Tum Farmaao Mai'n Apni Jaan Ke Bhale Bure Ka Khud Mukhtaar Nahee'n Magar Jo Allah Chaahe Aur Agar Mai'n Gaib Jaan Liya Karta To Yoo'n Hota Ke Mai'n Ne Bahot Bhalaayi Jam'a Karli Aur Mujhe Koi Buraayi Na Paho'nchi Mai'n To Yehi Darr Aur Khushi Sunaane Waala Hoo'n Unhe'n Jo Imaan Rakhte Hai'n. Tafseer :-- Iss Aayat Me'n Rasoolullah ﷺ Ko Kamaal Darje Ki A'ajizi, Azmate Ilaahi Aur Aqeeda e Tauheed Ke Izhaar Ka Hukm Farmaaya Gaya Ke Rasoolullah ﷺ Ke Paas Jo Qudrat Wa Ikhtiyaar Aur Ilm Hai Khwaah Apni Zaat Ke Muta'alliq Ya Doosro'n Ke Baare Me'n, Yoo'n Hi Dunyawi Cheezo'n Ke Baare Me'n Ya Qayaamat, Aakherat Aur Jannat Ke Baare Me'n Woh Tamaam Ka Tamaam Allah Ta'ala Ki Ata (Diye) Se Hai, Lihaaza Rasoolullah ﷺ Ka Awwaleen Wa Aakhireen Se Afzal Hona, Duniya Wa Aakherat Ke Umoor Me'n Tasarruf Farmaana, Sahaaba e Kiraam Ko Shifa Ata Farmaana Balke Jannat Ata Farmaana, Ungliyo'n Se Paani Ke Chashme Jaari Karna Wagairah Jitni Cheeze'n Hai'n Sab Allah Ta'ala Ke Chaahne Se Hai. Aur Doosri Baat Ke Iss Aayat Me'n Rasoolullah ﷺ Ke Zaati Ilm e Gaib Ki Nafi Hai Ataayi Ilm e Gaib Ki Nahee'n, Ilm e Gaib e Rasoolullah ﷺ Par Dalaa'il Haasil Karne Keliye Surah Ana'am Ki Ayat No.50 Ki Tafseer Padhe'n. Ikhtiyaaraat e Rasoolullah ﷺ Par Yeh Aayate'n Aur Hadeese'n Shaahid Hai'n. 1 - Sureh Tauba Aayat No.74 2 - Sureh Tauba Aayat No.59 3 - Sureh Nisa Aayat No.65 4 - Sureh Tauba Aayat No. 29 5 - Sahih Bukhaari Hadees No.1468 6 - Sunane Abu Daawood Hadees No.2943 7 - Sahih Bukhaari Hadees No.1349 8 - Sahih Bukhaari Hadees No.5557 9 - Sunane Abu Daawood Hadees No.3607 10 - Sahih Bukhaari Hadees No.1936 11 - Jaame Tirmizi Hadees No.3748 12 - Sahih Bukhaari Hadees No.6802 13 - Sahih Muslim Hadees No.3311 14 - Sahih Bukhaari Hadees No.1258 15 - Sahih Bukhaari Hadees No.2755 16 - Tafseer e Saawi Safha No.178 (In Aayato'n Aur Hadeeso'n Ko Padhne Keliye True Islam App Ke Aqaid Section Me'n "Rasoolullah ﷺ Ka Ikhtiyaar" Post Ko Padhiye)