Muslim Shareef

حضرت ابوذر رضی اللہ عنہ سے مروی ہے۔فرماتے ہیں میں نے عرض کیا یا رسول اللہ!زمین میں سب سے پہلے کونسی مسجد بنائی گئی۔آپ نے فرمایا مسجد حرام،میں نے عرض کیا پھر کونسی؟ فرمایا مسجد اقصٰی،میں نے عرض کیا ان دونوں کے درمیان کتنا وقفہ ہے؟رسول اکرم صلی اللہ علیہ وسلم نے فرمایا چالیس سال کا(پھر فرمایا)جہاں بھی نماز کا وقت ہوجائے نماز پڑھ لو وہی مسجد(جائے مسجد)ہے۔دوسری سند میں"فصل"کی جگہ"فصلہ"ہے۔(معنیٰ وہی ہے) (مسلم شریف کتاب الصلٰوۃ؛كِتَابُ الْمَسَاجِدِ وَمَوَاضِعِ الصَّلَاةَ؛ترجمہ؛مساجد اور مقامات نماز؛جلد١ص٣٧٠؛حدیث نمبر١٠٦٤)

حضرت جابر بن عبداللہ انصاری رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا مجھے پانچ ایسی چیزیں دی گئی ہے جو مجھ سے پہلے کسی نبی کو نہیں دی گئیں۔ہر نبی خاص اپنی قوم کی طرف مبعوث ہوتا تھا اور میں تمام سرخ وسیاہ کی طرف بھیجا گیا ہوں۔(سرخ سے عجمی اور سفید لوگ اور سیاہ سے سوڈانی لوگ مراد ہے اور یہ بھی کہا گیا ہے کہ سیاہ سے سوڈانی اور سرخ سے دیگر عرب مراد ہیں یا سرخ سے انسان اور سیاہ سے جن مراد ہیں۔(نووی شرح مسلم) میرے لیے مال غنیمت حلال کیا گیا ہے اور مجھ سے پہلے کسی کے لیے حلال نہ تھا۔میرے لئے تمام زمین کو پاک کیا گیا اور سجدہ گاہ بنایا گیا۔پس جو شخص نماز کا وقت پائے وہ جہاں بھی ہو نماز پڑھ لے اور ایک مہینے کی مسافت تک رعب کے ساتھ میری مدد کی گئی ہے اور مجھے منصب شفاعت عطاء کیا گیا ہے۔(مسلم شریف کتاب الصلٰوۃ؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٨٠؛حدیث نمبر ١٠٦٦)

ایک دوسری سند کے ساتھ بھی حدیث نمبر ١٠٦٦ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧١؛حدیث نمبر١٠٦٧)

حضرت حذیفہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا ہمیں دوسرے لوگوں پر تین باتوں میں فضیلت عطاء کی گئی ہے۔ہماری صفوں کو فرشتوں کی صفوں جیسا بنایا گیا ہمارے لئے تمام زمین کو مسجد بنایا گیا اور اس کی مٹی کو ہمارے لئے طہارت کا ذریعہ بنایا گیا اگر ہم پانی نہ پائیں اور آپ نے ایک اور خصلت کا بھی ذکر فرمایا۔(تیسری خصلت امام نسائی نے بیان کی ہے کہ مجھے سورۃ بقرہ کی آخری آیات عرش کے خزانے کے نیچے عطاء کی گئیں مجھ سے پہلے کسی کو عطاء نہ ہوئیں اور نہ میرے بعد کسی کو دی جاۓ گی۔(نووی شرح مسلم) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧١؛حدیث نمبر١٠٦٨)

ایک اور سند کے ساتھ بھی حدیث نمبر ١٠٦٨ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧١؛حدیث نمبر١٠٦٩)

حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا۔مجھے دیگر انبیاء کرام علیہم السلام پر چھ باتوں میں فضیلت دی گئی ہے۔مجھے جامع کلمات دئے گئے رعب کے ساتھ میری مدد کی گئی۔میرے لئے غنیمتیں حلال کی گئیں۔میرے لئے زمین کو پاک اور مسجد بنایا گیا۔مجھے تمام مخلوق کی طرف رسول بنا کر بھیجا گیا اورمجھ پر سلسلہ نبوت ختم کیا گیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧١؛حدیث نمبر ١٠٧٠)

حضرت ابوہریرہ رضی اللہ عنہ سے مروی ہے۔نبی اکرم صلی اللہ علیہ وسلم نے فرمایا مجھے جامع کلمات کے ساتھ بھیجا گیا رعب کے ذریعے میری مدد کی گئی اور میں سویا ہوا تھا کہ مجھے زمین کے خزانوں کی چابیاں عطاء کی گئیں اور میرے ہاتھ میں رکھی گئیں حضرت ابوہریرہ رضی اللہ عنہ فرماتے ہیں رسول اکرم صلی اللہ علیہ وسلم تشریف لے گئے اور تم یہ خزانے نکال رہے ہو۔(یہ غیب کی خبر جو رسول اللہ صلی اللہ علیہ وسلم نے اللہ کے بتانے سے صحابہ کرام کو دی اللہ تعالیٰ ان کو فتوحات عطاء فرمائے گا اور خزانوں کا مالک بناۓ گا) (مسلم شریف؛-كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧١؛حدیث نمبر١٠٧١)

حضرت ابوہریرہ رضی اللہ عنہ سے مروی ہے۔فرماتے ہیں میں نے رسول اکرم صلی اللہ علیہ وسلم کو سنا اس کے بعد حدیث نمبر ١٠٧١ کی مثل بیان فرمایا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧٢؛حدیث نمبر١٠٧٢)

ایک اور سند کے ساتھ بھی حضرت ابوہریرہ رضی اللہ عنہ سے حدیث نمبر ١٠٧١ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧٢؛حدیث نمبر١٠٧٣)

حضرت ابوہریرہ رضی اللہ عنہ رسول اکرم صلی اللہ علیہ وسلم سے روایت کرتےہیں۔آپ نے فرمایا دشمن کے خلاف رعب کے ذریعے میری مدد کی گئی۔مجھے جامع کلمات عطاء کئے اور میں سویا ہوا تھا کہ مجھے زمین کے خزانوں کی چابیاں عطاء کی گئیں اور وہ میرے ہاتھ میں رکھ دی گئیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧٢؛حدیث نمبر ١٠٧٤)

ایک اور سند کے ساتھ حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا مجھے رعب کے ذریعے مدد دی گئی اور مجھے جامع کلمات عطاء کئے گئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛جلد١ص٣٧٢؛حدیث نمبر ١٠٧٥)

حضرت انس بن مالک رضی اللہ عنہ سے مروی ہے کہ رسول اللہ صلی اللہ علیہ وسلم مدینہ طیبہ تشریف لائے تو مدینہ طیبہ کے بالائی حصے میں ایک قبیلے میں اترے جسے عمرو بن عوف کہا جاتا تھا۔آپ نے وہاں چودہ راتیں قیام فرمایا۔پھر آپ نے قبیلہ بنونجار کے سرداروں کو بلایا تو تلواریں لٹکائے ہوئے آئے۔حضرت انس رضی اللہ عنہ فرماتے ہیں گویا میں(اب بھی)دیکھ رہا ہوں کہ آپ اپنی سواری پر تھے اور آپ کے پیچھے حضرت ابوبکر صدیق رضی اللہ عنہ تھے اور بنونجار قبیلے والے آپ کے ارد گرد تھے۔حتیٰ کہ حضرت ابو ایوب انصاری رضی اللہ عنہ کے دروازے پر اترے اور نبی اکرم صلی اللہ علیہ وسلم نماز پڑھتے جہاں بھی وقت ہوجاتا حتیٰ کہ بکریوں کے باڑوں میں پڑھتے پھر آپ کو مسجد بنانے کا حکم دیا گیا تو آپ نے بنو نجار کے سرداروں کو بلایا۔وہ حاضر ہوئے تو آپ نے فرمایااے بنو نجار!اپنا یہ باغ مجھ پر فروخت کردو۔انہوں نے عرض کیا اللہ کی قسم!ہم قیمت نہیں لیں گے۔ہم اس کا بدلہ صرف اللہ تعالیٰ سے چاہتے ہیں۔حضرت انس رضی اللہ عنہ فرماتے ہیں میں بتاتا ہوں اس باغ میں کیا چیز تھیں۔اس میں کھجوروں کے درخت،مشرکین کی قبریں اور کھنڈرات تھے۔نبی اکرم صلی اللہ علیہ وسلم کے حکم سے درخت کاٹ دئیے گئے،مشرکین کے قبروں کو اکھاڑ پھینکا گیا اور کھنڈرات کو ہموار کر دیا گیا۔پھر کھجور کی لکڑیوں کو قبلہ کی طرف گاڑ دیا گیا۔اور ان کی دونوں طرف پتھر لگاۓ گئے۔حضرت انس رضی اللہ عنہ فرماتے ہیں۔اس دوران نبی اکرم صلی اللہ علیہ وسلم اور صحابہ کو رجز یہ کلمات پڑھتے تھے وہ یوں کہتے تھے۔«اللهُمَّ إِنَّهُ لَا خَيْرَ إِلَّا خَيْرُ الْآخِرَهْ، فَانْصُرِ الْأَنْصَارَ وَالْمُهَاجِرَهْ»(یا اللہ!بھلائی تو صرف آخرت کی ہے تو انصار اور مہاجرین کی مدد فرما) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛باب ابْتِنَاءِ مَسْجِدِ النَّبِيِّ صَلَّى اللهُ عَلَيْهِ وَسَلَّمَ؛جلد١ص٣٧٣؛حدیث نمبر١٠٧٦)

ایک اور سند کے ساتھ بھی حضرت انس رضی اللہ عنہ سے مروی ہے کہ تعمیر مسجد سے پہلے نبی اکرم صلی اللہ علیہ وسلم بکریوں کے باڑوں میں نماز پڑھتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛باب ابْتِنَاءِ مَسْجِدِ النَّبِيِّ صَلَّى اللهُ عَلَيْهِ وَسَلَّمَ؛جلد١ص٣٧٤؛حدیث نمبر١٠٧٧)

اور ایک سند کے ساتھ حضرت انس رضی اللہ عنہ سے حدیث نمبر ١٠٧٦ کی مثل مروی ہے ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛باب ابْتِنَاءِ مَسْجِدِ النَّبِيِّ صَلَّى اللهُ عَلَيْهِ وَسَلَّمَ؛جلد١ص٣٧٤؛حدیث نمبر١٠٧٨)

حضرت براء بن عازب رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کے ساتھ سولہ ماہ تک بیت المقدس کی طرف(منہ کر کے) نماز پڑھی حتیٰ کہ وہ آیت نازل ہوئی جو سورہ بقرہ میں ہے{وَحَيْثُ مَا كُنْتُمْ فَوَلُّوا وُجُوهَكُمْ شَطْرَهُ} [البقرة: ١٤٤](تم جہاں بھی ہو تو(اس مسجد حرام)کی طرف رخ کر کے نماز پڑھو)یہ آیت نازل ہوئی تو نبی اکرم صلی اللہ علیہ وسلم نماز پڑھ چکے تھے۔تو قوم کا ایک شخص وہاں سے گیا۔پس وہ انصار کے کچھ لوگوں کے پاس سے گزرا جو نماز پڑھ رہے تھے۔اس نے انکو بتایا تو ان سب نے بیت اللہ شریف کی طرف رخ کرلیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْوِيلِ الْقِبْلَةِ مِنَ الْقُدْسِ إِلَى الْكَعْبَةِ؛ترجمہ؛قبلہ کی بیت المقدس سے خانہ کعبہ کی طرف تبدیلی؛جلد١ص٣٧٤؛حدیث نمبر ١٠٧٩)

حضرت براء بن عازب رضی اللہ عنہ سے مروی ہے۔فرماتے ہیں ہم نے سولہ مہینے یا سترہ ماہ رسول اکرم صلی اللہ علیہ وسلم کے ساتھ بیت المقدس کی طرف نماز پڑھی پھر ہمیں کعبہ شریف کی طرف پھیر دیا گیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْوِيلِ الْقِبْلَةِ مِنَ الْقُدْسِ إِلَى الْكَعْبَةِ؛جلد١ص٣٧٤؛حدیث نمبر١٠٨٠)

حضرت ابن عمر رضی اللہ عنہ سے مروی ہے۔فرماتے ہیں صحابہ کرام رضی اللہ عنہم مسجد قباء میں صبح کی نماز پڑھ رہے تھے کہ ایک آنے والا ان کے پاس آیا اور اس نے کہا کہ آج رات نبی اکرم صلی اللہ علیہ وسلم پر ایک آیت اتری ہے اور آپ کو حکم دیا گیا کہ آپ کعبہ شریف کی طرف رخ کریں اور اس وقت وہ شام کی طرف منہ کر کے نماز پڑھ رہے تھے پس وہ کعبہ شریف کی طرف پھر گئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْوِيلِ الْقِبْلَةِ مِنَ الْقُدْسِ إِلَى الْكَعْبَةِ؛جلد١ص٣٧٥؛حدیث نمبر١٠٨١)  

ایک دوسری سند کے ساتھ بھی حضرت عبد اللہ بن عمر رضی اللہ عنہ سے مروی ہے۔فرماتے ہیں صحابہ کرام رضی اللہ عنہم صبح کی نماز پڑھ رہے تھے کہ ان کے پاس ایک آنے والا آیا(آگے حدیث نمبر ١٠٨١ کی طرح ہے) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْوِيلِ الْقِبْلَةِ مِنَ الْقُدْسِ إِلَى الْكَعْبَةِ؛جلد١ص٣٧٥؛حدیث نمبر ١٠٨٢)

حضرت انس رضی اللہ عنہ سے مروی ہے کہ نبی اکرم صلی اللہ علیہ وسلم بیت المقدس کی طرف رخ کر کے نماز پڑھتے تھے تو یہ آیت نازل ہوئی۔{قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ} [البقرة: ١٤٤] (آپکے چہرے کا بار بار آسمان کی طرف اٹھنا ہم دیکھتے ہیں۔پس ہم ضرور بضرور آپ کو اس قبلہ کی طرف پھیر دیں گے جس پر آپ راضی ہیں۔پس آپ اپنا چہرہ مسجد حرام کی طرف پھیر دیں۔بنوسلمہ کا ایک آدمی گزرا تو صحابہ کرام نماز فجر میں حالت رکوع میں تھے اور وہ ایک رکعت پڑھ چکے تھے۔اس نے آواز دی سنو!قبلہ بدل دیا گیا ہے تو وہ اسی حالت میں کعبہ شریف کی طرف پھر گئے۔(تحویل قبلہ کا حکم ظہر اور عصر کے درمیان آیا لہٰذا ان حضرات کو اطلاع فجر کی نماز میں ملی) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْوِيلِ الْقِبْلَةِ مِنَ الْقُدْسِ إِلَى الْكَعْبَةِ؛جلد١ص٣٧٥؛حدیث نمبر١٠٨٣)

حضرت عائشہ صدیقہ رضی اللہ عنہا سے مروی ہے کہ حضرت ام حبیبہ اور حضرت ام سلمہ رضی اللہ عنہما نے نبی اکرم صلی اللہ علیہ وسلم سے عیسائیوں کے ایک گرجے کا ذکر کیا جو انہوں نے حبشہ میں دیکھا تھا۔اس میں تصاویر تھیں تو نبی اکرم صلی اللہ علیہ وسلم نے فرمایا جب ان لوگوں میں سے کوئی نیک آدمی مر جاتا تو اس کی قبر پر مسجد بناتے اور اس میں تصویریں رکھتے تھے۔یہ لوگ قیامت تک اللہ تعالیٰ کے نزدیک بدترین مخلوق ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛ترجمہ؛قبروں پر مساجد بنانے کی ممانعت؛ جلد١ص٣٧٥؛ حدیث نمبر؛١٠٨٤)

حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم کی علالت کے دوران آپ کے پاس گفتگو ہوئی تو حضرت ام سلمہ اور حضرت ام حبیبہ رضی اللہ عنہا نے ایک گرجا کا ذکر کیا آگے حدیث نمبر ١٠٨٤ کی طرح ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٦؛حدیث نمبر١٠٨٥)

ایک دوسری سند کے ساتھ بھی حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم نے ایک گرجا کا ذکر کیا جو انہوں نے حبشہ میں دیکھا تھا اور اس کا نام ماریہ تھا(آگے حدیث نمبر ١٠٨٤ کی طرح ہے) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ،عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٦؛حدیث نمبر١٠٨٦)

حضرت عائشہ صدیقہ رضی اللہ عنہا سے مروی ہے۔فرماتی ہیں رسول اکرم صلی اللہ علیہ وسلم نے اپنی اس علالت میں جس سے آپ صحت یاب نہ ہوے۔فرمایا اللہ تعالیٰ یہودونصاری پر لعنت بھیجے۔انہوں نے اپنے انبیاء کرام کی قبروں کو مساجد بنا دیا۔آپ فرماتی ہیں اگر یہ ڈر نہ ہوتا تو آپ کی قبر شریف کو ظاہر رکھا جاتا لیکن یہ خوف ہوا کہ کہیں اسے بھی سجدہ گاہ نہ بنایا جائے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٦؛حدیث نمبر١٠٨٧)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا اللہ تعالیٰ یہودیوں کو ہلاک کردے۔انہوں نے اپنے انبیاء کرام کی قبروں کو مساجد بنادیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ،عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٦؛حدیث نمبر١٠٨٨)

ایک دوسری سند کے ساتھ بھی حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا اللہ تعالیٰ یہودونصاری پر لعنت فرماۓ۔انہوں نے اپنے انبیاء کرام کی قبروں کو مساجد بنا دیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٧؛حدیث نمبر١٠٨٩)

حضرت عائشہ اور حضرت عبد اللہ بن عباس رضی اللہ عنہم دونوں فرماتے ہیں جب نبی اکرم صلی اللہ علیہ وسلم کے وصال کا وقت ہوا تو آپ اپنی چادر مبارک کو چہرہ انور پر ڈالنے لگے جب گھبراہٹ ہوتی تو چہرہ انور سے چادر ہٹا دیتے۔آپ نے فرمایا اسی طرح سے یہودونصاری پر اللہ تعالیٰ کی لعنت ہو۔انہوں نے اپنے انبیاء کرام کی قبروں کو مساجد بنایا۔آپ ایسے عمل سے ڈرتے تھے جو ان لوگوں نے کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٧؛حدیث نمبر١٠٩٠)

حضرت جندب رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کے وصال سے پانچ دن پہلے سنا۔آپ فرماتے تھے میں اللہ تعالیٰ کے یہاں برأت کا اظہار کرتا ہوں کہ تم میں سےکوئی میرا خلیل ہو۔بیشک اللہ تعالیٰ نے مجھے اپنا خلیل بنایا جس طرح ابراہیم علیہ السلام کو خلیل بنایا اور میں اپنی امت میں سے کسی کواپنا خلیل بناتا تو حضرت ابوبکر صدیق رضی اللہ عنہ کو خلیل بناتا سنو!تم سے پہلے لوگ اپنے انبیاء کرام اور اپنے نیک لوگوں کی قبروں کو سجدہ گاہ بناتے تھے۔سنو!قبروں کو مساجد(سجدہ گاہ)نہ بناؤ میں تمہیں اس سے منع کرتا ہوں۔(قبروں کی طرف سجدہ کرنا منع ہے پہلی امتوں میں ایسا ہوتا تھا اسلئے حضور صلی اللہ علیہ وسلم نے اپنی امت کو منع کردیا۔قبر کے قریب مسجد بنانے میں کوئی حرج نہیں اس میں نماز پڑھنے سے قبروں کو سجدہ نہیں ہوتا اگر رخ قبر کی طرف ہو تب بھی حرج نہیں کیونکہ درمیان میں مسجد کی دیوار رکاوٹ ہوتی ہے۔(١٢ہزاروی) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ بِنَاءِ الْمَسَاجِدِ، عَلَى الْقُبُورِ وَاتِّخَاذِ الصُّوَرِ فِيهَا وَالنَّهْيِ عَنِ اتِّخَاذِ الْقُبُورِ مَسَاجِدَ؛جلد١ص٣٧٧؛حدیث نمبر١٠٩١)

حضرت عبید اللہ خولانی ذکر کرتے ہیں کہ جب حضرت عثمان غنی رضی اللہ عنہ کے مسجد نبوی بنانے کے بارے میں لوگ چہ میگوئیاں کرنے لگے تو انہوں نے فرمایا تم نے بہت لَے دے کی ہے لیکن میں نے رسول اکرم صلی اللہ علیہ وسلم سے سنا آپ نے فرمایا جو شخص اللہ کے لیے مسجد بناۓ۔حضرت بکیر کی روایت میں ہے کہ آپ نے فرمایا اس تعمیر سے رضائے الٰہی مقصود ہو تو اللہ تعالیٰ اس کے لئے جنت میں گھر بناۓ گا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ فَضْلِ بِنَاءِ الْمَسَاجِدِ وَالْحَثِّ عَلَيْهَا؛ترجمہ؛مسجد بنانے کی ترغیب اور فضیلت؛جلد١ص٣٧٨؛حدیث نمبر١٠٩٢)

حضرت محمود بن لبید فرماتے ہیں کہ حضرت عثمان بن عفان رضی اللہ عنہ نے مسجد شریف بنانے کا ارادہ فرمایا تو لوگوں نے اسے ناپسند کیا۔انہوں نے اس بات کو پسند کیا کہ مسجد نبوی کو اپنی اصل حالت پر چھوڑ دیا جائے تو حضرت عثمان غنی رضی اللہ عنہ نے فرمایا میں نے رسول اکرم صلی اللہ علیہ وسلم سے سنا۔آپ نے فرمایا جو شخص اللہ تعالیٰ کے لئے مسجد بناۓ اللہ تعالیٰ اس کے لئے اس کی مثل جنت میں(گھر)بناۓ گا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ فَضْلِ بِنَاءِ الْمَسَاجِدِ وَالْحَثِّ عَلَيْهَا؛جلد١ص٣٧٨؛حدیث نمبر١٠٩٣)

حضرت اسود اور حضرت علقمہ رضی اللہ عنہما سے مروی ہے۔فرماتے ہیں ہم دونوں حضرت عبد اللہ بن مسعود رضی اللہ عنہ کے گھر ان کی خدمت میں حاضر ہوئے تو انہوں نے فرمایا کیا ان لوگوں نے تمہارے پیچھے نماز پڑھ لی ہے؟ہم نے عرض کیا نہیں فرمایا اٹھو اور نماز پڑھو۔آپ نے ہمیں آذان واقامت کا حکم نہ دیا۔فرماتے ہیں ہم آپ کے پیچھے کھڑے ہونے لگے تو آپ نے ہمارے ہاتھ پکڑ کر ایک کو اپنے دائیں جانب اور دوسرے کو بائیں جانب کر دیا۔فرماتے ہیں جب رکوع کیا تو ہم نے اپنے ہاتھ گھٹنوں پر رکھ دئے تو انہوں نے ہمارے ہاتھوں پر مارا اور اپنی دونوں ہتھیلیوں کو ملا کر دونوں رانوں کے درمیان رکھ لیا۔جب نماز پڑھ چکے تو فرمایا عنقریب تم پر ایسے حکمران ہوں گے جونماز کو اس کے وقت سے مؤخر کریں گے اور وقت کو بہت تنگ کر دیں گے۔جب تم ان کو اس طرح کرتے دیکھو تو وقت پر نماز پڑھو اور ان کے ساتھ اپنی نمازوں کو نفل بنالو اور جب تین آدمی ہو تو نماز اکٹھے پڑھو اور جب اس سے زیادہ ہو تو تم میں سے ایک تمہارا امام بنے اور جب رکوع کرے تو اپنے بازوؤں کو رانوں پر بچھائے اور جھک جائے۔نیز دونوں ہاتھوں کو باہم ملاۓ۔آپ فرماتے ہیں نبی اکرم صلی اللہ علیہ وسلم کی مبارک انگلیوں کی کشادگی کا منظر اب بھی میرے سامنے ہے۔(جب امام کے ساتھ دو یا دو سے زیادہ مقتدی ہو تو وہ پیچھے کھڑے ہوتے ہیں یہ حضرت عبداللہ بن مسعود رضی اللہ عنہ کے تفردات میں سے ہے دیگر حضرات کے نزدیک ایسا نہیں اسی طرح تطبيق دونوں ہاتھوں کو ملا کر رانوں کے درمیان رکھنے والا عمل ان کے تفردات میں سے ہے ورنہ یہ حکم منسوخ ہوچکا ہے جیسا کہ حدیث نمبر ١٠٩٧ ہے علامہ غلام رسول سعیدی صاحب لکھتے ہیں جماعت کے لئے امام کے علاوہ تین آدمیوں کا ہونا اور گھر میں جماعت کے لئے آذان اور اقامت کا نہ ہونا بھی حضرت عبداللہ بن مسعود رضی اللہ عنہ کے تفردات میں سے ہے۔)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛ترجمہ؛رکوع میں گھٹنوں پر ہاتھ رکھنا مستحب ہے؛ جلد١ص٣٧٨؛حدیث نمبر١٠٩٤)

ایک اور سند کے ساتھ بھی حدیث نمبر ١٠٩٤ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٧٩؛حدیث نمبر ١٠٩٥)

حضرت علقمہ اور حضرت اسود رضی اللہ عنہماسے روایت ہے۔وہ دونوں حضرت عبد اللہ بن مسعود رضی اللہ عنہ کی خدمت میں حاضر ہوئے۔آپ نے فرمایا کیا یہ لوگ نماز پڑھ چکے ہیں؟جواب دیا جی ہاں تو آپ ان دونوں کے درمیان کھڑے ہوئے اور ہم میں سے ایک کو دائیں جانب اور دوسرے کو بائیں جانب کیا۔پھر ہم نے رکوع کیا اور ہم نے اپنے ہاتھوں کو گھٹنوں پر رکھا تو آپ نے ہمارے ہاتھوں پر ہاتھ مارا پھر دونوں ہتھیلیوں کو ملا کر رانوں کے درمیان رکھا۔جب نماز پڑھ چکے تو فرمایا رسول اکرم صلی اللہ علیہ وسلم نے اسی طرح کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٧٩؛حدیث نمبر ١٠٩٦)

حضرت مصعب بن سعد رضی اللہ عنہ سے مروی ہے۔فرماتے ہیں میں نے اپنے والد کے پہلو میں نماز پڑھی۔فرماتے ہیں میں نے اپنے ہاتھوں کو رانوں کے درمیان رکھا تو میرے والد نے مجھےفرمایا۔اپنی ہتھیلیوں کو اپنے گھنٹوں پر رکھو۔فرماتے ہیں میں نے دوبارہ اسی طرح کیا تو آپ نے میرے ہاتھوں پر(ہاتھ)مارا اور فرمایا ہمیں اس بات سے منع کیا گیا اور حکم دیا گیا کہ ہم ہتھیلیوں کو اپنے گھٹنوں پر رکھیں(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٨٠؛حدیث نمبر ١٠٩٧)

ایک دوسری سند کے ساتھ بھی حدیث نمبر ١٠٩٧ کی مثل مروی ہے۔البتہ آخر کے الفاظ نہیں ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٨٠؛حدیث نمبر ١٠٩٨)

حضرت مصعب بن سعد رضی اللہ عنہ سے مروی ہے۔فرماتے ہیں میں نے رکوع کیا تو میں نے ہاتھوں کو ملا کر رانوں کے درمیان رکھا میرے والد نے فرمایا ہم بھی اسی طرح کرتے تھے۔پھر گھٹنوں پر ہاتھ رکھنے کا حکم دیا گیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٨٠؛حدیث نمبر ١٠٩٩)

حضرت مصعب بن سعد رضی اللہ عنہ سے ہی مروی ہے۔فرماتے ہیں میں نے اپنے والد(حضرت سعد بن وقاص رضی اللہ عنہ) کے پہلو میں نماز پڑھی جب میں رکوع کرتا تو دونوں ہاتھوں کی انگلیوں کو ایک دوسرے میں ڈال کر رانوں کے درمیان رکھتا میرے والد نے میرے ہاتھ پر(ہاتھ)مارا جب نماز پڑھ چکے تو فرمایا ہم اسی طرح کرتے تھے پھر ہمیں حکم گھٹنوں پر ہاتھ رکھنے کا دیا گیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ النَّدْبِ إِلَى وَضْعِ الْأَيْدِي عَلَى الرُّكَبِ فِي الرُّكُوعِ وَنَسْخِ التَّطْبِيقِ؛جلد١ص٣٨٠؛حدیث نمبر ١١٠٠

حضرت طاؤس بیان کرتے ہیں کہ ہم نے حضرت ابن عباس رضی اللہ عنہ سے ایڑیوں پر بیٹھنے کے بارے میں پوچھا تو انہوں نے فرمایا یہ سنت ہے۔ہم نے کہا کہ ہمارے لئے اس میں مشقت ہے۔حضرت ابن عباس رضی اللہ عنہ نے فرمایا بلکہ یہ تمہارے نبی صلی اللہ علیہ وسلم کی سنت ہے۔(احناف کے نزدیک دو سجدوں کے درمیان اور قعدے میں بھی دایاں پاؤں کھڑا کرکے اور بائیں پاؤں کو بچھاکر بیٹھنا سنت ہے)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ الْإِقْعَاءِ عَلَى الْعَقِبَيْنِ؛ترجمہ؛نماز میں ایڑیوں پر بیٹھنا؛جلد١ص٣٨٠؛حدیث نمبر ١١٠١)

حضرت معاویہ بن حکم سلمی رضی اللہ عنہ سے مروی ہے۔فرماتے ہیں اس دوران کے میں نبی اکرم صلی اللہ علیہ وسلم کے ساتھ نماز پڑھ رہا تھا کہ لوگوں میں سے ایک شخص کو چھینک آئی۔میں نے"یرحکم اللہ"کہا تو لوگوں نے مجھے گھورنا شروع کردیا۔میں نے کہا کاش میری ماں مجھے نہ پاتی(مرچکا ہوتا)یہ لوگ مجھے اس طرح کیوں گھور رہے ہیں۔چنانچہ وہ اپنے ہاتھ اپنی رانوں پر مارنے لگے۔جب میں نے دیکھا کہ وہ مجھے خاموش کرانا چاہتے ہیں تو میں خاموش ہوگیا۔جب رسول اکرم صلی اللہ علیہ وسلم نماز پڑھ چکے اور میرے ماں باپ آپ پر قربان ہوں۔میں نے آپ سے پہلے اور بعد میں آپ جیسا معلم کوئی نہیں دیکھا۔اللہ کی قسم!آپ نے نہ تو مجھے جھڑکا نہ مارا اور نہ برا بھلا کہا۔پھر فرمایا اس میں لوگوں کے کلام سے کوئی بات مناسب نہیں۔یہ تو تسبیح،تکبیر قرآن مجید کی قرأت ہے یا جیسا آپ نے فرمایا میں نے عرض کیا یا رسول میں دور جاہلیت کے قریب ہوں اور اللہ تعالیٰ نے اسلام سے سرفراز فرمایا اور ہم میں سے کچھ لوگ نجومیوں کے پاس جاتے ہیں۔آپ نے فرمایا ان کے پاس نہ جایا کرو۔انہوں نے عرض کیا۔ہم میں سے کچھ لوگ بدفالی لیتے ہیں۔فرمایا یہ من گھڑت باتیں ہیں ان کے پاس نہ جانا۔فرماتے ہیں ہم میں سے کچھ لوگ رائچے بناتے ہیں۔فرماتے ہیں انبیاء کرام علیہم السلام میں سے ایک نبی رائچے بناتے تھے جس شخص کا عمل اس کے مطابق ہو وہ صحیح تھے۔حضرت معاویہ بن حکم فرماتے ہیں میرے یہاں ایک لونڈی تھی جو احد کی طرف میری بکریاں چراتی تھی۔ایک دن میں وہاں گیا تو(دیکھا کہ)ایک بھیڑیا ان بکریوں میں سے ایک بکری کو لے گیا اور میں بھی ایک انسان ہوں مجھے بھی دوسرے لوگوں کی طرح غصہ آتا ہے تو میں اسے تھپڑ ماردیا۔رسول اکرم صلی اللہ علیہ وسلم کی خدمت میں حاضر ہوا۔آپ نے میرے اس عمل کو بڑا جرم قرار دیا۔میں نے عرض کیا یا رسول اللہ کیا میں اس کو آزاد نہ کردوں۔آپ نے فرمایا اسے میرے پاس لاؤ۔پس میں نے آپکی خدمت میں اسے حاضر کردیا تو آپ نے اس سے پوچھا اللہ تعالیٰ کہاں ہے؟اس نے کہا آسمان میں۔فرمایا میں کون ہوں؟اس نے عرض کیا۔آپ اللہ تعالیٰ کے رسول ہیں۔نبی اکرم صلی اللہ علیہ وسلم نے فرمایا اس کو آزاد کر دو کیونکہ یہ ایمان والی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛ترجمہ؛نماز میں گفتگو کرنا حرام ہے؛جلد١ص٣٨١؛حدیث نمبر ١١٠٢) (اس حدیث پاک سے غیر مقلدین استدلال کرتے ہیں کہ اللہ عرش پر ہے جبکہ اس حدیث میں عرش کا لفظ نہیں آسمان کا لفظ ہے اب غیر مقلدین سے پوچھا جائے کہ آسمان و عرش دونوں ایک ہے کیا؟اگر ہاں تو آسمان و عرش کے ایک ہونے پر دلیل لاؤ اگر نہیں تو پھر مانو کے اللہ تعالیٰ کی طرف کسی جگہ کی نسبت صرف اور صرف تشریفی ہے جیسا کہ کہا جاتا ہے مسجد کے متعلق کہ مسجد بیت اللہ ہے یعنی اللہ کا گھر ہے جبکہ اللہ کا کوئی گھر نہیں کیوں کہ اللہ تعالیٰ گھر سے پاک ہے لیکن مسجد کو اللہ کا گھر کہا جاتا ہے تو اس جگہ عقیدہ درست یہ ہیکہ اللہ زمان و مکان سے پاک ہے کیونکہ اللہ زمان و مکان سے بھی پہلے ہے

ایک اور سند کے ساتھ بھی حدیث نمبر ١١٠٢ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٢؛حدیث نمبر ١١٠٣)

حضرت علقمہ،حضرت عبداللہ رضی اللہ عنہ سے روایت کرتے ہیں۔وہ فرماتے ہیں ہم رسول اکرم صلی اللہ علیہ وسلم کی خدمت میں سلام عرض کرتے ہیں اور آپ نماز پڑھ رہے ہوتے۔آپ ہمیں جواب دیتے جب ہم نجاشی بادشاہ کے پاس سے واپس آئے تو سلام عرض کیا لیکن آپ نے جواب نہ دیا۔ہم نے عرض کیا یا رسول!ہم نماز میں آپکی خدمت میں سلام عرض کرتے تھے تو آپ ہمیں جواب دیتے۔آپ نے فرمایا نماز میں مشغولیت ہونی چاہیے۔(مطلب یہ ہے کہ تمام توجہ نماز کی طرف ہو کسی دوسری طرف توجہ نہ ہو)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٢؛حدیث نمبر ١١٠٤)

ایک اور سند کے ساتھ بھی حدیث نمبر ١١٠٤ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٣؛حدیث نمبر ١١٠٥)

حضرت زید بن ارقم رضی اللہ عنہ سے مروی ہے۔فرماتے ہیں ہم نماز میں کلام کیا کرتے تھے۔نمازی اپنے پہلو میں کھڑے ساتھی سے گفتگو کرتا حتیٰ کہ آیت کریمہ نازل ہوئی۔{وَقُومُوا لِلَّهِ قَانِتِينَ} [البقرة: ٢٣٨](اور اللہ تعالیٰ کے لئے باادب کھڑے ہوجاؤ)تو ہمیں خاموش رہنے کا حکم دیا گیا اور گفتگو سے منع کر دیا گیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ،وَنَسْخِ مَا كَانَ مِنْ إِبَاحَتِهِ؛جلد١ص٣٨٣؛حدیث نمبر ١١٠٦)

ایک اور سند کے ساتھ بھی حدیث نمبر ١١٠٦ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٣؛حدیث نمبر ١١٠٧)

حضرت جابر بن عبداللہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے مجھے ایک کام کے لئے بھیجا پھر میں نے آپ کو سواری پر حالت نماز(نفل نماز)میں پایا۔میں نے سلام عرض کیا تو آپ نے مجھے اشارہ سے جواب دیا جب فراغت ہوئی تو مجھے بلایا اور فرمایا ابھی تم نے سلام کیا اور میں نماز پڑھ رہا تھا اس وقت آپ مشرق کی طرف متوجہ تھے۔(چونکہ سواری پر نفل نماز پڑھ رہے تھے اس لئے قبلہ رخ ہونا ضروری نہ تھا بلکہ سواری جدھر متوجہ ہو نیز نمازی کو سلام نہیں کرنا چاہیے اور اگر کوئی سلام کرے تو نماز کے اندر جواب نہ دیا جائے)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٣؛حدیث نمبر ١١٠٨)

ایک اور سند کے ساتھ حضرت جابر بن عبداللہ رضی اللہ عنہ سے مروی ہے۔فرماتے ہیں۔نبی اکرم صلی اللہ علیہ وسلم نے مجھے کسی کام کے لئے بھیجا اور آپ بنی مصطلق کی طرف جارہے تھے۔میں حاضر ہوا تو آپ اپنے اونٹ پر(نفل)نماز پڑھ رہے تھے میں نے آپ سے گفتگو کی۔آپ نے مجھے ہاتھ سے اشارہ کیا۔حضرت زہیر(راوی) نے ہاتھ سے اشارہ کر کے بتایا حضرت جابر فرماتے ہیں میں نے پھر گفتگو کی تو آپ نے مجھے ہاتھ سے اشارہ کیا۔حضرت جابر رضی اللہ عنہ فرماتے ہیں نبی اکرم صلی اللہ علیہ وسلم کی قرأت سن رہا تھا اور آپ سر سے اشارہ کر رہے تھے جب فارغ ہوئے تو فرمایا میں نے تمہیں جس کام کے لئے بھیجا تھا اس کا کیا ہوا(اور فرمایا)مجھے تمہارے ساتھ گفتگو سے صرف یہ رکاوٹ تھی کہ میں نماز پڑھ رہا تھا۔زہیر راوی فرماتے ہیں حضرت ابوالزبیر(راوی)قبلہ رخ تھے۔انہوں نے اشارے سے بتایا کہ بنو مصطلق قبلہ رخ نہیں تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٣؛حدیث نمبر ١١٠٩)

حضرت جابر رضی اللہ عنہ سے مروی ہے۔فرماتے ہیں ہم(ایک سفر میں)رسول اکرم صلی اللہ علیہ وسلم کے ہمراہ تھے تو آپ نے مجھے ایک کام کے لئے بھیجا میں واپس آیا تو آپ سواری پر نماز پڑھ رہے تھے اور آپ کا رخ قبلہ کی طرف نہیں تھا۔میں نے سلام کیا تو آپ نے مجھے جواب نہ دیا جب سلام پھیرا تو فرمایا مجھے تمہارے سلام کا جواب دینے میں صرف یہ بات مانع تھی کی میں نماز پڑھ رہا تھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٤؛حدیث نمبر ١١١٠)

ایک اور سند کے ساتھ بھی حدیث نمبر ١١١٠ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ تَحْرِيمِ الْكَلَامِ فِي الصَّلَاةِ، وَنَسْخِ مَا كَانَ مِنْ إِبَاحَتِهِ؛جلد١ص٣٨٤؛حدیث نمبر ١١١١)

حضرت ابن زیاد فرماتے ہیں میں نے حضرت ابوہریرہ رضی اللہ عنہ سے سنا وہ فرماتے ہیں رسول اکرم صلی اللہ علیہ وسلم نے فرمایا۔ایک سرکش جن مجھے دھوکہ دینے کی کوشش کی تاکہ میری نماز توڑ دے اور اللہ تعالیٰ نے اسے میرے قابو میں دے دیا اور میں نے اسے سخت دھکا دیا۔میں نے ارادہ کیا کہ اسے مسجد کے ستونوں میں سے کسی ستون میں باندھ دوں حتیٰ کہ صبح تک تم اس کو دیکھتے۔پھر مجھے اپنے بھائی حضرت سلیمان علیہ السلام کا یہ قول یاد آگیا:{رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي} [ص: ٣٥](اے میرےرب مجھے معاف کردے اور مجھے ایسی بادشاہی عطاء فرما جو میرے بعد کسی کے لیے نہ ہو)تو اللہ تعالیٰ نے شیطان کو ذلیل ورسوا کر کے واپس کردیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ لَعْنِ الشَّيْطَانِ فِي أَثْنَاءِ الصَّلَاةِ، وَالتَّعَوُّذِ مِنْهُ وَجَوَازِ الْعَمَلِ الْقَلِيلِ فِي الصَّلَاةِ؛ترجمہ؛نماز میں شیطان پر لعنت بھیجنا اور اس سے پناہ مانگنا نیز عمل قلیل کا حکم؛جلد١ص٣٨٤؛حدیث نمبر ١١١٢)

ایک دوسری سند کے ساتھ بھی حدیث نمبر ١١١٢ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ لَعْنِ الشَّيْطَانِ فِي أَثْنَاءِ الصَّلَاةِ، وَالتَّعَوُّذِ مِنْهُ وَجَوَازِ الْعَمَلِ الْقَلِيلِ فِي الصَّلَاةِ؛جلد١ص٣٨٤؛حدیث نمبر ١١١٣)

حضرت ابودرداء رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم کھڑے ہوئے تو ہم نے آپ سے سنا آپ یوں فرما رہے تھے میں تجھ سے اللہ تعالیٰ کی پناہ چاہتا ہوں۔پھر فرمایا میں تجھ پر اللہ تعالیٰ کی لعنت بھیجتا ہوں تین بار فرمایا اور آپ نے اپنے دست مبارک کو بڑھایا۔گویا آپ کسی چیز کو پکڑ رہے ہیں۔جب نماز سے فارغ ہوئے تو ہم نےعرض کیا یا رسول اللہ ہم نے آپ سے سنا آپ نماز میں کچھ فرما رہے تھے اس سے پہلے ہم نے اس طرح آپ کو فرماتے ہوئے نہیں سنا اور ہم نے یہ بھی دیکھا کہ آپ نے اپنے ہاتھ کو بڑھایا۔آپ نے فرمایا اللہ تعالیٰ کا دشمن ابلیس آگ کا ایک شعلہ لے کر آیا تاکہ اسے میرے چہرے پر مارے تو میں نے تین بار اللہ کی پناہ طلب کی۔پھر میں نے کہا میں تجھ پر اللہ تعالیٰ کی لعنت کرتا ہوں جو مکمل لعنت ہے۔وہ تینوں بار پیچھے نہ ہٹا پھر میں نے ارادہ کیا کہ اس کو پکڑ لوں۔اللہ کی قسم !اگر ہمارے بھائی حضرت سلیمان علیہ السلام کی دعا نہ ہوتی(جو پچھلی حدیث میں گزر چکی ہے)تو صبح وہ قید ہوتا اور مدینہ طیبہ کے بچے اس سے کھیلتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ لَعْنِ الشَّيْطَانِ فِي أَثْنَاءِ الصَّلَاةِ، وَالتَّعَوُّذِ مِنْهُ وَجَوَازِ الْعَمَلِ الْقَلِيلِ فِي الصَّلَاةِ؛جلد١ص٣٨٥؛حدیث نمبر ١١١٤)

حضرت ابوقتادہ رضی اللہ عنہ سے مروی ہے کہ رسول اللہ صلی اللہ علیہ وسلم نماز پڑھ رہے ہوتے اور آپ نے اپنی صاحبزادی حضرت زینب رضی اللہ عنہا کی صاحبزادی حضرت امامہ کو اٹھایا ہوتا۔(حضرت زینب کے خاوند حضرت ابوالعاص بن ربیع رضی اللہ عنہ تھے) جب آپ کھڑے ہوتے تو اس(بچی)کو اٹھا لیتے اور جب سجدہ کرتے تو نیچے رکھ دیتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ حَمْلَ الصِّبْيَانِ فِي الصَّلَاةِ؛ترجمہ؛نماز کو بچوں کو اٹھانا اور عمل قلیل سے نماز باطل نہیں ہوتی؛جلد١ص٣٨٥؛حدیث نمبر ١١١٥)

ایک دوسری سند کے ساتھ حضرت ابوقتادہ رضی اللہ عنہ سے مروی ہے۔فرماتے ہیں میں نے رسول اکرم صلی اللہ علیہ وسلم کو دیکھا آپ لوگوں کو نماز پڑھا رہے تھے اور امامہ بنت العاص جو نبی اکرم صلی اللہ علیہ وسلم کی صاحبزادی حضرت زینب رضی اللہ عنہا کی صاحبزادی تھیں کو کندھے پر اٹھایا ہوا تھا۔آپ جب رکوع کرتے تو اسے نیچے رکھ دیتے اور جب سجدے سے سر اٹھاتے تو اسے اٹھا لیتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ حَمْلَ الصِّبْيَانِ فِي الصَّلَاةِ؛جلد١ص٣٨٥؛حدیث نمبر ١١١٦)

ایک اور سند کے ساتھ حضرت ابوقتادہ رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کو دیکھا آپ صحابہ کرام کی امامت فرما رہے تھے اور حضرت امامہ بنت العاص رضی اللہ عنہ آپ کے کندھے پر تھیں جب سجدہ کرتے تو اسے نیچے رکھ دیتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ حَمْلَ الصِّبْيَانِ فِي الصَّلَاةِ؛جلد١ص٣٨٦؛حدیث نمبر ١١١٧)

حضرت عمرو بن سلیم زرقی سے مروی ہے۔انہوں نے حضرت ابوقتادہ رضی اللہ عنہ سے سنا۔فرماتے ہیں ہم مسجد میں بیٹھے ہوئے تھے کہ نبی اکرم صلی اللہ علیہ وسلم تشریف لائے اس کے بعد حدیث نمبر ١١١٧ کی طرح ہے البتہ اس میں امامت کا ذکر نہیں ہے۔(نماز میں عمل قلیل جائز ہے اور نبی کریم صلی اللہ علیہ وسلم کا یہ عمل بھی عمل قلیل تھا اس سے نماز نہیں ٹوٹتی عمل کثیر جس میں دونوں ہاتھوں کو چھوڑا جائے یا نماز کے کسی ایک رکن میں ایک ہاتھ سے تین مرتبہ حرکت ہو اس سے نماز ٹوٹ جاتی ہے۔١٢ہزاروی)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ حَمْلَ الصِّبْيَانِ فِي الصَّلَاةِ؛جلد١ص٣٨٦؛حدیث نمبر ١١١٨)

حضرت عبد العزيز بن ابی حازم اپنے والد سے روایت کرتے ہیں کہ کچھ لوگ حضرت سہل بن سعد رضی اللہ عنہ کے پاس حاضر ہوۓ اور وہ منبر شریف کے بارے میں اختلاف کر رہے تھے کہ وہ کس لکڑی سے بنا ہوا ہے تو انہوں نے فرمایا سنو!قسم بخدا مجھے معلوم ہے یہ کس لکڑی سے بنایا گیا ہےاور اسے کس نے بنایا ہے اور میں نے رسول اکرم صلی اللہ علیہ وسلم کو دیکھا جب آپ پہلے دن اس پر تشریف فرما ہوۓ۔ابو حازم فرماتے ہیں میں نے کہا اے ابو عباس!ہم سے بیان کیجئے۔فرمایا رسول اکرم صلی اللہ علیہ وسلم نے ایک عورت کو پیغام بھیجا۔ابو حازم کہتے ہیں انہوں نے(اس دن اس عورت کا نام بھی لیا تھا)تو آپ نے فرمایا کہ اپنے لڑکے سے کہو کہ وہ میرے لیے لکڑی کا منبر بنا دے تاکہ میں اس پر(کھڑا ہوکر)لوگوں سے گفتگو کر سکوں تو اس نے تین سیڑھیوں والا منبر بنایا پھر نبی اکرم صلی اللہ علیہ وسلم کے حکم سے اس کو اس جگہ رکھ دیا گیا اور یہ مقام غابہ کے جھاؤ سے بنایا گیا تھا۔میں نے دیکھا کہ نبی اکرم صلی اللہ علیہ وسلم اس پر کھڑے ہوۓاور تکبیر کہی۔صحابہ کرام نے بھی آپ کے پیچھے تکبیر اور آپ منبر پر ہی تھے۔پھر آپ الٹے پاؤں نیچے اتر آئے حتیٰ کہ منبر کے پاس سجدہ کیا۔پھر اوپر تشریف لے گئے۔حتیٰ کہ جب نماز سے فارغ ہوئے تو صحابہ کرام کی طرف متوجہ ہو کر فرمایا۔میں نے یہ عمل اس لئے کیا کہ تم میری اقتداء کرو اور مجھ سے نماز سیکھو۔(آپ نے تعلیم کے طور پر ایسا کیا اور چونکہ منبر پر سجدہ نہیں ہوسکتا تھا اس لئے سجدے کے لئے نیچے اترے اور یہ عمل کثیر چونکہ متفرق تھا اس لئے نماز ٹوٹنے کا باعث نہ ہوا(١٢ہزاروی)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ جَوَازِ الْخُطْوَةِ وَالْخُطْوَتَيْنِ فِي الصَّلَاةِ؛ترجمہ؛ضرورت کے تحت نماز میں ایک دو قدم چلنا نیز امام کا مقتدیوں سے بلند مقام پر کھڑا ہونا؛جلد١ص٣٨٦؛حدیث نمبر ١١١٩)

ایک اور سند کے ساتھ بھی حدیث نمبر١١١٩ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ الْخُطْوَةِ وَالْخُطْوَتَيْنِ فِي الصَّلَاةِ؛جلد١ص٣٨٧؛حدیث نمبر١١٢٠)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے اس بات سے منع فرمایا کہ کوئی شخص اپنی کوکھ پر ہاتھ رکھے ہوئے نماز پڑھے۔(چونکہ یہ یہودیوں کا طریقہ تھا اور حضور صلی اللہ علیہ وسلم ان کی مشابہت سے منع فرماتے تھے۔اس لئے آپ منع فرماۓ) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الْاخْتِصَارِ فِي الصَّلَاةِ؛ترجمہ؛نماز میں کوکھ پر ہاتھ رکھنا مکروہ ہے؛جلد١ص٣٨٧؛حدیث نمبر١١٢١)

حضرت ابوسلمہ،حضرت معیقیب رضی اللہ عنہ سے روایت کرتے ہیں۔وہ فرماتے ہیں نبی اکرم صلی اللہ علیہ وسلم نے سجدہ گاہ سے کنکڑیاں ہٹانے کے بارے میں فرمایا۔اگر ایسا کرنا ضروری ہو تو ایک بار کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ مَسْحِ الْحَصَى وَتَسْوِيَةِ التُّرَابِ فِي الصَّلَاةِ؛ترجمہ؛نماز میں کنکریوں کو برابر کرنا اور مٹی ہٹانا مکروہ ہے؛جلد١ص٣٨٧؛حدیث نمبر١١٢٢)

ایک دوسری سند کے ساتھ حضرت معیقیب رضی اللہ عنہ سے مروی ہے۔فرماتے ہیں صحابہ کرام نے نبی اکرم صلی اللہ علیہ وسلم سے نماز میں مٹی ہٹانے کے بارے میں پوچھا تو آپ نے فرمایا ایک بار ایسا کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاة؛بَابُ كَرَاهَةِ مَسْحِ الْحَصَى وَتَسْوِيَةِ التُّرَابِ فِي الصَّلَاةِ؛جلد١ص٣٨٨؛حدیث نمبر١١٢٣)

ایک اور سند کے ساتھ بھی حدیث نمبر١١٢٣ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاة؛بَابُ كَرَاهَةِ مَسْحِ الْحَصَى وَتَسْوِيَةِ التُّرَابِ فِي الصَّلَاةِ؛جلد١ص٣٨٨؛حدیث نمبر١١٢٤)

ایک اور سند کے ساتھ حضرت معیقیب رضی اللہ عنہ سے مروی ہے کہ رسول اکرم صلی اللہ علیہ وسلم نے اس شخص سے جو نماز میں سجدے کے وقت مٹی کو برابر کرتا ہے۔فرمایا اگر ایسا کرنا ضروری ہوتو ایک بار کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاة؛بَابُ كَرَاهَةِ مَسْحِ الْحَصَى وَتَسْوِيَةِ التُّرَابِ فِي الصَّلَاةِ؛جلد١ص٣٨٨؛حدیث نمبر١١٢٥)

حضرت عبد اللہ بن عمر رضی اللہ عنہ سے مروی ہے کہ نبی اکرم صلی اللہ علیہ وسلم نے قبلہ شریف کی دیوار میں تھوک دیکھا تو اسے کھرچ دیا پھر صحابہ کرام کی طرف متوجہ ہوکر فرمایا۔جب تم میں سے کوئی شخص نماز پڑھ رہا ہو تو سامنے کی طرف نہ تھوکے کیونکہ جب وہ نماز پڑھتا ہے تو اللہ تعالیٰ اس کے سامنے ہوتا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛ترجمہ؛مسجد میں تھوکنے کی ممانعت؛جلد١ص٣٨٨؛ حدیث نمبر١١٢٦)

متعدد اسناد ہے۔حضرت ابن عمر رضی اللہ عنہ سے مروی ہے۔وہ رسول اکرم صلی اللہ علیہ وسلم سے روایت کرتےہیں کہ آپ نے مسجد کے قبلہ کی طرف بلغم دیکھی۔آگے حدیث نمبر١١٢٦ کی مثل ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٨؛حدیث نمبر١١٢٧)

حضرت ابوسعید خدری رضی اللہ عنہ سے مروی ہے کہ نبی اکرم صلی اللہ علیہ وسلم نے مسجد کے قبلہ میں بلغم دیکھی تو اسے کنکری کے ساتھ کھرچ دیا۔پھر اس بات سے منع فرمایا کہ کوئی شخص اپنی دائیں جانب یا سامنے تھوکے بلکہ فرمایا کہ بائیں جانب یا قدموں کے نیچے تھوکے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛حدیث نمبر١١٢٨)

ایک اور سند کے ساتھ حضرت ابوہریرہ رضی اللہ عنہ اور حضرت ابوسعید خدری رضی اللہ عنہ سے حدیث نمبر ١١٢٨ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛حدیث نمبر١١٢٩)

حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم نے قبلہ شریف کی دیوار میں تھوک یا بلغم یا رینٹھ دیکھی تو اسے کھرچ دیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛ حدیث نمبر١١٣٠)

حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے مسجد کے قبلہ میں بلغم دیکھی تو لوگوں کی طرف متوجہ ہوکر فرمایا تم میں سے اس شخص کا کیا حال ہے جو اپنے رب کے سامنے کھڑا ہوتا ہے اور اپنے سامنے تھوکتا ہے جب تم میں سے کوئی ایک تھوکے تو اپنی بائیں جانب پاؤں کے نیچے تھوکے اگر ایسا نہ کر سکے تو یوں کرے قاسم راوی نے اپنے کپڑے میں تھوک کر بتایا پھر اس کو آپس میں مل لے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛حدیث نمبر١١٣١)

حضرت ابوہریرہ رضی اللہ عنہ سے بھی اس کی مثل مروی ہے اور وہ فرماتے ہیں-گویا میں دیکھ رہا ہوں کہ حضور نبی اکرم صلی اللہ علیہ وسلم اپنے کپڑے کو باہم مل رہے ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛ حدیث نمبر١١٣٢)

حضرت انس بن مالک رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جب تم میں سے کوئی ایک نماز میں ہو تو وہ اپنے رب سے مناجات کرتا ہے۔پس وہ اپنے سامنے اور دائیں جانب نہ تھوکے بلکہ اپنی بائیں جانب اور پاؤں کے نیچے تھوکے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٩٠؛حدیث نمبر١١٣٣)

حضرت انس بن مالک رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا مسجد میں تھوکنا گناہ ہے اور اس کا کفارہ اس کو دفن کرنا ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٩٠؛ حدیث نمبر١١٣٤)

ایک دوسری سند کے ساتھ بھی حضرت انس رضی اللہ عنہ سے حدیث نمبر ١١٣٤ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٩٠؛حدیث نمبر١١٣٥)

حضرت ابوذر رضی اللہ عنہ،نبی اکرم صلی اللہ علیہ وسلم سے روایت کرتےہیں۔آپ فرماتے ہیں مجھ پر میری امت کے اچھے اور برے اعمال پیش کئے گئے پس میں نے ان کے اچھے اعمال میں راستے سے اذیت ناک چیز کو ہٹانے کا عمل پایا اور ان کے برے اعمال میں وہ بلغم دیکھی جو مسجد میں ہو اور اس کو دور نہ کیاجائے(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٩٠؛ حدیث نمبر١١٣٦)

حضرت عبد اللہ بن شخير رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کے ہمراہ نماز پڑھی تو میں نے دیکھا کہ آپ نے تھوکنے کے بعد جوتے سے رگڑ دیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٩٠؛حدیث نمبر١١٣٧)

ایک اور سند کے ساتھ حضرت عبد اللہ بن شخّير سے مروی ہے کہ انہوں نے نبی اکرم صلی اللہ علیہ وسلم کے ساتھ نماز پڑھی تو آپ نے تھوکنے کے بعد اسے بائیں جانب سے جوتے سے مل دیا۔(چونکہ اس وقت مسجد میں پکا فرش نہ تھا اور نہ ہی دری وغیرہ تھی بلکہ نیچے ریت تھی اس لیے وہ اس میں جزب ہوگیا لیکن مسجد کے فرش یا دریوں قالینوں پر ایسا نہیں کر سکتے)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنِ الْبُصَاقِ فِي الْمَسْجِدِ فِي الصَّلَاةِ وَغَيْرِهَا؛جلد١ص٣٨٩؛ حدیث نمبر١١٣٨)

حضرت ابوسلمہ سعید بن یزید رضی اللہ عنہ فرماتے ہیں۔میں نے حضرت انس بن مالک رضی اللہ عنہ سے پوچھا کہ کیا رسول اللہ صلی اللہ علیہ وسلم نعلین پہنے ہوئے نماز پڑھتے تھے؟تو انہوں نے فرمایا ہاں۔(اگر جوتے صاف پاک ہوں تو ان میں نماز پڑھنے میں کوئی حرج نہیں ورنہ جوتے اتارکر نماز پڑھنا ہوگی۔) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ الصَّلَاةِ فِي النَّعْلَيْنِ؛ترجمہ؛جوتا پہنے ہوئے نماز پڑھنا؛جلد١ص٣٩١؛حدیث نمبر١١٣٩)

ایک دوسری سند کے ساتھ بھی حدیث نمبر ١١٣٩ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ جَوَازِ الصَّلَاةِ فِي النَّعْلَيْنِ؛جلد١ص٣٩١؛حدیث نمبر١١٤٠)

حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم نے ایسی چادر میں نماز پڑھی جس میں نقش ونگار تھے تو فرمایا اس کے نقش ونگار نے میری توجہ کو اپنی طرف کر لیا۔اسے حضرت ابوجہم بن حذیفہ رضی اللہ عنہ کے پاس لے جاؤ اور سادہ چادر لاؤ اور اس نے میری نماز سے توجہ ہٹا دیا۔(چونکہ یہ چادر حضرت ابوجہم نے آپ کو بطور ہدیہ پیش کی تھی اس لیے آپ نے وہ چادر واپس بھیج کر ان سے سادہ چادر منگوائی تاکہ ان کی دل شکنی بھی نہ ہو کہ میرا ہدیہ رد کردیا گیا۔) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛ترجمہ؛بیل بوٹوں والے کپڑوں میں نماز کی کراہت؛جلد١ص٣٩١؛حدیث نمبر١١٤١)

حضرت عائشہ صدیقہ رضی اللہ عنہا بیان کرتی ہیں کہ رسول اللہ صلی اللہ علیہ وسلم ایک نقش ونگار والی چادر اوڑھ کر نماز پڑھنے لگے۔نماز میں آپ کی نظر اس کے نقوش پر پڑی۔نماز سے فارغ ہونے کے بعد آپ نے فرمایا یہ چادر ابوجہم بن حذیفہ کے پاس لے جاؤ اور ان کی چادر مجھے لادو اس چادر نے میری توجہ میں خلل ڈال دیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩١؛حدیث نمبر١١٤٢)

حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم کے پاس ایک چادر تھی اس کی وجہ سے نماز میں آپ کی توجہ بٹ جاتی تھی تو آپ نے وہ چادر حضرت ابو جہم رضی اللہ عنہ کو دے دی اور ان کی سادہ چادر لے لی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٢؛حدیث نمبر١١٤٣)

حضرت انس بن مالک رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا جب کھانا حاضر ہو(اور بھوک لگی ہوئی ہے)اور نماز کھڑی ہوجاۓ تو پہلے کھانا کھاؤ۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ بِحَضْرَةِ الطَّعَامَ الَّذِي يُرِيدُ أَكْلَهُ فِي الْحَالِ وَكَرَاهَةِ الصَّلَاةِ مَعَ مُدَافَعَةِ الْأَخْبَثَيْنِ؛ترجمہ؛کھانے کی طلب اور پیشاب کی حاجت کے وقت نماز پڑھنا مکروہ ہے؛جلد١ص٣٩٢؛حدیث نمبر١١٤٤)

ایک دوسری سند کے ساتھ حضرت انس بن مالک رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا جب کھانا قریب کردیا گیا اور جماعت کھڑی ہونے والی ہوتو نماز مغرب سے پہلے کھانا کھاؤ اور کھانے سے پہلے نماز کی جلدی نہ کرو۔(یہ اس صورت میں ہے جب کھانے کی حاجت ہو تاکہ نماز میں توجہ کھانے کی طرف نہ رہے ورنہ پہلے نماز پڑھی جائے)مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ بِحَضْرَةِ الطَّعَامَ الَّذِي يُرِيدُ أَكْلَهُ فِي الْحَالِ وَكَرَاهَةِ الصَّلَاةِ مَعَ مُدَافَعَةِ الْأَخْبَثَيْنِ؛جلد١ص٣٩٢؛حدیث نمبر١١٤٥)

ایک اور سند کے ساتھ بھی حضرت انس رضی اللہ عنہ سے حدیث نمبر ١١٤٥ کی مثل مروی ہے۔((مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٢؛حدیث نمبر١١٤٦)

حضرت ابن عمر رضی اللہ عنہ سے مروی ہے رسول اکرم صلی اللہ علیہ وسلم نے فرمایا جب تم میں سے کسی ایک کے سامنے کھانا رکھا جائے پس نماز کھڑی ہوجائے تو پہلے کھانا کھاؤ اور جلدی نہ کرو۔حتیٰ کہ(کھانے سے)فارغ ہو جاؤ۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٢؛حدیث نمبر١١٤٧)

ایک اور سند کے ساتھ بھی حضرت ابن عمر رضی اللہ عنہ سے حدیث نمبر ١١٤٧ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٢؛حدیث نمبر١١٤٨)

حضرت ابن ابی عتیق فرماتے ہیں اور حضرت قاسم بن محمد حضرت عائشہ صدیقہ رضی اللہ عنہا کے پاس ایک حدیث بیان کرنے لگے اور حضرت قاسم(حضرت عائشہ صدیقہ رضی اللہ عنہا کے بھتیجے تھے)بہت باتونی تھے اور وہ ایک ام ولد کے بیٹے تھے۔حضرت عائشہ صدیقہ رضی اللہ عنہا نے فرمایا کیا وجہ ہے کہ تم میرے بھتیجے کی طرح باتیں نہیں کرتے۔میں جانتی ہوں تم کہاں سے آئے ہو اس کو اس کی ماں نے ادب سکھایا ہے اور تمہاری ماں نے تمہاری تربیت کی ہے۔راوی فرماتے ہیں۔اس پر حضرت قاسم کو غصہ آگیا اور ام المومنین سے اپنے رنج کا اظہار کیا۔جب دیکھا کہ حضرت عائشہ صدیقہ رضی اللہ عنہا کا دسترخوان آگیا ہے تو کھڑے ہو گئے۔ام المؤمنين نے پوچھا کہاں؟نماز پڑھتا ہوں۔فرمایا بیٹھو۔انہوں نے عرض کیا میں نے نماز پڑھنا ہے۔بے وفا بیٹھ جاؤ۔میں نے رسول اکرم صلی اللہ علیہ وسلم سے سنا۔آپ نے فرمایا کھانا حاضر ہو قضائے حاجت کی شدت ہوتو نماز پڑھنا درست نہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٣؛حدیث نمبر١١٤٩)

ایک دوسری سند کے ساتھ بھی حدیث نمبر ١١٤٩ کی مثل مروی ہے لیکن اس میں حضرت قاسم کا قصہ مذکور نہیں ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ كَرَاهَةِ الصَّلَاةِ فِي ثَوْبٍ لَهُ أَعْلَامٌ؛جلد١ص٣٩٣؛حدیث نمبر١١٥٠)

حضرت ابن عمر رضی اللہ عنہ سے مروی ہے کہ رسول اکرم صلی اللہ علیہ وسلم نے غزوہ خیبر کے موقع پر فرمایا جو شخص اس پودے یعنی لہسن سے کھاے وہ ہر گز مساجد میں نہ آئے۔حضرت زہیر کی روایت میں غزوہ کا ذکر ہے خیبر کا نہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛لہسن وغیرہ کھاکر مسجد میں جانا مکروہ ہے؛جلد١ص٣٩٣؛حدیث نمبر١١٥١)

حضرت ابن عمر رضی اللہ عنہ سے مروی ہے رسول اکرم صلی اللہ علیہ وسلم نے فرمایا جو آدمی اس سبزی سے کھاے وہ ہر گز ہماری مسجد کے قریب نہ آئے حتیٰ کہ اس کی بو چلی جائے اس سے لہسن مراد ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٤؛حدیث نمبر١١٥٢)

حضرت انس رضی اللہ عنہ سے لہسن کے بارے میں پوچھا گیا تو انہوں نے فرمایا رسول اکرم صلی اللہ علیہ وسلم کا ارشاد گرامی ہے کہ جو شخص اس پودے سے کھاے وہ ہر گز ہماری مسجد میں نہ آئے اور نہ ہمارے ساتھ نماز پڑھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٤؛حدیث نمبر١١٥٣)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جس نے اس پودے(لہسن)سے کھایا وہ ہماری مسجد کے قریب نہ آئے اور لہسن کی بو سے ہمیں تکلیف نہ پہنچائے(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٤؛حدیث نمبر١١٥٤)

حضرت جابر رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے پیاز اور گندم کھانے سے منع فرمایا۔پس ہم ضرورت سے مغلوب ہوکر اس سے کھایا تو آپ نے فرمایا جس نے ان بدبودار درختوں سے کھایا وہ ہماری مسجد کے قریب نہ آئے کیونکہ فرشتوں کو اس چیز سے اذیت پہنچتی ہے جس سے انسانوں کو تکلیف پہنچتی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٤؛حدیث نمبر١١٥٥)

حضرت جابر رضی اللہ عنہ سے مروی ہے۔نبی اکرم صلی اللہ علیہ وسلم نے فرمایا جو شخص لہسن یا پیاز کھاے تو وہ ہم سے دور رہے یا فرمایا ہماری مسجد سے دور رہے اور اپنے گھر میں بیٹھ جاے اور ایک ہنڈیا لائی گئی جس میں ساگ کی سبزیاں تھیں تو آپ نے بو محسوس کرتے ہوئے پوچھا۔آپ کو بتایا گیا کہ اس میں کونسی سبزیاں ہے تو آپ نے ایک صحابی کے قریب کرنے کا حکم دیا جب آپ نے دیکھا کہ وہ اسے کھانا پسند نہیں کرتا تو فرمایا کھاؤ میں اس ذات سے مناجات کرتا ہوں جس سے تم نہیں ڈرتے۔(معلوم ہوا کہ لہسن وغیرہ سالن میں پکا ہوا ہو تو اس کو کھاکر مسجد جانے میں کوئی حرج نہیں۔کیونکہ کچے لہسن والی صورت باقی نہیں رہتی لیکن نبی کریم صلی اللہ علیہ وسلم کے لیے بعض احکام مخصوص ہیں آپ نے خود فرمایا کہ میں اپنے رب سے مناجات کرتا ہوں لہذا میرے لئے اس طرح بھی کھانا مناسب نہیں)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٤؛حدیث نمبر١١٥٦)

حضرت جابر بن عبداللہ رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا جس نے اس سبزی یعنی لہسن سے کھایا کبھی فرمایا کہ پیاز،لہسن اور گندنا کھایا تو وہ ہماری مسجد کے قریب نہ آئے کیونکہ فرشتوں کو بھی اس چیز سے اذیت ہوتی ہے جس سے انسانوں کو اذیت پہنچتی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٥؛حدیث نمبر١١٥٧)

اسی سند کے ساتھ یوں مروی ہے کہ آپ صلی اللہ علیہ وسلم نے فرمایا جس نے اس درخت سے کھایا آپ کی مراد لہسن تھی تو وہ ہماری مسجد کو نہ ڈھائے(نہ آئے)اس میں پیاز اور گندنے کا ذکر نہیں کیا ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٥؛حدیث نمبر١١٥٨)

حضرت ابو سعید خدری رضی اللہ عنہ سے مروی ہے۔فرماتے ہیں ہم واپس نہیں ہوے تھے کہ خیبر کا قلعہ فتح ہوگیا۔ہمارے ساتھی جو بھوکے تھے ان سبزیوں لہسن اور پیاز پر ٹوٹ پڑے اور ہم نے اچھی طرح کھایا۔پھر ہم مسجد کی طرف گئے۔نبی اکرم صلی اللہ علیہ وسلم نے بومحسوس فرمائی تو فرمایا جس نے اس خبیث پودے سے کچھ کھایا ہے وہ ہماری مسجد کے قریب نہ آئے اس پر لوگوں نے کہا لہسن حرام ہوگیا ہے۔آپ تک یہ بات پہنچی تو فرمایا اے لوگو!میں اللہ کے حلال کئے ہوئے حرام نہیں کر سکتا لیکن یہ ایک درخت ہے جسے کھانا مجھے ناپسند ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٥؛حدیث نمبر١١٥٩)

حضرت ابوسعید خدری رضی اللہ عنہ سے مروی ہے کہ رسول اکرم صلی اللہ علیہ وسلم پیاز کی ایک کھیتی سے گزرے صحابہ کرام بھی ہمراہ تھے۔انہوں نے اتر کر اس سے کھانا شروع کیا اور کچھ حضرات نے نہ کھایا۔ہم آپ کی خدمت میں حاضر ہوئے تو آپ نے ان کو بلایا جنہوں نے پیاز نہیں کھایا تھا اور دوسروں کو اس وقت تک نہ بلایا جب تک اس کی بو نہ چلی گئی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٥؛حدیث نمبر١١٦٠)

حضرت معدان بن ابی طلحہ رضی اللہ عنہ سے مروی ہے کہ حضرت عمر بن خطاب رضی اللہ عنہ نے جمعہ کے دن خطبہ ارشاد فرمایا تو نبی اکرم صلی اللہ علیہ وسلم اور حضرت ابوبکر صدیق رضی اللہ عنہ کا ذکر کیا۔آپ نے فرمایا میں دیکھتا ہوں گویا ایک مرغ ہے جس نے مجھے تین بار چونچ ماری اور میرا خیال ہے کہ میری موت قریب آگئی ہے اور کچھ لوگ مجھے مشورہ دیتے ہیں کہ اپنا خلیفہ مقرر کروں اور اللہ تعالیٰ نبی اکرم صلی اللہ علیہ وسلم کے دین اور آپ کی خلافت کو ضائع نہیں کرےگا۔اگر میرا وصال جلدی ہوگیا تو ان چھ حضرات کے باہمی مشورہ سے ان میں سے کسی کو خلیفہ مقرر کر لینا جن سے رسول اکرم صلی اللہ علیہ وسلم زندگی بھر راضی رہے مجھے معلوم ہے کہ کچھ لوگ اس معاملے میں طعنہ زنی کریں جن سے میں نے اسلام کے حوالے سے جہاد کیا ہے۔اگر وہ ایسا کرے تو اللہ تعالیٰ کے دشمن،کافر گمراہ ہیں۔میں کلالہ سے اہم معاملہ چھوڑ کر نہیں جارہا۔میں نے نبی اکرم صلی اللہ علیہ وسلم سے جس قدر کلالہ کے بارے میں پوچھا اس قدر کسی دوسری بات کے بارے میں نہیں پوچھا اور نبی اکرم صلی اللہ علیہ وسلم نے اس مسئلہ میں جس قدر سختی فرمائی اتنی سختی کسی مسئلے کے بارے میں نہیں فرمائی حتیٰ کہ آپ نے اپنی انگلی میرے سینے میں مار کر فرمایا اے عمر!کیا تمہاری تسلی کے لئے سورہ نساء کی وہ آیت جو گرمیوں میں نازل ہوئی۔اگر میں زندہ رہا تو کلالہ کی ایسی تفسیر کر کے جاؤں کہ اس کے بارے میں وہ بھی فیصلہ کرے گا جو قرآن پڑھتا ہے اور وہ بھی جو قرآن نہیں پڑھتا۔پھر فرمایا یااللہ!میں تجھے گواہ کر کے کہتا ہوں کہ میں نے شہروں میں حکمران اس لئے مقرر کئے ہیں تاکہ وہ ان سے انصاف کریں ان کو انکا دین اور نبی کی سنت سکھائیں ان میں مال غنیمت تقسیم کریں اور جو مسئلہ ان کو مشکل معلوم ہو اس کے لئے مجھ سے رجوع کریں۔پھر اے لوگو!تم دو پودوں سے کھاتے ہو حالانکہ میں ان کو خبیث سمجھتا ہوں یہ پیاز اور لہسن ہے میں نے نبی اکرم صلی اللہ علیہ وسلم کو دیکھا کہ جب آپ مسجد میں کسی شخص سے یہ بو محسوس کرتے تو آپ اس کو بقیع کی طرف نکالنے کا حکم دیتے۔پس جو شخص ان کو کھاے تو پکانے کے ذریعے ان کی بو کو ختم کردے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٦؛حدیث نمبر١١٦١)

ایک اور سند کے ساتھ بھی حدیث نمبر ١١٦١ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ نَهْيِ مَنْ أَكَلِ ثُومًا أَوْ بَصَلًا أَوْ كُرَّاثًا أَوْ نَحْوَهَا؛جلد١ص٣٩٧؛حدیث نمبر١١٦٢)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جو آدمی کسی شخص سے سنے کہ وہ مسجد میں گمشدہ چیز کا اعلان کرتا ہے تو وہ کہے اللہ تعالیٰ تیری طرف نہ لوٹائے مساجد ان کاموں کے لئے نہیں بنائی گئی ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ نَشْدِ الضَّالَّةِ فِي الْمَسْجِدِ وَمَا يَقُولُهُ مَنْ سَمِعَ النَّاشِدَ؛ترجمہ؛مسجد میں گمشدہ چیز کا اعلان؛جلد١ص٣٩٧؛حدیث نمبر ١١٦٣)

ایک دوسری سند کے ساتھ بھی حدیث نمبر١١٦٣ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ نَشْدِ الضَّالَّةِ فِي الْمَسْجِدِ وَمَا يَقُولُهُ مَنْ سَمِعَ النَّاشِدَ؛جلد١ص٣٩٧؛حدیث نمبر ١١٦٤)

حضرت سلیمان بن یزید رضی اللہ عنہ اپنے باپ سے روایت کرتےہیں کہ ایک شخص نے مسجد میں گمشدہ چیز کا اعلان کرتے ہوئے کہا سرخ اونٹ کون لے گیا ہے۔نبی اکرم صلی اللہ علیہ وسلم نے فرمایا تجھے نہ ملے مساجد صرف انہی کاموں کے لئے ہیں جن کے لئے بنائی گئی ہیں۔((مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ نَشْدِ الضَّالَّةِ فِي الْمَسْجِدِ وَمَا يَقُولُهُ مَنْ سَمِعَ النَّاشِدَ؛جلد١ص٣٩٧؛حدیث نمبر ١١٦٥)

ایک اور سند کے ساتھ بھی حضرت بریدہ رضی اللہ عنہ سے مروی ہے کہ نبی اکرم صلی اللہ علیہ وسلم جب نماز پڑھ چکے تو ایک شخص کھڑا ہوا اور اس نے کہا میرا سرخ اونٹ کون لاکر دے گا تو حضور صلی اللہ علیہ وسلم نے فرمایا تو نہ پائے مساجد ان مقاصد کے لیے بنائی گئی ہے جن کے لئے بنائی گئی۔(مطلب یہ ہے کہ مساجد تو عبادت اور ذکر الٰہی کے لئے بنائی گئیں گمشدہ چیزوں کے لئے نہیں بنائی گئیں ہیں)۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ نَشْدِ الضَّالَّةِ فِي الْمَسْجِدِ وَمَا يَقُولُهُ مَنْ سَمِعَ النَّاشِدَ؛جلد١ص٣٩٧؛حدیث نمبر ١١٦٦)

حضرت بریدہ رضی اللہ عنہ سے مروی ہے کہ رسول اللہ صلی اللہ علیہ وسلم فجر کی نماز پڑھا چکے تو ایک دیہاتی آیا اور اس نے اپنا سر مسجد کے اندر کیا اس کے بعد پہلی دو حدیثوں کی مثل ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ النَّهْيِ عَنْ نَشْدِ الضَّالَّةِ فِي الْمَسْجِدِ وَمَا يَقُولُهُ مَنْ سَمِعَ النَّاشِدَ؛جلد١ص٣٩٨؛حدیث نمبر ١١٦٧)

حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا تم میں سے کوئی ایک جب نماز پڑھنے کے لیے کھڑا ہوتا ہے تو شیطان آکر اس کو شبہے میں ڈال دیتا ہے حتیٰ کہ اسے معلوم نہیں ہوتا کہ اس نے کتنی رکعات پڑھی ہےتو جب تم سے کوئی ایک ایسا پائے تو بیٹھے بیٹھے دو سجدے کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛ترجمہ؛سجدہ سہو کا بیان؛جلد١ص٣٩٨؛حدیث نمبر١١٦٨)

ایک اور سند کے ساتھ بھی حدیث نمبر ١١٦٨ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٨؛حدیث نمبر١١٦٩)

حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا جب آذان دی جاتی ہے تو شیطان ہوا خارج کرتا ہوا پیٹھ پھیر کر بھاگ جاتا ہے حتیٰ کہ وہ آذان نہیں سنتا جب اذان مکمل ہو جاتی ہے تو وہ آجاتا ہے جب تکبیر کہی جاتی ہے تو پیٹھ پھیر کر بھاگ جاتا ہے۔جب تکبیر ختم ہوتی ہے تو آجاتا ہے حتیٰ کہ آدمی کے دل میں وسوسے ڈالتا ہے اور کہتا ہے کہ فلاں فلاں بات یاد کرو وہ باتیں جو اسے یاد نہیں ہوتیں(یاد دلاتا ہے)حتیٰ کہ آدمی کی حالت یہ ہوجاتی ہے کہ اسے یہ بھی معلوم نہیں ہوتا کہ اس نے کتنی رکعات پڑھی ہیں جب اسے یاد نہ رہے کہ کتنی رکعات پڑھی ہیں تو بیٹھے بیٹھے دو سجدے کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٨؛حدیث نمبر١١٧٠)

حضرت ابوہریرہ رضی اللہ عنہ سے مروی ہے رسول اکرم صلی اللہ علیہ وسلم نے فرمایا جب نماز کے لئے تکبیر کہی جاتی ہے تو شیطان پیٹھ پھیر کر بھاگ جاتا ہے اور اس کی ہوا خارج ہوتی رہتی ہے۔اس کے بعد حدیث نمبر ١١٧٠ کی مثل بیان کیا اس میں اضافہ ہے کہ اس کے دل میں خواہشات اور تمنائیں پیدا کرتا ہے اور وہ حاجات یاد دلاتا ہے جو اسے پہلے یاد نہ ہو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٩؛حدیث نمبر١١٧١)

حضرت عبداللہ بن بحینہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے کسی نماز میں ہمیں دورکعتیں پڑھائیں پھر کھڑے ہوئے اور قعدہ نہ کیا۔صحابہ کرام بھی آپ کے ساتھ کھڑے ہو گئے جب آپ نے نماز مکمل کی اور ہم نے آپ کے سلام پھیرنے کو دیکھا تو آپ نے تکبیر کہ کر بیٹھے بیٹھے سلام سے پہلے دو سجدے کئے (پھر)سلام پھیرا۔(احناف کے نزدیک دائیں طرف سلام پھیرنے کے بعد سہو کے دو سجدے کیے جاتے)۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٩؛حدیث نمبر١١٧٢)

حضرت عبداللہ بن بحینہ رضی اللہ عنہ جو بنو عبدالمطلب کے حلیف تھے۔روایت کرتےہیں کہ رسول اکرم صلی اللہ علیہ وسلم ظہر کی نماز میں کھڑے ہوگئے حالانکہ آپ پر قعدہ لازم تھا۔جب نماز کو مکمل کیا تو آپ نے دو سجدے کئے آپ بیٹھے بیٹھے ہر سجدے کے لئے تکبیر کہتے اور یہ سلام سے پہلے تھا۔صحابہ کرام نے بھی دو سجدے کئے۔یہ سجدے اس قعدے کی جگہ پر تھے جو بھول گئے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٩؛حدیث نمبر١١٧٣)

حضرت عبد اللہ بن مالک ابن بحینہ ازدی رضی اللہ عنہ سے مروی ہے کہ رسول اکرم صلی اللہ علیہ وسلم ان دو رکعتوں میں جن کے آخر میں قعدہ فرمانا چاہتے تھے کھڑے ہوگئے اور آپ نے نماز کو جاری رکھا۔جب نماز کے آخر میں پہنچے تو سلام سے پہلے آپ نے سجدہ کیا پھر سلام پھیرا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٣٩٩؛حدیث نمبر١١٧٤)

حضرت ابوسعید خدری رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جب تم میں سے کوئی کسی ایک کو اپنی نماز میں شک ہو اور اسے معلوم نہ ہو کہ کتنی رکعات پڑھی ہیں تین یاچار؟تو وہ شک کو چھوڑدے اور یقین پر بنیاد رکھے پھر سلام پھیرنے سے پہلے دو سجدے کرے۔اگر پانچ رکعات پڑھی ہے تو یہ چھ رکعات بن جائیں گی اور اگر(فی الواقع)چار رکعت پڑھی ہیں تو یہ دو رکعتیں شیطان کی ذلت ورسوائی کا باعث ہوں گی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٠؛حدیث نمبر١١٧٥)

ایک اور سند کے ساتھ بھی حدیث نمبر ١١٧٥ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٠؛حدیث نمبر١١٧٦)

حضرت علقمہ رضی اللہ عنہ سے مروی ہے۔فرماتے ہیں حضرت عبداللہ رضی اللہ عنہ نے فرمایا کہ نبی اکرم صلی اللہ علیہ وسلم نے نماز پڑھائی۔ابراهيم راوی کہتے ہیں۔اس میں اضافہ ہوا یا کمی جب سلام پھیرا تو عرض کیا گیا یا رسول اللہ!کیا نماز میں کوئی نئی بات ہوئی ہے؟آپ نے فرمایا وہ کیا؟آپ نے اتنی رکعات نماز پڑھائی ہے۔راوی فرماتے ہیں آپ نے پاؤں مبارک کو دہرا کیا اور قبلہ رخ ہوکر دو سجدے کئے۔پھر سلام پھیرا اس کے بعد ہماری طرف متوجہ ہوکر فرمایا۔اگر نماز میں کوئی نئی بات ہوتی تو میں تمہیں اس کے بارے میں بتا دیتا۔میں بھی انسان ہوں بھولتا ہوں جس طرح تم بھولتے ہو پس جب میں بھول جاؤں تو مجھے بتا دیا کرو اور جب تم میں سے کسی ایک کو نماز میں شک ہو تو وہ درست بات کے بارے میں غور وخوض کرے اور نماز کو مکمل کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٠؛حدیث نمبر١١٧٧)

ایک اور سند کے ساتھ بھی حدیث نمبر ١١٧٧ کی مثل مروی ہے اور اس میں یہ ہے کہ درست بات کو دیکھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٠؛حدیث نمبر١١٧٨)

ایک اور سند کے ساتھ بھی حدیث نمبر ١١٧٨ کی مثل مروی ہے البتہ اس میں درست بات پر غور کرے کے الفاظ ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٧٩)

ایک اور سند کے ساتھ بھی حدیث نمبر ١١٧٥ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨٠)

ایک اور سند کے ساتھ بھی حدیث نمبر ١١٧٥ کی مثل مروی ہے اور اس میں منصور راوی نے فرمایا کہ درست بات کے قریب جانے کے لئے غور کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨١)

ایک اور سند کے ساتھ بھی حدیث نمبر ١١٧٥ کی مثل مروی ہےاور اس میں ہے کہ جسے درست سمجھتا ہے اس کے بارے میں سوچ بچار کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨٢)

ایک اور سند کے ساتھ بھی حدیث نمبر ١١٧٥ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨٣)

حضرت علقمہ رضی اللہ عنہ حضرت عبد اللہ رضی اللہ عنہ سے روایت کرتے ہیں کہ نبی اکرم صلی اللہ علیہ وسلم نے ظہر کی نماز پانچ رکعات پڑھائی جب سلام پھیرا تو پوچھا گیا کیا نماز میں اضافہ ہو گیا ہے۔آپ نے فرمایا کیا ہوا صحابہ کرام نے عرض کیا آپ نے پانچ رکعات پڑھائی ہیں تو آپ نے دو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨٤)

حضرت ابراہیم بن سوید فرماتے ہیں حضرت علقمہ رضی اللہ عنہ نے ہمیں ظہر کی نماز پانچ رکعات پڑھائی۔جب سلام پھیرا تو لوگوں نے کہا اے ابو شبل!آپ نے پانچ رکعات پڑھائی ہیں۔انہوں نے فرمایا ہر گز نہیں میں نے ایسا نہیں کیا۔حاضرین نے کہا جی ہاں ایساکیا ہے اور میں لوگوں کے ایک کنارے پر تھا اور ابھی بچہ تھا۔میں نے کہا جی ہاں آپ نے پانچ رکعات پڑھائی ہے۔انہوں نے فرمایا اے کانے!تم بھی یہی بات کہتے ہو! میں نے کہا جی ہاں تو انہوں نے منہ پھیرا اور دو سجدے کئے پھر سلام پھیرا اور فرمایا حضرت عبداللہ رضی اللہ عنہ فرماتے ہیں۔رسول اکرم صلی اللہ علیہ وسلم نے ہمیں پانچ رکعات نماز پڑھائی۔جب سلام پھیرا تو قوم میں تشویش پائی فرمایا تمہیں کیا ہوا ہے؟عرض کیا یا رسول اللہ!کیا نماز میں اضافہ ہوگیا ہے۔آپ نے فرمایا نہیں آپ نے پانچ رکعات پڑھائی ہیں تو آپ نے رخ تبدیل کیا ہے پھر دو سجدے کئے اور سلام پھیرنے کے بعد فرمایا میں بھی انسان ہوں بھول جاتا ہوں جس طرح تم بھولتے ہو۔ ابن نمیر(راوی) نے اپنی حدیث میں یہ اضافہ کیا کہ جب تم میں سے کوئی ایک بھول جاۓتو دو سجدے کرے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠١؛حدیث نمبر١١٨٥)

حضرت عبد اللہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے ہمیں پانچ رکعات پڑھائی تو ہم نے عرض کیا یا رسول اللہ!کیا نماز میں اضافہ ہوگیا ہے۔آپ نے پوچھا کیا ہوا؟انہوں نے عرض کیا آپ نے پانچ رکعات پڑھائی ہیں۔آپ نے فرمایا میں بھی تمہاری طرح انسان ہوں مجھے یاد رہتا ہے جس طرح تمہیں یاد رہتا ہے اور میں بھول جاتا ہوں جس طرح تم بھول جاتے ہو۔پھر آپ نے سہو کے دو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٢؛حدیث نمبر١١٨٦)

حضرت علقمہ،حضرت عبداللہ رضی اللہ عنہ سے روایت کرتے ہیں۔وہ فرماتے ہیں رسول اکرم صلی اللہ علیہ وسلم نے نماز پڑھائی تو نماز میں اضافہ کیا یا کمی کی۔ابراہیم(راوی)کہتے ہیں مجھے وہم ہوا(کہ اضافہ کا ذکر ہے یا کمی کا)عرض کیا گیا یا رسول اللہ!کیا نماز میں کسی چیز کا اضافہ ہو گیا ہے۔آپ نے فرمایا میں بھی تمہاری طرح انسان ہوں میں بھی بھولتا ہوں جس طرح تم بھولتے ہو پس جب تم میں سے کوئی ایک بھولے تو اسے چاہیے کہ بیٹھے بیٹھے دو سجدے کرے پھر نبی اکرم صلی اللہ علیہ وسلم قبلہ رخ ہوئے اور آپ نےدو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٢؛حدیث نمبر١١٨٧)

حضرت علقمہ،حضرت عبداللہ رضی اللہ عنہ سے روایت کرتے ہیں کہ نبی اکرم صلی اللہ علیہ وسلم نے سلام وکلام کے بعد سہو کے دو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٢؛حدیث نمبر١١٨٨)

حضرت سلیمان بن ابراہیم، حضرت علقمہ سے وہ حضرت عبداللہ سے روایت کرتےہیں کہ ہم نے رسول اکرم صلی اللہ علیہ وسلم کے پیچھے نماز پڑھی تو آپ نے کچھ اضافہ کیا یا(راوی کو شک ہے)کمی ہوئی ابراہیم راوی کہتے ہیں اللہ کی قسم یہ شک میری طرف سے ہے۔فرماتے ہیں ہم نے عرض کیا یا رسول اللہ!کیا نماز میں کوئی نئی بات ہو گئی ہے۔آپ نے فرمایا نہیں ہم نے آپ کے عمل کے بارے میں عرض کیا تو آپ نے فرمایا جب کسی کی نماز میں اضافہ یا کمی ہو جائے تو وہ دو سجدے کرے۔راوی فرماتے ہیں پھر آپ نے دو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٣؛حدیث نمبر١١٨٩)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم دو عشاؤں میں سے ایک یعنی ظہر یا عصر کی نماز پڑھائی(عرب والے زوال شمس اور غروب آفتاب کے درمیان وقت کو"العشی" کہتے ہیں اس لئے ظہر اور عصر کے لئے صلوۃ العشی فرمایا) تو دو رکعتوں پر سلام پھیرا پھر مسجد کے قبلہ کی جانب ایک شہیتر کی طرف تشریف لائے اور غصے کی حالت میں اس سے ٹیک لگائی۔لوگوں میں حضرت ابوبکر صدیق اور حضرت عمر فاروق رضی اللہ عنہما بھی تھے انہیں گفتگو کرتے ہوئے خوف محسوس ہوا اور جلدی جانے والے لوگ چلے گئے اور وہ کہ رہے تھے۔نماز میں کمی ہوگئی۔حضرت ذوالیدین رضی اللہ عنہ کھڑے ہوئے اور عرض کیا یا رسول اللہ کیا نماز کم ہوگئی یا آپ بھول گئے تو نبی اکرم صلی اللہ علیہ وسلم نے دائیں بائیں جانب دیکھا اور فرمایا ذوالیدین کیا کہتے ہیں۔سب نے کہا وہ ٹھیک کہ رہے ہیں آپ نے صرف دو رکعتیں پڑھائی ہے تو آپ نے مزید دورکعتیں پڑھ کر سلام پھیرا پھر تکبیر کہی پھر سجدہ کیا پھر تکبیر کہی اور سر اٹھا کر تکبیر کہی اور سجدہ کیا پھر تکبیر کہی(اللہ اکبر کہا)اور سر اٹھایا۔ راوی کہتے ہیں مجھے حضرت عمران بن حصین رضی اللہ عنہ سے خبر ملی ہے۔انہوں نے فرمایا کہ آپ نے سلام پھیرا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٣؛حدیث نمبر١١٩٠)

ایک اور سند کے ساتھ بھی حدیث نمبر ١١٩٠ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٣؛حدیث نمبر١١٩١)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے ہمیں عصر کی نماز پڑھائی تو دو رکعتوں پر سلام پھیرا۔حضرت ذوالیدین نے کھڑے ہوکر عرض کیا۔یا رسول اللہ کیا نماز کم ہوگئی ہے یا آپ بھول گئے ہیں آپ نے فرمایا کچھ بھی نہیں ہوا۔انہوں نے عرض کیا یا رسول اللہ!کچھ نہ کچھ تو ہوا ہے۔چنانچہ نبی اکرم صلی اللہ علیہ صحابہ کرام کی طرف متوجہ ہوئے اور فرمایا کیا ذوالیدین صحیح کہتے ہیں؟انہوں نے عرض کیا جی ہاں یا رسول اللہ!پس آپ باقی نماز کو مکمل کر کے بیٹھے بیٹھے دو سجدے کئے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٤؛حدیث نمبر١١٩٢)

حضرت ابوہریرہ رضی اللہ عنہ سے مروی ہے۔رسول اکرم صلی اللہ علیہ وسلم نے ظہر کی نماز دورکعتیں پڑھی پھر سلام پھیرا تو بنو سلیم کا ایک شخص آیا اور اس نے عرض کیا یا رسول اللہ!کیا نماز کم ہوگئی ہے یا آپ بھول گئے ہیں۔آگے حدیث نمبر١١٩٢ کی مثل ذکر کی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٤؛حدیث نمبر١١٩٣)

حضرت ابوہریرہ رضی اللہ عنہ سے مروی ہے۔فرماتے ہیں میں نبی اکرم صلی اللہ علیہ وسلم کے ساتھ ظہر کی نماز پڑھ رہا تھا تو نبی اکرم صلی اللہ علیہ وسلم نے دو رکعتوں پر سلام پھیرا بنو سلیم کا ایک آدمی اٹھا۔آگے حدیث نمبر١١٩٢ کی مثل ذکر کی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٤؛حدیث نمبر١١٩٤)

حضرت عمران بن حصین رضی اللہ عنہ سے مروی ہے کہ رسول اللہ صلی اللہ علیہ وسلم نے عصر کی نماز میں تین رکعات پڑھیں پھر گھر تشریف لے گئے تو ایک شخص جن کو خرباق رضی اللہ عنہ کہا جاتا تھا اور ان کے ہاتھ کچھ لمبے تھے۔اٹھ کر حاضر خدمت ہوئے اور عرض کیا یا رسول!اس کے بعد واقعہ بتایا اور نبی اکرم صلی اللہ علیہ وسلم غصے کی حالت میں چادر مبارک کھینچتے ہوئے نکلے حتیٰ کہ صحابہ کرام کے پاس تشریف لائے اور پوچھا کیا یہ(حضرت خرباق)صحیح کہ رہے ہیں؟صحابہ کرام نے عرض کیا جی ہاں پس آپ نے ایک رکعت پڑھی پھر دو سجدے کر کے سلام پھیرا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٥؛حدیث نمبر١١٩٥)

حضرت عمران بن حصین رضی اللہ عنہ سے بھی مروی ہے۔فرماتے ہیں نبی اکرم صلی اللہ علیہ وسلم نے عصر کی نماز میں تین رکعات کے بعد سلام پھیرا۔پھر کھڑے ہوئے اور حجرہ مبارک میں داخل ہوگئے ایک شخص جن کے ہاتھ لمبے تھے کھڑے ہوئے اور عرض کیا یا رسول اللہ!نماز کم ہوگئی ہے؟تو آپ غصے کی حالت میں تشریف لائے اور ایک رکعت جو رہ گئی تھی پڑھ کر سلام پھیرا پھر سہو کے دو سجدے کئے اور اس کے بعد پھر سلام پھیرا۔(حضرت امام ابو حنیفہ علیہ الرحمہ اور آپ کے اصحاب اور امام ثوری علیہ الرحمۃ کے نزدیک کلام بھول کر بھی ہو تو نماز ٹوٹ جاتی ہے اور یہ واقعہ(اور اس کا حکم) منسوخ ہوچکا ہے ہے۔دوسرے حضرات کے نزدیک نماز نہیں ٹوٹتی(ہزاروی)۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّهْوِ فِي الصَّلَاةِ وَالسُّجُودِ لَهُ؛جلد١ص٤٠٥؛حدیث نمبر١١٩٦)

حضرت ابن عمر رضی اللہ عنہ سے مروی ہے کہ نبی اکرم صلی اللہ علیہ وسلم قرآن مجید پڑھتے تو وہ سورت جس میں سجدہ ہے۔پڑھنے کے بعد سجدہ کرتے اور ہم بھی آپ کے ساتھ سجدہ کرتے حتیٰ کہ ہم میں سے بعض کو پیشانی رکھنے کی جگہ بھی نہیں ملتی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛ترجمہ؛سجدہ تلاوت؛؛جلد١ص٤٠٥؛حدیث نمبر١١٩٧)

ایک دوسری سند کے ساتھ حضرت ابن عمر رضی اللہ عنہ سے مروی ہے۔فرماتے ہیں بعض اوقات نبی اکرم صلی اللہ علیہ وسلم قرآن مجید کی تلاوت کرتے ہوئے آیت سجدہ سے گزرتے تو ہمارے ساتھ سجدہ فرماتے حتیٰ کہ آپ کے پاس ہماری وجہ سے بھیڑ ہو جاتی ہے۔یہاں تک کہ ہم میں سے بھی بعض کو سجدہ کرنے کے لئے جگہ نہ ملتی اور ہم نماز کے باہر ہوتے۔(یعنی نماز کے علاوہ قرآت ہوتی تو سب مل کر سجدہ کرتے)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛ترجمہ؛سجدہ تلاوت؛؛جلد١ص٤٠٥؛حدیث نمبر١١٩٨)

حضرت عبداللہ بن مسعود رضی اللہ عنہ سے مروی ہے وہ حضور صلی اللہ علیہ وسلم سے روایت کرتےہیں کہ آپ نے سورہ النجم پڑھی تواس میں سجدہ کیا اور جو لوگ آپ کے ساتھ تھے انہوں نے بھی سجدہ کیا لیکن ایک بوڑھے شخص نے کنکریوں یا مٹی کی ایک مٹھی اٹھا کر اپنی پیشانی سے لگائی اور کہا کہ مجھے یہی کافی ہے۔حضرت عبداللہ بن مسعود رضی اللہ عنہ فرماتے ہیں۔میں نے بعد میں اس کو دیکھا کہ وہ کافر ہو کر مرا۔(نبی اکرم صلی اللہ علیہ وسلم کے حکم کو معمولی سمجھنے کی وجہ سے وہ شخص گستاخی کا مرتکب ہوگااور برے انجام کو پہنچا)۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٥؛حدیث نمبر١١٩٩)

حضرت عطاء بن یسار رضی اللہ عنہ فرماتے ہیں کہ انہوں نے حضرت زید بن ثابت رضی اللہ عنہ سے امام کے ساتھ قرأت کے بارے میں پوچھا تو انہوں نے فرمایا امام کی موجودگی میں کوئی قرأت نہیں اور انہوں نے فرمایا کہ انہوں نے نبی اکرم صلی اللہ علیہ وسلم کے سامنے سورہ"والنجم اذا ھوی"پڑھی تو سجدہ نہیں کیا۔(احناف کے نزدیک سورۃ نجم میں سجدہ ہے اور حدیث نمبر ١٢٠٠ میں ہے کہ نبی کریم صلی اللہ علیہ وسلم اور صحابہ کرام نے سجدہ نہیں کیا۔ممکن ہے اس وقت نہ کیا ہو جب تلاوت فرمائی چونکہ یہ حدیث دوسری حدیث کے خلاف ہے اس لیے تطبیق کی یہی صورت ہے اس حدیث سے یہ بات بھی ثابت ہوتی ہے کہ امام کے ساتھ مقتدی قرآت نہیں کرے گا چاہے امام بلند آواز سے قرآت کرے یا آہستہ آواز سے۔(١٢ہزاروی)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٦؛حدیث نمبر١٢٠٠)

حضرت سلمہ بن عبد الرحمن فرماتے ہیں کہ حضرت ابوہریرہ رضی اللہ عنہ نے ان کے لئے"اذا السماء انشقت"(سورۃ) پڑھی تو سجدہ کیا جب سلام پھیرا تو ان کو بتایاکہ اس میں رسول اکرم صلی اللہ علیہ وسلم نے سجدہ کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٦؛حدیث نمبر١٢٠١)

ایک اور سند کے ساتھ حضرت ابوہریرہ رضی اللہ عنہ سے حدیث نمبر ١٢٠١ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ سُجُودٍ التِّلَاوَةِ؛جلد١ص٤٠٦؛حدیث نمبر١٢٠٢)

حضرت ابوہریرہ رضی اللہ عنہ سے مروی ہے۔فرماتے ہیں ہم نے نبی اکرم صلی اللہ علیہ وسلم کے ہمراہ"اذا السماء انشقت" اور اقرأ باسم ربک"میں سجدہ کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٦؛حدیث نمبر١٢٠٣)

حضرت ابوہریرہ رضی اللہ عنہ سے مروی ہے۔انہوں نے فرمایا نبی اکرم صلی اللہ علیہ وسلم نے"اذاالسماء انشقت"اور اقرأءباسم ربک"میں سجدہ کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٦؛حدیث نمبر١٢٠٤)

ایک اور سند کے ساتھ حضرت ابوہریرہ رضی اللہ عنہ سے حدیث نمبر١٢٠٤ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٧؛حدیث نمبر١٢٠٥)

حضرت ابورافع فرماتے ہیں میں نے حضرت ابوہریرہ رضی اللہ عنہ کے ساتھ عشاء کی نماز پڑھی تو انہوں نے"اذاالسماء انشقت" پڑھی اور سجدہ کیا میں نے پوچھا یہ کیسا سجدہ ہے؟فرمایا میں نے یہ سجدہ ابوالقاسم کے پیچھے نماز پڑھتے ہوئے کیا تو میں اس میں ہمیشہ سجدہ کروں گا حتیٰ کہ میں حضور صلی اللہ علیہ وسلم سے ملاقات کروں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٧؛حدیث نمبر١٢٠٦)

متعدد اسناد کے ساتھ حدیث نمبر١٢٠٦ کی مثل مروی ہے لیکن یہ بات مذکور نہیں کہ ابوالقاسم کے پیچھے نماز پڑھی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٧؛حدیث نمبر١٢٠٧)

حضرت ابورافع رضی اللہ عنہ سے مروی ہے۔فرماتے ہیں میں نے حضرت ابوہریرہ رضی اللہ عنہ کو دیکھا آپ"اذاالسماء انشقت"میں سجدہ کرتے تھے۔میں نے پوچھا آپ سجدہ کرتے ہیں؟فرمایا ہاں میں نے اپنے خلیل کو اس میں سجدہ کرتے ہوئے دیکھا ہے۔پس میں ہمیشہ سجدہ کروں گا حتیٰ کہ نبی اکرم صلی اللہ علیہ وسلم سے جا ملوں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ سُجُودٍ التِّلَاوَةِ؛جلد١ص٤٠٧؛حدیث نمبر١٢٠٨)

حضرت عبد اللہ بن زبیر رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم جب نماز میں بیٹھتے تو بائیں پاؤں کو ران اور پنڈلی کے درمیان کرتے اور دائیں پاؤں کو بچھاتے۔بایاں ہاتھ ران پراور دایاں ہاتھ دائیں ران پر رکھتے اور انگلی سے اشارہ کرتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛ترجمہ؛نماز میں بیٹھنے کا طریقہ؛جلد١ص٤٠٨؛حدیث نمبر١٢٠٩)

حضرت عبداللہ بن زبیر رضی اللہ عنہ اپنے والد سے روایت کرتے ہیں۔وہ فرماتے ہیں رسول اکرم صلی اللہ علیہ وسلم جب قعدہ فرماتے تو دائیں ہاتھ کو دائیں ران پر رکھتے اور بائیں ہاتھ کو بائیں ران پر رکھتے اور شہادت والی انگلی سے اشارہ کرتے۔انگوٹھے کو درمیان والی انگلی پر رکھتے اور بائیں ہتھیلی کو گھٹنے پر رکھتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛جلد١ص٤٠٨؛حدیث نمبر١٢١٠)

حضرت ابن عمر رضی اللہ عنہ سے مروی ہے۔نبی اکرم صلی اللہ علیہ وسلم جب نماز میں قعدہ کرتے تو اپنے ہاتھوں کو گھٹنوں اور دائیں ہاتھ کی اس انگلی کو اٹھاتے جو انگوٹھے سے ملی ہوئی ہے اور اس سے اشارہ کرتے اور دائیں ہاتھ کو دائیں ران پر رکھتے اور اسے کشادہ کرتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛جلد١ص٤٠٨؛حدیث نمبر١٢١١)

حضرت ابن عمر رضی اللہ عنہ سے مروی ہے کہ رسول اکرم صلی اللہ علیہ وسلم جب تشھد کے لئے بیٹھتے تو بائیں ہاتھ کو بائیں ران پر رکھتے اور پچاس(کے ہند سے)کی گرہ بناتے ہوئے شہادت والی انگلی سے اشارہ کرتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛جلد١ص٤٠٨؛حدیث نمبر١٢١٢)

حضرت علی بن عبدالرحمن معاوی فرماتے ہیں۔حضرت عبداللہ بن عمر رضی اللہ عنہ نے مجھے دیکھا کہ میں نماز میں کنکریوں سے کھیل رہا تھا۔جب نماز سے فارغ ہوا تو انہوں نے مجھے منع فرمایا اور ارشاد فرمایا۔اس طرح کرو جس طرح رسول اکرم صلی اللہ علیہ وسلم کرتے تھے۔میں نے پوچھا نبی اکرم صلی اللہ علیہ وسلم کیسے کرتے تھے۔فرمایا جب نماز میں بیٹھتے تو دائیں ہتھیلی کو دائیں ران پر رکھتے اور تمام انگلیوں کو بند کرتے اور انگوٹھے سے ملی ہوئی انگلی سے اشارہ کرتے اور بائیں ہتھیلی کو بائیں ران پر رکھتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛جلد١ص٤٠٨؛حدیث نمبر١٢١٣)

ایک اور سند کے ساتھ بھی حدیث نمبر ١٢١٣ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ صِفَةِ الْجُلُوسِ فِي الصَّلَاةِ، وَكَيْفِيَّةِ وَضْعِ الْيَدَيْنِ عَلَى الْفَخْذَيْنِ؛جلد١ص٤٠٩؛حدیث نمبر١٢١۴)

حضرت ابو معمر سے مروی ہے کہ مکہ مکرمہ کا امیر دو سلام پھیرتا تھا تو حضرت عبد اللہ نے پوچھا اس نے یہ طریقہ کہاں سے لیا ہے؟حکم اپنی حدیث میں لکھتے ہیں کہ رسول اکرم صلی اللہ علیہ وسلم اس طرح کرتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّلَامِ لِلتَّحْلِيلِ مِنَ الصَّلَاةِ عِنْدَ فَرَاغِهَا وَكَيْفِيَّتِهِ؛ترجمہ؛نماز سے فراغت پر سلام پھیرنا؛جلد١ص٤٠٩؛حدیث نمبر١٢١٥)

ایک اور سند کے ساتھ بھی حدیث نمبر ١٢١٥ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّلَامِ لِلتَّحْلِيلِ مِنَ الصَّلَاةِ عِنْدَ فَرَاغِهَا وَكَيْفِيَّتِهِ؛جلد١ص٤٠٩؛حدیث نمبر١٢١٦)

حضرت سعد رضی اللہ عنہ سے مروی ہے۔فرماتے ہیں میں رسول اکرم صلی اللہ علیہ وسلم کو دیکھتا تھا آپ دائیں اور بائیں طرف سلام پھیرتے تو آپ کے رخسار مبارک نظر آتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ السَّلَامِ لِلتَّحْلِيلِ مِنَ الصَّلَاةِ عِنْدَ فَرَاغِهَا وَكَيْفِيَّتِهِ؛جلد١ص٤٠٩؛حدیث نمبر١٢١٧)

حضرت ابن عباس رضی اللہ عنہ سے مروی ہے۔فرماتے ہیں ہمیں نبی اکرم صلی اللہ علیہ وسلم کی نماز کے اختتام کا علم تکبیر(اللہ اکبر)کے ذریعے ہوتا تھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ الذِّكْرِ بَعْدَ الصَّلَاةِ؛ترجمہ؛نماز کے بعد ذکر؛جلد١ص٤١٠؛حدیث نمبر١٢١٨)

حضرت ابن عباس رضی اللہ عنہ سے ہی مروی ہے۔فرماتے ہیں ہمیں رسول اکرم صلی اللہ علیہ وسلم کی نماز ختم ہونے کا علم تکبیر کے ذریعے ہوتا تھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ الذِّكْرِ بَعْدَ الصَّلَاةِ؛جلد١ص٤١٠؛حدیث نمبر١٢١٩)

حضرت ابن عباس رضی اللہ عنہ کے آزاد کردہ غلام ابوسعید نے انہیں بتایا کہ حضرت ابن عباس رضی اللہ عنہ نے انہیں خبر دی کہ نبی اکرم صلی اللہ علیہ وسلم کے زمانے میں فرض نماز کے بعد بلند آواز سے ذکر کیا جاتا تھا اور حضرت ابن عباس فرماتے ہیں مجھے اس بات سے پتہ چلتا تھا کہ نماز پڑھ چکے ہیں جب میں(ذکر)سنتا تھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ الذِّكْرِ بَعْدَ الصَّلَاةِ؛جلد١ص٤١٠؛حدیث نمبر١٢٢٠)

حضرت عائشہ صدیقہ رضی اللہ عنہا سے مروی ہے۔فرماتی ہیں نبی اکرم صلی اللہ علیہ وسلم میرے پاس تشریف لائے اور میرے پاس ایک یہودی عورت تھی اور وہ کہ رہی تھی کیا آپ کو معلوم ہے کہ قبر میں تم لوگوں کی آزمائش ہوگی۔ام المؤمنين فرماتی ہیں نبی اکرم صلی اللہ علیہ وسلم گھبرا گئے اور آپ نے فرمایا آزمائش صرف یہودیوں کی ہوگی۔حضرت عائشہ رضی اللہ عنہا فرماتی ہیں کچھ راتیں گزرنے کے بعد نبی اکرم صلی اللہ علیہ وسلم نے مجھ سے فرمایا کیا تم جانتی ہو کہ مجھ پر وحی آئی ہے کہ تم لوگ قبر میں آزمائش میں ڈالے جاؤ گے۔حضرت عائشہ صدیقہ رضی اللہ عنہا فرماتی ہیں اس کے بعد میں نے سنا کہ نبی اکرم صلی اللہ علیہ وسلم عذاب قبر سے پناہ مانگا کرتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ التَّعَوُّذِ مِنْ عَذَابِ الْقَبْرِ ؛ترجمہ؛عذاب قبر سے پناہ مانگنا؛جلد١ص٤١٠؛حدیث نمبر١٢٢١)

حضرت ابوہریرہ رضی اللہ عنہ سے مروی ہے۔فرماتے ہیں میں نے اس کے بعد رسول اکرم صلی اللہ علیہ وسلم سے سنا کہ آپ عذاب قبر سے پناہ مانگتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ التَّعَوُّذِ مِنْ عَذَابِ الْقَبْرِ؛جلد١ص٤١١؛حدیث نمبر١٢٢٢)

حضرت عائشہ صدیقہ رضی اللہ عنہا سے مروی ہے کہ یہودیوں میں سے دو بوڑھی عورتیں آئیں اور انہوں نے کہا کہ قبر والوں کو ان کی قبروں میں عذاب دیا جاتا ہے۔ام المؤمنين فرماتی ہیں۔میں نے ان دونوں کو جھٹلایا اور ان کی تصدیق کرنا مجھے اچھا نہ لگا۔وہ دونوں چلی گئیں پھر حضور صلی اللہ علیہ وسلم تشریف لائے۔میں نے عرض کیا یا رسول اللہ یہ دو بوڑھی عورتیں یہودی عورتوں میں سے ہیں۔یہ میرے پاس آئیں اور ان کا خیال ہے کہ اہل قبور کو قبر میں عذاب ہوتا ہے۔آپ نے فرمایا ان دونوں نے سچ کہا ان کو عذاب ہوتا ہے جسے چوپائے سنتے ہیں۔ام المؤمنين فرماتی ہیں۔پھر میں نے کبھی بھی آپکو نماز میں نہیں دیکھا مگر آپ عذاب قبر سے پناہ مانگتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ التَّعَوُّذِ مِنْ عَذَابِ الْقَبْرِ؛جلد١ص٤١١؛حدیث نمبر١٢٢٣)

ایک اور سند کے ساتھ بھی یہ حدیث مروی ہے اور اس میں ہے ام المؤمنين فرماتی ہیں اس کے بعد حضور صلی اللہ علیہ وسلم نے جو نماز بھی پڑھی میں نے آپ سے سنا کہ آپ عذاب قبر سے پناہ مانگتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ التَّعَوُّذِ مِنْ عَذَابِ الْقَبْرِ؛جلد١ص٤١١؛حدیث نمبر١٢٢٤)

حضرت عائشہ صدیقہ رضی اللہ عنہا سے مروی ہے۔فرماتی ہیں میں نے نبی اکرم صلی اللہ علیہ وسلم سے سنا آپ نماز میں دجال کے فتنہ سے پناہ مانگتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ ؛جلد١ص٤١١؛حدیث نمبر١٢٢٥)

حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا۔جب تم میں سے کوئی ایک تشھد پڑھے تو چار چیزوں سے اللہ تعالیٰ کی پناہ مانگے۔وہ یوں کہے۔:اللهُمَّ إِنِّي أَعُوذُ بِكَ مِنْ عَذَابِ جَهَنَّمَ، وَمِنْ عَذَابِ الْقَبْرِ، وَمِنْ فِتْنَةِ الْمَحْيَا وَالْمَمَاتِ، وَمِنْ شَرِّ فِتْنَةِ الْمَسِيحِ الدَّجَّالِ "(یااللہ!میں عذاب جہنم سے،عذاب قبر سے،زندگی اور موت کے فتنے سے اور مسیح دجال کے فتنے کے شر سے تیری پناہ چاہتا ہوں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٢؛حدیث نمبر١٢٢٦)

حضرت عروہ بن زبیر رضی اللہ عنہ فرماتے ہیں کہ نبی اکرم صلی اللہ علیہ وسلم کی زوجہ حضرت عائشہ صدیقہ رضی اللہ عنہا نے ان کو بتایا کہ نبی اکرم صلی اللہ علیہ وسلم نماز میں یوں دعا مانگتے تھے۔«اللهُمَّ اِنّی وَأَعُوذُ بِكَ مِنْ فِتْنَةِ الْمَسِيحِ الدَّجَّالِ، وَأَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللهُمَّ إِنِّي أَعُوذُ بِكَ مِنَ الْمَأْثَمِ وَالْمَغْرَمِ»(یااللہ! میں عذاب قبر سے اور مسیح دجال کے فتنہ سے تیری پناہ چاہتا ہوں۔میں زندگی اور موت کے فتنہ سے تیری پناہ طلب کرتا ہوں۔یا اللہ!میں گناہ اور قرض سے تیری پناہ چاہتا ہوں۔) کسی نے عرض کیا یا رسول اللہ!آپ قرض سے اکثر پناہ طلب کرتے ہیں۔آپ نے فرمایا آدمی جب مقروض ہوتا ہے تو بات کرتے ہوئے جھوٹ بولتا ہے اور وعدہ کرے تو پورا نہیں کرتا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٢؛حدیث نمبر١٢٢٧)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جب تم میں سے کوئی ایک آخری تشھد سے فارغ ہو تو چار چیزوں سے پناہ مانگے،عذاب جہنم سے، عذاب قبر سے، زندگی اور موت کے فتنہ سے اور مسیح دجال کے شر سے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٢؛حدیث نمبر١٢٢٨)

حکم بن موسی علی بن خشرم نے اپنی اپنی سندوں کے ساتھ روایت کیا۔اس حدیث میں یوں ہے کہ جب تم میں سے کوئی تشھد سے فارغ ہو آخر کا ذکر نہیں ہے۔آگے حدیث نمبر١٢٢٨ کی مثل ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٢؛حدیث نمبر١٢٢٩)

حضرت ابوہریرہ رضی اللہ عنہ سے مروی ہے۔نبی اکرم صلی اللہ علیہ وسلم نے یوں پناہ طلب کی۔«اللهُمَّ إِنِّي أَعُوذُ بِكَ مِنْ عَذَابِ الْقَبْرِ، وَعَذَابِ النَّارِ، وَفِتْنَةِ الْمَحْيَا وَالْمَمَاتِ، وَشَرِّ الْمَسِيحِ الدَّجَّالِ»۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٣؛حدیث نمبر١٢٣٠)

حضرت ابوہریرہ رضی اللہ عنہ سے ہی مروی ہے کہ رسول اکرم صلی اللہ علیہ وسلم نے فرمایا۔اللہ تعالی کے عذاب سے اللہ کی پناہ مانگو، عذاب قبر سے اللہ تعالیٰ کی پناہ طلب کرو، مسیح دجال کے فتنہ سے اللہ تعالیٰ کی پناہ مانگو اور زندگی وموت کے فتنے سےاللہ تعالیٰ کی پناہ طلب کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٣؛حدیث نمبر١٢٣١)

ایک اور سند کے ساتھ بھی حضرت ابوہریرہ رضی اللہ عنہ سے حدیث نمبر١٢٣١ کی مثل ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٣؛حدیث نمبر١٢٣٢)

ایک اور سند کے ساتھ بھی حضرت ابوہریرہ رضی اللہ عنہ سے حدیث نمبر ١٢٣١ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ؛جلد١ص٤١٣؛حدیث نمبر١٢٣٣)

ایک اور سند کے ساتھ حضرت ابوہریرہ رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتےہیں کہ آپ عذاب قبر،عذاب جہنم اور دجال کے فتنے سے پناہ طلب کرتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ جلد١ص٤١٣؛حدیث نمبر١٢٣٤)

حضرت ابن عباس رضی اللہ عنہ سے مروی ہے کہ رسول اکرم صلی اللہ علیہ وسلم انہیں یہ دعا اس طرح سکھاتے تھے جس طرح ان کو قرآن پاک کی کوئی سورت سکھاتے اور وہ اس طرح ہے۔ «اللهُمَّ إِنَّا نَعُوذُ بِكَ مِنْ عَذَابِ جَهَنَّمَ، وَأَعُوذُ بِكَ مِنْ عَذَابِ الْقَبْرِ، وَأَعُوذُ بِكَ مِنْ فِتْنَةِ الْمَسِيحِ الدَّجَّالِ، وَأَعُوذُ بِكَ مِنْ فِتْنَةِ الْمَحْيَا وَالْمَمَاتِ» امام مسلم فرماتے ہیں مجھے یہ بات پہونچی ہے کہ حضرت طاؤس(راوی)نے اپنے بیٹے سے پوچھا کیا تم نے نماز میں یہ دعا مانگی ہے۔اس نے کہا نہیں تو انہوں نے فرمایا دوبارہ نماز پڑھو۔کیونکہ حضرت طاؤس نے یہ حدیث تین یا چار صحابہ کرام سے روایت کی یا جس طرح فرمایا۔(نبی اکرم صلی اللہ علیہ وسلم تمام گناہوں سے پاک اور فتنوں سے محفوظ تھے آپ نے تعلیم امت کے لئے دعائیں مانگیں اور استغفار کیا)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُسْتَعَاذُ مِنْهُ فِي الصَّلَاةِ جلد١ص٤١٣؛حدیث نمبر١٢٣٥)

حضرت ثوبان رضی اللہ عنہ فرماتے ہیں رسول اکرم صلی اللہ علیہ وسلم نماز سے سلام پھیرتے تو تین مرتبہ"استغفر اللہ"پڑھتے اور پھر"«اللهُمَّ أَنْتَ السَّلَامُ وَمِنْكَ السَّلَامُ، تَبَارَكْتَ ذَا الْجَلَالِ وَالْإِكْرَامِ»(یااللہ!تو سلامتی (دینے)والا ہے اور تیری ہی طرف سے سلامتی ہے۔اے بزرگی اور اکرام والے تو برکت والا ہے۔ولید(راوی) نے کہا میں نے حضرت اوزاعی سے پوچھا استغفار کس طرح ہے؟تو انہوں نے فرمایا یوں کہے"استغفر اللہ استغفر اللہ" (میں اللہ سے بخشش کا طالب ہوں)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛ترجمہ؛نماز کے بعد ذکر کا استحباب اور طریقہ؛جلد١ص٤١٤؛حدیث نمبر١٢٣٦)

حضرت عائشہ صدیقہ رضی اللہ عنہا سے مروی ہے۔فرماتی ہیں نبی اکرم صلی اللہ علیہ وسلم سلام پھیرنے کے بعد صرف اتنی دیر بیٹھتے جتنے وقت میں «اللهُمَّ أَنْتَ السَّلَامُ وَمِنْكَ السَّلَامُ، تَبَارَكْتَ ذَا الْجَلَالِ وَالْإِكْرَامِ»(ترجمہ گزر چکا ہے) ابن نمیر کی روایت میں "یاذاالجلال والاکرام" ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٤؛حدیث نمبر١٢٣٧)

ایک اور سند کے ساتھ بھی حدیث نمبر ١٢٣٧ کی مثل مروی ہے۔البتہ اس میں"یاذاالجلال والاکرام" ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٤؛حدیث نمبر١٢٣٨)

ایک اور سند کے ساتھ بھی حدیث نمبر ١٢٣٧ کی مثل مروی ہے۔البتہ اس میں"یاذاالجلال والاکرام" ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٤؛حدیث نمبر١٢٣٩)

حضرت مغیرہ بن شعبہ رضی اللہ عنہ کے آزاد کردہ غلام حضرت وَرّاد،حضرت مغیرہ بن شعبہ رضی اللہ عنہ سے روایت کرتے ہیں کہ انہوں نے حضرت معاویہ رضی اللہ عنہ کو لکھا کہ رسول اکرم صلی اللہ علیہ وسلم نماز سے فارغ ہونے کے بعد یہ کلمات پڑھتے تھے۔«لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، اللهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ» اللہ تعالیٰ کے سوا کوئی معبود نہیں وہ ایک ہے اس کا کوئی شریک نہیں اسی کی بادشاہی ہے اور وہ لائق حمد ہے اور وہ ہر چیز پر قادر ہے یا اللہ!جو کچھ تو عطاء کرے اسے کوئی روکنے والا نہیں اور جو کچھ تو روک دے اسے کوئی عطاء نہیں کر سکتا اور کسی مالدار کو اس کی مالداری تیری طرف سے نفع نہیں دے سکتی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٤؛حدیث نمبر١٢٤٠)

ایک اور سند کے ساتھ حضرت مغیرہ رضی اللہ عنہ سے حدیث نمبر ١٢٤٠ کی مثل مروی ہے۔حضرت وارد فرماتے ہیں۔حضرت مغیرہ رضی اللہ عنہ مجھے لکھواتے رہے اور میں نے حضرت معاویہ رضی اللہ عنہ کی طرف لکھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٥؛حدیث نمبر١٢٤١)

ایک اور سند کے ساتھ بھی حدیث نمبر ١٢٤٠ کی مثل مروی ہے۔البتہ اس میں"وھو علی کل شی قدیر"کے الفاظ نہیں ہیں۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٥؛حدیث نمبر١٢٤٢)

ایک اور سند کے ساتھ بھی حدیث نمبر ١٢٤٠ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٥؛حدیث نمبر١٢٤٣)

حضرت وارد کہتے ہیں۔حضرت معاویہ رضی اللہ عنہ نے حضرت مغیرہ بن شعبہ رضی اللہ عنہ کی طرف لکھا کہ مجھے کوئی ایسی بات لکھ کر بھیجیں جو آپ نے رسول اکرم صلی اللہ علیہ وسلم سے سنی ہو تو انہوں نے لکھ کر بھیجا کہ میں نے رسول اکرم صلی اللہ علیہ وسلم سے سنا آپ نماز سے فارغ ہوتے تو یہ کلمات پڑھتے۔ «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، اللهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ»(ترجمہ گزر چکا ہے)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٥؛حدیث نمبر١٢٤٤)

حضرت ابوالزبیر سے مروی ہے۔فرماتے ہیں حضرت ابن زبیر ہر نماز سے سلام پھیرنے کے بعد یہ کلمات پڑھتے تھے۔«لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، لَا حَوْلَ وَلَا قُوَّةَ إِلَّا بِاللهِ، لَا إِلَهَ إِلَّا اللهُ، وَلَا نَعْبُدُ إِلَّا إِيَّاهُ، لَهُ النِّعْمَةُ وَلَهُ الْفَضْلُ، وَلَهُ الثَّنَاءُ الْحَسَنُ، لَا إِلَهَ إِلَّا اللهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ» انہوں نے فرمایا کہ نبی اکرم صلی اللہ علیہ وسلم ہر نماز کے بعد ان کے ساتھ توحید خداوندی کا اظہار فرماتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٥؛حدیث نمبر١٢٤٥)

حضرت ابوالزبیر فرماتے ہیں حضرت عبداللہ بن زبیر رضی اللہ عنہ ہر نماز کے بعد یہ کلمات پڑھتے تھے۔انہوں نے فرمایا حضرت عبداللہ بن زبیر فرماتے ہیں کہ نبی اکرم صلی اللہ علیہ وسلم ہر نماز کے بعد یہ کلمات پڑھتے تھے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٦؛حدیث نمبر١٢٤٦)

حضرت ابو الزبیر رضی اللہ عنہ نے بیان کیا کہ انہوں نے حضرت عبداللہ بن زبیر رضی اللہ عنہ کو منبر پر خطبہ دیتے ہوئے سنا۔وہ فرما رہے تھے کہ نبی اکرم صلی اللہ علیہ وسلم جب نماز سے یا فرمایا نمازوں سے سلام پھیرتے تو یہ کلمات کہتے تھے (حدیث نمبر ١٢٤٥ کی طرح بیان کیا)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٦؛حدیث نمبر١٢٤٧)

ایک اور سند کے ساتھ انہی سے مروی ہے کہ انہوں نے حضرت عبداللہ بن زبیر رضی اللہ عنہ سے سنا کہ وہ نماز کے بعد سلام پھیرتے پھر یہ کلمات پڑھتے تھے(حدیث نمبر ١٢٤٥ کی مثل بیان کیا)اور آخر میں فرمایا کہ وہ یہ بات نبی اکرم صلی اللہ علیہ وسلم سے نقل کرتے تھے۔ (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ،بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ۔جلد١ص٤١٦،حدیث نمبر١٢٤٨)

حضرت ابوہریرہ رضی اللہ عنہ سے مروی ہے کہ فقراء مہاجرین نبی اکرم صلی اللہ علیہ وسلم کی خدمت میں حاضر ہوئے اور عرض کیا کہ مال دار لوگ بلند درجات اور دائمی نعمتیں لے گئے۔آپ نے پوچھا وہ کیسے؟انہوں نے عرض کیا وہ نماز پڑھتے ہیں جیسے ہم نماز پڑھتے ہیں۔وہ روزے رکھتے ہیں جیسے ہم رکھتے ہیں اور وہ صدقہ کرتے ہیں جبکہ ہم صدقہ نہیں کرسکتے۔وہ(غلام)آزاد کرتے ہیں اور ہم آزاد نہیں کر سکتے تو نبی اکرم صلی اللہ علیہ وسلم نے فرمایا کیا میں ایسی چیز نہ سکھاؤں کہ اس کے ذریعے تم سبقت حاصل کرنے والوں کا درجہ حاصل کرو اور بعد والوں سے سبقت لے جاؤ اور تم سے کوئی شخص بھی افضل نہ ہو سوائے اس کے جو تمہاری طرح کا عمل کرے؟ انہوں نے عرض کیا جی ہاں یا رسول اللہ!(بتائیے)آپ نے فرمایا ہر نماز کے بعد تینتیس تینتیس مرتبہ سبحان اللہ، اللہ اکبر اور الحمدللہ پڑھو۔ ابو صالح(راوی) فرماتے ہیں۔فقراء مہاجرین دوبارہ رسول اکرم صلی اللہ علیہ وسلم کی خدمت میں حاضر ہوئے اور انہوں نے عرض کیا ہمارے مالدار بھائیوں نے ہمارے عمل کے بارے میں سنا تو انہوں نے بھی اس طرح کیا(اس پر)نبی اکرم صلی اللہ علیہ وسلم نے فرمایا یہ اللہ تعالیٰ کا فضل ہے جسے چاہتا ہے عطاء کرتا ہے۔سُمَیَّ کہتے ہیں میں نے اپنے گھر والوں میں سے بعض سے یہ حدیث بیان کی تو انہوں نے کہا کہ تمہیں وہم ہوگیا ہے۔آپ نے فرمایا سبحان اللہ٣٣ بار الحمد للہ تینتیس بار اور ٣٣ بار اللہ اکبر پڑھو- فرماتے ہیں میں حضرت ابو صالح کے پاس آیا اور ان سے یہ بات عرض کی تو انہوں نے میرا یہ ہاتھ پکڑ کر فرمایا اللہ اکبر، سبحان اللہ،الحمد للہ،اللہ اکبر،سبحان اللہ، الحمد للہ حتیٰ کہ تم ان تمام کو تینتیس مرتبہ پڑھو(کل تعداد ٣٣ ہوجائے) ابن عجلان کہتے ہیں میں نے یہ حدیث رجاء بن حیوہ سے بیان کی تو انہوں نے مجھ سے اسی طرح بیان کیا جس طرح ابو صالح نے حضرت ابوہریرہ رضی اللہ عنہ سے اور انہوں نے نبی اکرم صلی اللہ علیہ وسلم سے روایت کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٦؛حدیث نمبر١٢٤٩)

حضرت ابوہریرہ رضی اللہ عنہ نبی اکرم صلی اللہ علیہ وسلم سے روایت کرتےہیں کہ صحابہ کرام نے عرض کیا یا رسول اللہ!مالدار لوگ درجات اور دائمی نعمتیں لے گئے۔باقی حدیث اسی طرح ہے البتہ اس میں سہیل کا قول یہ ہے کہ گیارہ گیارہ مرتبہ پڑھیں۔کل تعداد ٣٣ ہو جائے گی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٧؛حدیث نمبر١٢٥٠)

حضرت کعب بن عجرہ رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتےہیں۔آپ نے فرمایا نماز کے بعد کچھ اذکار ہیں ان کو ہر فرض نماز کے بعد پڑھنے والا یا فرمایا، کرنے والا نامراد نہیں ہوتا ٣٣ بار سبحان اللہ،٣٣ بار الحمد للہ اور ٣٤ بار اللہ اکبر۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٨؛حدیث نمبر١٢٥١)

حضرت کعب بن عجرہ رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتےہیں۔آپ نے فرمایا نماز کے بعد کچھ اذکار ہیں ان کو پڑھنے والا یا عمل میں لانے والا نامراد نہیں ہوتا۔٣٣ بار سبحان اللہ،٣٣ بار الحمد للہ اور ٣٤ بار اللہ اکبر یہ فرض نماز کے بعد ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٨؛حدیث نمبر١٢٥٢)

ایک اور سند کے ساتھ بھی حدیث نمبر ١٢٥٢ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٨؛حدیث نمبر١٢٥٣)

حضرت ابوہریرہ رضی اللہ عنہ،نبی اکرم صلی اللہ علیہ وسلم سے روایت کرتےہیں۔آپ نے فرمایا جس نے ہر نماز کے بعد ٣٣ بار سبحان اللہ،٣٣ بار الحمد للہ اور ٣٣ بار اللہ اکبر پڑھا تو یہ کل ننانوے کلمات ہوئے اور"لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ"پڑھ کر سو کی تعداد مکمل کی تو اس کے گناہ بخش دئے جاتے ہیں۔اگرچہ سمندر کی جھاگ کے برابر ہو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٨؛حدیث نمبر١٢٥٤)

ایک اور سند کے ساتھ بھی حدیث نمبر ١٢٥٤ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ؛جلد١ص٤١٩؛حدیث نمبر١٢٥٥)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم جب نماز کے لئے تکبیر کہتے تو قرأت سے پہلے کچھ دیر خاموش رہتے۔میں نے عرض کیا یا رسول اللہ!میرے ماں باپ آپ پر قربان ہوں آپ تکبیر اور قرأت کے درمیان خاموشی کے دوران کیا پڑھتے ہیں۔آپ نے فرمایا میں یہ کلمات پڑھتا ہوں:اللهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ، اللهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالْبَرَدِ " یا اللہ!میرے اور میری خطاؤں کے درمیان دوری پیدا کر دے جس طرح تو نے مشرق و مغرب کے درمیان فاصلہ رکھا ہے۔یا اللہ!مجھے میری خطاؤں سے اس طرح پاک کردے جس طرح سفید کپڑا میل سے پاک کیا جاتا ہے۔یااللہ!مجھے خطاؤں سے برف،پانی اور اولوں کے ساتھ دھو ڈال۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُقَالُ بَيْنَ تَكْبِيرَةِ الْإِحْرَامِ وَالْقِرَاءَةِ؛ترجمہ؛تکبیر تحریمہ اور قرأت کے درمیان کیا پڑھے؛جلد١ص٤١٩؛حدیث نمبر١٢٥٦)

ایک اور سند کے بھی حدیث نمبر ١٢٥٦ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُقَالُ بَيْنَ تَكْبِيرَةِ الْإِحْرَامِ وَالْقِرَاءَةِ؛جلد١ص٤١٩؛حدیث نمبر١٢٥٧)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم جب دوسری رکعت سے اٹھتے تو"الحمد للہ رب العالمین"سے قرأت کا آغاز کرتے اور خاموشی اختیار نہ کرتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُقَالُ بَيْنَ تَكْبِيرَةِ الْإِحْرَامِ وَالْقِرَاءَةِ؛جلد١ص٤١٩؛حدیث نمبر١٢٥٨)

حضرت انس رضی اللہ عنہ سے مروی ہے کہ ایک شخص آکر صف میں داخل ہو گیا اور(جلدی کی وجہ سے)اس کا سانس پھولا ہوا تھا اس نے کہا۔"الحمد للہ حمداً کثیرا طیب مبارکا"(تمام تعریفیں اللہ تعالیٰ کے لئے ہیں بہت،پاکیزہ اور مبارک تعریف) نبی اکرم صلی اللہ علیہ وسلم نماز سے فارغ ہوے تو فرمایا تم میں سے کس نے یہ کلمات کہے ہیں۔لوگ خاموش رہے۔آپ نے فرمایا تم میں سے کس نے یہ کلمات کہے ہیں۔اس نے کوئی حرج والا کلام نہیں کیا اس آدمی نے کہا میں آیا اور میرا سانس پھولا ہوا تھا تو میں نے یہ کلمات کہے۔آپ نے فرمایا میں نے دیکھا کہ بارہ فرشتوں نے جلدی کی کہ ان میں سے کون ان کو اوپر لے جائے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُقَالُ بَيْنَ تَكْبِيرَةِ الْإِحْرَامِ وَالْقِرَاءَةِ؛جلد١ص٤١٩؛حدیث نمبر١٢٥٩)

حضرت ابن عمر رضی اللہ عنہ سے مروی ہے۔فرماتے ہیں اس دوران کہ ہم نبی اکرم صلی اللہ علیہ وسلم کے ہمراہ نماز پڑھ رہے تھے کہ جماعت میں سے ایک شخص نے کہا"اللہ اکبر کبیرا والحمد للہ کثیرا وسبحان اللہ بکرۃ واصیلا"(اللہ سب سے بڑا ہے بہت بڑا ہے اور اللہ تعالیٰ کے لئے بہت زیادہ تعریف ہے اور صبح وشام اللہ تعالیٰ کے لئے بہت پاکیزگی ہے۔ نبی اکرم صلی اللہ علیہ وسلم نے فرمایا یہ کلمات کس نے کہے ہیں۔لوگوں میں سے ایک شخص نے کہا یا رسول اللہ!میں نے کہے ہیں۔آپ نے فرمایا مجھے ان کلمات پر تعجب ہوا ان کے لئے آسمان کے دروازے کھولے گئے۔ حضرت ابن عمر رضی اللہ عنہ فرماتے ہیں میں نے جب سے حضور صلی اللہ علیہ وسلم سے یہ بات سنی ہے ان کلمات کو نہیں چھوڑا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَا يُقَالُ بَيْنَ تَكْبِيرَةِ الْإِحْرَامِ وَالْقِرَاءَةِ؛جلد١ص٤٢٠؛حدیث نمبر١٢٦٠)

حضرت ابوہریرہ رضی اللہ عنہ سے مروی ہے۔فرماتے ہیں۔میں نے رسول اکرم صلی اللہ علیہ وسلم سے سنا آپ نے فرمایا جب نماز کھڑی ہو جائے تو اس کے لیے دوڑ کر نہ آؤ بلکہ آہستہ(قدرے تیز)چل کر آؤ اور تم پر سکون لازم ہے جس قدر نماز پاؤ پڑھو اور جو رہ گئی اسے(امام کے سلام پھیرنے کے بعد)مکمل کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛ترجمہ؛نماز کے لئے سکون اور وقار سے آنا چاہئے؛جلد١ص٤٢٠؛حدیث نمبر١٢٦١)

حضرت ابوہریرہ رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جب نماز کے لئے تکبیر کہی جائے تو اس کی طرف دوڑ کر نہ آؤ بلکہ تم پر سکون لازم ہے جو کچھ پاؤ اسے(امام کے ساتھ پڑھو)اور جو رہ جائے اسے(بعد میں)مکمل کرو تم میں کوئی ایک جب نماز کا ارادہ کرتا ہے تو وہ نماز میں ہی(شمار)ہوتا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛جلد١ص٤٢١؛حدیث نمبر١٢٦٢)

حضرت ہمام بن منبہ حضرت ابوہریرہ رضی اللہ عنہ سے متعدد احادیث روایت کرتے ہیں۔ان میں سے ایک یہ ہے کہ رسول اکرم صلی اللہ علیہ وسلم نے فرمایا جب نماز کے لئے آذان دی جائے تو اس کی طرف سکون و وقار کے ساتھ چل کر آؤ جو کچھ پاؤ اسے پڑھو اور جو رہ گئی ہے اسے مکمل کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛جلد١ص٤٢١؛حدیث نمبر١٢٦٣)

حضرت ابوہریرہ رضی اللہ عنہ سے مروی ہے۔جب نماز کے لئے تکبیر ہو تو تم میں سے کوئی ایک اس کی طرف دوڑ کر نہ جائے بلکہ سکون کے ساتھ چل کر جاۓ اور وقار کا طریقہ اختیار کرے جس قدر نماز پائے اسے پڑھے اور جو گزر گئ اسے قضاء کرے(اٹھ کر مکمل کرے.)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛جلد١ص٤٢١؛حدیث نمبر١٢٦٤)

حضرت ابوقتادہ رضی اللہ عنہ فرماتے ہیں۔ہم نبی اکرم صلی اللہ علیہ وسلم کے ساتھ نماز پڑھ رہے تھے کہ کچھ حرکت سنی۔فرمایا تمہیں کیا ہوا عرض کیا ہم نے نماز کے لئے جلدی کی۔آپ نے فرمایا ایسا نہ کرو جب نماز کے لئے آؤ تو تم پر سکون لازم ہے جس قدر نماز پاؤ اسے پڑھو اور جو گزر گئی اسے مکمل کرو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛جلد١ص٤٢١؛حدیث نمبر١٢٦٥)

ایک اور سند کے ساتھ بھی حدیث نمبر ١٢٦٥ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ إِتْيَانِ الصَّلَاةِ بِوَقَارٍ وَسَكِينَةٍ، وَالنَّهْيِ عَنْ إِتْيَانِهَا سَعْيًا؛جلد١ص٤٢٢؛حدیث نمبر١٢٦٦)

حضرت ابو قتادہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جب نماز کے لئے تکبیر کہی جائے تو اس وقت تک کھڑے نہ ہو جب تک مجھے دیکھ نہ لو۔ابن حاتم کہتے ہیں"اقیمت یا نودی"کے الفاظ ہیں مطلب ایک ہی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛ترجمہ؛لوگ نماز کے لئے کب کھڑے ہوں؛جلد١ص٤٢٢؛حدیث نمبر١٢٦٧)

ایک اور سند کے ساتھ بھی حدیث نمبر ١٢٦٧ کی مثل مروی ہے اس میں یہ اضافہ ہے کہ حتیٰ کہ مجھے نکلتا ہوا دیکھو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٢؛حدیث نمبر١٢٦٨)

حضرت ابوہریرہ رضی اللہ عنہ سے مروی ہے۔فرماتے ہیں نماز کے لئے اقامت کہی گئی۔پس ہم نے کھڑے ہوکر صفوں کو درست کیا اور ابھی تک حضور صلی اللہ علیہ وسلم تشریف نہیں لائے تھے۔پھر آپ تشریف لائے اور مصلے پر کھڑے ہوئے اور تکبیر(تکبیر تحریمہ)کہنے سے پہلے آپ واپس ہوئے اور فرمایا تم اپنی جگہ ٹھہرے رہو چنانچہ ہم وہاں کھڑے ہو کر آپ کےمنتظر رہے حتیٰ کہ آپ ہماری طرف تشریف لائے اور آپ نے غسل کیا ہوا تھا اور سر انور سے پانی ٹپک رہا تھا۔پس آپ نے تکبیر کہی اور ہمیں نماز پڑھائی۔(تعلیم امت کے لئے آپ پر کبھی کبھی نسیان طاری ہوتا تاکہ اس سے متعلق مسائل بتائے جائیں چنانچہ حضور صلی اللہ علیہ وسلم غسل فرمانا بھول گئے اور پھر غسل کرکے تشریف لائے) (مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٢؛حدیث نمبر١٢٦٩)

حضرت ابوہریرہ رضی اللہ عنہ سے مروی ہے۔فرماتے ہیں نماز کے لئے تکبیر کہی گئی اور صحابہ کرام نے صفیں ترتیب دے دیں تو رسول اکرم صلی اللہ علیہ وسلم تشریف لائے اور اپنی جگہ کھڑے ہوئے پھر اپنے ہاتھ سے اشارہ فرمایا کہ اپنی جگہ ٹھہرے رہو اس کے بعد تشریف لائے تو آپ نے غسل کیا ہوا تھا اور پانی ٹپک رہا تھا چنانچہ آپ نے صحابہ کرام کو نماز پڑھائی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٣؛حدیث نمبر١٢٧٠)

حضرت ابوہریرہ رضی اللہ عنہ سے ہی مروی ہے۔نبی اکرم صلی اللہ علیہ وسلم کے آنے پر تکبیر کہی جاتی اور لوگ اپنی اپنی صفوں میں کھڑے ہو جاتے اور ابھی تک حضور صلی اللہ علیہ وسلم اپنے مقام پر کھڑے نہ ہوتے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَتَى يَقُومُ النَّاسُ لِلصَّلَاةِ؛جلد١ص٤٢٣؛حدیث نمبر١٢٧١)

حضرت جابر بن سمرہ رضی اللہ عنہ سے مروی ہے۔فرماتے ہیں جب سورج ڈھل جاتا تو حضرت بلال رضی اللہ عنہ آذان دیتے اور تکبیر نہ کہتے حتیٰ کہ حضور اکرم صلی اللہ علیہ وسلم تشریف لاتے جب آپ تشریف لاتے تو آپ کو دیکھ کر تکبیر کہتے تھے۔(بہتر طریقہ یہ ہے کہ مقتدی اور امام بھی دونوں موجود ہوں تو حی علی الصلاۃ پر کھڑے ہوں اور فوراً صفیں درست کریں احناف کا یہی موقف ہے)۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٣؛حدیث نمبر١٢٧٢)

حضرت ابوہریرہ رضی اللہ عنہ سےمروی ہے۔نبی اکرم صلی اللہ علیہ وسلم نے فرمایا جس نے نماز کی ایک رکعت پائی اس نے نماز کو پایا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَنْ أَدْرَكَ رَكْعَةً مِنَ الصَّلَاةِ فَقَدْ أَدْرَكَ تِلْكَ الصَّلَاة؛ترجمہِ؛جس نے نماز کی ایک رکعت پائی اس نے نماز کو پالیا؛جلد١ص٤٢٣؛حدیث نمبر١٢٧٣)

ایک اور سند کے ساتھ بھی حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا جس نے نماز کی ایک رکعت امام کے ساتھ پائی اس نے نماز کو پالیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَنْ أَدْرَكَ رَكْعَةً مِنَ الصَّلَاةِ فَقَدْ أَدْرَكَ تِلْكَ الصَّلَاة؛جلد١ص٤٢٤؛حدیث نمبر١٢٧٤)

متعدد اسناد سے حدیث نمبر ١٢٧٤ کی مثل مروی ہے۔البتہ ایک روایت میں ہے کہ اس نے پوری نماز کو پالیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَنْ أَدْرَكَ رَكْعَةً مِنَ الصَّلَاةِ فَقَدْ أَدْرَكَ تِلْكَ الصَّلَاة؛جلد١ص٤٢٤؛حدیث نمبر١٢٧٥)

حضرت ابوہریرہ رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جس نے سورج طلوع ہونے سے پہلے فجر کی ایک رکعت پائی۔اس نے صبح کی نماز پالی اور جس نے غروب آفتاب سے پہلے عصر کی نماز پالی۔اس نے عصر کی نماز کو پالیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَنْ أَدْرَكَ رَكْعَةً مِنَ الصَّلَاةِ فَقَدْ أَدْرَكَ تِلْكَ الصَّلَاة؛جلد١ص٤٢٤؛حدیث نمبر١٢٧٦)

حضرت عائشہ صدیقہ رضی اللہ عنہا سے مروی ہے۔فرماتی ہیں رسول اکرم صلی اللہ علیہ وسلم نے فرمایا جس نے عصر کا ایک سجدہ پایا اور ابھی سورج غروب نہ ہوا تھا یا طلوع آفتاب سے پہلے فجر کی ایک رکعت پائی تو اس نے نماز کو پالیا۔سجدہ سے رکعت مراد۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ مَنْ أَدْرَكَ رَكْعَةً مِنَ الصَّلَاةِ فَقَدْ أَدْرَكَ تِلْكَ الصَّلَاة؛جلد١ص٤٢٤؛حدیث نمبر١٢٧٧)

ایک اور سند کے ساتھ بھی حدیث نمبر ١٢٧٧ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٤؛حدیث نمبر١٢٧٨)

حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جس نے غروب آفتاب سے پہلے عصر کی ایک رکعت کو پالیا اس نے نماز کو پالیا اور جس نے طلوع آفتاب سے پہلے فجر کی ایک رکعات کو پالیا اس نے(فجر کی نماز کو)پالیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٥؛حدیث نمبر١٢٧٩)

ایک اور سند کے ساتھ بھی حدیث نمبر ١٢٧٩ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ مَتَى يَقُومُ النَّاسُ لِلصَّلَاةِ؛جلد١ص٤٢٥؛حدیث نمبر١٢٨٠)

ابن شہاب سے مروی ہے کہ حضرت عمر بن عبدالعزیز نے عصر کی نماز میں کچھ تاخیر فرمائی تو حضرت عروہ رضی اللہ عنہ نے ان سے کہا حضرت جبریل علیہ السلام اترے تو انہوں نے حضور صلی اللہ علیہ وسلم کے آگے(کھڑے ہو کر)یہ نماز پڑھائی۔حضرت عمر بن عبدالعزیز رضی اللہ عنہ نے فرمایا اے عروہ!دیکھو کیا کہ رہےہو انہوں نے کہا میں نے حضرت بشیر بن ابی مسعود سے سنا وہ فرماتے ہیں۔میں نے حضرت ابو مسعود سے سنا وہ فرماتے ہیں۔ میں نے رسول اکرم صلی اللہ علیہ وسلم سے سنا آپ نے فرمایا حضرت جبریل علیہ السلام آئے اور انہوں نے میری امامت کی تو میں نے ان کے ساتھ نماز پڑھی پھر ان کے ساتھ نماز پڑھی پھر ان کے ساتھ پڑھی(پانچ مرتبہ یہ الفاظ فرمائے)انگلیوں پر پانچ نمازوں کو شمار کیا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛ بَابُ أَوْقَاتِ الصَّلَوَاتِ الْخَمْسِ؛ترجمہ؛پانچ نمازوں کی اوقات؛ جلد١ص٤٢٥؛حدیث نمبر١٢٨١)

ابن شہاب سے مروی ہے کہ ایک دن عمر بن عبدالعزیز علیہ الرحمہ نے نماز میں تاخیر کی تو حضرت عروہ بن زبیر ان کے پاس آئے اور انہوں نے ان کو بتایا کہ حضرت مغیرہ بن شعبہ رضی اللہ عنہ نے ایک دن کوفہ میں نماز میں تاخیر فرمائی تو حضرت ابو مسعود انصاری رضی اللہ عنہ ان کے پاس تشریف لے گئے اور فرمایا اے مغیرہ یہ کیا ہے؟کیا آپ کو معلوم نہیں ہے کہ حضرت جبریل علیہ السلام نے اتر کر نماز پڑھی تو نبی اکرم صلی اللہ علیہ وسلم نے بھی نماز پڑھی پھر انہوں نے نماز پڑھی تو آپ نے بھی پڑھی۔پھر انہوں نے نماز پڑھی تو حضور علیہ السلام نے بھی پڑھی۔پھر انہوں نے فرمایا مجھے(یا آپ کو)اسی بات کا حکم دیا گیا ہے۔ حضرت عمر بن عبدالعزیز علیہ الرحمۃ نے حضرت عروہ سے فرمایا اے عروہ!دیکھو کیا بیان کر رہے ہو کیا حضرت جبریل علیہ السلام نے نبی اکرم صلی اللہ علیہ وسلم کے لیے نماز کے اوقات مقرر کئے۔(مطلب یہ ہے کہ اللہ تعالیٰ نے اوقات نماز مقرر فرمائے چونکہ نبی کریم صلی اللہ علیہ وسلم کے سامنے حضرت جبریل علیہ السلام نے بیان فرمائے لہٰذا ان کی طرف نسبت کی گئی ہے)حضرت عروہ نے فرمایا حضرت بشیر بن مسعود رضی اللہ عنہ اپنے والد سے اسی طرح روایت کرتے تھے۔حضرت عروہ فرماتے ہیں ام المؤمنين حضرت عائشہ رضی اللہ عنہا نے مجھ سے اسی طرح بیان کیا ہے کہ نبی اکرم صلی اللہ علیہ وسلم عصر کی نماز پڑھتے اور ابھی ان کے حجرے میں سایہ ظاہر نہ ہوتا(دھوپ ہوتی)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٥؛حدیث نمبر١٢٨٢)

حضرت عائشہ صدیقہ رضی اللہ عنہا سے مروی ہے۔فرماتی ہیں نبی اکرم صلی اللہ علیہ وسلم عصر کی نماز پڑھتے اور سورج میرے حجرے میں روشن ہوتا اور ابھی تک سایہ نہ ہوتا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٦؛حدیث نمبر١٢٨٣)

حضرت عائشہ صدیقہ رضی اللہ عنہا سے ہی مروی ہے کہ نبی اکرم صلی اللہ علیہ وسلم عصر کی نماز پڑھتے تو ان کے حجرہ مبارکہ میں دھوپ ہوتی اور ان کے حجرہ سے سایہ ظاہر نہ ہوتا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٦؛حدیث نمبر١٢٨٤)

ایک اور سند کے ساتھ بھی حضرت عائشہ صدیقہ رضی اللہ عنہا سے مروی ہے۔فرماتی ہیں رسول اکرم صلی اللہ علیہ وسلم صلی اللہ علیہ وسلم عصر کی نماز پڑھتے اور ابھی آپ کے حجرہ مبارکہ میں دھوپ ہوتی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٦؛حدیث نمبر١٢٨٥)

حضرت عبداللہ بن عمرو رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا جب تم فجر کی نماز پڑھ لو تو صبح کا وقت باقی رہتا ہے یہاں تک کہ سورج کا اوپر والا کنارہ طلوع ہو۔پھر جب تم ظہر کی نماز پڑھو تو(ظہر کا)وقت باقی رہتا ہے حتیٰ کہ عصر کا وقت آجائے پھر جب تم عصر کی نماز پڑھ لو تو سورج کے زرد ہو جانے تک وقت ہوتا ہے اور جب تم مغرب کی نماز پڑھ لو تو اس وقت باقی رہتا ہے۔یہاں تک کہ شفق غائب ہوجائے۔پس جب تم عشاء کی نماز پڑھو تو ہر رات کے نصف تک اس کا وقت باقی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٦؛حدیث نمبر١٢٨٦)

حضرت عبد اللہ بن عمرو رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتےہیں۔آپ نے فرمایا ظہر کا وقت عصر کے آنے تک ہوتا ہے۔اور عصر کا وقت سورج کے زرد ہونے تک ہے۔مغرب کا وقت شفق کی تیزی ختم ہونے تک اور عشاء کا وقت نصف شب تک ہے۔فجر کا وقت سورج کے طلوع ہونے تک ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٧؛حدیث نمبر١٢٨٧)

ایک اور سند کے ساتھ بھی حدیث نمبر ١٢٨٧ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٧؛حدیث نمبر١٢٨٨)

حضرت عبد اللہ بن عمرو رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا ظہر کا وقت سورج کے ڈھلنے پر(شروع)ہوتا ہے جب آدمی کا سایہ کے طول میں اس کے برابر ہو جائے جب تک عصر کا وقت نہ ہو(یہ وقت باقی رہتا ہے)اور عصر کا وقت سورج کے زرد پڑ جانے تک ہوتا ہے۔مغرب کا وقت شفق کے غائب ہونے تک ہوتا ہے۔عشاء کا وقت درمیانی رات کے نصف تک ہوتا ہے اور صبح کا وقت طلوع فجر سے اس وقت تک ہے جب تک سورج طلوع نہ ہو جب سورج طلوع ہوجائے تو نماز سے رک جاؤ کیونکہ یہ شیطان کے دو سینگوں کے درمیان طلوع ہوتا ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٧؛حدیث نمبر١٢٨٩)

حضرت عبداللہ بن عمرو بن عاص رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم سے نماز کے وقت کے بارے میں پوچھا گیا تو آپ نے فرمایا نماز فجر کا وقت سورج کے پہلے کنارے کے طلوع ہونے تک ہے۔نماز ظہر کا وقت جب آسمان کے درمیان سے سورج ڈھل جائے اور یہ عصر تک ہے اور نماز عصر کا وقت سورج کا رنگ زرد پڑ جائے اور اس کا پہلا کنارہ ڈوبنے تک ہے۔نماز مغرب کا وقت سورج غروب ہونے سے شفق کے غائب ہونے تک ہے اور نماز عشاء کا وقت نصف رات تک ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٧؛حدیث نمبر١٢٩٠)

حضرت عبد اللہ بن یحییٰ بن ابی کثیر فرماتے ہیں۔میں نے اپنے باپ سے سنا وہ فرماتے تھے جسم کو آرام وسکون دینے سے علم حاصل نہیں ہوتا۔(مطلب یہ ہے کہ حصول علم کے لیے دور دراز کا سفر کرنا اور صبح وشام محنت کرنا ضروری ہے۔)(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٨؛حدیث نمبر١٢٩١)

حضرت سلیمان بن بریدہ اپنے والد سے اور وہ نبی اکرم صلی اللہ علیہ وسلم سے روایت کرتےہیں کہ ایک شخص نے نبی اکرم صلی اللہ علیہ وسلم سے اوقات نماز کے بارے میں پوچھا تو آپ نے فرمایا ہمارے ساتھ ان دودنوں کی نماز پڑھو جب سورج ڈھل گیا تو آپ نے حضرت بلال رضی اللہ عنہ کو حکم دیا۔انہوں نے اذان کہی پھر حکم دیا تو انہوں نے نماز ظہر کے لئے تکبیر کہی پھر حکم دیا تو نماز عصر کے لئے اقامت کہی جب سورج غائب ہوگیا پھر انہوں نے آپ کے حکم پر اس وقت عشاء کے لئے تکبیر کہی جب شفق غائب ہوگئی پھر آپ نے حکم دیا تو انہوں نے فجر کے لئے اقامت کہی جب فجر طلوع ہوا۔ جب دوسرا دن ہوا تو آپ کے حکم سے ظہر کو ٹھنڈا کیا اور خوب ٹھنڈا کیا اور عصر کی نماز پڑھی اور ابھی سورج بلند تھا لیکن پہلے دن سے کم تھا اور مغرب کی نماز شفق غائب ہونے سے پہلے پڑھی اور عشاء کی نماز رات کی(پہلی)تہائی جانے پر پڑھی اور صبح کی نماز روشن کر کے پڑھا۔ پھر فرمایا اوقات نماز کے بارے میں سوال کرنے والا کہاں ہے؟اس شخص نے عرض کیا یا رسول اللہ!میں ہوں آپ نے فرمایا تم لوگوں کی نماز کا وقت اس کے درمیان ہے جو تم نے(ان دونوں میں) دیکھا۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٨؛حدیث نمبر١٢٩٢)

حضرت بریدہ رضی اللہ عنہ سے ہی مروی ہے کہ ایک شخص نبی اکرم صلی اللہ علیہ وسلم کی خدمت میں حاضر ہوااور اس نے نماز کے اوقات کے بارے میں سوال کیا۔آپ نے فرمایا ہمارے ساتھ نماز میں موجود رہو۔پس آپ نے حضرت بلال کو حکم دیا تو انہوں نے اندھیرے میں آذان پڑھی پس آپ نے طلوع فجر کے وقت صبح کی نماز پڑھی پھر ظہر کے لئے اس وقت حکم دیا جب آسمان کے درمیان سے سورج ڈھل گیا۔پھر عصر کے لئے اس وقت حکم دیا جب سورج بلند تھا۔پھر مغرب کے لئے اس وقت حکم دیا جب سورج غروب ہوگیا پھر عشاء کے لیے اس وقت حکم دیا جب شفق غائب ہو گئی پھر دوسرے دن حکم دیا تو صبح کو روشن کیا۔پھر ظہر کے بارے میں حکم دیا تو اسے ٹھنڈا کیا۔پھر عصر کے لئے حکم دیا جب دھوپ سفید اور صاف تھی اس میں زردی نہیں ملی تھی پھر مغرب کے شفق غائب ہونے سے پہلے حکم دیا۔پھر عشاء کے بارے میں حکم دیا۔جب رات کا تہائی حصہ یا بعض حصہ چلا گیا حرمی بن عمارہ راوی کو شک ہے صبح ہوئی تو فرمایا سائل کہاں ہے۔پھر فرمایا جو کچھ تم نے(دودن)دیکھا اس کے درمیان وقت ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٩؛حدیث نمبر١٢٩٣)

حضرت ابو موسیٰ رضی اللہ عنہ سے مروی ہے۔وہ رسول اکرم صلی اللہ علیہ وسلم سے روایت کرتےہیں کہ آپ کے پاس ایک سائل آیا جو آپ سے اوقات نماز کے بارے میں پوچھ رہا تھا تو آپ نے جواب نہ دیا(مطلب یہ کہ اوقات نہ بتائے بلکہ اسے اپنے ساتھ نماز پڑھنے کا حکم دیا)تو صبح کی نماز اس وقت پڑھی جب فجر پھوٹ چکی تھی اور(اندھیرے کی وجہ سے)لوگ ایک دوسرے کو پہچان نہیں سکتے تھے۔پھر(حضرت بلال رضی اللہ عنہ کو) حکم دیا تو انہوں نے ظہر کی اقامت کہی جب سورج ڈھل گیا اور کوئی کہنے والا کہتا ہے دن کا نصف ہوگیا اور آپ سب سے زیادہ جانتے ہیں پھر نماز عصر کے لئے تکبیر کا حکم دیا۔جب سورج بلند تھا پھر مغرب کی تکبیر کا حکم اس وقت دیا جب سورج غروب ہوگیا پھر عشاء کی اقامت کا حکم دیا جب شفق غائب ہوگئی۔پھر دوسرے دن فجر کو مؤخر کیا کہ واپس جانے والے کہتے تھے کہ سورج نکل چکا ہے یا نکلنے والا ہے پھر ظہر کو مؤخر کیا حتیٰ کہ گزشتہ روز کے مطابق عصر کا وقت قریب ہوگیا۔پھر عصر کی نماز کو مؤخر کیا حتیٰ کہ نماز سے فراغت کے بعد کہنے والا کہنے لگا کہ سورج کا رنگ زرد ہو چکا ہے پھر نماز کو تاخیر سے پڑھا حتیٰ کہ شفق غائب ہو رہی تھی پھر عشاء کو رات کی پہلی تہائی(کے آخر) تک مؤخر کیا۔پھر صبح ہوئی تو پوچھنے والے کو بلا کر فرمایا ان دو وقتوں کے درمیان(مستحب)وقت ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٩؛حدیث نمبر١٢٩٤)

ایک اور سند کے ساتھ بھی حدیث نمبر ١٢٩٤ کی مثل مروی ہے۔البتہ اس میں یہ ہے کہ دوسرے دن مغرب کی نماز شفق غائب ہونے سے پہلے پڑھی۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ أَوْقَاتِ الصَّلَوَاتِ الْخَمْسِ؛جلد١ص٤٢٩؛حدیث نمبر١٢٩٥)

حضرت ابوہریرہ رضی اللہ عنہ سے مروی ہے۔وہ فرماتے ہیں رسول اکرم صلی اللہ علیہ وسلم نے فرمایا جب گرمی سخت ہو جائے تو نماز کو ٹھنڈے وقت میں پڑھو کیونکہ گرمی کی شدت جہنم کی بھاپ سے ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛ترجمہ؛گرمیوں میں نماز ظہر ٹھنڈے وقت میں پڑھنا؛جلد١ص٤٣٠؛حدیث نمبر١٢٩٦)

ایک اور سند کے ساتھ بھی حدیث نمبر ١٢٩٦ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣٠؛حدیث نمبر١٢٩٧)

حضرت ابوہریرہ رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جب گرم دن ہو تو نماز کو ٹھنڈے وقت میں پڑھو کیونکہ گرمی کی شدت جہنم کی بھاپ سے ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣٠؛حدیث نمبر١٢٩٨)

حضرت عمرو نے فرمایا مجھ سے حدیث بیان کیا ابو یونس نے وہ حضرت ابوہریرہ رضی اللہ عنہ سے روایت کرتے ہیں کہ رسول اکرم صلی اللہ علیہ وسلم نے فرمایا جب گرم دن ہو تو نماز کو ٹھنڈے وقت میں پڑھو کیونکہ گرمی کی شدت جہنم کی بھاپ سے ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣٠؛حدیث نمبر١٢٩٩)

ایک اور سند کے ساتھ بھی حدیث نمبر ١٢٩٨ کی مثل مروی ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣٠؛حدیث نمبر١٣٠٠)

حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا بے شک یہ گرمی جہنم کی بھاپ سے ہے پس نماز کو ٹھنڈے وقت میں پڑھو۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣١؛حدیث نمبر١٣٠١)

حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا نماز ٹھنڈے وقت میں پڑھو کیونکہ گرمی کی شدت جہنم کی بھاپ سے ہے۔(مسلم شریف؛كِتَابُ الْمَسَاجِدِ وَمَوَاضِعِ الصَّلَاةَ؛بَابُ اسْتِحْبَابِ الْإِبْرَادِ بِالظُّهْرِ فِي شِدَّةِ الْحَرِّ لِمَنْ يَمْضِي إِلَى جَمَاعَةٍ، وَيَنَالُهُ الْحَرُّ فِي طَرِيقِهِ؛جلد١ص٤٣١؛حدیث نمبر١٣٠٢)