ایمان کا بیان=یہ باب ہے ایمان و اسلام و تقدیر اور علامات قیامت کی معرفت کے متعلق؛(امام ابو الحسین مسلم بن حجاج رضی اللہ عنہ فرماتے ہیں کہ ہم اللہ تعالیٰ کی مدد سے ابتداء کرتے ہیں اور اسی کو کافی سمجھتے ہیں اور ہماری توفیق صرف اللہ عزوجل کی مدد سے ہے؛(پھر امام مسلم نے اپنی مکمل سند کے ساتھ یحییٰ بن یعمر سے روایت کرتے ہیں کہ یحییٰ بن یعمر نے بیان کیا کہ سب سے پہلے جس نے بصرہ میں تقدیر کے معاملے میں گفتگو کی وہ معبد جہنی ہے ۔میں اور حمید بن عبد الرحمن حمیری دونوں حج یا عمرے کے لیے نکلے اورہم نے کہا کاش ہمیں کسی صحابی رسول ﷺسے ملاقات ہوتی تو تقدیر کے حوالے سےان لوگوں کے خیال کے بارے میں پوچھتے۔اتفاق سے عبد اللہ بن عمر رضی اللہ تعالٰی عنہما سے مسجد جاتے ہوئے ملاقات ہوئی۔ہم نے ان کو درمیان میں کردیا ایک دائیں طرف اور دوسرا بائیں طرف ۔میرا خیال تھا کہ میرا ساتھی مجھے بات کرنے کا موقع دے گا (اسی لیے میں نے بات کی) میں نے کہا اے ابا عبد الرحمن (یہ ابن عمر کی کنیت تھی)ہمارے ملک میں کچھ ایسے لوگ پیدا ہوئے ہیں جو قرآن کو پڑھتے ہیں اور علم کا شوق رکھتے ہیں یا اس کی باریکیاں نکالتے ہیں۔اور ان کا حال بیان کیا کہ وہ کہتے ہیں تقدیر نامی کوئی چیز نہیں ہے ۔اور سب کام ناگہاں(اچانک) ہوگئےہیں۔عبد اللہ بن عمر نے کہا جب آپ ایسے لوگوں سے ملیں گے تو ان سے کہہ دو کہ میں ان سے بیزار ہوں اور وہ مجھ سے۔اللہ کی قسم ایسے لوگوں میں سے اگر کسی کے پاس احد پہاڑ کے برابر سونا ہو۔پھر وہ اس کو اللہ کی راہ میں خرچ کرے تو اللہ تعالیٰ اس کو اتنی دیر تک قبول نہیں فرمائے گا جب تک کہ تقدیر پر ایمان نہیں لائے گا۔ پھر فرمانے لگے مجھے اپنے والد عمر بن خطاب رضی اللہ عنہ نے بتایا کہ ہم ایک روز رسول اللہ کے پاس بیٹھے تھے ،اتنے میں ایک شخص نمودار ہوا۔جس کے کپڑے نہایت سفید تھے اور بال نہایت کالے تھے ، اس کے اوپر سفر کے آثار نہیں تھے اورنہ ہی ہم میں سے کوئی اس کو پہچانتا تھا۔یہاں تک کہ وہ آپ ﷺکے پاس بیٹھ گئے۔اور اپنے گھٹنے آپ ﷺ کے گھٹنوں سے ملا دئیے۔اور اپنے دونوں ہاتھ اپنی رانوں پر رکھے۔(جیسے شاگرد استاد کے سامنے بیٹھتا ہے)پھر کہنے لگا اے محمد ﷺ!مجھے اسلام کے بارے میں بتائیں کہ اسلام کیا ہے؟ رسول اللہ ﷺنے فرمایا اسلام یہ ہے کہ آپ اس بات کی گواہی دے کہ کوئی سچا معبود نہیں ہے سوائے اللہ کے اور محمد ﷺاس کے بھیجے ہوئے رسول ہیں۔اور نماز قائم کریں۔اور زکوٰۃ ادا کریں اور رمضان کے روزے رکھیں اور خانہ کعبہ کا حج کریں اگر آپ سے ہوسکے۔اس نے کہا آپ نے سچ کہا۔ہمیں تعجب ہوا کہ خود ہی سوال کررہا ہے اور خود ہی تصدیق کرتا ہے۔پھر اس نے کہا ایمان کیا ہے ؟ آپ ﷺنے فرمایا ایمان یہ ہے کہ آپ اللہ،او ر اس کے فرشتوں،کتابوں؛رسولوں؛اور آخرت کے دن پر ایمان لائیں۔اور ایمان لائیں تقدیر پر اچھا ہو یا برا (سب اللہ کی طرف سے ہے)اس نے کہا آپ نے سچ کہا۔ پھر وہ کہنے لگا مجھے احسان کے بارے میں بتائیں کہ احسان کیا ہے؟آپ ﷺنے فرمایا احسان یہ ہے کہ آپ اللہ کی عبادت اس طرح دل لگاکر کریں جیسے آپ اللہ کو دیکھ رہے ہیں ،اگر تو اس کو نہیں دیکھتا تو اتنا ہو کہ وہ آپ کو دیکھ رہاہے۔پھر اس نے کہا مجھے قیامت کے بارے میں بتائیں کہ وہ کب ہوگی؟ آپﷺنے فرمایا آپ جس سے پوچھتے ہو وہ خود پوچھنے والے سے زیادہ نہیں جانتا ۔وہ کہنے لگا مجھے اس کی نشانیاں بتلائیں؟ آپ ﷺنے فرمایا ایک نشانی یہ ہے کہ لونڈی اپنے مالک کو جنے گی۔ دوسری نشانی یہ ہے کہ آپ ننگے بدن،بغیر جوتا،کنگال،اور چرواہے کو بڑی بڑی عمارتوں پر فخر کرتے دیکھیں گے۔راوی نے کہا وہ شخص چلا گیا ۔میں بڑی دیر تک ٹھہرا رہا۔اس کے بعد آپﷺنے مجھے فرمایا اے عمر ! آپ جانتے ہیں یہ سوال کرنے والا کون تھا؟ میں نے کہا اللہ اور اس کا رسول خوب جانتا ہے۔آپﷺنے فرمایا وہ جبریل علیہ السلام تھے آپ کو تمہارا دین سکھانے آئے تھے؛؛ (مسلم شریف کتاب الایمان؛بَابُ معرفة الْإِيمَانِ، وَالْإِسْلَامِ، والقَدَرِ وَعَلَامَةِ السَّاعَةِ؛جلد ١ ص ٣٦؛حدیث نمبر ١؛ (یہاں ایک خاص بات سمجھنے والی ہیکہ امام مسلم کے نام رضی اللہ عنہ لکھا ہوا جو اس بات کی دلیل ہیکہ رضی اللہ عنہ صحابہ کرام کے ساتھ ہی خاص نہیں بلکہ تمام اولیاء اللہ علماء کرام صالحین کو بھی رضی اللہ عنہ لکھ سکتے ہیں؛
۔یحییٰ بن یعمر سے روایت ہے کہ جب معبد جہنی نے تقدیر کےبارے میں باتیں کرنا شروع کی۔ ہم نے اس کا انکار کیا پھر میں اور حمید حج کے لیے روانہ ہوگئے ۔۔۔آگے وہی حدیث ہے جس کا اوپر ذکر ہوا ہے چند الفاظ کی کمی بیشی کے ساتھ۔ (کتاب الایمان؛بَابُ معرفة الْإِيمَانِ، وَالْإِسْلَامِ، والقَدَرِ وَعَلَامَةِ السَّاعَةِ؛جلد ١ ص ٣٨؛حدیث نمبر ٢؛؛؛
۔یحییٰ بن یعمر اور حمید بن عبد الرحمن سے روایت ہے کہ ہم عبد اللہ بن عمر سے ملے اور ہم نے ان سے تقدیر کے مسئلہ کا ذکر کیا اور ان باتوں کا بھی جو لوگ اس کے بارے میں کررہے تھے توانہوں نے یہی حدیث بیان کی جو گذر چکی ہے(حدیث نمبر ١ میں)چند الفاظ کی کمی بیشی کے ساتھ۔۔ (مسلم شریف کتاب الایمان بَابُ معرفة الْإِيمَانِ، وَالْإِسْلَامِ، والقَدَرِ وَعَلَامَةِ السَّاعَةِ؛ج:١۔ص:٣٨؛حدیث نمبر ٣؛؛
۔اس سند سے بھی) حدیث نمبر ١)مروی ہے (مسلم شریف کتاب الایمان۔بَابُ معرفة الْإِيمَانِ، وَالْإِسْلَامِ، والقَدَرِ وَعَلَامَةِ السَّاعَةِج:١۔ص٣٨؛حدیث نمبر ٤؛؛
حضرت ابو ہریرہ رضی اللہ عنہ سے روایت ہے کہ رسول اللہ ﷺ ایک دن لوگوں میں بیٹھے تھے کہ اتنے میں ایک شخص آیا اور بولا یارسول اللہ ! ایمان کسے کہتے ہیں؟ آپ ﷺ نے فرمایا کہ ایمان یہ ہے کہ تو یقین کرے دل سے اللہ پر اور اس کے فرشتوں پر اور اس کی کتابوں پر اور اس سے ملنے پر اور اس کے پیغمبروں پر اور یقین کرے قیامت میں زندہ ہونے پر۔ پھر وہ شخص بولا کہ یارسول اللہ ﷺ! اسلام کیا ہے؟ آپ ﷺنے فرمایا کہ اسلام یہ ہے کہ تو اللہ جل جلالہ کی عبادت کرےاور اس کیساتھ کسی کو شریک نہ کرے اور فرض نماز کو قائم کرے اور فرض زکوٰۃ دے اور رمضان کےروزے رکھے ۔ پھر وہ شخص بولا یارسول اللہ ﷺ! احسان کسے کہتے ہیں؟ آپ ﷺ نے فرمایا کہ تو عبادت کرے اللہ کی جیسے کہ تو اسے دیکھ رہا ہے اگر تو اس کو نہیں دیکھتا (یعنی توجہ کا یہ درجہ نہ ہو سکے )تو اتنا تو ہو کہ وہ تجھے دیکھ رہا ہے۔ پھر وہ شخص بولا یارسول اللہﷺ ! قیامت کب ہو گی؟ آپ ﷺ نے فرمایا کہ جس سے قیامت کے بارے میں پوچھتے ہو وہ پوچھنے والے سے زیادہ نہیں جانتا، لیکن اس کی نشانیاں میں تجھ سے بیان کرتا ہوں کہ جب لونڈی اپنے مالک کو جنے تو یہ قیامت کی نشانی ہے اور جب ننگے بدن ننگے پاؤں پھرنے والے لوگ سردار بنیں تو یہ قیامت کی نشانی ہے اور جب بکریاں یا بھیڑیں چرانے والے بڑی بڑی عمارتیں بنائیں تو یہ بھی قیامت کی نشانی ہے۔ اور یہ علم ان پانچ چیزوں میں سے ہے جن کو اللہ تعالیٰ کے سوا کوئی(بذات خود)نہیں جانتا ۔ پھر رسول اللہ ﷺ نے یہ آیت پڑھی کہ ''اللہ ہی جانتا ہے قیامت کو اور وہی اتارتا ہے پانی کو اور جانتا ہے جو کچھ ماں کے رحم میں ہے اور کوئی نہیں جانتا کہ وہ کل کیا کرے گا اور کوئی نہیں جانتا کہ وہ کس ملک میں مرے گا۔ اللہ ہی جاننے والا اور خبردار ہے'' (لقمان: آیت ٣٤) پھر وہ شخص پیٹھ موڑ کر چلا گیا تو رسول اللہ ﷺ نے فرمایا کہ اس کو پھر واپس لے آؤ۔ لوگ اس کو لینے چلے لیکن وہاں کچھ نہ پایا (یعنی اس شخص کا نشان بھی نہ ملا) تب آپ ﷺ نے فرمایا کہ وہ جبرائیل علیہ السلام تھے، تم کو دین کی باتیں سکھلانے آئے تھے۔ (مسلم شریف کتاب الایمان بَابٌ: الْإِيمَانُ مَا هُوَ وَبَيَانُ خِصَالِهِ؛یعنی باب ہے ایمان کے خصائص کے متعلق؛ج:١۔ص:٣٩؛حدیث نمبر ٥؛؛
یہ حدیث) نمبر ٥)اس سند سے بھی مروی ہے اور اس میں ”رب“کے بجائے ”بعل “کے الفاظ استعمال کیے گئے ہیں (مسلم شریف کتاب الایمان ۔بَابٌ: الْإِيمَانُ مَا هُوَ وَبَيَانُ خِصَالِهِ؛ج:١۔ص٣٩؛حدیث نمبر ٦؛
حضرت ابو ہریرہ رضی اللہ عنہ سے روایت ہے کہ رسول اللہ ﷺنے فرمایا مجھ سے (دین کی باتیں) پوچھو۔ لوگ آپﷺسے سوال کرنے سے ڈر گئے۔اتنے میں ایک آدمی آیا اور آپ ﷺکے گھٹنوں کے پاس بیٹھ گئے اور بولا یا رسول اللہ !اسلام کیا ہے؟ آپ ﷺ نے فرمایا اللہ کے ساتھ کسی کو شریک نہ کرے اور نماز قائم کرے اور زکوٰۃ دے اور رمضان کے روزے رکھے ۔وہ کہنے لگا آپ نے سچ کہا۔ پھر اس نے کہا یا رسول اللہ ﷺ! ایمان کیا ہے ؟ آپ ﷺنے فرمایا اللہ پر اور اس کے فرشتوں پر اور اس کی کتاب پر اور اس سے ملنے پر اور اس کے رسولوں پر یقین کرے۔اور مرنے کے بعد دوبارہ اٹھنے پر یقین کرے ، اور پوری تقدیر پر یقین کرے ۔وہ کہنے لگا آپ نے سچ کہا ۔پھر اس نے کہا یا رسول اللہ ! احسان کیا ہے ؟ آپﷺنے فرمایا تم اللہ سے اس طرح ڈرو جیسے آپ اس کو دیکھ رہے ہیں اگر آپ اس کو نہیں دیکھتے تو اتنا تو ہے کہ وہ آپ کو دیکھ رہا ہے۔اس نے کہا آپ نے سچ کہا ۔ پھر اس نے کہا قیامت کب ہوگی ؟ آپ نے فرمایا جس سے آپ پوچھتے ہیں وہ پوچھنے والے سے زیادہ نہیں جانتے۔البتہ میں آپ سے اس کی نشانیاں بیان کرتا ہوں ۔ جب لونڈی کو دیکھے کہ وہ اپنے مالک کو جنے تو یہ قیامت کی نشانی ہے اور جب آپ ننگے پاؤں،ننگے بدن،گوناگوں اور بہروں (احمق اور نادانوں کو)کو دیکھے وہ ملک کے بادشاہ ہیں تو یہ قیامت کی نشانی ہے۔اور جب آپ بکریاں چرانے والوں کو بڑی بڑی عمارتیں بناتے دیکھے تو یہ قیامت کی نشانی ہے؛ اور وقوع۔قیامت کا علم اس غیب کی پانچ باتوں میں سے ہے جن کا علم اللہ کے سوا کسی کو(بذات خود)معلوم نہیں ہے۔پھر آپ نے یہ آیت تلاوت کی؛ان اللہ عندہ علم الساعۃ آخر تک پڑھی ۔یعنی اللہ کے پاس قیامت کا علم اور وہ بارش برساتا ہے اور جو ماں کے پیٹ میں ہے اس کو جانتا۔ اور کوئی نہیں جانتا کہ کل کیا کرے گا اور کوئی نہیں جانتا کہ کس ملک میں مرے گا۔ پھر وہ شخص اٹھ کے چلا گیا ۔آپﷺنے فرمایا اس کو میرے پاس بلاؤ ، لوگوں نے ڈھونڈا تو کسی جگہ نہیں پایا ۔ رسول اللہ ﷺنے فرمایا یہ جبریل تھے جب تم نے سوال نہیں کیا تو جبریل نے چاہا کہ تم کوعلم کی کچھ باتیں حاصل ہو (مسلم شریف کتاب الایمان بَابُ الْإِسْلَامِ مَا هُوَ وَبَيَانُ خِصَالِهِ۔یعنی اسلام کے خصائص کے متعلق یہ باب ہے؛ ج:١۔ص:٤٠؛حدیث نمبر ٧؛؛؛
نمازوں کا بیان جو ارکان اسلام میں سے ایک رکن ہے۔ (پھر امام مسلم یہ حدیث نقل کرتے ہیں کہ)حضرت ابو سہیل اپنے والد سے روایت کرتے ہیں انہوں نے حضرت طلحہ بن عبید اللہ سے سنا کہ نجد والوں میں سے ایک شخص رسول اللہ ﷺکے پاس آیا جس کے بال بکھرے ہوئے تھے ۔اس کی آواز کی گنگناہٹ ہم سن رہے تھے لیکن سمجھ میں نہیں آتا تھا کہ کیا کہتا ہے یہاں تک کہ وہ رسول اللہ ﷺکے قریب آیا ۔ تب معلوم ہوا کہ وہ اسلام کے بارے میں پوچھتا ہے ۔ رسول اللہ ﷺنے فرمایا دن رات میں پانچ نمازیں ہیں ۔ وہ کہنے لگا ان کے سوا میرے اوپر اور کوئی نماز ہے ؟ آپ ﷺنے فرمایا نہیں مگر یہ کہ آپ نفل پڑھنا چاہے ۔اور رمضان کے روزے ہیں۔وہ کہنے لگا مجھ پر رمضان کے سوا اور کوئی روزہ ہے ؟ آپ ﷺنے فرمایا نہیں مگر یہ کہ آپ نفل روزہ رکھنا چاہے ۔ پھر آپﷺنے ا س سے زکاۃکا بیان کیا۔وہ کہنے لگا مجھ پر اس کے سوا اور کوئی چیز ہے ؟ آپﷺنے فرمایا نہیں مگر یہ کہ آپ نفل ثواب کے لیے صدقہ دینا چاہے۔ راوی نے کہا پھر وہ شخص پیٹھ موڑ کر یہ کہتے ہوئے چلا گیا اللہ کی قسم میں نہ ان سے زیادہ کروں گا نہ ان میں کمی کروں گا۔ رسول اللہ ﷺنے فرمایا اگر یہ سچاہے تو کامیاب ہوا۔ (مسلم شریف کتاب الایمان بَابُ بَيَانِ الصَّلَوَاتِ الَّتِي هِيَ أَحَدُ أَرْكَانِ الْإِسْلَامِ-جلد:١ ۔ص نمبر:٤٠؛حدیث نمبر ٨؛
طلحہ بن عبید اللہ رضی اللہ عنہ وہ نبی کریم ﷺسے روایت کرتے ہیں؛دوسری روایت بھی ایسی ہی ہے جیسے اوپر گزری،(یعنی حدیث نمبر ٨ میں پس)اتنا فرق ہے کہ جب اس شخص نے کہا قسم اللہ کی میں اس میں کمی بیشی نہیں کروں گا تو رسول اللہ ﷺنے فرمایا اس شخص نے نجات پائی قسم اس کے باپ کی اگر سچا ہے۔ یا جنت میں جائے گا قسم اس کے باپ کی اگر سچا ہے۔ (مسلم شریف کتاب الایمان بَابُ بَيَانِ الصَّلَوَاتِ الَّتِي هِيَ أَحَدُ أَرْكَانِ الْإِسْلَامِ؛ج:١۔ص:٤١۔حدیث نمبر ٩؛
حضرت انس بن مالک رضی اللہ عنہ سے روایت ہے کہ رسول اللہ ﷺسےسوال پوچھنے سے ہم منع کئے گئے تھے ۔تو ہم پسند کرتے تھے کہ گاؤں سے کوئی سمجھدار شخص آئے اور آپﷺسے سوال پوچھےاور ہم سنیں۔اتنے میں دیہات سے ایک شخص آیا اور کہنے لگا اے محمد ﷺ!آپ کا قاصد ہمارے پاس آیا اور کہنے لگا آپﷺکہتے ہیں کہ اللہ نے آپﷺکو رسول بنا کر بھیجاہے ۔آپﷺنے فرمایا اس نے سچ کہا۔ وہ شخص کہنے لگا آسمان کس نے پیدا کیا ؟آپﷺنے فرمایا اللہ نے ۔ پھر اس نے کہا پہاڑوں کو کس نے پیدا کیا ؟ آپﷺنے فرمایا اللہ نے ۔ پھر اس نے کہا پہاڑوں کو کس نے کھڑا کیا اور ان میں جو چیزیں ہیں وہ کس نے پیدا کیں؟آپﷺنے فرمایا اللہ نے ۔ تب اس شخص نے کہا قسم ہے اس کی جس نے آسمان کوپیدا کیا اور زمین بنائی اور پہاڑوں کو کھڑا کیا ، کیا اللہ تعالیٰ نے سچ مچ آپ کو رسول بنا کر بھیجا؟آپﷺنے فرمایا ہاں۔ پھر وہ شخص کہنے لگا آپ کے قاصد نے ہم سے کہا کہ ہم پر دن او رات میں پانچ نمازیں فرض ہیں۔آپﷺنے فرمایا اس نے سچ کہا۔ وہ شخص کہنے لگا قسم ہے اس کی جس نے آپﷺکو رسول بنا کر بھیجا، کیا اللہ نے آپ کو ان نمازوں کا حکم کیا ہے ؟ آپ نے فرمایا ہاں ۔ پھر وہ شخص کہنے لگا آپ کے قاصد نے کہا کہ ہم پر ہمارے مالوں کی زکاۃ ہے آپ نے فرمایا اس نے سچ کہا وہ شخص کہنے لگا قسم اس کی جس نے آپ کو رسول بنا کر بھیجا ہے، کیا اللہ نے آپﷺکو زکاۃ کا حکم کیا ہے آپﷺنے فرمایا ہاں ۔ پھر وہ شخص کہنے لگا آپﷺکے قاصد نے کہا ہم پر ہر سال رمضان کے روزے فرض ہیں آپ ﷺنے فرمایا اس نے سچ کہا ۔ وہ شخص کہنے لگا قسم اس کی جس نے آپ کو رسول بنا کر بھیجا؛ کیا اللہ نے آپ کو ان روزوں کا حکم دیا ہے ؟ آپﷺنے فرمایا ہاں ۔ پھر وہ شخص کہنے لگا آپ کے قاصد نے کہا کہ ہم پر بیت اللہ کا حج فرض ہے جو اس کی طرف راہ پاسکتے ہوں۔(استطاعت رکھتے ہوں)آپﷺنے فرمایا اس نے سچ کہا ۔ یہ سن کر وہ شخص پیٹھ موڑ کر یہ کہتے ہوئے چلا گیا قسم ہے اس کی جس نے آپﷺکو سچا پیغمبر بناکر بھیجا ، میں ان باتوں میں کمی بیشی نہیں کروں گا ۔ رسول اللہ ﷺنے فرمایا اگر یہ سچا ہے تو جنت میں جائے گا۔ (مسلم شریف کتاب الایمان؛بَابٌ فِي بَيَانِ الْإِيمَانِ بِاللهِ وَشَرَائِعِ الدِّينِ یعنی ارکان اسلام کے بارے میں سوال ج:١۔ص:٤١؛حدیث نمبر ١٠؛؛؛
ایک دوسری سند سے بھی حضرت انس رضی اللہ عنہ سے مروی ہے۔فرماتے ہیں قرآن میں ہمیں نبی اکرمﷺسے سوال کرنے سے منع کیا گیا تھا کہ ہم نبی اکرم صلی اللہ علیہ وسلم سے سوال کریں باقی حدیث وہی(حدیث نمبر ١٠ کی طرح) ہے۔ (مسلم شریف کتاب الایمان بَابٌ فِي بَيَانِ الْإِيمَانِ بِاللهِ وَشَرَائِعِ الدِّينِ؛ج:١۔ص:٤٢؛حدیث نمبر ١١؛؛
حضرت ابو ایوب انصاری رضی اللہ عنہ سے روایت ہے کہ رسول اللہ ﷺ سفر میں جارہے تھے اتنے میں ایک دیہاتی سامنے آیا اور آپﷺکی اونٹنی کی رسی یا نکیل پکڑ کر کہنے لگا یا رسول اللہ ﷺ!یا یوں کہا یا محمدﷺ!مجھے وہ چیز بتلائیے جو مجھے جنت کی نزدیک اور جہنم سے دور کرے ؟ آپﷺیہ سن کر رک گئے اور اپنے اصحاب کی طرف دیکھا ، پھر فرمایا اس کی توفیق دی گئی یا ہدایت کی گئی۔آپﷺنے فرمایا تو نے کیا کہا؟ اس نے پھر وہی کہا (یعنی مجھے وہ بات بتلائے جوجنت کے نزدیک کرے اور جہنم سے دور کردے) تب رسول اللہ ﷺنے فرمایا اللہ کی عبادت کرو اور اس کے ساتھ کسی کو شریک نہ کرو۔ اور نماز کو قائم کرو، اور زکاۃ دو ،اور رشتے ناتے کو جوڑو(رشتہ داروں کے ساتھ اچھا سلوک کرو) اور اونٹی کو چھوڑدے۔ (کیونکہ اب تیرا کام ہوگیا؛ (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ؛یعنی اس ایمان کے بیان میں جو جنت میں داخلےکا سبب بنے گا ، اور جس نے احکام پر عمل کیا وہ جنت میں داخل ہوجائے گا۔ج:١۔ص:٤٢؛حدیث نمبر ١٢؛؛
ایک اور سند سے بھی حضرت ابو ایوب انصاری رضی اللہ عنہ نبی اکرم صلی اللہ علیہ وسلم سے اس(حدیث نمبر ١٢) کی مثل حدیث روایت کرتے ہیں (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ۔ج:١۔ص:٤٣؛حدیث نمبر ١٣؛؛؛
حضرت ابو ایوب رضی اللہ عنہ سے روایت ہے کہ ایک شخص رسول اللہ کےپاس آکر کہنے لگا مجھے کوئی ایسا کام بتلائیے جو مجھے جنت کے قریب اور جہنم سے دور کردے؟آپﷺنے فرمایا وہ کام یہ ہے کہ آپ اللہ کی عبادت کرے اور کسی کو اس کے ساتھ شریک نہ کرے ۔ اور نماز قائم کرے اورزکاۃدے اور رشتے ناتے کو جوڑے؛ جب وہ شخص پیٹھ پھیر کر چلا گیا تو آپﷺنے فرمایا اگر یہ ان باتوں پر چلا جن کا حکم کیا گیا ،یا میں نے جن کا حکم کیا تو جنت میں جائے گا۔ایک روایت میں صرف یہ ہے کہ اگر اس نے مضبوطی سے اختیار کیا ("جس کااسےحکم دیاگیا" کےالفاظ نہیں ہیں۔ (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ج:١۔ص:٤٣؛حدیث نمبر ١٤؛؛؛
حضرت ابو ہریرہ رضی اللہ عنہ سے روایت ہے کہ ایک اعرابی رسول اللہ ﷺکی خدمت میں حاضر ہوا اور اس نے عرض کیا۔یا رسو ل اللہ! ﷺمجھے بتلائیے کوئی ایسا کام جس کے کرنے سے میں جنت میں چلا جاؤں ؟ آپﷺنے فرمایا وہ کام یہ ہے کہ آپ اللہ کی عبادت کرے اس کے ساتھ کسی کو شریک نہ کرے اورفرض نمازقائم کرے-اورفرض زکاۃ دے، اور رمضان کے روزے رکھے۔وہ شخص کہنے لگا قسم ہے اس کی جس کے ہاتھ میں میری جان ہے میں اس میں(بطورفرض)کمی بیشی نہیں کروں گا۔ تب وہ پیٹھ پھیر کر چلا گیا اور آپﷺنے فرمایا جو جنتی کو دیکھنا چاہتا ہے وہ اس شخص کو دیکھے (مسلم شریف کتاب الایمان ۔بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ج :١ ۔ص:٤٤؛حدیث نمبر ١٥؛؛
حضرت جابر رضی اللہ عنہ سے روایت ہے کہ نعمان بن قوقل رضی اللہ عنہ رسول اللہ کے پاس آئے اور عرض کیا یا رسول اللہ ﷺ!آپ کا کیا خیال ہے۔جب میں فرض نماز ادا کر لوں۔حرام کو حرام اور حلال کو حلال سمجھوں توکیامیں جنت میں داخل ہو جاؤں گا؟ آپﷺنےفرمایا ہاں(داخل ہو جاؤ گے) (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ج:١۔ص:٤٤؛حدیث نمبر ١٦؛؛
ایک دوسری سند سے بھی حضرت جابر رضی اللہ عنہ سے مروی ہے۔فرماتے ہیں نعمان بن قوقل رضی اللہ عنہ نے عرض کیا یا رسول اللہ صلی اللہ علیہ وسلم ! اس کے بعد پہلی حدیث(نمبر ١٦)کی طرح ہے البتہ یہ اضافہ ہے کہ اس پر کوئی اضافہ نہ کروں۔ (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ج:١ ۔ص:٤٤؛حدیث نمبر ١٧؛؛
۔حضرت جابر رضی اللہ عنہ سے روایت ہے کہ ایک شخص نے رسول اللہ ﷺسے پوچھا میں اگر فرض نمازوں کو ادا کروں اور رمضان کے روزے رکھوں اور حلال کو حلال سمجھوں اور حرام کو حرام ، اس سے زیادہ کچھ نہ کروں تو جنت میں جاؤں گا ؟ آپﷺنے فرمایا ہاں ۔ وہ شخص کہنے لگا اللہ کی قسم میں اس سے زیادہ کچھ نہیں کروں گا۔ (مسلم شریف کتاب الایمان بَابُ بَيَانِ الْإِيمَانِ الَّذِي يُدْخَلُ بِهِ الْجَنَّةَ، وَأَنَّ مَنْ تَمَسَّكَ بِمَا أُمِرَ بِهِ دَخَلَ الْجَنَّةَ ج:١۔ص:٤٤؛حدیث نمبر ١٨؛؛
حضرت عبد اللہ بن عمر رضی اللہ عنہ سے روایت ہے کہ انہوں نے نبی اکرم ﷺسے سنا آپﷺنے فرمایا اسلام کی بنیاد پانچ چیزوں پر ہے اللہ تعالیٰ کو ایک ماناجائے (یعنی توحید کا اقرار کرنا ) اورنماز قائم کرنا ، زکاۃ دینا ، رمضان کے روزے رکھنا ، حج ادا کرنا ، ایک شخص کہنے لگا ”حج او ررمضان کے روزے“ (حج کو پہلے بیا ن کیا گیا اور روزوں کو بعد میں )۔ ابن عمر رضی اللہ عنہ نے کہا نہیں، رمضان کے روزے اور حج ،اسی طرح میں نے رسول اللہ ﷺسے سنا (مسلم شریف کتاب الایمان؛باب قول النبی صلی اللہ علیہ وسلم بنی الاسلام علی خمس؛ جلد:١ص نمبر٤٥؛ حدیث نمبر ١٩؛؛
عبد اللہ بن عمر رضی اللہ عنہ سے روایت ہے کہ رسول اللہ ﷺنے فرمایا اسلام کی بنیاد پانچ چیزوں پر ہے۔اللہ تعالی کی عبادت کی جائےاور اس کے سوا تمام جھوٹے معبودوں کا انکار کیا جائے،نماز قائم کرنا،زکاۃدینا، بیت اللہ شریف کاحج کرنا،اور رمضان کے روزے رکھنا۔ (مسلم شریف کتاب الایمان؛باب قول النبی صلی اللہ علیہ وسلم بنی الاسلام علی خمس؛ جلد:١ص نمبر٤٥؛حدیث نمبر ٢٠""
حضرت عاصم (جو محمد بن زید بن عبداللہ بن عمر رضی اللہ عنہم کے بیٹے ہیں)وہ اپنے والد سے روایت کرتے ہیں وہ فرماتے ہیں عبد اللہ بن عمر رضی اللہ عنہ سے روایت ہے کہ رسول اللہ ﷺنے فرمایا اسلام کی بنیاد پانچ چیزوں پر ہے۔اس بات کی گواہی دینا کہ اللہ کے سوا کوئی سچا معبود نہیں اور حضرت محمد ﷺاس کے بندے اور اس کے رسول ہیں اورنماز قائم کرنا، زکاۃ دینا،خانہ کعبہ کا حج کرنا،اور رمضان کے روزے رکھنا۔ (مسلم شریف کتاب الایمان؛باب قول النبی صلی اللہ علیہ وسلم بنی الاسلام علی خمس؛جلد:١ص نمبر٤٥؛ حدیث نمبر ٢١"
حضرت حنظلہ فرماتے ہیں میں نےحضرت عکرمہ بن خالد سےسنا۔وہ حضرت طاؤس سے روایت کرتے ہیں کہ عبد اللہ بن عمر رضی اللہ عنہما سے ایک شخص نے کہا کہ تم جہاد کیوں نہیں کرتے؟انہوں نے کہا میں نے رسول اللہ سے سنا آپ ﷺفرماتےتھے اسلام کے پانچ ستون ہیں۔اس بات کی گواہی دینا کہ اللہ کے سوا کوئی سچا معبود نہیں۔نماز قائم کرنا،زکاۃ دینا،رمضان کے روزے رکھنا اور خانہ کعبہ کا حج کرنا ۔(مسلم شریف کتاب الایمان؛باب قول النبی صلی اللہ علیہ وسلم بنی الاسلام علی خمس؛ جلد:١ص نمبر٤٥؛ حدیث نمبر٢٢ ؛؛؛
حضرت ابن عباس رضی اللہ عنہما سے روایت ہے کہ عبد القیس کا وفد رسول اللہ ﷺکے پاس آیا اور کہا؛ یارسول اللہ صلی اللہ علیہ وسلم !ہم ربیعہ کے قبیلہ میں سے ہیں ہمارے اور آپﷺکے درمیان میں مضر کے کافر حائل ہیں اور ہم آپ تک نہیں آسکتےمگرحرمت والے مہینوں میں ہی(اس سبب)۔آپ ہمیں کوئی ایسی بات بتلائیں جس پر ہم عمل کریں اور لوگوں کوبھی اس طرف بُلائیں۔آپﷺنےفرمایا میں آپ کو چار چیزوں کا حکم دیتا ہوں اور چار چیزوں سے روکتا ہوں۔اس چیز کی گواہی دو کہ اللہ کےسوا کوئی معبود برحق نہیں ہے،اور محمد ﷺاللہ کے رسول ہیں۔اور نماز قائم کرو،اور زکاۃ ادا کرو۔مال غنیمت کاخمس (پانچواں حصہ)اداکرو۔اور میں منع کرتاہوں دباء (یعنی کدوکے برتن )سے،حنتم(سبز گھڑے)سے، نقیر(لکڑی کے کھودےہوئے برتن)سے،مقیر (تارکول چڑھایا ہوابرتن)سے۔خلف بن ہشام نے اپنی روایت میں اتنا زیادہ کیا ہے کہ آپﷺنے اپنی انگلی مبارک سے اشارہ کرتے ہوئے فرمایا اس بات کی گواہی دینی کہ اللہ کے سواکوئی سچا معبود نہیں ۔(مسلم شریف کتاب الایمان؛باب الامرباالایمان باللہ ورسولہ، وشرائع الدین،والدعاءالیہ؛ جلد:١ص نمبر٤٦؛ حدیث نمبر ٢٣؛؛
حضرت ابوجمرہ رضی اللہ عنہ سےروایت ہےکہ میں ابن عباس رضی اللہ عنہما کےسامنے ان کے اورلوگوں کےدرمیان مترجم تھا،اتنے میں ایک عورت آئی جو آپ رضی اللہ عنہ سے گھڑے کی نبیذ کے بارے میں پوچھتی تھی۔ابن عباس رضی اللہ تعالیٰ عنہما نےکہا عبدالقیس کاوفدرسول اللہ ﷺکے پاس آیا اور آپﷺنے پوچھا یہ وفد کون ہیں یا یہ کس قوم کے لوگ ہیں؟ تو؛لوگوں نے کہا یہ ربیعہ کے قبیلہ سے ہیں۔آپ نے اس قوم یا وفد کو خوش آمدید کہا،اور کہا نہ انہیں ذلت ہو اور نہ ہی ندامت (یعنی ان کا آنا بہت خوب ہے، لڑائی کے بغیر خود مسلمان ہونے کے لیے آئے،اگر لڑائی کے بعد مسلمان ہوتےتووہ رسواہوتے، لونڈی غلام بنائےجاتے،مال لٹ جاتا تو شرمندہ ہوتے)ان لوگوں نے کہا یارسول اللہ ﷺ!ہم آپﷺکےپاس دوردرازسےسفر کرکے آئے ہیں،ہمارےاور آپﷺکے درمیان یہ مضر کے کافروں کا قبیلہ ہے،ہم حرمت والے مہینے میں ہی آپ کے پاس آسکتے ہیں۔اس لیے ہمیں آپ ایسی واضح بات بتائیں جس کی خبر ہم اپنے پچھلے لوگوں کوبھی دیں(جو یہاں نہیں آسکے ہیں)اور اس کے سبب ہم جنت میں داخل ہوجائیں۔ابن عباس رضی اللہ تعالیٰ عنہما فرماتےہیں کہ آپﷺنے انہیں چار باتوں کا حکم دیا اور چار باتوں سے منع فرمایا۔ان کو حکم کیا اللہ کی توحید پر ایمان لانے کا اور ان سے پوچھا کہ جانتے ہو ایمان کیا ہے؟انہوں نے کہا اللہ اور اس کے رسول خوب جانتے ہیں۔آپ ﷺنے فرمایا اس بات کی گواہی دینا کہ اللہ کے سوا کوئی عبادت کے لائق نہیں اور محمد ﷺاس کے رسول ہیں۔نماز کا قائم کرنا، زکاۃ دینا اور رمضان کے روزے رکھنا۔اور غنیمت کے مال میں سے پانچواں حصہ ادا کرنا۔اور ان کو منع فرمایا کدو کے برتن سے،روغنی گھڑے سے،اور تارکول چڑھایا ہوا برتن سے۔ شعبہ نے کبھی یوں کہا ”اور نقیر سے اور کبھی کہا مقیر سے“اور فرمایا ان کو یاد رکھواور ان باتوں کی خبر ان لوگوں کو بھی دوجوتمہارے پیچھے ہیں۔ابو بکربن ابی شیبہ نے مَنْ وراءَکم کہا مِنْ ورائکم کے بدلے،اور مطلب دونوں کا ایک ہےاور ان کی روایت میں مقیرکاذکرنہیں ہے۔ (مسلم شریف کتاب الایمان؛باب الامرباالایمان باللہ ورسولہ،وشرائع الدین،والدعاء الیہ؛ جلد:١ص نمبر٤٧؛ حدیث نمبر ٢٤؛؛
دوسری روایت بھی ابن عباس رضی اللہ عنہما سے اسی طرح ہے(حدیث نمبر ٢٤ کی طرح ہے لیکن)-اس میں یہ ہےکہ میں تم کومنع کرتاہوں اس نبیذسےجوبھگوئی جائےکدوکےبرتن میں،لکڑی کے بنائےہوئے برتن میں،روغنی برتن میں،اور تارکول چڑھائے ہوئے برتن میں۔ابن معاذ نے اپنی روایت میں اپنے باپ سے اتنا زیادہ کیا کہ رسول اللہ ﷺعبد القیس کے اشج سے(جس کا نام منذر بن حارث تھا)فرمایا تجھ میں دو عادتیں ایسی ہیں جن کو اللہ تعالیٰ پسند کرتا ہے۔ایک توعقل مندی،دوسری سوچ سمجھ کر کام کرنا،جلدی نہ کرنا۔ (مسلم شریف کتاب الایمان؛باب الأمرباالایمان باللہ ورسولہ،وشرائع الدین،والدعاء الیہ؛جلد:١ص نمبر٤٨؛حدیث نمبر٢٥""
حضرت قتادہ رضی اللہ عنہ سے روایت ہے کہ مجھے اس شخص نے یہ روایت بیان کی جو اس وفد سے ملا جو رسول اللہ ﷺکے پاس آیا تھا۔عبد القیس کے قبیلہ میں سے،سعیدنےکہا قتادہ نےابو نضرہ کا نام لیا انہوں نےابوسعیدخدری رضی اللہ عنہ سے سنا،تو قتادہ رضی اللہ عنہ نےاس حدیث کو ابونضرہ سےسناانہوں نے ابو سعید خدری رضی اللہ عنہ سے کہ کچھ لوگ عبد القیس کے رسول اللہﷺکے پاس آئےاور کہنے لگے اے اللہ کے نبی ہم ربیعہ خاندان کے ایک قبیلہ سے ہیں ہمارے اور آپ کے درمیان مضر کے کافر حائل ہیں ہم حرمت کے مہینوں میں ہی آسکتے ہیں۔اس لیے ہمیں کوئی ایسا حکم کیجئے جو ہم اپنے پیچھے رہنے والوں کو بتلائیں اور اس کے سبب ہم جنت میں داخل ہوجائیں اگر ہم اس پر عمل کریں۔آپ ﷺنے فرمایا میں تمہیں چار چیزوں کاحکم دیتا ہوں اور چار چیزوں سے منع کرتا ہوں۔اللہ تعالیٰ کی عبادت کرو اور اس کے ساتھ کسی کو شریک نہ ٹھہراؤ۔نماز قائم کرو، زکاۃ ادا کرو،رمضان کے روزے رکھو،مال غنیمت سے پانچواں حصہ ادا کرو۔اور میں آپ کو چار چیزوں سے منع کرتا ہوں دباء (یعنی کدو کے برتن )سے،حنتم (روغنی گھڑے)سے،نقیر(لکڑی کےکھودےہوئےبرتن)سے،مزفت (تارکول چڑھایا ہوا برتن)سے۔لوگوں نے کہا یارسول اللہ ﷺ!نقیر آپﷺجانتے ہیں آپ ﷺنے فرمایا کیوں نہیں جانتا،نقیر ایک لکڑی ہے جس کو تم کھرچتے ہو،پھر اس میں ایک چھوٹی کجھور کوبھگوتےہو،سعید نے کہا یاتم بھگوتے ہو۔پھر اس میں پانی ڈالتے ہو جس سے اس کا جوش تھم جاتا ہے۔پھر اس کو پیتے ہویہاں تک کہ ایک تم میں اپنےچچا کےبیٹےکو تلوار سے مارتا ہے۔(نشہ میں آکر جب عقل جاتی رہتی ہے تو دوست دشمن کی شناخت نہیں رہتی)راوی نے کہا ہمارے لوگوں میں اس وقت ایک شخص موجود تھا جس کا نام جہم تھا)اس کو اسی نشہ کی بدولت ایک زخم لگ چکا تھا،اس نے کہا کہ لیکن میں شرم کی وجہ سے اس کورسول اللہ ﷺسے چھپاتا تھا۔میں نے کہا یارسول اللہﷺپھر کس برتن میں ہم شربت پئیں؟آپﷺنے فرمایا چمڑے کے برتنوں میں (مشکوں) میں جن کا منہ باندھا جاتا ہے۔لوگوں نے کہا یارسول اللہ ﷺ ہمارے ملک میں چوہے بہت زیادہ ہیں وہاں چمڑے کے برتن نہیں رہ سکتے۔آپﷺ نے فرمایا چمڑے کے برتنوں میں پیو اگرچہ چوہے ان کو کاٹ ڈالیں۔(یعنی جس طرح بھی ہوسکے چمڑے ہی کے برتن میں پیو، چوہوں سے حفاظت کرو لیکن ان برتنوں میں پینا درست نہیں کیونکہ وہ شراب کے برتن ہیں)راوی نے کہا رسول اللہ ﷺنے عبد القیس کے اشج سے فرمایا تجھ میں دوخصلتیں ایسی ہیں جن کو اللہ تعالیٰ پسند کرتا ہے،ایک تو عقلمندی، دوسری سمجھ سے کام کرناجلدی نہ کرنا۔ (مسلم شریف کتاب الایمان؛باب الأمرباالایمان باللہ ورسولہ، وشرائع الدین،والدعاء الیہ؛جلد:١ص نمبر٤٨؛حدیث نمبر٢٦؛؛
حضرت سعید رضی اللہ عنہ ،حضرت قتادہ رضی اللہ عنہ سے روایت کرتے ہیں کہ۔وہ فرماتے ہیں مجھ سے ایسے کئی لوگوں نے بیان کیا جنہوں نے اس وفد سےملاقات کی اور انہوں نے حضرت ابو سعید خدری رضی اللہ عنہ سے روایت کرتے ہوئے ابو نضرہ سے بیان کیا کہ عبد القیس کا وفد جب نبی اکرم صلی اللہ علیہ وسلم کی خدمت میں حاضر ہوا۔پھر انہوں نے گزشتہ حدیث(حدیث نمبر ٢٦)کی مثل ذکر کیا البتہ اس میں (قطيعاءکی بجائے) تزیفون کا لفظ ہے کہ تم اس میں چھوٹی کھجوریں،چھوہارے اور پانی ڈالتے ہو۔اس روایت میں یہ الفاظ نہیں ہیں"کہ حضرت سعید نے فرمایا من التمر (کھجوروں سے) فرمایا" ۔ (مسلم شریف کتاب الایمان؛باب الأمرباالایمان باللہ ورسولہ، وشرائع الدین،والدعاء الیہ؛جلد:١ص نمبر٤٩؛حدیث نمبر ٢٧""
حضرت ابو سعید خدری رضی اللہ عنہ سے روایت ہےکہ عبد القیس کاوفد جب رسول اللہ ﷺکے پاس آیا تو کہنے لگا اے اللہ کے نبی!اللہ تعالیٰ ہمیں آپ پر فدا کریں۔کونسی شراب ہمارےلیے درست ہے؟آپ ﷺنے فرمایا نقیر میں نہ پیو۔انہوں نے کہا اے اللہ کے نبی ﷺ!اللہ ہمیں آپﷺ پر فدا کرے کیا آپ نقیر کوجانتے ہیں؟ آپﷺنےفرمایا نقیر ایک لکڑی ہے جس کو درمیان میں کھود کر گڑھا بنالیا جاتاہے۔اور نہ پیو کدو کے برتن میں،اور نہ ہی روغنی برتن میں،بلکہ چمڑے کےان مشکوں میں پیو جن کا منہ ڈوری یا تسمہ سےبندھا ہوتا ہے (مسلم شریف کتاب الایمان؛باب الأمرباالایمان باللہ ورسولہ، وشرائع الدین،والدعاء الیہ؛جلد:١ص نمبر٥٠؛حدیث نمبر٢٨""
حضرت ابن عباس رضی اللہ عنہما سے روایت ہےکہ معاذ بن جبل رضی اللہ عنہ نے کہا مجھے رسول اللہ ﷺ نے (یمن کی طرف حاکم بناکر )بھیجا تو فرمایا تم ایسی قوم کے پاس جا رہے ہو جو اہل کتاب ہیں ان کو اللہ کی توحید اور میری رسالت کی گواہی کی دعوت دینا اگر انہوں نے اس کو مان لیا،تو انہیں بتادیں کہ اللہ تعالیٰ نے ان پر دن رات میں پانچ نمازیں فرض کی ہیں۔اگر انہوں نے اس کو مان لیا،توانہیں بتادیں کہ اللہ تعالیٰ نے ان پر زکاۃ فرض کی ہے۔جو ان کے مالداروں سے لی جائے گی،اور انہی کے فقیروں اور محتاجوں کو دی جائے گی۔اگر وہ اس بات کو مان لیں تو ان کے عمدہ مال کو ہرگز نہیں لینا(یعنی زکاۃ میں درمیانی جانور لینا،عمدہ دودھ والا اور موٹا تازہ جانور نہیں لینا)۔اور مظلوم کی بد دعا سے بچنا کیونکہ مظلوم کی بددعا اور اللہ کے درمیان کوئی پردہ نہیں ہوتا ۔(مسلم شریف کتاب الایمان؛باب الدعاء الی الشهادتين وشرائع الاسلام؛جلد:١ص نمبر٥٠؛حدیث نمبر٢٩؛
ایک دوسری سند کے ساتھ حضرت ابن عباس رضی اللہ عنہ سے روایت ہے کہ نبی اکرم صلی اللہ علیہ وسلم نے حضرت معاذ رضی اللہ عنہ کو یمن کی طرف بھیجا اور فرمایا عنقریب تم ایک قوم کے پاس جاؤ گے۔آگے پہلے حدیث کی مثل ہے۔(یعنی حدیث نمبر ٢٩ کے مثل ہے) (مسلم شریف کتاب الایمان؛باب الدعاء الی الشهادتين وشرائع الاسلام؛جلد:١ص نمبر٥١؛حدیث نمبر٣٠"
حضرت ابن عباس رضی اللہ عنہ سے روایت ہے کہ رسول اللہﷺنےجب معاذ رضی اللہ عنہ کو یمن کی طرف بھیجا تو فرمایا کہ تم ایک ایسی قوم کے پاس جا رہے ہو جو اہل کتاب ہیں۔پس تم سب سے پہلے ان کو اللہ تعالیٰ کی عبادت کی طرف بلانا جب وہ اللہ تعالیٰ کی پہچان حاصل کر لیں تو ان کو بتانا اللہ تعالی نے دن رات میں ان پرپانچ نمازيں فرض کیں ہیں،اگروہ اسے تسلیم کرلیں توپھرانہیں یہ بتانا کہ اللہ تعالی نے ان پرزکاۃ فرض کی ہے جومالداروں سےلے کر غرباومساکین کودی جائےگی۔جب وہ یہ بھی مان لیں تو ان سے زکاۃ لے،لیکن عمدہ اور نفیس مالوں کو(زکاۃ میں)لینے سےگریز کریں۔ (مسلم شریف کتاب الایمان؛باب الدعاء الی الشهادتين وشرائع الاسلام؛جلد:١ص نمبر٥١؛حدیث نمبر٣١"
حضرت ابوہریرہ رضی اللہ عنہ سے روایت ہے کہ جب رسول اللہ ﷺکا وصال ہوااور ابوبکر صدیق رضی اللہ عنہ خلیفہ ہوئے اور عرب کے لوگ جو کافر ہونے تھے وہ کافر ہوگئے تو حضرت عمر رضی اللہ عنہ نے ابو بکر رضی اللہ عنہ سے کہا تم ان لوگوں سےکیونکر لڑوگے حالانکہ رسول اللہﷺنے فرمایا ہے مجھےلوگوں سے لڑنے کا حکم ہوایہاں تک کہ وہ لا الہ الا اللہ کہیں، پھر جس نے لا الہ الا اللہ کہا اس نے مجھ سے اپنے مال اور جان کو بچا لیامگر اسلام کا حق باقی ہےاوراس کاحساب اللہ پرہے۔حضرت ابوبکر صدیق رضی اللہ عنہ نے کہا اللہ کی قسم میں تو لڑوں گا اس شخص سے جو نمازاور زکاۃ میں فرق کرے گااس لئے کہ زکاۃ مال کا حق ہے۔اللہ کی قسم اگر وہ ایک عقال(اونٹ کا گھٹنا باندھنے والی رسی) روکیں گے جو رسول اللہ صلی اللہ علیہ وسلم کو دیا کرتے تھےتومیں ان سےاس کے نہ دینے پر لڑوں گا۔حضرت عمر رضی اللہ عنہ نے کہا اللہ کی قسم!میں نے دیکھا کہ اللہ تعالیٰ نےحضرت ابوبکر صدیق رضی اللہ عنہ کا سینہ جہاد کے لیے کھول دیا تو میں نے جان لیا کہ یہی حق ہے۔ (مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥١؛حدیث نمبر٣٢""
حضرت ابوہریرہ رضی اللہ عنہ سے روایت ہے کہ رسول اللہ ﷺنے فرمایامجھے لوگوں سے لڑنے کا حکم ہوا ہے۔یہاں تک کہ وہ لا الہ الا اللہ کہیں پھر جس نے لا الہ الا اللہ کہا اس نے مجھ سے اپنے مال و جان کو بچالیا مگر اسلام کا حق باقی ہے اور اس کا حساب اللہ تعالیٰ کے ذمہ ہے۔ (مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٢؛حدیث نمبر٣٣""
حضرت ابو ہریرہ رضی اللہ عنہ سے روایت ہے کہ رسول اللہ ﷺنے فرمایا مجھے لوگوں سے لڑنے کا حکم ہوا ہے۔یہاں تک کہ وہ اس بات کی گواہی دیں کہ اللہ کے سوا کوئی معبود برحق نہیں۔اور مجھ پر ایمان لائیں(کہ میں اللہ کا رسول ہوں)اور اس پر جس کو میں لیکر آیا ہوں (یعنی قرآن پر)جب وہ ایسا کریں گے تو انہوں نے مجھ سے اپنے مال و جان کو بچالیا مگر اسلام کا حق باقی ہے اور اس کاحساب اللہ پر ہے (مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٢؛حدیث نمبر٣٤؛؛
ایک دوسری سند سے بھی حضرت ابو ہریرہ رضی اللہ عنہ سے روایت ہے۔فرماتے ہیں رسول اللہ صل اللہ علیہ وسلم نے فرمایا مجھے حکم دیا گیا کہ میں لوگوں سےلڑوں۔آگے حدیث ٣٤کی مثل ہے۔ (مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٢؛حدیث نمبر٣٥"
حضرت جابررضی اللہ عنہ سے روایت ہے کہ رسو ل اللہ ﷺنے فرمایا مجھے لوگوں سے لڑنے کا حکم ہوا ہے۔یہاں تک کہ وہ لا الہ الا اللہ کہیں پھر انہوں نے لا الہ الا اللہ کہا تو مجھ سے اپنے مال و جان کو بچالیاالبتہ ان کا حق باقی ہےاور ان کا حساب اللہ پر ہے۔ پھر آپﷺنے یہ آیت پڑھی "إنما أنت مذکر ، لست علیہم بمصیطر"(سورہ غاشیہ؛ آیت نمبر:٢١)"آپ تو صرف یاد دلانے والے ہیں، آپ ان پر نگراں نہیں ہیں" ۔(مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٢؛حدیث نمبر٣٦"
حضرت عبد اللہ بن عمر رضی اللہ عنہ سےروایت ہے کہ رسو ل اللہﷺنےفرمایامجھے لوگوں سے لڑنےکاحکم ہواہے۔یہاں تک کہ وہ اس بات کی گواہی دیں کہ اللہ کے سوا کوئی معبودبرحق نہیں۔اور محمد ﷺاللہ کے رسول ہیں اور نماز کو قائم کریں اور زکاۃ ادا کریں،جب وہ ایسا کریں گے تو انہوں نے مجھ سے اپنے مال و جان کو بچالیاالبتہ ان کاحق ہےاور ان کا حساب اللہ پر ہے ۔(مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٣؛حدیث نمبر٣٧"
حضرت ابو مالک اپنےوالدسے روایت کرتےہیں کہ انہوں نے کہا کہ میں نے رسول اللہ ﷺسے سناآپﷺنے فرمایاجس شخص نے لا الہ الا اللہ کہا اور ان چیزوں کاانکار کیاجن سےاللہ کے علاوہ پوجا کی جاتی ہے۔تو اس کا مال اور خون حرام ہوگیا۔(یعنی اس نے اپنے مال و جان کو بچالیا) اور اس کا حساب اللہ پر ہے۔ (مسلم شریف کتاب الایمان؛باب الامربقتال الناس حتیٰ یقولوا:لاالہ الااللہ محمد رسول اللہ؛جلد:١ص نمبر٥٣؛حدیث نمبر٣٨"
ایک دوسری سند کے ساتھ حضرت ابو مالک سے مروی ہے۔وہ اپنے والد سے روایت کرتے ہیں کہ انہوں نے نبی اکرم صلی اللہ علیہ وسلم کو فرماتے ہوئے سنا کہ جس نے اللہ تعالیٰ کو ایک مانا(پھر باقی حدیث نمبر٣٨کی طرح ہے) (مسلم شریف کتاب الایمان؛باب الامربقتال الناس حتیٰ یقولوا:لاالہ الا اللہ محمد رسول اللہ؛جلد:١ص نمبر٥٣؛حدیث نمبر٣٩؛
حضرت سعید بن مسیب اپنے والدسے روایت کرتے ہیں انہوں نے کہا جب ابو طالب کی وفات کا وقت ہوا تو رسول اللہ ﷺ ان کے پاس تشریف لائے اور وہاں ابو جہل اور عبد اللہ بن ابی امیہ بیٹھےتھےآپﷺ نےفرمایا اےمیرےچچاجان!لا الہ الا اللہ کہہ دو،ایک کلمہ،میں اللہ کے پاس اسکا گواہ رہوں گا۔ابو جہل اور عبداللہ بن ابی امیہ بولےاےابوطالب!کیاآپ عبد المطلب کادین چھوڑتے ہو؟اور رسول اللہ ﷺ برابر یہی بات ان سے دہراتے رہے (یعنی کلمہ توحید پڑھنے کے لیے،ادھر ابو جہل اور عبد اللہ بن ابی امیہ اپنی بات بکتے رہے)۔بالآخر ابو طالب نے یہ کہا میں عبد المطلب کےدین پرہوں اور لا الہ الا اللہ کاانکار کردیا۔تو رسول اللہ ﷺ نے فرمایا اللہ کی قسم میں تمہارے لیے اُس وقت تک(بخشش کی)دعا کروں گا جب تک مجھے منع نہیں کیا جاتا۔تب اللہ تعالیٰ نے یہ آیت نازل فرمائی"ما کان للنبی والذین آمنوا"۔۔۔آخر تک"نبی اور ایمان والوں کے لئےجائزنہیں کہ مشرکین کے لیےبخشش طلب کرےاگرچہ وہ ان کےقریبی رشتہ دارہوں اس کےبعدکہ ان کے لیےان کاجہنمی ہوناواضح ہو گیا ہو"(التوبہ:113)اوراللہ تعلی نے ابو طالب کے بارے میں آیت نازل فرمائی تو نبی اکرم صلی اللہ علیہ وسلم سے فرمایا" انک لا تہدی من أحببت ".. آخر تک۔"بیشک آپ اس کو ہدایت نہیں دے سکتے جس کو چاہے لیکن اللہ تعالی جسے چاہے ہدایت دیتا ہے اور وہ ہدایت یافتہ لوگوں کو خوب جانتا ہے"(القصص:(56) (مسلم شریف کتاب الایمان؛باب اول الایمان قول لاالہ الااللہ؛جلد:١ص نمبر٥٣؛حدیث نمبر٤٠"
حضرت معمر اور حضرت صالح دونوں حضرت زہری سے اسی سند کے ساتھ اس(حدیث نمبر ٤٠)کی مثل رویت کرتے ہیں۔البتہ حضرت صالح کی روایت"اللہ تعالیٰ نے ابو طالب کے بارے میں آیت نازل فرمائی" کے الفاظ پر ختم ہو جاتی ہے اور دونوں آیتوں کا ذکر نہیں کیا اور انہوں نے اپنی حدیث میں یہ بات بھی نقل کی کہ دونوں اپنی بات لوٹا رہے تھے اور حضرت معمر کی روایت میں "المقالہ" کی جگہ "الکلمۃ" کا لفظ ہے کہ وہ دونوں اپنا کلمہ (اپنی بات) مسلسل کہتے رہے۔ (مسلم شریف کتاب الایمان؛باب اول الایمان قول لاالہ الااللہ؛جلد:١ص نمبر٥٤؛حدیث نمبر٤١؛
حضرت ابو ہریرہ رضی اللہ عنہ سےروایت ہے رسول اللہ ﷺنے اپنے چچا(ابو طالب)سے مرتے وقت کہا لا الہ الا اللہ کہو میں قیامت کے دن آپ کے لیے اس پر گواہ رہوں گا۔انہوں نےانکارکیا۔تب اللہ تعالیٰ نے یہ آیت نازل کی "إنک لا تہدی من أحببت"(القصص؛ ٥٦)آخر تک۔ (مسلم شریف کتاب الایمان؛باب اول الایمان قول لاالہ الااللہ؛جلد:١ص نمبر٥٤؛حدیث نمبر٤٢؛؛
حضرت ابو ہریرہ رضی اللہ عنہ سے روایت ہے کہ رسول اللہ ﷺ نےاپنےچچا)ابوطالب)سےفرمایاکہولاالہ الا اللہ میں قیامت کےدن آپ کے لیےاس کی بنیاد پرآپ کی گواہی دوں گا۔انہوں نے کہااگر قریش مجھےطعنہ نہ دیتے،وہ یہی کہیں گے کہ ابو طالب ڈر گیا(یعنی مرتے وقت ڈر کے مارے اپنا دین بدل ڈالا)،تو میں تمہاری آنکھ ٹھنڈی کردیتا (یعنی لا الہ الا اللہ کا اقرار کرکے تمہیں خوش کردیتا)۔تب اللہ تعالیٰ نے یہ آیت نازل کی"إنک لا تہدی من أحببت آخر تک"(القصص؛ ٥٦) (مسلم شریف کتاب الایمان؛باب اول الایمان قول لاالہ الااللہ؛جلد:١ص نمبر٥٥؛حدیث نمبر٤٣؛؛
حضرت عثمان رضی اللہ عنہ سےروایت ہےکہ رسول اللہ ﷺ نے فرمایاجو شخص اس حالت میں فوت ہوا کہ وہ اللہ تعالیٰ کی توحید پر یقین رکھتا تھا تو وہ جنت میں داخل ہوگا ۔(مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٥؛حدیث نمبر٤٤"
ایک دوسری سند سے بھی حضرت عثمان رضی اللہ عنہ سے مروی ہے۔وہ فرماتے ہیں میں نے نبی اکرم صلی اللہ علیہ وسلم سے سنا وہ اس کی مثل برابر برابر فرمارہےتھے(یعنی حدیث نمبر٤٤کی مثل) (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٥؛حدیث نمبر٤٥"
حضرت ابوہریرہ رضی اللہ عنہ سے روایت ہے کہ ہم رسول اللہ ﷺکےساتھ ایک سفر(جنگ تبوک )میں تھے لوگوں کا زاد راہ ختم ہوگیا،آپﷺنے بعض لوگوں کے اونٹ ذبح کرنے کا ارادہ فرمایا،اس پر حضرت عمر رضی اللہ عنہ نے عرض کیایا رسول اللہ ﷺ!اگر آپ وہ سامان جمع کر لیں جو لوگوں کے پاس بچا ہوا ہے اور اس پر اللہ تعالیٰ سے دعا مانگیں (تو اچھا ہے)راوی فرماتے ہیں آپﷺنے ایسا ہی کیا۔جس کے پاس گندم تھی وہ لیکر آیا،اور جس کے پاس کجھور تھی وہ کجھور لیکر آیااور جس کے پاس گٹھلی تھی وہ گٹھلی لیکر آیا۔(حضرت طلحہ فرماتے ہیں)میں نے کہا گٹھلی کو کیا کرتے تھے؟انہوں نے کہا اس کو چوستے تھے پھر اس پر پانی پی لیتے تھے۔راوی نے کہا آپﷺنے اس جمع شدہ توشہ(زاد راہ)پردعا کی یہاں تک کہ لوگوں نے اپنے اپنے برتنوں کو توشہ سے بھر لیا۔اس وقت آپﷺنے فرمایا میں اس بات کی گواہی دیتا ہوں کہ اللہ کے سوا کوئی معبود برحق نہیں،اور میں اللہ کا رسول ہوں۔اور جو شخص بھی ان دو باتوں کے ساتھ بغیر کسی شک کےاللہ تعالیٰ سے ملےتو وہ جنت میں جائے گا۔ (نوٹ؛ کھانے کی چیزوں کو سامنے رکھ کر فاتحہ پڑھنا یا دعا مانگنا ناجائز نہیں بلکہ یہ حدیث اس کی اصل ہے نیز یہ آپ کا معجزہ بھی ہے۔) (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٥؛حدیث نمبر٤٦"
حضرت ابو ہریرہ رضی اللہ عنہ یا ابو سعید رضی اللہ عنہ سے روایت ہے۔حضرت اعمش(راوی) کو شک ہے۔جب غزوہ تبوک کادن ہوا تو لوگوں کو سخت بھوک لگی۔انہوں نےعرض کیایا رسول اللہ ﷺ!کاش!آپﷺہمیں اجازت دیتے تو ہم اپنے اونٹوں کو جن پر پانی لاتے ہیں ذبح کرلیتے،گوشت کھاتے اور چربی کا تیل بناتے۔آپﷺنے فرمایا ٹھیک ہے ذبح کرو۔اتنے میں حضرت عمر رضی اللہ عنہ تشریف لائےتوعرض کیایارسول اللہ ﷺاگر آپ نے ایسا کیا تو سواریاں کم ہوجائیں گی۔بلکہ آپ ان کے کھانے سے بچا ہوا طلب فرمائیں پھر آپ اس جمع شدہ زاد راہ پر اللہ تعالیٰ سے برکت کی دعا فرمائیں۔یقیناًاس میں اللہ تعالیٰ برکت ڈالے گا۔رسول اللہ ﷺنے فرمایاہاں فرماتے ہیں پھر آپ ﷺنے ایک دستر خوان منگوایااور اس کو بچھادیا اور سب کا بچا ہوا زاد راہ طلب فرمایا۔راوی فرماتےہیں کہ کوئی مٹھی بھر جوار لایا،کوئی مٹھی بھر کھجوریں لایا،کوئی روٹی کا ٹکڑا، یہاں تک کہ اس تھوڑے سے توشے کو دستر خوان پر جمع کردیا۔پھر آپﷺنے اس پر برکت کی دعا کی۔ا سکے بعد آپﷺنے فرمایا اپنے اپنے برتنوں میں توشہ بھرلو۔راوی فرماتے ہیں سب نے اپنے اپنے برتن بھر لیے یہاں تک کہ لشکر میں کوئی بھی برتن نہ چھوڑا جس کو نہ بھراہو۔پھر سب نے کھانا شروع کیا اور سیر ہوگئے،اس پر بھی کچھ بچ گیا۔تب رسول اللہ ﷺنے فرمایا کہ میں اس بات کی گواہی دیتا ہوں کہ اللہ کےسوا کوئی معبود برحق نہیں اور میں اللہ کا رسول ہوں۔جو شخص بھی ان دو باتوں پر بغیر کسی شک کے اللہ تعالیٰ سے ملے تووہ جنت سے پردہ میں نہیں ہوگا (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٦؛حدیث نمبر٤٧"
حضرت عبادہ بن صامت رضی اللہ عنہ سے روایت ہے کہ رسول اللہ ﷺنے فرمایا جوشخص یہ کہےکہ میں اس بات کی گواہی دیتا ہوں کہ اللہ کے سوا کوئی معبودبرحق نہیں،وہ ایک ہے اس کا کوئی شریک نہیں،اور محمد ﷺاس کے بندے اور رسول ہیں۔اورحضرت عیسیٰ علیہ السلام اللہ کے بندے اور اس کی بندی (مریم علیہا السلام )کے بیٹے ہیں اور اس کے کلمہ ہیں جنہیں حضرت مریم علیہا السلام کی طرف ڈالا گیا اور اس کی روح ہیں اور(اس بات کی بھی گواہی دے کہ) بے شک جنت اور جہنم حق ہے،تواللہ تعالیٰ اس کو جنت کے آٹھ دروازوں میں سے جس دروازے سے داخل ہونا چاہتا ہے داخل کرے گا۔ (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٧؛حدیث نمبر٤٨؛
گزشتہ حدیث(حدیث نمبر ٤٨)کی سندمیں کچھ تبدیلی کے ساتھ بھی اس حدیث کی مثل مروی ہے۔البتہ اس میں یوں فرمایا کہ اللہ تعالیٰ اسے جنت میں داخل کریگا۔وہ جو بھی عمل کرے اور یہ الفاظ مذکورنہیں کہ جنت کی آٹھ درازوں میں سے جس سے چاہے داخل ہو۔ (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٧؛حدیث نمبر٤٩"
حضرت صنابحی سے روایت ہے کہ میں حضرت عبادہ بن صامت رضی اللہ عنہ کے پاس حاضر ہوااور وہ موت کی حالت میں تھے میں رونے لگا انہوں نےفرمایا رک جاؤ کیوں رو رہے ہو؟اللہ کی قسم اگر مجھ سے گواہی طلب کی گئی تومیں تمہارے لیے ضرور بضرورگواہی دوں گا۔اوراگر مجھ سے سفارش طلب کی گئی تو میں ضرور تمہاری سفارش کروں گااور اگر میں تجھے نفع دے سکا تو ضرور نفع دوں گا۔پھر انہوں نے کہا اللہ کی قسم کوئی ایسی حدیث نہیں ہے جس کو میں نے آپﷺسے سنی ہو-اس میں تمہاری بھلائی تھی-نہ بتائی ہو،سوائے ایک حدیث کے۔اس کو آج بیان کررہا ہوں اس لیے کہ میرے نفس کو گھیر لیا گیا ہے(موت کا وقت ہے)(وہ حدیث یہ ہے)میں نے رسول اللہ ﷺکو یہ فرماتے سنا کہ جس نے اس بات کی گواہی دی کہ اللہ کے سواکوئی معبود برحق نہیں اور محمد ﷺاللہ کے رسول ہیں تو اللہ تعالیٰ اس پر جہنم کو حرام کردے گا۔ (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٧؛حدیث نمبر٥٠؛؛
حضرت معاذ بن جبل رضی اللہ عنہ فرماتے ہیں میں نبی اکرم صلی اللہ علیہ وسلم کے پیچھے (سوار)تھا اور میرے اور آپ کے درمیان صرف کجاوےکا پچھلا حصہ تھا۔آپ صلی اللہ علیہ وسلم نے فرمایااے معاذ بن جبل!میں نےعرض کیایا رسول اللہ حاضر ہوں(فرمائے)پھر آپ صلی اللہ علیہ وسلم تھوڑی دیر چلے اس کے بعد فرمایا کہ اے معاذ بن جبل!میں نے کہا یا رسول اللہ صلی اللہ علیہ وسلم!حاضر ہوں پھر آپ صلی اللہ علیہ وسلم تھوڑی دیر چلے اس کے بعد فرمایا کہ اے معاذ بن جبل!میں نےکہایارسول اللہ صلی اللہ علیہ وسلم!حاضر ہوں۔آپ صلی اللہ علیہ وسلم نے فرمایاکہ توجانتا ہےاللہ کا حق بندوں پر کیا ہے؟میں نے کہا کہ اللہ اور اس کا رسول خوب جانتا ہے۔آپ صلی اللہ علیہ وسلم نے فرمایا کہ اللہ کا حق بندوں پر یہ ہے کہ اسی کی عبادت کریں اور اس کے ساتھ کسی کو شریک نہ کریں۔پھر آپ تھوڑی دیر چلے پھر فرمایا کہ اے معاذ بن جبل!میں نے کہا یا رسول اللہ صلی اللہ علیہ وسلم!میں آپ کی خدمت میں حاضر ہوں۔آپ صلی اللہ علیہ وسلم نے فرمایا کہ تو جانتا ہے کہ بندوں کا اللہ پر کیا حق ہے؟ جب بندے یہ کام کریں(یعنی اسی کی عبادت کریں،کسی کو اس کے ساتھ شریک نہ کریں) میں نے کہا کہ اللہ اور اس کا رسول خوب جانتا ہے۔آپ صلی اللہ علیہ وسلم نے فرمایا کہ وہ حق یہ ہے کہ اللہ ان کو عذاب نہ دے (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٨؛حدیث نمبر٥١"
حضرت معاذ بن جبل رضی اللہ عنہ بیان فرماتے ہیں کہ میں ( ایک سفر میں )نبی کریم صلی اللہ علیہ وسلم کے پیچھے ایک دراز گوش پر سوار تھاجس کا نام عفیر تھا،تو آپ صلی اللہ علیہ وسلم نے فرمایا:اے معاذ! کیاتم جانتےہوکہ اللہ کے اپنے بندوں پر کیا حقوق ہیں؟اور بندوں کے اللہ پر کیاحق ہیں؟ میں نے کہا:اللہ اور اس کے رسول ہی بہتر جانتے ہیں۔آپ صلی اللہ علیہ وسلم نے ارشاد فرمایا:اللہ کا بندوں پر حق یہ ہے کہ وہ اس کی عبادت کریں اور اس کے ساتھ کسی کو بھی شریک نہ بنائیں،اور بندوں کا اللہ پر حق یہ ہے کہ جو اس کے ساتھ کسی چیز کو شریک نہیں ٹھہراتا انہیں عذاب نہ ديں۔میں نے عرض کیا:اے اللہ کے رسول صلی اللہ علیہ وسلم! کیا میں لوگوں کو یہ خوشخبری نہ سنا دوں۔تو آپ صلی اللہ علیہ وسلم نے فرمایا لوگوں کو مت بتاؤ وہ بھروسہ کر کے بیٹھ جائیں گے (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٨؛حدیث نمبر٥٢""
حضرت معاذ بن جبل رضی اللہ عنہ بیان فرماتے ہیں کہ رسول اللہ ﷺ نے فرمایا:اے معاذ!کیاتم جانتےہوکہ اللہ کا اپنے بندوں پر کیا حق ہے؟اس نے کہا:اللہ اور اس کے رسول ہی بہتر جانتےہیں۔آپ ﷺ نے ارشاد فرمایا:اللہ کا بندوں پر حق یہ ہے کہ وہ اس کی عبادت کریں اور اس کے ساتھ کسی کو بھی شریک نہ ٹھہرائیں۔اورفرمایا کیاتم جانتےہو بندوں کا اللہ پر کیا حق ہےاگر وہ یہ کریں!؟اس نے کہا:اللہ اور اس کے رسول ہی بہتر جانتے ہیں۔آپ ﷺنے فرمایا وہ حق یہ ہے کہ اللہ ان کو عذاب نہ دے ۔(مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٩؛حدیث نمبر٥٣"
حضرت اسود بن ہلال فرماتے ہیں۔میں نے حضرت معاذسے سنا فرماتے تھے رسول اکرم صلی اللہ علیہ وسلم نے مجھے بلایا تو میں حاضر ہوا۔آپ نے فرمایا کیا تم جانتے ہو کہ اللہ تعالیٰ کا لوگوں پر کیا حق ہے(پھرحدیث نمبر٥٣کی طرح ذکر کیا) (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٩؛حدیث نمبر٥٤"
حضرت ابوہریرہ رضی اللہ عنہ فرماتے ہیں کہ ہم رسول اللہ ﷺ کے گرد بیٹھے تھے اور ہمارے ساتھ سیدنا ابوبکر رضی اللہ عنہ اور سیدنا عمر رضی اللہ عنہ بھی دیگر چند افرادکےہمراہ تھے۔اتنے میں رسول اللہ ﷺ اٹھے(اور باہر تشریف لے گئے) پھر آپ نے ہمارے پاس آنے میں دیر لگائی تو ہم کو ڈر ہوا کہ کہیں دشمن آپ کو اکیلا پا کر مار نہ ڈالیں۔ہم گھبرا گئے اور اٹھ کھڑےہوئے۔سب سے پہلے میں گھبرایا تو میں آپ کو ڈھونڈنے کیلئے نکلا اور بنی نجار کے باغ کے پاس پہنچا۔(بنی نجار انصار کے قبیلوں میں سے ایک قبیلہ تھا)میں نے اس کےگرد چکر لگایا کہ آیا مجھے کوئی دروازہ ملتا ہے لیکن میں نے نہیں پایا(کیونکہ گمان ہوا کہ شاید رسول اللہ ﷺ اس کے اندر تشریف لے گئے ہوں)اچانک دیکھا کہ باہر کنوئیں میں سے ایک نالی باغ کے اندر جاتی ہے،میں لومڑی کی طرح سمٹ کر اس نالی کے اندر گھسا اور رسول اللہ ﷺ کے پاس پہنچا۔آپﷺ نے فرمایا ابوہریرہ؟میں نے عرض کیا جی یارسول اللہﷺ!آپ ﷺ نے فرمایا کیا بات ہے؟میں نے عرض کیا کہ یارسول اللہﷺ! آپ ہم لوگوں میں تشریف رکھتے تھے۔پھر آپ ﷺ باہر چلے آئے اور واپس آنے میں دیر لگائی تو ہمیں ڈر ہوا کہ کہیں دشمن آپ کو اکیلا پا کر مار نہ ڈالیں،ہم گھبرا گئے اور سب سے پہلے میں گھبرا کر اٹھا اور اس باغ کے پاس آیا(دروازہ نہ ملا) تو اس طرح سمٹ کر گھس آیا جیسے لومڑی اپنے بدن کو سمیٹ کر گھس جاتی ہےاورسب لوگ میرے پیچھے آئے ہیں۔آپ ﷺ نے مجھے اپنی نعلین مبارک عطا فرماکرارشادفرمایا۔کہ اےابو ہریرہ! میری یہ نعلین لے جاؤ اور جو کوئی تجھے اس باغ کے پیچھے ملے اور وہ اس بات کی گواہی دیتا ہو کہ اللہ کے سوا کوئی معبود برحق نہیں اور اس بات پر دل سے یقین رکھتا ہو تو اس کو جنت کی خوشخبری دو۔سیدنا ابو ہریرہ رضی اللہ عنہ فرماتے ہیں میری ملاقات سب سے پہلےسیدنا عمر رضی اللہ عنہ سے ہوئی۔انہوں نے پوچھا کہ اے ابو ہریرہ یہ نعلین کیسی ہیں؟میں نے کہا کہ رسول اللہ ﷺ کی نعلین ہیں۔آپ ﷺ نے یہ دے کر مجھے بھیجا ہے کہ میں جس سے ملوں اور وہ لا الٰہ الا اللہ کی گواہی دیتا ہو،دل سے یقین کر کے،تو اس کو جنت کی خوشخبری دوں۔یہ سن کر سیدنا عمر رضی اللہ عنہ نے ایک ہاتھ میری چھاتی کے بیچ میں مارا تو میں پیٹھ کے بل گرپڑا۔پھر کہا کہ اے ابوہریرہ! لوٹ جا۔میں رسول اللہ ﷺ کے پاس لوٹ کر چلا گیااور رونے لگااور میرے ساتھ پیچھے سے سیدنا عمر رضی اللہ عنہ بھی آ پہنچے۔رسول اللہ ﷺ نے فرمایا کہ اے ابوہریرہ!تجھے کیا ہوا؟میں نے کہا کہ میں عمر رضی اللہ عنہ سے ملا اور جو پیغام آپ ﷺ نے مجھے دیکر بھیجا تھا پہنچایا تو انہوں نے میری چھاتی کے بیچ میں ایسا مارا کہ میں پیٹھ کے بل گر پڑا اور کہا کہ لوٹ جا۔رسول اللہ ﷺنے سیدنا عمر رضی اللہ عنہ سے کہا کہ تو نے ایسا کیوں کیا؟انہوں نے عرض کیا کہ یارسول اللہﷺ!آپ پر میرے ماں باپ قربان ہوں۔ابو ہریرہ کو آپ نے اپنی نعلین دیکربھیجا تھا کہ جو شخص ملے اور وہ گواہی دیتا ہو لا الٰہ الا اللہ کی دل سے یقین رکھ کر تو اسے جنت کی خوشخبری دو؟رسول اللہ ﷺ نے فرمایا ہاں۔ سیدنا عمر ﷺرضی اللہ عنہ نے کہا کہ (آپ پر میرے ماں باپ قربان ہوں)ایسا نہ کیجئے کیونکہ میں ڈرتا ہوں کہ لوگ اس پر توکل کر لیں گے(یعنی اسی پر بھروسہ کرکے عمل ترک نہ کردیں) ،ان کو عمل کرنے دیجئے۔رسول اللہ ﷺ نے فرمایا اچھا ان کو عمل کرنے دو۔ (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٥٩؛حدیث نمبر٥٥"
حضرت انس رضی اللہ عنہ سے روایت ہےکہ معاذ بن جبل رضی اللہ عنہ آپﷺکے ساتھ سواری پر بیٹھے تھے،آپﷺنے فرمایااے معاذ!انہوں نےعرض کیا یارسول اللہ!حاضر ہوں(پھر) آپﷺنے فرمایااےمعاذ!انہوں نےعرض کیایارسول اللہ حاضر ہوں(پھر)آپﷺنے فرمایااے معاذ!انہوں نےعرض کیا یا رسول اللہ حاضر ہوں۔آپ ﷺنے فرمایا جو بندہ اس بات کی گواہی دے کہ اللہ کے سوا کوئی معبود برحق نہیں اور حضرت محمد ﷺ اس کے بندے اور رسول ہیں۔تواللہ تعالیٰ اس پر جہنم کی آگ کو حرام کر دیتا ہے۔حضرت معاذ رضی اللہ عنہ نے کہا یارسول اللہ ﷺکیامیں اس کی خبر لوگوں کو نہ دوں کہ وہ خوش ہوجائیں گے۔آپ ﷺ نے فرمایااس وقت وہ(اسی پر)بھروسہ کرلیں گے پس حضرت معاذ نے وصال کے وقت یہ بات بتائی تاکہ(علم چھپانے کے)گناہ سے بچ جائیں (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٦١؛حدیث نمبر٥٦"
حضرت انس بن مالک رضی اللہ عنہ فرماتے ہیں مجھ سےمحمود بن ربیع نےعتبان بن مالک رضی اللہ عنہ سے روایت کرتے ہوئےبیان کیاپھر حضرت انس فرماتےہیں کہ میں مدینہ میں آیا تو عتبان سے ملا اور میں نے کہا کہ ایک حدیث ہے جو مجھے تم سے پہنچی ہے عتبان نے کہا کہ میری نگاہ میں فتور ہو گیا(دوسری روایت میں ہے کہ وہ نابینا ہو گئےاور شاید ضعفِ بصارت مراد ہو)میں نے رسول اللہﷺکے پاس پیغام بھیجاکہ میں چاہتا ہوں کہ آپ میرے مکان پر تشریف لا کر کسی جگہ نماز پڑھیں تاکہ میں اس جگہ کو مصلیٰ بنا لوں(یعنی ہمیشہ وہیں نماز پڑھا کروں اور یہ درخواست اس لئے کی کہ آنکھ میں فتور ہو جانے کی وجہ سے مسجدِ نبوی میں آنا دشوار تھا) تو رسول اللہ ﷺ تشریف لائے اور جن کو اللہ نے چاہا اپنے اصحاب میں سے ساتھ لائے۔آپ اندر آئے اور نماز پڑھنے لگےاور آپ ﷺ کے اصحاب(صحابہ کرام)آپس میں باتیں کر رہے تھے (منافقوں کا ذکر چھڑ گیا تو ان کا حال بیان کرنے لگے اور ان کی بُری باتیں اور بُری عادتیں ذکر کرنے لگے)پھر انہوں نے بڑےمنافق مالک بن دخشم کو زیر بحث لایا اور چاہا کہ رسول اللہ ﷺ اس کیلئے بددعاکریں اور وہ مرجائےاور اس پر کوئی آفت آئےاتنے میں رسول اللہ ﷺ نماز سے فارغ ہوئےاور فرمایا کہ کیاوہ(یعنی مالک بن دخشم) اس بات کی گواہی نہیں دیتا کہ اللہ کے سوا کوئی سچا معبود نہیں اور میں اللہ کا رسول ہوں۔صحابہ کرام نے عرض کیا وہ تو اس بات کو زبان سے کہتا ہے لیکن دل میں اس کا یقین نہیں رکھتا۔آپ ﷺ نے فرمایا جو سچے دل سے لا الٰہ الا اللہ کی گواہی دے اور اس بات کی بھی گواہی دے کہ محمد رسول اللہﷺہیں۔اسے اللہ تعالیٰ جہنم میں داخل نہیں کرتایا فرمایا اسے آگ کا ذائقہ نہیں چکھاتا۔سیدنا انس رضی اللہ عنہ نے کہاکہ یہ حدیث مجھے بہت اچھی معلوم ہوئی تو میں نے اپنے بیٹے سے کہاکہ اس کو لکھ لے،پس اس نے لکھ لیا۔ (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٦١؛حدیث نمبر٥٧"
حضرت انس رضی اللہ عنہ سے روایت ہے کہ عتبان بن مالک نے مجھے حدیث بیان کی اور وہ نابینا ہوچکے تھے تو انہوں نے رسول اللہﷺکے پاس پیغام بھیجا کہ میرے مکان پر تشریف لائیے اور مسجد کی ایک جگہ مقرر کردیجئے۔رسول اللہ ﷺ تشریف لائے اور آپ کے ساتھ کچھ صحابہ بھی تشریف لائے ان میں سے ایک شخص غائب ہو گئے جن کومالک بن دخیشم کہا جاتا تھا۔(پھرحدیث نمبر٥٧کی طرح ذکر کیا) (مسلم شریف کتاب الایمان؛بَابُ مَنْ لَقِي اللهَ بِالْإِيمَانِ وَهُو غَيْرُ شَاكٍّ فِيهِ دَخَلَ الْجَنَّةَ وَحُرِّمَ عَلَى النَّارِ؛جلد:١ص نمبر٦٢؛حدیث نمبر٥٨"
حضرت عباس بن عبد المطلب رضی اللہ عنہ سے روایت ہے انہوں نے رسول اللہﷺسے سنا آپﷺنےفرمایا اس شخص نے ایمان کا ذائقہ چکھا جو اللہ کے رب ہونے اسلام کے دین ہونے اور حضرت محمد صلی اللہ علیہ وسلم کے رسول ہونے پر راضی ہو (مسلم شریف کتاب الایمان؛بَابُ ذَاقَ طَعْمَ الْإِيمَانِ مَنْ رَضِي بِاللهِ رَبًّ؛؛ترجمہ؛ جوشخص اللہ کے رب ہونے پر راضی ہوا اس نے ایمان کا ذائقہ چکھ لیا؛ جلد:١ص نمبر٦٢؛حدیث نمبر٥٩"
حضرت ابو ہریرہ رضی اللہ عنہ سے روایت ہے کہ رسول اللہ ﷺنے فرمایا کہ ایمان کےستر سےزائدشعبےہیں۔اور حیابھی ایمان کا ایک شعبہ ہے۔ (مسلم شریف کتاب الایمان؛بَابُ شُعَبِ الْإِيمَان؛ِ؛ترجمہ؛یہ باب ہےایمان کےشعبےکےبیان کےبارےمیں؛جلد:١ص نمبر٦٣؛حدیث نمبر٦٠"
حضرت ابو ہریرہ رضی اللہ عنہ سے روایت ہےکہ رسول اللہﷺنے فرمایا ایمان کی سترسےکچھ زیادہ یا(فرمایا)ساٹھ اور اس سےکچھ اوپرشعبےہیں۔ان سب میں افضل لا الہ الا اللہ کہنا ہے۔اوران سب میں ادنیٰ یہ ہے راستے میں تکلیف دہ چیز کا ہٹانا ہے۔اورحیابھی ایمان کا ایک شعبہ ہے ۔(مسلم شریف کتاب الایمان؛بَابُ شُعَبِ الْإِيمَان؛جلد:١ص نمبر٦٣؛حدیث نمبر٦١"
حضرت سالم نے اپنے والد عبد اللہ بن عمر رضی اللہ عنہ سےروایت کیا کہ رسول اللہﷺنےایک شخص کو سنا وہ اپنےبھائی کوحیاکےبارے میں نصیحت کررہا تھا(یعنی اس کو حیاکرنے سے منع کررہا تھا)۔آپ ﷺنےفرمایا( اس کو چھوڑ دے) حیا تو ایمان میں سے ہے۔ (مسلم شریف کتاب الایمان؛بَابُ شُعَبِ الْإِيمَان؛ جلد:١ص نمبر٦٣؛حدیث نمبر٦٢"
ایک دوسری سند سے بھی حضرت زہری سے روایت ہے۔آگےوہی سند ہےجو حدیث نمبر٦٢کی ہےیعنی حضرت سالم اپنے والد سے روایت کرتےہیں۔انہوں نے فرمایا کہ وہ ایک انصاری کے پاس سے گزرے جو اپنے بھائی کو نصیحت کر رہا تھا ۔(مسلم شریف کتاب الایمان؛بَابُ شُعَبِ الْإِيمَان؛جلد:١ص نمبر٦٣؛حدیث نمبر٦٣"
حضرت عمران بن حصین حدیث بیان کررہے تھےکہ رسول اللہ ﷺنےفرمایاحیابھلائی ہی لاتا ہے۔اس پر بشیر بن کعب نےکہا کہ حکمت کی کتابوں میں لکھا ہے کہ حیا سے سکون حاصل ہوتا ہے۔عمران نے ان سے کہا میں تجھے رسول اللہﷺکی حدیث بیان کرتا ہوں اور آپ اپنی کتاب کی باتیں مجھ کو سناتے ہو(مطلب یہ کہ حضورصل اللہ علیہ وسلم کے کلام کے مقابلےمیں کلام پیش کر رہے ہو) (مسلم شریف کتاب الایمان؛بَابُ شُعَبِ الْإِيمَان؛جلد:١ص نمبر٦٤؛حدیث نمبر٦٤"
حضرت ابو قتادہ رضی اللہ عنہ سے روایت ہے کہ ہم عمران بن حصین کے پاس اپنے ایک رہط(دس سے کم مردوں کی جمات کو رہط کہتے ہیں۔)میں تھے اور ہم میں بشیر بن کعب بھی تھے۔اس دن عمران بن حصین نےہم سےبیان کرتےہوے فرمایاکہ رسول اللہ ﷺنے فرمایا حیامکمل طورپر بھلائی ہےبشیر بن کعب نے کہا ہم نے بعض کتابوں میں یا حکمت(کی باتوں)میں دیکھا ہے کہ اس(حیا)کی وجہ سے سکون اور وقار حاصل ہوتاہےاور کبھی اس سے کمزوری ہوتی ہےیہ سن کر عمران کو اتنا غصہ آیا کہ ان کی آنکھیں سرخ ہوگئیں اور انہوں نے کہا کہ میں تو رسول اللہ ﷺ کی حدیث بیان کرتا ہوں اور تو اس کے خلاف بیان کرتا ہے۔ابو قتادہ نے کہا کہ عمران نےپھردوبارہ اسی حدیث کو بیان کیا۔بشیر نےپھر دوبارہ وہی بات کہی تو عمران غصہ ہوئے(اور انہوں نے بشیر کو سزا دینے کا قصد کیا)تو ہم سب نےکہا کہ اےابونجید!(یہ عمران بن حصین کی کنیت ہے)بشیر ہم میں سے ہے(یعنی مسلمان ہے)اس میں کوئی عیب نہیں۔(یعنی وہ منافق یابےدین یابدعتی نہیں ہےجیسے تم نے خیال کیا) (مسلم شریف کتاب الایمان؛بَابُ شُعَبِ الْإِيمَان؛جلد:١ص نمبر٦٤؛حدیث نمبر٦٥"
ایک دوسری سند کے ساتھ حضرت عمران بن حصین رضی اللہ عنہ۔نبی اکرم صلی اللہ علیہ وسلم سے گزشہ(حدیث نمبر٦٥)کی مثل روایت کرتے ہیں۔ (مسلم شریف کتاب الایمان؛بَابُ شُعَبِ الْإِيمَان؛ جلد:١ص نمبر٦٤؛حدیث نمبر٦٦"
حضرت سفیان بن عبد اللہ ثقفی سے روایت ہےمیں نےکہایارسول اللہ صلی اللہ علیہ وسلم مجھے اسلام میں ایک ایسی بات بتادیجئے کہ پھر میں اس کو آپ کے بعد کسی سے نہ پوچھوں۔آپ صلی اللہ علیہ وسلم نے فرمایا کہو میں اللہ پر ایمان لایا پھر اس پر قائم رہوں۔اور ابو اسامہ کی روایت میں ہے”غیرک“یعنی آپ کے علاوہ کسی سے نہ پوچھوں (مسلم شریف کتاب الایمان؛-بَابُ جَامِعِ أَوْصَافِ الْإِسْلَامِ؛ترجمہ؛یہ باب ہے اسلام کے اوصاف کے بارے میں؛جلد:١ص نمبر٦٥؛حدیث نمبر٦٧"
حضرت عبد اللہ بن عمرو رضی اللہ عنہ سے روایت ہے کہ ایک شخص نے رسول اللہ صلی اللہ علیہ وسلم سے پوچھا کہ کون ساعمل اسلام کا بہتر ہے؟آپ صلی اللہ علیہ وسلم نے فرمایا(بھوکے)کو کھانا کھلاؤ، اورہرشخص سےسلام کروخواہ تواس کوپہچانتےہویانہ پہچانتے ہو۔ (مسلم شریف کتاب الایمان؛بَابُ بَيَانِ تَفَاضُلِ الْإِسْلَامِ،وَأَيُّ أُمُورِهِ أَفْضَلُ؛ترجم؛یہ باب ہے اس بات کے بیان کے لئےکہ اسلام میں کون سا کام افضل ہے؛جلد:١ص نمبر٦٥؛حدیث نمبر٦٨"
حضرت ابو الخير فرماتے ہیں انہوں نےحضرت عبد اللہ بن عمروبن عاص رضی اللہ عنہ سے سنا وہ فرماتے ہیں ایک شخص نے رسول اللہ صل اللہ علیہ وسلم سے پوچھا کون سا مسلمان بہتر ہے؟آپ صلی اللہ علیہ وسلم نےفرمایا وہ مسلمان جس کی زبان اور ہاتھ سے دوسرے مسلمان محفوظ رہیں۔(یعنی نہ زبان سے کسی مسلمان کی برائی کرےنہ ہاتھ سے کسی کو ایذا دے)۔(مسلم شریف کتاب الایمان؛ بَابُ بَيَانِ تَفَاضُلِ الْإِسْلَامِ،وَأَيُّ أُمُورِهِ أَفْضَلُ؛جلد:١ص نمبر٦٥؛حدیث نمبر٦٩"
حضرت ابوزبیرفرماتے ہیں انہوں نےحضرت جابر رضی اللہ عنہ سےسناوہ فرماتے تھے کہ میں نے رسول اللہ صلی اللہ علیہ وسلم سے سنا آپ فرماتے تھے(کامل)مسلمان وہ ہے جس کی زبان اورہاتھ سے دوسرے مسلمان محفوظ رہیں ۔(مسلم شریف کتاب الایمان؛بَابُ بَيَانِ تَفَاضُلِ الْإِسْلَامِ،وَأَيُّ أُمُورِهِ أَفْضَلُ؛جلد:١ص نمبر٦٥؛حدیث نمبر٧٠"
حضرت ابو موسیٰ اشعری رضی اللہ عنہ سے روایت ہےفرماتے ہیں میں نے عرض کیایا رسول اللہ کون سا اسلام افضل ہے؟آپ صلی اللہ علیہ وسلم نے فرمایا جس کی زبان اور ہاتھ سے دوسرے مسلمان محفوظ رہیں۔(مسلم شریف کتاب الایمان؛بَابُ بَيَانِ تَفَاضُلِ الْإِسْلَامِ،وَأَيُّ أُمُورِهِ أَفْضَلُ؛جلد:١ص نمبر٦٦؛حدیث نمبر٧١)
ایک دوسری سند سے بھی یہ حدیث مروی ہے کہ رسول اکرم صلی اللہ علیہ وسلم سے یوں پوچھا گیا کہ کون سا مسلمان افضل ہے۔اس کے بعد حدیث نمبر٧١کی مثل۔ (مسلم شریف کتاب الایمان؛ بَابُ بَيَانِ تَفَاضُلِ الْإِسْلَامِ،وَأَيُّ أُمُورِهِ أَفْضَلُ؛جلد:١ص نمبر٦٦؛حدیث نمبر٧٢"
حضرت انس رضی اللہ عنہ سے روایت ہےوہ نبی اکرم صلی اللہ علیہ وسلم سے روایت کرتے ہیں کہ رسول اللہ صلی اللہ علیہ وسلم نے فرمایا تین باتیں جس میں ہونگی وہ ان کی وجہ سے ایمان کی مٹھاس اور حلاوت پائے گا۔ایک تو یہ کہ اللہ اور اس کے رسول سے دوسرے سب لوگوں سے زیادہ محبت رکھے۔دوسرے یہ کہ کسی آدمی سے صرف اللہ کی خاطردوستی رکھے(یعنی دنیا کی کوئی غرض نہ ہو نہ اس سے ڈر ہو)تیسرے یہ کہ کفر میں دوبارہ جانے کواتناناپسند کرےجتناآگ میں پڑنے کو ناپسند کرتا ہے۔ (مسلم شریف کتاب الایمان؛بَابُ بَيَانِ خِصَالٍ مَنِ اتَّصفَ بِهِنَّ وَجَدَ حَلَاوَةَ الْإِيمَانِ؛ترجمہ؛یہ باب ہے اس چیز کے بیان کے بارے میں کہ ایمان کی مٹھاس کب حاصل ہوتی ہے؛جلد:١ص نمبر٦٦؛حدیث نمبر٧٣"
ایک دوسری سند سے بھی حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایاجس میں تین باتیں ہونگی وہ ایمان کی مٹھاس پائےگا۔جو کسی آدمی سے صرف اللہ کی خاطر دوستی رکھے۔اللہ اور اس کے رسول سے دوسرے سب لوگوں سے زیادہ دوستی رکھے۔آگ میں ڈالا جانا پسندکرےمگرکفراختیارکرناپسندنہ کرےجبکہ اللہ نےاس کو کفرسےنجات دی ۔(مسلم شریف کتاب الایمان؛ بَابُ بَيَانِ خِصَالٍ مَنِ اتَّصفَ بِهِنَّ وَجَدَ حَلَاوَةَ الْإِيمَانِ؛جلد:١ص نمبر٦٦؛حدیث نمبر٧٤)
Muslim Shareef Kitabul Iman Hadees No# 75
حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کوئی بندہ اس وقت تک مؤمن نہیں جب تک وہ اپنے اہل وعیال,مال اور سب لوگوں سے زیادہ مجھ سے محبت نہ کرے-عبد الوارث کی روایت میں ہے کوئی آدمی مؤمن نہیں ہوتا۔ (مسلم شریف کتاب الایمان؛بَابُ وُجُوبِ مَحَبَّةِ رَسُولِ اللهِ صلَّى الله عَلَيْهِ وَسَلَّمَ أَكْثَرَ مِنَ الْأَهْلِ وَالْوَلَدِ، وَالْوَالِدِ والنَّاسِ أجْمَعِينَ، وَإِطْلَاقِ عَدَمِ الْإِيمَانِ عَلَى مَنْ لمْ يُحِبَّهُ هَذِهِ الْمَحَبَّةَ؛ترجمہ؛رسول اکرم صلی اللہ علیہ وسلم سےسب سے زیادہ محبت؛جلد:١ص نمبر٦٧؛حدیث نمبر٧٦"
حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایاتم میں سےکوئی اس وقت تک مؤمن نہیں ہوسکتاجب تک میں اس کےوالد اس کی اولاد اور تمام لوگوں سےزیادہ(اس کے نزدیک) محبوب نہ ہوجاؤں۔ (مسلم شریف کتاب الایمان؛بَابُ وُجُوبِ مَحَبَّةِ رَسُولِ اللهِ صلَّى الله عَلَيْهِ وَسَلَّمَ أَكْثَرَ مِنَ الْأَهْلِ وَالْوَلَدِ،وَالْوَالِدِوالنَّاسِ أجْمَعِينَ، وَإِطْلَاقِ عَدَمِ الْإِيمَانِ عَلَى مَنْ لمْ يُحِبَّهُ هَذِهِ الْمَحَبَّةَ؛جلد:١ص نمبر٦٧؛حدیث نمبر٧٧"
حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایا کہ تم میں سےکوئی شخص (کامل)مومن نہیں ہو سکتا یہاں تک کہ اپنے بھائی کے لئے یا(فرمایا)اپنے ہمسایہ کے لئے وہ چیز پسندنہ کرےجواپنےلئے پسندکرتاہے- (مسلم شریف کتاب الایمان؛بَابُ الدَّلِيلِ عَلَى أَنَّ مِنْ خِصَالِ الْإِيمَانِ أَنْ يُحِبَّ لِأَخِيهِ الْمُسْلِمِ مَا يُحِبُّ لِنَفْسِهِ مِنَ الْخَيْرِ؛ترجمہ؛جو کچھ اپنے لئے پسند ہو وہی اپنے بھائی کے لئے پسند کرنا-جلد:١ص نمبر٦٧؛حدیث نمبر٧٨"
ایک دوسری سند سےحضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایا قسم ہے اس کی جس کے قبضہ قدرت میں میری جان ہے۔کوئی بندہ کامل مؤمن نہیں ہو سکتاجب تک اپنے بھائی یا ہمسایہ کے لیے وہی نہ چاہے جو اپنے لیے چاہتا ہے۔ (مسلم شریف کتاب الایمان؛بَابُ الدَّلِيلِ عَلَى أَنَّ مِنْ خِصَالِ الْإِيمَانِ أَنْ يُحِبَّ لِأَخِيهِ الْمُسْلِمِ مَا يُحِبُّ لِنَفْسِهِ مِنَ الْخَيْرِ:جلد١ص نمبر٦٨؛حدیث نمبر٧٩؛
حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا وہ شخص جنت میں نہیں داخل ہوگا جس کا ہمسایہ(پڑوسی)اس کے شر سے محفوظ نہ ہو۔ (مسلم شریف کتاب الایمان؛بَابُ بَيَانِ تَحْرِيمِ إِيذَاءِ الْجَارِ؛ترجمہ؛پڑوسی کی ایذارسانی سے بچنا؛جلد١ص نمبر٦٨؛حدیث نمبر٨٠"
حضرت ابوہریرہ رضی اللہ عنہ سے روایت ہےوہ رسول اللہ صلی اللہ علیہ وسلم سے روایت کرتےہیں۔کہ؛آپ صلی اللہ علیہ وسلم نےفرمایا جو شخص اللہ اور یوم آخرت پر یقین رکھتا ہے اس کو چاہیے یا تو اچھی بات کرے یا چپ رہے اور جو شخص اللہ اور آخرت پر ایمان رکھتا ہے اس کو چاہیے کہ اپنے ہمسایہ(پڑوسی)کی خاطر داری کرے اور جو شخص اللہ اور آخرت پرایمان رکھتاہے اس کو چاہیے کہ اپنے مہمان کی خاطر داری کرے (مسلم شریف کتاب الایمان؛بَابُ الْحَثِّ عَلَى إِكْرَامِ الْجَارِ وَالضَّيْفِ، وَلُزُومِ الصَّمْتِ إِلَّا عَنِ الْخَيْرِ وَكَوْنِ ذَلِكَ كُلِّهِ مِنَ الْإِيمَانِ؛ترجمہ؛یہ باب ہے پڑوسی اور مہمان کی عزت افزائی اور اچھی گفتگو کے تعلق سے۔جلد١ص نمبر٦٨؛حدیث نمبر٨١"
حضرت ابوہریرہ رضی اللہ عنہ سے روایت ہے رسول اللہ صلی اللہ علیہ وسلم نےفرمایاجو شخص اللہ اور آخرت پر یقین رکھتا ہو وہ اپنے پڑوسی کو تکلیف نہ دے،اور جو شخص اللہ اور آخرت پر یقین رکھتا ہو وہ اپنے مہمان کی خاطر داری کرے۔اورجو شخص اللہ اور آخرت پر یقین رکھتا ہو وہ اچھی بات کہے یا چپ رہے۔ (مسلم شریف کتاب الایمان؛بَابُ الْحَثِّ عَلَى إِكْرَامِ الْجَارِ وَالضَّيْفِ، وَلُزُومِ الصَّمْتِ إِلَّا عَنِ الْخَيْرِ وَكَوْنِ ذَلِكَ كُلِّهِ مِنَ الْإِيمَانِ؛جلد١ص نمبر٦٨؛حدیث نمبر٨٢"
ایک دوسری سند سےحضرت ابو ہریرہ رضی اللہ عنہ سے مروی ہےحضور صلی اللہ علیہ وسلم نے فرمایا اس کے بعد (حدیث نمبر ٨٢کی طرح ہے) البتہ یہ فرق ہے کہ اِس میں یہ فرمایااسے اپنے پڑوسی سےاچھاسلوک کرناچاہیے ۔(مسلم شریف کتاب الایمان؛بَابُ الْحَثِّ عَلَى إِكْرَامِ الْجَارِ وَالضَّيْفِ، وَلُزُومِ الصَّمْتِ إِلَّا عَنِ الْخَيْرِ وَكَوْنِ ذَلِكَ كُلِّهِ مِنَ الْإِيمَانِ؛جلد١ص نمبر٦٩؛حدیث نمبر٨٣"
حضرت ابو شریح خُزاعی رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایاجوشخص اللہ اور آخرت کے دن پر ایمان رکھتا ہو وہ اپنے ہمسایہ کے ساتھ حسنِ سلوک کرے۔اور جو شخص اللہ اور آخرت کے دن پر ایمان رکھتا ہو وہ اپنے مہمان کے ساتھ عزت سے پیش آےاورجوشخص اللہ اور آخرت کےدن پرایمان رکھتاہووہ اچھی بات کہے یا خاموش رہے ۔(مسلم شریف کتاب الایمان؛بَابُ الْحَثِّ عَلَى إِكْرَامِ الْجَارِ وَالضَّيْفِ، وَلُزُومِ الصَّمْتِ إِلَّا عَنِ الْخَيْرِ وَكَوْنِ ذَلِكَ كُلِّهِ مِنَ الْإِيمَانِ؛جلد١ص نمبر٦٩؛حدیث نمبر٨٤"
حضرت قیس بن مسلم،حضرت طارق بن شہاب سے روایت کرتےہیں۔وہ فرماتے ہیں سب سے پہلےجس نے عید کے دن نماز سے قبل خطبہ شروع کیا وہ مروان تھا۔اس وقت ایک شخص کھڑا ہوا اور کہنے لگا نمازخطبہ سے پہلے ہوتی ہے۔مروان نے کہا یہ طریقہ یہاں متروک ہو چکا ہے۔حضرت ابو سعید رضی اللہ عنہ نے کہا اس شخص نے تو اپنا حق ادا کردیا،میں نے رسول اللہ صلی اللہ علیہ وسلم سے سنا۔ آپ صلی اللہ علیہ وسلم نے فرمایا جوشخص تم میں سے کسی منکر(خلاف شرع)کام کو دیکھے تو اس کو اپنے ہاتھ سے بدل دے۔اگر اتنی طاقت نہ ہو تو زبان سے،اور اگر اتنی طاقت نہ ہو تو دل سے(برا سمجھے) (یعنی دل میں اس کو برا جانے اور اس سے بیزارہو) یہ سب سے کم درجے کا ایمان ہے ۔(مسلم شریف کتاب الایمان؛بَابُ بَيَانِ كَوْنِ النَّهْيِ عَنِ الْمُنْكَرِ مِنَ الْإِيمَانِ،وَأَنَّ الْإِيمَانَ يَزِيدُ وَيَنْقُصُ،وَأَنَّ الْأَمْرَ بِالْمَعْرُوفِ وَالنَّهْيَ عَنِ الْمُنْكَرِ وَاجِبَانِ؛ترجمہ؛اس بات کا بیان کہ بری بات سےمنع کرنا ایمان کی علامت ہے،اور یہ کہ ایمان میں کمی بیشی ہوتی ہے، اور امر بالمعروف والنہی عن المنکر دونوں واجب ہیں؛ جلد١ص نمبر٦٩؛حدیث نمبر٨٥"
ایک دوسری سند سےحضرت طارق بن شہاب نے حضرت ابو سعید خدری رضی اللہ عنہ سےمروان کے واقعہ میں روایت کی اور حضرت ابو سعید رضی اللہ عنہ کی نبی اکرم صلی اللہ علیہ وسلم سے روایت(حدیث نمبر ٨٥)کی مثل ہے ۔(مسلم شریف کتاب الایمان؛بَابُ بَيَانِ كَوْنِ النَّهْيِ عَنِ الْمُنْكَرِ مِنَ الْإِيمَانِ،وَأَنَّ الْإِيمَانَ يَزِيدُ وَيَنْقُصُ،وَأَنَّ الْأَمْرَ بِالْمَعْرُوفِ وَالنَّهْيَ عَنِ الْمُنْكَرِ وَاجِبَانِ؛جلد١ص نمبر٦٩؛حدیث نمبر٨٦"
عبداللہ بن مسعود رضی اللہ عنہ سے روایت ہے کہ رسول اللہ نے فرمایا کہ اللہ تعالیٰ نے مجھ سے پہلے کوئی نبی ایسا نہیں بھیجا کہ جس کی امت میں سے حواری اور اصحاب نہ ہوں جو ان کے طریقے پر چلتے تھےاور ان کے حکم کی پیروی کرتے تھے۔پھر ان کے بعد کچھ نا خلف آئےجو ایسی باتیں کرتے ہیں جن پر عمل نہیں کرتے،اور ان کاموں کو کرتے ہیں جن کا انہیں حکم نہیں دیاجاتا۔جو کوئی ان سے ہاتھ سےجہاد(لڑے) کرے وہ مؤمن، اور جو کوئی زبان سے لڑے (ان کو بُرا کہے اور ان کی باتوں کا رد کرے)وہ بھی مؤمن ہے،اور جو کوئی ان سے دل سے لڑے(دل میں ان کو بُرا جانے)وہ بھی مؤمن ہے اور اس کے بعد رائی کے دانے برابر بھی ایمان نہیں۔ (یعنی اگر دل سے بھی بُرا نہ جانے تو اس میں ذرہ برابر بھی ایمان نہیں)۔ ابو رافع رضی اللہ عنہ (جنہوں نے اس حدیث کو ابن مسعود رضی اللہ عنہ سے بیان کیا، وہ رسول اللہ کے مولیٰ تھے) نے کہا کہ میں نے یہ حدیث عبداللہ بن عمر رضی اللہ عنہ سے بیان کی انہوں نے(حدیث ماننے سے) انکار کیا۔عبداللہ بن مسعود رضی اللہ عنہ"قناۃ"(مدینہ کی ایک وادی کا نام ہے) میں ٹھہرے ہوئے تھے۔عبداللہ بن عمر رضی اللہ عنہ مجھے عبداللہ بن مسعود رضی اللہ عنہ کی عیادت کیلئے اپنے ساتھ لے گئے۔میں ان کیساتھ گیا۔ جب ہم بیٹھے تو میں نے عبداللہ بن مسعود رضی اللہ عنہ سے اس حدیث کےبارےمیں پوچھاتو انہوں نے اسی طرح بیان کیاجیسےمیں نےابن عمر رضی اللہ عنہ سے بیان کیا تھا۔ (مسلم شریف کتاب الایمان؛بَابُ بَيَانِ كَوْنِ النَّهْيِ عَنِ الْمُنْكَرِ مِنَ الْإِيمَانِ،وَأَنَّ الْإِيمَانَ يَزِيدُ وَيَنْقُصُ،وَأَنَّ الْأَمْرَ بِالْمَعْرُوفِ وَالنَّهْيَ عَنِ الْمُنْكَرِ وَاجِبَانِ؛جلد١ص نمبر٦٩؛حدیث نمبر٨٧"
ایک دوسری سند سے بھی حضرت ابو رافع عبد اللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایاکوئی نبی ایسا نہیں گزراجس کے حواری نہ ہوں وہ اس کی راہ پر چلتے ہیں۔اور اس کی سنت پر عمل کرتے ہیں۔ پھر روایت کو اسی طرح بیان کیا(جو حدیث نمبر ٨٧ میں بیان ہوا)مگر اس میں ابن مسعود رضی اللہ عنہ کے آنے کا اور ان سے ابن عمر رضی اللہ عنہ کے ملنے کا ذکر نہیں۔ (مسلم شریف کتاب الایمان؛بَابُ بَيَانِ كَوْنِ النَّهْيِ عَنِ الْمُنْكَرِ مِنَ الْإِيمَانِ، وَأَنَّ الْإِيمَانَ يَزِيدُ وَيَنْقُصُ، وَأَنَّ الْأَمْرَ بِالْمَعْرُوفِ وَالنَّهْيَ عَنِ الْمُنْكَرِ وَاجِبَانِ؛جلد١ص نمبر٧٠؛حدیث نمبر٨٨"
حضرت ابو مسعود رضی اللہ عنہ سے مروی ہے۔فرماتے ہیں رسول اللہ صل اللہ علیہ وسلم نے اپنے دست مبارک سے یمن کی طرف اشارہ کیا اور فرمایا سنو! ایمان ادھر سے ہے اور دل کی تنگی اور سختی ربیعہ اور مضر میں ہے جو اونٹوں والے ہیں وہاں شیطان کے دو سینگ طلوع ہوں گے(شیطان کے دو سینگ سےمرادایسےدوشخص ہیں جن سے زبردست گمراہی پھیلنا تھی اور ان کاظہورنجدسےہونا تھاایک مسیلمہ کذاب جو پہلی صدی میں ظاہر ہوا اور دوسرا محمد بن عبد الوہاب جو بارہویں صدی ہجری میں ظاہرہوا) (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛ترجمہ؛یہ باب ہے یمن والوں کی فضیلت کے بارے میں؛جلد١ص نمبر٧١؛حدیث نمبر٨٩"
حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایا اہل یمن آئے(خود مسلمان ہونے کو)وہ لوگ نرم دل ہیں۔ایمان یمن والوں کے پاس ہے،فقہ بھی یمنی ہے،اور حکمت بھی یمن میں ہے۔ (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧١؛حدیث نمبر٩٠"
ایک دوسری سند سے حضرت ابو ہریرہ رضی اللہ عنہ،نبی اکرم صلی اللہ علیہ وسلم سے(حدیث نمبر ٩٠کی مثل)روایت کرتےہیں ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٢؛حدیث نمبر٩١"
حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا تمہارے پاس یمن والے آئے ہیں وہ نہایت نرم دل لوگ ہیں،فقہ بھی یمنی ہےاورحکمت بھی یمنی ہے ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٢؛حدیث نمبر٩٢"
حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا۔کفر کا مرکز مشرق کی طرف ہے فخر اور تکبر گھوڑے اور اونٹ رکھنے والوں میں اور عاجزی بکریاں رکھنے والوں میں ہے۔ (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٢؛حدیث نمبر٩٣"
حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نےفرمایا ایمان یمن میں ہے اور کفر مشرق کی طرف ہےاوراطمینان اور تواضع بکری والوں میں ہےاور فخر اور تکبر کرنا گھوڑے اور اونٹ پالنے والوں میں ہے ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٢؛حدیث نمبر٩٤"
حضرت ابو ہریرہ رضی اللہ عنہ سے روایت ہے کہ میں نے رسول اللہ صلی اللہ علیہ وسلم سے یہ فرماتےسنا آپ صلی اللہ علیہ وسلم نے فرمایا فخر اور تکبر اونٹ اور گھوڑے رکھنے والوں میں اورعاجزی بکریاں رکھنے والوں میں ہے ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٢؛حدیث نمبر٩٥"
ایک دوسری سند سے بھی حضرت ابوہریرہ رضی اللہ عنہ سے اس کی مثل(حدیث نمبر ٩٥)کی طرح مروی ہےاور اس میں یہ اضافہ ہے کہ ایمان یمن سے ہے اور حکمت بھی یمنی ہے ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر٩٦"
حضرت سعید بن مسیب رضی اللہ عنہ فرماتے ہیں۔حضرت ابوہریرہ رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ فرماتے سنا کہ اہل یمن آئے ہیں ان کے دل بہت نرم ہیں۔ایمان یمن میں ہے اور حکمت بھی یمن سے تعلق رکھتی ہے۔ٹھہراؤ اور سکون بکریاں رکھنے والوں میں ہے۔فخر اور تکبر گھوڑے اور اونٹ رکھنے والوں میں ہے جو طلوع آفتاب (مشرق) کی طرف ہیں۔(نجد کی طرف اشارہ ہے) (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر٩٧"
ایک دوسری سند سے حضرت ابوہریرہ رضی اللہ عنہ سے روایت ہے فرماتے ہیں نبی اکرم صلی اللہ علیہ وسلم نے فرمایا کہ تمہارے پاس اہل یمن آئے ہیں ان کے دل بہت نرم ہیں۔ایمان یمن میں ہے اور حکمت بھی یمن سے تعلق رکھتی ہے۔کفر کا گڑھ مشرق کی طرف ہے۔ (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر٩٨"
ایک دوسری سند سے بھی بواسطہ اعمش حضرت ابو صالح سے مروی ہے۔وہ حضرت ابوہریرہ رضی اللہ عنہ سےاور وہ نبی اکرم صلی اللہ علیہ وسلم سے اس کی مثل(حدیث نمبر٩٨کی طرح) روایت کرتےہیں لیکن اس میں یہ بات ذکر نہیں کی گئی کہ کفر کا مرکز مشرق کی جانب ہے۔ (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر٩٩"
ایک دوسری سند سے بھی حضرت اعمش اس کی مثل(حدیث نمبر٩٩)کی طرح حضرت ابو صالح سے اور وہ حضرت ابوہریرہ رضی اللہ عنہ سے روایت کرتے ہیں۔اس میں یہ اضافہ ہے کہ فخر اور تکبر اونٹ رکھنے والوں میں اور ٹھہراؤ اور وقار بکریاں رکھنے والوں میں ہے ۔(مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر١٠٠"
حضرت جابر بن عبد اللہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایادلوں کی سختی اورظلم مشرق والوں میں ہےاور ایمان حجاز والوں میں ہے۔ (مسلم شریف کتاب الایمان؛بَابُ تَفَاضُلِ أَهْلِ الْإِيمَانِ فِيهِ،وَرُجْحَانِ أَهْلِ الْيَمَنِ فِيهِ؛جلد١ص نمبر٧٣؛حدیث نمبر١٠١"
حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایاجب تک ایمان نہیں لاؤگےجنت میں نہیں جاؤ گے،اور اس وقت تک مؤمن نہیں ہو سکتےجب تک آپس میں ایک دوسرے سے محبت نہ کرو۔اور میں تم کو ایسی چیز نہ بتاؤں جس کے کرنے سے تم آپس میں محبت کروگے(وہ یہ ہے کہ) سلام کو آپس میں عام کرو۔ (مسلم شریف کتاب الایمان؛بَابُ بَيَانِ أَنَّهُ لَا يَدْخُلُ الْجَنَّةَ إِلَّا الْمُؤْمِنُونَ،وَأَنَّ مَحَبَّةَ الْمُؤْمِنِينَ مِنَ الْإِيمَانِ،وَأَنَّ إِفْشَاءَ السَّلَامِ سَبَبًا لِحُصُولِهَا؛ترجمہ؛یہ باب ہے اس تعلق سے کہ جنت میں صرف مومن جائیں گے،اور مومنوں سے محبت رکھنا ایمان کی علامت ہے،اور سلام کو عام کرنا محبت کا سبب ہے؛جلد١ص نمبر٧٤؛حدیث نمبر١٠٢"
ایک دوسری سند سے بھی حضرت ابوہریرہ رضی اللہ عنہ سے مروی ہے وہ فرماتے ہیں رسول اللہ صل اللہ علیہ وسلم نےفرمایااس ذات کی قسم جس کے قبضۂ قدرت میں میری جان ہے۔تم جنت میں اس وقت تک داخل نہیں ہو گےجب تک ایمان نہ لاؤ۔اس کے بعد حدیث نمبر١٠٢کی طرح مروی ہے۔ (مسلم شریف کتاب الایمان؛بَابُ بَيَانِ أَنَّهُ لَا يَدْخُلُ الْجَنَّةَ إِلَّا الْمُؤْمِنُونَ،وَأَنَّ مَحَبَّةَ الْمُؤْمِنِينَ مِنَ الْإِيمَانِ،وَأَنَّ إِفْشَاءَ السَّلَامِ سَبَبًا لِحُصُولِهَا جلد١ص نمبر٧٤؛حدیث نمبر١٠٣"
حضرت تمیم داری رضی اللہ عنہ سے روایت ہے۔فرماتے ہیں کہ رسول اللہ صلی اللہ علیہ وسلم نے فرمایا دین خیرخواہی ہے۔ہم نےعرض کیاکس کےلیے(خیر خواہی)؟آپ صلی اللہ علیہ وسلم نےفرمایا اللہ کے لئے،اس کی کتاب کے لئے،اس کے رسول کے لئے،مسلمانوں کے حاکموں کے لئے اورعام مسلمانوں کے لئے(خیر خواہی)۔ (مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛ترجمہ؛یہ باب اس تعلق سے کہ دین خیرخواہی کا نام ہے؛جلد١ص نمبر٧٤؛حدیث نمبر١٠٤"
ایک دوسری سند سے بھی بواسطہ حضرت تمیم داری رضی اللہ عنہ نبی اکرم صلی اللہ علیہ وسلم سےحدیث نمبر ١٠٤کی طرح روایت کرتے ہیں۔ (مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛جلد١ص نمبر٧٥؛حدیث نمبر١٠٥"
ایک اورسندسےبھی حضرت تمیم داری رضی اللہ عنہ نبی اکرم صلی اللہ علیہ وسلم سےحدیث نمبر ١٠٤کی طرح روایت کرتے ہیں۔ (مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛جلد١ص نمبر٧٥؛حدیث نمبر١٠٦"
حضرت جریر رضی اللہ عنہ سےروایت ہےوہ فرماتے ہیں میں نے رسول اللہ صلی اللہ علیہ وسلم سے نماز قائم کرنے،زکاۃ ادا کرنے،اور ہر مسلمان کے لیے خیرخواہی کی بیعت کی ۔(مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛جلد١ص نمبر٧٥؛حدیث نمبر١٠٧"
ایک دوسری سند سے بھی حضرت جریر رضی اللہ عنہ سے روایت ہے فرماتے ہیں میں نے نبی اکرم صلی اللہ علیہ وسلم کے دست مبارک پر ہر مسلمانوں سے خیر خواہی کی بیعت کی ۔(مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛جلد١ص نمبر٧٥؛حدیث نمبر١٠٨)
ایک دوسری سند سے حضرت جریر رضی اللہ عنہ سے روایت ہے فرماتے ہیں میں نے نبی اکرم صلی اللہ علیہ وسلم کے دست مبارک پر بیعت کی کہ آپ کا ہر حکم سنوں گااور مانوں گا اور ہر مسلمان کی خیر خواہی کروں گا تو آپ نے مجھے حسب استطاعت عمل کاحکم دیا (مسلم شریف کتاب الایمان؛بَابُ بَيَانِ أَنَّ الدِّينَ النَّصِيحَةُ؛جلد١ص نمبر٧٥؛حدیث نمبر١٠٩"
حضرت ابوہریرہ رضی اللہ عنہ سے روایت ہےکہ رسول اللہ صلی اللہ علیہ وسلم نے فرمایازانی جب زنا کرتا ہے تو وہ مومن نہیں ہوتا ہےاور جب چور چوری کرتا ہے تو وہ ایمان(کے نور)سے محروم ہوتا ہے۔جب شرابی شراب پیتا ہے تو وہ مومن نہیں ہوتا۔حضرت ابو ہریرہ رضی اللہ عنہ سے یہ اضافہ بھی مروی ہے کہ کوئی شخص لوگوں کے سامنے کسی عمدہ مال کو اچکتا ہے تو وہ مؤمن نہیں ہوتا۔ (مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛ترجمہ:یہ باب ہے گناہوں سے ایمان کے گھٹ جانے اور بوقت گناہ گنہگار سے ایمان کے جدا ہوجانے یعنی گناہ کرتے وقت ایمان کا کامل نہ رہنے کے بیان میں؛جلد١ص نمبر٧٦؛حدیث نمبر١١٠"
ایک دوسری سند سے بھی حضرت ابوہریرہ رضی اللہ عنہ سے روایت ہے فرماتے ہیں رسول اللہ صل اللہ علیہ وسلم نے فرمایا زانی جب زنا کرتا ہے آخر تک حدیث نمبر١١٠کی طرح ذکر کیا اور اس میں اچکنے کا بھی ذکر کیا البتہ عمدہ چیز کا ذکر نہیں پھر ایک اور سند سے بھی حضرت ابوہریرہ رضی اللہ عنہ کے واسطے سے رسول اکرم صلی اللہ علیہ وسلم سے حدیث نمبر ١١٠کی طرح مروی ہے البتہ اس میں اچکنے کا ذکر نہیں ۔(مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٦؛حدیث نمبر١١١"
ایک دوسری سند سے بھی حضرت ابوہریرہ رضی اللہ عنہ سے حدیث نمبر ١١٠کی طرح مروی ہے اس میں اچکنے کا ذکر ہے لیکن."عمدہ چیز"کے الفاظ نہیں کہےہیں۔ (مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٦؛حدیث نمبر١١٢"
ایک اور سند سے بھی حضرت ابوہریرہ رضی اللہ عنہ کے واسطے سے رسول اکرم صلی اللہ علیہ وسلم سے حدیث نمبر ١١٠کی طرح مروی ہے ۔(مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٧؛حدیث نمبر١١٣"
امام مسلم محمد بن رافع سے اور وہ اپنی سند سے حضرت ابوہریرہ رضی اللہ عنہ سےاور وہ نبی اکرم صلی اللہ علیہ وسلم سے حدیث نمبر ١١٠کی طرح روایت کرتے ہیں۔ (مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٧؛حدیث نمبر١١٤"
امام مسلم حضرت قتیبہ بن سعید سے اور وہ اپنی سند سے حضرت ابو ہریرہ رضی اللہ عنہ سے اور وہ نبی اکرم صلی اللہ علیہ وسلم سے حدیث نمبر ١١٠کی طرح روایت کرتے ہیں۔یہ سب حضرات، حضرت زہری کی حدیث روایت کرتے ہیں۔لیکن علا اور صفوان بن سلیم کی روایت(حدیث نمبر ١١٣،١١٤)میں یہ الفاظ نہیں کہ لوگوں کے سامنے اچک لے جبکہ ہمام کی روایت(حدیث نمبر ١١٥)میں ہے کہ اہل ایمان اس کی طرف نگاہیں اٹھا کر دیکھیں اور وہ اچکتے وقت مؤمن ہو اور یہ بھی اضافہ ہے کہ کوئی شخص خیانت کرے تو وہ اس حالت میں مومن نہیں ہوتا۔پس(ان کاموں سے)اپنے آپ کو بچاؤ (مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٧؛حدیث نمبر١١٥"
حضرت ابو ہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نےفرمایاجب زانی زنا کرتاہےتووہ مومن نہیں ہوتا اور نہ ہی چور چوری کرتے وقت مومن ہوتا ہےاورجب وہ شراب پیتا ہے تو وہ مومن نہیں ہوتا اور(اس کے باوجود)توبہ کی گنجائش باقی نہیں رہتی ۔(مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٧؛حدیث نمبر١١٦"
ایک اور سند سےحضرت ابوہریرہ رضی اللہ عنہ سےمروی ہے کہ رسول اللہ صلی اللہ علیہ وسلم نے فرمایا زانی جب زنا کرتا ہے۔آخر تک حدیث نمبر١١٦کی طرح ۔(مسلم شریف کتاب الایمان؛بَابُ بيان نقصان الإيمان بالمعاصي ونفيه عن المتلبس بالمعصية على إرادة نفي كماله؛جلد١ص نمبر٧٧؛حدیث نمبر١١٧"
حضرت عبداللہ بن عمرو رضی اللہ عنہ سے روایت ہے۔فرماتے ہیں کہ رسول اللہ صلی اللہ علیہ وسلم نے فرمایا:چار باتیں ایسی ہیں کہ جس میں ہوں گی وہ خالص منافق ہے۔اور جس میں ان چاروں میں سے ایک خصلت ہو گی،تو اس میں نفاق کی ایک ہی عادت ہے،یہاں تک کہ اس کو چھوڑ دے۔ایک تو یہ کہ جب بات کرے تو جھوٹ بولے،دوسری یہ کہ جب معاہدہ کرے تو اس کے خلاف کرے،تیسری یہ کہ جب وعدہ کرے تو پورا نہ کرے، چوتھی یہ کہ جب جھگڑا کرے تو بدکلامی کرے یا گالی گلوچ کرے۔اور حضرت سفیان کی روایت میں”خلۃ“ کی جگہ”خصلۃ“ کا لفظ ہے(دونوں کا مفہوم ایک ہی ہے) (مسلم شریف کتاب الایمان؛بَابُ بَيَانِ خِصَالِ الْمُنَافِقِ؛ترجمہ؛یہ باب ہے منافق کی عادتوں کے بیان میں؛جلد١ص نمبر٧٨؛حدیث نمبر١١٨"
حضرت ابو ہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایامنافق کی نشانی تین ہیں.جب بات کرے تو جھوٹ بولےجب وعدہ کرے تو پورا نہ کرے اور جب اس کے پاس امانت رکھی جائے تو خیانت کرے ۔(مسلم شریف کتاب الایمان؛بَابُ بَيَانِ خِصَالِ الْمُنَافِقِ؛ جلد١ص نمبر٧٨؛حدیث نمبر١١٩"
ایک دوسری سند سے حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا منافق کی علامات میں سے تین باتیں یہ ہیں.جب بات کرےتوجھوٹ بولےجب وعدہ کرے تو پورا نہ کرے اور جب اس کے پاس امانت رکھی جائےتوخیانت کرے۔ (مسلم شریف کتاب الایمان؛بَابُ بَيَانِ خِصَالِ الْمُنَافِقِ؛جلد١ص نمبر٧٨؛حدیث نمبر١٢٠"
حضرت علاءبن عبد الرحمن حدیث نمبر ١٢٠کی سند سےبیان کرتے ہیں کہ منافق کی تین نشانیاں ہیں(جو حدیث نمبر١٢٠ میں مذکور ہے)اگرچہ وہ نماز پڑھے اور روزہ رکھے اور گمان کرے کہ وہ مسلمان ہے ۔(مسلم شریف کتاب الایمان؛بَابُ بَيَانِ خِصَالِ الْمُنَافِقِ؛جلد١ص نمبر٧٨؛حدیث نمبر١٢١"
ایک اور سند کے ساتھ حضرت ابوہریرہ رضی اللہ عنہ سے مروی ہے۔فرماتے ہیں رسول اللہ صل اللہ علیہ وسلم نے فرمایا۔پھر حدیث نمبر ١٢٠ کی طرح ذکر کیا اور اس میں یہ بھی ہےکہ اگرچہ روزہ رکھے اور نماز پڑھے اور اپنے آپ کو مسلمان خیال کرے۔ (مسلم شریف کتاب الایمان؛بَابُ بَيَانِ خِصَالِ الْمُنَافِقِ؛جلد١ص نمبر٧٩؛حدیث نمبر١٢٢"
حضرت ابن عمر رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایاجب کوئی شخص اپنے(مسلمان)بھائی کو کافر کہتا ہے تو یہ بات ان میں سے ایک کی طرف لوٹتی ہے۔ (مسلم شریف کتاب الایمان؛بَابُ بَيَانِ حَالِ إِيمَانِ مَنْ قَالَ لِأَخِيهِ الْمُسْلِمِ:يَا كَافِرُ؛ترجمہ؛کسی مسلمان بھائی کو کافر کہنا؛ جلد١ص نمبر٧٩؛حدیث نمبر١٢٣"
حضرت عبداللہ بن دینار فرماتے ہیں۔انہوں نے حضرت ابن عمر رضی اللہ عنہ سے سنا وہ فرماتے ہیں رسول اکرم صلی اللہ علیہ وسلم نے فرمایا جو شخص اپنے(مسلمان)بھائی کو کافر کہے تو یہ بات ان میں سے ایک کی طرف لوٹتی ہے۔اگر وہ ایسا ہی ہو(جس کو کافر کہا گیا تو ٹھیک ہے) ورنہ اس(کہنے والے) کی طرف لوٹ آئے گا (مسلم شریف کتاب الایمان؛بَابُ بَيَانِ حَالِ إِيمَانِ مَنْ قَالَ لِأَخِيهِ الْمُسْلِمِ:يَا كَافِرُ؛جلد١ص نمبر٧٩؛حدیث نمبر١٢٤"
حضرت ابوذر رضی اللہ عنہ سے مروی ہے۔انہوں نے نبی اکرم صلی اللہ علیہ وسلم سے سنا آپ نے فرمایا جوشخص جان بوجھ کر اپنے باپ کے علاوہ کسی اور کی طرف اپنی نسبت کرے(کسی دوسرے کو اپنا باپ بناے)تواس نے ناشکری کی اور جس آدمی نے کسی دوسرے کی چیز پر دعویٰ کیا وہ ہم میں سے نہیں۔اسے چاہیے کہ اپنا ٹھکانہ جہنم میں بنائے اور جس نے کسی(مسلمان)کو کہا اے کافر!یا اے اللہ کے دشمن!اور وہ ایسا نہیں ہے تو یہ بات اسی کی طرف لوٹےگی ۔(مسلم شریف کتاب الایمان؛بَابُ بَيَانِ حَالِ إِيمَانِ مَنْ قَالَ لِأَخِيهِ الْمُسْلِمِ:يَاكَافِرُ؛جلد١ص٧٩؛حدیث نمبر١٢٥"
حضرت ابوہریرہ رضی اللہ عنہ فرماتے ہیں۔رسول اللہ صلی اللہ علیہ وسلم نے فرمایا اپنے آباؤ اجداد سے منہ نہ پھیرو جس نے اپنے باپ سے اعراض کیا(باپ نہ مانا)تو اس نے ناشکری کی (مسلم شریف کتاب الایمان؛بَابُ بَيَانِ حَالِ إِيمَانِ مَنْ رَغِبَ عَنْ أَبِيهِ وَهُوَ يَعْلَمُ؛ترجمہ؛جان بوجھ کر نسب بدلنا؛جلد١ص٨٠؛حدیث نمبر ١٢٦"
حضرت ابو عثمان فرماتے ہیں۔جب زیاد(کے بھائی ہونے) کا دعویٰ کیا گیا تو میں نے ابوبکرہ سے ملاقات کی۔میں نے ان سے کہا تم نے یہ کیا کیا؟میں نے حضرت سعد بن ابی وقاص رضی اللہ عنہ سے سنا وہ فرماتے تھے میں نے اپنے کانوں سے نبی اکرم صلی اللہ علیہ وسلم سے سنا آپ نے فرمایا جس نے اسلام(کی حالت) میں جان بوجھ کر اپنے باپ کے علاوہ کسی کو اپنا باپ قرار دیا تو اس پر جنت حرام۔حضرت ابوبکرہ رضی اللہ عنہ نے فرمایا کہ میں نے بھی حضور صلی اللہ علیہ وسلم سے یہ بات سنی ہے (مسلم شریف کتاب الایمان؛- بَابُ بَيَانِ حَالِ إِيمَانِ مَنْ رَغِبَ عَنْ أَبِيهِ وَهُوَ يَعْلَمُ؛؛جان؛جلد١ص٨٠؛حدیث نمبر ١٢٧"
حضرت ابوعثمان،حضرت سعداور حضرت ابوبکرہ رضی اللہ عنہ دونوں سے روایت کرتے ہیں۔ان میں سے ہر ایک کہتا ہے کہ میرےکانوں نےنبی اکرم صلی اللہ علیہ وسلم سے سنا اور میرے دل نے یاد رکھا کہ حضورصلی اللہ علیہ وسلم نے فرمایاجو شخص اپنے باپ کے غیر کی طرف اپنی نسبت کرے حالانکہ وہ جانتا ہے(کہ ایسا نہیں ہے)تو اس پر جنت حرام ہے (مسلم شریف کتاب الایمان؛بَابُ بَيَانِ حَالِ إِيمَانِ مَنْ رَغِبَ عَنْ أَبِيهِ وَهُوَ يَعْلَمُ؛جلد١ص٨٠؛حدیث نمبر١٢٨"
حضرت عبد اللہ بن مسعود رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا مسلمان کو گالی دینا گناہ ہےاور اس سے لڑنا کفر ہے(جب کہ اس لڑائی کو حلال سمجھے)حضرت زبید (راوی)کہتے ہیں میں نے ابو وائل راوی سے پوچھا کیا آپ نے حضرت عبداللہ بن مسعود رضی اللہ عنہ سے سنا کہ وہ حضور علیہ السلام سے روایت کرتےہیں۔انہوں نے فرمایا ہاں میں نے سنا ہے حضرت شعبہ کی روایت میں حضرت زبید کا ابو وائل سے سوال مذکورنہیں ۔(مسلم شریف کتاب الایمان؛بَابُ بَيَانِ قَوْلِ النَّبِيِّ صَلَّى اللهُ عَلَيْهِ وَسَلَّمَ: «سِبَابُ الْمُسْلِمِ فُسُوقٌ وَقِتَالُهُ كُفْرٌ»؛ترجمہ؛مسلمان کو گالی دینا گناہ اور اس سے لڑنا کفر ہے؛جلد١ص٨١؛حدیث نمبر١٢٩"
ایک اور دوسری سند کے ساتھ حضرت عبداللہ بن مسعود رضی اللہ عنہ سے حدیث نمبر١٢٩کی طرح مروی ہے ۔(مسلم شریف کتاب الایمان؛بَابُ بَيَانِ قَوْلِ النَّبِيِّ صَلَّى اللهُ عَلَيْهِ وَسَلَّمَ: «سِبَابُ الْمُسْلِمِ فُسُوقٌ وَقِتَالُهُ كُفْرٌ»؛جلد١ص٨١؛حدیث نمبر١٣٠"
حضرت جریر رضی اللہ عنہ سےمروی ہے۔فرماتے ہیں نبی اکرم صلی اللہ علیہ وسلم نے حجۃ الوداع کے موقع پر مجھ سے فرمایا لوگوں کو خاموش کراؤ۔پھر فرمایا میرے بعد کافر نہ ہو جانا کہ ایک دوسرے کی گردنیں مارو ۔(مسلم شریف کتاب الایمان؛ بَابُ«لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»؛ترجمہ؛نبی اکرم صلی اللہ علیہ وسلم کا فرمان کہ میرے بعد ایک دوسرے کو قتل کر کے کافر نہ ہوجانا؛جلد١ص٨١؛حدیث نمبر١٣١"
ایک دوسری سند سےحضرت ابن عمر رضی اللہ عنہ بھی نبی اکرم صلی اللہ علیہ وسلم سے حدیث نمبر ١٣١کی طرح روایت کرتے ہیں۔ (مسلم شریف کتاب الایمان؛بَابُ«لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»؛جلد١ص٨٢؛حدیث نمبر١٣٢"
ایک اور دوسری سند سے بھی حضرت ابن عمر رضی اللہ عنہ سے مروی ہے کہ آپ صلی اللہ علیہ وسلم نے حجۃ الوداع کے موقع پر فرمایا(ویحکم یا ویلکم فرمایا) تمہارے لیے ہلاکت ہو(محاورے کے طور پر فرمایا بددعا نہیں ہے)میرے بعد کافر نہ بن جانا کہ ایک دوسرے کی گردنیں مارو۔ (مسلم شریف کتاب الایمان؛ بَابُ«لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»؛جلد١ص٨٢؛حدیث نمبر١٣٣"
ایک دوسری سند کے ساتھ حضرت ابن عمر رضی اللہ عنہ سےحدیث نمبر ١٣٣کی طرح مروی ہے۔وہ حضور اکرم صلی اللہ علیہ وسلم سے روایت کرتےہیں۔ (مسلم شریف کتاب الایمان؛بَابُ«لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»؛جلد١ص٨٢؛حدیث نمبر١٣٤"
حضرت ابوہریرہ رضی اللہ عنہ سے روایت ہے فرماتے ہیں رسول اکرم صلی اللہ علیہ وسلم نے فرمایا۔لوگوں میں دو باتیں کفر ہیں(کافروں کا طریقہ)نسب میں طعن کرنا اور میت پرنوحہ کرنا ۔(مسلم شریف کتاب الایمان؛بَابُ إِطْلَاقِ اسْمِ الْكُفْرِ عَلَى الطَّعْنِ فِي النَّسَبِ وَالنِّيَاحَةِ عَلَى الْمَيِّتِ؛ترجمہ؛نسب میں طعن کرنے والے اور میت پر نوحہ کرنے والے پر کفر کا اطلاق؛جلد١ص٨٢؛حدیث نمبر١٣٥"
حضرت جریر رضی اللہ عنہ سے مروی ہےکہ انہوں نےنبی اکرم صلی اللہ علیہ وسلم سےسنا آپ نے فرمایاجو غلام اپنے آقاؤں سے بھاگ جائے اس نے کفر کیا۔جب تک لوٹ کر ان کے پاس نہ آئے۔(یہاں کفر سے مراد ناشکری ہے کیونکہ اس نے مالک کاحق ادا نہ کیا)۔منصور راوی کہتے ہیں اللہ کی قسم یہ حدیث رسول اللہ صلی اللہ علیہ وسلم سے مروی ہے لیکن میں ناپسند کرتا ہوں کہ یہ حدیث یہاں بصرہ میں مجھ سے بیان کی جائے ۔(مسلم شریف کتاب الایمان؛بَابُ تَسْمِيَةِ الْعَبْدِ الْآبِقِ كَافِرًا؛ترجمہ؛بھاگے ہوئے غلام کو کافر کہنے کا بیان؛جلد١ص٨٣؛حدیث نمبر١٣٦"
حضرت جریر رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جو غلام بھاگ جاے وہ(اللہ تعالیٰ اور اس کے رسول صل اللہ علیہ وسلم کی) ضمانت سے نکل گیا ۔(مسلم شریف کتاب الایمان؛بَابُ تَسْمِيَةِ الْعَبْدِ الْآبِقِ كَافِرًا؛جلد١ص٨٣؛حدیث نمبر١٣٧"
حضرت جریر بن عبد اللہ رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا جب غلام بھاگ جاتا ہے تو اس کی نماز قبول نہیں ہوتی۔(سخت وعید ہے تاکہ باز رہے)۔ (مسلم شریف کتاب الایمان؛بَابُ تَسْمِيَةِ الْعَبْدِ الْآبِقِ كَافِرًا؛جلد١ص٨٣؛حدیث نمبر١٣٨"
حضرت زید بن خالد جہنی رضی اللہ عنہ سے روایت ہے۔فرماتے ہیں۔کہ رسول اللہ صلی اللہ علیہ وسلم نے ہمیں صبح کی نماز حدیبیہ میں( جو مکہ کے قریب ایک مقام کا نام ہے )پڑھائی اور رات کی بارش کا اثر باقی تھا۔جب آپ صلی اللہ علیہ وسلم نماز سے فارغ ہوئے تو لوگوں کی طرف متوجہ ہو کر فرمایا کہ تم جانتے ہو کہ تمہارے پروردگار نے کیا فرمایا؟صحابہ نے عرض کیا اللہ اور اس کا رسول بہتر جانتے ہیں۔آپ صلی اللہ علیہ وسلم نے فرمایا کہ اللہ تعالیٰ نے یہ فرمایا کہ میرے بندوں میں سے بعضوں کی صبح تو ایمان پر ہوئی اور بعضوں کی کفر پر۔تو جس نے یہ کہا کہ بارش اللہ تعالیٰ کے فضل اور اس کی رحمت سے ہوئی وہ مجھ پر ایمان لا یا اور جس نے کہا فلاں فلاں ستارے کی وجہ سے ہم پر بارش برسی ہے تو وہ میرا انکار کرنے والا اور ستاروں پر ایمان(عقیدہ) رکھنے والا ہے۔ (مسلم شریف کتاب الایمان؛بَابُ بَيَانِ كُفْرِ مَنْ قَالَ:مُطِرْنَا بِالنَّوْءِ؛ترجمہ؛جس نے کہا ہمیں فلاں ستارے کی وجہ سے بارش حاصل ہوئی اس نے کفر کیا؛ جلد١ص٨٣؛حدیث نمبر١٣٩"
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا کیا تم اس بات کو نہیں دیکھتے جو تمہارے رب نے فرمائی ہے۔اس نے ارشاد فرمایا میں اپنے بندوں کو جو نعمت عطا کرتا ہوں تو ایک جماعت اس کا انکار کرتی ہے اور وہ کہتے ہیں ہمیں یہ بارش ستاروں کی وجہ سے ملی ہے ۔(مسلم شریف کتاب الایمان؛باب بَيَانِ كُفْرِ مَنْ قَالَ مُطِرْنَا بِالنَّوْءِ؛جلد١ص٨٤؛حدیث نمبر١٤٠"
حضرت ابوہریرہ رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتےہیں کہ آپ نے کہا اللہ تعالیٰ آسمان سے جو برکت نازل فرماتا ہے(یعنی بارش)تو ایک جماعت اس کا انکار کرتی ہے۔بارش اللہ تعالیٰ نازل فرماتا ہے اور وہ کہتے ہیں کہ فلاں فلاں ستارے کی وجہ سے بارش ہوئی ہے(ایک روایت میں کواکب ہے اور دوسری میں کوکب ہے۔دونوں کا مفہوم ایک ہی ہے) (مسلم شریف کتاب الایمان؛باب بَيَانِ كُفْرِ مَنْ قَالَ مُطِرْنَا بِالنَّوْءِ؛جلد١ص٨٤؛حدیث نمبر١٤١"
حضرت ابن عباس رضی اللہ عنہ سے مروی ہے کہ نبی اکرم صلی اللہ علیہ وسلم کے زمانے میں لوگوں پر بارش برسی تو لوگوں میں سے بعض اس کا شکر ادا کرنے والے ہو گئے اور بعض نے انکار(شکر کرنے والوں نے کہا) یہ اللہ تعالیٰ کی رحمت میں ہے(اور ان میں بعض جنہوں نے انکار کیا)نے کہا فلاں فلاں ستارہ سچا ہو گیا آپ فرماتے ہیں اس پر یہ آیت نازل ہوئی۔{فَلَا أُقْسِمُ بِمَوَاقِعِ النُّجُومِ} [الواقعة: ٧٥]،حَتَّى بَلَغَ: {وَتَجْعَلُونَ رِزْقَكُمْ أَنَّكُمْ تُكَذِّبُونَ} [الواقعة:٨٢]ترجمہ؛قسم ہے ان جگہوں کی جہاں تارے ڈوبتے ہیں اور تم سمجھو تو یہ بڑی قسم ہے۔بے شک یہ عزت والا قرآن ہے۔محفوظ نوشتہ میں اسے نہ چھوئیں مگر باوضو،اتارا ہوا ہے سارے جہاں کے رب کا تو کیا اس بات میں تم سستی کرتے ہو اور اپنا حصہ یہ رکھتے ہو کہ جھٹلاتے ہو۔ (مسلم شریف کتاب الایمان؛بَابُ بَيَانِ كُفْرِ مَنْ قَالَ: مُطِرْنَا بِالنَّوْء؛جلد١ص٨٤؛حدیث نمبر ١٤٢"
حضرت عبد اللہ بن جبیر رضی اللہ عنہ سے مروی ہے فرماتے ہیں میں نے حضرت انس رضی اللہ عنہ سےسنا وہ فرماتے ہیں رسول اکرم صلی اللہ علیہ وسلم نے فرمایا منافق کی علامت انصارسےبغض رکھنا اور مؤمن کی نشانی انصار سے محبت رکھنا ہے۔ (مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ، وَبُغْضِهِمْ مِنْ عَلَامَاتِ النِّفَاقِ؛ترجمہ؛انصار اور حضرت علی رضی اللہ عنہم سے محبت رکھنا ایمان کی علامت ہے اور ان سے بغض رکھنا نفاق کی علامت ہے؛جلد١ص٨٥؛ حدیث نمبر١٤٣"
حضرت انس رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا انصار کی محبت ایمان کی علامت اور ان سے دشمنی منافقت کی علامت ہے۔ (مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ، وَبُغْضِهِمْ مِنْ عَلَامَاتِ النِّفَاقِ؛جلد١ص٨٥؛ حدیث نمبر١٤٤"
حضرت براءرضی اللہ عنہ نبی اکرم صلی اللہ علیہ وسلم سےروایت کرتےہیں۔آپ نے انصار کے بارے میں فرمایا کہ ان سے محبت وہی کرتا ہےجو مؤمن ہےاور ان سے دشمنی صرف منافق کرتا ہے جو ان سے محبت کرتا ہے اللہ تعالیٰ اس سے محبت کرتا ہے اور جو ان سے دشمنی رکھتا ہے۔اللہ تعالی اس کو ناپسند کرتا ہے۔حضرت شعبہ فرماتے ہیں میں نے حضرت عدی رضی اللہ عنہ سے پوچھا کیا آپ نے یہ بات حضرت براءرضی اللہ عنہ سے سنی ہے تو انہوں نے فرمایا۔انہوں نے مجھ سے ہی بیان فرمائی ہے ۔(مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ،وَبُغْضِهِمْ مِنْ عَلَامَاتِ النِّفَاقِ؛جلد١ص٨٥؛حدیث نمبر١٤٥"
حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا وہ شخص انصار سے بغض نہیں رکھتا جو اللہ تعالیٰ اور اور آخرت پر ایمان رکھتا ہے ۔(مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ، وَبُغْضِهِمْ مِنْ عَلَامَاتِ النِّفَاقِ؛جلد١ص٨٦؛حدیث نمبر١٤٦"
حضرت ابو سعید رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جو شخص اللہ اور آخرت پر ایمان رکھتا ہے۔وہ انصار سے بغض نہیں رکھے گا۔(حب مسلمانوں نے مدینہ منورہ کی ہجرت کی تو انصار نے ان کو ٹھکانہ دیا اور ہر قسم کی مدد کی اس لئے حضور نبی اکرم صلی اللہ علیہ وسلم نے ان کی حوصلہ افزائی کرتے ہوئے یہ اعزاز عطا کیا ہے کہ ان کی محبت کو ایمان کی علامت قرار دیا ) (مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ، وَبُغْضِهِمْ مِنْ عَلَامَاتِ النِّفَاقِ؛جلد١ص٨٦؛حدیث نمبر١٤٧"
حضرت زِر رضی اللہ عنہ سے مروی ہے۔فرماتے ہیں حضرت علی رضی اللہ عنہ نے فرمایا اس ذات کی قسم جس نے دانے کو پھاڑا اور ذی روح کو پیدا کیا۔نبی اکرم صلی اللہ علیہ وسلم نے مجھ سے وعدہ فرمایا کہ مجھ سے وہی محبت کرے گا جو مؤمن ہوگا اور مجھ سے منافق ہی بغض رکھے گا ۔(مسلم شریف کتاب الایمان؛بَابُ الدَّلِيلِ عَلَى أَنَّ حُبَّ الْأنْصَارِ وَعَلِيٍّ رَضِيَ اللهُ عَنْهُمْ مِنَ الْإِيمَانِ وَعَلَامَاتِهِ، وَبُغْضِهِمْ مِنْ عَلَامَاتِ النِّفَاقِ؛جلد١ص٨٥؛ حدیث نمبر١٤٨"
حضرت عبداللہ بن عمر، نبی اکرم صلی اللہ علیہ وسلم سے روایت کرتےہیں کہ آپ نے فرمایااےعورتوں کی جماعت! تم صدقہ دو اور استغفار کرو،کیونکہ میں نے دیکھا کہ جہنم میں زیادہ تعداد میں عورتیں ہیں۔ایک عقلمند عورت بولی کہ یارسول اللہ صلی اللہ علیہ وسلم!کیا سبب ہے،عورتیں کیوں زیادہ جہنم میں ہیں؟آپ صلی اللہ علیہ وسلم نے فرمایا کہ وہ لعنت بہت کرتی ہیں اور خاوند کی ناشکری کرتی ہیں۔میں نے تم سے بڑھ کر کسی کو عقل اور دین کے اعتبار سے ناقص نہیں دیکھا تم عقلمند انسان پر بھی غالب آجاتی ہو۔اس نے پوچھایا رسول اللہ صلی اللہ علیہ وسلم عقل اور دین کا نقصان کیا ہے؟آپ صلی اللہ علیہ وسلم نے فرمایا کہ عقل کے اعتبار سے نقصان یہ ہے کہ دو عورتوں کی گواہی ایک مرد کی گواہی کے برابر ہےتو یہ عقل کے اعتبار سے کمی ہے۔اور دین میں کمی یہ ہے کہ عورت کئی راتیں (اور دن) اس طرح گزارتی ہے کہ نماز نہیں پڑھ سکتی اور رمضان المبارک میں روزہ نہیں رکھ سکتی(حیض ونفاس کی وجہ سے)ایک دوسری سند سے بھ مذکورہ بالا حدیث مروی ہے (مسلم شریف کتاب الایمان؛بَابُ بَيَانِ نُقْصَانِ الْإِيمَانِ بِنَقْصِ الطَّاعَاتِ، وَبَيَانِ إِطْلَاقِ لَفْظِ الْكُفْرِ عَلَى غَيْرِ الْكُفْرِ بِاللهِ، كَكُفْرِ النِّعْمَةِ وَالْحُقُوقِ؛ترجمہ؛عبادات کی کمی سے ایمان کا گھٹنا ،اور کفر کا کفران نعمت پر اطلاق کا بیان؛ جلد١ص٨٦؛ حدیث نمبر ١٤٩"
ایک دوسری سند کے ساتھ بھی حضرت ابو سعید خدری رضی اللہ عنہ سے(حدیث نمبر ١٤٩)کی مثل روایت ہے ۔(مسلم شریف کتاب الایمان؛بَابُ بَيَانِ نُقْصَانِ الْإِيمَانِ بِنَقْصِ الطَّاعَاتِ، وَبَيَانِ إِطْلَاقِ لَفْظِ الْكُفْرِ عَلَى غَيْرِ الْكُفْرِ بِاللهِ، كَكُفْرِ النِّعْمَةِ وَالْحُقُوقِ؛جلد١ص٨٧؛حدیث نمبر ١٥٠"
ایک اور سند سے بھی حضرت ابوہریرہ رضی اللہ عنہ سے (حدیث نمبر ١٤٩ کے معنی کی مثل مروی ہے) (مسلم شریف کتاب الایمان؛بَابُ بَيَانِ نُقْصَانِ الْإِيمَانِ بِنَقْصِ الطَّاعَاتِ، وَبَيَانِ إِطْلَاقِ لَفْظِ الْكُفْرِ عَلَى غَيْرِ الْكُفْرِ بِاللهِ، كَكُفْرِ النِّعْمَةِ وَالْحُقُوقِ؛جلد١ص٨٧؛حدیث نمبر ١٥١"
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نےفرمایاجب انسان آیتِ سجدہ پڑھ کرسجدہ کرتا ہےتو شیطان دور ہو جاتا ہے اور روتے ہوئے کہتا ہے ہاے ہلاکت!(ابو بکر بن شیبہ کی روایت میں"یاویل"اور ابوکریب کی روایت میں"ویلی"کے ألفاظ ہیں دونوں کا معنی ہلاکت ہے)انسان کو سجدے کا حکم دیا گیاتو اس نے سجدہ کیا پس اس کے لئے جنت ہےاور مجھے سجدے کا حکم دیا گیا تو میں نے انکار کیا پس میرے لئے جہنم ہے. (مسلم شریف کتاب الایمان؛بَابُ بَيَانِ إِطْلَاقِ اسْمِ الْكُفْرِ عَلَى مَنْ تَرَكَ الصَّلَاةَ؛ترجمہ؛ترک نماز پر لفظِ کفر کا اطلاق؛جلد١ص٨٧؛حدیث نمبر١٥٢"
ایک دوسری سند کے ساتھ حدیث نمبر ١٥٢کی طرح مروی ہےالبتہ اس میں یوں ہے کہ میں نے نافرمانی کی پس میرے لئے جہنم ہے۔ (مسلم شریف کتاب الایمان؛بَابُ بَيَانِ إِطْلَاقِ اسْمِ الْكُفْرِ عَلَى مَنْ تَرَكَ الصَّلَاةَ؛جلد١ص٨٨؛حدیث نمبر١٥٣"
حضرت ابوسفیان رضی اللہ عنہ فرماتے ہیں میں نے حضرت جابر سے سنا وہ فرماتے تھے میں نے رسول اللہ صلی اللہ علیہ وسلم کو فرماتے ہوئے سنا کہ انسان(مسلمان) اور شرک وکفر کے درمیان نماز چھوڑنے کا فرق ہے۔(مطلب یہ ہے کہ مسلمان نماز پڑھتا ہے اور کافر اور مشرک نہیں پڑھتا لہذانمازمسلمانوں کا شعار ہےاس کا یہ مطلب نہیں کہ نماز نہ پڑھنے سے کافر ہو جاتا ہے ہاں انکار کرے تو کافر ہو جائے گا) ۔(مسلم شریف کتاب الایمان؛بَابُ بَيَانِ إِطْلَاقِ اسْمِ الْكُفْرِ عَلَى مَنْ تَرَكَ الصَّلَاةَ؛ جلد١ص٨٨؛حدیث نمبر١٥٤"
ایک دوسری سند کے ساتھ حضرت جابر رضی اللہ عنہ سے روایت ہے۔فرماتے ہیں میں نے نبی اکرم صلی اللہ علیہ وسلم سے سنا آپ فرماتے تھے انسان اور کفروشرک کےدرمیان نماز چھوڑنے کا فرق ہے۔ (مسلم شریف کتاب الایمان؛بَابُ بَيَانِ إِطْلَاقِ اسْمِ الْكُفْرِ عَلَى مَنْ تَرَكَ الصَّلَاةَ؛جلد١ص٨٨؛حدیث نمبر١٥٥"
حضرت ابوہریرہ رضی اللہ عنہ سے مروی ہے۔نبی اکرم صلی اللہ علیہ وسلم سے پوچھا گیا کہ کونسا عمل افضل ہے؟آپ صلی اللہ علیہ وسلم نے فرمایا اللہ تعالیٰ پر ایمان لانا،پوچھا گیا پھر کونسا عمل؟آپ صلی اللہ علیہ وسلم نے فرمایا اللہ تعالیٰ کے راستے میں جہاد کرنا،کہا گیا پھر کونسا؟فرمایا مقبول حج، حضرت محمد بن جعفر رضی اللہ عنہ کی روایت میں ہے اللہ تعالیٰ اور اس کے رسول صل اللہ علیہ وسلم پر ایمان لانا۔ (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛ترجمہ؛اللہ تعالٰی پر ایمان سب سے زیادہ فضیلت والا کام ہے؛جلد١ص٨٨؛حدیث نمبر١٥٦"
ایک دوسری سند کے ساتھ بھی حدیث نمبر ١٥٦کی مثل مروی ہے۔ (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٨٨؛حدیث نمبر١٥٧"
حضرت ابو ذر رضی اللہ عنہ سے مروی ہے۔فرماتے ہیں میں نے عرض کیا یا رسول اللہ صلی اللہ علیہ وسلم!کون سا عمل زیادہ فضیلت والا ہے؟فرمایا اللہ پر ایمان لانا اور اس کے راستے میں جہاد کرنا،فرماتے ہیں میں نے عرض کیا کون سی سواری سب سے بہتر ہے فرمایا جو اپنے مالکوں کے یہاں نفیس ترین ہو اور اس کی قیمت سب سے زیادہ ہو-فرماتے ہیں میں نے عرض کیا اگر میں ایسا نہ کر سکوں تو؟فرمایا کسی شخص کے کام میں اس کی مدد کرو اور بےہنر کے لیے کام کرو-فرماتے ہیں -میں نے عرض کیا اگر میں کسی کام کی طاقت بھی نہ رکھوں؟آپ نے فرمایا لوگوں کو اپنے شر سے محفوظ رکھو،یہ تمہاری طرف سےتمہارے نفس پر صدقہ ہے۔ (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٨٩؛حدیث نمبر١٥٨"
ایک دوسری سند کےساتھ حضرت ابوذر رضی اللہ عنہ سے روایت ہے وہ نبی اکرم صلی اللہ علیہ وسلم سے حدیث نمبر ١٥٨کی طرح روایت کرتے ہیں سوائے اس کے کہ اس روایت میں ہے کہ کسی شخص کے کام میں مدد کر اور بےہنر کے لئے کام کر(البتہ الفاظ کے معرفہ اور نکرہ ہونے میں فرق ہے۔پہلی روایت میں"صانعا"اور دوسری میں"الصانع"ہے) (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٨٩؛حدیث نمبر١٥٩"
حضرت عبداللہ بن مسعود رضی اللہ عنہ سے روایت ہے۔فرماتے ہیں میں نے نبی اکرم صلی اللہ علیہ وسلم سے پوچھا کہ کون سا عمل زیادہ بہتر ہے؟آپ نے فرمایا وقت پر نماز ادا کرنا،فرماتے ہیں میں نے عرض کیا پھر کونسا؟فرمایا ماں باپ سے اچھا سلوک کرنا،فرماتے ہیں میں نے پوچھا پھر کونسا عمل؟آپ نے فرمایا اللہ تعالیٰ کے راستے میں جہاد کرنا میں مزید پوچھنا چاہتا تھا مگر آپ کی طبیعت پربوجھ پڑنے کا خیال کرتے ہوئے چھوڑ دیا۔ (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٨٩؛حدیث نمبر١٦٠"
حضرت عبداللہ بن مسعود رضی اللہ عنہ سے مروی ہے۔فرماتے ہیں میں نے عرض کیا اے اللہ کے نبی!کونسا عمل جنت کے زیادہ قریب ہے؟آپ نے فرمایا وقت پر نماز کی ادائیگی،میں نے عرض کیا اور کیا؟ فرمایا ماں باپ سے اچھا سلوک کرنا،میں نے عرض کیا اور کیا؟آپ نے فرمایا اللہ تعالیٰ کے راستے میں جہاد کرنا ۔(مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٨٩؛حدیث نمبر١٦١"
ابوعمروالشیبانی فرماتے ہیں مجھ سے اس گھر والے یعنی حضرت عبداللہ بن مسعود رضی اللہ عنہ نے بیان فرمایا وہ فرماتے ہیں میں نے نبی اکرم صلی اللہ علیہ وسلم سے پوچھا کون ساعمل سب سے بہتر ہے؟ آپ نے فرمایا وقت پر نماز پڑھنا۔میں نے پوچھا پھر کونسا عمل؟آپ نے فرمایا والدین سےاچھا سلوک کرنا۔میں نے عرض کیا پھر کونسا؟فرمایا اللہ تعالیٰ کے راستے میں جہاد کرنا۔حضرت عبداللہ بن مسعود رضی اللہ عنہ فرماتے ہیں۔نبی اکرم صلی اللہ علیہ وسلم نے مجھ سے بیان فرمایا اور اگر میں مزید سوال کرتا تو آپ مزید ارشاد فرماتے (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٩٠؛حدیث نمبر١٦٢"
ایک اور سند کے ساتھ حدیث نمبر ١٦٢کی طرح مروی ہے۔اس میں یہ اضافہ ہے کہ ابوعمروالشیبانی نےحضرت عبداللہ رضی اللہ عنہ کے گھر کی طرف اشارہ کیا اور ان کا نام نہیں لیا ۔(مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٩٠؛حدیث نمبر١٦٣"
حضرت عبد اللہ رضی اللہ عنہ سے مروی ہے۔وہ حضور صلی اللہ علیہ وسلم سے روایت کرتےہیں۔آپ نے فرمایا افضل اعمال یا فرمایا عمل،وقت پر نماز پڑھنا اور ماں باپ سے حسن سلوک کرنا ہے۔ (مسلم شریف کتاب الایمان؛بَابُ بَيَانِ كَوْنِ الْإِيمَانِ بِاللهِ تَعَالَى أَفْضَلَ الْأَعْمَالِ؛جلد١ص٩٠؛حدیث نمبر١٦٤"
حضرت عبد اللہ رضی اللہ عنہ سے مروی ہے۔فرماتے ہیں میں نے رسول اکرم صلی اللہ علیہ وسلم سے پوچھا کہ اللہ کے نزدیک کونسا گناہ سب سےبڑا(گناہ)ہے؟ آپ نے فرمایا اللہ تعالیٰ کے ساتھ شریک ٹھہرانا حالانکہ اس نے تمہیں پیدا کیا، فرماتے ہیں میں نے عرض کیا بے شک یہ بہت بڑا گناہ ہے۔فرماتے ہیں میں نے عرض کیا پھر کونسا گناہ ہے؟فرمایا پھر یہ کہ تم اپنی اولاد کو اس بات کے خوف سے قتل کر دو کہ وہ تمہارے ساتھ کھائیں گے فرماتے ہیں میں نے عرض کیااس کے بعد کونسا گناہ(بڑا گناہ ہے)حضور صلی اللہ علیہ وسلم نے فرمایا اپنے پڑوسی کی بیوی سے زنا کرنا۔ (مسلم شریف کتاب الایمان؛بَابُ كَوْنِ الشِّرْكِ أَقْبَحَ الذُّنُوبِ،وَبَيَانِ أَعْظَمِهَا بَعْدَهُ؛ترجمہ؛شرک سب سے بڑا گناہ ہے؛جلد١ص٩٠؛حدیث نمبر١٦٥"
حضرت عبد اللہ رضی اللہ عنہ سے مروی ہے۔فرماتے ہیں ایک شخص نے عرض کیا یا رسول اللہ صلی اللہ علیہ وسلم اللہ کے نزدیک کونسا گناہ سب سے بڑا(گناہ)ہے؟ آپ نے فرمایا اللہ تعالیٰ کے ساتھ شریک ٹھہرانا حالانکہ اس نے تمہیں پیدا کیا۔ عرض کیا پھر کونسا گناہ ہے؟فرمایا پھر یہ کہ تم اپنی اولاد کو اس بات کے خوف سے قتل کر دو کہ وہ تمہارے ساتھ کھائیں گے اس نے عرض کیااس کے بعد کونسا گناہ(بڑا گناہ ہے)آپ نےفرمایا اپنے پڑوسی کی بیوی سے زنا کرنا۔پس اللہ تعالیٰ نے اس بات کی تصدیق کرتے ہوئے یہ آیتِ کریمہ نازل فرمائی۔{وَالَّذِينَ لَا يَدْعُونَ مَعَ اللهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللهُ إِلَّا بِالْحَقِّ،وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا} [الفرقان: ٦٨]ترجمہ؛ اور وہ جو اللہ کے ساتھ کسی دوسرے معبود کو نہیں پوجتے اور اس جان کو جس کی اللہ نے حرمت رکھی ہے ناحق نہیں مارتے اور بدکاری نہیں کرتے اور جو یہ کام کرے وہ سزا پاے گا؛ (مسلم شریف کتاب الایمان؛بَابُ كَوْنِ الشِّرْكِ أَقْبَحَ الذُّنُوبِ،وَبَيَانِ أَعْظَمِهَا بَعْدَهُ؛جلد١ص٩١؛حدیث نمبر١٦٦"
حضرت عبدالرحمن بن ابی بکرہ اپنے والد(رضی اللہ عنہما)سے روایت کرتے ہیں۔وہ فرماتے ہیں ہم رسول اللہ صلی اللہ علیہ وسلم کے پاس تھے تو آپ نے فرمایا کیا میں تمہیں سب سے بڑے گناہ کی خبر نہ دوں۔آپ نے تین بار پوچھا(پھر فرمایا)اللہ تعالیٰ کے ساتھ شریک ٹھہرانا۔ماں باپ کی نافرمانی کرنا۔اور جھوٹی گواہی دینا یا فرمایا جھوٹی بات کرنا۔نبی اکرم صلی اللہ علیہ وسلم نے ٹیک لگا رکھی تھی تو سیدھے ہوکر تشریف فرما ہوئے۔پس مسلسل یہ بات فرماتے رہے حتیٰ کہ ہم نے(دل)میں کہا کاش آپ خاموشی اختیارفرمالیں۔ (مسلم شریف کتاب الایمان؛بَابُ بَيَانِ الْكَبَائِرِ وَأَكْبَرِهَاِ؛ترجمہ؛کبیرہ گناہ؛جلد١ص ٩١؛حدیث نمبر١٦٧"
حضرت انس بن مالک رضی اللہ عنہ سے مروی ہے۔وہ نبی اکرم صلی اللہ علیہ وسلم سے کبیرہ گناہوں کے بارے میں روایت کرتے ہیں کہ آپ نے فرمایا اللہ تعالیٰ کے ساتھ شریک ٹھہرانا ماں باپ کی نافرمانی کرنا کسی کو(ناحق)قتل کرنا اور جھوٹی بات کہنا۔ (مسلم شریف کتاب الایمان؛بَابُ بَيَانِ الْكَبَائِرِ واکبرہا؛جلد١ص٩١؛حدیث نمبر١٦٨"
حضرت انس بن مالک رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے کبیرہ گناہوں کا ذکر فرمایا۔آپ سے کبیرہ گناہوں کے بارے میں سوال کیا گیا تو آپ نے فرمایااللہ تعالیٰ کے ساتھ(کسی کو)شریک ٹھہرانا، کسی(جان) کو ناحق قتل کرنا اور ماں باپ کی نافرمانی کرنا اور آپ نے فرمایا کیا میں تمہیں سب سے بڑے گناہ کی خبر نہ دوں؟(پھر)فرمایا جھوٹی بات یا(جھوٹی)شہادت،حضرت شعبہ فرماتے ہیں۔میراغالب گمان یہی ہے آپ نے جھوٹی شہادت کا ذکر فرمایا۔ (مسلم شریف کتاب الایمان؛بَابُ بَيَانِ الْكَبَائِرِ واکبرہا؛جلد١ص٩٢؛حدیث نمبر١٦٩"
حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا-سات ہلاکت خیز کاموں سے بچو_عرض کیا یا رسول اللہ صلی اللہ علیہ وسلم وہ سات باتیں کیا ہیں۔اللہ تعالیٰ کے ساتھ شریک ٹھہرانا،جادو کرنا،کسی جان کو ناحق قتل کرنا جسےاللہ تعالیٰ نے حرام قرار دیا،یتیم کا مال کھانا،سود کھانا،جہاد کے دن بھاگ جانا،پاکدامن بےخبر مؤمنہ عورتوں پر تہمت لگانا ۔(مسلم شریف کتاب الایمان؛بَابُ بَيَانِ الْكَبَائِرِ واکبرہا؛جلد١ص ٩٢؛حدیث نمبر١٧٠"
حضرت عبداللہ بن عمرو بن عاص رضی اللہ عنہما سے مروی ہے کہ نبی اکرم صلی اللہ علیہ وسلم نے فرمایا۔کسی آدمی کا اپنے والدین کو گالی دینا کبیرہ گناہوں میں سے ہے(ایک گناہ)ہے۔صحابہ کرام نے عرض کیایارسول اللہ کیا کوئی شخص اپنے والدین کو گالی دیتا ہے؟فرمایاوہ کسی دوسرے آدمی کے باپ کو گالی دیتا ہے تو وہ دوسرا شخص اس کے باپ کو گالی دیتا ہےاور وہ اس کی ماں کو گالی دیتا ہے تو وہ شخص اس کی ماں کو گالی دیتا ہے۔ (مسلم شریف کتاب الایمان؛بَابُ بَيَانِ الْكَبَائِرِ واکبرہا؛جلد١ص ٩٢؛حدیث نمبر١٧١"
ایک دوسری سند کے ساتھ بھی حدیث نمبر ١٧١ کی طرح مروی ہے ۔(مسلم شریف کتاب الایمان؛بَابُ بَيَانِ الْكَبَائِرِ واکبرہا؛جلد١ص٩٢؛حدیث نمبر١٧٢"
حضرت عبد اللہ بن مسعود رضی اللہ عنہ سے مروی ہے وہ نبی اکرم صلی اللہ علیہ وسلم سے روایت کرتےہیں۔آپ نے فرمایا جس کے دل میں ذرہ بھر بھی تکبر ہوگا وہ جنت میں نہیں جائیگا۔ایک شخص نے عرض کیا کہ ایک آدمی چاہتا ہے کہ اس کے کپڑے اچھے ہوں اور اس کا جوتا اچھا ہو(تو کیا یہ بھی تکبر ہے؟)آپ نے فرمایا بیشک اللہ تعالیٰ جمیل ہے اور جمال(خوبصورتی)کو پسند کرتا ہے تکبر حق بات کوجھٹلانااور لوگوں کو حقیر جاننے کا نام ہے۔ (مسلم شریف کتاب الایمان؛بَابُ تَحْرِيمِ الْكِبْرِ وَبَيَانِهِ؛ترجمہ تکبر کا حرام ہونا اور تکبر کیا ہے؛ جلد١ص٩٣؛حدیث نمبر١٧٣"
حضرت عبداللہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا وہ شخص جہنم میں داخل نہیں ہو گاجس کے دل میں رائی کے برابر بھی ایمان ہوگااور وہ شخص جنت میں نہیں جائیگا جس کے دل میں رائی کے دانے کے برابر بھی تکبر ہوگا۔(مطلب یہ ہے کہ اول مرحلے میں جنت میں نہیں جائیگا بعد میں جائیگا اور تکبر کی وجہ سے ضروریاتِ دین کا منکر ہو تو کفر کی وجہ سے جہنم میں جائیگا۔ (مسلم شریف کتاب الایمان؛بَابُ تَحْرِيمِ الْكِبْرِ وَبَيَانِهِ؛جلد١ص٩٣؛حدیث نمبر١٧٤"
حضرت عبد اللہ رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا جس شخص کے دل میں ذرہ برابر بھی تکبر ہوگا وہ جنت میں داخل نہیں ہوگا۔ (مسلم شریف کتاب الایمان؛بَابُ تَحْرِيمِ الْكِبْرِ وَبَيَانِهِ؛جلد١ص٩٣؛حدیث نمبر١٧٥"
حضرت ابن نمیر اور حضرت وکیع دونوں حضرت ابن مسعود رضی اللہ عنہ سے روایت کرتےہیں۔رسول اللہ صلی اللہ علیہ وسلم نے فرمایا جو شخص اس حالت میں مرے کہ وہ اللہ تعالیٰ کے ساتھ کسی کو شریک ٹھہراتا ہو تو وہ جہنم میں جائے گا۔اور میں کہتا ہوں جو شخص اس حالت میں فوت ہو کہ اللہ تعالیٰ کے ساتھ کسی کو شریک نہ ٹھہراتا ہو وہ جنت میں داخل ہوگا ۔(مسلم شریف کتاب الایمان؛ بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛ترجمہ؛ایمان پرخاتمہ دخول جنت اور کفر پر مرنا جہنم میں جانے کا باعث ہے جلد١ص٩٤؛حدیث نمبر١٧٦"
حضرت جابر رضی اللہ عنہ سےروایت ہے۔فرماتے ہیں ایک شخص رسول اکرم صلی اللہ علیہ وسلم کی خدمت میں حاضر ہوااور اس نے عرض کیا یا رسول اللہ! دو لازم کرنے والی چیزیں کیا ہیں؟ آپ نے فرمایا جوشخص فوت ہواور وہ مشرک نہ ہو تو وہ جنت میں داخل ہوگااور جو آدمی حالت شرک پر انتقال کرے وہ جہنم میں داخل ہوگا۔ (مسلم شریف کتاب الایمان؛بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛جلد١ص٩٤؛حدیث نمبر١٧٧"
حضرت جابر رضی اللہ عنہ سے ہی مروی ہے۔فرماتے ہیں میں نے نبی اکرم صلی اللہ علیہ وسلم سے سنا۔آپ نے فرمایا جو شخص اللہ تعالیٰ سے یوں ملاقات کرے کہ اس نے اس کے ساتھ کسی کو شریک نہ ٹھہرایاہوتووہ جنت میں جائیگااور جو شخص اس سے ملاقات کرے اور اس نے اس کے ساتھ کسی کو شریک ٹھہرایا ہو تو وہ جہنم میں جائیگا۔ (مسلم شریف کتاب الایمان؛ بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛جلد١ص٩٤؛حدیث نمبر١٧٨"
ایک دوسری سند کےساتھ بھی حضرت جابر رضی اللہ عنہ سے حدیث نمبر ١٧٨کی مثل مروی ہے۔ (مسلم شریف کتاب الایمان؛ بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛جلد١ص٩٤؛حدیث نمبر١٧٩"
حضرت ابوذر رضی اللہ عنہ نبی اکرم صلی اللہ علیہ وسلم سے روایت کرتے ہیں کہ آپ نے فرمایا حضرت جبریل علیہ السلام میرے پاس آئے تو انہوں نے مجھے خوشخبری دی کہ آپ کی امت میں سے جو شخص فوت ہو جائے اور وہ اللہ تعالٰی کے ساتھ کسی کو شریک نہ ٹھہراتا ہو تو وہ جنت میں جائے گا-میں نے پوچھا اگر چہ زنا کرے اور اگرچہ چوری کرے؟آپ نے فرمایا اگرچہ زنا کرے اور اگرچہ چوری کرے (مسلم شریف کتاب الایمان؛ بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛جلد١ص٩٤؛حدیث نمبر١٨٠"
حضرت ابو الاسود الدیلی سے روایت ہے کہ حضرت ابو ذر رضی اللہ عنہ نے ان سے یہ بیان کیا کہ میں نبی اکرم صلی اللہ علیہ وسلم کی خدمت میں حاضر ہوا آپ آرام فرما رہے تھے آپ پر سفید کپڑا تھا(میں واپس لوٹ گیا)۔جب دوبارہ آیا توبھی آپ صلی اللہ علیہ وسلم آرام فرمارہےتھے۔جب تیسری بار آیا تو آپ صلی اللہ علیہ وسلم جاگ چکے تھے تو میں آپ صلی اللہ علیہ وسلم کے پاس بیٹھ گیا۔آپ صلی اللہ علیہ وسلم نے فرمایا کہ جو شخص لا الٰہ الا اللہ کہے (یعنی اللہ کی توحید کا عقیدہ رکھے اور پھر اسی پر)وہ فوت ہو جائے تو جنت میں جائے گا۔میں نے کہا یارسول اللہ صلی اللہ علیہ وسلم اگرچہ اس سے چوری اور زنا بھی ہو جائے،پھر بھی؟تو آپ صلی اللہ علیہ وسلم نے فرمایا ''ہاں اگرچہ اس سے زنا اور چوری بھی ہو جائے''چنانچہ میں نے تین بار آپ صلی اللہ علیہ وسلم سے یہی سوال کیا اور آپ صلی اللہ علیہ وسلم نے تینوں مرتبہ یہی جواب دیا اور چوتھی مرتبہ سوال پر فرمایا ''ابو ذر کی ناک خاک آلود ہو"(یہ محاورے کے طور پر ہے بددعا نہیں ہے)راوی فرماتے ہیں حضرت ابوذر رضی اللہ عنہ یہ بات فرماتے ہوئے باہر تشریف لائے کہ ابوذرکی ناک خاک آلود ہو۔ (مسلم شریف کتاب الایمان؛بَابُ مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ،وَمَنْ مَاتَ مُشْرِكًا دَخَلَ النَّارَ؛جلد١ص٩٥؛حدیث نمبر١٨١"
حضرت مقداد بن اسودرضی اللہ عنہ سے روایت ہے کہ انہوں نے کہا یا رسول اللہ صلی اللہ علیہ وسلم!اگر مجھے کسی کافر سے مڈ بھیڑہوجائے وہ مجھ سے لڑے اور میرا ایک ہاتھ تلوار سے کاٹ ڈالے پھر مجھ سے بچ کر ایک درخت کی آڑ لے لے اور کہنے لگے کہ میں اللہ کے لئے اسلام لایا تو کیا میں اس کو قتل کر دوں جبکہ وہ کلمہ اسلام کہہ چکا ہے؟تو آپ صلی اللہ علیہ وسلم نے فرمایا کہ اس کو مت قتل کر۔ میں نے عرض کیا یا رسول اللہ صلی اللہ علیہ وسلم!اس نے میرا ہاتھ کاٹ ڈالا پھر ایسا کہنے لگا تو کیا میں اس کو قتل کروں؟آپ صلی اللہ علیہ وسلم نے فرمایا کہ اس کو قتل مت کر۔ (اگرچہ تجھ کواس سے صدمہ پہنچا اور زخم لگا)اگر تو اس کو قتل کرے گا تو وہ اس مقام پر ہوگا جس پر تم قتل کرنے سے پہلے تھے اور تم اس کی جگہ ہو گے جس مقام پر وہ کلمہ کہنے سے پہلے تھا ۔(مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ:لَا إِلَهَ إِلَّا اللهُ؛ترجمہ؛کوئی کافر لاالہ الا اللہ پڑھےتو اس کے بعد قتل کرنا حرام ہے؛جلد١ص٩٥؛حدیث نمبر١٨٢"
امام مسلم نے مختلف سندوں کےساتھ اس حدیث کو ذکر کیا اور یہ حدیث نمبر ١٨٢کی طرح ہےالبتہ اس میں یہ ہے کہ وہ کہے اسلام لایا میں اللہ کے لیے اورحضرت معمر کی روایت میں یہ تبدیلی ہے کہ انہوں نے فرمایا جب میں اسے قتل کرنے کی طرف مائل ہوا تو اس نے لاالہ الا اللہ پڑھا۔ (مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ:لَا إِلَهَ إِلَّا اللهُ؛جلد١ص٩٦؛حدیث نمبر ١٨٣"
ایک دوسری روایت میں ہے کہ حضرت مقداد بن عمروجو ابن اسود کندی کہلاتے ہیں۔یہ بنو زہرہ کے حلیف تھے اور بدر میں حضور صلی اللہ علیہ وسلم کے ساتھ شریک ہونے والوں میں سے تھے۔فرماتے ہیں انہوں نے عرض کیا یا رسول اللہ!بتائیں اگر کسی کافر سے میرا آمنا سامنا ہو،اس کے بعد حدیث نمبر ١٨٢کی مثل ذکر کیا۔ (مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ:لَا إِلَهَ إِلَّا اللهُ؛جلد١ص٩٦؛حدیث نمبر ١٨٤"
حضرت اسامہ بن زید رضی اللہ عنہ کہتے ہیں رسول اللہ صل اللہ صلی اللہ علیہ وسلم نے ہمیں ایک سریہ میں بھیجا۔صبح کے وقت ہم جہینہ قبیلہ کی بستی میں پہنچ گئے ۔پھر میں نے ایک شخص کو پایا،اس نے لا الٰہ الا اللہ کہا میں نے برچھی سے اس کو مار دیا۔اس کے بعد میرے دل میں وہم ہوا(کہ لا الٰہ الا اللہ کہنے پر مارنا درست نہ تھا)میں نے رسول اللہ صلی اللہ علیہ وسلم سے بیان کیا تو آپ صلی اللہ علیہ وسلم نے فرمایا کہ کیا اس نے لا الٰہ الا اللہ کہا تھا اور تو نے اس کو مار ڈالا؟میں نے عرض کیا کہ یا رسول اللہ صلی اللہ علیہ وسلم اس نے ہتھیار سے ڈر کر کہا تھا۔آپ صلی اللہ علیہ وسلم نے فرمایا کہ تو نے اس کا دل چیر کر دیکھا تھا تاکہ تجھے معلوم ہوتا کہ اس کے دل نے یہ کلمہ کہا تھا یا نہیں؟ (مطلب یہ ہے کہ دل کا حال تجھے کہاں سے معلوم ہوا؟)پھر آپ صلی اللہ علیہ وسلم بار بار یہی فرماتے رہے یہاں تک کہ میں نے آرزو کی کہ کاش میں اسی دن مسلمان ہوا ہوتا (تو اسلام لانے کے بعد ایسے گناہ میں مبتلا نہ ہوتا کیونکہ اسلام لانے سے کفر کے اگلے گناہ معاف ہو جاتے ہیں)۔حضرت سعد بن ابی وقاص رضی اللہ عنہ نے کہا کہ اللہ کی قسم میں کسی مسلمان کو نہ ماروں گا جب تک اس کو ذوالبطین یعنی اسامہ نہ مارے۔ایک شخص بولا کہ کیا اللہ تعالیٰ نے یہ نہیں فرمایا ہے:وَقَاتِلُوهُمْ حَتَّى لَا تَكُونَ فِتْنَةٌ وَيَكُونَ الدِّينُ كُلُّهُ لِلَّهِ} [الأنفال٣٩]؟”؛ان سے لڑو حتیٰ کہ فتنہ نہ رہے اور پورے کا پورا دین اللہ تعالیٰ کے لئے ہو جائے"۔تو سیدنا سعدرضی اللہ عنہ نے کہا کہ ہم تو(کافروں سے )اس لئے لڑے کہ فساد نہ ہواور تو اور تیرے ساتھی اس لئے لڑتے ہیں کہ فساد ہو۔ (مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ:لَا إِلَهَ إِلَّا اللهُ؛جلد١ص٩٦؛حدیث نمبر١٨٥"
حضرت اسامہ بن زیدرضی اللہ عنہ فرماتےہیں رسول اللہ صلی اللہ علیہ وسلم نے ہمیں حرقہ کی طرف بھیجا جو جہینہ کا ایک قبیلہ ہے۔ہم نے صبح کے وقت ان پر چڑھائی کی اور ان کو شکست دی۔(جنگ کے دوران) مجھےاور ایک انصاری کو ایک آدمی ملا،اس کو پکڑکر ہم مارنے والے ہی تھے کہ اس نے(فورا )لا الہ الا اللہ کہہ دیا۔انصاری پیچھے ہٹ گیا اور میں نے نیزے کے ساتھ اس کو مار ڈالا یہاں تک کہ مر گیا۔جب ہم واپس آگئے تو نبی اکرم صلی اللہ علیہ وسلم کو یہ خبر پہنچی تورسول اللہ صلی اللہ علیہ وسلم نے فرمایا اے اسامہ تو نے لا الہ الا اللہ کہنے کے بعد بھی اس کو مار ڈالا۔میں نے کہا یا رسول اللہ صلی اللہ علیہ وسلم!اس نے اپنے آپ کو بچانے کی خاطر کہا تھا۔آپ صلی اللہ علیہ وسلم نے فرمایا تو نے لا الہ الا اللہ کہنے کے بعد بھی اس کو مار ڈالا۔آپ بار بار یہی فرماتے رہے یہاں تک کہ میں نے آرزو کی کاش میں آج سے پہلے اسلام قبول نہ کرتا۔ (مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ:لَا إِلَهَ إِلَّا اللهُ؛جلد١ص٩٧؛حدیث نمبر١٨٦"
صفوان بن محرز سے روایت ہے کہ سیدنا جندب بن عبد اللہ بجلی رضی اللہ عنہ نے عسعس بن سلامہ کو پیغام بھیجا سیدنا عبد اللہ بن زبیررضی اللہ عنہ کے زمانۂ فتنہ میں کہ تم اپنے چند بھائیوں کو اکٹھا کرو تاکہ میں ان سے باتیں کروں۔عسعس نے لوگوں کو پیغام بھیجا۔وہ اکٹھے ہوئے تو سیدنا جندب رضی اللہ عنہ آئے،ایک زرد برنس اوڑھے ہوئے تھے(بُرنس زردرنگ کی ٹوپی یا چادرہے جسے لوگ شروع زمانہ اسلام میں پہنتے تھے )انہوں نے کہا کہ تم باتیں کرو جو کرتے تھے۔یہاں تک کہ سیدنا جندب رضی اللہ عنہ کی باری آئی تو انہوں نے برنس اپنے سر سے ہٹا دیا اور کہا کہ میں تمہارے پاس صرف اس ارادے سے آیا ہوں کہ تم سے تمہارے نبی صلی اللہ علیہ وسلم کی حدیث بیان کروں۔رسول اللہ صلی اللہ علیہ وسلم نے مسلمانوں کا ایک لشکر مشرکوں کی ایک قوم پر بھیجا اور وہ دونوں ملے(یعنی آمنا سامنا ہوا میدانِ جنگ میں)تو مشرکوں میں ایک شخص تھاجب وہ کس مسلمان کو قتل کرنا چاہتا تو اسے شہید کر دیتا آخر ایک مسلمان نے اس کو غفلت(کی حالت میں)دیکھا۔راوی فرماتے ہیں(کہ)وہ مسلمان سیدنا اسامہ بن زید رضی اللہ عنہ تھے۔ پھر جب انہوں نے تلوار اس پر سیدھی کی تو اس نے کہا لا الٰہ الا اللہ لیکن انہوں نے اسے مار ڈالا اس کے بعد قاصد خوشخبری لے کر رسول اللہ صلی اللہ علیہ وسلم کے پاس آیا۔آپ صلی اللہ علیہ وسلم نے اس سے حال پوچھا۔اس نے سب حال بیان کیا یہاں تک کہ اس شخص کا بھی حال کہا تو آپ صلی اللہ علیہ وسلم نے ان کو بلایااور پوچھا کہ تم نے کیوں اس کو مارا؟سیدنا اسامہ رضی اللہ عنہ نے کہا یا رسول اللہ صلی اللہ علیہ وسلم!اس نے مسلمانوں کو بہت تکلیف دی، فلاں اور فلاں کو مارا اور کئی آدمیوں کا نام لیا۔پھر میں اس پر غالب ہوا،جب اس نے تلوار کو دیکھا تو لا الٰہ الا اللہ کہنے لگا۔رسول اللہ صلی اللہ علیہ وسلم نے فرمایا تم نے اس کو قتل کر دیا؟انہوں نے کہا ہاں۔آپ صلی اللہ علیہ وسلم نے فرمایا کہ تم کیا جواب دو گے جب وہ لا الٰہ الا اللہ کے ساتھ آئیگا؟انہوں نے عرض کیا کہ یا رسول اللہ صلی اللہ علیہ وسلم!میرے لئے بخشش کی دعا کیجئے!آپ صلی اللہ علیہ وسلم نے فرمایا تم کیا جواب دو گےجب وہ لا الٰہ الا اللہ کے ساتھ آئیگا قیامت کے دن؟پھر آپ صلی اللہ علیہ وسلم نے اس سے زیادہ کچھ نہ کہا اور یہی کہتے رہے کہ تم کیا جواب دو گے لا الٰہ الا اللہ کا جب وہ قیامت کے دن وہ کلمے کے ساتھ آئیگا ۔(مسلم شریف کتاب الایمان؛بَابُ تَحْرِيمِ قَتْلِ الْكَافِرِ بَعْدَ أَنْ قَالَ: لَا إِلَهَ إِلَّا اللهُ؛جلد١ص٩٧؛حدیث نمبر ١٨٧)
حضرت ابن عمر رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا جو شخص ہم پر ہتھیار اٹھائے وہ ہم میں سے نہیں۔ (مسلم شریف کتاب الایمان؛بَابُ قَوْلِ النَّبِيِّ صَلَّى اللهُ عَلَيْهِ وَسَلَّمَ:«مَنْ حَمَلَ عَلَيْنَا السِّلَاحَ فَلَيْسَ مِنَّا؛ترجمہ؛جوشخص ہمارے خلاف ہتھیار اٹھائے وہ ہم میں سے نہیں ہے؛جلد١ص٩٨؛حدیث نمبر١٨٨"
حضرت ایاس بن سلمہ اپنے والد سے(رضی اللہ عنہما )اور وہ رسول اللہ صلی اللہ علیہ وسلم سے روایت کرتےہیں کہ آپ نے فرمایاجس نے ہم پر تلوار میان سے نکالی وہ ہم میں سے نہیں ہے ۔(مسلم شریف کتاب الایمان؛بَابُ قَوْلِ النَّبِيِّ صَلَّى اللهُ عَلَيْهِ وَسَلَّمَ:«مَنْ حَمَلَ عَلَيْنَا السِّلَاحَ فَلَيْسَ مِنَّا؛جلد١ص٩٨؛حدیث نمبر١٨٩"
حضرت ابو موسیٰ رضی اللہ عنہ نبی اکرم صلی اللہ علیہ وسلم سے روایت کرتےہیں کہ آپ نے فرمایا جس نے ہم پر ہتھیاراٹھایاوہ ہم میں سے نہیں(ان احادیث میں اس بات پر تنبیہ ہے کہ کسی مسلمان کو ڈرانا کس قدر جرم ہے اور یہ مسلمان کا کام نہیں کیونکہ مسلمان کو دہشت زدہ کرنا کافروں کا کام ہے مسلمانوں کو ایسا نہیں کرنا چاہیے)۔ (مسلم شریف کتاب الایمان؛بَابُ قَوْلِ النَّبِيِّ صَلَّى اللهُ عَلَيْهِ وَسَلَّمَ:«مَنْ حَمَلَ عَلَيْنَا السِّلَاحَ فَلَيْسَ مِنَّا؛جلد١ص٩٨؛حدیث نمبر١٩٠"
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جس نے ہم(مسلمانوں)پر ہتھیار اٹھایا۔وہ ہم میں سے نہیں اور جس نے ہمیں دھوکہ دیا وہ(بھی)ہم میں سے نہیں۔ (مسلم شریف کتاب الایمان؛بَابُ قوْلِ النَّبِيِّ صَلَّى اللهُ عَلَيْهِ وَسَلَّمَ:«مَنْ غَشَّنَا فَلَيْسَ مِنَّا»؛ترجمہ؛جوشخص ہمیں دھوکہ دے وہ ہم میں سے نہیں؛جلد١ص٩٩؛حدیث نمبر١٩١"
حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم غلے کے ایک ڈھیر کے پاس سے گزرے تو آپ نےاپنا دست مبارک اس میں داخل کیا تو آپ کے ہاتھ کو رطوبت پہنچی۔آپ نے فرمایا اے غلے والے! یہ کیا ہے؟اس نے عرض کیا یا رسول اللہ!صلی اللہ علیہ وسلم اس کو بارش پہنچی ہے۔آپ نے فرمایا تم نے اسے غلے کے اوپر کیوں نہیں کیا تاکہ لوگ اسے دیکھ لیتے جو شخص دھوکہ کرتا ہے اس کا مجھ سے کوئی تعلق نہیں ۔(مسلم شریف کتاب الایمان؛بَابُ قوْلِ النَّبِيِّ صَلَّى اللهُ عَلَيْهِ وَسَلَّمَ:«مَنْ غَشَّنَا فَلَيْسَ مِنَّا»؛جلد١ص٩٩؛حدیث نمبر١٩٢"
حضرت عبد اللہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا وہ شخص ہم میں سے نہیں جو(مصیبت کے وقت)منہ پیٹے یا گریبان پھاڑے یا جاہلیت کی پکار پکارے(ماتم کرے)(اس حدیث کا مطلب بھی یہی ہے کہ دور جاہلیت والے کاموں سے بچنا چاہیے یہ مطلب نہیں کہ وہ کافر ہوگیا ہاں کفریہ کلمات کہنے سے کافر ہو جائیگا) (مسلم شریف کتاب الایمان؛بَابُ تَحْرِيمِ ضَرْبِ الْخُدُودِ وَشَقِّ الْجُيُوبِ وَالدُّعَاءِ بِدَعْوَى الْجَاهِلِيَّةِ؛ترجمہ؛پیٹنا، گریبان وغیرہ پھاڑنا اور جاہلیت کے کلمات بولنا؛جلد١ص٩٩؛حدیث نمبر١٩٣"
ایک دوسری سند کے ساتھ بھی حدیث نمبر ١٩٣کی طرح مروی لیکن وہ"یا"کے ساتھ نہیں بلکہ واو کے ساتھ ہے کہ گریبان پھاڑااور جاہلیت کی پکار پکاری۔ (مسلم شریف کتاب الایمان؛بَابُ تَحْرِيمِ ضَرْبِ الْخُدُودِ وَشَقِّ الْجُيُوبِ وَالدُّعَاءِ بِدَعْوَى الْجَاهِلِيَّةِ؛ جلد١ص١٠٠؛حدیث نمبر١٩٤"
حضرت ابوبردہ بن ابو موسیٰ رضی اللہ عنہ سے مروی ہے۔فرماتے ہیں۔حضرت ابو موسیٰ رضی اللہ عنہ کو سخت درد تھا۔پس آپ بےہوش ہوگئے اور ان کا سر ان کے گھر کی کسی خاتون کی گود میں تھا تو اہل خانہ میں سے کوئی خاتون چینخ چینخ کرپکارنے لگی لیکن حضرت ابوموسیٰ اسے کوئی جواب نہ دے سکے۔جب افاقہ ہوا تو فرمایا میں اس کام سے بیزار ہوں جس سے رسول اکرم صلی اللہ علیہ وسلم نے بیزاری کا اظہار فرمایا۔بےشک نبی اکرم صلی اللہ علیہ وسلم نوحہ کرنے والی،سرمنڈانے والی اور گریبان پھاڑنے والی عورتوں سے بیزار تھے۔ (مسلم شریف کتاب الایمان؛بَابُ تَحْرِيمِ ضَرْبِ الْخُدُودِ وَشَقِّ الْجُيُوبِ وَالدُّعَاءِ بِدَعْوَى الْجَاهِلِيَّةِ؛جلد١ص١٠٠؛حدیث نمبر١٩٥"
حضرت عبدالرحمن بن یزید اور ابوبردہ بن ابو موسیٰ دونوں فرماتے کہ حضرت ابو موسیٰ رضی اللہ عنہ بے ہوش ہوگئے تو ان کی زوجہ ام عبداللہ آئیں اور روتے ہوئے چلانے لگیں۔دونوں راوی فرماتے ہیں۔جب انکو افاقہ ہواتو انہوں نے فرمایا کیا تم نہیں جانتی اور اس کے ساتھ ہی انہوں نے اس سے بیان کیا کہ نبی اکرم صلی اللہ علیہ وسلم نے فرمایا میں اس(عورت)سے بیزار ہوں جو سر منڈوائے،نوحہ کرے اور کپڑے پھاڑے۔(جو لوگ محرم میں ماتم کرتے ہیں ان کو یہ احادیث پیش نظر رکھنی چاہیے کہ جس کام سے رسول اللہ صلی اللہ علیہ وسلم نے منع فرمایا اس سے باز رہنا ضروری ہے)۔ (مسلم شریف کتاب الایمان؛بَابُ تَحْرِيمِ ضَرْبِ الْخُدُودِ وَشَقِّ الْجُيُوبِ وَالدُّعَاءِ بِدَعْوَى الْجَاهِلِيَّةِ؛جلد١ص١٠٠؛حدیث نمبر١٩٦"
امام مسلم نے تینوں سندوں کے ساتھ حضرت ابو موسیٰ رضی اللہ عنہ سے روایت کیا ہے۔وہ نبی اکرم صلی اللہ علیہ وسلم سےیہ حدیث روایت کرتے ہیں۔البتہ ان میں ایک راوی حضرت عیاض اشعری کی روایت میں ہے کہ آپ نے فرمایا۔وہ ہم میں سے نہیں،بیزار ہونے کا لفظ نہیں فرمایا (مسلم شریف کتاب الایمان؛بَابُ تَحْرِيمِ ضَرْبِ الْخُدُودِ وَشَقِّ الْجُيُوبِ وَالدُّعَاءِ بِدَعْوَى الْجَاهِلِيَّةِ؛جلد١ص١٠٠؛حدیث نمبر١٩٧"
حضرت حذیفہ رضی اللہ عنہ سے مروی ہے۔فرماتے ہیں۔انہیں یہ بات پہنچی ہے کہ ایک شخص چغل خوری کرتا تھا تو حضرت حذیفہ رضی اللہ عنہ نے فرمایا میں نے نبی اکرم صلی اللہ علیہ وسلم کو فرماتے ہوئے سنا کہ چغل خور جنت میں داخل نہیں ہوگا۔ مسلم شریف کتاب الایمان؛بَابُ بَيَانِ غِلَظِ تَحْرِيمِ النَّمِيمَةِ؛ترجمہ؛چغلی کھاناسخت حرام ہے؛ جلد١ص١٠١؛حدیث نمبر١٩٨"
حضرت ھمام بن حارث رضی اللہ عنہ سے مروی ہے۔فرماتے ہیں کہ ایک شخص لوگوں کی باتیں حاکم تک پہنچاتا تھاپس ہم مسجد میں بیٹھے ہوئے تھے تو لوگوں نے کہا یہ شخص حاکم تک باتیں پہنچاتاہے۔وہ آدمی آیا اور اسکے پاس بیٹھ گیا تو حضرت حذیفہ رضی اللہ عنہ نے فرمایا میں نے نبی اکرم صلی اللہ علیہ وسلم سے سنا آپ نے فرمایا چغل خور جنت میں نہیں جائے گا ۔(مسلم شریف کتاب الایمان؛بَابُ بَيَانِ غِلَظِ تَحْرِيمِ النَّمِيمَةِ؛جلد١ص١٠١؛حدیث نمبر١٩٩"
ایک دوسری سند کے ساتھ بھی حضرت ھمام بن حارث سے مروی ہے۔فرماتے ہیں ہم حضرت حذیفہ رضی اللہ عنہ کے ساتھ مسجد میں بیٹھے ہوئے تھے کہ ایک شخص آکر ہمارے پاس بیٹھ گیا۔حضرت حذیفہ رضی اللہ عنہ سے کہا گیا کہ یہ شخص بادشاہ تک باتیں پہنچاتاہے تو حضرت حذیفہ رضی اللہ عنہ نے اسے سناتے ہوئے فرمایا۔میں نبی اکرم صلی اللہ علیہ وسلم سے سنا کہ چغل خور جنت میں نہیں جائے گا۔ (مسلم شریف کتاب الایمان؛بَابُ بَيَانِ غِلَظِ تَحْرِيمِ النَّمِيمَةِ؛جلد١ص١٠١؛حدیث نمبر٢٠٠"
حضرت ابوذر رضی اللہ عنہ نبی اکرم صلی اللہ علیہ سے روایت کرتےہیں۔آپ نے فرمایا تین(قسم کے) آدمی وہ ہیں کہ اللہ تعالیٰ قیامت کے دن ان سے کلام نہیں کریگا نہ انکی طرف نظر رحمت فرمائے گا اور نہ ہی ان کو پاک کرے گا اور ان کے لئے درد ناک عزاب ہے۔نبی اکرم صلی اللہ علیہ وسلم نے یہ بات تین بار فرمائی۔حضرت ابوذر رضی اللہ عنہ نے عرض کیا وہ لوگ نامراد ہوئے اور انہوں نے نقصان اٹھایا۔یا رسول اللہ!وہ کون لوگ ہیں؟آپ نے فرمایا(تکبرکے طور پر)تہبند(یا شلوار وغیرہ ٹخنوں سے نیچے)لٹکانے والا،بہت زیادہ احسان جتانے والا اور اپنا سامان جھوٹی قسم کے ساتھ بیچنے والا۔ (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ، وَلَا يُزَكِّيهِمْ وَلَهُمْ عَذَابٌ أَلِيم؛ترجمہ؛تین کام جو سخت حرام ہے؛جلد١ص١٠٢؛حدیث نمبر٢٠١"
ایک دوسری سند کے ساتھ حضرت ابوذر رضی اللہ عنہ سے مروی ہے کہ۔وہ نبی اکرم صلی اللہ علیہ وسلم سے روایت کرتےہیں۔آپ نے فرمایا تین(قسم کے)لوگ وہ ہیں کہ قیامت کے دن اللہ تعالیٰ ان سے کلام نہیں کرے گا۔احسان جتانے والا کہ وہ کوئی چیز دیتا ہے تو احسان جتاتا ہے اور اپنے سامان کو جھوٹی قسم کے ساتھ بیچنے والا اور اپنے تہبند کو(تکبر کے طور پر ٹخنوں سے نیچے)لٹکانے والا۔ (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ،وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ،وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ،وَلَا يَنْظُرُ إِلَيْهِمْ، وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٢؛حدیث نمبر٢٠٢"
ایک اور سند کے ساتھ بھی مروی ہے کہ نبی اکرم صلی اللہ علیہ وسلم نے فرمایا تین(قسم کے)لوگ وہ ہیں کہ اللہ تعالیٰ ان سے کلام نہیں کرے گا،نہ ان کی طرف نظر رحمت کرے گا اور نہ ہی ان کو پاک کرے گا اور ان کے لئے دردناک عذاب ہے۔ (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ،وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٢؛حدیث نمبر ٢٠٣"
حضرت ابو ہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا تین(قسم کے)آدمی ایسے ہیں کہ اللہ تعالیٰ قیامت کے دن ان سے کلام نہیں کرے گا اور نہ ہی ان کو پاک کرے گااور ان کے لیے دردناک عذاب ہے۔بوڑھا زانی،جھوٹا بادشاہ اور متکبر فقیر ۔(مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ،وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٢؛حدیث نمبر٢٠٤"
حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا(تین قسم کے)آدمی وہ ہیں کہ اللہ تعالیٰ قیامت کے دن ان سے کلام نہیں فرمائے گا نہ ان کی طرف نظر رحمت کرے گا اور نہ ان کو پاک کرے گا اور ان کے لیے دردناک عذاب ہے۔وہ شخص کہ جنگل میں اس کے پاس زائد پانی ہے لیکن وہ مسافر سے روکتا ہے۔وہ شخص جوکسی پر اپنا سامان عصر کے بعد بیچتا ہے۔(چونکہ عصر کے وقت صبح اور شام کے آنے جانے والے فرشتے اکٹھے ہوتے ہیں اور وہ نامہ اعمال میں جھوٹا لکھا جاتا ہے اس لیے اس وقت کا ذکر کیا)پس اس کے سامنے قسم کھاتا ہے کہ اس نے اتنی رقم پر لیا دوسرا شخص اس کی بات کو درست سمجھتا ہےحالانکہ وہ سچ نہیں ہے اور تیسرا وہ آدمی جو دنیا حاصل کرنے کے لیے کسی حکمران کی بیعت کرتا ہےاگر وہ اس کو اس میں سے دے دیتا ہے تو بیعت کو پورا کرتا ہے اور اگر نہ دے تو پورا نہیں کرتا۔ (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ، وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٣؛حدیث نمبر٢٠٥"
ایک اور سند کے ساتھ حدیث نمبر ٢٠٥کی طرح مروی ہے البتہ حضرت جریر کی روایت میں یہ ہے کہ وہ کسی شخص سے سامان کا بھاؤ لگاتا ہے(اور جھوٹی قسم کھاتا ہے) (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ، وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٣؛حدیث نمبر٢٠٦"
حضرت ابوہریرہ رضی اللہ عنہ سے مروی ہےاور راوی ابو صالح اسے مرفوع خیال کرتے ہیں اور( نبی اکرم صلی اللہ علیہ وسلم نے فرمایا)تین(قسم کے)آدمی وہ ہیں کہ اللہ تعالیٰ ان سے کلام نہیں کرے گا اور نہ ان کی طرف نظررحمت فرمائے گا اور ان کے لیے دردناک عذاب ہے۔ایک وہ شخص جو عصر کے بعد کسی مسلمان کے مال کے بارے میں قسم کھاکر اسے لے لیتا ہے۔باقی حدیث حدیث نمبر ٢٠٥کی طرح ہے (مسلم شریف کتاب الایمان؛بَابُ بَيَانِ غِلَظِ تَحْرِيمِ إِسْبَالِ الْإِزَارِ، وَالْمَنِّ بِالْعَطِيَّةِ، وَتَنْفِيقِ السِّلْعَةِ بِالْحَلِفِ، وَبَيَانِ الثَّلَاثَةِ الَّذِينَ لَا يُكَلِّمُهُمُ اللهُ يَوْمَ الْقِيَامَةِ، وَلَا يَنْظُرُ إِلَيْهِمْ، وَلَا يُزَكِّيهِمْ وَلَهُمْ عَذَابٌ أَلِيم؛جلد١ص١٠٣؛حدیث نمبر٢٠٧"
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جس شخص نے اپنے نفس کو کسی ہتھیار سے قتل کیا(یعنی خودکشی کی تو قیامت کے دن)اسکا ہتھیار اس کے ہاتھ میں ہوگا اور وہ جہنم کی آگ میں اس کو اپنے پیٹ میں ہمیشہ ہمیشہ مارتا رہے گا اور جو شخص زہر پی کر اپنے آپ کو ختم کرے گا وہ جہنم میں ہمیشہ ہمیشہ اس کا گھونٹ بھرتا رہے گا اور جو آدمی اپنے آپ کو پہاڑ سے گرا کر ہلاک کرے گا وہ ہمیشہ ہمیشہ جہنم کی آگ میں گرتا رہے گا۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ، وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛ترجمہ؛خودکشی کرنا سخت حرام ہے؛جلد١ص١٠٣؛حدیث نمبر٢٠٨"
ایک دوسری سند کے ساتھ بھی حدیث نمبر ٢٠٨کی طرح مروی ہے ۔(مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ، وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛جلد١ص١٠۴؛حدیث نمبر٢٠٩"
حضرت ثابت بن ضحاک رضی اللہ عنہ فرماتے ہیں انہوں نے درخت کے نیچے نبی اکرم صلی اللہ علیہ وسلم کے دست مبارک پر بیعت کی اور حضور صلی اللہ علیہ وسلم نے فرمایا جس نے اسلام کے علاوہ کسی ملت پر جھوٹی قسم کھائی وہ اسی طرح جس طرح اس نے کہا اور جس نے خودکشی کی اسے اس وجہ سے قیامت کے دن عذاب دیا جائے گا اور آدمی جس چیز کا مالک نہ ہو اسکی نذر نہیں ہوتی۔(مثلاً میرا اگر فلاں کام ہوگیا تو فلاں چیز صدقہ کروں گا حالانکہ وہ کسی اور کی ملکیت ہے تو یہ نذر صحیح نہیں ہے) (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ، وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ جلد١ص١٠٤؛حدیث نمبر ٢١٠"
حضرت ثابت بن ضحاک رضی اللہ عنہ،نبی اکرم صلی اللہ علیہ وسلم سے روایت کرتےہیں۔آپ نے فرمایا کسی شخص پر اس چیز کی نذر نہیں جس کا وہ مالک نہیں۔مؤمن پر لعنت بھیجنا اس کو قتل کرنے کی طرح ہے اور جو شخص دنیا میں کسی چیز کے ساتھ خودکشی کرے قیامت کے دن اسی کے ساتھ عذاب دیا جائے گا اور جو شخص زیادہ مال حاصل کرنے کے لیے جھوٹا دعویٰ کرے اللہ تعالٰی اس کے لئے اسی قلت میں اضافہ کرےگااسی طرح اس شخص کو بھی عذاب ہوگا جو جھوٹی قسم کھاتا ہے۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ، وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ جلد١ص١٠٤؛حدیث نمبر ٢١١"
حضرت ثابت بن ضحاک فرماتے ہیں نبی اکرم صلی اللہ علیہ وسلم نے فرمایا جس نے جان بوجھ کر اسلام کے علاوہ کسی ملت کی جھوٹی قسم کھائی تو وہ اسی طرح ہےجو اس نے کہا اور جو شخص کسی چیز کے ساتھ اپنے آپ کو قتل کرے اللہ تعالیٰ اسے جہنم کی آگ میں عذاب دے گا۔دوسری سندمیں یوں ہیں کہ جو شخص اسلام کے علاوہ کسی ملت کی جھوٹی قسم کھاے وہ اسی طرح ہے جیسے اس نے کہا اور جو آدمی خودکشی کرے وہ قیامت کے دن ذبح کیا جائے گا۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ، وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ جلد١ص١٠٥؛حدیث نمبر ٢١٢"
حضرت ابوہریرہ رضی اللہ عنہ سے مروی ہے۔فرماتے ہیں ہم نبی اکرم صلی اللہ علیہ وسلم کے ہمراہ غزوہ حنین میں شریک ہوئے۔آپ نے ایک شخص کے بارے میں جو اسلام کا دعویٰ کرتا تھا فرمایا یہ جہنمیوں میں سے ہے جب ہم لڑائی کے لئےحاضر ہوئے تو وہ شخص نہایت جرءت سے لڑا تو زخمی ہوگیا۔عرض کیا گیایا رسول اللہ!ابھی جس آدمی کے بارے میں آپ نے فرمایا تھا کہ وہ اہل جہنم سے ہے تو وہ خوب لڑا اور مر گیا۔نبی اکرم صلی اللہ علیہ وسلم نے فرمایا وہ جہنم میں جائے گا۔پس قریب تھا کہ بعض مسلمان شک کا شکار ہو جائیں وہ اسی حالت میں تھے کہ کہا گیا وہ شخص فوت نہیں ہوا بلکہ وہ شدید زخمی ہے۔جب رات کا وقت ہوا تو وہ زخم برداشت نہ کر سکا اور اس نے خودکشی لی۔رسول اکرم صلی اللہ علیہ وسلم کو اس بات کی اطلاع کی گئی تو آپ نے فرمایا"اللہ اکبر"میں گواہی دیتا ہوں کہ میں اللہ تعالیٰ کا بندہ اور اسکا رسول ہوں۔پھر آپ نے حضرت بلال رضی اللہ عنہ کو حکم دیا تو انہوں نے لوگوں میں اعلان کیا کہ جنت میں وہی جائیگا جو مسلمان ہوگا اور بےشک اللہ تعالیٰ اس دین کی مدد کسی فاجر کے ذریعے بھی فرماتا ہے۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ،وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ،وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛جلد١ص١٠٥؛حدیث نمبر٢١٣"
حضرت سہل بن سعد ساعدی رضی اللہ عنہ سے روایت ہے کہ رسول اللہ صلی اللہ علیہ وسلم اور مشرکوں کا جنگ میں سامناہوا پس آپس میں لڑائی ہوئی۔پھر جب آپ صلی اللہ علیہ وسلم اپنے لشکر کی طرف گئے اور وہ لوگ بھی اپنے لشکر کی طرف گئے،تو آپ صلی اللہ علیہ وسلم کے اصحاب میں سے ایک شخص تھا(اس کا نام قزمان تھا اور وہ منافقوں میں سے تھا)وہ ان کفار میں جس کو تنہا دیکھتا اس کا پیچھا کر کے تلوار سے مار ڈالتا(یعنی جس کافر سے ملتا اس کو قتل کر دیتا)،تو صحابہ نے کہا کہ جس طرح یہ شخص آج ہمارے کام آیا ایسا کوئی نہ آیا۔رسول اللہ صلی اللہ علیہ وسلم نے فرمایا وہ تو جہنمی ہے۔ایک شخص ہم میں سے بولا کہ میں اس کے ساتھ رہوں گا(اور اس کی خبر رکھوں گا کہ وہ جہنم میں جانے کا کونسا کام کرتا ہے کیونکہ ظاہر میں تو بہت عمدہ کام کر رہا تھا)۔پھر وہ شخص اس کے ساتھ نکلا اور جہاں وہ ٹھہرتا یہ بھی ٹھہر جاتا اور جہاں وہ دوڑ کر چلتا یہ بھی اس کے ساتھ دوڑ کر جاتا۔آخر وہ شخص(یعنی قزمان)سخت زخمی ہوا اور(زخموں کی تکلیف پر صبر نہ کر سکا)جلدی مر جانا چاہا اور تلوار کا قبضہ زمین پر رکھا اور اس کی نوک اپنی دونوں چھاتیوں کے درمیان میں،پھر اس پر زور ڈال دیا اور اپنے آپ کو مار ڈالا۔تب وہ شخص(جو اس کے ساتھ گیا تھا)رسول اللہ صلی اللہ علیہ وسلم کے پاس آیا اور کہا کہ میں گواہی دیتا ہوں کہ آپ صلی اللہ علیہ وسلم اللہ کے رسول ہیں۔آپ صلی اللہ علیہ وسلم نے فرمایا کہ کیا ہوا؟وہ شخص بولا کہ آپ صلی اللہ علیہ وسلم نے ابھی جس شخص کو جہنمی فرمایا تھا اور لوگوں نے اس پر تعجب کیا تھا تو میں نے کہا تھا کہ میں تمہارے واسطے اس کی خبر رکھوں گا۔پھر میں اس کی تلاش میں نکلا وہ سخت زخمی ہوا اور جلدی مرنے کے لئے اس نے تلوار کا قبضہ زمین پر رکھا اور اس کی نوک اپنی دونوں چھاتیوں کے بیچ میں،پھر اس پر زور ڈال دیا یہاں تک کہ اپنے آپ کو مار ڈالا۔رسول اللہ صلی اللہ علیہ وسلم نے یہ سن کر فرمایا کہ آدمی لوگوں کے نزدیک جنتیوں کے سے کام کرتا ہےاور وہ جہنمی ہوتا ہےاور ایک شخص لوگوں کے نزدیک جہنمیوں کے سے کام کرتا ہےاور وہ(انجام کے لحاظ سے)جنتی ہوتا ہے۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ،وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛جلد١ص١٠٦؛حدیث نمبر ٢١٤"
حضرت حسن بصری علیہ الرحمۃ فرماتے ہیں۔تم سے پہلے(گزشتہ امتوں میں)ایک شخص تھا جسے پھوڑا نکلا جب اس سے اس کو تکلیف ہوئی تو اس نے اپنے ترکش میں سے ایک تیر نکال کر اسے چیر دیا۔پس خون نہ رکا حتیٰ کہ وہ مر گیا تمہارے رب عزوجل نے فرمایا میں نے اس پر جنت کو حرام کر دیا اس کے بعد حضرت حسن بصری علیہ الرحمۃ نے اپنا ہاتھ مسجد کی طرف بڑھایا اور فرمایا اللہ کی قسم!یہ حدیث حضرت جندب رضی اللہ عنہ نے نبی اکرم صلی اللہ علیہ وسلم سے روایت کرتے ہوئے اس مسجد میں مجھ سے بیان کی۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ،وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛جلد١ص١٠٧؛حدیث نمبر ٢١٥"
حضرت حسن بصری علیہ الرحمۃ فرماتے ہیں حضرت جندب رضی اللہ عنہ نے اس مسجد میں ہم سے بیان کیا اور ہم نہ تو بھولے ہیں اور نہ ہی ہمیں یہ ڈر ہے کہ انہوں نے نبی اکرم صلی اللہ علیہ وسلم سے جھوٹ منسوب کیا۔وہ فرماتے ہیں نبی اکرم صلی اللہ علیہ وسلم نے فرمایا تم میں سے پہلی امتوں میں ایک شخص کو پھوڑا نکلا۔آگے حدیث نمبر ٢١٥کی طرح ہے۔ (مسلم شریف کتاب الایمان؛بَابُ غِلَظِ تَحْرِيمِ قَتْلِ الْإِنْسَانِ نَفْسَهُ،وَأَنَّ مَنْ قَتَلَ نَفْسَهُ بِشَيْءٍ عُذِّبَ بِهِ فِي النَّارِ، وَأَنَّهُ لَا يَدْخُلُ الْجَنَّةَ إِلَّا نَفْسٌ مُسْلِمَةٌ؛جلد١ص١٠٧؛حدیث نمبر٢١٦"
حضرت عمر بن خطاب رضی اللہ عنہ سے روایت ہے۔جب(فتح)خیبر کا دن ہوا تو رسول اللہ کے کئی صحابہ رضی اللہ عنہم آئے اور کہنے لگے فلان شہید ہے اور فلاں شہید ہے یہاں تک کہ ایک شخص کا ذکر ہوا کہنے لگے یہ بھی شہید ہے رسول اللہ صلی اللہ علیہ وسلم نے فرمایا ہرگز نہیں،میں نے اس کو جہنم میں ایک چوری شدہ چادر یا عبا میں دیکھا ہے۔ پھر رسول اللہ صلی اللہ علیہ وسلم نے فرمایا اے خطاب کے بیٹے!اٹھ اورلوگوں کو بتائیں کہ جنت میں صرف مؤمن داخل ہوں گے(یعنی چور نہیں جائیں گے) حضرت عمر رضی اللہ عنہ نے کہا میں نکلا اور میں نے لوگوں میں اعلان کردیا۔کہ جنت میں مؤمن ہی داخل ہوں گے ۔(مسلم شریف کتاب الایمان؛بَابُ غِلَظِ تَحْرِيمِ الْغُلُولِ،وَأَنَّهُ لَا يَدْخُلُ الْجَنَّةَ إِلَّا الْمُؤْمِنُونَ؛ترجمہ؛مال غنیمت میں خیانت کرنے کی حرمت اور یہ کہ جنت میں صرف مومن ہی داخل ہوں گے۔؛جلد١ص١٠٧؛حدیث نمبر ٢١٧"
حضرت ابوہریرہ رضی اللہ عنہ کہتے ہیں کہ ہم رسول اللہ صلی اللہ علیہ وسلم کے ساتھ خیبر کی طرف نکلے۔پھر اللہ تعالیٰ نے ہمیں فتح دی،ہمیں مال غنیمت میں سونا اور چاندی حاصل نہ ہوئی بلکہ ہم نے سامان،غلہ اور کپڑے بطور غنیمت حاصل کئے پھر ہم وادی کی طرف چلے اور رسول اللہ صلی اللہ علیہ وسلم کے ساتھ آپ صلی اللہ علیہ وسلم کا ایک غلام بھی تھا جو آپ صلی اللہ علیہ وسلم کو قبیلہ جذام میں سے ایک شخص جس کا نام رفاعہ بن زیدتھا،نے ہبہ کیا تھااور وہ بنی ضبیب میں سے تھا۔جب ہم وادی میں اترے اور رسول اللہ صلی اللہ علیہ وسلم کا غلام کھڑا ہوا آپ صلی اللہ علیہ وسلم کا کجاوہ(اونٹ کی کاٹھی )کھول رہا تھا کہ اتنے میں ایک(غیبی)تیر اس کو لگا جس میں اس کی موت ہوگئی۔ہم لوگوں نے کہا کہ یا رسول اللہ صلی اللہ علیہ وسلم اس کی شہادت مبارک ہو۔آپ صلی اللہ علیہ وسلم نے فرمایا کہ ہرگز نہیں قسم اس ذات کی جس کے ہاتھ میں محمدصلی اللہ علیہ وسلم کی جان ہے کہ وہ چادر اس پر آگ کی طرح سلگ رہی ہےجو اس نے مالِ غنیمت میں سے خیبر کے دن لے لی تھی اور اس وقت تک غنیمت کی تقسیم نہیں ہوئی تھی۔یہ سن کر لوگ ڈر گئے اور ایک شخص ایک تسمہ یا دو تسمے لے کر آیا اور کہنے لگا کہ یا رسول اللہ صلی اللہ علیہ وسلم میں نے خیبر کے دن ان کو پایا تھا۔رسول اللہ صلی اللہ علیہ وسلم نے فرمایا کہ یہ ایک تسمہ یادو تسمے آگ کے ہیں(یعنی اگر تو ان کو واپس نہ کرتا تو یہ تسمہ انگارہ ہو کر قیامت کے دن تجھ پر لپٹتا یا تجھے ان تسموں کی وجہ سے عذاب ہوتا)۔ (مسلم شریف کتاب الایمان؛بَابُ غِلَظِ تَحْرِيمِ الْغُلُولِ،وَأَنَّهُ لَا يَدْخُلُ الْجَنَّةَ إِلَّا الْمُؤْمِنُونَ؛جلد١ص١٠٨؛حدیث نمبر٢١٨"
حضرت جابررضی اللہ عنہ سے روایت ہے کہ طفیل بن عمرو دوسی رضی اللہ عنہ رسول اللہ صلی اللہ علیہ وسلم کے پاس آئے(مکہ میں ہجرت سے پہلے)اور عرض کیاکیا آپکو ایک مضبوط قلعے یا کسی پناہ گاہ کی ضرورت ہے(اس قلعہ کے لئے کہا جو کہ جاہلیت کے زمانہ میں دوس کا تھا)آپ صلی اللہ علیہ وسلم نے اس وجہ سے قبول نہ کیا کہ اللہ تعالیٰ نے انصار کے حصے میں یہ بات لکھ دی تھی کہ(رسول اللہ صلی اللہ علیہ وسلم ان کے پاس ان کی حمایت اور حفاظت میں رہیں گے)پھر جب رسول اللہ صلی اللہ علیہ وسلم نے مدینہ کی طرف ہجرت کی،تو سیدنا طفیل بن عمرو رضی اللہ عنہ نے بھی ہجرت کی اور ان کے ساتھ ان کی قوم کے ایک شخص نے بھی ہجرت کی۔پھر مدینہ کی ہوا ان کو ناموافق ہوئی(اور ان کے پیٹ میں عارضہ پیدا ہوا)تو وہ شخص جو سیدنا طفیل رضی اللہ عنہ کے ساتھ آیا تھا،بیمار ہو گیا اور تکلیف کے مارے اس نے اپنی انگلیوں کے جوڑ کاٹ ڈالے تو اس کے دونوں ہاتھوں سے خون بہنا شروع ہو گیا یہاں تک کہ وہ مر گیا۔پھر سیدنا طفیل رضی اللہ عنہ نے اسے خواب میں نہایت اچھی حالت میں دیکھا مگر اپنے دونوں ہاتھوں کو چھپائے ہوئے تھا۔ سیدنا طفیل رضی اللہ عنہ نے پوچھا کہ تیرے رب نے تیرے ساتھ کیا سلوک کیا؟ اس نے کہامجھے اس لئے بخش دیا کہ میں نے اس کے نبی کی طرف ہجرت کی تھی۔سیدنا طفیل رضی اللہ عنہ نے کہا کہ کیا وجہ ہے کہ میں دیکھتا ہوں کہ تو اپنے دونوں ہاتھ چھپائے ہوئے ہے؟ وہ بولا کہ مجھے حکم ہوا ہے کہ ہم اس کو نہیں سنواریں گے جس کو تو نے خود بخود بگاڑا ہے۔پھر یہ خواب سیدنا طفیل رضی اللہ عنہ نے رسول اللہ صلی اللہ علیہ وسلم سے بیان کیا،تو آپ صلی اللہ علیہ وسلم نے فرمایا کہ اے اللہ! اس کے دونوں ہاتھوں کو بھی بخش دے جیسے تو نے اس کے سارے بدن پر کرم کیا ہے (اس کے دونوں ہاتھوں کو بھی درست کر دے )۔ (مسلم شریف کتاب الایمان؛ بَابُ الدَّلِيلِ عَلَى أَنْ قَاتِلَ نَفْسِهُ لَا يَكْفُرُ؛ترجمہ؛خودکشی کرنے سے کافر نہیں ہوجاتا؛جلد١ص١٠٨؛حدیث نمبر ٢١٩"
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا۔اللہ تعالی یمن کی طرف سے ایک ہوا بھیجے گا جو ریشم سے زیادہ نرم ہوگی تو وہ کسی ایسے شخص کو نہیں چھوڑی گی جس کے دل میں ایمان ہوگا۔حضرت ابو علقمہ فرماتے ہیں ایک دانے کے برابر بھی ایمان ہو۔عبدالعزيز(راوی)کہتے ہیں ایک ذرہ کے برابر ایمان ہوگا تو اسے بھی سلب کر لے گی ۔(مسلم شریف کتاب الایمان؛ بَابُ الْحَثِّ عَلَى الْمُبَادَرَةِ بِالْأَعْمَالِ قَبْلَ تَظَاهُرِ الْفِتَنِ؛ترجمہ؛قرب قیامت ہوا کا ان لوگوں کو اٹھا لینا جن کے دلوں میں تھوڑا بھی ایمان ہوگا؛جلد١ص١٠٩؛حدیث نمبر ٢٢٠"
حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا۔اس فتنہ سے پہلے اعمال میں جلدی کرو جو اندھیری رات کے ٹکڑوں کی طرح ہوگا۔ایک شخص صبح مؤمن ہوگا شام کو کافر ہو جائے گا اور شام کو مؤمن ہوگا تو صبح کافر ہو جائے گا وہ اپنے دین کو دنیوی سامان کے بدلے فروخت کرے گا ۔(مسلم شریف کتاب الایمان؛ بَابُ الْحَثِّ عَلَى الْمُبَادَرَةِ بِالْأَعْمَالِ قَبْلَ تَظَاهُرِ الْفِتَنِ؛ترجمہ؛فتنہ ظاہر ہونے سے پہلے اعمال میں جلدی کرنا؛جلد١ص١١٠؛حدیث نمبر؛٢٢١"
حضرت انس بن مالک رضی اللہ عنہ سے روایت ہے کہ انہوں نے کہا کہ جب یہ آیت:{يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ}[الحجرات: ٢] إِلَى آخِرِ الْآيَةِ،”اے ایمان والو!اپنی آوازیں نبی کی آواز سے بلند مت کرو …… آخر تک“نازل ہوئی تو سیدنا ثابت بن قیس رضی اللہ عنہ اپنے گھر میں بیٹھ رہے اور کہنے لگے کہ میں تو جہنمی ہوں(کیونکہ ان کی آواز بہت بلند تھی اور وہ انصار کے خطیب تھے،اس لئے وہ ڈر گئے)اور رسول اللہ صلی اللہ علیہ وسلم کی خدمت میں حاضرنہ ہوے۔آپ صلی اللہ علیہ وسلم نےسیدنا سعد بن معاذرضی اللہ عنہ سے پوچھا کہ اے ابو عمرو!ثابت کا کیا حال ہے کیا بیمار ہو گیا ہے؟سیدنا سعدرضی اللہ عنہ نے کہا کہ وہ میرا ہمسایہ ہے،میں نہیں جانتا کہ وہ بیمار ہے۔حضرت انس رضی اللہ عنہ فرماتے ہیں کہ سیدناسعد بن معاذرضی اللہ عنہ سیدنا ثابت رضی اللہ عنہ کے پاس آئے اور ان سے بیان کیا کہ جو رسول اللہ صلی اللہ علیہ وسلم نے فرمایا تھاتو سیدنا ثابت رضی اللہ عنہ نے کہا کہ یہ آیت اتری اور تم جانتے ہو کہ میری آواز رسول اللہ صلی اللہ علیہ وسلم پر اونچی ہے،(اس لئے) میں تو جہنمی ہوں۔پھر سیدنا سعدرضی اللہ عنہ نے رسول اللہ صلی اللہ علیہ وسلم سے یہ بیان کیا تو آپ صلی اللہ علیہ وسلم نے فرمایا کہ نہیں،بلکہ وہ جنتی ہے۔ (مسلم شریف کتاب الایمان؛ بَابُ مَخَافَةِ الْمُؤْمِنِ أَنْ يَحْبَطَ عَمَلُهُ؛ترجمہ؛اعمال ضائع ہونے کا خوف؛جلد١ص١١٠؛حدیث نمبر؛٢٢٢"
حضرت انس بن مالک رضی اللہ عنہ سے مروی ہے کہ حضرت ثابت بن قیس بن شمال انصار کے خطیب تھے جب یہ آیت نازل ہوئی۔اس کے بعد انہوں نے حدیث نمبر ٢٢٢کی طرح ذکر کیا۔ (مسلم شریف کتاب الایمان؛ بَابُ مَخَافَةِ الْمُؤْمِنِ أَنْ يَحْبَطَ عَمَلُهُ؛جلد١ص١١٠؛حدیث نمبر؛٢٢٣"
ایک اور سند کے ساتھ حضرت انس بن مالک رضی اللہ عنہ سے مروی ہے فرماتے ہیں جب آیت کریمہ؛ "ياأيهاالَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ}[الحجرات: ٢] إِلَى آخِرِ الْآيَةِ،”اے ایمان والو! اپنی آوازیں نبی کی آواز سے بلند مت کرو …… آخر تک نازل ہوئی۔آگے حدیث نمبر ٢٢٢کی طرح ہے لیکن اس روایت میں حضرت سعد بن معاذ رضی اللہ عنہ کا ذکر نہیں ہے۔ (مسلم شریف کتاب الایمان؛ بَابُ مَخَافَةِ الْمُؤْمِنِ أَنْ يَحْبَطَ عَمَلُهُ؛ جلد١ص١١١؛حدیث نمبر؛٢٢٤"
ایک اور سند کے ساتھ بھی حضرت انس رضی اللہ عنہ سے حدیث نمبر ٢٢٢کی طرح مروی ہے۔البتہ اس میں حضرت سعد بن معاذ رضی اللہ عنہ کا ذکر نہیں ہے اور یہ اضافہ ہے کہ ہم ان کو دیکھتے کہ وہ ہمارے درمیان ایک جنتی کی طور پر چلتے ۔(مسلم شریف کتاب الایمان؛ بَابُ مَخَافَةِ الْمُؤْمِنِ أَنْ يَحْبَطَ عَمَلُهُ؛جلد١ص١١١؛حدیث نمبر؛٢٢٥"
حضرت عبد اللہ رضی اللہ عنہ سے مروی ہے۔فرماتے ہیں کچھ لوگوں نے رسول اکرم صلی اللہ علیہ وسلم کی خدمت میں عرض کیا یا رسول اللہ صلی اللہ علیہ وسلم!کیا ہمارے دور جاہلیت والے اعمال پر بھی مواخذہ ہوگا۔آپ نے فرمایا تم میں سے جس نے اسلام میں اچھا عمل کیا۔اس کا ان اعمال میں مواخذہ نہیں ہوگا اور جس نے(حالت اسلام میں)برے کام کیے اس کا مواخذہ دور جاہلیت اور حالت اسلام(دونوں)میں کیے گئے اعمال پر ہوگا۔ (مسلم شریف کتاب الایمان؛ بَابُ هَلْ يُؤَاخَذُ بِأَعْمَالِ الْجَاهِلِيَّةِ؟ترجمہ؛دور جاہلیت کے اعمال کا مواخذہ؛جلد١ص؛ ١١١؛حدیث نمبر؛٢٢٦"
ایک اور سند کے ساتھ حضرت عبداللہ رضی اللہ عنہ سے مروی ہے۔فرماتے ہیں ہم نےعرض کیا یا رسول اللہ صلی اللہ علیہ وسلم ہم نے جو کام دور جاہلیت میں کئے کیا ہم سے ان کے بارے میں پوچھ گچھ ہوگی۔آپ نے فرمایا جس نے اسلام میں اچھے کام کیے جاہلیت کے دور میں کیے گئے اعمال پر اس کا مواخذہ نہیں ہوگا اور جس نے اسلام میں برے اعمال کئے پہلے اور پچھلے سب اعمال پر اس کا مواخذہ ہوگا۔(اسلام میں برے اعمال سے مراد منافقت ہے مطلب یہ ہے کہ جو شخص صدق دل سے ایمان نہ لایا ورنہ اسلام لانے کے بعد پچھلے گناہ معاف ہوجاتے ہیں جب وہ شرک وکفر سےصاف ہوگیا تو باقی کون سا رہ گیا لہٰذا اس حدیث میں جس مواخذہ کا ذکر ہے وہ منافق کے بارے میں ہے کیونکہ وہ کفر پر برقرار ہے۔) (مسلم شریف کتاب الایمان؛ بَابُ هَلْ يُؤَاخَذُ بِأَعْمَالِ الْجَاهِلِيَّةِ؟؛جلد١ص؛١١١؛حدیث نمبر؛٢٢٧"
ایک اور سند کے ساتھ بھی حدیث نمبر ٢٢٧کی طرح مروی ہے۔ (مسلم شریف کتاب الایمان؛ بَابُ هَلْ يُؤَاخَذُ بِأَعْمَالِ الْجَاهِلِيَّةِ؟؛جلد١ص؛١١١؛حدیث نمبر؛٢٢٨؛
حضرت ابن شماسہ مہری کہتے ہیں کہ ہم سیدنا عمرو بن عاص رضی اللہ عنہ کے پاس گئے اور وہ اس وقت قریب المرگ تھے تو وہ(سیدنا عمرو رضی اللہ عنہ) بہت دیر تک روئے اور اپنا منہ دیوار کی طرف پھیر لیا تو ان کے بیٹے کہنے لگے کہ اے ہمارے والد!آپ کیوں روتے ہی؟کیا رسول اللہ صلی اللہ علیہ وسلم نے آپ کو یہ خوشخبری نہیں دی،یہ خوشخبری نہیں دی؟تب انہوں نے اپنا منہ سامنے کیا اور کہا کہ سب باتوں میں افضل ہم اس بات کی گواہی دینے کو سمجھتے ہیں کہ اللہ تعالیٰ کے سوا کوئی سچا معبود نہیں اور محمداللہ کے رسول ہیں اور میرے اوپر تین دور گزرے ہیں۔ایک دور یہ تھا کہ میں دیکھتا ہوں کہ مجھ سے بڑھ کر نبی اکرم صلی اللہ علیہ وسلم سے بغض رکھنے والا کوئی نہیں تھا اور مجھے یہ بات بہت زیادہ پسند تھی کہ مجھے آپ پر قابو حاصل ہو تو میں آپ کو شہید کر دوں۔پھر اگر میں اسی حال میں مر جاتا تو جہنمی ہوتا۔دوسرا دور یہ تھا کہ اللہ تعالیٰ نے میرے دل میں اسلام کی محبت ڈالی اور میں رسول اللہ صلی اللہ علیہ وسلم کے پاس آیا اور میں نے کہا کہ اپنا داہنا ہاتھ بڑھائیے تاکہ میں آپ سے(اسلام پر)بیعت کروں۔آپ صلی اللہ علیہ وسلم نے اپنا ہاتھ بڑھایا تو میں نے اس وقت اپنا ہاتھ کھینچ لیا۔رسول اللہ صلی اللہ علیہ وسلم نے فرمایا کہ اے عمرو!تجھے کیا ہوا؟میں نے کہا کہ میں ایک شرط رکھنا چاہتا ہوں۔آپ صلی اللہ علیہ وسلم نے فرمایا کہ کونسی شرط؟میں نے کہا کہ یہ شرط کہ میرے تمام گناہ معاف ہو جائیں گے؟(جو میں نے اب تک کئے ہیں)آپ صلی اللہ علیہ وسلم نے فرمایا کہ اے عمرو!تو نہیں جانتا ہے اسلام پہلے تمام گناہوں کو مٹادیتا ہے اور اسی طرح ہجرت پہلے گناہوں کو مٹا دیتی ہے۔اسی طرح حج تمام پیشتر گناہوں کو مٹادیتا ہے۔پھر مجھے رسول اللہ صلی اللہ علیہ وسلم سے زیادہ کسی سے محبت نہ تھی اور نہ میری نگاہ میں آپ سے زیادہ کسی کی شان تھی اور میں آپ صلی اللہ علیہ وسلم کےاحترام کی وجہ سےآپ کو آنکھ بھر کر نہ دیکھ سکتا تھا۔اور اگر مجھ سے پوچھا جائے کہ میں آپ کا وصف بیان کروں تو میں بیان نہیں کر سکتا کیونکہ میں آنکھ بھر کر آپ صلی اللہ علیہ وسلم کو نہیں دیکھ سکا اور اگر میں اس حال میں فوت ہو جاتا تو امید تھی کہ میں جنتی ہوتاپھر ہمیں کچھ امور کا ذمہ دار بنایا گیا مجھے معلوم نہیں۔ان امور کے حوالے سے میرا کیا حال ہوگا۔تو جب میں انتقال کر جاؤں تو میرے جنازے کے ساتھ کوئی رونے چلانے والی نہ ہو،اور نہ آگ ہو اور جب مجھے دفن کرنا تو مجھ پر(میری قبر پر)اچھی طرح مٹی ڈال دینا اور میری قبر کے ارد گرد اتنی دیر تک کھڑے رہنا جتنی دیر میں اونٹ کاٹا جاتا ہے اور اس کا گوشت بانٹا جاتا ہے تاکہ میں تم سے مانوس رہوں اور میں دیکھوں کہ میں اللہ تعالیٰ کے فرشتوں کو کیا جواب دیتا ہوں۔(امام نووی علیہ الرحمۃ فرماتے ہیں اس حدیث میں کئی فوائد ہیں ایک یہ کہ عذاب قبر حق ہے اور فرشتوں کا سوال جواب بھی حق ہے نیز دفن کرنے کے بعد قبر کے پاس کچھ دیر ٹھہرنا مستحب ہے اور میت کو قبر کے پاس کھڑے لوگوں کی آواز سنائی دیتی ہے۔(حاشیہ صحیح مسلم جلد١ص٧٦) (مسلم شریف کتاب الایمان؛بَابُ كَوْنِ الْإِسْلَامِ يَهْدِمُ مَا قَبْلَهُ وَكَذَا الْهِجْرَةِ وَالْحَجِّ؛ترجمہ؛اسلام،ہجرت اور حج پہلے گناہوں کو مٹا دیتے ہیں؛جلد١ص١١٢؛حدیث نمبر٢٢٩"
حضرت ابن عباس رضی اللہ عنہ سے روایت ہے کہ مشرکوں میں سے کچھ لوگ جو بکثرت قتل اور زنا کے جرم میں مبتلا تھے(شرک کی حالت میں)۔پھر وہ رسول اللہ صلی اللہ علیہ وسلم کے پاس آئے اور عرض کیا کہ آپ صلی اللہ علیہ وسلم جو فرماتے ہیں اور جس راہ کی طرف بلاتے ہیں،وہ اچھی ہے اگر آپ صلی اللہ علیہ وسلم ہمیں بتلائیں کہ کیا وہ ہمارے گزشتہ گناہوں کا کفارہ ہے؟(اگر کفارہ ہے تو ہم اسلام لائیں گے )تب یہ آیت اتری:{وَالَّذِينَ لَا يَدْعُونَ مَعَ اللهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللهُ إِلَّا بِالْحَقِّ وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا} [الفرقان: ٦٨] وَنَزَلَ {يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللهِ} [الزمر: ٥٣] "اور جو اللہ کے ساتھ کسی دوسرے معبود کو نہیں پوجتے اور اس جان کو جس کی اللہ نے حرمت رکھی ہے ناحق نہیں مارتے اور بدکاری نہیں کرتے اور جو یہ کام کرے وہ سزا پائےگا"... اور یہ آیت نازل ہوئی"اے میرے بندو!جنہوں نے اپنے نفسوں پر (گناہ کے ذریعے)زیادتی کی اللہ کی رحمت سے ناامید نہ ہو"۔(اسلام لانے سے گزشتہ گناہ معاف ہوجاتے ہیں اور حالت اسلام کے گناہوں سے توبہ کی جائے تو اللہ تعالیٰ اپنی رحمت سے معاف فرمادیتا ہے) (مسلم شریف کتاب الایمان؛بَابُ كَوْنِ الْإِسْلَامِ يَهْدِمُ مَا قَبْلَهُ وَكَذَا الْهِجْرَةِ وَالْحَجِّ؛جلد١ص١١٣؛حدیث نمبر٢٣٠"
حضرت حکیم بن حزام فرماتے ہیں۔انہوں نے نبی اکرم صلی اللہ علیہ وسلم کی خدمت میں عرض کیا کہ میں نے دور جاہلیت میں کچھ نیک کام کئے ہیں۔آپ بتائیں کیا مجھے ان کا کچھ ثواب ملے گانبی اکرم صلی اللہ علیہ وسلم نے فرمایا کہ اسلام لانے کے بعد تمہارے گزشتہ اچھے اعمال باقی رہیں گے۔ (مسلم شریف کتاب الایمان-؛بَابُ بَيَانِ حُكْمِ عَمَلِ الْكَافِرِ إِذَا أَسْلَمَ بَعْدَهُ؛ترجمہ؛اسلام لانے کےبعد حالت کفر کے اعمال کا حکم؛جلد١ص١١٣؛حدیث نمبر٢٣١"
ایک دوسری سند کے ساتھ حضرت حکیم بن حزام رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کی خدمت میں عرض کیا کہ میں نے دور جاہلیت میں کچھ نیک کام کئے ہیں یعنی صدقہ کیا ہے، غلام آزاد کئےاور صلہ رحمی کی ہے کیا مجھے اس پر ثواب ملے گا۔نبی اکرم صلی اللہ علیہ وسلم نے فرمایا اسلام لانے کے بعد تمہارے گزشتہ اچھے اعمال نیکیوں میں اضافہ کا باعث ہوں گے۔ (مسلم شریف کتاب الایمان؛بَابُ بَيَانِ حُكْمِ عَمَلِ الْكَافِرِ إِذَا أَسْلَمَ بَعْدَهُ؛جلد١ص١١٤؛حدیث نمبر٢٣٢"
ایک اور سند کے ساتھ حضرت حکیم بن حزام رضی اللہ عنہ سے مروی ہے۔فرماتے ہیں میں نے عرض کیا یا رسول اللہ صلی اللہ علیہ وسلم میں دور جاہلیت میں کچھ اعمال کرتا تھا۔ہشام(راوی)کہتے ہیں ان کی مراد نیک اعمال ہیں۔نبی اکرم صلی اللہ علیہ وسلم نے فرمایا ان نیک اعمال کی برکت سے تم نے اسلام قبول کیا ہے۔فرماتے ہیں میں نے کہا اللہ کی قسم!میں نے دور جاہلیت میں جو کام کئے ہیں۔اسلام لانے کے بعد بھی ضروربضروربجا لاؤں گا۔ (مسلم شریف کتاب الایمان؛بَابُ بَيَانِ حُكْمِ عَمَلِ الْكَافِرِ إِذَا أَسْلَمَ بَعْدَهُ؛جلد١ص١١٤؛حدیث نمبر٢٣٣)
حضرت ہشام بن عروہ(رضی اللہ عنہما)اپنے والد سے روایت کرتے ہیں کہ حضرت حکیم بن حزام رضی اللہ عنہ دور جاہلیت میں ایک سو غلام آزاد کئے۔ایک سو اونٹ(راہ خدا میں)سواری کےلیے دئیے۔پھر اسلام لانے کے بعد ایک سو غلام آزاد کئے اور ایک سو اونٹ سواری کے لیے راہ خدا میں دیئے پھر نبی اکرم صلی اللہ علیہ وسلم کی خدمت میں حاضر ہوئے۔اس کے بعد گزشہ احادیث کی مثل ذکر کیا۔ (مسلم شریف کتاب الایمان؛بَابُ بَيَانِ حُكْمِ عَمَلِ الْكَافِرِ إِذَا أَسْلَمَ بَعْدَهُ؛جلد١ص١١٤؛حدیث نمبر٢٣٤"
حضرت عبد اللہ رضی اللہ عنہ سے مروی ہے۔فرماتے ہیں جب یہ آیت کریمہ نازل ہوئی:{الَّذِينَ آمَنُوا وَلَمْ يَلْبِسُوا إيْمَانَهُمْ بَظُلٍ} [الأنعام: ٨٢]"وہ لوگ جو ایمان لائے اور انہوں نے اپنے ایمان کو ظلم(شرک)سے نہیں ملایا"۔ توصحابہ کرام پر یہ بات گراں گزری اور انہوں نے عرض کیا۔ہم میں سے کون ہے جس نے اپنے نفس پر ظلم کیا تو نبی اکرم صلی اللہ علیہ وسلم نے فرمایا۔بات اس طرح نہیں ہے جس طرح تمہارا خیال ہے۔بلکہ اس طرح ہے جیسے لقمان نے اپنے بیٹے سے فرمایا تھا۔:{يَا بُنَيَّ لَا تُشْرِكْ بِاللهِ إِنَّ الشِّرْكَ لَظُلْمٌ عَظِيمٌ "،[لقمان: ١٣]"اے بیٹے!شرک نہ کرنا بےشک شرک بہت بڑا ظلم ہے۔" (مسلم شریف کتاب الایمان؛بَابُ صِدْقِ الْإِيمَانِ وَإِخْلَاصِهِ؛ترجمہ؛ایمان میں سچائی اور اخلاص؛جلد١ص١١٤؛حدیث نمبر؛٢٣٥"
ایک دوسری سند کے ساتھ بھی یہ حدیث حدیث نمبر ٢٣٥کی طرح مروی ہے ۔(مسلم شریف کتاب الایمان؛بَابُ صِدْقِ الْإِيمَانِ وَإِخْلَاصِهِ؛جلد١ص١١٥؛حدیث نمبر؛٢٣٦)
حضرت ابوہریرہ رضی اللہ عنہ سے روایت ہے۔فرماتے ہیں کہ جب رسول اللہ صلی اللہ علیہ وسلم پر یہ آیت نازل ہوئی{لِلَّهِ مَا فِي السَّمَاوَاتِ وَمَا فِي الْأَرْضِ وَإِنْ تُبْدُوا مَا فِي أَنْفُسِكُمْ أَوْ تُخْفُوهُ يُحَاسِبْكُمْ بِهِ اللهُ فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ وَاللهُ عَلَى كُلِّ شَيْءٍ قَدِيرٌ} [البقرة:٢٨٤]یعنی”جو کچھ آسمانوں اور زمین میں ہے،سب اللہ تعالیٰ کے لئے ہے۔تم اس بات کو ظاہر کرو جو تمہارے دلوں میں ہے یا چھپائے رکھو،اللہ تعالیٰ تم سے حساب لے لے گا،پھر جس کو چاہے گا معاف کر دے گا اور جس کو چاہے گا عذاب دے گا اور اللہ تعالیٰ ہر چیز پر قدرت رکھنے والا ہے“نازل ہوئی تو یہ بات صحابہ کرام رضی اللہ عنہم پرگراں گزری۔وہ نبی اکرم صلی اللہ علیہ وسلم کے پاس آئے اور دو زانو ہوکر با ادب بیٹھ گئے۔پھر کہنے لگے کہ یا رسول اللہ صلی اللہ علیہ وسلم(پہلےتو)ہم نماز،روزہ،جہاداور صدقہ وغیرہ ایسے اعمال کے مکلف بنائے گئے تھے(جن پر طاقت رکھتے تھے)،اور اب آپ پر یہ آیت نازل ہوئی ہے،اس کی تو ہم طاقت ہی نہیں رکھتے۔نبی اکرم صلی اللہ علیہ وسلم نے فرمایا کیا تم ویسی ہی بات کہنا چاہتے ہو جیسی تم سے پہلے دو کتابوں والوں(یہودونصاریٰ)نے کہی تھی(یعنی انہوں نے کہا)”سمعنا و عصینا“کہ ہم نے(اللہ اور رسول کی بات کو)سن تو لیا ہے لیکن مانتے نہیں ہیں،بلکہ آپ لوگوں کو یوں کہنا چاہیئے کہ ہم نے(اللہ کی اور رسول کی بات کو)سن لیا اور مان لیا۔اے ہمارے رب!ہمیں بخش دے اور ہم نے تیری طرف ہی لوٹنا ہے۔انہوں نے عرض کیا ہم نے سنااور مانا اے ہمارے رب!ہمیں بخش دے اور تیری طرف ہی لوٹ کر جانا ہے۔جب انہوں نے یہ کلمات کہے اور ان کی زبانوں پر یہ جاری ہوے تو اللہ تعالیٰ نے یہ آیت مبارکہ نازل فرمائی۔ :{آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ} [البقرة: ٢٨٥]رسول ایمان لایا اس پر جو اس کے رب کے پاس سے اس پر اترا اور ایمان والے۔سب نے مانا اللہ اور اس کے فرشتوں اور اس کی کتابوں اور اس کے رسولوں کو یہ کہتے ہوئے کہ ہم اس کے کسی رسول پر ایمان لانے میں فرق نہیں کرتے اور عرض کیا کہ ہم نے سنا اور مانا تیری معافی ہو اے رب اور تیری ہی طرف پھرنا ہے۔جب انہوں نے ایسا کیا تو اللہ تعالیٰ نے اس کو منسوخ کر کے یہ آیت کریمہ نازل فرمائی۔: {لَا يُكَلِّفُ اللهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا} [البقرة: ٢٨٦] یعنی”اللہ تعالیٰ کسی نفس کو اس کی طاقت سے زیادہ تکلیف نہیں دیتا۔اسی کا فائدہ جو نیکی وہ کمائے اور اسی کا نقصان جو برائی وہ کمائے اے ہمارے رب اگر ہم بھول جائیں یا غلطی کر جائیں تو ہمارا مواخذہ نہ کرنا۔..... اللہ تعالیٰ نے فرمایا"ہاں"(ٹھیک ہے) {رَبَّنَا وَلَا تَحْمِلْ عَلَيْنَاإِصْرًا كَمَا حَمَلْتَهُ عَلَى الَّذِينَ مِنْ قَبْلِنَا} [البقرة:٢٨٦]"اور ہم پر وہ بوجھ نہ رکھنا جو تو نے ہم سے پہلے لوگوں پر رکھا تھا"۔فرمایا ہاں (ٹھیک ہے){وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ} [البقرة: ٢٨٦]"اے ہمارے رب!اور ہم سے وہ بوجھ نہ اٹھوانا جس کی ہمیں طاقت نہیں اور ہمیں معاف کرنا اور ہمیں بخش دے اور ہم پر رحم فرما تو ہمارا مالک ہے پس کافروں کے مقابلے میں ہماری مدد فرما۔اللہ تعالی نے فرمایا" ہاں"(ٹھیک ہے).... (مسلم شریف کتاب الایمان؛بَابُ بَيَانِ قَوْلِهِ تَعَالَى: {وَإِنْ تُبْدُوا مَا فِي أَنْفُسِكُمْ أَوْ تُخْفُوهُ} [البقرة: ٢٨٤]ترجمہ؛ اللہ تعالیٰ کا قول"اگر تم ظاہر کرو جو کچھ تمہارے دل میں ہے یا چھپاؤ اللہ تم سے اس کا حساب لے گا"کےبیان میں؛جلد١ص١١٥؛حدیث نمبر٢٣٧)
حضرت ابن عباس رضی اللہ عنہ فرماتے ہیں جب یہ آیت کریمہ نازل ہوئی{وَإِنْ تُبْدُوا مَا فِي أَنْفُسِكُمْ أَوْ تُخْفُوهُ يُحَاسِبْكُمْ بِهِ اللهُ} [البقرة: ٢٨٤]،اور اگر تم اس چیز کو ظاہر کرو جو تمہارے دلوں میں ہے یا اس کو چھپاؤ اللہ تعالیٰ اس پر تمہارا محاسبہ فرمائےگا۔فرماتے ہیں(یہ سن کر)صحابہ کرام کے دلوں میں ایسا خوف پیدا ہوا جو پہلے پیدا نہیں ہوا تھا۔تو نبی اکرم صلی اللہ علیہ وسلم نے فرمایا تم کہو ہم نے سنا اور اطاعت کی اور تسلیم کیا۔فرماتے ہیں پس اللہ تعالیٰ نے ان کے دلوں میں ایمان ڈال دیا اور اس پر اس نے یہ آیت نازل فرمائی۔{لَا يُكَلِّفُ اللهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا}[البقرة: ٢٨٦](آخر تک مع ترجمہ حدیث نمبر ٢٣٧میں گزر چکا ہے)اللہ تعالیٰ نے فرمایا میں نے ایسا کیا(یعنی نسیان اور خطا پر تمہارا مواخذہ نہیں ہوگا)" {رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا} [البقرة: ٢٨٦] "(آخر تک مع ترجمہ گزشتہ حدیث نمبر ٢٣٧میں مذکور ہے)اللہ تعالیٰ نے فرمایا میں نے ایسا کیا(تم پر بوجھ نہیں ڈالا)"{وَاغْفِرْ لَنَا وَارْحَمْنَا أَنْتَ مَوْلَانَا}[البقرة: ٢٨٦] "(آخر تک مع ترجمہ حدیث نمبر ٢٣٧میں گزر چکا)فرمایا میں نے ایسا کیا یعنی معاف کیا۔ (مسلم شریف کتاب الایمان؛بَابُ بَيَانِ قَوْلِهِ تَعَالَى: {وَإِنْ تُبْدُوا مَا فِي أَنْفُسِكُمْ أَوْ تُخْفُوهُ} [البقرة: ٢٨٤]جلد١ص١١٦؛حدیث نمبر٢٣٨)
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا۔بے شک اللہ تعالیٰ نے میری امت سے ان کے دلوں کی باتوں کو معاف کر دیا ہے۔جب تک اس کو زبان پر نہ لائیں یا عمل نہ کریں ۔(مسلم شریف کتاب الایمان؛بَابُ تَجَاوُزِ اللهِ عَنْ حَدِيثِ النَّفْسِ وَالْخَوَاطِرِ بِالْقَلْبِ،إِذَا لَمْ تَسْتَقِرَّ؛ترجمہ؛اس چیز کے بیان میں کہ اللہ تعالیٰ نے دل میں آنے والے ان وسوسوں کو معاف کر دیا ہے جب تک کہ دل میں پختہ نہ ہو جائے؛جلد١ص١١٦؛حدیث نمبر٢٣٩)
ایک دوسری سند کےساتھ بھی حضرت ابوہریرہ رضی اللہ عنہ سے یہی مروی ہے(حدیث نمبر٢٣٩)البتہ اس میں عمل کا پہلے اور گفتگو کا بعد میں ذکر ہے ۔(مسلم شریف کتاب الایمان؛بَابُ تَجَاوُزِ اللهِ عَنْ حَدِيثِ النَّفْسِ وَالْخَوَاطِرِ بِالْقَلْبِ،إِذَا لَمْ تَسْتَقِرَّ؛جلد١ص١١٦؛حدیث نمبر٢٤٠)
ایک دوسری سند کےساتھ بھی حدیث نمبر ٢٤٠کی طرح مروی ہے۔ (مسلم شریف کتاب الایمان؛بَابُ تَجَاوُزِ اللهِ عَنْ حَدِيثِ النَّفْسِ وَالْخَوَاطِرِ بِالْقَلْبِ،إِذَا لَمْ تَسْتَقِرَّ؛جلد١ص١١٦؛حدیث نمبر٢٤١)
حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا۔اللہ تعالی(فرشتوں سے)فرماتا ہے۔جب میرا بندہ گناہ کا ارادہ کرتا ہے تو اسے اس پر نہ لکھو اور اگر وہ اس پر عمل کرے تو ایک گناہ لکھ دو اور جب وہ نیکی کا ارادہ کرے اور عمل نہ کرے تو ایک نیکی لکھ دو اور اگر عمل کرے تو دس نیکیاں لکھ دو ۔(مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛بندے کے نیکی کے ارادے کو لکھنے کا،اور بدی کے ارادے کو نہ لکھنے کا بیان؛جلد١ص١١٧؛حدیث نمبر٢٤٢)
حضرت ابوہریرہ رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا اللہ تعالیٰ فرماتا ہے جب میرا بندہ نیکی کا ارادہ کرے اور اس پر عمل نہ کرے تو میں اس کے لئے ایک نیکی لکھتا ہوں اور اگر عمل کرے تو میں اس کے لئے دس نیکیوں سے سات گنا تک لکھتا ہوں اور جب گناہ کا ارادہ کرے لیکن عمل نہ کرے تو میں اس کے ذمہ کوئی گناہ نہیں لکھتا اور اگر عمل کرے تو میں اس کے ذمہ ایک گناہ لکھتا ہوں ۔(مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛جلد١ص١١٧؛حدیث نمبر٢٤٣"
حضرت ابو ہریرہ رضی اللہ عنہ کہتے ہیں کہ رسول اللہﷺ نے فرمایا کہ اللہ عزوجل نے فرمایا کہ جب میرے بندےکےدل میں نیکی کرنے کا خیال پیدا ہوتا ہے تو میں اس کے لئے ایک نیکی(کا ثواب)لکھتا ہوں،جب تک کہ اس نے وہ نیکی نہیں کی۔پھر اگر وہ نیکی کرلے تو اس کو میں اس کے لئے دس نیکیاں(ایک کے بدلے )لکھتا ہوں اور جب وہ گناہ کا ارادہ کرے دل تو میں اس کو بخش دیتا ہوں جب تک کہ وہ بُرائی(پر عمل)نہ کرے۔اور پھر جب وہ برائی (پر عمل) کرے تو اس کے لئے ایک ہی بُرائی لکھتا ہوں اور رسول اللہ صلی علیہ وسلم نے فرمایا کہ فرشتے کہتے ہیں کہ اے پروردگار یہ تیرا بندہ ہے،بُرائی کرنا چاہتا ہے،اور اللہ تعالیٰ اسے خود دیکھتا ہے اور فرماتا ہے انتظار کرو۔اگر وہ بُرائی کرے تو ایک بُرائی ویسی ہی لکھ لو اور اگر نہ کرے (اور اس بُرائی کے ارادے سے باز رہے)تو اس کے لئے ایک نیکی لکھ لو کیونکہ اس نے میرے ڈر سے اس بُرائی کو چھوڑ دیا۔اور رسول اللہ صلی اللہ علیہ وسلم نے فرمایا کہ جب تم میں سےکوئی ایک اچھی طرح اسلام قبول کرتا ہے(یعنی خالص اور سچا،نفاق سے خالی)تو پھر وہ جو نیکی کرتا ہے اس کے لئے ایک کے بدلے دس نیکیاں سات سو گنا تک لکھی جاتی ہیں اور جو بُرائی کرتا ہے تو اس کے لئے ایک ہی بُرائی لکھی جاتی ہے یہاں تک کہ وہ اللہ تعالیٰ سےجا ملے (مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛جلد١ص١١٧؛حدیث نمبر٢٤٤)
حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ اللہ تعالیٰ نے فرمایا جو شخص نیکی کرنے کا ارادہ کرتا ہے اور پھراس کو کرتا نہیں تو اس کے لیے ایک نیکی لکھی جاتی ہے۔اور جو اس نیکی کو کرتا ہے تو اس کے لیے دس نیکیوں سے سات سو نیکیوں تک لکھی جاتی ہے اور جو برائی کا ارادہ کرتا ہے لیکن کرتا نہیں تو وہ برائی نہیں لکھی جاتی،اور جو کرے تو لکھی جاتی ہے جو وہ کرتے ہیں ۔ (مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛جلد١ص١١٨؛حدیث نمبر٢٤٥)
حضرت ابن عباس رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ اپنے رب عز وجل سے نقل کرتےہیں۔آپ نے فرمایا اللہ تعالیٰ نے نیکیاں برائیاں لکھ دیں۔پھر اس بات کو بیان کیا۔پس جو کوئی نیکی کا ارادہ کرے اور نیکی نہ کرے تو اللہ تعالیٰ اس کو پوری ایک نیکی لکھے گااور جس نے نیکی کی تو اس کے لیے دس نیکیوں سے سات سو تک اورزیادہ نیکیاں لکھی جاتی ہیں۔اور جو برائی کا ارادہ کرےاور اس برائی کو نہ کرے تو اللہ اس کے لیے ایک پوری نیکی لکھے گااور جو کرے تو اللہ تعالیٰ اس کے لیے ایک ہی برائی لکھے گا (مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛جلد١ص١١٨؛حدیث نمبر٢٤٦)
ایک دوسری سند کےساتھ گزشتہ حدیث کی مثل مروی ہے اور اس میں اضافہ ہے کہ اللہ تعالیٰ اس گناہ کو مٹا دیتا ہے اور اللہ تعالیٰ اسے ہی ہلاک کرتا ہے جو خود ہونا چاہتا ہے ۔(مسلم شریف کتاب الایمان؛بَابُ إِذَا هَمَّ الْعَبْدُ بِحَسَنَةٍ كُتِبَتْ،وَإِذَا هَمَّ بِسَيِّئَةٍ لَمْ تُكْتَبْ؛جلد١ص١١٨؛حدیث نمبر٢٤٧)
حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم کے صحابہ کرام میں سے کچھ لوگ آپ کی خدمت میں حاضر ہوئے اور انہوں نے عرض کیا کہ ہم اپنے دلوں میں ایسی باتیں پاتے ہیں جنکا اظہار بہت بڑا گناہ سمجھتے ہیں۔آپ نے فرمایا کیا تم ایسی بات پاتے ہو؟عرض کیا جی ہاں آپ نے فرمایا یہ تو صریح ایمان ہے ۔(مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛ترجمہ؛ایمان میں وسوسہ کا بیان اور وسوسہ آنے پر کیا کہنا چاہیے؟؛جلد١ص١١٩؛حدیث نمبر٢٤٨)
ایک دوسری سند کے ساتھ بھی حضرت ابوہریرہ رضی اللہ عنہ سےحدیث نمبر ٢٤٨کی مثل مروی ہے ۔(مسلم شریف کتاب الایمان؛بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١١٩؛حدیث نمبر ٢٤٩)
حضرت عبد اللہ رضی اللہ عنہ سے مروی ہے کہ نبی اکرم صلی اللہ علیہ وسلم سے وسوسے کے بارے میں پوچھا گیا تو آپ نے فرمایا یہ تو محض ایمان ہے۔(مطلب یہ ہے کہ اللہ تعالیٰ کے فضل وکرم سے یہ باتیں اندر ہی اندر رہتی ہیں اگر زبان پر آجائیں تو کفر ہو جائے لہذا ان کا محض وسوسے کی صورت میں رہناایمان کی علامت ہے۔) (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١١٩؛حدیث نمبر٢٥٠)
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا لوگ مسلسل ایک دوسرے سے سوالات کرتے ہیں حتی کہ کہا جاتا ہے۔یہ مخلوق ہے جسے اللہ تعالیٰ نے پیدا فرمایا) پھر جب سوالات کا سلسلہ دراز ہوتا تو کوئی سوچتا ہے)۔اللہ تعالی کو کس نے پیدا کیا تو جس کے دل میں اس قسم کا خیال آئے وہ یوں کہے"اللہ تعالیٰ پر ایمان لایا" (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١١٩؛حدیث نمبر٢٥١)
ایک دوسری سند کے ساتھ بھی حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا تم میں سے کسی ایک کے پاس شیطان آتا ہے اور کہتا ہے آسمان کو کس نے پیدا کیا زمین کو کس نے پیدا کیا؟ وہ کہتا ہے اللہ تعالیٰ نے۔اس کے بعد حدیث نمبر ٢٥١ کی طرح ہے اور اس کے بعد یہ اضافہ ہے کہ میں اس کے رسولوں پر ایمان لایا ۔(مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢٠؛حدیث نمبر٢٥٢)
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا۔شیطان تم میں سے کسی ایک کے پاس آتا ہے اور کہتا ہے فلاں کو کس نے پیدا کیا۔فلاں کو کس نے پیدا کیا حتیٰ کہ اس سے کہتا ہے تیرے رب کو کس نے پیدا کیا جب وہ یہاں تک پہونچے تو اس شخص کو چاہیے کہ وہ اللہ تعالیٰ سے پناہ مانگے اور رک جائے ۔(مسلم شریف کتاب الایمان؛بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢٠؛حدیث نمبر٢٥٣)
ایک دوسری سند کے ساتھ حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا۔شیطان بندے کے پاس آتا ہے اور کہتا ہے فلاں کو کس نے پیدا کیا۔حتیٰ کہ اس سے کہتا ہے تیرے رب کو کس نے پیدا کیا جب وہ یہاں تک پہونچے تو اس شخص کو چاہیے کہ وہ اللہ تعالیٰ سے پناہ مانگے اور رک جائے۔حدیث نمبر ٢٥٤کی طرح (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢٠؛حدیث نمبر٢٥٤)
حضرت ابوہریرہ رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا لوگ تم سے علم کے بارے میں مسلسل سوال کرتے رہیں گے حتیٰ کہ کہیں گے کہ اللہ جس نے ہمیں پیدا کیا تو اللہ تعالیٰ کو کس نے پیدا کیا حضرت ابوہریرہ نے ایک شخص کا ہاتھ پکڑ رکھا تھا۔اس حالت میں انہوں نے فرمایا اللہ تعالیٰ اور اس کے رسول صل اللہ علیہ وسلم نے سچ فرمایا مجھ سے دو آدمیوں نے سوال کیا اور تیسرا ہے یا فرمایا مجھ سے ایک شخص نے سوال کیا اور یہ دوسرا ہے (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢٠؛حدیث نمبر٢٥٥"
ایک دوسری سند کے ساتھ حضرت ابوہریرہ رضی اللہ عنہ سےحدیث نمبر ٢٥٥ کی مثل مروی ہے۔البتہ اس سند میں یہ نہیں کہ انہوں نے نبی اکرم صلی اللہ علیہ وسلم کا ذکر کیا البتہ حدیث کے آخر میں یہ الفاظ ہیں کہ اللہ تعالیٰ اور اس کے رسول صل اللہ علیہ وسلم نے سچ فرمایا ۔(مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢٠؛حدیث نمبر٢٥٦)
حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا۔اے ابوہریرہ!لوگ مسلسل آپ سے پوچھتے رہیں گے حتیٰ کہ وہ کہیں گے یہ اللہ ہے اس کو کس نے پیدا کیا۔راوی فرماتے ہیں اس دوران میں مسجد میں تھا کہ کچھ دیہاتی آئے اور انہوں نے عرض کیا۔اے ابوہریرہ!یہ اللہ تعالیٰ ہے تو اللہ تعالیٰ کو کس نے پیدا کیا حضرت ابوہریرہ رضی اللہ عنہ نے اپنی مٹھی میں کنکریاں لے کر اس پر پھینک دیں۔پھر فرمایا اٹھ جاؤ،اٹھ جاؤ۔میرے خلیل(دوست)نے سچ فرمایا ۔(مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢١؛حدیث نمبر٢٥٧)
حضرت یزید بن اصم فرماتے ہیں ۔میں نے حضرت ابوہریرہ رضی اللہ عنہ سے سنا وہ فرماتے تھے رسول اکرم صلی اللہ علیہ وسلم نے فرمایا عنقریب لوگ تم سے ہر چیز کے بارے میں پوچھیں گے اللہ تعالیٰ نے ہر چیز کو پیدا کیا تو اللہ تعالیٰ کو کس نے پیدا کیا _(مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢١؛حدیث نمبر٢٥٨)
حضرت انس بن مالک رضی اللہ عنہ نے نبی اکرم صلی اللہ علیہ وسلم سے روایت کرتےہیں۔آپ صلی اللہ علیہ وسلم فرماتے ہیں اللہ تعالیٰ نے فرمایا ہے آپ کی امت مسلسل کہتی رہے گی کہ یہ کیا ہے، یہ کیا ہے حتی کہ وہ کہیں گے یہ اللہ تعالیٰ کی مخلوق ہے جسے اللہ تعالیٰ نے پیدا کیا۔اللہ تعالی کو کس نے پیدا کیا۔ (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢١؛حدیث نمبر٢٥٩)
حضرت انس رضی اللہ عنہ سے مروی ہے۔انہوں نے نبی اکرم صلی اللہ علیہ وسلم سے اس حدیث(حدیث نمبر ٢٥٩)کی طرح رویت کیا البتہ اس میں یہ بات ذکر نہیں کی کہ اللہ تعالیٰ نے فرمایا آپ کی امت(کہے گی)۔ (مسلم شریف کتاب الایمان؛ بَابُ بَيَانِ الْوَسْوَسَةِ فِي الْإِيمَانِ وَمَا يَقُولُهُ مَنْ وَجَدَهَا؛جلد١ص١٢١؛حدیث نمبر٢٦٠)
حضرت ابوامامہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا جو شخص جھوٹی قسم کے ذریعے کسی مسلمان کے حق پر قبضہ کرے اس کے لئے اللہ تعالیٰ نے آگ لازم کر دی اور جنت حرام کردی۔ایک شخص نے عرض کیا۔اگرچہ تھوڑی سے چیز ہو؟یا رسول اللہ!آپ نے فرمایا اگرچہ پیڑ کی ایک شاخ ہو۔ (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛ترجمہ؛جھوٹی قسم کے ذریعے دوسرے مسلمان کا حق مارنا؛جلد١ص١٢١؛حدیث نمبر ؛٢٦١)
ایک دوسری سند کےساتھ بھی حضرت ابوامامہ رضی اللہ عنہ سے حدیث نمبر ٢٦٢کی مثل مروی ہے (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢٢؛حدیث نمبر ؛٢٦٢)
حضرت عبد اللہ رضی اللہ عنہ نبی اکرم صلی اللہ علیہ وسلم سے روایت کرتےہیں آپ نے فرمایا جس نے کسی مسلمان کا حق مارنے کے لئے جھوٹی قسم کھائی تو وہ اللہ تعالیٰ سے یوں ملاقات کریگا کہ وہ اس پر غضبناک ہوگا۔راوی کہتے ہیں اشعث بن قیس اندر داخل ہوئے اور پوچھا حضرت ابو عبدالرحمن(عبداللہ) تم سے کیا بیان کرتے ہیں حاضرین نے بتایا کہ فلاں فلاں بات ذکر کر رہے ہیں۔انہوں نے فرمایا ابو عبدالرحمن صحيح فرماتے ہیں۔یہ بات میرے بارے میں فرمائی تھی۔میرے اور ایک شخص کے درمیان یمن میں جھگڑا تھا۔میں اپنا مقدمہ بارگاہ نبوی میں لے گیا تو آپ نے فرمایا تمہارے پاس گواہ ہے۔میں نے عرض کیا نہیں ہے۔آپ نے فرمایا پھر وہ شخص قسم اٹھائے گا میں نے عرض کیا وہ جھوٹی قسم اٹھالے گا تو اس وقت نبی اکرم صلی اللہ علیہ وسلم نے مجھ سے فرمایا جو شخص جھوٹی قسم کھائے تاکہ کسی مسلمان کے مال پر قبضہ کرے وہ اللہ تعالیٰ سے اس طرح ملاقات کرے گا کہ اللہ تعالیٰ اس پر ناراض ہوگا اس پر یہ آیت کریمہ نازل ہوئی۔ {إِنَّ الَّذِينَ يَشْتَرُونَ بِعَهْدِ اللهِ وَأَيْمَانِهِمْ ثَمَنًا قَلِيلًا}[آل عمران: ٧٧]إِلَى آخِرِ الْآيَةِ؛"بےشک وہ لوگ جو اللہ تعالیٰ کے عہد اور اپنی قسم کے بدلے تھوڑی قیمت(دینا) لیتے ہیں(وہ اپنے پیٹوں میں آگ ڈالتے ہیں) (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢٢؛حدیث نمبر ؛٢٦٣)
حضرت عبد اللہ رضی اللہ عنہ سے مروی ہے فرماتے ہیں جو شخص مال حاصل کرنے کے لیے قسم کھاے اور وہ اس میں جھوٹا ہو تو وہ اللہ تعالیٰ سے یوں ملاقات کرےگا کہ اللہ تعالیٰ اس پر ناراض ہوگا۔پھر حدیث نمبر ٢٦٣کی طرح ذکر کیا البتہ انہوں نے یوں فرمایا کہ میرے اور ایک دوسرے شخص کے درمیان ایک کنویں کے بارے میں جھگڑا تھا تو ہم دونوں نے نبی کریم صلی اللہ علیہ وسلم کی خدمت میں مقدمہ پیش کیا تو آپ نے فرمایا تم دو گواہ پیش کرو یا وہ قسم کھاے۔ (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢٣؛حدیث نمبر ؛٢٦٤)
حضرت عبد اللہ بن مسعود رضی اللہ عنہ فرماتے ہیں میں نے نبی اکرم صلی اللہ علیہ وسلم سے سنا۔آپ فرماتے تھے جو شخص کسی مسلمان کا مال ناحق طورپرحاصل کرنے کے لیے(جھوٹی)قسم کھاے تو وہ اللہ تعالیٰ سے اس طرح ملاقات کریگا کہ اللہ تعالیٰ اس پر ناراض ہوگا۔حضرت عبد اللہ بن مسعود رضی اللہ عنہ فرماتے ہیں پھر نبی اکرم صلی اللہ علیہ وسلم نے ہمارے سامنے اس کے مطابق قرآن مجید کی آیت کریمہ تلاوت فرمائی۔(آیت یہ ہے) {إِنَّ الَّذِينَ يَشْتَرُونَ بِعَهْدِ اللهِ وَأَيْمَانِهِمْ ثَمَنًا قَلِيلًا} [آل عمران: ٧٧] إِلَى آخِرِ الْآيَة؛(ترجمہ حدیث نمبر ٢٦٣میں گزر چکا ہے) (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢٣؛حدیث نمبر ؛٢٦٥)
حضرت علقمہ بن وائل اپنے والد(رضی اللہ عنہما)سے روایت کرتے کہ ایک شخص حضرموت(شہر)سے اور دوسرا کندہ سے نبی اکرم صلی اللہ علیہ وسلم کی خدمت میں حاضر ہوا۔حضرمی نے کہا یا رسول اللہ!اس شخص نے جو میرے باپ کی زمیں پر قبضہ کر لیا۔کندی نے کہا یہ میری زمین ہے۔میرے قبضے میں ہے۔اور میں اس میں کھیتی باڑی کرتا ہوں۔اس میں اس شخص کا کوئی حق نہیں ہے۔نبی اکرم صلی اللہ علیہ وسلم نے حضرمی سے پوچھا تو گواہی پیش کر سکتا ہے۔عرض کیانہیں۔آپ نے فرمایا پھر تمہیں اس کی قسم پر اعتماد کرنا ہوگا۔اس نے عرض کیا یا رسول!یہ فاجر شخص ہے۔اسے کوئی پرواہ نہیں کہ یہ کس بات پر قسم اٹھا رہا ہے اور یہ کسی بات سے اجتناب نہیں کرتا ۔آپ نے فرمایا تیرے لیے یہی ہے وہ(دوسرا شخص)قسم اٹھانے لگا اور اس نے پیٹھ پھیری تو حضور صلی اللہ علیہ وسلم نے فرمایا اگر اس نے اس لئے قسم کھائی کہ بطور ظلم یہ مال کھاے تو وہ اللہ سے اس طرح ملاقات کریگا کہ وہ اس پر ناراض ہوگا۔ (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢٣؛حدیث نمبر؛٢٦٦)
حضرت وائل بن حجر رضی اللہ عنہ سے مروی ہے۔فرماتے ہیں میں نبی اکرم صلی اللہ علیہ وسلم کی خدمت میں حاضر تھا کہ آپ کے پاس دو آدمی آے جو ایک زمین کے سلسلے میں جھگڑ رہے تھے۔ان میں سے ایک نے عرض کیا۔یا رسول اللہ!اس نے دور جاہلیت میں میری زمین پر قبضہ کیا اور وہ امرؤاالقیس بن عابس الکندی تھا اور اس کے مدمقابل ربیعہ بن عبدان تھا۔نبی اکرم صلی اللہ علیہ وسلم نے فرمایا تمہارے پاس گواہ ہیں؟اس نے عرض کیا۔میرا کوئی گواہ نہیں۔آپ نے فرمایا پھر اس کو قسم دی جائے گی۔اس نے کہا اس طرح تو وہ زمین کو لے جائیگا۔آپ نے فرمایا تمہارے لئے صرف یہی ہے۔راوی فرماتے ہیں جب وہ شخص قسم اٹھانے کے لئے کھڑا ہوا تو نبی اکرم صلی اللہ علیہ وسلم نے فرمایا جس شخص نے زیادتی کرتے ہوئے کسی کی زمین پر قبضہ کیا تو وہ اللہ تعالیٰ سے اس حالت میں ملاقات کریگا کہ اللہ تعالیٰ اس پر غضبناک ہوگا۔اسحاق کی روایت میں ربیعہ بن عبدان نام منقول ہے۔ (مسلم شریف کتاب الایمان؛بَابُ وَعِيدِ مَنِ اقْتَطَعَ حَقَّ مُسْلِمٍ بِيَمِينٍ فَاجِرَةٍ بِالنَّارِ؛جلد١ص١٢۴:حدیث نمبر ؛٢٦٧)
حضرت ابوہریرہ رضی اللہ عنہ سے مروی ہے کہ ایک شخص نبی اکرم صلی اللہ علیہ وسلم کی خدمت میں حاضر ہوا تو اس نے عرض کیا یا رسول!آپ صلی اللہ علیہ وسلم کا کیا خیال ہے اگر کوئی شخص میرا مال لینے کی غرض سے آے(تو میں کیا کروں؟)آپ نے فرمایا،تم اس سے لڑو اس نے عرض کیا۔اگر وہ قتل کر دے تو؟آپ صلی اللہ علیہ وسلم نے فرمایا تم شہید ہوگے۔اس نے عرض کیا اگر میں اسے قتل کروں تو؟ فرمایا وہ جہنم میں جائیگا۔(امام نووی فرماتے ہیں اس حدیث سے ثابت ہوا کہ کسی کا مال ناحق طور پرلینے والے کا قتل جائز ہے کیونکہ اس سلسلے میں متعدد روایات آئی ہیں اور جمہور علماء کا یہی موقف ہے) (مسلم شریف کتاب الایمان؛بَابُ الدَّلِيلِ عَلَى أَنَّ مَنْ قَصَدَ أَخْذَ مَالِ غَيْرِهِ بِغَيْرِ حَقٍّ، كَانَ الْقَاصِدُ مُهْدَرَ الدَّمِ فِي حَقِّهِ، وَإِنْ قُتِلَ كَانَ فِي النَّارِ،وَأَنَّ مَنْ قُتِلَ دُونَ مَالِهِ فَهُوَ شَهِيدٌ؛ترجمہ؛ناحق چھیننے والے کا خون رائیگاں ہے اور اگر وہ اس لڑائی کے دوران قتل ہوجائے تو جہنمی ہے اور جو مال کی حفاظت میں قتل ہوجائے تو وہ شہید ہے۔جلد١ص١٢٤؛حدیث نمبر٢٦٨)
حضرت سلیمان بن احول فرماتے ہیں کہ حضرت عمر بن عبدالرحمن کے غلام ثابت نے ان کو بتایا کہ جب حضرت عبد اللہ بن عمرو اور عنبسہ بن ابوسفیان کے درمیان جھگڑا ہوا اور وہ لڑائی کے لئے تیارہوےتو حضرت خالد بن عاص سوار ہو کر حضرت عبد اللہ بن عمرو کے پاس گئے اور ان کو وعظ ونصیحت کرنے لگے تو حضرت عبداللہ بن عمرو نے فرمایا کیا آپ نہیں جانتے کہ نبی اکرم صلی اللہ علیہ وسلم نے فرمایا جوشخص اپنے مال کی حفاظت میں قتل ہوجائے وہ شہید ہے_ (مسلم شریف کتاب الایمان؛بَابُ الدَّلِيلِ عَلَى أَنَّ مَنْ قَصَدَ أَخْذَ مَالِ غَيْرِهِ بِغَيْرِ حَقٍّ، كَانَ الْقَاصِدُ مُهْدَرَ الدَّمِ فِي حَقِّهِ، وَإِنْ قُتِلَ كَانَ فِي النَّارِ،وَأَنَّ مَنْ قُتِلَ دُونَ مَالِهِ فَهُوَ شَهِيدٌ؛جلد١ص١٢٤؛حدیث نمبر٢٦٩)
ایک دوسری سند کے ساتھ بھی حدیث نمبر ٢٦٩کی طرح مروی ہے ۔(مسلم شریف کتاب الایمان؛بَابُ الدَّلِيلِ عَلَى أَنَّ مَنْ قَصَدَ أَخْذَ مَالِ غَيْرِهِ بِغَيْرِ حَقٍّ، كَانَ الْقَاصِدُ مُهْدَرَ الدَّمِ فِي حَقِّهِ، وَإِنْ قُتِلَ كَانَ فِي النَّارِ، وَأَنَّ مَنْ قُتِلَ دُونَ مَالِهِ فَهُوَ شَهِيدٌ؛جلد١ص١٢٤؛حدیث نمبر٢٧٠)
حضرت حسن کہتے ہیں کہ عبید اللہ بن زیاد(حاکم وقت)،سیدنا معقل بن یسار رضی اللہ عنہ کی اس بیماری میں جس میں ان کا انتقال ہوا،عیادت کرنے آیا،تو سیدنا معقل رضی اللہ عنہ نے کہا کہ میں تجھ سے ایک حدیث بیان کرتا ہوں جو کہ میں نے رسول اللہ صلی اللہ علیہ وسلم سے سنی ہے اور اگر میں جانتا کہ میں ابھی زندہ رہوں گا،تو تجھ سے بیان نہ کرتا۔میں نے رسول اللہ صلی اللہ علیہ وسلم سے سنا آپ صلی اللہ علیہ وسلم فرماتے تھے کہ جس بندے کو اللہ تعالیٰ نے کسی رعیت(ماتحت باشندوں)کا حاکم بنادیا ہو اور وہ اس حال میں مرجائے کہ اس نے ان کے معاملہ میں خیانت کی ہو تو اللہ تعالیٰ اس پر جنت کو حرام کردے گا۔ (مسلم شریف کتاب الایمان؛بَابُ اسْتِحْقَاقِ الْوَالِي الْغَاشِّ لِرَعِيَّتِهِ النَّارَ؛ترجمہ؛رعایا کے ساتھ خیانت کرنے والے حاکم کے لیے جہنم کی وعید؛جلد١ص١٢٥؛حدیث نمبر؛٢٧١)
ایک دوسری سند کے ساتھ بھی مروی ہے کہ عبیداللہ بن زیاد حضرت معقل بن یسار رضی اللہ عنہ کی خدمت میں حاضر ہوا اور وہ تکلیف میں مبتلا تھے۔اس نے سوال کیا تو آپ نے فرمایا میں تم سے ایک حدیث بیان کرتا ہوں جو اس سے پہلے میں نے تم سے بیان نہ کی نبی اکرم صلی اللہ علیہ وسلم نے فرمایا کہ اللہ تعالیٰ جس شخص کو کسی رعایا کا نگراں بناتا ہے اور پھر وہ اس رعایا سے خیانت کرتےہوئے مر جائے تو اللہ تعالیٰ اس پر جنت کو حرام کر دیتا ہے۔عبیداللہ نے کہا آپ نے اس سے پہلے مجھ سے یہ حدیث کیوں بیان نہیں کی۔آپ نے کہا میں تم سے بیان نہیں کرنا چاہتا تھا۔ (مسلم شریف کتاب الایمان؛بَابُ اسْتِحْقَاقِ الْوَالِي الْغَاشِّ لِرَعِيَّتِهِ النَّارَ؛جلد١ص١٢٥؛حدیث نمبر؛٢٧٢)
حضرت حسن فرماتے ہیں ہم حضرت معقل بن یسار کے پاس تھے کہ عبیداللہ بن زیاد حاضر ہوا۔حضرت معقل رضی اللہ عنہ نے فرمایا میں تم سے ایک حدیث بیان کرتا ہوں جو میں نے نبی اکرم صلی اللہ علیہ وسلم سے سنی ہے۔پھر گزشتہ دو حدیثوں کی مثل ذکر کی۔ (مسلم شریف کتاب الایمان؛بَابُ اسْتِحْقَاقِ الْوَالِي الْغَاشِّ لِرَعِيَّتِهِ النَّارَ؛جلد١ص١٢٦؛حدیث نمبر؛٢٧٣)
ایک اور سند کے ساتھ روایت کیا کہ عبیداللہ بن زیاد نے حضرت معقل بن یسار رضی اللہ عنہ کی بیماری کے دوران ان کی عیادت کی تو حضرت معقل رضی اللہ عنہ نے فرمایا میں تم سے ایک حدیث بیان کرتا ہوں۔اگر میں مرض الموت میں نہ ہوتا تو تم سے یہ حدیث بیان نہ کرتا میں نے نبی اکرم صلی اللہ علیہ وسلم سے سنا آپ نے فرمایا جو شخص مسلمانوں کے کسی معاملے کا امیر بنے پھر ان کے لئے کوشش نہ کرے اور انکی خیرخواہی نہ کرے تو وہ ان کے ساتھ جنت میں نہیں جائے گا۔ (مسلم شریف کتاب الایمان؛بَابُ اسْتِحْقَاقِ الْوَالِي الْغَاشِّ لِرَعِيَّتِهِ النَّارَ؛جلد١ص١٢٦؛حدیث نمبر؛٢٧٤)
حضرت حذیفہ رضی اللہ عنہ فرماتے ہیں نبی اکرم صلی اللہ علیہ وسلم نے ہم سے دو باتیں بیان فرمائیں۔میں نے ان میں سے ایک کو دیکھ لیا ہے اور دوسری کا منتظر ہوں۔آپ نے فرمایا کہ امانت لوگوں کے دلوں کی گہرائی میں اتری پھر قرآن مجید نازل ہوا تو انہوں نے قرآن مجید سے سیکھااور سنت سے سیکھا۔پھر ہم سے امانت اٹھ جانے کا ذکر فرمایا۔آپ نے فرمایا ایک شخص سوئے گا تو اسکے دل سے امانت نکال لی جائے گی اور پھیکے رنگ کی طرح اسکا اثر باقی رہے گا۔پھر وہ سوجائے گا توامانت اس کے دل سے نکال لی جائے گی تو اسکا اثر چھالے کی طرح ہوگا۔جیسے تمہارے پاؤں کے نیچے انگارے سے چھالا پڑ جائے وہ اٹھا ہوا ہوتا ہے اور اندر سے خالی ہوتا ہے۔پھ آپ ایک کنکری لے کر اسکو اپنے پاؤ پر لڑکایا(اور فرمایا)پس لوگ خرید وفروخت کریں گے۔کوئی امانت دار نہیں ہوگا حتیٰ کہ کہا جائے گا فلاں قبیلے میں ایک شخص امانت دار ہے اور یہ کہ فلاں شخص کتنا بیدار مغز، خوش طبع اور عقلمند ہے حالانکہ اس کے دل میں رائے کے دانہ کے برابر بھی ایمان نہیں ہوگا۔سیدنا حذیفہ رضی اللہ عنہ نے کہا کہ میرے اوپر ایک دور گزر چکا ہے جب میں بغیر کسی ڈر کے ہر ایک سے معاملہ(یعنی لین دین)کرتا تھا،اس لئے کہ اگر وہ مسلمان ہوتا تو اس کا دین اس کو بے ایمانی سے باز رکھتا اور جو نصرانی یا یہودی ہوتا تو حاکم اس کو بے ایمانی سے باز رکھتا تھا لیکن آج کے دن تو میں تم لوگوں سے کبھی معاملہ نہ کروں گا،البتہ فلاں اور فلاں شخص سے(معاملہ)کروں گا۔ (مسلم شریف کتاب الایمان بَابُ رَفْعِ الْأَمَانَةِ وَالْإِيمَانِ مِنْ بَعْضِ الْقُلُوبِ،وَعَرْضِ الْفِتَنِ عَلَى الْقُلُوبِ؛ترجمہ؛بعض دلوں سے امانت اور ایمان کے اٹھ جانے کا ،اور دلوں پر فتنوں کے آنے کا بیان؛جلد١ص١٢٦؛حدیث نمبر٢٧٥)
ایک اور سند کے ساتھ بھی حدیث نمبر ٢٧٥کی مثل مروی ہے (مسلم شریف کتاب الایمان؛ بَابُ رَفْعِ الْأَمَانَةِ وَالْإِيمَانِ مِنْ بَعْضِ الْقُلُوبِ،وَعَرْضِ الْفِتَنِ عَلَى الْقُلُوبِ؛جلد١ص١٢٦؛حدیث نمبر٢٧٦)
حضرت حذیفہ رضی اللہ عنہ کہتے ہیں کہ ہم سیدنا عمررضی اللہ عنہ کے نزدیک بیٹھے ہوئے تھے کہ انہوں نے کہا:تم میں سے کس نے رسول اللہ صلی اللہ علیہ وسلم کو فتنوں کا ذکر کرتے ہوئے سنا ہے؟بعض لوگوں نے کہا کہ ہاں! ہم نے سنا ہے۔سیدنا عمر رضی اللہ عنہ نے کہا کہ شاید تم فتنوں سے وہ فتنے سمجھے ہو جو آدمی کو اس کے گھر بار اور مال اور ہمسائے میں ہوتے ہیں؟انہوں نے کہا کہ ہاں۔سیدنا عمر رضی اللہ عنہ نے کہا کہ ان فتنوں کا کفارہ تو نماز،روزےاور زکوٰۃ سے ہو جاتا ہے،لیکن تم میں سے ان فتنوں کے بارے میں رسول اللہ صلی اللہ علیہ وسلم سے کس نے سنا ہے جو دریا کی موجوں کی طرح امنڈ کر آئیں گے؟ سیدنا حذیفہ رضی اللہُ عنہ نے کہا کہ لوگ خاموش ہو گئے میں نے کہا کہ میں نے سنا ہے۔سیدنا عمر رضی اللہُ عنہ نے کہا کہ تو نے سنا ہے تیرا باپ بہت اچھا تھا۔(یہ ایک دعائیہ کلمہ ہے جو عرب لوگ استعمال کرتے ہیں)سیدنا حذیفہ رضی اللہ عنہ نے کہا کہ میں نے رسول اللہ صلی اللہ علیہ وسلم سے سنا ہے،آپ صلی اللہ علیہ وسلم فرماتے تھے کہ فتنے دلوں پر ایک کے بعد ایک،ایک کے بعد ایک ایسے آئیں گے جیسےچٹائی کی تیلیاں ایک کے بعد ایک ہوتی ہیں۔پھر جس دل میں فتنہ رچ جائے گا،اس میں ایک کالا داغ پیدا ہو گا اور جو دل اس کو نہ مانے گا تو اس میں ایک سفید نورانی دھبہ ہو گا،یہاں تک کہ اسی طرح کالے اور سفید دھبے ہوتے ہوتے دو قسم کے دل ہو جائیں گے۔ایک تو خالص سفید دل چکنے پتھر کی طرح کہ آسمان و زمین کے قائم رہنے تک اُسے کوئی فتنہ نقصان نہ پہنچائے گا۔دوسرا سیاہ ہوگا جو اوندھے لوٹے کی طرح ہوگا۔نہ نیکی کی معرفت (اورعمل)اور نہ برائی کا انکار ہوگا بس اپنی خواہش پر عمل پیرا ہوگا۔سیدنا حذیفہ رضی اللہ عنہ نے کہا کہ پھر میں نے سیدنا عمر رضی اللہ عنہ سے حدیث بیان کی کہ تمہارے اور اس فتنے کے درمیان میں ایک بند دروازہ ہے،مگر نزدیک ہے کہ وہ ٹوٹ جائےگا۔سیدنا عمررضی اللہ عنہ نے کہا کہ تیرا باپ نہ ہو(یہ بھی ایک کلمہ ہے جسے عرب عام طور پر کسی کام پر متنبہ کرنے یا مستعد کرنے کو کہتے ہیں)،کیا وہ ٹوٹ جائے گا؟اگر کھولا جاتا تو شاید دوبارہ لوٹ آتا۔ میں نے کہا کہ نہیں بلکہ وہ توڑ دیا جائے گا اور میں نے ان سے بیان کیا کہ یہ دروازہ ایک شخص ہے جسے شہید کر دیا جائے گا یا فوت ہوجائے گا۔یہ ایک صاف بات ہے کوئی مغالطہ نہیں ہے(اس دروازے سے مرادحضرت عمر فاروق رضی اللہ عنہ کی ذات تھی اور حضرت حذیفہ نے انکی شہادت کی طرف اشارہ کیا اور فتنوں سے مراد وہ فتنے ہیں جو حضرت عثمان غنی رضی اللہ عنہ کے دور خلافت کے آخر میں پیدا ہوئے)۔ابو خالد نے کہا کہ میں نے سعد سے پوچھا کہ ”اَسْوَدُ مُرْباَدّ“سے کیا مراد ہے؟انہوں نے کہا کہ سیاہی میں سفیدی کی شدت۔ میں نے کہا کہ”الْكُوزُ مُجَخِّيًا"؟سے کیا مراد ہے؟انہوں نے کہا کہ الٹاکیا ہوا کوزہ۔ (مسلم شریف کتاب الایمان؛بَابُ بَيَانِ أَنَّ الْإِسْلَامِ بَدَأَ غَرِيبًا وَسَيَعُودُ غَرِيبًا، وَأَنَّهُ يَأْرِزُ بَيْنَ الْمَسْجِدَيْنِ؛اسلام کی ابتدا اور انتہا غرباء ہیں اور اسلام دو مسجدوں میں سمٹ جائے گا؛جلد١ص١٢٨؛حدیث نمبر؛٢٧٧)
حضرت ربعی فرماتے ہیں جب حضرت حذیفہ رضی اللہ عنہ حضرت عمر فاروق رضی اللہ عنہ کے پاس سے تشریف لائے تو ہمارے پاس بیٹھے اور بیان کرنے لگے۔انہوں نے فرمایا کل جب میں امیرالمومنین کے پاس بیٹھاتو انہوں نے اپنے احباب سے پوچھا کہ تم میں سے کس کو فتنوں کے بارے میں نبی اکرم صلی اللہ علیہ وسلم کا قول یاد ہے۔اس کے بعد حدیث نمبر ٢٧٧کی طرح ذکر کیا۔ (مسلم شریف کتاب الایمان؛بَابُ بَيَانِ أَنَّ الْإِسْلَامِ بَدَأَ غَرِيبًا وَسَيَعُودُ غَرِيبًا، وَأَنَّهُ يَأْرِزُ بَيْنَ الْمَسْجِدَيْنِ؛جلد١ص؛١٣٠؛حدیث نمبر ٢٧٨)
ایک دوسری سند کے ساتھ حضرت حذیفہ رضی اللہ عنہ سے مروی ہے۔فرماتے ہیں حضرت عمر فاروق رضی اللہ عنہ نے فرمایا ہم میں سے کون بیان کریگا یا فرمایا تم میں سے کون ہم سے بیان کریگا۔جو کچھ نبی اکرم صلی اللہ علیہ وسلم نے فتنوں کے بارے میں فرمایا۔حضرت حذیفہ نے عرض کیا میں بیان کروں گا پھر حدیث نمبر٢٧٧کی مثل بیان کیا۔ (مسلم شریف کتاب الایمان؛ بَابُ بَيَانِ أَنَّ الْإِسْلَامِ بَدَأَ غَرِيبًا وَسَيَعُودُ غَرِيبًا، وَأَنَّهُ يَأْرِزُ بَيْنَ الْمَسْجِدَيْنِ؛جلد١ص١٣٠؛حدیث نمبر٢٧٩)
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا اسلام کی ابتداء حالت غربت میں ہوئی اور عنقریب وہ غربت کی طرف لوٹے گا اور غرباء کے لیے مبارک باد ہے ۔(مسلم شریف کتاب الایمان؛باب بدأ الإسلام غريبًا؛اسلام کی ابتداء غرباء ہیں؛جلد١ص١٣٠؛حدیث نمبر٢٨٠)
حضرت ابن عمر رضی اللہ عنہ سے مروی ہےوہ نبی اکرم صلی اللہ علیہ وسلم سے روایت کرتےہیں۔آپ نے فرمایا بے شک اسلام کی ابتداء غربت ہے اور عنقریب یہ غربت کی طرف لوٹ جائے گااور یہ دو مسجدوں(مسجد حرام اور مسجد نبوی)کی طرف سکڑ جائے گا جس طرح سانپ اپنے بل میں سکڑکر گھس جاتا ہے ۔(مسلم شریف کتاب الایمان؛باب بدأ الإسلام غريبًا؛جلد١ص١٣١؛حدیث نمبر٢٨١)
حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا ایمان مدینہ طیبہ کی طرف سمٹ جائے گا جس طرح سانپ اپنے بل کی طرف سمٹ جاتا ہے ۔(مسلم شریف کتاب الایمان؛باب بدأ الإسلام غريبًا؛جلد١ص١٣١؛حدیث نمبر٢٨٢)
حضرت انس رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا قیامت اس وقت تک قائم نہیں ہوگی۔جب تک زمین میں کوئی اللہ اللہ کرنے والا ہے۔ (مسلم شریف کتاب الایمان؛ بَابُ ذَهَابِ الْإِيمَانِ آخَرِ الزَّمَانِ؛ترجمہ؛آخری زمانے میں ایمان کا اختتام؛جلد١ص١٣١؛حدیث نمبر٢٨٣)
حضرت انس رضی اللہ عنہ سے ہی مروی ہے فرماتے ہیں کسی ایک پر قیامت نہیں ہوگی جو اللہ اللہ پکارتا ہے۔ (مسلم شریف کتاب الایمان؛ بَابُ ذَهَابِ الْإِيمَانِ آخَرِ الزَّمَانِ؛جلد١ص١٣١؛حدیث نمبر٢٨٤)
حضرت حذیفہ رضی اللہ عنہ سے مروی ہیں فرماتے ہیں ہم رسول اکرم صلی اللہ علیہ وسلم کے ساتھ تھے تو آپ نے فرمایا شمار کر کس قدر لوگ مسلمان ہو چکے ہیں۔حضرت حذیفہ فرماتے ہیں۔ہم نےعرض کیا یا رسول اللہ!کیا آپ کو ہمارے بارے میں ڈر ہے؟اور ہم چھ سو سے سات سو تک ہیں۔آپ نے فرمایا تم نہیں جانتے شاید تمہاری آزمائش ہو۔فرماتے ہیں پھر ہم آزمائش میں ڈالے گئے حتیٰ کہ ہم میں سے بعض چھپ چھپ کر نماز پڑھتے تھے۔ (مسلم شریف کتاب الایمان؛- بَابُ الِاسْتِسْرَارِ لِلْخَائِفِ؛ترجمہ؛اپنا ایمان چھپانا؛جلد١ص١٣١؛حدیث نمبر٢٨٥)
حضرت عامر بن سعد رضی اللہ عنہ اپنے والد سے روایت کرتے ہیں۔وہ فرماتے ہیں رسول اکرم صلی اللہ علیہ وسلم نے مال تقسیم فرمایا تو میں نے عرض کیا یا رسول اللہ!فلاں کو بھی عطاء کیجئے۔وہ مومن ہے۔نبی کریم صلی اللہ علیہ وسلم نے فرمایا کیا وہ مسلمان ہے میں نے تین بار اپنی بات دہرائی اور ہر بار حضور صلی اللہ علیہ وسلم نے وہی جواب دیا"کیا وہ مسلمان ہے"پھر فرمایا میں ایک شخص کو دیتا ہوں حالانکہ اسکے علاوہ مجھے زیادہ پسند ہوتے ہیں لیکن مجھے ڈر ہوتا ہے کہ کہیں اللہ تعالیٰ اسے جہنم میں اوندہانہ ڈال دے ۔(مسلم شریف کتاب الایمان؛بَابُ تَأَلُّفِ قَلْبِ مَنْ يَخَافُ عَلَى إِيمَانِهِ لِضَعْفِهِ، وَالنَّهْيِ عَنِ الْقَطْعِ بِالْإِيمَانِ مِنْ غَيْرِ دَلِيلٍ قَاطِعٍ؛ترجمہ؛کمزور ایمان والوں کی تالیف قلوب؛جلد١ص١٣٢؛حدیث نمبر٢٨٦)
ایک دوسری سند کےساتھ بھی حضرت سعد ابن ابی وقاص رضی اللہ عنہ سے مروی ہے کہ نبی اکرم صلی اللہ علیہ وسلم نے ایک قبیلے کو کچھ عطا کیا اور حضرت سعد رضی اللہ عنہ ان میں تشریف فرما تھے۔وہ فرماتے ہیں رسول اکرم صلی اللہ علیہ وسلم نے ان میں سے ایک شخص کو چھوڑ دیا اور اسے مال نہ دیا حالانکہ مجھے دوسروں کی نسبت وہ زیادہ پسند تھا۔میں نے عرض کیا یا رسول اللہ!آپ نے فلاں کو کیوں نہیں عطاء کیا فرمایا اللہ کی قسم میں اسے مؤمن خیال کرتا ہوں۔نبی اکرم صلی اللہ علیہ وسلم نے فرمایا"یا وہ مسلمان ہے"فرماتے ہیں میں کچھ دیر خاموش رہا۔پھر اس کے بارے میں میرا علم غالب آگیا مجھ پر تو میں نے عرض کیا یا رسول اللہ!کیا وجہ ہے آپ فلاں کو عطاء نہیں فرماتے۔میں جانتا ہوں کہ وہ مومن ہے رسول اکرم صلی اللہ علیہ وسلم نے فرمایا"یاوہ مسلمان ہے"فرماتے ہیں پھر میں کچھ دیر خاموش رہا۔اس کے بعد پھر اس کے بارے میں میرا علم مجھ پر(غالب)آگیا تو میں نے عرض کیا یا رسول اللہ صلی اللہ علیہ وسلم !کیا وجہ ہے آپ فلاں کو عطاء نہیں فرماتے ہیں اللہ کی قسم!میرے خیال میں وہ مومن ہے۔آپ نے فرمایا"یا وہ مسلمان ہے"(اور فرمایا)میں ایک شخص کو دیتا ہوں حالانکہ اس کے علاوہ مجھے اس کی نسبت زیادہ پسند ہوتے ہیں لیکن مجھے ڈر ہے کہ کہیں اسے جہنم میں اوندہاڈال نہ دیا جائے ۔(مسلم شریف کتاب الایمان؛بَابُ تَأَلُّفِ قَلْبِ مَنْ يَخَافُ عَلَى إِيمَانِهِ لِضَعْفِهِ، وَالنَّهْيِ عَنِ الْقَطْعِ بِالْإِيمَانِ مِنْ غَيْرِ دَلِيلٍ قَاطِعٍ؛جلد١ص١٣٢؛حدیث نمبر٢٨٧)
حضرت سعد رضی اللہ عنہ سے ہی مروی ہے فرماتے ہیں رسول اکرم صلی اللہ علیہ وسلم نے ایک گروہ کو عطاء فرمایا اور میں ان کے درمیان بیٹھا ہوا تھا۔پھر حدیث نمبر ٢٨٧کی مثل روایت کیا۔البتہ اس میں یہ اضافہ ہے کہ میں اٹھ کر رسول اکرم صلی اللہ علیہ وسلم کی خدمت میں حاضر ہوا اور آپ سے سر گوشی کرتے ہوئے عرض کیا یا رسول اللہ! کیا وجہ ہے آپ فلاں شخص کو عطاء نہیں فرماتے ۔(مسلم شریف کتاب الایما؛بَابُ تَأَلُّفِ قَلْبِ مَنْ يَخَافُ عَلَى إِيمَانِهِ لِضَعْفِهِ، وَالنَّهْيِ عَنِ الْقَطْعِ بِالْإِيمَانِ مِنْ غَيْرِ دَلِيلٍ قَاطِعٍ؛جلد١ص١٣٣؛حدیث نمبر٢٨٨)
ایک اور سند کے ساتھ حضرت محمد بن سعد اس حدیث کو روایت کرتے ہیں کہ انہوں نے(حضرت سعد رضی اللہ عنہ)سے فرمایا نبی اکرم صلی اللہ علیہ وسلم نے اپنا دست مبارک میری گردن اور کندھے کے درمیان مار کر پھر ارشاد فرمایا۔اے سعد!کیوں بحث کر رہے ہو۔پھر آپ نے فرمایا میں ایک شخص کو دیتا ہوں(آخر تک جیسے حدیث نمبر٢٨٧میں گزرا ۔(مسلم شریف کتاب الایمان؛بَابُ تَأَلُّفِ قَلْبِ مَنْ يَخَافُ عَلَى إِيمَانِهِ لِضَعْفِهِ، وَالنَّهْيِ عَنِ الْقَطْعِ بِالْإِيمَانِ مِنْ غَيْرِ دَلِيلٍ قَاطِعٍ؛جلد١ص١٣٣؛حدیث نمبر ٢٨٩)
حضرت ابوہریرہ رضی اللہ عنہ سے مروی ہےحضور نبی اکرم صلی اللہ علیہ وسلم نے فرمایا ہم حضرت ابراہیم علیہ السلام کے مقابلےمیں شک کا زیادہ حق رکھتے ہیں۔جب انہوں نے کہا {رَبِّ أَرِنِي كَيْفَ تُحْيِي الْمَوْتَى قَالَ:أَوَلَمْ تُؤْمِنْ قَالَ بَلَى وَلَكِنْ لِيَطْمَئِنَّ قَلْبِي} [البقرة: ٢٦٠] "،اے میرے رب!مجھے دکھا تو مردوں کو کیسے زندہ کرتا ہے۔فرمایا کیا تمہارا ایمان نہیں؟عرض کیا ہاں کیوں نہیں(لیکن اس لئے سوال کیا)تاکہ دل مطمئن ہو جائے اور اللہ تعالیٰ حضرت لوط علیہ السلام پر رحم فرمائے وہ مضبوط ستون کی پناہ حاصل کرتے تھے اور اگر میں یوسف علیہ السلام کی طرح قید خانے میں طویل رہتا تو بلانے والے کی پکار کا جواب دیتا۔(امام نووی فرماتے ہیں اس کا مطلب یہ ہے کہ جس چیز کو تم شک سمجھتے ہو یہ شک نہیں بلکہ یہ مزید یقین کے حصول کے لیے سوال ہے۔اسی طرح حضرت یوسف علیہ السلام اور حضرت لوط علیہ السلام نے جو کچھ کہا یہ بھی ایمان کی مضبوطی کا سبب ہے۔ (مسلم شریف کتاب الایمان؛بَابُ تَأَلُّفِ قَلْبِ مَنْ يَخَافُ عَلَى إِيمَانِهِ لِضَعْفِهِ، وَالنَّهْيِ عَنِ الْقَطْعِ بِالْإِيمَانِ مِنْ غَيْرِ دَلِيلٍ قَاطِعٍ؛جلد١ص١٣٣؛حدیث نمبر ٢٩٠)
ایک دوسری سند کے ساتھ بھی حضرت ابوہریرہ رضی اللہ عنہ سے مروی ہے وہ نبی اکرم صلی اللہ علیہ وسلم سےحدیث نمبر ٢٩٠کی مثل روایت کرتے ہیں لیکن حضرت مالک کی روایت میں"ولکن ليطمئن قلبی"آیت کو آگے تک بڑھایا ہے ۔(مسلم شریف کتاب الایمان؛بَابُ زِيَادَةِ طُمَأْنِينَةِ الْقَلْبِ بِتَظَاهُرِ الْأَدِلَّةِ؛جلد١ص١٣٣؛حدیث نمبر؛٢٩١)
ایک دوسری سند کے ساتھ بھی یہ حدیث مروی ہے اور اس طرح آیت کو آگے بڑھانے کا ذکر ہے۔ (مسلم شریف کتاب الایمان؛بَابُ زِيَادَةِ طُمَأْنِينَةِ الْقَلْبِ بِتَظَاهُرِ الْأَدِلَّةِ؛جلد١ص١٣٣؛حدیث نمبر٢٩٢)
حضرت ابوہریرہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا اللہ تعالیٰ نے ہر نبی کو اس قدر نشانیاں عطافرمائیں کہ ان پر کوئی شخص ایمان لاسکے اور مجھ پر کتاب وحی کی گئی وہ بھی نشانی(اور معجزہ)ہے اور مجھے امید ہے کہ قیامت کے دن میرے پیچھے آنے والے زیادہ ہوں گے۔ (مسلم شریف کتاب الایمان؛بَابُ وُجُوبِ الْإِيمَانِ بِرِسَالَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ إِلَى جَمِيعِ النَّاسِ،وَنَسْخِ الْمِلَلِ بِمِلَّتِهِ؛ترجمہ؛ہمارے نبی حضرت محمد صلی اللہ علیہ وسلم پر ایمان لانا سب پر واجب ہے؛جلد١ص١٣٤؛حدیث نمبر٢٩٣)
حضرت ابوہریرہ رضی اللہ عنہ سے مروی ہے وہ نبی اکرم صلی اللہ علیہ وسلم سے روایت کرتےہیں۔آپ نے فرمایا اس ذات کی قسم جس کے قبضہ قدرت میں میری جان ہے۔اس امت میں سے کوئی یہودی اور نصرانی میرے بارے میں سنے اور میرے لائے ہوئے دین پر ایمان نہ لائے تو وہ جہنمیوں میں سے ہوگا ۔(مسلم شریف کتاب الایمان؛بَابُ وُجُوبِ الْإِيمَانِ بِرِسَالَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ إِلَى جَمِيعِ النَّاسِ،وَنَسْخِ الْمِلَلِ بِمِلَّتِهِ؛جلد١ص١٣٤؛حدیث نمبر ٢٩٤)
حضرت صالح بن صالح الہمدانی،شعبی سے روایت کرتے ہیں کہتے ہیں کہ میں نے ایک شخص کو دیکھا جو کہ خراسان کا رہنے والا تھا اس نے شعبی سے پوچھا کہ ہمارے ملک کے لوگ کہتے ہیں کہ جو شخص اپنی لونڈی کو آزاد کر کے پھر اس سے نکاح کر لے تو اس کی مثال ایسی ہے جیسے کوئی قربانی کے جانور پر سواری کرے۔حضرت شعبی نے فرمایا کہ مجھ سے ابو بردہ بن ابی موسیٰ نے بیان کیا،انہوں نے اپنے والد سے کہ رسول اللہ صلی اللہ علیہ وسلم نے فرمایا”تین قسم کے آدمیوں کو دوہرا ثواب ملے گا۔ ایک تو وہ شخص جو اہل کتاب میں سے ہو“(یعنی یہودی یا نصرانی)اپنے پیغمبر پر ایمان لایا ہو اور پھر میرا زمانہ پائے اور مجھ پر بھی ایمان لائے،میری پیروی کرے اور مجھے سچا جانے گا تو اس کو دوہرا ثواب ہے۔اور ایک اس غلام کو جو اللہ کا حق ادا کرے اور اپنے مالک کا بھی،اس کو دوہرا ثواب ہے۔اور ایک اس شخص کو جس کے پاس ایک لونڈی ہو، پھر اچھی طرح اس کو کھلائے اور پلائے اس کے بعد اچھی طرح تعلیم و تربیت کرے،پھر اس کو آزاد کر کے اس سے نکاح کر لے تو اس کو بھی دوہرا ثواب ہے۔اس کے بعد حضرت شعبی نے اس خراسانی سے فرمایا کہ یہ حدیث کسی عوض کے بغیر لے جاؤ ورنہ ایک شخص اس حدیث کے لئے مدینہ طیبہ کا سفر کرتا تھا ۔(مسلم شریف کتاب الایمان؛بَابُ وُجُوبِ الْإِيمَانِ بِرِسَالَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ إِلَى جَمِيعِ النَّاسِ، وَنَسْخِ الْمِلَلِ بِمِلَّتِهِ؛جلد١ص١٣٤؛حدیث نمبر٢٩٥)
ایک دوسری سند کے ساتھ بھی حدیث نمبر ٢٩٥کی طرح مروی ہے ۔(مسلم شریف کتاب الایمان؛بَابُ وُجُوبِ الْإِيمَانِ بِرِسَالَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ إِلَى جَمِيعِ النَّاسِ،وَنَسْخِ الْمِلَلِ بِمِلَّتِهِ؛جلد١ص١٣٤؛حدیث نمبر٢٩٦)
حضرت ابوہریرہ رضی اللہ عنہ فرماتے ہیں رسول اکرم صلی اللہ علیہ وسلم نے فرمایا اس ذات کی قسم جس کے قبضۂ قدرت میں میری جان ہے۔عنقریب تم میں حضرت ابن مریم علیہ السلام نازل ہوں گے وہ انصاف کے ساتھ فیصلہ کریں گے۔پس وہ صلیب کو توڑیں گے۔خنزیر کو قتل کریں گے،جزیہ کو معاف کر دیں گے اور اس قدر مال ہوگا کہ اسے قبول کرنے والا کوئی نہیں ہوگا۔ (مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛ ترجمہ؛حضرت عیسٰی علیہ السلام کا نزول اور شریعت مصطفوی پر عمل؛جلد١ص١٣٥؛حدیث نمبر٢٩٧)
اور بھی سندوں کے ساتھ اس کی مثل مروی ہے۔ان میں ابن عیینہ کی روایت میں منصف امام اور عادل حاکم کا ذکر ہے لیکن حضرت یونس کی روایت میں عادل حاکم کا ذکر ہے۔لیکن انہوں نے انصاف کرنے والے امام کا ذکر نہیں کیا جبکہ حضرت صالح کی روایت میں منصف حاکم کا ذکر ہے۔ابن عیینہ کی روایت میں منصف امام اور عادل حکمران کا ذکر ہے اور ان کی حدیث میں یہ اضافہ ہے۔فرماتے ہیں حتی کہ ایک سجدہ دینا اور جو کچھ اس میں ہے، اس سے بہتر ہے۔پھر حضرت ابوہریرہ رضی اللہ عنہ فرماتے ہیں اگر چاہو تو یہ پڑھو"{وَإِنْ مِنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ} [النساء: ١٥٩](آخرتک)" اور تمام اہل کتاب حضرت عیسٰی علیہ السلام کے وصال سے پہلے ان پر ایمان لائیں گے ۔(مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٥؛حدیث نمبر٢٩٨)
حضرت ابوہریرہ رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے فرمایا اللہ کی قسم!حضرت ابن مریم(علیہ السلام)عادل حاکم کے طور پر ضرور اتریں گے۔پس وہ صلیب کو توڑیں گے۔خنزير کو قتل کریں گے اور جزیہ معاف کریں گے۔اونٹوں کو کھلا چھوڑ دیا جائے گا اور ان سے کام نہیں لیا جائے گا۔کینہ،بغض اور حسد ختم ہوجائے گا اور لوگوں کو مال کی طرف بلایا جائیگا لیکن اسے کوئی بھی قبول نہیں کرے گا۔(یہ غیبی خبریں ہیں کیونکہ عقل اور حواس کے ذریعے حاصل نہیں ہوسکتیں اور حضور صلی اللہ علیہ وسلم کا یہ غیبی خبریں دینا اس بات کی دلیل ہے کہ اللہ تعالیٰ نے آپ کو غیب پر مطلع فرمایا۔ (مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٦؛حدیث نمبر٢٩٩)
حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا تمہاری کیا حالت ہوگی جب حضرت ابن مریم(علیہ السلام)تم میں اتریں گے اور تمہارا امام تم(میں)سے ہوگا؛ (مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٦؛حدیث نمبر٣٠٠)
ایک دوسری سند کے ساتھ حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا اس وقت تمہاری کیا کیفیت ہوگی جب حضرت ابن مریم تم میں اتریں گے اور تمہاری امامت کریں گے۔ (مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٦؛حدیث نمبر٣٠١)
حضرت ابوہریرہ رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے فرمایا اس وقت تمہاری کیا کیفیت ہوگی جب تم میں حضرت ابن مریم علیہ السلام نازل ہوں گے اور تمہارا امام تم میں سے ہو گا۔ولید بن مسلم کہتے ہیں میں نے ابن ابی ذئب سے پوچھا کہ حضرت اوزاعی نے حضرت زہری سے روایت کرتے ہوئے ہم سے بیان کیا۔انہوں نے حضرت نافع سے اور انہوں نے حضرت ابوہریرہ رضی اللہ عنہ سے بیان کیا کہ تمہارا امام تم سے ہوگا۔ابن ابی ذئب نے وضاحت کرتے ہوئے فرمایا کہ تم جانتے ہو کہ تم میں سے تمہاری امامت کریں گا کا کیا مطلب ہے۔فرماتے ہیں میں نے کہا مجھے بتائیے۔انہوں نے فرمایا وہ تمہارے رب کی کتاب اور تمہارے نبی کی سنت کے ساتھ تمہاری امامت کریں گے ۔(مسلم شریف کتاب الایمان؛بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٧؛حدیث نمبر ٣٠٢)
حضرت جابر رضی اللہ عنہ سے مروی ہے فرماتے ہیں میں نے نبی اکرم صلی اللہ علیہ وسلم سے سنا۔آپ نے فرمایا میری امت میں سے ایک جماعت قیامت تک ہمیشہ حق کے لئے کھلم کھلا لڑے گی اور فرمایا حضرت عیسٰی علیہ السلام اتریں گے اور انکا امیر کہے گا۔آگے تشریف لائیں اور ہمیں نماز پڑھائیں۔وہ فرمائیں گے نہیں۔تم میں سے بعض بعض کے امرا ہوں گے اور یہ اعزاز اس امت کو اللہ تعالیٰ کی طرف اس کے شرف کے طور پر حاصل ہوگا ۔(مسلم شریف کتاب الایمان؛ بَابُ نُزُولِ عِيسَى ابْنِ مَرْيَمَ حَاكِمًا بِشَرِيعَةِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ؛جلد١ص١٣٧؛حدیث نمبر ٣٠٣)
حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا قیامت اس وقت تک قائم نہیں ہوگی جب تک سورج مغرب سے طلوع نہ ہو۔پس جب وہ مغرب سے طلوع ہوگا تو سب لوگ ایمان لائیں گے{لَا يَنْفَعُ نَفْسًا إِيمَانُهَا لَمْ تَكُنْ آمَنَتْ مِنْ قبْلُ أَوْ كَسَبَتْ فِي إِيمَانِهَا خَيْرًا}[الأنعام: ١٥٨] "اس دن کسی نفس کو اس کا ایمان نفع نہیں دیگا۔جو اس سے پہلے ایمان نہیں لایا یا اس نے اپنے ایمان میں کوئی بھلائی نہ کمائی ہو" ۔ (مسلم شریف کتاب الایمان؛ بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛ترجمہ؛جب ایمان قبول نہ ہوگا۔جلد١ص١٣٧؛حدیث نمبر٣٠٤)
امام مسلم نے اور سندودں کے ساتھ حضرت ابوہریرہ رضی اللہ عنہ سے حدیث نمبر ٣٠٤کی طرح روایت کیا۔ (مسلم شریف کتاب الایمان؛بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٧؛حدیث نمبر٣٠٥)
امام مسلم نے متعدد حضرات سے ان کی اسناد کے ساتھ حضرت ابوہریرہ رضی اللہ عنہ سے روایت نقل کی۔آپ فرماتے ہیں رسول اکرم صلی اللہ علیہ وسلم نے فرمایا تین نشانیاں ایسی ہیں کہ جب وہ ظاہر ہوں گی تو اس وقت کسی شخص کو اسکا ایمان نفع نہیں دیگا جو اس سے پہلے ایمان نہیں لایا یا اس نے اپنے ایمان میں کوئی بھلائی نہیں کمائی۔سورج کا مغرب سے طلوع ہونا دجال اور دابةالارض کا ظاہر ہونا۔ (مسلم شریف کتاب الایمان؛بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٧؛حدیث نمبر ٣٠٦)
حضرت ابوذر رضی اللہ عنہ سے مروی ہے کہ نبی اکرم صلی اللہ علیہ وسلم نے ایک دن فرمایا کیا تم جانتے ہو کہ یہ سورج کہاں جاتا ہے؟صحابہ کرام نے عرض کیا اللہ اور اسکا رسول بہتر جانتا ہے۔فرمایا یہ چلتا ہے حتی کہ عرش کے نیچے اپنے ٹھکانے پر پہونچ جاتا ہے پس سجدہ ریز ہوجاتا ہے۔یہ مسلسل اسی طرح کرتا ہے حتی کہ اس سے کہا جاتا ہے بلند ہو اور وہاں لوٹ جا جہاں سے آیا ہے۔پس وہ اپنے مطلع سے طلوع کرتا ہے۔پھر چلتا ہے حتی کہ عرش کے نیچے اپنے ٹھکانے پر چلا جاتا ہے اور سجدہ ریز ہو جاتا ہے۔وہ اپنا یہ عمل جاری رکھتا ہے حتی کہ اس سے کہا جاتا ہے،بلند ہو اور وہاں چلا جا جہاں سے آیا ہے۔پس وہ اپنے مطلع سے طلوع کرتا ہے پھر چلتا ہے(اور)لوگ اس سے کسی بات میں تبدیلی محسوس نہیں کرتے حتیٰ کہ وہ عرش کے نیچے اپن ٹھکانے پر چلا جائیگا تو اس سے کہا جائے گا بلند ہو اور اپنے مغرب سے طلوع کر۔نبی اکرم صلی اللہ علیہ وسلم نے فرمایا کیا تم جانتے ہو۔یہ بات کب ہوگی اس وقت ایسا ہوگا جب کسی نفس کو اس کا ایمان نفع نہیں دیگا جو اس سے پہلے ایمان نہیں لایا یا اس نے اپنے ایمان میں کوئی بھلائی نہیں کمائی ۔(مسلم شریف کتاب الایمان؛بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٨؛حدیث نمبر٣٠٧)
امام مسلم نے ایک اور سند کے ساتھ بھی حضرت ابوذر رضی اللہ عنہ سے حدیث نمبر ٣٠٧کی مثل روایت کیا۔ (مسلم شریف کتاب الایمان؛بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٩؛حدیث نمبر٣٠٨)
حضرت ابو ذر رضی اللہ عنہ سے مروی ہے فرماتے ہیں۔میں مسجد میں داخل ہوا تو رسول اکرم صلی اللہ علیہ وسلم تشریف فرما تھے۔جب سورج غروب ہوا تو آپ صلی اللہ علیہ وسلم نے فرمایا۔اے ابوذر!کیا تم جانتے ہو یہ سورج کہاں جاتا ہے۔فرماتے ہیں میں نے عرض کیا اللہ تعالٰی اور اس کا رسول بہتر جانتے ہیں۔آپ نے فرمایا یہ جاتا ہے اور سجدہ کرنے کے لئے اجازت مانگتا ہے۔پس اس کو اجازت دی جاتی ہے اور گویا اس سے ایک دن کہا جائیگا۔جاؤ جہاں سے آئے ہو فرمایا پس یہ مغرب سے طلوع ہوگا۔پھر انہوں نے حضرت عبداللہ بن مسعود رضی اللہ عنہ کی قرأت پڑھی"وَذَلِكَ مُسْتَقَرٌّ لَهَا"یہ اس کا ٹھکانہ ہے" (مسلم شریف کتاب الایمان؛بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٩؛حدیث نمبر ٣٠٩)
حضرت ابوذر رضی اللہ عنہ سے مروی ہے فرماتے ہیں میں نے نبی اکرم صلی اللہ علیہ وسلم سےاللہ تعالیٰ کے ارشاد گرامی کے بارے میں پوچھا"{وَالشَّمْسُ تَجْرِي لِمُسْتَقَرٍّ لَهَا} [يس: ٣٨]؟ قَالَ: «مُسْتَقَرُّهَا تَحْتَ الْعَرْشِ»" اور سورج اپنے ٹھکانے کی طرف چلتا ہے(آپ نے فرمایا)اس کا ٹھکانہ عرش کے نیچے ہے"۔ (مسلم شریف کتاب الایمان؛ بَابُ بَيَانِ الزَّمَنِ الَّذِي لَا يُقْبَلُ فِيهِ الْإِيمَانُ؛جلد١ص١٣٩؛حدیث نمبر٣١٠)
عروہ بن زبیر سے روایت ہے اور انہیں اُمّ المومنین عائشہ صدیقہ رضی اللہ عنہا نے خبر دیا کہ نبی اکرم صلی اللہ علیہ وسلم کی وحی کا آغاز سچے خوابوں سے ہوا۔آپ صلی اللہ علیہ وسلم جب کوئی خواب دیکھتے تو وہ صبح کی روشنی کی طرح نمودار ہوتا۔پھر آپ کے دل میں خلوت نشینی کی محبت ڈال دی گئی۔آپ صلی اللہ علیہ وسلم غارِ حرا میں اکیلے تشریف رکھتے،کئی کئی راتوں تک وہاں عبادت کیا کرتے اور گھر میں نہ آتے،اپنا توشہ ساتھ لے جاتے۔پھر اُمّ المومنین خدیجہ رضی اللہ عنہا کے پاس لوٹ کر آتے اور اتنی مدت کے لئے مزید سامان لے جاتے یہاں تک کہ اچانک آپ صلی اللہ علیہ وسلم پر وحی اتری آپ صلی اللہ علیہ وسلم اسی غارِ حرا میں تھے کہ فرشتہ آپ کے پاس آیا اور اس نے کہا کہ پڑھو!آپ نے فرمایا کہ میں پڑھنے والا نہیں ہوں۔(آپ نے فرمایا کہ)اس فرشتے نے بغلگیرہوکر مجھے زور سے دبایا،حتیٰ کہ مجھے تھکادیا،پھر مجھے چھوڑ دیا اور کہا کہ پڑھئے!میں نے کہا کہ میں پڑھنے والا نہیں ہوں۔اس نے مجھے پکڑا اور دوبارہ بغلگیر ہو کر یوں دبایا کہ مجھے تھکا دیا۔پھر چھوڑ دیا اور کہا کہ پڑھئے!میں نے کہا میں پڑھنے والا نہیں ہوں۔آپ فرماتے ہیں اس نے مجھے پکڑ کر تیسری مرتبہ گلے لگا کر یوں دبایا کہ مجھے تھکا دیا۔ پھر چھوڑ دیا اور کہا کہ{اقْرَأْ بِاسْمِ رَبِّكَ الَّذِي خَلَقَ خَلَقَ الْإِنْسَانَ مِنْ عَلَقٍ اقْرَأْ وَرَبُّكَ الْأَكْرَمُ الَّذِي عَلَّمَ بِالْقَلَمِ عَلَّمَ الْإِنْسَانَ مَا لَمْ يَعْلَمْ} [العلق: ٢] ”پڑھو! اپنے رب کے نام سے،جس نے پیدا کیا۔جس نے انسان کو خون کے لوتھڑے سے پیدا کیا۔پڑھو اور تمہارا رب بڑے کرم والا ہے۔جس نے قلم کے ذریعے(علم)سکھایا۔جس نے انسان کو وہ سکھایا جسے وہ نہیں جانتا تھا“۔اس وحی کے ساتھ رسول اللہ صلی اللہ علیہ وسلم لوٹے اور آپ صلی اللہ علیہ وسلم کے کندھے کا گوشت حرکت کر رہا تھا(چونکہ یہ وحی کا پہلا مرحلہ تھا اور آپ صلی اللہ علیہ وسلم کو عادت نہ تھی،اس واسطے ہیبت چھا گئی)یہاں تک کہ آپ صلی اللہ علیہ وسلم اُمّ المومنین خدیجہ رضی اللہ عنہا کے پاس پہنچے اور فرمایا کہ مجھے(چادر)اوڑھا دو،مجھے(چادر)اوڑھا دو۔گھر والوں نے چادر اوڑھا دی یہاں تک کہ آپ صلی اللہ علیہ وسلم کا ڈر جاتا رہا اس وقت اُمّ المومنین خدیجہ رضی اللہ عنہا سے فرمایا کہ اے خدیجہ میرا کیا ہوگا۔اور سب حال بیان کیا اور کہا کہ مجھے اپنی جان کا خوف ہے۔اُمّ المومنین خدیجہ رضی اللہ عنہا نے کہا ہرگز نہیں آپکو خوشخبری ہواللہ کی قسم اللہ تعالیٰ آپ کو کبھی رسوا نہ کرے گا۔آپ صلہ رحمی کرتے ہیں،سچی بات کہتے ہیں،بےسہاروں کی دستگیری کرتے ہیں، جن کے پاس مال نہیں ان کی مدد کرتے ہیں،مہمان نوازی کرتے ہیں،اور امور حق میں مدد کرتے ہیں۔پھر اُمّ المومنین خدیجہ رضی اللہ عنہا آپ صلی اللہ علیہ وسلم کو ورقہ بن نوفل کے پاس لے گئیں اور وہ اُمّ المومنین خدیجہ رضی اللہ عنہا کے چچازاد بھائی تھےاور جاہلیت کے زمانہ میں وہ نصرانی ہو گئے تھے اور عربی لکھنا جانتے تھے،تو جتنا اللہ تعالیٰ کو منظور ہوتا انجیل کو عربی زبان میں لکھتے تھے اور بہت بوڑھے تھے،ان کی بینائی(بڑھاپے کی وجہ سے)جاتی رہی تھی۔اُمّ المؤمنین خدیجہ رضی اللہ عنہا نے ان سے کہا کہ اے چچا!(وہ چچا کے بیٹے تھے لیکن بزرگی کے لئے ان کو چچا کہا اور ایک روایت میں چچا کے بیٹے ہیں)اپنے بھتیجے کی سنو۔ ورقہ نے کہا کہ اے میرے بھتیجے!تم نے کیا دیکھا؟ رسول اللہ صلی اللہ علیہ وسلم نے جو کچھ کیفیت دیکھی تھی سب بیان کی تو ورقہ نے کہا یہ وہی فرشتہ ہےجو حضرت موسیٰ علیہ السلام پر اترا تھا۔کاش میں جوان ہوتا۔،کاش میں اس وقت تک زندہ رہتا جب آپکی قوم آپکو نکلنے پر مجبور کرے گی۔رسول اللہ صلی اللہ علیہ وسلم نے فرمایا کہ کیا وہ مجھے نکال دیں گے؟ورقہ نے کہا ہاں!جب کوئی شخص دنیا میں وہ لے کر آیا،جسے تم لائے ہو(یعنی شریعت اور دین)تو لوگ اس کے دشمن ہو گئے اور اگر میں اس دن کو پاؤں گا تو اچھی طرح تمہاری مدد کروں گا ۔(مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛رسول اللہ صلی اللہ علیہ وسلم پر نزولِ وحی کا آغاز؛جلد١ص١٣٩؛حدیث نمبر٣١١)
حضرت عائشہ صدیقہ رضی اللہ عنہا سے مروی ہے۔آپ نے ابتدائی وحی کا ذکر کرتے ہوئے حدیث نمبر ٣١١ذکر کی۔البتہ اس میں یہ بھی ہے کہ اللہ کی قسم اللہ تعالیٰ آپ کو کبھی بھی غمگیں نہیں کرے گا اور حضرت خدیجہ رضی اللہ عنہا نے فرمایا اے میرے چچا زاد بھائی اپنے بھتیجے کی بات سنیں ۔(مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛جلد١ص١٤٢؛ حدیث نمبر ٣١٢)
ایک دوسری سند کے ساتھ بھی حضرت عائشہ صدیقہ رضی اللہ عنہا سے مروی ہے کہ نبی اکرم صلی اللہ علیہ وسلم حضرت خدیجہ رضی اللہ عنہا کی طرف لوٹے تو آپ کا دل گھبرا رہا تھا اس کے بعد آگے حدیث بیان کی لیکن پہلی دو احادیث کا ابتدائی حصہ بیان نہیں کیا کہ وحی کا آغاز سچے خوابوں سے ہوا اور"لایخزیک اللہ ابدا"(اللہ تعالیٰ آپ کو کبھی رسوا نہیں کرےگا کے الفاظ کے ساتھ یونس راوی کی حدیث(حدیث٣١١کی)ابتاع کی اور حضرت خدیجہ رضی اللہ عنہا کا قول کہ اے میرے چچا زاد!اپنے بھتیجے کی بات سنیں ذکر کیا ۔(مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛ جلد١ص ١٤٢؛حدیث نمبر٣١٣)
حضرت جابر بن عبداللہ انصاری رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے وحی کے رک جانے کا ذکر کرتے ہوئے فرمایا۔اس دوران کہ میں جارہا تھا میں نے آسمان سے ایک آواز سنی میں نے سر اٹھایا تو وہی فرشتہ تھا جو میرے پاس غار حرا میں آیا تھا۔وہ آسمان وزمین کے درمیان کرسی پر بیٹھا ہوا تھا۔نبی اکرم صلی اللہ علیہ وسلم فرماتے ہیں میں اس سے گھبرا گیا تو واپس لوٹا۔میں نے کہا مجھے اوڑھا دو، مجھے اوڑھا دو۔پس گھر والوں نے مجھے کپڑا اوڑھا دیا اس پر اللہ تعالیٰ نے یہ آیت کریمہ نازل فرمائی۔: {يَا أَيُّهَا الْمُدَّثِّرُ قُمْ فَأَنْذِرْ وَرَبَّكَ فَكَبِّرْ وَثِيَابَكَ فَطَهِّرْ وَالرُّجْزَ} [المدثر: ٢]"اے کمبل اوڑھنے والے!کھڑے ہوجاو پھر ڈر سناؤ اور اپنے رب ہی کی بڑائی بولو اور اپنے کپڑے پاک رکھو اور بتوں سے دور رہو۔" الرجز"سے مراد بت ہیں۔فرماتے ہیں پھر تسلسل کے ساتھ وحی آنے لگی۔ (مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛جلد١ص١٤٣؛حدیث نمبر٣١٤)
ایک اور سند کے ساتھ!حضرت جابر بن عبداللہ رضی اللہ عنہ سے مروی ہے۔انہوں نے نبی اکرم صلی اللہ علیہ وسلم سے سنا آپ فرماتے تھے پھر مجھ سے وحی کا سلسلہ رک گیا تو اس دوران کہ میں چل رہا تھا پھر حدیث نمبر ٣١١کی مثل ذکر کیا۔البتہ اس میں یہ فرمایا کہ مجھے اس سے خوف آنے لگا کہ میں زمین پر گر جاؤں گا۔ابوسلمہ فرماتے ہیں"الرجز" سے بت مراد ہیں پھر وہی تسلسل کے ساتھ آنے لگی۔ (مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛ جلد١ص١٤٣؛حدیث نمبر؛٣١٥)
ایک اور سند کے ساتھ بھی حدیث یونس(حدیث نمبر٣١١کی)کی مثل مروی ہے اور اس میں فرمایا کہ اللہ تعالیٰ نے یاایھاالمدثرسے"والرجز فاھجر" تک آیات اتاریں اور ابھی تک نماز فرض نہیں تھی۔"رجز"سےمراد بت ہیں۔آپ فرماتے ہیں میں اس سے گھبرا گیا جیسا کہ حدیث نمبر ٣١٥میں ہے۔ (مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛جلد١ص١٤٣؛حدیث نمبر٣١٦)
ولید بن مسلم کہتے ہیں مجھ سے حضرت اوزاعی نے بیان کیا وہ فرماتے ہیں میں نے حضرت یحییٰ سے سنا۔وہ فرماتے ہیں میں نے حضرت ابو سلمہ رضی اللہ عنہ سے پوچھا کہ سب سے پہلے قرآن میں سے کیا اترا؟ انہوں نے کہا کہ ﴿یَأیُّہاَ الْمُدَثِّرُ﴾ میں نے کہا کہ یا ﴿اِقْرَأْ﴾(سب سے پہلے اتری؟)انہوں نے کہا کہ میں نے سیدنا جابر بن عبد اللہ رضی اللہ عنہ سے پوچھا کہ قرآن میں سب سے پہلے کیا اترا تو انہوں نے کہا کہ ﴿یَأیُّہاَ الْمُدَثِّرُ﴾میں نے کہا کہ یا ﴿اِقْرَأْ﴾ (سب سے پہلے اتری؟)سیدنا جابر رضی اللہ عنہ نے کہا کہ میں تم سے وہ حدیث بیان کرتا ہوں جو رسول اللہ صلی اللہ علیہ وسلم نے ہم سے بیان کی تھی۔ آپ صلی اللہ علیہ وسلم نے فرمایا کہ میں(غار)حرا میں ایک مہینے تک رہا۔جب میری رہنے کی مدت پوری ہو گئی تو میں اترا اور وادی کے اندر چلا، کسی نے مجھے آواز دی،میں نے سامنے اور پیچھے اور دائیں اور بائیں دیکھا، کوئی نظر نہ آیا۔پھر مجھے کسی نے آواز دی، میں نے دیکھا مگر کسی کو نہ پایا۔ پھر کسی نے مجھے آواز دی تو میں نے سر اوپر اٹھا کر دیکھا تو وہ ہوا میں ایک تخت پر ہیں یعنی جبریل علیہ السلام۔مجھے یہ دیکھ کر سخت گھبراہٹ ہوئی۔تب میں خدیجہ رضی اللہ عنہا کے پاس آیا اور میں نے کہا کہ مجھے اڑھا دو! انہوں نےمجھے چادر اوڑھا دی پانی میرے اوپر ڈالا۔ تب اللہ تعالیٰ نے یہ آیتیں اتاریں۔ ”: {يَا أَيُّهَا الْمُدَّثِّرُ قُمْ فَأَنْذِرْ وَرَبَّكَ فَكَبِّرْ وَثِيَابَكَ فَطَهِّرْ} [المدثر: ٢]۔ (مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛جلد١ص١٤٤؛حدیث نمبر٣١٧)
ایک دوسری سند کے ساتھ بھی(حدیث نمبر ٣٠٧کی مثل مروی ہے)یہ حدیث مروی ہے۔اس میں ہے کہ وہ شخص(فرشتہ)آسمان وزمین کے درمیان تخت پر بیٹھا ہوا تھا ۔(مسلم شریف کتاب الایمان؛بَابُ بَدْءِ الْوَحْيِ إِلَى رَسُولِ اللهِ صَلَّى اللهُ عَلَيْهِ وَسَلَّمَ؛جلد١ص١٤٥؛حدیث نمبر٣١٨)
حضرت انس بن مالک رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: میرے سامنے ایک سفید براق لایا گیا، اور وہ ایک جانور ہے سفید رنگ کا، لمبا، گدھے سے اونچا اور خچر سے چھوٹا، اپنے پاؤں وہاں رکھتا ہے جہاں تک اس کی نگاہ پہنچتی ہے(تو ایک لمحہ میں آسمان تک جا سکتا ہے)۔فرمایا:میں اس پر سوار ہوا اور بیت المقدس تک آیا۔فرمایا:وہاں میں نے اس جانور کو اس حلقہ سے باندھ دیا،جس سے اور پیغمبر اپنے اپنے جانوروں کو باندھا کرتے تھے(یہ حلقہ مسجد کے دروازے پر ہے اور باندھ دینے سے یہ معلوم ہوا کہ انسان کو اپنی چیزوں کی احتیاط اور حفاظت ضروری ہے اور یہ توکل کے خلاف نہیں)پھر میں مسجد کے اندر گیا اور دو رکعت نماز پڑھی پھر باہر نکلا تو جبریل علیہ السلام دو برتن لے کر آئے،ایک میں شراب اور دوسرے میں دودھ تھا۔ میں نے دودھ پسند کیا تو جبریل نے کہا،آپ نے فطرت کو پسند کیا۔پھر جبریل علیہ السلام مجھے آسمان پر لے کر گئے،(جب وہاں پہنچے)تو فرشتوں سے دروازہ کھولنے کے لئے کہا،انہوں نے پوچھا کون ہے؟جبریل نے کہا کہ جبریل ہے۔ انہوں نے کہا کہ تمہارے ساتھ دوسرا کون ہے؟جبریل علیہ السلام نے کہا کہ محمد صلی اللہ علیہ وسلم ہیں۔فرشتوں نے پوچھا کہ کیا وہ بلائے گئے تھے؟ جبریل علیہ السلام نے کہا کہ ہاں بلائے گئے ہیں۔پھر ہمارے لئے دروازہ کھولا گیا اور میں نے آدم علیہ السلام کو دیکھا تو انہوں نے مجھے مرحبا کہا اور میرے لئے بہتری کی دعا کی۔ پھر جبریل علیہ السلام ہمارے ساتھ دوسرے آسمان پر چڑھے اور دروازہ کھلوایا۔ فرشتوں نے پوچھا کہ کون ہے؟انہوں نے کہا کہ جبریل۔ فرشتوں نے پوچھا کہ تمہارے ساتھ دوسرا کون شخص ہے؟انہوں نے کہا کہ محمد صلی اللہ علیہ وسلم ہیں۔ فرشتوں نے کہا کہ ان کو بلانے کا حکم ہوا تھا؟جبریل علیہ السلام نے کہا کہ ہاں حکم ہوا ہے۔پھر دروازہ کھلا تو میں نے دونوں خالہ زاد بھائیوں کو دیکھا یعنی عیسیٰ بن مریم اور یحییٰ بن زکریا علیہما السلام کو۔ان دونوں نے مرحبا کہا اور میرے لئے بہتری کی دعا کی۔ پھر جبریل علیہ السلام ہمارے ساتھ تیسرے آسمان پر چڑھے اور دروازہ کھلوایا،تو فرشتوں نے کہا کہ کون ہے؟جبریل علیہ السلام نے کہا کہ جبریل۔فرشتوں نے کہا کہ تمہارے ساتھ دوسرا کون ہے؟جبریل علیہ السلام نے کہا کہ محمد صلی اللہ علیہ وسلم ہیں۔فرشتوں نے کہا کہ کیا ان کو بلانے کے لئے پیغام گیا تھا؟جبریل علیہ السلام نے کہا کہ ہاں پیغام گیا تھا۔پھر دروازہ کھلا تو میں نے یوسف علیہ السلام کو دیکھا۔اللہ نے حسن(خوبصورتی)کا آدھا حصہ ان کو دیا تھا۔انہوں نے مجھے مرحبا کہا اور نیک دعا کی۔پھر جبریل علیہ السلام ہمیں لے کر چوتھے آسمان پر چڑھے اور دروازہ کھلوایا تو فرشتوں نے پوچھا کہ کون ہے ؟جبریل علیہ السلام نے کہا کہ جبریل۔انہوں نے پوچھا کہ تمہارے ساتھ دوسرا کون ہے؟جبریل علیہ السلام نے کہا کہ محمد صلی اللہ علیہ وسلم ہیں۔فرشتوں نے کہا کہ کیا وہ بلوائے گئے ہیں؟جبریل علیہ السلام نے کہا کہ ہاں بلوائے گئے ہیں۔ پھر دروازہ کھلا تو میں نے ادریس علیہ السلام کو دیکھا۔انہوں نے مرحبا کہا اور مجھے اچھی دعا دی۔اللہ جل جلالہ نے فرمایا ہے کہ ”ہم نے ادریس کو اونچی جگہ پر اٹھا لیا“(تو اونچی جگہ سے یہی چوتھا آسمان مراد ہے)۔پھر جبریل علیہ السلام ہمارے ساتھ پانچویں آسمان پر چڑھے اور انہوں نے دروازہ کھلوایا۔ فرشتوں نے پوچھا کہ کون؟ کہا کہ جبریل۔فرشتوں نے پوچھا کہ تمہارے سا تھ کون ہے؟جبریل علیہ السلام نے کہا کہ محمد صلی اللہ علیہ وسلم ہیں۔ فرشتوں نے کہا کہ کیا وہ بلائے گئے ہیں؟ جبریل علیہ السلام نے کہا کہ ہاں بلوائے گئے ہیں۔ پھر دروازہ کھلا تو میں نے ہارون علیہ السلام کو دیکھا۔انہوں نے مرحبا کہا اور مجھے نیک دعا دی۔پھر جبریل علیہ السلام ہمارے ساتھ چھٹے آسمان پر پہنچے اور دروازہ کھلوایا۔فرشتوں نے پوچھا کہ کون ہے؟ جبریل علیہ السلام نے کہا کہ جبریل۔فرشتوں نے پوچھا کہ تمہارے ساتھ اور کون ہے؟ انہوں نے کہا کہ محمد صلی اللہ علیہ وسلم ہیں۔ فرشتوں نے کہا کہ کیا اللہ نے ان کو لے کر آنے کے لئے پیغام بھیجا تھا؟جبریل علیہ السلام نے کہا، ہاں! بھیجا تھا۔ پھر دروازہ کھلا تو میں نے موسیٰ علیہ السلام کو دیکھا، انہوں نے مرحبا کہا اور مجھے اچھی دعا دی۔ پھر جبریل علیہ السلام ہمارے ساتھ ساتویں آسمان پر چڑھے اور دروازہ کھلوایا۔ فرشتوں نے پوچھا کہ کون ہے ؟ جبریل علیہ السلام نے کہا کہ جبریل ہوں۔ پوچھا کہ تمہارے ساتھ اور کون ہے؟جبریل علیہ السلام نے کہا کہ محمد صلی اللہ علیہ وسلم ہیں۔ فرشتوں نے پوچھا کہ کیا وہ بلوائے گئے ہیں؟انہوں نے کہا کہ ہاں بلوائے گئے ہیں۔ پھر دروازہ کھلا تو میں نے ابراہیم علیہ السلام کو دیکھا کہ وہ بیت المعمور سے اپنی پیٹھ کا تکیہ لگائے ہوئے بیٹھے تھے۔(اس سے معلوم ہوا کہ قبلہ کی طرف پیٹھ کر کے بیٹھنا گناہ نہیں)اور اس میں ہر روز ستر ہزار فرشتے جاتے ہیں کہ پھر کبھی ان کی باری نہیں آئے گی۔ پھر جبریل علیہ السلام مجھے سدرۃ المنتیٰ کے پاس لے گئے۔اس کے پتے اتنے بڑے تھے جیسے ہاتھی کے کان اور اس کے پھل مٹکوں کے برابر تھے۔(ایک بڑا گھڑا جس میں دو مشک یا زیادہ پانی آتا ہے)پھر جب اس درخت کو اللہ تعالیٰ کے حکم نے ڈھانکا تو اس کا حال ایسا ہو گیا کہ کوئی مخلوق اس کی خوبصورتی بیان نہیں کر سکتی۔ پھر اللہ جل جلالہ نے میرے دل میں القاء کیا جو کچھ القاء کیا اور پچاس نمازیں رات اور دن میں مجھ پر فرض کیں۔جب میں وہاں سے اترا اور موسیٰ علیہ السلام تک پہنچا تو انہوں نے پوچھا کہ تمہارے پروردگار نے تمہاری امت پر کیا فرض کیا؟ میں نے کہا کہ پچاس نمازیں فرض کی ہیں۔انہوں نے کہا کہ پھر اپنے پروردگار کی طرف لوٹ جاؤ اور تخفیف چاہو،کیونکہ تمہاری امت کو اتنی طاقت نہ ہو گی اور میں نے بنی اسرائیل کو آزمایا اور ان کا امتحان لیا ہے۔ میں اپنے پروردگار کے پاس لوٹ گیا اور عرض کیا کہ اے پروردگار! میری امت پر تخفیف کر۔اللہ تعالیٰ نے پانچ نمازیں گھٹا دیں۔ میں لوٹ کر موسیٰ علیہ السلام کے پاس آیا اور کہا کہ پانچ نمازیں اللہ تعالیٰ نے مجھے معاف کر دیں۔انہوں نے کہا تمہاری امت کو اتنی طاقت نہ ہو گی، آپ پھر اپنے رب کے پاس جاؤ اور تخفیف کراؤ۔آپ صلی اللہ علیہ وسلم نے فرمایا کہ میں اس طرح برابر اپنے پروردگار کے درمیان آتا جاتا رہا،یہاں تک کہ اللہ جل جلالہ نے فرمایا کہ اے محمد صلی اللہ علیہ وسلم!ہر دن اور رات میں پانچ نمازیں ہیں،اور ہر ایک نماز میں دس نمازوں کا ثواب ہے۔تو وہی پچاس نمازیں ہوئیں(سبحان اللہ! مالک کی اپنے بندوں پر کیسی عنایت ہے کہ پڑھیں تو پانچ نمازیں اور ثواب پچاس نمازوں کا ملے)اور جو کوئی شخص نیک کام کرنے کی نیت کرے اور پھر اس کو نہ کر سکے تو اس کو ایک نیکی کا ثواب ملے گا اور جو کرے تو اس کو دس نیکیوں کا اور جو شخص برائی کرنے کی نیت کرے اور پھر اس کو نہ کرے،تو کچھ نہ لکھا جائے گا اور اگر کر لے تو ایک ہی بُرائی لکھی جائے گی۔پھر آپ صلی اللہ علیہ وسلم نے فرمایا کہ میں اترا اور موسیٰ علیہ السلام کے پاس آیا تو انہوں نے کہا کہ پھر اپنے رب کے پاس لوٹ جاؤ اور تخفیف چاہو۔رسول اللہ صلی اللہ علیہ وسلم نے فرمایا کہ میں اپنے رب کی طرف(اس قدر) لوٹا ہوں حتیٰ کہ اب مجھے حیا آتی ہے۔ (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ،وَفَرْضِ الصَّلَوَات؛ترجمہ؛معراج النبی صلی اللہ علیہ وسلم اور فرضیت نماز؛جلد١ص ١٤٥ و ١٤٦ ؛حدیث نمبر ٣١٩)
حضرت انس بن مالک رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے فرمایا کوئی میرے پاس آئے پھر وہ مجھے زمزم کے پاس لے گئے میرا سینہ کھولا گیا۔پھر زمزم کے ساتھ دھویا گیا پھر مجھے چھوڑا گیا ۔(مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ،وَفَرْضِ الصَّلَوَاتِ؛جلد١ص١۴۷؛حدیث نمبر٣٢٠)
حضرت انس بن مالک رضی اللہ عنہ سے مروی ہے فرماتے ہیں حضرت جبریل علیہ السلام نبی اکرم صلی اللہ علیہ وسلم کی خدمت میں حاضر ہوئے اور آپ بچوں کے ہمراہ کھیل رہے تھے۔انہوں نے آپکو پکڑ کر لٹایا اور آپکے سینے کو شق کیا،قلب مبارک نکالا اور اس میں سے ایک لوتھڑا نکال کر فرمایا۔یہ آپکے اندر شیطان کا حصہ تھا۔(بعض چیزیں تخلیق کا حصہ ہوتی ہیں پھر انکو دور کیا جاتا ہے اور اس میں کئی حکمتیں ہوتی ہیں اللہ تعالیٰ نے شیطان کا حصہ رکھ کر پھر اسے نکال کر آپ صلی اللہ علیہ وسلم کی عظمت کو ظاہر فرمایا) پھر قلب اقدس کو سونے کے کھال میں آب زمزم کے ساتھ دھویا۔پھر اسے لاکر اپنی جگہ رکھ دیا ہے۔بچے روتے ہوئے آپکے رضاعی ماں(حضرت حلیمہ)کے پاس گئے اور کہنے لگے بےشک حضرت محمد صلی اللہ علیہ وسلم کو قتل کیا گیا وہ لوگ آئے تو آپ صلی اللہ علیہ وسلم کا رنگ متغير تھا۔حضرت انس رضی اللہ عنہ فرماتے ہیں میں آپکے سینے میں سلائی کا نشان دیکھتا تھا۔ (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص ١٤٧؛حدیث نمبر٣٢١)
حضرت انس بن مالک رضی اللہ عنہ اس رات کا واقعہ بیان کرتے ہیں۔جب نبی اکرم صلی اللہ علیہ وسلم کو مسجد کعبہ سے سیر کرائی گئی تو آپ کے پاس تین آدمی آئے اور ابھی آپ پر وحی نہیں آئی تھی اور آپ مسجد حرام میں آرام فرما تھے پھر انہوں نے حدیث نمبر ٣٢١کی مثل بیان کیا لیکن اس میں کچھ الفاظ میں تقدم وتاخیر اور کمی زیادتی ہے ۔(مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١۴٨؛حدیث نمبر٣٢٢)
حضرت انس بن مالک رضی اللہ عنہ سے روایت ہے انہوں نےکہا حضرت ابوذرغفاری رضی اللہ عنہ حدیث بیان کرتے ہیں کہ آپ صلی اللہ علیہ وسلم نے فرمایا میرے گھر کی چھت کھولی گئی اور میں مکہ میں تھا پھر حضرت جبریل علیہ السلام اترے انہوں نے میرا سینہ چیرا۔پھر اس کو زمزم کے پانی سے دھویا پھر ایک سونے کا طشت لائے جو ایمان اور حکمت سے بھرا ہواتھا وہ میرے سینے میں ڈال دیا پھر سینہ جوڑ دیا(اس کو مہر کردی)پھر انہوں نے میرا ہاتھ پکڑکر مجھے آسمان کی طرف لے گئے۔جب ہم آسمان دنیا پر آئے تو جبریل علیہ السلام نے آسمان کے داروغہ سے کہا کھول اس نے پوچھا کون ہے؟جواب ملا جبریل علیہ السلام اس نے پوچھا تمہارے ساتھ کوئی اور ہے جبریل علیہ السلام نےکہا ہاں۔میرے ساتھ محمد صلی اللہ علیہ وسلم ہیں۔اس نے پوچھا کیا اس کی طرف پیغام بھیجا گیا تھا؟جبریل نے فرمایا ہاں۔خیر اس نے کھولا تو ہم پہلے آسمان پر چڑھے وہاں ایک شخص بیٹھا دیکھا جس کے داہنے طرف لوگوں کے جُھنڈ تھے اور بائیں طرف بھی جُھنڈ تھے جب وہ اپنی داہنی طرف دیکھتاتو ہنستا اور جب بائیں طرف دیکھتا رو دیتا اس نے(مجھ کو دیکھ کر)کہا(آؤ)خوش آمدید ہو نیک پیغمبر اور نیک بیٹے،میں نے جبریل علیہ السلام سے کہا یہ کون ہیں انہوں نے کہا یہ آدم علیہ السلام ہیں اور جو ان کے داہنے اور بائیں طرف کے لوگوں کے جھنڈ دیکھتے ہو یہ ان کے بیٹوں کے ارواح ہیں تو ان کی داہنی طرف والے بہشتی ہیں اور بائیں طرف کے دوزخی ہیں وہ جب اپنے داہنے طرف دیکھتے ہیں(خوشی سے)ہنس دیتے ہیں اور جب بائیں طرف دیکھتے ہیں (رنج سے)رو دیتے ہیں پھر جبریل علیہ السلام مجھ کو لے کر دوسرے آسمان کی طرف چڑھے وہاں کے داروغہ سے کہا کھول اس نے بھی وہی پوچھا جو پہلے داروغہ نے پوچھا تھا آخر دروازہ کھولا۔انس رضی اللہ عنہ نے کہا ابوذر نے بیان کیا کہ حضور صلی اللہ علیہ وسلم نے آسمانوں میں آدم علیہ السلام اور ادریس علیہ السلام اور موسیٰ علیہ السلام اور عیسیٰ علیہ السلام اور ابراہیم علیہ السلام پیغمبروں کو دیکھا مگر ہر ایک کا ٹھکانہ نہیں بیان کیا اتنا کہا کہ آپ پہلے آسمان پر آدم کو پایا اور چھٹے آسمان پر ابراہیم علیہ السلام کو۔حضرت انس نے کہا جب جبریل علیہ السلام حضور اکرم صلی اللہ علیہ کو لیے ہوئے ادریس پیغمبر پر گزرے تو انہوں نے کہا(آؤ)خوش آمدید ہو نیک پیغمبر اور نیک بھائی،میں نے(جبریل سے)پوچھا یہ کون ہیں انہوں نے کہا یہ ادریس علیہ السلام ہیں۔پھر میں موسیٰ پر سے گزرا انہوں نے کہا آؤ خوش آمدید ہو نیک پیغمبر اور نیک بھائی میں نے پوچھا یہ کون ہیں جبریل نے کہا یہ موسیٰ علیہ السلام ہیں پھر میں عیسیٰ علیہ السلام پر سے گزرا انہوں نے کہا آؤ خوش آمدید ہو نیک پیغمبر اور نیک بھائی میں نے جبریل سے پوچھا یہ کون ہیں انہوں نے کہا یہ عیسی علیہ السلام ہیں،پھر میں حضرت ابراہیم علیہ السلام پر سے گزرا انہوں نے کہا آؤ خوش آمدید ہو نیک پیغمبر اورنیک بیٹے۔میں نے جبریل سے پوچھا یہ کون ہیں انہوں نے کہا یہ حضرت ابراہیم علیہ السلام ہیں۔ ابن شہاب نے کہا مجھ کو ابو بکر بن حزم نے خبر دی کہ عبداللہ بن عباس اور ابوحبہ انصاری دونوں یوں کہتے تھے کہ حضور صلی اللہ علیہ وسلم نے فرمایا پھر مجھے اوپر لے جایا گیا حتیٰ کہ میں مقام استوی پر پہونچا وہاں میں نے قلموں کی آواز سنی۔ابن حزم اور انس بن مالک نے کہا آپ صلی اللہ علیہ وسلم نے فرمایا پھر اللہ تعالیٰ نے میری امت پر پچاس نمازیں فرض کیں(ہر رات اور دن میں) میں یہ حکم لے کر لوٹا جب موسیٰ علیہ السلام کے پاس پہنچا تو انہوں نے پوچھا اللہ نے آپکی امت پر کیا فرض کیا،میں نے کہا پچاس نمازیں فرض کیں انہوں نے کہا پھر اپنے مالک کے پاس لوٹ جائیں کیونکہ آپکی امت اتنی طاقت نہیں رکھتی،پھر میں لوٹا(اور عرض کیا)اللہ نے کچھ نمازیں معاف کردیں،پھر موسیٰ کے پاس آیا اور یہ کہا کہ اللہ نے کچھ نمازیں معاف کردیں،انہوں نے کہا اپنے مالک کے پاس لوٹ جائیں آپکی امت اتنی طاقت نہیں رکھتی میں لوٹا پھر اللہ نے کچھ معاف کردیں پھر موسیٰ کے پاس آیا،انہوں نے کہا اپنے مالک کے پاس لوٹ جائیں آپکی امت اتنی طاقت نہیں رکھتی پھر لوٹا(ایسا کئی بار ہوا)آخر اللہ نے فرمایا پانچ نمازیں ہیں اور حقیقت میں پچاس ہیں میرے پاس بات نہیں بدلتی،پھر موسیٰ کے پاس آیا انہوں نے کہا اپنے مالک کے پاس لوٹ جائیں میں نے کہا اب مجھے اپنے مالک سے(عرض کرنے میں)شرم آتی ہے۔ پھر جبریل مجھ کو لے کر چلے یہاں تک کہ سدرۃ المنتہیٰ تک مجھ کو پہنچایا اور کئی طرح کے رنگوں نےاس کو ڈھانک لیا تھا میں نہیں جانتا وہ کیا تھے پھر مجھ کو جنت میں لے گئے کیا دیکھتا ہوں وہاں موتیوں کے ہار ہیں اور وہاں کی مٹی کستوری ہے۔ (مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١۴٨؛حدیث نمبر ٣٢٣"
حضرت انس بن مالک رضی اللہ عنہ سے روایت ہے انہوں نے شاید مالک بن صعصعہ سے سنا جو ان کی قوم کا بندہ تھا۔انہوں نے کہا رسول اللہ صلی اللہ علیہ وسلم نے فرمایا میں خانہ کعبہ کے پاس تھا میری حالت خواب اور بیداری کے درمیان تھی،اتنے میں میں نے ایک شخص کو سنا جو کہتا تھا کہ ہم دونوں کے درمیان تیسرے یہ ہیں یعنی رسول اللہ صلی اللہ علیہ وسلم پھر میرے پاس آئے اور مجھے لے گئے پھر میرے پاس ایک سونے کا طشت لا یا گیا اس میں زمزم کا پانی تھا اور میرا سینہ یہاں تک اوریہاں تک چیرا گیا۔قتادہ نے کہا جو اس حدیث کے راوی ہیں میں نے اپنے ساتھی سے پوچھا اس سے کیا مراد ہے؟انہوں نے کہا یعنی پیٹ کے نیچے تک سینے کو چیرا گیا۔اور میرا دل نکالا گیا، زمزم کے پانی سے دھویا گیا پھر اپنی جگہ پر اس کو رکھا گیا۔اور ایمان و حکمت سے(اس کو)بھردیا گیا۔پھر ایک جانور لایا گیا جس کا رنگ سفید تھا اس کو براق کہتے ہیں گدھےسے اونچا اور خچر سے نیچا،اس کا قدم نگاہ کی انتہا تک پہونچتا تھا۔مجھے اس پر سوار کیا پھر ہم چلے یہاں تک کہ پہلے آسمان پر آئے جبریل نے دروازہ کھلوایا فرشتوں نے پوچھا کون ہے؟انہوں نے کہا جبریل۔ فرشتوں نے پوچھا تمہارے ساتھ کون ہے؟کہا محمد صلی اللہ علیہ وسلم۔فرشتوں نے کہا کیا وہ بلوائے گئے ہیں جبریل نے کہا ہاں۔پھر دروازہ کھلا اور فرشتوں نے کہا مرحبا،آپ کا تشریف لانا مبارک ہو۔پھر ہم آدم علیہ السلام کے پاس آئے۔اور حدیث کا پورا قصہ بیان کیا۔اور انہوں نے ذکر کیا کہ آپ صلی اللہ علیہ وسلم نے دوسرے آسمان پر عیسیٰ اور یحییٰ سے ملاقات کی۔اور تیسرے آسمان پر یوسف علیہ السلام سے اور چوتھے آسمان پر ادریس سے اور پانچویں آسمان پر ہارون علیہ السلام سے۔پھر کہا ہم چلے یہاں تک کہ چھٹے آسمان پر پہنچے وہاں حضرت موسیٰ سے ملے ان کو میں نے سلام کیا انہوں نے کہا مرحبا نیک بھائی اور نیک نبی کو۔جب میں آگے بڑھا تو وہ رونے لگے آواز آئی اے موسیٰ کیوں روتے ہو؟انہوں نے کہا اے پروردگار اس نوجوان(آپ صلی اللہ علیہ وسلم) کو تو نے میرے بعد پیغمبر بنا کر بھیجا اورمیری امت کے مقابلے میں اس کی امت میں سے جنت میں زیادہ لوگ جائیں گے۔پھر آپ صلی اللہ علیہ وسلم نے فرمایا ہم چلے یہاں تک کہ ساتویں آسمان پر پہنچے وہاں میں نے ابراہیم علیہ السلام کودیکھا اور اس حدیث میں بیان کیا کہ رسول اللہ صلی اللہ علیہ وسلم نے فرمایا میں نے چار نہریں دیکھیں جو سدرۃ کی جڑ سے نکلتی تھیں دو نہریں کھلی ہیں اور دو نہریں پوشیدہ ہیں میں نے کہا اے جبریل علیہ السلام!یہ نہریں کیسی ہیں؟انہوں نے کہا پوشیدہ دو نہریں تو جنت میں گئی ہیں اور کھلی ہوئی نیل و فرات ہیں۔پھر میرے لیے بیت المعمور اٹھایا گیا،میں نے کہا اے جبریل یہ کیا ہے؟انہوں نے کہا یہ بیت المعمور ہے اس میں ہر روز ستر ہزار فرشتے جاتے ہیں جو پھر کبھی اس میں دوبارہ واپس نہیں آتے۔پھر میرے پاس دو برتن لائے گئے ایک میں شراب تھا اور دوسرے میں دودھ،دونوں مجھے پیش کئے گئے میں نے دودھ کو پسند کیا۔کہا گیا کہ آپ نے ٹھیک کیا،اللہ آپکے ذریعے آپکی امت کو فطرت پر رکھے گا۔پھر میرے اوپر ہر روز پچاس نمازیں فرض ہوئیں۔پھر آخر تک سارا قصہ بیان کیا۔ (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٤٩،١٥٠؛حدیث نمبر٣٢٤"
ایک اور سند کے ساتھ بھی حضرت مالک بن صعصعہ رضی اللہ عنہ سے حدیث نمبر ٣٢٤کی مثل مروی ہے۔اس میں یہ اضافہ ہے کہ میرے پاس سونے کا ایک تھال لایا گیا جو حکمت وایمان سے بھرا ہوا تھا۔،پھر سینے سے لیکر پیٹ کے نیچے تک چیرا گیا،اور زمزم کے پانی سے (سینہ)کو دھویا گیا،پھر حکمت اور ایمان سے بھرا گیا (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥١؛حدیث نمبر٣٢٥)
حضرت ابن عباس رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے سفر معراج کا ذکر کیا تو فرمایا کہ حضرت موسیٰ علیہ السلام گندمی رنگ کے تھے اور ان کا قد لمبا تھا۔ایسا تھا گویا شَنُوءَہ قبیلے کا کوئی فرد ہواور فرمایا حضرت عیسٰی علیہ السلام کا قد لمبا اور جسم گھٹا ہوا تھا۔آپ نے جہنم کے داروغہ حضرت مالک(فرشتے)کا ذکربھی کیا اور دجال کا ذکر بھی کیا ۔(مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥١؛حدیث نمبر٣٢٦)
قتادہ سے روایت ہے انہوں نے ابو عالیہ سے سنا وہ کہتے تھے مجھے تمہارے پیغمبر کے چچا زاد بھائی عبد اللہ بن عباس نے حدیث بیان کی۔فرماتے ہیں نبی اکرم صلی اللہ علیہ وسلم نے فرمایا جس رات مجھے سیر کرائی گئی تو میں حضرت موسیٰ بن عمران علیہ السلام کے پاس سے گزرا تو وہ گندمی رنگ اور لمبے قد کے تھے اور ان کے بال گھنگھریالے تھے گویا شَنُوءَہ قبیلے کا کوئی فرد ہواور میں نے حضرت عیسٰی علیہ السلام کو دیکھاکہ ان کا قد لمبا اور جسم گھٹا ہوا تھااور رنگ سرخ سفیدی مائل تھااور بال سیدھے تھے(اس سے معلوم ہوا کہ انبیائے کرام علیہم السلام زندہ ہیں حضور صلی اللہ علیہ وسلم نے ان کےجسم کی صفات کو بیان کیا اگر جسم کے ساتھ مشاہدہ نہ ہوتا تو یہ صفات کیسے بیان ہوتیں۔)اور خازن جہنم حضرت مالک علیہ السلام کو بھی دیکھا۔نیز دجال کو بھی۔منجملہ ان نشانیوں کے جواللہ تعالی نے دکھلائیں ہیں _"أَرَاهُنَّ اللهُ إِيَّاهُ، {فَلَا تَكُنْ فِي مِرْيَةٍ مِنْ لِقَائِهِ} [السجدة: ٢٣]۔"یہ ان نشانیوں میں سے ہے جو اللہ تعالیٰ نے آپکو دکھائیں۔پس تم اس ملاقات میں شک نہ کرنا"حضرت قتادہ اس کی وضاحت یوں کرتےتھےکہ نبی اکرم صلی اللہ علیہ وسلم نے حضرت موسیٰ علیہ السلام سے ملاقات کی ۔(مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥١؛حدیث نمبر٣٢٧)
حضرت ابن عباس رضی اللہ عنہ فرماتےہیں کہ رسول اللہ صلی اللہ علیہ وسلم وادی ازرق پر گزرے۔آپ صلی اللہ علیہ وسلم نے پوچھا کہ یہ کون سی وادی ہے؟لوگوں نے کہا کہ وادی ازرق ہے۔ آپ صلی اللہ علیہ وسلم نے فرمایا کہ گویا میں موسیٰ علیہ السلام کو دیکھ رہاہوں کہ وہ بلندی سے اتر رہے ہیں اور وہ بلند آواز سے لبیک کہ رہے ہیں۔پھر آپ صلی اللہ علیہ وسلم ہرشا کی وادی پر آئے آپ صلی اللہ علیہ وسلم نے فرمایا کہ یہ کون سی وادی ہے؟لوگوں نے کہا ’ہرشا‘کی۔آپ صلی اللہ علیہ وسلم نے فرمایا:گویا کہ میں یونس بن متی کو دیکھ رہا ہوں کہ صوف کا ایک جبہ پہنے ہوئے ایک سرخ اونٹنی پر سوار ہیں اور ان کی اونٹنی کی نکیل کھجور کے چھال کی ہے،اور وہ لبیک کہہ رہے ہیں ۔(مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥٢؛حدیث نمبر٣٢٨)
حضرت ابن عباس رضی اللہ عنہ کہتے ہیں کہ ہم رسول اللہ صلی اللہ علیہ وسلم کے ساتھ مکہ اور مدینہ کے درمیان چل رہے تھے کہ ایک وادی پر گزرے۔آپ صلی اللہ علیہ وسلم نے پوچھا کہ یہ کون سی وادی ہے؟لوگوں نے کہا کہ وادی ازرق ہے۔آپ صلی اللہ علیہ وسلم نے فرمایا کہ گویا میں موسیٰ علیہ السلام کو دیکھ رہا ہوں،(پھر موسیٰ علیہ السلام کا رنگ اور بالوں کا حال بیان کیاجو(راوی حدیث)داؤد بن ابی ہند کو یاد نہ رہا)۔جو انگلیاں اپنے کانوں میں رکھے ہوئے،بلند آواز سے تلبیہ پکارتے ہوئے اس وادی میں سے جا رہے ہیں۔سیدنا عبد اللہ رضی اللہ عنہ نے کہا کہ ہم پھر چلے یہاں تک کہ ایک وادی پر آئے۔آپ صلی اللہ علیہ وسلم نے فرمایا کہ یہ کون سی وادی ہے؟لوگوں نے کہا کہ’ہرشا‘کی یا ’لفت‘ کی۔آپ صلی اللہ علیہ وسلم نے فرمایا:گویا کہ میں یونس علیہ السلام کو دیکھ رہا ہوں کہ صوف کا ایک جبہ پہنے ہوئے ایک سرخ اونٹنی پر سوار ہیں اور ان کی اونٹنی کی نکیل کھجور کے چھال کی ہے،وہ اس وادی میں لبیک کہتے ہوئے جا رہے ہیں ۔(مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥٢؛حدیث نمبر٣٢٩)
مجاہد سے روایت ہے کہ ہم عبد اللہ بن عباس رضی اللہ عنہ کے پاس بیٹھے تھے لوگوں نے دجال کا ذکر کیا اور کہا کہ اس کی دونوں آنکھوں کے درمیان کافر کا لفظ لکھا ہوا ہوگا۔ابن عباس نے کہا یہ تو میں نے نہیں سنا لیکن آپ صلی اللہ علیہ وسلم نے فرمایا ابراہیم تو ایسے ہیں جیسے تم اپنے صاحب کو دیکھتے ہو۔(یعنی صورت میں میری مشابہ ہیں)اور موسیٰ گندمی رنگ،گھنگھریالے بالوں والے،سرخ اونٹ پر سوار ہیں جس کی نکیل کھجور کی چھال کی ہے گویا میں ان کو دیکھ رہا ہوں کہ جب وہ وادی سے اتر رہے ہیں تو تلبیہ کہ رہے ہیں۔ (مسلم شریف کتاب الایمان؛بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ،وَفَرْضِ الصَّلَوَاتِ؛جلد١ص١٥٣؛حدیث نمبر٣٣٠)
حضرت جابر رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا مجھ پر انبیاء کرام کو پیش کیا گیا تو گویا حضرت موسیٰ علیہ السلام شنوئہ قبیلہ کے مردوں میں سے ایک مرد ہے اور میں نے حضرت عیسٰی علیہ السلام کو دیکھا تو وہ حضرت عروہ بن مسعود رضی اللہ عنہ کے زیادہ مشابہ ہیں۔میں نے جبریل علیہ السلام کو دیکھا تو وہ حضرت دحیہ کلبی کے ساتھ زیادہ مشابہت رکھتے ہیں۔ابن رمح کی روایت میں"دحیہ بن خلیفہ"کے الفاظ ہیں۔ (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥٣؛حدیث نمبر٣٣١)
حضرت ابوہریرہ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم نے فرمایا۔جب مجھے معراج کرایا گیا تو میں نے حضرت موسیٰ علیہ السلام سے ملاقات کی۔حضور صلی اللہ علیہ وسلم نے ان کا حلیہ بیان فرمایا۔آپ نے فرمایا کہ وہ دبلے پتلے سر میں کنگھی کیے ہوئے تھے۔گویا وہ شنوئہ قبیلہ میں سے ہو۔آپ فرماتے ہیں میری ملاقات حضرت عیسٰی علیہ السلام سے ہوئی۔آپ نے انکا وصف بیان فرمایا کہ انکا قد درمیانہ اور رنگ سرخ تھا۔گویا حمام سے باہر آئے ہوں۔آپ فرماتے ہیں میں نے حضرت ابراہیم علیہ السلام کو دیکھا اور ان کی اولاد میں سے میں ان سے زیادہ متشابہ ہوں۔پھر میرے پاس دو برتن لائے گئے۔ایک میں دودھ اور دوسرے میں شراب تھی۔مجھے کہا گیا کہ ان میں سے جو چاہے لے لیں تو میں نے دودھ لیا اور نوش کرلیا۔فرشتے نے کہا آپ نے فطرت کو پالیا۔اگر آپ شراب لیتے لیتے تو آپ کی امت گمراہ ہوجاتی۔ (مسلم شریف کتاب الایمان؛ بَابُ الْإِسْرَاءِ بِرَسُولِ اللهِ صَلَّى اللهُ عَلَيْهِ وَسَلَّمَ إِلَى السَّمَاوَاتِ، وَفَرْضِ الصَّلَوَاتِ؛جلد١ص١٥٣؛حدیث نمبر٣٣٢)
حضرت عبد اللہ بن عمر رضی اللہ عنہ فرماتے ہیں۔رسول اکرم صلی اللہ علیہ وسلم نے فرمایا۔ایک رات(خواب میں)میں نے اپنے آپکو کعبہ شریف کے پاس دیکھا تو میں نے ایک گندمی رنگ کا آدمی دیکھا جو گندمی رنگ والوں میں سے نہایت حسین تھا۔اس کی زلفیں بہت خوبصورت تھیں۔اس نے کنگھی کر رکھی تھی اور بالوں سے پانی ٹپک رہا تھا اس نے دو آدمیوں پر ٹیک لگا رکھی تھی یا فرمایا کہ دو آدمیوں کے کندھوں کا سہارا لیا ہوا تھا اور بیت اللہ شریف کا طواف کر رہا تھا۔میں نے پوچھا یہ کون ہے؟یہ مسیح ابن مریم ہے پھر میں نے ایک شخص کو دیکھا جس کے سخت گھنگھریالےبال تھے اور دائیں آنکھ سے کانا تھا اور وہ انگور کی طرح ابھری ہوئی تھی میں نے پوچھا یہ کون ہے؟کہا گیا یہ مسیح دجال ہے۔ (مسلم شریف کتاب الایمان؛بَابُ ذِكْرِ الْمَسِيحِ ابْنِ مَرْيَمَ، وَالْمَسِيحِ الدَّجَّالِ؛ترجمہ؛مسیح ابن مریم اور مسیح دجال کا ذکر؛جلد١ص١٥٤؛حدیث نمبر٣٣٣
حضرت عبد اللہ بن عمر رضی اللہ عنہ فرماتےہیں کہ رسول اللہ صلی اللہ علیہ وسلم نے ایک دن لوگوں کے درمیان مسیح دجال کا ذکر کیا تو فرمایا:کہ اللہ جل جلالہ کانا نہیں ہے۔سنو!مسیح دجال داہنی آنکھ سے کانا ہے۔گویا اس کی آنکھ ابھرا ہوا انگور ہے۔حضرت ابن عمر رضی اللہ عنہ فرماتے ہیں۔رسول اکرم صلی اللہ علیہ وسلم نے فرمایا کہ ایک رات خواب میں میں نے اپنے آپ کو کعبہ کے پاس دیکھا کہ ایک گندمی رنگ کا شخص جیسے کوئی بہت اچھا گندمی رنگ کا شخص ہوتا ہے،اس کے بال کندھوں تک تھے اور بالوں میں کنگھی کی ہوئی تھی،سر میں سے پانی ٹپک رہا تھا،اور وہ اپنے دونوں ہاتھ دو آدمیوں کے کندھوں پر رکھے ہوئے خانہ کعبہ کا طواف کر رہا تھا۔میں نے پوچھا کہ کون شخص ہے؟ لوگوں نے کہا کہ یہ مریم کے بیٹے مسیح علیہ السلام ہیں۔اور ان کے پیچھے میں نے ایک اور شخص کو دیکھا جو کہ سخت گھونگھریالے بالوں والا،داہنی آنکھ کا کانا تھا۔میں نے جو لوگ دیکھے ان سب میں ابن قطن اس سے زیادہ مشابہ ہے،وہ بھی اپنے دونوں ہاتھ دو آدمیوں کے کندھوں پر رکھے ہوئے طواف کر رہا تھا۔میں نے پوچھا کہ یہ کون ہے؟ لوگوں نے کہا کہ یہ مسیح دجال ہے۔ (مسلم شریف کتاب الایمان؛ بَابُ ذِكْرِ الْمَسِيحِ ابْنِ مَرْيَمَ، وَالْمَسِيحِ الدَّجَّالِ؛جلد١ص١٥٥؛حدیث نمبر٣٣٤)
حضرت عبد اللہ بن عمر رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا میں نے کعبہ کے پاس ایک شخص کو دیکھا اس کے بال سیدھے،اس کے دونوں ہاتھ دو آدمیوں کے کندھوں پر تھے اس کے سر سے پانی ٹپک رہا تھا میں نے پوچھا یہ کون ہے؟لوگوں نے کہا کہ یہ مریم کے بیٹے ہیں یا یوں کہا مسیح علیہ السلام ہیں۔مریم کے بیٹے مسیح علیہ السلام ہیں۔معلوم نہیں کون سا لفظ کہا۔پھر میں نے ان کے پیچھے ایک اور شخص کو دیکھا جو سرخ رنگ،سخت گھونگھریالے بالوں والا،داہنی آنکھ کا کانا تھا۔میں نے جو لوگ دیکھے ان سب میں ابن قطن اس سے زیادہ مشابہ ہے،میں نے پوچھا کہ یہ کون ہے؟لوگوں نے کہا کہ یہ مسیح دجال ۔(مسلم شریف کتاب الایمان؛ بَابُ ذِكْرِ الْمَسِيحِ ابْنِ مَرْيَمَ،وَالْمَسِيحِ الدَّجَّالِ؛جلد١ص١٥٦؛حدیث نمبر٣٣٥)
حضرت جابر بن عبداللہ رضی اللہ عنہ سے مروی ہے کہ رسول اکرم صلی اللہ علیہ وسلم نے فرمایا جب قریش نے مجھے جھٹلایا تو میں حطیم کعبہ میں کھڑا ہوا اللہ تعالیٰ نے بیت المقدس کو میرے سامنے کردیا تو میں اسے دیکھ دیکھ کر ان لوگوں سے اس کی نشانیاں بیان کرنے لگا۔ (مسلم شریف کتاب الایمان؛ بَابُ ذِكْرِ الْمَسِيحِ ابْنِ مَرْيَمَ، وَالْمَسِيحِ الدَّجَّالِ؛جلد١ص١٥٦؛حدیث نمبر؛٣٣٦)
حضرت عبد اللہ بن عمر بن خطاب رضی اللہ عنہ اپنے والد سے روایت کرتے ہیں۔وہ فرماتے ہیں میں نے رسول اکرم صلی اللہ علیہ وسلم سے سنا آپ نے فرمایا اس دوران کہ میں آرام فرما تھا۔میں نے اپنے آپ کو دیکھا کہ میں کعبہ شریف کا طواف کر رہا ہوں۔اچانک وہاں ایک آدمی کو دیکھا جس کے بال بالکل سیدھے تھے اور وہ دو آدمیوں کے درمیان تھا۔ان کے سر سے پانی کے قطرے بہ رہے تھے۔میں نے پوچھا یہ کون ہے؟حاضرین نے کہا یہ حضرت(عیسی)ابن مریم ہیں۔پھر میں متوجہ ہوا تو ایک سرخ رنگ کے جسم شخص کو دیکھا جس کے بالوں میں کنگھی کی ہوئی تھی اور وہ ایک آنکھ سے کانا تھا۔گویا اس کی آنکھ انگور کے دانے کی طرح ابھری ہوئی تھی۔میں نے پوچھا یہ کون ہے؟انہوں نے کہا یہ دجال ہے جو ابن قطن کے زیادہ مشابہ تھا۔ (مسلم شریف کتاب الایمان؛ بَابُ ذِكْرِ الْمَسِيحِ ابْنِ مَرْيَمَ، وَالْمَسِيحِ الدَّجَّالِ؛جلد١ص١٥٦؛حدیث نمبر؛٣٣٧)
حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا میں نے اپنے آپ کو حطیم میں دیکھا اور قریش مجھ سے میری سیر کا حال پوچھ رہے تھے (یعنی معراج کا) تو انہوں نے بیت المقدس کی کئی چیزیں پوچھیں جو مجھے محفوظ نہ تھی مجھے بڑا رنج ہوا ایسا رنج کبھی نہیں ہوا تھا پھر اللہ نے بیت المقدس کو اٹھاکر میرے سامنے کردیا میں اس کو دیکھنے لگا اب جو بات پوچھتے تھے میں بتادیتا تھا اور میں نےاپنے آپ کو پیغمبروں کی ایک جماعت میں پایا دیکھا تو موسیٰ علیہ السلام کھڑے ہوئے نماز پڑھ رہے ہیں وہ ایک گھنگر یالےبالوں والے جیسے شنوہ کے آدمی ہوتے ہیں اور میں نے حضرت عیسیٰ بن مریم علیہ السلام کو دیکھا وہ بھی کھڑے ہوئے نماز پڑھ رہے ہیں ان کے مشابہ سب سے زیادہ عروہ بن مسعود ثقفی کو پایا۔اور میں نے ابراہیم علیہ السلام کو دیکھا وہ کھڑے ہوئے نماز پڑھ رہے ہیں ان کے مشابہ سب سے زیادہ تمہارے صاحب ہیں(یعنی آپ صلی اللہ علیہ وسلم)۔پھر نماز کا وقت آیا تو میں نے امامت کی اور سب پیغمبروں نے میرے پیچھے نماز پڑھی جب میں فارغ ہوا تو ایک بولنے والا بولا اے محمد صلی اللہ علیہ وسلم!یہ جہنم کا مالک ہے اس کو سلام کرو۔میں نے اس کی طرف دیکھا تو اس نے خود پہلے سلام کیا ۔(مسلم شریف کتاب الایمان؛ بَابُ ذِكْرِ الْمَسِيحِ ابْنِ مَرْيَمَ، وَالْمَسِيحِ الدَّجَّالِ؛جلد١ص١٥٦؛حدیث نمبر٣٣٨)
حضرت عبد اللہ رضی اللہ عنہ سے مروی ہے فرماتے ہیں۔جب رسول اللہ صلی اللہ علیہ وسلم کو معراج کرایا گیا تو آپ کو سدرۃالمنتہی تک لے جایا گیا اور وہ چھٹے اسمان میں ہے۔زمیں سے جو چیز اوپر جاتی ہے وہ وہاں تک پہونچتی ہےاور اسےوہاں وصول کیا جاتا ہے اور جو اسکے اوپر سے آتی ہے۔وہ بھی وہاں تک پہونچتی ہے اور انکو وصول کیا جاتا ہے۔آپ فرماتے ہیں: " {إِذْ يَغْشَى} [النجم: ١٦] السِّدْرَةَ مَا يَغْشَى "،سدرہ کو ڈھانپا جس چیز نے ڈھانپا"۔سے سونے کے پروانے مراد ہیں۔وہ فرماتے ہیں نبی اکرم صلی اللہ علیہ وسلم کو تین چیزیں دی گئیں۔پانچ نمازیں دی گئیں۔سورہ بقرہ کی آخری آیات اور آپکی امت میں جو شخص شرک نہ کرے۔اس کے گناہ بخش دئے گئے۔ (مسلم شریف کتاب الایمان؛ بَابٌ فِي ذِكْرِ سِدْرَةِ الْمُنْتَهَى؛ترجمہ؛سدرۃالمنتہی کا ذکر؛جلد١ص١٥٧؛ حدیث نمبر٣٣٩)
حضرت شیبانی فرماتے ہیں میں نے حضرت زربن حبیش رضی اللہ عنہ سے اللہ تعالیٰ کے قول:{فَكَانَ قَابَ قَوْسَيْنِ أَوْ أَدْنَى} [النجم: ٩]،"پس دو کمانوں کا فاصلہ یا اس سے بھی زیادہ قریب ہوے" کے بارے میں پوچھا تو انہوں نے فرمایا مجھے حضرت ابن مسعود رضی اللہ عنہ نے خبر دی کہ نبی اکرم صلی اللہ علیہ وسلم نے حضرت جبریل علیہ السلام کو دیکھا اور انکے چھ سو پر ہیں ۔(مسلم شریف کتاب الایمان؛باب:{وَلَقَدْرَآهُ نَزْلَةً أُخْرَى}[ص: ١٥٨]جلد١ص١٥٧؛حدیث نمبر٣٤٠)
حضرت عبد اللہ بن مسعود سے ہی مروی ہے۔انہوں نے:{مَا كَذَبَ الْفُؤَادُ مَا رَأَى}[النجم: ١١]،کی تفسیر کے بارے میں فرمایا کہ نبی اکرم صلی اللہ علیہ وسلم نے حضرت جبریل علیہ السلام کو دیکھا انکے چھ سو پر ہیں۔ (مسلم شریف کتاب الایمان؛باب:{وَلَقَدْ رَآهُ نَزْلَةً أُخْرَى)جلد١ص١٥٨؛حدیث نمبر ٣٤١)
ایک اور سند کے ساتھ حضرت عبد اللہ بن مسعود رضی اللہ عنہ سے مروی ہے۔:{لَقَدْ رَأَى مِنْ آيَاتِ رَبِّهِ الْكُبْرَى} [النجم: ١٨]،کے بارے میں فرماتے ہیں کہ رسول اکرم صلی اللہ علیہ وسلم نے حضرت جبریل علیہ السلام کو انکی اصلی صورت میں دیکھا انکے چھ سو پر ہیں ۔(مسلم شریف کتاب الایمان؛باب:{وَلَقَدْ رَآهُ نَزْلَةً أُخْرَى}؛جلد١ص١٥٨؛حدیث نمبر٣٤٢)
حضرت ابوہریرہ رضی اللہ عنہ،{وَلَقَدْ رَآهُ نَزْلَةً أُخْرَى} [النجم: ١٣]،کے بارے میں فرماتے ہیں کہ نبی اکرم صلی اللہ علیہ وسلم نے حضرت جبریل علیہ السلام کو دیکھا ۔(مسلم شریف کتاب الایمان؛ بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛ترجمہ؛آیا رسول اللہ صلی اللہ علیہ وسلم نے شب معراج اللہ تعالیٰ کا دیدار کیا تھا یا نہیں؛جلد١ص١٥٨؛حدیث نمبر٣٤٣)
حضرت ابن عباس رضی اللہ عنہ فرماتے ہیں آپ نے اپنے دل سے دیکھا(علامہ ابن حجر لکھتے ہیں کہ حضرت خزیمہ نے حضرت ابن عباس رضی اللہ عنہ سے ثابت کیا کہ حضور صلی اللہ علیہ وسلم نے اپنے رب کو دوباردیکھا ایک بار دل کی آنکھ سے اور ایک بار سر کی آنکھ سے۔شرح صحیح مسلم علامہ غلام رسول سعیدی جلداول ص٢٩٨) (مسلم شریف کتاب الایمان؛ بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٥٨؛حدیث نمبر ٣٤٤)
ایک اور سند کے ساتھ بھی حدیث نمبر ٣٤٥کی مثل مروی ہے ؛(مسلم شریف کتاب الایمان؛بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٥٩؛حدیث نمبر ٣٤٦)
حضرت مسروق رضی اللہ عنہ سے روایت ہے کہ میں اُمّ المؤمنین عائشہ رضی اللہ عنہا کے پاس ٹیک لگائے ہوئے بیٹھا تھا تو انہوں نے کہا کہ اے ابو عائشہ!(یہ مسروق کی کنیت ہے)تین باتیں ایسی ہیں کہ جو کوئی ان کا قائل ہو،اس نے اللہ تعالیٰ پر بڑا جھوٹ باندھا۔میں نے کہا کہ وہ تین باتیں کونسی ہیں؟انہوں نے کہا کہ(ایک یہ ہے کہ)جو کوئی سمجھے کہ محمد صلی اللہ علیہ وسلم نے اللہ تعالیٰ کو دیکھا ہے،اس نے اللہ پر بڑا جھوٹ باندھا۔مسروق نے کہا کہ میں تکیہ لگائے ہوئے تھا،یہ سن کر میں بیٹھ گیا اور کہا کہ اے اُمّ المؤمنین!مجھے مہلت دیجئے اور جلدی نہ کریں۔کیا اللہ تعالیٰ نے نہیں فرمایا کہ: {وَلَقَدْ رَآهُ بِالْأُفُقِ الْمُبِينِ} [التكوير: ٢٣]، {وَلَقَدْ رَآهُ نَزْلَةً أُخْرَى} [النجم: ١٣]؟”اور بیشک انہوں نے اسے روشن کنارہ پر دیکھا"۔اور انہوں نے تو وہ جلوہ دوبارہ دیکھا"۔اُمّ المؤمنین عائشہ رضی اللہ عنہا نے کہا کہ اس امت میں سب سے پہلے میں نے ان آیتوں کے متعلق رسول اللہ صلی اللہ علیہ و آلہ و سلم سے پوچھا تو آپ صلی اللہ علیہ وسلم نے فرمایا کہ ان آیتوں سے مراد جبرائیل علیہ السلام ہیں۔میں نے ان کواس صورت پرجس پر انکو پیدا کیا گیا ان دوبار کے علاوہ نہیں دیکھا۔میں نے ان کو دیکھا کہ وہ آسمان سے اتر رہے تھے اور ان کے جسم کی بڑائی نے آسمان سے زمین تک کے فاصلہ کو بھر دیا تھا۔پھر اُمّ المؤمنین عائشہ رضی اللہ عنہا نے کہا کہ کیا تو نے نہیں سنا کہ اللہ تعالیٰ فرماتا ہے کہ: {لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ وَهُوَ اللَّطِيفُ الْخَبِيرُ} [الأنعام: ١٠٣]،”آنکھیں اسے احاطہ نہیں کرتیں اور سب آنکھیں اس کے احاطہ میں ہے اور وہی ہے نہایت باطن پورا خبردار"۔کیا تو نے نہیں سنا کہ: {وَمَا كَانَ لِبَشَرٍ أَنْ يُكَلِّمَهُ اللهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيٌّ حَكِيمٌ} [الشورى: ٥١]؟،"اور کسی آدمی کو نہیں پہنچتا کہ اللہ اس سے کلام فرمائے مگر وحی کے طور پر یا یوں کہ وہ بشر پردہ عظمت کے اُدھر ہو یا کوئی فرشتہ بھیجے کہ وہ اس کے حکم سے وحی کرے جو وہ چاہے بیشک وہ بلندی اور حکمت والا ہے"۔(دوسری یہ ہے کہ)جو کوئی خیال کرے کہ رسول اللہ صلی اللہ علیہ وسلم نے اللہ تعالیٰ کی کتاب میں سے کچھ چھپا لیا،تو اس نے(بھی)اللہ تعالیٰ پر بڑا جھوٹ باندھا۔اللہ تعالیٰ فرماتا ہے کہ:{يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالَتَهُ} [المائدة: ٦٧]،”اے رسول صلی اللہ علیہ وسلم!جو کچھ بھی آپ کی طرف آپ کے رب کی جانب سے نازل کیا گیا ہے،پہنچا دیجئے۔اور ایسا نہ ہو تو تم نے اسکا کوئی پیام نہ پہونچایا"۔اُمّ المؤمنین عائشہ رضی اللہ عنہا نے کہا کہ اور جو کوئی کہے کہ رسول اللہ صلی علیہ وسلم کل کی خبر(ذاتی طور پر)دیتے ہیں تو اس نے اللہ پر جھوٹ باندھا۔اللہ تعالی ارشاد فرماتا ہے:{قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللهُ} [النمل: ٦٥]،"تم فرماؤ خود غیب نہیں جانتے جو کوئی آسمانوں اور زمین میں ہیں مگر اللہ" ۔(مسلم شریف کتاب الایمان؛بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٥٩؛حدیث نمبر٣٤٧)
ایک دوسری سند کے ساتھ بھی حدیث نمبر ٣٤٧کی مثل مروی ہے البتہ اس میں یہ اضافہ ہے کہ ام المومنین حضرت عائشہ صدیقہ رضی اللہ عنہا نے فرمایا اگر حضرت محمد صلی اللہ علیہ وسلم ان باتوں میں سے جو آپ پر نازل ہوئیں کسی بات کو چھپاتے تو اس آیت کو چھپاتے۔:{وَإِذْ تَقُولُ لِلَّذِي أَنْعَمَ اللهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللهَ وَتُخْفِي فِي نَفْسِكَ مَا اللهُ مُبْدِيهِ وَتَخْشَى النَّاسَ وَاللهُ أَحَقُّ أَنْ تَخْشَاهُ} [الأحزاب: ٣٧]،اور اے محبوب یاد کرو جب تم فرماتے تھے اسے جسے اللہ نے نعمت دی اور تم نے اسے نعمت دی کہ اپنی بیوی اپنے پاس رہنے دے اور اللہ سے ڈر اور تم اپنے دل میں رکھتے تھے وہ جسے اللہ کو ظاہر کرنا منظور تھا اور تمہیں لوگوں کے طعنے کا اندیشہ تھا اور اللہ زیادہ حق دار ہے اسکا خوف دل میں ہو. ۔"(مسلم شریف کتاب الایمان؛بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٦٠؛حدیث نمبر ٣٤٨)
حضرت مسروق رضی اللہ عنہ فرماتے ہیں میں نے حضرت عائشہ صدیقہ رضی اللہ عنہا سے پوچھا کہ کیا نبی اکرم صلی اللہ علیہ وسلم نے اپنے رب کو دیکھا ہے؟۔انہوں نے فرمایا سبحان اللہ!یہ بات سن کر میرے رونگٹے کھڑے ہو جاتے ہیں مکمل حدیث ذکر کی اور یہ نسبتاً زیادہ مکمل اور تفصیلی ہے۔ (مسلم شریف کتاب الایمان؛بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٦٠؛حدیث نمبر ٣٤٩)
ایک اور سند سے حضرت مسروق رضی اللہ عنہ سے مروی ہےفرماتے ہیں میں نے حضرت عائشہ صدیقہ رضی اللہ عنہا سے اللہ تعالیٰ کے قول{ثُمَّ دَنَا فَتَدَلَّى فَكَانَ قَابَ قَوْسَيْنِ أَوْ أَدْنَى فَأَوْحَى إِلَى عَبْدِهِ مَا أَوْحَى} [النجم: ٩]کہاں ہے؟۔"پھر وہ جلوہ نزدیک ہوا پھر خوب اتر آیا تو اس جلوے اور محبوب میں دو ہاتھ کا فاصلہ رہا بلکہ اس سے بھی کم اب وحی فرمائی اپنے بندے کو جو وحی فرمائی"۔تو انہوں نے فرمایا کہ اس سے حضرت جبریل علیہ السلام مراد ہے۔وہ نبی اکرم صلی اللہ علیہ وسلم کے پاس انسانی صورت میں آئے تھے اور اس مرتبہ وہ اپنی اصلی صورت میں حاضر ہوئے تو آسمان کے افق کو بھر دیا۔ (مسلم شریف کتاب الایمان؛بَابُ مَعْنَى قَوْلِ اللهُ عَزَّ وَجَلَّ: {وَلَقَدْ رَآهُ نَزْلَةً أُخْرَى} [النجم: ١٣]، وَهَلْ رَأَى النَّبِيُّ صَلَّى اللهُ عَلَيْهِ وَسَلَّمَ رَبَّهُ لَيْلَةَ الْإِسْرَاءِ؛جلد١ص١٦٠؛حدیث نمبر٣٥٠)
حضرت ابوذر رضی اللہ عنہ سے مروی ہے فرماتے ہیں میں نے نبی اکرم صلی اللہ علیہ وسلم سے سوال کیا کہ آپ نے اپنے رب کو دیکھا ہے؟ آپ صلی اللہ علیہ وسلم نے فرمایا وہ نور ہے میں نے اسے دیکھا ہے ۔(مسلم شریف کتاب الایمان؛بَابُ فی قولہ علیہ السلام"نور انی اراہ,وفی قولہ"رأیت نورا"؛جلد١ص١٦٠؛حدیث نمبر ٣٥١)
ایک دوسری سند کے ساتھ بھی حضرت ابوذر رضی اللہ عنہ سے مروی ہے۔حضرت عبد اللہ بن شقیق فرماتے ہیں۔میں نے حضرت ابوذر رضی اللہ عنہ سے کہا کہ اگر میں رسول اکرم صلی اللہ علیہ وسلم کی زیارت کرتا تو آپ سے سوال کرتا۔انہوں نے پوچھا کس بات کے بارے میں سوال کرتے؟میں نے کہا میں یہ بات پوچھتا کہ کیا آپ نے اپنے رب کو دیکھا ہےحضرت ابوذر رضی اللہ عنہ نے فرمایا میں نے آپ سے سوال کیا تھا تو آپ نے فرمایا میں نے نور دیکھا۔ (مسلم شریف کتاب الایمان؛ بَابٌ فِي قَوْلِهِ عَلَيْهِ السَّلَامُ: «نُورٌ أَنَّى أَرَاهُ»، وَفِي قَوْلِهِ: «رَأَيْتُ نُورًا»؛جلد١ص١٦١؛حدیث نمبر ٣٥٢)
حضرت ابو موسیٰ رضی اللہ عنہ سے مروی ہے۔فرماتے ہیں نبی اکرم صلی اللہ علیہ وسلم ہمارے درمیان پانچ کلمات(کے بیان)کے ساتھ کھڑے ہوئے تو آپ نے فرمایا اللہ تعالیٰ سوتا نہیں اور نہ ہی اس کے لئے سونا مناسب ہے وہ ترازو کو جھکاتا اور بلند کرتا ہے اسکی طرف رات کا عمل دن سے پہلے اور دن کا عمل رات کے عمل سے پہلے اٹھایا جاتا ہے اسکا حجاب نور ہے۔ ابوبکر بن ابی شیبہ کی روایت میں ہے کہ اگر وہ اس حجاب کو اٹھا دے تو اس کی ذات کی شعائیں حد نگاہ تک مخلوق کو جلا دیں۔ (مسلم شریف کتاب الایمان؛بَابٌ فِي قَوْلِهِ عَلَيْهِ السَّلَامُ: إِنَّ اللهُ لَا يَنَامُ، وَفِي قَوْلِهِ: حِجَابُهُ النُّورُ لَوْ كَشَفَهُ لَأَحْرَقَ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِهِ؛ترجمہ؛نبی صلی اللہ علیہ وسلم کا فرمان:" اللہ سوتا نہیں"،اور یہ فرمان:" اس کا حجاب نور ہے اگر وہ اسے کھول دے تو اس کےذات کی شعاعیں حد نگاہ تک مخلوق کو جلا دیں"۔؛جلد١ص١٦١؛حدیث نمبر٣٥٣)
ایک دوسری سند کے ساتھ بھی یہ روایت اسی طرح منقول ہے لیکن اس میں چار باتوں کا ذکر ہے اور مخلوق کا ذکر نہیں اور یہ بات فرمائی کہ اس کا حجاب نور ہے۔ (مسلم شریف کتاب الایمان؛بَابٌ فِي قَوْلِهِ عَلَيْهِ السَّلَامُ: إِنَّ اللهُ لَا يَنَامُ، وَفِي قَوْلِهِ: حِجَابُهُ النُّورُ لَوْ كَشَفَهُ لَأَحْرَقَ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِه؛جلد١ص١٦٢؛حدیث نمبر٣٥٤)
ایک اور سند کے ساتھ حضرت ابو موسیٰ رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم ہمارے درمیان چار باتوں کے بیان کے لیے کھڑے ہوئے کہ اللہ تعالیٰ سوتا نہیں اور نہ ہی اس کے لئے سونامناسب ہے وہ ترازو کو بلند کرتا اور جھکاتا ہے اور دن کے اعمال رات کے وقت اور رات کے اعمال دن کے وقت اس کی طرف اٹھائے جاتے ہیں۔ (مسلم شریف کتاب الایمان؛بَابٌ فِي قَوْلِهِ عَلَيْهِ السَّلَامُ: إِنَّ اللهُ لَا يَنَامُ، وَفِي قَوْلِهِ: حِجَابُهُ النُّورُ لَوْ كَشَفَهُ لَأَحْرَقَ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِهِ؛جلد١ص١٦٢؛حدیث نمبر٣٥٥)
حضرت عبد اللہ بن قیس رضی اللہ عنہ نبی اکرم صلی اللہ علیہ وسلم سے روایت کرتےہیں۔آپ نے فرمایا دو جنتیں ایسی ہیں کہ ان کے برتن اور دیگر سازوسامان چاندی کا ہے اور دو جنتیں ایسی ہیں کہ ان کے برتن اور تمام سازوسامان سونے کا ہے۔لوگوں کے لئے اپنے رب کے دیدار میں جنت عدن میں اللہ تعالیٰ کی کبریائی کی چادر حائل ہوگی ۔(مسلم شریف کتاب الایمان؛بَابُ إِثْبَاتِ رُؤْيَةِ الْمُؤْمِنِينَ فِي الْآخِرَةِ رَبَّهُمْ سُبْحَانَهُ وَتَعَالَى؛ترجمہ؛مومنوں کو آخرت میں اپنے رب کا دیدار ہوگا؛جلد١ص١٦٣؛حدیث نمبر٢٥٦)
حضرت صہیب رضی اللہ عنہ،نبی اکرم صلی اللہ علیہ وسلم سے روایت کرتےہیں۔آپ نے فرمایا جب جنتی جنت میں داخل ہو جائیں گے تو اللہ تعالیٰ فرماۓگا تم مزید کوئی چیز چاہتے ہو؟تو وہ عرض کریں گے یا اللہ!کیا تو نے ہمارے چہروں کو روشن نہیں کیا؟کیا تو نے ہمیں جنت میں داخل نہیں کیا؟اور جہنم سے نجات نہیں دی۔آپ نے فرمایا پھر حجاب اٹھایا جائےگاتو انکو اپنے رب کے دیدار سے زیادہ پیاری چیز نہیں دی جائے گی ۔(مسلم شریف کتاب الایمان؛بَابُ إِثْبَاتِ رُؤْيَةِ الْمُؤْمِنِينَ فِي الْآخِرَةِ رَبَّهُمْ سُبْحَانَهُ وَتَعَالَى؛جلد١ص١٦٣؛حدیث نمبر٣٥٧)
ایک اور سند کے ساتھ حدیث نمبر ٣٥٧کی مثل مروی ہے البتہ اس میں یہ اضافہ ہے کہ پھر آپ نے یہ آیت تلاوت فرمائی۔:{لِلَّذِينَ أَحْسَنُوا الْحُسْنَى وَزِيَادَةٌ} [يونس: ٢٦]؛ان لوگوں کے لئے جنہوں نے نیکی کی بھلائی ہے اور اس سے زائد بھی ۔(مسلم شریف کتاب الایمان؛بَابُ إِثْبَاتِ رُؤْيَةِ الْمُؤْمِنِينَ فِي الْآخِرَةِ رَبَّهُمْ سُبْحَانَهُ وَتَعَالَى؛جلد١ص١٦٣؛حدیث نمبر٣٥٨)
حضرت ابو ہریرہ رضی اللہ عنہ سے روایت ہے کہ کچھ لوگوں نے رسول اللہ صلی اللہ علیہ وسلم کی خدمت میں عرض کیاکہ کیا قیامت کے روز ہم اپنے پروردگار کو دیکھیں گے؟تو رسول اللہ صلی اللہ علیہ وسلم نے فرمایا:کیا تم چودھویں رات کے چاند میں شک کرتےہو؟انہوں نے عرض کیا نہیں یا رسول اللہ!آپ صلی اللہ علیہ وسلم نے فرمایا کیا تم سورج میں شک کرتے ہو جب اس کے سامنے بادل نہ ہو۔؟لوگوں نے عرض کیا نہیں یا رسول اللہ صلی اللہ علیہ وسلم۔ آپ صلی اللہ علیہ وسلم نے فرمایا کہ پھر اسی طرح تم اپنے پروردگار کو دیکھو گے۔اللہ تعالیٰ لوگوں کو قیامت کے دن جمع کرے گا تو فرمائے گا کہ جو کوئی جس کو پوجتا تھا اسی کے ساتھ ہو جائے۔پھر جو شخص سورج کو پوجتا تھا وہ سورج کے ساتھ ہو جائے گااور جو چاند کو پوجتا تھا وہ چاند کے ساتھ اور جو طاغوت کو پوجتا تھا وہ طاغوت کے ساتھ ہو جائے گا۔بس یہ امت محمد صلی اللہ علیہ وسلم باقی رہ جائے گی جس میں منافق لوگ بھی ہوں گے۔پھر اللہ تعالیٰ ان کے سامنے اس صورت کے علاوہ صورت کے ساتھ آئیگا جسے وہ پہچانتے ہیں اور کہے گا کہ میں تمہارا رب ہوں۔وہ کہیں گے کہ ہم تجھ سے اللہ کی پناہ مانگتے ہیں اور ہم اسی جگہ ٹھہرے رہیں گے یہاں تک کہ ہمارا پروردگار آئے گا تو ہم اس کو پہچان لیں گے۔پھر اللہ تعالیٰ ان کے پاس اس صورت میں آئے گا جس کو وہ پہچانتے ہوں گے اور کہے گا کہ میں تمہارا رب ہوں،تو وہ کہیں گے کہ تو ہمارا رب ہے۔پھر وہ اس کے ساتھ ہو جائیں گے اور دوزخ کی پشت پر پُل صرات رکھا جائے گا تو میں اور میری امت سب سے پہلے پار ہوں گے اور سوائے پیغمبروں کے اور کوئی اس دن بات نہ کر سکے گا۔اور پیغمبروں کا بول اس وقت یہ اللھم سلم اللھم سلم ہوگا اور دوزخ میں سعدان بوٹی کے کانٹوں کی طرح کنڈے ہوں گے(سعدان ایک کانٹوں دار جھاڑ ی ہے)نبی صلی اللہ علیہ وسلم نے صحابہ سے فرمایا کہ کیا تم نے سعدان بوٹی دیکھی ہے؟انہوں نے کہا ہاں دیکھی ہے۔آپ صلی اللہ علیہ وسلم نے فرمایا کہ پس وہ سعدان کے کانٹوں کی شکل پر ہوں گے لیکن سوائے اللہ تعالیٰ کے یہ کوئی نہیں جانتا کہ وہ کتنے بڑے ہوں گے۔وہ کانٹے لوگوں کو ان کے اعمال کے مطابق اچک لیں گے پس ان میں سے بعض اپنے عمل کی وجہ سے ہلاک ہونے والے ہوں گے اور ان میں سے بعض ان سے محفوظ ہوں گے حتیٰ کہ نجات پائیں گے۔ یہاں تک کہ جب اللہ تعالیٰ بندوں کے فیصلے سے فارغ ہو گا اور چاہے گا کہ دوزخ والوں میں سے جس کو چاہے اپنی رحمت سے نکالے،تو فرشتوں کو حکم دے گادوزخ سے اس شخص کو نکالیں جس نے اللہ کے ساتھ کسی چیز کو شریک نہ کیا ہو،جس پر اللہ نے رحمت کرنی چاہی ہو،جو کہ لا الٰہ الا اللہ کہتا ہو گا،تو فرشتے دوزخ میں ایسے لوگوں کو پہچان لیں گے اور وہ انہیں سجدوں کے نشان سے پہچانیں گے۔آگ آدمی کو جلا ڈالے گی سوائے سجدے کے نشان کی جگہ کے (کیونکہ)اللہ تعالیٰ نے آگ پر اس جگہ کا جلاناحرام کیا ہے۔پھر وہ دوزخ سے جلے بھنے نکالے جائیں گے،تب ان پر آبِ حیات چھڑکا جائے گا تو وہ تازہ ہو کر ایسے جم اٹھیں گے جیسے دانہ پانی کے بہاؤ میں جم اٹھتا ہے(پانی جہاں پر کوڑا کچرا مٹی بہا کر لاتا ہے وہاں دانہ خوب اگتا ہے اور جلد شاداب اور سرسبز ہو جاتا ہے اسی طرح وہ جہنمی بھی آبِ حیات ڈالتے ہی تازے ہو جائیں گے اور جلن کے نشان بالکل جاتے رہیں گے)پھر جب اللہ تعالیٰ بندوں کے فیصلے سے فارغ ہو گا اور ایک مرد باقی رہ جائے گا جس کا منہ دوزخ کی طرف ہو گا اور یہ جنت میں داخل ہونے والا آخری شخص ہو گا،وہ کہے گا کہ اے رب!میرا منہ جہنم کی طرف سے پھیر دے کیونکہ اس کی بو مجھے ایذا میں ڈالنے والی اور اس کی گرمی مجھے جلا رہی ہے۔چنانچہ جس قدر اللہ تعالیٰ چاہے گا وہ اللہ تعالیٰ کو پکارے گا۔اس کے بعد اللہ تعالیٰ فرمائے گا ہوسکتا اگر میں یہ کام کروں تو کسی اور بات کا سوال کرے وہ کہے گا میں کوئی اور سوال نہیں کروں گااور وہ اللہ تعالیٰ سے پکا وعدہ کرےگاجو اللہ تعالیٰ چاہے گا پس اللہ تعالیٰ اس کے چہرے کو جہنم سے پھیر دے گا۔(جنت کی طرف)۔جب وہ جنت کی طرف متوجہ ہوگا اور اسے دیکھے گا تو جس قدر اللہ تعالیٰ چاہے گا وہ خاموش رہے گا پھر کہے گا اے میرے رب!مجھے جنت کے دروازے کی طرف بھیج دے۔اللہ تعالی اس سے فرمائے گا کیا تم نے مجھ سے پکا وعدہ نہیں کیا کہ میں نے جو کچھ تجھے عطا کیا اسکے علاوہ کسی چیز کا سوال نہیں کرے گا۔افسوس اے انسان!تو کس قدر وعدہ خلافی کرنے والا ہے۔وہ کہے گا اے میرے رب!اللہ تعالیٰ کو پکارے گا حتیٰ کہ اللہ تعالیٰ فرمائے گا ہوسکتا ہے میں تیرا یہ مطالبہ کروں توتواس کے علاوہ کسی چیز کا سوال کرے وہ کہے گا تیری عزت کی قسم!(کوئی اور سوال نہیں)کروں گا۔جس قدر اللہ چاہے گا وہ اپنے رب سے وعدہ کرے گا تو اللہ تعالیٰ اسے جنت کے دروازے کی طرف بھیج دیگا۔جب وہ جنت کے دروازے پر کھڑا ہوگا تو وہ اس کے لئے کشادہ ہو جائے گا اور کھل جائے گا۔وہ جنت کے اندر خیر اور سرور دیکھے گا تو جس قدر اللہ چاہے گا وہ خاموش رہے گا۔پھر کہے گا اے میرے رب!مجھے جنت میں داخل کردے اللہ تعالیٰ اس سے فرمائے گا کیا تو نے مجھ سے وعدہ نہیں کیا تھا کہ جو کچھ میں تجھے عطا کروں اس کے علاوہ کچھ نہیں مانگےگا۔اے انسان!تیرے لئے خرابی ہو تو کس قدر دھوکہ کرتا ہے۔وہ کہے گا اے میرے رب!میں تیری مخلوق میں سے سب سے زیادہ بدبخت نہ ہو جاؤں(کہ اندر نہ جاؤں)وہ مسلسل اللہ تعالیٰ کو پکارتا رہے گا حتیٰ کہ اللہ تعالیٰ کو(اپنی شان کے مطابق)ہنسی آئیگی جب اللہ تعالیٰ اس کی اس بات پر ہنسی فرمائے گا تو ارشاد فرمائے گا جنت میں داخل ہوجا۔جب وہ جنت میں داخل ہوگا تو اللہ تعالیٰ اس سے فرماۓ گا تمنا کروہ اپنے رب سے سوال کرے گا اور تمنا کرےگا حتیٰ کہ اللہ تعالیٰ اسے جنت کی مختلف نعمتیں خود یاد دلاےگا یہاں تک کہ جب اسکی آرزوئیں پوری ہوجائیں گی تو اللہ تعالیٰ فرمائے گا تیرے لئے یہ بھی ہے اور اسکی مثل اور بھی۔حضرت عطاء بن یزید اور حضرت ابو سعید خدری رضی اللہ عنہ حضرت ابوہریرہ رضی اللہ عنہ کی کسی بات کو رد نہیں کرتے لیکن جب حضرت ابوہریرہ رضی اللہ عنہ یوں بیان کرتے ہیں کہ اللہ تعالیٰ اس شخص سے فرمائے گا تیرے لئے یہ بھی ہے اور اور اس کی مثل بھی تو حضرت ابو سعید رضی اللہ عنہ نے فرمایا اے ابوہریرہ!اسکے ساتھ دس مثل کا ذکر کیا تو حضرت ابوہریرہ نے فرمایا مجھے صرف اتنی بات یاد ہے کہ(فرمایا)تمہارے لیے یہ سب کچھ ہے اور اس کے ساتھ اس کی مثل بھی۔حضرت ابو سعید رضی اللہ عنہ نے فرمایا میں گواہی دیتا ہوں کہ میں نے نبی اکرم صلی اللہ علیہ وسلم سے یہی بات یاد رکھی ہےاور کہ آپ نے فرمایا تمہارے لئے یہ ہے اور اس کی دس مثل بھی۔حضرت ابوہریرہ رضی اللہ عنہ نے فرمایا یہ شخص جنت میں داخل ہونے والوں میں سے سب سے آخری آدمی ہوگا۔ (مسلم شریف کتاب الایمان؛بَابُ مَعْرِفَةِ طَرِيقِ اللہ؛ تعالیٰ کے دیدار کی کیفیت؛جلد١ص١٦٣تا١٦٦؛حدیث نمبر٣٥٩)
حضرت ابوہریرہ رضی اللہ عنہ سے مروی ہے کہ صحابہ کرام نبی اکرم صلی اللہ علیہ وسلم کی خدمت میں عرض کیا یا رسول اللہ!کیا ہم قیامت کے دن اللہ تعالیٰ کو دیکھیں گے۔اسکے بعد حدیث نمبر ٣٥٩کا مفہوم مذکور ہے ۔(مسلم شریف کتاب الایمان؛بَابُ مَعْرِفَةِ طَرِيقِ الرُّؤْيَةِ؛جلد١ص١٦٨؛حدیث نمبر ٣٦٠)
حضرت ابوہریرہ رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے فرمایا جنت میں تم میں سے کسی ایک کا درجہ کم سے کم یہ ہوگا کہ اللہ تعالیٰ فرماۓگا تمنا کرو وہ تمنا کریگا تو اللہ تعالیٰ اس سے پوچھے گا کیا تم نے تمنا کر لی وہ عرض کرےگا جی ہاں اللہ تعالیٰ فرماۓگا تیرے لئے وہ جسکی تو نے تمنا کی اور اسکے ساتھ اسکی مثل ہے ۔(مسلم شریف کتاب الایمان؛بَابُ مَعْرِفَةِ طَرِيقِ الرُّؤْيَةِ؛جلد١ص١٦٨؛حدیث نمبر٣٦١)
حضرت ابو سعید خدری رضی اللہ عنہ سے روایت ہے کہ کچھ لوگوں نے رسول اللہ صلی اللہ علیہ وسلم کے زمانے میں کہا یارسول اللہ صلی اللہ علیہ وسلم!کیا ہم اپنے رب کو قیامت کے دن دیکھیں گے۔آپ صلی اللہ علیہ وسلم نے فرمایا ہاں۔جب آسمان صاف ہو اور بادل نہ ہو توتم لوگوں کو دوپہر کے وقت سورج کے دیکھنے میں کوئی تکلیف ہوتی ہے؟(اور اسی طرح)جب آسمان صاف ہو اور بادل نہ ہو توتم لوگوں کو چودھویں رات کے چاند کے دیکھنے میں کوئی تکلیف ہوتی ہے؟انہوں نے کہا نہیں۔آپ صلی اللہ علیہ وسلم نے فرمایا قیامت کے دن اللہ تعالیٰ کو دیکھنے میں یہی صورت ہوگی جو ان دونوں(سورج اور چاند)کے دیکھنے میں ہے(یعنی شک نہیں ہوگا)۔جب قیامت کا دن ہوگا ایک پکارنے والا پکارے گا ہر گروہ(جماعت)اپنے اپنے معبود کے ساتھ ہوجائے۔پھر جتنے لوگ اللہ کے سوا اور کسی کی عبادت کرتے تھے جیسے بتوں وغیرہ کی۔ان میں سے کوئی نہیں بچے گا سب کے سب آگ میں گریں گے اور وہی لوگ باقی رہ جائیں گے جو اللہ کی خالص عبادت کرتے تھے خواہ نیک ہو یا بد اور کچھ لوگ اہل کتاب میں سے۔پھر یہودی بلائے جائیں گے اور ان سے کہا جائے گا کہ تم کس کی عبادت کرتے تھے؟ وہ کہیں گے ہم حضرت عُزیر جو اللہ کے بیٹے ہیں اس کی پوجا کرتے تھے۔ان کو جواب ملے گا تم جھوٹے تھے اللہ جل جلالہ نے نہ کسی کو اپنی بیوی بنایا اور نہ بیٹا۔اب تم کیا چاہتے ہو؟وہ کہیں گے اےہمارے رب!ہم پیاسے ہیں ہمیں پانی پلا دے۔چنانچہ ان کی طرف اشارہ کر کے فرشتوں کو کہا جاۓگاچنانچہ سب کو آگ(جہنم)کی طرف لے جایا جائے گا ان کو ایسا معلوم ہوگا جیسے سراب (چمکتی ریت پانی کی طرح نظر آئے گی)۔اور جہنم ایسے شعلے ماررہا ہوگا گویااسکے بعض دوسرےبعض کو کھاۓگا۔وہ سب آگ میں گر پڑیں گے۔اس کے بعد نصاریٰ بلائے جائیں گےان سے پوچھا جائے گا تم کس کی عبادت کرتے تھے؟وہ کہیں گے ہم حضرت مسیح جو اللہ کے بیٹے ہیں ان کی پوجاکرتے تھے۔ ان کو جواب ملے گا تم جھوٹے تھے اللہ جل جلالہ نے نہ کسی کو اپنی بیوی بنایا اور نہ بیٹا۔اب تم کیا چاہتے ہو؟وہ کہیں گےاےہمارے رب!ہم پیاسے ہیں ہمیں پانی پلا دے۔تو انکی طرف اشارہ کیا جائے گا اور فرشتوں کو بلاکر ان لوگوں کو آگ کی طرف لے جایا جائے گا اور جہنم کی آگ سراب کی طرح ہوگی اور اسکا بعض دوسرے بعض کو کھاۓ گا۔پھر وہ جہنم میں گر جائیں گےحتی کہ صرف وہی لوگ رہ جائیں گے جو اللہ تعالیٰ کی عبادت کرتے ہیں۔خواہ نیک ہو یابد۔اس وقت سارے جہاں کا رب ان کے پاس ایک ایسی صورت بن کر آئےگا جسکو وہ دنیا میں قریب سے دیکھ چکے ہوں اور فرمائے گا تم کس بات کے منتظر ہو؟ہر گروہ اپنے اپنے معبود کے ساتھ ہوگیا ۔وہ کہیں گے اے ہمارے رب!ہم نے تو دنیا میں ان لوگوں کا ساتھ نہ دیا(یعنی مشرکوں کا)جب ہم ان کے محتاج تھے اور نہ ان کی صحبت میں رہے۔پھروہ فرمائے گا میں تمہارا رب ہوں وہ کہیں گے ہم اللہ کی پناہ مانگتے ہیں تم سے اور اللہ کے ساتھ کسی کو شریک نہیں کرتے دو یا تین بار یہی کہیں گے یہاں تک ان میں سے بعض انقلاب کا شکار ہو جائیں گے(کیونکہ یہ امتحان بہت سخت ہوگا)پھر اللہ تعالیٰ فرمائے گااچھا تم اپنے رب کی کوئی نشانی جانتے ہو جس سے رب کو پہچانو وہ کہیں گے ہاں بس وہ اپنی ساق منکشف فرمائے گا۔اور جو شخص اللہ کو اپنے دل سے(بغیر جبر اور خوف یا ریا کے)سجدہ کرتا ہوگا اس کو وہاں بھی سجدہ میسر ہوگا اور جو شخص دنیا میں اپنی جان بچانے کی خاطر یا دکھلاوے کی وجہ سے سجدہ کرتا تھا اس کی پیٹھ کواللہ تعالیٰ تختہ بنادے گا جب وہ سجدہ کرنا چاہے گا تو چت گرپڑے گا۔پھر وہ لوگ اپنا سراٹھائیں گے تو وہ اپنی پہلی والی صورت پر ہوگاجسکو وہ دیکھ چکے ہوں گے اور وہ کہیں گے تو ہمارا رب ہے۔اس کے بعد جہنم پر پل رکھا جائے گا اور سفارش(شفاعت)کی اجازت دی جائے گی اور سب کہیں گے."اللھم سلم اللھم سلم"یا اللہ سلامتی عطاء فرما۔عرض کیا گیا یا رسول اللہ صلی اللہ علیہ وسلم! پل کیا ہے؟فرمایا پھسلنے کی جگہ ہے اور اس میں دندانے کانٹے ہوں گے جو سعدان نامی کانٹے دار بوٹی کی طرح ہوں گے جو نجد میں ہوتی ہے۔مؤمن اس پر پلک جھپکنے کی طرح،بجلی کی طرح،ہوا کی طرح،پرندے کی طرح،تیز رفتار گھوڑے اوراونٹوں کی طرح گزر جائیں گے۔کچھ مسلمان بلکل بچ نکلیں گے کچھ زخمی ہوکر جہنم میں گر جائیں گے حتیٰ کہ جب مؤمن جہنم سے بچ جائیں گے تو اس ذات کی قسم جس کے قبضۂ قدرت میں میری جان ہے کہ مسلمانوں کے جو بھائی جہنم میں چلے جائیں گے وہ ان کے لئے اللہ سے اس قدر لڑیں گے کہ تم مومنوں سے حق لینے کے لیے بھی اس قدر نہیں لڑتے وہ کہیں گے اے ہمارے رب!یہ لوگ ہمارے ساتھ روزہ رکھتے تھے،نماز پڑھتے تھے،اور حج کرتے تھے تو ان سے کہا جائے گا جنکو تم پہچانتے ہو انکو نکال لو تو انکی صورتیں جہنمیوں پر حرام کر دی جائیں گی چنانچہ وہ بہت لوگوں کو جہنم سے نکالیں گے جن کی پنڈلیوں تک آگ پہنچ گئی ہوگی اور کچھ کے گھٹنوں تک آگ پہونچ گئی ہوگی پھر کہیں گے اے ہمارے رب!جنکے بارے میں تو ہمیں حکم دیا ان میں سے کوئی بھی باقی نہ رہا۔اللہ تعالی فرمائے گا واپس جاؤ اور جسکے دل میں نصف دینار کے برابر بھی نیکی پاؤ اسے اس سے نکال دو پس وہ بہت سے لوگوں کو نکالیں گے پھر وہ کہیں گے اے ہمارے رب!جن لوگوں کے بارے میں تو نے ہمیں حکم دیا تھا ہم نے ان میں سے کسی ایک کو بھی نہیں چھوڑااللہ تعالیٰ پھر فرمائے گا جاؤ اور جسکے دل میں ایک ذرے کے برابر بھی نیکی پاؤ اسکو جہنم سے نکال دو پس وہ بہت سے لوگوں کو نکالیں گے پھر کہیں گے اے ہمارے رب!ہم نے وہاں کسی نیکی والے کو نہیں چھوڑا۔حضرت ابوسعید خدری فرماتے تھے اگر تم اس حدیث کے بارے میں میری تصدیق نہیں کرتے تو اگر چاہو تو قرآن مجید کی یہ آیت پڑھو۔: {إِنَّ اللهَ لَا يَظْلِمُ مِثْقَالَ ذَرَّةٍ وَإِنْ تَكُ حَسَنَةً يُضَاعِفْهَا وَيُؤْتِ مِنْ لَدُنْهُ أَجْرًا عَظِيمًا} [النساء: ٤٠]،"بےشک اللہ تعالیٰ ایک ذرے کے برابر بھی ظلم نہیں کرتا اور اگر نیکی ہو تو اسے بڑھا دیتا ہے اور اپنی طرف سے بہت بڑا اجر عطا فرماتا ہے"۔پس اللہ تعالیٰ فرماۓگا فرشتوں نے سفارش کی،انبیاء کرام علیہم السلام نے شفاعت کی اور ایمان والوں نے سفارش کی اور اب صرف ارحم الراحمين کی ذات باقی ہے۔پس وہ(اپنی شان کے مطابق)جہنم سے ایک مٹھی بھر کر ایسے لوگوں کو باہر نکالے گا جنہوں نے کبھی نیکی نہیں کی ہوگی وہ کوئلہ بن چکے ہوں گے۔اللہ تعالی انکو محلات جنت کے دروازوں پر آب حیات کی نہر میں ڈالے گا تو وہ یوں نکلیں گے جیسے سیلاب کے کیچڑ میں دانہ اگتا ہے کیا تم نہیں دیکھتے کہ جو دانہ پتھر یا درخت کے جانب ہوتا ہے تو اس میں سے جو حصہ سورج کی طرف ہوتا ہے۔وہی زرد اور سبز ہوتا ہے اور جو ساۓمیں ہوتا ہے وہ سفید ہوتا ہے۔صحابہ کرام نے عرض کیا یا رسول اللہ!(ایسا معلوم ہوتا ہے)گویا آپ جنگلوں میں(اونٹ یا بکریاں)چراتے رہے ہیں۔نبی اکرم صلی اللہ علیہ وسلم نے فرمایا وہ موتیوں کی صورت میں نکالے جائیں گے انکی گردنوں میں سونے کے پٹےہوں گے۔اہل جنت انکو پہچانیں گے(اور کہیں گے)یہ اللہ تعالیٰ کے آزاد کردہ ہیں جن کو اللہ تعالیٰ جنت میں داخل کریگا حالانکہ نہ تو انہوں نے کوئی عمل کیا اور نہ کوئی نیکی آگے بھیجی۔پھر فرمائے گا جنت میں داخل ہوجاو جو کچھ تم دیکھتے ہو وہ تمہارے لیے ہے وہ کہیں گے اے ہمارے رب!تو نے ہمیں وہ کچھ عطاء کیا جو تمام جہانوں میں سے کسی کو نہیں دیا۔اللہ تعالی فرماۓگا تمہارے لیے میرے پاس اس سے بھی افضل ہے وہ کہیں گے اے ہمارے رب! اس سے افضل کیا چیز ہے؟وہ فرماۓگا میری رضا ہے میں اس کے بعد کبھی بھی تم پر ناراض نہیں ہوں گا۔ (مسلم شریف کتاب الایمان؛باب معرفة طريق الرؤية جلد١ص١٦۷تا ١۷٠حدیث نمبر ٣٦٢)
امام مسلم فرماتے ہیں میں نے شفاعت کے سلسلے میں یہ حدیث عیسی بن حماد زغبۃ مصری کے سامنے پڑھی اور میں نے ان سے کہا میں یہ حدیث آپ سے روایت کرتے ہوئے بیان کرتا ہوں آپ نے اسے لیث بن سعد سے سنا ہے؟انہوں نے کہا ہاں سنا ہے میں نے عیسٰی بن حماد سے کہا کیا لیث بن سعد نے تمہیں یہ خبر دی کہ انہوں نے خالدبن یزید سے سنا انہوں نے حضرت سعید بن ابی ہلال سے انہوں نے زید بن اسلم سے انہوں نے عطاء بن یسار سے اور انہوں نے حضرت ابو سعید خدری رضی اللہ عنہ سے روایت کیا۔وہ فرماتے ہیں ہم نے کہا یارسول اللہ!کیا ہم اپنے رب کو دیکھیں گے۔رسول اللہ صلی اللہ علیہ وسلم نے فرمایا کیا تم سورج کو دیکھنے میں شک کرتے ہو؟جب آسمان صاف ہو ہم نے کہا نہیں فرماتے ہیں میں نے یہ حدیث آخر تک بیان کی اور یہ حفص بن میسرہ کی حدیث کی طرح ہے۔ اس میں اس بات کے بعد کہ انکو کسی عمل اور نیکی کے بغیر جنت میں داخل کرےگا۔یہ اضافہ ہے کہ ان سے کہا جائے گا تمہارے لئے وہ ہے جو تم نے دیکھا اور اسکی مثل اسکے ساتھ،حضرت ابوسعید خدری فرماتے ہیں مجھے یہ بات پہنچی ہے کہ پل صراط بال سے زیادہ باریک اور تلوار سے زیادہ تیز ہوگا اور حضرت لیث کی روایت میں یہ بات نہیں ہے کہ وہ کہیں گے اے ہمارے رب تو نے ہمیں وہ کچھ عطاء کیا جو تمام جہان والوں میں سے کسی کو نہیں دیا اور نہ اسکے بعد دیگا تو حضرت عیسٰی بن حماد نے اسکا اقرار کیا۔ (مسلم شریف کتاب الایمان;باب معرفة طريق الرؤية;جلد١ص١٧٠:حديث نمبر ٣٦٣)
ایک اور سند کے ساتھ بھی حدیث نمبر ٣٦٣کی مثل مروی ہے البتہ اس میں کچھ کمی زیادتی ہے ۔(مسلم شریف کتاب الایمان؛بَابُ مَعْرِفَةِ طَرِيقِ الرُّؤْيَةِ؛جلد١ص١٧١؛حدیث نمبر؛٣٦٤)
حضرت ابوسعید خدری رضی اللہ عنہ سے مروی ہے رسول اکرم صلی اللہ علیہ وسلم نے فرمایا اللہ تعالیٰ اہل جنت کو جنت میں داخل کرے گا تو جسے چاہے گا اپنی رحمت سے داخل کرےگا اور جہنم والوں کو جہنم میں داخل کرےگا پھر فرماۓگا دیکھ جس کے دل میں رائی کے دانے کے برابر بھی ایمان پاتے ہو اسے نکال لو۔پس وہ اس میں سے انکو نکالیں گے جو جل کر کوئلہ ہو چکے ہوں گے۔پھر انکو آب حیات میں ڈالا جائے گا تو وہ اس دانے کی طرح پروان چڑھیں گے جو سیلاب کے کیچڑ میں بڑھتا ہے کیا تم نے اسکو نہیں دیکھا کہ وہ زردی مائل ہوکر اگتا ہے ۔(مسلم شریف کتاب الایمان؛ بَابُ إِثْبَاتِ الشَّفَاعَةِ وَإِخْرَاجِ الْمُوَحِّدِينَ مِنَ النَّارِ؛ترجمہ؛شفاعت کا ثبوت اور موحدین کا جہنم سے نکلنا؛جلد١ص١٧٢؛حدیث نمبر٣٦٥)
ایک دوسری سند کے ساتھ بھی حدیث نمبر ٣٦٥کی مثل مروی ہے کچھ الفاظ کا فرق ہے۔مفہوم وہی ہے۔ (مسلم شریف کتاب الایمان؛ بَابُ إِثْبَاتِ الشَّفَاعَةِ وَإِخْرَاجِ الْمُوَحِّدِينَ مِنَ النَّارِ؛جلد١ص١٧٢؛حدیث نمبر٣٦٦)
حضرت ابوسعید رضی اللہ عنہ سے مروی ہے فرماتے ہیں رسول اکرم صلی اللہ علیہ وسلم نے فرمایا جہاں تک جہنمیوں کا تعلق ہے جو اسکے اہل ہیں تو وہ اسی میں مریں گے نہ زندہ ہوں گے لیکن تم میں سے بعض لوگوں کو انکے گناہوں کی وجہ سے آگ پہونچے گی تو اللہ تعالیٰ انکو موت دےگا حتیٰ کہ جب وہ کوئلے کی طرح ہوجائیں گے۔تو شفاعت کی اجازت دی جائے گی اور انکو گروہ در گروہ بلایا جائے گا اور انکو جنت کی لہروں پر تقسیم کر دیا جائے گا پس انکو جنتی نہروں پر پھیلا دیا جائے گا۔پھر کہا جائے گا اے اہل جنت!ان پر پانی بہاؤ تو وہ اس دانے کے اگنے کی طرح نشوونما پائیں گے جو سیلاب کے گارے میں ہوتا ہے۔ان لوگوں میں سے ایک شخص نے کہا(ایسا معلوم ہوتا ہے)گویا نبی اکرم صلی اللہ علیہ وسلم جنگل میں رہے ہوں۔ (مسلم شریف کتاب الایمان؛- بَابُ إِثْبَاتِ الشَّفَاعَةِ وَإِخْرَاجِ الْمُوَحِّدِينَ مِنَ النَّارِ؛جلد١ص١٧٢؛حدیث نمبر٣٦٧)
ایک اور سند کے ساتھ بھی امام مسلم سے حدیث نمبر ٣٦٧کی مثل مروی ہے البتہ"سیلاب کے گارے" کے الفاظ کے بعد والے کلمات مذکور نہیں ہیں۔ (مسلم شریف کتاب الایمان:- بَابُ إِثْبَاتِ الشَّفَاعَةِ وَإِخْرَاجِ الْمُوَحِّدِينَ مِنَ النَّارِ؛جلد١ص١٧٣؛حدیث نمبر٣٦٨)
حضرت عبداللہ بن مسعود رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا میں اس شخص کو جانتا ہوں جو جہنم سے سب سے آخر میں نکلے گا اور جنت میں سب سے آخر میں داخل ہوگا۔ایک شخص جو جہنم سے ہاتھوں اور پاؤں پر گھسیٹتاہوا نکلے گا تو اللہ تعالیٰ اس سے فرمائے گا جا اور جنت میں داخل ہوجا۔آپ نے فرمایا وہ جائے گا اور خیال کرےگا کہ جنت تو بھری ہوئی ہے پس واپس آجائے گا اور عرض کرےگا۔اے میرے رب!وہ تو بھری ہوئی ہے اللہ تعالیٰ اس سے فرماۓگا جا اور جنت میں داخل ہوجا۔فرمایا وہ آئیگا اور خیال کرے گا کہ وہ بھری ہوئی ہے پس واپس لوٹ جائیگا اور عرض کرے گا اے میرے رب!وہ تو بھری ہوئی ہےاللہ تعالیٰ فرماۓگا جا جنت میں داخل ہوجا تیرے لیے دنیا اور اسکی مثل دس ہے یافرمایا تیرے لئے دنیا کی دس مثل ہے۔نبی اکرم صلی اللہ علیہ وسلم فرماتے ہیں وہ کہے گا یااللہ تو مجھ سے مذاق کرتا ہے یا مجھ پر ہنستا ہے تو تو بادشاہ ہے۔حضرت ابن مسعود فرماتے ہیں۔میں نے دیکھا کہ نبی اکرم صلی اللہ علیہ وسلم ہنس رہے ہیں حتیٰ کہ آپکی داڑھیں مبارک ظاہر ہوئیں۔آپ نے فرمایا یہ جنتی سب سے کم درجہ والا جنتی ہوگا۔ (مسلم شریف کتاب الایمان؛-بَابُ آخَرِ أَهْلِ النَّارِ خُرُوجًا؛جلد١ص١٧٣؛حدیث نمبر ٣٦٩)
حضرت عبداللہ بن مسعود رضی اللہ عنہ سے مروی ہے۔فرماتے ہیں میں اس شخص کو جانتا ہوں جو جہنم میں سب سے آخر میں نکلے گا اور اپنے کولہوں کے بل گھسیٹتا ہوا نکلے گا۔اس سے کہا جائے گا جاؤ اور جنت میں داخل ہوجاو فرمایا وہ جائے گا اور جنت میں داخل ہوجائے گا اور لوگوں کو یوں پائے گا وہ اپنے اپنے گھروں میں رہ رہے ہیں اس سے کہا جائے گا کیا تمہیں وہ وقت یاد ہے جو تم نے گزارا ہے وہ کہے گا ہاں(یاد ہے)پس اس سے کہا جائے گا تمنا کرو تو وہ تمنا کرے گا تو اس سے کہا جائے گا تیرے لئے وہ بھی ہے جسکی تو تمنا کی اور دنیا کا دس گنا بھی وہ کہےگا کیا تو مجھ سے مذاق کرتا ہے حالانکہ تو بادشاہ ہے۔راوی فرماتے ہیں میں نے دیکھا کہ نبی اکرم صلی اللہ علیہ وسلم ہنس پڑے حتیٰ کہ آپ کی داڑھیں ظاہر ہوگئیں ۔(شریف مسلم کتاب الایمان؛ بَابُ آخَرِ أَهْلِ النَّارِ خُرُوجًا؛جلد١ص١٧٤؛حدیث نمبر ٣٧٠)
حضرت عبد اللہ بن مسعود رضی اللہ عنہ سے مروی ہے نبی اکرم صلی اللہ علیہ وسلم نے فرمایا جنت میں سب سے آخر میں داخل ہونے والا شخص وہ ہوگا جو کبھی چلے گا۔کبھی اوندھا ہوگا اور کبھی جہنم کی آگ اسے دھکیلے گی جب وہ جہنم سے نکل جائے گا تو اس کی طرف متوجہ ہو کر کہے گا وہ ذات پاک ہے جس نے مجھے تجھ سے نجات دی اور اس نے مجھے وہ چیز عطا کی جو پہلوں اور پچھلوں میں سے کسی کو عطاء نہیں کی پس اسکی طرف ایک درخت اٹھایا جائے گا تو وہ کہے گا اے میرے رب! مجھے اس درخت کے قریب کر دے تاکہ میں اس کے ساۓ سےلطف اندوز ہوں اور اسکا پانی پیئوں۔اللہ تعالی فرمائے گا اے انسان!کیا تو نے مجھ سے وعدہ نہیں کیا تھا کہ تو اس کے علاوہ کچھ نہیں مانگے گا۔وہ کہے گا ہاں میرے رب یہ دے دے مزید سوال نہیں کروں گا۔اللہ تعالی اسکی معذرت قبول فرمائے گا کیونکہ اس نے وہ چیز دیکھی ہے جسے وہ صبر نہیں کرسکتا۔پس اللہ تعالیٰ اسے اسکے قریب کر دےگا اور وہ اس کے ساۓ سے لطف اندوز ہوگا اور اسکے پانی سے پئے گا۔پھر جنت کے دروازے کے پاس ایک درخت اسکے سامنے کیا جائے گا جو پہلے دونوں سے زیادہ خوبصورت ہوگا۔وہ کہے گا اے میرے رب!مجھے اس درخت کے قریب کردے تاکہ میں اس کے ساۓ سے نفع حاصل کروں اور اسکے پانی سے پئوں میں اس کے علاوہ کچھ نہیں مانگوں گا۔اللہ تعالی فرماۓگا اے انسان!کیا تو نے مجھ سے وعدہ نہیں کیا تھا کہ تو مزید کچھ نہیں مانگے گا۔وہ عرض کرےگا ہاں یا رب!پس اسکے علاوہ کچھ نہیں مانگوں گا اور اسکا رب اسکا عزر قبول فرمائے گا۔کیونکہ اس نے وہ کچھ دیکھاجس سے صبر نہیں کرسکتا۔پس وہ اسے اسکے قریب کر دیگا تو وہ جنتیوں کی آوازیں سنے گا اور کہے گا اے میرے رب مجھے اس میں داخل کردے۔اللہ تعالی فرماۓگا اے انسان تیرے سوالوں کو کون سی چیز روک سکتی ہے۔کیا تو اس بات پر راضی ہے کہ میں تجھے دنیا اور اسکے ساتھ اسکی مثل دوں؟وہ کہے گا اے میرے رب!کیا تو مجھ سے مذاق کرتا ہے حالانکہ کہ تو تمام جہان والوں کا پروردگار ہے۔حضرت ابن مسعود رضی اللہ عنہ ہنس پڑے اور فرمایا کیا تم مجھ سے ہنسنے کی وجہ نہیں پوچھتے؟حاضرین نے پوچھا آپ کیوں ہنسے ہیں۔فرمایا نبی اکرم صلی اللہ علیہ وسلم بھی اسی طرح ہنسے اور صحابہ کرام نے پوچھا یا رسول اللہ آپ کیوں ہنسے ہیں؟آپ نے فرمایا رب العالمين کی ہنسنے کی وجہ سے(جس طرح اسکے شایان شان ہے)جب اس نے کہا کہ کیا تو مجھ سے مذاق کرتا ہے حالانکہ تو رب العالمین ہے۔اللہ تعالی فرماۓگا میں تجھ سے مذاق نہیں کرتا لیکن میں جو چاہوں اس پر قادر ہوں۔(مسلم شریف کتاب الایمان؛بَابُ آخَرِ أَهْلِ النَّارِ خُرُوجًا؛جلد١ص١٧٤؛حدیث نمبر٣٧١)
حضرت ابوسعید خدری رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا۔جنت میں سب سے کم درجہ اس شخص کا ہوگا جسکے چہرے کو اللہ تعالیٰ جہنم سے جنت کی طرف پھیرے گا اور اس کے لئے ایک سایہ دار درخت کی صورت سامنے لائی جائے گی تو وہ کہے گا اے میرے رب!مجھے اس درخت کے قریب کر دے تاکہ میں اس کے ساۓ میں ہو جاؤں۔اس کے بعد حضرت ابن مسعود رضی اللہ عنہ کی روایت کی مثل(حدیث نمبر ٣٧١)حدیث نقل کی اور یہ الفاظ نقل نہیں کئے کہ اللہ تعالیٰ فرماۓگا۔اے انسان!تجھے مجھ سے سوال کرنے میں کیا رکاوٹ ہے۔آخر تک۔اور اس میں یہ اضافہ ہے کہ اللہ تعالیٰ اسے خود سوال یاد دلائے گا کہ فلاں فلاں چیز کا سوال کر پس جب اسکی خوہشات ختم ہوجائیں گی تو اللہ تعالیٰ فرماۓگا۔یہ بھی تیرے لئے ہے اور اسکی مثل دس اور بھی۔فرمایا پھر وہ اسے اسکے(جنتی) گھر میں داخل کرے گا تو اسکے پاس اسکی دو بیویاں جو حوروں میں سے ہوں گی، داخل ہوں گی اور کہیں گی اللہ تعالیٰ کا شکر ہے جس نے تجھے ہمارے لئے پیدا کیا اور ہمیں تیرے لئے پیدا کیا تو وہ کہے گا۔جو کچھ مجھے دیا گیا ہے اسکی مثل کسی کو نہیں دیا گیا۔ (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٥؛حدیث نمبر٣٧٢)
مختلف اسانید کے ساتھ حضرت مغیرہ بن شعبہ رضی اللہ عنہ سے مروی ہے۔انہوں نے ممبر پر خطبہ دیتے ہوئے مرفوع حدیث نقل کی کہ(نبی اکرم صلی اللہ علیہ وسلم نے فرمایا)حضرت موسیٰ علیہ السلام نے اپنے رب سے پوچھا اہل جنت کا سب سے کم درجہ کون سا ہوگا تو اللہ تعالیٰ نے فرمایا وہ ایک ایسا شخص ہوگا جو اہل جنت کے جنت میں داخل ہونے کے بعد آئے گا تو اس سے کہا جائے گا تو جنت میں داخل ہوجا۔وہ کہے گا اے میرے رب!میں کس طرح داخل ہوں جبکہ تمام لوگ اپنے اپنے ٹھکانے میں جا چکے ہیں اور اپنے اپنے مقام پر پہنچ چکے ہیں۔اس سے پوچھا جائے گا کیا تجھے پسند ہے کہ تیرے لئے دنیوی بادشاہوں میں سے کسی بادشاہ کے ملک کے جیسا ہو وہ کہے گا۔اے میرے رب!میں راضی ہوں تو اللہ تعالیٰ فرماۓگا وہ اور اسکی پانچ مثل تیرے لئے ہے پانچویں مرتبہ وہ کہے گا اے میرے رب!میں راضی ہوا اللہ تعالیٰ فرماۓگا تیرے لئے یہ بھی ہے اسکی مثل دس بھی اور وہ بھی جو تیرا دل چاہے اور جو تیری آنکھوں کو چاہے۔حضرت موسیٰ علیہ السلام نے پوچھا اے میرے رب! سب سے اعلیٰ مرتبہ والا جنتی کون ہوگا؟فرمایا وہ لوگ جنکو عزت واحترام عطا کرنے کا میں نے ارادہ کیا اور اس پر میں نے مہر لگائی پس نہ کسی آنکھ نے دیکھا نہ کسی کان نے سنا اور نہ ہی کسی انسان کے دل میں اسکا خیال آیا۔فرمایا اس کا مصداق قرآن مجید کی آیت ہے۔:"{فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ} [السجدة: ١٧] الْآيَةَ.(کوئی نفس نہیں جانتا ہے کہ انکی آنکھوں کی ٹھنڈک کےلیے کیا کچھ پوشیدہ رکھا گیا ہے۔) (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٦؛حدیث نمبر٣٧٣)
ایک دوسری سند کے ساتھ بھی یہ حدیث مروی ہے کہ حضرت موسیٰ علیہ السلام نے پوچھا۔اہل جنت میں سے کس کا حصہ سب سے ہلکا ہوگا آگےحدیث نمبر ٣٧٣کی مثل ہے(مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٧؛حدیث نمبر٣٧٤)
حضرت ابوذر رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا میں جانتا ہوں کہ جنت میں داخل ہونے اور جہنم سے نکلنے کے اعتبار سے آخری آدمی کون ہوگا۔فرمایا ایک شخص قیامت کے دن لایا جائے گا تو کہا جاۓگااس پر اسکے صغيره گناہ پیش کرو اور اسکے کبیرہ گناہ اس سے اٹھادوپس اس پر اسکےصغیرہ گناہ پیش کئے جائیں گے اور کہا جاۓگا تم نے فلاں فلاں دن فلاں فلاں عمل کیا؟وہ کہے گا ہاں کیا وہ انکار نہیں کر سکے گا اور اسے ڈر ہوگا کہ کہیں کبیرہ گناہ اسکے سامنے نہ لاۓ جائیں تو اس سے کہا جائے گا تیرے لئے ہر برائی کی جگہ نیکی ہے۔وہ کہے گا اے میرے رب!میں نے کچھ ایسے کام کئے ہیں جو یہاں نہیں دیکھ رہا۔حضرت ابوذر رضی اللہ عنہ فرماتے ہیں میں نے دیکھا کہ نبی اکرم صلی اللہ علیہ وسلم ہنس پڑے حتیٰ کہ آپ کی مبارک داڑھیں نظر آنے لگیں ۔(مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٧؛حدیث نمبر ٣٧٥)
ایک اور سند کے ساتھ بھی حدیث نمبر٣٧٥ کی مثل مروی ہے۔(مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٧؛حدیث نمبر٣٧٦)
حضرت ابوالزبير فرماتے ہیں۔انہوں نے حضرت جابر بن عبداللہ رضی اللہ عنہ سے سناان سے میدان محشر کے بارے میں سوال کیا جارہا تھا تو انہوں نے فرمایا قیامت کے دن ہم ایک اونچے مقام پر ہوں گے۔پھر تمام امتوں کو انکے بتوں کے ساتھ ترتیب وار بلایا جائے گا پھر ہمارا رب تجلی فرمائے گا تو پوچھے گا تم کسکو دیکھ رہے ہو؟وہ کہیں گے ہم اپنے رب کو دیکھ رہے وہ فرماۓگا میں تمہارا رب ہوں وہ کہیں گے ہم تجھے دیکھنا چاہتے ہیں تو وہ(اپنی شان کے مطابق)ہنستے ہوئے تجلی فرماۓگا۔نبی اکرم صلی اللہ علیہ وسلم نے فرمایا وہ اپنی شان کے مطابق چل پڑے گا تو وہ اسکے پیچھے چلیں گے اور ان میں سے ہر انسان کو چاہے وہ مومن ہو یا منافق نور عطاء کر دیا جائے گا پھر وہ اسکے پیچھے چلیں گے اور جہنم کے کنارے پر کانٹے ہوں گے جسے اللہ تعالیٰ چاہے گا وہ اسے پکڑیں گے۔پھر منافقوں کا نور بجھ جائے گا اور مؤمن نجات پائیں گے تو پہلی جماعت جو نجات پائےگی۔انکے چہرے چودھویں رات کے چاند کی طرح ہونگے۔وہ ستر ہزار ہوں گے جنکا حساب نہیں ہوگا۔پھر جو ان سے متصل جماعت ہوگی۔انکے چہرے آسمان میں سب سے زیادہ روشن ستارے کی طرح ہوں گے۔پھر اسی طرح(درجہ درجہ)ہوں گے،اس کے بعد شفاعت کی اجازت اور وہ شفاعت کریں گے حتیٰ کہ جہنم سے وہ بھی باہر آئے گا جس نے کلمہ طیبہ پڑھا اور اس کے دل میں جو کے برابر بھلائی ہوگی۔انکو جنت کے صحن میں رکھا جائے گا اور اہل جنت ان پر پانی کی چھینٹے ماریں گے حتیٰ کہ وہ اس طرح نشوونما پائیں گے جس طرح سیلاب(کے کیچڑ)میں کوئی سبزی اگتی ہے اور اسکی جلن چلی جاۓگی پھر اس سے سوال کیا جائے گا حتیٰ کہ اسکے لئے دنیا اور اسکے ساتھ اسکی دس مثل مقرر کیا جائے گا۔ (مسلم شریف کتاب الایمان؛- بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٧؛حدیث نمبر٣٧٧)
ایک اور سند کے ساتھ حضرت جابر بن عبداللہ رضی اللہ عنہ سے مروی ہے فرماتے ہیں۔میں نے اپنے کانوں سے سرکارِ دو عالم صلی اللہ علیہ وسلم سے سنا آپ نے فرمایا اللہ تعالیٰ کچھ لوگوں کوجہنم سےنکال کر جنت میں داخل کریگا ۔(مسلم شریف کتاب الایمان؛- بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٨؛حدیث نمبر٣٧٨)
حماد بن زید فرماتے ہیں میں نے عمرو بن دینار سے پوچھا کہ کیا آپ نے حضرت جابر رضی اللہ عنہ سے سنا کہ انہوں نے رسول اکرم صلی اللہ علیہ وسلم سے روایت کیا کہ اللہ تعالیٰ ایک جماعت کو شفاعت کے ذریعے جہنم سے نکالے گا؟انہوں نے فرمایا ہاں(سنا ہے)۔(مسلم شریف کتاب الایمان؛- بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٨؛حدیث نمبر٣٧٩)
حضرت جابر بن عبداللہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا ایک جماعت کو جہنم سے نکالا جائے گا جو اس میں جل چکے ہوں گے مگر انکے چہرے محفوظ ہوں گے۔(مسلم شریف کتاب الایمان؛- بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٨؛حدیث نمبر٣٨٠)
حضرت یزید فقیر فرماتے ہیں۔مجھے خوارج کی رائے نے گھیر رکھا تھا(کہ گناہ کبیرہ کرنے والے جہنم میں جائیں اور جو اس میں داخل ہوگا وہ اس سے نہیں نکلے گا)پھر ہم ایک جماعت کے ساتھ گئے اور ہمارا ارادہ تھا کہ حج کریں گے اور اسکے بعد(خوارج کے)اسکے عقیدے کی تبلیغ کریں گے۔جب مدینہ طیبہ سے گزرے تو دیکھا کہ حضرت جابر رضی اللہ عنہ لوگوں سے کچھ بیان کر رہے تھے اور آپ ایک ستون کے سہارے بیٹھے ہوئے تھے اور رسول اکرم صلی اللہ علیہ وسلم سے(نقل کرتے ہوئے)بیان کر رہے تھے۔جب انہوں نے دوزخیوں کا ذکر کیا تو میں نے کہا اے صحابی رسول یہ آپ کیا بیان کر رہے ہیں۔اللہ تعالیٰ تو ارشاد فرماتا ہے۔: {إِنَّكَ مَنْ تُدْخِلِ النَّارَ فَقَدْ أَخْزَيْتَهُ} [آل عمران: ١٩٢] وَ {كُلَّمَا أَرَادُوا أَنْ يَخْرُجُوا مِنْهَا أُعِيدُوا فِيهَا} [السجدة: ٢٠]،(جسکو تو نے جہنم میں داخل کیا اسکو تو نے ذلیل ورسوا کیا)(اور جب وہاں سے نکلنے کا ارادہ کریں گے انکو وہاں ہی لوٹایا جائے گا)۔تو تم کیا بات کہتے ہو۔انہوں نے فرمایا کیا تم نے قرآن مجید پڑھا ہے؟میں نے کہا ہاں پڑھا ہے فرمایا کیا تم نبی اکرم صلی اللہ علیہ وسلم کے مقام و مرتبہ کے بارے میں سنا ہے۔یعنی کیا اس مقام کے بارے میں سنا ہے جس پر اللہ تعالیٰ آپ کو بٹھائے گا۔میں نے کہا جی ہاں فرمایا یہ حضرت محمد صلی اللہ علیہ وسلم کا مقام ہے جسے مقام محمود کہتے ہیں۔اللہ تعالیٰ اس کے ذریعے نکالے گا جسکو نکالے گا۔پھر آپ نے پل صراط رکھنے اور اس پر سے لوگوں کے گزرنے کی کیفیت بیان فرمائی۔حضرت یزید فقیر کہتے ہیں۔مجھے ڈر ہے کہ میں یاد نہ رکھ سکا لیکن حضرت جابر نے فرمایا کہ کچھ لوگوں کو جہنم میں بھیجنے کے بعد وہاں سے نکالا جائے گا۔وہ آبنوس کی لکڑیوں کی طرح(سیاہ)نکلیں گے۔پھر انکو جنت کی نہروں میں سے کسی نہر میں داخل کیا جائے گا۔اور اس میں غسل کریں گے اور جب نکالے جائیں گے تو کاغذ کی طرح(سفید)ہونگے۔حضرت یزید فقیر فرماتے ہیں جب ہم واپس آئے تو ہم نے کہا۔تمہارے لیے ہلاکت ہو کیا تم دیکھتے ہو کہ اس بزرگ(حضرت جابر رضی اللہ عنہ)نے نبی اکرم صلی اللہ علیہ وسلم پر جھوٹ کہا ہے؟(یعنی جھوٹ نہیں کہا) (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٧٩؛حدیث نمبر٣٨١)
حضرت انس بن مالک رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جہنم سے چار آدمیوں کو نکالا جائے گا۔پھر انکو اللہ تعالیٰ کے سامنے پیش کیا جائے گا تو ان میں سے ایک متوجہ ہوکر کہے گا۔اے میرے رب!جب تو نے مجھے وہاں سے نکالا ہے تو اب مجھے وہاں داخل نہ کرنا پس اللہ تعالیٰ اسے اس سے نجات دےگا۔ (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٠؛حدیث نمبر٣٨٢)
حضرت انس بن مالک رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا اللہ تعالیٰ قیامت کے دن لوگوں کو جمع کرے گا تو ان کے دل میں یہ بات ڈال دے گا کہ اگر ہم اللہ تعالیٰ کی بارگاہ میں شفاعت پیش کریں حتیٰ کہ وہ اس جگہ سے ہمیں آرام دے۔فرماتے ہیں وہ لوگ حضرت آدم علیہ السلام کے پاس حاضر ہوکر کہیں گے۔آپ آدم ہیں جو تمام مخلوق کے باپ ہیں اللہ تعالیٰ نے اپنے دست قدرت سے آپکو پیدا فرمایا اور اس میں اپنی روح پھونکی اور فرشتوں کو حکم دیا تو انہوں نے آپ کے لئے سجدہ کیا۔آپ ہمارے رب کے پاس ہماری سفارش کرے تاکہ ہمیں اس جگہ سے چھٹکارا حاصل ہو۔وہ فرمائیں گے یہ میرا منصب نہیں اور وہ اپنی اس لغزش کا ذکر کریں گے جو انکو پہونچی اور اس سبب سے وہ اپنے رب سے حیا کریں گے(اور فرمائیں گے)حضرت نوح علیہ السلام کے پاس جاؤ وہ پہلے رسول ہیں جنکو اللہ تعالیٰ نے مبعوث فرمایا چنانچہ لوگ حضرت نوح علیہ السلام کے پاس جائیں گے تو وہ کہیں گے یہ میرا کام نہیں اور وہ اس خطا کا ذکر کریں گے جو انکو پہونچی اور اس وجہ سے اپنے رب سے حیا کریں گے(اور کہیں گے)بلکہ تم حضرت ابراہیم کے پاس جاؤ جنکو اللہ تعالیٰ نے اپنا خلیل بنایا چنانچہ وہ حضرت ابراہیم علیہ السلام کی خدمت میں حاضر ہوں گے تو وہ فرمائیں گے۔یہ میرا منصب نہیں اور وہ بھی اپنی خطا کا ذکر کریں گے جو انکو پہونچی اور اپنے رب سے حیا کرتے ہوئے کہیں گے حضرت موسیٰ علیہ السلام کے پاس جاؤ جن سے اللہ تعالیٰ نے کلام فرمایا اور انکو تورات عطاء کی۔نبی اکرم صلی اللہ علیہ وسلم نے فرمایا وہ لوگ حضرت موسیٰ علیہ السلام کے پاس جائیں گے تو وہ فرمائیں گے یہ میرا کام نہیں اور وہ اس خطأ کا ذکر کریں گے جو انکو پہونچی اور اس وجہ سے اپنے رب سے حیا کریں گے(فرمائیں گے)تم حضرت عیسٰی علیہ السلام کے پاس جاؤ جو اللہ تعالیٰ کی روح اور اسکا کلمہ ہیں چنانچہ وہ عیسی علیہ السلام کے پاس جائیں گے تو وہ فرمائیں گے یہ میرا منصب نہیں تم حضرت محمد صلی اللہ علیہ وسلم کے پاس جاؤ وہ ایسے بندے ہیں جنکے سبب سے پہلوں اور پچھلوں کے گناہ بخش دۓ گۓ۔راوی فرماتے ہیں رسول اکرم صلی اللہ علیہ وسلم نے فرمایا پس وہ لوگ میرے پاس آئیں گے تو میں اپنے رب سے اجازت مانگوں گا اور مجھے اجازت دی جائے گی۔پس میں اپنے آپ کو دیکھتا ہوں کہ میں سجدہ ریز ہوں گا اور جب تک اللہ تعالیٰ چاہے گا مجھے اسی حالت میں چھوڑ دے گا۔پھر کہا جاۓگا۔اے محمد! اپنا سر انور اٹھاۓ۔آپ کہیں آپکی بات سنی جائے گے۔آپ سوال کریں اپکو عطاء کیا جائے گا۔شفاعت فرمائیں آپکی شفاعت قبول کی جائے گی۔پس میں سر اٹھا کر اپنے رب کی حمد بیان کروں گا جو مجھے میرا رب سکھاۓگا۔پھر شفاعت کروں گا تو مجھے ایک حد بتائی جائے گی تو میں انکو جہنم سے نکال کر جنت میں داخل کروں گا۔پھر میں سجدہ ریز ہو جاؤں گا اور اللہ جتنا وقت چاہے گا مجھے اسی حالت میں چھوڑےگا۔پھر فرماۓگا اے محمد!اپنا سر اٹھائیں اور کہیں آپکی بات سنی جائے گی اور سوال کریں اپکو عطا کیا جائے گا اور شفاعت کرے آپکی شفاعت قبول کی جائے گی۔پس میں اپنا سر اٹھاکر ان الفاظ کے ساتھ اپنے رب کی حمد کرونگا جو مجھے میرا رب سکھاۓگا۔پھر میں شفاعت کروں گا تو میرے لئے ایک حد مقرر کی جائے گی۔پس میں انکو جہنم سے نکال کر جنت میں داخل کروں گا۔راوی کہتے ہیں مجھے معلوم نہیں۔آپ نے تیسری یا چوتھی بار فرمایا پس میں کہوں گا۔اے میرے رب جہنم میں صرف وہی لوگ رہ گۓ ہیں جنکو قرآن نے روکا ہے یعنی جن پر ہمیشہ کے لئے جہنم میں رہنا(بحکم قرآن)ہمیشہ واجب کیا ہے۔ (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٠؛حدیث نمبر٣٨٣)
حضرت انس بن مالک رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا۔اللہ تعالی قیامت کے دن مؤمنوں کو جمع فرماۓگا تو وہ خود کوشش کریں گے یاانکو اس بات کا الہام فرماۓگا۔پھر حدیث نمبر٣٨٣کی طرح ہے۔اور اس حدیث میں یہ ہے کہ پھر میں چوتھی دفعہ آؤں گا یا فرمایا چوتھی دفعہ لوٹوں گا تو کہوں گا اے میرے رب اب وہی باقی رہ گئے ہیں جنکو قرآن نے روکا ہے۔ (مسلم شریف کتاب الایمان؛ بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨١؛حدیث نمبر٣٨٤)
حضرت انس بن مالک رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا۔اللہ تعالیٰ قیامت کے دن مومنوں کو جمع فرماۓگا تو انکو اس بات کا الہام فرماۓگا۔پھر حدیث نمبر٣٨٤کی طرح ہے۔البتہ چوتھی مرتبہ کا ذکر کیا کہ میں کہوں گا اے میرے رب!جہنم میں وہی لوگ باقی رہ گئے ہیں جنکو قرآن نے روک رکھا ہے یعنی ان پر ہمیشہ رہنا واجب ہوگیا ہے ۔(مسلم شریف کتاب الایمان؛ بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨١؛حدیث نمبر٣٨٥)
ایک اور سند کے ساتھ حضرت انس بن مالک رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا جس شخص نے کلمہ طیبہ پڑھا اور اسکے دل میں جو کے برابر بھی نیکی ہے۔اسے جہنم سے نکالا جائے گا پھر اسکو نکالا جائے گا جس نے لاالہ الا اللہ پڑھا اور اسکے دل میں گندم کے دانے کے برابر بھی نیکی ہے۔پھر اسکو جہنم سے نکالا جائے گا جس نے لا الہ الا اللہ پڑھا اور اسکے دل میں ذرہ برابر بھی نیکی ہے۔امام مسلم علیہ الرحمۃ فرماتے ہیں۔بعض روایات میں ذرے کی جگہ جوار کا ذکر ہے۔ (مسلم شریف کتاب الایمان؛ بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٢؛حدیث نمبر٣٨٦)
معبد بن ہلال عنبری سے روایت ہے کہ ہم انس بن مالک رضی اللہ عنہ کے پاس گئے اور ثابت کی سفارش چاہی آخر ہم ان تک پہنچے وہ چاشت کی نماز پڑھ رہے تھے ثابت نے ہمارے لیے اندر آنے کی اجازت مانگی ہم اندر گئے انہوں نے ثابت کو اپنے ساتھ تخت پر بٹھایا۔ثابت نے کہا اے ابو حمزہ(انس کی کنیت) تمہارے بھائی بصرہ والے چاہتے ہیں تم ان کو شفاعت کی حدیث سناؤ انہوں نے کہا ہمیں حضرت محمد صلی اللہ علیہ وسلم نے بیان کیا کہ جب قیامت کا دن ہوگا تو لوگ گھبرا کر ایک دوسرے کے پاس جائیں گے۔پس وہ حضرت آدم علیہ السلام کی خدمت میں حاضر ہوکر عرض کریں گے کہ اپنی اولاد کے لئے سفارش کریں وہ فرمائیں گے یہ میرا منصب نہیں ہے بلکہ تم حضرت ابراہیم علیہ السلام کے پاس جاؤ۔وہ اللہ تعالیٰ کے خلیل ہیں۔پس وہ حضرت ابراہیم کی خدمت میں حاضر ہوں گے تو وہ فرمائیں گے۔یہ میرا منصب نہیں ہے تم حضرت موسیٰ علیہ السلام کے پاس جاؤ وہ اللہ تعالیٰ کے کلیم ہیں۔وہ حضرت موسیٰ علیہ السلام کے پاس حاضر ہوں گے تو وہ فرمائیں گے۔یہ میرا کام نہیں ہےتم حضرت عیسٰی علیہ السلام کے پاس جاؤ وہ اللہ تعالیٰ کی روح اور اسکا کلمہ ہیں۔وہ حضرت عیسٰی علیہ السلام کے پاس جائیں گے تو وہ فرمائیں گے یہ میرا منصب نہیں ہے بلکہ تم حضرت محمد صلی اللہ علیہ وسلم کے پاس جاؤ وہ میرے پاس آئیں گے تو میں کہوں گا۔میں ہی اس مقصد کیلئے ہوں میں جاکر اپنے رب سے اجازت طلب کروں گا تو مجھے اجازت دی جائے گی۔پس میں اس کے حضورکھڑا ہوکر ایسے الفاظ کے ساتھ اسکی حمد بیان کروں گا۔جن پر اس وقت قادر نہیں ہوں۔اللہ تعالی مجھے وہ کلمات الہام فرماۓگا۔پھر میں سجدے میں گرپڑوں گا آخر حکم ہوگا اے محمد صلی اللہ علیہ وسلم!اپنا سر اٹھا ئیے۔اور کہیے آپ کی بات سنی جائے گی،اور مانگ لیجئے آپ کو دیا جائےگا۔اور شفاعت کیجئے آپ کی شفاعت قبول ہوگی۔میں عرض کروں گا اے میرے رب!میری امت(کو بخش دے)میری امت(کو بخش دے)۔حکم ہوگا جاؤ جس کے دل میں گندم یا جو کے دانے کے برابر بھی ایمان ہو اس کو جہنم سے نکال لیجئے۔میں ایسے سب لوگوں کونکال لوں گا اور پھر اپنے رب کے پاس واپس آکر ویسے ہی تعریفیں کروں گا پھر سجدہ میں جاؤں گا حکم ہوگا اے محمد صلی اللہ علیہ وسلم!اپنا سر اٹھائیں اور کہیں آپکی بات سنی جائے گی اور سوال کرے اپکو عطا کیا جائے گا اور شفاعت کریں آپکی شفاعت قبول کی جائے گی۔میں عرض کروں گا اے میرے رب !میری امت(کو بخش دے)میری امت(کو بخش دے)۔حکم ہوگا جاؤ اور جس کے دل میں رائی کے دانے کے برابر بھی ایمان ہو اس کو جہنم سے نکال لے میں ایسا ہی کروں گا اور پھر لوٹ کر اپنے رب کے پاس آؤں گا اور ایسی ہی تعریفیں کروں گا اور سجدے میں گر پڑوں گا حکم ہوگا اے محمد صلی اللہ علیہ وسلم!اپنا سر مبارک اٹھائیے اور کہیے آپ کی بات سنی جائے گی،سفارش کیجئے آپ کی سفارش قبول کی جائے گی۔میں عرض کروں گا اے میرے رب!میری امت(کو بخش دے)میری امت(کو بخش دے)حکم ہوگا جاؤ اور جس کےدل میں رائی کے دانہ کے ادنی سے ادنیٰ کے برابر بھی ایمان ہے اسکو جہنم سے نکال لیں تو میں جاؤں گا اور انکو نکالوں گا۔معبد بن ہلال نے کہا یہ انس رضی اللہ عنہ کی حدیث ہے جو انہوں نے ہمیں بیان کی پھر ہم انکے پاس سے نکلے جب جبان(قبرستان)کی بلندی پر پہنچے تو ہم نے کہا کاش ہم حسن(بصری)کی طرف چلیں اور ان کو سلام کریں اور وہ ابو خلیفہ کے گھر میں چھپے ہوئے تھے(حجاج بن یوسف ظالم کے ڈر سے)خیر ہم ان کے پاس گئے اور ان کو سلام کیا ہم نے کہا اے ابو سعید ہم تمہارے بھائی ابو حمزہ( حضرت انس رضی اللہ عنہ)کے پاس سے آرہے ہیں انہوں نے شفاعت کے بارے میں ایک حدیث بیان کی ویسی حدیث ہم نے نہیں سنی۔انہوں نے فرمایا مجھے بھی سناؤتو ہم نے انکو وہ حدیث سنائی۔انہوں نے کہا اور سناؤہم نے کہا بس اس سے زیادہ ہم سےانہوں نے بیان نہیں کی۔انہوں نے کہا یہ حدیث تو انہوں نے ہم سے بیس برس پہلے بیان کی تھی جب وہ اتنے بوڑھے نہیں تھے جیسے اب ہیں)اب انہوں نے کچھ چھوڑدیا ہے۔میں نہیں جانتا وہ بھول گئے یا تم سے بیان کرنا مناسب نہ جانا۔ایسا نہ ہو تم بھروسہ کر بیٹھو(اور نیک اعمال میں سستی کرنے لگو)ہم نے ان سے کہا وہ کیا ہے؟ہمیں بتاؤ۔یہ سن کر ہنسے اور کہا:{خُلِقَ الْإِنْسَانُ مِنْ عَجَلٍ} [الأنبياء: ٣٧]،"انسان جلد باز پیدا کیا گیا ہے"۔میں نے تم سے یہ قصہ اس لیے ذکر کیا تھا کہ میں تم سے بیان کرنا چاہتا تھا۔(پھر انہوں نے بیان کیا کہ)رسول اللہ صلی اللہ علیہ وسلم نے فرمایا میں پھر لوٹوں گا اپنے رب کے پاس چوتھی بار اور اسی طرح تعریف کروں گا پھر سجدے میں گروں گا مجھے حکم ہوگا اے محمد صلی اللہ علیہ وسلم!سر اٹھاؤ اور کہو آپ کی بات سنی جائے گی مانگو آپ کو دیا جائے گا،سفارش کرو آپ کی سفارش قبول ہوگی۔میں اس وقت عرض کروں گا اے میرے رب مجھے اجازت دیجئے اس شخص کو بھی جہنم سے نکالنے کی بھی جس نے لا الہ الا اللہ کہا ہو۔اللہ تعالیٰ فرمائے گا یہ آپکا حصہ نہیں یا فرمایا اسکی شفاعت آپکے سپرد نہیں کی گئی بلکہ مجھے اپنی عزت،کبریائی،عظمت اور جبار ہونے کی قسم میں جہنم سے اس شخص کو بھی نکالوں گا جس نے لا الہ الا اللہ کہا ہو۔معبد نے کہا میں گواہی دیتا ہوں کہ حسن نے یہ حدیث ہمیں بیان کی اور کہا کہ انہوں نے اسکوانس سے سناہےاور میرا خیال ہے کہ انہوں نے فرمایا یہ بیس سال پہلے کی بات ہے جب وہ نوجوان تھے۔ (مسلم شریف کتاب الایمان؛ بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٢تا١٨٣؛حدیث نمبر٣٨٧)
حضرت ابوہریرہ رضی اللہ عنہ کہتے ہیں کہ ایک دن رسول اللہ صلی اللہ علیہ وسلم کے پاس گوشت لایا گیا تو دستی(بازو)کا گوشت آپ صلی اللہ علیہ وسلم کو دیا گیا،وہ آپ صلی اللہ علیہ وسلم کو بہت پسند تھا۔آپ صلی اللہ علیہ وسلم نے اس کو دانتوں سے نوچا اور فرمانے لگے کہ میں قیامت کے دن سب آدمیوں کا سردار ہوں گا۔اور کیا تم جانتے ہو کہ ایسا کیوں ہوگا(پھر فرمایا)اللہ تعالیٰ تمام پہلے اور پچھلے کو ایک میدان میں جمع کرےگا،پکارنے والے کی آواز ان سب کو سنائی دے گی اورسب دیکھیں گے اور سورج قریب ہوگا۔لوگ غم اور تکلیف میں اس قدر مبتلا ہوں گے کہ اس(برداشت کرنے)کی طاقت نہیں رکھیں گے وہ ایک دوسرے سے کہیں گے کیا تم دیکھتے نہیں کہ تم کس حاجت میں ہو کیا تم نہیں دیکھتے کہ تمہی کس قدر تکلیف پہنچی ہے۔کیا تم اسکو تلاش نہیں کرتے کہ جو(تمہارے رب کے ہاں)تمہاری سفارش کرے تو ان میں سے کچھ دوسرے بعض سے کہیں گے کہ آدم علیہ السلام کے پاس چلو،تو سب کے سب آدم علیہ السلام کے پاس آئیں گے اور ان سے کہیں گے کہ آپ تمام آدمیوں کے باپ ہیں،اللہ تعالیٰ نے آپ کو اپنے دست قدرت سے پیدا کیا،اور آپ میں اپنی(خاص)روح پھونکی اور فرشتوں کو حکم دیا تو انہوں نے آپ کو سجدہ کیا،آپ پروردگار سے ہماری شفاعت کیجئے۔کیا آپ نہیں دیکھتے کہ ہم کس حال میں ہیں؟اور کس قدر تکلیف میں ہیں۔آدم علیہ السلام کہیں گے کہ آج میرے رب نے ایسا غصہ فرمایا کہ اس سے پہلے کبھی ایسا غصہ نہیں فرمایا تھا اور نہ ہی اس کے بعدایساغضب فرمائے گااور اس نے مجھے اس درخت(کے قریب جانے)سے منع کیا تھا،لیکن مجھ سے خطا ہوئی مجھے تو اپنی جان کی فکر ہے تم کسی اور کے پاس جاؤ نوح علیہ السلام کے پاس جاؤ۔ پھر لوگ نوح علیہ السلام کے پاس جائیں گے اور کہیں گے کہ اے نوح علیہ السلام!تم سب پیغمبروں سے پہلے زمین پر آئے، اللہ نے اپکانام عبداً شکوراً (شکر گزار بندہ)رکھا ہے،تم اپنے رب کے پاس ہماری سفارش کرو،کیا تم نہیں دیکھتے ہم جس حال میں ہیں؟اور جو مصیبت ہم پر آئی ہے؟وہ کہیں گے کہ آج اللہ تعالیٰ اتنا غضب میں ہے کہ نہ تو ایسا پہلے کبھی ہوا اور نہ اس کے بعد ہو گا اور میرے واسطے ایک دعا کا حکم تھا(کہ وہ مقبول ہو گی)،وہ میں اپنی امت کے خلاف مانگ چکا( وہ مقبول دعا اپنی قوم پر بددعا کی شکل میں کر چکا ہوں جس سے وہ ہلاک ہو گئی تھی)،اس لئے مجھے اپنی فکر ہے،تم ابراہیم علیہ السلام کے پاس جاؤ۔پھر سب ابراہیم علیہ السلام کے پاس آئیں گے اور کہیں گے کہ آپ اللہ کے نبی اور ساری زمین والوں میں اس کے دوست ہیں،آپ اپنے پروردگار کے ہاں ہماری سفارش کیجئے،کیا آپ نہیں دیکھتے جس حال میں ہم ہیں؟اور جو مصیبت ہم پر پڑی ہے؟وہ کہیں گے کہ میرا پروردگار آج بہت غضب میں ہے اتنا غضب میں کہ نہ تو اس سے پہلے کبھی ایسا ہوا اور نہ اس کے بعد کبھی ہو گا اور وہ اپنی خلاف واقع بات کے بارے میں ذکر کریں گے اور فرمائیں گےاس لئے مجھے خود اپنی فکر ہے،تم میرے علاوہ کسی دوسرے کے پاس جاؤ، موسیٰ علیہ السلام کے پاس جاؤ۔ وہ لوگ موسیٰ علیہ السلام کے پاس جائیں گے اور کہیں گے کہ اے موسیٰ علیہ السلام!آپ اللہ کے رسول ہیں،اللہ تعالیٰ نے آپ کو اپنے پیام(رسالت)اور کلام سے فضیلت و بزرگی دی ہے،آپ اپنے پروردگار سے ہماری سفارش کیجئے،کیا آپ نہیں دیکھتے ہم جس حال میں ہیں؟ اور جو مصیبت ہم پر پڑی ہے؟موسیٰ علیہ السلام ان سے کہیں گے کہ آج میرا رب ایسے غضب میں ہے کہ اتنا غضب میں نہ اس سے پہلے کبھی ہوا اور نہ اس کے بعد کبھی ہو گا، اور میں نے دنیا میں ایک شخص کو قتل کیایا قتل کرنے کا حکم دیاتھا،جس کا مجھے حکم نہ تھا،اس لئے مجھے اپنی فکر پڑی ہے،تم عیسیٰ علیہ السلام کے پاس جاؤ۔وہ عیسیٰ علیہ السلام کے پاس آئیں گے اور کہیں گے اے عیسیٰ! آپ اللہ کے رسول ہیں آپ نے(ماں کی) گود میں لوگوں سے باتیں کیں،اور اللہ تعالیٰ کا کلمہ ہیں جس کو اس نے مریم کی طرف ڈالا تھا اور اس کی طرف سے روح ہیں،آپ اپنے رب سے ہماری سفارش کیجئے کیا آپ نہیں دیکھتے ہم جس حال میں ہیں اور جو مصیبت ہم پر پڑی ہے؟عیسی علیہ السلام ان سے کہیں گے کہ آج میرا رب بہت غضب میں ہے،اتنا غضب میں کہ نہ اس سے پہلے کبھی ہوا اور نہ اس کے بعد کبھی ہو گا۔حضرت عیسٰی علیہ السلام کسی گناہ کا ذکر نہیں فرمائیں گے۔البتہ یہ فرمائیں گے کہ مجھے تو خود اپنی فکر ہے تم اور کسی کے پاس جاؤ،محمد صلی اللہ علیہ وسلم کے پاس جاؤ۔تو وہ لوگ میرے(محمد صلی اللہ علیہ وسلم ) کے پاس آئیں گے اور عرض کریں گے کہ اے محمد صلی اللہ علیہ وسلم!آپ اللہ کے رسول اور خاتم الانبیاء ہیں،اور اللہ تعالیٰ نے آپ کے سبب اگلوں اور پچھلوں کے گناہ بخش دئے ہیں،آپ اپنے رب سے ہماری سفارش کیجئے،کیا آپ ہمارا حال نہیں دیکھتے کیا آپ نہیں دیکھتے کہ ہم کس مصیبت میں ہیں؟پس میں یہ سنتے ہی(میدانِ حشر سے)چلوں گا اور عرش کے نیچے آ کر اپنے پروردگار کو سجدہ ریز ہو جاؤں گا۔پھر اللہ تعالیٰ اپنی حمدوثنامیں سے وہ کلمات مجھ پر کھولے گا اور مجھے الہام کرے گا جو مجھ سے پہلے کسی پر نہیں کھولے۔وہ فرماۓگا اے محمد!صلی اللہ علیہ وسلم اپنا سرانور اٹھائے اور مانگئے،جو مانگیں گے،دیا جائے گا،سفارش کریں،قبول کی جائے گی۔میں سر اٹھاؤں گا اور عرض کروں گا اے میررب!میری امت میری امت(کو بخش دے)اللہ تعالیٰ فرماۓگا۔اے محمد صلی اللہ علیہ وسلم!آپ اپنی امت میں سے جتنے لوگوں کو چاہیں کسی حساب کے بغیر جنت کے دروازوں میں سے دائیں دروازے سے داخل کریں باقی دروازوں میں وہ دوسرے لوگو(امتوں)کے ساتھ شریک ہوں گے اور اس ذات کی قسم جسکے قبضۂ قدرت میں حضرت محمد صلی اللہ علیہ وسلم کی جان ہے جنتی دروازوں کے دو کواڑوں کے درمیان مکہ مکرمہ سے مقام ہجر تک یا فرمایا مکہ مکرمہ سے بصری تک کا فاصلہ ہوگا۔ (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٤تا١٨٥؛حدیث نمبر٣٨٨)
حضرت ابوہریرہ رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم کے سامنے ثرید اور گوشت کا ایک پیالہ رکھا۔آپ نے اسکا بازو تناول فرمایا آپکو بکری کے گوشت میں سے یہ زیادہ پسند تھا۔آپ نے ان میں سے کچھ دانتوں سے لیا(نوچا)اور فرمایا میں قیامت کے دن تمام لوگوں کا سردار ہوں گا۔پھر دوبارہ گوشت نوچا اور فرمایا میں قیامت کے دن تمام لوگوں کا سردار ہوں گا۔جب آپ نے دیکھا کہ آپکے صحابہ کرام کوئی سوال نہیں کرتے تو فرمایا کیا تم اسکی کیفیت نہیں پوچھتے؟انہوں نے عرض کیا یا رسول اللہ!اسکی کیفیت کیا ہوگی؟آپ نے فرمایا لوگ تمام جہانوں کے رب کے سامنے کھڑے ہوں گے۔اسکے بعد حدیث نمبر ٣٨٨کی مثل ذکر کیا البتہ حضرت ابراہیم علیہ السلام کے واقعہ کے ضمن میں ذکر کیا کہ آپ نے ستاروں کو دیکھ کر لوگوں سے پوچھا کہ کیا انکو میرا رب بتاتے ہو؟اور انکے(جھوٹے)خداؤں(بتوں)کے بارے میں فرمایا۔ان میں سے بڑے بت نے یہ کام کیا(بتوں کو توڑا ہے)اور فرمایا کہ میں بیمار ہوں۔نبی اکرم صلی اللہ علیہ وسلم نے فرمایا اس ذات کی قسم!جسکے قبضۂ قدرت میں میری جان ہے۔جنت کےدروازوں کے دوکواڑوں کے درمیان مکہ مکرمہ اور مقام ہجر کے درمیان یا فرمایا ہجر یا مکہ مکرمہ کے درمیان جتنا فاصلہ ہے(راوی کو شک ہے) (مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٦؛حدیث نمبر٣٨٩)
حضرت ابوہریرہ رضی اللہ عنہ اور حضرت حذیفہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا اللہ تعالیٰ لوگوں کو جمع کرے گا تو مومن کھڑے ہوں گے حتیٰ کہ جنت انکے قریب کردی جائے گی۔پس وہ حضرت آدم علیہ السلام کے پاس حاضر ہوں گے اور کہیں گے اے ہمارے ابا جان!ہمارے لئے جنت کا دروازہ کھلوایۓ وہ کہیں گے تمہارے باپ آدم علیہ السلام ایک خطا کی وجہ سے جنت سے باہر آئے تھے۔یہ میرا منصب نہیں ہے تم میرے بیٹے حضرت ابراہیم خلیل اللہ علیہ السلام کے پاس جاؤ۔نبی اکرم صلی اللہ علیہ وسلم نے فرمایا حضرت ابراہیم علیہ السلام فرمائیں گے یہ میرا کام نہیں نہیں۔میرا مقام تو اسکے بعد ہے(عاجزی کرتے ہوئے فرمائیں گے)حضرت موسیٰ علیہ السلام کا سہارا لو اللہ تعالیٰ نے ان سے کلام فرمایا۔چنانچہ وہ حضرت موسیٰ علیہ السلام کے پاس جائیں گے۔تو وہ فرمائیں گے یہ میرا منصب نہیں ہے۔تم حضرت عیسٰی علیہ السلام کے پاس جاؤ جو اللہ تعالیٰ کا کلمہ اور اسکی روح ہیں۔چنانچہ حضرت عیسٰی علیہ السلام فرمائیں گے۔یہ میرا کام نہیں ہے پس وہ حضرت محمد صلی اللہ علیہ وسلم کے پاس جائیں گے۔آپ کھڑے ہوں گے اور آپکو اجازت دی جائے گی اور امانت اور رحم کو چھوڑا جاۓگا تو وہ پل صراط کی دونوں جانب دائیں بائیں(انسانی شکل میں)کھڑے ہوں گے۔(فرمایا)تم میں سے پہلا گروہ بجلی کی طرح گزرے گا۔راوی فرماتے ہیں میں نے کہا یا رسول اللہ!میرے ماں باپ آپ پر قربان ہوں۔بجلی کی طرح کونسی چیز گزرتی ہے؟ آپ صلی اللہ علیہ وسلم نے فرمایا کیا تم بجلی کو نہیں دیکھتے کہ وہ کس طرح گزرتی ہے اور پلکے جھپکے واپس آجاتی ہے۔پھر ہوا کی طرح گزریں گے۔پھر پرندوں کے رفتار میں اور آخر میں انسانی رفتار میں گزریں گے۔انکے اعمال انکے ساتھ چلیں گے اور تمہارے نبی صلی اللہ علیہ وسلم پل صراط پر کھڑے"رب سلم سلم"(اے رب سلامتی سے گزار دے)کہتے ہوں گے۔حتیٰ کہ بندوں کے اعمال عاجز ہو جائیں گے۔حتیٰ کہ کچھ لوگ آئیں گے تو وہ چل نہیں سکیں گے اس لیے گھسیٹتے ہوئے جائیں گے اور پل صراط کے دونوں جانب کانٹے لٹک رہے ہوں گے انکو حکم دیا گیا ہوگا لہذا جسکے بارے میں حکم ہوگا اسکو پکڑ لیں گے پس کوئی زخمی ہوکر جہنم میں گر جائیں گے۔اس ذات کی قسم جسکے قبضۂ میں حضرت ابوہریرہ رضی اللہ عنہ کی جان ہے۔جہنم کی گہرائی ستر سال کی مسافت ہے ۔(مسلم شریف کتاب الایمان؛بَابُ أَدْنَى أَهْلِ الْجَنَّةِ مَنْزِلَةً فِيهَا؛جلد١ص١٨٦تا١٨٧؛حدیث نمبر٣٩٠)
حضرت انس بن مالک رضی اللہ عنہ سے مروی۔فرماتے ہیں رسول اکرم صلی اللہ علیہ وسلم نے فرمایا جنت(کے لئے)میں سب سے پہلے میں شفاعت کروں گا اور تمام انبیاء کرام کے مقابلے میری اتباع کرنے والے زیادہ ہوں گے۔ (مسلم شریف کتاب الایمان؛ بَابٌ فِي قَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنَا أَوَّلُ النَّاسِ يَشْفَعُ فِي الْجَنَّةِ وَأَنَا أَكْثَرُ الْأَنْبِيَاءِ تَبَعًا»ترجمہ؛ رسول اللہ صلی اللہ علیہ وسلم کا قول جنت میں سب سے پہلے میں شفاعت کروں گا اور تمام انبیاء کرام علیہم السلام کے مقابلے میری اتباع کرنے والے زیادہ ہوں گے؛جلد١ص١٨٧؛حدیث نمبر٣٩١)
حضرت انس بن مالک رضی اللہ عنہ سے مروی ہے نبی اکرم صلی اللہ علیہ وسلم نے فرمایا قیامت کے دن تمام انبیاء کرام علیہم السلام کے مقابلے میں میری اتباع کرنے والے زیادہ ہوں گے اور سب سے پہلے جنت کا دروازہ میں کھٹکھٹاؤں گا۔ (مسلم شریف کتاب الایمان؛ بَابٌ فِي قَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنَا أَوَّلُ النَّاسِ يَشْفَعُ فِي الْجَنَّةِ وَأَنَا أَكْثَرُ الْأَنْبِيَاءِ تَبَعًا»؛جلد١ص١٨٨؛حدیث نمبر ٣٩٢)
حضرت انس بن مالک رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا جنت (کے لئے)میں سب سے پہلے شفاعت کرنے والا ہوں گا اور کسی نبی کی اس قدر تصدیق نہیں کی گئی جتنی میری تصدیق کی گئی ہے۔بعض انبیاء کرام وہ ہیں جنکی تصدیق انکی امت میں سے صرف ایک شخص نے کی ہے۔ (مسلم شریف کتاب الایمان؛ بَابٌ فِي قَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنَا أَوَّلُ النَّاسِ يَشْفَعُ فِي الْجَنَّةِ وَأَنَا أَكْثَرُ الْأَنْبِيَاءِ تَبَعًا»؛جلد١ص١٨٨؛حدیث نمبر٣٩٣)
حضرت انس بن مالک رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا قیامت کے دن میں جنت کے دروازے پر آؤں گا اور اسکو کھلواؤں گا تو خازن(فرشتہ)پوچھے گا تم کون ہو؟میں کہوں گا۔میں محمد صلی اللہ علیہ وسلم ہوں وہ کہے گا مجھے آپ کےلیے کھولنے کا حکم دیا گیا ہے؟آپ سے پہلے میں کسی کے لئے نہ کھولوں گا۔ (مسلم شریف کتاب الایمان؛ بَابٌ فِي قَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنَا أَوَّلُ النَّاسِ يَشْفَعُ فِي الْجَنَّةِ وَأَنَا أَكْثَرُ الْأَنْبِيَاءِ تَبَعًا»؛جلد١ص١٨٨؛حدیث نمبر٣٩٤)
حضرت ابوہریرہ رضی اللہ عنہ سے مروی ہے رسول اکرم صلی اللہ علیہ وسلم نے فرمایا ہر نبی کے لئے(مخصوص)دعا ہے تو میں اپنی اس دعا کو قیامت کے دن اپنی امت کی شفاعت کیلئے محفوظ رکھنا چاہتا ہوں ۔(مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛؛جلد١ص١٨٨؛حدیث نمبر٣٩٥)
حضرت ابوہریرہ رضی اللہ عنہ سے ہی مروی ہے کہ رسول اللہ صلی اللہ علیہ وسلم نے فرمایا ہر نبی کے لئے ایک(مقبول)دعا ہے تو میں نے ارادہ کیا کہ اگر اللہ تعالیٰ چاہے تو میں اپنی اس دعا کو قیامت کے دن اپنی امت کی شفاعت کیلئے محفوظ رکھوں۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٨٩؛حدیث نمبر٣٩٦)
ایک اور سند کے ساتھ بھی بواسطہ حضرت ابوہریرہ رضی اللہ عنہ کے نبی اکرم صلی اللہ علیہ وسلم سے حدیث نمبر ٣٩٦کی مثل مروی ہے ۔(مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٨٩؛حدیث نمبر٣٩٧)
ایک اور سند کے ساتھ حضرت ابوہریرہ رضی اللہ عنہ سے مروی ہے۔انہوں نے حضرت کعب احبار رضی اللہ عنہ سے فرمایا ہر نبی کے لئے ایک مقبول دعا ہے جسکے ساتھ وہ(بارگاہِ خدا وندی میں)دعا کرتا ہے۔میں چاہتا ہوں کہ اپنی دعا کو قیامت کے دن اپنی امت کی شفاعت کیلئے محفوظ رکھوں۔حضرت کعب رضی اللہ عنہ نے حضرت ابوہریرہ رضی اللہ عنہ سے پوچھا کیا آپ نے یہ بات نبی اکرم صلی اللہ علیہ وسلم سے سنی ہے۔حضرت ابوہریرہ رضی اللہ عنہ نے فرمایا جی ہاں(سنی ہے) (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٨٩؛حدیث نمبر٣٩٨)
ایک اور سند کے ساتھ حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا ہر نبی کے لئے ایک مقبول دعا ہے تو ہر نبی نے اپنی دعا میں جلدی کی لیکن میں نے اپنی دعا کو قیامت کے دن اپنی امت کی شفاعت کیلئے محفوظ رکھا ہے انشاءاللہ!یہ دعا میری امت کے ہر اس شخص کو پہنچے گی جو اللہ تعالیٰ کے ساتھ کسی کوشریک نہ ٹھہراۓ ۔(مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٨٩؛حدیث نمبر٣٩٩)
حضرت ابوہریرہ رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے فرمایا ہر نبی کے لئے ایک مستجاب دعا ہے وہ انکے لئے قبول ہوگی اور میں نے اپنی دعا قیامت کے دن اپنی امت کی شفاعت کیلئے محفوظ رکھی ہے۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٨٩؛حدیث نمبر٤٠٠)
ایک اور سند کے ساتھ حضرت ابوہریرہ رضی اللہ عنہ سے مروی ہے۔فرماتے ہیں میں نے نبی اکرم صلی اللہ علیہ وسلم سے سنا آپ نے فرمایا ہر نبی کے لئے ایک دعا ہے جو دعا انہوں نے اپنی امت کے لئے مانگی اور وہ انکے لئے قبول ہوئی اور میں چاہتا ہوں کہ اللہ تعالیٰ چاہے تو میں اپنی دعا کو قیامت کے دن اپنی امت کی شفاعت کیلئے مؤخر کردوں۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر ٤٠١)
حضرت انس بن مالک رضی اللہ عنہ سے مروی ہے نبی اکرم صلی اللہ علیہ وسلم نے فرمایا ہر نبی کے لئے ایک(مخصوص)دعا ہے جو اس نبی نے اپنی امت کے لئے مانگی ہے اور میں نے اپنی دعا قیامت کے دن اپنی امت کی شفاعت کیلئے محفوظ رکھی ہے۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر٤٠٢)
ایک اور سند کے ساتھ بھی حدیث نمبر ٤٠٢کی مثل مروی ہے۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر ٤٠٣)
ایک اور سند کے ساتھ بھی حدیث نمبر ٤٠٢کی مثل مروی ہے اور اس میں(دعا کے مطابق)عطا کیا گیا کے الفاظ ہیں۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر٤٠٤)
ایک اور سند کے ساتھ بھی حضرت انس رضی اللہ عنہ سے حدیث نمبر ٤٠٢کی مثل مروی ہے۔ (مسلم شریف کتاب الایمان بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر ٤٠٥)
حضرت جابر بن عبداللہ رضی اللہ عنہ سے مروی ہے۔وہ نبی اکرم صلی اللہ علیہ وسلم سے روایت کرتے ہیں کہ ہر نبی کے لئے ایک دعا جو اس نبی نے اپنی امت کے لئے مانگی ہے اور میں نے اپنی دعا کو قیامت کے دن اپنی امت کی شفاعت کیلئے محفوظ رکھا۔ (مسلم شریف کتاب الایمان؛بَابُ اخْتِبَاءِ النَّبِيِّ صَلَّى اللهُ عَلَيْهِ وَسَلَّمَ دَعْوَةَ الشَّفَاعَةِ لِأُمَّتِهِ؛جلد١ص١٩٠؛حدیث نمبر؛٤٠٦)
حضرت عبد اللہ بن عمرو بن عاص رضی اللہ عنہ سے مروی ہے نبی اکرم صلی اللہ علیہ وسلم نے حضرت ابراهيم علیہ السلام کے بارے میں قرآن مجید کی یہ آیت تلاوت فرمائی(کہ انہوں نے بارگاہ خداوندی میں عرض کیا) {رَبِّ إِنَّهُنَّ أَضْلَلْنَ كَثِيرًا مِنَ النَّاسِ فَمَنْ تَبِعَنِي فَإِنَّهُ مِنِّي} [إبراهيم: ٣٦]"اے میرے رب انہوں نے(بتوں نے)بہت سے لوگوں کو گمراہ کیا پس جس نے میری اتباع کی تو اس کا مجھ سے تعلق ہے"۔اور حضرت عیسٰی علیہ السلام نے فرمایا(قرآن نے یوں نقل کیا):{إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ} [المائدة: ١١٨]"(یااللہ)اگر تو انکو عذاب دے تو بلاشبہ یہ تیرے بندے ہیں اور اگر تو انکو بخش دے تو توہی غالب حکمت والا ہے"۔پس نبی اکرم صلی اللہ علیہ وسلم نے اپنادست مبارک بلند کیےاور دعا مانگی۔یااللہ!میری امت، میری امت(کو بخش دے)اور آپ رو پڑے،اللہ تعالیٰ نے فرمایا اے جبریل حضرت محمد صلی اللہ علیہ وسلم کے پاس جاکر پوچھیں کہ وہ کیوں رو رہے ہیں۔حالانکہ تمہارا رب خوب جانتا ہے۔حضرت جبریل علیہ السلام آپکی خدمت میں حاضر ہوئےاور(رونے کا سبب پوچھا)تو رسول اکرم صلی اللہ علیہ وسلم نے انکو خبر دی۔جو کچھ آپ نے فرمایا تھا حالانکہ اللہ تعالیٰ خوب جانتا ہے۔اللہ تعالی نے فرمایا اے جبریل حضرت محمد صلی اللہ علیہ وسلم کے پاس جاکر کہو ہم آپکو آپکی امت کے بارے میں راضی کریں گے اور پریشان نہیں کریں گے۔(امام نووی فرماتے ہیں اس حدیث میں کئی فوائد ہیں۔نبی اکرم صلی اللہ علیہ وسلم کی امت پر کمال شفقت اور انکے معاملات کا اہتمام۔دعا کے وقت ہاتھ اٹھانا مستحب ہے۔امت کے لیے بہت بڑی خوشخبری اور یہ حدیث بہت زیادہ امید دلاتی ہے۔اللہ تعالیٰ کے یہاں نبی اکرم صلی اللہ علیہ وسلم کی قدرومنزلت بہت زیادہ ہیں اور اسکا آپ پر بڑا لطف وکرم ہےاور حضرت جبریل علیہ السلام کو بھیجنے میں حکمت یہ تھی کہ رسول اللہ صلی اللہ علیہ وسلم کے شرف کو ظاہر کیا جاۓ ۔(مسلم شریف کتاب الایمان؛بَابُ دُعَاءِ النَّبِيِّ صَلَّى اللهُ عَلَيْهِ وَسَلَّمَ لِأُمَّتِهِ، وَبُكَائِهِ شَفَقَةً عَلَيْهِمْ؛ ترجمہ؛نبی اکرم صلی اللہ علیہ وسلم کی امت کےلیے دعا اور شفقت؛جلد١ص١٩١؛حدیث نمبر ٤٠٧)
حضرت انس رضی اللہ عنہ سے مروی ہے کہ ایک شخص نے عرض کیا یا رسول اللہ!میرے باپ کہاں ہیں؟فرمایا جہنم میں۔جب اس نے پیٹھ پھیری تو اسکو بلایا اور فرمایا میرا باپ(یعنی میرا چچا)اور تیرا باپ دونوں جہنم میں ہیں۔(اس سے ابو لہب مراد ہے اور عرب میں چچا کو باپ کہا جاتا ہے حضور کےوالدین طیبین جنتی ہیں اس لئے ان لوگوں کی بات نہ سنی جائے جو آپکے والدین کے بارے میں اس قسم کی بیہودہ بات کرتے ہیں کہ معاذ اللہ وہ مشرک تھے(ماخوز شرح مسلم از علامہ صدیق ہزاروی)۔ (مسلم شریف کتاب الایمان؛ بَابُ بَيَانِ أَنَّ مِنْ مَاتَ عَلَى الْكُفْرِ فَهُوَ فِي النَّارِ، وَلَا تَنَالُهُ شَفَاعَةٌ، وَلَا تَنْفَعُهُ قَرَابَةُ الْمُقَرَّبِينَ؛ترجم کافر کی شفاعت نہیں ہوگی؛جلد١ص١٩١؛حدیث نمبر٤٠٨)
حضرت ابوہریرہ رضی اللہ عنہ سے مروی ہے۔جب یہ آیت کریمہ نازل ہوئی۔{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]،"آپ اپنے قریبی رشتہ داروں کو ڈرائیں"توحضور صلی اللہ علیہ وسلم نے قریش کو بلایا تو وہ سب عام وخاص جمع ہوئے۔آپ نے فرمایا اے بنو کعب بن لوی اپنے آپ کو جہنم سے بچاؤ،اے بنو مرہ بن کعب!اپنے آپ کوآگ سے بچاؤ،اے بنو عبد شمس!اپنے آپ کو جہنم سے بچاؤ،اے بنو عبد مناف!اپنے آپ کو جہنم سے بچاؤ اے بنو ہاشم!اپنے آپ کو جہنم سے بچاؤ،اے بنو عبدالمطلب!اپنے آپ کو جہنم سے بچاؤ۔اے فاطمہ!(رضی اللہ عنہا)اپنے آپ کو جہنم سے بچاؤ۔بے شک میں تمہارے لئے کسی چیز کا مالک نہیں البتہ تمہارے ساتھ رشتہ داری ہےجسے تر رکھوں گا۔(بعض لوگ کم علمی کے سبب یہ خیال کیا کہ اس حدیث میں حضور صلی اللہ علیہ وسلم نے اختیار کی نفی کی ہے حالانکہ آپ نے انکو بتایا کہ عمل کرو اور چونکہ رسول اللہ صلی اللہ علیہ وسلم یہ اس وقت فرمایا تھا جب کے ایمان کی دعوت دے رہے تھے کیونکہ جب ایمان اور عمل ہی نہیں ہوگا تو رسول اللہ صلی اللہ علیہ وسلم سے قربت کوئی فائدہ نہ دیگی اسی سبب رسول اللہ صلی اللہ علیہ وسلم فرمایا کہ میرے بھروسے پر نہ رہنا کہ ہم ایمان لائیں یا نہ لائیں عمل کریں یا نہ کریں رسول اللہ صلی اللہ علیہ وسلم بچا لیں گے اگر تمہارا سوچنا ہے تو غلط ہے اور اس کے ذریعے سے رسول اللہ صلی اللہ علیہ وسلم آنے والوں کو بھی سبق دیا کہ ہر شخص ایمان اور عمل کی ضرورت ہے کسی معزز شخصیت کی اولاد ہونا کافی نہیں ورنہ جب حضور صلی اللہ علیہ وسلم دوسروں کو بخشوا سکتے ہیں تو اپنوں کو کیوں نہیں اور رسول اللہ صلی اللہ علیہ وسلم نے ارشاد فرمایا ہیکہ كُلُّ سَبَبٍ وَنَسَبٍ يَوْمَ الْقِيَامَةِ يَنْقَطِعُ , إلَّا سَبَبِي وَنَسَبِي )۔ (مسلم شریف کتاب الایمان؛ بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]ترجمہ؛ اللہ تعالیٰ کا قول"اے محبوب صلی اللہ علیہ وسلم آپ اپنے قریبی رشتہ داروں کو ڈرائیں"؛ جلد١ص١٩٢؛حدیث نمبر٤٠٩)
ایک اور سند کے ساتھ بھی حدیث نمبر ٤٠٩کی مثل مروی ہےاور پہلی حدیث زیادہ مکمل ہے۔ (مسلم شریف کتاب الایمان؛ بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٢؛حدیث نمبر٤١٠)
حضرت عائشہ صدیقہ رضی اللہ عنہا سے مروی ہے۔فرماتی ہیں جب آیت کریمہ:{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]نازل ہوئی تو نبی اکرم صلی اللہ علیہ وسلم کوہ صفاپر کھڑے ہوئے اور فرمایا اے فاطمہ بنت محمد!اے صفیہ بنت عبدالمطلب!اے بنو عبدالمطلب!میں تمہارے لئے کسی چیز کا مالک نہیں ہوں(البتہ)میرے مال سے جو چاہو سوال کرو ۔(مسلم شریف کتاب الایمان؛ بَابٌ فِي قَوْلِهِ تَعَالَى:{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٢؛حدیث نمبر٤١١)
حضرت ابوہریرہ رضی اللہ عنہ سے مروی ہے جب آیت:{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]نازل ہوئی تو رسول اکرم صلی اللہ علیہ وسلم نے فرمایا اے قریش کے گروہ اپنے نفسوں کو اللہ پر بیچ ڈالو۔میں(اپنے آپ)اللہ تعالیٰ سے تمہیں بچا نہیں سکتا۔اے بنو عبدالمطلب!میں تم پر اللہ تعالیٰ کی طرف سے آۓ ہوئے عذاب کو ٹال نہیں سکتا۔اے رسول اللہ صلی اللہ علیہ وسلم کی پھوپھی حضرت صفیہ!میں اللہ تعالیٰ کی طرف سے آئی ہوئی کسی بات کو تم سے دور نہیں کرسکتا۔اے فاطمہ بنت محمد!مجھ سے جو چاہو مانگو(لیکن)میں اللہ تعالیٰ کی طرف سے آئی بات کو تم سے دور نہیں کرسکتا۔(مطلب یہ ہے کہ اللہ تعالیٰ کی اجازت کے بغیر تم سے کچھ دور نہیں کرسکتا نیز عمل کی ترغیب ہے) ۔(مسلم شریف کتاب الایمان؛بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٢؛حدیث نمبر٤١٢)
ایک اور سند کے ساتھ بھی بواسطہ حضرت ابوہریرہ رضی اللہ عنہ،نبی اکرم صلی اللہ علیہ وسلم سے حدیث نمبر ٤١٢کی مثل مروی ہے۔ (مسلم شریف کتاب الایمان؛بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٣؛حدیث نمبر ٤١٣)
حضرت قبیصہ مخارق اور حضرت زہیر بن عمرو رضی اللہ عنہ سے مروی ہے کہ جب آیت کریمہ{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]،نازل ہوئی تو نبی اکرم صلی اللہ علیہ وسلم پہاڑ کی چٹانوں پر تشریف لے گئے اور ان میں سے سب سے بلند(چٹان)پر تشریف لے جا کر آواز دی۔اے بنو عبد مناف!میں ڈر سنانے والا ہوں۔بیشک میری مثال اس شخص کی طرح ہے جس نے دشمن کو دیکھا تو وہ اپنے گھر والوں کی طرف متوجہ ہوا اور اسے ڈر ہوا کہ دشمن اس سے پہلے نہ پہنچ جائے تو وہ زور زور سے پکارنے لگا اے لوگو بچو! (مسلم شریف کتاب الایمان؛ باب فی قولہ تعالیٰ{وَأَنْذِرْ عَشِيرَتَكَ الْأَقْرَبِينَ}[الشعراء: ٢١٤]،جلد١ص١٩٣؛حدیث نمبر٤١٤)
ایک اور سند کے ساتھ بھی حدیث نمبر ٤١٤کی مثل مروی ہے۔ (مسلم شریف کتاب الایمان؛- بَابٌ فِي قَوْلِهِ تَعَالَى:{وَأَنْذِرْ عَشِيرَتَكَ الْأَقْرَبِينَ}[الشعراء:٢١٤]جلد١ص١٩٣؛حدیث نمبر٤١٥)
حضرت ابن عباس رضی اللہ عنہ سے مروی ہے۔فرماتے ہیں جب آیت کریمہ: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤] نازل ہوئی اور حکم ہوا کہ اپنے مخلص لوگوں کو ڈرائیں تو نبی اکرم صلی اللہ علیہ وسلم باہر تشریف لائے حتیٰ کہ صفا(پہاڑی)پر تشریف لے گئے اور آواز دی سنو!ہوشیار ہوجاوتو انہوں نے کہا یہ کون آواز دے رہا ہے تو دوسرے حضرات نے جواب دیا۔حضرت محمد صلی اللہ علیہ وسلم ہیں۔چنانچہ وہ سب آپکے پاس جمع ہوئے تو آپ نے فرمایا اے بنو فلاں!اے بنو فلاں!اے بنو فلاں!اے بنو عبد مناف!اے عبدالمطلب!پھر وہ سب لوگ آپکے قریب ہوۓتو آپ نے فرمایا مجھے بتاؤ۔اگر میں تمہیں بتاؤں کہ اس پہاڑ کے دامن سے ایک لشکر آرہا ہے تو کیا تم میری تصدیق کروگے؟انہوں نے کہا ہمیں آپ سے جھوٹ کا تجربہ نہیں(آپ سے کبھی جھوٹ نہیں سنا)رسول اکرم صلی اللہ علیہ وسلم نے فرمایا تو میں سخت عذاب سے ڈراتا ہوں۔راوی فرماتے ہیں ابولہب نے کہا!(معاذاللہ)تمہارے لئے ہلاکت ہو ہمیں اس کام کے لئے بلایا تھا۔پھر وہ کھڑا ہوا تو یہ سورت نازل ہوئی۔"تَبَّتْ يَدَا أَبِي لَهَبٍ وقد تَبَّ"(ابو لهب کے ہاتھ ہلاک ہوۓاور وہ خود ہلاک ہوگیا) اعمش کی قرأت میں اسی طرح(لفظ"وقدتب" کے ساتھ) ہے۔(مسلم شریف کتاب الایمان؛بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٣؛حدیث نمبر٤١٦)
ایک اور سند کے ساتھ بھی حدیث نمبر ٤١٦کی مثل مروی ہے کہ نبی اکرم صلی اللہ علیہ وسلم ایک دن صفا پر تشریف لے گئے اور فرمایا لوگوں!ہوشیار ہوجاؤ اس کے بعد حدیث نمبر ٤١٦کی طرح ذکر کیا اور آیت{وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤] کے نزول کا ذکر نہیں کیا ۔(مسلم شریف کتاب الایمان؛بَابٌ فِي قَوْلِهِ تَعَالَى: {وَأَنْذِرْ عَشِيرَتَكَ الْأَقْرَبِينَ} [الشعراء: ٢١٤]؛جلد١ص١٩٤؛حدیث نمبر ٤١٧)
حضرت عباس بن عبد المطلب رضی اللہ عنہ سے مروی ہے۔انہوں نے عرض کیا یا رسول اللہ!کیا آپ نے ابوطالب کو کوئی نفع دیا وہ آپکی حفاظت کرتے اور آپکے لئے(مخالفین پر)غضب ناک ہوتے تھے۔نبی اکرم صلی اللہ علیہ وسلم نے فرمایا۔ہاں جہنم کی آگ انکے ٹخنوں تک ہے اور اگر میں نہ ہوتا تو وہ جہنم کے سب سے نچلے گڑھے میں ہوتے۔(جب حضور اکرم صلی اللہ علیہ وسلم اللہ تعالیٰ کی اجازت سے ابو طالب کو فائدہ پہونچا سکتے ہیں تو مسلمانوں کو فائدہ کیسے نہیں پہنچا سکتے) (مسلم شریف کتاب الایمان؛- بَابُ شَفَاعَةِ النَّبِيِّ صَلَّى اللهُ عَلَيْهِ وَسَلَّمَ لِأَبِي طَالِبٍ وَالتَّخْفِيفِ عَنْهُ بِسَبَبِهِ؛ترجمہ؛ابوطالب کے لیے تخفیف عذاب کی شفاعت؛جلد١ص١٩٤؛ حدیث نمبر٤١٨)
ایک دوسری سند کے ساتھ بھی حضرت عباس رضی اللہ عنہ سے مروی ہے۔فرماتے ہیں میں نے عرض کیا یا رسول!ابوطالب آپکی حفاظت اور مدد کرتے تھے۔نیز آپکے لئے غضبناک ہوتے تھے تو کیا انکے اس عمل نے انکو نفع دیا؟فرمایا ہاں میں نے انکو جہنم کی گہرائی میں پایا تو انکو اوپر لے آیا کہ آگ ٹخنوں تک ہے۔ (مسلم شریف کتاب الایمان؛بَابُ شَفَاعَةِ النَّبِيِّ صَلَّى اللهُ عَلَيْهِ وَسَلَّمَ لِأَبِي طَالِبٍ وَالتَّخْفِيفِ عَنْهُ بِسَبَبِهِ؛جلد١ص١٩٥؛حدیث نمبر٤١٩)
ایک اور سند کے ساتھ بھی حدیث نمبر٤١٩کی مثل مروی ہے۔ (مسلم شریف کتاب الایمان؛بَابُ شَفَاعَةِ النَّبِيِّ صَلَّى اللهُ عَلَيْهِ وَسَلَّمَ لِأَبِي طَالِبٍ وَالتَّخْفِيفِ عَنْهُ بِسَبَبِهِ؛جلد١ص١٩٥؛حدیث نمبر ٤٢٠)
حضرت ابوسعید خدری رضی اللہ عنہ سے مروی ہے کہ رسول اکرم صلی اللہ علیہ وسلم کے پاس آپکے چچا ابوطالب کا ذکر کیا گیا تو آپ نے فرمایا قیامت کے دن انکو میری شفاعت فائدہ دےگی تو انکو آگ کے اوپر رکھا جائے گا کہ وہ انکے ٹخنوں تک پہنچے گی جس سے انکا دماغ کھولے گا۔(مسلم شریف کتاب الایمان؛بَابُ شَفَاعَةِ النَّبِيِّ صَلَّى اللهُ عَلَيْهِ وَسَلَّمَ لِأَبِي طَالِبٍ وَالتَّخْفِيفِ عَنْهُ بِسَبَبِهِ؛جلد١ص١٩٥؛حدیث نمبر٤٢١)
حضرت ابو سعید خدری رضی اللہ عنہ سے ہی مروی ہے کہ رسول اکرم صلی اللہ علیہ وسلم نے فرمایا کہ جہنمیوں کا کم ازکم عذاب یہ ہوگا کہ انکو آگ کے جوتے پہناۓجائیں گے اور ان جوتوں کی حرارت سے انکا دماغ کھولے گا۔(مسلم شریف کتاب الایمان؛بَابُ أَهْوَنِ أَهْلِ النَّارِ عَذَابًا؛ترجمہ؛جہنمیوں کا سب سے کم عذاب؛جلد١ص١٩٥؛حدیث نمبر٤٢٢)
حضرت ابن عباس رضی اللہ عنہ سے مروی ہے۔رسول اکرم صلی اللہ علیہ وسلم نے فرمایا اہل جہنم میں سب سے کم عذاب ابو طالب کو ہوگا۔انکو(آگ کے)دو جوتے پہناۓجائیں گے جس سے انکا دماغ کھولے گا۔(مسلم شریف کتاب الایمان؛ بَابُ أَهْوَنِ أَهْلِ النَّارِ عَذَابًا؛جلد١ص١٩٦؛حدیث نمبر٤٢٣)
حضرت نعمان بن بشیر رضی اللہ عنہ نے خطبہ دیتے ہوۓ کہا کہ میں نے رسول اکرم صلی اللہ علیہ وسلم سے سنا_آپ نے فرمایا_قیامت کے دن سب سے ہلکے عذاب والا وہ شخص ہوگا جسکے پاؤں کے تلوؤں میں دو انگارے رکھے جائیں گے جن سے اسکا دماغ کھولے گا_(مسلم شریف کتاب الایمان؛بَابُ أَهْوَنِ أَهْلِ النَّارِ عَذَابًا؛جلد١ص١٩٦؛حدیث نمبر٤٢٤)
حضرت نعمان بن بشیر رضی اللہ عنہ سے مروی ہے کہ سب سے کم عذاب والا جہنمی وہ شخص ہوگا جسکے جوتے اور تسمےآگ کے ہوں گے اور ان سے اسکا دماغ کھولتا ہوگا جس طرح ہنڈیا کھولتی ہے ان سے سخت عذاب والا کوئی نہیں دیکھا جاۓگا اور یہ سب سے ہلکا عذاب ہوگا۔(مسلم شریف کتاب الایمان؛ بَابُ أَهْوَنِ أَهْلِ النَّارِ عَذَابًا؛جلد١ص١٩٦؛حدیث نمبر٤٢٥)
حضرت عائشہ صدیقہ رضی اللہ عنہا سے مروی ہے۔فرماتی ہیں میں نے عرض کیا یا رسول اللہ دور جاہلیت میں ابن جدعان صلہ رحمی کرتا اور مسکین کو کھانا کھلاتاتھا تو کیا یہ بات اسے نفع دے گی۔رسول اللہ صلی اللہ علیہ وسلم نے فرمایا اسے یہ عمل نفع نہیں دےگا کیوں کہ اس نے ایک دن بھی یہ بات نہیں کہی۔کہ اے میرے رب!قیامت کے دن میری خطائیں معاف کردینا۔(مطلب یہ ہے کہ اگر وہ اپنے کفر سے توبہ کرلیتاتو اسکے اعمال صالحہ نفع دیتے لیکن کفر سے توبہ نہ ہو تو تمام نیک اعمال بیکار ہو جاتے ہیں۔)(مسلم شریف کتاب الایمان؛بَابُ الدَّلِيلِ عَلَى أَنَّ مِنْ مَاتَ عَلَى الْكُفْرِ لَا يَنْفَعُهُ عَمَلٌ؛ترجمہ؛کفر پر مرنے والوں کا کوئی عمل نفع بخش نہیں؛جلد١ص١٩٦؛حدیث نمبر٤٢٦)
حضرت عمرو بن عاص رضی اللہ عنہ سے مروی ہے(فرماتے ہیں)میں نے رسول اکرم صلی اللہ علیہ وسلم سے یہ بات کھل کھلا کسی پوشیدگی کے بغیر سنی کہ سنو!بنو فلاں میرے دوست نہیں بےشک میرا دوست اللہ اور نیک مؤمنين ہیں۔(مسلم شریف کتاب الایمان؛ بَابُ مُوَالَاةِ الْمُؤْمِنِينَ وَمُقَاطَعَةِ غَيْرِهِمْ وَالْبَرَاءَةِ مِنْهُمْ؛ترجمہ؛مومنوں سے دوستی اور کفار سے قطع تعلق؛جلد١ص١٩٨؛ حدیث نمبر ٤٢٧)
حضرت ابوہریرہ رضی اللہ عنہ سے مروی ہے۔نبی اکرم صلی اللہ علیہ وسلم نے فرمایا میری امت میں سے ستر ہزار افراد حساب کے بغیر جنت میں جائیں گے۔ایک شخص نے عرض کیا یا رسول اللہ!اللہ سے دعا کریں کہ وہ مجھے بھی ان میں سے کردے۔آپ نے دعا مانگی اے اللہ!اسے ان میں سے کردے پھر ایک دوسرا شخص کھڑا ہوا اور اس نے عرض کیا یا رسول اللہ!۔اللہ تعالی سے دعا کریں کہ مجھے بھی ان لوگوں میں سے کر دے آپ نے فرمایا حضرت عکاشہ رضی اللہ عنہ تجھ سے سبقت کر گئے ہیں۔(حضرت قاضی عیاض علیہ الرحمۃ فرماتے ہیں دوسرا شخص اس مقام کا مستحق نہیں تھا اور یہ بھی کہا گیا ہے کہ وہ منافق تھا تو حضور صلی اللہ علیہ وسلم نے مناسب انداز میں جواب دیا(اور یہی حکمت کا تقاضہ تھا)یہ بھی کہا گیا ہے کہ وحی کے ذریعے حضور صلی اللہ علیہ وسلم کو حضرت عکاشہ کے بارے میں بتایا گیا تھا اور دوسرا شخص حضرت سعد بن عبادہ تھے لہذا منافق والا قول باطل ہے امام نووی نے اس بات کو ترجیح دی۔)(مسلم شریف کتاب الایمان؛بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛ترجمہ؛مسلمانوں کی ایک جماعت کسی حساب کے بغیر جنت میں جائیگی۔جلد١ص١٩٧؛حدیث نمبر٤٢٨)
ایک دوسری سند کے ساتھ بھی حدیث نمبر ۴٢٨کی مثل مروی ہے۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٧؛حدیث نمبر٤٢٩)
حضرت ابوہریرہ رضی اللہ عنہ فرماتے ہیں۔میں نے نبی اکرم صلی اللہ علیہ وسلم سے سنا آپ نے فرمایا میری امت میں سے ایک گروہ جو ستر ہزار افراد پر مشتمل ہوگا جنت میں جائیگا۔ان لوگوں کے چہرے چودھویں رات کے چاند کی طرح چمکتے ہوں گے۔حضرت ابوہریرہ رضی اللہ فرماتے ہیں۔حضرت عکاشہ بن محصن الاسدی رضی اللہ عنہ کھڑے ہوئے اور انہوں نے دھاری دار چادر اٹھا رکھی تھی۔عرض کیا یا رسول اللہ!اللہ تعالیٰ سے دعا کریں کہ وہ مجھے بھی ان لوگوں میں سے کردے۔رسول اکرم صلی اللہ علیہ وسلم نے فرمایا یا اللہ!ان کو ان لوگوں میں کردے پھر ایک انصاری نے کھڑے ہوکر عرض کیا یا رسول اللہ!اللہ تعالیٰ سے دعا کیجئے کہ وہ مجھے بھی ان میں سے کردے۔نبی اکرم صلی اللہ علیہ وسلم نے فرمایا حضرت عکاشہ تم سے سبقت کر گئے ہیں۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٧؛حدیث نمبر٤٣٠)
حضرت ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا میری امت میں سے ستر ہزار لوگوں پر مشتمل ایک گروہ جنت میں داخل ہوگا جو چاندکی صورت میں ہوں گے۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٨؛حدیث نمبر٤٣١)
حضرت عمران سے مروی ہے۔فرماتے ہیں نبی اکرم صلی اللہ علیہ وسلم نے فرمایا۔میری امت میں سے ستر ہزار افراد کسی حساب کے بغیر جنت میں داخل ہوں گے۔صحابہ کرام نے پوچھا یا رسول اللہ!وہ کون لوگ ہیں۔آپ نے فرمایا یہ وہ لوگ ہیں جو(علاج کے لیے بلاضرورت)داغ نہیں لگاتے اور نہ ہی دم کراتے ہیں اور وہ اپنے رب پر توکل کرتے ہیں۔حضرت عکاشہ کھڑے ہوئے اور عرض کیا اللہ تعالیٰ سے دعا کیجئے کہ وہ مجھے بھی ان میں سے کردے آپ نے فرمایا تم ان میں سے ہو۔راوی فرماتے ہیں ایک اور شخص نے کھڑے ہو کر عرض کیا۔اے اللہ کے نبی!اللہ تعالیٰ سے دعا فرمائیں کہ وہ مجھے بھی ان میں سے کردے تو آپ نے فرمایا حضرت عکاشہ تم سے سبقت کر گئے۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٨؛حدیث نمبر٤٣٢)
ایک اور سند کے ساتھ بھی حضرت عمران بن حصین رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا میری امت میں سے ستر ہزار افراد حساب کے بغیر جنت میں داخل ہوں گے۔صحابہ کرام نے پوچھا یا رسول اللہ!وہ کون لوگ ہیں۔آپ نے فرمایا یہ وہ لوگ ہیں جو دم نہیں کرواتے،فال نہیں لیتے اور داغ نہیں لگواتے بلکہ اپنے رب پر توکل کرتے ہیں۔(اس حدیث میں دم کرنے یا داغ وغیرہ کے ذریعے علاج کی ممانعت نہیں بلکہ یہ اس گروہ کا ذکر ہے جو توکل کے اعلٰی درجہ پر فائز ہیں ورنہ متعدد احادیث سے ثابت ہے کہ رسول اللہ صلی اللہ علیہ وسلم نے مختلف بیماریوں کے دم خود سکھائے ہیں نیز اس حدیث کا مطلب یہ ہے کہ وہ دوائی وغیرہ کو سبب مانتے ہیں شفا دینا اللہ تعالیٰ کا کام ہے لہذا اس عقیدے کے ساتھ علاج جائز ہے۔)(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٨؛حدیث نمبر٤٣٣)
حضرت سہل بن سعد سے مروی ہے۔رسول اکرم صلی اللہ علیہ وسلم نے فرمایا میری امت میں سے ستر ہزار افراد یا(فرمایا)سات لاکھ،ابو حازم راوی کو معلوم نہیں کہ ان دونوں میں سے کون سی تعداد بیان فرمائی۔وہ سب ایک دوسرے کا ہاتھ پکڑ کر جنت میں داخل ہوں گے۔ان میں سے پہلا اس وقت تک داخل نہیں ہوگا۔جب تک آخری داخل نہ ہو جائے گا۔وہ چودھویں رات کے چاند کی طرح ہوں گے۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٨؛حدیث نمبر ٤٣٤)
حضرت حصین بن عبد الرحمن فرماتے ہیں کہ میں حضرت سعید بن جبیر رضی اللہ عنہ کے پاس تھا۔آپ نے فرمایا تم سے کس نے وہ ستارہ دیکھا ہے جو گزشتہ رات ٹوٹا ہے(حضرت حصین فرماتے ہیں)میں نے کہا میں نے دیکھا ہے۔پھر میں نے کہا کہ میں نماز میں نہیں تھا لیکن مجھے ڈسا گیا(بچھو نے ڈسا)انہوں نے پوچھا پھر تم نے کیا کیا؟ عرض کیا میں نے دم کروایا فرمایا تم نے ایسا کس بنیاد پر کیا۔عرض کیا ایک حدیث کی بنیاد پر جو حضرت شعبی نے ہم سے بیان کی۔فرمایا حضرت شعبی نے تم سے کیا بیان کیا؟میں نے کہا انہوں نے حضرت بریدہ بن حصیب اسلمی سے روایت کرتے ہوئے ہم سے بیان کیا کہ انہوں نے فرمایا نظر لگنے اور بچھو کے ڈسنے کے علاوہ کسی چیز میں دم(زیادہ)معبد نہیں۔حضرت سعید بن جبیر رضی اللہ عنہ نے فرمایا۔جس نے جو کچھ سن کر اس پر عمل کیا۔اس نے اچھا کیا لیکن ہم سے حضرت ابن عباس رضی اللہ عنہ نے بیان کیا۔انہوں نے نبی اکرم صلی اللہ علیہ وسلم سے روایت کیا۔آپ نے فرمایا مجھ پر امتیں پیش کی گئیں تو میں نے کسی نبی کو یوں دیکھا کہ ان کے ساتھ ایک چھوٹا سا گروہ ہے۔کسی نبی کے ساتھ ایک یا دو مرد ہیں اور کسی نبی کے ساتھ ایک بھی نہیں کہ اچانک میرے لئے ایک جم غفیر ظاہر کیا گیا۔میں نے خیال کیا کہ یہ میری امت ہے تو مجھے بتایا گیا کہ یہ حضرت موسیٰ علیہ السلام اور انکی قوم ہے آپ دوسروں افق کی طرف دیکھیں۔میں نے دیکھا تو بہت بڑا اجتماع تھا۔مجھے پھر کہا گیا کہ افق کی طرف دیکھیں تو میں نے ایک عظیم ہجوم دیکھا۔مجھے کہا گیا کہ یہ آپکی امت ہے اور انکے ساتھ ستر ہزار افراد ہیں جو کسی حساب وعذاب کے بغیر جنت میں جائیں گے۔پھر نبی اکرم صلی اللہ علیہ وسلم اٹھ کر خانہ اقدس میں تشریف لے گئے تو صحابہ کرام نے ان لوگوں کے بارے میں غوروخوض شروع کردیاجو کسی حساب وکتاب کے بغیر جنت میں جائیں گے۔تو ان میں سے بعض نے کہا شاید یہ وہ لوگ ہیں جنہوں نے حضور علیہ السلام کی صحابیت اختیار کی اور بعض نے کہا شاید یہ وہ لوگ ہیں جو اسلام میں پیدا ہوئے اور انہوں نے اللہ تعالیٰ کے ساتھ کسی کو شریک نہیں ٹھہرایا۔صحابہ کرام نے مختلف توجیہات ذکر کیں تو نبی اکرم صلی اللہ علیہ وسلم تشریف لائے۔آپ نے فرمایا تم کس بات میں غور کر رہے تھے؟انہوں نے بتایا تو آپ نے فرمایا یہ وہ لوگ ہیں جو دم نہیں کرواتے اور نہ بدشگونی لیتے ہیں اور یہ اپنے رب پر ہی بھروسہ کرتے ہیں۔حضرت عکاشہ کھڑے ہوئے اور عرض کیا اللہ تعالیٰ سے دعا کریں کہ وہ مجھے بھی ان میں سے کردے۔آپ نے فرمایا تم بھی ان میں سے ہو۔ایک اور شخص نے کھڑے ہوکر عرض کیا کہ آپ دعا فرمائیں۔اللہ تعالی مجھے ان میں سے کردے۔آپ نے فرمایا حضرت عکاشہ تم سے سبقت لے گئے۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص١٩٩؛حدیث نمبر٤٣٥)
ایک اور سند کے ساتھ حدیث نمبر ٤٣٥کی مثل مروی ہے۔حضور صلی اللہ علیہ وسلم نے فرمایا مجھ پر امتیں پیش کی گئیں پھر حدیث نمبر٤٣٥کی مثل ذکر کیا اور حدیث کا پہلا حصہ ذکر نہیں کیا۔(مسلم شریف کتاب الایمان؛ بَابُ الدَّلِيلِ عَلَى دُخُولِ طَوَائِفَ مِنَ الْمُسْلِمِينَ الْجَنَّةَ بِغَيْرِ حِسَابٍ وَلَا عَذَابٍ؛جلد١ص٢٠٠؛حدیث نمبر٤٣٦)
حضرت عبد اللہ بن مسعود رضی اللہ عنہ سے مروی ہے۔فرماتے ہیں رسول اکرم صلی اللہ علیہ وسلم نے ہم سے فرمایا کیا تم اس بات پر راضی نہیں ہو کہ تم تمام جنتیوں کا چوتھا حصہ ہو۔فرماتے ہیں ہم نے نعرہ تکبیر بلند کیا پھر فرمایا کیا تم اس بات کو پسند نہیں کرتے کہ تم اہل جنت کا تہائی حصہ ہو؟فرماتے ہیں میں نے اللہ تعالیٰ کی بڑائی بیان کی۔پھر فرمایا مجھے امید ہے کہ تم تمام اہل جنت کا نصف ہوگےاور میں عنقریب تمہیں اس بارے میں بتاؤں گا۔کفار کے مقابلے میں مسلمان کی تعداد ایسے ہے جیسا سیاہ بیل کی کھال میں سفید بال ہو یا سفید بیل کی کھال میں ایک سیاہ بال ہو۔ (مسلم شریف کتاب الایمان؛ بَابُ كَوْنِ هَذِهِ الْأُمَّةِ نِصْفَ أَهْلِ الْجَنَّةِ؛یہ امت اہل جنت کا نصف ہوگی۔جلد١ص٢٠٠؛حدیث نمبر٤٣٧)
ایک اور سند کے ساتھ حضرت عبداللہ بن مسعود رضی اللہ عنہ سے مروی ہے۔فرماتے ہیں ہم چالیس کے قریب افراد ایک خیمے میں رسول اکرم صلی اللہ علیہ وسلم کے ہمراہ تھے تو آپ نے فرمایا کیا تم چاہتے ہو کہ تم تمام جنتیوں کا چوتھائی حصہ ہو؟ہم نے عرض کیا جی ہاں فرمایا کیا تم چاہتے ہو کہ تمام اہل جنت کا تیسرا حصہ ہو؟ہم نے عرض کیا جی ہاں آپ نے فرمایا اس ذات کی قسم جس کے قبضہ قدرت میں محمد کی جان ہے۔مجھے امید ہے کہ تم تمام اہل جنت کا نصف ہوگے وہ اس طرح کہ جنت میں صرف مسلمان جائیں گے اور مشرکین میں تمہاری تعداد اس قدر ہے جس قدر سیاہ بیل کی جلد میں سفید بال یا(فرمایا راوی کو شک ہے)سرخ بیل کے چمڑے میں سیاہ بال ہوتے ہیں۔(مسلم شریف کتاب الایمان؛ بَابُ كَوْنِ هَذِهِ الْأُمَّةِ نِصْفَ أَهْلِ الْجَنَّةِ؛جلد١ص٢٠٠؛حدیث نمبر٤٣٨)
حضرت عبد اللہ بن مسعود رضی اللہ عنہ فرماتے ہیں۔رسول اکرم صلی اللہ علیہ وسلم نے ہمیں خطبہ دیا تو آپ نے چمڑے سے بنے ہوئے ایک خیمے سے ٹیک لگائی۔پھر فرمایا،سنو!جنت میں صرف مسلمان جائیں گے یااللہ!کیا میں نے(تیرا پیغام)پہنچا دیا یا اللہ تو گواہ رہنا،(پھر فرمایا)کیا تم اس بات کو پسند کرتے ہو کہ تم اہل جنت کا چوتھا حصہ ہو؟میں نے عرض کیا جی ہاں یا رسول اللہ!فرمایا کیا تم پسند کرتے ہو کہ تم تمام اہل جنت کا تیسرا حصہ ہو؟انہوں نے عرض کیا جی ہاں یا رسول اللہ!آپ نے فرمایا مجھے امید ہے کہ تم تمام جنتیوں کا نصف ہوگے تم دوسری امتوں کے مقابلے اس قدر ہو جس قدر سفید بیل کے سیاہ بال یا سیاہ بیل کے سفید بال ہوتے ہیں۔(نبی اکرم صلی اللہ علیہ وسلم نے اپنی امت کو خوشخبری دی اور شروع میں نصف امت کا ذکر اس لئے نہیں فرمایا کہ اس سے صحابہ کرام کو زیادہ خوشی ہوئی کیوں کہ جب نعمت تدریجاعطاہوتو زیادہ مسرت ہوتی ہے۔یہ نبی اکرم صلی اللہ علیہ وسلم کی رحمت وبرکت ہے جس سے امت مسلمہ کو فائدہ حاصل ہورہا ہے اور آپ کے طفیل میں اس امت کی کثرت جنتی قرار پائی)(مسلم شریف کتاب الایمان؛ بَابُ كَوْنِ هَذِهِ الْأُمَّةِ نِصْفَ أَهْلِ الْجَنَّةِ؛جلد١ص٢٠١؛حدیث نمبر٤٣٩)
حضرت ابوسعید رضی اللہ عنہ فرماتے ہیں رسول اکرم صلی اللہ علیہ وسلم نے فرمایا اللہ تعالیٰ فرماۓگا اے آدم علیہ السلام!تو وہ عرض کریں گے میں حاضر ہوں اور تمام بھلائی تیرے قبضۂ قدرت میں ہے۔اللہ تعالی فرمائے گاجہنمیوں کی جماعت کو نکالو آپ پوچھیں گے جہنمیوں کی جماعت کتنی ہے؟اللہ تعالیٰ فرماۓگا ہزار میں سے ننانوے افراد،نبی اکرم صلی اللہ علیہ وسلم نے فرمایا یہ وہی وقت ہوگا جب بچے بوڑھے ہوجائیں گےاور حمل والی کا حمل ساقط ہوجائے گا اور تم لوگوں کو نشے کی حالت میں دیکھو گے حالانکہ وہ نشے کی حالت میں نہیں ہوں گے لیکن اللہ تعالیٰ کا عذاب سخت ہے۔یہ بات صحابہ کرام پر دشوار ہوئی تو انہوں نے عرض کیا یا رسول اللہ!پھر ہم میں سے کون جنتی ہے؟نبی اکرم صلی اللہ علیہ وسلم نے فرمایا تمہیں خوشخبری ہو یاجوج ماجوج میں سے ایک ہزار اور تم میں سے ایک شخص ہوگا۔راوی فرماتے ہیں۔پھر نبی اکرم صلی اللہ علیہ وسلم نے فرمایا اس ذات کی قسم جس کے قبضۂ قدرت میں میری جان ہے مجھے امید ہے کہ تم اہل جنت کا چوتھا حصہ ہوگے اس پر ہم نے اللہ تعالیٰ کی حمد اور تکبیر بیان کی۔پھر فرمایا اس ذات کی قسم جس کے قبضۂ قدرت میں میری جان ہے مجھے امید ہے کہ تم اہل جنت کا تہائی حصہ ہوگے تو ہم نے اللہ تعالیٰ کی حمد بیان کی اور تکبیر کہی۔پھر فرمایا اس ذات کی قسم جس کے قبضۂ قدرت میں میری جان ہے۔مجھے امید ہے کہ تم تمام جنتیوں کا نصف ہوگے باقی امتوں میں تمہاری مثال اس طرح ہے جیسے سیاہ بیل کے چمڑے میں سفید بال گدھے کی ٹانگ میں ایک نشان ہو۔(مسلم شریف کتاب الایمان؛بَابُ قَوْلِهِ يَقُولُ اللهُ لِآدَمَ أَخْرِجْ بَعْثَ النَّارِ مِنْ كُلِّ أَلْفٍ تِسْعَمِائَةٍ وَتِسَعَةٍ وَتِسْعِينَ؛جلد١ص٢٠١؛حدیث نمبر٤٤٠)
ایک اور سند کے ساتھ بھی حدیث نمبر ٤٤٠کی مثل مروی ہے البتہ اس میں یہ الفاظ ہیں کہ تم اس دن دوسرے لوگوں کی نسبت اس طرح ہوگے جس طرح سیاہ بیل میں سفید بال یا سفید بیل میں سیاہ بال ہوتے ہیں اس میں گدھے کی ٹانگ میں نشان کا ذکر نہیں ہے۔(مسلم شریف کتاب الایمان؛بَابُ قَوْلِهِ يَقُولُ اللهُ لِآدَمَ أَخْرِجْ بَعْثَ النَّارِ مِنْ كُلِّ أَلْفٍ تِسْعَمِائَةٍ وَتِسَعَةٍ وَتِسْعِينَ؛جلد١ص ٢٠٢؛حدیث نمبر ٤٤١)
Muslim Shareef : Kitabul Iman
|
Muslim Shareef : کتاب الایمان
|
•