓ اس دن حضرت خالد رضی اللہ عنہ کے گھڑ سواروں میں سے دو مرد حبیش بن الاشعر اور کرز بن جابر الفہری یہ شہید ہو گئے تھے۔ (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٠)
معاویہ بن قرۃ نے کہا: میں نے حضرت عبداللہ بن مغفل رضی اللہ عنہ سے سنا وہ بیان کرتے ہیں کہ میں نے فتح مکہ کے دن دیکھا رسول اللہ صلی اللّٰہ علیہ وسلم اپنی اونٹنی پر سوار تھے اور آپ سورۃ الفتح کی تلاوت کر رہے تھے اور آپ حروف کو حلق میں لوٹا رہے تھے معاویہ بن قرہ نے کہا۔ اگر لوگ میرے گرد جمع نہ ہوتے تو میں حروف کو حلق میں اس طرح لوٹاتا جس طرح رسول اللہ ﷺ نے لوٹایا تھا۔ (بخاری شریف، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨١)
حضرت اسامہ بن زید رضی اللہ عنہ بیان کرتے ہیں کہ انہوں نے فتح مکہ کے زمانہ میں کہا: یارسول اللہ! آپ کل کہاں ٹہریں گے؟ تو نبی کریم صلی اللّٰہ علیہ وسلم نے فرمایا: کیا عقیل نے ہمارے لیے کوئی ٹہر نے کی جگہ چھوڑی ہے؟ پھر آپ نے فرمایا: مؤمن کافر کا وارث نہیں ہوتا اور نہ کافر مؤمن کا وارث ہوتا ہے الزہری سے پوچھا گیا: ابوطالب کا وارث کون ہوا تھا؟ تو انہوں نے کہا: ان کے وارث عقیل اور طالب ہوۓ تھے معمر نے کہا از الزہری: آپ کل کہاں ٹہریں گے یہ انہوں نے آپ کے حج میں کہا تھا اور یونس نے اپنی روایت میں فتح مکہ کے زمانہ کا ذکر کیا ہے نہ آپ کے حج کا ذکر کیا ہے۔ (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٢،حدیث نمبر ٤٢٨٣)
حضرت ابو ہریرہ رضی اللہ عنہ بیان کرتے ہیں کہ رسول اللہ ﷺ نے فرمایا: اگر اللہ تعالی نے فتح عطاء فرمائی تو ان شاء اللہ کل ہماری قیام گاہ خیف بنو کنانہ میں ہوگی جہاں قریش نے کفر ( کی حمایت) پرقسم کھائی تھی ۔ (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٤)
حضرت ابوہریرہ رضی اللہ عنہ بیان کرتے ہیں کہ جب رسول اللہ صلی اللّٰہ علیہ وسلم نے حنین کا ارادہ کیا تو فرمایا : کل ان شاء اللہ ہماری قیام گاہ خیف بنو کنانہ میں ہوگی جہاں قریش نے کفر ( کی حمایت ) پر قسم کھائی تھی ۔ (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٥)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم فتح مکہ کے دن مکہ میں داخل ہوۓ اس حال میں کہ آپ کے سر پر خٓود تھا، پس جب آپ نے وہ خٓود اتارا تو آپ کے پاس ایک مرد نے آ کر کہا کہ ابن خطل کعبہ کے پردوں سے لپٹا ہوا ہے آپ نے فرمایا: اس کو قتل کر دو۔ امام مالک نے کہا: ہماری راۓ یہ ہے کہ اس دن نبی اکرم صلی اللہ علیہ وسلم محرم نہیں تھے اور اللہ ہی زیادہ جانتا ہے۔ (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٦)
حضرت عبداللہ رضی اللہ عنہ بیان کرتے ہیں کہ نبی اکرم صلی اللہ علیہ وسلم فتح مکہ کے دن مکہ میں داخل ہوۓ اس وقت بیت اللہ میں تین سو ساٹھ بت نصب تھے آپ کے ہاتھ میں ایک لکڑی تھی جو آپ ان بتوں کو چھبورہے تھے اور آپ فرمارہے تھے حق آگیا اور باطل چلا گیا(الاسراء: ۸۱ ) حق غالب ہو گیا اور باطل سے ابتداء میں کچھ ہوسکا اور نہ انتہاء میں کچھ ہو سکے گاں (السبا:٤٩) (بخاری شریف، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٧)
حضرت ابن عباس رضی اللہ تعالیٰ عنہما بیان کرتے ہیں کہ جب رسول اللہ صلی اللّٰہ علیہ وسلم مکہ میں آۓ تو آپ نے بیت اللہ میں اس حال میں داخل ہونے سے انکار کر دیا جب کہ اس میں بت موجود تھے سو آپ کے حکم سے ان بتوں کو نکالا گیا۔ پس حضرت ابراہیم اور حضرت اسماعیل علیہما السلام کے مجسمے نکالے گئے جن کے ہاتھوں میں فال کے تیر تھے پس نبی ﷺ نے فرمایا: اللہ ان کو ہلاک کر دے!یہ خوب جانتے تھے کہ انہوں نے بھی تیروں سے فال نہیں نکالی پھر آپ بیت اللہ میں داخل ہوۓ اور آپ نے بیت اللہ کے کونوں میں تکبیر پڑھی اور آپ بیت اللہ سے باہر نکل آۓ اور آپ نے اس میں نماز نہیں پڑھی۔ عبدالصمد کی متابعت معمر نے کی ہے از ایوب اور وہیب نے کہا: ہمیں ایوب نے حدیث بیان کی از عکرمہ از نبی کریم صلی اللّٰہ علیہ وسلم، (بخاری شریف ، كِتَابٌ : الْمَغَازِي. | بَابٌ : أَيْنَ رَكَزَ النَّبِيُّ صَلَّى اللَّهُ عَلَيْهِ وَسَلَّمَ الرَّايَةَ يَوْمَ الْفَتْحِ،حدیث نمبر ٤٢٨٨)
نبی کریم صلی اللّٰہ علیہ وسلم کا مکہ کی بلند جگہ سے داخل ہونا۔ حضرت عبداللہ بن عمر رضی اللہ تعالٰی عنہما بیان کرتے ہیں کہ فتح مکہ کے دن رسول اللہ ﷺ مکہ کی بلند جانب سے آۓ آپ نے اپنی سواری پر اپنے پیچھے حضرت اسامہ بن زید رضی اللہ عنہ کو بٹھایا ہوا تھا اور آپ کے ساتھ حضرت بلال رضی اللہ عنہ تھے اور ان کے ساتھ حضرت عثمان بن طلحہ رضی اللہ عنہ تھے جو کعبہ کے دربانوں میں سے تھے حتیٰ کہ آپ نے مسجد (کے قرب میں اپنا اونٹ بٹھایا پھر آپ نے حضرت عثمان بن طلحہ رضی اللہ عنہ کو حکم دیا کہ وہ کعبہ کی چابیاں لائیں، پھر رسول اللہ صلی اللّٰہ علیہ وسلم بیت اللہ میں داخل ہوۓ اور آپ کے ساتھ حضرت اسامہ بن زید رضی اللہ عنہ حضرت بلال رضی اللہ عنہ اور حضرت عثمان بن طلحہ رضی اللہ عنہ تھے آپ نے بیت اللہ میں طویل دن گزارا پھر آپ بیت اللہ سے نکلے پھر لوگوں نے بیت اللہ میں داخل ہونے میں (ایک دوسرے پر) سبقت کی، پس حضرت عبداللہ بن عمر رضی اللہ تعالٰی عنہما سب سے پہلے بیت اللہ میں داخل ہوۓ انہوں نے حضرت بلال رضی اللہ عنہ کو دروازے کے پیچھے کھڑے ہوۓ پایا سو ان سے پوچھا کہ رسول اللہ ﷺ نے بیت اللہ میں کس جگہ نماز پڑھی تھی؟ تو انہوں نے اس جگہ کی طرف اشارہ کیا۔ جہاں آپ نے نماز پڑھی تھی، حضرت عبداللہ نے کہا: میں حضرت بلال رضی اللہ عنہ سے یہ پوچھنا بھول گیا کہ آپ نے کتنی رکعات نماز پڑھی تھی۔ (بخاری شریف ، كِتَابٌ : الْمَغَازِي. | بَابٌ : دُخُولُ النَّبِيِّ صَلَّى اللَّهُ عَلَيْهِ وَسَلَّمَ مِنْ أَعْلَى مَكَّةَ،حدیث نمبر ٤٢٨٩)
حضرت عائشہ رضی اللہ تعالیٰ عنہا کرتی ہیں کہ نبی ﷺ فتح مکہ کے سال کداہ سے مکہ میں داخل ہوۓ جو مکہ کی بلند جانب ہے۔ لفظ کداء کی روایت میں نص ہے حبص میسرہ کی متابعت اسامہ رضی اللہ عنہ اور وہیب نے کی۔. (بخاری شریف، كِتَابٌ : الْمَغَازِي. | بَابٌ : دُخُولُ النَّبِيِّ صَلَّى اللَّهُ عَلَيْهِ وَسَلَّمَ مِنْ أَعْلَى مَكَّةَ،حدیث نمبر ٢٤٩٠)
ہشام از والد خود بیان کرتے ہیں کہ نبی اکرم صلی اللہ علیہ وسلم فتح مکہ کے سال مکہ کی بلند جانب کداء سے داخل ہوۓ ۔ (بخاری شریف ، كِتَابٌ : الْمَغَازِي. | بَابٌ : دُخُولُ النَّبِيِّ صَلَّى اللَّهُ عَلَيْهِ وَسَلَّمَ مِنْ أَعْلَى مَكَّةَ،حدیث نمبر ٤٢٩١)
فتح مکہ کے دن نبی کریم صلی اللّٰہ علیہ وسلم کی قیام گاہ ابن ابی لیلی بیان کرتے ہیں کہ حضرت ام ہانی رضی اللہ تعالٰی عنہا کے سوا ہمیں کسی نے یہ خبر نہیں دی کہ اس نے نبی کریم صلی اللّٰہ علیہ وسلم کو چاشت کی نماز پڑھتے ہوۓ دیکھا ہے صرف حضرت ام ہانی رضی اللہ تعالٰی عنہا نے یہ بیان کیا ہے کہ نبی کریم صلی اللّٰہ علیہ وسلم نے ان کے گھر میں غسل کیا پھر آپ نے آٹھ رکعات نماز پڑھی وہ بیان کرتی ہیں کہ میں نے اس سے پہلے آپ کو اتنی خفیف نماز پڑھتے ہوۓ نہیں دیکھا تا ہم آپ پورا پورا رکوع اور سجودکرتے تھے۔ (بخاری شریف ،بَابٌ : مَنْزِلُ النَّبِيِّ صَلَّى اللَّهُ عَلَيْهِ وَسَلَّمَ يَوْمَ الْفَتْحِ، حدیث نمبر ٤٢٩٢)
حضرت عائشه رضی اللہ عنہا بیان کرتی ہیں: آپ علیہ السلام اپنے رکوع اور سجود میں پڑھتے تھے: تو پاک ہے اے اللہ! ہمارے رب! اور تیری حمد کے ساتھ ہم دعا کرتے ہیں: اے اللہ! مجھے بخش دے! (بخاری شریف ،كِتَابٌ : الْمَغَازِي. | بَابٌ :حدیث نمبر ٤٢٩٣)
حضرت ابن عباس رضی اللہ تعالیٰ عنہما بیان کرتے ہیں کہ حضرت عمر مجھے غزوہ بدر کے بزرگوں کے ساتھ داخل کرتے تھے تو ان میں سے بعض نے کہا: آپ اس لڑکے کو ہمارے ساتھ کیوں داخل کرتے ہیں حالانکہ اس جیسے تو ہمارے بیٹے ہیں حضرت عمر رضی اللہ عنہ نے کہا: یہ ان ہی میں سے ہے جن کو آپ لوگ جانتے ہیں پھر ایک دن حضرت عمر رضی اللہ عنہ نے ان کو بھی بلایا اور مجھے بھی ان کے ساتھ بلایا حضرت ابن عباس رضی اللہ تعالیٰ عنہما نے کہا: میرا گمان یہ ہے کہ مجھے صرف اس لیے بلایا تھا کہ ان کو مجھے دکھائیں، پھر حضرت عمر رضی اللہ عنہ نے ان سے پوچھا آپ اس آیت کی تفسیر میں کیا کہتے ہیں: جب اللہ کی مدد اور اس کی فتح آ جاۓ اور آپ لوگوں کو دیکھ لیں کہ وہ اللہ کے دین میں جوق در جوق داخل ہو جائیں (الفتح:۱۲) حتیٰ کہ حضرت عمر رضی اللہ عنہ نے سورت ختم کی ان بزرگوں میں سے کسی نے کہا: ہم کو یہ حکم دیا گیا ہے کہ جب ہماری مدد کی جاۓ اور ہم کو فتح عطاء کی جاۓ تو ہم اللہ تعالی کی حمد کریں اور اس سے استغفار کریں اور کسی نے کہا: ہم نہیں جانتے اور کسی نے کچھ بھی نہیں کہا، پھر حضرت عمر رضی اللہ عنہ نے مجھ سے کہا: اے ابن عباس رضی اللہ تعالیٰ عنہما ! کیا تم بھی اس طرح کہتے ہو؟ میں نے کہا: نہیں! حضرت عمر رضی اللہ تعالٰی عنہما نے کہا: پھر تم کیا کہتے ہو؟ میں نے کہا: اس آیت میں رسول اللہ ﷺ کی زندگی کی مدت بیان کی گئی ہے ۔ اللہ تعالی نے آپ کو یہ خبر دی ہے کہ جب آپ کے پاس اللہ کی مدد اور اس کی فتح آ جاۓ اور فتح سے مراد فتح مکہ ہے تو یہ آپ کی زندگی پوری ہونے کی علامت ہے سو آپ اپنے رب کی حمد کے ساتھ اس کی تسبیح پڑھیں اور اس سے مغفرت طلب کریں بے شک وہ بہت تو بہ قبول فرمانے والا ہے حضرت عمر نے کہا: میں اس آیت کی تفسیر میں اتنا ہی جانتا ہوں جتنا تم جانتے ہو۔ (بخاری شریف ، كِتَابٌ : الْمَغَازِي. | بَابٌ : ،حدیث نمبر ٤٢٩٤)
لیٹ نے حدیث بیان کی از المقبری از ابی شرح العدوی انہوں نے عمرو بن سعید سے اس وقت کہا جب وہ مکہ پر حملہ کرنے کے لیے فوج روانہ کر رہا تھا کہ اے امیر! مجھے اجازت دیں کہ میں آپ کو وہ حدیث سناؤں جو رسول اللہ ﷺ نے فتح مکہ سے اگلے دن فرمائی تھی اس حدیث کو میرے دونوں کانوں نے سنا اور میرے دل نے اس کو یاد رکھا اور میری دونوں آنکھوں نے دیکھا جب آپ علیہ السلام فرمارہے تھے آپ نے اللہ تعالی کی حمد وثناء کرنے کے بعد فرمایا: بے شک مکہ کو اللہ تعالی نے حرم قرار دیا ہے اور اس کو لوگوں نے حرم قرار نہیں دیا سو جو شخص بھی اللہ تعالی پر اور روز قیامت پر ایمان رکھتا ہے اس کے لیے مکہ میں خون بہانا جائز نہیں ہے اور نہ اس کے لیے مکہ کے کسی درخت کو کاٹنا جائز ہے اگر کوئی شخص مکہ میں رسول اللہ صلی اللّٰہ علیہ وسلم کے قتال کرنے سے مکہ میں قتال کرنے کی اجازت پر استدلال کرے تو تم اس سے یہ کہو کہ اللہ تعالی نے اپنے رسول کو مکہ میں قتال کرنے کی اجازت دی تھی اور تم کو اجازت نہیں دی ہے اور مجھے بھی دن کی صرف ایک ساعت کے لیے اجازت دی تھی اور آج اس کی حرمت کل کی طرح لوٹ آئی ہے اور چاہیے کہ حاضر غائب کو یہ حدیث پہنچادے پھر ابو شریح سے پوچھا گیا: پھر عمرو بن سعید نے آپ سے کیا کہا؟ انہوں نے بتایا کہ اس نے کہا: اے ابو شریح! میں اس مسئلہ کو تم سے زیادہ جانتا ہوں حرم کسی نافرمان کو پناہ نہیں دیتا اور نہ اس کو جوقتل کر کے (قصاص سے بھاگا ہو نہ اس کو جو چوری کر کے بھاگا ہو۔ (بخاری شریف ،كِتَابٌ : الْمَغَازِي. | بَابٌ : ،حدیث نمبر ٤٢٩٥)
حضرت جابر بن عبداللہ رضی اللہ تعالٰی عنہما بیان کرتے ہیں کہ انہوں نے فتح مکہ کے سال رسول اللہ صلی اللّٰہ علیہ وسلم کو یہ فرماتے ہوئے سنا ہے: اس وقت آپ مکہ میں تھے آپ نے فرمایا: بے شک اللہ تعالیٰ اور اس کے رسول نے خمر (انگور کی شراب ) کی خرید وفروخت کو حرام فرما دیا ہے۔ (بخاری شریف ،كِتَابٌ : الْمَغَازِي. | بَابٌ : حدیث نمبر ٤٢٩٦)
حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم مکہ میں انیس دن ٹھہرے آپ علیہ السلام دو رکعت نماز پڑھتے تھے۔ (بخاری شریف ، كِتَابٌ : الْمَغَازِي. | بَابٌ : مَقَامُ النَّبِيِّ صَلَّى اللَّهُ عَلَيْهِ وَسَلَّمَ بِمَكَّةَ زَمَنَ الْفَتْحِ،حدیث نمبر ٤٢٩٨)
حضرت ابن عباس رضی اللہ تعالیٰ عنہما بیان کرتے ہیں کہ ہم نبی کریم صلی اللّٰہ علیہ وسلم کے ساتھ(مکہ مکرمہ میں) انیس دن تک قیام کی مدت میں قصر کرتے تھے اور اگر اس سے زیادہ قیام کرتے تو پھر پوری نماز پڑھتے تھے۔ (بخاری شریف ، كِتَابٌ : الْمَغَازِي. | بَابٌ : مَقَامُ النَّبِيِّ صَلَّى اللَّهُ عَلَيْهِ وَسَلَّمَ بِمَكَّةَ زَمَنَ الْفَتْحِ،حدیث نمبر ٤٢٩٩)
عبداللہ بن ثعلبہ بن صعیر نے خبر دی اور نبی ﷺ نے فتح مکہ کے سال ان کے چہرے پر ہاتھ پھیرا۔ (بخاری شریف ،كِتَابٌ : الْمَغَازِي. | بَابٌ : حدیث نمبر ٤٣٠٠)
سنین ابی جمیلہ بیان کرتے ہیں کہ ہمیں انہوں نے خبر دی اور ہم ابن المسیب کے ساتھ تھے اور ابو جمیلہ کا زعم یہ ہے کہ انہوں نے نبی کریم صلی اللّٰہ علیہ وسلم کو پایا اور آپ کے ساتھ فتح مکہ کے سال نکلے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣٠١)
حضرت عمرو بن سلمہ رضی اللہ عنہ بیان کرتے ہیں کہ ایوب نے بتایا کہ مجھ سے ابوقلابہ نے کہا: تم حضرت عمرو بن سلمہ رضی اللہ عنہ سے مل کر سوال کیوں نہیں کرتے سو میں ان سے ملا اور ان سے سوال کیا تو انہوں نے بتایا: ہم اس پانی کے تالاب کے پاس تھے جو لوگوں کی گزرگاہ پر واقع تھا، ہمارے پاس سے سوار گزرتے تھے ہم ان سے پوچھتے: لوگوں کی کیا رائے ہے اور اس شخص کے متعلق کیا رائے ہے؟ لوگوں نے بتایا کہ وہ شخص یہ کہتا ہے کہ اس کو اللہ نے رسول بنا کر بھیجا ہے یا اس پر اللہ تعالٰی نے اس اس طرح وحی کی ہے سو میں اس کلام کو یاد کر لیتا اور وہ کلام میرے سینہ میں جم جاتا تھا اور عرب کے رہنے والوں نے اپنے اسلام لانے کو فتح مکہ پر موقوف کر دیا تھا وہ یہ کہتے تھے کہ ان کو اور ان کی قوم کو چھوڑ دو اگر وہ ان پر غالب ہو گئے تو وہ سچے نبی ہیں، پس جب مکہ فتح ہونے کا واقعہ ہوا تو ہر قبیلہ نے اسلام قبول کرنے میں جلدی کی اور میرے قبیلہ سے میرے والد نے اسلام قبول کرنے میں سبقت کی پس جب وہ اسلام لا کر واپس آئے تو انہوں نے کہا: میں تمہارے پاس آیا ہوں اور اللہ کی قسم میں نبی کریم صلی اللّٰہ علیہ وسلم کے پاس سے آیا ہوں آپ نے فرمایا: تم فلاں فلاں وقت میں فلاں فلاں نماز پڑھا کرو سو جب نماز کا وقت آ جائے تو تم میں سے ایک آدمی اذان دے اور تم میں سے جس آدمی کو سب سے زیادہ قرآن مجید یاد ہو وہ نماز پڑھائے، پس لوگوں نے تفتیش کی تو مجھ سے زیادہ کسی شخص کو قرآن مجید یاد نہیں تھا، کیونکہ میں گزرنے والے سواروں سے سن کر قرآن مجید یاد کرتا رہتا تھا تو انہوں نے (نماز میں ) مجھ کو آگے کر دیا اور میں اس وقت چھ یا سات سال کا تھا اور میں نے چھوٹی چادر کا تہبند باندھا ہوا تھا، جب میں سجدہ میں جاتا تو وہ تہبند سمٹ کر اوپر چڑھ جاتا تو قبیلہ کی ایک عورت نے کہا: تم اپنے قاری کی مقعد ہم سے کیوں نہیں چھپاتے ! تو لوگوں نے میرے لیے قمیص خریدی تو میں کسی چیز سے اتنا خوش نہیں ہوا تھا جتنا اس قمیص سے خوش ہوا۔ (بخاری شریف ،كِتَابٌ : الْمَغَازِي. | بَابٌ : حدیث نمبر ٤٣٠٢)
حضرت عائشہ رضی اللہ تعالٰی عنہا نے بیان کیا کہ عقبہ بن ابی وقاص نے اپنے بھائی حضرت سعد بن ابی وقاص کو یہ وصیت کی تھی کہ وہ زمعہ کی باندی کے بیٹے پر قبضہ کرلیں اور عقبہ نے کہا کہ وہ میرا بیٹا ہے سو جب رسول الله صلی اللّٰہ علیہ وسلم فتح مکہ کے بعد مکہ میں داخل ہوئے تو حضرت سعد بن ابی وقاص نے زمعہ کی باندی کے بیٹے کو لے لیا اور اس کو رسول اللہ صلی اللّٰہ علیہ وسلم کے پاس لے کر آئے اور اس کے ساتھ عبد بن زمعہ بھی آئے، پس حضرت سعد بن ابی وقاص نے کہا: یہ میرا بھتیجا ہے (میرے بھائی عتبہ بن ابی وقاص نے ) یہ وصیت کی تھی کہ یہ ان کا بیٹا ہے اور عبد بن زمعہ نے کہا: یا رسول اللہ ! یہ میرا بھائی ہے اور زمعہ کی باندی کا بیٹا ہے اس کے بستر پر پیدا ہوا ہے سو رسول اللہ صلی اللّٰہ علیہ وسلم نے زمعہ کی باندی کے بیٹے کی طرف دیکھا تو وہ تمام لوگوں سے زیادہ عتبہ بن ابی وقاص کے مشابہ تھا' تب رسول اللہ صلی اللّٰہ علیہ وسلم نے فرمایا: اے عبد بن زمعہ ! یہ تمہارا ہے اور تمہارا بھائی ہے کیونکہ یہ زمعہ کے بستر پر پیدا ہوا ہے اور رسول اللہ صلی اللّٰہ علیہ وسلم نے (حضرت سودہ بنت زمعہ سے فرمایا: ) اے سودہ! تم اس سے حجاب میں رہا کرو کیونکہ آپ نے اس میں عقبہ بن ابی وقاص کی مشابہت دیکھی تھی، ابن شہاب نے بیان کیا کہ حضرت عائشہ رضی اللہ تعالیٰ عنہا نے کہا کہ رسول اللہ صلی اللّٰہ علیہ وسلم نے فرمایا: بچہ اس کا ہوتا ہے جس کے بستر پر پیدا ہوا اور زانی کے لیے پتھر ہیں اور ابن شہاب نے کہا کہ حضرت ابو ہریرہ رضی اللہ عنہ اس حدیث کا اعلان کر کے سناتے تھے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣٠٣)
عروہ بن الزبیر نے خبر دی وہ بیان کرتے ہیں کہ رسول اللہ صلی اللّٰہ علیہ وسلم کے عہد میں غزوہ فتح مکہ کے دوران ایک عورت نے چوری کی تو اس کے قبیلہ کے لوگ بھاگ کر حضرت اسامہ بن زید رضی اللہ عنہ کے پاس آئے وہ ان سے سفارش طلب کرتے تھے عروہ نے بیان کیا کہ جب اس کے متعلق حضرت اسامہ رضی اللہ عنہ نے سفارش کی تو رسول اللہ صلی اللّٰہ علیہ وسلم کے چہرے کا رنگ متغیر ہو گیا، آپ نے فرمایا: تم اللہ کی حدود میں سے ایک حد کے متعلق مجھ سے سفارش کر رہے ہو! حضرت اسامہ رضی اللہ عنہ نے کہا: یارسول اللہ ! میرے لیے مغفرت طلب کیجئے ! پھر دن ڈھلے رسول اللہ صلی اللّٰہ علیہ وسلم نے کھڑے ہو کر خطبہ دیا اور اللہ تعالیٰ کی شان کے لائق حمد وثناء کی، پھر حمد و ثناء کے بعد فرمایا: تم سے پہلی امتیں اس لیے ہلاک ہو گئی تھیں کہ جب ان میں سے کوئی معزز آدمی چوری کرتا تو وہ اس کو چھوڑ دیتے اور جب ان میں سے کوئی پس ماندہ آدمی چوری کرتا تو وہ اس پر حد جاری کرتے اور اس ذات کی قسم جس کے قبضہ میں محمد کی جان ہے! اگر فاطمہ بنت محمد بھی چوری کرتی تو میں اس کا ہاتھ کاٹ دیتا پھر رسول اللہ صلی اللّٰہ علیہ وسلم نے حکم دیا سو اس کا ہاتھ کاٹ دیا گیا، پھر اس عورت نے اس کے بعد بہت اچھی توبہ کی اور اس نے شادی کرلی حضرت عائشہ رضی اللہ تعالیٰ عنہا نے بتایا: پھر اس واقعہ کے بعد وہ عورت ان کے پاس آتی تھی، پھر میں رسول اللہ صلی اللّٰہ علیہ وسلم کے پاس اس کی ضرورتوں کو پیش کرتی تھی۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣٠٤)
مجاشع نے حدیث بیان کی وہ بیان کرتے ہیں کہ فتح مکہ کے بعد میں نبی کریم صلی اللّٰہ علیہ وسلم کے پاس اپنے بھائی کو لے کر آیا انہوں نے کہا: یا رسول اللہ! میں آپ کے پاس اپنے بھائی کو لے کر آیا ہوں، تا کہ آپ اس کو ہجرت پر بیعت کر لیں، آپ نے فرمایا: اہل ہجرت تو ہجرت کی فضیلت کو لے کر چلے گئے میں نے پوچھا: پھر آپ اس کو کس چیز پر بیعت کریں گے؟ آپ نے فرمایا: میں اس کو اسلام ایمان اور جہاد پر بیعت کروں گا پھر اس کے بعد میں معبد سے ملا اور وہ دونوں بھائیوں سے بڑے تھے سو میں نے ان سے اس حدیث کے متعلق سوال کیا تو انہوں نے کہا: مجاشع نے سچ کہا ہے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣٠٥،و حدیث نمبر ٤٣٤٦)
حضرت مجاشع بن مسعود وہ بیان کرتے ہیں کہ میں حضرت ابو معبد رضی اللہ عنہ کے ساتھ نبی کریم صلی اللّٰہ علیہ وسلم کے پاس گیا تا کہ آپ حضرت مجاشع کو ہجرت پر بیعت کرلیں، آپ نے فرمایا: ہجرت تو ہجرت کرنے والوں کے ساتھ ختم ہو چکی ہے، میں اس کو اسلام اور جہاد پر بیعت کرتا ہوں، پھر میں حضرت ابو معبد سے ملا اور ان سے اس حدیث کے متعلق سوال کیا انہوں نے کہا کہ مجاشع نے سچ کہا۔ ہے اور خالد نے بیان کیا از ابی عثمان از مجاشع کہ وہ اپنے بھائی مجالد کو لے کر آئے۔ (بخاری شریف، كِتَابٌ : الْمَغَازِي. | بَابٌ : حدیث نمبر ٤٣٠٧،و حدیث نمبر ٤٣٠٨)
مجاہد بیان کرتے ہیں کہ میں نے حضرت ابن عمر رضی اللہ تعالٰی عنہما سے کہا کہ میں شام کی طرف ہجرت کرنے کا ارادہ کرتا ہوں، انہوں نے کہا: اب ہجرت (فرض). نہیں ہے لیکن جہاد ہے سو اب تم جاؤ اور اپنے ( آپ کو جہاد پر ) پیش کرو اگر تم نے جہاد کو پالیا تو فبہا ورنہ واپس آجاؤ۔ مجاہد نے کہا: میں نے حضرت ابن عمر رضی اللہ تعالٰی عنہما سے پوچھا تو انہوں نے کہا: آج ہجرت نہیں ہے یا کہا کہ رسول اللہ صلی اللّٰہ علیہ وسلم کے بعد ہجرت (فرض ) نہیں ہے اس کی مثل ۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣٠٩،و حدیث نمبر ٤٣١٠)
مجاہد بن جبر المکی بیان کرتے ہیں کہ حضرت عبداللہ بن عمر رضی اللہ تعالٰی عنہما کہتے تھے کہ فتح مکہ کے بعد ہجرت ( فرض) نہیں ہے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣١١!
عطاء بن ابی رباح بیان کرتے ہیں کہ میں نے عبید بن عمیر کے ساتھ حضرت عائشہ رضی اللہ تعالیٰ عنہا کی زیارت کی، پس انہوں نے ان سے ہجرت کے متعلق پوچھا حضرت عائشہ رضی اللہ تعالیٰ عنہا نے کہا: آج ہجرت (فرض ) نہیں ہے، پہلے کوئی مومن اپنے دین کی حفاظت کے لیے اللہ تعالیٰ کی طرف اور اس کے رسول صلی اللّٰہ علیہ وسلم کی طرف بھاگتا تھا، اس خوف سے کہ وہ فتنہ میں مبتلا ہو جائے گا لیکن آج اللہ تعالیٰ نے اسلام کو غالب کر دیا ہے سو مؤمن اب جہاں چاہے اپنے رب کی عبادت کرے لیکن جہاد اور نیت ( کا ثواب) ہے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣١٢)
مجاہد بیان کرتے ہیں کہ رسول الله صلی اللّٰہ علیہ وسلم فتح مکہ کے دن کھڑے ہو گئے، پس آپ نے فرمایا: بے شک اللہ تعالیٰ نے جس دن تمام آسمانوں اور زمینوں کو پیدا کیا، اسی دن اس نے مکہ مکرمہ کو حرم قرار دیا سو یہ اللہ تعالٰی کے حرام کرنے سے قیامت تک کے لیے حرام ہے یہ مجھ سے پہلے کسی کے لیے حلال ہوا تھا اور نہ میرے بعد کسی کے لیے حلال ہو گا اور اس میں میرے لیے (قتال) صرف زمانہ کی ایک ساعت کے لیے حلال ہوا تھا، اس کے شکار کو بھگایا جائے گا نہ اس کے کانٹوں کو کاٹا جائے اور نہ اس کی گھاس کو کاٹا جائے اور اعلان کرنے والے کے سوا کسی اور کے لیے مکہ مکرمہ میں گری ہوئی چیز کو اُٹھانا جائز نہیں ہے حضرت عباس بن عبد المطلب رضی اللہ عنہ نے کہا: یارسول اللہ ! ماسوا اذخر گھاس کے کیونکہ وہ ہمارے لوہار کے لیے اور ہمارے گھروں کے لیے ضروری ہے تو آپ خاموش ہو گئے پھر آپ نے فرمایا: سوائے اذخر گھاس کے کیونکہ اس کو کاٹنا حلال ہے۔ اور از ابن جریج انہوں نے کہا: مجھے عبد الکریم نے خبر دی از عکرمه از حضرت ابن عباس رضی اللہ تعالیٰ عنہما اس حدیث کی مثل یا نحو اس حدیث کی حضرت ابو ہریرہ رضی اللہ عنہ نے نبی اکرم صلی اللہ علیہ وسلم سے روایت کی ہے۔ (بخاری شریف ، كِتَابٌ : الْمَغَازِي. | بَابٌ : حدیث نمبر ٤٣١٣)
اللہ عز وجل کے درج ذیل ارشاد کی تفسیر ترجمہ:اور حنین کے دن جب تمہاری کثرت نے تمہیں گھمنڈ میں ڈال دیا تو اس (کثرت ) نے کسی چیز کو تم سے دور نہ کیا اور زمین اپنی فراخی کے باوجود تم پر تنگ ہوگئی، پھر تم پیٹھ پھیرتے ہوئے واپس گئے پھر اللہ نے اپنی طرف سے طمانیت قلب اپنے رسول اور ایمان والوں پر نازل فرمائی اور وہ لشکر نازل کیے جو تم نے نہ دیکھے اور جن لوگوں نے کفر کیا تھا ان کو عذاب دیا اور یہی کافروں کی سزا ہے پھر اللہ تعالیٰ جن کو چاہے گا ان کی توبہ قبول فرما لے گا اور اللہ بہت بخشنے والا بے حد رحم فرمانے والا ہے (التوبہ: ۲۷ - ۲۵ ) اسماعیل نے خبر دی وہ بیان کرتے ہیں کہ میں نے حضرت ابن ابی اوفی رضی اللہ عنہ کے ہاتھ میں ضرب کا نشان دیکھا، انہوں نے بتایا کہ نبی صلی اللّٰہ علیہ وسلم کے ساتھ حنین کے دن مجھے یہ چوٹ لگی تھی میں نے پوچھا کہ آپ حنین میں حاضر تھے؟ انہوں نے کہا: میں اس سے پہلے حاضر تھا۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ. حدیث نمبر ٤٣١٤)
ابی اسحاق نے کہا: میں نے حضرت البراء رضی اللہ عنہ سے سنا ان کے پاس ایک مرد نے آکر کہا: اے ابو عمارہ! کیا آپ حنین کے دن پیٹھ پھیر کر بھاگے تھے ؟ انہوں نے کہا: رہا میں تو میں گواہی دیتا ہوں کہ نبی کریم صلی اللّٰہ علیہ وسلم نے پیٹھ نہیں پھیری لیکن لوگوں نے جلد بازی کی اور ہوازن کے تیروں نے ان کو نشانہ بنایا اور حضرت ابوسفیان بن الحارث رضی اللہ عنہ نبی اکرم صلی اللہ علیہ وسلم کے سفید خچر کا سر پکڑے ہوئے تھے اور آپ فرما رہے تھے: میں نبی ہوں اور یہ جھوٹ نہیں ہے اور میں عبید المطلب کا بیٹا ہوں ۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ،حدیث نمبر ٤٣١٥)
ابی اسحاق کہتے ہیں کہ حضرت البراء رضی اللہ عنہ سے سوال کیا گیا اور میں سن رہا تھا کہ کیا تم لوگ حنین کے دن نبی کریم صلی اللّٰہ علیہ وسلم کے ساتھ پیٹھ پھیر کر بھاگے تھے؟ پس انہوں نے کہا : رہے نبی اکرم صلی اللہ علیہ وسلم تو آپ نہیں بھاگے تھے وہ لوگ تیر انداز تھے تو آپ نے فرمایا: بے شک میں نبی ہوں بے شک میں عبد المطلب کا بیٹا ہوں۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ،حدیث نمبر ٤٣١٦)
ابی اسحاق بیان کرتے ہیں کہ انہوں نے حضرت البراء رضی اللہ عنہ سے سنا ان سے قبیلہ قیس کے ایک مرد نے سوال کیا: کیا تم حنین کے دن رسول اللہ صلی اللّٰہ علیہ وسلم کے پاس سے بھاگ گئے تھے سو انہوں نے کہا۔ لیکن رسول اللہ صلی اللّٰہ علیہ وسلم نہیں بھاگے تھے ھوازن تیرانداز تھے اور جب ہم نے ان پر حملہ کیا تو وہ شکست کھا گئے تو ہم غنیمتوں پر جھک گئے سو انہوں نے ہمیں تیروں کا نشانہ بنا لیا اور تحقیق یہ ہے کہ میں نے دیکھا کہ رسول اللہ صلی اللّٰہ علیہ وسلم اپنے سفید خچر پر سوار تھے اور بے شک حضرت ابوسفیان اس کی لگام پکڑے ہوئے تھے اور نبی کریم صلی اللّٰہ علیہ وسلم فرما رہے تھے: بے شک میں نبی ہوں یہ جھوٹ نہیں ہے۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ،حدیث نمبر ٤٣١٧)
عروہ بن الزبیر کا یہ زعم ہے کہ مروان اور حضرت المسور بن مخرمہ نے ان کو خبر دی کہ جب هوازن کا وفد رسول اللہ صلی اللّٰہ علیہ وسلم کے پاس مسلمان ہو کر آیا تو آپ کھڑے ہو گئے انہوں نے آپ سے سوال کیا کہ آپ ان کے اموال اور ان کے قیدی ان کی طرف لوٹا دیں تب رسول اللہ صلی اللّٰہ علیہ وسلم نے ان سے فرمایا: میرے ساتھ وہ لوگ ہیں جن کو تم دیکھ رہے ہو میرے نزدیک سب سے زیادہ پسندیدہ بات وہ ہے جو سب سے زیادہ سچی ہو تم دو چیزوں میں سے ایک کو اختیار کر لو یا قیدی یا مال اور میں نے تمہارے معاملہ میں تاخیر کی ہے اور رسول اللہ صلی اللّٰہ علیہ وسلم نے طائف سے واپس آنے کے بعد دس سے زیادہ راتیں ان کا انتظار کیا، جب ھوازن کو یہ معلوم ہو گیا کہ رسول اللہ صلی اللّٰہ علیہ وسلم ان کو دو میں سے صرف ایک چیز واپس کریں گے تو انہوں نے کہا کہ ہم اپنے قیدیوں کو اختیار کرتے ہیں، تب رسول اللہ صلی اللّٰہ علیہ وسلم مسلمانوں میں کھڑے ہوئے اور آپ نے اللہ تعالی کی ایسی حمد و ثناء کی جو اس کی شان کے لائق ہے پھر آپ نے فرمایا حمد وثناء کے بعد یہ تمہارے بھائی ہمارے پاس توبہ کرتے ہوئے آئے ہیں اور میں نے یہ مناسب سمجھا کہ ان کے قیدی ان کو واپس کر دوں، سو تم میں سے جو شخص خوشی سے اس فیصلہ پر عمل کرنا چاہتا ہوتو وہ کرے اور تم میں سے جو شخص اپنے حصہ کو رکھنا چاہتا ہوں حتیٰ کہ ہم اس کو مال فئے میں سے دے دیں جو اللہ تعالٰی ہم کو جنگ سے پہلے عطاء فرمائے گا تو وہ ایسا کرلئے پس لوگوں نے کہا: یا رسول اللہ صلی اللّٰہ علیہ وسلم! بے شک ہم نے خوشی سے یہ قبول کرلیا ہے تب رسول اللہ صلی اللّٰہ علیہ وسلم نے فرمایا: ہم ( از خود) نہیں جانتے کہ تم میں سے کس نے اس کی اجازت دی ہے اور کس نے اجازت نہیں دی، پس تم سب واپس جاؤ حتی کہ ہمارے پاس تمہارے کار مختار آجائیں، پھر سب لوگ لوٹ گئے اور انہوں نے اپنے کار ہائے مختار سے مشورہ کیا پھر وہ رسول اللہ صلی اللّٰہ علیہ وسلم کے پاس آئے، پس انہوں نے یہ خبر دی کہ انہوں نے خوشی سے اس فیصلہ کو قبول کیا ہے اور اس پر عمل کرنے کی اجازت دی ہے یہ وہ حدیث ہے جو مجھے ہوازن کے قیدیوں سے پہنچی ہے۔ (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ،حدیث نمبر ٤٣١٨،و حدیث نمبر ٤٣١٩)
حضرت ابن عمر رضی اللہ تعالٰی عنہما بیان کرتے ہیں کہ جب ہم حنین سے واپس آئے تو حضرت عمر رضی اللہ عنہ سے نذر کے متعلق سوال کیا،"تو انہوں نے کہا کہ انہوں نے زمانہ جاہلیت میں اعتکاف کی نذرمانی تھی تو نبی کریم صلی اللّٰہ علیہ وسلم نے انہیں اس نذر کو پورا کرنے کا حکم دیا۔ اور بعض نے کہا: حماد نے روایت کی ہے از ایوب از نافع از ابن عمر۔ اور روایت کیا اس حدیث کو جریر بن حازم اور حماد بن مسلمہ نے از ایوب از نافع از حضرت ابن عمر از نبی صلی الله علیہ وسلم، (بخاری شریف ،كِتَابٌ : الْعِلْمُ | بَابُ مَنْ سُئِلَ عِلْمًا،حدیث نمبر ٤٣٢٠)
حضرت قتادہ رضی اللہ عنہ نے بیان کیا کہ ہم نبی کریم صلی اللّٰہ علیہ وسلم کے ساتھ حنین کے سال نکلے جب ہمارا مقابلہ ہوا تو مسلمانوں میں کچھ کمزوری تھی پس میں نے دیکھا کہ ایک مشرک مرد مسلمان مرد کی پشت پر سوار تھا میں نے پیچھے سے اس کی گردن کے اوپر تلوار کا ایک وار کیا، سو میں نے اس کی زرہ کاٹ ڈالی وہ مشرک میری طرف پلٹا اور مجھے زور سے دبایا جس سے مجھے موت کی خوشبو آئی پھر اس مشرک کو موت آگئی تو اس نے مجھے چھوڑ دیا پھر میں حضرت رضی اللہ عنہ سے ملا تو میں نے پوچھا لوگوں کیا ہوا ہے؟ انہوں کہا: یہ اللہ عزوجل کی تقدیر ہے پھر مسلمان پلٹے ۔اور (جنگ کے اختتام کے )بعد نبی کریم صلی اللّٰہ علیہ وسلم بھی بیٹھ گئے، پس آپ نے فرمایا: جس نے کسی مشرک کو قتل کیا ہو اور اس کے پاس گواہ بھی ہو تو اس سامان اسی کو ملے گا میں نے سوچا میرے متعلق کون گواہی دے گا؟ پھر میں بیٹھ گیا حضرت ابو قتادہ رضی اللہ عنہ نے کہا:نبی کریم صلی اللّٰہ علیہ وسلم نے پھر اسی طرح فرمایا پس میں کھڑا ہو گیا،پس میں نے کہا: میرے حق میں کون گواہی دے گا،پھر میں بیٹھ گیا حضرت قتادہ رضی اللہ عنہ نے کہا کہ نبی کریم صلی اللّٰہ علیہ وسلم نے پھر اسی طرح فرمایا پھر میں کھڑا ہو گیا تو آپ علیہ السلام نے فرمایا: اے قتادہ کیا بات ہے! تو میں نے آپ کو خبر دی تو ایک شخص نے کہا:اس نے سچ کہا ہے اور اس کا سامان میرے پاس ہے آپ اس کو میری طرف سے راضی کر دیجئے، پس حضرت ابو بکر نے کہا نہیں! اللہ کی قسم! اللہ تعالی کے شیروں میں سے ایک شیر جو اللہ اور اس کے رسول کی طرف سے لڑتا ہے تو آپ علیہ السلام اس کا سامان تمہیں دے دیں!یہ نہیں ہو سکتا! تب نبی کریم صلی اللّٰہ علیہ وسلم نے فرمایا: ابو بکر نے سچ کہا ہے، تم وہ سامان اس کو دے دو تو اس شخص نے وہ سامان مجھے دے دیا تو میں نے اس سامان سے بنو سلمہ میں ایک باغ خرید لیا اور یہ پہلا مال تھا جو میں نے اسلام میں حاصل کیا۔ حضرت قتادہ رضی اللہ عنہ نے کہا:جب حنین کا دن تھا تو میں نے ایک مسلمان مرد کی طرف دیکھا جو مشرکین میں سے ایک کے ساتھ لڑ رہا تھا اور دوسرا مشرک اس مسلمان کو پیچھے سے حملہ کر کے قتل کرنے کی گھات میں تھا سو میں جلدی سے اس دوسرے مشرک کی طرف بڑھا جو اُس مسلمان کو قتل کرنے کی گھات میں تھا سو اس مشرک نے مجھ پر ضرب لگانے کے لئے ہاتھ اٹھایا اور میں نے اس ہر ضرب لگا کر اس کو کاٹ ڈالا سو اس نے مجھے پکڑ کر بہت زور سے دبایا حتیٰ کہ میں خوف زدہ ہو گیا پھر اس نے مجھے چھوڑ دیا اور پھر وہ ڈھیلا پڑ گیا سو میں نے اس کو دھکا دیا پھر اس کو قتل کر دیا سو مسلمان شکست کھا گئے اور میں بھی ان کے ساتھ شکست خوردہ گیا پھر اچانک میں نے لوگوں میں حضرت عمر بن الخطاب رضی اللہ عنہ کو دیکھا،میں نے ان سے کہا یہ لوگوں کو کیا ہو گیا ہے، انہوں نے کہا یہ اللہ کی تقدیر ہے پھر لوگ رسول اللہ صلی اللّٰہ علیہ وسلم کی طرف پلٹے تو رسول اللہ صلی اللّٰہ علیہ وسلم فرمایا: جس نے اس پر گواہ قائم کر دیا کہ میں نے کسی مشرک کو قتل کر دیا ہے تو وہ اس کے سامان کا مالک ہوگا پس میں کھڑا ہوا تاکہ اس پر کوئی گواہ تلاش کروں جس کو میں نے قتل کیا تو میں نے کوئی شخص نہیں دیکھا جو میرے حق میں گواہی دیتا پس میں بیٹھ گیا،پھر مجھے خیال آیا تو میں نے رسول اللہ صلی اللّٰہ علیہ وسلم سے اس واقعہ کا ذکر کیا تو آپ علیہ السلام کے پاس بیٹھے ہوئے لوگوں میں سے ایک شخص نے کہا کہ مقتول کا ہتھیار میرے پاس آپ ان کو میرے حق میں راضی کر دیں تا حضرت ابو بکر رضی اللہ عنہ نے کہا: ہرگز نہیں! آپ قریش کے ایک بزدل کو یہ ہتھیار نہ دیں اور اللہ کے شیروں میں سے اس شیر کو دیں دیں جو اللہ تعالیٰ اس کے رسول علیہ السلام کی طرف سے جنگ کرتا ہے،حضرت قتادہ رضی اللہ عنہ نے بتایا کہ پھر رسول اللہ صلی اللّٰہ علیہ وسلم کھڑے ہو گئے اور ہتھیار مجھے عطاء فرما دیا میں نے اس سے ایک باغ خرید اور یہ پہلا مال تھا جو مجھے اسلام میں حاصل ہوا (بخاری شریف ، كِتَابٌ : الْمَغَازِي. | بَابُ قَوْلِ اللَّهِ تَعَالَى : وَيَوْمَ حُنَيْنٍ إِذْ أَعْجَبَتْكُمْ،حدیث نمبر ٤٣٢١،و حدیث نمبر ٤٣٢٢)
باب:غزوہ اوطاس کا بیان۔ حضرت ابو موسیٰ رضی اللہ عنہ بیان کرتے ہیں کہ جب نبی کریم صلی اللّٰہ علیہ وسلم غزوہ حنین سے فارغ ہوئے تو آپ نے ایک لشکر کے ساتھ حضرت ابو عامر رضی اللہ کو وادی اوطاس کی طرف بھیجا پس وہاں درید بن الصمہ سے مقابلہ ہوا سو درید کو قتل کر دیا گیا اور اللہ تعالیٰ نے اس کے لشکر کو شکست دے دی، حضرت ابو موسی رضی اللہ عنہ نے بیان کیا:اور آپ نے مجھے حضرت عامر کے ساتھ بھیجا "پس حضرت ابو عامر کے گھٹنے میں ایک جشمیٰ کا تیر لگا اور وہ ان کے گھٹنے میں پیوست ہو گیا، پس میں نے حضرت ابو عامر کے پاس جا کر پوچھا: اے میرے چچا! آپ کو کس نے تیر مارا ہے؟ تو انہوں نے حضرت ابو موسیٰ رضی اللہ عنہ کو اشارہ سے بتایا کہ وہ میرا قاتل ہے جس نے مجھے تیر مارا ہے سو میں اس کا قصد کر کے اس سے جاملا جب اس نے مجھے دیکھا تو وہ پیٹھ موڑ کر بھاگا پس میں نے اس کا پیچھا کیا اور میں اس سے کہہ رہا تھا کہ تجھے حیاء نہیں آتی ! تو ٹھہرتا کیوں نہیں ! پس وہ ٹھہر گیا پھر ہم دونوں کی تلواریں ٹکرائیں، پس میں نے اس کو قتل کر دیا پھر میں نے حضرت ابو عامر سے کہا: اللہ تعالیٰ نے آپ کے قاتل کو مارڈالا اُنہوں نے کہا: تم میرے گھٹنے سے یہ تیر نکال لو میں نے ان کے گھٹنے سے وہ تیر نکالا تو اس سے پانی نکلنے لگا، انہوں نے کہا: اے میرے بھتیجے ! نبی کریم صلی اللّٰہ علیہ وسلم کے پاس جا کر میرا سلام پیش کرو اور آپ سے عرض کرو کہ میرے لیے بخشش کی دعا کریں اور حضرت ابو عامر نے مجھے لوگوں پر اپنا جانشین بنایا، پس وہ تھوڑی دیر زندہ رہے پھر وہ فوت ہو گئے، پھر میں نبی کریم صلی اللّٰہ علیہ وسلم کے پاس آیا' آپ اپنے گھر میں کھجور کی رسیوں سے بنی ہوئی چار پائی پر لیٹے ہوئے تھے اور اس پر بستر تھا، چار پائی کی بنائی آپ کی پشت اور پہلوؤں پر نقش ہو گئی تھی، میں نے آپ کو اپنی خبریں بتا ئیں اور حضرت ابو عامر کی خبر بتائی اور میں نے بتایا کہ انہوں نے کہا تھا کہ آپ ان کے لیے بخشش کی دعا کریں تو آپ نے پانی منگا کر وضو کیا، پھر دونوں ہاتھ بلند کر کے دعا کی: اے اللہ ! عبید ابی عامر کو بخش دے اور میں نے آپ کی بغلوں کی سفیدی دیکھی پھر آپ نے دعا کی: اے اللہ ! اس کو قیامت کے دن اپنی مخلوق میں بہت لوگوں کے اوپر درجہ عطا فرمانا' میں نے عرض کیا: اور میرے لیے بھی بخشش طلب کریں تو آپ نے دعا کی: اے اللہ! عبد اللہ بن قیس کے گناہوں کو معاف فرما اور اس کو قیامت کے دن عزت والی جگہ میں داخل فرما دیتا ! حضرت ابو بردہ نے کہا: ان میں سے ایک دعا حضرت ابو عامر کے لیے تھی اور دوسری دعا حضرت ابو موسیٰ کے لیے تھی۔ (بخاری شریف ، كِتَابٌ : الْمَغَازِي. | بَابُ غَزَاةِ أَوْطَاسٍ،حدیث نمبر ٤٣٢٣)
غزوہ طائف کا بیان۔ موسیٰ بن عقبہ نے کہا: یہ غزوہ شوال آٹھ ہجری میں ہوا ہے۔ حضرت ام سلمه رضی اللہ تعالٰی عنہا بیان کرتی ہیں کہ میرے پاس نبی کریم صلی اللّٰہ علیہ وسلم تشریف لائے اس وقت میرے پاس ایک مخنت (خواجہ سرا) تھا میں نے سنا وہ حضرت عبداللہ بن ابی امیہ سے کہہ رہا تھا: اے عبداللہ ! اگر اللہ تعالیٰ نے کل تمہارے لیے الطائف کو فتح کر دیا تو تم غیلان کی بیٹی پر قبضہ کر لینا وہ جب سامنے آتی ہے تو اس کے پیٹ پر چار بل دکھائی دیتے ہیں اور جب وہ پیٹھ موڑ کر جاتی ہے تو آٹھ بل دکھائی دیتے ہیں (یعنی وہ بہت موٹی تازی ہے تو نبی کریم صلی اللّٰہ علیہ وسلم نے فرمایا: یہ شخص اب تمہارے پاس نہ آیا کرے ابن عیینہ نے کہا کہ ابن جریج نے بتایا کہ اس مخنت کا نام ھیت تھا۔ ہمیں محمود نے حدیث بیان کی انہوں نے کہا: ہمیں ابواسامہ نے حدیث بیان کی از ہشام یہی حدیث اور یہ اضافہ کیا کہ آپ اس دن طائف کا محاصرہ کرنے والے تھے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٢٤)
حضرت عبداللہ بن عمرو رضی اللہ تعالٰی عنہما بیان کرتے ہیں کہ جب رسول اللہ صلی اللّٰہ علیہ وسلم نے الطائف کا محاصرہ کیا اور ان کو کوئی نقصان نہیں پہنچایا'تو آپ نے فرمایا: ہم کل ان شاء الله مدینہ لوٹ جائیں گئے صحابہ کو یہ ارشاد ناگوار گزرا انہوں نے کہا: ہم واپس جائیں گے اور الطائف کو فتح نہیں کریں گے ! سفیان نے دوسری بار کہا : آپ نے ارشاد فرمایا کہ صبح سویرے قتال کرنا انہوں نے صبح حملہ کیا تو وہ زخمی ہو گئے آپ نے فرمایا: کل ان شاء اللہ ہم واپس جائیں گئے سو صحابہ اس ارشاد سے خوش ہو گئے تو نبی کریم صلی اللّٰہ علیہ وسلم ہنسے اور دوسری بار سفیان نے بتایا : آپ مسکرائے۔ الحمیدی نے کہا: یہ پوری حدیث ہم کو سفیان نے بیان کی ہے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٢٥)
ابو عثمان نے کہا: میں نے حضرت سعد رضی اللہ عنہ سے سنا اور وہ پہلے شخص ہیں جنہوں نے اللہ کی راہ میں تیر مارا اور حضرت ابو بکرہ سے سنا اور وہ چند لوگوں کے ساتھ الطائف کے قلعہ پر چڑھے تھے اور وہ اس طرح نبی صلی اللّٰہ علیہ وسلم کی خدمت میں حاضر ہوئے تھے ان دونوں نے کہا کہ ہم نے نبی کریم صلی اللّٰہ علیہ وسلم کو یہ ارشاد فرماتے ہوئے سنا ہے کہ جس شخص نے اپنے آپ کو اپنے والد کے غیر کی طرف منسوب کیا حالانکہ وہ جانتا ہے کہ یہ میرا باپ نہیں ) اس پر جنت حرام ہے۔ اور ہشام نے کہا: اور ہم کو معمر نے خبر دی از عاصم از ابی العالیه یا ابوعثمان النہدی انہوں نے کہا: میں نے حضرت سعد اور حضرت ابو بکرہ رضی اللہ تعالٰی عنہما سے سنا از نبی کریم صلی اللّٰہ علیہ وسلم عاصم نے بیان کیا کہ میں نے کہا: آپ کو دو ایسے مردوں نے شہادت دی ہے جن کی شہادت آپ کے لیے کافی ہے انہوں نے کہا: کیوں نہیں! ان دو میں سے ایک ایسے شخص ہیں جنہوں نے سب سے پہلے اللہ کی راہ میں تیر چلایا اور دوسرے وہ ہیں جو تئیس میں سے تئیسویں مرد تھے جو طائف کے قلعہ سے اتر کر نبی کریم صلی اللّٰہ علیہ وسلم کے پاس آئے تھے۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ. حدیث نمبر ٤٣٢٦،و حدیث نمبر ٤٣٢٧)
حضرت ابو موسی رضی اللہ عنہ بیان کرتے ہیں کہ میں اس وقت نبی صلی اللّٰہ علیہ وسلم کے پاس تھا جب آپ جعرانہ سے اُتر رہے تھے جو کہ مکہ اور مدینہ کے درمیان ہے آپ کے ساتھ حضرت بلال رضی اللہ عنہ تھے اس وقت ایک دیہاتی نے نبی کریم صلی اللّٰہ علیہ وسلم کے پاس آکر کہا: کیا آپ نے مجھ سے جو وعدہ کیا ہے اس کو آپ پورا نہیں کریں گے؟ آپ نے اس سے فرمایا: بشارت قبول کرو اس نے کہا آپ نے مجھ سے بہت دفعہ کہا ہے کہ بشارت قبول کرو! تب آپ حضرت ابو موسیٰ اور حضرت بلال رضی اللہ تعالٰی عنہما کی طرف متوجہ ہوئے جیسے غصہ میں ہوں،آپ نے فرمایا: اس نے بشارت کو مسترد کر دیا تم دونوں اس کو قبول کر لو دونوں نے کہا: ہم نے قبول کیا، پھر آپ نے ایک پیالہ میں پانی منگایا اور اس سے اپنے ہاتھوں اور چہرے کو دھویا اور اس پیالہ میں کلی کی، پھر فرمایا: تم دونوں اس سے پی لو اور بقیہ پانی کو اپنے چہروں اور سینوں پر ڈال لو اور تم دونوں بشارت کو قبول کرو سو ان دونوں نے پیالہ لیا، پس اسی طرح کیا، پھر پردہ کے پیچھے سے حضرت اُم سلمہ رضی اللہ تعالٰی عنہا نے آواز دی کہ اپنی ماں کے لیے ( پیالہ کا تبرک) بچانا، سو ان دونوں نے ان کے لیے پیالہ کچھ پانی بچایا۔۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٢٨)
صفوان بن یعلی بن امیہ نے خبر دی کہ حضرت یعلی کہتے تھے : کاش ! میں اس وقت رسول اللہ صلی اللّٰہ علیہ وسلم کو دیکھتا جب آپ پر وحی نازل ہو رہی ہوتی ، پس جس وقت نبی کریم صلی اللّٰہ علیہ وسلم الجعرانہ میں تھے اور آپ کے اوپر ایک کپڑا تھا جس سے آپ کے اوپر سایا کیا ہوا تھا اور آپ کے اصحاب میں سے کچھ لوگ تھے اس وقت آپ کے پاس ایک دیہاتی آیا جس نے جبہ (لمبا کوٹ) پہنا ہوا تھا اور اس پر خوشبو کا لیپ کیا ہوا تھا، اس نے کہا: یا رسول اللہ! آپ اس مرد کے متعلق کیا فرماتے ہیں جس نے عمرہ کا احرام جبہ میں باندھا اس کے بعد اس نے اس میں خوشبو کا لیپ کیا تو حضرت عمر نے حضرت یعلی کی طرف اپنے ہاتھ سے اشارہ کیا کہ ادھر آو پس حضرت یعلی آئے اور انہوں نے (اس کپڑے میں) اپنا سر داخل کیا، اس وقت نبی کریم صلی اللّٰہ علیہ وسلم کا چہرہ سرخ ہو رہا تھا اور آپ سے اسی حالت میں تھوڑی دیر تک خراٹوں کی طرح آواز آتی رہی پھر جب یہ کیفیت دور ہوئی تو آپ نے پوچھا: وہ شخص کہاں ہے جس نے ابھی مجھ سے عمرہ کے متعلق سوال کیا تھا؟ پس اس شخص کو تلاش کر کے لایا گیا، پھر آپ نے فرمایا: رہی وہ خوشبو جو تم پر لگی ہوئی ہے اس کو تین مرتبہ دھو لو رہا جبہ تو اس کو تم اتار دو پھر تم اپنے عمرہ میں اسی طرح افعال کرو جس طرح تم حج میں کرتے ہو۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٢٩)
عبدالله بن زید بن عاصم بیان کرتے ہیں: جب اللہ تعالیٰ نے اپنے رسول صلی اللّٰہ علیہ وسلم کو حنین کے دن اموال غنیمت لوٹائے تو آپ نے لوگوں میں سے مؤلفۃ القلوب کو وہ اموال عطاء کیے اور انصار کو کچھ بھی نہیں دیا، پس گویا کہ انصار کو اس پر غم اور غصہ ہوا کیونکہ ان کو وہ اموال نہیں ملے جولوگوں کو ملے تھے تو آپ نے ان کو خطبہ دیا، پس فرمایا: اے انصار کی جماعت ! کیا یہ بات نہیں ہے کہ میں نے تم کو گمراہی میں مبتلا پایا، پس اللہ تعالیٰ نے تم کو میرے سبب سے ہدایت دی اور تم متفرق تھے تو اللہ تعالی نے میرے سبب سے تم میں اُلفت ڈالی اور تم تنگ دست تھے تو اللہ تعالٰی نے میرے سبب سے تم کو غنی کر دیا جب بھی آپ کوئی جملہ ادا کرتے تو انصار کہتے: اللہ اور اس کا رسول ہم پر زیادہ احسان کرنے والے ہیں، آپ نے فرمایا: تمہیں رسول اللہ صلی اللّٰہ علیہ وسلم کی بات ماننے سے کیا چیز منع کرتی ہے؟ راوی نے کہا: جب بھی آپ کوئی بات فرماتے تو انصار کہتے: اللہ اور اس کا رسول سب سے زیادہ ہم پر احسان کرنے والے ہیں۔ آپ نے فرمایا: اگر تم چاہتے تو یہ کہتے: آپ ہمارے پاس ایسی ایسی حالت میں آئے تھے، کیا تم اس پر راضی ہو کہ لوگ بکریاں اور اونٹ لے جائیں اور تم نبی کریم صلی اللّٰہ علیہ وسلم کو اپنے گھروں میں لے جاؤ اگر ہجرت فرض نہ ہوتی تو میں بھی انصار میں سے ایک مرد ہوتا اور اگر لوگ کسی وادی اور کھائی میں جائیں تو میں اسی وادی اور گھائی میں جاؤں گا جس میں انصار گئے انصار بدن کا اندرونی لباس ہیں اور لوگ بیرونی لباس ہیں بے شک میرے بعد تم کچھ ترجیحات کا سامنا کرو گئے تم صبر کرنا حتی کہ تم مجھ سے حوض پر ملاقات کرو۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٠)
Bukhari Sharif Kitabul Magazi Hadees No# 4331
حضرت انس رضی اللہ عنہ بیان کرتے ہیں کہ جب فتح مکہ کا دن تھا تو رسول اللہ صلی اللّٰہ علیہ وسلم نے اموال غنیمت قریش کے درمیان تقسیم کیے تو انصار کو غم و غصہ ہوا پس نبی کریم صلی اللّٰہ علیہ وسلم نے فرمایا: کیا تم اس پر راضی نہیں ہو کہ لوگ دنیا لے جائیں اور تم رسول اللہ صلی اللّٰہ علیہ وسلم کو لے جاؤ انصار نے کہا: کیوں نہیں! آپ نے فرمایا: اگر لوگ ایک وادی یا گھاٹی میں جائیں تو میں انصار کی وادی یا گھاٹی میں جاؤں گا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٢)
حضرت انس رضی اللہ عنہ بیان کرتے ہیں کہ جب حنین کا دن تھا تو ھوازن نے مقابلہ کیا اور نبی کریم صلی اللّٰہ علیہ وسلم کے ساتھ دس ہزار صحابہ تھے اور الطلقاء تھے پس ہوازن شکست کھا گئے،آپ نے فرمایا: اے انصار کی جماعت ! انہوں نے کہا: یا رسول اللہ ! ہم حاضر ہیں اور آپ کی اطاعت کے لیے موجود ہیں، ہم حاضر ہیں اور آپ کے سامنے موجود ہیں تو نبی کریم صلی اللّٰہ علیہ وسلم اترے آپ نے فرمایا: میں اللہ کا بندہ اور اس کا رسول ہوں، پس مشرکین کو شکست ہو گئی تو آپ نے الطلقاء اور مہاجرین کو عطاء کیا اور انصار کو کچھ بھی عطا نہیں کیا تو انہوں نے کوئی اعتراض کیا تو نبی کریم صلی اللّٰہ علیہ وسلم نے ان کو چمڑے کے ایک خیمے میں داخل کیا، پھر فرمایا: کیا تم اس پر راضی نہیں ہو کہ لوگ بکریاں اور اونٹ لے کر جائیں اور تم رسول اللہ صلی اللّٰہ علیہ وسلم کو لے جاؤ پھر نبی کریم صلی اللّٰہ علیہ وسلم نے فرمایا: اگر لوگ ایک وادی میں جائیں اور انصار کسی اور گھاٹی میں جائیں تو میں اس گھاٹی کو اختیار کروں گا جس میں انصار گئے ہیں۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٣)
حضرت انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے انصار کے لوگوں کو جمع کر کے فرمایا:بے شک قریش جاہلیت سے اور مصیبت سے ابھی ابھی نکلے ہیں اور میں نے ارادہ کیا کہ میں ان کی مصیبت کی تلافی کروں اور ان کی دل جوئی کروں کیا تم اس پر راضی نہیں ہو کہ لوگ دنیا کو لے کر لوٹیں اور تم رسول اللہ صلی اللّٰہ علیہ وسلم کو اپنے گھروں کی طرف لے کر لوٹو ؟ انصار نے کہا: کیوں نہیں! آپ نے فرمایا: اگر لوگ ایک وادی میں جائیں اور انصار ایک گھاٹی میں جائیں تو میں انصار کی وادی یا گھاٹی میں جاؤں گا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٤)
حضرت عبداللہ رضی اللہ عنہ بیان کرتے ہیں کہ جب نبی کریم صلی اللّٰہ علیہ وسلم نے حنین کے مال غنیمت کو تقسیم کیا تو انصار میں سے ایک مرد نے کہا کہ آپ نے اس تقسیم سے اللہ کی رضا کا ارادہ نہیں کیا تو میں نبی کریم صلی اللّٰہ علیہ وسلم کی طرف آیا سو میں نے آپ کو اس بات کی خبر دی تو آپ کا چہرہ متغیر ہو گیا پھر آپ نے فرمایا: حضرت موسیٰ علیہ السلام پر اللہ کی رحمت ہو بے شک انہیں اس سے زیادہ اذیت دی گئی تھی تو انہوں نے صبر کیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٥)
حضرت عبداللہ رضی اللہ عنہ بیان کرتے ہیں کہ جب حنین کا دن تھا تو نبی کریم صلی اللّٰہ علیہ وسلم نے چند لوگوں کو ترجیح دی الاقرع کو سو (۱۰۰) اونٹ دیئے اور عیینہ کو بھی اتنے ہی دیئے اور بھی چند لوگوں کو عطاء کیا تو ایک مرد نے کہا کہ اس تقسیم سے اللہ کی رضا کا ارادہ نہیں کیا گیا تو میں نے دل میں کہا: میں ضرور نبی کریم صلی اللّٰہ علیہ وسلم کو اس بات کی خبر دوں گا تو آپ نے فرمایا کہ اللہ تعالیٰ حضرت موسیٰ علیہ السلام پر رحم فرمائے ! ان کو اس سے بہت زیادہ اذیت دی گئی تھی، انہوں نےاس پر صبر کیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٦)
حضرت انس بن مالک رضی اللہ عنہ بیان کرتے ہیں کہ جب حنین کا دن تھا تو ہوازن اور غطفان اور دوسرے قبائل اپنے اونٹوں کو اور اپنے بچوں کو لے آئے اور نبی کریم صلی اللّٰہ علیہ وسلم کے ساتھ دس ہزار صحابہ تھے اور طلقاء میں سے بھی تھے تو مسلمان لوگ پیٹھ پھیر کر بھاگے حتی کہ نبی کریم صلی اللّٰہ علیہ وسلم تنہا رہ گئے اس وقت آپ نے دو مرتبہ نداء کی اور ان کے درمیان کسی اور کلام کو نہیں ملایا' آپ نے دائیں طرف دیکھ کر فرمایا: اے انصار کی جماعت! انہوں نے کہا: یا سول اللہ ! ہم حاضر ہیں! آپ بشارت قبول کریں' ہم آپ کے ساتھ ہیں، پھر آپ نے بائیں طرف دیکھ کر فرمایا: اے انصار کی جماعت ! انہوں نے کہا: یا رسول اللہ ! ہم حاضر ہیں آپ بشارت قبول کریں، ہم آپ کے ساتھ ہیں، اس وقت آپ سفید خچر پر سوار تھے آپ اس سے اُترے اور فرمایا: میں اللہ کا بندہ اور اس کا رسول ہوں، سو مشرکین شکست کھا گئے اور اس دن بہت اموال غنیمت حاصل ہوئے، آپ نے وہ اموال مہاجرین اور طلقا ء میں تقسیم کر دیئے اور انصار کو کچھ نہیں دیا تو انصار نے کہا: جب مشکل تھی تو ہمیں بلایا جاتا تھا اور مال غنیمت دوسروں کو دیا جا رہا ہے نبی کریم صلی اللّٰہ علیہ وسلم تک یہ بات پہنچ گئی آپ نے ان سب کو ایک خیمہ میں جمع کیا، پس فرمایا: اے انصار کی جماعت! یہ تمہاری طرف سے مجھ تک کیسی بات پہنچی ہے تو وہ خاموش رہے، پس آپ نے فرمایا: اے انصار کی جماعت! کیا تم اس بات سے راضی نہیں ہو کہ لوگ دنیا کا مال لے جائیں اور تم رسول اللہ صلی اللّٰہ علیہ وسلم کو اپنے گھروں میں لے جاؤ تو انہوں نے کہا: کیوں نہیں! تو نبی کریم صلی اللّٰہ علیہ وسلم نے فرمایا: اگر لوگ کسی وادی میں جائیں اور انصار کسی گھاٹی میں جائیں تو میں انصار کی گھاٹی کو پکڑلوں گا۔ راوی ہشام نے کہا: اے ابو حمزہ تم اس موقع پر حاضر تھے ؟ تو انہوں نے کہا: میں کب آپ سے غائب رہا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ الطَّائِفِ فِي شَوَّالٍ سَنَةَ ثَمَانٍ، قَالَهُ مُوسَى بْنُ عُقْبَةَ،حدیث نمبر ٤٣٣٧)
اس لشکر کا بیان جونجد کی طرف روانہ ہوا تھا حضرت ابن عمر رضی اللہ عنہ بیان کرتے ہیں کہ نبی اکرم صلی اللہ علیہ وسلم نے نجد کی طرف لشکر بھیجا میں بھی اس لشکر میں تھا مال غنیمت سے ہمارا حصہ بارہ اونٹ تھا اور ہمیں ایک ایک اونٹ زائد دیا گیا، پس ہم تیرہ تیرہ اونٹ لے کر ہوئے۔ (بخاری شریف ، كِتَابٌ : الْمَغَازِي. | بَابُ السَّرِيَّةِ الَّتِي قِبَلَ نَجْدٍ،حدیث نمبر ٤٣٣٨)
نبی کریم صلی اللّٰہ علیہ وسلم کا حضرت خالد بن ولید کو بنو جذیمہ کی طرف روانہ کرنا سالم اپنے والد سے خود بیان کرتے ہیں کہ نبی اکرم صلی اللہ علیہ وسلم نے حضرت خالد بن ولید رضی اللہ عنہ کو بنو جذیمہ کی طرف بھیجا، انہوں نے ان کو اسلام کی طرف دعوت دی، پس وہ اچھی طرح یہ نہیں کہہ سکے کہ ہم اسلام لے آئے تو وہ کہنے لگے: ہم ( سابقہ ) دین سے نکل گئے ہم ( سابقہ ) دین سے نکل گئے، پس حضرت خالد رضی اللہ عنہ ان کو قتل کرنے لگے اور قید کرنے لگے اور انہوں نے ہمارے ہر مرد کو ایک قیدی دیا حتی کہ جب حضرت خالد رضی اللہ عنہ نے حکم دیا کہ ہم میں سے ہر مرد اپنے قیدی کو قتل کر دے تو میں نے کہا: اللہ کی قسم! میں اپنے قیدی کو نہیں قتل کروں گا اور نہ میرے اصحاب میں سے کوئی مرد اپنے قیدی کو قتل کرے گا حتی کہ ہم نبی کریم صلی اللّٰہ علیہ وسلم کے پاس آئے اور ہم نے آپ سے اس واقعہ کا ذکر کیا تو نبی کریم صلی اللّٰہ علیہ وسلم نے اپنا ہاتھ اٹھا کر دو مرتبہ دعا کی: اے اللہ ! خالد نے جو کچھ کیا ہے میں اس سے بری ہوں۔ (بخاری شریف ،بَابُ بَعْثِ النَّبِيِّ صَلَّى اللَّهُ عَلَيْهِ وَسَلَّمَ خَالِدَ بْنَ الْوَلِيدِ إِلَى بَنِي جَذِيمَةَ،حدیث نمبر ٤٣٣٩)
حضرت عبد اللہ بن حذافہ السہمی رضی اللہ عنہ اور حضرت علقمہ بن مجزر المدلجی رضی اللہ عنہ کا سرایہ۔ اور کہا جاتا ہے کہ یہ انصاری کا سرایہ تھا۔ حضرت علی رضی اللہ عنہ بیان کرتے ہیں کہ رسول اکرم صلی اللہ علیہ وسلم نے ایک لشکر بھیجا اور اس پر انصار میں سے ایک مرد کو امیر بنایا اور لشکر کو حکم دیا کہ وہ امیر کی اطاعت کریں، پھر کسی بات پر امیر غضب ناک ہو گیا، اس نے کہا: کیا تمہیں نبی کریم صلی اللّٰہ علیہ وسلم نے یہ حکم نہیں دیا تھا کہ تم میری اطاعت کرنا؟ لوگوں نے کہا: کیوں نہیں! اس نے کہا: تم میرے لیے لکڑیاں لاؤ سولوگ لکڑیاں لائے پھر اس نے کہا: ان میں آگ لگاؤ سو انہوں نے ان لکڑیوں میں آگ لگا دی، پھر اس نے کہا: اس آگ میں داخل ہو جاؤ سو بعض نے آگ میں داخل ہونے کا ارادہ کیا اور بعض نے ایک دوسرے کو روکا اور انہوں نے کہا کہ ہم آگ سے ہی تو بھاگ کر نبی کریم صلی اللّٰہ علیہ وسلم کے پاس آئے ہیں پھر وہ اسی کیفیت پر قائم رہے حتی کہ آگ بجھ گئی ، پس امیر کا غصہ ٹھنڈا ہو گیا' جب نبی کریم صلی اللّٰہ علیہ وسلم کو یہ خبر پہنچی تو آپ نے فرمایا: اگر یہ اس آگ میں داخل ہو جاتے تو قیامت تک نکل نہیں سکتے تھے صرف نیک کام کی اطاعت کی جاتی ہے۔ (بخاری شریف کتاب المغازي،بَابٌ : سَرِيَّةُ عَبْدِ اللَّهِ بْنِ حُذَافَةَ السَّهْمِيِّ، وَعَلْقَمَةَ بْنِ مُجَزِّزٍ الْمُدْلِجِيِّ،حدیث نمبر ٤٣٤٠)
حضرت ابو موسیٰ رضی اللہ عنہ اور حضرت معاذ بن جبل رضی اللہ عنہ کو حجتہ الوداع سے پہلے یمن کی طرف بھیجنا۔ ابی بردہ رضی اللہ عنہ بیان کرتے ہیں کہ رسول اکرم صلی اللہ علیہ وسلم نے حضرت ابو موسیٰ رضی اللہ عنہ اور حضرت معاذ بن جبل رضی اللہ عنہ کو یمن کی طرف بھیجا اور ان میں سے ہر ایک کو مختلف ضلعوں میں بھیجا انہوں نے بتایا کہ یمن میں دو یا اضلاع ہیں، پھر فرمایا: تم دونوں آسانی کرنا اور مشکل میں نہ ڈالنا اور بشارت دینا اور لوگوں کو متنفر نہ کرنا، پس ان دونوں میں سے ہر ایک اپنے عمل کی طرف چلا گیا انہوں نے بتایا کہ ان میں سے ہر ایک جب اپنی زمین میں جاتا جو ان کے صاحب کی زمین سے قریب تھی تو وہ ان سے عہد کو تازہ کرتا پس اس کو سلام کرتا سو حضرت معاذ رضی اللہ عنہ اپنی زمین میں گئے جو ان کے صاحب حضرت ابو موسیٰ رضی اللہ عنہ کی زمین کے قریب تھی، پس وہ اپنی خچر پر سوار ہو کر جاتے حتیٰ کہ ابو موسیٰ رضی اللہ عنہ تک پہنچ جاتے اور حضرت ابوموسیٰ رضی اللہ عنہ کے پاس لوگ جمع تھے اور ان کے پاس ایک مرد تھا جس کے دونوں ہاتھ اس کی گردن سے باندھے ہوئے تھے تو حضرت معاذ رضی اللہ عنہ نے حضرت ابو موسیٰ رضی اللہ عنہ سے پوچھا: اے عبداللہ بن قیس! اس مرد کے ہاتھ۔کیوں باندھے ہوئے ہیں؟ انہوں نے بتایا کہ اس مرد نے اسلام لانے کے بعد کفر کیا، حضرت معاذ رضی اللہ عنہ نے کہا: میں اس وقت تک خچر سے نہیں اتروں گا حتیٰ کہ اس کو قتل کر دیا جائے۔ حضرت ابو موسیٰ رضی اللہ عنہ نے کہا: اس شخص کو یہاں پر اسی لیے لایا گیا ہے، پس آپ اتر جائیں تو حضرت معاذ رضی اللہ عنہ نے کہا: میں اس وقت تک نہیں اتروں گا حتیٰ کہ اس کو قتل کر دیا جائے، پھر حضرت ابو موسیٰ رضی اللہ عنہ کے حکم سے اس کو قتل کر دیا گیا پس حضرت معاذ رضی اللہ عنہ اترے پھر کہا: اے عبداللہ ! آپ کس طرح قرآن پڑھتے ہیں، حضرت ابو موسیٰ رضی اللہ عنہ نے کہا: میں اس کو وقفے وقفے سے پڑھتا ہوں، پھر انہوں نے پوچھا: اے معاذ! آپ کس طرح پڑھتے ہیں انہوں نے بتایا: میں رات کے پہلے حصے میں سوتا ہوں، پھر قیام کرتا ہوں اور میں اپنی نیند کا ایک حصہ پورا کر چکا ہوتا ہوں، پھر میں اتنا قرآن پڑھتا ہوں جو اللہ نے میرے لیے مقدر کر دیا ہے سو میں اپنی نیند میں بھی ثواب کی نیت کرتا ہوں جس طرح اپنے قیام میں بھی ثواب کی نیت کرتا ہوں۔ (بخاری شریف ،کتاب المغازی،بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤١،و حدیث نمبر ٤٣٤٢)
حضرت ابو موسیٰ اشعری رضی الله عنہ بیان کرتے ہیں کہ ان کو نبی کریم صلی اللّٰہ علیہ وسلم نے یمن کی طرف بھیجا تو انہوں نے نبی کریم صلی اللّٰہ علیہ وسلم سے چند مشروبات کے متعلق پوچھا جو وہاں بنائے جاتے ہیں، آپ نے پوچھا: وہ کیسے مشروبات ہیں؟ تو انہوں نے کہا: "البتع والمزر “ ۔ راوی کہتا ہے : میں نے ابو بردہ سے پوچھا: البتع کیا ہے؟ تو انہوں نے کہا: وہ شہر کا نبیذ ہے . اور المزر وہ جٓو کا نبیذ ہے تو آپ نے فرمایا: ہر نشہ دینے والی چیز حرام ہے اس حدیث کی جریر اور عبدالواحد نے روایت کی از الشیبانی از ابی برده (بخاری شریف، كِتَابٌ : الْمَغَازِي. | بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤٣)
سعید بن ابی بردہ نے حدیث بیان کی از والد خود وہ بیان کرتے ہیں کہ نبی اکرم صلی اللہ علیہ وسلم نے ان کے دادا حضرت ابو موسیٰ رضی اللہ عنہ کو اور حضرت معاذ رضی اللہ عنہ کو یمن کی طرف بھیجا، پس فرمایا: تم دونوں آسانی کرنا اور مشکل میں نہ ڈالنا اور بشارتیں دینا اور متنفر نہ کرنا اور ایک دوسرے کو خوش رکھنا، پس حضرت ابو موسیٰ رضی اللہ عنہ نے کہا: اے اللہ کے نبی! ہماری زمین میں جٓو کے مشروب ہوتے ہیں، المزر اور شہد کے مشروب ہوتے ہیں البتع، آپ نے فرمایا: ہر نشہ آور حرام ہے پس وہ دونوں چلے گئے، پھر حضرت معاذ رضی اللہ عنہ نے حضرت ابوموسیٰ رضی اللہ عنہ سے کہا: آپ کس طرح قرآن پڑھتے ہیں، انہوں نے کہا: کھڑے ہوئے اور بیٹھے ہوئے اور سواری پر اور میں اس کو وقفے وقفے سے پڑھتا ہوں، حضرت معاذ رضی اللہ عنہ نے کہا: میں سوتا بھی ہوں اور قیام بھی کرتا ہوں پس میں اپنی نیند میں ثواب کی نیت کرتا ہوں جس طرح میں اپنے قیام میں ثواب کی نیت کرتا ہوں انہوں نے ایک خیمہ ڈلوایا تھا جس میں وہ ایک دوسرے سے ملاقات کرتے تھے پس حضرت معاذ رضی اللہ عنہ نے حضرت ابو موسیٰ رضی اللہ عنہ سے ملاقات کی، پس دیکھا ایک آدمی بندھا ہوا ہے حضرت معاذ رضی اللہ عنہ نے پوچھا یہ کیوں بندھا ہوا ہے؟ حضرت ابوموسیٰ رضی اللہ عنہ نے بتایا: یہ یہودی ہے اس نے اسلام قبول کیا، پھر مرتد ہو گیا، حضرت معاذ رضی اللہ عنہ نے کہا: میں ضرور اس کی گردن مار دوں گا۔ اس حدیث میں مسلم کی العقد کی اور وہب نے متابعت کی ہے از شعبہ اور وسیع النضر اور ابو داؤد : نے کہا: از شعبه از سعید از والد خود از جد خود از نبی کریم صلی اللّٰہ علیہ وسلم اور اسے روایت کیا جریر بن عبد الحمید نے از الشیبانی از ابی بردہ۔ (بخاری شریف ،كِتَابٌ : الْمَغَازِي. | بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤٤،و حدیث نمبر ٤٣٤٥)
حضرت ابو موسیٰ اشعری رضی اللہ عنہ نے حدیث بیان کی وہ کہتے ہیں: مجھے رسول اللہ صلی اللّٰہ علیہ وسلم نے میری قوم کی زمین کی طرف بھیجا تو میں اس وقت آیا جب رسول الله صلی اللّٰہ علیہ وسلم مکہ کی ایک وادی میں ٹھہرے ہوئے تھے آپ نے پوچھا: اے عبداللہ بن قیس ! کیا تم نے حج کر لیا ہے میں نے کہا: جی یا رسول اللہ ! آپ نے پوچھا: تم نے کس طرح نیت کی تھی ؟ انہوں نے کہا: میں نے کہا تھا کہ میں آپ کے احرام کی طرح احرام باندھ کر حاضر ہوں آپ نے پوچھا: کیا تم نے اپنے ساتھ کوئی قربانی کا جانور روانہ کیا تھا انہوں نے کہا: نہیں! آپ نے فرمایا: سوتم بیت اللہ کا طواف کرو اور صفا اور مروہ کے درمیان سعی کرو پھر احرام کھول دو سو میں نے اس طرح کیا حتیٰ کہ بنو قیس کی عورتوں میں سے ایک عورت نے میرے سر میں کنگھی کی اور ہم اسی طرح ٹھہرے رہے حتیٰ کہ حضرت عمر رضی اللہ عنہ کو خلیفہ بنایا گیا۔ (بخاری شریف ، كِتَابٌ : الْمَغَازِي. | بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤٦)
حضرت ابن عباس رضی اللہ تعالٰی عنہ بیان کرتے ہیں کہ رسول اللہ صلی اللّٰہ علیہ وسلم نے حضرت معاذ بن جبل رضی اللہ عنہ سے اس وقت فرمایا جب ان کو یمن کی طرف بھیجا کہ بے شک تم عنقریب اہل کتاب کی ایک قوم کی طرف جاؤ گئے، پس جب تم ان کے پاس جاؤ تو ان کو اس پر ایمان لانے کی دعوت دینا کہ وہ یہ شہادت دیں کہ اللہ کے سوا کوئی عبادت کا مستحق نہیں ہے اور بے شک محمد اللہ کے رسول ہیں، اگر وہ اس پر ایمان لانے میں تمہاری اطاعت کرلیں تو تم ان کو خبر دینا کہ بے شک اللہ نے ان پر دن اور رات میں پانچ نمازیں فرض کی ہیں، اگر وہ اس میں تمہاری اطاعت کر لیں تو ان کو خبر دینا کہ اللہ تعالی نے ان پر زکوۃ فرض کی ہے جو ان کے مالداروں سے لی جائے گی، پس ان کے فقراء کی طرف لوٹائی جائے گی اگر وہ اس میں تمہاری اطاعت کر لیں تو پھر تم ان کے نفیس اور عمدہ مالوں کے لینے سے بچنا اور مظلوم کی دعا سے بچنا کیوں کہ مظلوم کی دعا اور اللہ تعالیٰ کے درمیان کوئی حجاب نہیں۔ امام ابو عبد اللہ نے کہا: ” طوعت طاعت اور اطاعت یہ ایک لغت ہے اور طبعت اور طعت اور اطعت یہ بھی ایک لغت ہے۔ (بخاری شریف ، كِتَابٌ : الْمَغَازِي. | بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤٧)
عمر و بن میمون بیان کرتے ہیں کہ جب حضرت معاذ رضی اللہ عنہ یمن میں آئے تو انہوں نے صبح کی نماز پڑھائی اور اس میں یہ آیت پڑھی اور اللہ نے ابراہیم کو خلیل بنایا(النساء ۱۲۵) تو قوم کے ایک آدمی نے کہا کہ حضرت ابراہیم علیہ السلام کی ماں کی آنکھ ٹھنڈی ہو گئی۔ معاذ نے از شعبہ اضافہ کیا ہے از حبیب ار سعید از عمرو کہ نبی کریم صلی اللّٰہ علیہ وسلم نے حضرت معاذ رضی اللہ عنہ کو یمن کی طرف بھیجا تو حضرت معاذ رضی اللہ عنہ نے فجر کی نماز میں سورہ نساء پڑھی تو جب انہوں نے کہا وَاتَّخَذَ اللَّهُ إِبْرَاهِيمَ خَلِيلا " (النساء: ۱۲۵) تو ایک آدمی جو ان کے پیچھے نماز پڑھ رہا تھا تو اس نے کہا کہ حضرت ابراہیم علیہ السلام کی ماں کی آنکھ ٹھنڈی ہوگئی۔ (بخاری شریف ، كِتَابٌ : الْمَغَازِي. | بَابٌ : بَعْثُ أَبِي مُوسَى، وَمُعَاذٍ إِلَى الْيَمَنِ قَبْلَ حَجَّةِ الْوَدَاعِ،حدیث نمبر ٤٣٤٨)
حضرت علی بن ابی طالب علیہ السلام اور حضرت خالد بن الولید رضی اللہ کو حجتہ الوداع سے پہلے یمن کی طرف بھیجنا ابی اسحاق وہ کہتے ہیں: میں نے حضرت البراء رضی اللہ عنہ سے سنا کہ ہمیں رسول اللہ صلی اللّٰہ علیہ وسلم نے حضرت خالد بن الولید رضی اللہ عنہ کے ساتھ یمن کی طرف بھیجا، پھر اس کے بعد حضرت علی رضی اللہ عنہ کو ان کی جگہ بھیجا پس فرمایا: تم خالد رضی اللہ عنہ کے اصحاب سے کہنا کہ ان میں سے جو پیچھے (یمن) جانا چاہے وہ تمہارے ساتھ پیچھے چلا جائے اور جو آگے بڑھنا چاہئے وہ آگے بڑھ جائے، پس میں ان میں سے تھا جو حضرت خالد رضی اللہ عنہ کے ساتھ پیچھے رہے، پس مجھے بہت زیادہ چاندی حاصل ہوئی۔ (بخاری شریف ، كِتَابٌ : الْمَغَازِي. | بَابٌ : بَعْثُ عَلِيِّ، وَخَالِدِ إِلَى الْيَمَنِ. ،حدیث نمبر ٤٣٤٩)
عبدالله بن بریده از والد خود بیان کرتے ہیں کہ نبی اکرم صلی اللہ علیہ وسلم نے حضرت علی رضی اللہ عنہ کو حضرت خالد رضی اللہ عنہ کی طرف بھیجا تا کہ وہ خمس پر قبضہ کریں، حضرت بریدہ رضی اللہ عنہ نے کہا: میں حضرت علی رضی اللہ عنہ سے بغض رکھتا تھا؟ اور حضرت علی رضی اللہ عنہ نے غسل کیا تھا، میں نے حضرت خالد رضی اللہ عنہ سے کہا: کیا آپ ان کی طرف دیکھ نہیں رہے، پس جب ہم نبی کریم صلی اللّٰہ علیہ وسلم کے پاس آئے تو میں نے آپ سے اس بات کا ذکر کیا تو آپ نے فرمایا: اے بریدہ! کیا تم علی رضی اللہ عنہ سے بغض رکھتے ہو؟ میں نے کہا: جی ہاں! آپ نے فرمایا: ان سے بغض نہ رکھو کیوں کہ ان کا خمس میں اس سے بہت زیادہ حصہ ہے۔ (بخاری شریف ، كِتَابٌ : الْمَغَازِي. | بَابٌ : بَعْثُ عَلِيِّ، وَخَالِدِ إِلَى الْيَمَنِ،حدیث نمبر ٤٣٥٠)
عبد الرحمن بن ابی نعم نے حدیث بیان کی وہ بیان کرتے ہیں کہ میں نے حضرت ابوسعید خدری رضی اللہ عنہ سے سنا وہ بیان کرتے ہیں کہ حضرت علی بن ابی طالب رضی اللہ عنہ نے رسول اللہ صلی اللّٰہ علیہ وسلم کی طرف درخت کی چھال سے رنگے ہوئے چمڑے کی تھیلی میں کچھ سونا بھیجا جس کو ابھی مٹی سے الگ نہیں کیا گیا تھا آپ نے اس کو چار مردوں میں تقسیم کر دیا عیینہ بن بدر اور اقرع بن حابس اور زید الخیل اور چوتھے علقمہ تھے یا عامر بن الطفیل تھے تو آپ کے اصحاب میں سے ایک مرد نے کہا: ان لوگوں کے بہ نسبت ہم زیادہ حق دار ہیں،حضرت ابوسعید رضی اللہ عنہ نے کہا:یہ بات نبی کریم صلی اللّٰہ علیہ وسلم تک پہنچ گئی،آپ نے فرمایا: کیا تم مجھے امین قرار نہیں دیتے حالانکہ میں آسمان میں امین ہوں، میرے پاس صبح اور شام آسمان سے خبر آتی ہے حضرت ابوسعید رضی اللہ عنہ نے بتایا:پھر ایک مرد کھڑا ہوا جس کی آنکھیں اندر دھنسی ہوئی تھیں،گال اُبھرے ہوئے تھے پیشانی اونچی تھی،ڈاڑھی گھنی تھی، سرمنڈ ہوا تھا اور تہبند ٹخنوں سے اونچا تھا، اس نے کہا: یا رسول اللہ ! اللہ سے ڈریئے! آپ نے فرمایا: تم پر افسوس ہے! کیا میں روئے زمین میں سب سے زیادہ اللہ سے ڈرنے کا مستحق نہیں ہوں، حضرت ابوسعید رضی اللہ عنہ نے بتایا:پھر وہ شخص پیٹھ پھیر کر چلا گیا تو حضرت خالد بن الولید رضی اللہ عنہ نے کہا کہ یا رسول اللہ صلی اللّٰہ علیہ وسلم!کیا میں اس کی گردن نہ اُڑا دوں، آپ نے فرمایا:نہیں!ہو سکتا ہے کہ یہ نماز پڑھتا ہو تو حضرت خالد رضی اللہ عنہ نے کہا: کتنے نماز پڑھنے والے ایسے ہیں جو زبان سے وہ بات کہتے ہیں جو ان کے دل میں نہیں ہوتی. رسول الله صلی اللّٰہ علیہ وسلم نے فرمایا: مجھے یہ حکم نہیں دیا گیا کہ میں لوگوں کے دلوں میں سوراخ کروں اور میں ان کے پیٹوں کو چیروں کو آپ نے اس مرد کی طرف دیکھا جب کہ وہ پیٹھ پھیر چکا تھا، آپ نے فرمایا: اس شخص کی نسل سے ایسی قوم نکلے گی جو تر زبان سے کتاب اللہ کی تلاوت کرے گی اور کتاب اللہ ان کے حلقوم سے تجاوز نہیں کرے گی اور وہ دین سے اس طرح نکل جائیں گئے جس طرح تیر شکار سے نکل جاتا ہے اور میرا گمان ہے کہ آپ نے فرمایا: اگر میں نے ان کو پالیا تو میں ان کو اس طرح قتل کروں گا جس طرح ثمود کو قتل کیا گیا تھا۔ (بخاری شریف ، كِتَابٌ : الْمَغَازِي. | بَابٌ : بَعْثُ عَلِيِّ، وَخَالِدِ إِلَى الْيَمَنِ،حدیث نمبر ٤٣٥١)
عطاء نے بتایا انہوں نے کہا کہ حضرت جابر رضی اللہ عنہ نے کہا کہ نبی کریم صلی اللّٰہ علیہ وسلم نے حضرت علی رضی اللہ عنہ کو یہ حکم دیا کہ وہ اپنے احرام پر برقرار رہے،محمد بن بکر نے یہ اضافہ کیا ہے از ابن جریج انہوں نے بتایا کہ عطاء نے کہا ہے کہ حضرت جابر رضی اللہ عنہ نے بتایا کہ حضرت علی بن ابی طالب رضی اللہ عنہ اپنی ولایت سے (مال) لے کر آئے تو نبی کریم صلی اللّٰہ علیہ وسلم نے ان سے فرمایا: اے علی ! تم نے کس طرح احرام باندھا ہے؟ تو انہوں نے کہا: جس طرح نبی کریم صلی اللّٰہ علیہ وسلم نے احرام باندھا تھا، نبی اکرم صلی اللہ علیہ وسلم نے فرمایا:سو تم قربانی کا جانور بھیجو اور تم اپنا احرام اسی طرح برقرار رکھو حضرت جابر رضی اللہ عنہ نے بتایا کہ حضرت علی رضی اللہ عنہ نے قربانی کا جانور روانہ کیا۔ (بخاری شریف ،كِتَابٌ : الْمَغَازِي. | بَابٌ : بَعْثُ عَلِيِّ، وَخَالِدِ إِلَى الْيَمَنِ،حدیث نمبر ٤٣٥٢)
حضرت ابن عمر رضی اللہ عنہ سے ذکر کیا کہ حضرت انس رضی اللہ عنہ نے ان کو یہ حدیث بیان کی ہے کہ نبی کریم صلی اللّٰہ علیہ وسلم نے عمرہ اور حج کا احرام باندھا، حضرت ابن عمر رضی اللہ عنہ نے کہا کہ نبی کریم صلی اللّٰہ علیہ وسلم نے حج کا احرام باندھا اور ہم نے بھی آپ کے ساتھ حج کا احرام باندھا پس ہم مکہ آئے تو آپ نے فرمایا: جس کے پاس قربانی کا جانور نہیں ہے وہ اس احرام کو عمرے کا احرام کر لے اور نبی کریم صلی اللّٰہ علیہ وسلم کے ساتھ قربانی کا جانور تھا، پس ہمارے پاس حضرت علی بن ابی طالب رضی اللہ تعالٰی عنہ یمن سے حج کا احرام باندھے ہوئے آئے تو نبی کریم صلی اللّٰہ علیہ وسلم نے ان سے پوچھا: تم نے کس کا احرام باندھا ہے؟ انہوں نے کہا: میں نے اس کا احرام باندھا ہے جس کا نبی کریم صلی اللّٰہ علیہ وسلم احرام باندھا ہے تو آپ نے فرمایا: تم اس احرام پر برقرار رہو کیوں کہ ہمارے پاس قربانی کا جانور ہے۔ (بخاری شریف ،كِتَابٌ : الْمَغَازِي. | بَابٌ : بَعْثُ عَلِيِّ، وَخَالِدِ إِلَى الْيَمَنِ،حدیث نمبر ٤٣٥٣،و حدیث نمبر ٤٣٥٤)
غزوہ ذی الخلصہ کا بیان حضرت جریر بیان کرتے ہیں کہ زمانہ جاہلیت میں ایک بت خانہ تھا جسے ذوالخلصہ اور کعبہ یمانیہ اور کعبہ شامیہ کہا جاتا تھا تو مجھ سے نبی کریم صلی اللّٰہ علیہ وسلم نے فرمایا: کیا تم مجھے ذی الخلصہ سے راحت نہیں دیتے تو میں ایک سو پچاس سواروں کے ساتھ روانہ ہوا تو ہم نے اس کو توڑ دیا اور جو لوگ اس بت کے پاس تھے ان کو قتل کر دیا پھر میں نبی کریم صلی اللّٰہ علیہ وسلم کے پاس حاضر ہوا تو آپ نے میرے لیے دعا کی اور احمس کے لیے بھی دعا کی۔ ( بخاری شریف،کتاب المغازی،بَابٌ : غَزْوَةُ ذِي الْخَلَصَةِ،حدیث نمبر ٤٣٥٥)
قیس نے حدیث بیان کی انہوں نے کہا: مجھے جریر رضی اللہ عنہ نے بتایا کہ مجھے سے نبی کریم صلی اللّٰہ علیہ وسلم نے فرمایا کہ کیا تم مجھے ذی الخلصہ سے راحت نہیں دیتے اور وہ قبیلہ خثعم کا ایک بت خانہ تھا جس کا نام کعبہ یمانیہ رکھا گیا تھا، پس میں احمس ( قریش) کے ایک سو پچاس گھڑ سواروں کے ساتھ روانہ ہوا اور وہ سب گھوڑے سوار تھے اور میں گھوڑے پر مضبوطی سے نہیں بیٹھ سکتا تھا تو رسول اللہ صلی اللّٰہ علیہ وسلم نے میرے سینے پر ہاتھ مارا حتیٰ کہ میں نے آپ کی انگلیوں کے نشان اپنے سینے پر دیکھے اور آپ نے دعا کی: اے اللہ ! اس کو ثابت قدم رکھ اور اس کو ہدایت دینے والا اور ہدایت یافتہ بنا پس حضرت جریر رضی اللہ عنہ اس بت خانے کی طرف گئے اسے توڑ دیا اور اسے آگ لگا دی، پھر رسول اللہ صلی اللّٰہ علیہ وسلم کی طرف ایک قاصد روانہ کیا، پس حضرت جریر رضی اللہ عنہ کے قاصد نے کہا: اس ذات کی قسم جس نے آپ کو حق کے ساتھ بھیجا ہے! میں اس وقت تک آپ کے پاس نہیں آیا حتیٰ کہ میں نے اس بت خانہ کو اس حال میں چھوڑا گویا کہ وہ خارش زدہ (تارکول ملا ہوا ) اونٹ ہے قاصد نے بتایا: پھر نبی کریم صلی اللّٰہ علیہ وسلم نے احمس کے لیے اور ان کے مردوں کے لیے پانچ مرتبہ دعا کی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ ذِي الْخَلَصَةِ،حدیث نمبر ٤٣٥٦)
حضرت جریر رضی اللہ عنہ بیان کرتے ہیں کہ مجھ سے رسول اللہ صلی اللّٰہ علیہ وسلم نے فرمایا: کیا تم مجھے ذی الخلصہ سے راحت نہیں دو گے؟ میں نے عرض کیا: کیوں نہیں ! پس میں احمس کے ایک سو پچاس گھڑ سواروں کے ساتھ روانہ ہوا اور وہ سب گھڑ سوار تھے اور میں گھوڑے پر جم کر نہیں بیٹھ سکتا تھا، میں نے اس بات کا نبی کریم صلی اللّٰہ علیہ وسلم سے ذکر کیا تو آپ نے اپنا ہاتھ میرے سینے پر مارا حتیٰ کہ میں نے آپ کے ہاتھ کا نشان اپنے سینے پر دیکھا اور آپ نے دعا کی: اے اللہ ! اس کو ثابت قدم رکھ اور اس کو ہدایت دینے والا اور ہدایت یافتہ بنا حضرت جریر رضی اللہ عنہ نے بتایا کہ اس کے بعد میں گھوڑے سے نہیں گرا اور حضرت جریر رضی اللہ عنہ نے کہا: ذوالخلصہ یمن میں خثعم کا اور بجیلہ کا بت خانہ تھا جس میں نصب کیے ہوئے بتوں کی عبادت کی جاتی تھی اور اس کو کعبہ کہا جاتا تھا، حضرت جریر رضی اللہ عنہ نے کہا: پس وہ وہاں گئے اور اس کو آگ سے جلا دیا اور توڑ دیا۔ راوی نے بتایا کہ جب حضرت جریر رضی اللہ عنہ یمن گئے تو وہاں ایک مرد تھا جو تیروں سے فال نکالیا تھا، اس سے کہا گیا:بے شک رسول الله صلی اللّٰہ علیہ وسلم کا قاصد یہاں ہے (یعنی حضرت جریر رضی اللہ عنہ)اگر وہ تم پر قادر ہوئے تو وہ تمہاری گردن اڑا دیں گے تو جس وقت وہ تیر سے فال نکال رہا تھا تو وہاں حضرت جریر رضی اللہ عنہ آگئے تو انہوں نے کہا: تم ضرور ان تیروں کو توڑو گے اور تم ضرور یہ شہادت دو گے کہ اللہ کے سوا کوئی عبادت کا مستحق نہیں ہے ورنہ میں تمہاری گردن ماردوں گا۔ راوی نے بتایا: اس نے ان تیروں کو توڑ دیا اور کلمہ شہادت پڑھا پھر حضرت جریر رضی اللہ عنہ نے احمس کے ایک مرد کو جس کی کنیت ابو ارطاۃ تھی،نبی اکرم صلی اللہ علیہ وسلم کی طرف یہ بشارت دینے کے لیے بھیجا، جب وہ نبی کریم صلی اللّٰہ علیہ وسلم کے پاس آیا تو اس نے کہا: اے اللہ کے رسول! اس ذات کی قسم جس نے آپ کو حق کے ساتھ بھیجا ہے! میں آپ کے پاس اُس وقت تک نہیں آیا حتیٰ کہ میں نے اس بت خانہ کو اس طرح چھوڑ دیا گویا کہ وہ خارش زدہ اونٹ ہو انہوں نے بتایا: پھر نبی کریم صلی اللّٰہ علیہ وسلم احمس کے گھڑ سواروں اور مردوں کے لیے پانچ مرتبہ دعا کی۔ (بخاری شریف ، كِتَابٌ : الْمَغَازِي. | بَابٌ : غَزْوَةُ ذِي الْخَلَصَةِ،حدیث نمبر ٤٣٥٧)
غزوہ ذات السلاسل کا بیان اسماعیل بن ابی خالد نے کہا: یہ ہی قبیلہ لخم اور جذام کا غزوہ ہے۔ اور امام ابن اسحاق نے از یزید از عروہ روایت کی کہ یہ ہی بلی عذر اور بنی الیقین کے شہر ہیں۔ حضرت ابی عثمان رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے حضرت عمرو بن العاص رضی اللہ عنہ کو ذات السلاسل کے لشکر پر امیر بنا کر بھیجا' انہوں نے کہا: میں آپ کی خدمت میں حاضر ہوا پس میں نے عرض کیا: آپ کو سب سے زیادہ لوگوں میں محبوب کون ہے؟ آپ نے فرمایا: عائشہ میں نے پوچھا: اور مردوں میں؟ آپ نے فرمایا: ان کے والد میں نے پوچھا: پھر کون؟ آپ نے فرمایا: عمر پھر آپ نے کئی مردوں کے نام لیے پھر میں اس خوف سے خاموش ہو گیا کہ آپ میرا شمار سب سے آخر میں کریں گے۔ (بخاری شریف کتاب المغازی،بَابٌ : غَزْوَةُ ذَاتِ السَّلَاسِلِ،حدیث نمبر ٤٣٥٨)
باب:حضرت جریر رضی اللہ عنہ کا یمن کی طرف جانا۔ حضرت جریر رضی اللہ عنہ بیان کرتے ہیں کہ میں سمندر میں تھا تو میری ملاقات اہل یمن کے دو مردوں ذاکلاع اور ذاعمرو سے ہوئی، پس میں ان کو رسول اللہ صلی اللّٰہ علیہ وسلم کی احادیث بیان کرنے لگا تو مجھ سے ذو عمرو نے کہا: تم جو اپنے پیغمبر کا ذکر کر رہے ہو تو تین روز پہلے ان کی وفات ہو چکی ہے اور وہ دونوں میرے ساتھ چلے حتیٰ کہ جب ہم راستے کے کسی حصے میں تھے تو ہمیں مدینے کی طرف سے کچھ سوار آتے ہوئے ملے پس ہم نے ان سے سوال کیا تو انہوں نے بتایا کہ رسول اللہ صلی اللّٰہ علیہ وسلم کا وصال ہو چکا ہے اور حضرت ابو بکر کو خلیفہ بنا دیا گیا ہے اور لوگ ٹھیک ٹھاک ہیں تو ان دونوں نے کہا: تم اپنے خلیفہ کو خبر دینا کہ بے شک ہم آئے تھے اور شاید کہ ان شاء اللہ ہم دوبارہ آئیں گے اور وہ دونوں یمن کی طرف لوٹ گئے، پس میں نے حضرت ابوبکر رضی اللہ عنہ کو ان کا پیغام سنایا تو انہوں نے کہا: تم ان کو لے کر کیوں نہیں آئے، پس کچھ عرصہ گزرنے کے بعد مجھ سے ذوعمرو نے کہا: اے جریر! بے شک تمہارا مجھ پر ایک احسان ہے اور میں تم کو یہ خبر دے رہا ہوں کہ تم اہلِ عرب جب تک تمہارا ایک امیر فوت ہو جائے تو تم کسی دوسرے کو امیر بناتے رہو گے تو تم خیر کے ساتھ رہو گئے، پس جب حکومت تلوار اور غلبہ سے حاصل ہوگی تو پھر وہ بادشاہ ہوں گے اور بادشاہوں کی طرح راضی ہوں گے اور بادشاہوں کی طرح ناراض ہوں گے ۔ (بخاری شریف ،کتاب المغازی،بَابٌ : ذَهَابُ جَرِيرٍ إِلَى الْيَمَنِ،حدیث نمبر ٤٣٥٩)
سیف البحر کے غزوہ کا بیان اور وہ قریش کے قافلے کی گھات میں تھے اور ان کے امیر حضرت ابو عبیدہ بن جراح رضی اللہ تھے حضرت جابر بن عبد اللہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے ساحل کی طرف ایک لشکر بھیجا اور اس پر حضرت ابو عبیدہ بن الجراح رضی اللہ عنہ کو امیر بنایا اور وہ تین سو صحابہ تھے پس ہم نکلے اور ہم راستے کے کسی حصے میں تھے تو زادِ راہ ختم ہو گیا، پس حضرت ابو عبیدہ رضی اللہ عنہ نے حکم دیا کہ لشکر کے پاس جو کچھ کھانے پینے کی چیزیں ہیں ان کو جمع کیا جائے، پس تھیلوں میں کھجوریں تھیں تو ہم کو ہر روز تھوڑی تھوڑی خوراک ملتی تھی حتی کہ وہ بھی ختم ہوگئی، پھر ہم کو ایک ایک کھجور ملتی تھی، پس میں نے پوچھا کہ ایک کھجور سے آپ کی بھوک کیسے ختم ہوتی تھی؟ انہوں نے کہا کہ ایک وقت آیا کہ وہ سخت ہو گئی، پھر ہم سمندر تک پہنچے تو وہاں ایک پہاڑی کے برابر مچھلی پڑی ہوئی تھی تو وہ لشکر اٹھارہ راتوں تک اس مچھلی کو کھا تا رہا، پھر حضرت ابو عبیدہ رضی اللہ عنہ نے حکم دیا کہ اس کی پسلیوں میں سے دو پسلیوں کو نصب کر دیا جائے پھر انہوں نے حکم دیا کہ ایک اونٹنی پر سامان رکھ کر ان پسلیوں کے نیچے سے گزرا جائے، پھر وہ اونٹنی ان پسلیوں کے نیچے سے گزری تو وہ اونٹنی ان پسلیوں کو نہیں چھوسکی۔ (بخاری شریف ،کتاب المغازی،بَابٌ : غَزْوَةُ سِيفِ الْبَحْرِ وَهُمْ يَتَلَقَّوْنَ عِيرًا لِقُرَيْشٍ وَأَمِيرُهُمْ أَبُو عُبَيْدَةَ،حدیث نمبر ٤٣٦٠)
عمرو بن دینار نے کہا کہ میں نے حضرت جابر بن عبداللہ رضی اللہ عنہ کو یہ کہتے ہوئے سنا کہ رسول اللہ صلی اللّٰہ علیہ وسلم نے ہم تین سو سواروں کو بھیجا ہمارے امیر حضرت ابو عبیدہ بن الجراح رضی اللہ عنہ تھے ہم قریش کے قافلہ کی ابوعبیدہ گھات میں تھے ہم پندرہ دن تک ساحل سمندر پر ٹھہرئے، ہمیں سخت بھوک لگی حتیٰ کہ ہم نے کیکر کے درخت کے پتے کھائے اس وجہ سے اس لشکر کا نام پتوں کا لشکر رکھا گیا، پھر سمندر نے ہمارے لیے ایک (بڑی مچھلی) نکال کر پھینک دی، جس کو العنبر کہا جاتا تھا ہم اس کو پندرہ دن تک کھاتے رہے اور اس کی چربی کا تیل استعمال کرتے رہے حتی کہ ہمارے کمزور جسم فربہی کی طرف لوٹ آئے پس حضرت ابو عبیدہ رضی اللہ عنہ نے اس کی پسلیوں میں سے ایک پسلی لی اور اس کو نصب کر دیا، پھر سب سے لمبے آدمی کو تلاش کیا، سفیان نے دوسری مرتبہ کہا کہ اس کی پسلیوں میں سے ایک پسلی کو لے کر نصب کیا اور اس دراز قد آدمی کو اونٹ پر بٹھایا تو وہ اونٹ اس آدمی کے ساتھ اس پسلی کے نیچے سے گزر گیا، حضرت جابر نے بتایا کہ لشکر میں سے ایک آدمی تین اونٹوں کو ذبح کر چکا تھا، پھر اس نے مزید تین اونٹوں کو ذبح کیا، پھر اس نے اور تین اونٹوں کو ذبح کیا، پھر حضرت ابو عبیدہ رضی اللہ عنہ نے اس کو منع کر دیا اور عمرہ کہتے تھے کہ ہمیں ابو صالح نے خبر دی کہ حضرت قیس بن سعد نے اپنے والد سے کہا کہ میں لشکر میں تھا، سو لوگ بھوکے تھے تو میرے والد نے کہا کہ اونٹ کو ذبح کرو تو میں نے ذبح کر دیا، پھر بھی لوگ بھوکے تھے تو ان کے والد نے کہا: اونٹ ذبح کرو تو میں نے پھر اونٹ ذبح کر دیا انہوں نے کہا: پھر بھی لوگ بھوکے تھے تو ان کے والد نے کہا: اونٹ ذبح کرو تو میں نے اونٹ ذبح کر دیا پھر بھی لوگ بھوکے تھے تو مجھے کہا: اونٹ ذبح کرو تو مجھے منع کر دیا گیا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ سِيفِ الْبَحْرِ،حدیث نمبر ٤٣٦١)
عمرو نے خبر دی کہ انہوں نے حضرت جابر بن عبداللہ رضی اللہ عنہ سے سنا کہ ہم پتوں کے لشکر کے غزوہ میں گئے اور حضرت ابو عبیدہ رضی اللہ عنہ کو شکر کا امیر بنایا گیا، پس ہمیں سخت بھوک لگی تو سمندر نے ایک مردہ مچھلی پھینک دی جس کی مثل ہم نے نہیں دیکھی تھی جس کو عنبر کہا جاتا تھا، ہم اس کو پندرہ دن تک کھاتے رہے پھر حضرت ابو عبیدہ رضی اللہ عنہ نے اس کی ہڈیوں میں سے ایک ہڈی لی پس ایک سوار اس کے نیچے سے گزر گیا سو مجھے حضرت ابوالزبیر نے خبر دی کہ انہوں نے حضرت جابر رضی اللہ عنہ سے سنا وہ بیان کرتے تھے کہ حضرت ابو عبیدہ رضی اللہ عنہ نے کہا: کھاؤ! پس جب ہم مدینے پہنچے تو ہم نے نبی کریم صلی اللّٰہ علیہ وسلم سے اس واقعہ کا ذکر کیا تو آپ نے فرمایا: کھاؤ! یہ وہ رزق ہے جس کو اللہ تعالیٰ نے نکالا ہے اگر اس میں سے کچھ تمہارے ساتھ ہے تو ہمیں بھی اس میں سے کھلاؤ پھر کوئی شخص لے کر آیا تو آپ نے اس کو کھایا۔ (بخاری شریف ، كِتَابٌ : الْمَغَازِي. | بَابٌ : غَزْوَةُ سِيفِ الْبَحْرِ،حدیث نمبر ٤٣٦٢)
نو ہجری میں حضرت ابو بکر رضی اللہ عنہ کا لوگوں کو حج کرانا, حضرت ابو ہریرہ رضی اللہ عنہ بیان کرتے ہیں کہ حضرت ابو بکر صدیق رضی اللہ عنہ نے ان کو اس حج میں بھیجا جس کا انہیں نبی کریم صلی اللّٰہ علیہ وسلم نے حجتہ الوداع سے پہلے امیر مقرر کیا تھا کہ وہ قربانی کے دن ایک جماعت میں لوگوں میں یہ اعلان کریں کہ اس سال کے بعد کوئی مشرک حج نہیں کرے اور نہ کوئی بیت اللہ کا برہنہ طواف کرے گا۔ (بخاری شریف ،کتاب المغازی،بَابٌ : حَجُّ أَبِي بَكْرٍ بِالنَّاسِ فِي سَنَةِ تِسْعٍ،حدیث نمبر ٤٣٦٣)
حضرت البراء رضی اللہ عنہ بیان کرتے ہیں کہ جو آخری مکمل سورۃ نازل ہوئی وہ سورہ توبہ ہے اور جو سورۃ کی آخری آیت نازل :ہوئی وہ سورۃ النساء کی آخری آیت ہے وہ یہ ہے لوگ آپ سے سوال کرتے ہیں، آپ کہیے: اللہ تمہیں کلالہ کے بارے میں حکم دیتا ہے۔ (الفساد (۱٧٦) (بخاری شریف ، كِتَابٌ : الْمَغَازِي. | بَابٌ : حَجُّ أَبِي بَكْرٍ بِالنَّاسِ فِي سَنَةِ تِسْعٍ،حدیث نمبر ٤٣٦٤)
Bukhari Sharif Kitabul Magazi Hadees No
امام ابن اسحاق نے کہا: عیینہ بن حصن بن حذیفہ بن بدر بنو العنبری کا غزوہ بنو تمیم سے تھا، نبی کریم صلی اللّٰہ علیہ وسلم نے ان کی طرف عیینہ کو بھیجا جنہوں نے لوٹ مار کی اور ان کے لوگوں کو پکڑ لیا اور ان کی عورتوں کو قید کر لیا۔ حضرت ابو ہریرہ رضی اللہ عنہ بیان کرتے ہیں کہ میں بنو تمیم سے ان کی تین خصلتوں کے باعث ہمیشہ محبت کرتا ہوں(وہ خصلتیں یہ ہیں : )جن کو میں نے رسول اللہ صلی علیہ وسلم سے سنا ہے آپ فرماتے تھے: بن تمیم میں ایسے لوگ ہیں جو میری اُمت میں سے دجال کے اوپر سب سے زیادہ سخت ہیں اور ان کی ایک قیدی عورت حضرت عائشہ رضی اللہ عنہ کے پاس تھی تو آپ نے فرمایا: اس کو آزاد کر دو کیوں کہ یہ حضرت اسماعیل علیہ السلام کی اولاد سے ہے اور ان کے صدقات آئے تو آپ نے فرمایا: یہ قوم کے یا میری قوم کے صدقات ہیں۔ (بخاری شریف کتاب المغازی،باب ،حدیث نمبر ٤٣٦٦)
این ابی ملیکہ نے کہا کہ حضرت عبداللہ بن الزبیر نے ان کو خبر دی کہ بنو تمیم کے سواروں کی ایک جماعت نبی کریم صلی اللّٰہ علیہ وسلم کی خدمت میں حاضر ہوئی تو حضرت ابو بکر رضی اللہ عنہ نے کہا: القعقاع بن معبد بن زرارہ کو امیر بنائیں، حضرت عمر رضی اللہ عنہ نے کہا: بلکہ اقرع بن حابس کو امیر بنائیں، حضرت ابوبکر رضی اللہ عنہ نے کہا کہ تم صرف میری مخالفت کا ارادہ کرتے ہو حضرت عمر رضی اللہ عنہ نے کہا: میں نے آپ کی مخالفت کا ارادہ نہیں کیا، پس وہ دونوں جھگڑنے لگے، حتی کی ان کی آوازیں بلند ہو گئیں، پس اس موقع پر یہ آیت نازل ہوئی: اے ایمان والو! اللہ اور اس کے رسول سے آگے نہ بڑھو۔ (الحجرات: ١) حتی کہ آیت پوری ہوئی۔ (بخاری شریف کتاب المغازی،باب،حدیث نمبر ٤٣٦٧)
عبد القیس کے وفد کا بیان۔ ابی جمرہ بیان کرتے ہیں کہ میں نے حضرت ابن عباس رضی اللہ تعالٰی عنہما سے کہا: میرے پاس ایک گھڑا ہے جس میں میرے لیے نبیذ بنایا جاتا ہے پس میں اس کو پیتا ہوں جب وہ گھڑے میں میٹھا ہوتا ہے، بعض اوقات میں زیادہ مقدار میں پی لیتا ہوں، پس میں لوگوں میں بیٹھتا ہوں اور کافی دیر تک بیٹھا رہتا ہوں، میں اس لیے ڈرتا ہوں کہ کہیں میری رسوائی نہ ہو حضرت ابن عباس رضی اللہ تعالیٰ عنہما نے فرمایا کہ عبدالقیس کا وفد رسول اللہ صلی اللّٰہ علیہ وسلم کے پاس آیا تو آپ نے فرمایا: تم لوگوں کو مرحبا ہو! تم لوگ نہ رسوا ہو گے نہ نادم ہو گئے تو انہوں نے بتایا: یا رسول اللہ ! بے شک ہمارے اور آپ کے درمیان مضر کے مشرکین ہیں اور ہم آپ کے پاس صرف حرمت والے مہینوں میں آسکتے ہیں سو آپ ہمیں ایسے احکام بتائیں جن پر ہم عمل کر کے جنت میں داخل ہو جائیں اور جو لوگ ہمارے پیچھے ہیں، ان کو بھی ان احکام پر عمل کی دعوت دیں، آپ نے فرمایا: میں تمہیں چار چیزوں کا حکم دیتا ہوں اور چار چیزوں سے منع کرتا ہوں میں تمہیں اللہ پر ایمان لانے کا حکم دیتا ہوں' پھر فرمایا: کیا تمہیں معلوم ہے کہ اللہ پر ایمان لانے کا کیا معنی ہے؟ وہ اس بات کی شہادت دینا ہے کہ اللہ کے سوا کوئی عبادت کا مستحق نہیں ہے اور نماز قائم کرنا ہے اور زکوۃ ادا کرنا ہے اور رمضان کا روزہ رکھنا ہے اور یہ کہ تم غنیمتوں میں سے پانچواں حصہ ادا کرو اور چار چیزوں سے روکتا ہے: خشک کدو میں جو نبیذ بنایا گیا ہو اور کھوکھلی لکڑی میں اور سبز گھڑوں میں اور تارکول ملے ہوئے برتنوں میں نبیذ بنانے سے مندے کرتا ہوں۔ (بخاری شریف ،کتاب المغازی ،باب،حدیث نمبر ٤٣٦٨)
ابی جمرہ بیان کرتے ہیں کہ میں نے حضرت ابن عباس رضی اللہ تعالیٰ عنہما سے سنا کہ وہ کہہ رہے تھے کہ عبد القیس کا وفد نبی کریم صلی اللّٰہ علیہ وسلم کے پاس آیا پس انہوں نے کہا: یا رسول اللہ صلی اللّٰہ علیہ وسلم ! ہم اس قبیلہ ربیعہ سے ہیں اور ہمارے اور آپ کے درمیان کفار مضر حائل ہیں ہم آپ کے پاس ہے صرف حرمت والے مہینے میں آسکتے ہیں تو آپ ہمیں ایسی چیزوں کا حکم دیں جن پر ہم خود عمل کریں اور جو لوگ ہمارے پیچھے ہیں ان کو اس پر عمل کرنے کی دعوت دیں، آپ نے فرمایا: میں تم کو چار چیزوں کا حکم دیتا ہوں اور چار چیزوں سے روکتا ہوں، میں تم کو اللہ پر ان ایمان لانے کا حکم دیتا ہوں اور وہ اس بات کی شہادت دینا ہے کہ اللہ کے سوا کوئی عبادت کا مستحق نہیں اور آپ نے انگلی سے ایک کلام عقد بنایا اور نماز قائم کرتا ہے اور زکوۃ ادا کرتا ہے اور یہ کہ تم اللہ کے لیے مال غنیمت میں سے پانچواں حصہ ادا کرو اور میں تمہیں ان چار چیزوں میں نبیذ بنانے سے منع کرتا ہوں: خشک کدو کھو کھلی لکڑی کے سبز گھڑا اور تارکول ملا ہوا برتن۔ (بخاری شریف كِتَابٌ : الْمَغَازِي. | بَابٌ : وَفْدُ عَبْدِ الْقَيْسِ،حدیث نمبر ٤٣٦٩)
بکیر بیان کرتے ہیں کہ کریب مولی ابن عباس رضی اللہ تعالیٰ عنہما نے ان کو حدیث بیان کی کہ حضرت ابن عباس رضی اللہ تعالیٰ عنہما اور حضرت عبدالرحمن بن ازھر اور المسور بن مخرمہ رضی اللہ عنہ نے ان کو حضرت عائشہ رضی اللہ عنہا کی طرف بھیجا، پس انہوں نے کہا: تم ہم سب کی طرف سے ان کو سلام کہنا اور ان سے عصر کے بعد کی دو رکعتوں کے متعلق سوال کرنا اور کہنا کہ ہم کو یہ معلوم ہوا ہے کہ آپ یہ دور کعتیں پڑھتی ہیں اور ہم کو یہ حدیث پہنچی ہے کہ نبی کریم صلی اللّٰہ علیہ وسلم ان دو رکعتوں سے منع فرماتے تھے حضرت ابن عباس رضی اللہ تعالیٰ عنہما نے کہا: اور میں حضرت عمر رضی اللہ عنہ کے ساتھ لوگوں کو ان دو رکعتوں کے پڑھنے پر مارتا تھا، کریب نے کہا: میں حضرت عائشہ رضی اللہ تعالیٰ عنہا کے پاس گیا اور ان کو وہ پیغام سنایا جو انہوں نے مجھے دے کر بھیجا تھا، حضرت عائشہ رضی اللہ تعالیٰ عنہا نے فرمایا: تم اس کے متعلق حضرت ام سلمہ رضی اللہ تعالٰی عنہا سے سوال کرو پس میں نے ان کو اس جواب کی خبر دی تو پھر انہوں نے مجھے حضرت اُم سلمہ رضی اللہ تعالٰی عنہا کی طرف اسی طرح کا پیغام دے کر بھیجا جس طرح حضرت عائشہ رضی اللہ تعالیٰ عنہا کی طرف پیغام دے کر بھیجا تھا حضرت اُم سلمہ رضی اللہ تعالٰی عنہا نے بتایا کہ میں نے نبی کریم صلی اللّٰہ علیہ وسلم سے سنا آپ ان دو رکعت کے پڑھنے سے منع فرماتے تھے اور آپ نے عصر کی نماز پڑھی اور پھر میرے پاس آئے اور اس وقت میرے پاس انصار کے قبیلہ بنو حرام کی خواتین بیٹھی ہوئی تھیں، آپ نے وہ دو رکعت پڑھیں، میں نے آپ کی طرف خادمہ بھیجی، پس میں نے کہا کہ تم آپ کے پہلو میں کھڑی ہو جانا پھر کہنا کہ حضرت اُم سلمہ رضی اللہ تعالٰی عنہا پوچھتی ہیں : یا رسول اللہ صلی اللّٰہ علیہ وسلم ! کیا میں نے آپ سے یہ نہیں سنا تھا کہ آپ ان دو رکعتوں کے پڑھنے سے منع فرماتے ہیں، پس میں نے آپ کو دیکھا آپ بھی دو رکعت پڑھ رہے ہیں، اگر آپ ہاتھ سے ٹھہرنے کا اشارہ کریں تو تم ٹھہر جانا تو اس خادمہ نے اس طرح کیا آپ نے ہاتھ سے اشارہ کیا تو وہ پیچھے ہٹ گئی جب آپ نماز پڑھ کر مڑے تو فرمایا: اے۔ ابو امیہ کی بیٹی ! تم نے مجھ سے عصر کے بعد دو رکعت پڑھنے کے متعلق سوال کیا ہے اس کی وجہ یہ ہے کہ میرے پاس عبد القیس اپنی قوم کے اسلام لانے کے متعلق سوال کر رہے تھے تو انہوں نے مجھے ظہر کے بعد کی دو رکعتوں کے پڑھنے سے مشغول رکھا، سو یہ وہ دو رکعتیں ہیں۔ (بخاری شریف ،كِتَابٌ : الْمَغَازِي. | بَابٌ : وَفْدُ عَبْدِ الْقَيْسِ. حدیث نمبر ٤٣٧٠)
حضرت ابن عباس رضی اللہ تعالیٰ عنہما بیان کرتے ہیں کہ رسول اللہ صلی اللّٰہ علیہ وسلم کی مسجد کے بعد سب سے پہلا جمعہ عبد القیس کی مسجد جواثی میں پڑھا گیا یعنی وہ بحرین کے شہروں میں سے ایک شہر تھا۔ (بخاری شریف ، كِتَابٌ : الْمَغَازِي. | بَابٌ : وَفْدُ عَبْدِ الْقَيْسِ،حدیث نمبر ٤٣٧١)
باب:بنو حنیفہ کے وفد اور ثمامہ بن اثال کی حدیث کا بیان۔ حضرت ابو ہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے نجد کی طرف گھڑ سواروں کو بھیجا وہ بنو حنیفہ کے ایک مرد کو پکڑ کر لے آئے، جن کو ثمامہ بن اثال کہا جاتا تھا اور ان کو مسجد کے ستونوں میں سے ایک ستون کے ساتھ باندھ دیا، پس نبی کریم صلی اللّٰہ علیہ وسلم ان کی طرف نکلے تو پوچھا: اے ثمامہ! تمہارے نزدیک کیا ہے (یعنی تمہاری کیا رائے ہے ؟ انہوں نے کہا: اے محمد ! میرے نزدیک خیر ہے اگر آپ مجھے قتل کریں گے تو ایک شخص کو کسی کے خون کی وجہ سے قتل کریں گے اور اگر آپ مجھ پر احسان کریں گے تو ایک شکر گزار پر احسان کریں گے اور اگر آپ مال چاہتے ہیں تو آپ مجھ سے چاہتے ہیں، سوال کیجئے، سو ان کو اسی حال پر چھوڑ دیا گیا حتی کہ دوسرے روز پھر آپ نے ان سے فرمایا: اے ثمامہ! تمہارے نزدیک کیا ہے؟ انہوں نے کہا: وہی جو میں آپ سے پہلے کہہ چکا ہوں کہ اگر آپ احسان کریں گے تو ایک شکر گزار پر احسان کریں گے سو آپ نے ان کو اسی حال پر چھوڑ دیا، حتی کہ اس کے بعد اگلے روز آپ نے پھر فرمایا: اے ثمامہ! تمہارے نزدیک کیا ہے؟ انہوں نے کہا: وہی جو میں آپ سے پہلے کہہ چکا ہوں، آپ نے فرمایا: ثمامہ کو آزاد کر دو پس وہ مسجد کے قریب ایک کھجور کے باغ کی طرف گیا، پس وہاں غسل کیا، پھر مسجد میں داخل ہوئے، پھر کہا: میں گواہی دیتا ہوں کہ اللہ کے سوا کوئی عبادت کا مستحق نہیں اور میں گواہی دیتا ہوں کہ محمد اللہ کے رسول ہیں، اے محمد! اللہ کی قسم! پہلے میرے نزدیک روئے زمین پر آپ کے چہرے سے زیادہ مبغوض کوئی چہرہ نہیں تھا اور اب آپ کا چہرہ میرے نزدیک تمام چہروں سے زیادہ محبوب ہے اور اللہ کی قسم! پہلے میرے نزدیک کوئی دین آپ کے دین سے زیادہ مبغوض نہیں تھا اور اب آپ کا دین میرے نزدیک تمام ادیان سے زیادہ محبوب ہے اور اللہ کی قسم ! پہلے آپ کا شہر میرے نزدیک تمام شہروں سے زیادہ مبغوض تھا اور اب آپ کا شہر میرے نزدیک تمام شہروں سے زیادہ محبوب ہے اور بے شک آپ کے گھڑ سواروں نے مجھے گرفتار کر لیا اور میں اس وقت عمرہ کرنے جا رہا تھا، پس اب آپ کیا فرماتے ہیں؟ سو رسول اللہ صلی اللّٰہ علیہ وسلم نے ان کو بشارت دی اور ان کو عمرہ کرنے کا حکم دیا سو جب وہ مکہ میں آئے تو ان سے کسی کہنے والے نے کہا: کیا تم اپنے دین سے نکل گئے ہو؟ تو انہوں نے کہا: نہیں ! اللہ کی قسم ! لیکن میں سیدنا محمد صلی اللّٰہ علیہ وسلم کے ساتھ مسلمان ہو گیا ہوں اور اللہ کی قسم ! اب تمہارے پاس ثمامہ سے گندم کا ایک دانہ بھی نہیں آئے گا جب تک نبی کریم صلی اللّٰہ علیہ وسلم اس کی اجازت نہیں دیں گے۔ (بخاری شریف ، كِتَابٌ : الْمَغَازِي. | بَابُ وَفْدِ بَنِي حَنِيفَةَ، وَحَدِيثِ ثُمَامَةَ بْنِ أُثَالٍ،حدیث نمبر ٤٣٧٢)
حضرت ابن عباس رضی اللہ تعالیٰ عنہما بیان کرتے ہیں کہ مسلمہ الکذاب، رسول اللہ صلی اللّٰہ علیہ وسلم کے عہد میں آیا وہ یہ کہتا تھا کہ اگر محمد اس امر کو اپنے بعد میرے لیے کر دیں تو میں ان کی پیروی کرلوں گا اور اس کے ساتھ اس کی قوم کے بہت سارے لوگ آئے تھے رسول اللہ صلی اللّٰہ علیہ وسلم اس کی طرف آگے بڑھے اور آپ کے ساتھ حضرت ثابت بن قیس بن شماس رضی اللہ عنہ تھے اور رسول اللہ صلی اللّٰہ علیہ وسلم کے ہاتھ میں درخت کی شاخ کا ایک ٹکڑا تھا حتی کہ آپ مسلمہ اور اس کے ساتھیوں کے سامنے کھڑے ہو گئے، پس فرمایا: اگر تم نے مجھ سے اس شاخ کے ٹکڑے کا بھی سوال کیا تو میں تمہیں نہیں دوں گا اور اللہ نے تمہارے لیے جو مقدر کر دیا ہے تم اس سے تجاوز نہیں کر سکتے اور اگر تم نے پیٹھ پھیری تو اللہ تم کو ہلاک کر دے گا اور بے شک میں نے تم کو خواب میں دیکھا تھا، مجھے خواب میں دکھایا گیا جو دکھایا گیا اور یہ ثابت میری طرف سے تمہیں جواب دیں گئے، پھر آپ اس کے پاس سے مڑکر چلے گئے۔ حضرت ابن عباس رضی اللہ نے کہا: میں نے رسول اللہ صلی اللّٰہ علیہ وسلم کے اس ارشاد کے متعلق سوال کیا: بے شک تو وہی ہے جو مجھے خواب میں دکھایا گیا تھا، پس حضرت ابو ہریرہ رضی اللہ عنہ نے مجھے خبر دی کہ رسول اللہ صلی اللّٰہ علیہ وسلم نے فرمایا: جس وقت میں سویا ہوا تھا تو میں نے اپنے دونوں ہاتھوں میں سونے کے دو کنگن دیکھنے مجھے ان کا معاملہ بہت سنگین معلوم ہوا پس خواب میں میری طرف وحی کی گئی کہ میں ان پر پھونک ماروں، سو میں نے ان دونوں پر پھونک ماری تو وہ دونوں اٹر گئے میں نے ان کی یہ تعبیر لی کہ یہ دو جھوٹے ہیں جو میرے بعد نکلیں گے اور ان میں سے ایک العنسی تھا اور دوسرا مسیلمہ تھا۔ (بخاری شریف ، كِتَابٌ : الْمَغَازِي. | بَابُ وَفْدِ بَنِي حَنِيفَةَ، وَحَدِيثِ ثُمَامَةَ بْنِ أُثَالٍ،حدیث نمبر ٤٣٧٣،و حدیث نمبر ٤٣٧٤)
ہمام نے حضرت ابو ہریرہ رضی اللہ عنہ سے سنا وہ کہہ رہے تھے کہ رسول اللہ صلی اللّٰہ علیہ وسلم نے فرمایا : جس وقت میں سویا ہوا تھا تو میرے پاس تمام روئے زمین کے خزانے لائے گئے پس میری ہتھیلیوں میں سونے کے دو کنگن رکھ دیئے گئے جو مجھے سخت ناگوار ہوئے، پھر میری طرف یہ وحی کی گئی کہ میں ان پر پھونک ماروں، سو میں نے ان پر پھونک ماری تو وہ غائب ہو گئے، میں نے اس کی یہ تعبیر لی کہ یہ وہ دو جھوٹے ہیں کہ میں جن کے درمیان ہوں، ایک صاحب صنعاء ہے اور دوسرا صاحب الیمامہ۔ (بخاری شریف ،كِتَابٌ : الْمَغَازِي. | بَابُ وَفْدِ بَنِي حَنِيفَةَ، وَحَدِيثِ ثُمَامَةَ بْنِ أُثَالٍ،حدیث نمبر ٤٣٧٥)
مہدی بن میمون سے سنا انہوں نے کہا: میں نے ابورجاء العطاردی کو یہ کہتے ہوئے سنا ہے کہ ہم پتھروں کی عبادت کرتے تھے، پھر جب ہمیں کوئی پتھر ملتا اور وہ پہلے پتھر سے اچھا ہوتا تو ہم پہلے پتھر کو پھینک دیتے اور اس دوسرے پتھر کو لے لیتے، پس جب ہمیں کوئی پتھر نہ ملتا تو ہم مٹی کا ایک ڈھیر بناتے پھر ہمارے پاس ایک بکری آتی تو ہم اس مٹی کے ڈھیر پر اس کا دودھ نکالتے اور اس ڈھیر کا طواف کرتے پھر جب رجب کا مہینہ داخل ہوتا تو ہم کہتے یہ نیزوں سے پھلوں کے نکالنے کا مہینہ ہے، پھر جس نیزے میں بھی دھار ہوتی اور جس تیر میں بھی دھانہ ہوتی تو اس کو ہم پھینک دیتے اور رجب کے مہینے میں اس سے دور رہتے۔ (بخاری شریف ، كِتَابٌ : الْمَغَازِي. | بَابُ وَفْدِ بَنِي حَنِيفَةَ، وَحَدِيثِ ثُمَامَةَ بْنِ أُثَالٍ،حدیث نمبر ٤٣٧٦)
اور میں نے ابو رجاء سے سنا کہ جس دن نبی کریم صلی اللّٰہ علیہ وسلم کو مبعوث کیا گیا میں لڑکا تھا اور اپنے گھر والوں کے اونٹ چراتا تھا پس جب ہم نے آپ کے ظہور کا سنا تو ہم آگ کی طرف بھاگئے یعنی مسیلمۃ الکذاب کی طرف۔ (بخاری شریف ،كِتَابٌ : الْمَغَازِي. | بَابُ وَفْدِ بَنِي حَنِيفَةَ، وَحَدِيثِ ثُمَامَةَ بْنِ أُثَالٍ،حدیث نمبر ٤٣٧٧)
Bukhari Sharif Kitabul Magazi Hadees No
صله بن زفر از حذیفہ بیان کرتے ہیں کہ العاقب اور السید نجران کے دو وزیر رسول اللہ صلی اللّٰہ علیہ وسلم کے پاس مباہلہ کرنے آئے، پھر ان میں سے ایک نے اپنے دوسرے صاحب سے کہا: مباہلہ نہ کرو پس اللہ کی قسم ! اگر وہ واقعی نبی ہیں اور ہم نے ان سے مباہلہ کیا تو ہم کبھی کامیاب نہیں ہو سکیں گے اور نہ ہماری بعد کی نسلیں کامیاب ہو سکیں گی، تو ان دونوں نے آپ سے کہا: آپ ہم سے جس چیز کا سوال کریں گے وہ ہم آپ کو دے دیں گئے آپ ہمارے ساتھ ایک امین مرد کو بھیج دیں اور ہمارے پاس صرف امین مرد ہی کو بھیجیں، آپ نے فرمایا: میں ضرور تمہارے ساتھ ایک ایسے امین مرد کو بھیجوں گا جو بہت امین ہے، پس رسول اللہ صلی اللّٰہ علیہ وسلم کے اصحاب انتظار کرنے لگے آپ نے فرمایا: اے عبیدہ بن الجراح ! تم کھڑے ہو جاؤ پس جب وہ کھڑے ہو گئے تو رسول الله صلی اللّٰہ علیہ وسلم نے فرمایا: یہ اس امت کے امین ہیں۔ (بخاری شریف کتاب المغازی ،بَابٌ : قِصَّةُ أَهْلِ نَجْرَانَ،حدیث نمبر ٤٣٨٠)
حضرت حذیفہ رضی اللہ عنہ بیان کرتے ہیں کہ نبی اکرم صلی اللہ علیہ وسلم کے پاس اہل نجران کا وفد آیا تو انہوں نے کہا: ہمارے لیے کوئی امین مرد بھیج دیجئے تو آپ نے فرمایا: میں تمہاری طرف ضرور ایسا امین مرد بھیجوں گا جو بہت زیادہ امین ہے تو سب صحابہ منتظر تھے (کہ آپ کسی کو بھیجتے ہیں ) تو آپ نے حضرت ابو عبیدہ بن الجراح رضی اللہ عنہ کو بھیج دیا۔ (بخاری شریف ،كِتَابٌ : الْمَغَازِي. | بَابٌ : قِصَّةُ أَهْلِ نَجْرَانَ،حدیث نمبر ٤٣٨١)
حضرت انس رضی الله عنہ سے مروی ہے کہ رسول اللہ صلی اللّٰہ علیہ وسلم نے فرمایا: ہر امت کا ایک امین ہوتا ہے اور اس امت کے امین حضرت ابو عبیدہ بن الجراح رضی اللہ عنہ ہیں۔ (بخاری شریف، كِتَابٌ : الْمَغَازِي. | بَابٌ : قِصَّةُ أَهْلِ نَجْرَانَ،حدیث نمبر ٤٣٨٢)
عمان اور البحرین کے قصہ کا بیان۔ ابن المنکدر نے حضرت جابر بن عبداللہ رضی اللہ عنہ کو بیان کرتے ہوئے سنا کہ مجھ سے رسول اللہ صلی اللّٰہ علیہ وسلم نے تین مرتبہ فرمایا : اگر بحرین سے مال آیا تو میں تم کو اتنا اور اتنا دوں گا پھر بحرین کا مال نہیں آیا حتیٰ کہ رسول الله صلی اللّٰہ علیہ وسلم کا وصال ہو گیا، پس جب وہ مال حضرت ابو بکر رضی اللہ عنہ کے پاس آیا ان کے حکم سے ایک اعلان کرنے والے نے اعلان کیا: جس نے رسول اللہ صلی اللّٰہ علیہ وسلم سے کوئی قرض لینا ہو یا اس سے نبی کریم صلی اللّٰہ علیہ وسلم نے کچھ عطا فرمانے کا وعدہ کیا ہو تو وہ میرے پاس آئے ۔ حضرت جابر رضی اللہ عنہ نے کہا: میں حضرت ابوبکر رضی اللہ عنہ کے پاس گیا اور ان کو یہ خبر دی کہ نبی کریم صلی اللّٰہ علیہ وسلم نے مجھ سے تین مرتبہ فرمایا تھا کہ اگر بحرین کا مال آیا تو میں تم کو اتنا اور اتنا دوں گا تو حضرت ابو بکر رضی اللہ عنہ نے مجھ کو عطاء کیا، حضرت جابر رضی اللہ عنہ نے کہا: میں اس کے بعد حضرت ابو بکر رضی اللہ عنہ سے ملا اور ان سے سوال کیا تو انہوں نے مجھے نہیں دیا میں ان کے پاس پھر گیا اور ان سے سوال کیا ، پھر بھی انہوں نے مجھے نہیں دیا پھر میں ان کے پاس تیسری مرتبہ گیا تو انہوں نے مجھے نہیں دیا میں نے ان سے کہا: میں آپ کے پاس آیا تو آپ نے مجھے نہیں دیا تو میں پھر آپ کے پاس آیا تو آپ نے مجھے نہیں دیا میں پھر آپ کے پاس آیا تو آپ نے مجھے نہیں دیا پس یا تو آپ مجھے دیں یا آپ مجھ سے بخل کرتے ہیں' حضرت ابوبکر رضی اللہ عنہ نے فرمایا: تم نے کیا کہا ؟ آپ مجھ سے بخل کرتے ہیں؟ اور کون سی بیماری (یا عیب) بخل سے زیادہ بڑی ہے انہوں نے یہ بات تین مرتبہ کی پھر کہا: میں نے جب بھی تمہیں نہیں دیا مگر میں تمہیں دینے کا ارادہ رکھتا تھا۔ اور از عمرو از محمد بن علی روایت ہے کہ میں نے حضرت جابر بن عبد اللہ رضی اللہ عنہ کو یہ کہتے ہوئے سنا کہ میں آپ کے پاس آیا تو مجھے سے حضرت ابو بکر رضی اللہ عنہ نے کہا: لو ان کو گنو تو میں نے ان کو گنا تو وہ پانچ سو تھے تو حضرت ابو بکر رضی اللہ عنہ نے دو مرتبہ کہا: لو اتنے ہی اور لے لو۔ (بخاری شریف ، كِتَابٌ : الْمَغَازِي. | بَابٌ : قِصَّةُ عُمَانَ، وَالْبَحْرَيْنِ،حدیث نمبر ٤٣٨٣)
اشعریین اور اہل یمن کا آنا۔ اور حضرت ابو ابو موسیٰ رضی اللہ عنہ نبی اکرم صلی اللہ علیہ وسلم سے روایت کرتے ہیں کہ نبی اکرم صلی اللہ علیہ وسلم نے فرمایا وہ مجھ سے ہے اور میں ان سے ہوں۔ حضرت ابو موسیٰ رضی اللہ عنہ بیان کرتے ہیں: میں اور میرا بھائی یمن سے آئے ہم کافی عرصہ تک ٹھہرے رہے ہم یہی گمان کرتے تھے کہ حضرت ابن مسعود رضی اللہ عنہ اور ان کی والدہ رضی اللہ تعالٰی عنہا اہل بیت میں سے ہیں، کیوں کہ وہ آپ علیہ السلام کے گھر بہ کثرت جاتے تھے اور آپ علیہ السلام کے ساتھ لازم رہتے تھے۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٤)
زہدم نے بیان کیا کہ جب حضرت ابو موسیٰ رضی اللہ عنہ آئے تو انہوں نے جرم کے اس قبیلہ کی تکریم کی اور ہم بھی ان کے ساتھ بیٹھے ہوئے اور وہ مرغی کھا رہے تھے اور لوگوں میں ایک اور شخص بیٹھا ہوا تھا، انہوں نے اس کو بھی کھانے کی طرف بلایا اس نے کہا: میں نے اس مرغی کو دیکھا یہ( گندی چیز کھا رہی تھی تو مجھے اس سے گھن آئی حضرت ابو موسیٰ رضی اللہ نے کہا: آؤ! میں نے نبی کریم صلی اللّٰہ علیہ وسلم کو مرغی کھاتے ہوئے دیکھا ہے اس نے کہا: میں نے قسم کھائی کہ میں مرغی نہیں کھاؤں گا، حضرت ابو موسیٰ رضی اللہ عنہ نے کہا: آؤ میں تمہاری قسم کے متعلق حدیث سناتا ہوں، انہوں نے کہا: ہم نبی اکرم صلی اللہ علیہ وسلم کے پاس اشعریین کی ایک جماعت میں آئے ہم نے آپ سے سواری طلب کی آپ نے ہمیں سوار کرنے سے انکار فرمایا' ہم نے پھر آپ سے سواری طلب کی تو آپ نے قسم کھا کر فرمایا کہ آپ ہم کو سوار نہیں کریں گئے پھر تھوڑی دیر بعد نبی کریم صلی اللّٰہ علیہ وسلم کے پاس مال غنیمت کے اونٹ آئے تو آپ نے ہمارے لیے پانچ اونٹ عطا کرنے کا حکم دیا تو ہم نے کہا نبی کریم صلی اللّٰہ علیہ وسلم کو بے توجہی سے قسم نہیں رہی، ہم اس کے بعد کبھی بھی کامیاب نہیں ہو سکیں گئے، پس میں آپ کے پاس آیا سو میں نے کہا: یارسول اللہ ! بے شک آپ نے قسم کھائی تھی کہ آپ ہم کو سوار نہیں کریں گے اور اب آپ نے ہم کو سوار کر دیا، آپ نے فرمایا: ہاں! لیکن جب میں کسی کام کے نہ کرنے کی قسم کھاتا ہوں تو پھر میں دیکھتا ہوں کہ اس کام کا کرنا زیادہ بہتر ہے تو میں اس کام کو کرتا ہوں جو زیادہ بہتر ہے۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٥)
عمران بن حصین نے حدیث بیان کی، انہوں نے کہا کہ رسول اللہ صلی اللّٰہ علیہ وسلم کے پاس بنو تمیم آئے تو آپ نے فرمایا: اے بنو تمیم! بشارت قبول کرو! تو انہوں نے کہا: جب آپ نے ہمیں بشارت دی ہے تو عطاء بھی فرمائیں، تو رسول اللہ صلی اللّٰہ علیہ وسلم کا چہرہ متغیر ہو گیا پھر اہل یمن سے کچھ لوگ آئے تو نبی کریم صلی اللّٰہ علیہ وسلم نے فرمایا: بشارت کو قبول کرو کیونکہ بنو تمیم نے بشارت کو قبول نہیں کیا، انہوں نے کہا: یا رسول اللہ ! ہم نے قبول کر لیا۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٦)
حضرت ابو مسعود رضی اللہ عنہ نے بیان کیا کہ نبی کریم صلی اللّٰہ علیہ وسلم نے فرمایا: ایمان وہاں ہے اور اپنے ہاتھ سے یمن کی طرف اشارہ کیا اور جفاء اور دلوں کی تختی ان میں ہے جو اونٹوں کی دموں کو پکڑ کر چلاتے ہیں،جہاں سے شیطان کے دو سینگ طلوع ہوں گئے اور وہ قبیلہ ربیعہ اور مضر ہیں۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٧)
حضرت ابو هریره رضی اللہ عنہ نے بیان کیا کہ نبی کریم صلی اللّٰہ علیہ وسلم نے فرمایا: تمہارے پاس یمن کے لوگ آئیں گئے ان کے دل سب سے رقیق ہیں اور ان کے قلوب سب سے نرم ہیں، ایمان یمانی ہے اور حکمت یمانیہ ہے اور فخر اور تکبر اونٹوں پر چلانے والوں میں ہے اور مسکینی اور خضوع بکریاں چرانے والوں میں ہے۔ اور غندر نے کہا: از شعبہ از سلیمان: میں نے ذکوان سے سنا از حضرت ابو ہریرہ رضی اللہ عنہ از نبی کریم صلی اللّٰہ علیہ وسلم (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٨)
حضرت ابو هریره رضی اللہ عنہ بیان کرتے ہیں کہ نبی اکرم صلی اللہ علیہ وسلم نے فرمایا: ایمان یمانی ہے اور فتنہ وہاں ہو گا جہاں سے شیطان کا سینگ طلوع ہوگا۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٨٩)
حضرت ابوہریرہ رضی اللہ عنہ نے بیان کیا کہ نبی کریم صلی اللّٰہ علیہ وسلم نے فرمایا: تمہارے پاس اہل یمن آئیں گئے ان کے قلوب بہت نرم ہوں گے اور ان کے دل بہت رقیق ہوں گے فقہ یمانی ہے اور حکمت بیانیہ ہے۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٩٠)
علقمہ بیان کرتے ہیں کہ ہم حضرت ابن مسعود رضی اللہ عنہ کے ساتھ بیٹھے ہوئے تھے پس حضرت خباب رضی اللہ عنہ آئے انہوں نے کہا: اے ابو عبد الرحمن ! کیا یہ نوجوان بھی اس طرح قرآن پڑھ سکتے ہیں جس طرح آپ قرآن پڑھتے ہیں؟ حضرت ابن مسعود رضی اللہ عنہ نے کہا: اگر آپ چاہیں تو میں کسی کو حکم دوں وہ آپ کے سامنے قرآن پڑھے حضرت خباب رضی اللہ عنہ نے کہا: ٹھیک ہے تو حضرت ابن مسعود رضی اللہ عنہ نے کہا: اے علقمہ ! تم پڑھو تو زید بن حدیر نے جو زیاد بن حدیر کے بھائی ہیں انہوں نے کہا: کیا آپ علقمہ کو قرآن پڑھنے کا حکم دے رہے ہیں حالانکہ وہ ہم سے اچھا قرآن پڑھنے والے نہیں ہیں؟ حضرت ابن مسعود رضی اللہ عنہ نے کہا: اگر تم چاہو تو میں تمہیں بتاؤں کہ نبی کریم صلی اللّٰہ علیہ وسلم نے تمہاری قوم کے متعلق کیا کہا تھا اور اس کی قوم کے متعلق کیا کہا تھا، علقمہ نے کہا: پس میں نے سورہ مریم کی پچاس آیتیں پڑھیں حضرت عبد اللہ رضی اللہ عنہ نے (حضرت خباب رضی اللہ عنہ سے) پوچھا: آپ نے کیسا پایا؟ انہوں نے کہا: بہت اچھا پڑھا، حضرت عبد اللہ رضی اللہ عنہ نے کہا: میں جس طرح بھی قرآن پڑھتا ہوں یہ بھی اسی طرح قرآن پڑھتا ہے پھر انہوں نے حضرت خباب رضی اللہ عنہ کی طرف مڑ کر دیکھا اور ان کے ہاتھ میں سونے کی انگوٹھی تھی پیس حضرت ابن مسعود رضی اللہ عنہ نے کہا: کیا ابھی اس انگوٹھی کے لیے یہ وقت نہیں آیا کہ اسے پھینک دیا جائے! حضرت خباب رضی اللہ عنہ نے کہا کہ آپ آج کے بعد میرے ہاتھ میں یہ انگوٹھی نہیں دیکھیں گئے پھر انہوں نے اس انگوٹھی کو پھینک دیا۔ اس حدیث کی غندر نے شعبہ سے روایت کی ہے۔ (بخاری شریف ، كِتَابٌ : الْمَغَازِي. | بَابٌ : قُدُومُ الْأَشْعَرِيِّينَ، وَأَهْلِ الْيَمَنِ،حدیث نمبر ٤٣٩١)
دوس اور طفیل بن عمرو دوسی کا قصہ۔ حضرت ابو ہریرہ رضی اللہ عنہ بیان کرتے ہیں کہ حضرت طفیل بن عمرو رضی اللہ عنہ نبی اکرم صلی اللہ علیہ وسلم کے پاس آئے اور عرض کیا کہ دوس ہلاک ہو گئے انہوں نے اللہ کی نافرمانی کی اور قبولِ اسلام سے انکار کیا، آپ ان کے خلاف اللہ سے ہلاکت کی دعا کیجئے آپ نے دعا کی: اے اللہ ! دوس کو ہدایت دے اور ان کو یہاں لے آ ! (بخاری شریف ، كِتَابٌ : الْمَغَازِي. | بَابٌ : قِصَّةُ دَوْسٍ، وَالطُّفَيْلِ بْنِ عَمْرٍو الدَّوْسِيِّ،حدیث نمبر ٤٣٩٢)
حضرت ابو ہریرہ رضی اللہ عنہ نے بیان کیا کہ جب میں نبی کریم صلی اللّٰہ علیہ وسلم کی خدمت میں آیا تو میں نے راستہ میں یہ شعر پڑھا: ہائے اس رات کا طول اور اس کی تکلیفیں، لیکن اس رات نے دار الکفر سے نجات دے دی۔ اور راستے میں میرا غلام بھاگ گیا تھا اور جب میں نبی کریم صلی اللّٰہ علیہ وسلم کے پاس پہنچا تو میں نے آپ سے بیعت کی، پس جس وقت میں آپ کے پاس حاضر تھا اچانک وہ غلام ظاہر ہو گیا تو مجھ سے نبی کریم صلی اللّٰہ علیہ وسلم نے فرمایا: اے ابو ہریرہ! یہ ہے تمہارا غلام تو میں نے کہا: وہ اللہ کی رضا کے لیے ہے تو میں نے پھر اس کو آزاد کر دیا۔ (بخاری شریف کتاب المغازی ، كِتَابٌ : الْمَغَازِي. | بَابٌ : قِصَّةُ دَوْسٍ، وَالطُّفَيْلِ بْنِ عَمْرٍو الدَّوْسِيِّ،حدیث نمبر ٤٣٩٣)
طبی ء کا وفد اور حضرت عدی بن حاتم کی حدیث کا بیان حضرت عدی بن حاتم رضی اللہ عنہ نے کہا: ہم ایک وفد میں حضرت عمر رضی اللہ عنہ کے پاس آئے وہ ایک ایک مرد کا نام لے کر اس کو بلا رہے تھے، میں نے کہا: اے امیر المؤمنین! کیا آپ مجھے نہیں پہچانتے ؟ انہوں نے کہا: کیوں نہیں ! تم اس وقت اسلام لائے جب لوگوں نے کفر کیا تھا اور تم اس وقت آگے بڑھے جب لوگوں نے پیٹھ پھیری تھی اور تم نے اس وقت وفا کی جب لوگوں نے بے وفائی کی اور تم نے اس وقت پہچانا جب لوگوں نے انکار کر دیا حضرت عدی نے کہا: پھر مجھے کوئی پرواہ نہیں ہے۔ (بخاری شریف ، كِتَابٌ : الْمَغَازِي. | بَابُ قِصَّةِ وَفْدِ طَيِّئٍ، وَحَدِيثِ عَدِيِّ بْنِ حَاتِمٍ،حدیث نمبر ٤٣٩٤)
حضرت عائشہ رضی اللہ تعالیٰ عنہا بیان کرتی ہیں کہ ہم رسول الله صلی اللّٰہ علیہ وسلم کے ساتھ حجتہ الوداع میں گئے، پس ہم نے عمرہ کا احرام باندھا، پھر ہم سے رسول اللہ صلی اللّٰہ علیہ وسلم نے فرمایا: جس کے ساتھ قربانی کا جانور ہو وہ حج کے ساتھ عمرہ کا احرام باندھے، پھر اس وقت تک احرام نہ کھولے حتیٰ کہ حج اور عمرہ دونوں کے افعال پورے ہو جائیں، پس میں آپ کے ساتھ مکہ میں آئی اور میں اس وقت حائضہ ہو گئی اور میں نے بیت اللہ کا طواف کیا تھا اور نہ صفا اور مردہ کی سعی کی تھی، پس میں نے اس کی رسول اللہ صلی اللّٰہ علیہ وسلم سے شکایت کی، آپ نے فرمایا کہ تم اپنے سر کے بال کھول دو اور کنگھی کر لو اور حج کا احرام باندھ لو اور عمرہ کو چھوڑ دو سو میں نے ایسا ہی کیا، پس جب ہم نے حج کر لیا تو رسول اللہ صلی اللّٰہ علیہ وسلم نے مجھے حضرت عبد الرحمن بن ابی بکر صدیق رضی اللہ تعالٰی عنہما کے ساتھ (مقام) تنعیم کی طرف بھیجا، پس میں نے عمرہ کیا، آپ نے فرمایا: یہ تمہارے اس عمرہ کی جگہ ہے حضرت عائشہ رضی اللہ تعالیٰ عنہا نے بتایا: پس جن لوگوں نے عمرہ کا احرام باندھا تھا انہوں نے بیت اللہ کا طواف کیا اور صفا اور مروہ کے درمیان سعی کی، پھر انہوں نے احرام کھول دیا پھر انہوں نے منیٰ سے واپس آنے کے بعد ایک اور طواف کیا اور جن لوگوں نے حج اور عمرہ کو جمع کیا تھا، انہوں نے صرف ایک طواف کیا (یعنی صرف ایک قسم کا طواف کیا)۔ (بخاری شریف ،کتاب المغازی ،بَابٌ : حَجَّةُ الْوَدَاعِ،حدیث نمبر ٤٣٩٥)
حضرت ابن عباس رضی اللہ تعالیٰ عنہما بیان کرتے ہیں کہ جب کسی نے بیت اللہ کا طواف کر لیا تو وہ حلال ہو گیا یعنی اپنا احرام کھول دئے میں نے پوچھا کہ حضرت ابن عباس رضی اللہ تعالیٰ عنہما نے یہ کس دلیل سے کہا ہے ؟ تو انہوں نے کہا کہ اللہ تعالٰی کے اس قول ہے: پھر اس کا حلال ہونا یعنی اس کا احرام کھولنا بیت العتیق کے پاس ہے ( الج:۳۳) اور اس حدیث سے کہ نبی کریم صلی اللّٰہ علیہ وسلم نے اپنے اصحاب کو حکم دیا کہ وہ حجتہ الوداع میں احرام کھول دیں۔میں نے کہا کہ یہ حکم تو صرف وقوف عرفہ کے بعد ہے۔ عطاء نے کہا: حضرت ابن عباس رضی اللہ تعالیٰ عنہما کے نزدیک یہ وقوف عرفہ سے پہلے بھی ہے اور بعد میں بھی ہے۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٣٩٦)
حضرت ابو موسیٰ الاشعری رضی اللہ عنہ بیان کرتے ہیں کہ جب میں نبی کریم صلی اللّٰہ علیہ وسلم کے پاس مکہ کی وادی میں پہنچا تو آپ نے پوچھا: کیا تم نے حج کی نیت کر لی؟ میں نے کہا: جی ہاں! آپ نے پوچھا: تم نے کیسے احرام باندھا؟ میں نے عرض کیا: جس طرح رسول الله صلی اللّٰہ علیہ وسلم نے احرام باندھا ہے میں اسی طرح احرام باندھ کر حاضر ہوں، آپ نے فرمایا: تم بیت اللہ کا طواف اور صفا اور مروہ میں سعی کرو پھر احرام کھول دو پس میں نے بیت اللہ کا طواف کیا اور صفا اور مروہ کی سعی کی اور قبیلہ قیس کی ایک عورت کے پاس آیا اس نے میرے سر میں جوئیں دیکھیں۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٣٩٧)
حضرت ابن عمر رضی اللہ تعالٰی عنہما نے خبر دی کہ حضرت حفصہ رضی الله تعالٰی عنہا زوجه نبی کریم صلی اللّٰہ علیہ وسلم نے ان کو خبر دی کہ نبی کریم صلی اللّٰہ علیہ وسلم نے حجتہ الوداع کے سال اپنی ازواج کو حکم دیا کہ وہ احرام کھول دیں، حضرت حفصہ رضی اللہ تعالٰی عنہا نے پوچھا کہ آپ کو احرام کھولنے سے کیا چیز مانع ہے؟ آپ نے فرمایا: میں نے اپنے سر کے بالوں کو گوند سے چپکایا ہے اور اپنی قربانی کے جانور کے گلے میں ہار ڈالا ہے میں اس وقت تک احرام نہیں کھولوں گا حتیٰ کہ اپنی قربانی کو ذبح کرلوں۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٣٩٨)
حضرت ابن عباس رضی اللہ تعالیٰ عنہما بیان کرتے ہیں کہ خثعم کی ایک عورت نے حجتہ الوداع میں رسول اللہ صلی اللّٰہ علیہ وسلم سے سوال کیا، اس وقت حضرت الفضل بن عباس رضی اللہ تعالیٰ عنہما سواری پر رسول اللہ صلی اللّٰہ علیہ وسلم کے پیچھے بیٹھے تھے پس اس عورت نے کہا: یا رسول اللہ ! اللہ کا فریضہ بندوں پر ہے میرا باپ بہت بوڑھا ہے وہ سواری پر سیدھا بیٹھنے کی طاقت نہیں رکھتا؟ پس کیا یہ ہو سکتا ہے کہ میں اس کی طرف سے حج ادا کرلوں؟ آپ نے فرمایا: ہاں! (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٣٩٩)
حضرت ابن عمر رضی اللہ تعالٰی عنہما بیان کرتے ہیں کہ فتح مکہ کے سال نبی کریم صلی اللّٰہ علیہ وسلم اپنی اونٹنی قصواء پر سوار تھے اور آپ کے پیچھے حضرت اسامہ رضی اللہ عنہ بیٹھے ہوئے تھے اور آپ کے ساتھ حضرت بلال رضی اللہ عنہ اور حضرت عثمان بن طلحہ رضی اللہ عنہ بھی تھے حتیٰ کہ آپ نے بیت اللہ کے پاس اونٹنی کو بٹھایا اور آپ نے حضرت عثمان رضی اللہ عنہ سے فرمایا: ہمارے پاس (بیت اللہ کی ) چابی لاؤ، پس وہ چابی لے کر آئے، پس آپ کے لیے ( بیت اللہ کا ) دروازہ کھولا پھر نبی کریم صلی اللّٰہ علیہ وسلم اور حضرت اسامہ رضی اللہ عنہ اور حضرت بلال رضی اللہ عنہ اور حضرت عثمان رضی اللہ عنہ ( بیت اللہ میں ) داخل ہو گئے، پھر ان پر دروازہ بند کر دیا پھر آپ دن کے کافی وقت تک بیت اللہ میں ٹھہرے رہے پھر باہر آئے اور لوگ جلدی جلدی بیت اللہ میں داخل ہونے لگئے سو میں ان سے پہلے داخل ہو گیا، پس میں نے دیکھا کہ حضرت بلال رضی اللہ عنہ دروازہ کے پیچھے کھڑے ہوئے تھے میں نے ان سے پوچھا کہ رسول الله صلی اللّٰہ علیہ وسلم نے کس جگہ نماز پڑھی تھی؟ حضرت بلال رضی اللہ عنہ نے بتایا: آپ نے ان سامنے کے دوستونوں کے درمیان میں نماز پڑھی اور اس وقت بیت اللہ دو قطاروں میں چھ ستونوں پر تھا اور آپ نے پہلی قطار کے دو ستونوں کے درمیان میں نماز پڑھی تھی اور بیت اللہ کے دروازہ کی طرف آپ نے پشت (مبارک) فرمائی اور اپنا منہ سامنے کیا جہاں سے تم بیت اللہ میں داخل ہوتے ہو آپ کے اور دیوار کے درمیان (تین ہاتھ کا فاصلہ تھا) حضرت ابن عمر رضی اللہ تعالٰی عنہما نے بتایا کہ میں حضرت بلال رضی اللہ عنہ سے یہ پوچھنا بھول گیا تھا کہ آپ نے کتنی رکعت نماز پڑھی تھی، جس جگہ آپ نے نماز پڑھی تھی، وہاں سرخ سنگ مرمر بچھا ہوا تھا۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠٠)
عروہ بن الزبیر اور ابو سلمہ بن عبد الرحمن نے حدیث بیان کی کہ حضرت عائشہ رضی اللہ تعالیٰ عنہا زوجہ نبی کریم صلی اللّٰہ علیہ وسلم نے ان دونوں کو خبر دی کہ حضرت صفیہ بنت حیی رضی اللہ تعالٰی عنہا زوجہ نبی کریم صلی اللّٰہ علیہ وسلم کو حجتہ الوداع میں حیض آگیا تو نبی کریم صلی اللّٰہ علیہ وسلم نے فرمایا: کیا یہ ہم کو ( روانگی سے) روکنے والی ہیں، تو میں نے کہا: یا رسول اللہ ! یہ وقوف عرفہ کر چکی ہیں اور طواف زیارت بھی کر چکی ہیں، تو نبی کریم صلی اللّٰہ علیہ وسلم نے فرمایا: تو پھر یہ بھی روانہ ہو۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠١)
حضرت ابن عمر رضی رضی اللہ تعالٰی عنہما بیان کرتے ہیں کہ ہم حجتہ الوداع کے متعلق باتیں کر رہے تھے اور نبی کریم صلی اللّٰہ علیہ وسلم ہمارے درمیان تھے اور ہم نہیں جانتے تھے کہ حجۃ الوداع کی کیا تعریف ہے؟ تو آپ نے اللہ تعالیٰ کی حمد و ثناء کی پھر مسیح الدجال کا ذکر کیا اور اس کا بہت مفصل ذکر کیا اور آپ نے فرمایا کہ اللہ تعالیٰ نے جو نبی بھی بھیجا اس نے اپنی اُمت کو دجال سے ڈرایا۔ حضرت نوح علیہ السلام اور ان کے بعد نبیوں نے دجال سے ڈرایا اور اس کا خروج تم میں ہو گا سو تم میں سے کسی کے اوپر اس کی صفات مخفی نہ رہیں، پھر تین بار فرمایا کہ بے شک تمہارا رب جیسا کہ تم پر مخفی نہیں ہے بے شک تمہارا رب کانا نہیں ہے اور بے شک دجال کی دائیں آنکھ کانی ہے گویا کہ اس کی آنکھ اُبھرا ہوا انگور ہے۔ سنو! بے شک اللہ تعالیٰ نے تم پر تمہاری جانوں کو اور تمہارے مالوں کو اس طرح تم پر حرام کر دیا ہے جس طرح آج کے دن کی تمہارے اس شہر میں اور تمہارے اس مہینہ میں حرمت ہے سنو! کیا میں نے تبلیغ کر دی ہے؟ انہوں نے کہا: جی ہاں ! آپ نے تین بار (اللہ کے حضور ) عرض کیا: اے اللہ ! تو گواہ ہو جا! تم پر افسوس ہے! تم غور کرو اور تم میرے بعد کفر میں نہ پلٹ جانا کہ تم میں سے بعض ایک دوسرے کی گردنیں ماریں۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠٢،و حدیث نمبر ٤٤٠٣)
حضرت زید بن ارقم رضی اللہ عنہ نے حدیث بیان کی کہ نبی کریم صلی اللّٰہ علیہ وسلم نے انیس غزوات کیے اور آپ نے ہجرت کے بعد ایک حج کیا اور اس کے بعد کوئی حج نہیں کیا اور وہ حجتہ الوداع ہے ابو اسحاق نے کہا: اور مکہ میں دوسرا حج کیا تھا۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠٤)
حضرت جریر رضی اللہ عنہ بیان کرتے ہیں کہ نبی اکرم صلی اللہ علیہ وسلم نے حضرت جریر رضی اللہ عنہ سے حجتہ الوداع میں فرمایا: لوگوں کو خاموش کرو پھر فرمایا: تم میرے بعد کافر نہ ہو جانا کہ تم ایک دوسرے کی گردنیں مارو۔ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠٥)
حضرت ابو بکره رضی اللہ عنہ نبی اکرم صلی اللہ علیہ وسلم سے روایت کرتےہیں کہ رسول اللہ صلی اللّٰہ علیہ وسلم نے فرمایا: زمانہ گھوم کر اپنی اس ہیئت پر آ گیا ہے جس دن اللہ تعالیٰ نے آسمانوں اور زمینوں کو پیدا کیا تھا اور سال کے بارہ مہینہ ہوتے ہیں ان میں سے چار مہینے حرمت والے ہیں، تین مہینے پے درپے ہیں ذوالقعدہ، ذوالحجہ اور محرم اور مضر کا رجب جو جمادی اور شعبان کے درمیان میں ہے یہ کون سا مہینہ ہے؟ ہم نے کہا: اللہ اور اس کا رسول ہی زیادہ جاننے والے ہیں، پس آپ خاموش رہے حتیٰ کہ ہم نے یہ گمان کیا کہ آپ اس کے معروف نام کے سوا کوئی اور نام لیں گئے آپ نے فرمایا: کیا یہ ذوالحجہ نہیں ہے؟ ہم نے کہا: کیوں نہیں! آپ نے پوچھا: یہ کون سا شہر ہے؟ ہم نے کہا: اللہ اور اس کے رسول ہی کو زیادہ علم ہے، پس آپ خاموش رہے حتیٰ کہ ہم نے گمان کیا کہ آپ اس کے معروف نام کے سوا کوئی اور نام لیں گئے آپ نے فرمایا: کیا یہ شہر (مکہ) نہیں ہے، ہم نے کہا: کیوں نہیں! آپ نے فرمایا: یہ کون سا دن ہے؟ ہم نے کہا: اللہ اور اس کا رسول ہی زیادہ جاننے والے ہیں، پس آپ خاموش رہے، حتیٰ کہ ہم نے یہ گمان کیا کہ آپ اس کے معروف نام کے سوا کوئی اور نام لیں گے آپ نے فرمایا: کیا یہ قربانی کا دن نہیں ہے؟ ہم نے کہا: کیوں نہیں! آپ نے فرمایا: بے شک تمہاری جانیں اور تمہارے مال، راوی محمد نے کہا: میرا گمان ہے کہ آپ نے فرمایا: اور تمہاری عزتیں تم پر اسی طرح حرام ہیں، جس طرح آج کے دن کی اس شہر میں اور اس مہینہ میں حرمت ہے اور عنقریب تمہاری تمہارے رب سے ملاقات ہو گی تو وہ تم سے تمہارے کاموں کے متعلق سوال کرے گا سنو! تم میرے بعد گمراہ نہ ہو جانا کہ تم ایک دوسرے کی گردنیں مارو سنو! حاضر غائب کو تبلیغ کر دئے ہو سکتا ہے کہ تم میں سے جس کو تبلیغ کی جائے وہ ان دوسروں سے زیادہ یاد رکھنے والا ہو جس نے اس کو سنا ہو پس راوی محمد اس حدیث کا ذکر کرتے تو کہتے : سیدنا محمد صلی اللّٰہ علیہ وسلم نے سچ فرمایا پھر آپ نے دو مرتبہ فرمایا: سنو! کیا میں نے تبلیغ کر دی ہے؟ (بخاری شریف ، كِتَابٌ : الْمَغَازِي. | بَابٌ : حَجَّةُ الْوَدَاعِ،حدیث نمبر ٤٤٠٦)
طارق بن شہاب وہ بیان کرتے ہیں کہ یہودیوں میں سے کچھ لوگ آئے انہوں نے کہا کہ اگر یہ آیت ہم میں نازل ہوتی ہے تو ہم اس دن کو عید قرار دیتے، حضرت عمر نے پوچھا: وہ کون ہی آیت ہے؟ تو انہوں نے کہا: آج میں نے تمہارے لیے تمہارے دین کو کامل کر دیا اور تم پر اپنی نعمت مکمل کر دی اور تمہارے لیے اسلام کو بہ طور دین پسند کر لیا ( المائدہ ۳) پس حضرت عمر نے کہا: بے شک میں جانتا ہوں کہ یہ آیت اس جگہ نازل ہوئی جب رسول اللہ صلی مقام عرفہ میں وقوف کیے ہوئے تھے(یعنی کھڑے تھے)۔ (بخاری شریف ،کتاب المغازی ،باب حجۃ الوداع ،حدیث نمبر ٤٤٠٧)
حضرت عائشه رضی اللہ تعالٰی عنہا بیان کرتی ہیں کہ ہم رسول اللہ کے ساتھ (مدینہ سے) نکلے پس ہم میں سے بعض نے عمرہ کا احرام باندھا اور ہم میں سے بعض نے حج کا احرام باندھا اور بعض نے حج اور عمرہ دونوں کا احرام باندھا اور رسول اللہ صلی اللّٰہ علیہ وسلم نے حج کا احرام باندھا، پس جنہوں نے حج کا احرام باندھا تھا یا حج اور عمرہ کو جمع کیا تھا، وہ اس وقت تک حلال نہیں ہوئے (یعنی احرام نہیں کھولا )حتی کہ قربانی کا دن آ گیا۔ ہمیں عبداللہ بن یوسف نے حدیث بیان کی انہوں نے کہا: ہمیں امام مالک نے خبر دی اور انہوں نے بیان کیا کہ رسول اللہ صلی اللّٰہ علیہ وسلم کے ساتھ حج الوداع میں ہمیں اسماعیل نے حدیث بیان کی انہوں نے کہا: ہمیں امام مالک نے حدیث بیان کی اس کی مثل۔ (بخاری شریف ،کتاب المغازی ،باب حجۃ الوداع ،حدیث نمبر ٤٤٠٨)
عامر بن سعد از والد خود وہ بیان کرتے ہیں کہ نبی کریم صلی اللّٰہ علیہ وسلم حج الوداع میں میری اس بیماری میں عیادت کی جس بیماری سے میں موت کے کنارہ پر پہنچ چکا تھا میں نے عرض کیا: یا رسول اللہ ! میرا درد وہاں تک پہنچ چکا ہے جو آپ دیکھ رہے ہیں اور میں مالدار ہوں اور میری وارث صرف میری ایک بیٹی ہے کیا میں دو تہائی مال کو صدقہ کردوں؟ آپ نے فرمایا: نہیں! میں نے کہا: کیا میں آدھے مال کا صدقہ کر دوں؟ آپ نے فرمایا: نہیں! میں نے کہا: پس تہائی ؟ آپ نے فرمایا: تہائی اور تہائی بہت ہے بے شک اگر تم اپنے وارثوں کو مالدار چھوڑو تو یہ اس سے بہتر ہے کہ تم ان کو فقراء چھوڑو کہ وہ لوگوں کے آگے ہاتھ پھیلاتے رہیں اور تم جو چیز بھی اللہ کی رضا جوئی کے لیے خرچ کرو گے تمہیں اس پر اجر دیا جائے گا حتی کہ جو لقمہ تم اپنی بیوی کے منہ میں رکھو گئے میں نے عرض کیا: یا رسول اللہ ! کیا میں اپنے اصحاب کے بعد پیچھے رہ جاؤں گا' آپ نے فرمایا: بے شک تم ہر گز پیچھے نہیں رہو گے تم اللہ کی رضا جوئی کے لیے جو بھی کام کرو گئے اس سے تمہارا ایک درجہ زیادہ اور بلند ہوگا اور شاید کہ تم پیچھے رہ جاؤ حتی کہ کئی لوگوں کو تم سے نفع ہو اور دوسرے لوگوں کو تم سے ضرر ہو، اے اللہ ! میرے اصحاب کی ہجرت کو جاری رکھ اور ان کو ان کی ایڑیوں پر نہ لوٹا، لیکن سعد بن خولہ نقصان میں رہے رسول اللہ صلی اللّٰہ علیہ وسلم نے ان کے مکہ میں فوت ہونے پر افسوس کیا۔ (بخاری شریف،کتاب المغازی ،بَابٌ حجۃ الوداع ،حدیث نمبر ٤٤٠٩)
نافع وہ بیان کرتے ہیں کہ حضرت ابن عمر رضی اللہ تعالٰی عنہما نے ان کو خبر دی کہ رسول اللہ صلی اللّٰہ علیہ وسلم نے حجۃ الوداع میں اپنا سر مونڈا ( یعنی مونڈ وایا)۔ (بخاری شریف ،کتاب المغازی ،باب حجۃ الوداع، حدیث نمبر ٤٤١٠)
نافع بیان کرتے ہیں کہ انہیں حضرت ابن عمر رضی اللہ تعالٰی عنہما نے خبر دی کہ نبی کریم صلی اللّٰہ علیہ وسلم نے حجتہ الوداع میں سرمونڈا ( یعنی کسی کو اپنا سر مونڈ نے کا حکم دیا ) اور آپ کے اصحاب میں سے بھی بعض لوگوں نے سرا مونڈا اور بعض اصحاب نے بال کاٹے۔ (بخاری شریف ،کتاب المغازی ،باب حجۃ الوداع ،حدیث نمبر ٤٤١١)
حضرت عبداللہ بن عباس رضی اللہ تعالٰی عنہما نے خبر دی کہ وہ گدھے پر بیٹھ کر آئے اور رسول اللہ صلی اللّٰہ علیہ وسلم حج الوداع میں منیٰ کے اندر لوگوں کو نماز پڑھا رہے تھے پس گدھا صف کے بعض حصہ سے گزرا تو وہ گدھے سے اُتر گئے اور لوگوں کے ساتھ صف میں شامل ہو گئے۔ (بخاری شریف ،کتاب المغازی ،باب حجۃ الوداع ،حدیث نمبر ٤٤١٢)
ہشام انہوں نے کہا کہ مجھے میرے والد نے حدیث بیان کی انہوں نے کہا کہ حضرت اسامہ رضی اللہ سے نبی کریم صلی اللّٰہ علیہ وسلم کے حج میں آپ کی رفتار کے متعلق سوال کیا گیا، میں بھی وہاں موجود تھا، انہوں نے بتایا کہ آپ تیز تیز چلتے تھے اور جب کھلا راستہ پاتے تو زیادہ تیز چلتے۔ (بخاری شریف ،کتاب المغازی ،باب حجۃ الوداع ،حدیث نمبر ٤٤١٣)
حضرت ابوایوب رضی اللہ عنہ نے خیر دی کہ انہوں نے رسول اللہ صلی علیہ السلام کے ساتھ حجتہ الوداع میں مغرب اور عشاء کو جمع کرکے پڑھا۔ (بخاری شریف ،کتاب المغازی ،باب حجۃ الوداع ،حدیث نمبر ٤٤١٤)
حضرت ابو موسیٰ رضی اللہ عنہ بیان کرتے ہیں کہ مجھے میرے اصحاب نے رسول اللہ صلی اللّٰہ علیہ وسلم کے پاس بھیجا تاکہ میں آپ سے ان کے لیے سواریوں کا سوال کروں کیونکہ وہ تنگی کے لشکر میں جو غزوہ تبوک ہے میرے ساتھ تھے میں نے عرض کیا: اے اللہ کے نبی! بے شک میرے اصحاب نے مجھے آپ کے پاس بھیجا ہے تا کہ آپ انہیں سواریوں پر سوار کریں آپ نے فرمایا: اللہ کی قسم ! میں تمہیں کسی چیز پر سوار نہیں کروں گا اتفاق سے جب میں آپ سے ملا تھا اس وقت آپ غصہ میں تھے اور مجھے اس کا پتا نہیں تھا، میں نبی کریم صلی اللّٰہ علیہ وسلم کے منع کرنے سے غم زدہ لوٹ آیا اور اس خوف کے ساتھ لوٹا کہ شاید نبی کریم صلی اللّٰہ علیہ وسلم کو مجھ پر غصہ آیا ہوں میں اپنے اصحاب کے پاس واپس آگیا اور انہیں بتایا کہ نبی کریم صلی اللّٰہ علیہ وسلم نے کیا فرمایا ہے پس ابھی میں تھوڑی دیر ہی ٹھہرا تھا کہ میں نے حضرت بلال رضی اللہ عنہ کی آواز سنی وہ نداء کر رہے تھے: اے عبد اللہ بن قیس ! تو میں نے کہا: ہاں! انہوں نے کہا کہ رسول اللہ صلی اللّٰہ علیہ وسلم کے پاس حاضر ہو وہ تمہیں بلا رہے ہیں، جب میں آپ کے پاس آیا تو آپ نے فرمایا: یہ دو ایک جیسے اونٹ لو اور یہ دو ایک جیسے اونٹ لو آپ نے چھ اونٹوں کے متعلق فرمایا جن کو آپ نے اسی وقت حضرت سعد سے خریدا تھا' ( آپ نے فرمایا: ) یہ اونٹ اپنے اصحاب کے پاس لے جاؤ پس کہو : بے شک اللہ نے یہ فرمایا: بے شک رسول اللہ صلی اللّٰہ علیہ وسلم نے تم کو ان اونٹوں پر سوار کیا ہے سو تم ان پر سوار ہو پس میں ان اونٹوں کو لے کر اپنے اصحاب کے پاس گیا' پس میں نے کہا کہ بے شک نبی کریم صلی اللّٰہ علیہ وسلم نے تم کو ان اونٹوں پر سوار کیا ہے لیکن میں اللہ کی قسم ! تم کو اس وقت تک نہیں چھوڑوں گا حتی کہ تم میں سے بعض میرے ساتھ ان صحابہ کی طرف) چلیں جنہوں نے رسول اللہ صلی اللّٰہ علیہ وسلم کا یہ ارشاد سنا تھا تا کہ تم یہ گمان نہ کرو کہ میں نے اپنے پاس سے تمہیں کوئی بات بتائی تھی، جس کو رسول اللہ صلی اللّٰہ علیہ وسلم نے نہیں فرمایا تھا تو ان اصحاب نے مجھ سے کہا: بے شک آپ ہمارے نزدیک ضرور بہت صادق ہیں اور ہم ضرور وہ کریں گے جو آپ نے کہا ہے پس حضرت ابو موسیٰ رضی اللہ عنہ ان میں سے چند اصحاب کو لے کر اُن صحابہ کے پاس گئے، جنہوں نے رسول اللہ صلی اللّٰہ علیہ وسلم کا یہ ارشاد سنا تھا کہ پہلے آپ نے ان کو سواریاں دینے سے منع کیا تھا، پھر بعد میں آپ نے ؟ ان کو سواریاں عطاء کیں، سو ان صحابہ نے اسی طرح بیان کیا جس طرح حضرت ابو موسی رضی اللہ عنہ نے ان کو حدیث بیان کی تھی۔ ( بخاری شریف ،کتاب المغازی ،بَابُ غَزْوَةِ تَبُوكَ وَهِيَ غَزْوَةُ العُسْرَةِ،حدیث نمبر ٤٤١٥)
مصعب بن سعد از والد خود وہ بیان کرتے ہیں کہ رسول الله صلی اللہ علیہ وسلم تبوک کی طرف روانہ ہوئے ( اور مدینہ پر حضرت علی رضی اللہ عنہ کو خلیفہ بنا دیا تو حضرت علی نے کہا: کیا آپ مجھے بچوں اور عورتوں میں چھوڑ کر جارہے ہیں؟ آپ نے فرمایا: کیا تم اس پر راضی نہیں ہو کہ تم میرے لیے ایسے ہو جیسے حضرت ہارون علیہ السلام حضرت موسیٰ علیہ السلام کے لیے تھے؟مگر بے شک میرے بعد کوئی نبی نہیں ہے اور ابو داؤد نے کہا: ہمیں شعبہ نے حدیث بیان کی از حکم انہوں نے کہا: میں نے مصعب سے سنا۔ (بخاری شریف ،کتاب المغازی ،بَابُ غَزْوَةِ تَبُوكَ وَهِيَ غَزْوَةُ العُسْرَةِ ،حدیث نمبر ٤٤١٦)
صفوان بن یعلی بن امیہ نے خبر دی از والد خود وہ بیان کرتے ہیں کہ میں نے نبی صلی اللہ علیہ وسلم کے ساتھ تنگی کے لشکر میں غزوہ کیا یعلی کہتے تھے: یہ غزوہ میرے ان اعمال میں سے ہے جن پر مجھے سب سے زیادہ اجر کی توقع ہے عطاء نے کہا کہ صفوان نے بتایا کہ یعلی کا ایک مزدور تھا وہ کسی انسان سے لڑا تو ایک نے دوسرے کا ہاتھ دانتوں سے کاٹ لیا' عطاء نے کہا: مجھے یعلی نے بتایا تھا کہ کس نے دوسرے کا ہاتھ دانتوں سے کاٹا تھا، پس میں اس کو بھول گیا، انہوں نے بتایا کہ جس کا ہاتھ کاٹا گیا تھا اس نے اپنا ہاتھ کاٹنے والے کے منہ سے کھینچا تو اس کے سامنے کے دانتوں میں سے ایک دانت گر گیا، پھر وہ دونوں نبی اکرم صلی اللہ علیہ وسلم کے پاس آئے تو آپ نے اُس کے دانت کی دیت ساقط کر دی۔ عطاء نے کہا: میرا گمان ہے کہ صفوان نے بتایا کہ نبی کریم صلی اللّٰہ علیہ وسلم نے فرمایا : کیا وہ اپنا ہاتھ تمہارے منہ میں چھوڑ دیتا؟ اور تم اس کو اس طرح چباتے جس طرح کوئی نر جانور اپنے منہ میں کسی کو چباتا ہے۔ (بخاری شریف ،کتاب المغازی ،بَابُ غَزْوَةِ تَبُوكَ وَهِيَ غَزْوَةُ العُسْرَةِ ،حدیث نمبر ٤٤١٧)
حضرت کعب بن مالک رضی اللہ عنہ کی حدیث کا بیان۔ اور اللہ تعالیٰ کا یہ ارشاد ہے :اور اللہ تعالیٰ نے ان تین پر توبہ قبول فرمائی جو مؤخر رکھے گئے تھے (التوبہ آیت ١١٨) عبدالرحمن بن عبداللہ بن کعب بن مالک وہ بیان کرتے ہیں کہ عبداللہ بن کعب بن مالک حضرت کعب کے بیٹوں میں سے تھے جو ان کو راستہ دکھاتے تھے جب وہ نابینا ہو گئے تھے وہ کہتے ہیں کہ میں نے کعب بن مالک سے سنا کہ جب وہ غزوہ تبوک میں پیچھے رہ گئے تھے تو اس کا قصہ بیان کرتے ہوئے حضرت کعب رضی اللہ عنہ نے کہا: رسول اللہ صلی اللّٰہ علیہ وسلم نے جو غزوہ بھی کیا میں غزوہ تبوک کے سوا کسی غزوہ میں پیچھے نہیں رہا ہاں! میں غزوہ بدر میں بھی پیچھے رہا تھا لیکن اس پر مجھے کسی نے ملامت نہیں کی تھی کہ میں غزوہ بدر سے پیچھے رہا رسول الله صلی اللہ علیہ وسلم صرف قریش کے قافلہ کا ارادہ کر کے نکلے تھے حتیٰ کہ اللہ تعالیٰ نے ان کو اور ان کے دشمن کو بغیر کسی تعیین میعاد کے جمع کر دیا اور البتہ میں رسول اللہ صلی اللّٰہ علیہ وسلم کے ساتھ لیلہ العقبہ میں بھی حاضر تھا، جب ہم نے اسلام کی حمایت کا عہد کیا ( اور اس کے مقابلے میں) مجھے بدر میں حاضر ہونا پسند نہیں تھا، اگر چہ لوگوں میں بدر کا ذکر بہت زیادہ تھا اور میری خبر یہ ہے کہ جب میں غزوہ تبوک سے پیچھے رہا، اس وقت میں اس سے پہلے بھی اتنا قوی اور اتنا خوشحال نہیں تھا اور اللہ کی قسم ! اس سے پہلے بھی میرے پاس دو اونٹنیاں جمع نہیں ہوئی تھیں حتیٰ کہ میں نے ان کو اس غزوہ میں جمع کیا اور رسول اللہ صلی اللّٰہ علیہ وسلم جب بھی کسی غزوہ کا ارادہ کرتے تو اس کا کسی اور غزوہ سے توریہ کرتے تھے حتی کہ اس غزوہ میں جب رسول اللہ صلی اللّٰہ علیہ وسلم نے روانگی کا ارادہ کیا تو گرمی بہت سخت تھی اور آپ دور دراز کے سفر اور جنگلات کی طرف جارہے تھے اور دشمن کی تعداد بہت زیادہ تھی تو آپ نے تمام مسلمانوں کے اوپر اپنے ارادہ کو ظاہر فرما دیا تا کہ وہ اس غزوہ کی تیاری کرلیں، پس آپ نے مسلمانوں کو بتا دیا جہاں جانے کا آپ کا قصد تھا اور مسلمان رسول اللہ صلی اللّٰہ علیہ وسلم کے ساتھ اتنے زیادہ تھے کہ ان کا شمار کسی رجسٹر میں نہیں ہو سکتا تھا۔ حضرت کعب نے بتایا کہ اگر کوئی شخص اس غزوہ سے غائب ہونا چاہتا تو اس کا یہ گمان تھا کہ جب تک آپ کے اوپر اللہ کی وحی نازل نہ ہوگی تو اس کا یہ معاملہ پوشیدہ رہے گا اور رسول اللہ صلی اللّٰہ علیہ وسلم نے یہ غزوہ اس وقت کیا تھا جب پھل پک چکے تھے ( اور آرام کرنے کے لیے ) درختوں کے گھنے سائے تھے اور رسول اللہ صلی اللّٰہ علیہ وسلم نے تیاری کی اور مسلمانوں نے بھی آپ کے ساتھ تیاری کی، پس میں بھی تیاری کرنے لگا تا کہ میں بھی ان کے ساتھ روانہ ہوں، پس میں لوٹ آیا اور میں نے کوئی فیصلہ نہیں کیا، پس میں دل میں کہتا کہ میں روانہ ہونے پر قادر ہوں، پس یوں ہی وقت گزرتا رہا حتیٰ کہ لوگوں نے تیاری مکمل کر لی اور رسول اللہ صلی اللّٰہ علیہ وسلم مسلمانوں کے ساتھ روانہ ہو گئے اس وقت تک میں نے کوئی تیاری نہیں کی تھی تو میں نے دل میں کہا: میں آپ کے بعد کل یا پرسوں روانہ ہو جاؤں گا اور پھر میں ان کے ساتھ مل جاؤں گا ان کے روانہ ہونے کے بعد میں صبح کو تیاری کے لیے اُٹھا اور پھر لوٹ گیا اور کوئی فیصلہ نہیں کیا، پھر دوسری صبح کو اٹھا اور پھر لوٹ آیا اور میں نے کوئی فیصلہ نہیں کیا، پھر یوں ہی ہوتا رہا حتیٰ کہ لشکر بہت آگے نکل گیا اور بہت دور چلا گیا اور میں ارادہ کرتا رہا تھا کہ میں ان سے جاملوں گا اور کاش کہ میں نے ایسا کیا ہوتا، پس یہ میرے لیے مقدر نہیں تھا، رسول اللہ صلی اللّٰہ علیہ وسلم کے روانہ ہونے کے بعد جب میں لوگوں میں نکلا تو مجھے اس چیز نے بہت غم زدہ کیا کہ میں جس شخص کو دیکھتا تھا اس پر نفاق کا عیب ہوتا تھا یا ان مردوں کو دیکھتا جن کو اللہ تعالٰی نے کمزوری کے سبب جہاد سے معذور رکھا تھا اور رسول اللہ صلی اللّٰہ علیہ وسلم نے میرا ذ کر نہیں کیا تھا حتی کہ آپ تبوک پر پہنچ گئے تو جب آپ تبوک میں لوگوں کے درمیان بیٹھے ہوئے تھے تو آپ نے پوچھا کہ کعب نے کیا کیا؟ تو بنو سلمہ کے ایک مرد نے کہا: یا رسول الله صلی اللہ علیہ وسلم ! اس کو (اس کی خوشنما) اور چادروں نے اور ان کی طرف اترا کے دیکھنے نے روک لیا، پس حضرت معاذ بن جبل نے کہا: تم نے بہت بُری بات کہی ہے اللہ کی قسم ! یا رسول اللہ! ہم نے کعب کے اوپر نیکی اور خیر کے سوا اور کوئی چیز نہیں جانی تو رسول اللہ صلی اللّٰہ علیہ وسلم خاموش ہو گئے ۔ حضرت کعب بن مالک نے بتایا کہ جب مجھے یہ خبر پہنچی کہ آپ واپس تشریف لا رہے ہیں تو پھر میں فکر مند ہو گیا اور میں کوئی جھوٹا حیلہ سوچنے لگا جسے بیان کر کے میں کل آپ کی ناراضگی سے بچ جاؤں گا اور اس کے متعلق میں نے اپنے گھر کے ہر عقلمند آدمی سے مشورہ کیا ،پھر جب مجھے بیان بتایا گیا کہ رسول اللہ صلی اللّٰہ علیہ وسلم اب مدینہ میں داخل ہونے والے ہیں تو تمام جھوٹی باتیں میرے دل سے نکل گئیں اور میں نے جان لیاکہ میں جھوٹ بول کر کبھی بھی آپ کی ناراضگی سے نہیں نکل سکوں گا تو میں نے سچ بولنے کا پختہ ارادہ کر لیا اور رسول اللہ صلی اللّٰہ علیہ وسلم تشریف لے آئے اور جب آپ کسی سفر سے آتے تو پہلے دو رکعت مسجد میں نماز پڑھتے، پھر لوگوں کے لیے بیٹھ جاتے اور جب آپ نے ایسا کیا تو اس غزوہ میں پیچھے رہنے والے آپ کے پاس آئے اور آپ کے سامنے عذر پیش کرنے لگے اور قسمیں کھانے لگے اور وہ اسی سے زیادہ مرد تھے رسول اللہ صلی اللّٰہ علیہ وسلم نے ان کے ظاہری عذر کو قبول فرمالیا اور ان کو بیعت کر لیا اور ان کے لیے استغفار کیا اور ان کے باطنی معاملات کو اللہ کی طرف سونپ دیا سو میں بھی آپ کے پاس آیا جب میں نے آپ کو سلام کیا تو آپ ناراضگی سے مسکرائے پھر آپ نے فرمایا: آگے آؤ! تو میں آگے چلا حتیٰ کہ میں آپ کے سامنے آکر بیٹھ گیا' آپ نے پوچھا تم کیوں پیچھے رہ گئے؟ کیا تم نے اپنی سواری خرید نہیں لی تھی؟ میں نے عرض کیا: کیوں نہیں! بے شک اللہ کی قسم ! اگر میں آپ کے علاوہ کسی دنیا دار کے پاس بیٹھا ہوتا تو آپ دیکھتے کہ میں جھوٹے عذر پیش کر کے آپ کی ناراضگی سے نکل جاتا اور مجھے چرب زبانی دی گئی ہے لیکن اللہ کی قسم! میں خوب جانتا ہوں کہ اگر آج میں نے آپ سے کوئی جھوٹی بات کہی جس سے آپ مجھ سے راضی ہو جائیں تو عنقریب اللہ تعالیٰ آپ کو مجھ پر ناراض کر دے گا اور اگر میں نے آپ کو سچی بات کہی جس سے آپ مجھ سے ناراض ہوں تو میں اللہ تعالیٰ سے معاف کرنے کی امید رکھتا ہوں اللہ کی قسم! میرا کوئی عذر نہیں ہے اور اللہ کی قسم! میں اتنا قوی اور اتنا خوشحال کبھی نہیں تھا جب میں آپ سے پیچھے رہا تو رسول اللہ صلی اللّٰہ علیہ وسلم نے فرمایا: سنو! اس شخص نے سچ کہا ہے پس تم اُٹھو حتیٰ کہ اللہ تعالیٰ تمہارے متعلق کوئی فیصلہ فرمادے سو میں اُٹھا اور بنو سلمہ کے مرد دوڑ کر آئے، پس مجھ سے ملے اور مجھ سے کہا: اللہ کی قسم! ہمیں نہیں معلوم کہ تم نے اس سے پہلے کوئی گناہ کیا تھا، کیا تم اس سے عاجز تھے کہ تم بھی رسول اللہ صلی اللّٰہ علیہ وسلم کے سامنے کوئی ایسا عذر پیش کرتے جیسا دوسرے پیچھے رہنے والوں نے عذر پیش کیا تھا' بے شک تمہارے گناہ کے لیے رسول الله صلی اللہ علیہ وسلم کا استغفار کافی ہوتا، پس اللہ کی قسم! وہ مجھے مسلسل ملامت کرتے رہے حتی کہ میں نے ارادہ کیا کہ میں واپس جاؤں اور اپنے آپ کو جھوٹا قرار دوں پھر میں نے ان سے پوچھا: کیا کسی اور کو بھی میرے جیسا معاملہ پیش آیا ہے؟ انہوں نے بتایا: ہاں! دو مرد ہیں جنہوں نے تمہاری طرح کہا، پس ان سے اُسی طرح کہا گیا جس طرح تم سے کہا گیا میں نے پوچھا: وہ دونوں کون ہیں؟ تو انہوں نے بتایا: وہ مرارہ بن الربیع العمری اور ہلال بن امیہ الواقعی ہیں، سو انہوں نے ان دو نیک بندوں کا ذکر کیا جو غزوہ بدر میں حاضر تھے سو اُن میں (میرے لیے ) نمونہ ہے سوجب انہوں نے ان دونوں کا مجھ سے ذکر کیا تو میں اپنے گھر آ گیا اور رسول اللہ صلی اللّٰہ علیہ وسلم نے ہم تینوں سے کلام کرنے سے مسلمانوں کو منع فرما دیا تھا جو آپ سے اس غزوہ میں پیچھے رہے تھے سولوگوں نے ہم سے اجتناب کر لیا اور وہ ہم سے بالکل بدل گئے حتی کہ مجھے وہ زمین بھی بدلی ہوئی نظر آئی یہ وہ زمین ہی نہ تھی جسے میں پہلے پہچانتا تھا، ہم نے اسی حالت پر پچاس راتیں گزاریں رہے میرے دو صاحب تو وہ اپنے گھروں میں بیٹھے رہتے تھے اور روتے رہتے تھے اور میں قوم میں جوان تھا اور با ہمت تھا، پس میں باہر نکلتا تھا اور مسلمانوں کے ساتھ نماز میں حاضر ہوتا تھا اور بازاروں میں گھومتا تھا اور کسی کے ساتھ کوئی بھی بات نہ کرتا تھا اور رسول اللہ صلی اللّٰہ علیہ وسلم کی خدمت میں آتا تھا تو آپ کو سلام کرتا تھا اور آپ نماز کے بعد اپنی مجلس میں بیٹھے ہوتے تھے میں دل میں سوچتا تھا کہ کیا آپ نے میرے سلام کا جواب دینے کے لیے ہونٹوں کو حرکت دی تھی یا نہیں؟ پھر میں آپ کے قریب نماز پڑھتا تھا اور نظریں چرا کر آپ کی طرف دیکھتا تھا، پس جب میں نماز پڑھنے لگتا تو آپ میری طرف متوجہ ہوتے اور جب میں آپ کی طرف متوجہ ہوتا تو آپ مجھ سے اعراض کرتے حتی کہ جب مجھ سے لوگوں کی بے رخی بڑھتی گئی تو ایک دن میں حضرت ابو قتادہ کے باغ کی دیوار پر چڑھ گیا اور وہ میرے چچازاد بھائی تھے اور تمام لوگوں سے زیادہ مجھے محبوب تھے پس میں نے ان کو سلام کیا تو اللہ کی قسم ! انہوں نے میرے سلام کا جواب نہیں دیا۔ میں نے کہا: اے ابوقتادہ ! میں تمہیں اللہ کی قسم دیتا ہوں کیا تمہیں معلوم ہے کہ میں اللہ اور اس کے رسول سے محبت کرتا ہوں؟ تو وہ خاموش رہے میں نے اپنی بات دہرائی اور پھر قسم دی تب بھی وہ خاموش رہے میں نے پھر اپنی بات دہرائی اور پھر ان کو قسم دی تو انہوں نے کہا کہ اللہ اور اس کے رسول کو ہی زیادہ علم ہے سو میری دونوں آنکھوں سے آنسو جاری ہو گئے اور میں واپس آ گیا حتی کہ میں دیوار پھاند کر اتر گیا حضرت کعب نے بتایا: جس وقت میں مدینہ کے بازار میں جارہا تھا تو اہل شام کے کسانوں میں سے ایک کسان آیا جو مدینہ میں غلہ بیچ رہا تھا وہ کہہ رہا تھا کہ کعب بن مالک کی طرف میری کون رہنمائی کرے گا؟ تو لوگوں نے اسے اشارہ سے بتایا حتیٰ کہ وہ میرے پاس آیا اور اس نے مجھے فسان کے بادشاہ کا مکتوب دیا اس میں لکھا ہوا تھا: اما بعد! مجھ تک یہ خبر پہنچی ہے کہ تمہارے پیغمبر نے تمہارے ساتھ بے وفائی کی ہے حالانکہ اللہ تعالیٰ نے تم کو ذلت کے گھر میں نہیں رکھا اور نہ ضائع ہونے کے لیے رکھا ہے تم ہم سے آکر مل جاؤ ہم تمہاری غم خواری کریں گئے میں نے اس خط کو پڑھنے کے بعد دل میں کہا: یہ میرے لیے ایک اور امتحان ہے! پس میں نے تنور کا قصد کیا اور اس خط کو جلا دیا حتی کہ جب پچاس میں سے چالیس راتیں گزر گئیں تو رسول اللہ صلی اللّٰہ علیہ وسلم یا کا قاصد میرے پاس آیا پس اس نے کہا کہ رسول اللہ صلی اللّٰہ علیہ وسلم تمہیں یہ حکم دیتے ہیں کہ تم اپنی بیوی سے الگ ہو جاؤ پس میں نے پوچھا: کیا میں اس کو طلاق دے دوں یا کیا کروں؟ اس نے کہا: نہیں ! بلکہ تم اس سے الگ ہو جاؤ اور اس کے قریب نہ جاؤ (یعنی مباشرت نہ کرو) اور آپ نے میرے دو صاحبوں کی طرف بھی ایسا ہی پیغام بھیجا' میں نے اپنی بیوی سے کہا کہ تم اپنے میکے چلی جاؤ اور ان ہی کے پاس رہوحتی کہ اللہ تعالیٰ میرے متعلق اس امر کا فیصلہ فرما دے۔ حضرت کعب نے بتایا: حضرت ھلال بن امیہ کی بیوی رسول اللہ صلی اللّٰہ علیہ وسلم کے پاس آئی' پس اس نے عرض کیا: یا رسول اللہ ! ہلال بن امیہ بہت ہی بوڑھے اور کمزور ہیں ان کی خدمت کرنے والا کوئی نہیں ہے کیا آپ اس کو نا پسند کریں گے کہ میں ان کی خدمت کروں؟ آپ نے فرمایا: نہیں! لیکن وہ تمہارے قریب نہ آئیں ان کی بیوی نے کہا: اللہ کی قسم ! وہ تو کسی کام کے لیے حرکت کر ہی نہیں سکتے اور اللہ کی قسم! جب سے ان کے معاملہ میں عتاب ہوا ہے اس دن سے لے کر اب تک وہ مسلسل روتے رہتے ہیں تب مجھ سے میرے بعض گھر والوں نے کہا : اگر تم بھی ؟ رسول اللہ صلی اللّٰہ علیہ وسلم سے اپنی بیوی کے متعلق اسی طرح اجازت لے لو جس طرح آپ نے حضرت ہلال بن امیہ کی بیوی کو ان کی خدمت کرنے کی اجازت دی ہے تو میں نے کہا: اللہ کی قسم! میں اس کی رسول اللہ صلی اللّٰہ علیہ وسلم سے اجازت نہیں لوں گا اور مجھے پتا نہیں کہ جب میں رسول اللہ صلی اللّٰہ علیہ وسلم سے اس کی اجازت طلب کروں تو آپ کیا فرمائیں؟ حالانکہ میں تو جوان مرد ہوں ( اور حضرت ہلال بن امیہ تو بوڑھے تھے ) پھر میں نے اس حال میں دس راتیں اور گزاریں حتیٰ کہ جب سے رسول اللہ صلی اللّٰہ علیہ وسلم نے ہم سے کلام کی ممانعت کی تھی اس پر پچاس روز مکمل ہو گئے، پس جب میں نے پچاسویں رات کی صبح کو فجر کی نماز پڑھی اور اس وقت میں اپنے گھر کی چھت پر تھا میں اسی حال میں بیٹھا ہوا تھا جس کا اللہ نے ذکر فرمایا کہ مجھ پر میرانفس بھی تنگ ہو گیا ہے اور زمین بھی اپنی کشادگی کے باوجود مجھ پر تنگ ہوگئی ہے تو اچانک میں نے کسی چلانے والے کی آواز سنی جو سلع پہاڑ پر بلند آواز سے پکار رہا تھا: اے کعب بن مالک ! بشارت قبول کرو! حضرت کعب نے کہا: پس میں سجدہ میں گر گیا اور میں نے جان لیا کہ اب کشادگی آگئی ہے اور رسول اللہ صلی اللّٰہ علیہ وسلم نے جب فجر کی نماز پڑھائی تو یہ اعلان کیا کہ اللہ تعالیٰ نے ہماری توبہ قبول کر لی ہے تو لوگ ہمیں خوشخبری دینے کے لیے آئے اور میرے ان دو صاحبوں کی طرف بھی خوشخبری دینے والے گئے اور ایک شخص نے میری طرف گھوڑا دوڑایا اور بنو اسلم کا ایک مرد میری طرف دوڑا پس وہ پہاڑ پر چڑھا اور اس کی آواز گھوڑے کی رفتار سے زیادہ تیز تھی پس جب میرے پاس وہ شخص آیا جس کی بشارت دینے کی آواز میں نے سنی تھی تو میں نے اس بشارت کی جزاء میں اپنی دونوں چادر میں نے اس کو پہنا دیں اور اللہ کی قسم ! اس وقت میرے پاس ان چادروں کے سوا اور کچھ نہیں تھا اور میں نے کپڑے عاریہ لے کے پہنے اور میں رسول اللہ صلی علیہ وسلم کی طرف روانہ ہوا پس لوگ مجھے فوج در فوج مل رہے تھے اور میری توبہ قبول ہونے پر مجھے مبارک باد دے رہے تھے اور کہہ رہے تھے کہ تم کو مبارک ہو کہ اللہ تعالیٰ نے تمہاری توبہ قبول فرمالی ۔ حضرت کعب نے بتایا حتی کہ میں مسجد میں داخل ہوا، پس اس وقت رسول اللہ صلی اللّٰہ علیہ وسلم بیٹھے ہوئے تھے اور آپ کے گرد صحابہ بیٹھے ہوئے تھے، پس حضرت طلحہ بن عبید اللہ دوڑتے ہوئے میرے پاس آئے انہوں نے مجھ سے مصافحہ کیا اور مجھے مبارک باد دی اور اللہ کی قسم! مہاجرین میں سے ان کے سوا اور کوئی نہیں کھڑا ہوا اور میں حضرت طلحہ کی یہ نیکی کبھی نہیں بھولوں گا۔ حضرت کعب نے بتایا: جب میں نے رسول اللہ صلی اللّٰہ علیہ وسلم کو سلام کیا تو رسول اللہ صلی اللّٰہ علیہ وسلم کا چہرہ خوشی سے چمک رہا تھا، آپ نے فرمایا: تمہیں اس مبارک دن کی بشارت ہو جب سے تم اپنی ماں سے پیدا ہوئے ہو یہ تمہارا سب سے بہترین دن ہے۔ حضرت کعب نے بتایا: میں نے پوچھا: یا رسول اللہ ! کیا یہ آپ اپنی طرف سے فرما رہے ہیں؟ یا اللہ کی طرف سے (فرما رہے ہیں)؟ آپ نے فرمایا: نہیں! بلکہ اللہ کی طرف سے اور رسول اللہ صلی اللّٰہ علیہ وسلم جب خوش ہوتے تھے تو آپ کا چہرہ اس طرح روشن ہو جاتا تھا جیسے وہ چاند کا ٹکڑا ہو اور ہم اس بات کو آپ کے چہرے سے پہچانتے تھے پس جب میں آپ کے سامنے بیٹھ گیا تو میں نے کہا: یا رسول اللہ ! بے شک میری توبہ ( کی خوشی یہ ہے ) کہ میں اپنا تمام مال اللہ تعالیٰ اور رسول الله صلی اللہ علیہ وسلم کی طرف صدقہ کر دوں آپ نے فرمایا: تم اپنے کچھ مال کو اپنے پاس رکھو یہ تمہارے لیے بہتر ہو گا' میں نے کہا: میں اس مال کو اپنے پاس رکھوں گا جو خیبر میں میرا حصہ ہے، پھر میں نے کہا: یا رسول اللہ ! بے شک اللہ نے مجھے سچ بولنے کی وجہ سے نجات دی سے اور بے شک میری توبہ کا تقاضا یہ ہے کہ میں اپنی باقی زندگی میں سچ کے سوا کوئی بات نہ کہوں، پس اللہ کی قسم! میں نہیں جانتا کہ اللہ تعالٰی نے کسی مسلمان کو سچ بولنے کی وجہ سے ایسی آزمائش میں مبتلا کیا ہو جیسی آزمائش میں مجھے مبتلا کیا' جب سے میں نے رسول الله صلی اللہ علیہ وسلم سے یہ عہد ذکر کیا تھا جس کی وجہ سے مجھے اللہ نے آزمائش میں مبتلا کیا تھا اور جب سے میں نے رسول اکرم صلی اللہ علیہ وسلم سے یہ عہد ذکر کیا تھا اس وقت سے آج تک میں نے عمدا جھوٹ نہیں بولا اور بے شک میں اُمید کرتا ہوں کہ اللہ تعالیٰ مجھے میری باقی زندگی میں بھی جھوٹ سے محفوظ رکھے گا اور اللہ تعالٰی نے اپنے رسول صلی اللہ علیہ وسلم پر یہ آیت نازل کی: بے شک اللہ تعالیٰ نے نبی کی توبہ قبول فرمائی اور مہاجرین اور انصار کی توبہ قبول فرمائی۔ (التوبہ ۱۷) اور یہ آیت یہاں تک ہے اور بچوں کے ساتھ ہو جاؤں (التوبہ: 119) پس اللہ کی قسم ! اللہ تعالیٰ نے مجھ پر اسلام کی ہدایت دینے کے بعد کوئی ایسی نعمت نہیں فرمائی جو میرے دل میں اس سے بڑی ہو کہ میں نے رسول اللہ صلی اللّٰہ علیہ وسلم سے سچ بولا اور آپ سے جھوٹ نہیں بولا ورنہ میں بھی اس طرح ہلاک ہو جاتا جس طرح وہ لوگ ہلاک ہو گئے جنہوں نے جھوٹ بولا تھا، کیونکہ جب سے اللہ نے وحی نازل فرمائی ہے کسی کے متعلق ایسی سخت آیت نازل نہیں فرمائی اللہ تبارک و تعالیٰ نے فرمایا: جب تم لوگ واپس آؤ گے تو یہ لوگ تمہارے سامنے اللہ کی قسم کھائیں گے ( یہ آیت یہاں تک ہے:) پس بے شک اللہ فاسق لوگوں سے راضی نہیں ہوتاں (التوبہ: ۹۵-۹۶ ) حضرت کعب نے بتایا: ہم تینوں کو ان لوگوں کے معاملہ،سے مؤخر رکھا گیا جن کے عذر کو رسول اللہ صلی اللّٰہ علیہ وسلم نے اُس وقت قبول فرمالیا جب انہوں نے (جھوٹی) قسمیں کھائی تھیں، پس رسول اللہ صلی اللّٰہ علیہ وسلم نے ان کو بیعت کر لیا اور ان کے لیے استغفار کیا اور رسول اللہ صلی اللّٰہ علیہ وسلم نے ہمارے معاملہ کو مؤخر کر دیا حتی کہ اللہ تعالٰی نے ان کے متعلق یہ فیصلہ فرمایا : اللہ تعالیٰ نے فرمایا: اور ان تین لوگوں کے معاملہ کو مؤخر رکھا گیا۔ (التوبہ: ۱۱۸) اور جس تاخیر کا اللہ تعالٰی نے ذکر فرمایا ہے یہ وہ تا خیر نہیں ہے جو غزوہ تبوک سے پیچھے رہ گئے تھے، یہ ہمارے معاملہ کو ان سے مؤخر کرنا ہے جنہوں نے حلف اٹھایا تھا اور رسول اللہ صلی اللّٰہ علیہ وسلم نے ان کے عذر کو قبول کر لیاتھا۔ (بخاری شریف ،کتاب المغازی ،بَابُ حَدِيثِ كَعْبِ بْنِ مَالِكٍ، وَقَوْلُ اللَّهِ عَزَّ وَجَلَّ: {وَعَلَى الثَّلاَثَةِ الَّذِينَ خُلِّفُوا} [التوبة: 118]حدیث نمبر ٤٤١٨)
نبی کریم صلی اللّٰہ علیہ وسلم کا مقام الحجر میں اترنا۔ حضرت ابن عمر رضی اللہ تعالٰی عنہما بیان کرتے ہیں کہ جب نبی کریم صلی اللّٰہ علیہ وسلم الحجر سے گزرے تو آپ نے فرمایا: ان لوگوں کے گھروں میں داخل نہ ہو جنہوں نے اپنی جانوں پر ظلم کیا تھا، کہیں ایسا نہ ہو کہ تم پر بھی وہی عذاب آئے جو ان پر آیا تھا، مگر تم روتے ہوئے گزر سکتے ہو پھر آپ نے اپنے سر پر کپڑا ڈال لیا اور رفتار تیز کرلی حتی کہ اس وادی سے گزر گئے۔ (بخاری شریف ،کتاب المغازی ،بَابُ نُزُولِ النَّبِيِّ صَلَّى اللهُ عَلَيْهِ وَسَلَّمَ الحِجْرَ،حدیث نمبر ٤٤١٩)
حضرت ابن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے اصحاب حجر سے فرمایا کہ ان عذاب یافتہ لوگوں پر بغیر روئے نہ گزرو کہیں تم پر بھی وہ عذاب نہ آجائے جیسا ان پر عذاب آیا تھا۔ (بخاری شریف ،کتاب المغازی ،بَابُ نُزُولِ النَّبِيِّ صَلَّى اللهُ عَلَيْهِ وَسَلَّمَ الحِجْرَ،حدیث نمبر ٤٤٢٠)
حضرت مغیرہ بن شعبه رضی اللہ عنہ بیان کرتے ہیں کہ نبی اکرم صلی اللہ علیہ وسلم کسی کی حاجت کے لیے گئے تو میں(آپ کے وضو کے لیے)پانی ڈالنے کے لیے کھڑا ہو گیا،راوی نے کہا: میں اس کے سوا نہیں جانتا کہ انہوں نے یہ حدیث غزوہ تبوک میں بیان کی تھی۔ سو آپ نے اپنا چہرہ دھویا اور اپنی کلائیاں دھونے لگے تو جبہ کی آستین تنگ تھی تو آپ نے اپنے دونوں ہاتھوں کو جبہ کے نیچے سے نکال لیا ! پھر ان دونوں ہاتھوں کو دھویا پھر اپنے موزوں پر مسح کیا۔ (بخاری شریف ،کتاب المغازی ،بَابُ نُزُولِ النَّبِيِّ صَلَّى اللهُ عَلَيْهِ وَسَلَّمَ الحِجْرَ،حدیث نمبر ٤٤٢١)
حضرت عباس بن سہل بن سعد از ابی حمید انہوں نے کہا: ہم نبی کریم صلی اللّٰہ علیہ وسلم کے ساتھ غزوہ تبوک سے آئے حتیٰ کہ جب ہم مدینہ منورہ کے قریب پہنچے تو آپ علیہ السلام نے فرمایا: یہ طابہ ہے اور یہ اُحد پہاڑ ہے یہ ہم سے محبت کرتا ہے ہم اس سے محبت کرتے ہیں۔ (بخاری شریف ،کتاب المغازی ،بَابُ نُزُولِ النَّبِيِّ صَلَّى اللهُ عَلَيْهِ وَسَلَّمَ الحِجْرَ،حدیث نمبر ٤٤٢٢)
حضرت انس بن مالک رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم غزوہ تبوک سے واپس آئے پس مدینہ منورہ کے قریب پہنچے تو فرمایا: بے شک مدینہ میں ایسے لوگ ہیں کہ تم جہاں بھی روانہ ہوئے اور تم نے جس وادی کو بھی عبور کیا تو وہ تمہارے ساتھ تھے صحابہ نے کہا: یا رسول اللہ صلی اللّٰہ علیہ وسلم ! وہ مدینہ میں ہی تھے؟ آپ نے فرمایا: وہ مدینہ میں ہی تھے کسی عذر نے ان کو روک لیا تھا۔ (بخاری شریف ،کتاب المغازی ،بَابُ نُزُولِ النَّبِيِّ صَلَّى اللهُ عَلَيْهِ وَسَلَّمَ الحِجْرَ،حدیث نمبر ٤٤٢٣)
نبی کریم صلی اللّٰہ علیہ وسلم کا کسری اور قیصر کی طرف مکتوب۔ حضرت ابن عباس رضی اللہ تعالیٰ عنہما نے خبر دی کہ رسول اللہ صلی اللّٰہ علیہ وسلم نے حضرت عبداللہ بن حذافہ السہمی کے ساتھ اپنا مکتوب کسری کی طرف بھیجا، پس آپ نے ان کو حکم دیا کہ وہ مکتوب عظیم البحرین کو دے دیں، پس عظیم البحرین نے یہ مکتوب کسری کو دے دیا جب اس نے اس کو پڑھا تو اس کو ٹکڑے ٹکڑے کر دیا سو میں نے یہ گمان کیا کہ ابن المسیب نے کہا کہ پس رسول اللہ صلی اللّٰہ علیہ وسلم نے ان کے خلاف دعاء ضرر کی کہ ان کے پورے پورے ٹکڑے کر دیئے جائیں۔ (بخاری شریف ،کتاب المغازی ،بَابُ كِتَابِ النَّبِيِّ صَلَّى اللهُ عَلَيْهِ وَسَلَّمَ إِلَى كِسْرَى وَقَيْصَرَ،حدیث نمبر ٤٤٢٤)
حضرت ابی بکرہ رضی اللہ عنہ بیان کرتے ہیں:مجھے اللہ نے اس بات سے نفع پہنچایا جس کو میں نے رسول اللہ صلی اللّٰہ علیہ وسلم سے سنا تھا یہ نفع جنگ جمل کے ایام میں پہنچایا جب کہ قریب تھا کہ میں اصحاب جمل کے ساتھ مل جاتا اور ان کے ساتھ مل کر جنگ کرتا، حضرت ابوبکرہ نے بتایا کہ جب رسول اللہ صلی اللّٰہ علیہ وسلم کو یہ خبر پہنچی کہ اہل فارس نے کسری کی بیٹی کو اپنا حکمران بنالیا تو آپ نے فرمایا: وہ قوم ہر گز فلاح نہیں پاسکے گی جنہوں نے اپنے معاملات کا حاکم عورت کو بنالیا۔ (بخاری شریف ،کتاب المغازی ،بَابُ كِتَابِ النَّبِيِّ صَلَّى اللهُ عَلَيْهِ وَسَلَّمَ إِلَى كِسْرَى وَقَيْصَرَ،حدیث نمبر ٤٤٢٥)
السائب بن یزید بیان کرتے ہیں کہ مجھے یاد ہے کہ جب میں لڑکوں کے ساتھ ثنیۃ الوداع میں رسول اللہ صلی اللّٰہ علیہ وسلم کا استقبال کرنے کے لیے گیا تھا' سفیان نے دوسری بار اس حدیث میں (لڑکوں کے بجائے)بچوں کا لفظ کہا۔ السائب وہ بیان کرتے ہیں کہ مجھے یاد ہے کہ میں بچوں کے ساتھ نبی اکرم صلی اللہ علیہ وسلم کے استقبال کے لیے ثنیۃ الوداع کی طرف نکلا جب آپ غزوہ تبوک سے آرہے تھے۔ (بخاری شریف ،کتاب المغازی ،بَابُ كِتَابِ النَّبِيِّ صَلَّى اللهُ عَلَيْهِ وَسَلَّمَ إِلَى كِسْرَى وَقَيْصَرَ،حدیث نمبر ٤٤٢٦،و حدیث نمبر ٤٤٢٧)
نبی کریم صلی اللّٰہ علیہ وسلم کے مرض اور آپ کی وفات کا بیان۔ اور اللہ تعالیٰ کا یہ ارشاد: بے شک آپ بھی فوت ہونے والے ہیں اور یہ بھی مرنے والے ہیں پھر بے شک تم قیامت کے دن اپنے رب کے سامنے جھگڑا کروگے (الزمر: ۳۱-۳۰) حضرت عائشہ رضی اللہ تعالیٰ عنہا نے کہا کہ جس مرض میں نبی کریم صلی اللّٰہ علیہ وسلم کی وفات ہو گئی تھی اس مرض میں آپ نے فرمایا: اے عائشہ ! میں ہمیشہ اس کھانے کا درد محسوس کرتا رہا ہوں، جو میں نے خیبر میں کھایا تھا اور یہ وہ وقت ہے کہ میں نے اس زہر کے اثر سے اپنے دل کی رگ کے انقطاع کو پایا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٢٨)
حضرت عبداللہ بن عباس رضی اللہ تعالٰی عنہما از أم الفضل بنت الحارث وہ بیان کرتی ہیں کہ میں نے سنا نبی کریم صلی اللّٰہ علیہ وسلم مغرب کی نماز میں المرسلت عرفاً پڑھ رہے تھے پھر اس کے بعد آپ نے ہمیں کوئی نماز نہیں پڑھائی حتی کہ اللہ تعالیٰ نے آپ کی روح قبض فرمالی۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٢٩)
سعید بن جبیر از حضرت ابن عباس رضی اللہ تعالیٰ عنہما کہ حضرت عمر بن الخطاب رضی اللہ عنہ حضرت ابن عباس رضی اللہ تعالیٰ عنہما کو قریب رکھتے تھے تو ان سے حضرت عبدالرحمن بن عوف رضی اللہ عنہ نے کہا: ہمارے تو بیٹے ان جیسے ہیں حضرت عمر رضی اللہ عنہ نے کہا: ( اس کا قرب )اس کے علم کی حیثیت سے ہے پس حضرت عمر رضی اللہ عنہ نے حضرت ابن عباس رضی اللہ تعالیٰ عنہما سے اس آیت کے متعلق سوال کیا : جب اللہ کی مدد اور فتح آجائے گی ( النصر (1) تو حضرت ابن عباس رضی اللہ تعالیٰ عنہما نے بتایا: اس آیت میں رسول اللہ صلی اللّٰہ علیہ وسلم کی اجل کا بیان ہے یہ آپ نے اُن کو خبر دی تھی، حضرت عمر رضی اللہ عنہ نے کہا: میں اس آیت کے متعلق اتنا ہی جانتا ہوں جتنا کہ تم جانتے ہو۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٠)
سعید بن جبیر وہ بیان کرتے ہیں کہ حضرت ابن عباس رضی اللہ تعالٰی عنہما نے کہا: جمعرات کا دن وہ کیسا تھا جمعرات کا دن اس دن رسول اللہ صلی اللّٰہ علیہ وسلم کا درد زیادہ ہو گیا' آپ نے فرمایا: میرے پاس کوئی چیز لاؤ تا کہ میں تمہارے لیے ایسا مکتوب لکھ دوں جس کے بعد تم کبھی بھی گم راہ نہیں ہو گئے پس صحابہ بحث کرنے لگے اور نبی کریم صلی اللّٰہ علیہ وسلم کے پاس بحث کرنی نہیں چاہیے، انہوں نے کہا: آپ کا کیا حال ہے؟ کیا آپ بیماری کی وجہ سے بے معنی کلام کر رہے ہیں؟ آپ سے پوچھ لو پس صحابہ آپ کی بات کا جواب دینے لگئے آپ نے فرمایا: مجھے چھوڑ دو میں، جس حال میں میں ہوں وہ اس سے بہتر ہے جس کی طرف تم مجھے بلا رہے ہو اور آپ نے ان کو تین چیزوں کی وصیت کی، آپ نے فرمایا: مشرکین کو جزیرہ عرب سے نکال دو اور وفد کو اسی طرح انعام دینا جس طرح میں انہیں انعام دیتا تھا اور آپ تیسری وصیت کرنے سے خاموش رہے یا راوی نے کہا: میں اس کو بھول گیا۔ [بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣١]
حضرت ابن عباس رضی اللہ تعالیٰ عنہما بیان کرتے ہیں کہ جب رسول اللہ صلی اللّٰہ علیہ وسلم پر وفات کا وقت قریب آیا اور گھر میں بہت مرد تھے ہیں؟تو نبی کریم صلی اللّٰہ علیہ وسلم نے فرمایا: آؤ! میں تمہیں ایسا مکتوب لکھ دوں جس کے بعد تم گمراہ نہیں ہو گئے تو بعض مردوں نے کہا: رسول اللہ صلی اللّٰہ علیہ وسلم پر درد کا غلبہ ہے اور تمہارے پاس قرآن ہے پس ہمیں کتاب اللہ کافی ہے پس گھر والوں کا اختلاف ہوا تو وہ بحث کرنے لگئے پس ان میں سے بعض نے کہا: آپ کے قریب ایسی چیز لاؤ کہ آپ تمہارے لیے ایسا مکتوب لکھ دیں جس کے بعد تم گمراہ نہ ہو ان میں سے بعض نے اس کے سوا کہا جب بہت زیادہ شور اور اختلاف ہوا تو رسول اللہ صلی اللّٰہ علیہ وسلم نے فرمایا: اُٹھ جاؤ! عبید اللہ نے بتایا کہ ابن عباس رضی اللہ تعالیٰ عنہما یہ کہتے تھے کہ مصیبت پوری پوری مصیبت وہ تھی جو صحابہ کے اختلاف اور ان کے شور کی وجہ سے رسول اللہ صلی اللّٰہ علیہ وسلم کے درمیان اور آپ کے اس مکتوب کے لکھنے کے درمیان حائل ہو گئی۔ [بخاری شریف، کتاب المغازی، بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٢]
حضرت عائشه رضی اللہ عنہا بیان کرتی ہیں کہ نبی اکرم صلی اللہ علیہ وسلم نے سیدہ فاطمہ علیہا السلام کو اپنی اس بیماری میں بلایا جس میں آپ کی وفات ہوگئی تھی، پس آپ نے ان سے چپکے چپکے کوئی بات کہی تو وہ روئیں، آپ نے پھران کو بلایا اور چپکے چپکے کوئی بات کی تو وہ ہنسیں،تو ہم نے حضرت فاطمہ رضی اللہ تعالٰی عنہا سے اس کے متعلق سوال کیا۔ پس سیدہ فاطمہ رضی اللہ تعالٰی عنہا نے بتایا کہ نبی کریم صلی اللّٰہ علیہ وسلم نے مجھ سے چپکے چپکے کہا کہ آپ کی اس بیماری میں وفات ہو جائے گئی تو میں روئی، پھر مجھے چپکے چپکے یہ خبر دی کہ آپ کے گھر والوں میں سے سب سے پہلے میں آپ علیہ السلام کے تابع ہوں گی تو میں ہنسی۔ (بخاری شریف،کتاب المغازی ،باب مرض النبی صلی اللہ علیہ و وفاتۃ، حدیث نمبر ٤٤٣٣،و حدیث نمبر ٤٤٣٤)
حضرت عائشه رضی اللہ عنہا نے بیان کیا کہ میں سنتی تھی کہ نبی کریم صلی اللّٰہ علیہ وسلم اس وقت تک فوت نہیں ہوتا حتی کہ اسے دنیا اور آخرت کے درمیان اختیار دیا جائے، پس میں نے نبی کریم صلی اللّٰہ علیہ وسلم سے سنا آپ اپنی اس بیماری میں فرما رہے تھے جس میں آپ کی وفات ہوگئی، اس وقت آپ کی سانس کی نالی میں کوئی چیز آگئی تھی (جس سے آپ کی آواز بھاری ہو گئی تھی ) آپ یہ آیت تلاوت فرما رہے تھے: ان لوگوں کے ساتھ جن پر اللہ نے انعام فرمایا ہے۔ (النساء (٦٩) پوری آیت پڑھی پس میں نے گمان کیا کہ آپ کو اختیار دے دیا گیا۔ [بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٥)
حضرت عائشہ رضی اللہ تعالیٰ عنہا بیان کرتی ہیں کہ جب نبی کریم صلی اللّٰہ علیہ وسلم اس مرض میں مبتلا ہوئے جس مرض میں آپ کی وفات ہوئی تھی تو آپ یہ فرماتے تھے: الرفیق الاعلیٰ میں۔ [بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٦)
حضرت عائشہ رضی اللہ تعالیٰ عنہا نے بیان کیا کہ جب رسول الله صلی اللہ علیہ وسلم تندرست تھے تو آپ فرماتے تھے: کسی نبی کی روح اس وقت تک قبض نہیں کی گئی حتی کہ جنت میں اس کا ٹھکانا اسے دکھا دیا گیا، پھر اس پر سلام پڑھا جاتا ہے یا اختیار دیا جاتا ہے پھر جب آپ بیمار ہو گئے اور آپ کی وفات قریب آ گئی اور آپ کا سر حضرت عائشہ کے زانو پر تھا تو آپ پر بے ہوشی طاری ہو گئی، پھر جب آپ کو ہوش آیا تو آپ نے اپنی نظر گھر کے چھت کی طرف بلند کی، پھر دعا کی: اے اللہ !الرفیق الاعلیٰ میں، تو میں نے دل میں کہا کہ اب آپ ہمارے ساتھ نہیں رہیں گئے پس میں نے جان لیا یہ اسی حدیث کا مصداق ہے جو آپ ہمیں تندرستی کی حالت میں بیان فرماتے تھے۔ [بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٧]
حضرت عائشہ رضی اللہ تعالیٰ عنہا بیان کرتی ہیں کہ حضرت عبدالرحمن بن ابو بکر رضی اللہ تعالٰی عنہما نبی کریم صلی اللّٰہ علیہ وسلم کے پاس آئے اس وقت نبی کریم صلی اللّٰہ علیہ وسلم کی ٹیک میرے سینہ کی طرف تھی اور حضرت عبدالرحمن رضی اللہ عنہ کے پاس ترو تازہ مسواک تھی، جس سے وہ اپنے دانت صاف کر رہے تھے تو رسول اللہ صلی اللّٰہ علیہ وسلم لگا تار ان کو دیکھتے رہے پس میں نے وہ مسواک لی اس کو اوپر کی طرف سے کاٹا اور اس کو جھاڑا اور اس کو نرم کیا، پھر وہ نبی کریم صلی اللّٰہ علیہ وسلم کو دی تو پھر آپ نے اس سے دانت صاف کیئے سو میں نے کبھی نبی کریم صلی اللّٰہ علیہ وسلم کو اتنے عمدہ طریقہ سے دانت صاف کرتے ہوئے نہیں دیکھا، پس جب رسول اللہ صلی اللّٰہ علیہ وسلم مسواک کرنے سے فارغ ہو گئے تو پھر آپ نے اپنا ہاتھ یا پھر اپنی انگلی اوپر اُٹھائی اور پھر تین مرتبہ یہ دعا کی : الرفیق الاعلیٰ میں، پھر آپ نے اپنی جان جان آفریں کے سپرد کر دی۔ حضرت عائشہ رضی اللہ تعالیٰ عنہا بیان کرتی ہیں کہ جس وقت آپ کی وفات ہوئی اس وقت آپ کا سر مبارک میری ہنسلی اور ٹھوڑی کے درمیان تھا۔ (بخاری شریف،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٨)
عروہ نے خبر دی کہ حضرت عائشہ رضی اللہ تعالیٰ عنہا نے ان کو بتایا کہ رسول اللہ صلی اللّٰہ علیہ وسلم جب بیمار ہوتے تو اپنے اوپر المعوذات پڑھ کر دم کرتے اور اپنا ہاتھ اپنے جسم پر پھیرتے پھر جب آپ اس مرض میں مبتلا ہوئے جس میں آپ کی وفات ہو گئی تھی تو میں آپ کے اوپر المعوذات پڑھ کر دم کرتی اور نبی اکرم صلی اللہ علیہ وسلم کا ہاتھ پکڑ کر آپ کے جسم پر پھیرتی ۔ (بخاری شریف،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٣٩)
عباد بن عبدالله بن الزبیر سے روایت ہے کہ حضرت عائشہ رضی اللہ تعالیٰ عنہا نے ان کو خبر دی کہ انہوں نے نبی کریم صلی اللّٰہ علیہ وسلم سے آپ کی وفات سے پہلے کان لگا کر سنا اس وقت آپ اپنی کمر سے میرے ساتھ ٹیک لگائے ہوئے تھے آپ دعا کر رہے تھے: اے اللہ ! میری مغفرت فرما اور مجھ پر رحم فرما اور مجھے الرفیق کے ساتھ ملا دے۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٠)
حضرت عائشہ رضی الله تعالٰی عنہا بیان کرتی ہیں کہ نبی اکرم صلی اللہ علیہ وسلم نے اپنے اس مرض میں فرمایا جس کے بعد آپ کھڑے نہیں ہوئے: اللہ یہود پر لعنت فرمائے! انہوں نے انبیاء کی قبروں کو سجدہ گاہ بنا لیا' حضرت عائشہ رضی اللہ تعالیٰ عنہا نے کہا: اگر اس بات کا خدشہ نہ ہوتا کہ اسے سجدہ گاہ بنا لیا جائے گا تو آپ کی قبر کو ظاہر کر دیا جاتا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤١)
حضرت عائشہ رضی اللہ تعالیٰ عنہا زوجہ نبی صلی اللہ علیہ وسلم نے بیان کیا کہ جب رسول اللہ صلی اللّٰہ علیہ وسلم کا مرض شدید ہوگیا اور آپ کا مرض زیادہ ہوگیا تو آپ نے اپنی ازواج سے اجازت طلب کی کہ آپ اپنی بیماری کے دن میرے گھر میں گزاریں تو انہوں نے آپ کو اجازت دے دی سو آپ دو مردوں کے درمیان اپنے پیروں کو زمین پر گھسیٹتے ہوئے نکلے حضرت عباس بن عبد المطلب رضی اللہ عنہ اور ایک اور مرد(یعنی حضرت علی رضی اللہ عنہ) کے درمیان،عبید اللہ نے کہا: میں نے حضرت عبداللہ کو خبر دی کہ حضرت عائشہ رضی اللہ تعالیٰ عنہا نے کیا کہا تھا؟تو مجھ سے حضرت عبداللہ بن عباس رضی اللہ تعالیٰ عنہما نے کہا: کیا تم جانتے ہو کہ وہ دوسرا مرد کون تھا جس کا نام حضرت عائشہ رضی اللہ تعالیٰ عنہا نے نہیں لیا ؟ تو میں نے کہا:نہیں! حضرت ابن عباس رضی اللہ تعالیٰ عنہما نے کہا کہ وہ حضرت علی ابن ابی طالب رضی اللہ عنہ تھے اور حضرت عائشہ رضی اللہ تعالیٰ عنہا زوجه نبی کریم صلی اللّٰہ علیہ وسلم بیان کرتی ہیں کہ جب رسول اللہ صلی اللّٰہ علیہ وسلم میرے گھر میں داخل ہوئے اور آپ کو شدید درد تھا تو آپ نے فرمایا:مجھ پر سات ایسی مشکوں کا پانی ڈالو جن کا منہ کھولا نہ گیا ہو شاید میں لوگوں کو کوئی نصیحت کروں پس ہم نے آپ کو حضرت حفصہ رضی اللہ تعالٰی عنہا زوجہ نبی کریم صلی اللّٰہ علیہ وسلم کے ٹب میں بٹھایا پھر ہم نے آپ کے اوپر ان مشکوں کا پانی انڈیلا حتی کہ آپ نے ہماری طرف اشارہ کیا کہ تم نے اپنا کام پورا کر لیا حضرت عائشہ رضی اللہ تعالیٰ عنہا نے بتایا: پھر آپ لوگوں کی طرف گئے اور آپ نے لوگوں کو نماز پڑھائی اور ان کو خطبہ دیا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٢)
حضرت عائشہ رضی اللہ تعالیٰ عنہا اور حضرت عبداللہ بن عباس رضی اللہ تعالیٰ عنہما دونوں نے کہا: جب رسول اللہ صلی اللّٰہ علیہ وسلم پر بیماری آئی تو آپ اپنے چہرہ پر چادر ڈالتے رہے تھے پھر جب آپ کا دم گھٹنے لگتا تو آپ اپنا چہرہ کھول دیتے اور اسی حالت میں آپ فرما رہے تھے اللہ یہود اور نصاری پر لعنت کرے! جنہوں نے انبیاء کی قبروں کو سجدہ گاہ بنا لیا' آپ ان کے کیے ہوئے کاموں سے ڈراتے تھے۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٣, و حدیث نمبر ٤٤٤٤)
(بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٥)
حضرت عائشہ رضی اللہ تعالیٰ عنہا بیان کرتی ہیں کہ نبی اکرم صلی اللہ علیہ وسلم کی وفات ہوئی اور اس وقت آپ میری ہنسلی اور ٹھوڑی کے درمیان میں تھے پس نبی کریم صلی اللّٰہ علیہ وسلم کے بعد میں کسی پر موت کی سختی کو نا پسند نہیں کرتی۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٦)
بشر بن شعیب بن ابوحمزہ نے خبر دی، انہوں نے کہا: مجھے میرے والد نے حدیث بیان کی از الزہری انہوں نے کہا: مجھے عبداللہ بن کعب بن مالک انصاری نے خبر دی اور حضرت کعب بن مالک ان تین صحابہ میں سے ایک تھے جن کی توبہ قبول کی گئی تھی کہ حضرت عبداللہ بن عباس رضی اللہ تعالیٰ عنہما نے ان کو خبر دی کہ حضرت علی بن ابی طالب رضی اللہ عنہ رسول اللہ صلی اللّٰہ علیہ وسلم کے پاس سے اس بیماری میں نکلے جس میں آپ کی وفات ہو گئی تھی تو لوگوں نے کہا: اے ابو الحسن! رسول اللہ صلی اللّٰہ علیہ وسلم کا کیا حال ہے؟ تو انہوں نے بتایا: الحمد للہ ! اب آرام ہے پھر حضرت عباس بن مطلب رضی اللہ عنہ نے حضرت علی رضی اللہ عنہ کا ہاتھ پکڑ کر کہا: اللہ کی قسم ! تم تین دن کے بعد لاٹھی کے بندہ ہو جاؤ گے اور اللہ کی قسم ! بے شک میں رسول اللہ صلی اللّٰہ علیہ وسلم کو دیکھ رہا ہوں وہ اس بیماری میں فوت ہو جائیں گئے کیونکہ میں عبد المطلب کے بیٹوں کے چہروں کو موت کے وقت پہچانتا ہوں' ہمارے ساتھ رسول اللہ صلی اللّٰہ علیہ وسلم کے پاس چلو ہم آپ سے سوال کرتے ہیں کہ خلافت کس کے پاس ہوگی اگر وہ خلافت ہم میں ہے تو ہمیں علم ہو جائے گا اور اگر ہمارے غیر میں ہے تب بھی ہم اسے جان لیں گئے سو آپ ہمیں وصیت کریں گے۔ حضرت علی رضی اللہ عنہ نے کہا: بے شک اللہ کی قسم ! اگر ہم نے رسول اللہ صلی اللّٰہ علیہ وسلم سے خلافت کا سوال کیا، پس آپ نے ہم کو خلافت سے منع کر دیا تو لوگ آپ کے بعد ہمیں کبھی خلافت نہیں دیں گے اور بے شک میں اللہ کی قسم ! رسول اللہ صلی اللّٰہ علیہ وسلم سے خلافت کا سوال نہیں کروں گا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٧)
عقیل نے حدیث بیان کی از ابن شہاب انہوں نے کہا: مجھے انس بن مالک رضی اللہ عنہ نے حدیث بیان کی کہ جس وقت مسلمان پیر کے دن فجر کی نماز پڑھ رہے تھے اور حضرت ابو بکر رضی اللہ عنہ ان کو نماز پڑھا رہے تھے تو ان کو اس بات نے حیران کر دیا کہ رسول الله صلی اللہ علیہ وسلم نے حضرت عائشہ رضی اللہ تعالیٰ عنہا کے حجرہ کا پردہ کھولا پس مسلمانوں کی طرف نظر کی اور وہ اس وقت نماز کی صفوں میں تھے پھر آپ ہنستے ہوئے مسکرائے، حضرت ابوبکر رضی اللہ عنہ اپنی ایڑیوں پر پیچھے ہٹ گئے تا کہ آپ علیہ السلام صف میں مل جائیں اور انہوں نے یہ گمان کیا کہ رسول اللہ صلی اللّٰہ علیہ وسلم نماز کی طرف نکلنا چاہتے ہیں اور مسلمانوں نے رسول اللہ صلی اللّٰہ علیہ وسلم کو دیکھ کر خوشی سے ارادہ کیا کہ اپنی نماز کو توڑ دیں تو ان کی طرف رسول اللہ صلی اللّٰہ علیہ وسلم نے اپنے ہاتھ سے اشارہ کیا کہ تم اپنی نماز کو پورا کرو پھر آپ حجرہ میں داخل ہو گئے اور پردہ لٹکا دیا۔ (بخاری شریف،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٨)
ابو عمرو ذکوان مولی عائشہ رضی اللہ تعالیٰ عنہا نے خبر دی کہ حضرت عائشہ رضی اللہ تعالیٰ عنہا کہتی تھیں کہ مجھ پر اللہ کی نعمتوں میں سے یہ ہے کہ رسول الله صلی اللہ علیہ وسلم میرے گھر میں اور میری باری میں اور میری ہنسلی اور میرے سینہ کے درمیان میں فوت ہوئے اور بے شک اللہ نے آپ کی وفات کے وقت میرے لعاب کو اور آپ کے لعاب کو جمع کر دیا۔حضرت عبدالرحمن رضی اللہ عنہ میرے پاس آئے اور ان کے ہاتھ میں مسواک تھی اور میں رسول اللہ صلی اللّٰہ علیہ وسلم کی ٹیک تھی، پس میں نے دیکھا کہ آپ علیہ السلام مسواک کی طرف دیکھ رہے تھے اور مجھے معلوم تھا کہ آپ مسواک کرنے کو پسند کرتے ہیں، میں نے پوچھا: کیا میں آپ کے لیے مسواک لوں؟ آپ نے سر کے اشارہ سے فرمایا: ہاں ! پس میں نے مسواک لی وہ آپ پر سخت تھی میں نے عرض کیا کہ کیا میں آپ کے لیے نرم کر دوں آپ نے سر کے اشارہ سے فرمایا: ہاں ! سو میں نے اسے نرم کیا اور آپ کے سامنے چھڑے کا یا لکڑی کا برتن تھا جس میں پانی تھا راوی عمر کو اس میں شک ہے آپ اپنے ہاتھوں کو پانی میں داخل کرتے، پھر آپ اپنے ہاتھوں کو اپنے چہرے پر ملتے اور کہتے : لا الہ الا اللہ! بے شک موت کی سختیاں ہیں، پھر آپ اپنا ہاتھ کھڑا کر کے یہ کہتے رہے : الرفیق الاعلیٰ میں، حتی کہ آپ کی روح مبارک قبض کر لی گئی اور آپ کا ہاتھ مبارک گر گیا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٤٩)
ہشام بن عروہ نے حدیث بیان کی انہوں نے کہا: مجھے میرے والد نے حدیث بیان کی وہ روایت کرتے ہیں حضرت عائشہ رضی اللہ تعالیٰ عنہا سے کہ جس بیماری میں رسول اللہ صلی اللّٰہ علیہ وسلم کی وفات ہو گئی' آپ پوچھتے تھے کہ میں کل کہاں ہوں گا؟ میں کل کہاں ہوں گا؟ آپ کا ارادہ حضرت عائشہ رضی اللہ تعالیٰ عنہا کی باری کا تھا تو آپ کی ازواج نے آپ کو اجازت دے دی کہ آپ جہاں چاہیں وہاں رہیں تو آپ حضرت عائشہ رضی اللہ تعالیٰ عنہا کے گھر میں رہے حتیٰ کہ ان ہی کے پاس آپ کی وفات ہو گئی حضرت عائشہ رضی اللہ تعالیٰ عنہا نے بتایا کہ آپ کی وفات اسی دن ہوئی جس دن معمول کے مطابق آپ نے گھوم کر میرے گھر میں آنا تھا، پس اللہ تعالٰی نے آپ کی روح مبارک اس حال میں قبض فرمائی کہ آپ کا سر اقدس میرے سینہ اور میری ہنسلی کے درمیان میں تھا اور آپ کا لعاب دہن میرے لعاب دہن سے مل چکا تھا، پھر حضرت عائشہ رضی اللہ تعالیٰ عنہا نے بتایا کہ حضرت عبدالرحمن بن ابوبکر رضی اللہ تعالٰی عنہما آئے اور ان کے پاس مسواک تھی جس سے وہ دانت صاف کر رہے تھے تو رسول اللہ صلی اللّٰہ علیہ وسلم نے مسواک کی طرف دیکھا تو میں نے کہا: اے عبدالرحمن! مجھے یہ مسواک دو! پس انہوں نے مجھے وہ مسواک دی پس میں نے اس مسواک کو اوپر سے کاٹا، پھر اس کو ( نرم کرنے کے لیے)چبایا پھر میں نے وہ مسواک رسول اللہ صلی اللّٰہ علیہ وسلم کو دی، آپ نے اس حال میں اس سے دانت صاف کیے کہ آپ میرے سینہ کی طرف ٹیک لگائے ہوئے تھے۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥٠)
حضرت عائشہ رضی اللہ تعالیٰ عنہا بیان کرتی ہیں کہ نبی اکرم صلی اللہ علیہ وسلم میرے گھر میں اور میری باری میں اور میرے سینہ اور میری ہنسلی کے درمیان فوت ہوئے اور جب آپ بیمار ہوتے تو ہم ازواج میں سے کوئی ایک آپ کے لیے المعوذات کے ساتھ دعا کرتی تھی تو میں بھی آپ کے لیے المعوذات پڑھ رہی تھی اور آپ نے آسمان کی طرف سر اُٹھایا اور دعا کی: الرفیق الاعلیٰ میں ،الرفیق الاعلیٰ میں ۔حضرت عبد الرحمن بن ابو بکر رضی اللہ تعالٰی عنہما گزرے اور ان کے ہاتھ میں درخت کی تروتازہ شاخ تھی نبی کریم صلی اللّٰہ علیہ وسلم نے اس کی طرف دیکھا تو میں نے گمان کیا کہ آپ کو اس کی ضرورت ہے پس میں نے وہ لے لی اور اس کے سر کو ( کاٹ کر ) چبایا اور اس کو جھاڑا پھر وہ آپ کو دے دی' آپ نے اس سے دانت صاف کیئے جیسے بہت عمدہ طریقہ سے دانت صاف کیئے پھر آپ نے وہ شاخ مجھے دے دی، پھر آپ کا ہاتھ گر گیا یا پھر آپ کے ہاتھ سے وہ شاخ گر گئی تو اللہ تعالی نے دنیا کے آخری دن میں اور آخرت کے پہلے دن میں میرا لعاب دہن اور آپ کا لعاب دہن جمع کر دیا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥١)
ابوسلمہ نے خبر دی کہ ان کو حضرت عائشہ رضی اللہ تعالیٰ عنہا نے خبر دی کہ حضرت ابو بکر رضی اللہ عنہ اپنے گھر جو السنخ میں تھا سے گھوڑے پر سوار ہو کر آئے حتیٰ کہ گھوڑے سے اترے پس مسجد میں داخل ہوئے، پھر لوگوں سے کوئی بات نہیں کی حتیٰ کہ حضرت عائشہ رضی اللہ تعالیٰ عنہا کے پاس آئے، پس رسول اللہ صلی اللّٰہ علیہ وسلم کا قصد کیا اس وقت آپ کو ایک یمنی چادر سے ڈھانپا ہوا تھا، پس انہوں نے آپ کا چہرہ کھولا پھر آپ پر جھک گئے،پس آپ کو بوسا دیا اور روئے، پھر کہا: آپ پرمیرے باپ اور میری ماں قربان ہو! اللہ کی قسم! اللہ آپ پر دو موتوں کو جمع نہیں کرے گا رہی وہ موت جو آپ پر لکھ دی گئی تھی سو آپ نے اس کو پالیا۔الزہری نے کہا: اور مجھے ابو سلمہ نے حدیث بیان کی از عبد الله بن عباس رضی اللہ تعالیٰ عنہما کہ حضرت ابوبکر رضی اللہ عنہ نکلے اور حضرت عمر بن خطاب رضی اللہ عنہ لوگوں سے باتیں کر رہے تھے حضرت ابو بکر رضی اللہ عنہ نے کہا: بیٹھ جاؤ اے عمر! تو حضرت عمر رضی اللہ تعالٰی عنہ نے بیٹھنے سے انکار کیا، پس لوگ حضرت ابوبکر رضی اللہ عنہ کی طرف متوجہ ہو گئے اور انہوں نے حضرت عمر رضی اللہ عنہ کو چھوڑ دیا، پس حضرت ابو بکر رضی اللہ عنہ نے کہا: اما بعد ! تم میں سے جو شخص سیدنا محمد صلی اللّٰہ علیہ وسلم کی عبادت کرتا تھا،تو(سن لو)بے شک سیدنا محمد صلی اللّٰہ علیہ وسلم وفات پا گئے اور بے شک تم میں سے جو شخص اللہ کی عبادت کرتا ہے تو بے شک اللہ زندہ ہے اسے موت نہیں آئے گئی اللہ تعالیٰ فرماتا ہے : اور محمد صلی اللّٰہ علیہ وسلم ( معبود نہیں )صرف(اللہ کے) رسول ہیں ان سے پہلے اور(بھی اللہ کے)رسول ہو چکے۔ یہ آیت شاکرین تک ہے۔(آل عمران: ١٤٤) اور حضرت ابن عباس رضی اللہ تعالیٰ عنہما نے کہا: اور اللہ کی قسم ! گویا کہ لوگوں نے یہ نہیں جانا تھا کہ اللہ تعالیٰ نے یہ آیت نازل کی ہے حتیٰ کہ حضرت ابوبکر رضی اللہ عنہ نے اس آیت کی تلاوت کی، پھر تمام لوگوں نے اس آیت کو حضرت ابوبکر رضی اللہ عنہ سے حاصل کیا، پس لوگوں میں سے جس بشر نے بھی اس آیت کو سنا وہ اس کی تلاوت کر رہا تھا، پس مجھے سعید بن المسیب نے خبر دی کہ حضرت عمر رضی اللہ تعالٰی عنہ نے کہا اللہ کی قسم ! میں نے اس آیت کو صرف حضرت ابوبکر رضی اللہ عنہ کی تلاوت سے سنا پس میں بے ہوش گیا، حتیٰ کہ میری ٹانگیں میرا بوجھ نہیں اٹھا رہی تھیں اور حتیٰ کہ جب میں نے اس آیت کی تلاوت سنی کہ نبی کریم صلی اللّٰہ علیہ وسلم کی وفات ہوگئی تو میں زمین پر گر گیا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥٢،و ٤٤٥٣،و ٤٤٥٤)
امام بخاری روایت کرتے ہیں: مجھے عبداللہ بن ابی شیبہ نے حدیث بیان کی انہوں نے کہا: ہمیں یحیی بن سعید نے حدیث بیان کی از سفیان از موسیٰ بن ابی عائشه از عبید الله بن عبد الله بن عتبہ از حضرت عائشه رضی اللہ عنہا و حضرت ابن عباس رضی اللہ تعالیٰ عنہما وہ بیان کرتے ہیں کہ حضرت ابو بکر رضی اللہ عنہ نے نبی اکرم صلی اللہ علیہ وسلم کی وفات کے بعد آپ کو بوسا دیا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥٥, ٤٤٥٦،٤٤٥٧)
یحییٰ نے حدیث بیان کی اور یہ اضافہ کیا کہ حضرت عائشہ رضی اللہ تعالیٰ عنہا نے بتایا کہ ہم نے نبی کریم صلی اللّٰہ علیہ وسلم کی بیماری میں آپ کے منہ میں (زبردستی)دواء ڈالی تو آپ نے ہماری طرف اشارہ کر کے فرمایا: میرے منہ میں دواء نہ ڈالو تو ہم نے کہا: یہ بیمار کا دواء کو ناپسند کرنا ہے جب آپ صحت یاب ہو گئے تو آپ نے فرمایا: کیا میں نے تم کو منہ میں دواء ڈالنے سے منع نہیں کیا تھا؟ ہم نے کہا: (ہمارے خیال میں)یہ بیمار کا دواء کو ناپسند کرنا ہے آپ نے فرمایا: گھر میں کوئی فرد نہیں بچے گا مگر اس کے منہ میں دواء ڈالی جائے گی اور میں دیکھ رہا ہوں گا سوائے عباس رضی اللہ تعالیٰ عنہ کے کیونکہ وہ اس وقت تمہارے پاس حاضر نہیں تھے۔اس حدیث کی ابن ابی الزناد نے ہشام سے روایت کی ہے از والد خود از حضرت عائشہ رضی الله عنہا از نبی کریم صلی اللّٰہ علیہ وسلم ۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥٨)
الاسود بیان کرتے ہیں کہ حضرت عائشہ رضی اللہ تعالیٰ عنہا کے سامنے یہ ذکر کیا گیا کہ نبی کریم صلی اللّٰہ علیہ وسلم نے حضرت علی رضی اللہ عنہ کی طرف وصیت کی تھی تو حضرت عائشہ رضی اللہ تعالیٰ عنہا نے کہا: یہ بات کس نے کہی ہے؟ حالانکہ میں نے دیکھا کہ نبی کریم صلی اللّٰہ علیہ وسلم نے میرے سینہ کی طرف ٹیک لگائی ہوئی تھی، پھر آپ نے (تھوک کے لیے)تھال منگایا، پھر آپ جھکے، پس آپ کی وفات ہوگی، پس میں نہیں سمجھی کہ آپ نے کس وقت حضرت علی رضی اللہ عنہ کو وصیت کی تھی ۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٥٩)
حضرت طلحہ بیان کرتے ہیں کہ میں نے حضرت عبداللہ بن ابی اوفی رضی اللہ عنہ سے پوچھا: کیا نبی کریم صلی اللّٰہ علیہ وسلم نے وصیت کی تھی ؟ انہوں نے کہا: نہیں! میں نے کہا: پھر لوگوں پر وصیت کس طرح فرض کی گئی ہے یا لوگوں کو کس طرح وصیت کا حکم دیا گیا ہے تو انہوں نے بتایا: آپ نے کتاب اللہ کی وصیت کی تھی ۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٦٠)
عمرو بن الحارث بیان کرتے ہیں کہ رسول اللہ صلی اللّٰہ علیہ وسلم نے نہ کوئی دینار چھوڑا نہ درہم نہ غلام نہ باندی صرف ایک سفید خچر چھوڑی جس پر آپ سوار ہوتے تھے اور آپ کا ہتھیار اور وہ زمین چھوڑی جس کو آپ نے مسافر کے لیے صدقہ کر دیا تھا۔ (بخاری شریف ،کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٦١)
حضرت انس رضی اللہ عنہ نے بیان کیا کہ جب نبی کریم صلی اللّٰہ علیہ وسلم کی تکلیف زیادہ ہو گئی تو آپ نے اپنے آپ کو چادر سے ڈھانپ لیا پس حضرت سیدتنافاطمہ علیہا السلام نے کہا: ہائے میرے والد کی تکلیف تو آپ نے ان سے فرمایا: آج کے بعد تمہارے والد کو کوئی تکلیف نہیں ہوگی جب آپ کی وفات ہوگئی تو حضرت فاطمہ رضی اللہ تعالٰی عنہا نے کہا: اے ابا جان! آپ اپنے رب کے بُلانے پر چلے گئے اے ابا جان! جنت الفردوس آپ کا ٹھکانا ہے اے ابا جان! ہم حضرت جبرئیل علیہ السلام کو آپ کی وفات کی خبر سناتے ہیں جب آپ کو دفن کر دیا گیا تو حضرت فاطمہ علیہا السلام نے کہا: اے انس! کیا رسول اللہ صلی اللّٰہ علیہ وسلم پر مٹی ڈال کر تمہارا دل خوش ہو گیا ؟ (بخاری شریف، کتاب المغازی ،بَابُ مَرَضِ النَّبِيِّ صَلَّى اللهُ عَلَيْهِ وَسَلَّمَ وَوَفَاتِهِ،حدیث نمبر ٤٤٦٢)
الزہری نے کہا: مجھے سعید بن المسیب نے چند اہل علم مردوں میں خبر دی کہ حضرت عائشہ رضی اللہ عنہا نے بتایا کہ جب نبی کریم صلی اللّٰہ علیہ وسلم صحت مند تھے تو آپ فرماتے تھے کہ کسی نبی کی روح اس وقت تک قبض نہیں کی جاتی حتی کہ وہ جنت میں اپنا ٹھکانا دیکھ لئے پھر اس کو (موت کا) اختیار دیا جاتا ہے پس جب آپ پر موت کی بیماری آئی، اس وقت آپ کا سر میرے زانو پر تھا' آپ پر بے ہوشی طاری ہوئی، پھر آپ ہوش میں آئے پھر آپ نے گھر کی چھت کی طرف نظر ڈالی پھر دعا کی: اے اللہ! الرفیق الاعلیٰ( کو میں اختیار کرتا ہوں ) تو میں نے دل میں کہا: اب آپ ہم کو اختیار نہیں کریں گے اور میں نے جان لیا یہ وہی حدیث ہے جو آپ ہمیں تندرستی کی حالت میں بیان فرماتے تھے اور جو آپ نے آخری کلام کیا وہ یہ تھا: اے اللہ ! الرفیق الاعلیٰ, (بخاری شریف ،کتاب المغازی ،بَابُ آخِرِ مَا تَكَلَّمَ بِهِ النَّبِيُّ صَلَّى اللهُ عَلَيْهِ وَسَلَّمَ،حدیث نمبر ٤٤٦٣)
نبی کریم صلی اللّٰہ علیہ وسلم کی وفات کا بیان۔ حضرت عائشه رضی اللہ تعالٰی عنہا و حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم مکہ میں دس سال رہے اور آپ پر قرآن نازل ہوتا رہا اور مدینہ میں دس سال رہے۔ (بخاری شریف ،کتاب المغازی ،بَابُ وَفَاةِ النَّبِيِّ صَلَّى اللهُ عَلَيْهِ وَسَلَّمَ،حدیث نمبر ٤٤٦٤،و حدیث نمبر ٤٤٦٥)
حضرت عائشه رضی اللہ تعالٰی عنہا بیان کرتی ہیں کہ رسول اللہ صلی اللّٰہ علیہ وسلم کی تریسٹھ سال کی عمر میں وفات ہوئی۔ ابن شہاب نے کہا: اور مجھے سعید بن المسیب نے اس کی مثل خبر دی ہے۔ (بخاری شریف ،کتاب المغازی ،بَابُ وَفَاةِ النَّبِيِّ صَلَّى اللهُ عَلَيْهِ وَسَلَّمَ،حدیث نمبر ٤٤٦٦)
حضرت عائشہ رضی اللہ تعالیٰ عنہا بیان کرتی ہیں کہ جس وقت نبی کریم صلی اللّٰہ علیہ وسلم کی وفات ہوئی اس وقت آپ کی زرہ ایک یہودی کے پاس تیس صاع (۱۲۰ سے زائد کلوگرام) کے عوض گروی رکھی ہوئی تھی ۔ (بخاری شریف ،کتاب المغازی ،باب،حدیث نمبر ٤٤٦٧)
نبی کریم صلی اللّٰہ علیہ وسلم کا حضرت اسامہ بن زید رضی اللہ عنہ کو اپنے مرض وفات میں(امیر بنا کر) بھیجنا سالم از والد خود وہ بیان کرتے ہیں کہ نبی اکرم صلی اللہ علیہ وسلم نے حضرت اسامہ رضی اللہ عنہ کو ایک لشکر کا امیر بنایا سو لوگوں نے اس پر نکتہ چینی کی تو نبی کریم صلی اللّٰہ علیہ وسلم نے فرمایا: مجھے یہ خبر پہنچی ہے کہ تم نے اُسامہ پر اعتراض کیا ہے اور بے شک وہ مجھے تمام لوگوں سے زیادہ محبوب ہے۔ (بخاری شریف ،کتاب المغازی ،بَابُ بَعْثِ النَّبِيِّ صَلَّى اللهُ عَلَيْهِ وَسَلَّمَ أُسَامَةَ بْنَ زَيْدٍ رَضِيَ اللَّهُ عَنْهُمَا، فِي مَرَضِهِ الَّذِي تُوُفِّيَ فِيهِ،حدیث نمبر ٤٤٦٨)
حضرت عبداللہ بن عمر رضی اللہ تعالٰی عنہما بیان کرتے ہیں کہ رسول اللہ صلی اللّٰہ علیہ وسلم نے ( شام کی طرف) ایک لشکر بھیجا اور ان پر حضرت اسامہ بن زید رضی اللہ عنہ کو امیر بناد یا تو لوگوں نے ان کی امارت پر اعتراض کیا' تب رسول اللہ صلی اللّٰہ علیہ وسلم نے کھڑے ہو کر فرمایا: اگر تم اس کی امارت پر طعن کر رہے ہو تو تم اس سے پہلے اس کے والد کی امارت پر طعن کر چکے ہو اور اللہ کی قسم ! بے شک وہ ضرور امارت کے لائق تھے اور بے شک وہ میرے نزدیک تمام لوگوں سے زیادہ محبوب تھے اور بے شک یہ ان کے بعد مجھے تمام لوگوں سے زیادہ محبوب ہے۔ (بخاری شریف ،کتاب المغازی ،وَسَلَّمَ أُسَامَةَ بْنَ زَيْدٍ رَضِيَ اللَّهُ عَنْهُمَا، فِي مَرَضِهِ الَّذِي تُوُفِّيَ فِيهِ،حدیث نمبر ٤٤٦٩)
ابن ابی حبیب از ابی الخیر از الصنابحی بیان کرتے ہیں کہ مجھ سے ابوالخیر نے پوچھا: آپ نے کب ہجرت کی تھی ؟ انہوں نے کہا: ہم یمن سے ہجرت کرتے ہوئے آئے پس ہم الجحفہ پر پہنچے کہ ایک سوار سے ہماری ملاقات ہوئی، میں نے ان سے (مدینہ کی خبر پوچھی، اس نے کہا: پانچ روز ہوئے ہم نبی کریم صلی اللّٰہ علیہ وسلم کو دفن کر چکے ہیں، میں نے پوچھا: کیا آپ نے لیلتہ القدر کے متعلق کچھ سنا ہے؟ انہوں نے کہا: ہاں ! مجھے نبی کریم صلی اللّٰہ علیہ وسلم کے مؤذن حضرت بلال رضی اللہ عنہ نے خبر دی کہ وہ آخری عشرہ کے ساتویں دن میں ہے۔ (بخاری شریف ،کتاب المغازی ،باب ،حدیث نمبر ٤٤٧٠)
ابو اسحاق نے کہا: میں نے حضرت زید بن ارقم رضی اللہ عنہ سے سوال کیا: آپ نے رسول اللہ صلی اللّٰہ علیہ وسلم کے ساتھ کتنے غزوہ کیے؟ انہوں نے بتایا: سترہ میں نے پوچھا: نبی کریم صلی اللّٰہ علیہ وسلم نے کتنے غزوہ کیے؟ انہوں نے بتایا: انیس ۔ (بخاری شریف ،کتاب المغازی ،بَابٌ: كَمْ غَزَا النَّبِيُّ صَلَّى اللهُ عَلَيْهِ وَسَلَّمَ؟حدیث نمبر ٤٤٧١)
ابی اسحاق نے کہا: ہمیں حضرت البراء رضی اللہ نے حدیث بیان کی، انہوں نے کہا: میں نے نبی کریم صلی اللّٰہ علیہ وسلم کے ساتھ پندرہ غزوہ کیے۔ (بخاری شریف ،کتاب المغازی ،بَابٌ: كَمْ غَزَا النَّبِيُّ صَلَّى اللهُ عَلَيْهِ وَسَلَّمَ؟حدیث نمبر ٤٤٧٢)
این بریده از والد خود انہوں نے بیان کیا کہ انہوں نے رسول اللہ من ملی ایم کے ساتھ سولہ غزوہ کیے۔ (بخاری شریف ،کتاب المغازی ،بَابٌ: كَمْ غَزَا النَّبِيُّ صَلَّى اللهُ عَلَيْهِ وَسَلَّمَ؟،حدیث نمبر ٤٤٧٣)
Bukhari Shareef : Kitabul Magazi
|
Bukhari Shareef : كِتَابُ الْمَغَازِي
|
•