Surah Baqarah (2)
Ayah 282
Aye Imaan Waalo Jab Tum Ek Muqarrar Muddat Tak Kisi Den (Qarz) Ka Len Den Karo To Use Likh Lo Aur Chaahiye Ke Tumhaare Darmiyaan Koi Likhne Waala Theek Theek Likhe Aur Likhne Waala Likhne Se Inkaar Na Kare Jaisa Ke Use Allaah Ne Sikhaaya Hai To Use Likh Dena Chaahiye Aur Jispar Haq Aata Hai Woh Likhaata Jaaye Aur Allaah Se Dare Jo Uska Rab Hai Aur Haq Me'n Se Kuchh Rakh Na Chhode Phir Jiss Par Haq Aata Hai Agar Be Aqal Ya Naatawaa'n Ho Ya Likha Na Sake To Uska Wali Insaaf Se Likhaaye, Aur 2 Gawaah Karlo Apne Mardo'n Me'n Se Phir Agar 2 Mard Na Ho'n To 1 Mard Aur 2 Aurte'n Aise Gawaah Jinko Pasand Karo Ke Kahee'n Unme'n 1 Aurat Bhoole To Uss Ek Ko Doosri Yaad Dilaawe Aur Gawaah Jab Bulaaye Jaaye'n To Aane Se Inkaar Na Kare'n Aur Use Bhaari Na Jaano Ke Den (Qarz) Chhota Ho Ya Bada Uski Mee'aad (Muddat) Tak Likhit Karlo Yeh Allaah Ke Nazdeek Zyaadah Insaaf Ki Baat Hai, Aur Isme'n Gawaahi Khoob Theek Rahegi Aur Yeh Usse Qareeb Hai Ke Tumhe'n Shubah Na Pade Magar Yeh Ke Koi Sardast Ka Sawda Dast Badast Ho To Uske Na Likhne Ka Tum Par Gunaah Nahee'n Aur Jab Khareed Wa Farokht Karo To Gawaah Karlo Aur Na Kisi Likhne Waale Ko Zarar Diya Jaaye, Na Gawaah Ko (Ya, Na Likhne Waala Zarar De Na Gawaah) Aur Jo Aisa Karo To Yeh Tumhaara Fisq Hoga Aur Allaah Se Daro Aur Allaah Tumhe'n Sikhaata Hai, Aur Allaah Sab Kuchh Jaanta Hai.