Aur Mere Baap Ko Bakhsh De Beshak Woh Gumraah Hai. Tafseer - Iss Ayat Me'n Hazrat Ibraaheem Alaihissalaam Ke Chacha Aazar Muraad Hai Sureh An'aam Ayat No.74 Me'n Iska Zikr Maujood Hai Alqaamusul Muheet Kitaab Me'n Maujood Hai Ke Aazar Hazrat Ibraaheem Alaihissalaam Ke Chacha Ka Naam Hai. Imaam Jalaaluddeen Suyuti Rehmatullah Alaih Ne "Masalikul Hunafa" Me'n Bhi Yehi Likha Hai. Neez Chacha Ko Baap Kehna Tamaam Mumaalik Me'n Ma'mool Hai Bilkhusoos Arab Me'n Aur Qur'aan Wa Hadees Me'n Bhi Chacha Ko Baap Kehne Ki Misaale'n Maujood Hai. Sureh Baqarah Aayat No.133 Tarjuma - Balke Tum Me'n Ke Khud Maujood The Jab Ya'qoob Ko Maut Aayi Jabke Usne Apne Beto'n Se Farmaaya Mere Ba'ad Kiski Pooja Karoge Bole Hum Pooje'nge Use Jo Khuda Hai Aapka Ka Aur Aapke Waalido'n Ibraaheem Wa Ismaa'eel Wa Is'haaq Ka Ek Khuda Aur Hum Uske Huzoor Gardan Rakhe Hai. Iss Ayat Me'n Hazrat Ismaa'eel Alaihissalaam Ko Hazrat Ya'qoob Alaihissalaam Ke "Aaba" Me'n Zikr Kiya Gaya Hai Haalaa'nke Aap Alaihissalaam Hazrat Ya'qoob Alaihissalaam Ke Chacha Hai. Musannaf Ibne Abi Shyba, Kitabul Magaazi, Hadees Fateh Makka, 8/530, Al Hadees 3 Tarjuma - Nabi e Kareem ﷺ Ne Irshaad Farmaaya Mere Baap Ko Mere Paas Lauta Do. Iss Hadees Me'n "Abi" Se Muraad Hazrat Abbaas Radiallahu Anhu Hai Jo Ke Nabi e Kareem ﷺ Ke Chacha Hai. Khulasa Yeh Hai Ke Hazrat Ibraaheem Alaihissalaam Ke Waalid Musalmaan The.