Bukhari Shareef

تفسیر القرآن کا بیان, الرحمن الرحيم “ یہ دو اسم رحمة " سے ماخوذ ہیں. الرحیم“ اور ” الراحِم " کا ایک معنی ہے جیسے العلیم اور"العالم" - سورۃ الفاتحہ کی تفسیر, اس سورت کا نام ام الکتاب رکھا گیا ہے کیونکہ اس سے مصاحف کو لکھنے کی ابتداء کی جاتی ہے اور اس کی قراءت سے نماز کی ابتداء کی جاتی ہے اور دین کا معنی ہے: خیر اور شر کی جزاء جیسے کہا جاتا ہے: جیسا کروگے ویسا بھرو گے ۔ مجاہد نے کہا: "بالدین " ( الماعون ١،الانفطار : 9) اس کا معنی ہے: حساب ۔ مدینین “ (الواقعہ: ۸۶) اس کا معنی ہے: "محاسبین یعنی جن کا حساب کیا گیا ہو۔ ابوسعید بن المعلیٰ وہ بیان کرتے ہیں کہ میں مسجد میں نمای پڑھ رہا تھا، پس مجھے رسول اللہ صلی اللّٰہ علیہ وسلم نے بلا یا سو میں نہیں گیا ہے میں نے بتایا:یا رسول اللہ صلی اللّٰہ علیہ وسلم میں نماز پڑھ رہا تھا، آپ نے فرمایا :کیا اللہ تعالیٰ نے یہ نہیں فرمایا کہ اللہ اور اس کا رسول جب تمہیں بلائیں تو تم چلے آؤ (الانفال: ۲۴) پھر آپ نے مجھ سے فرمایا: میں تمہیں ضرور ایک سورت کی تعلیم دوں گا جو قرآن کی سورتوں میں سب سے زیادہ عظیم ہے اس سے پہلے کہ تم مسجد سے نکلو پھر آپ نے میرا ہاتھ پکڑا تو جب آپ نے مسجد سے نکلنے کا ارادہ کیا تو میں نے آپ سے عرض کیا: کیا آپ نے نہیں فرمایا تھا کہ میں تم کو قرآن کی سب سے عظیم سورت کی تعلیم دوں گا ؟ آپ نے فرمایا: وہ الْحَمْدُ لِلهِ رَبِّ الْعَلَمِينَ (الفاتحہ ) ہے اور وہی السبع المثانی ہے اور قرآن عظیم ہے جو مجھے دیا گیا ہے۔ (بخاری شریف ،کتاب التفسير ،بَابُ مَا جَاءَ فِي فَاتِحَةِ الكِتَابِ،حدیث نمبر ٤٤٧٤)

غَيْرِ الْمَغْضُوبِ عَلَيْهِمْ وَلَا الضَّالِّينَ" کی تفسیر, حضرت ابو ہریرہ رضی اللہ عنہ بیان کرتے ہیں کہ رسول الله صلی اللہ علیہ وسلم نے فرمایا : جب امام پڑھے: "غَيْرِ الْمَغْضُوبِ عَلَيْهِمْ وَلَا الصَّالِينَ (الفاتحہ: ۷) تو تم کہو : آمین، پس جس کا قول فرشتوں کے قول کے موافق ہو گیا' اس کے تمام پچھلے (صغیرہ) گناہوں کو معاف کر دیا جائے گا۔ (بخاری شریف ،کتاب التفسير، بَابُ {غَيْرِ المَغْضُوبِ عَلَيْهِمْ وَلاَ الضَّالِّينَ} [الفاتحة: 7]حدیث نمبر ٤٤٧٥)

اللہ عز وجل کے ارشاد و علم آدم الاسماء كلها (البقرہ:۳۱) کی تفسیر, حضرت انس رضی اللہ عنہ نبی اکرم صلی اللہ علیہ وسلم سے روایت کرتےہیں کہ آپ علیہ السلام فرماتے ہیں: قیامت کے دن مؤمنین جمع ہوں گئے پس وہ کہیں گے: کاش! ہم کسی کو اپنے رب کی طرف شفاعت کرنے والا بنائیں، پس وہ حضرت آدم علیہ السلام کے پاس جائیں گئے سو وہ کہیں گے : آپ تمام انسانوں کے باپ ہیں اللہ تعالیٰ نے آپ کو اپنے دست قدرت سے پیدا کیا اور آپ کے لیے تمام فرشتوں سے سجدہ کرایا اور آپ کو تمام چیزوں کے نام سکھائے، پس آپ اپنے رب کے پاس ہماری سفارش کیجئے تا کہ آپ ہمیں اس جگہ سے راحت دیں حضرت آدم علیہ السلام فرمائیں گے: میں اس مرتبہ کا نہیں ہوں اور وہ اپنا (ظاہری) گناہ یاد کریں گئے، پس ان کو حیاء آئے گی اور فرمائیں گے تم حضرت نوح علیہ السلام کے پاس جاؤ کیونکہ وہ پہلے رسول ہیں جن کو اللہ تعالیٰ نے تمام روئے زمین والوں کی طرف بھیجا، پس لوگ حضرت نوح علیہ السلام کے پاس آئیں گے اور وہ فرمائیں گے: میں اس مرتبہ کا نہیں ہوں اور ان کو اپنے رب سے کیا ہوا وہ سوال یاد آئے گا جس کا انہیں علم نہیں تھا سو انہیں حیاء آئے گی، پس وہ کہیں گے تم خلیل الرحمٰن یعنی حضرت ابراہیم علیہ السلام کے پاس جاؤ سولوگ ان کے پاس جائیں گئے وہ کہیں گے : میں اس مرتبہ کا نہیں ہوں تم حضرت موسیٰ علیہ السلام کے پاس جاؤ وہ ایسے بندہ ہیں جن سے اللہ نے کلام کیا اور ان کو تورات عطاء فرمائی' پس لوگ ان کے پاس جائیں گے تو وہ کہیں گے : میں اس مرتبہ کا نہیں ہوں اور وہ یاد کریں گے کہ انہوں نے ایک نفس کو بغیر کسی نفس کے بدلہ کے قتل کر دیا تھا، سو ان کو اپنے رب سے حیاء آئے گی، پس وہ کہیں گے: حضرت عیسیٰ علیہ السلام کے پاس جاؤ وہ اللہ کے بندہ اور اس کے رسول ہیں وہ اللہ کا کلمہ ہیں اور اس کی پسندیدہ روح ہیں، پس وہ بھی کہیں گے : میں اس مرتبہ کا نہیں ہوں، تم (سیدنا) محمد صلی اللہ علیہ وسلم کے پاس جاؤ جن کے تمام اگلے اور پچھلے بہ ظاہر خلاف اولی کاموں کو اللہ تعالیٰ نے معاف فرما دیا ہے پس(نبی کریم صلی اللّٰہ علیہ وسلم نے فرمایا) لوگ میرے پاس آئیں گئے پس میں جاؤں گا حتیٰ کہ میں اپنے رب سے اجازت طلب کروں گا تو مجھے اجازت دی جائے گئی، پس جب میں اپنے رب کو دیکھوں گا تو سجدہ میں گر جاؤں گا' پس جب تک اللہ تعالٰی چاہے گا مجھے سجدہ میں چھوڑے رکھے گا، پھر کہا جائے گا: اپنا سر اُٹھائیے اور سوال کیجئے آپ کو دیا جائے گا اور کہئے آپ کی بات سنی جائے گی اور شفاعت کیجئے آپ کی شفاعت قبول کی جائے گئی پس میں اپنا سر اٹھاؤں گا، پھر میں اللہ تعالیٰ کی ان کلمات حمد کے ساتھ تعریف کروں گا جن کی وہ مجھے اس وقت تعلیم دے گا، پھر میں شفاعت کروں گا پھر میری ایک حد مقرر کی جائے گی سو میں ان کو جنت میں داخل کر دوں گا پھر میں اللہ تعالیٰ کی طرف لوٹوں گا پھر جب میں اپنے رب کو دیکھوں گا تو پھر اسی کی مثل ہوگا، پھر میں شفاعت کروں گا تو میرے لیے ایک حد مقرر کی جائے گئی سو میں ان کو جنت میں داخل کر دوں گا پھر میں تیسری مرتبہ لوٹوں گا' پھر میں چوتھی مرتبہ لوٹوں گا، پس میں کہوں گا: اب تو دوزخ میں صرف وہی باقی رہ گئے ہیں جن کو قرآن نے روک لیا ہے اور جن پر خلود اور دوام واجب ہو گیا۔ امام ابو عبد اللہ نے کہا: مگر جن کو قرآن نے روک لیا ہے جن کے متعلق اللہ تعالیٰ کا ارشاد ہے کہ وہ دوزخ میں ہمیشہ رہیں گے ۔ (البقرہ ۱٦٢) (بخاری شریف ،کتاب التفسير ،بَابُ قَوْلِ اللَّهِ: {وَعَلَّمَ آدَمَ الأَسْمَاءَ كُلَّهَا} [البقرة: 31]حدیث نمبر ٤٤٧٦)

مجاہد نے کہا: "الی شیطينهم" یعنی اپنے اصحاب کی طرف جو منافقین اور مشرکین ہیں۔ محيط بالكفرين " یعنی اللہ ان کو جمع کرنے والا ہے۔صبغة“ کا معنی دین ہے۔اللہ سے ڈرنے والوں پر یعنی مؤمنوں پر حق ہے۔مجاہد نے کہا: اس قوت کے ساتھ جس سے اس میں عمل کرے۔اور ابوالعالیہ نے کہا کہ مرض کا معنی شک ہے۔یہ باقی لوگوں کے لیے عبرت ہے۔اس کا معنی ہے: سفیدی نہ تھی یا سفیدی نہ ہو ۔اور دوسروں نے کہا۔تم کو چکھاتے ہیں۔الولاية" جب واؤ پر زبر ہو تو یہ "الولاء“ کا مصدر ہے اور اس کا معنی ربوبیت ہے اور جب واؤ پر زیر ہو ( الولاية ) تو پھر اس کا معنی امارت ہے۔اور بعض مفسرین نے کہا ہے: تمام قسم کے دانے جو کھائے جاتے ہیں وہ سب "فوم" ہیں۔اور قتادہ نے کہا ہے: "فباؤا" کا معنی ہے: وہ اس میں لوٹے۔اور دوسروں نے کہا ہے : یستفتحون “ کا معنی ہے: وہ مدد طلب کرتے تھے۔شروا " یعنی انہوں نے فروخت کیا۔راعنا، رعونة" سے ماخوذ ہے جب وہ ارادہ کرتے کہ کسی انسان کو احمق قرار دیں تو راعنا کہتے تھے۔لَا تَجْزِی کفایت نہیں کرے گا۔خطوات، الخطو“ سے ماخوذ ہے اور اس کا معنی ہے: اس کے قدموں کے نشان ابتکی“ کا معنی ہے۔ اس نے آزمایا۔ اللہ تعالیٰ کے ارشاد: سو تم اللہ کے لیے شرکاء نہ بناؤ حالانکہ تم جانتے ہو ( البقرہ:۲۲) کی تفسیر۔ حضرت عبداللہ رضی اللہ عنہ نے کہا میں نے نبی کریم صلی اللّٰہ علیہ وسلم سے سوال کیا: اللہ تعالیٰ کے نزدیک کون سا گناہ سب سے بڑا ہے؟ آپ نے فرمایا: (وہ یہ ہے کہ ) تم اللہ تعالی کے لیے شریک قرار دو حالانکہ اس نے تم کو پیدا کیا ہے میں نے کہا: یہ بہت سنگین بات ہے میں نے پوچھا: پھر کون سا گناہ سب سے بڑا ہے؟ آپ نے فرمایا: تم اپنے بیٹے کو اس خوف سے قتل کرو کہ وہ تمہارے ساتھ کھائے گا۔ میں نے پوچھا: پھر کون سا گناہ ہے؟ آپ نے فرمایا کہ تم اپنے پڑوسی کی بیوی سے زنا کرو۔ (بخاری شریف ،کتاب التفسير ،بَابُ قَوْلِهِ تَعَالَى: {فَلاَ تَجْعَلُوا لِلَّهِ أَنْدَادًا وَأَنْتُمْ تَعْلَمُونَ} [البقرة: 22], حدیث نمبر ٤٤٧٧)

اللہ تعالیٰ کا ارشاد: اور ہم نے تم پر بادل کا سایہ کیا اور ہم نے تم پر المن اور السلوی نازل کیا،ان پاک چیزوں سے کھاؤ جو ہم نے تم کو دی ہیں اور ہم نے ان پر ظلم نہیں کیا لیکن وہ خود اپنی جانوں پر ظلم کرتے تھے (البقرہ:۵۷) کی تفسیر اور مجاہد نے کہا: المن ایک درخت کا گوند ہے اور سلوی پرندے تھے۔ حضرت سعید بن زید رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا کھنبی( سانپ کی چھتری) بھی من کی قسم من سے ہے اور اس کا پانی آنکھ کے لیے شفاء ہے۔ (بخاری شریف ،کتاب التفسير ،بَابٌ: وَقَوْلُهُ تَعَالَى: {وَظَلَّلْنَا عَلَيْكُمُ الغَمَامَ وَأَنْزَلْنَا عَلَيْكُمُ المَنَّ وَالسَّلْوَى كُلُوا مِنْ طَيِّبَاتِ مَا رَزَقْنَاكُمْ وَمَا ظَلَمُونَا وَلَكِنْ كَانُوا أَنْفُسَهُمْ يَظْلِمُونَ} [البقرة: 57]حدیث نمبر ٤٤٧٨)

اللہ تعالیٰ کے ارشاد کی تفسیر: اور جب ہم نے کہا: اس شہر میں داخل ہو اور اس میں تم جہاں سے چاہو بلا روک ٹوک کھاؤ اور دروازہ میں جھکتے ہوئے داخل ہونا اور یہ کہو( ہمارے گناہ معاف فرما ) تو ہم تمہارے گناہ معاف کر دیں گے اور عنقریب نیکی کرنے والوں کو زیادہ اجر دیں گے ( البقرہ:۵۸) رَغَدًا,اس کا معنی ہے: وسیع اور بہت زیادہ۔ حضرت ابو ہریرہ رضی الله تعالٰی عنہ نبی اکرم صلی اللہ علیہ وسلم سے روایت کرتےہیں کہ آپ علیہ السلام نے فرمایا: بنی اسرائیل سے کہا گیا: دروازے میں جھکتے ہوئے داخل ہونا اور کہنا (ہمارے گناہ) معاف کر دے۔ (البقرہ: ۵۸) تو وہ اپنی سرین کے بل گھسیٹتے ہوئے داخل ہوئے اور ان الفاظ کو بدل کر کہا: "حطة حبة فی شعرة، گندم کا دانہ جو میں۔ (بخاری شریف ،کتاب التفسير ،بَابُ {وَإِذْ قُلْنَا ادْخُلُوا هَذِهِ القَرْيَةَ فَكُلُوا مِنْهَا حَيْثُ شِئْتُمْ رَغَدًا وَادْخُلُوا البَابَ سُجَّدًا وَقُولُوا حِطَّةٌ نَغْفِرْ لَكُمْ خَطَايَاكُمْ -[19]- وَسَنَزِيدُ المُحْسِنِينَ} [البقرة: 58]حدیث نمبر ٤٤٧٩)

اللہ تعالی کا ارشاد: اور جو شخص جبریل علیہ السلام کا دشمن ہے (البقرہ: ۹۷) کی تفسیر۔ اور عکرمہ نے کہا:جبر، ميك اور سراف ان تینوں الفاظ کا معنی بندہ ہے اور لفظ ”ایل “ کا معنی اللہ ہے ( یہ عبرانی زبان کے الفاظ ہیں)۔ حضرت انس رضی اللہ تعالٰی عنہ بیان کرتے ہیں کہ حضرت عبداللہ بن سلام رضی اللہ عنہ جس وقت اپنی زمین میں پھل توڑ رہے تھے تو انہوں نے رسول اللہ صلی اللّٰہ علیہ وسلم کے (مدینہ میں ) تشریف لانے کے متعلق سنا تو نبی کریم صلی اللّٰہ علیہ وسلم کے پاس تشریف لائے اور انہوں نے (آپ سے) کہا: میں آپ سے ان تین چیزوں کے متعلق سوال کرتا ہوں جن کے متعلق صرف نبی کو علم ہوتا ہے ( بتائیے : ) قیامت کی پہلی علامت کیا ہے؟ اور اہل جنت کا پہلا طعام کیا ہو گا ؟! اور بچہ کس وجہ سے اپنے باپ یا ماں کے مشابہ ہوتا ہے؟ آپ نے فرمایا: مجھے ابھی حضرت جبریل علیہ السلام نے ان چیزوں کی خبر دی ہے حضرت عبد اللہ بن سلام رضی اللہ عنہ نے پوچھا: جبریل نے ؟ آپ نے فرمایا: ہاں! انہوں نے کہا: یہ فرشتوں میں سے یہودیوں کا دشمن ہے تب آپ نے یہ آیت پڑھی: "جو شخص جبریل کا دشمن ہے (تو ہوا کرے) کیونکہ اس نے آپ کے قلب کے اوپر (وحی) نازل کیا ہے۔ (البقرہ:۹۷) رہی قیامت کی پہلی علامت تو وہ ایک آگ ہے جو لوگوں کو مشرق سے مغرب کی طرف جمع کرے گئی رہا اہل جنت کا پہلا کھانا تو وہ مچھلی کے جگر کا ٹکڑا ہے اور جب مرد کا پانی عورت کے پانی پر غالب ہوتا ہے تو وہ بچہ کو (اپنی طرف کھینچ لیتا ہے اور جب عورت کا پانی غالب ہوتا ہے تو وہ اپنی طرف کھینچ لیتی ہے۔ حضرت عبداللہ بن سلام رضی اللہ عنہ نے کہا: میں گواہی دیتا ہوں کہ اللہ کے سوا کوئی عبادت کا مستحق نہیں ہے اور میں گواہی دیتا ہوں کہ آپ اللہ کے رسول ہیں، یا رسول اللہ صلی اللّٰہ علیہ وسلم ! بے شک یہود بہتان لگانے والی قوم ہے اور جب ان کو آپ کے سوال کرنے سے پہلے میرے اسلام قبول کرنے کی خبر ہو گی تو وہ مجھ پر بہتان باندھیں گئے پھر یہود آئے تو نبی کریم صلی اللّٰہ علیہ وسلم نے ان سے سوال کیا کہ عبداللہ تم میں کیسا مرد ہے؟ انہوں نے کہا: وہ ہم سب میں اچھے ہیں اور ہم میں سب سے نیک شخص کے بیٹے ہیں اور وہ ہمارے سردار ہیں اور ہمارے: سردار کے بیٹے ہیں، آپ نے پوچھا: یہ بتاؤ کہ اگر عبداللہ بن سلام اسلام قبول کر لیں تو ؟ یہود نے کہا: اللہ ان کو اس سے اپنی پناہ میں رکھے! پھر عبد اللہ بن سلام نے ان کے سامنے آ کر کہا: میں گواہی دیتا ہوں کہ اللہ کے سوا کوئی معبود نہیں اور یہ کہ محمد اللہ کے رسول ہیں۔ انہوں نے کہا: ہم میں سب سے بُرا ہے اور ہم میں سب سے بُرے کا بیٹا ہے اور ان کے نقائص بیان کیئے حضرت عبد اللہ بن سلام رضی اللہ عنہ نے کہا: یا رسول اللہ صلی اللّٰہ علیہ وسلم ! یہ وہ بات ہے جس سے میں ڈرتا تھا۔ (بخاری شریف ،کتاب التفسير ،بَابُ {مَنْ كَانَ عَدُوًّا لِجِبْرِيلَ} [البقرة: 97]حدیث نمبر ٤٤٨٠)

اللہ تعالیٰ کے ارشاد : ہم جس آیت کو منسوخ کرتے ہیں یا اس کو مؤخر کر دیتے ہیں (البقرہ:۱۰٦) کی تفسیر۔ حضرت ابن عباس رضی اللہ تعالیٰ عنہما بیان کرتے ہیں کہ حضرت عمر رضی اللہ عنہ نے کہا: ہم میں سب سے عمدہ قرآن پڑھنے والے حضرت اُبی رضی اللہ عنہ ہیں اور ہم میں سب سے عمدہ فیصلہ کرنے والے حضرت علی رضی اللہ عنہ اور بے شک ہم حضرت اُبی کے قول کو چھوڑتے ہیں اور اس کی وجہ یہ ہے کہ حضرت اُبی رضی اللہ عنہ یہ کہتے تھے: میں ایسی کوئی بات نہیں چھوڑوں گا جس کو میں نے رسول اللہ صلی اللّٰہ علیہ وسلم سے سنا ہو حالانکہ اللہ تعالیٰ نے فرمایا ہے: ”ہم جس آیت کو منسوخ کرتے ہیں یا اس کو مؤخر کرتے ہیں الایۃ ۔ (بخاری شریف ،کتاب التفسير ،بَابُ قَوْلِهِ: {مَا نَنْسَخْ مِنْ آيَةٍ أَوْ نُنْسِهَا نَأْتِ بِخَيْرٍ مِنْهَا} [البقرة: 106]حدیث نمبر ٤٤٨١)

اللہ تعالیٰ کے ارشاد: اور انہوں نے کہا: اللہ تعالیٰ اولاد رکھتا ہے وہ اس سے پاک ہے (البقرہ:۱۱۲) کی تفسیر۔ حضرت ابن عباس رضی الله تعالٰی عنہما نے نبی کریم صلی اللّٰہ علیہ وسلم سے روایت کرتےہیں کہ آپ علیہ السلام نے بیان کیا کہ اللہ تعالیٰ ارشاد فرماتا ہے کہ ابن آدم نے میری تکذیب کی اور اس کو یہ نہیں چاہیے تھا اور ابن آدم نے مجھے گالی دی اور اس کو یہ نہیں چاہیے تھا رہا اس کا میری تکذیب کرنا تو وہ اس کا یہ زعم ہے کہ میں اس کو دوبارہ پیدا کرنے پر قادر نہیں ہوں، جیسے وہ پہلے قادر تھا رہا اس کا مجھے گالی دینا تو وہ اس کا یہ کہنا ہے کہ میری اولاد ہے حالانکہ میں اس سے پاک ہوں کہ میں کسی کو اپنی بیوی بناؤں یا اولا د بناؤں۔ (بخاری شریف ،کتاب التفسير ،بَابُ {وَقَالُوا اتَّخَذَ اللَّهُ وَلَدًا سُبْحَانَهُ} [البقرة: 116]حدیث نمبر ٤٤٨٢)

اللہ تعالیٰ کے ارشاد: جب ابراہیم اور اسماعیل بیت اللہ کی بنیادیں اُٹھا رہے تھے تو وہ دعا کر رہے تھے: اے ہمارے رب! ہماری طرف سے اس کو قبول فرما، بے شک تو بہت سننے والا بہت جاننے والا ہے(البقرہ: ۱۲۷) کی تفسیر, القواعد “ کا معنی ہے: بیت اللہ کی بنیادیں اور اس کا واحد قاعدة “ ہے اور جو بوڑھی عورتیں نکاح کی اُمید نہیں رکھتیں ان کو جو" القواعد" فرمایا ہے ( النور :٦٠) اس کا واحد قاعد “ ہے۔ حضرت عائشہ رضی اللہ تعالیٰ عنہا زوجه نبی کریم صلی اللّٰہ علیہ وسلم بیان کرتی ہیں کہ نبی اکرم صلی اللہ علیہ وسلم نے فرمایا: کیا تم نے نہیں دیکھا کہ جب تمہاری قوم نے کعبہ کو بنایا تو انہوں نے حضرت ابراہیم علیہ السلام کی بنیادوں سے کم رکھا، میں نے کہا: یا رسول اللہ صلی اللّٰہ علیہ وسلم ! کیا آپ ان بنیادوں کو حضرت ابراہیم علیہ السلام کی بنیادوں پر نہیں لوٹا دیتے ؟ آپ نے فرمایا: اگر تمہاری قوم نئی نئی کفر سے نہ نکلی ہوتی ( تو میں ایسا کر دیتا ) حضرت عبداللہ بن عمر رضی اللہ تعالٰی عنہما نے کہا: اگر حضرت عائشہ رضی اللہ تعالیٰ عنہا نے اس حدیث کو رسول اللہ صلی اللّٰہ علیہ وسلم سے سنا ہے تو میرا گمان ہے کہ جو دو رکن حطیم کے قریب ہیں، رسول اللہ صلی اللّٰہ علیہ وسلم نے ان کی تعظیم کو صرف اس لیے ترک کر دیا کہ اس وقت بیت اللہ حضرت ابراہیم علیہ السلام کی بنیادوں پر مکمل نہیں ہوا تھا۔ (بخاری شریف ،کتاب التفسير ،بَابُ {وَإِذْ يَرْفَعُ إِبْرَاهِيمُ القَوَاعِدَ مِنَ البَيْتِ، وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنْتَ السَّمِيعُ العَلِيمُ} [البقرة: 127] "حدیث نمبر ٤٤٨٤)

اللہ تعالیٰ کے ارشاد کہ تم کہو : ہم اللہ پر ایمان لائے اور اس پر جو ہماری طرف نازل کیا گیا (البقرہ: ۱۳٦) کی تفسیر۔ حضرت ابو ہریرہ رضی اللہ عنہ بیان کرتے ہیں کہ اہل کتاب عبرانی زبان میں تورات پڑھتے تھے اور مسلمانوں کے لیے عربی میں اس کی تفسیر کرتے تھے تو رسول اللہ صلی اللّٰہ علیہ وسلم نے فرمایا: اہل کتاب کی تصدیق کرو نہ ان کی تکذیب کرو اور تم کہو : ہم اللہ پر ایمان لائے اور اس پر جو ہماری طرف نازل کیا گیا۔ (البقرہ: ۱۳٦) (بخاری شریف ،کتاب التفسير ،بَابُ {قُولُوا آمَنَّا بِاللَّهِ وَمَا أُنْزِلَ إِلَيْنَا} [البقرة: 136] حدیث نمبر ٤٤٨٥)

اللہ تعالیٰ کے ارشاد:عنقریب جہلاء لوگوں سے کہیں گے: ان مسلمانوں کو اس قبلہ سے کس نے پھیر دیا جس پر یہ پہلے تھے آپ کہیے مشرق اور مغرب الله ہی کی ملکیت ہیں وہ جسے چاہتا ہے صراط مستقیم کی طرف ہدایت دیتا ہے (البقرہ:۱٤٢) کی تفسیر، حضرت براء رضی اللہ عنہ بیان کرتے ہیں کہ نبی اکرم صلی اللہ علیہ وسلم نے سولہ یا سترہ ماہ بیت المقدس کی طرف منہ کر کے نماز پڑھی اور آپ کو یہ پسند تھا کہ بیت اللہ آپ کا قبلہ ہو اور بے شک آپ نے نماز پڑھی یا آپ نے عصر کی نماز پڑھی اور آپ کے ساتھ لوگوں نے نماز پڑھی، پس جن لوگوں نے آپ کے پاس نماز پڑھی تھی ان میں سے ایک مرد اہل مسجد کے پاس سے گزرا اور وہ اس وقت رکوع میں تھے اس نے کہا کہ میں اللہ کو گواہ کر کے کہتا ہوں کہ میں نے نبی کریم صلی اللّٰہ علیہ وسلم کے ساتھ مکہ کی طرف رخ کر کے نماز پڑھی ہے پس وہ لوگ نماز کی اسی حالت میں بیت اللہ کی طرف پھر گئے اور جولوگ بیت اللہ کی طرف نماز میں منہ کرنے سے پہلے فوت ہو گئے تھے یا شہید ہو گئے تھے تو ہم نہیں جانتے تھے کہ ان کے متعلق کیا کہیں تو اللہ تعالیٰ نے یہ آیت نازل فرمائی: اور اللہ تعالی تمہارے ایمان کو (یعنی نمازوں کو ) ضائع کرنے والا نہیں ہے بے شک اللہ لوگوں کے ساتھ بہت شفیق ہے اور بے حد مہربان ہے (البقرہ: ۱٤٣) (بخاری شریف ،کتاب التفسير ،بَابُ قَوْلِهِ تَعَالَى: {سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ الَّتِي كَانُوا عَلَيْهَا قُلْ لِلَّهِ المَشْرِقُ وَالمَغْرِبُ يَهْدِي مَنْ يَشَاءُ إِلَى صِرَاطٍ مُسْتَقِيمٍ} [البقرة: 142] حدیث نمبر ٤٤٨٦)

اللہ تعالیٰ کے ارشاد: اور اسی طرح ہم نے تم کو بہترین اُمت بنایا تا کہ تم لوگوں پر گواہ ہو جاؤ اور یہ رسول تمہارے حق میں گواہ ہو جائیں (البقرہ:۱٤٣) کی تفسیر، حضرت ابوسعید الخدری رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا کہ قیامت کے دن حضرت نوح علیہ السلام کو بلایا جائے گا وہ کہیں گے: اے رب! میں حاضر ہوں! اور اطاعت کے لیے کمر بستہ ہوں اللہ تعالیٰ پوچھے گا: کیا آپ نے تبلیغ کی تھی؟ وہ کہیں گے: جی ہاں ! پس ان کی اُمت سے پوچھا جائے گا: کیا انہوں نے تم کو تبلیغ کی تھی؟ وہ کہیں گے: ہمارے پاس کوئی ڈرانے والا نہیں آیا پس اللہ تعالیٰ حضرت نوح علیہ السلام سے پوچھے گا: آپ کے حق میں کون گواہی دے گا ؟ وہ کہیں گے: (سیدنا) محمد صلی اللہ علیہ وسلم ) اور آپ کی اُمت، پس وہ سب گواہی دیں گے کہ حضرت نوح علیہ السلام نے تبلیغ کی تھی اور رسول تمہارے حق میں گواہ ہوں گے اور یہ اللہ عزوجل کے اس ارشاد کا مصداق ہے: اور اسی طرح ہم نے تم کو بہترین اُمت بنایا تا کہ تم لوگوں پر گواہ ہو جاؤ اور یہ رسول تمہارے حق میں گواہ ہو جائیں ۔ (البقرہ: ۱۴۳) اور "الوسط" کا معنی ہے: "العدل" یعنی بہترین۔ (بخاری شریف ،کتاب التفسير ،بَابُ قَوْلِهِ تَعَالَى: {وَكَذَلِكَ جَعَلْنَاكُمْ أُمَّةً وَسَطًا لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا} [البقرة: 143] حدیث نمبر ٤٤٨٧)

اللہ کے ارشاد: (اے رسول!) جس قبلہ پر آپ پہلے تھے ہم نے اس کو اسی لیے قبلہ بنایا تھا تاکہ ہم ظاہر کر دیں کہ کون رسول کی پیروی کرتا ہے اور اس کو اس سے ممتاز کر دیں جو اپنی ایڑیوں پر پلٹ جاتا ہے اور بے شک جن کو اللہ نے ہدایت دی ہے ان کے سوا سب پر یہ ( قبلہ کا بدلنا ) بھاری ہے اور اللہ کی یہ شان نہیں ہے کہ وہ تمہارے ایمان کو ضائع کرے بے شک اللہ لوگوں پر بہت مہربان ہے بے حد رحم فرمانے والا ہے(البقرہ:۱٤٣) کی تفسیر، حضرت ابن عمر رضی اللہ تعالٰی عنہ بیان کرتے ہیں: جس وقت لوگ صبح کی نماز مسجد قباء میں پڑھ رہے تھے اس وقت ایک شخص نے آ کر کہا کہ اللہ نے نبی کریم صلی اللّٰہ علیہ وسلم پر قرآن نازل کیا کہ کعبہ کی طرف منہ کر لیں تو سب نے کعبہ کی طرف منہ کر لیا، پس سب کعبہ کی طرف متوجہ ہو گئے۔ (بخاری شریف ،کتاب التفسير ،بَابُ قَوْلِهِ: {وَمَا جَعَلْنَا القِبْلَةَ الَّتِي كُنْتَ عَلَيْهَا إِلَّا لِنَعْلَمَ مَنْ يَتَّبِعُ الرَّسُولَ مِمَّنْ يَنْقَلِبُ عَلَى عَقِبَيْهِ وَإِنْ كَانَتْ لَكَبِيرَةً إِلَّا عَلَى الَّذِينَ هَدَى اللَّهُ وَمَا كَانَ اللَّهُ لِيُضِيعَ إِيمَانَكُمْ إِنَّ اللَّهَ بِالنَّاسِ لَرَءُوفٌ رَحِيمٌ} حدیث نمبر ٤٤٨٨)

اللہ تعالیٰ کے ارشاد: بے شک ہم آپ کے چہرے کا آسمان کی طرف اُٹھنا دیکھ رہے ہیں، سو ہم آپ کو اس قبلہ کی طرف ضرور پھیر دیں گے جس پر آپ راضی ہیں، پس آپ اپنا چہرہ مسجد حرام کی طرف پھیر لیں اور (اے مسلمانو !) تم جہاں کہیں بھی ہو اپنا چہرہ اسی کی طرف پھیر لو اور بے شک اہل کتاب کو علم ہے کہ یہ (حکم) ان کے رب کی طرف سے حق ہے اور جو کچھ یہ کر رہے ہیں اللہ اس سے غافل نہیں ہے (البقرہ: ۱٤٤) کی تفسیر۔ حضرت انس رضی اللہ وہ بیان کرتے ہیں کہ میرے سوا ان لوگوں میں سے اب کوئی باقی نہیں بچا جنہوں نے دو قبلوں کی طرف نماز پڑھی تھی۔ (بخاری شریف ،کتاب التفسير ،بَابُ قَوْلِهِ: {قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ المَسْجِدِ الحَرَامِ} [البقرة: 144] حدیث نمبر ٤٤٨٩)

اللہ تعالیٰ کے ارشاد : اور اگر آپ اہلِ کتاب کے پاس ہر قسم کا معجزہ بھی لے کر آئیں، پھر بھی وہ آپ کے قبلہ کی پیروی نہیں کریں گے ( یہ آیت اس کے بعد یہاں تک ہے ) تو بے شک آپ ضرور ظلم کرنے والوں میں سے ہوں گے (البقرہ: ۱٤٥) کی تفسیر، حضرت عبداللہ بن عمر رضی اللہ تعالٰی عنہما بیان کرتے ہیں کہ جس وقت لوگ صبح کو قباء میں نماز پڑھ رہے تھے تو ایک مرد نے آکر کہا: بے شک رسول اللہ صلی اللّٰہ علیہ وسلم پر آج رات قرآن نازل کیا گیا ہے اور آپ کو یہ حکم دیا گیا ہے کہ آپ کعبہ کی طرف منہ کر لیں، سنو ! تم لوگ کعبہ کی طرف منہ کر لو اور لوگوں کا منہ اس وقت شام کی طرف تھا تو انہوں نے اپنا منہ کعبہ کی طرف کر لیا۔ (بخاری شریف ،کتاب التفسير ،بَابُ {وَلَئِنْ أَتَيْتَ الَّذِينَ أُوتُوا الكِتَابَ بِكُلِّ آيَةٍ مَا تَبِعُوا قِبْلَتَكَ} [البقرة: 145] حدیث نمبر ٤٤٩٠)

اللہ تعالیٰ کے ارشاد: جن لوگوں کو ہم نے کتاب دی ہے وہ اس نبی کو اس طرح پہچانتے ہیں جس طرح اپنے بیٹوں کو پہچانتے ہیں اور ان میں سے ایک فریق یقیناً جان بوجھ کر حق چھپاتا ہے (اس کے بعد آیت یہاں تک ہے : ) تم شک کرنے والوں میں سے ہرگز نہ ہونا (البقرہ:١٤٦ تا ١٤٧) کی تفسیر, حضرت ابن عمر رضی اللہ تعالٰی عنہما بیان کرتے ہیں کہ جس وقت قباء میں لوگ صبح کی نماز میں تھے تو ان کے پاس ایک آنے والا آیا پس اس نے کہا: بے شک نبی کریم صلی اللّٰہ علیہ وسلم پر آج رات قرآن نازل ہوا ہے اور آپ کو کعبہ کی طرف منہ کرنے کا حکم دیا گیا ہے سو لوگوں نے کعبہ کی طرف منہ کر لیا اور ان کے منہ شام کی طرف تھے پس لوگ کعبہ کی طرف پھر گئے۔ (بخاری شریف ،کتاب التفسير ،بَابُ {الَّذِينَ آتَيْنَاهُمُ الكِتَابَ يَعْرِفُونَهُ كَمَا يَعْرِفُونَ أَبْنَاءَهُمْ وَإِنَّ فَرِيقًا مِنْهُمْ لَيَكْتُمُونَ الحَقَّ} [البقرة: 146]- إِلَى قَوْلِهِ - {فَلاَ تَكُونَنَّ مِنَ المُمْتَرِينَ} [البقرة: 147]حدیث نمبر ٤٤٩١)

اللہ تعالیٰ کے ارشاد: اور ہر ایک کے لیے ایک سمت ہے جس کی طرف وہ (نماز میں ) منہ کرتا ہے سو تم نیکیوں میں دوسروں سے آگے نکلو تم جہاں کہیں بھی ہو گے اللہ تم سب کو لے آئے گا بے شک اللہ ہر چیز پر قادر ہے۔ (البقرہ:۱٤٨) کی تفسیر, حضرت البراء رضی اللہ عنہ بیان کرتے ہیں: ہم نے نبی کریم صلی اللّٰہ علیہ وسلم کے ساتھ سولہ یا سترہ مہینے بیت المقدس کی طرف منہ کر کے نماز پڑھی، پھر آپ کو قبلہ کی طرف پھیر دیا گیا۔ (بخاری شریف ،کتاب التفسير ،بَابُ {وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الخَيْرَاتِ أَيْنَمَا تَكُونُوا يَأْتِ بِكُمُ اللَّهُ جَمِيعًا إِنَّ اللَّهَ عَلَى كُلِّ شَيْءٍ قَدِيرٌ}حدیث نمبر ٤٤٩٢)

اللہ تعالیٰ کے ارشاد: اور (اے رسول!) آپ جہاں سے بھی باہر نکلیں اپنا منہ مسجد حرام کی طرف پھیر لیں اور بے شک یہ ( تحویل قبلہ ) آپ کے رب کی طرف سے برحق ہے اور اللہ تمہارے کاموں سے غافل نہیں ہے (البقرہ: ۱٤٩) کی تفسیر شطرہ " کا معنی ہے: اس کی سمت میں۔ حضرت ابن عمر رضی اللہ تعالٰی عنہما بیان کرتے ہیں: جس وقت لوگ صبح کو قباء میں تھے اس وقت ان کے پاس ایک مرد آیا سو اس نے کہا: آج رات قرآن نازل کیا گیا، پس آپ علیہ السلام کو یہ حکم دیا گیا کہ آپ کعبہ کی طرف منہ کریں، پس تم کعبہ کی طرف منہ کر لو سولوگ اسی حالت میں گھوم کر کعبہ کی طرف متوجہ ہو گئے حالانکہ لوگوں کا چہرہ شام کی طرف تھا۔ (بخاری شریف ،کتاب التفسير ،بَابُ {وَمِنْ حَيْثُ خَرَجْتَ فَوَلِّ وَجْهَكَ شَطْرَ المَسْجِدِ الحَرَامِ وَإِنَّهُ لَلْحَقُّ مِنْ رَبِّكَ وَمَا اللَّهُ بِغَافِلٍ عَمَّا تَعْمَلُونَ} [البقرة: 149] " حدیث نمبر ٤٤٩٣)

اللہ تعالیٰ کے ارشاد: اور (اے رسول!) آپ جہاں سے بھی باہر نکلیں اپنا چہرہ مسجد حرام کی طرف پھیر لیں اور (اے مسلمانو ! ) تم جہاں کہیں بھی ہو ( یہ آیت یہاں تک ہے ) اور تاکہ تم ہدایت پا جاؤں (البقره: ۱۵۰) کی تفسیر, حضرت ابن عمر رضی اللہ تعالٰی عنہما بیان کرتے ہیں کہ جس وقت لوگ قباء میں صبح کی نماز پڑھ رہے تھے اس وقت ایک آنے والا ان کے پاس آیا پس اس نے کہا کہ بے شک رسول اللہ صلی اللّٰہ علیہ وسلم پر آج رات قرآن نازل کیا گیا ہے اور آپ کو یہ حکم دیا گیا ہے کہ آپ کعبہ کی طرف منہ کر لیں، پس لوگوں نے کعبہ کی طرف منہ کر لیا اور ان کے منہ شام کی طرف تھے پس وہی گھوم کر قبلہ کی طرف ہو گئے۔ (بخاری شریف ،کتاب التفسير ،بَابُ {وَمِنْ حَيْثُ خَرَجْتَ فَوَلِّ وَجْهَكَ شَطْرَ المَسْجِدِ الحَرَامِ وَحَيْثُمَا كُنْتُمْ فَوَلُّوا وُجُوهَكُمْ شَطْرَهُ} إِلَى قَوْلِهِ {وَلَعَلَّكُمْ تَهْتَدُونَ} [البقرة: 150] حدیث نمبر ٤٤٩٤)

اللہ تعالیٰ کے ارشاد: بے شک صفا اور مروہ اللہ کی نشانیوں میں سے ہیں، سو جس نے بیت اللہ کا حج یا عمرہ کیا اس پر ان دونوں کا طواف (سعی) کرنے میں کوئی گناہ نہیں ہے اور بے شک جس نے خوشی سے کوئی (نفلی) نیکی کی تو بے شک اللہ جزاء دینے والأخوب جاننے والا ہے (البقرہ:۱۵۸) کی تفسیر۔ شعائر " کا معنی ہے: علامات اور اس کا واحد شعیرہ ہے اور حضرت ابن عباس رضی اللہ تعالیٰ عنہما نے کہا ہے : "الصفوان “ کا معنی ہے: پھر اور الحجارة الملس ( چکنے پتھر ) ان پتھروں کو کہا جاتا ہے جو کسی چیز کو نہ اُگائیں اور اس کا واحد صفوانة “ ہے اور اس کا معنی صاف ہے اور الصفا اس کی جمع ہے۔ ہشام بن عروه از والد خود بیان کرتے ہیں کہ میں نے حضرت عائشہ رضی اللہ تعالیٰ عنہا زوجہ نبی کریم صلی اللّٰہ علیہ وسلم سے کہا اور اس وقت میں کم عمر تھا ( میں نے کہا ) کہ اللہ تبارک و تعالیٰ کے اس ارشاد کے متعلق بتائیے: بے شک صفا اور مروہ اللہ کی نشانیوں میں سے ہیں، سو جس نے بیت اللہ کا حج یا عمرہ کیا اس پر ان دونوں کا طواف (سعی) کرنے میں کوئی گناہ نہیں ہے۔ (البقرہ: ۱۵۸) پس میں کسی پر کوئی حرج نہیں سمجھتا اگر وہ صفا اور مروہ کے درمیان طواف نہ کرے تو حضرت عائشہ رضی اللہ تعالیٰ عنہا نے فرمایا ہر گز نہیں ! اگر اس طرح ہوتا جس طرح تم کہہ رہے ہو تو یہ آیت اس طرح ہوتی اس پر کوئی حرج نہیں ہے جو صفا اور مروہ کے درمیان طواف نہ کرئے یہ آیت ان انصار کے متعلق نازل ہوئی ہے جو منات(بت)کے لیے احرام باندھتے تھے اور منات کا بت قدید سے متوازی تھا اور لوگ صفا اور مروہ کے درمیان طواف کرنے میں حرج سمجھتے تھے، پس جب اسلام کے احکام آ گئے تو انہوں نے رسول اللہ صلی اللّٰہ علیہ وسلم سے اس کے متعلق سوال کیا تو اللہ تعالیٰ نے یہ آیت نازل فرمائی: بے شک صفا اور مروہ اللہ کی نشانیوں میں سے ہیں سوجس نے بیت اللہ کا حج یا عمرہ کیا اس پر ان دونوں کا طواف (سعی) کرنے میں کوئی گناہ نہیں ہے۔ (البقرہ ۱۵۸) (بخاری شریف ،کتاب التفسير ،بَابُ قَوْلِهِ: {إِنَّ الصَّفَا وَالمَرْوَةَ مِنْ شَعَائِرِ اللَّهِ فَمَنْ حَجَّ البَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ} [البقرة: 158] " حدیث نمبر ٤٤٩٥)

عاصم بن سلیمان نے کہا: میں نے حضرت انس بن مالک رضی اللہ عنہ سے الصفا اور المروہ کے متعلق سوال کیا تو انہوں نے بتایا کہ ہم یہ سمجھتے تھے کہ صفا اور مروہ کے درمیان طواف کرنا جاہلیت کے کاموں میں سے ہے پھر جب اسلام کے احکام آ گئے تو ہم ان کے درمیان طواف کرنے سے رُک گئے تب اللہ عزوجل نے یہ آیت نازل فرمائی: بے شک صفا اور مروہ اللہ کی نشانیوں میں سے ہیں سو جس نے بیت اللہ کا حج یا عمرہ کیا اس پر ان دونوں کا طواف (سعی) کرنے میں کوئی گناہ نہیں ہے۔ (البقرہ: ۱۵۸) (بخاری شریف ،کتاب التفسير ،بَابُ قَوْلِهِ: {إِنَّ الصَّفَا وَالمَرْوَةَ مِنْ شَعَائِرِ اللَّهِ فَمَنْ حَجَّ البَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ} [البقرة: 158] "حدیث نمبر ٤٤٩٦)

اللہ تعالیٰ کے ارشاد: اور کچھ لوگ اللہ کے سوا اور معبود بنالیتے ہیں کہ انہیں اللہ کی طرح محبوب رکھتے ہیں (البقرہ ۱۹۵) کی تفسیر، اندادا “ کا معنی ہے: ” اضدادا “ اور اس کا واحد" ند“ہے۔ عبداللہ بیان کرتے ہیں کہ نبی اکرم صلی اللہ علیہ وسلم نے ایک بات کہی اور میں نے دوسری بات کہی نبی کریم صلی اللّٰہ علیہ وسلم نے فرمایا:جو شخص اس حال میں مرا کہ وہ اللہ کے سوا کسی اور کی عبادت کرتا تھا تو وہ دوزخ میں داخل ہو گا اور میں نے یہ کہا کہ جو شخص اس حال میں مرا کہ وہ کسی کو اللہ کا شریک قرار دے کر اس کی عبادت نہیں کرتا تھا تو وہ جنت میں داخل ہو گا۔ (بخاری شریف ،کتاب التفسير ،بَابُ قَوْلِهِ: {وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ} [البقرة: 165] « حدیث نمبر ٤٤٩٧)

اللہ تعالیٰ کے ارشاد: اے ایمان والو! تم پر مقتولین کے خون ( ناحق ) کا بدلہ لینا فرض کیا گیا ہے آزاد کے بدلہ آزاد اور یہ آیت: درد ناک عذاب تک ہے ( البقرہ:۱۷۸) کی تفسیر عفی " کا معنی ہے: قصاص لینے کو ترک کر دیا گیا۔ حضرت ابن عباس رضی اللہ تعالیٰ عنہما کہتے ہیں کہ بنی اسرائیل میں قصاص تھا اور ان میں دیت نہیں تھی تو اللہ تعالٰی نے اس اُمت کے لیے فرمایا: تم پر مقتولین کے خون (ناحق) کا بدلہ لینا فرض کیا گیا ہے آزاد کے بدلہ آزاد غلام کے بدلہ غلام اور عورت کے بدلہ عورت سوا جس (قاتل) کے لیے اس کے بھائی کی طرف سے کچھ معاف کر دیا گیا۔ (البقرہ: ۱۷۸) پس معاف کرنے کا معنی یہ ہے کہ قتل عمد میں دیت کو قبول کرلے تو (اس کا ) دستور کے مطابق مطالبہ کیا جائے اور نیکی کے ساتھ اس کی ادائیگی کی جائے۔ (البقرہ:۱۷۸) پس دستور کے مطابق دیت کی اتباع کرے اور احسان کے ساتھ دیت ادا کی جائے: یہ (حکم) تمہارے رب کی طرف سے تخفیف اور رحمت ہے۔ (البقرہ: ۱۷۸) یہ حکم ان احکام میں سے ہے جن کو تم سے پہلے فرض کیا گیا تھا: پھر اس کے بعد جو حد سے تجاوز کرے اس کے لیے درد ناک عذاب ہے (البقرہ: ۱۷۸) یعنی جس نے دیت قبول کرنے کے بعد قاتل کو قتل کر دیا۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ القِصَاصُ فِي القَتْلَى الحُرُّ بِالحُرِّ} [البقرة: 178] إِلَى قَوْلِهِ {عَذَابٌ أَلِيمٌ} [البقرة: 10] حدیث نمبر ٤٤٩٨)

حضرت انس رضی اللہ عنہ نے حدیث بیان کی از نبی کریم صلی اللّٰہ علیہ وسلم کہ آپ علیہ السلام نے فرمایا: کتاب اللہ میں قصاص کا حکم ہے۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ القِصَاصُ فِي القَتْلَى الحُرُّ بِالحُرِّ} [البقرة: 178] إِلَى قَوْلِهِ {عَذَابٌ أَلِيمٌ} [البقرة: 10]حدیث نمبر ٤٤٩٩)

حضرت انس رضی اللہ عنہ بیان کرتے ہیں کہ الربیع جو ان کی پھوپھی ہیں، انہوں نے ایک باندی کا سامنے کا دانت توڑ دیا انہوں نے اس باندی سے معافی طلب کیا تو انہوں نے انکار کر دیا پھر انہوں نے دیت کو پیش کیا' تب بھی انہوں نے انکار کر دیا پھر وہ لوگ رسول اللہ صلی اللّٰہ علیہ وسلم کے پاس آئے اور سوائے قصاص کے ہر صورت کا انکار کر دیا تو رسول اللہ صلی اللّٰہ علیہ وسلم نے قصاص لینے کا حکم دیا تو حضرت انس بن النضر نے کہا: یا رسول اللہ صلی اللّٰہ علیہ وسلم ! کیا الربیع کا دانت توڑا جائے گا؟ نہیں! اس ذات کی قسم جس نے آپ کو حق دے کر بھیجا ہے! اس کا دانت نہیں تو ڑا جائے گا تب رسول اللہ صلی اللّٰہ علیہ وسلم نے فرمایا: اے انس! کتاب اللہ میں قصاص کا حکم ہے، پھر وہ لوگ راضی ہو گئے اور انہوں نے معاف کر دیا تب رسول اللہ صلی اللّٰہ علیہ وسلم نے فرمایا: بے شک اللہ کے بعض بندے ایسے ہیں کہ اگر وہ اللہ کے متعلق کسی کام کرنے کے متعلق قسم کھا لیں تو اللہ ان کو ان کی قسم میں سچا کر دیتا ہے۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ القِصَاصُ فِي القَتْلَى الحُرُّ بِالحُرِّ} [البقرة: 178] إِلَى قَوْلِهِ {عَذَابٌ أَلِيمٌ} [البقرة: 10]حدیث نمبر ٤٥٠٠)

اللہ تعالیٰ کے ارشاد : اے ایمان والو! تم پر روزے رکھنا فرض کیا گیا ہے جس طرح تم سے پہلے لوگوں پر روزے رکھنا فرض کیا گیا تھا تا کہ تم متقی بن جاؤں (البقرہ:۱۸۳) کی تفسیر, حضرت ابن عمر رضی اللہ تعالٰی عنہما بیان کرتے ہیں کہ عاشوراء ( ۰ امحرم ) کے دن اہل جاہلیت روزہ رکھتے تھے، پھر جب رمضان کا مہینہ آیا تو آپ نے فرمایا کہ جو چاہے عاشوراء کا روزہ رکھے اور جو چاہے عاشوراء کا روزہ نہ رکھے۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة: 183] حدیث نمبر ٤٥٠١)

حضرت عائشہ رضی اللہ تعالیٰ عنہا بیان کرتی ہیں کہ رمضان سے پہلے عاشوراء کا روزہ رکھا جاتا تھا، پس جب رمضان آیا تو آپ نے فرمایا: جو چاہے عاشوراء کا روزہ رکھے اور جو چاہے روزہ نہ رکھے۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة: 183]حدیث نمبر ٤٥٠٢)

حضرت عبداللہ بیان کرتے ہیں کہ ان کے پاس حضرت اشعث آئے اور وہ کھانا کھا رہے تھے حضرت اشعث نے کہا: آج تو عاشوراء کا دن ہے حضرت عبداللہ نے کہا: رمضان کے روزوں کی فرضیت سے پہلے اس دن کا روزہ رکھا جاتا تھا، پس جب رمضان کے روزوں کی فرضیت نازل ہوئی تو اس دن کا روزہ ترک کر دیا گیا، پس قریب آؤ سو کھاؤ۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة: 183]حدیث نمبر ٤٥٠٣)

حضرت عائشہ رضی اللہ تعالیٰ عنہا بیان کرتی ہیں کہ زمانہ جاہلیت میں قریش عاشوراء کے دن کا روزہ رکھتے تھے اور نبی کریم صلی اللّٰہ علیہ وسلم بھی اس دن روزہ رکھتے تھے پس جب آپ مدینہ منورہ آئے تو آپ نے اس دن کا روزہ رکھا اور اس کا حکم دیا پھر جب رمضان کی فرضیت نازل ہو گئی تو رمضان کے روزے فرض ہو گئے اور عاشوراء کا روزہ ترک کر دیا گیا' پس جو چاہتا اس دن کا روزہ رکھتا اور جو چاہتا اس دن کا روزہ نہ رکھتا۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة: 183]حدیث نمبر ٤٥٠٤)

اللہ تعالیٰ کے ارشاد: معدودے چند دنوں میں سو جو شخص تم میں سے بیمار ہو یا مسافر (اور روزے نہ رکھے ) تو دوسرے دنوں میں عدد ( پورا کرنا لازم ہے ) اور جن لوگوں پر روزے رکھنا دشوار ہو ( ان پر ایک روزہ کا فدیہ ایک مسکین کا کھانا ہے پھر جو خوشی سے فدیہ کی مقدار بڑھا کر زیادہ نیکی کرے تو یہ اس کے لیے زیادہ بہتر ہے اور اگر تمہیں علم ہو تو روزہ رکھنا تمہارے لیے زیادہ بہتر ہے( البقرہ:۱۸٤) کی تفسیر۔ اور عطاء نے کہا ہر مرض کی وجہ سے روزہ چھوڑ دے جیسا کہ اللہ تعالیٰ کا ارشاد ہے: اور حسن اور ابراہیم نے دودھ پلانے والی اور حاملہ عورت کے متعلق کہا: جب ان دونوں کو اپنی جان پر خطرہ ہو یا اپنے بچے کی جان پر خطرہ ہو تو یہ دونوں روزہ چھوڑ دیں، پھر دونوں روزے کی قضاء کریں۔ رہا بہت بوڑھا آدمی تو جب وہ روزے کی طاقت نہ رکھتا ہو تو حضرت انس رضی اللہ عنہ نے بہت بوڑھے ہونے کے بعد ایک سال یا دو سال تک ہر روز ایک مسکین کو روٹی اور گوشت اور روزہ چھوڑ دیا اور عامہ کی قراءت ہے: يُطِيقُونَہ یعنی جو روزے کی طاقت رکھیں اور یہ اکثر ہے۔ عمرو بن دینار نے حدیث بیان کی از عطاء انہوں نے حضرت ابن عباس رضی اللہ تعالیٰ عنہما کو یہ آیت پڑھتے ہوئے سنا: اور جن لوگوں پر روزے رکھنا دشوار ہو ( ان پر ایک روزے کا فدیہ ایک مسکین کا کھانا ہے (انہوں نے يُطِيقُونَهُ" کو باب تفصیل سے پڑھا) حضرت ابن عباس رضی اللہ تعالیٰ عنہما نے کہا: یہ آیت منسوخ نہیں ہے اور ان لوگوں سے مراد بہت بوڑھا مرد اور بہت بوڑھی عورت ہے، جو روزہ رکھنے کی (آسانی سے) طاقت نہ رکھیں تو وہ ہر دن کے روزے کے بدلہ میں ایک مسکین کو کھانا کھلائیں۔ (بخاری شریف ،کتاب التفسير ،بَابُ قَوْلِهِ: {أَيَّامًا مَعْدُودَاتٍ فَمَنْ كَانَ مِنْكُمْ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ، وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ، فَمَنْ تَطَوَّعَ خَيْرًا, حدیث نمبر ٤٥٠٥)

اللہ تعالیٰ کے ارشاد: سو تم میں سے جو شخص اس مہینہ میں موجود ہو وہ ضرور اس ماہ کر روزے رکھے (البقرہ: ۱۸۵) کی تفسیر, حضرت ابن عمر رضی اللہ تعالٰی عنہما نے پڑھا: "فِدْيَةٌ طَعَامُ مَسَاكِينَ “ ( مساکین کے طعام کا فدیہ ) انہوں نے کہا: یہ منسوخ ہے۔ (بخاری شریف ،کتاب التفسير ،بَابُ {فَمَنْ شَهِدَ مِنْكُمُ الشَّهْرَ فَلْيَصُمْهُ} [البقرة: 185]حدیث نمبر ٤٥٠٦)

سلمہ بیان کرتے ہیں کہ جب یہ آیت نازل ہوئی کہ جو لوگ روزے کی طاقت رکھتے ہوں ان پر ایک مسکین کے طعام کا فدیہ ہے؟ (البقرہ: ۱۸٤) پھر جو روزہ چھوڑنا چاہتا وہ فدیہ دے دیتا حتیٰ کہ وہ آیت نازل ہوئی جو اس کے بعد ہے اور اس نے اس کو منسوخ کر دیا۔ امام ابو عبد اللہ نے کہا: بکیر کی وفات یزید سے پہلے ہوئی تھی (بخاری شریف ،کتاب التفسير ،بَابُ {فَمَنْ شَهِدَ مِنْكُمُ الشَّهْرَ فَلْيَصُمْهُ} [البقرة: 185]حدیث نمبر ٤٥٠٧)

اللہ تعالیٰ کے ارشاد: تمہارے لیے روزہ کی رات میں اپنی بیویوں کے پاس جانا حلال کر دیا گیا، وہ تمہارے لیے لباس ہیں اور تم ان کے لیے لباس ہو، اللہ کو علم ہے کہ تم اپنے نفسوں میں خیانت کرتے تھے سو اللہ نے تمہاری توبہ قبول فرمائی اور تمہیں معاف کر دیا سو اب تم چاہو تو ان سے عمل زوجیت کرو اور جو اللہ نے تمہارے لیے مقدر کر دیا ہے اس کو طلب کرو (البقرہ:۱۸۷) کی تفسیر، ابی اسحاق بیان کرتے ہیں کہ میں نے حضرت البراء رضی اللہ عنہ سے سنا کہ جب رمضان کے روزوں کی فرضیت نازل ہوئی تو لوگ پورے رمضان کے مہینے میں عورتوں کے قریب نہیں جاتے تھے اور بعض لوگ اپنے نفسوں سے خیانت کرتے تھے تب اللہ تعالٰی نے یہ آیت نازل فرمائی: اللہ کو علم ہے کہ تم اپنے نفسوں میں خیانت کرتے تھے سو اللہ نے تمہاری توبہ قبول فرمائی اور تمہیں معاف کر دیا۔ (بخاری شریف ،کتاب التفسير ،بَابُ {أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَائِكُمْ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ عَلِمَ اللَّهُ أَنَّكُمْ كُنْتُمْ تَخْتَانُونَ أَنْفُسَكُمْ فَتَابَ عَلَيْكُمْ وَعَفَا عَنْكُمْ فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ} [البقرة: 187] حدیث نمبر ٤٥٠٨)

اللہ تعالیٰ کے ارشاد: اور کھاتے پیتے رہو یہاں تک کہ فجر کا سفید دھاگا ( رات کے ) سیاہ دھاگے سے ممتاز ہو جائے پھر روزہ کو رات آنے تک پورا کرو اور جب تم مسجدوں میں معتکف ہو تو ( کسی وقت بھی) اپنی بیویوں سے عمل زوجیت نہ کرو یہ آیت یہاں تک ہے تاکہ وہ متقی بن جائیں (البقرہ:۱۸۷) کی تفسیر، العكف ( الج:۲۵) کا معنی ہے مقیم ۔ حضرت عدی رضی اللہ عنہ بیان کرتے ہیں کہ عدی نے سفید دھاگا لیا اور کالا دھاگا لیا، پس جب رات کا کچھ حصہ گزر جاتا تو وہ دیکھتے، پس جب وہ ایک دوسرے سے ممتاز نہیں ہوئے ( تو وہ کھاتے رہتے ) پس جب صبح ہوئی تو انہوں نے کہا: یا رسول اللہ صلی اللّٰہ علیہ وسلم ! میں نے اپنے تکیہ کے نیچے دو دھاگے رکھ لیے آپ نے فرمایا: تمہارا تکیہ تو بہت چوڑا ہے جب سفید دھاگا اور کالا دھاگا تمہارے تکیہ کے نیچے ہے۔ (بخاری شریف ،کتاب التفسير ،بَابُ قَوْلِهِ: {وَكُلُوا وَاشْرَبُوا حَتَّى يَتَبَيَّنَ لَكُمُ الخَيْطُ الأَبْيَضُ مِنَ الخَيْطِ الأَسْوَدِ مِنَ الفَجْرِ ثُمَّ أَتِمُّوا الصِّيَامَ إِلَى اللَّيْلِ وَلاَ تُبَاشِرُوهُنَّ وَأَنْتُمْ عَاكِفُونَ فِي المَسَاجِدِ} [البقرة: 187] " حدیث نمبر ٤٥٠٩)

حضرت عدی بن حاتم رضی اللہ عنہ بیان کرتے ہیں: میں نے عرض کیا: یا رسول اللہ صلی اللّٰہ علیہ وسلم! سفید دھاگے سے کالا دھاگا کس طرح ہے، کیا یہ دونوں دھا گے ہیں؟ آپ نے فرمایا: بے شک تمہاری گدی بہت چوڑی ہے اگر تم نے ان دونوں دھاگوں کو دیکھ لیا' پھر آپ نے فر مایا نہیں! بلکہ وہ رات کی سیاہی اور دن کی سفیدی ہے۔(مراد ہے) (بخاری شریف ،کتاب التفسير ،بَابُ قَوْلِهِ: {وَكُلُوا وَاشْرَبُوا حَتَّى يَتَبَيَّنَ لَكُمُ الخَيْطُ الأَبْيَضُ مِنَ الخَيْطِ الأَسْوَدِ مِنَ الفَجْرِ ثُمَّ أَتِمُّوا الصِّيَامَ إِلَى اللَّيْلِ وَلاَ تُبَاشِرُوهُنَّ وَأَنْتُمْ عَاكِفُونَ فِي المَسَاجِدِ} [البقرة: 187] "حدیث نمبر ٤٥١٠)

حضرت سہل بن سعد رضی اللہ عنہ بیان کرتے ہیں کہ یہ آیت نازل ہوئی: اور کھاتے پیتے رہو یہاں تک کہ تمہارے لیے سفید دھاگا ( رات کے ) سیاہ دھاگے سے ممتاز ہو جائے۔ اور فجر کا لفظ نازل نہیں ہوا تھا اور لوگ جب روزہ رکھنے کا ارادہ کرتے تو ان میں سے کوئی شخص اپنی دونوں ٹانگوں میں سفید دھاگا اور کالا دھاگا باندھ لیتا اور اس وقت تک کھاتا رہتا حتیٰ کہ اس کے لیے وہ دھاگے دیکھائی دیتے، پس اللہ نے اس کے بعد فجر کا لفظ نازل فرما دیا تب لوگوں نے جانا کہ اس سے مراد رات اور دن ہے۔ (بخاری شریف ،کتاب التفسير ،بَابُ قَوْلِهِ: {وَكُلُوا وَاشْرَبُوا حَتَّى يَتَبَيَّنَ لَكُمُ الخَيْطُ الأَبْيَضُ مِنَ الخَيْطِ الأَسْوَدِ مِنَ الفَجْرِ ثُمَّ أَتِمُّوا الصِّيَامَ إِلَى اللَّيْلِ وَلاَ تُبَاشِرُوهُنَّ وَأَنْتُمْ عَاكِفُونَ فِي المَسَاجِدِ} [البقرة: 187] "حدیث نمبر ٤٥١١)

اللہ تعالیٰ کے ارشاد : اور یہ کوئی نیکی کا کام نہیں کہ تم گھروں میں پیچھے سے داخل ہو لیکن ( حقیقت میں نیکی اس شخص کی ہے جو تقویٰ اختیار کرے اور گھروں میں ان کے دروازوں سے داخل ہو اور اللہ سے ڈرو تاکہ تم کامیابی حاصل کروہ (البقرہ: ۱۸۹) کی تفسیر حضرت البراء رضی اللہ عنہ بیان کرتے ہیں : جب لوگ زمانہ جاہلیت میں احرام باندھتے تھے تو اپنے گھر کی پچھلی دیوار پھاند کر آتے تھے تب اللہ تعالیٰ نے یہ آیت نازل فرمائی اور یہ کوئی نیکی کا کام نہیں کہ تم گھروں میں پیچھے سے داخل ہوا لیکن (حقیقت میں ) نیکی اس شخص کی ہے جو تقوی اختیار کرے اور گھروں میں ان کے دروازوں سے داخل ہو ۔ (البقرہ: ۱۸۹) (بخاری شریف ،کتاب التفسير ،بَابُ قَوْلِهِ {وَلَيْسَ البِرُّ بِأَنْ تَأْتُوا البُيُوتَ مِنْ ظُهُورِهَا وَلَكِنَّ البِرَّ مَنِ اتَّقَى وَأْتُوا البُيُوتَ مِنْ أَبْوَابِهَا وَاتَّقُوا اللَّهَ لَعَلَّكُمْ تُفْلِحُونَ} [البقرة: 189] حدیث نمبر ٤٥١٢)

اللہ تعالیٰ کے ارشاد: اور ان سے جہاد کرتے رہو حتی کہ فتنه (شرک) نہ رہے اور اللہ ہی کا دین رہ جائے پھر اگر وہ (شرک سے ) باز آجائیں تو صرف ظالموں کو ہی سزادی جائے (البقرہ:۱۹۳) کی تفسیر, ابن عمر رضی الله تعالٰی عنہما بیان کرتے ہیں کہ حضرت ابن الزبیر رضی اللہ عنہ کے فتنہ میں ان کے پاس دو مرد آئے انہوں نے کہا: بے شک لوگ (اپنے دین اور دنیا کو ) ضائع کر رہے ہیں اور آپ ابن عمر رضی اللہ تعالٰی عنہما ہیں اور نبی کریم صلی اللّٰہ علیہ وسلم کے صحابی ہیں، پس آپ کو نکلنے سے کیا چیز مانع ہے؟ تو انہوں نے کہا: مجھے یہ چیز مانع ہے کہ بے شک اللہ نے میرے بھائی کا خون حرام کر دیا ہے تو ان دونوں نے کہا: کیا اللہ تعالیٰ نے یہ نہیں فرمایا: اور ان سے جہاد کرتے رہو تاکہ فتنہ (شرک) نہ رہے۔ (البقرہ: ۱۹۳) تو حضرت عبداللہ بن عمر رضی اللہ تعالٰی عنہما نے کہا: ہم نے قتال کیا حتیٰ کہ فتنہ نہیں رہا اور پورا دین اللہ کے لیے ہو گیا اور تم یہ ارادہ کرتے ہو کہ تم قتال کرو حتیٰ کہ فتنہ واقع ہو اور دین اللہ کے غیر کے لیے ہو جائے۔ اور عثمان بن صالح نے از ابن وہب اضافہ کیا ہے انہوں نے کہا: مجھے فلاں نے خبر دی اور حیوۃ بن شریح نے از بکر بن عمرو المعافری کہ بکیر بن عبد اللہ نے ان کو حدیث بیان کی از نافع کہ ایک مرد حضرت ابن عمر رضی اللہ تعالٰی عنہما کے پاس آیا اس نے کہا: اے ابو عبد الرحمن ! آپ کو کس چیز نے بر انگیختہ کیا کہ آپ ایک سال حج کرتے ہیں اور ایک سال عمرہ کرتے ہیں؟ اور اللہ عزوجل کی راہ میں جہاد کو چھوڑ دیتے ہیں؟ حالانکہ آپ کو معلوم ہے کہ اللہ تعالٰی نے جہاد میں کتنی تاکید کی ہے حضرت ابن عمر رضی اللہ تعالٰی عنہما نے کہا: اے میرے بھتیجے! اسلام کی, بنیاد پانچ چیزوں پر ہے اللہ اور رسول کے اوپر ایمان لانے پر اور پانچ نمازوں پر اور رمضان کے روزوں پر اور زکوۃ ادا کرنے پر اور بیت اللہ کے حج پر، اس نے کہا: اے ابو عبد الرحمن ! کیا آپ نہیں سنتے کہ اللہ تعالیٰ نے اپنی کتاب میں کیا فرمایا ہے؟ اور اگر مومنوں کے دو گروہ باہم جنگ کریں تو ان میں صلح کرا دو پھر اگر ان میں سے ایک گروہ دوسرے پر زیادتی کرے تو زیادتی کرنے والے گروہ سے جنگ کرو حتیٰ کہ وہ اللہ کے حکم کی طرف رجوع کرے (الحجرات (۹) اور ان سے جہاد کرتے رہو حتی کہ فتنہ (شرک) نہ رہے ( البقرہ:۱۹۳) حضرت عبد اللہ بن عمر رضی اللہ تعالٰی عنہما نے کہا : ہم نے رسول اللہ صلی اللّٰہ علیہ وسلم کے عہد میں اس پر عمل کیا اور اس وقت اہلِ اسلام کی تعداد کم تھی، پس مرد کو اس کے دین کی وجہ سے فتنہ میں مبتلا کیا جاتا تھا، وہ اس کو قتل کر دیتے تھے یا عذاب دیتے تھے حتیٰ کہ اہل اسلام کثیر ہو گئے اور فتنہ نہ رہا۔ اس مرد نے کہا: پھر آپ حضرت علی رضی اللہ عنہ اور حضرت عثمان رضی اللہ عنہ کے متعلق کیا کہتے ہیں؟ حضرت عبداللہ بن عمر رضی اللہ تعالٰی عنہما نے کہا: رہے حضرت عثمان رضی اللہ عنہ تو ان کو اللہ تعالیٰ نے معاف فرما دیا اور تم ان کے معاف کیے جانے کو نا پسند کرتے ہو اور رہے حضرت علی رضی اللہ عنہ تو وہ رسول اللہ صلی اللّٰہ علیہ وسلم کے چچا کے بیٹے ہیں اور ان کے داماد ہیں اور اپنے ہاتھ سے اشارہ کر کے کہا: یہ ہے ان کا گھر جہاں تم دیکھ رہے ہو۔ (بخاری شریف ،کتاب التفسير ،بَابُ قَوْلِهِ: {وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ لِلَّهِ فَإِنِ انْتَهَوْا فَلاَ عُدْوَانَ إِلَّا عَلَى الظَّالِمِينَ} [البقرة: 193] حدیث نمبر ٤٥١٣, و ٤٥١٤،و ٤٥١٥)

اللہ تعالیٰ کے ارشاد: اور اللہ کی راہ میں خرچ کرو اور اپنے آپ کو ہلاکت میں نہ ڈالو اور نیکی کرو بے شک اللہ نیکی کرنے والوں سے محبت کرتا ہے (البقرہ: ۱۹۵) کی تفسیر التهلکہ “ اور ہلاک کا ایک معنی ہے۔ حضرت حذیفہ رضی اللہ عنہ بیان کرتے ہیں کہ یہ آیت اور اللہ کی راہ میں خرچ کرو اور اپنے آپ کو ہلاکت میں نہ ڈالو (البقرہ: ۱۹۵) نفقہ کے متعلق یعنی خرچ کرنے کے متعلق نازل ہوئی ہے۔ (بخاری شریف ،کتاب التفسير ،بَابُ قَوْلِهِ {وَأَنْفِقُوا فِي سَبِيلِ اللَّهِ وَلاَ تُلْقُوا بِأَيْدِيكُمْ إِلَى التَّهْلُكَةِ وَأَحْسِنُوا إِنَّ اللَّهَ يُحِبُّ المُحْسِنِينَ} [البقرة: 195] « حدیث نمبر ٤٥١٦)

اللہ تعالیٰ کے ارشاد: پس جو شخص تم میں سے بیمار ہو یا اس کے سر میں کچھ تکلیف ہو ( البقر : ۱۹٦) کی تفسیر، عبداللہ بن معقل نے کہا: میں اس مسجد یعنی مسجد کوفہ میں حضرت کعب بن عجرہ رضی اللہ عنہ کی طرف بیٹھا ہوا تھا، پس میں نے ان سے روزہ کے فدیہ کے متعلق سوال کیا تو انہوں نے کہا: مجھے نبی کریم صلی اللّٰہ علیہ وسلم کے پاس لے جایا گیا اور جوئیں میرے چہرے پر گر رہی تھیں، تو آپ نے فرمایا: مجھے یہ گمان نہیں تھا کہ تم کو یہاں تک تکلیف پہنچ چکی ہے کیا تمہارے پاس ایک بکری نہیں ہے؟ میں نے عرض کیا: نہیں! آپ نے فرمایا کہ تم تین دن کے روزے رکھو یا چھ مسکینوں کو کھانا کھلاؤ ہر مسکین کو نصف صاع ( دوکلو) گندم دو اور اپنا سر مونڈ لو ۔ حضرت کعب بن عجرہ رضی اللہ عنہ نے بتایا کہ یہ حکم خاص میرے لیے نازل ہوا ہے اور یہ تم سب کے لیے عام ہے۔ (بخاری شریف ،کتاب التفسير بَابُ قَوْلِهِ {فَمَنْ كَانَ مِنْكُمْ مَرِيضًا أَوْ بِهِ أَذًى مِنْ رَأْسِهِ} [البقرة: 196] حدیث نمبر ٤٥١٧)

اللہ تعالیٰ کے ارشاد : تو جو شخص حج کے ساتھ عمرہ کو ملائے (البقرہ: ۱۹٦) کی تفسیر، عمران بن حصین رضی اللہ عنہ بیان کرتے ہیں کہ (حج) تمتع کی آیت کتاب اللہ میں نازل ہوئی تو ہم نے رسول الله صلی اللہ علیہ وسلم کے ساتھ حج تمتع کیا اور قرآن میں تمتع کی تحریم نازل نہیں ہوئی اور نہ رسول اللہ صلی اللّٰہ علیہ وسلم نے اس سے منع فرمایا حتیٰ کہ آپ علیہ السلام کی وفات ہوگئی ایک مرد نے اپنی رائے سے جو چاہا کہا۔ (بخاری شریف ،کتاب التفسير ،بَابُ فَمَنْ تَمَتَّعَ بِالعُمْرَةِ إِلَى الحَجِّ حدیث نمبر ٤٥١٨)

اللہ تعالیٰ کے ارشاد: (حج کے دوران )اپنے رب کا فضل ( روزی) تلاش کرنے میں تم پر کوئی حرج نہیں ہے (البقرہ: ۱۹۸) کی تفسیر, حضرت ابن عباس رضی اللہ تعالیٰ عنہما بیان کرتے ہیں کہ عکاظ اور مجنہ اور ذوالحجاز زمانہ جاہلیت کے بازار تھے، پس صحابہ حج کے ایام میں تجارت کرنے میں گناہ سمجھتے تھے پس یہ آیت نازل ہوگئی: (حج کے دوران ) اپنے رب کا فضل ( روزی ) تلاش کرنے میں تم پر کوئی حرج نہیں ہے۔ (البقرہ ۱۹۸) (بخاری شریف ،کتاب التفسير ،بَابُ لَيْسَ عَلَيْكُمْ جُنَاحٌ أَنْ تَبْتَغُوا فَضْلًا مِنْ رَبِّكُمْ،حدیث نمبر ٤٥١٩)

اللہ تعالیٰ کے ارشاد: پھر تم وہیں سے واپس آؤ جہاں سے لوگ واپس آتے ہیں (البقرہ:۱۹۹) کی تفسیر, حضرت عائشہ رضی اللہ تعالٰی عنہا بیان کرتی ہیں کہ قریش اور جو دین میں ان کے قریب تھے وہ مزدلفہ میں وقوف کرتے تھے اور اپنے آپ کو الحمس کہتے تھے اور باقی عرب عرفات میں وقوف کرتے تھے پھر جب اسلام کے احکام آ گئے تو اللہ تعالیٰ نے اپنے نبی کریم صلی اللّٰہ علیہ وسلم کو حکم دیا کہ وہ عرفات میں جائیں اور وہاں وقوف کریں، پھر مزدلفہ میں جائیں، پس یہ اس آیت کا مصداق ہے: پھر تم وہیں سے واپس آؤ جہاں سے لوگ واپس آتے ہیں۔ (البقرہ:۱۹۹) (بخاری شریف ،کتاب التفسير ،بَابُ {ثُمَّ أَفِيضُوا مِنْ حَيْثُ أَفَاضَ النَّاسُ} [البقرة: 199] حدیث نمبر ٹ٤٥٢٠)

حضرت ابن عباس رضی اللہ تعالیٰ عنہما نے کہا: جس شخص نے جب تک عمرہ کا احرام نہیں کھولا وہ بیت اللہ کا (نفلی) طواف کرتا رہے حتیٰ کہ وہ حج کا احرام باندھ لئے پس جب وہ عرفہ کی طرف جانے کے لیے سوار ہو تو اس کو اونٹ گائے اور بکری میں سے جو قربانی میسر ہو وہ قربانی کرے اگر اس کو قربانی میسر نہ ہو تو وہ یوم عرفہ سے پہلے تین دن کے روزے رکھے اور اگر تین دنوں میں سے آخری دن یوم عرفہ ہو تب بھی اس پر کوئی گناہ نہیں، پھر وہ وقوف عرفات کے لیے روانہ ہوں اور وہاں عصر کی نماز سے لے کر اندھیرا پھیلنے تک وقوف عرفات کریں پھر عرفات سے واپس ہوں حتیٰ کہ المزدلفہ میں پہنچ جائیں اور وہاں رات گزاریں اور صبح سے پہلے تک اللہ کا بہت زیادہ ذکر کریں اور اللہ اکبر اور لا الہ الا اللہ بہت زیادہ پڑھیں پھر صبح کو مزدلفہ سے منیٰ کی طرف واپس آئیں کیونکہ لوگ وہیں سے واپس ہوتے ہیں اور اللہ تعالیٰ نے فرمایا ہے: پھر تم وہیں سے واپس آؤ جہاں سے لوگ واپس آتے ہیں اور اللہ سے استغفار کرتے رہو بے شک اللہ بہت بخشنے والا بے حد رحم فرمانے والا ہے (البقرہ 199) حتیٰ کہ تم جمرات میں کنکریاں مارو۔ (بخاری شریف ،کتاب التفسير ،بَابُ {ثُمَّ أَفِيضُوا مِنْ حَيْثُ أَفَاضَ النَّاسُ} [البقرة: 199]حدیث نمبر ٤٥٢١)

اللہ تعالیٰ کے ارشاد : اور ان میں سے بعض وہ ہیں جو کہتے ہیں: اے ہمارے رب! ہمیں دنیا میں اچھائی عطاء فرما اور آخرت میں ( بھی ) اچھائی عطاء فرما اور ہم کو دوزخ کے عذاب سے بچاہ (البقرہ:۲۰۱) کی تفسیر, حضرت انس رضی اللہ عنہ بیان کرتے ہیں کہ نبی اکرم صلی اللہ علیہ وسلم یہ دعا کرتے تھے : اے اللہ ! ہمارے رب ہمیں دنیا میں اچھائی عطاء فرما اور آخرت میں ( بھی ) اچھائی عطاء فرما اور ہمیں دوزخ کے عذاب سے بچا۔ (بخاری شریف ،کتاب التفسير ،باب،حدیث نمبر ٤٥٢٢)

اللہ تعالیٰ کے ارشاد:حالانکہ وہ سب سے زیادہ جھگڑالو ہے(البقرہ:۲۰٤) کی تفسیر، اور عطاء نے کہا کہ النسل سے مراد ہے: جان دار۔ حضرت عائشہ رضی اللہ تعالیٰ عنہا بیان کرتی ہیں کہ رسول اللہ صلی اللّٰہ علیہ وسلم نے فرمایا: اللہ تعالیٰ کے نزدیک سب سے مبغوض شخص وہ ہے جو سب سے زیادہ جھگڑالو ہو۔ اور حضرت عبداللہ نے کہا: ہمیں سفیان نے حدیث بیان کی انہوں نے کہا: مجھے ابن جریج نے حدیث بیان کی از ابن ابی ملیکہ از حضرت عائشہ رضی الان از نبی کریم صلی اللّٰہ علیہ وسلم (بخاری شریف ،کتاب التفسير ،بَابُ {وَهُوَ أَلَدُّ الخِصَامِ} [البقرة: 204]حدیث نمبر ٤٥٢٣)

اللہ تعالیٰ کے ارشاد: کیا تم نے یہ گمان کر لیا ہے کہ تم جنت میں داخل ہو جاؤ گے؟ حالانکہ ابھی تک تم پر ایسی آزمائشیں نہیں آئیں جو تم سے پہلے لوگوں پر آئی تھیں، ان پر آفتیں اور مصیبتیں پہنچیں اور وہ (اس قدر) جھنجھوڑ دیئے گئے کہ (اس وقت کے ) رسول اور ان کے ساتھ ایمان لانے والے پکار اُٹھے کہ اللہ کی مدد کب آئے گی ؟ سنو! بے شک اللہ کی مدد عنقریب آئے گی (البقرہ: ۲۱٤) کی تفسیر۔ ابن ابی ملیکہ کہتے تھے کہ حضرت ابن عباس رضی اللہ تعالیٰ عنہما نے یہ آیت پڑھی: حتی کہ جب رسول ناامید ہونے لگے اور لوگوں نے گمان کیا کہ ان سے جھوٹ بولا گیا تھا (یوسف:۱۱۰) حضرت ابن عباس رضی اللہ تعالیٰ عنہما "کذبوا" کو ذال کی تخفیف کے ساتھ پڑھتے تھے اور پھر انہوں نے یہ آیت تلاوت کی حتیٰ کہ رسول اور ان کے ساتھ ایمان لانے والے پکار اُٹھے اللہ کی مدد کب آئے گی؟ سنو! بے شک اللہ کی مدد عنقریب آئے گی ( البقرہ ۲۱٤) راوی نے کہا: پس میں عروہ بن الزبیر سے ملا اور میں نے ان سے اس بات کا ذکر کیا۔تو انہوں نے کہا: حضرت عائشہ رضی اللہ تعالیٰ عنہما نے کیا: معاذ اللہ ! اللہ کی قسم ! اللہ تعالیٰ نے اپنے رسول سے جس چیز کا بھی وعدہ کیا تو رسول کو یہ یقین تھا کہ ان کی وفات سے پہلے یہ وعدہ پورا ہوگا، لیکن رسولوں پر ہمیشہ آزمائشیں آتی رہیں، حتی کہ انہیں یہ خوف ہوا کہ ان کے اصحاب ان کی تکذیب کریں گئے، پس حضرت عائشہ رضی اللہ تعالیٰ عنہا اس آیت کو پڑھتی تھیں اور رسولوں نے گمان کیا کہ ان کی تکذیب کی جائے گی یعنی وہ کذبوا " کو تشدید کے ساتھ پڑھتی تھیں (كَذَّبُوا )۔ (بخاری شریف ،کتاب التفسير ،بَابُ {أَمْ حَسِبْتُمْ أَنْ تَدْخُلُوا الجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ البَأْسَاءُ وَالضَّرَّاءُ} [البقرة: 214] إِلَى {قَرِيبٌ} [البقرة: 186] حدیث نمبر ٤٥٢٤, و حدیث نمبر ٤٥٢٥)

اللہ تعالیٰ کے ارشاد : تمہاری عورتیں تمہارے ( بیج ڈالنے کے لیے )کھیتیاں ہیں تو تم اپنی کھیتیوں میں جس طرح چاہے آؤ اور اپنے لیے نیک عمل بھیجتے رہو( البقرہ:۲۲۳) کی تفسیر, نافع وہ بیان کرتے ہیں کہ حضرت ابن عمر رضی اللہ جب قرآن مجید پڑھتے تھے تو کسی سے بات نہیں کرتے تھے حتیٰ کہ قراءت سے فارغ ہو جاتے ایک دن میں قرآن مجید لے کر ان کے پاس بیٹھ گیا، پس انہوں نے سورہ بقرہ کی تلاوت شروع کر دی جب وہ اس جگہ پہنچے تو پوچھا: کیا تمہیں معلوم ہے کہ یہ آیت کس کے متعلق نازل ہوئی تھی؟ میں نے کہا: نہیں ! تو انہوں نے بتایا کہ یہ آیت فلاں فلاں کے متعلق نازل ہوئی تھی، پھر آگے پڑھنے لگے۔ نافع از ابن عمر رضی اللہ تعالٰی عنہما سے روایت ہے انہوں نے کہا: قرآن مجید میں ہے: سو تم اپنی کھیتیوں میں جس طرح چاہے آؤ حضرت ابن عمر رضی اللہ تعالٰی عنہما نے کہا: وہ اس کی فرج میں دخول کرے ) ۔ اس حدیث کو محمد بن یحیی بن سعید نے از والد خود از عبید اللہ از نافع از حضرت ابن عمر رضی اللہ تعالٰی عنہما روایت کیا۔ (بخاری شریف ،کتاب التفسير ،بَابُ {نِسَاؤُكُمْ حَرْثٌ لَكُمْ فَأْتُوا حَرْثَكُمْ أَنَّى شِئْتُمْ وَقَدِّمُوا لِأَنْفُسِكُمْ} [البقرة: 223] الآيَةَ حدیث نمبر ٤٥٢٦ و حدیث نمبر ٤٥٢٧)

حضرت جابر رضی اللہ عنہ نے کہا کہ یہود کہتے ہیں کہ جب کوئی شخص اپنی بیوی سے پیچھے کی طرف سے مجامعت کرے تو بچہ بھینگا پیدا ہوتا ہے تب اللہ تعالٰی نے یہ آیت نازل فرمائی : تمہاری عورتیں تمہارے ( بیج ڈالنے کے لیے کھیتیاں ہیں تو تم اپنی کھیتیوں میں جس طرح چاہو آؤ۔(البقره: ۲۲۳) (بخاری شریف ،کتاب التفسير ،بَابُ {نِسَاؤُكُمْ حَرْثٌ لَكُمْ فَأْتُوا حَرْثَكُمْ أَنَّى شِئْتُمْ وَقَدِّمُوا لِأَنْفُسِكُمْ} [البقرة: 223] الآيَةَ،حدیث نمبر ٤٥٢٨)

اللہ تعالیٰ کے ارشاد : اور جب تم اپنی عورتوں کو طلاق دے دو اور وہ اپنی عدت کو پہنچ جائیں تو انہیں ان کے پہلے خاوند کے ) ساتھ نکاح کرنے سے نہ روکو (البقرہ:۲۳۲) کی تفسیر، الحسن نے حدیث بیان کی انہوں نے کہا: مجھے معقل بن یسار نے حدیث بیان کی انہوں نے کہا: میری ایک بہن تھی جس سے نکاح کا میری طرف پیغام دیا جاتا تھا۔ الحسن، وہ بیان کرتے ہیں کہ حضرت معقل بن یسار کی بہن کو اس کے خاوند نے طلاق دے دی پھر چھوڑے رکھا حتی کہ اس کی عدت گزرگئی پھر اس کے خاوند نے اس کو نکاح کا پیغام دیا تو حضرت معقل نے اس سے نکاح کرنے سے ؟ انکار کر دیا تب یہ آیت نازل ہوئی: تو انہیں ان کے (پہلے خاوند کے ساتھ نکاح کرنے سے نہ روکو۔ (البقر و ۲۳۲) (بخاری شریف ،کتاب التفسير ،بَابُ {وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَلاَ تَعْضُلُوهُنَّ أَنْ يَنْكِحْنَ أَزْوَاجَهُنَّ} [البقرة: 232] حدیث نمبر ٤٥٢٩)

اللہ تعالیٰ کے ارشاد: اور تم میں سے جو لوگ وفات پا جائیں اور اپنی بیویاں چھوڑ جائیں تو وہ (عورتیں) اپنے آپ کو ( عقد ثانی سے ) چار ماہ دس دن رو کے رکھیں (اور یہ آیت یہاں تک ہے : ) تم جو کچھ کرتے ہو اللہ اس کی خوب خبر رکھنے والا ہے (البقرہ:۲۳٤) کی تفسیر, يعفون " کا معنی ہے "یھین یعنی وہ مطلقہ عورتیں اپنے حصہ کے مہر کی رقم اپنے شوہروں کو ہبہ کر دیں۔ ابن ابی ملیکہ بیان کرتے ہیں کہ حضرت ابن الزبیر رضی اللہ عنہ نے کہا کہ میں نے حضرت عثمان بن عفان رضی اللہ عنہ سے کہا کہ یہ آیت: اور تم میں سے جو لوگ مرجائیں اور اپنی بیویاں چھوڑ جائیں۔ (البقرہ:۲٤٠) اس کو دوسری آیت نے منسوخ کر دیا ہے (اور وہ آیت البقرہ: ۲۳٤ ہے) پھر آپ نے اس آیت کو (مصحف میں) کیوں لکھا ہے یا آپ اس آیت کو چھوڑ دیتے حضرت عثمان رضی اللہ عنہ نے کہا: اے میرے بھتیجے! میں قرآن میں لکھے ہوئے کسی لفظ کو اس کی جگہ سے تبدیل نہیں کرتا۔ (بخاری شریف ،کتاب التفسير ،بَابُ {وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا فَإِذَا بَلَغْنَ أَجَلَهُنَّ فَلاَ جُنَاحَ عَلَيْكُمْ فِيمَا فَعَلْنَ فِي أَنْفُسِهِنَّ بِالْمَعْرُوفِ وَاللَّهُ بِمَا تَعْمَلُونَ خَبِيرٌ} [البقرة: 234] حدیث نمبر ٤٥٣٠)

مجاہد نے کہا کہ اور تم میں سے جو لوگ وفات پاجائیں اور اپنی بیویاں چھوڑ جائیں۔ (البقرہ: ۲۳٤) یہ آیت پڑھ کر کہا: یہ وہ عدت ہے ( چار ماہ دس دن ) کہ کسی شخص کی بیوی پر اس عدت کو گزارنا واجب ہے پس اللہ تعالی نے یہ آیت نازل فرمائی اور تم میں سے جو لوگ مرجائیں اور اپنی بیویاں چھوڑ جائیں، وہ اپنی بیویوں کے لیے وصیت کر جائیں کہ انہیں ایک سال تک خرچ دیا جائے اور (گھر سے) نکالا نہ جائے پھر اگر وہ خود نکل جائیں تو تم پر ( ان کے ) اس کام کا کوئی گناہ نہیں ہے جو انہوں نے اپنے معاملے میں دستور کے مطابق کیا۔ (البقرہ ۲٤٠) مجاہد نے کہا: اللہ تعالٰی نے اس کے لیے پورا سال عدت کر دی سات مہینہ اور بیس راتیں ( چار ماہ دس دن میں بڑھا دیں ) کہ اگر وہ چاہے تو وہ اس وصیت کے مطابق ٹھہری رہے اور اگر چاہے تو نکل آئے کیونکہ اللہ تعالٰی کا ارشاد ہے: انہیں ایک سال تک خرچ دیا جائے اور ( گھر سے) نکالا نہ جائے، پھر اگر وہ خود نکل جائیں تو تم پر (ان کے) اس کام کا کوئی گناہ نہیں ہے۔ (البقرہ ۲٤٠) پس یہ عدت جس طرح ہے اس طرح عورت پر واجب ہے یہ مجاہد کا زعم ہے۔ عطاء نے کہا کہ حضرت ابن عباس رضی اللہ تعالیٰ عنہما نے بیان کیا کہ اس آیت نے بیوہ کی اس عدت کو منسوخ کر دیا جو وہ اپنے گھر والوں کے ساتھ گزارتی ، پس بیوہ جہاں چاہے عدت گزارے کیونکہ اللہ تعالیٰ نے فرمایا ہے: اس کو نکالا نہ جائے ۔ (البقرہ ۲۳۰) عطاء نے کہا کہ اگر بیوہ چاہے تو شوہر کے گھر والوں کے۔ پاس عدت گزارے اور اپنی وصیت کے مطابق وہاں رہے اور اگر چاہے تو اس گھر سے نکل جائے کیونکہ اللہ تعالیٰ کا ارشاد ہے: تم پر (ان کے) اس کام کا کوئی گناہ نہیں ہے۔ (البقرہ ۲۳۰) عطاء نے کہا: پھر وراثت کے احکام آ گئے تو رہائش کا حکم منسوخ کر دیا گیا، پس بیوہ جہاں چاہے عدت گزارے، پس اس کے لیے رہائش نہیں ہوگی ۔ اور محمد بن یوسف سے روایت ہے: ہمیں ورقاء نے حدیث بیان کی از ابن ابی شیح از مجاہد اسی طرح ۔ اور از ابن ابی نجیج از عطاء از ابن عباس انہوں نے بیان کیا:اس آیت نے (البقرہ:۲۳٤٠) کی اس عدت کو منسوخ کر دیا جو اس کے گھر والوں کے ساتھ تھی، پس بیوہ جہاں چاہے عدت گزار نے کیونکہ اللہ تعالیٰ کا ارشاد ہے کہ انہیں (گھر سے) نکالا نہ جائے۔ (بخاری شریف ،کتاب التفسير ،بَابُ {وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا فَإِذَا بَلَغْنَ أَجَلَهُنَّ فَلاَ جُنَاحَ عَلَيْكُمْ فِيمَا فَعَلْنَ فِي أَنْفُسِهِنَّ بِالْمَعْرُوفِ وَاللَّهُ بِمَا تَعْمَلُونَ خَبِيرٌ} [البقرة: 234] حدیث نمبر ٤٥٣١)

محمد بن سیرین نے بیان کیا کہ میں ایک مجلس میں بیٹھا ہوا تھا،جس میں انصار کے عظماء تھے اور ان میں عبدالرحمن بن ابی لیلیٰ بھی تھے پس میں حضرت سبیعہ بنت الحارث کے متعلق عبداللہ بن عقبہ کی حدیث بیان کی تو حضرت عبدالرحمن نے کہا لیکن ان کے چچا اس طرح نہیں کہتے تھے تو میں نے کہا کہ اگر میں ایسے شخص کے متعلق جھوٹ بولوں جو کوفہ کی ایک جانب میں رہتا ہے پھر تو میں بہت جرءت والا ہوں گا اور انہوں نے اپنی آواز بلند کی انہوں نے کہا: پھر میں نکلا تو مالک بن عامر یا مالک بن عوف سے میری ملاقات ہوئی، میں نے کہا: جو بیوہ عورت حاملہ ہو اس کی عدت کے متعلق حضرت ابن مسعود کیا کہتے ہیں؟ انہوں نے بتایا کہ حضرت ابن مسعود یہ کہتے تھے کہ کیا تم اس کے لیے لمبی عدت مقرر کرتے ہو اور تم اس کے لیے آسانی مقرر نہیں کرتے ! کیونکہ چھوٹی سورۃ نساء (سورۂ طلاق ) لمبی سورت کے بعد نازل ہوئی ہے (یعنی سورۃ البقرہ کے بعد )۔ اور ایوب نے کہا از محمد : میں ابوعطیہ مالک بن عامر سے ملا تھا۔ (بخاری شریف ،کتاب التفسير ،بَابُ {وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا فَإِذَا بَلَغْنَ أَجَلَهُنَّ فَلاَ جُنَاحَ عَلَيْكُمْ فِيمَا فَعَلْنَ فِي أَنْفُسِهِنَّ بِالْمَعْرُوفِ وَاللَّهُ بِمَا تَعْمَلُونَ خَبِيرٌ} [البقرة: 234]حدیث نمبر ٤٥٣٢)

اللہ تعالیٰ کے ارشاد : تمام نمازوں کی پابندی کرو ( خصوصاً) درمیانی نماز کی (البقرہ: ۲۳۸) کی تفسیر, حضرت علی رضی الله تعالٰی عنہ بیان کرتے ہیں کہ نبی اکرم صلی اللہ علیہ وسلم نے فرمایا (دوسری سند کے ساتھ ہے کہ) حضرت علی رضی اللہ عنہ بیان کرتے ہیں کہ نبی اکرم صلی اللہ علیہ وسلم نے خندق کے دن فرمایا: ان لوگوں نے ہم کو نماز وسطی پڑھنے سے روک دیا حتیٰ کہ سورج غروب ہو گیا' آپ نے دعا کی: اللہ تعالیٰ ان کی قبروں کو اور ان کے گھروں کو یا فرمایا: ان کے پیٹوں کو آگ سے بھر دے اس میں یحییٰ کو شک ہے۔ (بخاری شریف ،کتاب التفسير ،بَابُ {حَافِظُوا عَلَى الصَّلَوَاتِ وَالصَّلاَةِ الوُسْطَى} [البقرة: 238] حدیث نمبر ٤٥٣٣)

اللہ تعالیٰ کے ارشاد: اور اللہ کے سامنے ادب سے قیام کروہ (البقرہ:۲۳۸) کی تفسیر,یعنی اس کی اطاعت کرتے ہوئے۔ حضرت زید بن ارقم رضی اللہ عنہ بیان کرتے ہیں کہ ہم نماز میں باتیں کرتے تھے ہم میں سے کوئی ایک اپنے بھائی سے اپنی ضرورت میں بات کرتا تھا، حتیٰ کہ یہ آیت نازل ہو گئی: تمام نمازوں کی پابندی کرو (خصوصاً) درمیانی نماز کی اور اللہ کے سامنے ادب سے قیام کروں (البقرہ: ۲۳۸) پس ہمیں خاموشی کا حکم دیا گیا۔ (بخاری شریف ،کتاب التفسير ،بَابُ {وَقُومُوا لِلَّهِ قَانِتِينَ} [البقرة: 238] «أَيْ مُطِيعِينَ» حدیث نمبر ٤٥٣٤)

اللہ تعالیٰ کے ارشاد:پس اگر تم حالت خوف میں ہو تو پیدل چلتے ہوئے یا سواری پر (نماز پڑھ لو ) پھر جب خوف جاتا رہے تو پھر اسی طرح اللہ کا ذکر کرو جس طرح اس نے تمہیں سکھایا ہے جس کو تم نہیں جانتے تھے (البقرہ: ۲۳۹) کی تفسیر اور ابن جبیر نے کہا: "وسع کرسیه (البقرہ: ۲۵۵) یعنی اللہ کا علم محیط ہے۔ کہا جاتا ہے: بسطة یعنی زیادہ کشادگی (البقرہ:۲٤٧) یعنی زیادہ اور فضیلت - افرغ " (البقره: ۲۵۰) یعنی نازل فرما۔ ولا يؤوده “ (البقرہ: ۲۵۵) یعنی اس کے اوپر بوجھ نہیں اس سے لفظ ادنی بنا ہے یعنی اس نے مجھ کو بوجھل بنادیا اور لفظ آد“ اور اید“ کا معنی قوت ہے "السنة" (البقرہ: ۲۵۵) یعنی اونگھ - لم يتسنه " ( البقرہ:۲۵۹) یعنی وہ نہیں متغیر ہوتا ہے فبهت" (البقره: ۲۵۸) یعنی وہ کوئی دلیل نہ پیش کر سکا اور لا جواب ہو گیا "خاوية" (البقرہ: ۲۵۹) یعنی ایسی ویران جگہ جہاں کوئی رفیق نہ ہو عروشها (البقره: ۲۵۹) یعنی اپنی چھتوں پر" السنة " ( البقرہ: ۲۵۵) یعنی اونگی " ننشرها " (البقره: ۲۵۹) ہم اس کو نکالتے ہیں اعصار " ( البقرہ: ۲٦٦) یعنی وہ زبر دست آندھی جو زمین سے اُٹھ کر آسمان کی طرف ایک ستون کی طرح ہو جاتی ہے اور اس میں آگ ہوتی ہے "صلدا (البقرہ:۲۲۲) حضرت ابن عباس رضی اللہ نے کہا کہ اس کا معنی ہے: وہ چکنا پتھر جس پر کوئی چیز نہ ٹھہرے ” وابل “ (البقرہ: ٢٦٤) عکرمہ نے کہا ہے کہ اس کا معنی ہے: شدید بارش الطل" ( البقرہ: ۲٥٩) یعنی شبنم یہ مؤمن کے عمل کی مثال ہے۔ نافع بیان کرتے ہیں کہ حضرت عبد اللہ بن عمر رضی اللہ تعالٰی عنہما سے جب نماز خوف کے متعلق سوال کیا جاتا تو وہ فرماتے کہ امام آگے بڑھ جائے اور لوگوں کی ایک جماعت کو امام ایک رکعت پڑھائے اور لوگوں کی دوسری جماعت مسلمانوں اور دشمنوں کے درمیان کھڑی رہے وہ نماز نہ پڑھیں، پس جب پہلی جماعت امام کے ساتھ ایک رکعت پڑھ لے تو وہ پیچھے آجائیں اور ان لوگوں کی جگہ کھڑے ہوں جنہوں نے نماز نہیں پڑھی اور سلام نہ پھیریں اور وہ لوگ آگے بڑھیں جنہوں نے نماز نہیں پڑھی تھی، پس وہ امام کے ساتھ ایک رکعت پڑھیں، پھر امام مڑ کر واپس آجائے اور وہ دو رکعت نماز پڑھ چکا ہو پھر دونوں جماعتوں میں سے ہر جماعت کھڑی ہو پھر ان میں سے ہر ایک اپنی اپنی(رہی ہوئی) ایک رکعت پڑھے امام کے فارغ ہونے کے بعد پس ان دو جماعتوں میں سے ہر ایک کی دو دو رکعت ہو جائیں گی پھر اگر خوف اس سے بھی زیادہ شدید ہو تو پھر وہ پیدل چلتے ہوئے اپنے قدموں پر کھڑے ہوئے نماز پڑھیں یا سوار ہونے کی حالت میں نماز پڑھیں، خواہ ان کا منہ قبلہ کی طرف ہویا قبلہ کی طرف منہ نہ ہو۔ امام مالک نے کہا: نافع بیان کرتے ہیں کہ میرا یہی گمان ہے کہ حضرت عبد اللہ بن عمر رضی اللہ تعالٰی عنہما نے اس حدیث کی صرف رسول اللہ صلی اللّٰہ علیہ وسلم سے ہی روایت کی ہے۔ (بخاری شریف ،کتاب التفسير ،بَابُ قَوْلِهِ عَزَّ وَجَلَّ: {فَإِنْ خِفْتُمْ فَرِجَالًا أَوْ رُكْبَانًا فَإِذَا أَمِنْتُمْ فَاذْكُرُوا اللَّهَ كَمَا حدیث نمبر ٤٥٣٥)

اللہ تعالیٰ کے ارشاد: اور تم میں سے جو لوگ مر جائیں اور اپنی بیویاں چھوڑ جائیں (البقرہ: ۲٣٤) کی تفسیر, حضرت ابن الزبیر نے کہا: میں نے حضرت عثمان رضی اللہ عنہ سے سورہ بقرہ کی اس آیت کے متعلق سوال کیا: اور تم میں سے جو لوگ مرجائیں اور اپنی بیویاں چھوڑ جائیں، وہ اپنی بیویوں کے لیے وصیت کر جائیں کہ انہیں ایک سال تک خرچ دیا جائے اور (گھر سے ) نہ نکالا جائے۔ (البقرہ:۲٤٠) اس آیت کو دوسری آیت (البقرہ: ۲۳٤) نے منسوخ کر دیا ہے تو آپ نے اس آیت کو(مصحف میں) لکھنا چھوڑ کیوں نہیں دیا؟انہوں نے کہا:اے میرے بھتیجے!میں کسی آیت کو اس کے مقام سے بدل نہیں سکتا۔ حمید نے کہا: یا اس کی مثل کہا۔ (بخاری شریف ،کتاب التفسير ،حدیث نمبر ٤٥٣٦)

اللہ تعالیٰ کے ارشاد: اور (یاد کیجئے ) جب ابراہیم نے کہا: اے میرے رب! مجھے دکھا تو مُردوں کو کس طرح زندہ کرے گا (البقرہ: ۲٦٠) کی تفسیر, فصرهن " اس کا معنی ہے: ان کو کاٹ دو۔ حضرت ابو ہریرہ رضی اللہ عنہ بیان کرتے ہیں کہ رسول اللہ صلی اللّٰہ علیہ وسلم نے فرمایا کہ ہم ابراہیم علیہ السلام کی بہ نسبت شک کرنے کے زیادہ مستحق ہیں، جب انہوں نے کہا: اے میرے رب! مجھے دکھا تو مُردوں کو کس طرح زندہ کرے گا اللہ نے فرمایا:کیا آپ کو یقین نہیں؟ عرض کیا: کیوں نہیں ! مگر تا کہ میرا دل مطمئن ہو جائے ۔ (البقرہ ٢٦٠) (بخاری شریف ،کتاب التفسير ،بَابُ {وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي المَوْتَى} [البقرة: 260] " حدیث نمبر ٤٥٣٧)

اللہ تعالیٰ کے ارشاد: کیا تم میں سے کوئی شخص یہ پسند کرتا ہے کہ اس کا کھجوروں اور انگوروں کا ایک باغ ہے ( اور یہ آیت یہاں تک ہے تا کہ تم غور وفکر کروہ (البقرہ:۲٦٦) کی تفسیر, حضرت ابن عباس رضی اللہ تعالیٰ عنہما سے حدیث بیان کرتے ہیں کہ انہوں نے کہا: اور میں نے ان کے بھائی ابو بکر بن ابی ملیکہ سے سنا وہ حدیث بیان کرتے تھے : از عبید بن عمیر انہوں نے کہا کہ ایک دن حضرت عمر رضی اللہ تعالٰی عنہ نے نبی اکرم صلی اللہ علیہ وسلم کے اصحاب سے کہا: تمہارے خیال میں یہ آیت کس کے متعلق نازل ہوئی ہے: کیا تم میں سے کوئی شخص یہ پسند کرتا ہے کہ اس کے لیے ایک باغ ہو۔ (البقرہ: ۲٦٦) ان اصحاب نے کہا کہ اللہ ہی زیادہ جاننے والا ہے تو حضرت عمر رضی اللہ عنہ غضب ناک ہوئے، پس کہا: تم صاف صاف کہو تم جانتے ہو یا نہیں جانتے ہو حضرت ابن عباس رضی اللہ تعالیٰ عنہما نے کہا: اے امیر المومنین ! میرے دل میں اس آیت کے متعلق کچھ چیز ہے، حضرت عمر رضی اللہ عنہ نے کہا: اے میرے بھتیجے! بتاؤ! اور اپنے آپ کو حقیر نہ سمجھو۔ حضرت ابن عباس رضی اللہ تعالیٰ عنہما نے کہا: اس آیت میں عمل کی مثال بیان کی گئی ہے حضرت عمر رضی اللہ عنہ نے پوچھا: کون سے عمل کی؟ حضرت ابن عباس رضی اللہ تعالیٰ عنہما نے کہا: ایک عمل کی حضرت عمر رضی اللہ عنہ نے کہا: ایک مال دار آدمی اللہ عزوجل کی اطاعت میں عمل کرتا ہے پھر اللہ تعالٰی اس کے اوپر شیطان بھیج دیتا ہے پھر شیطان اس سے گناہ کراتا ہے حتیٰ کہ اس کے اعمال برباد کر دیتا ہے۔ (بخاری شریف ،کتاب التفسير ،بَابُ قَوْلِهِ: {أَيَوَدُّ أَحَدُكُمْ أَنْ تَكُونَ لَهُ جَنَّةٌ مِنْ نَخِيلٍ وَأَعْنَابٍ} [البقرة: 266] " حدیث نمبر ٤٥٣٨)

اللہ تعالیٰ کے ارشاد: وہ لوگوں سے گڑ گڑا کر سوال نہیں کرتے (البقرہ:۲۷۳) کی تفسیر, کہا جاتا ہے: "الحفَ عَلَى وَالحَ عَلَى وَاحْفَانِي بالْمَسْئَلَةِ یعنی اس نے سوال کرکے مجھے مشقت میں ڈالا ۔ فی حفكم اس کا معنی ہے: وہ تم کو مشقت میں ڈالتا ہے۔ عطاء بن سیار اور عبدالرحمن بن ابی عمرہ الانصاری دونوں نے کہا کہ ہم نے حضرت ابو ہریرہ رضی اللہ عنہ سے سنا وہ کہتے تھے کہ نبی کریم صلی اللّٰہ علیہ وسلم نے فرمایا: وہ شخص مسکین نہیں ہے جس کو ایک کھجور یا دو کھجور میں لوٹا دیں اور نہ وہ مسکین ہے جس کو ایک لقمہ یا دو لقمہ لوٹا دے مسکین صرف وہ شخص ہے جو سوال نہ کرے اور اگر تم چاہو تو اللہ تعالٰی کا یہ ارشاد پڑھو: وہ لوگوں سے گڑ گڑا کر سوال نہیں کرتے ۔ (البقرة :۲۷۳) (بخاری شریف ،کتاب التفسير ،بَابُ {لاَ يَسْأَلُونَ النَّاسَ إِلْحَافًا} [البقرة: 273] " حدیث نمبر ٤٥٣٩،)

اللہ تعالیٰ کے ارشاد : اور اللہ نے بیع کو حلال کیا ہے اور سود کو حرام کیا ہے (البقرہ: ۲۷۵) کی تفسیر, المس“ کا معنی ہے: جنون۔ حضرت عائشہ رضی اللہ تعالیٰ عنہا بیان کرتی ہیں کہ جب سورہ بقرہ کے آخر میں سود کے متعلق آیات نازل ہوئیں تو رسول اللہ صلی اللّٰہ علیہ وسلم نے لوگوں کے سامنے ان کی تلاوت کی پھر آپ نے شراب کی تجارت کو حرام فرما دیا۔ (بخاری شریف ،کتاب التفسير ،بَابُ {وَأَحَلَّ اللَّهُ البَيْعَ وَحَرَّمَ الرِّبَا} [البقرة: 275] " حدیث نمبر ٤٥٤٠)

اللہ تعالیٰ کے ارشاد: اللہ سود کو مٹاتا ہے (البقرہ:۲۷٥) یعنی اسے لے جاتا ہے کی تفسیر, حضرت عائشه رضی اللہ عنہا بیان کرتی ہیں کہ جب سورہ بقرہ کی آخری آیات نازل ہوئیں تو رسول اللہ صلی اللّٰہ علیہ وسلم نے ان کی مسجد میں تلاوت کی، پس آپ نے شراب کی تجارت کو حرام فرما دیا۔ (بخاری شریف ،کتاب التفسير ،بَابُ يَمْحَقُ اللَّهُ الرِّبَا «يُذْهِبُهُ»حدیث نمبر ٤٥٤١)

اللہ تعالیٰ کے ارشاد : تو اللہ اور اس کے رسول کی طرف سے اعلانِ جنگ سن لو ( البقرہ:۲۷۹) کی تفسیر, فاذنوا " کا معنی ہے: " فاعلموا " یعنی تم جان لو ۔ حضرت عائشه رضی اللہ تعالٰی عنہا بیان کرتی ہیں: جب سورۃ البقرۃ کی آخری آیات نازل ہوئیں تو نبی کریم صلی اللّٰہ علیہ وسلم نے ان آیات کی مسجد میں تلاوت کی اور خمر ( انگور کی شراب ) کی تجارت کو حرام قرار دے دیا۔ (بخاری شریف ،کتاب التفسير بَابُ {فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 279]: فَاعْلَمُوا ،حدیث نمبر ٤٥٤٢)

اللہ تعالیٰ کے ارشاد: اور اگر ( مقروض ) تنگ دست ہے تو اسے اس کی فراخ دستی تک مہلت دو اور قرض کو معاف کر کے ) تمہارا صدقہ کرنا زیادہ بہتر ہے اگر تم جانتے ہوں (البقرہ: ۲۸۰) کی تفسیر, حضرت عائشه رضی اللہ تعالٰی عنہا بیان کرتی ہیں کہ جب سورہ بقرہ کی آخری آیات نازل ہوئیں تو رسول اللہ صلی اللّٰہ علیہ وسلم کھڑے ہو گئے اور آپ نے ان آیات کی ہم پر تلاوت کی پھر آپ نے شراب کی تجارت کو حرام کر دیا۔ (بخاری شریف ،کتاب التفسير ،بَابُ {وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ، وَأَنْ تَصَدَّقُوا خَيْرٌ لَكُمْ إِنْ كُنْتُمْ تَعْلَمُونَ} [البقرة: 280] حدیث نمبر ٤٥٤٣)

اللہ تعالیٰ کے ارشاد: اور اس دن سے ڈرو جس میں تم اللہ کی طرف لوٹائے جاؤ گے (البقرہ: ۲۸١) کی تفسیر, حضرت ابن عباس رضی اللہ تعالیٰ عنہما بیان کرتے ہیں کہ نبی اکرم صلی اللہ علیہ وسلم پر جو آخری آیت نازل ہوئی وہ سود کی آیت ہے۔ (بخاری شریف ،کتاب التفسير ،بَابُ {وَاتَّقُوا يَوْمًا تُرْجَعُونَ فِيهِ إِلَى اللَّهِ} [البقرة: 281] حدیث نمبر ٤٥٤٤)

اللہ تعالیٰ کے ارشاد: اور جو کچھ تمہارے دلوں میں ہے تم اس کو ظاہر کرو یا تم اس کو چھپاؤ اللہ تم سے اس کا حساب لے گا سو جس کو چاہے گا بخش دے گا اور جس کو چاہے گا عذاب دے گا اور اللہ ہر چیز پر قادر ہے (البقرہ: ۲۸٤) کی تفسیر، خالد الحذاء از مروان الاصفر از نبی کریم صلی اللّٰہ علیہ وسلم کے اصحاب میں سے ایک مرد اور وہ حضرت ابن عمر رضی اللہ تعالٰی عنہما ہیں، انہوں نے کہا: یہ آیت منسوخ کر دی گئی اور جو کچھ تمہارے دلوں میں ہے تم اس کو ظاہر کرو یا تم اس کو چھپاؤ۔ (بخاری شریف ،کتاب التفسير ،بَابُ {وَإِنْ تُبْدُوا مَا فِي أَنْفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ، فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ، وَاللَّهُ عَلَى كُلِّ شَيْءٍ قَدِيرٌ} [البقرة: 284] حدیث نمبر ٤٥٤٥)

اللہ تعالیٰ کے ارشاد: (ہمارے) رسول اس ( کلام ) پر ایمان لائے جو ان کی طرف ان کے رب کی طرف سے نازل ہوا ( البقرہ: ۳۸۵) کی تفسیر, اور حضرت ابن عباس رضی اللہ تعالٰی عنہما نے کہا: اصرا (البقرہ:۲۸٥) کا معنی ہے: عہد اور کہا گیا ہے: ”غفرانك (البقرہ: ۲۸۵) اس کا معنی ہے: تیری مغفرت اور بخشش فاغفر لنا“ (البقرہ: ۲۸۲) اس کا معنی ہے: سوتو ہماری مغفرت فرما! خالد الحذاء از مروان الاصفر از رسول اللہ صلی اللّٰہ علیہ وسلم کے اصحاب میں سے ایک مرد انہوں نے کہا: میرا گمان ہے کہ یہ حضرت ابن عمر رضی اللہ تعالٰی عنہما ہیں، اللہ تعالیٰ کے ارشاد: اور جو کچھ تمہارے دلوں میں ہے تم اس کو ظاہر کر دیا تم اس کو چھپاؤ ۔ (البقرہ: ۲۸٤) انہوں نے کہا: کہ اس آیت کو اس کی بعد والی آیت نے منسوخ کر دیا ہے۔ (بخاری شریف ،کتاب التفسير ،بَابُ {آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ} [البقرة: 285] حدیث نمبر ٤٥٤٦)

سورہ آل عمران کا بیان تقاة "اور تقیہ دونوں کا ایک ہی معنی ہے۔ " صر" اس کا معنی ہے: " بود یعنی سخت سردی۔" شفا حفرة “ کا معنی ہے گڑھے کا کنارہ جیسے کچے کنویں کا کنارہ ہوتا ہے ۔تبوی" یعنی آپ لشکر کے پڑاؤ اور قیام کی جگہ بناتے تھے۔"المسوم " یعنی وہ چیز جس پر کسی علامت کی نشانی ہو یا اس پر ریشم کی نشانی ہو یا کوئی اور نشانی ہو۔ربیون" جمع کا صیغہ ہے اور اس کا واحد ربی ہے۔تحسونھم اس کا معنی ہے: تم ان کو قتل کر کے جڑ سے اکھاڑ دیتے ہو۔غزا اور اس کا واحد غاز “ ہے اس کا معنی ہے: جہاد کرنے والا یعنی غازی۔سنكتب “ کا معنی ہے: ہم عنقریب محفوظ رکھیں گے۔نزلا " کا معنی ہے: ثواب اور یہ بھی ہو سکتا ہے کہ اس کا معنی ہو: اللہ تعالیٰ کی طرف سے نازل کیا ہوا جیسے کہتے ہیں:انزلته " میں نے اس کو اتارا۔ اور مجاہد نے کہا کہ علامت زدہ گھوڑوں سے مراد ہے: جو بہت موٹے تازے اور خوبصورت گھوڑے ہوں۔ اور ابن جبیر نے کہا: "حصوراً " کا معنی ہے: جو مرد عورتوں کے پاس نہ جائے۔ اور عکرمہ نے کہا: من فورهم " کا معنی ہے: بدر کے دن غصہ اور جوش ہے۔ اور مجاہد نے کہا: "يخرج الحی" کا معنی ہے کہ نطفہ اس حال میں نکلتا ہے کہ وہ مردہ ہوتا ہے اور اس سے اللہ عزو جل زندہ کو نکالتا ہے۔ الابكار " کا معنی ہے فجر کی اوّل ساعت اور "العشی" کا معنی ہے: سورج کے ڈھلنے کا وقت میرا گمان ہے مغرب تک۔ اللہ تعالیٰ کے ارشاد: اس میں بعض آیات محکمات ہیں (آل عمران:۷) کی تفسیر، اور مجاہد نے کہا: حلال اور حرام ( اور دوسری آیات متشابہات ہیں، بعض آیات بعض کی تصدیق کرتی ہیں جیسے اللہ تعالیٰ کا ارشاد ہے: اور وہ اس سے صرف فاسقوں کو گمراہی میں ڈالتا ہے اور جیسے اللہ جل شانہ کا ارشاد ہے: اور وہ ان لوگوں پر نجاست ڈالتا ہے جو عقل سے کام نہیں لیتے اور جیسے اللہ تعالیٰ کا ارشاد ہے: اور جولوگ ہدایت یافتہ ہیں ان کی ہدایت کو زیادہ کر دیا اور ان کو ان کا تقویٰ دیا، زیع " کا معنی ہے: شک ابتغاء الفتنة“ کا معنی ہے: والراسخون" کا معنی ہے: جو لوگ عالم ہیں۔ وہ کہتے ہیں: ہم ان (آیات) پر ایمان لائے۔ حضرت عائشه رضی اللہ تعالٰی عنہا بیان کرتی ہیں کہ رسول اللہ صلی اللّٰہ علیہ وسلم نے یہ آیت تلاوت کی: وہی (اللہ ) ہے جس نے آپ پر یہ کتاب نازل کی ہے (اس کتاب کی بعض آیات واضح ہیں جو اس کتاب کی اصل بنیاد ہیں اور اس کی بعض آیات متشابہ ہیں، سوجن لوگوں کے دلوں میں بجھی ہے وہ فتنہ جوئی کے لیے اور متشابہ کا حمل نکالنے کے لیے آیت متشابہ کے درپے رہتے ہیں اور ان کا عمل اللہ کے سوا کوئی نہیں جانتا اور وہ لوگ جن کا علم راسخ اور مضبوط ہے وہ کہتے ہیں: سب ہمارے رب کی طرف سے ہے اور صرف عقل والے ہی نصیحت قبول کرتے ہیں ( آل عمران : 2 ) حضرت عائشہ رضی اللہ تعالیٰ عنہا نے بتایا کہ رسول اللہ صلی اللّٰہ علیہ وسلم نے فرمایا: جب تم ان لوگوں کو دیکھو جو آیات متشابہات کی پیروی کرتے ہیں تو یہ وہی لوگ ہیں جن کے متعلق اللہ تعالٰی نے فرمایا ہے کہ ان سے دور رہو اور ان سے احتراز کرو۔ (بخاری شریف ،کتاب التفسير ،بَابُ {مِنْهُ آيَاتٌ مُحْكَمَاتٌ} [آل عمران: 7]حدیث نمبر ٤٥٤٧)

وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ کی تفسیر, حضرت ابو ہریرہ رضی اللہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا: کوئی پیدا ہونے والا بچہ ایسا نہیں مگر اس کی پیدائش کے وقت شیطان اسے چھوتا ہے۔ پس وہ شیطان ہی کے چھونے کے سبب چیخنا چلاتا ہے، سوائے حضرت مریم اور ان کے صاحبزادے کے۔ اس کے بعد حضرت ابو ہریرہ رضی اللہ عنہ فرماتے ہیں کہ اگر تم چا ہو تو یہ آیت پڑھ لو۔ اور میں اسے ترجمہ:کنز الایمان : اور میں اُسے اور اس کی اولاد کو تیری پناہ میں دیتی ہوں راندہے ہوئے شیطان سے (پ ۳ آل عمران ۳٦) (بخاری شریف ،کتاب التفسير ،بَابُ {وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ} [آل عمران: 36]حدیث نمبر ٤٥٤٨)

إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا، أُولَئِكَ لاَ خَلاَقَ لَهُمْ} [آل عمران: 77, کی تفسیر, ترجمہ کنز الایمان: وہ جو اللہ کے عہد اور اپنی قسموں کے بدلے ذلیل دام لیتے ہیں آخرت میں ان کا کچھ حصہ نہیں (پ ۳ آل عمران ۷۷) لاخلاق لهُمُ ان کے لیے بھلائی نہیں أَلِيمٌ اس کا ہم معنی مُؤْلِمٌ ہے یعنی دکھ درد سے بھر پور مُفْعِلٍ کی جگہ ہے۔ حضرت عبداللہ بن مسعود رضی اللہ تعالٰی عنہ سے مروی ہے کہ رسول اللہ صلی اللّٰہ علیہ وسلم نے فرمایا جو جھوٹی قسم کھائے تاکہ اس کے ذریعے کسی مسلمان کا مال ہڑپ کر جائے تو وہ اللہ تعالٰی سے اس حال میں ملاقات کرے گا کہ اسے اپنے اوپر ناراض پائے گا پس اللہ تعالی نے اسی بارے میں یہ آیت نازل فرمائی ہے: ترجمہ کنز الایمان : وہ جو اللہ کے عہد اور اپنی قسموں کے بدلے ذلیل دام لیتے ہیں آخرت میں ان کا کچھ حصہ نہیں (پ ۳ آل عمران ۷۷) ابو وائل کا بیان ہے کہ حضرت اشعث بن قیس رضی اللہ تعالی عنہ تشریف لائے اور فرمانے لگے کہ ابو عبد الرحمن نے تم سے کیا حدیث بیان کی ہے؟ ہم نے کہہ دیا کہ یہ کچھ بیان فرمایا ہے۔ فرمایا، یہ آیت تو میرے بارے میں نازل ہوئی ہے کیونکہ میرا کنواں میرے چازاد بھائی کی زمین میں تھا نبی کریم صلی اللّٰہ علیہ وسلم نے مجھ سے فرمایا کہ گواہ لے آ یا اس کی قسم ہوگی۔ میں نے عرض کی کہ یا رسول اللہ ! وہ, تو قسم کھا جائے گا۔ اس پر نبی کریم صلی اللّٰہ علیہ وسلم نے فرمایا: جو کسی مسلمان کا مال حاصل کرنے کی غرض سے قسم کھائے اور اس میں وہ جھوٹا ہو تو اللہ تعالیٰ سے اس حال میں ملاقات کرے گا کہ وہ اس پر ناراض ہوگا۔ (بخاری شریف ،کتاب التفسير ،بَابُ {إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا، أُولَئِكَ لاَ خَلاَقَ لَهُمْ} [آل عمران: 77]: لاَ خَيْرَ،حدیث نمبر ٤٥٤٩, و حدیث ٤٥٥٠)

حضرت عبداللہ بن ابی اوفیٰ رضی اللہ تعالٰی عنہ فرماتے ہیں کہ ایک شخص کوئی چیز فروخت کرنے کی غرض سے بازار میں لے کر آیا اور قسم کھا کر کہنے لگا کہ اس کے اتنے دام تو ملتے ہیں،حالانکہ وہ قیمت کسی نے نہیں لگائی تھی یہ صرف اس لیے کہا تھا کہ مسلمانوں میں سے کوئی تو لے گا۔ اس پر یہ آیت نازل ہوئی: ترجمہ کنز الایمان: وہ جو اللہ کے عہد اور اپنی قسموں کے بدلے ذلیل دام لیتے ہیں آخرت میں ان کا کچھ حصہ نہیں (پ ۳ آل عمران ۷۷)۔ (بخاری شریف ،کتاب التفسير ،بَابُ {إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا، أُولَئِكَ لاَ خَلاَقَ لَهُمْ} [آل عمران: 77]: لاَ خَيْرَ،حدیث نمبر ٤٥٥١)

ابن جریج نے ابن ابی ملیکہ سے روایت کی ہے کہ دو عورتیں کسی گھر یا حجرے میں بیٹھ کر موزے سی رہی تھیں ان میں سے ایک باہر نکلی اور اس نے دعوی کیا کہ دوسری عورت نے اس کی ہتھیلی میں آر چھبودی ہے۔ یہ معاملہ حضرت ابنِ عباس رضی اللہ تعالیٰ عنہما تک پہنچا۔ حضرت ابن عباس رضی اللہ تعالیٰ عنہما نے کہا کہ رسول اللہ صلی اللّٰہ علیہ وسلم نے فرمایا ہے کہ اگر دعوے کے مطابق دلایا جائے تو کتنے ہی لوگوں کی جانیں اور مال جاتے رہیں لہذا یہ کرو کہ اس کو خدا کے خوف سے ڈراؤ اور اس کے سامنے آیت پڑھو۔ ترجمہ کنز الایمان: وہ جو اللہ کے عہد اور اپنی قسموں کے بدلے ذلیل دام لیتے ہیں (پ ۳ آل عمران ۷۷) چناں چہ جب اسے خوف خدا یاد دلایا تو اس نے اپنے جرم کا اقرار کر لیا۔ حضرت ابن عباس رضی اللہ تعالیٰ عنہما سے روایت ہے کہ نبی کریم صلی اللّٰہ علیہ وسلم نے فرمایا: مدعا علیہ پر قسم ہے۔ (بخاری شریف ،کتاب التفسير ،بَابُ {إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا، أُولَئِكَ لاَ خَلاَقَ لَهُمْ} [آل عمران: 77]: لاَ خَيْرَ،حدیث نمبر ٤٥٥٢)

يَا أَهْلِ الْكِتَابِ ۔۔۔۔۔ کی تفسیر،ترجمہ کنز الایمان: تم فرماؤ اے کتابیوں ایسے کلمہ کی طرف آؤ جو ہم میں تم میں یکساں ہے یہ کہ عبادت نہ کریں مگر خدا کی اور اس کا شریک کسی کو نہ کریں ( آل عمران ٦٤) حضرت ابن عباس رضی اللہ تعالیٰ عنہما بیان فرماتے ہیں کہ مجھے حضرت ابوسفیان رضی اللہ عنہ نے اپنی زبانی بتایا کہ ان دنوں جب کہ ہمارے اور رسول اللہ صلی اللّٰہ علیہ وسلم کے درمیان صلح تھی تو میں ملک شام گیا اور اسی اثناء میں نبی کریم صلی اللّٰہ علیہ وسلم کا مکتوب مبارک ہرقل کے پاس پہنچا تھا۔ راوی کا بیان ہے کہ وہ حضرت دحیہ کلبی نے حاکم بصرہ تک پہنچایا اور حاکم بصرہ نے ہر قل تک ۔ راوی کا بیان ہے کہ ہرقل نے کہا: کیا جس شخص نے دعوی نبوت کا کیا ہے اس کی قوم کا یہاں کوئی شخص ہے؟ لوگوں نے جواب دیا، ہاں۔ ابو سفیان رضی اللہ عنہ کا بیان ہے کہ مجھے چند قرشی لوگوں کے ساتھ بلایا گیا اور ہم ہرقل کی خدمت میں پیش ہوئے اس نے ہمیں اپنے سامنے بٹھایا اور پوچھا کہ دعوی نبوت کرنے والے کا تم میں سب کے لحاظ سے سب سے قریبی کون ہے؟ پس ابوسفیان رضی اللہ عنہ نے کہا کہ میں ہوں تو اس نے مجھے اپنے بالکل سامنے بٹھا لیا اور میرے ساتھیوں کو میرے پیچھے بٹھایا۔ پھر اس نے اپنے ترجمان کو بلا کر کہا کہ ان لوگوں سے کہہ دو کہ میں اس مدعی نبوت کے متعلق اس (حضرت ابوسفیان رضی اللہ عنہ ) سے کچھ پوچھنا چاہتا ہوں، اگر یہ غلط بیانی کرے تو تم اس کی تردید کر دینا۔ حضرت ابوسفیان رضی اللہ عنہ کا بیان ہے کہ خدا کی قسم! اگر مجھے اپنے اوپر جھوٹ کا داغ لگنے کا خوف نہ ہوتا تو میں ضرور جھوٹ بولتا۔ پھر اس نے اپنے ترجمان سے کہا کہ اس سے اس نبی کا حسب پوچھو۔ ابوسفیان نے کہا کہ وہ ہم میں عالی نسب ہے پوچھا، کیا اس کے آباؤ اجداد میں کوئی بادشاہ ہوا ہے؟ ابوسفیان رضی اللہ عنہ نے جواب دیا نہیں۔ پھر پوچھا کہ اس دعوی سے پہلے کیا تم لوگوں نے اسے جھوٹ بولتے دیکھا ہے؟ میں نے نفی میں جواب دیا، پوچھا کہ اس کی اتباع کرنے والے قوم کے امیر لوگ ہیں یا غریب؟ ابوسفیان رضی اللہ عنہ نے جواب دیا کہ وہ غریب لوگ ہیں اس نے پوچھا، ان میں اضافہ ہو رہا ہے یا کم ہورہے ہیں؟ میں نے جواب دیا، بلکہ وہ بڑھ رہے ہیں پوچھا کہ اس کے دین میں داخل ہونے کے بعد کوئی شخص اس کے دین سے پھرا بھی ہے؟ میں نے نفی میں جواب دیا۔ اس نے کہا، کیا تمہاری اس سے کبھی جنگ ہوئی ہے؟میں نے جواب دیا ، ہاں۔ پوچھا کہ اس کے ساتھ جنگ کرنے کا نتیجہ کیا نکلا؟ میں نے جواب دیا کہ جنگ ہمارے درمیان ڈول کی طرح رہی ہے کبھی ان کا پلہ بھاری اور کبھی ہمارا۔ پھر پوچھا، کیا اس نے کبھی وعدہ خلافی کی ہے؟ میں نے جواب دیا نہیں۔ بلکہ ان دنوں تو ہماری اور ان کی صلح ہے، ہمیں علم نہیں کہ وہ اس مرتبہ کیا کریں۔ ابوسفیان رضی اللہ عنہ کا بیان ہے کہ خدا کی قسم یہی خلاف حقیقت ایک کلمہ تھا جو میں اپنے جوابات میں شامل کر سکا۔ اس نے پوچھا، کیا اس کے آباؤ اجداد میں سے کسی نے پہلے بھی ایسا دعویٰ کیا ہے؟ میں نے جواب دیا، نہیں۔ پھر اس نے اپنے ترجمان سے کہا کہ اسے بتادو کہ میں نے تم سے اس کا نسب پوچھا تو تم نے بتایا کہ وہ عالی نسب ہے اور یہ سچ ہے کہ سارے رسول اپنی قوم میں صاحب حسب و نسب ہوتے ہیں پھر میں نے تم سے پوچھا کہ کیا اس کے آباؤ اجداد میں کوئی بادشاہ ہوا ہے تو تم نے جواب دیا نہیں۔ پس میں نے اپنے دل میں کہا کہ اگر اس کے اجداد میں کوئی بادشاہ ہوا ہوتا تو میں سمجھتا کہ ایسا دعویٰ کر کے اپنے بڑوں کا ملک حاصل کرنا چاہتا ہے پھر میں نے تم سے پوچھا کہ اس کی اتباع کرنے والے قوم کے غریب لوگ ہیں یا امیر ۔ تو تم نے غریب بتائے جب کہ غریب لوگ ہی رسولوں کی پیروی کیا کرتے ہیں پھر میں نے تم سے پوچھا کہ کیا یہ دعوی کرنے سے پہلے تم نے کبھی اسے جھوٹ بولتے دیکھا ہے تو تم نے جواب دیا کہ نہیں دیکھا۔ تو میں سمجھ گیا کہ یہ نہیں ہو سکتا کہ وہ لوگوں کے بارے میں تو جھوٹ نہ بولے اور خدا کے بارے میں جھوٹ بولنے لگے۔ پھر میں نے تم سے پوچھا کہ اس کے دین میں داخل ہونے کے بعد کوئی پھرا بھی ہے اس کی شدت کے سبب یا کسی اور وجہ سے تو تم نے جواب دیا نہیں۔ واقعی جب ایمان دل میں بس جاتا ہے تو نکلتا نہیں۔ پھر میں نے تم سے پوچھا کہ اس کے ساتھی بڑھتے ہیں یا کم ہورہے ہیں تو تم نے بتایا کہ وہ بڑھ رہے ہیں۔ ایمان کی خاصیت بھی یہی ہے کہ وہ مکمل ہوکر رہتا ہے۔ پھر میں نے تم سے اس کے ساتھ جنگ کے متعلق پوچھا تو تم نے بتایا کہ اس کے ساتھ تم تمہاری جنگ ہوتی ہے، اور تمہارے اور اس کے درمیان لڑائی ڈول کی طرح رہی ہے، کبھی تم غالب رہے اور کبھی وہ۔ اور رسولوں کی اسی طرح آزمائش ہوتی رہی ہے لیکن آخر کار رسول ہی غالب آتے ہیں پھر میں نے تم سے پوچھا کہ کیا اس نے کبھی وعدہ خلافی کی ہے تو تم نے بتایا کہ وہ وعدہ خلافی نہیں کرتے۔ یہ سچ ہے کہ وعدہ خلافی کرنا رسولوں کی شان کے منافی ہے پھر میں نے تم سے پوچھا کہ جو دعویٰ اس نے کیا ہے کیا اس کے آباؤ اجداد میں سے کسی نے کیا تھا تم نے نفی میں جواب دیا۔ پس میں نے اپنے جی میں کہا کہ اگر اس کے بڑوں میں سے کسی نے ایسا دعوی کیا ہو تو وہ ایسا دعویٰ کر کے اپنے بڑے کی پیروی کر رہا ہوگا۔ راوی کا بیان ہے کہ پھر اس نے پوچھا کہ وہ تمہیں کن باتوں کا حکم دیتا ہے۔ ابوسفیان نے جواب : دیا کہ وہ ہمیں نماز پڑھنے ، زکوۃ دینے صلہ رحمی کرنے اور پاک دامن رہنے کا حکم دیتا ہے ہرقل نے کہا کہ جو کچھ تم نے بیان کیا ہے اگر وہ سچ ہے تو اس کی نبوت میں کوئی شک و شبہ نہیں۔ میں یہ اچھی طرح جانتا تھا کہ وہ ظاہر ہونے والا ہے لیکن یہ بات میرے گمان میں بھی نہ تھی کہ وہ تم لوگوں میں پیدا ہوں گے اگر مجھے یہ علم ہوتا تو ان کی خدمت میں ضرور حاضر ہوتا کیونکہ میں اُن کی زیارت کا شائق ہوں۔ کاش! میں ان کے پاس ہوتا تو ان کے مبارک قدموں کو دھو کر غسالہ پیا کرتا۔ جہاں اب میرے قدم ہیں ان کا ملک یہاں تک ضرور پہنچے گا۔ پھر اس نے رسول اللہ صلی اللّٰہ علیہ وسلم کا مکتوب نامہ منگوایا اور اسے خود پڑھا۔ اس میں یہ تحریر تھا۔ اللہ کے نام سے شروع جو بڑا مہربان نہایت رحم کرنے والا ہے یہ اللہ کے رسول کی طرف سے ہر قل شاہ روم کے نام ہے سلام اس پر جو ہدایت کی پیروی کرے اس کے بعد میں تمہیں اسلام کی دعوت دیتا. ہوں۔ اگر تم نے اسلام قبول کر لیا تو سلامتی میں رہو گے۔ تمہارے مسلمان ہو جانے سے اللہ تعالیٰ تمہارے اجر کو دگنا کر دے گا اور اگر تم نے اسلام قبول نہ کیا تو تمہاری رعایا کا گناہ بھی تمہارے اوپر ہوگا ۔ ترجمہ کنز الایمان : تم فرماؤ اے کتابیوں ایسے کلمہ کی طرف آؤ جو ہم میں تم میں یکساں ہے یہ کہ عبادت نہ کریں مگر خدا کی اور اس کا شریک کسی کو نہ کریں اور ہم میں کوئی ایک دوسرے کو رب نہ بنالے اللہ کے سوا پھر اگر وہ نہ مانیں تو کہہ دو تم گواہ رہو کہ ہم مسلمان ہیں (پ ۳ آل عمران (٦٤) جب ہر قل اس گرامی نامے کو پڑھ کر فارغ ہوا تو دربار میں اس کے پاس شور مچ گیا اور عجیب کہرام برپا ہو گیا لہٰذا ہمیں حکم دیا گیا تو ہم باہر چلے آئے۔ باہر نکل کر میں نے اپنے ساتھیوں سے کہا کہ ابو کبشۃ (رسول خدا) کے مقصد کو تو بڑی تقویت ملتی جارہی ہے، کہ بنی اصغر کا بادشاہ بھی اس سے ڈرتا ہے۔ اسی وقت سے مجھے یہ یقین ہونے لگا کہ رسول اللہ صلی اللّٰہ علیہ وسلم ہی کا دین عنقریب غالب ہو جائے گا حتیٰ کہ میں خود اسلام میں داخل ہو گیا زہری کا بیان ہے کہ اس کے بعد ہرقل نے روم کے سرداروں کو اپنے گھر بلایا اور کہا: اے رومیو! اگر تمہیں کامیابی و ہدایت کی تمنا ہے کہ وہ ہمیشہ کے لیے تمہارا مقدر بن جائے اور تمہارا ملک بھی ہمیشہ باقی رہے تو ہدایت قبول کرلو۔ راوی کا بیان ہے کہ اس پر وہ لوگ وحشی گدھوں کی طرح دروازوں کی طرف بھاگنے لگے لیکن دروازے بند پائے۔ بادشاہ نے کہا: مجھ سے مت بھا گو بلکہ میرے نزدیک آجاؤ۔ میں تو صرف یہ دیکھنا چاہتا تھا کہ تم اپنے دن میں کتنے مضبوط ہو پس میں دین پر تمہاری مضبوطی دیکھ کر بہت خوش ہوں اس پر سب نے اسے سجدہ کیا اور راضی ہو گئے۔ (بخاری شریف ،کتاب التفسير ،بَابُ قُلْ: يَا {أَهْلَ الكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَنْ لاَ نَعْبُدَ إِلَّا اللَّهَ} " حدیث نمبر ٤٥٥٣)

لَن تَنَالُوا البر ۔۔۔۔۔ کی تفسیر ترجمہ کنز الایمان: تم ہرگز بھلائی کو نہ پہنچو گے جب تک راہ خدا میں اپنی پیاری چیز خرچ نہ کرو اور تم جو کچھ خرچ کرو اللہ کو معلوم ہے ( آل عمران ۹۲) حضرت انس بن مالک رضی اللہ تعالیٰ عنہ بیان فرماتے ہیں کہ انصاری مدینہ میں حضرت ابوطلحہ رضی اللہ تعالیٰ عنہ کے پاس سب سے زیادہ کھجوروں کے باغات تھے اور سارے اپنے باغات میں انہیں بیرحا باغ سب سے پسند تھا جو مسجد نبوی کے سامنے تھا رسول اللہ صلی اللّٰہ علیہ وسلم بھی اس میں وقتاً فوقتاً تشریف لے جاتے اور اس کا خوشگوار پانی نوش فرمایا کرتے تھے، جب یہ آیت نازل ہوئی، ترجمہ کنز الایمان: تم ہرگز بھلائی کو نہ پہنچو گے جب تک راہ خدا میں اپنی پیاری چیز خرچ نہ کرو۔ ( آل عمران (۹۲) تو حضرت ابوطلحہ رضی اللہ تعالٰی عنہ نے کھڑے ہو کر عرض کی: یا رسول اللہ صلی اللّٰہ علیہ وسلم ! اللہ تعالٰی فرماتا ہے کہ ترجمہ کنز الایمان : تم ہرگز بھلائی کو نہ پہنچو گے جب تک راہ خدا میں اپنی پیاری چیز خرچ نہ کرو۔ ( آل عمران (۹۲) اور مجھے اپنی ساری جائیداد میں بیر حا کا باغ سب سے محبوب ہے یہ میں راہِ خدا میں صدقہ دیتا ہوں اس امید پر کہ بھلائی کو حاصل کروں اور یہ اللہ کے پاس میرا ذخیرہ آخرت بن جائے۔ لہذا یا رسول اللہ صلی اللّٰہ علیہ وسلم ! آپ رضائے الٰہی کے مطابق جس طرح چاہیں اسے خرچ فرمائیں، راوی کا بیان ہے کہ رسول اللہ صلی اللّٰہ علیہ وسلم نے فرمایا: بہت خوب یہ سودا تو بڑا نفع بخش ہے یہ سودا تو بڑا نفع بخش ہے جو تم نے کہا وہ میں نے سن لیا مگر میرا خیال یہ ہے کہ تم اسے اپنے قرابت داروں کو دے دو حضرت ابوطلحہ رضی اللہ عنہ نے عرض کی: یا رسول اللہ صلی اللّٰہ علیہ وسلم ! میں اس حکم کی تعمیل کروں گا۔ پس حضرت ابوطلحہ رضی اللہ تعالیٰ عنہ نے وہ اپنے اقارب اور چچا زاد بھائیوں میں تقسیم کر دیا ، عبداللہ بن یوسف اور روح بن عبادہ کی روایت میں ہے کہ یہ مال نفع بخش ہے۔ یحیی بن یحییٰ فرماتے ہیں کہ میں نے اسے امام مالک کے سامنے یوں پڑھا کہ یہ فائدہ دینے والا مال ہے۔ حضرت انس رضی اللہ تعالیٰ عنہ فرماتے ہیں کہ حضرت حسان اور حضرت ابی بن کعب کو حصہ دیا مگر میں ان کی نسبت زیادہ قریب تھا لیکن مجھے اس میں سے کچھ بھی نہ دیا۔ (بخاری شریف ،کتاب التفسير ،باب،{لَنْ تَنَالُوا البِرَّ حَتَّى تُنْفِقُوا مِمَّا تُحِبُّونَ} [آل عمران: 92] إِلَى {بِهِ عَلِيمٌ} [البقرة: 215] حدیث نمبر ٤٥٥٤ و حدیث نمبر ٤٥٥٥)

قُلْ: فَأْتُوا بِالتَّوْرَاةِ, کی تفسیر, حضرت عبداللہ بن عمر رضی اللہ تعالیٰ عنہما فرماتے ہیں کہ یہودی ایک مرد اور ایک عورت کو لے کر بارگاہ رسالت صلی اللہ علیہ وسلم میں سزا دلوانے کے لیے آئے جنہوں نے زنا کیا تھا آپ نے فرمایا کہ جو تم میں سے زنا کرے تو اس کے ساتھ تم کیا کرتے ہو؟ انہوں نے کہا کہ ہم ان کا منہ کالا کر کے انہیں زدو کوب کرتے ہیں آپ نے فرمایا: کیا توریت میں تمہیں رجم کا حکم نہیں دیا گیا؟ کہنے لگے ہمیں تو اس میں ایسا کوئی حکم نہیں ملا۔ حضرت عبد اللہ بن سلام رضی اللہ تعالیٰ عنہ نے کہا کہ تم جھوٹ بولتے ہو، ذرا توریت تو لا کر پڑھو اگر تم سچے ہو۔ چنانچہ انہوں نے رجم کی آیت پر ہاتھ رکھ لیا اور ادھر ادھر سے پڑھنے لگے اور رجم کی آیت کو نہیں پڑھتے تھے حضرت عبداللہ رضی اللہ تعالیٰ عنہ نے ان کا ہاتھ آیت رجم کے اوپر سے ہٹا کر فرمایا کہ یہ کیا ہے؟ جب انہوں نے وہ دیکھی تو کہنے لگے کہ واقعی یہ رجم کی آیت ہے پس آپ نے ان دونوں کو سنگسار کر دینے کا حکم فرمایا۔ چنانچہ مسجد کے قریب جو اس کام کے لیے جگہ مقرر فرمائی گئی تھی وہاں ان دونوں کو سنگسار کر دیا گیا۔ راوی کا بیان ہے کہ میں نے دیکھا کہ زانیہ کو پتھروں سے بچانے کی خاطر زانی اس پر جھک جاتا تھا۔ (بخاری شریف ،کتاب التفسير ،بَابُ {قُلْ: فَأْتُوا بِالتَّوْرَاةِ فَاتْلُوهَا إِنْ كُنْتُمْ صَادِقِينَ} [آل عمران: 93] حدیث نمبر ٤٥٥٦)

كُنْتُمْ خَيْرَ أُمَّةٍ، کی تفسیر۔ حضرت ابوہریرہ رضی اللہ تعالیٰ عنہ فرماتے ہیں کہ آیت: ترجمہ کنز الایمان: تم بہتر ہو اُن سب اُمتوں میں جو لوگوں میں ظاہر ہوئیں (آل عمران ۱۱۰) کے مطابق لوگوں کے لیے بہترین لوگ وہ ہیں جو کافروں کو ان کی گردنوں میں طوق ڈال کر لاتے ہیں حتیٰ کہ وہ اسلام میں داخل ہو جاتے ہیں۔ (بخاری شریف ،کتاب التفسير ،بَابُ {كُنْتُمْ خَيْرَ أُمَّةٍ أُخْرِجَتْ لِلنَّاسِ} [آل عمران: 110] حدیث نمبر ٤٥٥٧)

إِذْ هَمَّتْ طَائِفَتَانِ مِنْكُمْ أَنْ تَفْشَلاَ کی تفسیر عمرو بن دینار کا بیان ہے کہ میں نے حضرت جابر بن عبد اللہ رضی اللہ تعالٰی عنہ کو فرماتے ہوئے سنا کہ آیت: ترجمہ کنز الایمان : جب تم میں کے دو گروہوں کا ارادہ ہوا کہ نامردی کر جائیں(آل عمران ۱۲۲) یہ آیت ہمارے متعلق نازل ہوئی اور وہ ہمارے دونوں گروہ بنو حارثہ اور بنو سلمہ ہیں اور اپنی نامردی کا ذکر ہمیں پسند نہیں۔ ایک بار سفیان نے یوں کہا کہ : اس کا نازل نہ ہونا ہمارے لیے خوشی کا سبب نہیں کیونکہ اس میں یہ بھی ہے کہ ترجمہ کنز الایمان: اور اللہ ان کا سنبھالنے والا ہے (آل عمران ۱۲۲ ) ۔ (بخاری شریف ،کتاب التفسير ،بَابُ {إِذْ هَمَّتْ طَائِفَتَانِ مِنْكُمْ أَنْ تَفْشَلاَ} [آل عمران: 122] حدیث نمبر ٤٥٥٨)

لَيْسَ لَكَ مِنَ الأَمْرِ شَيْءٌ کی تفسیر، حضرت ابن عمر رضی اللہ تعالیٰ عنہما بیان فرماتے ہیں کہ میں نے سنا کہ نماز فجر کی آخری رکعت میں رکوع کے بعد رسول اللہ صلی اللّٰہ علیہ وسلم نے دعا کی کہ اے اللہ ! فلاں فلاں پر لعنت فرما اور اس سے پہلے آپ سمع الله لمن حمدہ اور ربَّنَا لَكَ الْحَمْدُ کہہ چکے تھے اس پر اللہ تعالی نے یہ آیت نازل فرمائی : ترجمہ کنز الایمان : یہ بات تمہارے ہاتھ نہیں ۔۔۔۔ تا۔۔۔ وہ ظالم ہیں (آل عمران (۱۲۸) اس کی اسحاق بن راشد نے بھی زہری سے روایت کی ہے۔ (بخاری شریف ،کتاب التفسير ،بَابُ {لَيْسَ لَكَ مِنَ الأَمْرِ شَيْءٌ} [آل عمران: 128] حدیث نمبر ٤٥٥٩)

حضرت ابو ہریرہ رضی اللہ تعالٰی عنہ بیان فرماتے ہیں کہ جب رسول اللہ صلی اللّٰہ علیہ وسلم کسی کی بربادی یا کسی کی بہتری کے لیے دعا مانگتے تو آپ رکوع کے بعد قنوت پڑھا کرتے اور کبھی سَمِعَ اللهُ لِمَنْ حَمدَہ اور اللهُم رَبَّنَا لَكَ الْحَمْدُ کے بعد کہتے : اے اللہ ! ولید بن ولید ، سلمہ بن ہشام اور عیاش بن ابی ربیعہ کو بچا اور اے اللہ! قبیلہ مضر والوں کو سختی سے پکڑ اور ان پر ایسی خشک سالی مسلط فرما جیسے حضرت یوسف علیہ السلام کے دور میں فرمائی تھی اور بعض اوقات فجر کی نماز میں یوں دعا مانگتے : اے اللہ ! عرب کے فلاں فلاں قبیلوں پر لعنت فرما، حتیٰ کہ اللہ تعالیٰ نے یہ آیت نازل فرمادی: ترجمہ کنز الایمان: یہ بات تمہارے ہاتھ نہیں یا انہیں توبہ کی توفیق دے یا اُن پر عذاب کرے کہ وہ ظالم ہیں( آل عمران (۱۲۸) (بخاری شریف ،کتاب التفسير ،بَابُ {لَيْسَ لَكَ مِنَ الأَمْرِ شَيْءٌ} [آل عمران: 128]حدیث نمبر ٤٥٦٠)

وَالرَّسُولُ يَدْعُوكُمْ فِي أُخْرَاكُمْ کی تفسیر، أُخْرَاكُمْ مؤنث ہے أُخْرَكُمْ سے۔ ابنِ عباس کا قول ہے کہ احدى الْحُسْنَيْنِ سے مراد فتح یا شہادت ہے۔ حضرت براء بن عازب رضی اللہ تعالٰی عنہ بیان فرماتے ہیں کہ غزوہ احد کے دن رسول اللہ صلی اللّٰہ علیہ وسلم نے کچھ پیدل افراد"پر" حضرت عبداللہ بن جبیر رضی اللہ تعالیٰ عنہ کو امیر مقرر فرمایا۔ لیکن وہ شکست کھا کر پیٹھ پھیر گئے اسی لیے فرمایا گیا ہے کہ:ترجمہ کنز الایمان : دوسری جماعت میں ہمارے رسول تمہیں پکار رہے تھے (آل عمران ۱۵۳) اور نبی کریم صلی کے پاس اس وقت بارہ افراد کے سوا اور کوئی نہ رہا تھا۔ (بخاری شریف ،کتاب التفسير ،بَابُ قَوْلِهِ: {وَالرَّسُولُ يَدْعُوكُمْ فِي أُخْرَاكُمْ} [آل عمران: 153] « حدیث نمبر ٤٥٦١)

{أَمَنَةً نُعَاسًا} [آل عمران: 154] کہ تفسیر، حضرت انس رضی اللہ تعالیٰ عنہ کا بیان ہے کہ حضرت ابوطلحہ رضی اللہ تعالیٰ عنہ نے فرمایا: غزوہ احد کے دن جب کہ ہم میدانِ جنگ میں تھے تو ہم پر نیند طاری ہوگئی ، چنانچہ میری تلوار میرے ہاتھ سے گر پڑی تھی۔ میں اسے پکڑتا تو پھر گر پڑتی اور پھر اٹھاتا۔ (بخاری شریف ،کتاب التفسير ،بَابُ قَوْلِهِ: {أَمَنَةً نُعَاسًا} [آل عمران: 154] حدیث نمبر ٤٥٦٢)

{الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ -[39]-کہ تفسیر، ترجمہ کنز الایمان : وہ جو اللہ ورسول کے بلانے پر حاضر ہوئے بعد اس کے کہ انہیں زخم پہنچ چکا تھا ان کے نیکو کاروں اور پرہیز گاروں کے لئے بڑا ثواب ہے ( آل عمران (۱۷۲) - الْقَرْحُ زخم اسْتَجَابُوا اسی طرح آجابُوا سے بنا ہے جیسے يُجِيبُ سے يَسْتَجِيبُ بنا ہے۔ {إِنَّ النَّاسَ قَدْ جَمَعُوا لَكُمْ فَاخْشَوْهُمْ} [آل عمران: 173] الآيَةَ کی تفسیر: حضرت ابن عباس رضی اللہ تعالیٰ عنہما فرماتے ہیں کہ حضرت ابراہیم علیہ السلام کو جب آگ میں ڈالا گیا تو انہوں نے کہا تھا کہ ہمارے لیے اللہ کافی ہے اور اچھا کارساز ہے اور محمد صلی اللہ علیہ وسلم نے یہ الفاظ اس وقت کہے جس کا اس آیت میں ذکر ہے: ترجمہ کنز الایمان : لوگوں نے تمہارے لئے جتھا جوڑا تو ان سے ڈرو توان کا ایمان اور زائد ہوا اور بولے اللہ ہم کو بس ہے اور کیا اچھا کارساز ( آل عمران (۱۷۳) (بخاری شریف ،کتاب التفسير ،بَابُ قَوْلِهِ: {الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ -[39]- القَرْحُ لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ} [آل عمران: 172] حدیث نمبر ٤٥٦٣)

حضرت ابن عباس رضی اللہ تعالٰی عنہما بیان فرماتے ہیں کہ حضرت ابراہیم علیہ السلام کو جب آگ میں ڈالا گیا تو ان کا آخری کلام یہ تھا کہ میرے لیے اللہ کافی ہے اور وہ ہی اچھا کارساز ہے۔ (بخاری شریف ،کتاب التفسير ،بَابُ {إِنَّ النَّاسَ قَدْ جَمَعُوا لَكُمْ فَاخْشَوْهُمْ} [آل عمران: 173] الآيَةَ حدیث نمبر ٤٥٦٤)

ترجمہ کنز الایمان : اور جو بخل کرتے ہیں اس چیز میں جو اللہ نے انہیں اپنے فضل سے دی ہر گز اسے اپنے لئے اچھا نہ سمجھیں بلکہ وہ ان کے لئے برا ہے عنقریب وہ جس میں بخل کیا تھا قیامت کے دن ان کے گلے کا طوق ہوگا اور اللہ ہی وراث ہے آسمانوں اور زمین کا اور اللہ تمھارے کاموں سے خبردار ہے (آل عمران ۱۸۰) سيطوفون جیسے تم کہتے ہو کہ میں نے اُسے طوق پہنایا۔ حضرت ابوہریرہ رضی اللہ تعالٰی عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ جس شخص کو اللہ تعالی مال عطا فرمائے اور وہ اس میں سے زکوۃ نہ دے تو اس کے مال کو گنجے سانپ کی شکل دی جائے گی جس کی آنکھوں پر دو سیاہ نقطے ہوں گے اور بروز قیامت وہ اس کے گلے میں طوق بنا کر ڈال دیا جائے گا۔ چنانچہ وہ سانپ اس کی دونوں باچھیں پکڑ کر کہے گا کہ تیرا مال ہوں، میں تیرا خزانہ ہوں۔ پھر آپ نے یہ آیت پڑھی: ترجمہ کنز الایمان: اور جو بخل کرتے ہیں اس چیز میں جو اللہ نے انہیں اپنے فضل سے دی ہرگز اسے اپنے لئے اچھا نہ سمجھیں بلکہ وہ ان کے لئے برا ہے عنقریب وہ جس میں بخل کیا تھا قیامت کے دن ان کے گلے کا طوق ہوگا اور اللہ ہی وراث ہے آسمانوں اور زمین کا اور اللہ تمھارے کاموں سے خبردار ہے( آل عمران ۱۸۰) (بخاری شریف ،کتاب التفسير ،بَابُ (وَلَا يَحْسِبَنَّ الَّذِينَ يَبْخَلُونَ بِمَا آتَاهُمُ اللَّهُ مِنْ فَضْلِهِ هُوَ خَيْرًا لَهُمْ، بَلْ هُوَ شَرٌّ لَهُمْ، سَيُطَوَّقُونَ مَا بَخِلُوا بِهِ يَوْمَ القِيَامَةِ، وَلِلَّهِ مِيرَاثُ السَّمَوَاتِ وَالأَرْضِ وَاللَّهُ بِمَا تَعْمَلُونَ خَبِيرٌ) حدیث نمبر ٤٥٦٥)

باب ترجمہ کنز الایمان: اور بے شک ضرور تم اگلے کتاب والوں اور مشرکوں سے بہت کچھ برا سنو گے (آل عمران ۱۸۲) عروہ بن زبیر کا بیان ہے کہ حضرت اسامہ بن زید رضی اللہ تعالیٰ عنہما نے فرمایا کہ رسول اللہ صلی اللّٰہ علیہ وسلم اپنے دراز گوش پر سوار ہوئے جس پر نُدک کی بنی ہوئی چادر ڈالی ہوئی تھی اور اپنے پیچھے آپ نے حضرت اسامہ بن زید کو بٹھا لیا تھا۔ آپ بنی حارث بن خزرج کے محلے میں حضرت سعد بن عبادہ رضی اللہ تعالیٰ عنہ کی عیادت کے لیے تشریف لے جارہے تھے۔ یہ واقعہ غزوہ بدر سے قبل کا ہے، راوی کا بیان ہے کہ آپ کا گزر ایک مجلس کے پاس سے ہوا جس میں عبداللہ بن ابی بن سلول موجود تھا اور اس وقت تک عبد اللہ بن ابی سلول اسلام نہیں لایا تھا۔ وہ مجلس مسلمانوں اور مشرکوں، بت پرستوں اور یہودیوں کی مخلوط تھی۔ اس مجلس میں حضرت عبد اللہ بن رواحہ رضی اللہ تعالیٰ عنہ بھی موجود تھے، جب جانور کے چلنے کا غبار مجلس تک پہنچا تو عبد اللہ بن اُبی نے چادر کے ساتھ اپنی ناک چھپالی اور پھر کہا کہ ہم پر خاک نہ اڑاؤ۔ پھر رسول اللہ صلی اللّٰہ علیہ وسلم نے انہیں سلام کیا،کھڑتے ہو گئے اور سواری سے اتر آئے اس کے بعد انہیں اللہ کی طرف بلایا اور انہیں قرآن کریم پڑھ کر سنایا۔ اس پر عبد اللہ بن ابی بن سلول کہنے لگا کہ جناب والا! آپ کی باتیں تو ٹھیک ہیں لیکن اگر یہ حق ہے تو ہماری مجلس میں آپ ہمیں کیوں تنگ کرتے ہیں؟ آپ گھر جائیے اور جو آپ کے پاس آئے اسے یہ قصے سنائیے پس حضرت عبداللہ بن رواحہ رضی اللہ تعالیٰ عنہ کہنے لگے، کیوں نہیں ، یا رسول اللہ ! آپ ہماری مجلسوں میں تشریف لایا کریں اور ہمیں اس سے نفع پہنچایا کریں کیونکہ ہمیں یہ باتیں پسند ہیں، پس مسلمانوں، مشرکوں، اور یہودیوں میں شیخ کلامی شروع ہوگئی، حتی که دست و گریبان تک نوبت آنے لگی تھی، نبی کریم صلی و تنم نے بڑی کوشش سے انہیں خاموش ہونے پر تیار کیا۔ پھر نبی کریم جانور پر سوار ہوکر حضرت سعد بن عبادہ کے پاس پہنچے ۔ نبی کریم صلی یا کہ تم نے فرمایا کہ اے سعد!کیا تم نے نہیں سنا جو ابو حباب نے کہا؟ اس نے یہ باتیں کی ہیں۔ حضرت سعد بن عبادہ رضی اللہ تعالیٰ عنہ نے عرض کی کہ یا رسول اللہ ! اسے معاف فرما دیجئے اور اس سے درگز رفرمائیے۔ پس قسم ہے اس ذات کی جس نے آپ پر کتاب نازل فرمائی ہے، بیشک آپ حق کے ساتھ تشریف لائے ہیں جو اللہ تعالیٰ نے آپ پر نازل فرمایا ہے در اصل اہل مدینہ نے اسے اپنا سردار بنانے اور تاج پہنانے کا فیصلہ کیا تھا لیکن اللہ تعالیٰ نے یہ بات نا منظور فرمائی اور حق و صداقت کا علم دے کر آپ کو بھیج دیا تو یہ بات اس پر صحابہ گزری جس کے باعث ایسی ناروا حرکتیں کرتا ہے جیسا کہ آپ نے خود ملاحظہ فرمایا تو رسول اللہ صلی یہ تم نے اس کو معاف فرما دیا۔ نبی کریم صلی اور آپ کے اصحاب کی یہ مبارک عادت تھی کہ وہ مشرکین اور اہل کتاب کو معاف فرما دیا کرتے تھے جیسا کہ اللہ تعالیٰ نے انہیں حکم فرمایا تھا اور ان کی ایذا رسانی پر صبر سے کام لیا کرتے تھے چنانچہ ارشادِ باری تعالیٰ ہے ترجمہ کنز الایمان: اور بے شک ضرور تم اگلے کتاب والوں اور مشرکوں سے بہت کچھ برا سنو گے (آل عمران ۱۸٦) نیز اللہ عزوجل نے فرمایا: ترجمہ کنز الایمان: بہت کتابیوں نے چاہا کاش تمہیں ایمان کے بعد کفر کی طرف پھیر دیں اپنے دلوں کی جلن سے بعد اس کے کہ حق ان پر خوب ظاہر ہو چکا ہے تو تم چھوڑو اور درگزر کرو یہاں تک کہ اللہ اپنا حکم لائے (پ ٢ البقرة ۱۰۹) نبی کریم صلی اللّٰہ علیہ وسلم متواتر درگزر سے کام لیتے رہے جیسا کہ اللہ تعالیٰ نے انہیں حکم فرمایا تھا حتی کہ خدا نے آپ کو جہاد کی اجازت عطا فرمادی۔ پس جب غزوہ بدر میں اللہ تعالیٰ نے آپ کے ہاتھوں کفار قریش کے بڑے بڑے سرداروں کو قتل کروا دیا تو ابن ابی بن سلول اور اس کے ساتھیوں میں جو مشرک تھے انہوں نے کہا کہ اب یہ دین غالب ہو گیا ہے لہٰذا وہ رسول الله صلی اللہ علیہ وسلم کے دست حق پر اسلام کی بیعت کر کے بظاہر مسلمان ہو گئے، (بخاری شریف ،کتاب التفسير ،بَابُ {وَلَتَسْمَعُنَّ مِنَ الَّذِينَ أُوتُوا الكِتَابَ مِنْ قَبْلِكُمْ وَمِنَ الَّذِينَ أَشْرَكُوا أَذًى كَثِيرًا} [آل عمران: 186] حدیث نمبر ٤٥٦٦)

(لَا يَحْسَبَنَّ الَّذِينَ يَفْرَحُونَ بِمَا أَتَوْا) کی تفسیر، حضرت ابوسعید خدری رضی اللہ تعالیٰ عنہ فرماتے ہیں کہ رسول اللہ صلی اللّٰہ علیہ وسلم کے عہد مبارک میں منافقین کا طریقہ یہ تھا کہ رسول اللہ صلی اللّٰہ علیہ وسلم جب کسی طرف جہاد پر جاتے تو یہ پیچھے بیٹھے رہتے اور رسول اللہ صلی اللّٰہ علیہ وسلم کے خلاف اپنے بیٹھے رہنے پر خوشیاں مناتے اور جب رسول اللہ صلی اللّٰہ علیہ وسلم واپس تشریف لاتے تو یہ طرح طرح کے عذر بیان کرتے اور قسمیں کھاتے ۔ اور وہ بغیر کچھ کیے اپنی تعریف چاہتے پس یہ آیت نازل ہوئی: ترجمہ کنز الایمان: ہرگز نہ سمجھنا انہیں جو خوش ہوتے ہیں اپنے کئے پر اور چاہتے ہیں کہ بے کئے اُن کی تعریف ہو ( آل عمران (۱۸۸) (بخاری شریف ،کتاب التفسير ،بَابُ (لَا يَحْسَبَنَّ الَّذِينَ يَفْرَحُونَ بِمَا أَتَوْا) حدیث نمبر ٤٥٦٧)

حضرت علقمہ بن وقاص رضی اللہ تعالیٰ عنہ کا بیان ہے کہ مردان بن حکم نے اپنے دربان سے کہا، اے رافع ! جاؤ اور حضرت ابنِ عباس رضی اللہ تعالیٰ عنہما سے معلوم کرو کہ اگر ہر وہ شخص جسے کوئی چیز حاصل ہو اور وہ اس پر خوشی منائے اور چاہے کہ بغیر کچھ کیے اس کی تعریف بھی کی جائے تو اس صورت میں ہم سب کو عذاب دیا جائے گا۔ حضرت ابن عباس رضی اللہ تعالیٰ عنہما نے فرمایا کہ تمہارا اس سے کیا تعلق؟ وہ دعا تو اس کے متعلق ہے کہ نبی کریم صلی اللّٰہ علیہ وسلم نے کچھ یہودیوں کو بلا کر ان سے کوئی بات دریافت فرمائی۔ وہ اصل بات کو چھپا گئے اور اس کی جگہ کچھ اور بتا دیا۔ اس کارگزاری پر انہوں نے تمنا کی کہ ان کی تعریف ہو اور اصل بات کو چھپا لینے پر خوشیاں بھی منانے لگے۔ پھر حضرت ابن عباس رضی اللہ تعالیٰ عنہما نے یہ آیت پڑھی: ترجمہ کنز الایمان : اور یاد کرو جب اللہ نے عہد لیا ان سے جنہیں کتاب عطا ہوئی کہ تم ضرور اسے لوگوں سے بیان کر دینا اور نہ چھپانا تو انہوں نے اسے اپنی پیٹھ کے پیچھے پھینک دیا اور اس کے بدلے ذلیل دام حاصل کئے تو کتنی بری خریداری ہے ( آل عمران ۱۸۷) اسی طرح یہ ارشاد ہوا ترجمہ کنز الایمان: ہرگز نہ سمجھنا انہیں جو خوش ہوتے ہیں اپنے کئے پر اور چاہتے ہیں کہ بے کئے اُن کی تعریف ہو ایسوں کو ہرگز عذاب سے دُور نہ جاننا اور ان کے لئے دردناک عذاب ہے( آل عمران (۱۸۸) اسی طرح عبدالرزاق نے این جریج سے روایت کی ہے۔ نیز حجاج، ابن جریج، ابن ابی ملیکہ ، حمید بن عبدالرحمن بن عوف نے خبر دی کہ مردان نے یہی کہا تھا۔ (بخاری شریف ،کتاب التفسير ،بَابُ (لَا يَحْسَبَنَّ الَّذِينَ يَفْرَحُونَ بِمَا أَتَوْا)،حدیث نمبر ٤٥٦٨)

{إِنَّ فِي خَلْقِ السَّمَوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِأُولِي الأَلْبَابِ} کی تفسیر، حضرت ابن عباس رضی اللہ تعالیٰ عنہما فرماتے ہیں کہ میں نے اپنی خالہ حضرت میمونہ رضی اللہ تعالٰی عنہا کے پاس ایک شب گزاری۔ تو رسول الله صلی اللّٰہ علیہ وسلم نے کچھ دیر تو حضرت ام المومنین سے گفتگو فرمائی اور ان کے بعد آپ آرام فرمانے لگے جب رات کا آخری تہائی حصہ باقی رہا تو آپ اٹھ بیٹھے اور آسمان کی جانب دیکھتے ہوئے فرمایا: ترجمہ کنز الایمان: بے شک آسمانوں اور زمین کی پیدائش اور رات اور دن کی باہم بدلیوں میں نشانیاں ہیں عقلمندوں کے لئے ( آل عمران (۱۹۰) پھر آپ اٹھ کھڑے ہوئے ۔ وضو فر مایا، مسواک کی، پھر آپ نے گیارہ رکعتیں پڑھیں۔ اس کے بعد حضرت بلال رضی اللہ عنہ نے اذان پڑھ دی تو آپ علیہ السلام نے دو رکعتیں (فجر کی سنتیں) پڑھیں پھر باہر تشریف لائے اور نماز فجر ( فرض ) ادا کی، (بخاری شریف ،کتاب التفسير ،بَابُ قَوْلِهِ: {إِنَّ فِي خَلْقِ السَّمَوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِأُولِي الأَلْبَابِ} حدیث نمبر ٤٥٦٩)

{الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ، وَيَتَفَكَّرُونَ فِي خَلْقِ السَّمَوَاتِ وَالأَرْضِ} کی تفسیر، ترجمہ کنز الایمان: جو اللہ کی یاد کرتے ہیں کھڑے اور بیٹھے اور کروٹ پر لیٹے اور آسمانوں اور زمین کی پیدائش میں غور کرتے ہیں (آل عمران ۱۹۱) حضرت ابن عباس رضی اللہ تعالیٰ عنہما فرماتے ہیں کہ میں نے ایک شب اپنی خالہ، ام المومنین حضرت میمونہ رضی اللہ تعالیٰ عنہا کے پاس گزاری تو میں نے کہا کہ آج میں رسول اللہ صلی اللّٰہ علیہ وسلم کی نماز دیکھوں گا۔ چنانچہ رسول اللہ صلی اللّٰہ علیہ وسلم کے لیے ایک گدا بچھا دیا گیا تو رسول اللہ صلی اللّٰہ علیہ وسلم اس پر لمبائی کی طرف آرام فرما۔ ہو گئے۔ پھر آپ بیدار ہوئے اور چہرہ مبارک سے نیند کا اثر زائل کرنے لگے۔ پھر آپ نے سورۃ آل عمران کی آخری دس آیتوں کی تلاوت فرمائی۔ پھر آپ لٹکی ہوئی ایک مشک کے پاس تشریف لائے ۔ اس سے پانی لیا، وضو فرمایا اور نماز پڑھنے کے لیے کھڑے ہو گئے۔ پس میں نے بھی اُسی طرح کیا جیسے آپ نے کیا تھا چنانچہ میں بھی آکر آپ کے پہلو میں کھڑا ہو گیا پس آپ نے میرے سر پر اپنا دست مبارک پھیرا پھر میرے کان پکڑ کر مسلے پس آپ نے دو رکعتیں پڑھیں، پھر دو رکعتیں پڑھیں۔ پھر دو رکعتیں پڑھیں، پھر دو رکعتیں پڑھیں، پھر دو رکعتیں پڑھیں، پھر دو رکعتیں پڑھیں اور پھر وتر پڑھیں۔ (بخاری شریف ،کتاب التفسير ،بَابُ {الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ، وَيَتَفَكَّرُونَ فِي خَلْقِ السَّمَوَاتِ وَالأَرْضِ} حدیث نمبر ٤٥٧٠)

{رَبَّنَا إِنَّكَ مَنْ تُدْخِلِ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ} [آل عمران: 192] کی تفسیر، ترجمہ کنز الایمان: اے رب ہمارے بے شک جسے تو دوزخ میں لے جائے اُسے ضرور تو نے رسوائی دی اور ظالموں کا کوئی مددگار نہیں ( آل عمران ۱۹۲) گریب مولی عبداللہ بن عباس رضی اللہ تعالیٰ عنہما کا بیان ہے کہ حضرت عبداللہ ابن عباس رضی اللہ تعالیٰ عنہما نے انہیں بتایا کہ میں نے ایک شب اپنی خالہ حضرت میمونہ رضی اللہ تعالیٰ عنہا زوجہ نبی کریم صلی اللّٰہ علیہ وسلم کے پاس گزاری۔ وہ فرماتے ہیں کہ میں آپ کے گدّے کی چوڑائی کی طرف لیٹ رہا اور لمبائی کی طرف رسول اللہ صلی اللّٰہ علیہ وسلم اور آپ کی اہلیہ محترمہ تھیں۔ جب آدھی رات گزرگئی یعنی اس سے تھوڑی سی کم یا تھوڑی سی زیادہ تو رسول اللہ صلی اللّٰہ علیہ وسلم بیدار ہوئے تو اپنے مبارک ہاتھوں سے آپ نے چہرہ انور کو ملا تاکہ نیند کے اثرات ختم ہو جائیں پھر آپ نے سورۃ آل عمران کی آخری دس آیتوں کی تلاوت فرمائی۔ اس کے بعد آپ لٹکے ہوئے مشکیزے کے پاس تشریف لے گئے اس سے پانی لے کر وضو فرمایا اور بڑی خوبصورتی سے وضو کیا اور آپ نماز پڑھنے کے لیے کھڑے ہو گئے۔ چنانچہ میں نے بھی اسی طرح کیا جیسے آپ نے کیا تھا، پھر میں جا کر آپ کے پہلو میں کھڑا ہو گیا تو رسول اللہ صلی اللّٰہ علیہ وسلم نے اپنا داہنا دست اقدس میرے سر پر رکھا، پھر داہنے دست اقدس سے میرے کان کو پکڑ کر ملا پھر آپ نے دو رکعتیں پڑھیں، پھر دو رکعتیں، پھر دو رکعتیں، پھر دو رکعتیں، پھر دورکعتیں، پھر دورکعتیں اور پھر وتر پڑھے، اس کے بعد آپ پھر لیٹ گئے حتی کہ مؤذن نے اذان پڑھی۔ پس آپ نے ہلکی سی دور کعتیں (فجر کی سنتیں) پڑھیں پھر آپ صبح کی نماز کے لیے تشریف لے گئے۔ (بخاری شریف ،کتاب التفسير ،بَابُ {رَبَّنَا إِنَّكَ مَنْ تُدْخِلِ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ} [آل عمران: 192] حدیث نمبر ٤٥٧١)

ترجمہ کنز الایمان: اے رب ہمارے ہم نے ایک منادی کو سنا کہ ایمان کے لیے ندا فرماتا ہے کہ اپنے رب پر ایمان لاؤ (آل عمران ۱۹۳) ؛ کی تفسیر، کریب مولیٰ ابن عباس رضی اللہ تعالیٰ عنہما کا بیان ہے کہ حضرت ابن عباس رضی اللہ تعالیٰ عنہما نے انہیں خبر دی کہ ایک شب میں نے اپنی خالہ، حضرت میمونہ رضی اللہ تعالی عنها زوجہ نبی کریم صلی اللّٰہ علیہ وسلم کے پاس گزاری۔ وہ فرماتے ہیں کہ میں رسول اللہ صلی اللّٰہ علیہ وسلم کے مبارک بستر پر عرض کی طرف لیٹ گیا اور رسول اللہ صلی اللّٰہ علیہ وسلم اور آپ کی اہلیہ محترمہ لمبائی کی طرف، چنانچہ رسول الله صلی اللہ علیہ وسلم سو گئے یہاں تک کہ آدھی رات گزر گئی یعنی آدھی رات سے تھوڑی دیر پہلے یا تھوڑی دیر بعد آپ بیدار ہوئے تو چہرہ مبارک کو مل کر آپ نے نیند کے اثرات کو زائل کیا۔ پھر آپ نے سورہ آل عمران کی آخری دس آیتیں پڑھیں۔ اس کے بعد لٹکے ہوئے ایک مشکیزے کے پاس آپ تشریف لے گئے۔ پس آپ نے اس سے وضو فرمایا اور بڑی اچھی طرح وضو فرمایا اور پھر آپ نماز پڑھنے لگے حضرت ابن عباس رضی اللہ تعالیٰ عنہما فرماتے ہیں کہ میں نے بھی اسی طرح کیا جیسے آپ نے کیا تھا اور پھر آپ کے پہلو میں جا کھڑا ہوا تو رسول اللہ صلی اللّٰہ علیہ وسلم نے اپنا داہنا دست اقدس میرے سر پر رکھا اور میرے دائیں کان کو پکڑ کر مسلا ۔ پس آپ نے دو رکعتیں پڑھیں، پھر دو رکعتیں، پھر دو رکعتیں، پھر دو رکعتیں، پھر دو رکعتیں، پھر دو رکعتیں اور پھر وتر پڑھے۔ اس کے بعد آپ لیٹ گئے حتیٰ کہ مؤذن نے اذان پڑھی ۔ چنانچہ آپ کھڑے ہوئے اور ہلکی سی دور کعتیں ( فجر کی سنتیں) پڑھیں۔ پھر آپ تشریف لے گئے اور صبح کی نماز پڑھائی۔ (بخاری شریف ،کتاب التفسير ،بَابُ {رَبَّنَا إِنَّنَا سَمِعْنَا مُنَادِيًا يُنَادِي لِلْإِيمَانِ} [آل عمران: 193] الآيَةَ حدیث نمبر ٤٥٧٢)

سورة النساء ابن عباس کا قول ہے کہ يَسْتَنْكِفُ سے مراد ہے تکبر کرتے ہیں۔ قِوَامًا معاشی سہارا، لَهُنَّ سبیلا یعنی شادی شدہ کو سنگسار کرنا اور کنوارے کو درے لگانا۔ دوسرے حضرات کا قول ہے کہ مَثْنَى وَثُلاَثَ دو دو، تین تین اور چار چار اہل عرب چار سے زیادہ کے لیے یوں نہیں بھولتے ۔ وَإِنْ خِفْتُمْ أَنْ لاَ تُقْسِطُوا فِي اليَتَامَى کی تفسیر, حضرت عائشہ صدیقہ رضی اللہ تعالیٰ عنہا بیان فرماتی ہیں کہ ایک شخص کی سر پرستی میں کوئی یتیم لڑکی تھی اس نے اس سے نکاح کر لیا کیونکہ لڑکی کا ایک باغ تھا جسے یہ اپنے قبضہ میں لینا چاہتا تھا ورنہ اصل میں اسے لڑکی سے کوئی محبت نہ تھی۔ چنانچہ اس کے بارے میں یہ آیت نازل ہوئی کہ: ترجمہ کنز الایمان : اور اگر تمہیں اندیشہ ہو کہ یتیم لڑکیوں میں انصاف نہ کرو گے (النساء ٣ ) ابراہیم بن موسیٰ کہتے ہیں کہ میرے خیال میں ہشام نے یہ کہا تھا کہ وہ لڑکی اس شخص کے اس باغ کے اس بائع اور دوسری جائیداد میں شریک تھی۔ (بخاری شریف ،کتاب التفسير ،بَابُ {وَإِنْ خِفْتُمْ أَنْ لاَ تُقْسِطُوا فِي اليَتَامَى} حدیث نمبر ٤٥٧٣)

حضرت عروہ بن زبیر نے حضرت عائشہ صدیقہ رضی اللہ تعالیٰ عنہا سے اس ارشادِ باری تعالٰی کے متعلق پوچھا: ترجمہ کنز الایمان: اور اگر تمہیں اندیشہ ہو کہ یتیم لڑکیوں میں انصاف نہ کرو گے(النساء ۳) انہوں نے فرمایا، اے بھتیجے! یہ ایک یتیم لڑکی کے متعلق ہے جو اپنے ولی کی کفالت میں ہو اور اس شخص کی جائیداد میں شریک ہو۔ ولی کو اس لڑکی کے مال اور جمال کا لالچ ہو۔ تو وہ اس لڑکی سے نکاح کرنے کا ارادہ کرلے اور پورا مہر ادا کرنے کا ارادہ نہ ہو، جتنا کہ اسے دوسرا شخص دے سکتا ہے۔ تو ایسی لڑکیوں کے ساتھ نکاح کر نے سے ممانعت کردی گئی جب تک انہیں دوسرے لڑکیوں کی مثل پورا مہر انصاف کے ساتھ نہ دیا جائے اور ایسے لوگوں کو حکم دیا گیا کہ وہ دوسری عورتوں سے نکاح کرلیں، ایسی عورتوں سے جو انہیں پسند بھی ہوں عروہ کا بیان ہے کہ حضرت صدیقہ رضی اللہ تعالیٰ عنہا نے فرمایا : لوگ رسول اللہ صلی اللّٰہ علیہ وسلم سے اس آیت کے بعد عورتوں کے بارے میں معلوم کیا کرتے تو اللہ تعالیٰ نے یہ آیت نازل فرمائی: ترجمہ کنز الایمان : اور تم سے عورتوں کے بارے میں فتویٰ پوچھتے ہیں (النساء ۱۲۷) حضرت عائشہ صدیقہ رضی اللہ عنہا فرماتی ہیں کہ دوسری آیت( بلکہ اسی)میں اللہ تعالیٰ نے ان یتیم لڑکیوں کے متعلق فرمایا ہے ترجمہ کنز الایمان:اور انہیں نکاح میں بھی لانے سے منھ پھیرتے ہو (النساء ۱۲۷) جن سے مال یا جمال کی کمی کے سبب نکاح کرنے کی رغبت نہ ہو، آپ فرماتی ہیں کہ ایسی یتیم عورتوں کے ساتھ اس وقت نکاح کرنے سے ممانعت فرما دی گئی ہے، جب تک انہیں انصاف کے ساتھ پورا مہر نہ دیا جائے، جن سے مال یا جمال کی کمی کے سبب اعراض کیا گیا۔ (بخاری شریف ،کتاب التفسير ،بَابُ {وَإِنْ خِفْتُمْ أَنْ لاَ تُقْسِطُوا فِي اليَتَامَى}حدیث نمبر ٤٥٧٤)

ترجمہ کنز الایمان: اور جو حاجت مند ہو وہ بقدر مناسب کھائے، پھر جب تم ان کے مال انہیں سپرد کرو تو ان پر گواہ کرلو، اور اللہ کافی ہے حساب لینے کو،(النساء ٦ ) بِدَارًا جلدی کرنا۔ أَعْتَدْنَا ہم نے تیار کر رکھا ہے۔ یہ الْعَتَادَ سے باب افعال ہے۔ حضرت عائشہ صدیقہ رضی اللہ تعالیٰ عنہا نے ارشاد باری تعالیٰ: ترجمہ کنز الایمان اور جسے حاجت نہ ہو وہ بچتا رہے اور جو حاجت مند ہو وہ بقدر مناسب کھائے (النساء ٦) فرمایا کہ یہ یتیم کے مال کے متعلق ہے کہ جب تک اس کے پاس رہے تو ضرورت مند مناسب مقدرا میں کھا سکتا ہے۔ (بخاری شریف ،کتاب التفسير ،بَابُ {وَمَنْ كَانَ فَقِيرًا فَلْيَأْكُلْ بِالْمَعْرُوفِ، فَإِذَا دَفَعْتُمْ إِلَيْهِمْ أَمْوَالَهُمْ فَأَشْهِدُوا عَلَيْهِمْ وَكَفَى بِاللَّهِ حَسِيبًا} [النساء: 6] حدیث نمبر ٤٥٧٥)

ترجمہ کنز الایمان : پھر بانٹتے وقت اگر رشتہ دار اور یتیم اور مسکین آجائیں (النساء ۸) کی تفسیر, حضرت ابن عباس رضی اللہ تعالیٰ عنہما فرماتے ہیں,کہ آیت: ترجمہ کنز الایمان: پھر بانٹتے وقت اگر رشتہ دار اور یتیم اور مسکین آجائیں ( النساء ۸) یہ محکم آیت ہے اور (کسی آیت سے) منسوخ نہیں ہوئی ہے۔ اسی طرح سعید بن جبیر نے حضرت ابن عباس رضی اللہ تعالیٰ عنہما سے روایت کی ہے۔ (بخاری شریف ،کتاب التفسير ،بَابُ {وَإِذَا حَضَرَ القِسْمَةَ أُولُو القُرْبَى وَاليَتَامَى وَالمَسَاكِينُ} الآيَةَ حدیث نمبر ٤٥٧٦)

{يُوصِيكُمُ اللَّهُ فِي أَوْلاَدِكُمْ} [النساء: 11] کی تفسیر، حضرت جابر رضی اللہ تعالیٰ عنہ فرماتے ہیں کہ نبی کریم صلی اللّٰہ علیہ وسلم اور حضرت ابوبکر رضی اللہ تعالٰی عنہ بنی سلمہ سے گزرتے ہوئے میرے عیادت کے لیے تشریف لائے، نبی کریم صلی اللّٰہ علیہ وسلم نے مجھے بیہوشی کی حالت میں پایا تو پانی منگوایا، پھر وضو فرمایا اور میرے اوپر چھینٹے مارے تو مجھے ہوش آ گیا۔ میں نے عرض کی کہ یا رسول اللہ صلی اللّٰہ علیہ وسلم ! آپ مجھے کیا حکم فرماتے ہیں کہ اپنے مال کے متعلق کیا کروں؟ پس یہ آیت نازل ہوئی: ترجمہ کنز الایمان : اللہ تمہیں حکم دیتا ہے تمہاری اولاد کے بارے میں (النساء ۱۱ ) (بخاری شریف ،کتاب التفسير ،بَابُ قَوْلِهِ: {يُوصِيكُمُ اللَّهُ فِي أَوْلاَدِكُمْ} [النساء: 11] حدیث نمبر ٤٥٧٧)

{وَلَكُمْ نِصْفُ مَا تَرَكَ أَزْوَاجُكُمْ} [النساء: 12] کی تفسیر، حضرت ابن عباس رضی اللہ تعالیٰ عنہما فرماتے ہیں پہلے یہ ہوتا تھا کہ مال کا وارث بیٹا ہوتا اور والدین کے لیے وصیت کی جاتی۔ پس اللہ تعالی نے اس میں سے جو بات چاہی منسوخ فرمادی اور یہ اصول مقرر فرمایا:ترجمہ کنز الایمان : بیٹے کا حصہ دو بیٹیوں"کے" برابر ہے (النساء ۱۱ ) میں سے ہر ایک کے لیے چھٹا اور تیسرا حصہ مقرر فرمایا۔ یعنی عورت کے لیے آٹھواں یا چوتھا حصہ اور خاوند کے لیے آدھا یا چوتھائی حصہ۔ (بخاری شریف ،کتاب التفسير ،بَابُ قَوْلِهِ: {وَلَكُمْ نِصْفُ مَا تَرَكَ أَزْوَاجُكُمْ} [النساء: 12] حدیث نمبر ٤٥٧٨)

لاَ يَحِلُّ لَكُمْ أَنْ تَرِثُوا النِّسَاءَ كَرْهًا، وَلاَ تَعْضُلُوهُنَّ لِتَذْهَبُوا بِبَعْضِ مَا آتَيْتُمُوهُنَّ} [النساء: 19] کی تفسیر، ترجمہ کنز الایمان: اے ایمان والو تمہیں حلال نہیں کہ عورتوں کے وارث بن جاؤ زبردستی اور عورتوں کو روکو نہیں اس نیت سے کہ جو مہر ان کو دیا تھا اس میں سے کچھ لے لو مگر اس صورت میں کہ صریح بے حیائی کا کام کریں اور ان سے اچھا برتاؤ کرو پھر اگر وہ تمہیں پسند نہ آئیں تو قریب ہے کہ کوئی چیز تمہیں ناپسند ہو اور اللہ اس میں بہت بھلائی رکھے (النساء ۱۹) حضرت ابن عباس رضی اللہ تعالیٰ عنہا سے منقول ہے کہ لاَ تَعْضُلُوهُنَّ سے مراد ہے کہ ان کے ساتھ زبردستی نہ کرو ۔ حُوبًا گناہ ۔ تَعُولُوا تم ایک جانب جھک جاؤ۔ نِحْلَةً سے مراد ہے مہر یعنی النخلة - عکرمہ اور ابوالحسن سوائی دونوں حضرات نے علیحدہ علیحدہ حضرت ابن عباس رضی اللہ تعالیٰ عنہما سے روایت کی ہے کہ آیت: ترجمہ کنز الایمان: اے ایمان والو تمہیں حلال نہیں کہ عورتوں کے وارث بن جاؤ زبردستی اور عورتوں کو روکو نہیں اس نیت سے کہ جو مہر ان کو دیا تھا اس میں سے کچھ لے لو (النساء ۱۹) کے متعلق وہ فرماتے ہیں کہ پہلے جب آدمی مرجاتا تو اس کی بیوی کے زیادہ مستحق اس کے وارث ہی شمار کیے جاتے تھے اگر ان میں سے کوئی چاہتا تو اسے اپنی زوجیت میں لے لیتا اور اگر وہ چاہتے تو اسے کسی دوسرے کے نکاح میں دیتے اور اگر وہ چاہتے تو کسی سے اس کا نکاح نہ ہونے دیتے پس اس کے وارثوں سے زیادہ وہ اس کے مستحق شمار کیے جاتے تھے۔ پس مذکورہ آیت اس کے متعلق نازل ہوئی ہے۔ (بخاری شریف ،کتاب التفسير ،بَابُ {لاَ يَحِلُّ لَكُمْ أَنْ تَرِثُوا النِّسَاءَ كَرْهًا، وَلاَ تَعْضُلُوهُنَّ لِتَذْهَبُوا بِبَعْضِ مَا آتَيْتُمُوهُنَّ} [النساء: 19] الآيَةَ حدیث نمبر ٤٥٧٩)

ترجمہ کنز الایمان : اور ہم نے سب کے لئے مال کے مستحق بنادیے ہیں جو کچھ چھوڑ جائیں ماں باپ اور قرابت والے اور وہ جن سے تمہارا حلف بندھ چکا انہیں ان کا حصہ دو، بیشک ہر چیز اللہ کے سامنے ہے،(النساء ۳۳) کی تفسیر، مَوَالِي سے اولیاء اور وارث مراد ہیں۔ عَاقَدَتْ جس کو قسم کھا کر موٹی بنایا ہو، الحَلِيفُ اور المَوْلَى کے اور بھی کئی معنی آئے ہیں جیسے چچا کا بیٹا، غلام یا لونڈی کا ملک جو بطور احسان اس کو آزاد کر دے، وہ غلام جو آزاد کر دیا گیا ہو اور جو دین میں مددگار ہو۔ حضرت ابن عباس رضی اللہ تعالیٰ عنہما فرماتے ہیں کہ آیت : (اور ہم نے سب کے لیے مال کے مستحق بنا دیئے ۔ یہ وارثوں کے متعلق ہے اور جملہ: (اور وہ جن سے تمہارا حلف بندھ چکا۔ وہ یوں ہے کہ جب مہاجرین مدینہ منورہ میں آئے تھے تو مہاجر اپنے انصاری بھائی کا وارث ہوتا اور اس کے اپنے رشتہ دار وارث نہیں ہوتے تھے کیونکہ نبی کریم صلی اللّٰہ علیہ وسلم نے ان (مهاجرین و انصار) کے درمیان مواخات (بھائی چارا قائم فرما دیا تھا جب یہ آیت نازل ہوئی تر جمہ کنز الایمان: اور ہم نے سب کے لئے مال کے مستحق بنا دیتے ہیں (النساء (۳۳) تو پہلا دستور منسوخ ہو گیا۔ پھر فرمایا کہ ترجمہ کنز الایمان: اور وہ جن سے تمہارا حلف بندھ چکا (پ ۵النساء ۳۳) یعنی مدد، خیر خواہی اور دوستی کا۔ چنانچہ اُن کا وارث ہوتا تو ختم ہو گیا لیکن وصیت اُن کے لیے باقی رہ گئی اسے ابواسامہ نے ادریس سے اور انہوں نے حضرت طلحہ بن مصرف سے سنا ہے۔ (بخاری شریف ،کتاب التفسير ،بَابُ قَوْلِهِ: (وَلِكُلٍّ جَعَلْنَا مَوَالِيَ مِمَّا تَرَكَ الوَالِدَانِ وَالأَقْرَبُونَ، وَالَّذِينَ عَاقَدَتْ أَيْمَانُكُمْ فَآتُوهُمْ نَصِيبَهُمْ إِنَّ اللَّهَ كَانَ عَلَى كُلِّ شَيْءٍ شَهِيدًا) حدیث نمبر ٤٥٨٠)

{إِنَّ اللَّهَ لاَ يَظْلِمُ مِثْقَالَ ذَرَّةٍ} [النساء: 40]: کی تفسیر، ذَرَّةٍ سے مراد جس میں ذرے کے برابر وزن ہو۔ حضرت ابو سعید خدری رضی اللہ تعالٰی عنہ فرماتے ہیں کہ نبی کریم صلی اللّٰہ علیہ وسلم کے عہد مبارک میں کچھ لوگوں نے دریافت کیا کہ یا رسول اللہ صلی اللّٰہ علیہ وسلم ! کیا ہم بروز قیامت اپنے رب کو دیکھیں گے؟ نبی کریم صلی اللّٰہ علیہ وسلم نے فرمایا کہ ہاں! جب دوپہر کے وقت دھوپ نکلی ہوئی ہو اور آسمان میں بادل بھی نہ ہوں تو کیا تمہیں سورج کے دیکھنے میں کوئی دقت ہوتی ہے؟ لوگوں نے جواب دیا، نہیں فرمایا، کیا چاندنی رات میں جبکہ چاندنی چھائی ہوئی ہو اور آسمان پر بادل بھی نہ ہوں تو کیا تمہیں چاند کے دیکھنے میں کوئی دشواری ہوتی ہے لوگوں نے کہا، نہیں، نبی کریم صلی اللّٰہ علیہ وسلم نے فرمایا کہ اللہ تعالٰی کو دیکھنے میں تمہیں اسی طرح کوئی دقت یا رکاوٹ نہیں ہوگی اور بروز قیامت تم اللہ عز و جل، کو اسی طرح بغیر کسی رکاوٹ کے دیکھو گے جیسے آج ایک دوسرے کو دیکھتے ہو۔ بروز قیامت ایک پکارنے والا پکارے گا کہ تم میں سے جو گروہ خدا کے سوا جس بت یا تھان کو پوجتا تھا آج اس کے پیچھے ہو جائے۔ چنانچہ ایسے تمام لوگ جہنم میں پھینک دیئے جائیں گے۔ حتیٰ کہ وہی لوگ باقی رہ جائیں گے جو ایک خدا کی عبادت کرتے تھے خواہ وہ نیک ہوں یا بد جن میں اہل کتاب کے کچھ لوگ بھی ہوں گے پھر یہودی بلائے جائیں گے اور ان سے پوچھا جائے گا کہ تم کس کی پوجا کیا کرتے تھے؟ وہ کہیں گے کہ ہم اللہ کے بیٹے حضرت عزیز علیہ السلام کی عبادت کیا کرتے تھے ان سے کہا جائے گا کہ تم نے جھوٹ بولا ہے کیونکہ اللہ تعالیٰ کی نہ بیوی ہے، اور نہ کوئی بیٹا ہے بتاؤ اب تم کیا چاہتے ہو؟ وہ کہیں گے کہ ہمیں پیاس لگی ہوئی ہے تو اے ہمارے رب! ہمیں پانی پلا دے۔ پھر ریت کے ایک میدان کے بارے میں کہا جائیگا کہ کیا تم وہ پانی نہیں دیکھتے چنانچہ وہ سب اس آگ میں جمع کر لیے جائیں گے یعنی وہ سراب ہوگی جس کے بعض شعلے دوسروں کو کھا رہے ہونگے ، پس وہ اس آگ میں ڈال دیئے جائیں گے پھر نصاری کو بلایا جائے گا اور ان سے دریافت کیا جائیگا کہ تم کس کی عبادت کیا کرتے تھے وہ کہیں گے کہ ہم اللہ کے بیٹے حضرت مسیح علیہ السلام کی پوجا کیا کرتے تھے ان سے کہا جائیگا کہ تم جھوٹے ہو کیونکہ اللہ تعالیٰ کی نہ بیوی ہے اور نہ کوئی بیٹا ہے پھر ان سے کہا جائیگا کہ یہ بتاؤ تم کیا چاہتے ہو؟ چنانچہ ان کے ساتھ بھی وہی کچھ ہوگا جو ان سے پہلے یہودی گروہ کے ساتھ ہوا۔ حتیٰ کہ صرف وہی لوگ رہ جائیں گے جو ایک خدا کی عبادت کیا کرتے تھے خواہ وہ نیک ہوں یا بد۔ پھر اللہ تعالیٰ بہت قریب سے ایسی صورت میں جلوہ فرمائے گا جس میں اسے دیکھا جا سکے پھر ان سے پوچھا جائیگا کہ تم کس کا انتظار کر رہے ہو؟ حالانکہ آج ہر ایک اس کے ساتھ ہے جس کی وہ عبادت کرتا تھا وہ عرض کریں گے کہ ہم نے تو ان لوگوں کو دنیا میں چھوڑ دیا تھا جبکہ ان کی بڑی حاجت تھی۔ اور ہم تو اپنے رب کا انتظار کر رہے ہیں ان سے فرمایا جائے گا کہ میں تمہارا رب ہوں وہ دو یا تین دفعہ کہیں گے کہ ہم اللہ کے ساتھ کسی کو شریک نہیں کرتے ۔ (بخاری شریف ،کتاب التفسير ،بَابُ قَوْلِهِ: {إِنَّ اللَّهَ لاَ يَظْلِمُ مِثْقَالَ ذَرَّةٍ} [النساء: 40]: حدیث نمبر ٤٥٨١)

{فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ وَجِئْنَا بِكَ عَلَى هَؤُلاَءِ شَهِيدًا} [النساء: 41] " کی تفسیر ، ترجمہ کنز الایمان : تو کیسی ہوگی جب ہم ہر امت سے ایک گواہ لائیں اور اے محبوب تمہیں ان سب پر گواہ اور نگہبان بنا کر لائیں (پ ۵ النساء ٤١) المُخْتَالُ اور الخَتَّالُ کا ایک ہی معنی ہے یعنی مغرور،نَطْمِسَ ہم ان کے منہ گدھے کی طرح برابر کر دینگے طَمَسَ الكِتَابَ اسی سے بنا ہے یعنی لکھا ہوا مٹا دینا، سَعِيرًا ایندھن ۔ حضرت عبداللہ بن مسعود رضی اللہ تعالٰی عنہ سے مروی ہے جبکہ یحییٰ کا بیان ہے کہ اس حدیث کا ایک حصہ عمرو بن مرہ سے مروی ہے کہ نبی کریم صلی اللّٰہ علیہ وسلم نے حضرت ابن مسعود رضی اللہ تعالٰی عنہ سے فرمایا کہ مجھے قرآن کریم پڑھ کر سناؤ۔ میں نے عرض کی کہ حضور! میں پڑھ کر سناؤں جبکہ نازل تو آپ پر ہوا ہے؟ فرمایا مجھے دوسروں کی زبانی سننا بہت پسند ہے۔ پس میں نے آپ کے حضور سورۃ النساء پڑھی جب میں اس آیت پر پہنچا کہ ترجمہ کنز الایمان : تو کیسی ہوگی جب ہم ہر امت سے ایک گواہ لائیں اور اے محبوب تمہیں ان سب پر گواہ اور نگہبان بنا کر لائیں (پ ۵ النساء ٤١) تو آپ نے فرمایا کہ بس کر جاؤ اور اس وقت آپ کی چشمانِ مبارک سے اشک رواں تھے۔ (بخاری شریف ،کتاب التفسير ،بَابُ {فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ وَجِئْنَا بِكَ عَلَى هَؤُلاَءِ شَهِيدًا} [النساء: 41] " حدیث نمبر ٤٥٨٢)

{وَإِنْ كُنْتُمْ مَرْضَى أَوْ عَلَى سَفَرٍ أَوْ جَاءَ أَحَدٌ مِنْكُمْ مِنَ الغَائِطِ} [النساء: 43] کی تفسیر، ترجمہ کنز الایمان: اور اگر تم بیمار ہو یا سفر میں یا تم میں سے کوئی قضائے حاجت سے آیا (پ ۵ النساء (٤٣) صَعِيدًا زمین کی سطح - الطَّوَاغِيتُ وہ ہیں جن کی جانب کافر اپنے مقدمے لے جاتے تھے، چنانچہ وہ قبیل تجہینہ کا اپنا تھا۔ بنی اسلم کا اپنا اور ہر ایک قبیلے کا اپنا اپنا اور کاہنوں پر شیطان نازل ہوتے ہیں۔ حضرت عمر رضی اللہ عنہ نے فرمایا کہ الجِبْتُ سے جادو اور الطَّاغُوتُ سے شیطان مراد ہے عکرمہ کا قول ہے کہ الجِبْتُ حبشہ کی زبان کا لفظ ہے بمعنی شیطان اور الطَّاغُوتُ سے کاہن مراد ہیں۔ حضرت عائشہ صدیقہ رضی اللہ تعالیٰ عنہا فرماتی ہیں کہ میرا ہار گم ہو گیا جب میں نے عاریۃً حضرت اسماء رضی اللہ تعالیٰ عنہا سے لیا تھا۔ پس نبی کریم صلی اللّٰہ علیہ وسلم نے اسے تلاش کرنے کے لیے چند افراد روانہ فرمائے۔ لوگوں کے وضو نہ تھے اور وضو کے لیے انہیں پانی مل بھی نہیں رہا تھا۔ چنانچہ لوگوں نے بغیر وضو کے نماز پڑھی اس وقت اللہ تعالیٰ نے تیمم کی آیت نازل فرمائی۔ {أَطِيعُوا اللَّهَ وَأَطِيعُوا الرَّسُولَ وَأُولِي الأَمْرِ مِنْكُمْ} [النساء: 59]: کی تفسیر، ذَوِي الأَمْرِ یعنی جن کا حکم چلتا ہو۔ سعید بن جبیر کا بیان ہے کہ حضرت ابن عباس رضی اللہ تعالیٰ عنہما نے فرمایا کہ آیت۔ ترجمہ کنز الایمان: اے ایمان والو حکم مانو اللہ کا اور حکم مانو رسول کا اور ان کا جو تم میں حکومت والے ہیں (پ ۵ النساء (۵۹) یہ حضرت عبداللہ بن حذافہ بن قیس بن عدی کے متعلق نازل ہوئی۔ جب کہ نبی کریم صلی اللّٰہ علیہ وسلم نے انہیں ایک سریہ کا امیر بنا کر روانہ فرمایا تھا۔ (بخاری شریف ،کتاب التفسير بَابُ قَوْلِهِ: {وَإِنْ كُنْتُمْ مَرْضَى أَوْ عَلَى سَفَرٍ أَوْ جَاءَ أَحَدٌ مِنْكُمْ مِنَ الغَائِطِ} [النساء: 43] حدیث نمبر ٤٥٨٣،و حدیث نمبر ٤٥٨٤)

{فَلاَ وَرَبِّكَ لاَ يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ} [النساء: 65] کہ تفسیر، حضرت عروہ کا بیان ہے کہ حضرت زبیر بن عوام رضی اللہ تعالٰی عنہ اور ایک انصاری کا کھیت کے پانی پر تنازعہ ہو گیا۔ نبی کریم صلی اللّٰہ علیہ وسلم نے فیصلہ فرمایا کہ اے زبیر! پہلے تم اپنے کھیت کو پانی دے لو اور پھر ہمسائے کے کھیت کی طرف چھوڑ دینا۔ اس پر انصاری نے کہا: یا رسول اللہ صلی اللّٰہ علیہ وسلم ! کیا یہ اس لیے ہے کہ یہ آپ کی پھوپھی جان کے صاحبزادے ہیں؟ اس پر آپ کے چہرے مبارک کا رنگ سُرخ ہو گیا اور فرمایا کہ اے زبیر! پہلے تم اپنے کھیت کو پانی دو اور جب پانی کھیت کی منڈیروں سے باہر نکلنے لگے تو اپنے ہمسائے کی طرف چھوڑ دینا اور نبی کریم صلی اللّٰہ علیہ وسلم نے اس مرتبہ حضرت زبیر کو ان کا پورا حق دلا دیا جبکہ آپ نے واضح حکم فرما دیا ورنہ پہلے حکم میں انصاری کے لیے رعایت فرمائی گئی تھی اور اس حکم میں دونوں کے حقوق کی طرف اشارہ فرما دیا تھا حضرت زبیر رضی اللہ تعالیٰ عنہ فرماتے ہیں کہ میرے خیال میں یہ آیتیں ترجمہ کنز الایمان : تو اے محبوب تمہارے رب کی قسم وہ مسلمان نہ ہوں گے جب تک اپنے آپس کے جھگڑے میں تمہیں حاکم نہ بنائیں (پ النساء ٦٥) اسی کے متعلق نازل ہوئی ہیں۔ (بخاری شریف ،کتاب التفسير ،بَابُ {فَلاَ وَرَبِّكَ لاَ يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ} [النساء: 65] حدیث نمبر ٤٥٨٥)

{فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ} [النساء: 69] کی تفسیر، ترجمہ کنز الایمان : تو اُسے ان کا ساتھ ملے گا جن پر اللہ نے فضل کیا یعنی انبیاء (پ ۵ النساء ٦٩) حضرت عائشہ صدیقہ رضی اللہ تعالیٰ عنہا کا بیان ہے کہ میں نے رسول اللہ صلی اللّٰہ علیہ وسلم کو فرماتے ہوئے سنا کہ کوئی نبی جب بیمار ہو جاتے تو انہیں اختیار دیا جاتا کہ دنیا میں رہنا چاہتے ہیں یا آخرت میں، چنانچہ جب آپ اس مرض میں مبتلا تھے جس میں وصال ہوا اور جب بیماری شدت اختیار کر گئی تو میں نے سنا کہ آپ فرمارہے تھے: ترجمہ کنز الایمان : جن پر اللہ نے فضل کیا یعنی انبیاء اور صدیق اور شہید اور نیک لوگ (پ ۵ النساء (٦٩) پس میں سمجھ گئی کہ آپ نے آخرت کو اختیار فرمالیا ہے۔ (بخاری شریف ،کتاب التفسير ،بَابُ {فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ} [النساء: 69] حدیث نمبر ٤٥٨٦)

{وَمَا لَكُمْ لاَ تُقَاتِلُونَ فِي سَبِيلِ اللَّهِ وَالمُسْتَضْعَفِينَ مِنَ الرِّجَالِ وَالنِّسَاءِ} [النساء: 75] کی تفسیر، ترجمہ کنز الایمان: اور تمہیں کیا ہوا کہ نہ لڑو اللہ کی راہ میں اور کمزور مردوں اور عورتوں اور بچوں کے واسطے یہ دعا کر رہے ہیں کہ اے ہمارے رب ہمیں اس بستی سے نکال جس کے لوگ ظالم ہیں (پ ۵ النساء ۷۵) عبد الله بن محمد ، سفیان، عبید اللہ کا بیان ہے کہ میں نے حضرت ابن عباس رضی اللہ تعالیٰ عنہما کو فرماتے ہوئے سنا کہ میرا اور میری والدہ ماجدہ کا شمار ضعفاء میں تھا۔ (بخاری شریف ،کتاب التفسير ،بَابُ {وَمَا لَكُمْ لاَ تُقَاتِلُونَ فِي سَبِيلِ اللَّهِ وَالمُسْتَضْعَفِينَ مِنَ الرِّجَالِ وَالنِّسَاءِ} [النساء: 75] الآيَةَ حدیث نمبر ٤٥٨٧)

ابن ابی ملیکہ کا بیان ہے کہ حضرت ابنِ عباس رضی اللہ تعالیٰ عنہما نے آیت: ترجمہ کنز الایمان : مگر وہ جو دبا لئے گئے مرد اور عورتیں اور بچے (پ ۵ النساء (۹۸) تلاوت کی اور فرمایا کہ میرا اور میری والدہ محترمہ کا شمار ان لوگوں میں ہے جن کا عذر اللہ تعالیٰ نے قبول فرمایا۔ حضرت ابن عباس سے منقول ہے کہ حصرت سے تنگ ہونا مراد ہے۔ تَلْوُوُا الْسِنَتِكُمْ زبان پھیر کر گواہی دینا اُن کے سوا دوسرے نے کہا ہے کہ المُرَاغَمُ سے مراد جائے ہجرت ہے۔ رَاغَمْتُ میں نے اپنی قوم کو چھوڑ دیا۔ مَوْقُوتًا ایک مقررہ وقت پر (بخاری شریف ،کتاب التفسير ،بَابُ {وَمَا لَكُمْ لاَ تُقَاتِلُونَ فِي سَبِيلِ اللَّهِ وَالمُسْتَضْعَفِينَ مِنَ الرِّجَالِ وَالنِّسَاءِ} [النساء: 75] الآيَةَ،حدیث نمبر ٤٥٨٨)

{فَمَا لَكُمْ فِي المُنَافِقِينَ فِئَتَيْنِ وَاللَّهُ أَرْكَسَهُمْ بِمَا كَسَبُوا} [النساء: 88] ترجمہ کنز الایمان: توتمہیں کیا ہوا کہ منافقوں کے بارے میں دو فریق ہو گئے اور اللہ نے انہیں اوندھا کر دیا (پ ۵ النساء۸۸) کی تفسیر، حضرت ابن عباس رضی اللہ عنہما کا قول ہے کہ ان کی طاقت کو توڑ دیا فِئَةٌ سے مراد جماعت ہے۔ حضرت زید بن ثابت رضی اللہ تعالیٰ عنہ فرماتے ہیں کہ آیت ترجمہ کنز الایمان : تو تمہیں کیا ہوا کہ منافقوں کے بارے میں دو فریق ہو گئے (پ ۵ النسا ء ۸۸) یہ اُس وقت نازل ہوئی جبکہ غزوہ احد کے لیے کچھ لوگ نبی کریم صلی اللّٰہ علیہ وسلم کے ساتھ نکلے لیکن واپس لوٹ گئے تھے چنانچہ اُن کے متعلق لوگوں کے دو گروہ ہو گئے ایک گروہ کہتا کہ اُن کو قتل کر دیا جائے اور دوسرا گروہ انہیں قتل کر دینے سے انکار کرتا تھا۔ پس یہ آیت نازل ہوئی کہ ترجمہ کنز الایمان: تو تمہیں کیا ہوا کہ منافقوں کے بارے میں دو فریق ہو گئے (پ ۵ النساء ۸۸) نبی کریم نے فرمایا کہ مدینہ منورہ تو طیبہ بھی ہے یہ میل کو اس طرح نکال دیتا ہے جیسے چاندی کے میل کو آگ نکال دیتی۔ (بخاری شریف ،کتاب التفسير ،بَابُ {فَمَا لَكُمْ فِي المُنَافِقِينَ فِئَتَيْنِ وَاللَّهُ أَرْكَسَهُمْ بِمَا كَسَبُوا} [النساء: 88] حدیث نمبر ٤٥٨٩)

{وَإِذَا جَاءَهُمْ أَمْرٌ مِنَ الأَمْنِ أَوِ الخَوْفِ أَذَاعُوا بِهِ} [النساء: 83]: کی تفسیر، ترجمہ کنز الایمان: اور جب اُن کے پاس کوئی بات اطمینان یا ڈر کی آتی ہے اس کا چرچا کر بیٹھتے ہیں (پ ۵ النساء ۸۳) یعنی اسے خوب ہوا دیتے ہیں، يَسْتَنبِطُونه چاہیے کہ اس کی تحقیق کریں۔حَسِيبًا كافي - إِلَّا إِنَاثًا بے جان چیزیں جیسے پتھر مٹی وغيره، مَرِيدا شرارتی، فَلْيُبَتِكُنَ بِهِ بَتَّكَة سے بنا ہے یعنی اسے کاٹ دیا قِيلًا اور قَوْلًا ہم معنی ہیں طَبَعَ کا معنی ہے مہر لگادی۔ مغیرہ بن نعمان کا بیان ہے کہ میں نے حضرت سعید بن جبیر کو فرماتے ہوئے سنا کہ اہل کوفہ میں اس آیت کے بارے میں اختلاف ہو گیا تو میں سفر کر کے حضرت ابن عباس رضی اللہ تعالٰی عنہما کی خدمت میں حاضر ہوا اور ان سے معلوم کیا۔ انہوں نے فرمایا کہ یہ آیت: ترجمہ کنز الایمان: اور جو کوئی مسلمان کو جان بوجھ کر قتل کرے تو اس کا بدلہ جہنم ہے (پ ۵ النساء (۹۳) یہ قتل کے بارے میں سب سے آخر میں نازل ہوئی اور اس کا کوئی حصہ منسوخ نہیں ہوا ہے۔ (بخاری شریف ،کتاب التفسير ،بَابُ {وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ} [النساء: 93]حدیث نمبر ٤٥٩٠)

{وَلاَ تَقُولُوا لِمَنْ أَلْقَى إِلَيْكُمُ السَّلاَمَ لَسْتَ مُؤْمِنًا} [النساء: 94] « کی تفسیر، ترجمہ کنز الایمان : اور جو تمہیں سلام کرے اس سے یہ نہ کہو کہ تو مسلمان نہیں (پ ۵النساء ۹٤) السلم اور السَّلَامُ ہم معنی ہیں۔ عطاء کا بیان ہے کہ آیت : ترجمہ کنز الایمان : اور جو تمہیں سلام کرے اس سے یہ نہ کہو کہ تو مسلمان نہیں (پ ۵ النساء ۹٤) کے متعلق حضرت ابن عباس رضی اللہ تعالیٰ عنہما نے فرمایا کہ ایک شخص اپنی بکریاں چرا رہا تھا کہ اسے کچھ مسلمان ملے، اس نے اُن سے السَّلامُ علیکم کہا لیکن مسلمانوں نے اسے قتل کر دیا اور اس کی بکریاں لے لیں۔ پس اس پر اللہ تعالیٰ نے مذکورہ حکم نازل فرمایا۔ عَرَضَ الحَيَاةِ الدُّنْيَا سے وہ بکریاں مراد ہیں۔ حضرت ابن عباس رضی اللہ تعالیٰ عنہما کی قرآت میں اس آیت کے اندر لفظ" السلام" ہے، (بخاری شریف ،کتاب التفسير ،بَابُ {وَلاَ تَقُولُوا لِمَنْ أَلْقَى إِلَيْكُمُ السَّلاَمَ لَسْتَ مُؤْمِنًا} [النساء: 94] «حدیث نمبر ٤٥٩١)

{لاَ يَسْتَوِي القَاعِدُونَ مِنَ المُؤْمِنِينَ} [النساء: 95] کی تفسیر، ترجمہ کنز الایمان: برابر نہیں وہ مسلمان کہ بے عذر جہاد سے بیٹھ رہیں اور وہ کہ راہ خدا میں اپنے مالوں اور جانوں سے جہاد کرتے ہیں (پ ۵ النساء ۹۵) حضرت سہل بن سعد ساعدی رضی اللہ تعالیٰ عنہ فرماتے ہیں کہ میں نے مروان بن الحکم کو مسجد میں بیٹھے ہوئے دیکھا تو میں جاکر ان کے پہلو میں بیٹھ گیا۔ انہوں نے مجھے بتایا کہ حضرت زید بن ثابت رضی اللہ تعالیٰ عنہ نے انہیں خبر دی ہے کہ رسول اللہ صلی اللّٰہ علیہ وسلم نے ان سے آیت: ترجمہ کنز الایمان: برابر نہیں وہ مسلمان کہ بے عذر جہاد سے بیٹھ رہیں اور وہ کہ راہ خدا میں اپنے مالوں اور جانوں سے جہاد کرتے ہیں (پ۵ النساء ۹۵) لکھوائی جب آپ لکھوا رہے تھے تو میرے پاس حضرت ابن ام مکتوم رضی اللہ تعالٰی عنہ آگئے اور عرض کی کہ یا رسول اللہ صلی اللّٰہ علیہ وسلم ! اگر میں بینائی سے محروم نہ ہوتا تو ضرور جہاد کرتا۔ اس پر اللہ تعالیٰ نے اپنے رسول پر یہ آیت نازل فرمائی اور اس وقت حضور اکرم صلی اللہ علیہ وسلم کی ران مبارک میری ران پر تھی۔ میری ران پر اتنا بوجھ پڑا کہ مجھے اپنی ران کے ٹوٹ جانے کا خدشہ ہونے لگا تھا۔ پھر بوجھ کم ہوا تو اللہ تعالیٰ نے یہ حکم نازل فرمایا تھا۔ کہ یہ حکم ان کے بارے میں ہے جنہیں کوئی تکلیف نہ ہو۔ (بخاری شریف ،کتاب التفسير ،بَابُ {لاَ يَسْتَوِي القَاعِدُونَ مِنَ المُؤْمِنِينَ} [النساء: 95] {وَالمُجَاهِدُونَ فِي سَبِيلِ اللَّهِ} [النساء: 95] حدیث نمبر ٤٥٩٢)

حضرت براء بن عازب رضی اللہ تعالیٰ عنہ فرماتے ہیں کہ جب آیت: ترجمہ کنز الایمان: برابر نہیں وہ مسلمان کہ بے عذر جہاد سے بیٹھے رہیں اور وہ کہ راہ خدا میں اپنے مالوں اور جانوں سے جہاد کرتے ہیں (پ ۵ النسا ۹۵) نازل ہوئی تو رسول اللہ صلی اللّٰہ علیہ وسلم نے حضرت زید بن ثابت رضی اللہ تعالیٰ عنہ کو بلایا۔ پس انہوں نے یہ لکھ دی۔ پھر حضرت ابن ام مکتوم رضی اللہ تعالیٰ عنہ نے خدمت اقدس میں حاضر ہو کر اپنی تکلیف کا اظہار کیا تو اللہ تعالیٰ نے حکم نازل فرمایا کہ جو تکلیف والے نہ ہوں۔ (بخاری شریف ،کتاب التفسير ،بَابُ {لاَ يَسْتَوِي القَاعِدُونَ مِنَ المُؤْمِنِينَ} [النساء: 95] {وَالمُجَاهِدُونَ فِي سَبِيلِ اللَّهِ} [النساء: 95] حدیث نمبر ٤٥٩٣)

حضرت براء بن عازب رضی اللہ تعالیٰ عنہ فرماتے ہیں کہ جب آیت: ترجمہ کنز الایمان: برابر نہیں وہ مسلمان کہ بے عذر جہاد سے بیٹھ رہیں اور وہ کہ راہ خدا میں اپنے مالوں اور جانوں سے جہاد کرتے ہیں (پ۵ النساء ۹۵) نازل ہوئی تو نبی کریم صلی اللّٰہ علیہ وسلم نے فرمایا فلاں شخص کو بلاؤ۔ چنانچہ وہ دوات اور تختی یا شانے کی ہڈی لے کر خدمت اقدس میں حاضر ہو گئے۔ پس آپ نے فرمایا کہ لکھو: ترجمہ کنز الایمان: برابر نہیں وہ مسلمان کہ بے عذر جہاد سے بیٹھ رہیں اور وہ کہ راہ خدا میں اپنے مالوں اور جانوں سے جہاد کرتے ہیں (پ ۵ النساء ۹۵) اس وقت حضرت ابن ام مکتوم بھی نبی کریم صلی اللّٰہ علیہ وسلم کے پیچھے بیٹھے ہوئے تھے انہوں نے عرض کی کہ یا رسول اللہ صلی اللّٰہ علیہ وسلم ! میں تو معذور ہوں۔ تو اس جگہ یہ وحی نازل ہوئی: ترجمہ کنز الایمان: برابر نہیں وہ مسلمان کہ بے عذر جہاد سے بیٹھ رہیں اور وہ کہ راہ خدا میں اپنے مالوں اور جانوں سے جہاد کرتے ہیں (النساء ٩٥) (بخاری شریف ،کتاب التفسير ،بَابُ {لاَ يَسْتَوِي القَاعِدُونَ مِنَ المُؤْمِنِينَ} [النساء: 95] {وَالمُجَاهِدُونَ فِي سَبِيلِ اللَّهِ} [النساء: 95] حدیث نمبر ٤٥٩٤)

مقسم مولی عبداللہ بن حارث کا بیان ہے کہ انہیں حضرت ابن عباس رضی اللہ تعالیٰ عنہما نے خبر دی کہ اس آیت میں بناعذر جہاد میں شریک نہ ہونے والوں سے وہ مراد ہیں جو غزوہ بدر میں شامل نہ ہوئے اور مجاہدین سے مراد وہ بزرگ ہیں جو غزوہ بدر میں شریک ہوئے تھے ( رضی اللہ تعالیٰ عنہم اجمعین) (بخاری شریف ،کتاب التفسير ،بَابُ {لاَ يَسْتَوِي القَاعِدُونَ مِنَ المُؤْمِنِينَ} [النساء: 95] {وَالمُجَاهِدُونَ فِي سَبِيلِ اللَّهِ} [النساء: 95]،حدیث نمبر ٤٥٩٥)

{إِنَّ الَّذِينَ تَوَفَّاهُمُ المَلاَئِكَةُ ظَالِمِي أَنْفُسِهِمْ، قَالُوا: فِيمَ كُنْتُمْ؟ قَالُوا: كُنَّا مُسْتَضْعَفِينَ فِي الأَرْضِ، قَالُوا: أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا} ترجمہ کنز الایمان: وہ لوگ جن کی جان فرشتے نکالتے ہیں اس حال میں کہ وہ اپنے اوپر ظلم کرتے تھے اُن سے فرشتے کہتے ہیں تم کاہے میں تھے کہتے ہیں کہ ہم زمین میں کمزور تھے کہتے ہیں کیا اللہ کی زمین کشادہ نہ تھی کہ تم اس میں ہجرت کرتے (پ ۵ النساء ۹۷) کی تفسیر ، حضرت محمد بن عبد الرحمن ابو الاسود فرماتے ہیں کہ اہل مدینہ کا ایک لشکر تیار کیا گیا اور اس میں میرا نام بھی لکھ لیا گیا، اس کے بعد میں حضرت ابن عباس رضی اللہ تعالیٰ عنہما کے آزاد کردہ غلام حضرت عکرمہ سے ملا تو انہوں نے مجھے سختی کے ساتھ اس میں شامل ہونے سے منع فرمایا۔ پھر بتایا کہ مجھ سے حضرت ابن عباس رضی اللہ تعالٰی عنہا نے فرمایا تھا کہ مسلمانوں میں کچھ وہ تھے رسول اللہ صلی اللّٰہ علیہ وسلم کے عہد مبارک میں مشرکوں کے ساتھ تھے اور مشرکوں کی تعداد کو بڑھاتے تھے جب وہ کوئی تیر آتا ہوا دیکھتے تو ان میں سے کسی کو آلگتا اور وہ مرجاتا یا تلوار کے ذریعے قتل کر دیا جاتا تھا پس اللہ تعالیٰ نے یہ آیت نازل فرمائی ترجمہ کنز الایمان: وہ لوگ جن کی جان فرشتے نکالتے ہیں اس حال میں کہ وہ اپنے اوپر ظلم کرتے تھے (پ ۵ النساء ۹۷) لیث بن سعد نے بھی ابو الاسود سے اس کی روایت کی ہے۔ (بخاری شریف ،کتاب التفسير ،بَابُ {إِنَّ الَّذِينَ تَوَفَّاهُمُ المَلاَئِكَةُ ظَالِمِي أَنْفُسِهِمْ، قَالُوا: فِيمَ كُنْتُمْ؟ قَالُوا: كُنَّا مُسْتَضْعَفِينَ فِي الأَرْضِ، قَالُوا: أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا} الآيَةَ حدیث نمبر ٤٥٩٦)

{إِلَّا المُسْتَضْعَفِينَ مِنَ الرِّجَالِ وَالنِّسَاءِ وَالوِلْدَانِ لاَ يَسْتَطِيعُونَ حِيلَةً وَلاَ يَهْتَدُونَ سَبِيلًا} [النساء: 98] ترجمہ کنز الایمان : مگر وہ جو دبالئے گئے مرد اور عورتیں اور بچے جنہیں نہ کوئی تدبیر بن پڑے نہ راستہ جانیں (پ ۵ النساء ۹۸) کی تفسیر، حضرت ابن عباس رضی اللہ تعالیٰ عنہما بیان فرماتے ہیں کہ (سورۃ النساء، آیت ۹۸ میں ) اللہ تعالیٰ نے جن ضعفاء کا ذکر فرمایا ہے تو میری والدہ ماجدہ کا شمار بھی ایسے ہی لوگوں میں ہے جن کا اللہ تعالیٰ نے عُذر قبول فرمایا۔ (بخاری شریف ،کتاب التفسير ،بَابُ {إِلَّا المُسْتَضْعَفِينَ مِنَ الرِّجَالِ وَالنِّسَاءِ وَالوِلْدَانِ لاَ،حدیث نمبر ٤٥٩٧)

{فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا} [النساء: 99] ترجمہ کنز الایمان: تو قریب ہے اللہ ایسوں کو معاف فرمائے اور اللہ معاف فرمانے والا بخشنے والا ہے(پ ۵ النساء ۹۹) کی تفسیر، حضرت ابوہریرہ رضی اللہ تعالیٰ عنہ فرماتے ہیں کہ ایک مرتبہ نبی کریم صلی اللہ علیہ وسلم نماز عشاء پڑھ رہے تھے جب آپ سمع اللہ لمن حمدہ کہہ چکے تو سجدہ کرنے سے پہلے آپ نے یوں دعا کی: اے اللہ ! عیاش بن ابو ربیعہ کو نجات دے۔ اے اللہ ! سلمہ بن ہشام کو نجات دے۔ اے اللہ ولید بن ولید کو نجات دے۔ اے اللہ !ضعیف مسلمانوں کو نجات دے۔ اے اللہ ! قبیلہ مضر والوں پر سختی فرما اور ان پر حضرت یوسف علیہ السلام کے زمانے جیسی قحط سالی مسلط فرما دے۔ (بخاری شریف ،کتاب التفسير ،بَابُ قَوْلِهِ: {فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا} [النساء: 99] حدیث نمبر ٤٥٩٨)

{وَلاَ جُنَاحَ عَلَيْكُمْ إِنْ كَانَ بِكُمْ أَذًى مِنْ مَطَرٍ، أَوْ كُنْتُمْ مَرْضَى أَنْ تَضَعُوا أَسْلِحَتَكُمْ} [النساء: 102] ترجمہ کنز الایمان : اور تم پر مضائقہ نہیں اگر تمہیں مینھ کے سبب تکلیف ہو یا بیمار ہو کہ اپنے ہتھیار کھول رکھو (پ ۵ النساء ۱۰۲) کی تفسیر، سعید بن جبیر سے مروی ہے کہ حضرت ابن عباس رضی اللہ تعالیٰ عنہما نے فرمایا کہ آیت : ترجمہ کنز الایمان: اور تم پر مضائقہ نہیں اگر تمہیں مینھ کے سبب تکلیف ہویا بیمار ہو ( پ ۵ النساء ۱۰۲) یہ اس وقت نازل ہوئی جب حضرت عبدالرحمن بن عوف زخمی تھے۔ (بخاری شریف ،کتاب التفسير ،بَابُ قَوْلِهِ: {وَلاَ جُنَاحَ عَلَيْكُمْ إِنْ كَانَ بِكُمْ أَذًى مِنْ مَطَرٍ، أَوْ كُنْتُمْ مَرْضَى أَنْ تَضَعُوا أَسْلِحَتَكُمْ} [النساء: 102] حدیث نمبر ٤٥٩٩)

{وَيَسْتَفْتُونَكَ فِي النِّسَاءِ، قُلْ: اللَّهُ يُفْتِيكُمْ فِيهِنَّ، وَمَا يُتْلَى عَلَيْكُمْ فِي الكِتَابِ فِي يَتَامَى النِّسَاءِ} [النساء: 127] ترجمہ کنز الایمان: اور تم سے عورتوں کے بارے میں فتویٰ پوچھتے ہیں تم فرمادو کہ اللہ تمہیں ان کا فتویٰ دیتا ہے اور وہ جو تم پر قرآن میں پڑھا جاتا ہے اُن یتیم لڑکیوں کے بارے میں (پ ۵ النساء ۱۲۷) حضرت عائشہ صدیقہ رضی اللہ تعالیٰ عنہا نے فرمایا کہ ارشاد ربانی: ترجمہ کنز الایمان: اور تم سے عورتوں کے بارے میں فتویٰ پوچھتے ہیں تم فرما دو کہ اللہ تمہیں ان کا فتویٰ دیتا ہے ۔۔۔۔تا۔۔۔ انہیں نکاح میں بھی لانے سے منھ پھیرتے ہو ( پ ۵ النساء ۱۲۷) یہ اس شخص کے بارے میں ہے جس کے پاس یتیم لڑکی ہو اور وہ اس کا ولی اور وارث ہو اور وہ لڑکی اس کے مال میں شریک ہوتی کہ کھجور کے درخت میں بھی حصہ دار ہو ۔ پس وہ اس سے نکاح نہ کرنا چاہے اور کسی دوسرے شخص سے بھی نکاح نہ کرنے دے کہ وہ بھی مال میں شریک ہو جائے گا اس لیے اسے دوسرے کے ساتھ نکاح کرنے سے روکے تو یہ آیت ایسے اشخاص کے متعلق نازل فرمائی گئی ہے۔ (بخاری شریف ،کتاب التفسير ،بَابُ قَوْلِهِ: {وَيَسْتَفْتُونَكَ فِي النِّسَاءِ، قُلْ: اللَّهُ يُفْتِيكُمْ فِيهِنَّ، وَمَا يُتْلَى عَلَيْكُمْ فِي الكِتَابِ فِي يَتَامَى النِّسَاءِ} [النساء: 127] حدیث نمبر ٤٦٠٠)

{وَإِنِ امْرَأَةٌ خَافَتْ مِنْ بَعْلِهَا نُشُوزًا أَوْ إِعْرَاضًا} [النساء: 128] ترجمہ کنز الایمان : اور اگر کوئی عورت اپنے شوہر کی زیادتی یا بے رغبتی کا اندیشہ کرے (پ ۵ النساء ١٢٨) کی تفسیر ، حضرت ابن عباس کا قول ہے کہ شِقَاقٌ سے توڑ پھوڑ اور فساد مراد ہے أُحْضِرَتِ الأَنْفُسُ الشُّحَّ میں الشُّحَّ سے کسی چیز کی جانب خواہش ہونا مراد ہے كَالْمُعَلَّقَةِ جو نہ بیوہ ہو نہ شوہر والی نظر آئے۔ نُشُوزًا - عداوت، حضرت عائشہ صدیقہ رضی اللہ تعالیٰ عنہا فرماتی ہیں کہ آیت ترجمہ کنز الایمان: اور اگر کوئی عورت اپنے شوہر کی زیادتی یا بے رغبتی کا اندیشہ کرے (پ ۵ النساء ۱۲۸) یہ ایسے شخص کے متعلق ہے جو اپنی بیوی کے ساتھ محبت سے نہیں رہتا اور اسے طلاق دے کر الگ کر دینا چاہتا ہے۔ عورت کہتی ہے کہ طلاق نہ دو اور میں اپنے حقوق معاف کر دیتی ہوں۔ یہ آیت اسی کے متعلق نازل ہوئی ہے۔ (بخاری شریف ،کتاب التفسير ،بَابُ {وَإِنِ امْرَأَةٌ خَافَتْ مِنْ بَعْلِهَا نُشُوزًا أَوْ إِعْرَاضًا} [النساء: 128] حدیث نمبر ٤٦٠١)

(إِنَّ المُنَافِقِينَ فِي اَلدَّرَكِ الأَسْفَلِ مِنَ النَّارِ کی تفسیر، حضرت ابن عباس کا قول ہے کہ دوزخ کے سب سے نیچے والے حصے میں ۔ نَفَقًا زمین دوز راستہ ۔ ابراہیم اسود سے روایت ہے کہ ہم حضرت عبد اللہ بن مسعود رضی اللہ تعالٰی عنہ کی خدمت میں حاضر تھے کہ حضرت حذیفہ بن یمان تشریف لے آئے، حتی کہ ہمارے پاس کھڑے ہوئے پھر سلام کر کے فرمایا کہ نفاق ان لوگوں کے قلوب میں بھی داخل ہو گیا جو آپ حضرات سے بہتر تھے۔ اسود نے حیران ہوکر کہا کہ اللہ تعالی تو فرماتا ہے کہ ترجمہ کنز الایمان: بے شک منافق دوزخ کے سب سے نیچے طبقہ میں ہیں (پ ۵ النساء ۱٤٥) پس حضرت عبداللہ بن مسعود مسکرائے اور حضرت حذیفہ مسجد کے الگ گوشے میں جابیٹھے پھر حضرت عبد اللہ اٹھ کھڑے ہوئے اور اُن کے ساتھی بھی ادھر ادھر چلے گئے حضرت حذیفہ نے میری طرف کنکری پھینکی تو میں اُن کی خدمت میں حاضر ہو گیا تو حضرت حذیفہ نے فرمایا کہ میں ان کے ہنسنے سے حیران ہوا تھا کیونکہ انہوں نے میری بات کو سمجھ لیا تھا کہ نفاق ان لوگوں میں بھی داخل ہو گیا تھا جو آپ حضرات کی نسبت بہتر تھے لیکن انہوں نے توبہ کی تو اللہ تعالٰی نے اُن کی توبہ قبول فرمائی۔ (بخاری شریف ،کتاب التفسير ،بَابُ (إِنَّ المُنَافِقِينَ فِي اَلدَّرَكِ الأَسْفَلِ مِنَ النَّارِ) حدیث نمبر ٤٦٠٢)

اللہ عز وجل کا ارشاد ہے: ترجمہ کنز الایمان: بے شک اے محبوب! ہم نے تمہاری طرف وحی بھیجی جیسے وحی نوح اور اس کے بعد پیغمبروں کو بھیجی اور ہم نے ابراہیم اور اسمٰعیل اور اسحاق اور یعقوب اور ان کے بیٹوں اور عیسیٰ اور ایوب اور یونس اور ہارون اور سلیمان کو وحی کی (پ۱، النساء ۱٦٣) حضرت عبداللہ بن مسعود رضی اللہ تعالیٰ عنہ سے مروی ہے کہ نبی کریم صلی اللّٰہ علیہ وسلم نے فرمایا: کسی شخص کو یہ نہیں چاہیے کہ وہ میرے بارے میں یہ کہے کہ میں حضرت یونس بن متیٰ علیہ السلام سے بہتر ہوں۔ (بخاری شریف ،کتاب التفسير ،بَابُ قَوْلِهِ: {إِنَّا أَوْحَيْنَا إِلَيْكَ كَمَا أَوْحَيْنَا إِلَى نُوحٍ} [النساء: 163] إِلَى قَوْلِهِ: {وَيُونُسَ -[50]-، وَهَارُونَ، وَسُلَيْمَانَ} [النساء: 163] حدیث نمبر ٤٦٠٣)

حضرت ابو ہریرہ رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا کہ جو شخص میرے بارے میں یہ کہے کہ میں حضرت یونس بن متیٰ علیہ السلام سے بہتر ہوں تو اس نے جھوٹ بولا۔ (بخاری شریف ،کتاب التفسير ،بَابُ قَوْلِهِ: {إِنَّا أَوْحَيْنَا إِلَيْكَ كَمَا أَوْحَيْنَا إِلَى نُوحٍ} [النساء: 163] إِلَى قَوْلِهِ: {وَيُونُسَ -[50]-، وَهَارُونَ، وَسُلَيْمَانَ} [النساء: 163]حدیث نمبر ٤٦٠٤)

{يَسْتَفْتُونَكَ قُلْ: اللَّهُ يُفْتِيكُمْ فِي الكَلاَلَةِ إِنِ امْرُؤٌ هَلَكَ لَيْسَ لَهُ کی تفسیر، ترجمہ کنز الایمان: ائے محبوب تم سے فتوی پوچھتے ہیں تم فرما دو کہ اللہ تمہیں کلالہ میں فتوٰی دیتا ہے اگر کسی مرد کا انتقال ہو جو بے اولاد ہے اور اس کی ایک بہن ہو تو ترکہ میں اس کی بہن کا آدھا ہے اور مرد اپنی بہن کا وارث ہوگا اگر بہن کی اولاد نہ ہو (النساء ١٧٦) ابو اسحاق کا بیان ہے کہ میں نے حضرت براء بن عازب رضی اللہ تعالیٰ عنہ کو فرماتے ہوئے سنا کہ سب سے آخر میں جو سورت نازل ہوئی وہ برات (سورة توبہ ) ہے اور آخر میں نازل ہو نے والی آیت ترجمہ کنز الایمان: اے محبوب تم سے فتوی پوچھتے ہیں تم فرما دو کہ اللہ تمہیں کلالہ میں فتوی دیتا ہے (پ ۲ النسا ء ۱۷٦) یہ آیت ہے۔ (بخاری شریف ،کتاب التفسير ،بَابُ {يَسْتَفْتُونَكَ قُلْ: اللَّهُ يُفْتِيكُمْ فِي الكَلاَلَةِ إِنِ امْرُؤٌ هَلَكَ لَيْسَ لَهُ،حدیث نمبر ٤٦٠٥)

سورة المائده, حُرُمٌ کا واحد حَرَامٌ ہے فَبِمَا نَقْضِهِمْ عہد توڑنے کے باعث كَتَبَ اللَّهُ اور جَعَلَ اللَّهُ ہم معنی ہیں تَبُوءُ تو اٹھائے دَائِرَةُ گردش زمانہ۔ دوسرے حضرات کا قول ہے الإِغْرَاءُ لگا دینا ۔ اُجُورَهُنَّ ان کے مہر الْمُهَيْمِنُ مراد قرآن کریم ہے جو پہلی تمام کتابوں کے علوم کا امین ہے سفیان ثوری کا قول ہے کہ مجھ پر قرآن کریم کی سب سے سخت آیت یہ ہے : تم کسی بات پر نہیں جب تک توریت، انجیل اور جو تمہاری طرف نازل فرمایا گیا، ان سب پر عمل نہ کرو۔ مَخْمَصَةٍ بھوک مَنْ أَحْيَاهَا جس نے قتل کرنے کو حرام جانا ما سوائے حق کے، گویا سارے افراد اس کی وجہ سے زندہ رہے۔ شِرْعَةً وَمِنْهَاجًا راستہ اور طریقہ۔, ابن عباس کا قول ہے کہ مخمصے سے مراد بھوک ہے۔طارق بن شہاب کا بیان ہے کہ یہودیوں نے حضرت عمر رضی اللہ تعالیٰ عنہ سے کہا کہ آپ جو یہ آیت پڑھتے ہیں اگر یہ ہم پر نازل ہوتی تو ہم اس دن عید منایا کرتے۔ حضرت عمر رضی اللہ عنہ نے فرمایا کہ مجھے خوب علم ہے کہ یہ آیت کب نازل ہوئی، کہاں نازل ہوئی اور جب یہ آیت نازل ہوئی تو اس وقت رسول اللہ صلی اللّٰہ علیہ وسلم کہاں تھے۔ یہ آیت عرفات میں نازل ہوئی اور خدا کی قسم وہ عرفہ کا روز تھا۔ سفیان ثوری کا بیان ہے کہ جب آیت: ترجمہ کنز الایمان: آج میں نے تمہارے لئے تمہارا دین کامل کر دیا (پ ۹ المائدہ (٣) نازل ہوئی تو یہ شبہ ہے کہ وہ جمعہ کا دن تھا یا نہیں۔ (بخاری شریف ،کتاب التفسير ،بَابُ قَوْلِهِ: {اليَوْمَ أَكْمَلْتُ لَكُمْ دِينَكُمْ} [المائدة: 3]حدیث نمبر ٤٦٠٦)

{فَلَمْ تَجِدُوا مَاءً فَتَيَمَّمُوا صَعِيدًا طَيِّبًا} [المائدہ ٦] " ترجمہ کنز الایمان:پانی نہ پایا تو پاک مٹی سے تیم کرو (المائدہ ٦) تَيَمَّمُوا تم ارادہ کرو ۔ آمِّينَ قصد کرنے والے چنانچہ أَمَّمْتُ اور تَيَمَّمْتُ ہم معنی ہیں ابن عباس رضی اللہ تعالیٰ عنہما کا قول ہے کہ لَمَسْتُمْ تَمَشُوهُنَّ وَاللَّاتِي دَخَلْتُم مِنَ الْأَفضَاءُ - ان چاروں سے جماع مراد ہے۔ حضرت عائشہ صدیقہ رضی اللہ تعالٰی عنہا زوجہ نبی کریم صلی اللّٰہ علیہ وسلم فرماتی ہیں کہ ایک سفر میں ہم رسول اللہ صلی اللّٰہ علیہ وسلم کے ہمراہ نکلے۔ جب ہم بیداء یا ذات الجیش کے مقام پر تھے تو میرا ہار گم ہو گیا۔ پس رسول اللہ صلی اللّٰہ علیہ وسلم اس کی تلاش کے سبب ٹھہر گئے اور لوگ بھی آپ کے ساتھ رہے۔ نہ وہ پانی کی جگہ تھی اور نہ لوگوں کے پاس پانی تھا۔ لوگ حضرت ابو بکر رضی اللہ عنہ کی خدمت میں آکر کہنے لگے کہ آپ دیکھتے نہیں یہ حضرت عائشہ رضی اللہ تعالیٰ عنہا نے کیا کیا؟ انہوں نے رسول اللہ صلی اللّٰہ علیہ وسلم اور تمام لوگوں کو ٹھہرا دیا جب کہ نہ یہ پانی کی جگہ ہے اور نہ لوگوں کے پاس پانی ہے پس حضرت ابو بکر صدیق رضی اللہ عنہ آئے اور اس وقت رسول اللہ صلی اللّٰہ علیہ وسلم اپنا سر مبارک میری ران پر رکھ کر سورہے تھے انہوں نے کہا کہ تم نے رسول اللہ صلی اللّٰہ علیہ وسلم اور لوگوں کو کوچ کرنے سے روک دیا۔ جب کہ نہ یہ پانی کی جگہ ہے اور نہ لوگوں کے پاس پانی ہے۔ حضرت عائشہ رضی اللہ تعالیٰ عنہا فرماتی ہیں کہ حضرت ابوبکر رضی اللہ عنہ نے مجھے ڈانٹا اور جو کچھ اللہ نے چاہا وہی وہ فرماتے رہے اور انہوں نے میری کوکھ میں ضرب بھی لگایا لیکن میں نے ذرا حرکت نہ کی کیونکہ رسول الله صلی اللّٰہ علیہ وسلم میری ران پر سر مبارک رکھ کر آرام فرما تھے۔ پس رسول اللہ صلی اللّٰہ علیہ وسلم صبح بیدار ہوئے جب کہ پانی تھا ہی نہیں۔ پس اللہ تعالی نے تیمم کی آیت نازل فرما دی۔ اس پر حضرت اسید بن حصیر نے کہا کہ آل ابوبکر! یہ تمہاری کوئی پہلی برکت نہیں ہے حضرت صدیقہ رضی اللہ عنہا فرماتی ہیں کہ جب ہم نے اس اونٹ کو اٹھایا جس پر میں تھی تو ہار اس کے نیچے موجود تھا۔ (بخاری شریف ،کتاب التفسير ،بَابُ قَوْلِهِ: {فَلَمْ تَجِدُوا مَاءً فَتَيَمَّمُوا صَعِيدًا طَيِّبًا} [النساء: 43] " حدیث نمبر ٤٦٠٧)

حضرت عائشہ صدیقہ رضی اللہ تعالیٰ عنہا فرماتی ہیں کہ جب ہم مدینہ منورہ کی جانب واپس آرہے تھے تو بیداء کے مقام پر میرا ہارٹوٹ کر گر گیا تو نبی کریم صلی اللّٰہ علیہ وسلم نے اپنی اونٹنی بٹھا دی اور اس جگہ ٹھہر گئے پھر آپ میری گود میں سر مبارک رکھ کر آرام فرمانے لگے۔ پھر حضرت ابوبکر رضی اللہ عنہ تشریف لائے اور انہوں نے مجھے بڑے زور سے مکا مارتے ہوئے فرمایا کہ تونے ہار کی وجہ سے لوگوں کو ٹھہرا دیا ہے۔ میں رسول اللہ صلی اللّٰہ علیہ وسلم کے آرام کی وجہ سے مردے کی طرح بے حس و حرکت رہی حالانکہ مجھے تکلیف بہت پہنچی تھی پھر جب نبی کریم صلی اللّٰہ علیہ وسلم بیدار ہوئے تو صبح ہو چکی تھی۔ آپ نے پانی طلب فرمایا لیکن پانی دستیاب نہ ہوا۔ پس اس وقت یہ آیت نازل ہوئی: ترجمہ کنز الایمان: اے ایمان والو جب نماز کو کھڑے ہونا چاہو (المائدہ (٦) چنانچہ اس پر حضرت اسید بن حضیر نے کہا: اے دل ابو بکر ! یہ تمہاری ہی برکت ہے۔ ( بخاری شریف ،کتاب التفسير ،بَابُ قَوْلِهِ: {فَلَمْ تَجِدُوا مَاءً فَتَيَمَّمُوا صَعِيدًا طَيِّبًا} [النساء: 43] "حدیث نمبر ٤٦٠٨)

فَاذْهَبْ أَنْتَ وَرَبُّكَ فَقَاتِلاَ إِنَّا هَا هُنَا قَاعِدُونَ} کی تفسیر، طارق بن شہاب کا بیان ہے کہ میں نے حضرت عبداللہ بن مسعود رضی اللہ عنہ کو فرماتے ہوئے سنا کہ میں اس وقت موجود تھا جب حضرت مقداد نے ۔ غزوہ بدر کے وقت خدمت میں عرض کی یا رسول اللہ صلی اللّٰہ علیہ وسلم ! ہم آپ سے وہ بات ہرگز نہیں کہیں گے جو بنی اسرائیل نے حضرت موسیٰ علیہ السلام سے کہی تھی کہ : ترجمہ کنز الایمان: آپ جائیے اور آپ کا رب تم دونوں لڑو ہم یہاں بیٹے ہیں ( المائدہ (۲٤) آپ تشریف لے چلیں، ہم آپ کے ساتھ ہیں۔ رسول اللہ صلی اللّٰہ علیہ وسلم کو اس بات سے خوشی ہوئی۔ وکیج ، سفیان، مخارق نے اس حدیث کی طارق بن شہاب سے روایت کی ہے کہ حضرت مقداد نے نبی کریم صلی اللّٰہ علیہ وسلم کی خدمت میں یہی عرض کیا تھا۔ (بخاری شریف ،کتاب التفسير ،بَابُ قَوْلِهِ: {فَاذْهَبْ أَنْتَ وَرَبُّكَ فَقَاتِلاَ إِنَّا هَا هُنَا قَاعِدُونَ} حدیث نمبر ٤٦٠٩)

ترجمہ کنز الایمان: وہ کہ اللہ اور اس کے رسول سے لڑتے اور ملک میں فساد کرتے پھرتے ہیں ان کا بدلہ یہی ہے کہ گن گن کر قتل کئے جائیں ۔۔۔۔۔۔۔۔۔ یا زمین سے دور کر دئیے جائیں ( المائده (۳۳) الْمَحَارِبَةُ لِلہ اللہ کیساتھ کفر کرنا۔ سلمان ابو رجا مولی ابو قلابہ سے مروی ہے کہ حضرت ابوقلابہ رضی اللہ تعالیٰ عنہ حضرت عمر بن عبد العزیز کے پیچھے بیٹھے ہوئے تھے کہ لوگ اپنی اپنی رائے دے رہے تھے اور کہا کہ سابقہ خلفاء نے قسامت کا قصاص لیا ہے پس انہوں نے حضرت ابوقلابہ کی طرف دیکھا جو ان کے پیچھے بیٹھے ہوئے تھے اور کہا کہ اے عبد اللہ بن زید ! آپ اس کے متعلق کیا کہتے ہیں یا اے ابو قلابہ! آپ کی اس کے متعلق کیا رائے ہے؟ میں نے کہا کہ میں تو کسی جان کے قتل کو اسلام میں حلال نہیں جانتا سوائے تین مواقع کے۔ (۱) اگر کوئی آدمی شادی شدہ ہو کر زنا کرے (۲) کسی جان کو بغیر جان کے قتل کرے (۳) اللہ اور اس کے رسول سے جنگ کرے اس پر حضرت عنبہ بن سعید کہنے لگے کہ مجھ سے تو حضرت انس رضی اللہ عنہ نے یوں حدیث بیان کی ہے میں نے کہا کہ یہ حدیث تو حضرت انس رضی اللہ عنہ نے مجھ سے بھی بیان کی تھی۔ انہوں نے کہا کہ کچھ لوگ نبی کریم صلی اللّٰہ علیہ وسلم کی بارگاہ میں حاضر ہو کر باتیں کرنے لگے اور کہا کہ ہمیں اس جگہ کی آب و ہوا موافق نہیں آئی۔ آپ نے فرمایا کہ ہمارے کچھ اونٹ جنگل میں چرنے کے لیے جارہے ہیں تم بھی ان کے ساتھ چلے جانا اور ان کا دودھ، پیشاب پیتے رہنا۔ پس وہ ساتھ چلے گئے اور ان کا دودھ اور پیشاب پیتے رہے جس کے سبب تندرست ہو گئے ایک دن وہ چرواہے پر ٹوٹ پڑے اور اسے قتل کر دیا اور اونٹوں کو لے کر بھاگ گئے کیا ایسے لوگوں کے قتل کر دینے میں کوئی تردد ہوسکتا ہے جنہوں نے ایک شخص کو قتل کیا اللہ اور اس کے رسول سے لڑے اور رسول اللہ صلی اللّٰہ علیہ وسلم کو خوفزدہ کرنے کی کوشش کی حضرت عنبسہ نے حیران سے سبحان اللہ کہا میں نے کہا کہ کیا آپ مجھے متہم کرتے ہیں؟ انہوں نے جواب دیا کہ یہ حدیث حضرت انس رضی اللہ عنہ نے مجھ سے بھی بیان کی تھی لیکن اے اہل شام ! تم ہمیشہ بھلائی کے ساتھ رہو گے جب تک یہ تمہارے اندر موجود ہیں یا ایسے لوگ تمہارے اندر موجود رہیں گے۔ (بخاری شریف ،کتاب التفسير ،بَابُ {إِنَّمَا جَزَاءُ الَّذِينَ -[52]- يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا، أَنْ يُقَتَّلُوا أَوْ يُصَلَّبُوا} [المائدة: 33] إِلَى قَوْلِهِ {أَوْ يُنْفَوْا مِنَ الأَرْضِ} [المائدة: 33] « حدیث نمبر ٤٦١٠)

{وَالجُرُوحَ قِصَاصٌ} [المائدة: 45] کی تفسیر، حضرت انس رضی اللہ تعالیٰ عنہ فرماتے ہیں کہ ان کی پھوپھی ربیع نے ایک انصاری عورت کے سامنے کے دو دانت توڑ ڈالے۔ اس کی قوم نے قصاص کا مطالبہ کیا اور وہ نبی کریم صلی اللّٰہ علیہ وسلم کی خدمت اقدس میں حاضر ہو گئے پس نبی کریم صلی اللّٰہ علیہ وسلم نے قصاص کا حکم فرمایا تو حضرت انس بن نضر نے کہا جو حضرت انس بن مالک رضی اللہ عنہ کے چچا تھے کہ یا رسول اللہ صلی اللّٰہ علیہ وسلم ! خدا کی قسم ربیع کے دانت نہیں توڑے جائیں گے اس پر رسول اللہ صلی علیہ وسلم نے فرمایا کہ اے انس! اللہ کی کتاب قصاص کا حکم دیتی ہے اس عرصہ میں اس انصاری عورت کے اقربا دیت لینے پر راضی ہو گئے پس رسول اللہ صلی اللّٰہ علیہ وسلم نے فرمایا کہ بیشک اللہ کے کچھ بندے ایسے بھی ہیں کہ اگر وہ اللہ کے بھروسے پر قسم کھا بیٹھیں تو اللہ تعالیٰ انہیں سچا کر دیتا ہے۔ (بخاری شریف ،کتاب التفسير ،بَابُ قَوْلِهِ: {وَالجُرُوحَ قِصَاصٌ} [المائدة: 45] حدیث نمبر ٤٦١١)

{يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ} [المائدة: 67] کی تفسیر، حضرت عائشہ صدیقہ رضی اللہ تعالیٰ عنہا فرماتی ہیں کہ جو شخص یہ کہے کہ حضرت محمد صلی اللہ علیہ وسلم یا ہم نے اس میں سے کچھ چھپایا جو ان کی جانب نازل فرمایا گیا تھا تو اس نے جھوٹ بولا کیونکہ اللہ تعالیٰ نے انہیں حکم فرمایا تھا: ترجمہ کنز الایمان: اے رسول پہنچا دو جو کچھ اُترا تمہیں تمہارے رب کی طرف سے اور ایسا نہ ہو تو تم نے اس کا کوئی پیام نہ پہنچایا اور اللہ تمہاری نگہبانی کرے گا لوگوں سے بے شک اللہ کافروں کو راہ نہیں دیتا (المائدہ ٦٧) (بخاری شریف ،کتاب التفسير ،بَابُ {يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ} [المائدة: 67] حدیث نمبر ٤٦١٢)

بَابُ قَوْلِهِ: {لاَ يُؤَاخِذُكُمُ اللَّهُ بِاللَّغْوِ فِي أَيْمَانِكُمْ} [البقرة: ٨٩] کی تفسیر، حضرت عائشہ صدیقہ رضی اللہ تعالیٰ عنہا نے فرمایا کہ آیت: ترجمہ کنز الایمان: اللہ تمہیں نہیں پکڑتا تمہاری غلط فہمی کی قسموں پر (پ۷ المائدہ ۸۹) ایسے شخص کے متعلق نازل ہوئی ہے جو قسمیں کھاتا ہو جیسے نہیں خدا کی قسم کیوں نہیں خدا کی قسم۔ (بخاری شریف ،کتاب التفسير ،بَابُ قَوْلِهِ: {لاَ يُؤَاخِذُكُمُ اللَّهُ بِاللَّغْوِ فِي أَيْمَانِكُمْ} [البقرة: ٨٩] حدیث نمبر ٤٦١٣)

حضرت عائشہ صدیقہ رضی اللہ تعالٰی عنہا نے فرمایا ہے کہ میرے والد محترم (حضرت ابوبکر صدیق رضی اللہ تعالیٰ عنہ) نے قسم کھا کر اُس کے خلاف کبھی نہیں کیا ، حتی کہ اللہ تعالیٰ نے قسم کے کفارے کی آیت نازل فرمادی۔ حضرت ابو بکر رضی اللہ عنہ فرماتے ہیں کہ اگر میں دیکھتا کہ جس بات پر میں نے قسم کھائی ہے دوسرے پہلو میں اس کی نسبت بھلائی ہے تو میں نے اللہ کی اجازت کو قبول کیا اور وہی کام کیا جس میں بھلائی ہو۔ (بخاری شریف ،کتاب التفسير ،بَابُ قَوْلِهِ: {لاَ يُؤَاخِذُكُمُ اللَّهُ بِاللَّغْوِ فِي أَيْمَانِكُمْ} [البقرة: 225] حدیث نمبر ٤٦١٤)

{يَا أَيُّهَا الَّذِينَ آمَنُوا لاَ تُحَرِّمُوا طَيِّبَاتِ مَا أَحَلَّ اللَّهُ لَكُمْ} [المائدة: 87] کی تفسیر، حضرت عبداللہ بن مسعود رضی اللہ تعالٰی عنہ فرماتے ہیں کہ ہم جہاد کے لیے نبی کریم صلی اللّٰہ علیہ وسلم کے ساتھ تھے اور ہمارے ساتھ عورتیں نہ تھیں ہم نے کہا کہ کیا ہم اپنے آپ کو خصی نہ کر لیں۔ آپ نے ہمیں ایسا کرنے سے روکا اور اس کے بعد ہمیں اجازت عطا فرمائی کہ کچھ عرصہ کے لیے کسی عورت سے نکاح کر لیا جائے آپ نے پھر اس آیت کی تلاوت کی: ترجمہ کنز الایمان: اے ایمان والوحرام نہ ٹھہراؤ وہ ستھری چیزیں کہ اللہ نے تمہارے لئے حلال کیں ( المائدہ ۸۷) (بخاری شریف ،کتاب التفسير ،بَابُ قَوْلِهِ: {يَا أَيُّهَا الَّذِينَ آمَنُوا لاَ تُحَرِّمُوا طَيِّبَاتِ مَا أَحَلَّ اللَّهُ لَكُمْ} [المائدة: 87] حدیث نمبر ٤٦١٥)

ترجمہ کنز الایمان: شراب اور جوا اور بت اور پانسے ناپاک ہی ہیں شیطانی کام ( المائد ۹۰)۔ کی تفسیر، حضرت ابن عباس رضی اللہ عنہما کا قول ہے کہ الأزلام سے مراد فال لینا ہے جس کے ذریعے کاموں میں قسمت معلوم کی جاتی ہے، الْأَنْصَابُ اور نُصُبُ سے تھان مراد ہیں جن پر کافر قربانی دیتے تھے دوسرے صاحب کا قول کہ الزَّلَمُ سے بے پر کا تیر مراد ہے۔ اس کی جمع الأزلام ہے الِاسْتِقْسَامُ تیر کا پھینکنا۔ اگر منع کا تیر نکلتا تو اس کام سے باز رہتے اور اگر حکم کا نکلتا تو اسے کرتے اور یوں تیروں کے ذریعے اپنی قسمت کا حال معلوم کرتے ۔قسمت اس سے بنا ہی اور اس کا مصدر القُسُوم ہے۔ اسحاق بن ابراہیم، محمد بن بشر، عبد العزیز بن عمر بن عبد العزیز، نافع نے حضرت ابن عمر رضی اللہ تعالیٰ عنہما سے روایت کی ہے کہ جب شراب کی حرمت (آیت (۹۰) نازل ہوئی تو مدینہ منورہ میں ان دنوں پانچ قسم کی شراب پائی جاتی تھی لیکن انگور کی شراب نہیں ہوتی تھی۔ (بخاری شریف ،کتاب التفسير ،بَابُ قَوْلِهِ: {إِنَّمَا الخَمْرُ وَالمَيْسِرُ وَالأَنْصَابُ وَالأَزْلاَمُ رِجْسٌ مِنْ عَمَلِ الشَّيْطَانِ} [المائدة: 90] حدیث نمبر ٤٦١٦)

عبد العزیز بن صہیب حضرت انس بن مالک رضی اللہ تعالٰی عنہ سے راوی ہیں کہ ہمارے پاس کھجور کی شراب کے علاوہ اور کوئی شراب نہ تھی جس کو فَضِيخِ کہا جاتا تھا۔ میں کھڑا ہو کر حضرت ابوطلحہ اور فلاں فلاں حضرات کو شراب پلا رہا تھا کہ اسی اثناء میں ہمارے پاس ایک شخص آیا اور کہنے لگا کیا آپ لوگوں تک خبر نہیں پہنچی ؟ پینے والوں نے پوچھا کس چیز کی؟ اس شخص نے کہا کہ شراب حرام فرما دی گئی ہے وہ کہنے لگے کہ اے انس! یہ مٹکا بہادو۔ راوی کا بیان ہے کہ کسی نے اس کے متعلق کوئی سوال نہیں کیا اور نہ یہ خبر ملنے کے بعد کسی نے پھر شراب پی۔ (بخاری شریف،کتاب التفسير ،بَابُ قَوْلِهِ: {إِنَّمَا الخَمْرُ وَالمَيْسِرُ وَالأَنْصَابُ وَالأَزْلاَمُ رِجْسٌ مِنْ عَمَلِ الشَّيْطَانِ} [المائدة: 90] حدیث نمبر ٤٦١٧)

حضرت جابر رضی اللہ تعالیٰ عنہ فرماتے ہیں کہ غزوہ اُحد کی صبح کو بعض مسلمانوں نے شراب پی تھی اور وہ سب میدانِ جنگ میں قتل ہو کر جام شہادت نوش کر گئے۔ یہ اُس وقت کی بات ہے جبکہ ابھی شراب کی حرمت نازل نہیں ہوئی تھی۔ (بخاری شریف ،کتاب التفسير ،بَابُ قَوْلِهِ: {إِنَّمَا الخَمْرُ وَالمَيْسِرُ وَالأَنْصَابُ وَالأَزْلاَمُ رِجْسٌ مِنْ عَمَلِ الشَّيْطَانِ} [المائدة: 90]،حدیث نمبر ٤٦١٨)

حضرت ابن عمر رضی اللہ تعالیٰ عنہما کا بیان ہے کہ میں نے حضرت عمر رضی اللہ تعالٰی عنہ کو نبی کریم صلی اللّٰہ علیہ وسلم کے منبر پر دورانِ خطبہ یہ فرماتے ہوئے سنا کہ اے لوگو! بے شک شراب کی حرمت نازل ہو چکی اور وہ اس وقت پانچ قسم کی ہوتی تھی، یعنی انگور، گندم، کھجور، شہد اور جو کی۔ شراب وہ ہے جو عقل کو زائل کرے۔ (بخاری شریف ،کتاب التفسير ،بَابُ قَوْلِهِ: {إِنَّمَا الخَمْرُ وَالمَيْسِرُ وَالأَنْصَابُ وَالأَزْلاَمُ رِجْسٌ مِنْ عَمَلِ الشَّيْطَانِ} [المائدة: 90] حدیث نمبر ٤٦١٩)

ترجمہ کنز الایمان : جو ایمان لائے اور نیک کام کئے ان پر کچھ گناہ نہیں جو کچھ انہوں نے چکھا ۔۔۔۔تا۔۔۔۔ اور اللہ نیکوں کو دوست رکھتا ہے (المائده ۹۳) ثابت حضرت انس رضی اللہ تعالیٰ عنہ سے راوی ہیں کہ جو شراب پھینکی گئی وہ فضیخ تھی اور محمد نے ابو نعمان سے یہ بھی روایت کی ہے کہ اس دن حضرت ابوطلحہ کے در دولت پر میں لوگوں کو شراب پلا رہا تھا تو شراب کی حرمت نازل ہوگئی پھر ایک ندا کرنے والے کو منادی کرنے کا حکم فرمایا گیا۔ حضرت ابوطلحہ نے فرمایا کہ باہر نکل کر تو دیکھو کہ یہ کیسی آواز ہے؟ میں باہر گیا اور بتایا کہ منادی یوں ندا کر رہا ہے کہ شراب حرام فرما دی گئی ہے انہوں نے مجھ سے فرمایا کہ اسے پھینک دو حضرت انس رضی اللہ عنہ فرماتے ہیں کہ مدینہ منورہ کی گلیوں میں اس دن شراب بہہ رہی تھی اور ان دنوں فَضِيخ نامی شراب زیادہ استعمال کی جاتی تھی۔ بعض لوگوں نے کہا کہ مسلمانوں کے جو لوگ قتل کیے گئے ہیں ان کے پیٹوں میں تو شراب تھی اس پر اللہ تعالیٰ نے یہ آیت نازل فرمائی: ترجمہ کنز الایمان : جو ایمان لائے اور نیک کام کئے ان پر کچھ گناہ نہیں جو کچھ انہوں نے چکھا ( المائدہ (۹۳) (بخاری شریف ،کتاب التفسير ،بَابُ {لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا} [المائدة: 93] إِلَى قَوْلِهِ: {وَاللَّهُ يُحِبُّ المُحْسِنِينَ} [آل عمران: 134] حدیث نمبر ٤٦٢٠)

{لاَ تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ} [المائدة: 101] کی تفسیر، حضرت انس رضی اللہ عنہ بیان فرماتے ہیں کہ ایک مرتبہ رسول اللہ صلی اللّٰہ علیہ وسلم نے خطبہ دیا کہ اس طرح کا خطبہ ہم نے پہلے بھی نہیں سنا تھا۔ فرمایا جو کچھ مجھے معلوم ہے اگر تمہیں معلوم ہوتا تو یقیناً تم بہت کم ہنستے اور بہت زیادہ روتے۔ یہ سن کر رسول اللہ صلی اللّٰہ علیہ وسلم کے صحابہ نے اپنے چہروں کو چھپا لیا اور رونے کی آواز آنے لگی پھر ایک شخص نے دریافت کیا کہ یا رسول اللہ صلی اللّٰہ علیہ وسلم ! میرا باپ کون ہے؟ آپ نے فرمایا کہ فلاں ہے اس پر یہ آیت نازل ہوئی: ترجمہ کنز الایمان: اے ایمان والو ایسی باتیں نہ پوچھو جو تم پر ظاہر کی جائیں تو تمہیں بری لگیں (پ ۷ المائده (۱۰١) نفر اور روح بن عبادہ نے بھی اس کی شعبہ سے روایت کی ہے، (بخاری شریف ،کتاب التفسير ،بَابُ قَوْلِهِ: {لاَ تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ} [المائدة: 101] حدیث نمبر ٤٦٢١)

حضرت ابن عباس رضی اللہ عنہما فرماتے ہیں کہ بعض لوگ رسول اللہ صلی اللّٰہ علیہ وسلم سے بطور تمسخر سوال کیا کرتے تھے۔ ایک کہتا کہ میرا باپ کون ہے؟ دوسرا کہتا کہ میری اونٹنی کم ہو گئی ہے، بتائیے میری اونٹنی کہاں ہے؟ پس اللہ تعالیٰ نے ان کے متعلق یہ آیت نازل فرمائی: ترجمہ کنز الایمان: اے ایمان والو ایسی باتیں نہ پوچھو جوتم پر ظاہر کی جائیں تو تمہیں بری لگیں(المائدہ (۱۰۱) (بخاری شریف ،کتاب التفسير ،بَابُ قَوْلِهِ: {لاَ تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ} [المائدة: 101] حدیث نمبر ٤٦٢٢)

ترجمہ کنز الایمان: اللہ نے مقرر نہیں کیا ہے کان چرا ہوا اور نہ بجار اور نہ وصیلہ اور نہ حامی(المائدہ ۱۰۳) وَاِذْ قَالَ اللهُ میں لفظ قَالَ يَقُول کے معنی میں ہے اور اذ بطور صلہ ہے۔ الْمَائِدَةُ اصل میں مفعول ہے جیسے، كَعِيْشَةٍ رَّاضِيَةٍ اور تَطلِيْقَةٍ بائنة اور اس کا مطلب ہے کہ جو نفع یا بھلائی اس کے ذریعے کسی نے حاصل کی، جیسے کہتے ہیں مَادَنِي يَمِيدُنِي - ابن عباس کا قول ہے کہ مُتَوَفِّيكَ . مراد ہے تجھے وفات دونگا۔ ابن شہاب کا بیان ہے کہ حضرت سعید بن مسیب نے بیان فرمایا کہ بحیرہ وہ دودھ دینے والی اونٹنی ہے جس کا دودھ بتوں کے نام پر چھوڑ دیا جائے اور کوئی اس کا دودھ نہ دو ہے۔ سائبہ وہ جانور جس کو کافر اپنے (باطل) خداؤں کے نام پر چھوڑ دیتے اور اس پر کوئی سامان نہیں لادتے تھے۔ حضرت ابو ہریرہ رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ میں نے عمرو بن عامر خزاعی کو دوزخ میں دیکھا وہ اپنی آنتوں کو گھسیٹ رہا تھا۔ یہی وہ پہلا آدمی ہے جس نے سائبہ چھوڑنے کی رسم سب سے پہلے شروع کی تھی۔ وصیلہ اُس بن بیاہی اونٹنی کو کہتے ہیں جو پہلی مرتبہ اوٹنی جنتی اور دوسری دفعہ بھی، پس ایسے جانوروں کو کافر اپنے بتوں کے نام پر چھوڑ دیتے تھے جبکہ مسلسل دوبارہ بچے جنتی اور درمیان میں کوئی نہ نہ ہوتا۔ عام اس نر اونٹ کو کہتے جس کے بارے میں مالک ایک تعداد مقرر کر لیتا کہ اس سے اتنے بچے مطلوب ہیں، جب مطلوبہ تعداد حاصل ہو جاتی تو اسے اپنے بتوں کے نام پر چھوڑ دیا جاتا اور اس سے سامان ڈھانے کا کام نہ لیتے بلکہ اس پر کوئی بھی چیز نہیں لا دتے تھے اور اسے حامی کہتے ۔ ابوالیمان، شعیب، زہری ، سعید بن مسیب، حضرت ابوہریرہ رضی اللہ عنہ بیان فرماتے ہیں کہ میں نے نبی کریم صلی اللّٰہ علیہ وسلم سے ایسا ہی سنا ہے۔ ابن الہاد، ابن شہاب، سعید، حضرت ابو ہریرہ رضی اللہ عنہ فرماتے ہیں کہ میں نے نبی کریم صلی اللّٰہ علیہ وسلم سے سنا۔ (بخاری شریف ،کتاب التفسير ،بَابُ {مَا جَعَلَ اللَّهُ مِنْ بَحِيرَةٍ وَلاَ سَائِبَةٍ، وَلاَ وَصِيلَةٍ وَلاَ حَامٍ} [المائدة: 103] حدیث نمبر ٤٦٢٣)

محمد بن ابی یعقوب ابو عبد اللہ کریانی ،حسان بن ابراہیم، یونس، زہری، عروہ، حضرت عائشہ صدیقہ رضی اللہ تعالیٰ عنہا سے مروی ہے کہ رسول اللہ صلی اللہ علیہ وسلم نے فرمایا کہ میں نے جہنم کو دیکھا کہ اس کا ایک حصہ دوسرے کو کچل رہا تھا اور میں نے عمرو بن عامر خزاعی کو دیکھا کہ اپنی انتڑیوں کو گھسیٹ رہا ہے۔ یہی وہ آدمی ہے جس نے سائبہ چھوڑنے کی رسم رائج کی تھی۔ (بخاری شریف ،کتاب التفسير ،بَابُ {مَا جَعَلَ اللَّهُ مِنْ بَحِيرَةٍ وَلاَ سَائِبَةٍ، وَلاَ وَصِيلَةٍ وَلاَ حَامٍ} [المائدة: 103]حدیث نمبر ٤٦٢٤)

ترجمہ کنز الایمان : اور میں ان پر مطلع تھا جب تک میں ان میں رہا پھر جب تو نے مجھے اٹھا لیا تو تو ہی ان پر نگاہ رکھتا تھا اور ہر چیز تیرے سامنے حاضر ہے( المائدہ ۱۱۷) کی تفسیر، حضرت ابن عباس رضی اللہ عنہما فرماتے ہیں کہ ایک دن رسول اللہ صلی اللّٰہ علیہ وسلم نے خطبہ دیتے ہوئے فرمایا کہ اے لوگو! تم روز حشر اللہ تعالیٰ کی بارگاہ میں یوں حاضر کیے جاؤ گے کہ برہنہ پا، برہنہ جسم اور بغیر ختنہ کے ہو گے۔ پھر آپ نے یہ آیت پڑھی: ترجمہ کنز الایمان: جیسے پہلے اسے بنایا تھا ویسے ہی پھر کردیں گے یہ وعدہ ہے ہمارے ذمہ ہم کو اس کا ضرور کرنا (الانبیاء (۱۰٤) پھر آپ نے فرمایا کہ ساری مخلوق میں سب سے پہلے جنہیں لباس پہنایا جائے گا وہ حضرت ابراہیم علیہ السلام ہیں۔ آگاہ ہو جاؤ کہ پھر میری امت کے کچھ لوگوں کو لایا جائے گا، پھر فرشتے انہیں دوزخ کی طرف ہانکیں گے۔ میں کہوں گا، اے رب! یہ تو میرے ساتھی ہیں۔ فرمایا جائے گا کہ تمہیں معلوم نہیں کہ تمہارے بعد یہ کیسے گل کھلاتے رہے، پس میں بھی وہی کہوں گا جو اللہ کے ایک نیک بندے نے کہا: ترجمہ کنز الایمان: اور میں ان پر مطلع تھا جب تک میں ان میں رہا پھر جب تو نے مجھے اٹھایا تو تو ہی ان پر نگاہ رکھتا تھا اور ہر چیز تیرے سامنے حاضر ہے (المائدہ ۱۱۷) پس کہا جائے گا کہ جیسے ہی تم ان سے جدا ہوئے یہ اس وقت مُرتد ہو گئے تھے۔ (بخاری شریف ،کتاب التفسير ،بَابُ {وَكُنْتُ عَلَيْهِمْ شَهِيدًا مَا دُمْتُ فِيهِمْ، فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ، وَأَنْتَ عَلَى كُلِّ شَيْءٍ شَهِيدٌ} [المائدة: 117] حدیث نمبر ٤٦٢٥)

ترجمہ کنز الایمان: اگر تو انہیں عذاب کرے تو وہ تیرے بندے ہیں اور اگر تو انہیں بخش دے تو بے شک تو ہی ہے غالب حکمت والا ( المائدہ ۱۱۷) حضرت ابن عباس رضی اللہ عنہما سے مروی ہے کہ نبی کریم صلی اللّٰہ علیہ وسلم نے فرمایا: تم روز حشر اللہ کی بارگاہ میں جمع کر لیے جاؤ گے، اس وقت کچھ لوگوں کو دوزخ کی طرف ہانکا جارہا ہوگا تو میں وہی کہوں گا جو اللہ کے بندے نے کہا کہ: ترجمہ کنز الایمان: اور میں ان پر مطلع تھا جب تک میں ان میں رہا پھر جب تو نے مجھے اٹھالیا۔۔۔۔ تا۔۔۔ غالب حکمت والا ( المائدہ ١١٧) (بخاری شریف ،کتاب التفسير ،بَابُ قَوْلِهِ: {إِنْ تُعَذِّبْهُمْ فَإِنَّهُمْ عِبَادُكَ، وَإِنْ تَغْفِرْ لَهُمْ فَإِنَّكَ أَنْتَ العَزِيزُ الحَكِيمُ} [المائدة: 118] حدیث نمبر ٤٦٢٦)

سورۃ الانعام حضرت ابن عباس رضی اللہ عنہما کا قول ہے کہ فِتْنَهُم سے مراد ان کا عذر بیان کرنا مَعْرُوشَاتٍ وہ بیلیں جو دوسری چیزوں کا سہارا لیتی ہیں۔حَمُولَةً جن پر بوجھ لادا جاتا ہے۔ وَلَلَبَسُنَا اور ہم ضرور شبہ ڈال دیں گے۔ يَنَاوُنَ دور رہتے ہیں۔ تُبْسَلُ ذلیل و خوار کرنا ۔ابسِلُوا ذلیل کیے گئے ، ہلاک کیے گئے ۔ بَاسِطُوا أَیدِیهِمُ اپنے ہاتھ بڑھا رہے ہوں گے۔ تُبْسَلُ مراد مارنا ہے اسْتَكْثَرْتُم تم نے گمراہ کیا کتنے ہی انسانوں کو۔ذَرَأَ مِنَ الحَرْثِ انہوں نے اپنی کھیتی میں ایک حصہ خدا کا اور ایک حصہ شیطان اور اپنے بتوں کا رکھا۔ أَكِنَّةً پردہ اس کا مفرد كِنَانٌ ہے۔ أَمَّا اشْتَمَلَتْ یعنی کیا یہ نر اور مادہ کے سوا کسی اور جنس پر مشتمل ہیں؟ پھر تم بعض چیزوں کو حرام اور بعض کو حلال کیوں ٹھہراتے ہو؟ مَسْفُوحًا بہتا ہوا۔ صدف اُس سے منہ پھیرا۔ أُبْسِلُوا ہلاک کیے گئے۔ ذلیل کیے گئے ۔ سَرْمَدًا ہمیشہ رہنے والا۔ اسْتَهْوَتْهُ اس کو گمراہ کر دیا،اس کو پھینک دیا ۔ تَمْتَرُونَ تم شک کرتے ہو۔ وَقْرٌ ڈاٹ، ٹینٹ الوِقْرُ وہ بوجھ جو جانور پر لادا جاتا ہے۔ اساطیر فضول قصے کہانیاں۔ اس کا واحد اُستُورَةً اور اِسْطَارَةً ہے۔ الْبَاسَاءُ سے مراد تختی اور محتاجی ہے۔ یہ الْبُو میں سے نکلا ہے۔ جَهْرَةً علانیہ، کھلم کھلا ۔ الصُّورُیہ صُورَۃ کی جمع ہے جیسے صَورَةٌ کی جمع سُورٌ ہے۔ مَلَكُوتُ بادشاہی جیسے رَهْبُوت رجموت سے بہتر ہے اور تُرهَبْ تُرحم سے بہتر ہے۔ جن اندھیرا چھایا۔ کہتے ہیں کہ اللہ کے سپرد اس کا حسبان یعنی حساب۔ بعض نے یہ بھی کہا ہے کہ حُسْبَانُ سے شیطان پر پھینکنے والے تیر اور کنکریاں مراد ہیں۔ مُسْتَقَرٌّ والد کی پیٹھ میں۔ مَسْتَودَع والدہ کے رحم میں۔ الْقِنُوُ کچھا، خوشہ۔ قنوان اس کی جمع ہے۔ قنوان اسی طرح ہے جیسے صِنُو کی جمع صِنْوَانٌ ہے۔ حضرت عبد اللہ بن عمر رضی اللہ عنہما سے مروی ہے کہ رسول الله صلی اللہ علیہ وسلم نے فرمایا کہ غیب کی کنجیاں پانچ ہیں ترجمہ کنز الایمان : بیشک اللہ کے پاس ہے قیامت کا علم اور اتارتا ہے مینھ اور جانتا ہے جو کچھ ماؤں کے پیٹ میں ہے اور کوئی جان نہیں جانتی کہ کل کیا کمائے گی اور کوئی جان نہیں جانتی کہ کسی زمین میں مرے گی بیشک اللہ جاننے والا بتانے والا ہے (لقمان ۳٤) (بخاری شریف ،کتاب التفسير ،بَابُ {وَعِنْدَهُ مَفَاتِحُ الغَيْبِ لاَ يَعْلَمُهَا إِلَّا هُوَ} [الأنعام: 59] حدیث نمبر ٤٦٢٧)

ترجمہ کنز الایمان: تم فرماؤ وہ قادر ہے کہ تم پر عذاب بھیجے تمہارے اوپر سے (الانعام (٦٥) کی تفسیر، يلْبِسَكُمْ تمہیں ملا دے، خلط ملط کردے۔ يَلْبِسُوا ملادے۔ یہ دونوں التباس سے نکلے۔ شِيَعًا فرقے۔ حضرت جابر رضی اللہ عنہ بیان فرماتے ہیں کہ جب آیت: ترجمہ کنز الایمان: تم فرماؤ وہ قادر ہے کہ تم پر عذاب بھیجے تمہارے اوپر سے (الانعام ٦٥) نازل ہوئی تو رسول الله صلی اللہ علیہ وسلم نے دعا فرمائی: اے اللہ ! میں تیری ذات کی پناہ پکڑتا ہوں۔ جب فرمایا: ترجمہ کنز الایمان: یا تمہارے پاؤں کے تلے سے (الانعام ٦٥) تو دعا فرمائی کہ میں تیری ذات کی پناہ پکڑتا ہوں، اور یہ حصہ نازل ہوا: ترجمہ کنز الایمان: یا تمہیں بھڑا دے مختلف گروہ کر کے اور ایک کو دوسرے کی سختی چکھائے ( الانعام ٦٥) اس پر رسول اللہ صلی اللّٰہ علیہ وسلم نے فرمایا کہ یہ عذاب ہلکا ہے، یہ سہل ہے (بخاری شریف ،کتاب التفسير ،بَابُ قَوْلِهِ: {قُلْ: هُوَ القَادِرُ عَلَى أَنْ يَبْعَثَ عَلَيْكُمْ عَذَابًا مِنْ فَوْقِكُمْ أَوْ مِنْ تَحْتِ أَرْجُلِكُمْ} [الأنعام: 65] الآيَةَ حدیث نمبر ٤٦٢٨)

{وَلَمْ يَلْبِسُوا إِيمَانَهُمْ بِظُلْمٍ} [الأنعام: 82] کی تفسیر، حضرت عبداللہ بن مسعود رضی اللہ عنہ بیان فرماتے ہیں کہ جب آیت: ترجمہ کنز الایمان: وہ جو ایمان لائے اور اپنے ایمان میں کسی ناحق کی آمیزش نہ کی(الانعام ۸۲) نازل ہوئی تو نبی کریم صلی اللّٰہ علیہ وسلم کے صحابہ کہنے لگے کہ ہم میں سے ایسا کون ہے جو کوئی ناحق بات یا ظلم کا مرتکب نہیں ہوتا۔ اس پر یہ آیت نازل ہوئی: ترجمہ کنز الایمان : بیشک شرک بڑا ظلم ہے ( لقمان ۱۳) (بخاری شریف ،کتاب التفسير ،بَابُ {وَلَمْ يَلْبِسُوا إِيمَانَهُمْ بِظُلْمٍ} [الأنعام: 82] حدیث نمبر ٤٦٢٩)

ابو العالیہ، حضور اکرم صلی اللہ علیہ وسلم کے چچازاد یعنی حضرت ابن عباس رضی اللہ عنہما سے راوی ہیں کہ کسی کو نہیں پہنچتا کہ میرے بارے میں یہ کہے کہ میں "نبی کریم صلی اللّٰہ علیہ وسلم) حضرت یونس بن متی علیہ السلام سے بہتر ہوں۔ (بخاری شریف ،کتاب التفسير ،بَابُ قَوْلِهِ: {وَيُونُسَ، وَلُوطًا وَكُلًّا فَضَّلْنَا عَلَى العَالَمِينَ} [الأنعام: 86] حدیث نمبر ٤٦٣٠)

حمید بن عبد الرحمن بن عوف حضرت ابو ہریرہ رضی اللہ عنہ سے راوی ہیں کہ نبی کریم صلی اللّٰہ علیہ وسلم نے فرمایا کہ خدا کے کسی بندے کو نہیں چاہیے کہ میرے بارے میں یہ کہے کہ میں حضرت یونس بن متیٰ علیہ السلام سے بہتر یعنی افضل ہوں۔ (بخاری شریف ،کتاب التفسير ،بَابُ قَوْلِهِ: {وَيُونُسَ، وَلُوطًا وَكُلًّا فَضَّلْنَا عَلَى العَالَمِينَ} [الأنعام: 86] حدیث نمبر ٤٦٣١)

ترجمہ کنز الایمان: یہ ہیں جن کو اللہ نے ہدایت کی تو تم انہیں کی راہ چلو (الانعام ۹۰) کی تفسیر، سلیمان احول کا بیان ہے کہ مجاہد نے انہیں بتایا کہ انہوں نے حضرت ابن عباس رضی اللہ عنہما سے معلوم کیا کہ کیا سورۃ ص میں سجدہ ہے؟ انہوں نے فرمایا ہاں۔ پھر انہوں نے ان آیات کی تلاوت فرمائی: ترجمہ کنز الایمان : اور ہم نے انہیں اسحاق اور یعقوب عطا کئے ۔۔۔۔تا۔۔ تو تم انہیں کی راہ چلو (الانعام ٨٤ تا ٩٠) اس کے بعد فرمایا کہ حضور بھی اسی گروہ میں سے ہیں۔ یزید بن ہارون، محمد بن عبید، سہل بن یوسف، عوام، مجاہد کا بیان ہے کہ جب میں نے حضرت ابن عباس رضی اللہ عنہما سے یہ معلوم کیا تو انہوں نے فرمایا کہ نبی کریم صلی اللّٰہ علیہ وسلم کو ان انبیائے کرام کے طریقے کی پیروی کا حکم فرمایا گیا۔ (بخاری شریف ،کتاب التفسير ،بَابُ قَوْلِهِ: {أُولَئِكَ الَّذِينَ هَدَى اللَّهُ فَبِهُدَاهُمُ اقْتَدِهْ} [الأنعام: 90] حدیث نمبر ٤٦٣٢)

ترجمہ کنز الایمان: اور یہودیوں پر ہم نے حرام کیا ہر ناخن والا جانور اور گائے اور بکری کی چربی ان پر حرام کی (الانعام ۱٤٦) ابن عباس کا قول ہے کہ ذِي ظُفُرٍ سے اونٹ اور شتر مرغ مراد ہیں۔ الحَوَايَا سے وہ آنتیں مراد ہیں جن میں فضلہ رہتا ہے۔ اُن سے دوسرے کا قول ہے کہ هَادُوا سے یہودی ہونا مراد ہے اور وہ جو کہتے تھے کہ مدعا اس سے مراد ہے کہ ہم نے توبہ کی۔ هَائِدٌ توبہ کرنے والے۔ حضرت جابر بن عبداللہ رضی اللہ عنہا نے نبی کریم صلی اللّٰہ علیہ وسلم کو فرماتے ہوئے سنا کہ اللہ تعالیٰ یہودیوں کو ہلاک کرے کہ اللہ تعالیٰ نے ان پر چربی حرام فرمائی تو وہ اسے پگھلا کر اس کی تجارت کرتے اور کھاتے رہتے۔ نیز اس کی ابو عاصم، عبدالحمید، یزید، عطاء بن ابی ریاح، حضرت جابر رضی اللہ تعالیٰ عنہ نے نبی کریم صلی اللّٰہ علیہ وسلم سے روایت کی ہے۔ (بخاری شریف ،کتاب التفسير ،بَابُ قَوْلِهِ: {وَعَلَى الَّذِينَ هَادُوا حَرَّمْنَا كُلَّ ذِي ظُفُرٍ، وَمِنَ البَقَرِ وَالغَنَمِ حَرَّمْنَا عَلَيْهِمْ شُحُومَهُمَا} [الأنعام: 146] الآيَةَ حدیث نمبر ٤٦٣٣)

{وَلاَ تَقْرَبُوا الفَوَاحِشَ مَا ظَهَرَ مِنْهَا وَمَا بَطَنَ} [الأنعام: 151] کی تفسیر، ابووائل کا بیان ہے کہ حضرت عبداللہ بن مسعود رضی اللہ عنہ نے بیان فرمایا کہ اللہ تعالیٰ سے زیادہ غیرت والا کوئی نہیں اسی لیے اس نے ظاہری اور باطنی فواحش کو حرام فرما دیا ہے اور اللہ تعالیٰ کو اپنی حمد وثنا سے زیادہ اور کوئی چیز محبوب نہیں ہے اسی لیے اس نے اپنی مدح خود فرمائی ہے۔ میں نے حضرت ابو وائل سے پوچھا کہ کیا آپ نے حضرت عبداللہ بن مسعود سے یہ حدیث خود سنی ہے؟ انہوں نے اثبات میں جواب دیا، میں نے پوچھا، کیا یہ حدیث مرفوع ہے؟ جواب دیا، ہاں! وکیل یہاں حفیظ اور مُحيط کے معنی میں ہے قبلاً سے ہر قسم کا عذاب مراد ہے اس کا واحد قبیل ہے۔ زُخْرُفَ ہر وہ چیز جو دیکھنے میں خوبصورت نظر آئے لیکن باطل ہو۔ حرث حجر ہر وہ چیز جو حرام یا ممنوع ہو۔ ہر تعمیر شدہ عمارت۔ گھوڑی۔ عقل کو بھی حجر کہتے ہیں۔ آگے جو قوم ثمود کی بستی کا نام بھی ہے جس زمین میں داخلہ ممنوع ہو وہ بھی حجر ہے۔ بیت اللہ کے حطیم کو بھی مجھ کہا جاتا ہے گویا وہ محطوم سے مشتق ہے جیسے قتیل مَقْتُول سے، اور حجرُ اليمامة ایک مکان کا نام ہے۔ (بخاری شریف ،کتاب التفسير ،بَابُ قَوْلِهِ: {وَلاَ تَقْرَبُوا الفَوَاحِشَ مَا ظَهَرَ مِنْهَا وَمَا بَطَنَ} [الأنعام: 151] حدیث نمبر ٤٦٣٤)

{هَلُمَّ شُهَدَاءَكُمُ} [الأنعام: 150] " کی تفسیر، هَلُمَّ اہل حجاز کی زبان واحد تثنیہ اور جمع سب کے لیے استعمال ہوتا ہے۔ {لاَ يَنْفَعُ نَفْسًا إِيمَانُهَا} کی تفسیر، حضرت ابو ہریرہ رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ قیامت جب تک قائم نہ ہوگی جب تک سورج مغرب کی طرف سے طلوع نہ ہو۔ جب لوگ اسے مغرب سے طلوع ہوتا ہوا دیکھ کر تمام ایمان لائیں تو اس وقت کا ایمان لانا کوئی فائدہ مند نہ ہوگا، ترجمہ کنز الایمان: کسی جان کو ایمان لانا کام نہ دے گا جو پہلے ایمان نہ لائی تھی (الانعام ۱۵۸) (بخاری شریف ،کتاب التفسير ،بَابُ قَوْلِهِ: {هَلُمَّ شُهَدَاءَكُمُ} [الأنعام: 150] " حدیث نمبر ٤٦٣٥)

حضرت ابو ہریرہ رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ قیامت جب تک قائم نہیں ہوگی جب تک سورج مغرب کی طرف سے طلوع نہ ہو جائے، جب سورج ادھر سے طلوع ہوگا تو اسے دیکھ کر سارے لوگ ایمان لے آئیں گے لیکن اس وقت کا ایمان لانا انہیں کوئی فائدہ نہ دے گا۔ پھر آپ نے یہ آیت پڑھی جس کا ترجمہ کنز الایمان : کا ہے کے انتظار میں ہیں مگر یہ کہ آئیں ان کے پاس فرشتے یا تمہارے رب کا عذاب یا تمہارے رب کی ایک نشانی آئے جس دن تمہارے رب کی وہ ایک نشانی آئے گی کسی جان کو ایمان لانا کام نہ دے گا جو پہلے ایمان نہ لائی تھی یا اپنے ایمان میں کوئی بھلائی نہ کمائی تھی تم فرماؤ رستہ دیکھو ہم بھی دیکھتے ہیں( الانعام ۱۵۸) (بخاری شریف ،کتاب التفسير ،بَابُ {لاَ يَنْفَعُ نَفْسًا إِيمَانُهَا} [الأنعام: 158]حدیث نمبر ٤٦٣٦)

سورۃ الاعراف حضرت ابن عباس رضی اللہ عنہما کا قول ہے کہ رِيَاشًا سے مال مراد ہے۔ الْمُعْتَدِينَ دعا اور دوسرے کاموں میں حد سے بڑھنے والے۔ عَفَوْا ان کے مال کی کثرت ہو جانا۔ الفَتَّاحُ فیصلہ کرنے والا۔ افْتَحْ بَيْنَنَا ہمارے درمیان فیصلہ کر ۔ نَتَقْنَا ہم نے اٹھایا، بلند کیا۔ انْبَجَسَتْ آہستہ آہستہ پھوٹ نکلنا۔ مُتَبَّرٌ نقصان، آسَى افسوس کروں۔ تَأْسَ تو نے غم کھایا، افسوس کیا۔ دوسرے حضرات کا قول ہے کہ مجھے سجدہ کرنے سے کس نے روکا؟ يَخْصِفَانِ پتوں کو آپس میں ایک دوسرے کے ساتھ جوڑا ۔ سَوْآتِهِمَا یہ دونوں بزرگوں کی شرمگاہوں سے کنایہ ہے۔ مَتَاعٌ إِلَى حِينٍ یہاں قیامت تک مراد ہے۔ الرِّيَاشُ ہم معنی ہیں یعنی ظاہری لباس قبیلہ اس کے ساتھی شیطان جن میں سے وہ خود ہے۔ ادَّارَكُوا سب جمع ہو جا ئیں گے۔ انسان اور جانور سب کے مساموں کو سموما کہتے ہیں اور اس کا واحد سَمٌّ ہے یعنی آن نتھنے، منہ کانوں اور پیچھے آگے کی شرمگاہوں کا اِن میں ہی شمار ہے۔ غَوَاشٍ غلاف۔ نُشرا بکھرے ہوئے۔ نَكِدًا تھوڑے۔ يَغْنَوْا زندگی گزاری۔ حَقِيقٌ حق ہونا ۔ اسْتَرْهَبُوهُمْ ڈر کی وجہ ہے۔ تَلَقَّفُ لقمہ بنالے گا۔ طَائِرُهُمْ ان کا حصہ، اُن کا نصیب - طوفان سیلاب، اموات کی زیادتی کو بھی کہتے ہیں۔ القُملُ چیچڑیاں، چھوٹے کپڑے۔ عُرُوش اور عریش عمارت سُقِطَ جب کوئی نادم ہو تو کہتے ہیں فَقَدْ سَقَطَ فِي يَدِهِ الْأَسْبَاطَ بَنى اسرائیل کے قبلے يَعْدُونَ فِي السَّبْتِ حد سے تجاوز کرتے تھے۔ شرعا پانی کے اوپر تیرتے ہوئے۔ بَئِيسٍ سخت أَخْلَدَ بیٹھا، پیچھے ہٹ گیا سَتَسْتَدْرِجُهُمْ ۔ ہم ان کو ایسی جگہ سے لائیں گے جو جائے امن ہو جیسا کہ ارشاد باری تعالی ہے فَأَتَاهُمُ اللهُ مِنْ حَيْثُ لَمْ يَحْتَسِبُوا جِنَّةٌ جنوں سے ہے۔ قمرت ہے۔ اس نے اپنے حمل کی مدت پوری کی۔ يَنْزَغَنَّكَ تجھے بہکاے ۔ طَيْفٌ اور طائف شیطانی وسوسہ۔ يَمُدُّونَهُمْ ۔ وہ خوبصورت کر کے دکھاتے ہیں ۔ خِيْفَةٌ اور خُفْيَةً دونوں الْإِخْفَاءَ سے ہیں بمعنی خوف الاصال کا واحد اصیل ہے جو عصر اور مغرب کے درمیانی وقت کو کہتے ہیں، جیسا کہ ارشاد باری تعالی ہے۔ بُكْرَةً وَأَصِيلًا - قُلْ إِنَّمَا حَرَّمَ رَبِّي کی تفسیر, ترجمہ کنز الایمان : تم فرماؤ میرے رب نے تو بے حیائیاں حرام فرمائی ہیں (پ ۸ الاعراف ۳۳) عمرو بن مرہ کا بیان ہے کہ میں نے حضرت ابووائل سے پوچھا کہ کیا یہ حدیث آپ نے حضرت عبداللہ بن مسعود رضی اللہ عنہ سے سنی ہے؟ انہوں نے اثبات میں جواب دیا، اور اسے مرفوع بتایا کہ اللہ تعالیٰ سے زیادہ غیرت والا کوئی نہیں، اسی لیے تو اس نے ظاہر اور پوشیدہ ہر قسم کی بے حیائی کو حرام فرما دیا اور اللہ تعالیٰ کو اپنی مدح سے زیادہ اور کوئی چیز محبوب نہیں اسی لیے تو اپنی مدح خود فرمائی ہے۔ (بخاری شریف ،کتاب التفسير ،بَابُ قَوْلِهِ عَزَّ وَجَلَّ: {قُلْ إِنَّمَا حَرَّمَ رَبِّيَ الفَوَاحِشَ مَا ظَهَرَ مِنْهَا وَمَا بَطَنَ} [الأعراف: 33] حدیث نمبر ٤٦٣٧)

ترجمہ کنز الایمان : اور جب موسیٰ ہمارے وعدہ پر حاضر ہوا اور اس سے اس کے رب نے کلام فرمایا عرض کی اے رب میرے مجھے اپنا دیدار دکھا کہ میں تجھے دیکھوں فرمایا تو مجھے ہر گز نہ دیکھ سکے گا ہاں اس پہاڑ کی طرف دیکھ یہ اگر اپنی جگہ پر ٹھہرا رہا تو عنقریب تو مجھے دیکھ لے گا پھر جب اس کے رب نے پہاڑ پر اپنا نور چمکایا اسے پاش پاش کر دیا اور موسیٰ گرا بے ہوش پھر جب ہوش ہوا بولا پاکی ہے تجھے میں تیری طرف رجوع لایا اور میں سب سے پہلا مسلمان ہوں (الاعراف (۱٤٣) ابن عباس کا قول ہے کہ آرنی سے مراد ہے مجھے اپنا عنایت عطا فرما۔ حضرت ابو سعید خدری رضی اللہ عنہ فرماتے ہیں کہ ایک یہودی نبی کریم صلی اللّٰہ علیہ وسلم کی خدمت اقدس میں حاضر ہوا اور اس کے منہ پر تھپڑ مارا گیا تھا وہ کہنے لگا اے محمد ! مجھے آپ کے ساتھیوں میں سے ایک انصاری نے مجھے تھپڑ مارا ہے۔ آپ نے فرمایا، اسے بلا لاؤ۔ پس وہ اسے بلایا۔ آپ نے فرمایا تم نے اس کے منہ پر تھپڑ کیوں مارا؟ اس انصاری نے عرض کی یا رسول الله صلی اللہ علیہ وسلم ! میں یہودی کے پاس سے گزر رہا تھا تو میں نے اسے یہ کہتے ہوئے سنا کہ قسم ہے اس ذات کی جس نے حضرت موسیٰ کو تمام انسانوں میں سے چن لیا ہے۔“ میں نے دل میں کہا کہ یہ تو محمد مصطفےٰ پر بھی فضیلت دے رہا ہے، لہٰذا مجھے غصہ آیا اور میں نے اس کو تھپڑ رسید کر دیا۔ آپ نے فرمایا کہ مجھے انبیائے کرام میں سے کسی پر فضیلت نہ دو۔ کیونکہ بروز قیامت جب تمام انسان بیہوش ہو جائیں گے تو سب سے پہلے میں ہوش میں آؤں گا لیکن دیکھوں گا کہ حضرت موسیٰ عرش الٰہی کا پایہ پکڑ کر کھڑے ہونگے ۔ میں نہیں کہہ سکتا کہ وہ مجھ سے پہلے ہوش میں آئے یا طور کی بیہوشی کے بدلے میں بے ہوش ہی نہیں ہوئے تھے۔ (بخاری شریف ،کتاب التفسير ،بَابُ {وَلَمَّا جَاءَ مُوسَى لِمِيقَاتِنَا وَكَلَّمَهُ رَبُّهُ، قَالَ: رَبِّ أَرِنِي أَنْظُرْ إِلَيْكَ، قَالَ: لَنْ تَرَانِي وَلَكِنِ انْظُرْ إِلَى الجَبَلِ فَإِنِ اسْتَقَرَّ مَكَانَهُ فَسَوْفَ تَرَانِي، فَلَمَّا تَجَلَّى رَبُّهُ لِلْجَبَلِ جَعَلَهُ دَكًّا وَخَرَّ مُوسَى صَعِقًا، فَلَمَّا أَفَاقَ قَالَ: سُبْحَانَكَ تُبْتُ إِلَيْكَ وَأَنَا أَوَّلُ المُؤْمِنِينَ} [الأعراف: 143]حدیث نمبر ٤٦٣٨)

الْمَن والسلوى کی تفسیر حضرت سعید بن زید رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا کہ کھنبی المَنِّ کی قسم سے ہے اور اس کا پانی آنکھوں کے لیے شفا ہے۔ (بخاری شریف ،کتاب التفسير ،{المَنَّ وَالسَّلْوَى} [البقرة: 57]حدیث نمبر ٤٦٣٩)

إِنِّي رَسُولُ اللهِ الَيْكُمْ کی تفسیر، ترجمہ کنز الایمان : تم فرماؤ اے لوگو میں تم سب کی طرف اس اللہ کا رسول ہوں کہ آسمانوں اور زمین کی بادشاہی اسی کو ہے اس کے سوا کوئی معبود نہیں جلائے اور مارے تو ایمان لاؤ اللہ اور اس کے رسول بے پڑھے غیب بتانے والے پر کہ اللہ اور اس کی باتوں پر ایمان لاتے ہیں اور انکی غلامی کرو کہ تم راہ پاؤ (الاعراف ١٥٨) ابو ادرءس خولانی کا بیان ہے کہ میں نے حضرت ابودرداء رضی اللہ عنہ کو بیان فرماتے ہوئے سنا کہ حضرت ابو بکر صدیق اور حضرت عمر فاروق رضی اللہ عنہما کے درمیان شکر رنجی۔حضرت ابو بکر نے حضرت عمر کو خفا کر دیا۔ حضرت عمر غصے میں اُن کے پاس سے چلے گئے ، لیکن حضرت ابوبکر بھی اُن کے پیچھے جا پہنچے اور معافی چاہی۔ انہوں نے معاف نہ کیا بلکہ ان کو دیکھتے ہوئے اپنے گھر کا دروازہ بند کر لیا۔ پس حضرت ابوبکر وہاں سے رسول الله صلی اللہ علیہ وسلم کی خدمت اقدس میں حاضر ہو گئے ۔ حضرت ابودرداء فرماتے ہیں کہ ہم بھی خدمت میں حاضر تھے کہ رسول اللہ صلی اللّٰہ علیہ وسلم نے فرمایا کہ تمہارے یہ دوست تو کسی سے جھگڑ کر آئے ہیں راوی کا بیان ہے کہ بعد میں حضرت عمر اپنے اس فعل پر نادم ہوئے اور وہ بھی نبی کریم صلی اللّٰہ علیہ وسلم کی خدمت میں حاضر ہو گئے۔ پھر رسول اللہ صلی اللّٰہ علیہ وسلم کے حضور تمام واقعہ عرض کر دیا۔ حضرت ابو درداء فرماتے ہیں کہ رسول اللہ صلی اللّٰہ علیہ وسلم کو جلال آ گیا اور حضرت ابوبکر یہی عرض کر رہے تھے کہ یا رسول اللہ صلی اللّٰہ علیہ وسلم ! زیادتی مجھ سے ہوئی ہے اس پر رسول اللہ صلی اللّٰہ علیہ وسلم نے فرمایا: کیا تم میرے ایسے ساتھی کو چھوڑ دو گے؟ کیا تم میرے ایسے ساتھی کو چھوڑ دو گے؟ بے شک میں نے کہا تھا کہ اے لوگو! میں تم سب کی طرف اللہ کا رسول ہوں ، تم سب نے کہا تھا کہ تو جھوٹ بولتا ہے، لیکن ابوبکر نے کہا تھا کہ آپ سچ فرماتے ہیں۔ امام بخاری (رحمتہ اللہ علیہ ) فرماتے ہیں کہ غامر سے نیکی میں سبقت لے جانا مراد ہے۔ (بخاری شریف ،کتاب التفسير ،بَابُ {قُلْ: يَا أَيُّهَا النَّاسُ إِنِّي رَسُولُ اللَّهِ إِلَيْكُمْ جَمِيعًا الَّذِي لَهُ مُلْكُ السَّمَوَاتِ وَالأَرْضِ، لاَ إِلَهَ إِلَّا هُوَ يُحْيِي وَيُمِيتُ فَآمِنُوا بِاللَّهِ وَرَسُولِهِ، النَّبِيِّ الأُمِّيِّ الَّذِي يُؤْمِنُ بِاللَّهِ وَكَلِمَاتِهِ، وَاتَّبِعُوهُ لَعَلَّكُمْ تَهْتَدُونَ} حدیث نمبر ٤٦٤٠)

وَقُولُوا حِظَلة كي تفسیر ، ہمام بن منبہ کا بیان ہے کہ میں نے حضرت ابو ہریرہ رضی اللہ عنہ کو بیان فرماتے ہوئے سنا کہ رسول اللہ صلی اللّٰہ علیہ وسلم نے فرمایا۔ جب بنی اسرائیل سے کہا گیا کہ ترجمہ کنز الایمان: اور دروازہ میں سجدہ کرتے داخل ہو اور کہو ہمارے گناہ معاف ہوں ہم تمہاری خطائیں بخش دیں گے (االبقرۃ ۵۸) تو انہوں نے حکم بدل دیا اور اپنے سرین پر گھسٹتے ہوئے داخل ہوئے اور کہتے ہوئے داخل ہوئے کہ بالی میں دانے۔ (بخاری شریف ،کتاب التفسير ،بَابُ {وَقُولُوا حِطَّةٌ} [البقرة: 58] حدیث نمبر ٤٦٤١)

ترجمہ کنز الایمان: اور جاہلوں ۔ منہ پھیر لو (الاعراف ۱۹۹) کی تفسیر العُرْفُ سے مراد ہے اچھا کام ۔ حضرت ابن عباس رضی اللہ عنہما بیان فرماتے ہیں کہ جب عیینہ بن حصن بن حذیفہ آئے تو اپنے بھتیجے کو حر بن قیس کے پاس آکر قیام کیا اور یہ حضرت عمر رضی اللہ عنہ کے مقربین میں تھے۔ حضرت عمر رضی اللہ عنہ کی مجلس مشاورت میں قاری حضرات ہی ہوتے ہیں خواہ وہ بوڑھے ہوں یا جوان۔ حضرت عیینہ نے اپنے بھتیجے سے کہا کہ تمہاری تو امیر المومنین تک پہنچ ہے چنانچہ میرے لیے ان کی خدمت میں حاضر ہونے کی اجازت لے دو۔ انہوں نے جواب دیا کہ جلد میں آپ کے لیے اجازت حاصل کرلوں گا۔ حضرت ابن عباس کا بیان ہے کہ جب حر نے حضرت عیینہ کے لیے اجازت مانگی تو حضرت عمر نے اجازت دیدی، جب یہ حضرت عمر کی خدمت میں حاضر ہوئے تو کہنے لگے کہ اے ابن خطاب ! خدا کی قسم، نہ تو آپ ہم پر مال لگاتے ہیں اور نہ ہمارے درمیان عدل و انصاف فرماتے ہیں اس پر حضرت عمر ناراض ہوئے اور نہیں پیٹنے کا۔ قصد تک کیا، لیکن حضرت حر نے کہا۔ اے امیر المومنین ! اللہ تعالیٰ نے اپنے نبی سے فرمایا ہے: ترجمہ کنز الایمان: اے محبوب معاف کرنا اختیار کرو اور بھلائی کا حکم دو اور جاہلوں سے منہ پھیر لو (پ ۹ الاعراف (۱۹۹) راوی کا بیان ہے کہ خدا کی قسم، حضرت عمر رضی اللہ عنہ اس حکم سے نہ بڑھے اور انہوں نے جب اس آیت کی تلاوت کی تو اللہ کی کتاب اللہ کے سامنے کھڑے رہ گئے۔ (بخاری شریف ،کتاب التفسير ،بَابُ {خُذِ العَفْوَ وَأْمُرْ بِالعُرْفِ وَأَعْرِضْ عَنِ الجَاهِلِينَ} [الأعراف: 199] " حدیث نمبر ٤٦٤٢)

حضرت عبد اللہ بن زبیر فرماتے ہیں کہ آیت: ترجمہ کنز الایمان: اے محبوب معاف کرنا اختیار کرو اور بھلائی کا حکم دو ( الاعراف (۱۹۹) یہ اللہ تعالیٰ نے لوگوں کی تہذیب اخلاق کے لیے نازل فرمائی ہے۔ دوسری سند کے ساتھ حضرت عبداللہ زبیر رضی اللہ عنہ فرماتے ہیں کہ اللہ تعالیٰ نے جو نبی کریم صلی اللّٰہ علیہ وسلم کو حکم فرمایا ہے: ترجمہ کنز الایمان: اے محبوب معاف کرنا اختیار کرو اور بھلائی کا حکم دو (الاعراف ۱۹۹) یہ لوگوں کو حسنِ اخلاق کی تعلیم دی گئی ہے۔ (او کما قال)۔ (بخاری شریف ،کتاب التفسير ،بَابُ {خُذِ العَفْوَ وَأْمُرْ بِالعُرْفِ وَأَعْرِضْ عَنِ الجَاهِلِينَ} [الأعراف: 199] "حدیث نمبر ٤٦٤٣،و حدیث نمبر ٤٦٤٤)

يَسْأَلُونَكَ عَنِ الأَنْفال, كى تفسير، ترجمہ کنز الایمان: اے محبوب تم سے غنیمتوں کو پوچھتے ہیں تم فرماؤ غنیمتوں کے مالک اللہ اور رسول ہیں تو اللہ سے ڈرو اور اپنے آپس میں میل رکھو (الانفال ۱) ابن عباس کا قول ہے کہ الانفال سے غنیمتیں مراد ہیں ۔ قتادہ کا قول ہے کہ رِيحُكُمْ لڑائی کہاگیا ہے کہ نَافِلَةٌ سے عطیہ اور تحفہ مراد ہے۔ سعید بن جبیر کا بیان ہے کہ میں نے حضرت ابن عباس رضی اللہ عنہما سے سورۃ الانفال کے متعلق پوچھا تو انہوں نے بتایا کہ یہ سورت بدر کے مقام پر نازل ہوئی تھی۔ امام بخاری فرماتے ہیں کہ الشَّوْكَةُ سے دھار مراد ہے۔ مُردِفِينَ فوج در فوج - رَدَّفَنِي میرے بعد آیا ۔ ذُوقُو عذاب چکھو، تجربہ کر کے دیکھو۔ یہ منہ سے چکھنے کے بارے میں نہیں ہے۔ فَيَرْكُمَهُ اس کو جمع کرے۔ شَرِّدْ علیحدہ کر ۔ جَنَحُوا طلب کیا ۔ يُثْخِنَ غالب ہوں۔ مجاہد کا قول ہے کہ مُکا کہتے ہیں انگلیاں منہ میں داخل کر کے سیٹی کی آواز نکالنے کو لِيُثْبِتُوكَ تا کہ مجھے قید کرلیں۔ تاکہ تجھے محبوس کرلیں۔ (بخاری شریف ،کتاب التفسير ،بَابُ قَوْلِهِ: {يَسْأَلُونَكَ عَنِ الأَنْفَالِ، قُلْ: الأَنْفَالُ لِلَّهِ وَالرَّسُولِ، فَاتَّقُوا اللَّهَ وَأَصْلِحُوا ذَاتَ بَيْنِكُمْ} [الأنفال: 1] حدیث نمبر ٤٦٤٥)

{إِنَّ شَرَّ الدَّوَابِّ عِنْدَ اللَّهِ کی تفسیر ترجمہ کنز الایمان: بے شک سب جانوروں میں بدتر اللہ کے نزدیک وہ ہیں جو بہرے گونگے ہیں جن کو عقل نہیں (الانفال ۲۲) حضرت ابن عباس رضی اللہ عنہما فرماتے ہیں کہ آیت: ترجمہ کنز الایمان : بے شک سب جانوروں میں بدتر اللہ کے نزدیک وہ ہیں جو بہرے گونگے ہیں جن کو عقل نہیں ( الانفال ۲۲) بنی عبدالدار کے کچھ غلط کار لوگوں کے بارے میں ہے۔ (بخاری شریف ،کتاب التفسير ،بَابُ {إِنَّ شَرَّ الدَّوَابِّ عِنْدَ اللَّهِ الصُّمُّ البُكْمُ الَّذِينَ لاَ يَعْقِلُونَ} [الأنفال: 22] حدیث نمبر ٤٦٤٦)

ترجمہ کنز الایمان: اے ایمان والو اللہ اور اس کے رسول کے بلانے پر حاضر ہو جب رسول تمہیں اس چیز کے لئے بلائیں جو تمہیں زندگی بخشے گی اور جان لو کہ اللہ کا حکم آدمی اور اس کے دلی ارادوں میں حائل ہو جاتا ہے اور یہ کہ تمہیں اسی کی طرف اٹھنا ہے ( الانفال ٢٤) اسْتَجِيبُوا حاضر ہو جاؤ۔ لِمَا يُحْيِيكُمْ جو تمہاری اصلاح کرے۔ حفص بن عاصم کا بیان ہے کہ حضرت سعید بن معلی رضی اللہ عنہ نے فرمایا: میں نماز پڑھ رہا تھا کہ میرے پاس سے رسول اللہ صلی اللّٰہ علیہ وسلم کا گزر ہوا۔ آپ نے مجھے بلایا مگر میں آپ کی بارگاہ میں حاضر نہ ہوا۔ جب میں نماز پڑھ چکا تو حاضر خدمت ہو گیا۔ آپ نے فرمایا: تمہیں میرے پاس آنے سے کیا چیز مانع ہوئی جب کہ اللہ تعالیٰ فرماتا ہے ترجمہ کنز الایمان: اے ایمان والو اللہ اور اس کے رسول کے بلانے پر حاضر ہو جب رسول تمہیں اس چیز کے لئے بلائیں (الانفال ٢٤)پھر آپ نے فرمایا: کیا میں تمہیں قرآن کریم کی سب سے بڑی سورت نہ بتادوں، اس سے پہلے کہ میں باہر نکلوں۔ جب رسول اللہ صلی اللّٰہ علیہ وسلم جانے کے لیے باہر تشریف لے جانے گے تو میں نے مذکوره ارشاد یاد کروایا۔ معاذ ، شعبہ، خبیب ، حفص بن عاصم نے حضرت ابوسعید بن معلی سے یہی سنا، جو نبی کریم صلی اللّٰہ علیہ وسلم کے صحابہ میں سے ایک شخص تھے حضور نے اُن سے فرمایا کہ وہ سورۃ الفاتحہ ہے جس کو سبع مثانی بھی کہتے ہیں۔ (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا، اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ، وَاعْلَمُوا أَنَّ اللَّهَ يَحُولُ بَيْنَ المَرْءِ وَقَلْبِهِ، وَأَنَّهُ إِلَيْهِ تُحْشَرُونَ} [الأنفال: 24] " حدیث نمبر ٤٦٤٧)

ترجمہ کنز الایمان: اور جب بولے کہ اے اللہ اگر یہی تیری طرف سے حق ہے تو ہم پر آسمان سے پتھر برسا یا کوئی دردناک عذاب ہم پر لا ( الانفال ۳۲) ابن عیینہ کا قول ہے کہ اللہ تعالیٰ نے یہاں قرآن کریم میں جس کو بارش کا نام دیا وہ عذاب ہے اور اہل عرب بارش کو الغَيْثَ کہتے ہیں جیسا کہ ارشاد باری تعالی ہے: ترجمہ کنز الایمان: اور وہی ہے کہ مینہ اتارتا ہے ان کے ناامید ہونے پر (الشوری ۲۸) عبدالحمید بن گردید صاحب الزیادی سے مروی ہے کہ حضرت انس بن مالک رضی اللہ عنہ نے ابو جہل کو یہ کہتے ہوئے سنا کہ: ”اے اللہ !اگر یہ قرآن تیری جانب سے حق ہے تو ہم پر آسمان سے پتھر برسا، یا کوئی دوسرا درد ناک عذاب ہم پر نازل فرما۔ اس پر یہ وحی نازل ہوئی: ترجمہ کنز الایمان: اور اللہ کا کام نہیں کہ انہیں عذاب کرے جب تک اے محبوب تم ان میں تشریف فرما ہو اور اللہ انہیں عذاب کرنے والا نہیں جب تک وہ بخشش مانگ رہے ہیں اور انہیں کیا ہے کہ اللہ انہیں عذاب نہ کرے وہ تو مسجد حرام سے روک رہے ہیں ( الانفال ٣٣ تا ٣٤) (بخاری شریف ،کتاب التفسير ،بَابُ قَوْلِهِ: {وَإِذْ قَالُوا: اللَّهُمَّ إِنْ كَانَ هَذَا هُوَ الحَقَّ مِنْ عِنْدِكَ فَأَمْطِرْ عَلَيْنَا حِجَارَةً مِنَ السَّمَاءِ أَوِ ائْتِنَا بِعَذَابٍ أَلِيمٍ} [الأنفال: 32] حدیث نمبر ٤٦٤٨)

ترجمہ کنز الایمان: اور اللہ کا کام نہیں کہ انہیں عذاب کرے جب تک اے محبوب تم ان میں تشریف فرما ہو اور اللہ انہیں عذاب کرنے والا نہیں جب تک وہ بخشش مانگ رہے ہیں (پ ۱۹الانفال ۳۳) عبد الحمید صاحب الزیادی نے حضرت انس بن مالک رضی اللہ عنہ کو فرماتے ہوئے سنا کہ ابو جہل نے کہا: اے اللہ ! اگر یہ تیرے نزدیک حق ہے تو ہم پر آسمان سے پتھروں کی بارش برسا یا ہم پر اور کوئی درد ناک عذاب نازل فرما۔ اس پر یہ وحی نازل ہوئی: ترجمہ کنز الایمان : اور اللہ کا کام نہیں کہ انہیں عذاب کرے جب تک اے محبوب تم ان میں تشریف فرما ہو اور اللہ انہیں عذاب کرنے والا نہیں جب تک وہ بخشش مانگ رہے ہیں اور انہیں کیا ہے کہ اللہ انہیں عذاب نہ کرے وہ تو مسجد حرام سے روک رہے ہیں(الانفال ۳۳- ۳٤) (بخاری شریف ،کتاب التفسير ،بَابُ قَوْلِهِ: {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ، وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [الأنفال: 33] حدیث نمبر ٤٦٤٩)

{وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلَّهِ} [الأنفال: 39] کی تفسیر، حضرت ابن عمر رضی اللہ عنہما بیان فرماتے ہیں کہ اُن کے پاس ایک شخص آیا۔ پھر کہنے لگا: اے ابو عبدالرحمن ! کیا آپ نہیں سنتے جو اللہ تعالیٰ نے اپنی کتاب میں فرمایا ہے کہ ترجمہ کنز الایمان: اور اگر مسلمانوں کے دو گروہ آپس میں لڑیں تو ان میں صلح کراؤ پھر اگر ایک دوسرے پر زیادتی کرے تو اس زیادتی والے سے لڑو یہاں تک کہ وہ اللہ کے حکم کی طرف پلٹ آئے پھر اگر پلٹ آئے تو انصاف کے ساتھ ان میں اصلاح کردو اور عدل کرو بیشک عدل والے اللہ کو پیارے ہیں (الحجرات ۹) پس آپ کو کون سی چیز ان کے ساتھ لڑنے سے مانع ہے حالانکہ اللہ تعالیٰ نے اپنی کتاب میں اس کا ذکر فرمایا ہے۔ انہوں نے جوابا فرمایا کہ اے بھتیجے! مجھے اس آیت میں تاویل کر کے مسلمانوں سے نہ لڑنا زیادہ محبوب ہے بنسبت اس کے کہ میں اللہ تعالٰی کے اس صاف حکم والی آیت میں تاویل کروں کہ ترجمہ کنز الایمان: اور جو کوئی مسلمان کو جان بوجھ کر قتل کرے تو اس کا بدلہ جہنم ہے کہ مدتوں اس میں رہے اور اللہ نے اس پر غضب کیا اور اس پر لعنت کی اور اس کے لئے تیار رکھا بڑا عذاب (الأنفال ٣٣ تا ٣٤) وہ آدمی کہنے لگا کہ اللہ تعالیٰ تو فرماتا ہے کہ ترجمہ کنز الایمان : اور ان سے لڑو یہاں تک کہ کوئی فتنہ نہ رہے (پ ٢ البقرة ۱۹۳) حضرت ابن عمر رضی اللہ عنہما نے فرمایا کہ یہ کام تو ہم مسلمان رسول اللہ صلی اللّٰہ علیہ وسلم کے عہد مبارک میں کر چکے ہیں کیونکہ اس وقت مسلمانوں کی تعداد کم تھی لہٰذا کافر ان کے دین میں فتنہ ڈالتے کہ کسی کو قتل کر دیتے اور کسی کو قید کرتے تھے حتی کہ مسلمان اکثریت میں آگئے لہٰذا فتنہ مٹ گیا۔ جب اس آدمی نے دیکھا کہ یہ اس کی موافقت نہیں فرما رہے جیسا کہ وہ چاہتا ہے تو اس نے کہا: علی اور عثمان کے متعلق آپ کیا کہتے ہیں؟ حضرت ابن عمر نے فرمایا کہ میں حضرت علی اور حضرت عثمان (رضی اللہ عنہما) کے متعلق کیا کہہ سکتا ہوں جب کہ حضرت عثمان کی خطا اللہ تعالیٰ نے معاف فرما دی لیکن تمہیں وہ معافی نا پسند ہے۔ رہے حضرت علی رضی اللہ عنہ تو وہ رسول اللہ صلی اللّٰہ علیہ وسلم کے نسبا چازاد بھائی اور داماد ہیں اور ہاتھ سے اشارہ کر کے فرمایا کہ یہ ہے ان کا گھر جیسا کہ تم دیکھتے ہو۔ (بخاری شریف ،کتاب التفسير ،بَابُ {وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلَّهِ} [الأنفال: 39] حدیث نمبر ٤٦٥٠)

سعید بن جبیر فرماتے ہیں کہ حضرت ابن عمر رضی اللہ عنہا ہمارے پاس تشریف لائے تو ایک شخص نے ان سے کہا کہ یہ جو قتال اور فتنہ برپا ہے اس کے متعلق آپ کی کیا رائے ہے؟ انہوں نے فرمایا: کیا تمہیں معلوم ہے کہ فتنہ کس کو کہتے ہیں؟ سنو ! محمد صلی اللّٰہ علیہ وسلم نے مشرکین سے قتال کیا کیونکہ کفار کے قریب جانا فتنہ کا شکار ہونا تھا۔ لہٰذا وہ قتال تخت وسلطنت کے لیے نہ تھا۔ (بخاری شریف ،کتاب التفسير ،بَابُ {وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلَّهِ} [الأنفال: 39] حدیث نمبر ٤٦٥١)

حَرْضِ الْمُؤْمِنِينَ کی تفسیر، ترجمہ کنز الایمان: اے غیب کی خبریں بتانے والے مسلمانوں کو جہاد کی ترغیب دو اگر تم میں کے بیس صبر والے ہوں گے دوسو پر غالب ہوں گے اور اگر تم میں کے سو ہوں تو کافروں کے ہزار پر غالب آئیں گے اس لئے کہ وہ سمجھ نہیں رکھتے (الانفال ٦٥) حضرت ابن عباس رضی اللہ عنہما فرماتے ہیں کہ جب یہ آیت ترجمہ کنز الایمان: اے غیب کی خبریں بتانے والے مسلمانوں کو جہاد کی ترغیب دو اگر تم میں کے بیس صبر والے ہوں گے دوسو پر غالب ہوں گے اور اگر تم میں کے سو ہوں تو کافروں کے ہزار پر غالب آئیں گے اس لئے کہ وہ سمجھ نہیں رکھتے (الانفال ٦٥) نازل ہوئی تو مسلمانوں پر لازم کر دیا گیا کہ ایک مسلمان دس کافروں کے مقابلے سے نہ بھاگے۔ سفیان بن عیینہ نے کئی مرتبہ یہ بھی کہا میں مسلمان دوسو کافروں کے مقابلے سے نہ بھاگیں اس کے بعد یہ آیت نازل ہوئی۔ ترجمہ کنز الایمان : اب اللہ نے تم پر سے تخفیف فرمائی (الانفال ٦٦) پس یہ لازم کر دیا گیا کہ سو مسلمان دوسو کافروں کے مقابلے سے نہ بھا گئیں۔ ایک مرتبہ سفیان نے یہ بھی بیان کیا کہ یہ آیت نازل ہوئی۔ ترجمہ کنز الایمان: مسلمانوں کو جہاد کی ترغیب دو اگر تم میں کے بیس صبر والے ہوں گے دوسو پر غالب ہوں گے (الانفال ٦٦) سفیان کہتے ہیں کہ ابن شبرمہ فرماتے ہیں کہ میرا خیال ہے امر بالمعروف اور نہی عن المنکر میں بھی یہی اصول یا حکم کارفرما ہے۔ (بخاری شریف ،کتاب التفسير ،بَابُ {يَا أَيُّهَا النَّبِيُّ حَرِّضِ المُؤْمِنِينَ عَلَى القِتَالِ، إِنْ يَكُنْ مِنْكُمْ عِشْرُونَ صَابِرُونَ يَغْلِبُوا مِائَتَيْنِ، وَإِنْ يَكُنْ مِنْكُمْ مِائَةٌ يَغْلِبُوا أَلْفًا مِنَ الَّذِينَ كَفَرُوا بِأَنَّهُمْ قَوْمٌ لاَ يَفْقَهُونَ} حدیث نمبر ٤٦٥٢)

(الآنَ خَفَّفَ اللَّهُ عَنْكُمْ کی تفسیر ترجمہ کنز الایمان : اب اللہ نے تم پر سے تخفیف فرمائی اور اسے علم ہے کہ تم کمزور ہو۔۔۔۔ تا۔۔۔۔ اور اللہ صبر والوں کے ساتھ ہے (انفال ٦٦) یحیی بن عبد الله سلمی ، عبداللہ بن مبارک، جریر بن حازم، زبیر بن خِرِّيت، عکرمہ، حضرت ابن عباس رضی اللہ عنہما فرماتے ہیں کہ جب یہ آیت نازل ہوئی: ترجمہ کنز الایمان: اگر تم میں کے بیس صبر والے ہوں گے دو سو پر غالب ہوں گے (پ ۱۰ الانفال (٦٦) تو مسلمانوں کو اس میں دشواری محسوس ہوئی جبکہ یہ فرض ہو گیا کہ ایک مسلمان دس کافروں کے مقابلے سے نہ بھاگے۔ اس کے بعد کمی کر دی آگئی اور فرمایا گیا: ترجمہ کنز الایمان : اب اللہ نے تم پر سے تخفیف فرمائی اور اسے علم ہے کہ تم کمزور ہو تو اگر تم میں سوصبر والے ہوں دوسو پر غالب آئیں گے (پ ۱۰ الانفال ٦٦) راوی کا بیان ہے کہ جب اللہ تعالیٰ نے ان کے لیے کمی فرما دی تو جس قدر کمی فرمائی گئی اسی حساب سے مسلمانوں کے صبر و استقلال میں کمی واقع ہو گئی۔ (بخاری شریف ،کتاب التفسير ،بَابُ (الآنَ خَفَّفَ اللَّهُ عَنْكُمْ وَعَلِمَ أَنَّ فِيكُمْ ضُعْفًا) الآيَةَ حدیث نمبر ٤٦٥٣)

سورة التوبه وَلِيجَةً وہ چیز جو دوسرے کے اندر داخل کی جائے ۔ الشقَّةُ سفر - الْخَبَالُ موت ۔ وَلَا تَفْتِنِي مجھے مت چھڑ کو ۔ كَرْهًا اور كُرْهًا ہم معنی ہیں۔ مُدَّخَلًا داخل ہونے کی جگہ۔ يَجْمَعُونَ دوڑتے جائیں، وَالمُؤْتَفِكَاتِ وہ ہستیاں جو الٹ دی گئیں۔ أَهْوَى اسے گڑھے میں دھکیل دیا گیا۔ عَدْنٍ ہمیشہ رہنے کی جگہ۔ اہل عرب بولتے ہیں عَدَنْتُ بِأَرْضٍ میں اس زمین میں رہ گیا۔ مَعْدِنٌ اس سے نکلا ہے۔ اور مَعْدِنِ صِدْقٍ سے مراد سچائی کے اگنے یعنی پیدا ہونے کی جگہ ہے۔ الخَوَالِفُ یہ التخالف کی جمع ہے یعنی وہ جو مجھے چھوڑ کر پیچھے بیٹھ رہے۔ يَخْلُفُهُ فِي الغَابِرِينَ اسی سے ہے۔ یہ بھی جائز ہے کہ یہ مؤنث کے لیے ہو، یوں اس کا واحد الخَالِفَةِ ہوگا اور اگر یہ مذکر کی جمع ہے تو جمع کی صورت میں یہاں دو حرف پائے جانے چاہئیں جیسے فَارِس سے فَوَارِش اور هَالِك سے هَوَلكُ الْخَيْراتُ اس کا واحد خَيْرَةٌ ہے یعنے بھلائی ۔ مُرْجَوْنَ مؤخر کیے گئے۔ الشَّفَا کنارا - الجُرُفُ نالیاں جو ندی نالوں کے بہاؤ سے بن جاتی ہیں۔ هَارٍ گرنے والی۔ جیسے کہا جاتا ہے تَهَوَّرَتِ البِئْرُ کنواں گر گیا اور اسی طرح نہرین۔ لَأَوَّاهٌ خدا سے ڈرنے والا ، آہ وزاری کرنے والا: جیسا کے شعر ہے: إِذَا قُمْتُ أَرْحَلُهَا بِلَيْلٍ تَأَوَّهُ آهَةَ الرَّجُلِ الحزين, ترجمہ کنز الایمان: بیزاری کا حکم سناتا ہے اللہ اور اس کے رسول کی طرف سے ان مشرکوں کو جن سے تمہارا معاہدہ تھا اور وہ قائم نہ رہے ( پ ۱۰ التوبۃ ۱) ابن عباس کا قول ہے کہ أُذُنٌ اس کو کہتے ہیں جو ہر ایک کی بات سن کر یقین کرے۔ تُطَهِّرُهُمْ وَتُزَكِّيهِمْ دونوں ہم معنی ہیں اور ایسے ہم معنی الفاظ بہت سے ہیں جیسے الزكاةُ اور الطاعَةُ اور الْإِخْلَاصُ - لا. يُؤْتُونَ الزَّكوة یعنی وہ خدائے واحد کی گواہی نہیں دیتے - يُضَاهِون اُسی طرح کی بات کہتے ہیں۔ ابو اسحاق کا بیان ہے کہ میں نے حضرت براء بن عازب رضی اللہ عنہ کو فرماتے ہوئے سنا کہ سب سے آخر میں نازل ہونے والی آیت یہ ہے: ترجمہ کنز الایمان: اے محبوب تم سے فتوی پوچھتے ہیں تم فرما دو کہ اللہ تمہیں کلالہ میں فتویٰ دیتا ہے اگر کسی مرد کا انتقال ہو جو بے اولاد ہے اور اس کی ایک بہن ہو تو ترکہ میں اس کی بہن کا آدھا ہے اور مرد اپنی بہن کا وارث ہوگا اگر اگر بہن کی اولاد نہ ہو پھر اگر دو بہنیں ہوں ترکہ میں ان کا دو تہائی اور اگر بھائی بہن ہوں مرد بھی اور عورتیں بھی تو مرد کا حصہ دو عورتوں کے برابر اللہ تمہارے لئے صاف بیان فرماتا ہے کہ کہیں بہک نہ جاؤ اور اللہ ہر چیز جانتا ہے (پ النساء (۱٧٦) اور سب سے آخر میں نازل ہونے والی سورت ، سورۃ التوبہ ہے۔ (بخاری شریف ،کتاب التفسير ،بَابُ قَوْلِهِ: {بَرَاءَةٌ مِنَ اللَّهِ وَرَسُولِهِ إِلَى الَّذِينَ عَاهَدْتُمْ مِنَ المُشْرِكِينَ} [التوبة: 1] حدیث نمبر ٤٦٥٤)

ترجمہ کنز الایمان : تو چار مہینے زمین پر چلو پھرو اور جان رکھو کہ تم اللہ کو تھکا نہیں سکتے اور یہ کہ اللہ کافروں کو رسوا کرنے والا ہے (پ ۱۰ التوبة ٢ )) سِيحُوا سیر کرو، چلو پھرو۔ حضرت ابو ہریرہ رضی اللہ عنہ فرماتے ہیں کہ مجھے حضرت ابوبکر صدیق نے اعلان کرنے والوں کے ساتھ بھیجا کہ یوم النحر کو منیٰ میں یہ اعلان کیا جائے کہ اس سال کے بعد کوئی مشرک حج نہ کرے اور کوئی آدمی برہنہ ہوکر بیت اللہ کا طواف نہ کرے۔ حمید بن عبد الرحمن کا بیان ہے کہ حضرت ابوبکر کے بعد رسول اللہ صلی اللّٰہ علیہ وسلم نے حضرت علی بن ابو طالب کو روانہ فرمایا کہ کافروں سے بیزاری کا اعلان کر دینا۔ حضرت ابو ہریرہ فرماتے ہیں کہ حضرت علی رضی اللہ عنہ نے بھی ہمارے ساتھ یوم النحر کو منٰی میں بیزاری کا اعلان کیا اور یہ بھی کہا کہ اس سال کے بعد کوئی مشرک حج نہ کرے اور کوئی آدمی برہنہ ہو کر خانہ کعبہ کا طواف نہ کرے۔ (بخاری شریف ،کتاب التفسير ،بَابُ قَوْلِهِ: {فَسِيحُوا فِي الأَرْضِ أَرْبَعَةَ أَشْهُرٍ وَاعْلَمُوا أَنَّكُمْ غَيْرُ مُعْجِزِي اللَّهِ وَأَنَّ اللَّهَ مُخْزِي الكَافِرِينَ} [التوبة: 2] حدیث نمبر ٤٦٥٥)

ترجمہ کنز الایمان: اور منادی پکار دینا ہے اللہ اور اس کے رسول کی طرف سے سب لوگوں میں بڑے حج کے دن کہ اللہ بیزار ہے مشرکوں سے اور اس کا رسول تو اگر تم توبہ کرو تو تمہارا بھلا ہے اور اگر منہ پھیرو تو جان لو کہ تم اللہ کو نہ تھکا سکو گے اور کافروں کو خوش خبری سناؤ درد ناک عذاب کی (پ ۱۰ التوبہ ۳) حضرت ابو ہریرہ رضی اللہ عنہ فرماتے ہیں کہ حضرت ابو بکر نے مجھے منادی کرنے والوں کے ساتھ بھیجا کہ یوم النحر کومنیٰ میں یہ اعلان کیا جائے کہ اس سال کے بعد مشرک حج نہ کرے اور کوئی آدمی برہنہ ہو کر خانہ کعبہ کا طواف نہ کرے۔ حمید بن عبد الرحمن بن عوف کا بیان ہے کہ ان کے پیچھے نبی کریم صلی اللّٰہ علیہ وسلم نے حضرت علی رضی اللہ عنہ کو روانہ فرمایا اور انہیں حکم دیا کہ مشرکوں سے بیزاری کا اعلان کر دیں۔ چنانچہ حضرت ابوہریرہ فرماتے ہیں کہ حضرت علی رضی اللہ عنہ نے ہمارے ساتھ منیٰ میں یوم النحر کو بیزاری کا اعلان کیا اور ساتھ ہی یہ بھی کہ اس سال کے بعد کوئی مشرک حج نہ کر بے اور کوئی آدمی برہنہ ہو کر خانہ کعبہ کا طواف نہ کرے۔ (بخاری شریف ،کتاب التفسير ،بَابُ قَوْلِهِ: {وَأَذَانٌ مِنَ اللَّهِ وَرَسُولِهِ إِلَى النَّاسِ يَوْمَ الحَجِّ الأَكْبَرِ أَنَّ اللَّهَ بَرِيءٌ مِنَ المُشْرِكِينَ وَرَسُولُهُ، فَإِنْ تُبْتُمْ فَهُوَ خَيْرٌ لَكُمْ، وَإِنْ تَوَلَّيْتُمْ فَاعْلَمُوا أَنَّكُمْ غَيْرُ مُعْجِزِي اللَّهِ وَبَشِّرِ الَّذِينَ كَفَرُوا بِعَذَابٍ أَلِيمٍ} [التوبة: 3] " حدیث نمبر ٤٦٥٦)

حمید بن عبد الرحمن کا بیان ہے کہ حضرت ابو ہریرہ رضی اللہ عنہ نے انہیں خبر دی کہ حضرت ابو بکر صدیق رضی اللہ عنہ کو جب حجۃ الوداع سے قبل حج کے موقع پر رسول اللہ صلی اللّٰہ علیہ وسلم نے امیر بنایا تو انہوں نے مجھے لوگوں کی ایک جماعت کے ساتھ یہ اعلان کرنے کے لیے روانہ فرمایا کہ اس سال کے بعد کوئی مشرک حج نہ کرے اور کوئی آدمی برہنہ ہو کر خانہ کعبہ کا طواف نہ کرے۔ حمید بن عبد الرحمن کہتے تھے کہ حضرت ابو ہریرہ کی اس حدیث سے معلوم ہوتا ہے کہ یوم النحر سے مراد حج اکبر کا دن ہے۔ (بخاری شریف ،کتاب التفسير ،بَابُ {إِلَّا الَّذِينَ عَاهَدْتُمْ مِنَ المُشْرِكِينَ} [التوبة: 4] حدیث نمبر ٤٦٥٧)

زید بن وہب کا بیان ہے کہ ہم حضرت حذیفہ رضی اللہ عنہ کے پاس تھے تو انہوں نے فرمایا کہ اس آیت کے مخاطبین سے صرف تین اور منافقوں میں سے چار باقی رہ گئے ہیں۔ اس پر ایک اعرابی کہنے لگا کہ آپ حضرات تو محمد مصطفے صلی اللہ علیہ وسلم کے ساتھی ہیں، لہٰذا آپ کو معلوم ہوگا ، ذرا ہمیں ان لوگوں کے متعلق بتائیے جو ہمارے گھروں میں نقب لگا کر عمدہ چیزیں چرا کر لے جاتے ہیں۔ حضرت حذیفہ نے فرمایا کہ وہ نافرمان لوگ ہیں لیکن منافقین میں سے صرف چار ہی زندہ رہ گئے ہیں اور ایک تو ان میں سے اتنا بوڑھا ہو گیا ہے کہ اگر وہ ٹھنڈا پانی پئے تو اس کی ٹھنڈک محسوس نہیں کر سکتا (بخاری شریف ،کتاب التفسير ،بَابُ {فَقَاتِلُوا أَئِمَّةَ الكُفْرِ إِنَّهُمْ لاَ أَيْمَانَ لَهُمْ} [التوبة: 12] حدیث نمبر ٤٦٥٨)

ترجمہ کنز الایمان : اور وہ کہ جوڑ کر رکھتے ہیں سونا چاندی اور اسے اللہ کی راہ میں خرچ نہیں کرتے انہیں خوش خبری سناؤ درد ناک عذاب کی (پ ۱۰ التوبه ۳٤) عبد الرحمن اعرج، حضرت ابو ہریرہ رضی اللہ عنہ سے راوی ہیں کہ انہوں نے رسول اللہ صلی اللّٰہ علیہ وسلم کو فرماتے ہوئے سنا کہ تم میں سے جس کے پاس جمع کیا ہوا مال ہوگا وہ بروز قیامت گنجا سانپ بن جائے گا۔ (بخاری شریف ،کتاب التفسير ،بَابُ قَوْلِهِ: {وَالَّذِينَ يَكْنِزُونَ الذَّهَبَ وَالفِضَّةَ وَلاَ يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ} [التوبة: 34] حدیث نمبر ٤٦٥٩)

زید بن وہب کا بیان ہے کہ زبدہ کے مقام پر میں حضرت ابوذرغفاری رضی اللہ عنہ کے پاس سے گزرا ، تو میں نے ان سے پوچھا کہ ایسی کس چیز نے آپ کو اس جگہ لا کر ٹھہرایا؟ فرمایا کہ ہم ملک شام میں تھے تو میں نے یہ آیت پڑھی: ترجمہ کنز الایمان : اور وہ کہ جوڑ کر رکھتے ہیں سونا اور چاندی اور اسے اللہ کی راہ میں خرچ نہیں کرتے انہیں خوش خبری سناؤ درد ناک عذاب کی( پ ۱۰ التوبة (۳٤) اس پر حضرت معاویہ کہنے لگے کہ یہ آیت ہمارے بارے میں نہیں بلکہ یہ تو اہل کتاب کے متعلق ہے۔ حضرت ابوذر نے جواب دیا کہ نہیں بلکہ یہ ہم سب کے بارے میں ہے۔ (بخاری شریف ،کتاب التفسير ،بَابُ قَوْلِهِ: {وَالَّذِينَ يَكْنِزُونَ الذَّهَبَ وَالفِضَّةَ وَلاَ يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ} [التوبة: 34] حدیث نمبر ٤٦٦٠)

ترجمہ کنز الایمان : جس دن وہ تپایا جائے گا جہنم کی آگ میں پھر اس سے داغیں گے ان کی پیشانیاں اور کروٹیں اور پیٹھیں یہ ہے وہ جو تم نے اپنے لئے جوڑ کر رکھا تھا اب چکھو مزا اس جوڑنے کا (پ ۱۰ التوبہ ۳۵) حضرت ابن عمر رضی اللہ عنہما فرماتے ہیں کہ یہ بات زکوۃ فرض ہونے سے پہلے کی ہے۔ جب زکوٰۃ کا حکم نازل ہو گیا تو باقی مال کو اللہ تعالیٰ نے پاک قرار دے دیا۔ (بخاری شریف ،کتاب التفسير ،بَابُ قَوْلِهِ: {يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ، هَذَا مَا كَنَزْتُمْ لِأَنْفُسِكُمْ فَذُوقُوا مَا كُنْتُمْ تَكْنِزُونَ} [التوبة: 35] حدیث نمبر ٤٦٦١)

ترجمہ کنز الایمان: بیشک مہینوں کی گنتی اللہ کے نزدیک بارہ مہینے ہیں اللہ کی کتاب میں جب سے اس نے آسمان وزمین بنائے ان میں سے چار حرمت والے ہیں ( پ ۱۰ التوبہ ۳٦) القَيِّمُ سے مراد ہے سیدھا۔ حضرت ابن ابی بکرہ رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا: جس دن سے آسمانوں اور زمین کو پیدا فرمایا گیا، زمانہ پھیرا کرتے ہوئے پھر اپنی اسی حالت پر ہے، یعنی سال بارہ مہینے کا ہوتا ہے، جن میں سے چار مہینے حرمت والے ہیں، تین تو لگا تار ہیں یعنی ذوالقعدہ، ذوالحجہ اور محرم ۔ چوتھا رجب ہے جو مضر قبیلے کا کہلاتا ہے اور یہ جمادی الآخری و شعبان کے درمیان ہے۔ (بخاری شریف ،کتاب التفسير ،بَابُ قَوْلِهِ: {إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ، يَوْمَ خَلَقَ السَّمَوَاتِ وَالأَرْضَ مِنْهَا أَرْبَعَةٌ حُرُمٌ ذَلِكَ الدِّينُ حدیث نمبر ٤٦٦٢)

ترجمہ کنز الایمان: دو میں سے دوسرا جب وہ دونوں غار میں تھے جب اپنے ساتھی سے فرماتے تھے غم نہ کھا بیشک اللہ ہمارے ساتھ ہے۔(التوبہ ٤٠) السَّكِينَةُ یہ فَعِيلَةٌ کے وزن پرسکون سے بنا ہے۔ حضرت انس کا بیان ہے کہ حضرت ابوبکر صدیق رضی اللہ عنہ نے مجھے خبر دی کہ میں نبی کریم صلی اللّٰہ علیہ وسلم کے ساتھ غار میں تھا۔ میں نے مشرکوں کے پاؤں دیکھے تو عرض کی: یا رسول اللہ صلی اللّٰہ علیہ وسلم ! اگر ان میں سے کسی نے اپنے پاؤں اٹھائے تو ہمیں دیکھ لے گا۔ حضور نے فرمایا: اُن دو کے متعلق تمہارا کیا خیال ہے اللہ تعالیٰ جن کا تیسرا ہو۔ (بخاری شریف ،کتاب التفسير ،بَابُ قَوْلِهِ: {ثَانِيَ اثْنَيْنِ إِذْ هُمَا فِي الغَارِ إِذْ يَقُولُ لِصَاحِبِهِ: لاَ تَحْزَنْ إِنَّ اللَّهَ مَعَنَا} [التوبة: 40] « حدیث نمبر ٤٦٦٣)

ابن ابی ملیکہ ، حضرت ابن عباس رضی اللہ عنہما سے راوی ہیں کہ جب ان کے اور عبداللہ بن زبیر کے مابین کلام ہوا تو میں نے کہا کہ ان کے والد محترم حضرت زبیر، ان کی والدہ محترمہ حضرت اسماء، ان کی خالہ حضرت عائشہ صدقہ رضی اللہ عنہا، ان کے نانا جان حضرت ابوبکر صدیق اور ان کی دادی حضرت صیفہ ہیں، میں نے سفیان سے کہا کہ اس کی سند تو بیان کرو۔ انہوں نے کہا کہ مجھ سے یہ حدیث بیان کی، پھر ایک شخص نے انہیں باتوں میں لگا لیا اور انہوں نے یہ نہیں کہا کہ ابن جریج نے بیان کی۔ (بخاری شریف ،کتاب التفسير ،بَابُ قَوْلِهِ: {ثَانِيَ اثْنَيْنِ إِذْ هُمَا فِي الغَارِ إِذْ يَقُولُ لِصَاحِبِهِ: لاَ تَحْزَنْ إِنَّ اللَّهَ مَعَنَا} [التوبة: 40] « حدیث نمبر ٤٦٦٤)

ابن جریج ابن ابی ملیکہ سے راوی ہیں کہ جب دونوں حضرات میں اختلاف رائے ہوا تو میں نے حضرت ابن عباس رضی اللہ عنہما کی خدمت میں حاضر ہو کر عرض کی۔ کیا آپ عبداللہ بن زبیر سے جنت اور کی حرمت کو حلال کرنا چاہتے ہیں؟ انہوں نے کہا کہ خدا کی پناہ۔ یہ جرات تو اللہ تعالیٰ نے عبد اللہ بن زبیر اور بنی امیہ ہی کو دی ہے کہ وہ اسے حلال ٹھہرا لیں اور خدا کی قسم میں تو اسے بھی حلال نہیں ٹھہراؤں گا۔ ان کا بیان ہے کہ لوگوں نے محبت سے کہا کہ آپ عبد اللہ بن زبیر رضی اللہ عنہ سے بیعت کرلیں، میں نے انہیں جواب دیا کہ یہ امر ان سے دور نہیں کیونکہ ان کے والد محترم تو نبی کریم صلی اللّٰہ علیہ وسلم کے حواری ہیں، یعنی حضرت زبیر رضی اللہ عنہ ۔ ان کے نانا حضور کے یار غار ہیں یعنی حضرت ابوبکر صدیق رضی اللہ عنہ ان کی والدہ کا لقب ذات النطاقین ہے یعنی حضرت اسماء رضی اللہ عنہا کا۔ ان کی خالہ ام المومنین ہیں یعنی حضرت عائشہ صدیقہ رضی اللہ عنہا۔ ان کی پھوپھی نبی کریم صلی اللّٰہ علیہ وسلم کی زوجہ مطہرہ ہیں یعنی حضرت خدیجہ رضی اللہ تعالٰی عنہا اور نبی کریم صلی اللّٰہ علیہ وسلم کی پھوپھی ان کی دادی ہیں یعنی حضرت صفیہ پھر وہ خود پاک باز مسلمان اور قرآن کریم کے قاری ہیں، خدا کی قسم اگر وہ ہم سے اچھا سلوک کریں اور انہیں کرنا چاہیے کیونکہ وہ ہمارے قرابت دار ہیں۔ لہذا اگر یہ ہم پر حکومت کریں تو ہمارے برابر کے ہیں لیکن یہ کیا بات ہے کہ انہوں نے بنی اسد، بنی تویت اور بنی اسامہ کے لوگوں کو ہم پر مقدم کیا۔ کیا یہ سوچنے کی بات نہیں کہ ابن ابی العاص یعنی عبدالملک بن مروان پیش قدمی کر رہا ہے لیکن عبد اللہ بن زبیر اس کی چال کا کوئی جواب نہیں دے رہے۔ (بخاری شریف ،کتاب التفسير ،بَابُ قَوْلِهِ: {ثَانِيَ اثْنَيْنِ إِذْ هُمَا فِي الغَارِ إِذْ يَقُولُ لِصَاحِبِهِ: لاَ تَحْزَنْ إِنَّ اللَّهَ مَعَنَا} [التوبة: 40] « حدیث نمبر ٤٦٦٥)

ابن ابی ملیکہ کا بیان ہے کہ ہم حضرت ابن عباس رضی اللہ عنہما کی خدمت میں حاضر ہوئے تو انہوں نے فرمایا۔ کیا تم اس بات پر حیران نہیں کہ عبداللہ بن زبیر خلافت کے لیے کھڑے ہیں میں نے اپنے دل میں فیصلہ کیا تھا کہ ان کے لیے ایسی کوشش کروں گا جو حضرت ابوبکر اور حضرت عمر کے لیے بھی نہیں کی تھی، حالانکہ وہ ان سے ہر طرح بہتر تھے۔ میں نے یہ بھی سوچا تھا کہ یہ نبی کریم صلی اللّٰہ علیہ وسلم کی پھوپھی کے صاحبزادے، حضرت زبیر رضی اللہ عنہ کے لخت جگر، حضرت ابوبکر صدیق رضی اللہ عنہ کے نواسے، حضرت خدیجہ رضی اللہ عنہا کے بھتیجے اور حضرت عائشہ صدیقہ رضی اللہ عنہا کے بھانجے ہیں۔ لہذا وہ خود کو اتنی بلندی پر اٹھالے گئے اور مجھے قریب رکھنا نہیں چاہتے مجھے گمان بھی نہ تھا کہ وہ مجھ سے اس طرح اعراض کریں گے، لیکن میں بھلائی نہیں چھوڑوں گا اور اپنے چچا کی اولاد کا حاکم ہونا تسلیم کرنا ہوگا کیونکہ دوسروں کی بیعت کرنے سے مجھے یہ زیادہ پسند ہے۔ (بخاری شریف ،کتاب التفسير ،بَابُ قَوْلِهِ: {ثَانِيَ اثْنَيْنِ إِذْ هُمَا فِي الغَارِ إِذْ يَقُولُ لِصَاحِبِهِ: لاَ تَحْزَنْ إِنَّ اللَّهَ مَعَنَا} [التوبة: 40] «حدیث نمبر ٤٦٦٦)

وَالمُؤَلَّفَةِ قُلُوبُهُمْ} [التوبة: 60] کہ تفسیر، تالیف قلوب، مجاہد کا قول ہے کہ مال دے کر ان کے دلوں کو اسلام کی طرف مائل کیا گیا۔ حضرت ابوسعید خدری رضی اللہ عنہ بیان فرماتے ہیں کہ نبی کریم صلی اللّٰہ علیہ وسلم کی بارگاہ اقدس میں کچھ مال آیا تو آپ نے دو چار افراد کے مابین تقسیم فرما دیا اور فرمایا کہ میں نے ان کے قلوب کی تالیف کی ہے اس پر ایک شخص نے کہا کہ آپ نے انصاف نہیں کیا۔ آپ نے فرمایا کہ اس کی پشت سے ایسی قوم پیدا ہوگی کہ وہ لوگ دین سے نکلے ہوئے ہوں گے۔ (بخاری شریف ،کتاب التفسير ،بَابُ قَوْلِهِ: {وَالمُؤَلَّفَةِ قُلُوبُهُمْ} [التوبة: 60] حدیث نمبر ٤٦٦٧)

الَّذِينَ يَلْمِزُونَ کی تفسیر, ترجمہ کنز الایمان: وہ جو عیب لگاتے ہیں ان مسلمانوں کو کہ دل سے خیرات کرتے ہیں (پ ١٠ التوبة (٧٩) يَلْمِزُونَ عیب لگانا جُهْدَهُمْ اور جُهْدَهُمْ سے مراد ہے اپنی بساط بھر ۔ حضرت ابو مسعود رضی اللہ عنہ فرماتے ہیں کہ جب ہمیں خیرات کرنے کا حکم ملا تو ہم بوجھ اٹھانے کا کام بھی کیا کرتے تھے۔ چنانچہ ابو عقیل خیرات کرنے کی غرض سے نصف صاع کوئی چیز لے کر ریا کاری ہوئے اور دوسرے ایک شخص (حضرت عبدالرحمن بن عوف رضی اللہ عنہ) بہت سا مال لائے ۔ منافقین کہنے لگے کہ اتنے حقیر مال کی اللہ کو کیا پروا ہے اور دوسرا شخص جو مال لے کر آیا ہے تو یہ محض دکھاوے کے لیے ہے۔ اس پر یہ آیت نازل ہوئی۔ ترجمہ کنز الایمان: وہ جو عیب لگاتے ہیں ان مسلمانوں کو کہ دل سے خیرات کرتے ہیں اور ان کو جو نہیں پاتے مگر اپنی محنت سے تو ان سے ہنستے ہیں اللہ ان کی ہنسی کی سزا دے گا اور ان کے لئے درد ناک عذاب ہے (پ ۱۰ التوبۃ ۷۹) (بخاری شریف ،کتاب التفسير ،بَابُ قَوْلِهِ: {الَّذِينَ يَلْمِزُونَ المُطَّوِّعِينَ مِنَ المُؤْمِنِينَ فِي الصَّدَقَاتِ} [التوبة: 79] حدیث نمبر ٤٦٦٨)

حضرت ابو مسعود انصاری رضی اللہ تعالٰی عنہ فرماتے ہیں کہ رسول اللہ صلی اللّٰہ علیہ وسلم جب خیرات کرنے کے لیے ارشاد فرماتے تو ہم بڑی کوشش سے ایک مد چیز لے کر آسکتے تھے، لیکن آج ہم میں ایسے بھی ہیں جو ایک لاکھ بھی پیش کر سکتے ہیں، گویا ان کا یہ اشارہ خود اپنی طرف تھا۔ (بخاری شریف ،کتاب التفسير ،بَابُ قَوْلِهِ: {الَّذِينَ يَلْمِزُونَ المُطَّوِّعِينَ مِنَ المُؤْمِنِينَ فِي الصَّدَقَاتِ} [التوبة: 79] حدیث نمبر ٤٦٦٩)

اسْتَغْفِرْ لَهُمْ کی تفسیر, ترجمہ کنز الایمان: تم ان کی معافی چاہو یا نہ چاہو اگر تم ستر باران کی معافی چاہو گے (پ ۱۰ التوبة ۸۰) حضرت ابن عمر رضی اللہ عنہما فرماتے ہیں کہ جب عبداللہ بن ابی مرگیا عبد اللہ بن عبداللہ یعنی اس کا بیٹا رسول الله صلی اللہ علیہ وسلم کی بارگاہ میں حاضر ہوا اور اس کے کفن کے لیے آپ علیہ السلام سے قمیص مبارک عطا فرمانے کا سوال کیا۔ آپ نے عطا فرمادی پھر اس نے نماز جنازہ پڑھانے کے لیے عرض کی، تو رسول اللہ صلی اللّٰہ علیہ وسلم نماز پڑھانے کے لیے کھڑے ہو گئے۔ یہ دیکھ کر حضرت عمر رضی اللہ عنہ کھڑے ہوئے اور رسول اللہ صلی اللّٰہ علیہ وسلم کا دامن پکڑ کر عرض کی: یا رسول اللہ صلی اللّٰہ علیہ وسلم ! اس کی نماز جنازہ پڑھانے سے تو آپ کے رب نے آپ کو روکا ہے۔ آپ نے فرمایا بلکہ میرے رب نے تو مجھے اختیار دیا ہے کہ تم اس کے لیے معافی چاہو یا اس کے لیے معافی نہ چاہو۔ اگر تم ستر مرتبہ بھی معافی چاہو گے۔ چنانچہ میں اس کے لیے ستر مرتبہ سے بھی زائد معافی طلب کرلوں گا۔ انہوں نے عرض کی کہ وہ تو منافق ہے۔ راوی کا بیان ہے کہ رسول اللہ صلی اللّٰہ علیہ وسلم نے اس کی نماز جنازہ پڑھا دی۔ پس اللہ تعالیٰ نے یہ حکم نازل فرمایا:ترجمہ کنز الایمان : اور ان میں سے کسی کی میت پر کبھی نماز نہ پڑھنا اور نہ اس کی قبر پر کھڑے ہونا (پ ۱۰ التوبة ۸۵) (بخاری شریف ،کتاب التفسير ،بَابُ قَوْلِهِ: {اسْتَغْفِرْ لَهُمْ أَوْ لاَ تَسْتَغْفِرْ لَهُمْ إِنْ تَسْتَغْفِرْ لَهُمْ سَبْعِينَ مَرَّةً فَلَنْ يَغْفِرَ اللَّهُ لَهُمْ} [التوبة: 80] حدیث نمبر ٤٦٧٠)

حضرت ابن عباس رضی اللہ عنہما عمر بن خطاب رضی اللہ عنہ سے راوی ہیں کہ جب عبد اللہ بن ابی بن سلول مر گیا تو رسول اللہ صلی اللّٰہ علیہ وسلم کو اس کی نماز جنازہ پڑھانے کے لیے بلایا گیا۔ جب رسول اللہ صلی اللّٰہ علیہ وسلم چلنے کے لیے کھڑے ہو گئے تو میں آپ کا دامن تھام کر عرض گزار ہوا۔ یا رسول اللہ صلی اللّٰہ علیہ وسلم ! کیا آپ ابن ابی کی نماز جنازہ پڑھائیں گے حالانکہ اس نے فلاں دن یہ اور فلاں دن وہ بات کہی تھی۔ حضرت عمر رضی اللہ عنہ فرماتے ہیں کہ میں نے اس کی خرافات بیان کرنی شروع کر دیں تو رسول اللہ صلی اللّٰہ علیہ وسلم یہ سن کر مسکرائے اور فرمایا اے عمر ! مجھے نہ روکو! جب میں زیادہ مصر ہوا تو فرمایا کہ مجھے اس کے متعلق کا اختیار دیا گیا ہے تو میں نے یہ پہلو اختیار کرلیا ہے، لہذا اگر مجھے یہ علم ہو جائے کہ ستر مرتبہ سے زائد مغفرت مانگنے پر اس کی بخشش ہو جائیگی تو میں زیادہ دفعہ اس کے لیے مغفرت کی دعا کرونگا۔ راوی کا بیان ہے کہ پھر رسول اللہ صلی اللّٰہ علیہ وسلم نے اس کی نماز جنازہ پڑھائی اور جب واپس تشریف لائے تو کچھ دُور ہی آئے تھے کہ سورہ برات کی یہ دونوں آیات نازل ہو گئیں۔ ترجمہ کنز الایمان: اور ان میں سے کسی کی میت پر کبھی نماز نہ پڑھنا اور نہ اس کی قبر پر کھڑے ہونا بیشک اللہ اور رسول سے منکر ہوئے اور فسق ہی میں مر گئے (پ ۱۰ التوبہ ۸۵) حضرت عمر فرماتے ہیں کہ اس کے بعد مجھے تعجب ہوتا تھا کہ میں نے رسول اللہ صلی اللّٰہ علیہ وسلم کو روکنے کی جرات کی تھی، حالانکہ اللہ تعالیٰ اور اس کا رسول ہی بہتر علم رکھتے ہیں ۔ (بخاری شریف ،کتاب التفسير ،بَابُ قَوْلِهِ: {اسْتَغْفِرْ لَهُمْ أَوْ لاَ تَسْتَغْفِرْ لَهُمْ إِنْ تَسْتَغْفِرْ لَهُمْ سَبْعِينَ مَرَّةً فَلَنْ يَغْفِرَ اللَّهُ لَهُمْ} [التوبة: 80] حدیث نمبر ٤٦٧١)

{وَلاَ تُصَلِّ عَلَى أَحَدٍ مِنْهُمْ مَاتَ أَبَدًا، وَلاَ تَقُمْ عَلَى قَبْرِهِ} [التوبة: 84] کی تفسیر، ترجمہ کنز الایمان : اور ان میں سے کسی کی میت پر کبھی نماز نہ پڑھنا اور نہ اس کی قبر پر کھڑے ہونا (پ ۱۰ التوبة (۸۵) حضرت ابن عمر رضی اللہ عنہما فرماتے ہیں کہ جب عبداللہ بن ابی رئیس منافقین کی موت واقع ہوئی تو عبداللہ بن عبد اللہ بن ابی یعنی اس کا بیٹا رسول اللہ صلی اللّٰہ علیہ وسلم کی خدمت میں حاضر ہو گیا۔ چنانچہ آپ نے اپنا مبارک کرتہ اسے عطا فرما دیا اور حکم دیا کہ اسے اس کا کفن دیا جائے پھر جب آپ اس کی نماز جنازہ پڑھانے کے لیے کھڑے ہوئے تو حضرت عمر بن خطاب رضی اللہ عنہ نے آپ کا دامن تھام لیا اور عرض کی کہ آپ اس کی نماز جنازہ پڑھیں گے جو منافق ہے اور اس کے لیے دعائے مغفرت کرنے سے تو اللہ تعالیٰ نے آپ کو منع فرمایا ہے۔ آپ نے ارشاد فرمایا کہ اللہ تعالٰی نے تو مجھے اختیار دیا ہے یا مجھے خبر دی ہے یعنی فرمایا ہے کہ ترجمہ کنز الایمان : تم ان کی معافی چاہو یا نہ چاہو اگر تم ستر بار ان کی معافی چاہو گے تو اللہ ہرگز انھیں نہیں بخشے گا ( پ ۱۰ التوبة ۸۰) پھر آپ نے فرمایا کہ میں اس کے لیے ستر سے زیادہ مرتبہ معافی طلب کرلوں گا۔ راوی کا بیان ہے کہ پھر رسول اللہ صلی اللّٰہ علیہ وسلم پر یہ آیت نازل فرمائی ( اور ان میں سے کسی کی میت پر کبھی نماز نہ پڑھنا اور نہ اُس کی قبر پر کھڑے ہونا، بیشک انہوں نے اللہ اور رسول کے ساتھ کفر کیا اور وہ نافرمانی کی حالت ہی میں مرے۔) (آیت ۸٤) (بخاری شریف ،کتاب التفسير ،بَابُ قَوْلِهِ: {وَلاَ تُصَلِّ عَلَى أَحَدٍ مِنْهُمْ مَاتَ أَبَدًا، وَلاَ تَقُمْ عَلَى قَبْرِهِ} [التوبة: 84] حدیث نمبر ٤٦٧٢)

سَيَحْلِفُونَ بِاللهِ لَكُمْ کی تفسیر, ترجمہ کنز الایمان : اب تمہارے آگے اللہ کی قسم کھائیں گے جب تم ان کی طرف پلٹ کر جاؤ گے اس لئے کہ تم ان کے خیال میں نہ پڑو تو ہاں تم ان کا خیال چھوڑو وہ تو نرے پلید ہیں اور ان کا ٹھکانا جہنم ہے بدلہ اس کا جو کماتے تھے (پ اا التوبۃ ۹۵) عبد اللہ بن کعب بن مالک کا بیان ہے کہ میں نے حضرت کعب بن مالک رضی اللہ عنہ کو فرماتے ہوئے سنا جب کہ وہ غزوہ تبوک میں شریک ہونے سے رہ گئے تھے کہ خدا کی قسم، جب سے اللہ تعالٰی نے مجھے ہدایت دینے کے بعد تمام نعمتوں میں سب سے بڑی نعمت مجھ پر یہ فرمائی کہ میں نے رسول اللہ صلی اللّٰہ علیہ وسلم کی بارگاہ میں سچ عرض کر دیا اور جھوٹ بول کر ہلاک نہ ہوا جیسے جھوٹ بول کر دوسرے لوگ ہلاک ہو گئے تھے جب کہ یہ وحی نازل ہوئی۔ ترجمہ کنز الایمان : تم سے بہانے بنائیں گے جب تم ان کی طرف لوٹ کر جاؤ گے (التوبہ (۹۵) (بخاری شریف ،کتاب التفسير ،بَابُ قَوْلِهِ: {سَيَحْلِفُونَ بِاللَّهِ لَكُمْ إِذَا انْقَلَبْتُمْ إِلَيْهِمْ لِتُعْرِضُوا عَنْهُمْ، فَأَعْرِضُوا عَنْهُمْ إِنَّهُمْ رِجْسٌ وَمَأْوَاهُمْ جَهَنَّمُ جَزَاءً بِمَا كَانُوا يَكْسِبُونَ} [التوبة: 95] حدیث نمبر ٤٦٧٣)

{وَآخَرُونَ اعْتَرَفُوا کی تفسیر, ترجمہ کنز الایمان: اور کچھ اور ہیں جو اپنے گناہوں کے مقر ہوئے اور ملایا ایک کام اچھا اور دوسرا برا قریب ہے کہ اللہ ان کی توبہ قبول کرے بیشک اللہ بخشنے والا مہربان ہے (پ ۱۰ التوبۃ 102) حضرت سمرہ بن جندب رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ ایک رات میرے پاس دو فرشتے آئے تو مجھے جگا کر ایک ایسے شہر کی جانب لے گئے جو سونے اور چاندی کی اینٹوں سے بنا ہوا تھا۔ وہاں ہمیں ایسے لوگ بھی ملے جن کا نصف جسم دیکھنے میں بہت ہی خوبصورت تھا اور نصف جسم بہت ہی بدصورت نظر آتا تھا۔ ان دونوں فرشتوں نے ان لوگوں سے کہا کہ اس نہر میں داخل ہو جاؤ۔ چنانچہ وہ اس میں داخل ہو گئے، جب وہ باہر آئے تو ان کی سابقہ بدصورتی دور ہو چکی تھی۔ اور ان میں سے ہر ایک کا جسم بہت ہی خوبصورت ہو چکا تھا۔ دونوں فرشتے مجھ سے کہنے لگے کہ یہ جنت عدن ہے اور یہی آپ کی رہائش گاہ ہے۔ پھر ان فرشتوں نے کہا کہ یہ لوگ جن کا نصف جسم خوبصورت اور نصف بدصورت تھا ، یہ وہ لوگ تھے جنہوں نے اچھے اور بڑے دونوں قسم کے عمل کیے تھے تو اللہ تعالیٰ نے انہیں معاف فرما دیا ہے۔ (بخاری شریف ،کتاب التفسير ،بَابُ قَوْلِهِ: {وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا، عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ} [التوبة: 102] حدیث نمبر ٤٦٧٤)

أن يَسْتَغْفِرُوا للْمُشْرِكِيْنَ کی تفسیر، ترجمہ کنز الایمان: نبی اور ایمان والوں کو لائق نہیں کہ مشرکوں کی بخشش چاہیں (پ ۱ التوبۃ ۱۱۳) سعید بن مسیب نے اپنے والد محترم حضرت متیب بن حزن رضی اللہ عنہ سے روایت کی ہے کہ جب ابو طالب کی وفات کا وقت قریب آیا تو نبی کریم صلی اللّٰہ علیہ وسلم ان کے پاس تشریف لے گئے اور اُس وقت ابو جہل اور عبد اللہ بن ابی امیہ ان کے پاس بیٹھے ہوئے تھے۔ نبی کریم صلی اللّٰہ علیہ وسلم نے فرمایا کہ اے چچا ! لا الہ الا اللہ کہہ دو تاکہ میں تمہارے بارے میں بارگاہ الٰہی میں کچھ عرض کر سکوں۔ اس پر ابو جہل اور عبداللہ بن ابی امیہ کہنے لگے کہ اے ابوطالب! کیا آپ عبدالمطلب کے راستے سے منہ پھیر گئے؟ اس پر نبی کریم صلی اللّٰہ علیہ وسلم نے فرمایا کہ میں آپ کے لیے بخشش کی دعا کرتا رہوں گا جب تک مجھے ایسا کرنے سے روک نہ دیا جائے۔ پس یہ آیت نازل ہوگئی۔ ترجمہ کنز الایمان : نبی اور ایمان والوں کو لائق نہیں کہ مشرکوں کی بخشش چاہیں اگر چہ وہ رشتہ دار ہوں جب کہ انہیں کھل چکا کہ وہ دوزخی ہیں(پ ۱۰ التوبۃ ۱۱۳) (بخاری شریف ،کتاب التفسير ،بَابُ قَوْلِهِ: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113] حدیث نمبر ٤٦٧٥)

لَقَد تَابَ اللهُ عَلَى النَّبِی کی تفسیر، ترجمہ کنز الایمان: بیشک اللہ کی رحمتیں متوجہ ہوئیں ان غیب کی خبریں بتانے والے اور ان مہاجرین اور انصار پر جنہوں نے مشکل کی گھڑی میں ان کا ساتھ دیا بعد اس کے کہ قریب تھا کہ ان میں کچھ لوگوں کے دل پھر جائیں پھر ان پر رحمت سے متوجہ ہوا بیشک وہ ان پر نہایت مہربان رحم والا ہے ( التوبۃ ۱۱۸) حضرت عبد اللہ بن کعب رضی اللہ عنہ کا بیان ہے کہ یہ حضرت کعب کے نابینا ہو جانے پر ان کے صاحبزادوں میں سے راستہ بتانے کی خدمت پر مامور تھے کہ میں نے حضرت کعب بن مالک رضی اللہ عنہ کو فرماتے ہوئے سنا کہ جب کہ انہوں نے تین حضرات کے پیچھے رہ جانے کا واقعہ بیان کیا تو اس کے آخر میں بتایا کہ میں نے عرض کی کہ اپنی توبہ کے قبول ہونے پر اپنا تمام مال اللہ اور رسول کی راہ میں خیرات کرتا ہوں۔ اس پر نبی کریم صلی اللّٰہ علیہ وسلم نے فرمایا کہ کچھ مال اپنے پاس بھی رکھ لو اور ایسا کرنا تمہارے لیے بہتر ہے۔ (بخاری شریف ،کتاب التفسير ،بَابُ قَوْلِهِ: (لَقَدْ تَابَ اللَّهُ عَلَى النَّبِيِّ وَالمُهَاجِرِينَ وَالأَنْصَارِ الَّذِينَ اتَّبَعُوهُ فِي سَاعَةِ العُسْرَةِ مِنْ بَعْدِ مَا كَادَ تَزِيغُ قُلُوبُ فَرِيقٍ مِنْهُمْ ثُمَّ تَابَ عَلَيْهِمْ إِنَّهُ بِهِمْ رَءُوفٌ رَحِيمٌ) حدیث نمبر ٤٦٧٦)

وَعَلَى الثَّلاَثَةِ الَّذِينَ کی تفسیر، ترجمہ کنز الایمان : اور ان تین پر جو موقوف رکھے گئے تھے یہاں تک کہ جب زمین اتنی وسیع ہو کر ان پر تنگ ہوگئی اور وہ اپنی جان سے تنگ آئے اور انہیں یقین ہوا کہ اللہ سے پناہ نہیں مگر اسی کے پاس پھر ان کی توبہ قبول کی کہ تائب رہیں بیشک اللہ ہی توبہ قبول کرنے والا مہربان ہے (التوبۃ ۱۱۳) حضرت عبداللہ بن کعب رضی اللہ عنہ کا بیان ہے کہ میں نے (اپنے والد ماجد ) حضرت کعب بن مالک رضی اللہ عنہ کو فرماتے ہوئے سنا اور یہ اُن تین حضرات میں سے ایک تھے جو غزوہ تبوک میں رسول اللہ صلی اللّٰہ علیہ وسلم کا ساتھ دینے سے پیچھے رہ گئے تھے اور یہ غزوہ تبوک اور غزوہ بدر کے علاوہ اور کسی غزوہ میں شامل ہونے سے محروم نہیں رہے تھے اُن کا بیان ہے کہ میں نے رسول اللہ صلی اللّٰہ علیہ وسلم سے سچ بات عرض کر دینے کا مصمم ارادہ کر لیا تھا جبکہ آپ بوقت چاشت تشریف لے آئے تھے۔ رسول اللہ صلی اللّٰہ علیہ وسلم کا یہ معمول تھا کہ سفر سے آپ چاشت کے وقت واپس لوٹا کرتے تھے اور اقامت کا آغاز مسجد سے کرتے کہ پہلے اس میں دو رکعت نماز ادا فرمایا کرتے۔ چنانچہ نبی کریم صلی اللّٰہ علیہ وسلم نے مجھ سے اور میرے دونوں ساتھیوں کے ساتھ کلام کرنے سے لوگوں کو ممانعت فرما دی اور ہم تینوں کے علاوہ کسی اور پیچھے رہ جانے والے کے ساتھ کلام کرنے سے ممانعت نہیں فرمائی۔ چنانچہ لوگ ہمارے ساتھ کلام کرنے سے بچنے لگے۔ جب مجھے اس کی حالت میں رہتے ہوئے ایک عرصہ گزر گیا تو مجھے یہ صدمہ ستانے لگا کہ اگر میں اس حالت میں فوت ہو گیا تو رسول اللہ صلی اللّٰہ علیہ وسلم میرے جنازے کی نماز بھی نہیں پڑھائیں گے اور اللہ نہ کرے رسول اللہ صلی اللّٰہ علیہ وسلم وصال فرما گئے تو لوگوں کا ہمیشہ میرے ساتھ یہی رویہ رہے گا کہ میرے ساتھ نہ کوئی کلام کرے گا اور نہ میرے جنازے کی نماز پڑھیں گے۔ پس اللہ تعالٰی نے نبی کریم صلی اللّٰہ علیہ وسلم پر ہماری توبہ کی قبولیت نازل فرمائی جبکہ رات کا تہائی حصہ باقی تھا اور آپ ام المؤمنین حضرت ام سلمہ رضی اللہ عنہا کے ہاں رونق افروز تھے اور حضرت ام سلمہ رضی اللہ تعالٰی عنہا نے اس دوران میرے ساتھ بھلائی اور تعاون کو معمول بنائے رکھا۔ چنانچہ رسول اللہ صلی اللّٰہ علیہ وسلم نے فرمایا: اے ام سلمہ ! کعب کی توبہ قبول ہو گئی۔ انہوں نے عرض کی۔ کیا میں انہیں خوش خبری دینے کے لیے کسی کو بھیج دوں؟ فرمایا، جب لوگوں کو یہ بات معلوم ہو جائے گی تو تمہیں باقی رات آرام میسر نہیں آئے گا۔ پس جب رسول اللہ صلی اللّٰہ علیہ وسلم نے نماز فجر ادا کر لی تو ہماری توبہ قبول ہو جانے کا اعلان کروایا اور جب آپ کو خوشی پہنچتی تو آپ کا چہرہ مبارک یوں چمکنے لگتا کہ گویا وہ چاند کا ٹکڑا ہے۔ پیچھے رہ جانے والوں میں سے ہم تینوں ہیں جن کی توبہ سب سے آخر میں قبول ہوئی اور نہ پیچھے رہ جانے والے دوسرے لوگوں نے تو رسول اللہ صلی اللّٰہ علیہ وسلم کی بارگاہ میں جھوٹ بولتے ہوئے اپنے عذر پیش کر دیئے تھے لیکن وحی کے ذریعے اللہ تعالیٰ نے ان کا اتنی برائی کے ساتھ ذکر فرمایا کہ کسی اور کا ایسا نہ فرمایا ہو گا۔ چنانچہ حق تعالیٰ سبحانہ نے فرمایا ترجمہ کنز الایمان: تم سے بہانے بنا ئیں گے جب تم ان کی طرف لوٹ کر جاؤ گے تم فرمانا بہانے نہ بناؤ ہم ہرگز تمہارا یقین نہ کریں گے اللہ نے ہمیں تمہاری خبریں دے دی ہیں اور اب اللہ و رسول تمہارے کام دیکھیں گے ( التوبۃ ۹٤) (بخاری شریف، کتاب التفسير،بَابُ {وَعَلَى الثَّلاَثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ، وَضَاقَتْ عَلَيْهِمْ أَنْفُسُهُمْ وَظَنُّوا أَنْ لاَ مَلْجَأَ مِنَ اللَّهِ إِلَّا إِلَيْهِ، ثُمَّ تَابَ عَلَيْهِمْ لِيَتُوبُوا، إِنَّ اللَّهَ هُوَ التَّوَّابُ الرَّحِيمُ} [التوبة: 118] حدیث نمبر ٤٦٧٧)

وَكُونُوا مَعَ الصَّدِقِينَ کی تفسیر، اے ایمان والو! اللہ سے ڈرو اور سچے لوگوں کے ساتھ ہو جاؤ۔ (پ ۱۱، التوبۃ ۱۱۹) حضرت عبداللہ بن کعب رضی اللہ عنہما کا بیان ہے جو حضرت کعب کو راستہ بتانے کی خدمت پر مامور تھے کہ میں نے حضرت کعب بن مالک رضی اللہ عنہ کو فرماتے ہوئے سنا جبکہ وہ اپنے غزوہ تبوک سے پیچھے رہ جانے کا واقعہ بیان فرماتے تھے کہ خدا کی قسم میں کسی ایسے شخص کو نہیں جانتا جو سچ بولنے پر اس قدر نوازا گیا ہو جتنا اللہ تعالیٰ نے مجھے نواز تھا۔ چنانچہ جب میں نے رسول الله صلی اللہ علیہ وسلم کے حضور صحیح بات عرض کی اس وقت سے آج تک جھوٹ بولنے کا خیال کبھی میرے ذہن میں بھی نہیں آیا چنانچہ اللہ تعالی نے اپنے رسول پر اس کے متعلق یہ وحی نازل فرمائی : ترجمہ کنز الایمان : بیشک اللہ کی رحمتیں متوجہ ہوئیں ان غیب کی خبریں بتانے والے اور ان مہاجرین اور انصار پر جنہوں نے مشکل کی گھڑی میں ان کا ساتھ دیا بعد اس کے کہ قریب تھا کہ ان میں کچھ لوگوں کے دل پھر جائیں پھر ان پر رحمت سے متوجہ ہوا بیشک وہ ان پر نہایت مہربان رحم والا ہے اور ان تین پر جو موقوف رکھے گئے تھے یہاں تک کہ جب زمین اتنی وسیع ہو کر ان پر تنگ ہو گئی اور وہ اپنی جان سے تنگ آئے اور انہیں یقین ہوا کہ اللہ سے پناہ نہیں مگر اسی کے پاس پھر ان کی توبہ قبول کی کہ تائب رہیں بیشک اللہ ہی توبہ قبول کرنے والا مہربان ہے اے ایمان والو اللہ سے ڈرو اور سچوں کے ساتھ ہو ( التوبة ۱۱۷ - ۱۱۹) (بخاری شریف ،کتاب التفسير ،بَابُ {يَا أَيُّهَا الَّذِينَ آمَنُوا، اتَّقُوا اللَّهَ وَكُونُوا مَعَ -[71]- الصَّادِقِينَ} [التوبة: 119] حدیث نمبر ٤٦٧٨)

لَقَدْ جَاءَ كُمْ رَسُول کی تفسیر، ترجمہ کنز الایمان: بیشک تمہارے پاس تشریف لائے تم میں سے وہ رسول جن پر تمہارا مشقت میں پڑنا گیراں ہے تمہاری بھلائی کے نہایت چاہنے والے مسلمانوں پر کمال مہربان مہربان(پ ۱۱ التوبة (۱۲۸) رَءُوفٌ یہ الرّافَةِ سے ہے یعنی مہربان۔ ابن سباق حضرت زید بن ثابت انصاری رضی اللہ عنہ سے راوی ہیں کہ جب یمامہ والوں سے مسلمان معرکہ آرائی کر رہے تھے تو حضرت ابوبکر صدیق رضی اللہ تعالٰی عنہ نے مجھے طلب فرمایا۔ اس وقت آپ کے پاس حضرت عمر رضی اللہ عنہ بھی موجود تھے۔ پس حضرت ابو بکر رضی اللہ عنہ نے فرمایا کہ حضرت عمر رضی اللہ عنہ میرے پاس آئے اور کہا کہ جنگ یمامہ شدت اختیار کر گئی ہے۔ لہذا مجھے یہ اندیشہ ہے کہ مختلف مقامات پر کہیں قاری حضرات شہید نہ کر دئیے جائیں۔ اگر اللہ نہ کرے ایسا ہوا تو قرآن کریم کا اکثر حصہ ضائع ہو جائے گا۔ لہذا میری رائے یہ ہے کہ آپ قرآن کریم کو جمع کروالیں۔ حضرت ابوبکر رضی اللہ عنہ نے فرمایا کہ اس پر میں نے حضرت عمر رضی اللہ عنہ کو جواب دیا کہ میں وہ کام کس طرح کروں جو رسول اللہ صلی اللّٰہ علیہ وسلم نے نہیں کیا تھا ؟ حضرت عمر رضی اللہ عنہ نے کہا کہ خدا کی قسم یہ کام بہتر ہے۔ چنانچہ حضرت عمر رضی اللہ عنہ مجھے اپنے ساتھ متفق کرنے پر اصرار کرتے رہے حتی کہ اللہ تعالیٰ نے اس کام کے لیے میرا سینہ کھول دیا اور میرا بھی حضرت عمر رضی اللہ عنہ سے اتفاق رائے ہو گیا۔ حضرت زید بن ثابت رضی اللہ عنہ فرماتے ہیں کہ حضرت عمر رضی اللہ عنہ اس دوران میں ان کے پاس چپ چاپ بیٹھے رہے۔ حضرت ابوبکر رضی اللہ عنہ نے فرمایا کہ تم نوجوان اور ذہین شخص ہو نیز ہم تم پر اعتماد بھی بہت کرتے ہیں کیونکہ رسول اللہ صلی اللّٰہ علیہ وسلم پر جو وحی ہوتی تو اُسے بھی تم لکھا۔ کرتے تھے ، لہذا قرآن کریم کو جمع کرنے کی خدمت تم انجام دو۔ خدا کی قسم اگر ایک پہاڑ کو دوسرے کی جگہ منتقل کرنے کا مجھے حکم دیا جاتا تو قرآن کریم کو جمع کرنے سے وہ کام میرے لیے بھاری نہ ہوتا۔ پھر میں نے عرض کی کہ آپ دونوں حضرات وہ کام کیوں کرتے ہیں جو نبی کریم صلی اللّٰہ علیہ وسلم نے نہیں کیا۔ اس پر حضرت ابوبکر رضی اللہ عنہ نے فرمایا کہ خدا کی قسم یہ کام بہتر ہے۔ پس میں انہیں اپنے ساتھ متفق کرنے پر اصرار کرتا رہا حتی کہ اس کے لیے اللہ تعالیٰ نے میرا سینہ بھی اس طرح کھول دیا جس طرح حضرت ابوبکر اور حضرت عمر رضی اللہ عنہما کے سینے کھول دیئے تھے۔ پس میں اس کام کے لیے ہمت پکڑی اور قرآن مجید کی تلاش شروع کردی، پس اسے ہڈی، کھال، کھجور کی شاخ کے پٹھے اور لوگوں کے سینوں سے لے کر جمع کیا۔ حتی کہ مجھے سورۃ التوبہ کی دو آیتین حضرت خزیمہ انصاری رضی اللہ عنہ سے ملیں اور اُن کے علاوہ اور کسی کے پاس نہ تھیں، (یعنی لقد جاء کم رسول من انفسکم سے آخری سورت تک ) ( آیت ۱۲۸ ،۱۲۹) چنانچہ قرآن کریم کا جمع کرده نسخه حضرت ابوبکر رضی اللہ عنہ کے پاس رہا حتی کہ انہوں نے وصال فرمایا پھر حضرت عمر رضی اللہ عنہ کے پاس رہا حتی کہ انہوں نے بھی وصال فرمایا۔ پھر حضرت حفصہ بنت عمر رضی اللہ عنہما کے پاس رہا۔ (۲) عثمان بن عمرو، اور لیث، یونس، ابن شہاب (۳) لیث، عبد الرحمن بن خالد، ابن شہاب، حضرت خزیمہ انصاری (۴) موسیٰ، ابراہیم، ابن شہاب، حضرت ابو خزیمہ (۵) یعقوب بن ابراہیم، ابراہیم بن سعد (٦) ابو ثابت ابراہیم ، حضرت خزیمہ یا حضرت ابوخزیمہ رضی اللہ عنہم ۔ (بخاری شریف ،کتاب التفسير ،بَابُ قَوْلِهِ: {لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ، حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ} «مِنَ الرَّأْفَةِ» حدیث نمبر ٤٦٧٩)

سوره یونس ابن عباس کا قول ہے کہ فَاخْتَلَطَ سے مراد ہے کہ ہر قسم کا سبزہ پانی کی وجہ سے اگتا ہے۔ سُبْحَانَهُ بے نیاز ہے، پاک ہے۔ زید بن اسلم کا قول ہے کہ اَنَّ لَهُمْ قَدَمَ صِدْقٍ سے مراد محمد مصطفےٰ صلی اللہ علیہ وسلم ہیں ۔ مجاہد کا قول ہے کہ مراد بھلائی ہے کہتے ہیں کہ تِلْكَ آيَاتُ سے مراد یہ قرآنی نشانیاں ہیں اور ان کے مانند۔ حَتَّى إِذَا كُنْتُمْ فِي الفُلْكِ وَجَرَيْنَ بِهِمْ ... سے مراد بکم ہے۔ دَعْوَهُمْ سے ان کی دعا ئیں مراد ہیں۔ أُحِيطَ بِهِمْ ہلاکت کے نزدیک پہنچنا جیسے کہا گیا ہے کہ أَحَاطَتْ بِهِ خَطِيئَتُهُ .... گناہوں نے اس کو گھیر لیا فَاتَّبَعَهُمْ اور وَأَتْبَعَهُمْ ہم معنی ہیں عَدْوًا یہ عنوان سے بنا ہے۔ مجاہد کا قول ہے کہ وَلَوْ يُعَجِّلُ اللَّهُ لِلنَّاسِ الشَّرَّ..... اسْتِعْجَالَهُمْ بِالخَيْرِ ایسے الفاظ انسان اُس وقت منہ سے نکالتا ہے جب اپنی اولاد یا مال سے ناراض ہو کر کوستا ہے کہ اس میں برکت نہ ہو، اس پر لعنت ہو۔ لَقُضِيَ إِلَيْهِمْ أَجَلُهُمْ اس کی مدت پوری ہوگئی ، جس کو کو سا تھا وہ مر گیا۔ لِلذين احْسَنُوا الحسنى وَزِيَادَةٌ سے مراد بخشش ہے۔ دوسرے حضرات نے اُس کے چہرے کی طرف دیکھنا مرا دلیا ہے۔الكِبْرِيَاءُ بادشاہی حکومت۔ وَجَاوَزْنَا بِبَنِي إِسْرَائِيلَ البَحْرَ کی تفسیر، ترجمہ کنز الایمان: اور ہم بنی اسرائیل کو دریا پار لے گئے تو فرعون اور اس کے لشکروں نے ان کا پیچھا کیا سرکشی اور ظلم سے یہاں تک کہ جب اسے ڈوبنے نے آ لیا بولا میں ایمان لایا کہ کوئی سچا معبود نہیں سوا اس کے جس پر بنی اسرائیل ایمان لائے اور میں مسلمان ہوں (التوبہ ۹۰) تیری لاش کو اونچی جگہ پر ڈال دیں گے تا کہ تو سامان عبرت ہو جائے۔ سعید بن جبیر کا بیان ہے کہ حضرت ابن عباس رضی اللہ عنہما نے فرمایا کہ جب نبی کریم صلی اللّٰہ علیہ وسلم مدینہ منورہ میں رونق افروز ہوئے تو یہود عاشورے کا روزہ رکھتے تھے۔ وہ کہتے کہ اس دن حضرت موسیٰ علیہ السلام نے فرعون پر غلبہ پایا تھا۔ پس نبی کریم صلی اللّٰہ علیہ وسلم نے اپنے صحابہ سے فرمایا کہ حضرت موسیٰ علیہ السلام کی خوشی منانے کے ان کی نسبت تم زیادہ مستحق ہو، لہذا تم روزہ رکھا کرو! (بخاری شریف ،کتاب التفسير ،بَابُ {وَجَاوَزْنَا بِبَنِي إِسْرَائِيلَ البَحْرَ، فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا، حَتَّى إِذَا أَدْرَكَهُ الغَرَقُ قَالَ: آمَنْتُ أَنَّهُ لاَ إِلَهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ المُسْلِمِينَ} [يونس: 90] حدیث نمبر ٤٦٨٠)

سورة هود ابومیسرہ کا قول ہے کہ الأَوَّاهُ حبشہ کی زبان میں الرَّحِيمُ کو کہتے ہیں۔ ابن عباس کا قول ہے کہ بَادِئَ الرَّأْيِ جو ہم پر ظاہر ہوا۔ مجاہد کا قول ہے الجُودِيُّ یہ جزیرہ میں ایک پہاڑ ہے، حسن کا قول ہے إِنَّكَ لَأَنْتَ الحَلِيمُ .. یہ کفار بطور مذاق کہتے تھے۔ ابن عباس کا قول ہے أَقْلِعِي شہر جا۔ روک لے۔ عَصِیبٌ شدید، سخت - لاجرم کیوں نہیں۔ فَارَ التَّنُّورُ پانی جوش مارنے لگا۔ عکرمہ کا قول ہے کہ تنور سے سطح زمین مراد ہے۔ باب ترجمہ کنز الایمان: سنو وہ اپنے سینے دوہرے کرتے ہیں کہ اللہ سے پردہ کریں سنو جس وقت وہ اپنے کپڑوں سے سارا بدن ڈھانپ لیتے ہیں اس وقت بھی اللہ ان کا چھپا اور ظاہر سب کچھ جانتا ہے بیشک وہ دلوں کی بات جاننے والا ہے (ھود ۵)۔ دوسرے حضرات کا قول ہے کہ حاق اُترا۔ تحیق اترتا ہے۔ يَقُوس فُعُول کے وزن پر نا امید ہوتا ہے۔ مجاہد کا قول ہے کہ تَبْتَيْس غم کھا - يَثْنُونَ صَدُورَهُم سینوں کو دوہرا کرنا ستر چھپانے کی غرض لِيَسْتَخْفُوا مِنْهُ یعنی اللہ سے چھپائیں بساط بھر ۔ محمد بن عباد بن جعفر کا بیان ہے کہ میں نے حضرت ابن عباس رضی اللہ عنہما کو أَلاَ إِنَّهُمْ تَثْنَوْنِي صُدُورُهُمْ پڑھتے ہوئے سنا تو اس کے متعلق ان سے پوچھا۔ پس انہوں نے فرمایا کہ کچھ لوگ تنہائی میں بھی کھلے آسمان کے نیچے قضائے حاجت اور اپنی بیویوں سے مجامعت کرتے ہوئے حیا کرتے تھے، جس کے سبب آسمان کی جانب سے جھک کر پردہ کر لیتے تھے یہ آیت اس کے متعلق نازل ہوئی ہے۔ (بخاری شریف ،کتاب التفسير ،سُورَةُ هُودٍ،حدیث نمبر ٤٦٨١)

محمد بن عباد بن جعفر سے روایت ہے کہ حضرت ابن عباس رضی اللہ عنہا نے أَلَا إِنَّهُمْ ثثْنُونِي صُدُورَ هُمْ کی تلاوت کی تو میں نے پوچھا کہ اے ابو عباس! یہ سینوں کو دوہرا کرنے سے کیا مراد ہے؟ انہوں نے فرمایا کہ بعض لوگ اپنی عورتوں سے مجامعت کرتے وقت اور حوائج ضروریہ کے وقت حیا کرتے تھے۔ اس پر یہ آیت اتری ترجمہ کنز الایمان: سنو وہ اپنے سینے دوہرے کرتے ہیں کہ اللہ سے پردہ کریں (پ اا ھود (۵) (بخاری شریف ،کتاب التفسير ،سُورَةُ هُودٍ،حدیث نمبر ٤٦٨٢)

عمرو بن دینار کا بیان ہے کہ حضرت ابن عباس رضی اللہ عنہا نے اس آیت کو یوں تلاوت فرما یا أَلاَ إِنَّهُمْ يَثْنُونَ صُدُورَهُمْ لِيَسْتَخْفُوا مِنْهُ، أَلاَ حِينَ يَسْتَغْشُونَ ثِيَابَهُمْ - حضرت ابن عباس رضی اللہ تعالیٰ عنہما سے دوسرے حضرات نے نقل کیا کہ يَسْتَغْشُونَ اپنے سروں کو جھکا لیتے ہیں۔ سِيءَ بِهِمْ پھر ان سے بدگمان ہوا یعنی اپنی قوم سے وَضَاقَ بِهِمْ اپنے مہمانوں سے۔ بِقِطْعٍ مِنَ اللَّيْلِ رات کی تاریخی نہیں۔ مجاہد کا قول ہے کہ أُنِيبُ سے مراد ہے رجوع کرتا ہوں۔ (بخاری شریف ،کتاب التفسير ،سُورَةُ هُودٍ،حدیث نمبر ٤٦٨٣)

وَكَانَ عَرْشُهُ عَلَى المَاءِ کی تفسیر, حضرت ابو ہریرہ رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ اللہ تعالیٰ فرماتا ہے کہ تو میری راہ میں مال خرچ کر میں تجھے مال دوں گا اور فرمایا کہ اللہ کے ہاتھ بھرے ہوئے ہیں، رات دن خرچ کرنے سے بھی خالی نہیں ہوتے۔ فرمایا کہ کیا تم نہیں دیکھتے جب سے آسمان اور زمین کی پیدائش ہوئی اس وقت سے کتنا اس نے لوگوں کو دیا لیکن اس کے خزانوں میں کوئی کمی نہیں آئی اور اس وقت اس کا عرش پانی پر تھا اور میزان یعنی قدرت اسی کو حاصل ہے، جس کو چاہے گرائے اور جس کو چاہے اٹھائے ۔ اعْتَرَاكَ تجھ پر مار پڑی۔ عَرَوْتُهُ میں نے اسے پایا يَعْرُوهُ اور اعْتَرَانِي اس سے ماخوذ ہیں ۔ آخِذٌ بِنَاصِيَتِهَا اسی کی بادشاہی اور قبضے میں ہے۔ {عَنِيدٌ} اور عَنُودٌ اور عَانِدٌ ہم معنی ہیں یعنی زیادہ سرکشی ۔ اسْتَعْمَرَكُمْ تمہیں آباد کیا، جیسے کہتے ہیں۔ أَعْمَرْتُهُ الدَّارَ فَهِيَ یعنی یہ گھر تازیست اسے رہنے کے لیے دیدیا۔ نَكِرَهُمْ ، وَأَنْكَرَهُمْ اور اسْتَنْكَرَهُمْ ہم معنی ہیں۔ حَمِيدٌ اور مجید فَعِیل کے وزن پر مَّاجِد سے ہے اور محمود جس کی حمد کی گئی۔ سجیل سخت اور بڑی چیز ۔ سِجِّيلٌ کا مطلب بھی یہی ہے کیونکہ لام اور میم دونوں بہنیں ہیں۔ چنانچہ تمیم بن مقبل شاعر نے کہا ہے۔ وَرَجْلَةٍ يَضْرِبُونَ البَيْضَ ضَاحِيَةً ... ضَرْبًا تَوَاصَى بِهِ الأَبْطَالُ سِجِّينَا " باب وَإِلَى مَدْيَنَ أَخَاهُمْ شُعَيْبًا یعنی مدین والوں کی طرف کیونکہ مدین تو شہر کا نام ہے۔ ایسا ہی یہ ارشاد ہے وَ اسأَلِ الْقَرْيَةَ وَاسْأَلِ الْعِيرِ یعنی گاؤں والوں اور قافلے والوں سے پوچھو۔ وَرَاءَ كُم ظهريا ... ایسے موقع پر بولتے ہیں جب کوئی کسی کی جانب توجہ نہ دے یا کسی کی ضرورت پوری نہ کرے یعنی تو نے میری ضرورت سے پیٹھ پھیر لی یا مجھے سے پیٹھ پھیر لی۔ الظھری اس جانور یا برتن کو کہتے ہیں جسے کام کرتے وقت ساتھ رکھا جائے اور کام میں اس سے مدد لی جائے ۔ أَرَاذِلُنَا ہمارے کمین و ذلیل آدمی - اجرامى يه أَجْرَمْتُ يا بقول بعض حرمت کا مصدر ہے الْفُلْكَ اور الفلك ہم معنی ہیں یعنی کشتیاں سفینے - مُجْرَاهَا یہ أَجْرَيْتُ کا مصدر ہے اور أَرْسَيْتُ میں نے روکا یوں بھی پڑھتے ہیں مرْسَاهَا اس صورت میں یہ رست سے ہے اور فَجْرَاهَا جَرَّتْ سے ہے اور هَجْرِيْهَا وَمُرْسِيْهَا ہے مراد ہے جو لنگر انداز اور ٹھہری ہوئی ہو۔ (بخاری شریف ،کتاب التفسير ،بَابُ قَوْلِهِ: {وَكَانَ عَرْشُهُ عَلَى المَاءِ} [هود: 7] حدیث نمبر ٤٦٨٤)

وَيَقُولُ الْأَشْهَادُ کی تفسیر, ترجمہ کنز الایمان : اور گواہ کہیں گے یہ ہیں جنہوں نے اپنے رب پر جھوٹ بولا تھا ارے ظالموں پر خدا کی لعنت (پ ۱۲ ھود (۱۸) الْأَشْهَادُ اسی طرح شَاهِدٌ کی جمع ہے جیسے صَاحِبُ سے اَصْحَاب ہے۔ صفوان بن محرزہ کا بیان ہے کہ حضرت ابن عمر رضی اللہ عنہما طواف کر رہے تھے تو ایک شخص نے مخاطب ہو کر پوچھا۔ اے ابن عمر ! کیا آپ نے نبی کریم صلی اللّٰہ علیہ وسلم سے سرگوشی کے انداز میں کچھ سنا ہے؟ انہوں نے جواب دیا کہ میں نے نبی کریم صلی اللّٰہ علیہ وسلم کو یہ فرماتے ہوئے سنا کہ اہل ایمان کو ان کے رب سے بہت قریب کر دیا جائے گا۔ ہشام کا بیان ہے کہ مومن اپنے رب سے اتنے قریب ہو جائیں گے کہ وہ ان کے کندھوں پر اپنا دست قدرت رکھے گا تو وہ اپنے گناہوں کا اقرار کرلیں گے وہ پوچھے گا کہ تو فلاں گناہ کا اقرار کرتا ہے؟ آدمی دو دفعہ کہے گا کہ میں اعتراف کرتا ہوں۔ پس فرمائے گا کہ میں نے دنیا میں اُن کی پردہ پوشی کی اور آج انہیں معاف کر دیتا ہوں، پھر اس کی نیکیوں کی کتاب بند کر دی جائے گی اور دوسرے لوگ جو کافر ہیں اُن سے علی الاعلان کہا جائے گا کہ: ترجمہ کنز الایمان: یہ ہیں جنہوں نے اپنے رب پر جھوٹ بولا تھا ارے ظالموں پر خدا کی لعنت (پ ۱۲ التوبۃ ۱۸)شیبان، قتاده، صفوان نے بھی اس کی روایت کی ہے۔ (بخاری شریف ،کتاب التفسير ،بَابُ قَوْلِهِ: {وَيَقُولُ الأَشْهَادُ هَؤُلاَءِ الَّذِينَ كَذَبُوا عَلَى رَبِّهِمْ، أَلاَ لَعْنَةُ اللَّهِ عَلَى الظَّالِمِينَ} [هود: 18] «وَيَقُولُ الأَشْهَادُ حدیث نمبر ٤٦٨٥)

وَ كَذلِكَ أَخُذُ رَبِّكَ كى تفسیر، ترجمہ کنز الایمان : اور ایسی ہی پکڑ ہے تیرے رب کی جب بستیوں کو پکڑتا ہے ان کے ظلم پر بیشک اس کی پکڑ درد ناک کتری ہے (پ ۱۲ التوبة ۱۰۲) الرِّفْدُ المَرْفُودُ سے مراد ہے مدد جو کی گئی ۔ رَفَدْتُهُ . میں نے اس کی مدد کی۔ تَرْكَنُوا تم مائل ہو جاؤ ۔ فَلَوْلاَ كَانَ تم کیوں نہ ہوئے أُتْرِفُوا ہلاک کر دیئے گئے ۔ ابن عباس کا قول ہے کہ زَفِيرٌ کرخت آواز اور شَهِيقٌ ہلکی آواز کو کہتے ہیں۔ حضرت ابوموسیٰ اشعری رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا کہ اللہ تعالیٰ ظالم کو ڈھیل دیتا رہتا ہے لیکن جب اسے پکڑتا تو پھر چھوڑتا نہیں ہے۔ اس کے بعد آپ نے یہ آیت تلاوت فرمائی۔ ترجمہ کنز الایمان : اور ایسی ہی پکڑ ہے تیرے رب کی جب بستیوں کو پکڑتا ہے ان کے ظلم پر بیشک اس کی پکڑ دردناک کتری ہے (پ ۱۲ التوبۃ ۱۰۲) (بخاری شریف ،کتاب التفسير ،بَابُ قَوْلِهِ: {وَكَذَلِكَ أَخْذُ رَبِّكَ إِذَا أَخَذَ القُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ} [هود: 102] حدیث نمبر ٤٦٨٦)

وَأَقِمِ الصَّلاَةَ طَرَفَيِ النَّهَارِ کی تفسیر, اور نماز قائم رکھو دن کے دونوں کناروں اور کچھ رات کے حصوں میں۔ بیشک نیکیاں برائیوں کو مٹا دیتی ہیں۔ یہ نصیحت ہے نصیحت ماننے والوں کے لیے۔(التوبہ ١٠٢) زُلَفًا گھڑیاں، ساعتیں اور المُزْدَلِفَةُ بھی اسی سے بنا ہے۔ الزُلف سے ایک منزل کے بعد دوسری اور زُلفی مصدور ہے جیسے الْقُرْبی اور ازْدَلَفُوا سے مراد ہے جمع کیے أَزْلَفْنَا ہم نے جمع کیے۔ حضرت ابن مسعود رضی اللہ عنہ بیان فرماتے ہیں کہ کسی شخص نے ایک اجنبی عورت کو بوسہ دیا پھر وہ رسول اللہ صلی اللّٰہ علیہ وسلم کی خدمت میں حاضر ہو گیا اور آپ سے اس واقعہ کا ذکر کر دیا۔ پس اس بارے میں یہ آیت نازل ہوگئی۔ ترجمہ کنز الایمان : اور نماز قائم رکھو دن کے دونوں کناروں اور کچھ رات کے حصوں میں بیشک نیکیاں برائیوں کو مٹادیتی ہیں یہ نصیحت ہے نصیحت ماننے والوں کو ( پ ١ التوبۃ ۱۰۲) وہ شخص عرض گزار ہوا کہ کیا یہ حکم صرف میرے لیے ہے؟ فرمایا میرے ہر ایسے امتی کے لیے ہے۔ (بخاری شریف ،کتاب التفسير ،بَابُ قَوْلِهِ {: وَأَقِمِ الصَّلاَةَ طَرَفَيِ النَّهَارِ- وَزُلَفًا مِنَ اللَّيْلِ، إِنَّ الحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ} [التوبہ ١٠٢] " حدیث نمبر ٤٦٨٧)

سورہ یوسف، فضیل نے حصین سے انہوں نے مجاہد سے سنا کہ مُتَّكَأً سے مراد لیمون ہے۔ فضیل کا قول ہے کہ لیموں کو حبشہ کی زبان میں متکاعۃ کہتے ہیں۔ ابو عیینہ کا قول ہے کہ انہوں نے ایک شخص کو معرفت مجاہد کا قول سنا کہ متکاع ہر اس چیز کو کہتے ہیں جو چھری سے کاٹی جائے۔ قتادہ کا قول ہے کہ لَذُو عِلْمٍ عالم با عمل کو کہتے ہیں۔ ابن جبیر کا قول ہے کہ صُوَاعَ کو فارسی میں مَلوكُ کہتے ہیں جس سے عجمی لوگ پانی وغیرہ پیتے ہیں، ابن عباس کا قول ہے کہ تُفَنِّدُونِ سے جاہل بتانا مراد ہے دوسرے حضرات کا قول ہے کہ غَيَابَةٌ سے وہ چیز مراد ہے جو تم سے کسی چیز کو غائب کر دے۔ الجُبُّ کچا کنواں - بِمُؤْمِنٍ لَنَا ہمارا یقین کرنے والے۔ أَشُدَّهُ جوانی کی عمر، جیسا کہ کہتے ہیں ۔ بَلَغَ أَشُدہ وہ جوانی کی عمر کو پہنچا۔ بَلَغُوا أَشُدَّهُم . وہ جوانی کی عمر کو پہنچے۔ دوسرے حضرات کا قول ہے کہ اس کا واحد شَدُّ ہے۔ الْمُتَكَاءَ وہ مسند یا تکیہ جس کا سہارا لے کر کھاتے پیتے یا بات کرتے ہیں اور اس شخص کا رد کیا ہے جس نے اس کا مطلب تریج بتایا ہے کیونکہ کلامِ عرب میں اس کا معنی ترنج نہیں ہے اور جب اس سے کہا گیا کہ اس کا معنی تکیہ یا مند تو ہے لیکن ترنج کا ثبوت کیا ہے؟ اس پر اس نے پہلے سے بھی غلط بات کہی کہ یہ لفظ المُتكَ ہے یعنی تاء کے سکون سے اور یہ لفظ گالی کے طور پر استعمال کیا جاتا ہے، اس لیے ایسے لوگ عورت کو متکا اور مرد کو ابنُ مُتکا کہتے ہیں۔ اگر یہ مراد ہے کہ زلیخا نے عورتوں کو ترنج دیئے تھے تو وہ بھی مسند کے بعد ہوئے۔ شَغَفَهَا ڈھانپ لیتا، دل پر پردہ ڈال دینا اور شَعَفَهَا مَشْعُوفِ سے ہے۔ أَصْبُ میں مائل ہو جاؤں گا أَضْغَاثُ أَحْلاَمٍ پراگندہ خیالات جن کی کوئی تاویل نہ ہو۔ الضّغْفُ تکون وغیرہ کا مٹھا اور اس سے یہ ہے خُذْ بِيَدِكَ ضِغْثًا اپنے ہاتھ میں جھاڑو لے۔ أَضْغَاثُ أَحْلاَمٍ میں أَضْغَاثُ کا واحد ضِغْثٌ ہے۔ نَمِيرُہ المِيرَةِ سے ہے۔ نَزْدَادُ كَيْلَ بَعِيرٍ اتنا وزن جسے ایک اونٹ اٹھا کر لے جا سکے۔ السِّقَايَةُ اناج نانپنے کا پیمانہ۔ اسْتَيْأَسُوا مایوس ہو گئے۔ اللہ تعالٰی کی رحمت سے نہیں بلکہ رہائی کی امید نہ رہی۔ خَلَصُوا نَجِيًّا. انہوں نے علیحدہ ہو کر مشورہ کیا۔ اس کی جمع أَنْجِيَةٌ ہے۔ يَتَنَاجَوْنَ کا واحد نَجِيٌّ ہے جو تثنیہ کے لیے بھی استعمال ہوتا ہے اور نَجِيٌّ کی جمع انجية ہے حرضا رنج و غم سے گھل گیا۔ تَحَسَّسُوا تلاش گرو، خبردار مزجَاةٌ تھوڑی، قليل غاشِيَةٌ مِنْ عَذَابٍ الله، اللہ کے عذاب میں گھیرے ہوئے یا اللہ کے عذاب نے سب کو ڈھانپ رکھا ہے۔ وَيُتِمُّ نِعْمَتَهُ عَلَيْكَ کی تفسیر ترجمہ کنز الایمان: اور تجھ پر اپنی نعمت پوری کرے گا اور یعقوب کے گھر والوں پر جس طرح تیرے پہلے دونوں باپ دادا ابراہیم اور اسحاق پر پوری کی (پ ۱۲ یوسف ٦) حضرت عبد اللہ بن عمر رضی اللہ عنہما سے مروی ہے کہ نبی کریم صلی اللّٰہ علیہ وسلم نے فرمایا کہ کریم بن کریم بن کریم بن کریم تو حضرت یوسف بن یعقوب بن اسحاق بن حضرت ابراہیم عَلَى نَبِيِّنَا وَعَلَيْهِمُ الصَّلواتُ وَالتَّسْلِمَاتِ) ہیں۔ (بخاری شریف ،کتاب التفسير ،بَابُ قَوْلِهِ: {وَيُتِمُّ نِعْمَتَهُ عَلَيْكَ وَعَلَى آلِ يَعْقُوبَ كَمَا أَتَمَّهَا عَلَى أَبَوَيْكَ مِنْ قَبْلُ إِبْرَاهِيمَ وَإِسْحَاقَ} حدیث نمبر ٤٦٨٨)

لَقَدْ كَانَ فِي يُوسُفَ کی تفسیر, ترجمہ کنز الایمان: بیشک یوسف اور اس کے بھائیوں میں پوچھنے والوں کے لئے نشانیاں ہیں (پ ۱۲ یوسف ۷) حضرت ابو ہریرہ رضی اللہ عنہ کا بیان ہے کہ : رسول اللہ صلی اللّٰہ علیہ وسلم سے عرض کی گئی کہ سب سے عزت والا کون شخص ہے؟ فرمایا اللہ تعالیٰ کے نزدیک سب سے زیادہ عزت والا وہ ہے جو سب سے زیادہ متقی ہے۔ لوگوں نے عرض کی کہ ہم اس کے متعلق نہیں پوچھتے۔ فرمایا تو لوگوں میں سب سے معزز حضرت یوسف ہیں۔ جو خود نبی اللہ، نبی اللہ کے بیٹے ، نبی اللہ کے پوتے اور خلیل اللہ کے پڑپوتے ہیں انہوں نے عرض کی کہ ہم اس کے متعلق بھی نہیں پوچھتے، فرمایا کیا تم عرب کے خاندانوں کے متعلق پوچھتے ہو؟ کہنے لگے ہاں، فرمایا تو جو جاہلیت میں بہتر تھے زمانہ اسلام میں بھی وہی بہتر ہیں جبکہ دین کی سمجھ بوجھ حاصل کریں۔ ابو اسامہ نے بھی عبید اللہ سے اس طرح روایت کی ہے۔ (بخاری شریف ،کتاب التفسير ،بَابُ قَوْلِهِ: {لَقَدْ كَانَ فِي يُوسُفَ وَإِخْوَتِهِ آيَاتٌ لِلسَّائِلِينَ} [يوسف: 7] حدیث نمبر ٤٦٨٩)

بَلْ سَوَّلَتْ لَكُمْ أَنْفُسُكُمْ کی تفسیر, ترجمہ کنز الایمان: کہا بلکہ تمہارے دلوں نے ایک بات تمہارے واسطے بنائی ہے (پ ۱۲ یوسف۱۸) سَوَّلَتْ بنالی سنوار لی۔ زہری کا بیان ہے کہ میں نے عروہ بن زبیر، سعید بن مسیب علقمہ بن وقاص، اور عبید اللہ بن عبداللہ کو حضرت عائشہ صدیقہ رضی الله عنها زوجه نبي کریم صلی اللّٰہ علیہ وسلم کی حدیث بیان کرتے سنا جبکہ ان پر بہتان لگانے والوں نے بہتان لگایا اور اللہ تعالٰی نے اُن کا پاک دامن ہونا ظاہر فرمایا۔ ان چاروں حضرات نے اس حدیث کا ایک ایک حصہ بیان فرمایا ہے۔ چنانچہ نبی کریم صلی اللّٰہ علیہ وسلم نے ان سے فرمایا کہ اگر تم اس گناہ سے بری ہو تو جلد اللہ تعالیٰ تمہاری براءت ظاہر فرما دے گا اور اگر تم سے گناہ ہو گیا ہے تو اللہ تعالیٰ سے استغفار کرو اور اس کی طرف رجوع کرو حضرت صدیقہ نے عرض کی کہ خدا کی قسم میں کوئی مثال نہیں پاتی مگر حضرت یوسف علیہ السلام کے والد ماجد کی کہ تر جمہ کنز الایمان: تو صبر اچھا اور اللہ ہی سے مدد چاہتا ہوں ان باتوں پر جو تم بتا رہے ہو (پ ۱۲ یوسف (۱۸) چنانچہ ان کی صفائی میں اللہ تعالیٰ نے یہ دس آیات نازل فرمائیں۔ ترجمہ کنز الایمان: تو تمہارا پردہ کھول دیتا بیشک وہ کہ یہ بڑا بہتان لائے ہیں تمہیں میں کی ایک جماعت ہے اسے اپنے لئے برا نہ سمجھو بلکہ وہ تمہارے لئے بہتر ہے ان میں ہر شخص کے لئے وہ گناہ ہے جو اس نے کمایا اور ان میں وہ جس نے سب سے بڑا حصہ لیا اس کے لئے بڑا عذاب ہے کیوں نہ ہوا جب تم نے اسے سنا تھا کہ مسلمان مردوں اور مسلمان عورتوں نے اپنوں پر نیک گمان کیا ہوتا اور کہتے یہ گھلا بہتان ہے اس پر چار گواہ کیوں نہ لائے تو جب گواہ نہ لائے تو وہی اللہ کے نزدیک جھوٹے ہیں اور اگر اللہ کا فضل اور اس کی رحمت تم پر دنیا اور آخرت میں نہ ہوتی تو جس چرچے میں تم پڑے اس پر تمہیں بڑا عذاب پہنچتا جب تم ایسی بات اپنی زبانوں پر ایک دوسرے سے سن کر لاتے تھے اور اپنے منہ سے وہ نکالتے تھے جس کا تمہیں علم نہیں اور اسے سہل سمجھتے تھے اور وہ اللہ کے نزدیک بڑی بات ہے اور کیوں نہ ہوا جب تم نے سنا تھا کہا ہوتا کہ ہمیں نہیں پہنچتا کہ ایسی بات کہیں الٰہی پاکی ہے تجھے یہ بڑا بہتان ہے اللہ تمہیں نصیحت فرماتا ہے کہ اب کبھی ایسا نہ کہنا اگر ایمان رکھتے ہو اور اللہ تمہارے لئے آیتیں صاف بیان فرماتا ہے اور اللہ علم و حکمت والا ہے وہ لوگ جو چاہتے ہیں کہ مسلمانوں میں برا چرچا پھیلے ان کے لئے درد ناک عذاب ہے دنیا اور آخرت میں اور اللہ جانتا ہے اور تم نہیں جانتے اور اگر اللہ کا فضل اور اس کی رحمت تم پر نہ ہوتی اور یہ کہ اللہ تم پر نہایت مہربان مہر والا ہے تو تم اس کا مزہ چکھتے اے ایمان والو شیطان کے قدموں پر نہ چلو اور جو شیطان کے قدموں پر چلے تو وہ تو بے حیائی اور بری ہی بات بتائے گا اور اگر اللہ کا فضل اور اس کی رحمت تم پر نہ ہوتی تو تم میں کوئی بھی کبھی ستھرا نہ ہو سکتا ہاں اللہ ستھرا کر دیتا ہے جسے چاہے اور اللہ سنتا جانتا ہے۔ (پ ۱۸ یوسف ۱۱-۲۱) (بخاری شریف ،کتاب التفسير ،بَابُ قَوْلِهِ: {قَالَ: بَلْ سَوَّلَتْ لَكُمْ أَنْفُسُكُمْ أَمْرًا فَصَبْرٌ جَمِيلٌ} [يوسف: 18] " حدیث نمبر ٤٦٩٠)

مسروق بن اجدع حضرت ام رومان رضی اللہ عنہما سے راوی ہیں کہ جو حضرت عائشہ صدیقہ رضی اللہ عنہا کی والدہ ماجدہ ہیں کہ جب عائشہ صدیقہ رضی اللہ عنہا ہمارے گھر میں تھیں اور انہیں بخار آتا تھا تو نبی کریم صلی اللّٰہ علیہ وسلم نے فرمایا کہ جو بات کہی جارہی ہے شاید یہ اسی کے سبب سے ہے؟ انہوں نے جواب دیا، ہاں۔ اس پر حضرت عائشہ صدیقہ رضی اللہ عنہا اٹھ بیٹھیں اور عرض کی کہ میری اور آپ حضرات کی مثال حضرت یعقوب علیہ السلام اور اُن کے بیٹوں جیسی ہے۔ لہذا اللہ ہی سے کی طلبگار ہے ان باتوں پر جو تم بتا رہے ہو۔ (بخاری شریف ،کتاب التفسير ،بَابُ قَوْلِهِ: {قَالَ: بَلْ سَوَّلَتْ لَكُمْ أَنْفُسُكُمْ أَمْرًا فَصَبْرٌ جَمِيلٌ} [يوسف: 18] "حدیث نمبر ٤٦٩١)

وَرَاوَدَتْهُ الَّتِي هُوَ فِي بَيْتِهَا کی تفسیر، ترجمہ کنز الایمان: اور وہ جس عورت کے گھر میں تھا اس نے اسے لبھایا کہ اپنا آپا نہ روکے اور دروازے سب بند کر دیئے اور بولی آؤ تمہیں سے کہتی ہوں (پ ۱۲ یوسف (۲۳) عکرمہ کا قول ہے کہ هَيْتَ لَكَ حورانی زبان ہے یعنی ادھر آؤ۔ ابن جبیر کا قول ہے کہ آگے آؤ۔ ابو وائل کا بیان ہے کہ حضرت عبداللہ بن مسعود رضی اللہ عنہ نے پڑھا هَيْتَ لَكَ اور فرمایا کہ ہم اسی طرح پڑھتے ہیں جیسا ہمیں سکھایا گیا ہے۔ مَثْوَاهُ اس کے ٹھہرنے کی جگہ ٹھکانا أَلْفَيَا پایا ، ملا، أَلْفَوْا آبَاءَهُمْ اور الْفَيْنا اسی سے ہیں ۔ حضرت ابن مسعود (رضی اللہ عنہ) کی قرات میں بَلْ عَجِبْتُ اور يَسْخَرُونَ (سورۃ الصافات) ہیں۔ (بخاری شریف ،کتاب التفسير ،بَابُ قَوْلِهِ: {وَرَاوَدَتْهُ الَّتِي هُوَ فِي بَيْتِهَا عَنْ نَفْسِهِ وَغَلَّقَتِ الأَبْوَابَ، وَقَالَتْ: هَيْتَ لَكَ} [يوسف: 23] حدیث نمبر ٤٦٩٢)

حضرت عبد اللہ بن مسعود رضی اللہ عنہ فرماتے ہیں کہ جب قریش نے نبی کریم صلی اللّٰہ علیہ وسلم کی بات نہ مانی اور اسلام قبول نہ کیا تو آپ نے اُن کے حق میں یوں دعا کی: اے اللہ! انہیں ایسے طویل قحط میں مبتلا فرما جیسا حضرت یوسف علیہ السلام کے زمانہ میں سات سال قحط بھیجا تھا۔ چنانچہ قریش کو ایسے قحط کا سامنا کرنا پڑا کہ سب کچھ تباہ و برباد ہو گیا اور بھوک کے سبب ہڈیاں تک کھانے لگے۔ نوبت یہاں تک پہنچ گئی کہ جب ان میں سے کوئی آسمان کی جانب دیکھتا تو اسے فضا میں دھواں ہی دھواں نظر آتا تھا چنانچہ اللہ تعالیٰ نے فرمایا: ترجمہ کنز الایمان: تو تم اس دن کے منتظر رہو جب آسمان ایک ظاہر دھواں لائے گا (پ ۲۵ الدخان ۱۰) اور اللہ عز وجل ارشاد فرماتا ہے ترجمہ کنز الایمان: ہم کچھ دنوں کو عذاب کھولے دیتے ہیں تم پھر وہی کرو گے (پ ۲۵ الدخان (۱۵) ۔ ورنہ قیامت میں تو اُن سے عذاب ہٹایا نہیں جائے گا اور دُخان وبطشہ کے واقعات بھی گزرے ہیں۔ (بخاری شریف،کتاب التفسير ،بَابُ قَوْلِهِ: {وَرَاوَدَتْهُ الَّتِي هُوَ فِي بَيْتِهَا عَنْ نَفْسِهِ وَغَلَّقَتِ الأَبْوَابَ، وَقَالَتْ: هَيْتَ لَكَ} [يوسف: 23]حدیث نمبر ٤٦٩٣)

فَلَمَّا جَاءَهُ الرَّسُولُ قَالَ کی تفسیر ، ترجمہ کنز الایمان: تو جب اس کے پاس ایلچی آیا کہا اپنے رب (بادشاہ) کے پاس پلٹ جا پھر اس سے پوچھ کیا حال ہے ان عورتوں کا جنہوں نے اپنے ہاتھ کاٹے تھے بیشک میرا رب ان کا فریب جانتا ہے بادشاہ نے کہا اے عورتو تمہارا کیا کام تھا جب تم نے یوسف کا دل لبھانا چاہا بولیں اللہ کو پاکی ہے (پ ۱۲ یوسف (۵۰) حَاشَ اور حَاشَى یہ تنزیہ اور استثناء کے لیے آتے ہیں۔ حَصْحَصَ واضح ہو گیا۔ ظاہر ہو گیا۔ سعید بن مسیب اور ابو سلمہ بن عبد الرحمن حضرت ابو ہریرہ رضی اللہ عنہ سے راوی ہیں کہ رسول اللہ صلی اللّٰہ علیہ وسلم نے فرمایا کہ اللہ تعالٰی حضرت لوط علیہ السلام پر رحم فرمائے کہ انہوں نے سخت زبردست پناہ پکڑی تھی اور اگر اتنے دنوں میں قید میں رہتا جتنے دنوں حضرت یوسف علیہ السلام رہے تو بلانے والے کی دعوت کو قبول کر لیتا۔ اور حضرت ابراہیم علیہ السلام کی نسبت ہم یہ اطمینان حاصل کرنے کے زیادہ حقدار ہیں جس پر اللہ تعالیٰ نے فرمایا: ترجمہ کنز الایمان: فرمایا کیا تجھے یقین نہیں عرض کی یقین کیوں نہیں مگر یہ چاہتا ہوں کہ میرے دل کو قرار آجائے ( البقرة ۲٦٠) (بخاری شریف ،کتاب التفسير ،بَابُ قَوْلِهِ: {فَلَمَّا جَاءَهُ الرَّسُولُ قَالَ ارْجِعْ إِلَى رَبِّكَ فَاسْأَلْهُ مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ إِنَّ رَبِّي بِكَيْدِهِنَّ عَلِيمٌ قَالَ مَا خَطْبُكُنَّ إِذْ رَاوَدْتُنَّ يُوسُفَ عَنْ نَفْسِهِ قُلْنَ حَاشَ لِلَّهِ} [يوسف: 51] " حدیث نمبر ٤٦٩٤)

{حَتَّى إِذَا اسْتَيْأَسَ الرُّسُلُ} کی تفسیر، ابن شہاب بن زبیر سے راوی ہیں کہ حضرت عائشہ صدیقہ رضی اللہ عنہا سے ارشاد باری تعالٰی : (حَتَّى إِذَا اسْتَيْأَسَ الرُّسُلُ) کے متعلق پوچھا کہ اس میں لفظ أَكُذِبُوا ہے یا كُذِّبُوا؟ حضرت عائشہ صدیقہ رضی اللہ عنہا نے فرمایا کہ كُذِّبُو( تشدید کے ساتھ ) ہے، میں نے عرض کی کہ انبیائے کرام کو تو یقین تھا کہ قوم نے انہیں جھٹلایا ہے پھر یہاں لفظ ظن کیوں استعمال کیا گیا ہے؟ انہوں نے فرمایا: مجھے میری عمر کی قسم، پیغمبروں کو واقعی اس بات کا یقین تھا۔ میں نے عرض کی کہ وَظَنُّوا أَنَّهُمْ قَدْ كُذِبُوا، پڑھنے میں کیا حرج ہے؟ فرمایا : معاذ اللہ ! پیغمبر اپنے رب پر ایسا گمان نہیں کر سکتے۔ میں نے عرض کی ، تو اس آیت کا پھر صحیح مفہوم کیا ہے؟ فرمایا یہ رسولوں کے پیروکاروں کے بارے میں ہے جو اپنے رب پر ایمان لائے اور رسولوں کی تصدیق کی تھی، جب وہ طویل عرصہ تک آزمائش میں مبتلا رہے اور مدد آنے میں تاخیر ہوتی تو جہاں اپنی قوم کے جھٹلانے والوں کے ایمان لانے سے رسول مایوس ہوتے تھے وہاں انہیں یہ گمان بھی گزرنے لگتا تھا کہ کہیں یہ پیروکار بھی جھٹلانے نہ لگ جائیں۔ چنانچہ ایسے وقت پر اللہ تعالیٰ کی مدد آتی تھی۔ (بخاری شریف ،کتاب التفسير ،بَابُ قَوْلِهِ: {حَتَّى إِذَا اسْتَيْأَسَ الرُّسُلُ} [يوسف: 110] حدیث نمبر ٤٦٩٥)

عروہ بن زبیر نے حضرت عائشہ صدیقہ رضی اللہ عنہا سے عرض کی کہ (اس آیت (۱۱۰) میں شاید لفظ كُذِبُوا بغیر تشدید کے ہے؟ انہوں نے فرمایا: معاذ اللہ ! ایسا نہیں ہے۔ (بخاری شریف ،کتاب التفسير ،بَابُ قَوْلِهِ: {حَتَّى إِذَا اسْتَيْأَسَ الرُّسُلُ} [يوسف: 110]حدیث نمبر ٤٦٩٦)

سُورَةُ الرَّعْدِ ابن عباس کا قول ہے کہ كَبَاسِطِ كَفَّيْهِ مشرک کی مثال جو اللہ کے ساتھ کسی اور کی عبادت کرے اس پیاسے جیسی ہے جسے اپنے خیالات کی دنیا میں کافی دور پانی نظر آئے تو وہ اسے حاصل کرنا چاہے لیکن جس کا وجود ہی نہیں اسے حاصل کہاں سے کرے۔ دوسرے حضرات کا قول ہے کہ سَخَّرَ تابع کیا ۔ مُتَجَاوِرَاتٌ ایک دوسرے کے قریب ہونا۔ المَثُلاَتُ اس کا واحد مَثُلَةٌ ہے بمعنی بمثیل و نظیر ۔ بمقدار اندازے کے مطابق۔ مُعَقِّبَاتٌ نگران فرشتے جو باری باری آتے ہیں، جیسا کہ کہتے ہیں عَقَّبْتُ فِي إِثْرِهِ میں اس کے پیچھے آیا۔ المِحَالِ عذاب، سزا۔ جیسے پانی لینے کے لیے ہاتھ بڑھانا۔ رَابِيًا یہ ربا يَرْبُوا سے بنا ہے یعنی بڑھنے والا۔ الْمَتَاعُ جس سے تو فائدہ حاصل کرے۔ جُفَاء جھاگ جو ہانڈی کے جوش مارنے پر اوپر آجاتے ہیں اور ٹھنڈے ہونے پر بیٹھ جاتے ہیں چونکہ یہ بیکار چیز ہے اسی طرح حق و باطل میں تمیز کردی جاتی ہے۔ المِهَادُ بچھونا ۔ بستر ۔ يَدْرَءُونَ وہ ہٹائیں یہ دَرَأْتُهُ سے بنا ہے یعنی میں نے اسے ہٹایا۔ سلام عَلَيْكُمْ یعنے فرشتے ان کو سلام کرتے ہیں۔ إِلَيْهِ مَتَابِ میں اس کی طرف توبہ کرتا ہوں۔ أَفَلَمْ يَيْئَسْ کیا وہ مایوس نہ ہوئے ، کیا ان پر ظاہر نہ ہوا۔ قَارِعَة دل ہلا دینے والی ۔ فَأَمْلَيْتُ میں نے مہلت دی۔ یہ المَلِيِّ اور الْمُلَاوَة سے بنا ہے اور مَلِيًّا بھی اسی سے ہے، چنانچہ لمبی چوڑی زمین کو مَلًى مِنَ الأَرْضِ کہتے ہیں۔ اسی سخت مشقت ۔ مُعَقِّب بدلنے والا۔ مجاہد کا قول ہے کہ مُتَجَاوِرَاتٌ قابل کاشت زمین اور بنجر زمین صِنْوَانٍ ملے ہوئے درخت ۔ غَيْرُ صِنْوَان وہ درخت جو دور، دور ہوں، چنانچہ ہر قسم کے درخت ایک ہی پانی سے پلتے ہیں ، اسی طرح سارے نیک اور بد انسانوں کا باپ ایک ہے۔ السَّحَابُ الثِّقَالُ . پانی سے بھرے ہوئے بادل كَبَاسِطِ كَفَّيْهِ زبان سے پانی مانگنا اور لینے کے لیے ہاتھ بڑھانا لیکن کبھی کچھ نہ پانا۔ فَسَالَتْ أَوْدِيَةٌ بِقَدَرِهَا .... نالوں میں اندازے سے پانی بہتا ہے زَبَدًا رَابِيًا ابھرے ہوئے جھاگ ۔ زَبَدُ السَّيْلِ لو ہے یا زیورات کی میل۔{اللَّهُ يَعْلَمُ مَا تَحْمِلُ کی تفسیر ترجمہ کنز الایمان : اللہ جانتا ہے جو کچھ کسی مادہ کے پیٹ میں ہے اور پیٹ جو کچھ گھٹتے بڑھتے ہیں ( الرعد ٨) حضرت ابن عمر رضی اللہ عنہما سے روایت ہے کہ رسول الله صل وسلم نے فرمایا : غیب کی کنجیاں پانچ ہیں جنہیں اللہ کے سوا کوئی نہیں جانتا یعنی (1) اللہ کے سوا کسی کو علم نہیں کل کیا ہو گا (۲) اللہ کے سوا کسی کو علم نہیں کہ رحموں میں کیا ہے (۳) اللہ کے سوا کس کو علم نہیں کہ بارش کب آئے گی (۴) اللہ کے سوا کسی کو علم نہیں کہ فلاں شخص کسی جگہ مرے گا (۵) اللہ کے سوا کسی کو علم نہیں کہ قیامت کب قائم ہوگی۔ (بخاری شریف ،کتاب التفسير ،بَابُ قَوْلِهِ: {اللَّهُ يَعْلَمُ مَا تَحْمِلُ كُلُّ أُنْثَى وَمَا تَغِيضُ الأَرْحَامُ} [الرعد: 8] حدیث نمبر ٤٦٩٧)

سورۃ ابراہیم حضرت ابن عباس رضی اللہ عنہما کا قول ہے کہ هَادٍ ہدایت کی طرف بلانے والا۔ مجاہد کا قول ہے کہ صَدِيدٌ کا معنی خون اور پیپ ہے۔ ابن عیینہ کا قول ہے کہ اذْكُرُوا نِعْمَةَ اللهِ عَلَيْكُمْ جو نعمتیں تمہارے پاس ہیں انہیں اور ان کے دنوں کو یاد کرو۔ مجاہد کا قول ہے کہ مِنْ كُلِّ مَا سَأَلْتُمُوهُ جن چیزوں کی طرف تم میلان رکھتے ہو۔ يَبْغُونَهَا عِوَجًا.. اس میں بھی تلاش کرتے ہو۔ وَإِذْ تَأَذَّنَ رَبُّكُمْ تمہارے رب نے تمہیں پہلے ہی بتا دیا۔ رَدُّوا أَيْدِيَهُمْ فِي أَفْوَاهِهِمْ ..... نافرمانی کرنے والوں کو اپنے سامنے کھڑا کرے گا۔ مِنْ وَرَائِهِ سامنے سے۔ تَبَعًا اس کا واحد تَابِعٌ ہے جیسے غَيَبٍ سے غَائِبٍ ۔ بِمُصْرِخِكُمْ اس سے اسْتَصْرَخَنِي اس نے میری فریاد سنی ، يَستَصْرِخُهُ یہ الصُّرَاحُ سے ہے وَلَا خِلال یہ مصدر ہے خَالَلْتُهُ کا نیز خِلاَلًا بھی ہو سکتا ہے اس کی جمع خُلَّةٍ اور خِلاَلٍ ہے۔ اجْتُثَّتْ جڑ سے اکھاڑا ہوا۔ كَشَجَرَةٍ طَيِّبَةٍ أَصْلُهَا فى تفسیر، ترجمہ کنز الایمان : جیسے پاکیزہ درخت جس کی جڑ قائم اور شاخیں آسمان میں ہر وقت اپنا پھل دیتا ہے (پ ۱۳ ابراهیم ۲٤-۲۵) حضرت ابن عمر رضی اللہ تعالٰی عنہما فرماتے ہیں کہ ہم رسول اللہ صلی اللّٰہ علیہ وسلم کی خدمت میں حاضر تھے تو آپ نے فرمایا کہ مجھے ایسا درخت بتاؤ جس کی مثال مسلمان مرد جیسی ہو اس کے پتے بھی نہ جھڑتے ہوں اور ہمیشہ اپنا پھل دیتا رہتا ہو، حضرت ابن عمر رضی اللہ عنہما فرماتے ہیں کہ میرے دل میں خیال آیا کہ وہ کھجور کا درخت ہے، لیکن جب میں نے دیکھا کہ حضرت ابوبکر اور حضرت عمر رضی اللہ عنہما بھی خاموش ہیں تو مجھے اپنا بولنا پسند نہ آیا جب کسی نے کوئی جواب نہ دیا تو رسول اللہ صلی اللّٰہ علیہ وسلم نے فرمایا کہ وہ کھجور کا درخت ہے جب ہم آپ کے پاس سے اٹھ گئے تو میں نے حضرت عمر رضی اللہ عنہ سے کہا، ابا جان! خدا کی قسم میرے دل میں یہ بات آئی تھی کہ وہ کھجور کا درخت ہے۔ انہوں نے فرمایا کہ تمہیں بولنے سے پھر کس چیز نے روکا؟ انہوں نے جواب دیا کہ میں نے جب آپ حضرات کو بولتے ہوئے نہ دیکھا تو ( ادب کے باعث ) میں نے بولنا پسند نہ کیا، لہذا کوئی جواب نہ دیا۔ حضرت عمر رضی اللہ عنہ نے فرمایا: اگر تم یہ جواب دیتے تو مجھے فلاں فلاں خوشیوں سے بھی زیادہ خوشی ہوتی۔ (بخاری شریف ،کتاب التفسير ،بَابُ قَوْلِهِ: (كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ تُؤْتِي أُكْلَهَا كُلَّ حِينٍ) حدیث نمبر ٤٦٩٨)

يُثَبِّتُ اللَّهُ الَّذِينَ آمَنُوا کی تفسیر, ترجمہ کنز الایمان: اللہ ثابت رکھتا ہے ایمان والوں کو حق بات پر (پ ۱۳ ابراهیم ۲۷) سعد بن عبیدہ حضرت براء بن عازب رضی اللہ عنہ سے راوی ہیں کہ رسول اللہ صلی اللّٰہ علیہ وسلم نے فرمایا کہ مسلمان سے جب قبر میں سوال کیا جاتا ہے تو وہ شہادت دیتا ہے کہ اللہ کے سوا اور کوئی عبادت کے لائق نہیں ہے اور محمد صلی اللہ علیہ وسلم اللہ کے رسول ہیں۔ یہی وہ بات ہے جس کے متعلق ارشاد باری تعالیٰ ہے : ترجمہ کنز الایمان : اللہ ثابت رکھتا ہے ایمان والوں کو حق بات پر دنیا کی زندگی میں اور آخرت میں (پ ۱۳ ابراھیم ۲۷) (بخاری شریف ،کتاب التفسير ،بَابُ {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ} [إبراهيم: 27] حدیث نمبر ٤٦٩٩)

أَلَمْ تَرَ إِلَى الَّذِينَ بَدَّلُوا نِعْمَةَ اللَّهِ كُفْرًا کی تفسیر۔ ترجمہ کنز الایمان: کیا تم نے انہیں نہ دیکھا جنہوں نے اللہ کی نعمت ناشکری سے بدل دی (پ ۱۳ ابراهیم (۲۸) اس أَلَمْ تَرَ کا وہی مطلب ہے جو اَلَمْ تَعْلَمُ - أَلَمْ تَرَكَيْفَ فَعَلَ أَلَمْ تَرَ إِلَى الَّذِينَ خَرَجُوا. میں ہے۔ البَوَارُ کا مطلب ہلاکت ہے، یہ بَارَ يَبُورُ سے ہے۔ قَوْمًا بُورًا ہلاک ہونے والے لوگ۔ عطاء سے روایت ہے کہ میں نے حضرت ابن عباس رضی اللہ عنہما سے سنا: ترجمہ کنز الایمان : کیا تم نے انہیں نہ دیکھا جنہوں نے اللہ کی نعمت ناشکری سے بدل دی (پ ۱۳ ابراهیم (۲۸) وہ مکہ مکرمہ والے کافر ہیں۔ (بخاری شریف ،کتاب التفسير ،بَابُ {أَلَمْ تَرَ إِلَى الَّذِينَ بَدَّلُوا نِعْمَةَ اللَّهِ كُفْرًا} [إبراهيم: 28] "حدیث نمبر ٤٧٠٠)

سورة الحجر مجاہد کا قول ہے کہ صِرَاطٌ عَلَيَّ مُسْتَقِيمٌ سے وہ برحق راستہ مراد ہے جو سیدھا اللہ کی جانب جاتا ہے ۔ لَبِإِمَامٍ مُبِينٍ راستے پر ۔ ابن عباس کا قول ہے لَعَمْرُكَ تمہاری عمر کی قسم ۔ قَوْمٌ مُنْكَرُونَ انہیں اجنبی جانا حضرت لوط نے, دوسرے حضرات کا قول ہے کہ كِتَابٌ مَعْلُومٌ مقررہ وقت ۔ لَوْ مَا تَأْتِينَا ہمارے پاس کیوں نہیں لاتا۔ شِيَعٌ اُمتین اور کبھی اس سے دوست مراد لیتے ہیں۔ ابن عباس کا قول ہے کہ يُهْرَعُونَ جلدی کرنے والے۔ لِلْمُتَوَسمِين دیکھنے والوں کے لیے۔ سُكِّرَتْ ڈھانپ دی گئیں ۔ بُرُوجًا سورج اور چاند کی منزلیں۔ لَوَاقِحَ اور مَلاَقِحَ سے مراد ہے ملحقہ کی جگہ۔ حَمَإٍ یہ حَمْأَةٍ کی جمع ہے یعنی کیچڑ المَسْنُونُ سیاہ رنگ۔ تَوْجَلْ ڈر دَابِرَ آخری لَبِإِمَامٍ ہر وہ چیز جس کی اقتدا کی جائے اور راہ راست دکھائے۔ الصَّيْحَةُ ہلاکت تباہی۔ إِلَّا مَنِ اسْتَرَقَ السَّمْعَ فَأَتْبَعَهُ شِهَابٌ مُبِينٌ کی تفسیر، حضرت ابو ہریرہ رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا: جب اللہ تعالی آسمانی فرشتوں کو کوئی حکم دیتا ہے تو وہ عاجزی کی وجہ سے اپنے پروں کو مارنے لگتے ہیں جیسے زنجیر کو صاف پتھر پہ مارا جائے ۔ علی بن مدینی کا بیان ہے کہ سفیان بن عیینہ کے سوا اور راویوں نے صفوان کہا ہے۔ پھر اللہ تعالٰی اس حکم کو نافذ فرما دیتا ہے۔ جب ان کی دلوں سے کچھ ڈر کم ہوتا ہے تو ایک دوسرے سے کہتے ہیں کہ تمہارے رب نے کیا فرمایا ؟ جواب دیتے ہیں کہ جو کچھ اس نے فرمایا وہ حق ہے اور وہی بلند و برتر ہے پھر بات چرانے والے شیطان چوری چھپے سننے کی کوشش کرتے ہیں اور چوری چھے سننے کے لیے شیطان یوں اوپر تلے رہتے ہیں۔ چنانچہ سفیان نے اپنے سیدھے ہاتھ کی انگلیوں کو کھول کر اور نیچے اوپر کر کے دکھایا۔ چنانچہ بعض اوقات تو ایسا ہوتا ہے کہ سننے والے شیطان کو چنگاری جالگتی ہے اور وہ جل جاتا ہے، اس سے پہلے کہ وہ اس بات کو اپنے ساتھ والے کو بتائے اور بعض اوقات چنگاری لگنے سے پہلے وہ اپنے قریب والے شیطان کو جو اس کے نیچے ہوتا ہے، بتا چکا ہوتا ہے اور اس طرح وہ بات زمین تک پہنچا دی جاتی ہے یا سفیان نے کہا کہ زمین تک آپہنچتی ہے۔ پھر وہ جادوگر کے منہ میں ڈالی جاتی ہے۔ پھر وہ ایک کے ساتھ سو جھوٹ اپنی جانب سے ملاتا ہے۔ اس پر لوگ اس کی تصدیق کر کے کہنے لگتے ہیں کہ کیا اس نے فلاں دن ہمیں نہیں بتایا تھا کہ فلاں بات یوں ہوگی، چنانچہ ہم نے اس کی بات کو صو پایا حالانکہ یہ وہی بات تھی جو آسمان سے چوری چھپے سنی گئی تھی۔ علی بن عبداللہ سفیان، عمر و عکرمہ حضرت ابوہریرہ رضی اللہ عنہ سے راوی ہیں کہ جب اللہ تعالیٰ کوئی حکم فرماتا ہے اور اس میں کاہن کا لفظ زیادہ کیا۔ سفیان، عمرو، عکرمہ حضرت ابوہریرہ سے راوی ہیں کہ جب اللہ تعالی کوئی حکم فرماتا ہے اور کہا کہ جادوگر کے منہ میں۔ چنانچہ میں ( علی بن عبد اللہ ) نے سفیان سے کہا کہ کیا اسے آپ نے عمرو بن دینار سے، انہوں نے عکرمہ سے اور انہوں نے حضرت ابوہریرہ سے سناہے؟ جواب دیا، ہاں میں نے سفیان سے کہا کہ ایک شخص نے آپ سے بواسطه عمر و بن دینار، عکرمہ اور حضرت ابوہریرہ کے مرفوعاً روایت کی ہے اور اس میں لفظ فرغ پڑھا ہے۔ سفیان کا بیان ہے کہ عمرو بن دینار نے اسی طرح پڑھا تھا، لہذا مجھے معلوم نہیں کہ انہوں نے اسی طرح سنا تھا یا نہیں۔ سفیان کہتے ہیں کہ ہم تو اسی طرح پڑھتے ہیں, (بخاری شریف ،کتاب التفسير ،بَابُ قَوْلِهِ: {إِلَّا مَنِ اسْتَرَقَ السَّمْعَ فَأَتْبَعَهُ شِهَابٌ مُبِينٌ} [الحجر: 18] حدیث نمبر ٤٧٠١)

وَلَقَدْ كَذَّبَ أَصْحَابُ الحِجْرِ المُرْسَلِينَ کی تفسیر، حضرت عبداللہ بن عمر رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا یہ اصحاب حجر کی جگہ ہے۔ تم میں سے کوئی ان کی جگہ میں نہ جائے مگر روتا ہوا۔ اگر تم رو نہیں سکتے تو اس جگہ میں نہ جانا، مبادا جو عذاب ان پر آیا تھا وہ تم پر نازل نہ ہو یا کہیں تم اس عذاب میں مبتلا نہ ہو جاؤ جس میں وہ مبتلا ہو گئے تھے۔ (بخاری شریف ،کتاب التفسير ،بَابُ قَوْلِهِ: {وَلَقَدْ كَذَّبَ أَصْحَابُ الحِجْرِ المُرْسَلِينَ} [الحجر: 80] حدیث نمبر ٤٧٠٢)

وَلَقَدْ آتَيْنَاكَ سَبْعًا کی تفسیر, ترجمہ کنز الایمان: اور بیشک ہم نے تم کو سات آیتیں دیں جو دہرائی جاتی ہیں ( الحجر ۸۷) حضرت ابوسعید معلی رضی اللہ عنہ فرماتے ہیں کہ میرے پاس سے نبی کریم صلی اللّٰہ علیہ وسلم گزرے جبکہ میں نماز پڑھ رہا تھا۔ پس آپ نے مجھے بلایا لیکن میں آپ کی بارگاہ میں حاضر نہ ہوا۔ جب میں نے نماز پڑھ لی تو حاضر خدمت ہو گیا۔ آپ نے فرمایا کہ میرے پاس آنے سے تمہیں کس چیز نے روکا تھا ؟ میں نے عرض کی کہ حضور میں نماز پڑھ رہا تھا۔ ارشاد ہوا، کیا اللہ تعالٰی نے یہ نہیں فرمایا ہے: ترجمہ کنز الایمان: اے ایمان والو اللہ اور اس کے رسول کے بلانے پر حاضر ہو (پ ۹ ابراهیم (۲٤) پھر آپ نے فرمایا کہ کیا تمہیں قرآن کریم کی سب سے بڑی سورت نہ بتادوں،اس پہلے کہ میں مسجد سے باہر نکلوں۔ پھر نبی کریم مسلم باہر نکلنے کے لیے جانے لگے تو میں نے یہ بات یاد کروائی، تو آپ نے فرمایا کہ وہ سورت الحمد لله رب العالمین (یعنی سورۃ الفاتحہ) ہی سبع مثانی اور قرآن عظیم ہے جو مجھے عطا فرمایا گیا۔ (بخاری شریف ،کتاب التفسير ،بَابُ قَوْلِهِ: {وَلَقَدْ آتَيْنَاكَ سَبْعًا مِنَ المَثَانِي وَالقُرْآنَ العَظِيمَ} [الحجر: 87] حدیث نمبر ٤٧٠٣)

حضرت ابو ہریرہ رضی اللہ عنہ سے مروی ہے کہ رسول اللہ صلی اللّٰہ علیہ وسلم نے فرمایا: ام القرآن (یعنی سورۃ الفاتحہ) ہی سبع مثانی (سات آیتوں والی سورت ) اور قرآن عظیم ہے۔ (بخاری شریف ،کتاب التفسير ،بَابُ قَوْلِهِ: {وَلَقَدْ آتَيْنَاكَ سَبْعًا مِنَ المَثَانِي وَالقُرْآنَ العَظِيمَ} [الحجر: 87] حدیث نمبر ٤٧٠٤)

الَّذِينَ جَعَلُوا القُرْآنَ عِضِينَ کی تفسیر، ترجمہ کنز الایمان : جنہوں نے کلام الٰہی کو تِکّے بوٹی کر لیا ( الحجر (۹۱) المُقْتَسِمِينَ وہ لوگ جنہوں نے قسمیں کھائی ہیں۔ اسی سے لاَ أُقْسِمُ ہے جس کا مطلب ہے کہ میں قسم کھاتا ہوں یہ لاَ أُقْسِمُ پڑھا جاتا ہے۔ قاسمهُمَا شیطان نے ان دونوں کے سامنے قسم کھائی۔ ان دونوں نے شیطان سے قسم نہیں کھائی تھی۔ مجاہد کا قول ہے کہ تَقَاسَمُوا سے مراد ہے انہوں نے حلف اٹھایا۔ ارشاد باری تعالٰی : ترجمہ کنز الایمان : جنہوں نے کلام الہی کو تِکّے بوٹی کر لیا (الحجر (۹۱) کے متعلق حضرت ابن عباس رضی اللہ عنہما فرماتے ہیں کہ وہ اہل کتاب ہیں جنہوں نے اللہ کی کتاب کے ٹکڑے بنا لیے ہیں کہ کچھ حصے کو مانتے ہیں اور دوسرے کچھ کا انکار کرتے ہیں (بخاری شریف ،کتاب التفسير ،بَابُ قَوْلِهِ: {الَّذِينَ جَعَلُوا القُرْآنَ عِضِينَ} [الحجر: 91] حدیث نمبر ٤٧٠٥)

ارشاد ربانی: ترجمہ کنز الایمان: جیسا ہم نے بانٹنے والوں پر اتارا ( الحجر ۹۰) کے متعلق حضرت ابن عباس رضی اللہ عنہما فرماتے ہیں کہ جو کتاب الٰہی کے بعض حصے پر ایمان لاتے اور بعض کا انکار کرتے وہ یہودی و نصاری ہیں۔ (بخاری شریف ،کتاب التفسير ،بَابُ قَوْلِهِ: {الَّذِينَ جَعَلُوا القُرْآنَ عِضِينَ} [الحجر: 91] حدیث نمبر ٤٧٠٦)

وَاعْبُدْ رَبَّكَ حَتَّى يَأْتِيَكَ اليَقِينُ کی تفسیر، الله عز وجل ارشاد فرماتا ہے ترجمہ کنز الایمان: اور مرتے دم تک اپنے رب کی عبادت میں رہو (پ الحجر 99) سالم کا قول ہے کہ اليَقِينُ سے یہاں موت مراد ہے۔ سورة النحل۔ رُوحُ الْقُدُوسِ اور نَزَلَ بِهِ الرُّوحُ الأَمِينُ دونوں سے جبرئیل علیہ السلام مراد ہیں۔ {فِي ضَيْقٍ} جیسے کہ کہتے ہیں أَمْرٌ ضَيْقٌ چنانچہ ضَيْقُ اور ضَيِّقٌ اسی طرح ہم معنی ہیں جیسے هَيْنٍ اور هَيِّنٍ یا لَيْنٍ اور لَيِّنٍ یا مَيْتٍ اور مَيِّتٍ ہیں ۔ ابن عباس کا قول ہے کہ فِي تَقَلُّبِهِمْ اُن کے اختلاف میں۔ مجاہد کا قول ہے کہ تَمِيدُ جھک جاتا ۔ مُفْرَطُونَ بھلائے گئے۔ دوسرے حضرات کا قول ہے کہ فَإِذَا قَرَأْتَ القُرْآنَ فَاسْتَعِذْ بِاللَّهِ میں عبارت آگے پیچھے ہو گئی ہے کیونکہ تعوذ تو قرآن کریم پڑھنے سے پہلے ہے اور اس کا مطلب اللہ تعالیٰ کی پناہ پکڑنا ہے ابن عباس کا قول ہے کہ تُسِيمُونَ چراتے ہو۔ شَاكِلَتِهِ اپنے اپنے طریقے پر قَصْدُ السَّبِيلِ بیان کرنا۔الدِّفْءُ وہ چیز جس سے گرمی حاصل کی جائے ۔ تُرِيحُونَ شام کو - تَسْرَحُونَ صبح کو بِشِقِّ یعنی مشقت کے ساتھ عَلَى تَخَوُّفٍ نقصان اٹھا کر - الأَنْعَامِ لَعِبْرَةً يه مذکورہ مؤنث دونوں کے لیے استعمال ہوتا ہے یعنی النَّعَمُ اور اس کی جمع الْأَنْعَامُ ہے سَرَابِيلَ قمیص۔ تَقِيكُمُ الحَرَّ یہ قمیص ہیں، اور تَقِيكُمْ باسَكُمْ میں زرہیں ہیں۔ دَخَلًا بَيْنَكُمْ جو چیز درست نہ ہو۔ ابنِ عباس کا قول ہے کہ حَفْدَةً سے آدمی کی اولاد مراد ہے۔ السَّكَرُ جو نشہ لانے کی وجہ سے حرام ہے اور رزق حسن کو اللہ تعالیٰ نے حلال فرمایا ہے۔ ابن عیینہ کا قول ہے جو صدقہ سے نقل کیا گیا کہ أَنْكَاثًا ٹکڑے ٹکڑے کرنا۔ یہ خرقاء نامی عورت تھی جو سارا دن سوت کانتی اور شام کے وقت توڑ کر پھینک دیتی۔ ابن مسعود کا قول ہے کہ الأُمَّةُ سے مراد ہے لوگوں کو نیکی کی باتیں سکھانے والا۔القَانِتُ سے فرمانبردار مراد ہے۔ وَمِنْكُمْ مَنْ يُرَدُّ إِلَى أَرْذَلِ العُمُرِ کی تفسیر، حضرت انس بن مالک رضی اللہ عنہ سے مروی ہے کہ رسول اللہ صلی اللّٰہ علیہ وسلم یوں دعا مانگا کرتے تھے: اے اللہ ! میں بخل سے، سستی سے انتہائی عمر سے، عذاب قبر سے، دجال کے فتنے سے اور زندگی وموت کے فتنے سے تیری پناہ چاہتا ہوں۔ آمین۔ (بخاری شریف ،کتاب التفسير ،بَابُ قَوْلِهِ: {وَاعْبُدْ رَبَّكَ حَتَّى يَأْتِيَكَ اليَقِينُ} [الحجر: 99] حدیث نمبر ٤٧٠٧)

سورۃ بنی اسرائیل, باب آدم، شعبہ، ابواسحاق، عبدالرحمن بن یزید کا بیان ہے کہ میں نے حضرت ابن مسعود کو فرماتے ہوئے سنا کہ سورہ بنی اسرائیل, الکہف, اور مریم تینوں ایسی سورتوں میں سے ہیں جو فصاحت و بلاغت سے بھر پور ہیں اور کہ میں نے انہیں زبانی یاد کر لیا تھا۔ ابن عباس کا قول ہے کہ فَسَيُنْغِضُونَ جلد اپنے سر ہلائیں گے۔ دوسرے حضرات کا قول ہے کہ نَغَضَتْ سِنُّكَ یعنی تیرا دانت ہل گیا۔ وَقَضَيْنَا إِلَى بَنِي إِسْرَائِيلَ ہم نے بنی اسرائیل کو خبر دی کہ جلد وہ فساد کریں گے اور القَضَاءُ کے کئی معنی آئے ہیں یعنی : وَقَضَى رَبُّكَ جیسے فَقَضَاهُنَّ سَبْعَ سَمَوَاتٍ میں - نَفِيرًا وہ لوگ جنگ کے لیے ساتھ نکلیں ۔ وَلِيُتَبِّرُوا مَا عَلَوْا جن شہروں پر غالب آئیں انہیں برباد کردیں۔ حَصِيراً جیل خانہ۔ حَقَّ ثابت ہوا۔ واجب ہوا۔ مَيْسُورًا نرم - خطا گناہ، یہ خَطِنت اور الخطاء سے مفوح اثم مصدر ہے بمعنی گناہ اور خَطِئت بمعنی أَخْطَأْتُ ہے۔ تَخْرِقَ تو کاٹتا ہے۔ وَإِذْ هُمْ نَجْوَى یہ نَاجَيْتُ کا مصدر ہے اور اس کے ساتھ ان کی عادت بیان کی یعنی وہ مشورہ کرتے ہیں۔ رُفَاتًا ایندھن بنا دینا۔ وَاسْتَفْرِزُ ہلکا کردیا بِخَيْلِكَ اپنے سواروں سے- الرّجُلِ پیدلوں سے، اس کا واحد رَاجِلٌ ہے، جیسے وَصَحْبٍ آندھی اور وہ ہوا جو چیزوں کو اڑا کر لاتی ہے اور حَصَبُ جَهَنَّمَ... اسی سے ہے یعنی وہ جہنم میں پھینکے جائیں گے اور یہی اس کا کوڑا کرکٹ ہوں گے، یہ بھی کہتے ہیں کہ حَصَبَ فِي الْأَرْضِ وه زمین میں دھنس گیا اور یہ الحصباء سے بھی مشتق ہے بمعنی پتھر سنگریزے، تَارَةً ایک دفعہ، اس کی جمع تِيَرَةٌ اور تَارَاتٌ ہے۔ لَأَحْتَنِكَنَّ ضرور جڑ سے اکھاڑ دو گے، یہ بھی کہتے ہیں کہ احْتَنَكَ فُلاَنٌ مَا عِنْدَ فُلاَنٍ ...... یعنی فلاں نے فلاں کے متعلق تمام معلومات حاصل کر لیں۔ طَائِرَهُ اس کی قسمت۔ ابن عباس کا قول ہی کہ قرآن کریم میں جتنی جگہ میں سُلْطَانٍ کا لفظ ہے اس سے حجت اور دلیل مراد ہے۔ وَلِيٌّ مِنَ الذُّلِّ کمزوری کے سبب کسی کو دوست بنانا۔ (بخاری شریف ،کتاب التفسير ،سُورَةُ بَنِي إِسْرَائِيلَ،حدیث نمبر ٤٧٠٨)

رسول اللہ صلی اللّٰہ علیہ وسلم کا واقعہ معراج۔ سعید بن مسیب حضرت ابو ہریرہ رضی اللہ عنہ سے مروی ہیں کہ شب معراج جب رسول اللہ صلی اللّٰہ علیہ وسلم بیت المقدس میں رونق افروز ہوئے تو آپ کی خدمت میں ایک پیالہ دودھ کا اور ایک شراب کا پیش کیا گیا۔ جب آپ نے اُن دونوں کی طرف توجہ فرمائی تو دودھ کا پیالہ لے لیا۔ حضرت جبرئیل علیہ السلام نے عرض کی کہ سب تعریفیں اس خدا کے لیے ہیں جس نے آپ کی فطرت کی طرف رہنمائی فرمائی، اگر آپ شراب کا پیالہ اختیار فرماتے تو آپ کی امت گمراہ ہو جاتی۔ (بخاری شریف ،کتاب التفسير ،بَابُ قَوْلِهِ: {أَسْرَى بِعَبْدِهِ لَيْلًا مِنَ المَسْجِدِ الحَرَامِ} [الإسراء: 1] حدیث نمبر ٤٧٠٩)

حضرت جابر بن عبد اللہ رضی اللہ عنہ کا بیان ہے کہ میں نے رسول اللہ صلی اللّٰہ علیہ وسلم کو فرماتے ہوئے سنا کہ جب قریش نے مجھے بھٹلایا تو میں مقام جھر میں چلا گیا اور اللہ تعالیٰ نے بیت المقدس کو میرے لیے ظاہر فرما دیا، پس جو علامات وہ معلوم کرتے اس کی طرف دیکھ کر انہیں بتا تا رہا۔ یعقوب بن ابراہیم کی روایت میں اتنا زائد ہے کہ جب قریش نے مجھے اس سیر کے متعلق جھٹلایا جو مجھے بیت المقدس تک کروائی گئی تھی، پھر باقی حدیث اُسی طرح بیان کی ۔ قَاصِفًا وہ آندھی جو ہر چیز کو تباہ کر دیتی ہے۔ (بخاری شریف ،کتاب التفسير ،بَابُ قَوْلِهِ: {أَسْرَى بِعَبْدِهِ لَيْلًا مِنَ المَسْجِدِ الحَرَامِ} [الإسراء: 1] حدیث نمبر ٤٧١٠)

وَلَقَدْ كَرَّمْنَا بَنِي آدَمَ کی تفسیر, كَرَّمْنَا اور أَكْرَمْنَا ہم معنی ہیں۔ضِعْفَ الحَيَاةِ زندگی کا عذاب اور ضِعْفَ المَمَاتِ موت کا عذاب مراد ہے۔ خِلاَفَكَ اور خَلْفَكَ ایک ہیں یعنی تیرے پیچھے ۔ شَاكِلَتِهِ اپنے طریقے پر، یہ شَكْلِهِ سے ہے صَرَّفْنَا واضح کیا۔ قَبِيلًا سامنے رو برد، بعض حضرات نے اسے القَابِلَةُ سے بتایا ہے کیونکہ دائی سامنے ہوتی اور بچہ جناتی ہے۔ الإِنْفَاقِ تنگ دست ہو جانا ۔ نَفِقَ الشَّيْءُ جب کوئی چیز چلی جائے ۔ قَتُورًا بخیل، کنجوس۔ لِلْأَذْقَانِ ٹھوڑی، جہاں دونوں جبڑے ملتے ہیں، اس کا واحد ذَقَنٌ ہے۔ مجاہد کا قول ہے کہ مَوْفُورًا سے وَافِرًا مراد ہے۔ تَبِيعًا بدلہ لینے والا۔ ابن عباس کا قول ہے کہ لاَ تُبَذِّرْ سے مراد ہے کہ برے کاموں میں خرچ نہ کر - ابْتِغَاءَ رَحْمَةٍ حلال روزی کی تلاش میں۔ مَثْبُورًا لعنت کیا گیا۔ لاَ تَقْفُ نہ کہہ فَجَاسُوا ارادہ کیا۔ يُزْجِي الفُلْكَ کشتی کو چلاتا ہے۔ يَخِرُّونَ لِلْأَذْقَانِ منہ کے بل گرنا ۔ ( سجدے میں ) ۔.وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا کی تفسیر، اللہ عز وجل ارشاد فرماتا ہے: ترجمہ کنز الایمان : اور جب ہم کسی بستی کو ہلاک کرنا چاہتے ہیں اس کے خوشحالوں پر احکام بھیجتے ہیں پھر وہ اس میں بے علمی کرتے ہیں تو اس پر بات پوری ہو جاتی ہے تو ہم اسے تباہ کر کے برباد کر دیتے ہیں (پ ۱۵ بنی اسرائیل ۱٦) حضرت عبد اللہ بن مسعود رضی اللہ عنہ فرماتے ہیں کہ دور جاہلیت میں جب کسی قبیلے کے لوگ بہت زیادہ ہو جاتے تو ہم کہا کرتے ۔ أَمِرَ بَنُو فُلاَنٍ یعنی بنو فلاں بہت زائدہ ہو گئے۔ حمیدی نے سفیان بن عیینہ سے جو روایت کی اس میں بھی أَمَرَ ہے۔ (بخاری شریف ،کتاب التفسير ،بَابُ قَوْلِهِ تَعَالَى: {وَلَقَدْ كَرَّمْنَا بَنِي آدَمَ} [الإسراء: 70] « حدیث نمبر ٤٧١١)

ذُرِّيَّةَ مَنْ حَمَلْنَا مَعَ نُوحٍ إِنَّهُ كَانَ عَبْدًا شَكُورًا کی تفسیر، ترجمہ کنز الایمان: اے ان کی اولا د جن کو ہم نے نوح کے ساتھ سوار کیا بیشک وہ بڑا شکر گزار بندہ تھا ( بنی اسرائیل (۳) حضرت ابو ہریرہ رضی اللہ عنہ فرماتے ہیں کہ رسول اللہ صلی اللّٰہ علیہ وسلم کی بارگاہ میں گوشت لایا گیا، چنانچہ ایک دستی اٹھا کر آپ کی خدمت میں پیش کی گئی کیونکہ دستی کا گوشت آپ کو بہت مرغوب تھا۔ پس آپ نے اس میں سے تناول فرمایا اور اس کے بعد ارشاد ہوا کہ بروز قیامت سب لوگوں کا سردار میں ہوں۔ کیا تم اس کا سبب جانتے ہو؟ سنو! اگلے پچھلے تمام انسانوں کو ایک ہی میدان میں جمع کر لیا جائے گا، جو ایسا ہوگا کہ پکارنے والے کی آواز سن سکیں گے اور سب کو دیکھ سکیں گے اور سورج لوگوں کے اتنا نزدیک آجائے گا کہ گرمی کی شدت سے تڑپنے لگیں گے اور وہ برداشت سے باہر ہو جائے گی تو لوگ ایک دوسرے سے کہیں گے کہ کیا تم اپنی حالت نہیں دیکھتے ؟ پھر تم ایسی ہستی کو تلاش کیوں نہیں کرتے جو تمہارے رب کے پاس تمہاری شفاعت کرے؟ چنانچہ لوگ دوسروں سے کہیں گے کہ تمہیں حضرت آدم علیہ السلام کی بارگاہ میں جانا چاہیے۔ پس وہ حضرت آدم علیہ السلام کی خدمت میں حاضر ہو کر عرض کریں گے کہ آپ تمام انسانوں کے باپ ہیں، آپ کو اللہ تعالیٰ نے اپنے خاص دست قدرت سے بنایا ہے آپ کے اندر اس نے اپنی طرف کی روح پھونکی تھی اور اس نے فرشتوں کو حکم فرمایا تو انہوں نے آپ کے لیے سجدہ کیا تھا، لہذا اپنے رب کے حضور ہماری شفاعت فرمائے ۔ کیا آپ دیکھتے نہیں کہ ہم کس حال کو پہنچ گئے ہیں؟ حضرت آدم علیہ السلام فرما ئیں گے کہ آج میرے رب نے غضب کا ایسا اظہار فرمایا ہے کہ ایسا نہ اس سے پہلے کبھی فرمایا اور نہ اس کے بعد کبھی ایسا فرمائے گا۔ بیشک اس نے مجھے ایک درخت سے روکا تھا لیکن مجھ سے لغزش ہو گئی لہٰذا مجھے اپنی فکر ہے ہائے میری جان، ہائے میری جان تم کسی دوسرے کے پاس جاؤ، تم حضرت نوح علیہ السلام کے پاس چلے جاؤ۔ پس وہ حضرت نوح علیہ السلام کی خدمت میں حاضر ہو کر عرض کریں گے۔ اے حضرت نوح! آپ زمین والوں کی طرف سب سے پہلے آنے والے رسول تھے۔ اللہ تعالٰی نے آپ کو عبداً شَكُوراً کا نام دیا تھا۔ آپ اپنے کے حضور ہماری شفاعت فرمائیے۔ کیا آپ نہیں دیکھتے کہ ہم کس حال کو پہنچ گئے ہیں؟ وہ ان سے فرمائیں گے کہ آج میرے رب عز و جل نے غضب کا وہ اظہار فرمایا ہے کہ نہ کبھی اس کی پہلے ایسا اظہار فرمایا اور نہ کبھی اس کے بعد ایسا اظہار فرمائے گا۔ بیشک میرے رب نے مجھے ایک مقبول دعا کی اجازت دی تھی تو میں نے وہ دعا اپنی قوم کے خلاف استعمال کی ، لہٰذا مجھے اپنی فکر ہے، ہائے میری جان، ہائے میری جان۔ تم کسی دوسرے کے پاس جاؤ۔ تم حضرت ابراہیم علیہ السلام کے پاس چلے جاؤ۔ پس لوگ حضرت ابراہیم علیہ السلام کی بارگاہ میں حاضر ہو کر عرض کریں گے۔ اے حضرت ابراہیم ! آپ اللہ تعالٰی کے نبی اور زمین والوں میں سے اس کے خلیل ہیں۔ آپ اپنے رب کے حضور ہماری شفاعت فرمائیں۔ کیا آپ دیکھتے نہیں کہ ہم کس حال کو پہنچ گئے ہیں؟ ان لوگوں سے فرما ئیں گے کہ بیشک میرے رب نے غضب کا آج ایسا اظہار فرمایا ہے کہ نہ اس سے پہلے ایسا کیا اور نہ اس کے بعد کبھی ایسا کرے گا اور بیشک مجھ سے تین سچی باتیں ایسی واقع ہوئیں جو خلاف واقعہ تھیں۔ ابوحیان نے اپنی روایت میں ان تینوں کا ذکر بھی کیا ہے۔ لہٰذا مجھے اپنی فکر ہے، ہائے میری جان، ہائے میری جان ۔ تم کسی دوسرے کے پاس جاؤ تم حضرت موسیٰ علیہ السلام کے پاس چلے جاؤ۔ پس لوگ حضرت موسیٰ علیہ السلام کی بارگاہ میں حاضر ہو کر عرض کریں گے: اے حضرت موسیٰ! آپ اللہ کے رسول ہیں۔ اللہ تعالیٰ نے آپ کو رسالت اور ہمکلامی کے ساتھ دوسری انبیاء کرام پر فضیلت دی تھی۔ آپ اپنے رب کے حضور شفاعت فرما ئیں۔ کیا آپ نہیں دیکھتے کہ ہم کس حال کو پہنچ گئے ہیں؟ وہ فرما ئیں گے کہ میرے رب نے آج غضب کا ایسا اظہار فرمایا ہے کہ نہ اس سے پہلے ایسا فرمایا اور نہ اس کے بعد بھی ایسا فرمائیگا۔ بیشک میں نے ایک شخص کو جان سے مار دیا تھا جبکہ مجھے اس کو قتل کرنے کا حکم نہیں دیا گیا تھا۔ لہٰذا مجھے اپنی فکر ہے، ہائے میری جان، ہائے میری جان۔تم کسی اور کے پاس جاؤ تم حضرت عیسی علیہ السلام کے پاس چلے جاؤ۔ چنانچہ لوگ حضرت عیسی علیہ السلام کی بارگاہ میں حاضر ہو کر عرض کریں گے۔ اے حضرت عیسی ! آپ اللہ کے رسول اور اس کا ایک کلمہ ہیں جو اُس نے حضرت مریم علیہا السلام کی طرف القا فرمایا نیز آپ اس کی طرف کی روح ہیں اور آپ نے پنگھوڑے کے اندر پچپن میں لوگوں سے کلام فرمایا تھا۔ لہٰذا آپ ہماری شفاعت فرما ئیں کیا آپ نہیں دیکھتے کہ ہم کس حال کو پہنچ گئے ہیں؟ حضرت عیسی علیہ السلام فرمائیں گے کہ آج میرے رب نے غضب کا وہ اظہار فرمایا ہے کہ نہ اس سے پہلے ایسا غضب فرمایا اور نہ اس کے بعد ایسا فرمائے گا۔ وہ اپنی کسی لغزش کا ذکر نہیں فرما ئیں گے بلکہ فرما ئیں گے کہ مجھے اپنی فکر ہے، ہائے میری جان، ہائے میری جان۔ تم کسی دوسرے کے پاس جاؤ، تم محمد مصطفے صلی اللہ علیہ وسلم کی بارگاہ جاؤ چنانچہ لوگ محمد مصطفے صلی اللہ علیہ وسلم کی بارگاہ میں حاضر ہو کر عرض کریں گے، اے محمد مصطفی صلی اللہ علیہ وسلم ! آپ اللہ کے رسول اور انبیائے کرام میں سب سے آخری ہیں۔ اللہ تعالیٰ نے آپ کے سبب اگلوں اور پچھلوں کے گناہ معاف فرما دیئے تھے۔ لہٰذا اپنے رب کے حضور ہماری شفاعت فرمائیے۔ کیا آپ نے ملاحظہ نہیں فرمایا کہ ہم کس حال کو پہنچ گئے ہیں؟"تو نبی کریم صلی اللّٰہ علیہ وسلم فرماتے ہیں کہ" پس میں اس کام کے لیے چل پڑوں گا اور عرش عظیم کے نیچے آکر اپنے رب عزوجل کے حضور سجدہ کروں گا۔ پھر اللہ تعالیٰ مجھ پر اپنی ایسی حمد اور ثنا ظاہر فرمائے گا جو مجھ سے پہلے کسی پر ظاہر نہیں فرمائی ہوں گی۔ پھر مجھ سے فرمایا جائے گا۔ اے محمد! اپنا سر اٹھاؤ، مانگو کہ تمہیں دیا جائے گا، شفاعت کرو کہ تمہاری شفاعت قبولی فرمائی جائے گی۔ پس میں اپنا سر اٹھا کر عرض کروں گا۔ اے رب ! میری امت، اے رب ! میری امت۔ پس فرمایا جائے گا کہ اے محمد ! اپنی امت کے ان لوگوں کو جن کا ہمیں حساب نہیں لینا باب الایمن سے جنت میں داخل کر دو، جو اس کے دروازوں میں سے ایک دروازہ ہے۔ اور وہ دوسرے لوگوں کے ساتھ جنت میں دوسرے دروازوں سے بھی جاسکتے ہیں۔ پھر آپ نے فرمایا کہ قسم ہے اس ذات کی جس کے قبضے میں میری جان ہے بیشک جنت کے ہر دروازے کی چوڑائی اتنی ہے جتنا مکہ مکرمہ اور حمیر کے درمیان فاصلہ ہے یا مکہ معظمہ سے بھری جتنی دور ہے۔ (بخاری شریف ،کتاب التفسير ،بَابُ {ذُرِّيَّةَ مَنْ حَمَلْنَا مَعَ نُوحٍ إِنَّهُ كَانَ عَبْدًا شَكُورًا} [الإسراء: 3] حدیث نمبر ٤٧١٢)

وَآتَيْنَا دَاوُدَ زَبُورًا کی تفسیر, حضرت ابو ہریرہ رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا : حضرت داؤد علیہ السلام پر قراءت آسان فرما دیا گیا تھا۔ پس وہ اپنے گھوڑے کو کسنے کا حکم دیتے اور اس کے تیار ہونے سے پہلے قرآن یعنی زبور کو پڑھ لیا کرتے تھے۔ (بخاری شریف ،کتاب التفسير ،بَابُ قَوْلِهِ: {وَآتَيْنَا دَاوُدَ زَبُورًا} حدیث نمبر ٤٧١٣)

ترجمہ کنز الایمان: تم فرماؤ پکارو انہیں جن کو اللہ کے سوا گمان کرتے ہو تو وہ اختیار نہیں رکھتے تم سے تکلیف دورکرنے اور نہ پھیر دینے کا (پ ۱۵ بنی اسرائیل (۵٦) کی تفسیر, ابو معمر نے آیت: إِلَى رَبِّهِمُ الوَسِيلَةَ کے متعلق حضرت عبداللہ بن مسعود رضی اللہ عنہ سے روایت کی ہے کہ انسانوں میں سے بعض افراد بعض جنات کی عبادت کیا کرتے تھے۔ وہ جن تو مسلمان ہو گئے لیکن یہ لوگ اپنے اسی دین پر قائم رہے۔ اشجعی، سفیان، اعمش کی روایت میں اتنا زائد ہے کہ یہ واقعہ آیت: ترجمہ کنز الایمان: تم فرماؤ پکارو انہیں جن کو اللہ کے سوا گمان کرتے ہو ( پ ۱۵ بنی اسرائیل (۵٦) کا شان نزول ہے۔ (بخاری شریف ،کتاب التفسير ،بَابُ {قُلْ: ادْعُوا الَّذِينَ زَعَمْتُمْ مِنْ دُونِهِ فَلاَ يَمْلِكُونَ كَشْفَ الضُّرِّ عَنْكُمْ وَلاَ تَحْوِيلًا} [الإسراء: 56] حدیث نمبر ٤٧١٤)

أُولَئِكَ الَّذِينَ يَدْعُونَ يَبْتَغُونَ إِلَى رَبِّهِمُ الوَسِيلَةَ کی تفسیر, اللہ عز وجل ارشاد فرماتا ہے ترجمہ کنز الایمان : وہ مقبول بندے جنہیں یہ کافر پوجتے ہیں وہ آپ ہی اپنے رب کی طرف وسیلہ ڈھونڈتے ہیں کہ ان میں کون زیادہ مقرب ہے اس کی رحمت کی امید رکھتے اور اس کے عذاب سے ڈرتے ہیں بیشک تمہارے رب کا عذاب ڈر کی چیز ہے (بنی اسرائیل ۵۷)۔ ابو معمر حضرت عبداللہ بن مسعود رضی اللہ عنہ نے آیت : ترجمہ کنز الایمان : وہ مقبول بندے جنہیں یہ کافر پوجتے ہیں وہ آپ ہی اپنے رب کی طرف وسیلہ ڈھونڈتے ہیں کہ ان میں کون زیادہ مقرب ہے اس کی رحمت کی امید رکھتے اور اس کے عذاب سے ڈرتے ہیں بیشک تمہارے رب کا عذاب ڈر کی چیز ہے (بنی اسرائیل ۵۷) کے متعلق فرمایا کہ بعض جنات ایسے تھے جن کی کچھ لوگ عبادت کیا کرتے تھے ۔ پھر وہ جن تو مسلمان ہو گئے ۔ (بخاری شریف ،کتاب التفسير ،بَابُ قَوْلِهِ: {أُولَئِكَ الَّذِينَ يَدْعُونَ يَبْتَغُونَ إِلَى رَبِّهِمُ الوَسِيلَةَ} [الإسراء: 57] الآيَةَ حدیث نمبر ٤٧١٥)

ترجمہ کنز الایمان: اور ہم نے نہ کیا وہ دکھا وا جو تمہیں دکھایا تھا مگر لوگوں کی آزمائش کو ( بنی اسرائیل ٦٠)۔کی تفسیر, عکرمہ نے حضرت ابن عباس رضی اللہ عنہا سے روایت ہے کہ آیت : ترجمہ کنز الایمان : اور ہم نے نہ کیا وہ دکھاوا جو تمہیں دکھایا تھا مگر لوگوں کی آزمائش کو( بنی اسرائیل ٦٠) کے متعلق انہوں نے فرمایا: یہ سر کی آنکھوں سے دیکھنا ہے، کہ جو کچھ رسول اللہ صلی اللّٰہ علیہ وسلم تم کو شب معراج دکھایا گیا اور شجر ملعونہ سے تھوہر کا درخت مراد ہے۔ (بخاری شریف ،کتاب التفسير ،بَابُ {وَمَا جَعَلْنَا الرُّؤْيَا الَّتِي أَرَيْنَاكَ إِلَّا فِتْنَةً لِلنَّاسِ} [الإسراء: 60] حدیث نمبر ٤٧١٦)

إِنَّ قُرْآنَ الفَجْرِ كَانَ مَشْهُودًا کی تفسیر, الله عز وجل ارشاد فرماتا ہے ترجمہ کنز الایمان: بیشک صبح کے قرآن میں فرشتے حاضر ہوتے ہیں (بنی اسرائیل ۷۸ ) مجاہد کا قول ہے کہ اس سے نماز فجر مراد ہے۔ حضرت ابو ہریرہ رضی اللہ عنہ سے مروی ہے کہ نبی کریم صلی اللّٰہ علیہ وسلم نے فرمایا : جماعت کی نماز کو تنہا آدمی کی نماز پر پچیس گنا فضیلت ہے اور رات کے فرشتوں اور دن کے فرشتوں کا اجتماع نماز فجر کے وقت ہوتا ہے۔ حضرت ابو ہریرہ بیان فرماتے ہیں کہ اگر تم اس بات کا ثبوت دیکھنا چاہتے ہو تو یہ آیت پڑھ لو: ترجمہ کنز الایمان: بیشک صبح کے قرآن میں فرشتے حاضر ہوتے ہیں(بنی اسرائیل ۷۸ ) (بخاری شریف ،کتاب التفسير ،بَابُ قَوْلِهِ: {إِنَّ قُرْآنَ الفَجْرِ كَانَ مَشْهُودًا} [الإسراء: 78] حدیث نمبر ٤٧١٧)

عَسَى أَنْ يَبْعَثَكَ رَبُّكَ مَقَامًا مَحْمُودًا کی تفسیر, الله عز وجل ارشاد فرماتا ہے ترجمہ کنز الایمان: قریب ہے کہ تمہیں تمہارا رب ایسی جگہ کھڑا کرے جہاں سب تمہاری حمد کریں (پ ۱۵ بنی اسرائیل ٧٩) آدم بن علی کا بیان ہے کہ میں نے حضرت ابن عمر رضی اللہ عنہما کو فرماتے ہوئے سنا کہ لوگ گروہ بنا کر اپنے اپنے نبی کی بارگاہ میں حاضر ہوں گے اور عرض کریں گے کہ حضور! ہماری شفاعت فرمائیے ۔ حتی کہ شفاعت کی بات نبی کریم صلی اللّٰہ علیہ وسلم تک آپہنچے گی۔ پس اس دن اللہ تعالیٰ آپ کو مقام محمود پر کھڑا فرمائے گا۔ (بخاری شریف ،کتاب التفسير ،بَابُ قَوْلِهِ: {عَسَى أَنْ يَبْعَثَكَ رَبُّكَ مَقَامًا مَحْمُودًا} [الإسراء: 79] حدیث نمبر ٤٧١٨)

حضرت جابر بن عبد اللہ رضی اللہ عنہ بیان فرماتے ہیں کہ رسول اللہ صلی اللّٰہ علیہ وسلم نے فرمایا جو آدمی اذان سن کر یوں دعا مانگے "اے اللہ! اس مکمل اعلان اور قائم ہونے والی نماز کے رب! محمد مصطفے صلی اللہ علیہ وسلم کو مقام وسیلہ اور سب پر فضیلت عطا فرما اور انہیں مقام محمود پر کھڑا کرنا جس کا تو نے اُن سے وعدہ فرمایا ہے۔ ایسا کہنے والے کے لیے قیامت کے دن میری شفاعت حلال ہو گئی۔ اس کی حمزہ بن عبد اللہ نے بھی اپنے والد ماجد سے اور انہوں نے نبی کریم صلی اللّٰہ علیہ وسلم سے روایت کی ہے, (بخاری شریف ،کتاب التفسير ،بَابُ قَوْلِهِ: {عَسَى أَنْ يَبْعَثَكَ رَبُّكَ مَقَامًا مَحْمُودًا} [الإسراء: 79] حدیث نمبر ٤٧١٩)

وَقُلْ جَاءَ الحَقُّ وَزَهَقَ البَاطِلُ إِنَّ البَاطِلَ كَانَ زَهُوقًا کی تفسیر, ترجمہ کنز الایمان: اور فرماؤ کہ حق آیا اور باطل مٹ گیا بیشک باطل کو مٹنا ہی تھا (پ ۱۵ بنی اسرائیل ۸۱) يَزْهَقُ ہلاک ہو گیا۔ حضرت عبداللہ بن مسعود رضی اللہ عنہ بیان فرماتے ہیں کہ جب نبی کریم صلی اللّٰہ علیہ وسلم کی مکہ مکرمہ میں تشریف آوری ہوئی تو بیت اللہ شریف کے گرد تین سو ساٹھ بت رکھے ہوئے تھے۔ پس آپ علیہ السلام ہر بُت کو وہ چھڑی مارتے جو آپ کے دست مبارک میں تھی اور فرماتے: ترجمہ کنز الایمان: اور فرماؤ کہ حق آیا اور باطل مٹ گیا بیشک باطل کو مٹنا ہی تھا (پ ۱۵اینی اسرائیل (١۸) حق آگیا، اب نہ باطل ظاہر ہوگا اور نہ لوٹ کر آئے گا۔ (بخاری شریف،کتاب التفسير ،بَابُ {وَقُلْ جَاءَ الحَقُّ وَزَهَقَ البَاطِلُ إِنَّ البَاطِلَ كَانَ زَهُوقًا} [الإسراء: 81] " حدیث نمبر ٤٧٢٠)